തിരുവനന്തപുരം: ചോറിനൊപ്പം ആവിപറക്കുന്ന കോളിഫ്‌ളവര്‍ കറിയായിരുന്നു അവരുടെ സ്വപ്നംനിറയെ. മുഴുത്ത കോളിഫ്‌ളവര്‍ നോക്കി മനസ്സുനിറച്ചാണ് വെള്ളിയാഴ്ച വൈകീട്ടും അവര്‍ സ്‌കൂളില്‍നിന്നു മടങ്ങിയത്. അടുത്തയാഴ്ച വിളവെടുത്ത് രുചിയോടെ വയറുനിറയ്ക്കാമെന്ന കൊതിയോടെ. തിങ്കളാഴ്ച സ്‌കൂളിലെത്തിയപ്പോഴാകട്ടെ, നട്ടുനനച്ചതൊക്കെ ആരോ കട്ടോണ്ടുപോയി. തൈക്കാട് ഗവ. മോഡല്‍ എച്ച്.എസ്.എല്‍.പി.എസിലാണ് കുട്ടികളുടെ പച്ചക്കറിത്തോട്ടത്തിലെ കോളിഫ്‌ളവര്‍ മോഷണംപോയത്.
രാവിലെ തോട്ടത്തിലെത്തിയ കുട്ടികള്‍ കോളിഫ്‌ളവര്‍ കാണാത്തതോടെ വിഷമത്തിലായി. തളിരിലകളില്‍ വെള്ളംനനച്ചും പുഴുവും മറ്റു പ്രാണികളും ഇലക്കൂടൊരുക്കാതെ കാത്തും സ്‌നേഹിച്ചു വളര്‍ത്തിയ പച്ചക്കറികളാണ് അവധിദിനത്തില്‍ കള്ളന്‍ കവര്‍ന്നത്. കണ്ണുനിറച്ച്, പരാതിയുമായി കുട്ടികള്‍ അധ്യാപകര്‍ക്കരികിലെത്തി. വെണ്ടയും തക്കാളിയും വഴുതനയും കോളിഫ്‌ളവറും അങ്ങനെ പച്ചക്കറികള്‍ കുട്ടികളുടെ തോട്ടത്തില്‍ വിളഞ്ഞു പാകമായിരുന്നു.
വര്‍ഷങ്ങളായി സ്‌കൂളിലെ അടുക്കളത്തോട്ടത്തില്‍നിന്നുള്ള പച്ചക്കറികള്‍ ഉള്‍പ്പെടുത്തിയാണ് കുട്ടികള്‍ക്കുള്ള ഉച്ചഭക്ഷണം തയ്യാറാക്കുന്നത്.നട്ടുനനച്ചു കാത്ത പച്ചക്കറി മോഷണംപോയതോടെ കുട്ടികള്‍ പരിഭവവും കരച്ചിലുമായി. ഒടുവില്‍ കള്ളനെ കണ്ടെത്താന്‍ മന്ത്രിയപ്പൂപ്പന്റെ സഹായംതേടി. കണ്ണീര്‍ത്തുള്ളികള്‍ നനച്ച കൈകളാല്‍ അവര്‍ മന്ത്രിയപ്പൂപ്പനു കത്തെഴുതി. കള്ളനെ പിടികൂടാനാകുമെന്ന പ്രതീക്ഷയില്‍...

സ്‌കൂളില്‍ നട്ടുവളര്‍ത്തിയ കോളിഫ്‌ളവര്‍ മോഷണം പോയി; മന്ത്രിക്ക് പരാതി നല്‍കി കുട്ടികള്‍

Kerala

റിയാദ്: സൗദി അറേബ്യയിലെ റിയാദില്‍ കെ.എം.സി.സി നേതാവും സാമൂഹിക പ്രവര്‍ത്തകനുമായ ശമീര്‍ അലിയാരെ കൊല്ലപ്പെട്ട നിലയില്‍ കണ്ടെത്തി.എറണാകുളം മുവാറ്റുപുഴ സ്വദേശിയാണ്.&nbsp;
ഞായറാഴ്ച മുതല്‍ ഇദ്ദേഹത്തെ കുറിച്ച് വിവരമൊന്നും ലഭിക്കാത്തതിനെതുടര്‍ന്ന് സുഹൃത്തുക്കള്‍ പൊലീല്‍ പരാതിയുമായി എത്തിയപ്പോഴാണ് മരിച്ച വിവരം പൊലീസ് അറിയിച്ചത്. ശരീരത്തില്‍ കുത്തേറ്റ പാടുകളുണ്ട്. ആക്രമിക്കപ്പെട്ടതാണെന്നാണ് പ്രാഥമികനിഗമനം.

റിയാദില്‍ കെ.എം.സി.സി നേതാവ് കൊല്ലപ്പെട്ട നിലയിൽ

Gulf

തൃശ്ശൂര്‍: ചിറ്റാട്ടുകരയില്‍ ഉത്സവത്തിനെത്തിച്ച ആന ഇടഞ്ഞ് ഒരാളെ കുത്തിക്കൊന്നു. ആലപ്പുഴ ആരിക്കര പുലിമുട്ട് കോളനി സ്വദേശി ആനന്ദ(45)നാണ് മരിച്ചത്. ചിറ്റാട്ടുകര പൈങ്കണിക്കല്‍ ഉത്സവത്തിനായി കൊണ്ടുവന്ന ചിറ്റിലപ്പിള്ളി ഗണേശന്‍ എന്ന ആനയാണ് ഇടഞ്ഞത്.
ഉത്സവ എഴുന്നെള്ളിപ്പിനായി കുളിപ്പിച്ച് കൊണ്ടുവരുന്നതിനിടെ ക്ഷേത്ര പരിസരത്തെ പറമ്പില്‍വെച്ചാണ് ആന ഇടഞ്ഞത്. കുളിപ്പിക്കാന്‍ ആനയുടെ ഇടച്ചങ്ങല അഴിച്ചിരുന്നു. ചൊവ്വാഴ്ച മൂന്നരയോടെയാണ് സംഭവം. ആനന്ദന്‍റെ മൃതദേഹം ചാവക്കാട് താലൂക്ക് ആശുപത്രിയിലേക്ക് മാറ്റി.ഇടഞ്ഞ ആന സമീപത്തെ പറമ്പുവഴി ഓടി ചിറ്റാട്ടുകര റെയില്‍വേ ഗേറ്റിന് സമീപം എത്തുകയായിരുന്നു. ഇവിടെ പറമ്പില്‍ വിശ്രമിച്ചിരുന്ന ആനന്ദനു നേരെ ആന പാഞ്ഞടുത്തു. കൂടെയുണ്ടായിരുന്നവര്‍ ഓടിയെങ്കിലും രോഗിയായ ആനന്ദന് ഓടി രക്ഷപ്പെടാന്‍ കഴിഞ്ഞില്ല. ബന്ധുവിനെ കാണാനായി എത്തിയതായിരുന്നു ആനന്ദന്‍. ആനയെ പിന്നീട് കണ്ടാണശ്ശേരി ഭാഗത്തുവെച്ച് തളച്ചു.

ഉത്സവത്തിനെത്തിച്ച ആന ഇടഞ്ഞ് ഒരാളെ കുത്തിക്കൊന്നു ;ഒരാളുടെ നില ഗുരുതരം

കോഴിക്കോട്: അരയിടത്തുപാലത്ത് ഗോകുലം മാള്‍ ഓവര്‍ ബ്രിഡ്ജിന് സമീപത്ത് ബസ് മറിഞ്ഞ് അപകടം. മുപ്പത് പേര്‍ക്ക് പരിക്കേറ്റു. ഒരാളുടെ നില ഗുതുതരമാണ്. പരിക്കേറ്റവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. ഗുരുതരമായി പരിക്കേറ്റവർ അത്യാഹിതവിഭാഗത്തില്‍ ചികിത്സയിലാണ്.
പാളയം ബസ് സ്റ്റാന്‍ഡില്‍നിന്ന് അരീക്കോട് ഭാഗത്തേക്ക് പോകുകയായിരുന്ന ബസ്സാണ് തലകീഴായി മറിഞ്ഞത്. ബസ് അതിവേഗതയിലായിരുന്നു എന്നാണ് ലഭിക്കുന്ന വിവരം. 47 പേരാണ് ബസിൽ ഉണ്ടായിരുന്നത്.
ബസ് മറ്റൊരു വാഹനത്തില്‍ തട്ടി മീഡിയനില്‍ ഇടിച്ച് മറിയുകയായിരുന്നു. തെറ്റായ ദിശയില്‍ വന്ന രണ്ട് ബൈക്കുകളെ മറികടക്കാന്‍ ശ്രമിക്കവെയാണ് അപകടം നടന്നതെന്നാണ് ദൃക്‌സാക്ഷികള്‍ പറയുന്നത്. ബസ്സിന്റെ മുന്‍ഭാഗം പൂര്‍ണമായും തകര്‍ന്നു. ബസ്സിലെ ഡീസല്‍ റോഡിലേക്കൊഴുകിയിട്ടുണ്ട്.
അപകടം നടന്ന് ഉടൻതന്നെ പോലീസും അഗ്നി രക്ഷാസേനയും സ്ഥലത്തെത്തി. അപകടം നടന്ന സ്ഥലത്തുനിന്ന് ബസ്മാറ്റാനുള്ള ശ്രമം തുടങ്ങിയിട്ടുണ്ട്. പരിക്കേറ്റവരെ കോഴിക്കോട് മെഡിക്കല്‍ കോളേജ്, ബേബി മെമ്മോറിയല്‍ ആശുപത്രി എന്നിവിടങ്ങളിലണ് പ്രവേശിപ്പിച്ചിരിക്കുന്നത്.&nbsp;

അരയിടത്തുപാലത്ത് ബസ് മറിഞ്ഞ് അപകടം; മുപ്പത് പേർക്ക് പരിക്ക്, ഒരാളുടെ നില ഗുരുതരം

Kozhikode

വടകര: മൂരാട് പാലത്തിനുസമീപം ദേശീയ പാതയോട് ചേർന്ന് അടിക്കാടിനും ഉണങ്ങിയ പുല്ലിനും തീപിടിച്ചു. വിവരം അറിയിച്ചതിനെ തുടർന്ന് വടകര അഗ്നിരക്ഷാ നിലയത്തിൽ നിന്നും സീനിയർ ഫയർ &amp; റസ്ക്യു ഒഫീസർ അനീഷ് ഒയുടെ നേതൃത്വത്തിൽ എത്തിയ സേന തീ അണച്ചു. ഫയർ ഓഫീസർമാരായ ജയ്സൽ പി കെ, റിജീഷ് കുമാർ എം എം, ബിനീഷ്. വി. കെ, ലികേഷ്. വി, ആനന്ദ്.എം, ഫസലുള്ള കെ എന്നിവരടങ്ങിയ സംഘമാണ് തീ പൂർണ്ണമായും അണച്ചത്.

