കൊയിലാണ്ടി: ക്ലാസ് മുറിയുടെ നിലത്ത് പതിച്ച ടൈലുകൾ പൊട്ടിത്തെറിച്ചു. കൊയിലാണ്ടി ഗവ. വൊക്കേഷണൽ ഹയർസെക്കൻഡറി സ്കൂളിലാണ് സംഭവം.

ഹ്യൂമാനിറ്റീസ് ക്ലാസ് മുറിയിലെ ടൈലുകളാണ് പൊട്ടിത്തെറിച്ചത്. അധ്യാപകർക്കുള്ള ക്ലാസാണ് ഇവിടെ നടന്നുകൊണ്ടിരുന്നത്. ടൈലുകൾ പൊട്ടിത്തെറിച്ചതോടെ അധ്യാപകർ ക്ലാസിൽനിന്നും പുറത്തേക്ക് ഓടി.

രണ്ടടി നീളവും രണ്ടടി വീതിയുമുള്ള ടൈലുകളാണ് പൊട്ടിയത്. പത്തോളം ടൈലുകൾ പൊട്ടിയിട്ടുണ്ട്. കടുത്ത ചൂട് കൊണ്ട് വികസിച്ചതാണ് ടൈലുകൾ പൊട്ടാൻ കാരണമെന്നാണ് നിഗമനം.