കൊച്ചി: സംസ്ഥാനത്ത് സ്വർണ വില സർവകാല റെക്കോഡിൽ. ഗ്രാമിന് 13,500 രൂപയും പവന് 10,8,000 രൂപയുമാണ് പുതിയ വില. തിങ്കളാഴ്ച വൈകുന്നേരം പവന് 10,7,240 രൂപയുണ്ടായിരുന്ന സ്വർണ വിലയിൽ 760 രൂപയുടെ വർധനവാണ് ഉണ്ടായത്.
ഗ്രാമിന് 13,405 ൽ നിന്നാണ് 13,500ലെത്തിയത്. തിങ്കളാഴ്ച രണ്ടുതവണയാണ് സ്വർണ വില മാറിയത്. രാവിലെ പവന് 10,6,840 രൂപയുണ്ടായിരുന്ന സ്വർണ വില 400 രൂപ വർധിച്ച് 10,7,240 ൽ എത്തുകയായിരുന്നു. ചൊവ്വാഴ്ച രാവിലെ 760 രൂപ കൂടി 10,8,000 രൂപയിലുമെത്തി.ഗ്രീൻലാൻഡിന്റെ പേരിൽ യുറോപ്യൻ രാജ്യങ്ങൾക്കുമേൽ അധിക നികുതി ഏർപ്പെടുത്താനുള്ള ഡോണൾഡ് ട്രംപിന്റെ തീരുമാനമാണ് സ്വർണവില വർധിക്കുന്നതിനുളള പ്രധാനകാരണം.&nbsp;

സ്വർണ വില സർവകാല റെക്കോഡിൽ

കണ്ണൂരിൽ ക്ഷേത്രോത്സവത്തിനിടെ ഗണഗീതം പാടിയതിനെ ചൊല്ലി സിപിഎം-ബിജെപി സംഘർഷം. കണ്ണാടിപ്പറമ്പ് ശ്രീമുത്തപ്പൻ ക്ഷേത്രോത്സവത്തിനിടെയാണ് സംഭവം. ഗാനമേളയ്ക്കിടെ സംഘപരിവാർ വേദികളിൽ ആലപിക്കാറുള്ള ഗണഗീതം പാടിയതാണ് തർക്കത്തിന് കാരണമായത്.
പരിപാടിക്കിടെ സദസ്സിൽ നിന്നുള്ള ആവശ്യപ്രകാരം ഗായകസംഘം ഗണഗീതം ആലപിക്കുകയായിരുന്നു. എന്നാൽ, രണ്ട് സിപിഎം പ്രവർത്തകർ സ്റ്റേജിൽ കയറി പാട്ട് തടയുകയും പാടുന്നത് നിർത്തിപ്പിക്കുകയും ചെയ്തു. ക്ഷേത്ര സംഘാടക സമിതിയിൽ ആർഎസ്എസ്, ബിജെപി പ്രവർത്തകർക്ക് മുൻകൈയുള്ളതിനാൽ ഇത് വലിയ പ്രതിഷേധത്തിന് വഴിമാറി. പാട്ട് തടയാൻ ശ്രമിച്ച സിപിഎം പ്രവർത്തകരെ ബിജെപി-ആർഎസ്എസ് പ്രവർത്തകർ മർദ്ദിക്കാൻ ശ്രമിച്ചുവെന്ന് ആരോപണം.സംഭവത്തെ തുടർന്ന് പ്രദേശത്ത് സംഘർഷാവസ്ഥ നിലനിൽക്കുകയാണ്. ഇതിൽ പ്രതിഷേധിച്ച് ഡിവൈഎഫ്‌ഐ ഇന്ന് വൈകിട്ട് പ്രതിഷേധ സംഗമം സംഘടിപ്പിക്കുമെന്ന് അറിയിച്ചിട്ടുണ്ട്. സംഭവത്തിൽ ഇരുവിഭാഗവും പരാതിയുമായി മുന്നോട്ട് പോകാനാണ് തീരുമാനിച്ചിരിക്കുന്നത്.

കണ്ണൂരിൽ ക്ഷേത്രോത്സവത്തിനിടെ ഗണഗീതം പാടി; സിപിഎം പ്രവർത്തകർ തടഞ്ഞു

Kannur

ന്യൂഡൽഹി: ബിജെപിയുടെ പുതിയ ദേശീയ അധ്യക്ഷനായി നിതിൻ നബിൻ ചുമതലയേറ്റു. ജെപി നഡ്ഡയുടെ പിൻഗാമിയായി 45-കാരനായ നിതിൻ നബിൻ 12-ാമത് അധ്യക്ഷനാകുമ്പോൾ സംഘടനാ തലപ്പത്ത് തലമുറമാറ്റം കൂടിയാണ് നടക്കുന്നത്. ബിജെപിയുടെ ഏറ്റവും പ്രായം കുറഞ്ഞ അധ്യക്ഷനായാണ് നബിൻ എത്തുന്നത്.&nbsp;
വർക്കിങ് പ്രസിഡന്റ് സ്ഥാനത്ത് നിന്നാണ് നിതിൻ ദേശീയ അധ്യക്ഷ സ്ഥാനം ഏറ്റെടുക്കുന്നത്. പ്രധാനമന്ത്രി നരേന്ദ്ര മോദിയടക്കമുള്ള ഉന്നത നേതാക്കളുടെ സാന്നിധ്യത്തിലാണ് നിതിൻ ചുമതലയേറ്റത്.