മൂരാട് ദേശീയ പാതയ്ക്കരികെ അടിക്കാടിനും ഉണങ്ങിയ പുല്ലിനും തീപിടിച്ചു

Vadakara

വടകര: കോഴിക്കോട് ജില്ലാ സ്പോർട്സ് കൗൺസിൽ വോളിബോൾ ടെക്നിക്കൽ കമ്മിറ്റി സംഘടിപ്പിച്ച ജില്ലാ മിനി വോളിബോൾ ചാമ്പ്യൻഷിപ്പിൽ ആൺകുട്ടികളുടെ വിഭാഗത്തിൽ വോളി ഫ്രണ്ട്സ് പയിമ്പ്രയും പെൺകുട്ടികളുടെ വിഭാഗത്തിൽ ഡയറക്ഷൻ ചാത്തമംഗലവും വിജയികളായി. വോളിബോൾ ടെക്നിക്കൽ കമ്മിറ്റി ചെയർമാൻ വി.വിദ്യ സാഗർ ട്രോഫികൾ വിതരണം ചെയ്തു. സ്വാഗതസംഘം ജനറൽ കൺവീനർ വി കെ പ്രേമൻ അധ്യക്ഷത വഹിച്ചു. ഐപിഎം അക്കാഡമി രക്ഷാധികാരി ഡോക്ടർ വിശ്വനാഥൻ മുഖ്യാതിഥിയായിരുന്നു. പ്രദീപൻ വട്ടോളി, ശ്രീധരൻ കെ കെ, നസീർ കെ, പ്രദോഷ് പി, നിധീഷ് കെ എന്നിവർ സംസാരിച്ചു.

വോളി ഫ്രണ്ട്സ് പയിമ്പ്രയും ഡയറക്ഷൻ ചാത്തമംഗലവും ചാമ്പ്യൻമാരായി

വടകര: എല്ലാ ഹോസ്പിറ്റലുകളും മെഡിസിപ്പിൽ ഉൾപ്പെടുത്തുക, വയോജനങ്ങൾക്ക് പ്രയോജനകരമായ പകൽ വീടുകൾ എല്ലാ പഞ്ചായത്തിലും മുനിസിപ്പാലിറ്റികളിലും കോർപ്പറേഷനിലും നടപ്പിലാക്കുക, 5 വർഷത്തിലൊരിക്കൽ പരിഷ്ക്കരിക്കണമെന്ന കീഴ് വഴക്കത്തിൻ്റെ അടിസ്ഥാനത്തിൽ പെൻഷൻ പരിഷ്ക്കരണത്തിനുള്ള അടിയന്തര നടപടികൾ ആരംഭിക്കുക, ക്ഷാമാശ്വാസ കുടിശ്ശിക പെൻഷൻ പരിഷ്ക്കരണ കുടിശ്ശിക എന്നിവ ഉടൻ അനുവദിക്കുക എന്നീ ആവശ്യങ്ങൾ നടപ്പിലാക്കണമെന്ന് കെ എസ് എസ് പി യു പഴങ്കാവ് യൂനിറ്റ് സമ്മേളനം ആവശ്യപ്പെട്ടു.&nbsp;
പ്രസിഡന്റ് ടി ടി കെ മോഹനൻ അധ്യക്ഷം വഹിച്ചു. സെക്രട്ടറി കെ പി രാധാകൃഷ്ണൻ റിപ്പോർട്ട് അവതരിപ്പിച്ചു. ജില്ലാ സെക്രട്ടറി കെ പി ഗോപിനാഥ്, ജില്ലാ വൈസ് പ്രസിഡൻ്റ് എടത്തിൽ ദാമോദരൻ , കെ കെ വിലാസിനി , മേരിക്കുട്ടി , ഭാസ്ക്കരൻ, കെ വി ശശിധരൻ, പി സുധ, ടി ജയരാജൻ, കെ കെ നാരായണൻ, ടി വി ശൈലജ എന്നിവർ സംസാരിച്ചു.

കെ എസ് എസ് പി യു പഴങ്കാവ് യൂനിറ്റ് സമ്മേളനം നടത്തി

മേപ്പയ്യൂർ: കേരള സ്റ്റേറ്റ് ടീച്ചേഴ്സ് സെൻറർ 41-ാം റവന്യൂ ജില്ല സമ്മേളനം മേപ്പയ്യൂരിൽ വച്ച് നടന്നു. അധ്യാപകരുടേയും ജീവനക്കാരുടേയും ശമ്പള പരിഷ്കരണത്തിനായുള്ള 12-ാം ശമ്പള കമ്മീഷനെ ഉടൻ നിയമിക്കണമെന്ന് സമ്മേളനം ആവശ്യപ്പെട്ടു.&nbsp;
ജില്ല കൗൺസിൽ യോഗം സംസ്ഥാന വൈസ് പ്രസിഡൻ്റ് പി. കൃഷ്ണകുമാർ ഉദ്ഘാടനം ചെയ്തു. ജില്ല പ്രസിഡൻ്റ് കുളങ്ങര രാജൻ അധ്യക്ഷനായി. ആർ.ജെ.ഡി. ജില്ല സെക്രട്ടറി ഭാസ്കരൻ കൊഴുക്കല്ലൂർ, നിഷാദ് പൊന്നങ്കണ്ടി, ബി.ടി. സുധീഷ് കുമാർ, കെ.പി. വിനോദൻ, ജ്യോതിഷ അഭിലാഷ്, സാജിത് തറോൽ എന്നിവർ സംസാരിച്ചു.&nbsp;&nbsp;

കെ.എസ്.ടി.സി. ജില്ല സമ്മേളനം നടത്തി

Perambra

ന്യൂഡല്‍ഹി: കോഴിക്കോട് കിനാലൂരില്‍ എയിംസ് സ്ഥാപിക്കണമെന്ന ആവശ്യമുയര്‍ത്തി പി.ടി ഉഷ എംപി. രാജ്യസഭയിലാണ് എം.പി ഇക്കാര്യം ഉന്നയിച്ചത്. സംസ്ഥാന സര്‍ക്കാര്‍ ഇതിനായി 153.46 ഏക്കര്‍ ഭൂമി ഏറ്റെടുത്തിട്ടുണ്ടെന്നും നിര്‍ദേശിക്കപ്പെട്ട പദ്ധതിക്കായി തന്റെ പി.ടി ഉഷ സ്‌കൂള്‍ ഓഫ് അത്‌ലറ്റിക്‌സില്‍ നിന്ന് അഞ്ച് ഏക്കര്‍ ഭൂമി നല്‍കിയിരുന്നുവെന്നും പി.ടി ഉഷ സഭയില്‍ വ്യക്തമാക്കി.കിനാലൂരിലെ കാലാവസ്ഥയും എയിംസിന് അനുയോജ്യമാണ്. കിനാലൂരില്‍ എയിംസ് സ്ഥാപിച്ചാല്‍ തമിഴ്‌നാട് കര്‍ണാടക സംസ്ഥാനങ്ങള്‍ക്കും അതിന്റെ ഗുണങ്ങള്‍ ലഭിക്കുമെന്നും പി.ടി ഉഷ പറഞ്ഞു.
കേന്ദ്രബജറ്റിൽ, സംസ്ഥാന സർക്കാർ ഉന്നയിച്ച 16 ആവശ്യങ്ങളിൽ ഒന്ന് എയിംസായിരുന്നു. എം.കെ. രാഘവൻ എം.പി.യും എയിംസിനായി ആവശ്യം സമർപ്പിച്ചിരുന്നു. എന്നാൽ ഒന്നും പരിഗണിക്കപ്പെട്ടില്ല. എയിംസ് അുവദിക്കുമെന്ന പ്രഖ്യാപനം വന്നയുടനെതന്നെ കേരളം കോഴിക്കോട് കിനാലൂരിൽ എയിംസിനുവേണ്ടി സ്ഥലം കണ്ടെത്തുകയും നടപടിക്രമങ്ങൾ പാലിച്ച് രേഖാമൂലം കേന്ദ്രത്തെ അറിയിക്കുകയും ചെയ്തിരുന്നു. കിനാലൂരിൽ കെ.എസ്.ഐ.ഡി.സി.യുടെ പക്കൽനിന്ന് ആരോഗ്യവകുപ്പിന് കൈമാറിയ 150 ഏക്കർ ഭൂമിക്ക് പുറമേ സ്വകാര്യവ്യക്തികളിൽനിന്ന് 100 ഏക്കറോളം ഭൂമി ഏറ്റെടുത്തുമാണ് 250 ഏക്കർ ഭൂമി എയിംസിനായി മാറ്റിവെച്ചത്.

