കൊല്‍ക്കത്ത: സിംഹത്തിന് സീത എന്നു പേരിട്ടാല്‍ എന്താണു ബുദ്ധിമുട്ടെന്ന് വിഎച്ച്പിയോട് കല്‍ക്കട്ട ഹൈക്കോടതി. ഹിന്ദു മതത്തില്‍ മൃഗങ്ങളും ദൈവങ്ങള്‍ അല്ലേയെന്നും ജല്‍പായ്ഗുഡിയിലെ കല്‍ക്കട്ട ഹൈക്കോടതിയുടെ സര്‍ക്കീറ്റ് ബെഞ്ച് ജസ്റ്റിസ് സൗഗത ഭട്ടാചാര്യ ചോദിച്ചു. 'അക്ബര്‍' എന്ന ആണ്‍ സിംഹത്തെയും 'സീത' എന്ന പെണ്‍സിംഹത്തെയും മൃഗശാലയില്‍ ഒന്നിച്ചു പാര്‍പ്പിക്കുന്നതിനെതിരെയാണ് വിശ്വഹിന്ദു പരിഷത്ത് കല്‍ക്കട്ട ഹൈക്കോടതിയെ സമീപിച്ചത്.&nbsp;
ഹിന്ദു വിശ്വാസത്തെ അപമാനിക്കുന്നതാണ് അക്ബറിനെ സീതയ്‌ക്കൊപ്പം ഒരേ കൂട്ടിലിട്ടത് എന്നാണ് വിഎച്ച്പിയുടെ വാദം. പെണ്‍ സിംഹത്തിന്റെ പേരു മാറ്റണമെന്നും അവര്‍ ആവശ്യപ്പെട്ടു. സംസ്ഥാന വനംവകുപ്പും ബംഗാള്‍ സഫാരി പാര്‍ക്ക് ഡയറക്ടറുമാണ് എതിര്‍കക്ഷികള്‍. ഈ മാസം 13 ന് ആണ് ഇണചേര്‍ക്കുന്നതിനായി ത്രിപുരയിലെ സെപാഹിജാല സുവോളജിക്കല്‍ പാര്‍ക്കില്‍നിന്നു സിംഹങ്ങളെ ബംഗാളില്‍ എത്തിച്ചത്. അക്ബറിന് 7 വയസ്സും സീതയ്ക്ക് 5 വയസ്സുമാണു പ്രായം. ഇതേസമയം, സിംഹങ്ങള്‍ക്ക് ഇതുവരെ പേരിട്ടിട്ടില്ലെന്ന് മൃഗശാല അധികൃതര്‍ പറഞ്ഞു.

സിംഹത്തിന് സീത എന്നു പേരിട്ടാല്‍ എന്താണ് കുഴപ്പം? വിഎച്ച്പിയോട് ചോദ്യവുമായി ഹൈക്കോടതി