ബിജെപി ദേശീയ അധ്യക്ഷനായി നിതിൻ നബിൻ ചുമതലയേറ്റു

ബംഗളൂരു: ഔദ്യോഗിക ചേംബറിൽ യുവതിയുമായി അശ്ലീല പ്രവൃത്തികൾ നടത്തിയ വീഡിയോ പുറത്തുവന്നതിന് പിന്നാലെ കർണാടക ഡിജിപി (സിവിൽ റെെറ്റ്സ് എൻഫോഴ്‌സ്‌മെന്റ്) കെ രാമചന്ദ്ര റാവുവിനെ സസ്‌പെൻഡ് ചെയ്തു.തിങ്കളാഴ്ചയാണ് യുവതിയുമായുള്ള സ്വകാര്യ ദൃശ്യങ്ങൾ പുറത്തുവന്നത്. പിന്നാലെ ഡിജിപിയുടെ പെരുമാറ്റത്തിൽ വ്യാപക വിമർശനങ്ങൾ ഉയർന്നിരുന്നു. ഇതിന്റെ പശ്ചാത്തലത്തിലാണ് അന്വേഷണവിധേയമായി ഡിജിപിയെ സസ്‌പെൻഡ് ചെയ്തത്.
യൂണിഫോമിലുള്ള ഉദ്യോഗസ്ഥൻ ഓഫീസ് സമയത്ത് ഒരു യുവതിയെ ആലിംഗനം ചെയ്യുന്നതും ചുംബിക്കുന്നതും വീഡിയോയിൽ കാണാം. രഹസ്യമായി ചിത്രീകരിച്ച ദൃശ്യങ്ങളാണ് പുറത്തുവന്നത്. സംഭവത്തിൽ അന്വേഷണം പ്രഖ്യാപിച്ചിരിക്കുകയാണ്. ഒരു സർക്കാർ ഉദ്യോഗസ്ഥന് ചേരാത്ത അശ്ലീലമായ പെരുമാറ്റമാണ് രാമചന്ദ്ര റാവുവിൽ നിന്ന് ഉണ്ടായത്. കൂടാതെ സർക്കാരിന് നാണക്കേട് ഉണ്ടാക്കിയെന്നും സസ്പെൻഷൻ ഉത്തരവിൽ പറയുന്നു.കഴിഞ്ഞദിവസം കന്നഡ ടിവി ചാനലുകളടക്കം ദൃശ്യങ്ങൾ പുറത്തുവിട്ടിരുന്നു.&nbsp;
എട്ടുവർഷം മുൻപ് റാവു ബെളഗാവിയിൽ ജോലി ചെയ്യുമ്പോഴുള്ള ദൃശ്യങ്ങളാണ് പ്രചരിക്കുന്നതെന്ന് സൂചനയുണ്ട്. മൂന്ന് ദൃശ്യങ്ങളാണ് പുറത്തുവന്നത്. രണ്ട് ദൃശ്യങ്ങളിൽ യൂണിഫോമിലാണ് റാവു. എന്നാൽ വീഡിയോ ആർട്ടിഫിഷ്യൽ ഇന്റലിജൻസ് (എഐ)​ ഉപയോഗിച്ച് നിർമ്മിച്ചതാണെന്നാണ് രാമചന്ദ്ര റാവുവിന്റെ വിശദീകരണം.സംഭവത്തിൽ കഴിഞ്ഞ ദിവസം മുഖ്യമന്ത്രി സിദ്ധരാമയ്യ വിശദീകരണം തേടിയിരുന്നു.കഴിഞ്ഞവർഷം സ്വർണക്കടത്ത് കേസിൽ അറസ്റ്റിലായ യുവ കന്നഡ നടി റന്യ റാവുവിന്റെ പിതാവാണ് രാമചന്ദ്ര റാവു.