കോഴിക്കോട്ട് എയിംസ് സ്ഥാപിക്കണം, രാജ്യസഭയില്‍ ആവശ്യമുന്നയിച്ച് പി.ടി ഉഷ

നാദാപുരം: നൊച്ചിക്കണ്ടി താഴെ മയ്യഴി പുഴ കൈയ്യേറി ഗ്രാമ പഞ്ചായത്തിന്റെ പിന്തുണയോടെ കളിസ്ഥലം നിർമ്മിക്കുന്ന പ്രവർത്തി അവസാനിപ്പിക്കുക, പുഴ പഴയ അവസ്ഥയിലാക്കുക, പുഴയുടെ പൂർണ്ണമായുമായുള്ള സർവ്വെ നടത്തി മുഴുവൻ കൈയ്യേറ്റങ്ങളും ഒഴിവാക്കുക എന്നീ മുദ്രാവാക്യങ്ങൾ ഉയർത്തി അഖിലേന്ത്യ കിസാൻ സഭ നാദാപുരം മണ്ഡലം കമ്മിറ്റിയുടെ നേതൃത്വത്തിൽ പുഴ സംരക്ഷണ കൂട്ടായ്മ സംഘടിപ്പിച്ചു.
പരിപാടി കിസാൻ സഭ സംസ്ഥാന വൈസ് പ്രസിഡണ്ട് ടി കെ രാജൻ ഉദ്ഘാടനം ചെയ്തു. മണ്ഡലം പ്രസിഡണ്ട് ജലീൽ ചാലിക്കണ്ടി അധ്യക്ഷത വഹിച്ചു. അഖിലേന്ത്യാ കിസാൻ സഭ ജില്ലാ സെക്രട്ടറി രജീന്ദ്രൻ കപ്പള്ളി, മണ്ഡലം സെക്രട്ടറി സി എച്ച് ദിനേശൻ, മണ്ഡലം സെക്രട്ടറി ടി സുഗതൻ, പ്രസിഡണ്ട് സി സുരേന്ദ്രൻ ,കെ ടി കെ ചാന്ദിനി, സന്തോഷ് കക്കാട്ട്, ഗഫൂർ പേരോട് എന്നിവർ സംസാരിച്ചു.

പുഴ സംരക്ഷണ കൂട്ടായ്മ സംഘടിപ്പിച്ചു

Nadapuram

തിരുവനന്തപുരം: കള്ളക്കടല്‍ പ്രതിഭാസത്തിന്റെ ഭാഗമായി തിരുവനന്തപുരം, കൊല്ലം, എറണാകുളം, ആലപ്പുഴ തീരങ്ങളില്‍ നാളെ (05/01/2025) രാവിലെ 05.30 മുതല്‍ വൈകുന്നേരം 05.30 വരെ 0.2 മുതല്‍ 0.6 മീറ്റര്‍ വരെയും തമിഴ്നാട് തീരത്ത് 0.5 മുതല്‍ 0.7 മീറ്റര്‍ വരെയും ഉയര്‍ന്ന തിരമാലകള്‍ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു.
കടലാക്രമണത്തിന് സാധ്യതയുള്ളതിനാല്‍ മത്സ്യത്തൊഴിലാളികളും തീരദേശവാസികളും ജാഗ്രത പാലിയ്ക്കണമെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. കടല്‍ക്ഷോഭം രൂക്ഷമാകാന്‍ സാധ്യതയുള്ളതിനാല്‍ അപകട മേഖലകളില്‍ നിന്ന് അധികൃതരുടെ നിര്‍ദേശാനുസരണം മാറി താമസിക്കണമെന്നും ചെറിയ വള്ളങ്ങളും ബോട്ടുകളും കടലിലേക്ക് ഇറക്കരുതെന്നും കേന്ദ്രം നിര്‍ദേശം നല്‍കി.
കള്ളക്കടല്‍ പ്രതിഭാസത്തിനും ഉയര്‍ന്ന തിരമാലക്കും സാധ്യതയുള്ളതിനാല്‍ കടലിലേക്ക് മത്സ്യബന്ധന യാനങ്ങള്‍ ഇറക്കുന്നത് പോലെ തന്നെ കരക്കടുപ്പിക്കുന്നതും അപകടകരമാണ്. അതിനാല്‍ തിരമാല ശക്തിപ്പെടുന്ന ഘട്ടത്തില്‍ കടലിലേക്ക് ഇറക്കുന്നതും കരക്കടുപ്പിക്കുന്നതും ഒഴിവാക്കണമെന്നും സമുദ്രസ്ഥിതിപഠന ഗവേഷണ കേന്ദ്രം ആവശ്യപ്പെട്ടു.
മുന്നറിയിപ്പ് പിന്‍വലിക്കുന്നത് വരെ ബീച്ചുകള്‍ കേന്ദ്രീകരിച്ചുള്ള വിനോദസഞ്ചാരമുള്‍പ്പെടെയുള്ള എല്ലാ പ്രവര്‍ത്തനങ്ങളിലും ശ്രദ്ധ പുലര്‍ത്തണം. ബീച്ചിലേക്കുള്ള യാത്രകളും കടലില്‍ ഇറങ്ങിയുള്ള വിനോദങ്ങളും പൂര്‍ണമായും ഒഴിവാക്കണം.മത്സ്യബന്ധന യാനങ്ങള്‍ (ബോട്ട്, വള്ളം, മുതലായവ) ഹാര്‍ബറില്‍ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള്‍ തമ്മില്‍ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മത്സ്യ ബന്ധന ഉപകരണങ്ങളുടെ സുരക്ഷ ഉറപ്പാക്കണം. തീരശോഷണത്തിനു സാധ്യതയുള്ളതിനാല്‍ പ്രത്യേകം ജാഗ്രത പുലര്‍ത്തുക തുടങ്ങിയ നിര്‍ദേശങ്ങളും സമുദ്രസ്ഥിതിപഠന ഗവേഷണ കേന്ദ്രം പുറത്തിറക്കി

കള്ളക്കടല്‍ പ്രതിഭാസം, കടലാക്രമണ സാധ്യത; വിവിധ ജില്ലകളില്‍ ജാഗ്രതാ നിര്‍ദേശം

കുരിക്കിലാട് : പുത്തൻതെരു പനയ൯്റവിട ബാലൻ (82) നിര്യാതനായി. പുത്ത൯തെരു ശ്രീ മഹാഗണപതി ക്ഷേത്രം, കസ്തൂരി ശ്രീ ഗുരു - ഭഗവതി ക്ഷേത്രം എന്നിവിടങ്ങളിലെ മുൻ പ്രസിഡണ്ടായിരുന്നു. ഭാര്യ: കമല . മക്കൾ :അജിത, സജിത, ശ്രീജിത്ത് ബാബു (വിപ്രോ ). മരുമക്കൾ : സുരേന്ദ്രൻ (റിട്ട. സെക്രട്ടറി മീനങ്ങാടി സഹകരണബാങ്ക്) , ജ്യോതിബാസു (റിട്ട. സബ് ഇൻസ്പക്ടർ ) , രജിത ( അധ്യാപിക, നൈപുണ്യ എച്ച് എസ്. ഏർണാകുളം). സഞ്ചയനം ഞായറാഴ്ച.

കുരിക്കിലാട് പുത്തൻതെരു പനയ൯്റവിട ബാലൻ നിര്യാതനായി

Obituary

ചോറോട്: കേന്ദ്ര ബഡ്ജറ്റിൽ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി വിഹിതം വർധിപ്പിക്കാത്ത കേന്ദ്രസർക്കാർ നിലപാട് പ്രതിഷേധാർഹമാണെന്നും ജനങ്ങളുടെ ആശ്രയമായ തൊഴിലുറപ്പ് പദ്ധതിയെ അട്ടിമറിക്കാനാണ് കേന്ദ്ര സർക്കാർ ശ്രമിക്കുന്നതെന്നും കെ പി സി സി മെമ്പർ വിദ്യാ ബാലകൃഷ്ണൻ.&nbsp;
മഹാത്മാ കുടുംബ സംഗമത്തിന്റെ ഭാഗമായി ചോറോട് രണ്ടാം വാർഡ് കെ. ടി ബസാറിൽ സംഘടിപ്പിച്ച വാർഡ് കുടുംബ സംഗമത്തിന്റെ മണ്ഡലം തല ഉദ്ഘാടനം ചെയ്തു സംസാരിക്കുകയിരുന്നു അവർ. മണ്ഡലം കോൺഗ്രസ്‌ പ്രസിഡന്റ്‌ അഡ്വ പി. ടി. കെ നജ്മൽ അധ്യക്ഷത വഹിച്ചു. യു. ഡി. എഫ് ചെയർമാൻ കോട്ടയിൽ രാധാകൃഷ്ണൻ, ബ്ലോക്ക്‌ കോൺഗ്രസ്‌ പ്രസിഡന്റ്‌ സതീശൻ കുരിയാടി, കെ. പി കരുണൻ, രമേശൻ കിഴക്കയിൽ, ആർ. കെ പ്രവീൺ കുമാർ, ഗായത്രി മോഹൻദാസ്, മഠത്തിൽ പുഷ്പ, കെ. ജി രാഗേഷ്, സിജു. സി. കെ, നവീൻ. സി തുടങ്ങിയവർ സംസാരിച്ചു.

