മാഹി: മാഹിപ്പാലത്തിന് സമീപം സ്കൂട്ടറിൽ ലോറിയിടിച്ച് ഗുരുതര പരിക്കേറ്റ യാത്രക്കാരി മരിച്ചു. മാഹി മഞ്ചക്കൽ ഷാൻ നിവാസിൽ വി.ദിൽനയാണ് (41) മരിച്ചത്. ന്യൂ മാഹി പോലീസ് സ്റ്റേഷൻ പരിധിയിൽ പോലീസ് എയ്ഡ് പോസ്റ്റിനടുത്ത് വെച്ച് കഴിഞ്ഞ ദിവസം രാത്രി എട്ടോടെയാണ് അപകടമുണ്ടായത്. മാഹി ജനറൽ ആശുപത്രിയിൽ പ്രഥമ ചികിത്സ നൽകി കോഴിക്കോട് സ്വകാര്യ ആശുപത്രിയിലേക്ക് പ്രവേശിപ്പിച്ചെങ്കിലും രാവിലെ മരണം സംഭവിക്കുകയായിരുന്നു. ലോറിക്കിടയിൽപ്പെട്ട സ്കൂട്ടർ യാത്രക്കാരിയെ ലോറി വലിച്ച് മുന്നോട്ട് കൊണ്ട് പോയിരുന്നു. ഭർത്താവ്: പ്രവീൺ നാഥ്. മക്കൾ; തപൻ ദേവ്, ദേവനന്ദ.