ഔദ്യോഗിക ചേംബറിൽ യുവതിയുമായി അശ്ലീല പ്രവൃത്തി; കർണാടക ഡിജിപിക്ക് സസ്‌പെൻഷൻ

National

പത്തനംതിട്ട: ശബരിമല സ്വർണക്കൊള്ളയിൽ മുൻ ദേവസ്വം ബോർഡ് പ്രസിഡന്റ് എ പത്മകുമാറിന്റെ വീട്ടിൽ എൻഫോഴ്‌സ്‌മെന്റ് ഡയറക്‌ടറേറ്റ് റെയ്‌ഡ്. ആറന്മുളയിലെ വീട്ടിലാണ് പരിശോധന നടക്കുന്നത്. സ്വർണക്കൊള്ളയിലെ എല്ലാ പ്രതികളുടെയും വീടുകളിലും ഒരേസമയംതന്നെ പരിശോധന നടത്തുകയാണ് ഇഡി. കേരളത്തിലും തമിഴ്‌‌നാട്ടിലും കർണാടകയിലുമായി 21 ഇടങ്ങളിലാണ് പരിശോധന നടക്കുന്നത്.&nbsp;
സ്വർണക്കൊള്ളയിൽ കേസെടുത്തതിനുശേഷമുള്ള ഇഡിയുടെ ആദ്യ നടപടിയാണിത്.ദേവസ്വം ബോർഡ് ആസ്ഥാനം, ബംഗളൂരുവിലെ സ്‌മാർട്ട് ക്രിയേഷൻസ്, സ്വർണവ്യാപാരി ഗോവർദ്ധന്റെ വീട്, പോറ്റിയുടെയും തന്ത്രിയുടെയും വീട്, എൻ വാസുവിന്റെ വീട് എന്നിവിടങ്ങളിലും പരിശോധന നടക്കുന്നുണ്ട്. പ്രതികളുടെ ബാങ്ക് അക്കൗണ്ട് വിവരങ്ങളടക്കം പരിശോധിക്കും. പ്രതികളുടെ സ്വത്ത് മരവിപ്പിക്കാനുള്ള നീക്കമുള്ളതായും വിവരമുണ്ട്. ഇന്നലെ രാത്രിതന്നെ ഉദ്യോഗസ്ഥർ ഓരോ ജില്ലകളിലും എത്തിയിരുന്നതായാണ് റിപ്പോർട്ട്.

ശബരിമല സ്വർണക്കൊള്ള;  പ്രതികളുടെ വസതികളിലടക്കം 21 ഇടങ്ങളിൽ ഇ‌ഡി റെയ്‌ഡ്

Kerala

കോഴിക്കോട്: ബസിൽ ലൈംഗികാതിക്രമം നടത്തിയെന്ന് സമൂഹമാധ്യമങ്ങളിലൂടെ പ്രചരിപ്പിച്ചതിന് പിന്നാലെ യുവാവ് ജീവനൊടുക്കിയ കേസിൽ പ്രതിയായ യുവതി ഒളിവിലെന്ന് സൂചന. പ്രതിയായ വടകര സ്വദേശിനി ഷിംജിത മുസ്‌തഫയ്ക്കായി കോഴിക്കോട് മെഡിക്കൽ കോളേജ് പൊലീസ് തെരച്ചിൽ ഊർജിതമാക്കി. മരിച്ച ഗോ​വി​ന്ദ​പു​രം,​ കൊ​ള​ങ്ങ​ര​ക​ണ്ടി,​ ​ഉള്ളാ​ട്ട്തൊ​ടി​ ​ ദീ​പ​ക്കിന്റെ അമ്മയുടെ പരാതിയിൽ ആത്മഹത്യാപ്രേരണ കുറ്റം ചുമത്തി യുവതിക്കെതിരെ പൊലീസ് കേസെടുത്തിട്ടുണ്ട്. ദീപക്കിന്റെ മരണത്തിന് പിന്നാലെ കുടുംബം യുവതിക്കെതിരെ മുഖ്യമന്ത്രിക്കും കോഴിക്കോട് സിറ്റി പൊലീസ് കമ്മിഷണർക്കും പരാതി നൽകിയിരുന്നു.
യുവതി ദൃശ്യങ്ങൾ പകർത്തിയ ഫോൺ കസ്റ്റഡിയിലെടുക്കും. യുവതി സമൂഹമാദ്ധ്യമത്തിൽ പങ്കുവച്ച ദൃശ്യങ്ങൾ പൊലീസ് ശേഖരിച്ചിട്ടുണ്ട്. യുവതിയുടെ ഇൻസ്റ്റഗ്രാം അക്കൗണ്ട് വിവരങ്ങൾ ശേഖരിക്കാൻ സൈബർ പൊലീസിന്റെ സഹായവും തേടിയിട്ടുണ്ട്.