കുടുംബ സംഗമം സംഘടിപ്പിച്ചു

കൊച്ചി: സംസ്ഥാന സ്‌കൂൾ കലോത്സവ റിപ്പോർട്ടിങ്ങിലെ ദ്വയാർഥ പ്രയോഗവുമായി ബന്ധപ്പെട്ട് ചാനൽ പ്രവർത്തകർക്ക്​ ഹൈകോടതിയുടെ മുൻകൂർ ജാമ്യം.കന്‍റോൺമെന്‍റ്​ പൊലീസ് രജിസ്റ്റർ ചെയ്ത കേസിൽ പ്രതിചേർക്കപ്പെട്ട റിപ്പോർട്ടർ ചാനൽ കൺസൾട്ടിങ് എഡിറ്റർ കെ. അരുൺകുമാർ, സബ് എഡിറ്റർ എസ്. ഷഹബാസ് അഹമ്മദ് എന്നിവർക്കാണ്​ ജസ്​റ്റിസ്​ പി.വി. കുഞ്ഞികൃഷ്​ണൻ ഉപാധികളോടെ മുൻകൂർ ജാമ്യം അനുവദിച്ചത്​.
സംപ്രേഷണം ചെയ്ത പരിപാടിയിൽ ക്രിമിനൽ കുറ്റകൃത്യം നടന്നതായി വിലയിരുത്താനാകില്ലെങ്കിലും ചില ചോദ്യങ്ങൾ ഒഴിവാക്കേണ്ടതായിരുന്നുവെന്ന് കോടതി അഭിപ്രായപ്പെട്ടു. എന്നാൽ, ഈ വിലയിരുത്തൽ അന്വേഷണത്തെ ബാധിക്കരുതെന്നും ഉത്തരവിൽ പറയുന്നു.ഒപ്പനയുടെ റിപ്പോർട്ടിങ്ങിനിടെ ദ്വയാർഥ പ്രയോഗം നടത്തിയെന്നാരോപിച്ച് ശിശുക്ഷേമസമിതി നൽകിയ പരാതിയിലാണ് പോക്സോ വകുപ്പുകൾ പ്രകാരം ചാനൽ പ്രവർത്തകർക്കെതിരെ കേസെടുത്തത്.

സ്‌കൂൾ കലോത്സവ റിപ്പോർട്ടിങ്ങിലെ ദ്വയാർഥ പ്രയോഗം: റിപ്പോർട്ടർ ചാനൽ പ്രവർത്തകർക്ക്​ മുൻകൂർ ജാമ്യം

തി​രു​വ​ന​ന്ത​പു​രം: സം​സ്ഥാ​ന​ത്ത്​ ജ​നു​വ​രി മാ​സ​ത്തെ റേ​ഷ​ൻ വി​ത​ര​ണം ഈ​മാ​സം അ​ഞ്ചു​വ​രെ നീ​ട്ടി​യ​താ​യി ഭ​ക്ഷ്യ​മ​ന്ത്രി ജി.​ആ​ർ. അ​നി​ൽ അ​റി​യി​ച്ചു. ആ​റാം തീ​യ​തി മാ​സാ​ന്ത്യ ക​ണ​ക്കെ​ടു​പ്പു​മാ​യി ബ​ന്ധ​പ്പെ​ട്ട് റേ​ഷ​ന്‍ വ്യാ​പാ​രി​ക​ൾ​ക്ക് അ​വ​ധി​യാ​യി​രി​ക്കും.
ഏ​ഴു​മു​ത​ൽ ഫെ​ബ്രു​വ​രി മാ​സ​ത്തെ റേ​ഷ​ന്‍ വി​ത​ര​ണം ആ​രം​ഭി​ക്കു​മെ​ന്നും മ​ന്ത്രി അ​റി​യി​ച്ചു. നേ​ര​ത്തെ ഇ​ന്ന​ത്തോ​ടെ വി​ത​ര​ണം അ​വ​സാ​നി​പ്പി​ക്കാ​നാ​യി​രു​ന്നു ഭ​ക്ഷ്യ​വ​കു​പ്പി​ന്‍റെ തീ​രു​മാ​നം.
സം​സ്ഥാ​ന​ത്തെ ചി​ല റേ​ഷ​ന്‍ക​ട​ക​ളി​ല്‍ മു​ഴു​വ​ന്‍ കാ​ര്‍ഡു​കാ​ര്‍ക്കും വി​ത​ര​ണം ചെ​യ്യു​ന്ന​തി​നാ​വ​ശ്യ​മാ​യ ഭ​ക്ഷ്യ​ധാ​ന്യ​ങ്ങ​ള്‍ എ​ത്തി​യി​ട്ടി​ല്ലെ​ന്ന താ​ലൂ​ക്ക് സ​പ്ലൈ ഓ​ഫി​സ​ർ​മാ​രു​ടെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് വി​ത​ര​ണം ബു​ധ​നാ​ഴ്ച​വ​രെ നീ​ട്ടാ​ൻ തീ​രു​മാ​ന​മാ​യി​രി​ക്കു​ന്ന​ത്.

ജ​നു​വ​രി മാ​സ​ത്തെ റേ​ഷ​ൻ വി​ത​ര​ണം അഞ്ചുവരെ നീട്ടി

തിരുവനന്തപുരം: അരുവിക്കര മുണ്ടേലയില്‍ യുവാവ് ഊഞ്ഞാല്‍ കയര്‍ കഴുത്തില്‍ കുരുങ്ങി മരിച്ച നിലയില്‍. മുണ്ടേല -മാവുകോണം -തടത്തരിക്കത്ത് പുത്തന്‍ വീട്ടില്‍ സിന്ധു കുമാര്‍ എന്ന് വിളിക്കുന്ന അഭിലാഷ് ( 27 ) ആണ് മരിച്ചത്. ചൊവ്വാഴ്ച പുലര്‍ച്ചെ നാല് മണിയോടെയാണ് വീട്ടുകാര്‍ യുവാവിനെ മരിച്ച നിലയില്‍ കാണുന്നത്.
കഴിഞ്ഞ ദിവസം രാത്രി 11 മണിയോടെ ഊഞ്ഞാലില്‍ ഇരുന്ന് ഫോണ്‍ വിളിക്കുന്നത് വീട്ടുകാര്‍ കണ്ടിരുന്നു. വീട്ടില്‍ സഹോദരിയും കുട്ടികളും മാത്രമാണ് ഉണ്ടായിരുന്നത്.സിന്ധുകുമാര്‍ മദ്യപിച്ചിട്ടുണ്ടായിരുന്നുവെന്നാണ് വിവരങ്ങള്‍. കേബിള്‍ ടിവി ജീവനക്കാരനാണ്.സംഭവത്തില്‍ അരുവിക്കര പോലീസ് കേസ് എടുത്തു. ഊഞ്ഞാലില്‍ ആടിക്കൊണ്ട് ഇരിക്കവേ അബദ്ധത്തില്‍ കയര്‍ കുരുങ്ങി മരണപ്പെട്ടിരിക്കാനാണ് സാധ്യതയെന്നാണ് പോലീസിന്റെ പ്രാഥമിക നിഗമനം.

ഫോൺ വിളിക്കിടെ ഊഞ്ഞാലിൽ കഴുത്ത് കുരുങ്ങി;യുവാവിനെ മരിച്ച നിലയിൽ കണ്ടെത്തി

വടകര: നടക്കുതാഴ ട്രെയിനിംഗ് സ്‌കൂളിന് സമീപം കുറുങ്ങോട്ട് രാം നിവാസില്‍ പ്രശാന്ത് (52, കേബിള്‍ ഓപ്പറേറ്റര്‍ കണ്ണൂക്കര) നിര്യാതനായി. പിതാവ്: പരേതനായ കുഞ്ഞിരാമന്‍ നായര്‍ (റിട്ട. വെറ്ററിനറി ഡിപ്പാര്‍ട്ട്‌മെന്റ്). മാതാവ്: പത്മിനി. ഭാര്യ: സവിത. മകന്‍: സിദ്ധാര്‍ത്ഥ്. സഹോദരങ്ങള്‍: മനോജ് (ദുബായ്), ബീന (കക്കട്ടില്‍).

