പേരാമ്പ്ര : നഗരത്തിൽ ഡ്രൈവിങ്‌ പരിശീലനത്തിനിടെ സ്കൂട്ടറിന് തീപിടിച്ചു. പേരാമ്പ്ര ഡ്രൈവിങ്‌ സ്കൂളിന്റെ പരിശീലനം നൽകുന്ന സ്കൂട്ടറിനാണ് തീപിടിച്ചത്. ഞായറാഴ്ച രാവിലെ 11 മണിയോടെയാണ് സംഭവം. പേരാമ്പ്ര മത്സ്യമാർക്കറ്റിന്‌ പിൻവശത്തുള്ള മൈതാനത്ത് പരിശീലനം നൽകവെയാണ് സ്കൂട്ടറിനുള്ളിൽ പുക ഉയർന്നത്. സ്കൂട്ടറിലുണ്ടായിരുന്നവർ വണ്ടി നിർത്തി ഓടിമാറി. തുടർന്ന് തീ പടർന്ന് കത്തുകയും ചെയ്തു. പേരാമ്പ്ര ഫയർ സ്റ്റേഷനിൽനിന്ന്‌ അഗ്നിരക്ഷാസേനയെത്തിയാണ് തീ കെടുത്തിയത്.