ദീപക്കിന്റെ മരണം; യുവതി ഒളിവിലെന്ന് വിവരം, ഫോൺ കസ്റ്റഡിയിലെടുക്കും

ന്യൂഡൽഹി: ഇന്ത്യൻ ബാഡ്‌മിന്റൺ ഇതിഹാസവും ഒളിമ്പിക്‌സ് മെഡൽ ജേതാവുമായ സൈന നെഹ്‌വാൾ വിരമിച്ചു. കാൽമുട്ടിനേറ്റ പരിക്കും ശാരീരിക ബുദ്ധിമുട്ടുകളുമാണ് വിരമിക്കലിന് കാരണമെന്ന് 35കാരിയായ താരം അറിയിച്ചു. ആരോഗ്യപ്രശ്നങ്ങളെത്തുടർന്ന് കഴിഞ്ഞ രണ്ടുവർഷമായി താരം കളിയിൽ നിന്ന് വിട്ടുനിൽക്കുകയായിരുന്നു.'രണ്ട് വർഷം മുമ്പ് ഞാൻ കളി നിർത്തിയിരുന്നു. എന്റെ സ്വന്തം ഇഷ്ടപ്രകാരമാണ് ഞാൻ കായികരംഗത്ത് എത്തിയതും സ്വന്തം ഇഷ്ടപ്രകാരമാണ് പോകുന്നതും. അതിനാൽതന്നെ മുൻകൂട്ടി പ്രഖ്യാപിക്കേണ്ട ആവശ്യമില്ലായിരുന്നു. ഇനി കളിക്കാൻ കഴിയുന്നില്ലെങ്കിൽ പിന്നെ അത്രയേയുള്ളൂ. തരുണാസ്ഥി പൂർണ്ണമായും നശിച്ചിരിക്കുന്നു, ആർത്രൈറ്റിസ് ഉണ്ട്. എനിക്കിനി കളിക്കാൻ കഴിയില്ല, അത് ബുദ്ധിമുട്ടാണ് എന്ന് മാതാപിതാക്കളെയും പരിശീലകരെയും അറിയിച്ചു. സൈന ഇനി കളിക്കില്ലെന്ന് പതിയെ ആളുകളും തിരിച്ചറിയും. അതിനാൽ ഒരു പ്രഖ്യാപനത്തിന്റെ ആവശ്യമില്ല.

വിരമിക്കൽ പ്രഖ്യാപിക്കുന്നത് അത്ര വലിയ കാര്യമാണെന്ന് ഞാൻ കരുതുന്നില്ല. എന്റെ സമയം കഴിഞ്ഞുവെന്ന് എനിക്ക് തോന്നി, എന്റെ കാൽമുട്ടിന് മുമ്പത്തെപ്പോലെ പ്രകടനം നടത്താൻ കഴിയില്ല. ലോകത്തിലെ ഏറ്റവും മികച്ച താരമാകാൻ എട്ട് മുതൽ ഒമ്പത് മണിക്കൂർ വരെ പരിശീലനം നടത്തണം. ഇപ്പോൾ എന്റെ കാൽമുട്ട് ഒന്നോ രണ്ടോ മണിക്കൂറിനുള്ളിൽ തളരാൻ തുടങ്ങിയിരിക്കുന്നു. അതുകൊണ്ടുതന്നെ മതിയെന്ന് ഞാൻ കരുതി. എനിക്കിനി മുന്നോട്ട് പോകാൻ കഴിയില്ല'-ഒരു പോഡ്‌കാസ്റ്റിൽ സൈന വ്യക്തമാക്കി.ഹരിയാന സ്വദേശിയായ സൈന നെഹ്‌വാൾ 2008ൽ ലോക ജൂനിയർ ചാമ്പ്യൻഷിപ്പ് വിജയിച്ചതോടെയാണ് ലോകശ്രദ്ധ ആകർഷിച്ചത്. അതേവർഷം ഒളിമ്പിക്സിൽ ക്വാർട്ടർ ഫൈനലിലെത്തി. 2009ൽ അർജുന അവാർഡും 2010ൽ രാജീവ് ഗാന്ധി ഖേൽരത്ന അവാർഡും നേടിയ സൈന ബാ‌ഡ്‌മിന്റണിൽ ലോക ഒന്നാം റാങ്ക് നേടിയ ആദ്യ ഇന്ത്യ വനിതാ താരവുമാണ്.2012ൽ ലണ്ടൻ ഒളിമ്പിക്‌‌സിൽ വെങ്കല മെഡൽ സ്വന്തമാക്കി. 2016ലെ റിയോ ഒളിമ്പിക്സിൽ കാൽമുട്ടിന് പരിക്കേറ്റത് സൈനയുടെ കരിയറിനെ സാരമായി ബാധിച്ചിരുന്നു. പിന്നീട് 2017ൽ ലോക ചാമ്പ്യൻഷിപ്പ് വെങ്കലവും 2018ൽ കോമൺ‌വെൽത്ത് ഗെയിംസിൽ സ്വർണ്ണവും നേടി സൈന തിരിച്ചുവരവ് നടത്തിയെങ്കിലും കാൽമുട്ടിലെ പരിക്ക് കൂടുതൽ സങ്കീർണമാവുകയായിരുന്നു.