കേബിള്‍ ഓപ്പറേറ്റര്‍ നടക്കുതാഴ കുറുങ്ങോട്ട് രാം നിവാസില്‍ പ്രശാന്ത് നിര്യാതനായി

മീന്‍ ഉപയോഗിച്ചുണ്ടാക്കാവുന്ന ഒരുഗ്രന്‍ വിഭവമാണിത്. വളരെ എളുപ്പത്തില്‍ ദശകട്ടിയുള്ള മീന്‍ ഉപയോഗിച്ച് ഇതുണ്ടാക്കിയെടുക്കാം. കുട്ടികള്‍ക്കും മുതിര്‍ന്നവര്‍ക്കും ഒരുപോലെയിഷ്ടമാകും.
ചേരുവകള്‍
നെയ്യ് മീന്‍ - 250ഗ്രാം
ഉരുളക്കിഴങ്ങ് - 1 ചെറുത്
സവാള (വലുത്) - 1
ഇഞ്ചി - ചെറിയ കഷ്ണം
വെളുത്തുള്ളി - 7 അല്ലികള്‍
പച്ചമുളക് - 2
കോണ്‍ഫ്ലോര്‍ - 2 ടേബിള്‍ സ്പൂണ്‍
കുരുമുളക്‌പൊടി - 1 ടിസ്പൂണ്‍
മഞ്ഞള്‍പൊടി - 1/4 ടിസ്പൂണ്‍
മുളക്പൊടി - 1/2 ടിസ്പൂണ്‍
ഗരംമസാല - 1 ടിസ്പൂണ്‍
ഉപ്പ് - ആവശ്യത്തിന്
എണ്ണ - ആവശ്യത്തിന്
മല്ലിയില അരിഞ്ഞത് - 2 ടേബിള്‍ സ്പൂണ്‍
തയ്യാറാക്കുന്ന വിധം
മീന്‍ വേവിച്ചു മുള്ളുമാറ്റി ഉടച്ചെടുക്കണം. എണ്ണ ചൂടാക്കി അതില്‍ സവാള, ഇഞ്ചി, വെളുത്തുള്ളി, പച്ചമുളക് എന്നിവ ചതച്ചത് ചേര്‍ത്ത് വഴറ്റുക. ഇതിലേയ്ക്ക് ആവശ്യത്തിന് ഉപ്പ് ചേര്‍ക്കുക. ഇത് നന്നായി വഴയെടുത്ത് അതിലേക്ക് മസാലപ്പൊടികള്‍ ഓരോന്നായി ചേര്‍ത്ത് കൊടുക്കണം.
മസാല പച്ച മണം മാറി വരുമ്പോള്‍ വേവിച്ച മീന്‍ കൂടി ചേര്‍ത്ത് അല്‍പസമയം ചെറുതീയില്‍ നന്നായി ഇളക്കി യോജിപ്പിക്കുക. ഇതിലേയ്ക്ക് അരിഞ്ഞ മല്ലിയില ചേര്‍ത്തുകൊടുക്കാം. ചൂടാറിയ ശേഷം പുഴുങ്ങിപ്പൊടിച്ച ഉരുളക്കിഴങ്ങു ചേര്‍ത്ത് നന്നായി യോജിപ്പിക്കുക. അതിലേക്ക് ആവശ്യാനുസരണം കോണ്‍ഫ്ലോര്‍ കൂടി ചേര്‍ത്ത് നന്നായി കുഴയ്ക്കുക. ഇഷ്ടമുള്ള ആകൃതിയില്‍ എണ്ണയില്‍ വറുത്തു കോരിയെടുക്കാം.

രുചിയേറും ഫിഷ് കബാബ് ഉണ്ടാക്കിയാലോ

Health

തിരുവനന്തപുരം: ഇന്നലെ സ്വർണവിലയിൽ നേരിയ കുറവുണ്ടായെങ്കിലും ഇന്ന് വീണ്ടും കുതി‌ച്ചുയർന്നു. ഒറ്റയടിക്ക് 840 രൂപയാണ് വർധിച്ചത്. ഇതോടെ ചരിത്രത്തിൽ ആദ്യമായി സ്വർണവില 62,​000 കടന്ന് മുന്നേറി. സംസ്ഥാനത്ത് ഇന്ന് ഒരു പവൻ സ്വർണത്തിന്റെ വില 62,​480 രൂപയാണ്. ഒരു ഗ്രാം 22 കാരറ്റ് സ്വർണത്തിന് 105 രൂപ വർദ്ധിച്ച് 7,​810 രൂപയിലെത്തി.
ഒരു ഗ്രാം 18 കാരറ്റ് സ്വർണത്തിന് 90 രൂപ വർദ്ധിച്ച് 6,​455 രൂപയായി ഉയർന്നു. അപൂർവമായേ ഇത്രയും വർദ്ധനവ് ഒരു ദിവസം സ്വർണവിലയിൽ രേഖപ്പെടുത്താറുള്ളൂ. ഇന്നലെ ഒരു പവൻ സ്വർണത്തിന് 320 രൂപ കുറഞ്ഞ് 61,640 രൂപയായത് സ്വർണം വാങ്ങുന്നവർക്ക് ആശ്വാസമായിരുന്നുവെങ്കിൽ ഇന്ന് ആശങ്കയായി അത് മാറി.

കുതിച്ചുയർന്ന് സ്വർണവില;പവന് 62,​480 രൂപയായി

സിഡ്‌നി: ഓസ്‌ട്രേലിയയില്‍ സ്രാവിന്റെ ആക്രമണത്തില്‍ 17-കാരി കൊല്ലപ്പെട്ടു. ജനപ്രിയ വിനോദസഞ്ചാര കേന്ദ്രമായ ബ്രൈബി ദ്വീപിലെ വൂറിം ബീച്ചില്‍ തിങ്കളാഴ്ച വൈകുന്നേരമാണ് സംഭവം.വിവരമറിഞ്ഞ് വൈകീട്ട് 5 മണിയോടെ രക്ഷാപ്രവര്‍ത്തകര്‍ സ്ഥലത്തെത്തിയിരുന്നതായി ക്യൂന്‍സ് ലാന്റ് സ്റ്റേറ്റ് പോലീസ് അറിയിച്ചു.
കടലില്‍ നീന്തുന്നതിനിടയിലാണ് പെണ്‍കുട്ടിയ്ക്ക് സ്രാവില്‍ നിന്ന് കടിയേറ്റത്. ഗുരുതരമായി പരിക്കേറ്റ പെണ്‍കുട്ടി പിന്നീട് മരണത്തിന് കീഴടങ്ങുകയായിരുന്നുവെന്നും പോലീസ് അറിയിച്ചു.സ്ഥിരമായി ആളുകള്‍ നീന്താനെത്തുന്ന ഇടമാണ് വൂറിം ബീച്ച്.&nbsp;