National

കൊച്ചി: ബി.ജെ.പി സംസ്ഥാന അധ്യക്ഷൻ കെ.സുരേന്ദ്രന്‍റെ പദയാത്രയിലെ ഔ​ദ്യോ​ഗിക ​ഗാനത്തിലെ പിഴവ് ചർച്ചയാക്കി സോഷ്യൽ മീഡിയയും രാഷ്ട്രീയ പാർട്ടികളും. 'അഴിമതിക്ക് പേര് കേട്ട കേന്ദ്രഭരണ തന്ത്രമിന്ന് തച്ചുടക്കാൻ അണിനിരക്ക കൂട്ടരേ...' എന്നാണ് ഗാനത്തിലെ വരികൾ. ഗാനവുമായി ബന്ധപ്പെട്ട് പദയാത്ര അവലോകനയോഗത്തിൽ രൂക്ഷ വിമർശനമുയർന്നു. വീഡിയോ ചെയ്ത ഐടി സെല്ലിനെതിരെയാണ് വിമർശനം. നേരത്തെ ഉച്ചഭക്ഷണ പോസ്റ്ററും വിവാദമായിരുന്നു. ഇതോടെ എസ്.സി- എസ്.ടി നേതാക്കൾക്കൊപ്പം ഉച്ചഭക്ഷണമെന്ന പോസ്റ്റർ ബി.ജെ.പി കേരളം പേജിൽ നിന്ന് നീക്കി.
ബി.ജെ.പിയുടെ ഒരു സാമൂഹിക മാധ്യമ പേജുകളിലും ഇതിനി ഉണ്ടാവരുതെന്ന കർശന നിർദേശവും നേതൃത്വം നൽകി. എന്നാൽ നീക്കം ചെയ്ത ശേഷവും സാമൂഹിക മാധ്യമങ്ങളിൽ ട്രോളുകൾ നിറയുകയാണ്. ശബ്ദമിശ്രണത്തിൽ വന്ന പിഴവെന്നാണ് ഐ.ടി സെൽ ഭാരവാഹികൾ നൽകുന്ന വിശദീകരണം. ഈ വിശദീകരണം തൃപ്തികരമല്ലെന്നാണ് നേതാക്കൾ പറയുന്നത്.
പദയാത്രയുടെ കോഴിക്കോട്ടെ പരിപാടികളുമായി ബന്ധപ്പെട്ടിറക്കിയ പോസ്റ്ററിൽ ഉച്ചഭക്ഷണം 'എസ്.സി-എസ്.ടി നേതാക്കളും ഒന്നിച്ച്' എന്നെഴുതിയതാണ് വിവാദമായത്. ബി.ജെ.പി യുടെ ഔദ്യോഗിക പേജുകളിലടക്കം ഈ പോസ്റ്റർ പ്രത്യക്ഷപ്പെട്ടിരുന്നു.

'അഴിമതിക്ക് പേരുകേട്ട കേന്ദ്രഭരണ തന്ത്രം തച്ചുടയ്ക്കൂ കൂട്ടരേ'; കെ സുരേന്ദ്രന്റെ പദയാത്ര ഗാനത്തിൽ അബദ്ധം, വൈറലാക്കി സോഷ്യൽ മീഡിയ

Kerala

പന്തളം: എം.സി റോഡിൽ കുരമ്പാല മൈനാഗപ്പള്ളി ക്ഷേത്രത്തിന് സമീപത്തുവെച്ച് ഓട്ടത്തിനിടെ ഇലക്ട്രിക് സ്കൂട്ടറിന് തീപിടിച്ചു. ബുധനാഴ്ച ഉച്ചയ്ക്ക് മൂന്നോടെയാണ് സംഭവം. ഓല കമ്പനിയുടെ അടൂർ ഷോറൂമിലെ ടെസ്റ്റ് ഡ്രൈവ് വാഹനത്തിനാണ് ഇലക്ട്രിക് ഷോട്ട് സർക്യൂട്ട് മൂലം തീപിടിച്ചത്. അടൂർ ഫയർഫോഴ്സ് എത്തിയാണ് വെള്ളമൊഴിച്ച് തീയണച്ചത്. സ്കൂട്ടർ പൂർണമായും കത്തിനശിച്ചു.
സ്കൂട്ടർ ഓടിച്ചിരുന്ന അടൂർ മണ്ണടി കൊണ്ടൂർ അയ്യത്ത് രാഹുൽ രഘുനാഥ് (27), ഒപ്പമുണ്ടായിരുന്ന അടൂർ മണക്കാല ചിറ്റാലിമുക്ക് കാർത്തിക ഭവനിൽ അതുൽ വിജയൻ (27) എന്നിവർ അത്ഭുതകരമായി രക്ഷപ്പെട്ടു. ഓടുന്നതിനിടയിൽ സ്കൂട്ടർ ഓഫ് ആയി മിനിറ്റുകൾക്കകം തീ പടർന്നു പിടിക്കുകയായിരുന്നു. ഇതോടെ ഇരുവരും സ്കൂട്ടർ ഉപേക്ഷിച്ച് ഓടിമാറി.