ബാഡ്‌മിന്റൺ ഇതിഹാസം സൈന നെഹ്‌വാൾ വിരമിച്ചു

കോഴിക്കോട് : ബസിൽ വച്ച് ലൈംഗികാതിക്രമം നടത്തിയെന്ന് ആരോപിച്ചുള്ള വീഡിയോ സോഷ്യൽ മീഡിയയിൽ പ്രചരിച്ചതിന് പിന്നാലെ യുവാവ് ജീവനൊടുക്കിയ സംഭവത്തിൽ യുവതിക്കെതിരെ പൊലീസ് കേസെടുത്തു. ഗോവിന്ദപുരം സ്വദേശി ദീപക് ആത്മഹത്യ ചെയ്ത സംഭവത്തിലാണ് വടകര സ്വദേശി ഷിംജിത മുസ്തഫയ്ക്കെതിരെ മെഡിക്കൽ കോളേജ് പൊലീസ് കേസെടുത്തത്.&nbsp;
ആത്മഹത്യാ പ്രേരണക്കുറ്റം ചുമത്തിയാണ് കേസ്.ദീപക്കിന്റെ മരണത്തിന് പിന്നാലെ കുടുംബം യുവതിക്കെതിരെ മുഖ്യമന്ത്രിക്കും കോഴിക്കോട് സിറ്റി പൊലീസ് കമ്മിഷണർക്കും പരാതി നൽകിയിരുന്നു. യുവതിയുടെ മൊഴി കൂടി രേഖപ്പെടുത്തിയ ശേഷമാണ് പൊലീസ് കേസെടുത്തത്. ഗോവിന്ദപുരം ടി.പി. ഗോപാലൻ റോഡിൽ ഉള്ളാട്ട് ദീപക് ഭവനത്തിൽ യു. ദീപക്കിനെ (42)​ ആണ് ഞായറാഴ്ച തൂങ്ങിമരിച്ച നിലയിൽ കണ്ടെത്തിയത്.&nbsp;

സോഷ്യൽ മീഡിയയിൽ വിമർശനം ശക്തമായതിന് പിന്നാലെ യുവതി ഇൻസ്റ്റഗ്രാം എഫ്.ബി അക്കൗണ്ടുകൾ നീക്കി.യുവതി വിദേശത്തേക്ക് കടന്നതായി സൂചനയുണ്ട്. ദൃശ്യങ്ങൾ പകർത്തിയ ഫോൺ കസ്റ്റഡിയിലെടുക്കും. യുവതി സോഷ്യൽ മീഡിയയിൽ പങ്കുവച്ച ദൃശ്യങ്ങൾ പൊലീസ് ശേഖരിച്ചിട്ടുണ്ട്. ബസിലുണ്ടായിരുന്ന സഹയാത്രികരുടെയും ബസ് ജീവനക്കാരുടെയും മൊഴി രേഖപ്പെടുത്തുമെന്നും പൊലീസ് അറിയിച്ചു.

ദീപക്കിന്റെ മരണം,​ യുവതിക്കെതിരെ ആത്മഹത്യാ പ്രേരണക്കുറ്റം ചുമത്തികേസെടുത്തു

കോഴിക്കോട്: മുക്കത്ത് നാലുവയസ്സുകാരിയെ ലൈംഗികമായി പീഡിപ്പിച്ച 22കാരൻ അറസ്റ്റിലായി. കൂടരഞ്ഞി സ്വദേശി മുഹമ്മദ് മിഥിലാജാണ് അറസ്റ്റിലായത്. മുക്കം പൊലീസ് വയനാട്ടിൽനിന്നാണ് പ്രതിയെ പിടികൂടിയത്.
സുഹൃത്തിന്‍റെ കുഞ്ഞിനെയാണ് മിഥിലാജ് പീഡനത്തിനിരയാക്കിയത്. കുട്ടി അസ്വാഭാവികമായി പെരുമാറുന്നത് കണ്ട് അംഗൻവാടി ടീച്ചർക്ക് സംശ‍യം തോന്നുകയായിരുന്നു. കുട്ടിയോട് വിവരങ്ങൾ ചോദിച്ചറിഞ്ഞപ്പോൾ കാര്യങ്ങൾ വ്യക്തമായി. ശരീരത്തിൽ പലയിടത്തും വേദനയുള്ളതായി കുട്ടി പറഞ്ഞു.
വിവരം അംഗൻവാടി ടീച്ചർ രക്ഷിതാക്കളെ അറിയിച്ചു. മാതാപിതാക്കൾ പൊലീസിൽ പരാതി നൽകി. ഇതോടെ മിഥിലാജ് ഒളിവിൽ പോയി. തുടർന്ന് സൈബർ സെല്ലിന്‍റെ സഹായത്തോടെ നടത്തിയ അന്വേഷണത്തിലാണ് മിഥിലാജിനെ അറസ്റ്റ് ചെയ്തത്.

