TUE 27 MAY, 2025, 10:37 PM IST
മണിയൂര്‍: മുതിര്‍ന്ന കോണ്‍ഗ്രസ് നേതാവും കലാസാംസ്‌കാരിക പ്രവര്‍ത്തകനും നാടക നടനുമായിരുന്ന മണിയൂര്‍ കോമത്ത് വി.എം.കണ്ണന്‍ (87) അന്തരിച്ചു. മണിയൂര്‍ ജനതാലൈബ്രറിയുടേ സ്ഥാപകാംഗവും വൈസ്പ്രസിഡന്റുമായിരുന്നു. കോണ്‍ഗ്രസ് മണിയൂര്‍ മണ്ഡലം പ്രസിഡന്റ്, മണിയൂര്‍ ഗ്രാമ പഞ്ചായത്ത് മെമ്പര്‍, വടകര സഹകരണകാര്‍ഷിക ബാങ്ക് ഡയരക്ടര്‍, യുഡിഎഫ് മണിയൂര്‍ പഞ്ചായത്ത് ചെയര്‍മാന്‍, കോണ്‍ഗ്രസ് ബ്ലോക്ക് കമ്മറ്റി അംഗം ഉള്‍പ്പെടെ വിവിധ മേഖലകളില്‍ പ്രവര്‍ത്തിച്ചിട്ടുണ്ട്. മികച്ച പ്രാസംഗികനുമായിരുന്നു. ഹൃദയാഘാതം മൂലമാണ് അന്ത്യം.
ഭാര്യ: ജാനകി (തിക്കോടി). മക്കള്‍: ഉഷ, നിഷ, ആശ, സുരേഷ് ബാബു. മരുമക്കള്‍: രാജന്‍ (വടകര), നാരായണന്‍ (പന്തീരിക്കര), ഭാസ്‌കരന്‍ (തിക്കോടി), പ്രവീണ (പുത്തന്‍ തെരു). സഹോദരങ്ങള്‍: മാതു (ആയഞ്ചേരി), നാരായണി (പന്നിമുക്ക്), പരേതരായ ചാപ്പന്‍,മാധവി, കല്ല്യാണി. സംസ്‌കാരം നാളെ (വെള്ളി) രാവിലെ 9 മണിക്ക് വീട്ടുവളപ്പില്‍.