ഓട്ടത്തിനിടെ ഓലയുടെ ഇലക്ട്രിക് സ്കൂട്ടറിന് തീപിടിച്ചു

തിരുവനന്തപുരം: ലോക്‌സഭ തെരഞ്ഞെടുപ്പിലേക്കുള്ള സ്ഥാനാർത്ഥികളുടെ സാധ്യതാപട്ടികക്ക് സി.പി.എം സംസ്ഥാന കമ്മിറ്റി യോഗത്തിൽ അംഗീകാരം. പൊന്നാനിയിൽ മുൻ ലീഗ് നേതാവ്‌ കെ.എസ്. ഹംസ, പത്തനംതിട്ടയിൽ ടി.എം. തോമസ് ഐസക്, വടകരയിൽ കെ.കെ. ശൈലജ,ആറ്റിങ്ങലിൽ വി. ജോയ്, എറണാകുളത്ത് കെ.ജെ. ഷൈൻ, ഇടുക്കിയിൽ ജോയ്‌സ് ജോർജ്, കൊല്ലത്ത് എം. മുകേഷ്, ആലപ്പുഴയിൽ എ.എം. ആരിഫ്, ചാലക്കുടിയിൽ സി. രവീന്ദ്രനാഥ്, കോഴിക്കോട്ട് എളമരം കരീം എന്നിവർ മത്സരിക്കും.
കണ്ണൂർ- എംവി ജയരാജൻ, കാസർകോട് -എം.വി. ബാലകൃഷ്ണൻ, പാലക്കാട് - എ. വിജയരാഘവൻ, ആലത്തൂർ - കെ. രാധാകൃഷ്ണൻ എന്നിവരും മത്സരിക്കും. പട്ടികയിൽ രണ്ട് വനിതകൾ മാത്രമാണുള്ളത്. കെ.കെ. ശൈലജയും എറണാകുളത്ത്‌ മത്സരിക്കുന്ന കെ.ജെ. ഷൈനുമാണ് പട്ടികയിലെ വനിതകൾ. സംസ്ഥാനത്ത് 15 മണ്ഡലങ്ങളിലാണ് സി.പി.എം മത്സരിക്കുന്നത്.
രാവിലെ ചേർന്ന സംസ്ഥാന സെക്രട്ടറിയേറ്റിൽ സ്ഥാനാർത്ഥി പട്ടിക സംബന്ധിച്ച ധാരണയുണ്ടാക്കിയിരുന്നു. ഇതിന് ശേഷം സംസ്ഥാന കമ്മിറ്റി യോഗത്തിൽ അവതരിപ്പിക്കുകയായിരുന്നു. കമ്മിറ്റി ഇത് ചർച്ച ചെയ്ത് വീണ്ടും സംസ്ഥാന നേതൃത്വത്തിന് കൈമാറും. 27ന് സി.പി.എം സംസ്ഥാന സെക്രട്ടറി എം.വി. ഗോവിന്ദൻ പട്ടിക ഔദ്യോഗികമായി പ്രഖ്യാപിക്കും.

വടകരയിൽ കെ.കെ. ശൈലജ, കോഴിക്കോട്ട് എളമരം കരീം; സി.പി.എം സ്ഥാനാർത്ഥികളുടെ സാധ്യതാപട്ടികയായി