മുക്കത്ത് നാലുവയസ്സുകാരിയെ ലൈംഗികമായി പീഡിപ്പിച്ച 22കാരൻ അറസ്റ്റിൽ

Kozhikode

തിരുവനന്തപുരം: നെയ്യാറ്റിൻകരയിൽ ഒരു വയസുകാരൻ കുഴഞ്ഞുവീണ് മരിച്ച സംഭവത്തിൽ ദുരൂഹത വർദ്ധിപ്പിച്ച് പോസ്റ്റുമോർട്ടം റിപ്പോർട്ട് പുറത്ത്. കാഞ്ഞിരംകുളം തവ്വാവിള ഷിജിൻ ഭവനിൽ ഷിജിൽ - കൃഷ്ണപ്രിയ ദമ്പതികളുടെ ഏക മകൻ ഇഹാൻ (അപ്പു) ആണ് കഴിഞ്ഞ വെളിയാഴ്ച രാത്രി മരിച്ചത്. കുഞ്ഞിന്റെ വയറ്റിലേറ്റ ക്ഷതവും അതുമൂലമുണ്ടായ ആന്തരിക രക്തസ്രാവവുമാണ് മരണകാരണമെന്നാണ് റിപ്പോർട്ടിലുള്ളത്.
ഇതിന്റെ പശ്ചാത്തലത്തിൽ കുഞ്ഞിന്റെ മാതാപിതാക്കളെ പൊലീസ് വീണ്ടും ചോദ്യം ചെയ്യുകയാണെന്നാണ് വിവരം. അച്ഛൻ വാങ്ങിക്കൊടുത്ത ബിസ്കറ്റ് കഴിച്ച് അരമണിക്കൂർ കഴിഞ്ഞപ്പോഴാണ് കുട്ടി കുഴഞ്ഞുവീണത്. നെയ്യാറ്റിൻകര ജനറൽ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. മരണത്തിൽ ദുരൂഹതയുണ്ടെന്ന് കുഞ്ഞിന്റെ മാതാവിന്റെ വീട്ടുകാർ ആരോപിച്ചിരുന്നു. ഷിജിലും കൃഷ്ണപ്രിയയും തമ്മിൽ പ്രശ്നങ്ങളുണ്ടായിരുന്നെന്നും അടുത്ത കാലത്താണ് ഇവർ വീണ്ടും ഒരുമിച്ച് താമസം തുടങ്ങിയതെന്നും ബന്ധുക്കൾ പറയുന്നു. ചോദ്യം ചെയ്തപ്പോൾ സംശയകരമായ വിവരങ്ങളൊന്നും ലഭിക്കാത്തതിനാലാണ് അവരെ ആദ്യം വിട്ടയച്ചതെന്ന് പൊലീസ് പറഞ്ഞു.

കുഞ്ഞിന്റെ വയറ്റിൽ ക്ഷതവും ആന്തരികരക്തസ്രാവവും ;കുഴഞ്ഞുവീണ് മരിച്ച ഒരു വയസുകാരന്റെ പോസ്റ്റുമോർട്ടം റിപ്പോർട്ട് പുറത്ത്

തിരുവനന്തപുരം: പേട്ടയില്‍ കാറും ബൈക്കും കൂട്ടിയിടിച്ച് ഇരട്ട സഹോദരങ്ങളില്‍ ഒരാള്‍ക്ക് ദാരുണാന്ത്യം. കുന്നുകുഴി ആര്‍.സി ജംഗ്ഷന്‍ ടി.സി 26/1304 തട്ടാരടി വീട്ടില്‍ ടി.എ.രാജന്റെയും എം.ലിന്‍സിയുടെയും മകന്‍ അഖിലാണ് (21) മരിച്ചത്. ചാക്ക ഗവ.ഐ.ടി.ഐയിലെ ഒന്നാം വര്‍ഷ സി.ഒ.പി.എ വിദ്യാര്‍ത്ഥിയാണ്.
ബൈക്കില്‍ ചാക്കയില്‍ നിന്ന് പാറ്റൂര്‍ ഭാഗത്തേക്ക് പോകുന്നതിനിടെ സഹോദരങ്ങള്‍ സഞ്ചരിച്ച ബൈക്ക് പാളയം ഭാഗത്തു നിന്ന് വന്ന മാരുതി സ്വിഫ്റ്റ് കാറുമായി കൂട്ടിയിടിക്കുകയായിരുന്നു. ബൈക്ക് മറ്റൊരു വാഹനത്തെ മറികടക്കാന്‍ ശ്രമിക്കുന്നതിനിടെയാണ് അപകടമുണ്ടായത്. വിമാനത്താവളത്തിലേക്ക് പോയ പേരൂര്‍ക്കട സ്വദേശിയുടെ കാറാണ് അപകടത്തില്‍പ്പെട്ടത്.ഒപ്പമുണ്ടായിരുന്ന സഹോദരന്‍ അലന്‍ ഗുരുതര പരിക്കുകളോടെ സ്വകാര്യ ആശുപത്രി ഐ.സി.യുവിലാണ്. പിതാവ് ടി.എ.രാജന്‍ നിയമസഭയില്‍ ഗാര്‍ഡനിംഗ് ജീവനക്കാരനാണ്. അഖിലിന്റെ ഹൃദവാല്‍വുകള്‍ തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് ദാനം ചെയ്തു.

