SUN 15 JUN, 2025, 3:53 PM IST
കൊയിലാണ്ടി: യുവാവിനെ ലോഡ്ജ് മുറിയില്‍ മരിച്ച നിലയില്‍ കണ്ടെത്തി. വെങ്ങളം കാട്ടില്‍ പീടിക പീടികശാല കണ്ടി നജ്‌റുഫിനെയാണ് (37) വെങ്ങളത്തെ സ്വകാര്യ ലോഡ്ജില്‍ മരിച്ച നിലയില്‍ കണ്ടെത്തിയത്. ബുധനാഴ്ചയാണ് ലോഡ്ജില്‍ മുറിയെടുത്തത്. ഇന്നലെ ഉച്ചക്ക് മൃതദേഹം കണ്ടെത്തിയതോടെ പോലീസില്‍ വിവരം അറിയിക്കുകയായിരുന്നു.
കൊയിലാണ്ടി പോലീസ് സ്ഥലത്തെത്തി. ഫോറന്‍സിക് വിദഗ്ധരായ ഫേബില്‍ കോഴിക്കോട്, രാജേഷ് എന്നിവര്‍ പരിശോധന നടത്തി.കൊയിലാണ്ടി സിഐ ചന്ദ്രശേഖര്‍ ലാല്‍, എസ്‌ഐ ജിതേഷ്, എഎസ്‌ഐമാരായ ഗിരീഷ്, രഞ്ജിത്, മനോജ്, അബ്ദുള്‍ റക്കീബ്, എസ്‌സിപിഒ ഒ.കെ.സുരേഷ്, പ്രവീണ്‍, അജയരാജ് തുടങ്ങിയവര്‍ ഇന്‍ക്വസ്റ്റിനു നേതൃത്വം നല്‍കി. ശേഷം മൃതദേഹം മെഡിക്കല്‍ കോളജ് മോര്‍ച്ചറിയിലേക്ക് കൊണ്ടു പോയി. ജാഫറിന്റെയും നജീബയുടെയും മകനാണ് നജ്‌റുഫ്. ഭാര്യ: മുഫ്‌ലിയ, മക്കള്‍: മുഹമ്മദ് നിര്‍ഷാഫ്, ആയിഷ നൂറ, ഫാത്തിമ.