തിരുവനന്തപുരം: ലോണ്‍ ആപ്പ് ഭീഷണിയെ തുടര്‍ന്ന് വയനാട് അരിമുള സ്വദേശി അജയരാജ്‌ ആത്മഹത്യ ചെയ്ത സംഭവത്തില്‍ നാലുപേര്‍ അറസ്റ്റില്‍. ഗുജറാത്ത് രാജ്കോട്ട് സ്വദേശികളാണ് പ്രതികള്‍.&nbsp;
മീനങ്ങാടി പൊലീസാണ് പ്രതികളെ ഗുജറാത്തില്‍ പോയി പിടികൂടിയത്. സൈബര്‍ സെല്‍ നടത്തിയ അന്വേഷണത്തിലാണ് പ്രതികള്‍ വലയിലായത്. സ്ത്രീകളെ ഉപയോഗിച്ചും സാമ്പത്തിക തട്ടിപ്പ് നടത്തുന്ന സംഘമാണ് പിടിയിലായത്. വ്യാജ ചിത്രങ്ങള്‍ നിര്‍മിച്ചും ഭീഷണിപ്പെടുത്തല്‍ നടത്തുന്നതായി കണ്ടെത്തി. അജയരാജിന്റെ ഫോണുമായി ബന്ധപ്പെട്ട് നടത്തിയ അന്വേഷണമാണ് പ്രതികളെ കണ്ടെത്താന്‍ സാധിച്ചത്.

ലോണ്‍ ആപ്പ് ഭീഷണി: വയനാട് സ്വദേശി ആത്മഹത്യയിൽ നാലുപേര്‍ അറസ്റ്റില്‍

ക്വാലാലംപൂർ: ഗർഭകാലത്തെ ഭാര്യയുടെ ബുദ്ധിമുട്ടുകൾ മനസ്സിലാക്കാൻ ദിവസം മുഴുവൻ വയറ്റിൽ തണ്ണിമത്തൻ കെട്ടി നടന്ന് മലേഷ്യൻ യുവാവ്. നരേന്ദ്രൻ എന്ന യുവാവാണ് എട്ട് മാസം ഗർഭിണിയായ ഭാര്യയുടെ ബുദ്ധിമുട്ടുകൾ മനസ്സിലാക്കാൻ വയറ്റിൽ തണ്ണിമത്തൻ കെട്ടി നടന്നത്. ടിക് ടോക്കിലൂടെയാണ് തണ്ണിമത്തൻ ചലഞ്ചിന്‍റെ വിഡിയോ നരേന്ദ്രൻ പങ്കുവെച്ചത്.
ടേപ്പ് കൊണ്ട് തണ്ണിമത്തൻ വയറ്റിൽ ഒട്ടിച്ച് ഭാര്യ ചെയ്യുന്ന കാര്യങ്ങൾ ചെയ്ത് നോക്കുകയായിരുന്നു അദ്ദേഹം. സമീപത്തുള്ള കടയിൽ പോയി സാധനങ്ങൾ വാങ്ങുകയും തുണിയലക്കുകയും ചെയ്തതോടെ നരേന്ദ്രൻ ക്ഷീണിച്ചു. എന്നാൽ, അദ്ദേഹം ജോലികൾ ചെയ്യുന്നത് തുടരുകയും ടാസ്ക് പൂർത്തിയാക്കുകയും ചെയ്തു. ഗർഭിണിയായ സ്ത്രീ ദൈനംദിന ജോലികൾ ചെയ്യുന്നത് എങ്ങനെയാണെന്ന് മനസ്സിലാക്കുക മാത്രമാണ് ചലഞ്ച് ഏറ്റെടുത്തതിന്‍റെ ഉദ്ദേശ്യമെന്ന് നരേന്ദ്രൻ പറഞ്ഞു. ചലഞ്ച് ഏറ്റെടുത്തതിന് നരേന്ദ്രനെ അഭിനന്ദിച്ച് നിരവധി ആളുകളാണ് രംഗത്ത് വന്നത്.