കാറും ബൈക്കും കൂട്ടിയിടിച്ച് ഇരട്ട സഹോദരങ്ങളില്‍ ഒരാള്‍ക്ക് ദാരുണാന്ത്യം;രണ്ടാമന്‍ ഗുരുതരാവസ്ഥയില്‍

തിരുവനന്തപുരം: വലിയമലയിൽ സ്‌കൂൾ വിദ്യാർഥിനി തീകൊളുത്തി മരിച്ച നിലയിൽ. പെരിന്തൽമണ്ണ സ്വദേശി വിഷ്ണു വർഷ (16) ആണ് മരിച്ചത്. വീടിനകത്ത് കിടപ്പുമുറിയിലാണ് പെൺകുട്ടിയെ മരിച്ച നിലയിൽ കണ്ടെത്തിയത്. ആത്മഹത്യയാണ് എന്നാണ് പോലീസിന്റെ പ്രാഥമിക നിഗമനം. തിങ്കളാഴ്ച വൈകീട്ട് അഞ്ചുമണിയോടെയാണ് സംഭവം.
വിദ്യാർഥിനി ഇന്ന് സ്‌കൂളിൽ പോയിരുന്നില്ല. സംഭവസമയത്ത് വീട്ടിൽ വേറെയാരും ഉണ്ടായിരുന്നില്ല. രണ്ട് വയസായ അനുജനെ വീടിന്റെ ഹാളിൽ ഇരുത്തിയശേഷം പെൺകുട്ടി ബെഡ്‌റൂമിൽ കയറി തീകൊളുത്തുകയായിരുന്നു എന്നാണ് വിവരം. സ്‌കൂൾവിട്ട് അനുജനും അമ്മയും വീട്ടിൽ എത്തുമ്പോഴാണ് പെൺകുട്ടിയെ തീപ്പൊള്ളലേറ്റ് മരിച്ചനിലയിൽ കാണുന്നത്.ആത്മഹത്യചെയ്യാനുള്ള കാരണം വ്യക്തമല്ല. സംഭവത്തിൽ വലിയമല പോലീസ് അന്വേഷണം ആരംഭിച്ചു.തൊളിക്കോട് ഹയർസെക്കൻഡറി സ്‌കൂളിലെ +1 വിദ്യാർഥിനിയാണ് വിഷ്ണു വർഷ. വലിയമല കൊറളിയോടുള്ള വാടകവീട്ടിലാണ് വിഷ്ണു വർഷയും കുടുംബവും താമസിച്ചിരുന്നത്. ഇവർ ഇവിടേക്ക് താമസിക്കാൻ എത്തിയിട്ട് രണ്ട് ആഴ്ച്ചയേ ആയിട്ടുള്ളൂ.അമ്മ ഐഎസ്ആർഒയിലെ ജീവനക്കാരിയാണ്.അച്ഛൻ പെരിന്തൽമണ്ണയിലെ ഒരു സ്‌കൂളിലെ ബസിൽ ഡ്രൈവറാണ്.&nbsp;&nbsp;

