വടകര: പുതുശ്ശേരി സ്പീക്കർ സുഹൃത്തിനെ കാണാൻ വീണ്ടും വടകരയിലെത്തി. വിവിധ ചർച്ചകൾക്കും മറ്റുമായി സ്പീക്കർ ആർ സെൽവം മാഹിയിൽ എത്തിയിരുന്നു. തുടർന്നാണ് വടകര വീരഞ്ചേരിയിലെ സുഹൃത്ത് അജിത്ത് കുമാർ കണ്ണോത്തിൻ്റെ വീട്ടിൽ എത്തിയത്. സുഹൃത്തുമായി വിശേഷങ്ങൾ പങ്കുവച്ച അദ്ദേഹം ഉച്ച ഭക്ഷണം കഴിച്ചാണ് മടങ്ങിയത്. വടകര സി എം ഹോസ്പിറ്റലിലെ ഡോക്ടർ സജീഷും സ്പീക്കറുമായി സൗഹൃദം പങ്കിട്ടു. അജിത്ത് കുമാർ മാഹിയിൽ പിഡബ്ല്യുഡി ജീവനക്കാരനാണ്. മുൻ മുഖ്യമന്ത്രി ജാനകിരാമൻ്റെ കൂടെ അജിത്ത് കുമാറും സ്പീക്കറും ഒരുമിച്ച് ജോലി ചെയ്തിരുന്നു. ആ സൗഹൃദത്തിൻ്റെ ഓർമ്മ പുതുക്കാൻ മാഹി സന്ദർശിക്കുന്ന വേളയിൽ അദ്ദേഹം വടകരയിൽ എത്താറുണ്ട്