ഗർഭകാലത്തെ ഭാര്യയുടെ വിഷമം മനസ്സിലാക്കാൻ ദിവസം മുഴുവൻ വയറ്റിൽ തണ്ണിമത്തൻ കെട്ടി നടന്ന് യുവാവ്; വൈറൽ

കോഴിക്കോട്: ടി.പി. ചന്ദ്രശേഖരൻ വധക്കേസ് പ്രതികളായ സി.പി.എം നേതാക്കള്‍ കീഴടങ്ങി. പത്താംപ്രതി കെ.കെ. കൃഷ്ണന്‍, 12ാംപ്രതി ജ്യോതി ബാബു എന്നിവരാണ് കോഴിക്കോട് മാറാട് പ്രത്യേക കോടതിയിൽ കീഴടങ്ങിയത്. കോഴിക്കോട് ജില്ല ജയിലിലേക്ക് മാറ്റുന്ന പ്രതികളെ 26ന് ഹൈകോടതിയില്‍ ഹാജരാക്കും.
ടി.​പി. ച​ന്ദ്ര​ശേ​ഖ​ര​ൻ വ​ധ​ക്കേ​സി​ൽ വി​ചാ​ര​ണ​ക്കോ​ട​തി വെറുതെവിട്ട പ്ര​തി​ക​ളാ​യ കെ.​കെ. കൃ​ഷ്ണ​നും ജ്യോ​തി ബാ​ബുവും കു​റ്റ​ക്കാ​രാ​ണെ​ന്ന്​ കഴിഞ്ഞ ദിവസം ഹൈകോടതി വിധിച്ചിരുന്നു. കു​റ്റ​കൃ​ത്യ​വു​മാ​യി ബ​ന്ധ​പ്പെ​ട്ട ഗൂ​ഢാ​ലോ​ച​ന​യി​ൽ പ​ങ്കു​ണ്ടെ​ന്ന്​ വി​ല​യി​രു​ത്തി​യാ​ണ്​ കെ.​കെ. കൃ​ഷ്​​ണ​നെ​യും ജ്യോ​തി ബാ​ബു​വി​നെ​യും കു​റ്റ​ക്കാ​രാ​ണെ​ന്ന്​ ക​ണ്ടെ​ത്തി​യ​ത്. തുടർന്നാണ് പ്രതികൾ കീഴടങ്ങിയത്. ഇ​വ​രേ​യും ഒ​ന്നു മു​ത​ൽ എ​ട്ടു​വ​രെ പ്ര​തി​ക​ളെ​യും പ​തി​നൊ​ന്നാം പ്ര​തി​യെ​യും 26ന്​ ​ഹൈ​കോ​ട​തി​യി​ൽ ഹാ​ജ​രാ​ക്ക​ണ​മെ​ന്ന്​ നി​ർ​ദേ​ശി​ച്ചിട്ടുണ്ട്.
ടി.​പി. വ​ധ​ക്കേ​സി​ലെ പ്ര​തി​ക​ൾ​ക്ക്​ വി​ചാ​ര​ണ​ക്കോ​ട​തി വി​ധി​ച്ച ശി​ക്ഷ ഹൈ​കോ​ട​തി ശ​രി​വെ​ക്കുകയും ചെയ്തിരുന്നു. എം.​സി. അ​നൂ​പ്, കി​ർ​മാ​ണി മ​നോ​ജ്, കൊ​ടി സു​നി, ര​ജീ​ഷ്, മു​ഹ​മ്മ​ദ്​ ഷാ​ഫി, അ​ണ്ണ​ൻ സി​ജി​ത്, കെ. ​ഷി​നോ​ജ്, ​കെ.​സി. രാ​മ​ച​ന്ദ്ര​ൻ, 11ാം പ്ര​തി ട്രൗ​സ​ർ മ​നോ​ജ്, 13ാം പ്ര​തി കു​ഞ്ഞ​ന​ന്ത​ൻ, 18ാം ​പ്ര​തി വാ​ഴ​പ്പ​ട​ച്ച റ​ഫീ​ഖ്​ എ​ന്നി​വ​ർ​ക്ക്​ വി​ധി​ച്ച ജീ​വ​പ​ര്യ​ന്ത​വും 31ാം പ്ര​തി ലം​ബു എ​ന്ന എം.​കെ. പ്ര​ദീ​പ​ന്​ വി​ധി​ച്ച മൂ​ന്നു​വ​ർ​ഷം ത​ട​വു​മാ​ണ്​ ഡി​വി​ഷ​ൻ ബെ​ഞ്ച്​ ശ​രി​വെ​ച്ച​ത്.
കു​ഞ്ഞ​ന​ന്ത​ൻ 2020 ജൂ​ണി​ൽ മ​ര​ണ​പ്പെ​ട്ടി​രു​ന്നു. ശേ​ഷി​ക്കു​ന്ന 22 പേ​രെ വെ​റു​തെ വി​ട്ട ന​ട​പ​ടി​യും കോ​ട​തി ശ​രി​വെ​ച്ചു. വി​ചാ​ര​ണ​ക്കോ​ട​തി വി​ധി ചോ​ദ്യം ചെ​യ്ത്​ ശി​ക്ഷി​ക്ക​പ്പെ​ട്ട പ്ര​തി​ക​ളും, ചി​ല പ്ര​തി​ക​ളെ വെ​റു​തെ വി​ട്ട​തി​നെ​തി​രെ സ​ർ​ക്കാ​റും, ശി​ക്ഷ വ​ർ​ധി​പ്പി​ക്ക​ണ​മെ​ന്നും സി.​പി.​എം നേ​താ​വ് പി. ​മോ​ഹ​ന​ൻ ഉ​ൾ​പ്പെ​ടെ​യു​ള്ള വെ​റു​തെ വി​ട്ട​വ​രെ ശി​ക്ഷി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ടി.​പി​യു​ടെ ഭാ​ര്യ കെ.​കെ. ര​മ​യും ന​ൽ​കി​യ അ​പ്പീ​ൽ ഹ​ര​ജി​ക​ളാണ് ഹൈകോടതി​ ​ഡി​വി​ൻ ബെ​ഞ്ച്​ പ​രി​ഗ​ണി​ച്ച​ത്.