സ്‌കൂൾ വിദ്യാർഥിനി വീട്ടിനുള്ളിൽ തീകൊളുത്തി മരിച്ച നിലയിൽ

വടകര: തൊട്ടിൽപാലം റൂട്ടിൽ സർവീസ് നടത്തുന്ന 'ഹരിശ്രീ' ബസ്സിലെ കണ്ടക്ടർ പി.പി.ദിവാകരനെ മാരകമായി ആക്രമിച്ച പ്രതിയെ അടിയന്തിരമായി അറസ്റ്റ് ചെയ്ത് നിയമത്തിന് മുന്നിൽ കൊണ്ടുവരണമെന്ന് ആവശ്യപ്പെട്ട് 22- ന് നടത്തുന്ന പണിമുടക്കുമായി ബന്ധപ്പെട്ട് വടകര ഡി വൈ എസ് പി സനൽകുമാർ വിളിച്ചു ചേർത്ത ചർച്ച പരാജയം. 22 ന് വ്യാഴാഴ്ച വടകര താലൂക്കിൽ സ്വകാര്യ ബസ്സ് തൊഴിലാളികൾ പണിമുടക്ക് നടത്തുന്നതാണെന്ന് സംയുക്ത തൊഴിലാളി യൂനിയൻ യോഗം അറിയിച്ചു. അന്നേ ദിവസം തലശ്ശേരി ഭാഗത്ത് നിന്ന് വരുന്ന ബസ്സുകൾ മാഹി പാലം വരെയും കൊയിലാണ്ടി ഭാഗത്ത് നിന്ന് വരുന്ന ബസ്സുകൾ മൂരാട് പാലം വരെയും സർവ്വീസ് അവസാനിപ്പിച്ച് തിരികെ പോകേണ്ടതാണ്.&nbsp;
എന്നാൽ തലശ്ശേരി - കോഴിക്കോട് റൂട്ടിൽ ലിമിറ്റഡ് സ്റ്റോപ്പ് ബസ്സുകൾക്ക് സർവ്വീസ് നടത്താവുന്നതാണ്. ഇക്കഴിഞ്ഞ 31 ന് രാവിലെയാണ് കണ്ടക്ടർ പി.പി. ദിവാകരൻ പുതിയ സ്റ്റാൻ്റിൽക്രൂരമായി അക്രമിക്കപ്പെട്ടത്. ഗുരുതരമായ പരിക്കുകളോടെ അദ്ദേഹം ചികിത്സയിലാണുള്ളത്. സുരക്ഷിതമായി ജോലി ചെയ്യാനുള്ള സാഹചര്യം ഉറപ്പുവരുത്തണമെന്നും, കണ്ടകർ പി.പി.ദിവാകരനെ അക്രമിച്ച പ്രതിയെ അടിയന്തിരമായി അറസ്റ്റുചെയ്യണമെന്നും ആവശ്യപ്പെട്ടു കൊണ്ടു നടത്തുന്ന പണിമുടക്കുമായി മുഴുവൻ തൊഴിലാളികളും നാട്ടുകാരും സഹകരിക്കണമെന്നും യോഗം അഭ്യർത്ഥിച്ചു. ഡി. വൈ.എസ്.പി സ നൽകുമാറുമായി നടത്തിയ ചർച്ചയിൽ തൊഴിലാളിയൂനിയൻ നേതാക്കളായ എ.സതീശൻ ,എം. ബാലകൃഷ്ണൻ , അഡ്വ : ഇ. നാരായണൻ നായർ ,വിനോദ് ചെറിയത്ത് , ടി. സനീഷ് എന്നിവർ പങ്കെടുത്തു.

ചർച്ച പരാജയം; 22 ന് വടകര താലൂക്കിൽ സ്വകാര്യ ബസ് പണിമുടക്ക്

Vadakara

പേരാമ്പ്ര: ചേനോളി റോഡിൽ പ്രവർത്തിക്കുന്ന മലബാർ ഓയിൽ മില്ലിലുണ്ടായ വൻ തീപിടിത്തത്തിൽ വലിയ നാശനഷ്ടം. മില്ലും സംഭരിച്ചുവെച്ചിരുന്ന ഉൽപന്നങ്ങളും പൂർണമായും കത്തിനശിച്ചു.പേരാമ്പ്ര ടൗണിനോട് ചേർന്ന് കിടക്കുന്ന സ്ഥാപനമായതിനാൽ വലിയ പരിഭ്രാന്തിയാണ് പ്രദേശത്ത് ഉണ്ടായത്.
തിങ്കളാഴ്ച വൈകീട്ട് മൂന്ന് മണിക്ക് ഉണ്ടായ അഗ്നിബാധയിൽ മില്ലിലുണ്ടായിരുന്ന കൊപ്രയും വെളിച്ചെണ്ണയും കത്തിനശിച്ചു. മില്ലിനകത്തുനിന്ന് പുക ഉയരുന്നത് കണ്ട നാട്ടുകാരാണ് വിവരം അഗ്നിരക്ഷാ സേനയെ അറിയിച്ചത്.പേരാമ്പ്രയിൽനിന്നും എത്തിയ അഗ്നിരക്ഷാ യൂനിറ്റുകൾ ഏറെ നേരത്തെ പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്.വെളിച്ചെണ്ണയും കൊപ്രയും ആയതിനാൽ തീ അതിവേഗം പടരുകയായിരുന്നു. തീപിടിത്തത്തിന്റെ കാരണം വ്യക്തമല്ല.&nbsp;

പേരാമ്പ്ര മില്ലിൽ വൻ തീപിടിത്തം