കടലില്‍ നീന്തുന്നതിനിടെ സ്രാവിന്റെ ആക്രമണം; 17-കാരി കൊല്ലപ്പെട്ടു

തിരുവനന്തപുരം: കേരളത്തിൽ ഇന്നും താപനില ഉയരാൻ സാധ്യതയെന്ന് കേന്ദ്ര കാലാവസ്ഥാ വകുപ്പ്. ഒറ്റപ്പെട്ടയിടങ്ങളിൽ സാധാരണയെക്കാൾ രണ്ട് ഡിഗ്രി സെൽഷ്യസ് മുതൽ മൂന്ന് ഡിഗ്രി സെൽഷ്യസ് വരെ ചൂട് കൂടുമെന്നാണ് അറിയിപ്പ്
ഉയർന്ന താപനിലയും ഈർപ്പമുള്ള വായുവും കാരണം ചൂടും അസ്വസ്ഥതയുമുള്ള കാലാവസ്ഥയ്ക്ക് സാദ്ധ്യതയുണ്ട്. ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങൾക്ക് കാരണമാകുമെന്നും കാലാവസ്ഥാ വകുപ്പ് ചൂണ്ടിക്കാട്ടുന്നു.കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് നാളെ രാവിലെ 05.30 മുതൽ വൈകുന്നേരം 05.30 വരെ 0.2 മുതൽ 0.6 മീറ്റർ വരെയും, തമിഴ്‌നാട് തീരത്ത് 0.5 മുതൽ 0.7 മീറ്റർ വരെയും ഉയർന്ന തിരമാലകൾ കാരണം കടലാക്രമണത്തിന് സാദ്ധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
ജാഗ്രതാ നിർദേശങ്ങൾ
<ul>
<li>* പകൽ 11 മണി മുതല്‍ വൈകിട്ട് മൂന്നുവരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക.</li>
<li>* പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക.* നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് ശീതള പാനീയങ്ങൾ തുടങ്ങിയവ പകല്‍ സമയത്ത് ഒഴിവാക്കുക.* അയഞ്ഞ, ഇളം നിറത്തിലുള്ള കോട്ടൺ വസ്ത്രങ്ങള്‍ ധരിക്കുക.</li>
<li>* പുറത്തിറങ്ങുമ്പോൾ പാദരക്ഷകൾ ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലതായിരിക്കും.</li>
<li>* പഴങ്ങളും പച്ചക്കറികളും ധാരാളമായി കഴിക്കുക. ഒആർഎസ് ലായനി, സംഭാരം തുടങ്ങിയവയുടെ ഉപയോഗം പ്രോത്സാഹിപ്പിക്കുക.</li>
<li>* മാർക്കറ്റുകൾ, കെട്ടിടങ്ങൾ, മാലിന്യശേഖരണ-നിക്ഷേപ കേന്ദ്രങ്ങൾ (ഡംപിങ് യാർഡ്) തുടങ്ങിയ ഇടങ്ങളിൽ തീപിടുത്തങ്ങൾ വർദ്ധിക്കാനും വ്യാപിക്കാനുമുള്ള സാദ്ധ്യത കൂടുതലാണ്. ഫയർ ഓഡിറ്റ് നടത്തേണ്ടതും കൃത്യമായ സുരക്ഷാ മുൻകരുതൽ സ്വീകരിക്കുകയും ചെയ്യേണ്ടതാണ്. ഇവയോട് ചേർന്ന് താമസിക്കുന്നവരും സ്ഥാപനങ്ങൾ നടത്തുന്നവരും പ്രത്യേകം ജാഗ്രത പാലിക്കുക.</li>
<li>* ചൂട് അധികരിക്കുന്ന സാഹചര്യത്തിൽ കാട്ടുതീ വ്യാപിക്കാനുള്ള സാദ്ധ്യതയുണ്ട്. വനമേഖലയോട് ചേർന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാഗ്രത പാലിക്കണം. കാട്ടുതീ ഉണ്ടാകാനുള്ള സാഹചര്യങ്ങൾ ഒഴിവാക്കണം. വനം വകുപ്പിന്റെ നിർദേശങ്ങൾ കർശനമായി പാലിക്കണം.</li>
<li>* വിദ്യാഭ്യാസ സ്ഥാപനങ്ങളിൽ വിദ്യാർത്ഥികൾക്ക് ശുദ്ധമായ കുടിവെള്ളം ഉറപ്പാക്കേണ്ടതും ക്‌ളാസ് മുറികളിൽ വായു സഞ്ചാരം ഉറപ്പാക്കേണ്ടതുമാണ്. പരീക്ഷാക്കാലമായാൽ പരീക്ഷാഹാളുകളിലും ജല ലഭ്യത ഉറപ്പാക്കണം.</li>
<li>* വിദ്യാർത്ഥികളുടെ കാര്യത്തിൽ സ്കൂള്‍ അധിക‍ൃതരും രക്ഷിതാക്കളും പ്രത്യേക ശ്രദ്ധ പുലർത്തേണ്ടതാണ്. കുട്ടികൾക്ക് കൂടുതൽ വെയിലേൽക്കുന്ന അസംബ്ലികളും മറ്റ് പരിപാടികളും ഒഴിവാക്കുകയോ സമയക്രമീകരണം നടത്തുകയോ ചെയ്യേണ്ടതാണ്. കുട്ടികളെ വിനോദ സഞ്ചാരത്തിന് കൊണ്ടുപോകുന്ന സ്കൂളുകള്‍ പകൽ 11 മണി മുതല്‍ വൈകിട്ട് മൂന്നുവരെ കുട്ടികൾക്ക് നേരിട്ട് ചൂട് ഏൽക്കുന്നില്ല എന്ന് ഉറപ്പ് വരുത്തുക.</li>
<li>* അംഗനവാടി കുട്ടികൾക്ക് ചൂട് ഏൽക്കാത്ത തരത്തിലുള്ള സംവിധാനം നടപ്പാക്കാൻ അതാത് പഞ്ചായത്ത്‌ അധികൃതരും അംഗനവാടി ജീവനക്കാരും പ്രത്യേകം ശ്രദ്ധിക്കണം.</li>
<li>* കിടപ്പ് രോഗികൾ, പ്രായമായവർ, ഗർഭിണികൾ, കുട്ടികൾ, ഭിന്നശേഷിക്കാർ, മറ്റ് രോഗങ്ങൾ മൂലമുള്ള അവശത അനുഭവിക്കുന്നവർ തുടങ്ങിയ വിഭാഗങ്ങൾ പകൽ 11 മണി മുതല്‍ വൈകിട്ട് മൂന്നുവരെ നേരിട്ട് സൂര്യപ്രകാശം ഏൽക്കാതെയിരിക്കാൻ പ്രത്യേകം ശ്രദ്ധിക്കണം. ഇത്തരം വിഭാഗങ്ങൾക്ക് എളുപ്പത്തിൽ സൂര്യാഘാതം ഏൽക്കാനുള്ള സാദ്ധ്യതയുള്ളതിനാൽ ഇവരുടെ കാര്യത്തിൽ പ്രത്യേക ശ്രദ്ധ പുലർത്തേണ്ടതാണ്.</li>
<li>* ഇരുചക്ര വാഹനങ്ങളിൽ ഓൺലൈൻ ഭക്ഷണ വിതരണം നടത്തുന്നവർ പകൽ 11 മണി മുതല്‍ വൈകിട്ട് മൂന്നുവരെ സുരക്ഷിതരാണെന്ന് അതാത് സ്ഥാപനങ്ങൾ ഉറപ്പുവരുത്തേണ്ടതാണ്. അവർക്ക് ചൂട് ഏൽക്കാതിരിക്കാൻ ഉതകുന്ന രീതിയിലുള്ള വസ്ത്രധാരണം നടത്താൻ നിർദേശം നൽകുകയും ആവശ്യമെങ്കിൽ യാത്രയ്ക്കിടയിൽ അല്പസമയം വിശ്രമിക്കാനുള്ള അനുവാദം നൽകുകയും ചെയ്യേണ്ടതാണ്.</li>
<li>* മാദ്ധ്യമപ്രവർത്തകരും പോലീസ് ഉദ്യോഗസ്ഥരും പകൽ 11 മണി മുതല്‍ വൈകിട്ട് മൂന്നുവരെ കുടകൾ ഉപയോഗിക്കുകയും നേരിട്ട് വെയിൽ ഏൽക്കാതിരിക്കാൻ ശ്രദ്ധിക്കുകയും ചെയ്യുക. ജോലിയിൽ ഏർപ്പെട്ടിരിക്കുന്ന ഉദ്യോഗസ്ഥർക്ക് കുടിവെള്ളം നൽകി നിർജലീകരണം തടയാൻ സഹായിക്കുക.</li>
<li>* പൊതുപരിപാടികൾ, സമ്മേളനങ്ങൾ എന്നിവ നടത്തുമ്പോൾ പങ്കെടുക്കുന്നവർക്ക് ആവശ്യമായ കുടിവെള്ളം, തണൽ എന്നിവ ലഭ്യമാണെന്ന് സംഘാടകർ ഉറപ്പുവരുത്തുക. പകൽ 11 മണി മുതല്‍ വൈകിട്ട് മൂന്നുവരെ കഴിവതും സമ്മേളനങ്ങൾ ഒഴിവാക്കുക.* യാത്രയിലേർപ്പെടുന്നവർ ആവശ്യമായ വിശ്രമത്തോടെ യാത്ര തുടരുന്നതാകും നല്ലത്. കയ്യിൽ വെള്ളം കരുതുക.</li>
<li>* നിർമാണത്തൊഴിലാളികൾ, കർഷകത്തൊഴിലാളികൾ, വഴിയോരക്കച്ചവടക്കാർ, മറ്റേതെങ്കിലും കാഠിന്യമുള്ള ജോലികളിൽ ഏർപ്പെടുന്നവർ എന്നിവർ ജോലി സമയം ക്രമീകരിക്കുക. ജോലിയിൽ ആവശ്യമായ വിശ്രമം ഉറപ്പ് വരുത്തുക.* ഉച്ചവെയിലിൽ കന്നുകാലികളെ മേയാൻ വിടുന്നതും മറ്റു വളർത്തുമൃഗങ്ങളെ വെയിലത്ത് കെട്ടിയിടുന്നതും ഒഴിവാക്കണം. മൃഗങ്ങൾക്കും പക്ഷികൾക്കും ജലലഭ്യത ഉറപ്പാക്കുക.</li>
<li>* കുട്ടികളെയോ വളർത്തുമൃഗങ്ങളെയോ പാർക്ക് ചെയ്ത വാഹനങ്ങളിൽ ഇരുത്തി പോകാൻ പാടില്ല.* ജലം പാഴാക്കാതെ ഉപയോഗിക്കാനും മഴ ലഭിക്കുമ്പോൾ പരമാവധി ജലം സംഭരിക്കാനുമുള്ള നടപടികൾ സ്വീകരിക്കണം. നിർജലീകരണം തടയാന്‍ എപ്പോഴും ഒരു ചെറിയ കുപ്പിയില്‍ കുടിവെള്ളം കയ്യില്‍ കരുതുക.</li>
<li>* അസ്വസ്ഥകൾ അനുഭവപ്പെട്ടാൽ ഉടനെ വിശ്രമിക്കുകയും വൈദ്യസഹായം തേടുകയും ചെയ്യുക.</li>
<li>* കാലാവസ്ഥാ വകുപ്പിന്റെയും ദുരന്ത നിവാരണ അതോറിറ്റിയുടെയും ഔദ്യോഗിക മുന്നറിയിപ്പുകൾ ശ്രദ്ധിക്കുകയും അനുസരിക്കുകയും ചെയ്യുക.</li>
</ul>

സംസ്ഥാനത്ത് ഇന്നും താപനില ഉയരാൻ സാധ്യത

കോഴിക്കോട്: മുക്കത്ത് പീഡനശ്രമം ചെറുക്കുന്നതിനിടെ ലോഡ്‌ജിന് മുകളിൽ നിന്നുചാടി ഗുരുതര പരിക്കേറ്റ യുവതിയുടെ രഹസ്യമൊഴി ഇന്ന് രേഖപ്പെടുത്തും. യുവതിയുടെ ആരോഗ്യനില ഗുരുതരമായി തുടരുകയാണ്. ഹോട്ടലുടമ ഉൾപ്പെടെയുള്ളവർ ഒളിവിലാണെന്നാണ് പൊലീസ് പറയുന്നത്. പ്രതികൾക്കായി തെരച്ചിൽ വ്യാപിപ്പിച്ചതായും പൊലീസ് അറിയിച്ചു.
മുക്കത്തെ സ്വകാര്യ ലോഡ്‌ജിലെ ജീവനക്കാരിയാണ് കെട്ടിടത്തിന്റെ മുകളിൽ നിന്ന് ചാടിയത്. ഫെബ്രുവരി ഒന്നിന് രാത്രി 11.30ഓടെയായിരുന്നു സംഭവം. ലോഡ്‌ജ് ഉടമയും ജീവനക്കാരും പീഡിപ്പിക്കാൻ ശ്രമിച്ചു എന്നാണ് യുവതി പൊലീസിന് മൊഴി നൽകിയത്.​ സംഭവത്തിൽ മുക്കം പൊലീസ് മൂന്നുപേർക്കെതിരെ കേസെടുത്തിരുന്നു.29കാരിയായ യുവതിയാണ് ആക്രമണത്തിന് ഇരയായത്. മൂന്നുമാസമായി ഈ ലോഡ്‌ജിലെ ജീവനക്കാരിയായിരുന്നു യുവതി. സംഭവദിവസം രാത്രി ഫോണിൽ ഗെയിം കളിച്ചു കൊണ്ടിരിക്കെ മൂന്നുപേർ ചേർന്ന് പീഡിപ്പിക്കാൻ ശ്രമിച്ചുവെന്നും ഈ സമയത്ത് പ്രാണരക്ഷാർത്ഥം ഓടി കെട്ടിടത്തിൽ നിന്ന് താഴേക്ക് ചാടിയെന്നുമാണ് യുവതി പൊലീസിന് മൊഴി നൽകിയിരിക്കുന്നത്.

പീഡനശ്രമം ചെറുക്കുന്നതിനിടെ ലോഡ്‌ജിന് മുകളിൽ നിന്നുചാടിയ യുവതിയുടെ നില ഗുരുതരമായി തുടരുന്നു

തിരുവനന്തപുരം: കെ.എസ്.ആര്‍.ടി.സി യില്‍ കോണ്‍ഗ്രസ് അനുകൂല സംഘടനയായ ടിഡിഎഫിന്റെ പണിമുടക്ക് പുരോഗമിക്കുന്നു. 24 മണിക്കൂര്‍ പണിമുടക്ക് തിങ്കളാഴ്ച അര്‍ധരാത്രി മുതലാണ് ആരംഭിച്ചത്. കെ.എസ്.ആര്‍.ടി.സി എം.ഡി പ്രമോജ് ശങ്കര്‍ സംഘടനാ നേതാക്കളുമായി നടത്തിയ ചര്‍ച്ച പരാജയപ്പെട്ടതോടെയാണ് സമരവുമായി മുന്നോട്ടുപോകാന്‍ തീരുമാനിച്ചത്.
12 ആവശ്യങ്ങള്‍ ഉന്നയിച്ചാണ് സമരം.എല്ലാ മാസവും ഒന്നാം തീയ്യതി ശമ്പളം വിതരണം ചെയ്യണമെന്നതാണ് പ്രധാന ആവശ്യം. ഡി.എ കുടിശ്ശിക പൂര്‍ണമായും അനുവദിക്കുക, ശമ്പള പരിഷ്‌കരണ കരാറിന്റെ സര്‍ക്കാര്‍ ഉത്തരവ് ഇറക്കുക, ഡ്രൈവര്‍മാരുടെ സ്‌പെഷ്യല്‍ അലവന്‍സ് കൃത്യമായി നല്‍കുക തുടങ്ങിയ ആവശ്യങ്ങളും സമരക്കാര്‍ ഉന്നയിക്കുന്നു.സമരത്തെ നേരിടാന്‍ സര്‍ക്കാര്‍ ഡയസ്‌നോണ്‍ പ്രഖ്യാപിച്ചിട്ടുണ്ട്. കൂടുതല്‍ താത്കാലിക ജീവനക്കാരെ നിയോഗിച്ച് സര്‍വീസുകള്‍ നടത്താനുള്ള മുന്‍കരുതലുകള്‍ നേരത്തേ തന്നെ അധികൃതര്‍ സ്വീകരിച്ചിരുന്നു.&nbsp;

കെ.എസ്.ആര്‍.ടി.സി യില്‍ 24 മണിക്കൂര്‍ പണിമുടക്ക് തുടങ്ങി

മഞ്ചേരി: തൃക്കലങ്ങോട് കാരക്കുന്നില്‍ വിദ്യാര്‍ഥിനിയെ തൂങ്ങിമരിച്ച നിലയില്‍ കണ്ടെത്തി. ആമയൂര്‍ റോഡ് പുതിയത്ത് വീട്ടില്‍ പരേതനായ ഷേര്‍ഷ സിനിവര്‍ എന്ന ഇബ്‌നുവിന്റെ മകള്‍ ഷൈമ സിനിവര്‍ (19) ആണ് മരിച്ചത്.
അയല്‍വാസിയും ബ്യൂട്ടീഷ്യന്‍ കോഴ്‌സ് വിദ്യാര്‍ഥിയുമായ സുഹൃത്ത് കൈക്കോട്ടുപറമ്പില്‍ സജീറിനെ (19) രാത്രിയോടെ അവശനിലയില്‍ മഞ്ചേരി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ആത്മഹത്യാശ്രമമാണെന്നു കരുതുന്നു.തിങ്കളാഴ്ച വൈകീട്ട് അഞ്ചരയോടെയാണ് സംഭവം. പ്ലസ്ടു കഴിഞ്ഞ് പി.എസ്.സി. പരീക്ഷാപരിശീലനം നടത്തിവരുകയാണ് ഷൈമ. മൃതദേഹം മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിട്ടുണ്ട്.കഴിഞ്ഞ വെള്ളിയാഴ്ച ഷൈമയുടെ വിവാഹം നിശ്ചയിച്ചിരുന്നു. അടുത്തദിവസം നിക്കാഹ് ചടങ്ങുകള്‍ നടക്കാനിരിക്കുകയായിരുന്നു. പോസ്റ്റ്‌മോര്‍ട്ടം നടപടികള്‍ക്കുശേഷം ചൊവ്വാഴ്ച ഉച്ചയ്ക്ക് കാരക്കുന്ന് വലിയ ജുമാമസ്ജിദില്‍ കബറടക്കം നടക്കും. മാതാവ്: സുനീറ. സഹോദരങ്ങള്‍: തസ്നി സിനിവര്‍, നിഷാല്‍

വിവാഹം നിശ്ചയിച്ച പെണ്‍കുട്ടി തൂങ്ങിമരിച്ച നിലയില്‍,ആൺസുഹൃത്ത് ആത്മഹത്യക്ക് ശ്രമിച്ചു

തിരുവനന്തപുരം: വഞ്ചിയൂരിൽ അഭിഭാഷകയെ ക്രൂരമർദനത്തിനിരയാക്കിയ സീനിയർ അഭിഭാഷകൻ ബെയ്ലിൻ ദാസിന് ജാമ്യം. തിരുവനന്തപുരം ജുഡീഷ്യൽ ഫസ്റ്റ് ക്ലാസ് കോടതിയാണ് ജാമ്യം അനുവദിച്ചത്. ശനിയാഴ്ച ജാമ്യാപേക്ഷയിൽ വിശദമായ വാദം കേട്ടിരുന്നു. തുടർന്ന് ഉത്തരവുപറയാൻ ഇന്നത്തേക്ക് മാറ്റുകയായിരുന്നു.
പ്രതിക്ക് ജാമ്യം നൽകിയിരിക്കുന്നുവെന്ന് ഒറ്റവാക്കിൽ കോടതി പറഞ്ഞു. പ്രോസിക്യൂഷൻ ജാമ്യത്തെ ശക്തമായി എതിർത്തിരുന്നു. മർദനമേറ്റ അഭിഭാഷകയുടെ രഹസ്യമൊഴി അടക്കം രേഖപ്പെടുത്തിയിട്ടില്ല. നിയമബോധമുള്ള അഭിഭാഷകനാണ് പ്രതി എന്നതുകൊണ്ടുതന്നെ സാക്ഷികളെ സ്വാധീനിക്കാൻ സാധ്യതയുണ്ട് എന്നും പ്രോസിക്യൂഷൻ ചൂണ്ടിക്കാട്ടിയിരുന്നു.എന്നാൽ, കേസിൽ സ്ത്രീത്വത്തെ അപമാനിക്കൽ വകുപ്പ് നിലനിൽക്കില്ലെന്നായിരുന്നു പ്രതിഭാഗം വാദിച്ചത്. ലൈംഗികാതിക്രമണം കേസിൽ ഇല്ല. മർദനം നടത്തി എന്നതാണ് കേസ്.

തിരുവനന്തപുരത്ത് ജൂനിയർ അഭിഭാഷകയെ മർദിച്ച കേസ്; ബെയ്ലിൻ ദാസിന് ജാമ്യം

തിരുവനന്തപുരം: മോഷണക്കുറ്റം ആരോപിച്ച് പേരൂർക്കട പൊലീസ് മാനസികമായി പീഡിപ്പിച്ചെന്ന പരാതിയുമായി മുഖ്യമന്ത്രി പിണറായി വിജയന്റെ ഓഫീസിലെത്തിയ ദളിത് യുവതിയെ അവഹേളിച്ചെന്ന് ആരോപണം.അഭിഭാഷകനൊപ്പം ഓഫീസിൽ പോയ പനവൂർ ഇരുമരം സ്വദേശിനി ബിന്ദുവിനാണ് (36) മോശം അനുഭവം ഉണ്ടായത്. മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശി പരാതി വായിച്ചുനോക്കിയില്ലെന്നും കോടതിയിൽ പോകാൻ പറഞ്ഞതായും യുവതി ഒരു മാധ്യമത്തോട് വെളിപ്പെടുത്തി.ചെയ്യാത്ത കുറ്റത്തിന്റെ പേരിൽ പൊലീസ് തന്നെ 20 മണിക്കൂറോളം മാനസികമായി പീഡിപ്പിച്ചെന്നാണ് ബിന്ദുവിന്റെ പരാതി. പരാതി വാങ്ങി പി ശശി മേശപ്പുറത്തേക്കിട്ടു,​ വായിച്ച് നോക്കിയില്ല, വീട്ടുകാർ പരാതി നൽകിയാൽ പൊലീസ് വിളിപ്പിക്കുമെന്ന് പി ശശി പറഞ്ഞതായി ബിന്ദു കൂട്ടിച്ചേർത്തു.
അതേസമയം, യുവതിയുടെ പരാതി അവഗണിച്ചിട്ടില്ലെന്ന് പി ശശി മാധ്യമങ്ങളോട് പറഞ്ഞു. 'ബിന്ദുവിന്റെ പരാതി ഗൗരവത്തോടെയാണ് കണ്ടത്. മോശമായി പെരുമാറിയ പൊലീസുകാർക്കെതിരെ അന്വേഷണത്തിനും നടപടിക്കും നിർദ്ദേശിച്ചു. കോടതിയെ സമീപിക്കാൻ ആവശ്യപ്പെട്ടത് വീട്ടുടമസ്ഥയ്‌ക്കെതിരെ നടപടി വേണം എന്ന ആവശ്യം ഉന്നയിച്ചതുകൊണ്ടാണ്'- പി ശശി വ്യക്തമാക്കി.

പൊലീസ് മാനസികമായി പീഡിപ്പിച്ചെന്ന പരാതിയുമായി മുഖ്യമന്ത്രിയുടെ ഓഫീസിലെത്തിയപ്പോൾ അവഹേളിച്ചു ;ഗുരുതര ആരോപണവുമായി ദളിത് യുവതി

പാലക്കാട്: മഴക്കാലം മുന്‍നിര്‍ത്തി 40 അംഗങ്ങളടങ്ങുന്ന പ്രത്യേക കര്‍മസേന രൂപവത്കരിക്കാന്‍ തദ്ദേശസ്ഥാപനങ്ങള്‍ക്ക് നിര്‍ദേശം. ആരോഗ്യമുള്ള യുവാക്കളെ ഉള്‍പ്പെടുത്തിയാണ് സേനയുണ്ടാക്കേണ്ടത്. വെള്ളപ്പൊക്കമുള്‍പ്പെടെയുള്ള ദുരന്തസാധ്യതയുള്ള പ്രദേശങ്ങളില്‍ തിരഞ്ഞെടുത്ത യുവാക്കള്‍ക്ക് ചുമതല നല്‍കി പരിശീലനവും നല്‍കണം. ജൂണ്‍ ആദ്യവാരം മുതല്‍ കര്‍മസേന സജ്ജമാക്കണമെന്നാണ് സര്‍ക്കാര്‍ നിര്‍ദേശം.മഴക്കാല ദുരന്തസാധ്യത മുന്നില്‍ക്കണ്ട് ദുരന്തസാധ്യതാ പ്രദേശങ്ങളിലുള്ളവരുടെ പട്ടിക തദ്ദേശസ്ഥാപനതലത്തിലും വില്ലേജ് തലത്തിലും പുതുക്കണം എന്നതുള്‍പ്പെടെയുള്ള നിര്‍ദേശങ്ങള്‍ വന്നതിനു പിന്നാലെയാണ് ഈ നിര്‍ദേശവും വന്നിട്ടുള്ളത്.
നേരത്തെ പല ഘട്ടത്തിലും കര്‍മസേന രൂപവത്കരിച്ചിട്ടുണ്ടെങ്കിലും പലപ്പോഴായി അവയില്‍നിന്ന് ആളുകള്‍ ഒഴിഞ്ഞുപോകുന്നതും തുടര്‍ച്ചയായി പരിശീലനം നല്‍കാത്തതും തിരിച്ചടിയായിട്ടുണ്ട്.മഴക്കാലക്കെടുതികളുടെ ഭാഗമായി ദുരിതാശ്വാസ ക്യാമ്പുകള്‍ ഒരുക്കേണ്ടിവന്നാല്‍ ഇവിടങ്ങളില്‍ പോലീസും അഗ്‌നിരക്ഷാസേനാ ഉദ്യോഗസ്ഥര്‍ക്കുമൊപ്പം പ്രവര്‍ത്തിക്കേണ്ട ചുമതലയും കര്‍മസേനയ്ക്കുണ്ട്.
അതാത് വാര്‍ഡുകളില്‍ കര്‍മസേനയില്‍ അംഗങ്ങളാകാന്‍ താത്പര്യമുള്ളവര്‍ വാര്‍ഡ് അംഗം മുഖേന വിവരം തദ്ദേശസ്ഥാപനങ്ങളെ അറിയിക്കണം. ഇതനുസരിച്ച് പഞ്ചായത്തുകളും നഗരസഭകളും പട്ടിക തയ്യാറാക്കും. അതില്‍നിന്ന് പ്രായം, ആരോഗ്യം എന്നിവ കണക്കിലെടുത്താണ് കര്‍മ്മസേനയെ തിരഞ്ഞെടുക്കുക.
ജൂണ്‍, ജൂലായ്, ഓഗസ്റ്റ്, സെപ്റ്റംബര്‍ മാസങ്ങളിലെ ആദ്യ ആഴ്ചയില്‍ ചേരുന്ന പ്രത്യേക ജില്ലാതല അവലോകന യോഗത്തിലായിരിക്കും ഇവരുടെ മറ്റു ചുമതലകള്‍ നിശ്ചയിക്കുക.

ആരോഗ്യമുള്ള യുവാക്കളെ ഉള്‍പ്പെടുത്തിയാണ് സേനയുണ്ടാക്കേണ്ടത്.

മഴക്കാലം മുൻനിർത്തി പ്രത്യേക കര്‍മസേന രൂപവത്കരിക്കാന്‍ തദ്ദേശസ്ഥാപനങ്ങള്‍ക്ക് നിര്‍ദേശം

കോഴിക്കോട്: പുതിയ ബസ്‌ സ്റ്റാൻഡിലെ വ്യാപാരസമുച്ചയത്തിലുണ്ടായ വൻ തീപിടിത്തത്തിന്റെ കാരണം കണ്ടെത്താൻ അഗ്നിരക്ഷാ സേന പരിശോധന ഇന്ന്. ജില്ലാ ഫയർ ഓഫീസറുടെ നേതൃത്വത്തിലാകും പരിശോധന നടക്കുക.&nbsp;
പരിശോധന നടത്തി റിപ്പോർട്ട് ഇന്നുതന്നെ ജില്ലാ കളക്‌ടർക്ക് സമർപ്പിക്കും. തീപിടിത്തത്തെ കുറിച്ചുള്ള വിശദമായ റിപ്പോർട്ട് രണ്ട് ദിവസത്തിനകം സമർപ്പിക്കാൻ ജില്ലാ കളക്‌ടർക്ക് ചീഫ് സെക്രട്ടറി നിർദ്ദേശം നൽകിയിരുന്നു. അതേസമയം വിഷയം ചർച്ച ചെയ്യാൻ പ്രത്യേക സ്റ്റിയറിംഗ് കമ്മിറ്റി വിളിച്ചുചേർക്കുമെന്ന് മേയർ ബീനാ ഫിലിപ്പ് അറിയിച്ചു.

കോഴിക്കോട് ബസ്‌ സ്റ്റാൻഡ് തീപിടിത്തം, കാരണം കണ്ടെത്താൻ ഫയർഫോഴ്‌സ് പരിശോധന നടത്തും

ന്യൂഡല്‍ഹി: ഇന്ത്യയില്‍ വിവിധ സ്‌ഫോടനങ്ങളില്‍ പങ്കുള്ള കൊടുംഭീകരന്‍ പാകിസ്താനില്‍ കൊല്ലപ്പെട്ടു. സെയ്ഫുള്ള ഖാലിദ് എന്ന ലഷ്‌കര്‍ ഭീകരനാണ് കൊല്ലപ്പെട്ടത്. പാകിസ്താനിലെ സിന്ധ് പ്രവിശ്യയില്‍ അജ്ഞാതരായ ആളുകളുടെ ആക്രമണത്തിലാണ് സെയ്ഫുള്ള ഖാലിദ് കൊല്ലപ്പെട്ടത് എന്ന് ഇന്ത്യാ ടുഡെ റിപ്പോര്‍ട്ട് ചെയ്തു.
2001ലെ രാംപുര്‍ സിആര്‍പിഎഫ് ക്യാമ്പിന് നേരെയുണ്ടായ ആക്രമണം, 2005ലെ ബെംഗളൂരുവിലെ ഇന്ത്യന്‍ ഇൻസ്റ്റിറ്റ്യൂട്ട് ഓഫ് സയൻസിലുണ്ടായ ആക്രണം, 2006ല്‍ നാഗ്പുരിലെ ആര്‍എസ്എസ് കേന്ദ്രകാര്യാലയത്തിന് നേരെ നടന്ന ആക്രമണം എന്നിവയുടെ സൂത്രധാരനാണ് സെയ്ഫുള്ള ഖാലിദെന്നാണ് സുരക്ഷാ ഏജന്‍സികള്‍ പറയുന്നത്.അഞ്ചുവര്‍ഷത്തിനിടെ നടത്തിയ മൂന്ന് ആക്രമണങ്ങളില്‍ നിരവധി ആളുകള്‍ കൊല്ലപ്പെടുകയും നിരവധി ആളുകള്‍ക്ക് പരിക്കേല്‍ക്കുകയും ചെയ്തിരുന്നു. വിനോദ് കുമാര്‍ എന്ന പേരില്‍ നേപ്പാളില്‍ കഴിഞ്ഞിരുന്ന ഇയാള്‍ അവിടെ നിന്ന് നഗ്മ ബാനു എന്ന സ്ത്രീയെ വിവാഹം കഴിക്കുകയും ചെയ്തിരുന്നു. വ്യാജപേരില്‍ നേപ്പാളില്‍ കഴിയവയെയാണ് ഇയാള്‍ ഇന്ത്യയിലെ ആക്രമണങ്ങള്‍ ആസൂത്രണം ചെയ്തത്.&nbsp;

ലഷ്‌കര്‍ ഭീകരനെ പാകിസ്താനിൽ അജ്ഞാതര്‍ കൊലപ്പെടുത്തി

Search Results for: 16/09/.2024