ടി.പി. വധക്കേസ്; കു​റ്റ​ക്കാ​രാ​ണെ​ന്ന് വിധിച്ച സി.പി.എം നേതാക്കള്‍ കീഴടങ്ങി

കെ.​കെ. കൃ​ഷ്ണ​ൻ, ജ്യോ​തി ബാ​ബു

Kozhikode

പല്ലിന്റെ ആരോഗ്യം നഷ്ടപ്പെടുന്നത് നിരവധി പ്രശ്‌നങ്ങള്‍ സൃഷ്ടിക്കും. ആത്മവിശ്വാസം മുതല്‍ ഭക്ഷണം കഴിക്കുന്നതിനെ വരെ അത് ബാധിക്കും. ഇതില്‍ നമ്മുടെ ഭക്ഷണത്തിന് വലിയ പ്രാധാന്യമുണ്ട്. ചില ഭക്ഷണങ്ങള്‍ നമ്മള്‍ പല്ലിനുവേണ്ടി കഴിക്കേണ്ടതുണ്ട്. ഡയറ്റില്‍ ഈ കാര്യങ്ങള്‍ ശ്രദ്ധിക്കാം. നമ്മള്‍ ഭക്ഷണത്തിലൂടെ ഉറപ്പ് വരുത്തേണ്ട ഒരു ഘടകമാണ് കാത്സ്യം. കാത്സ്യം മാത്രം പോരാ പല്ലിന്റെ ആരോഗ്യം കാക്കാന്‍. ഇതിനൊപ്പം പോഷകങ്ങളും ആവശ്യമാണ്.
പാലും പാലുത്പന്നങ്ങളും പതിവായി കഴിക്കുന്നത് പല്ലിന് നല്ലതാണ്. പല്ലിന്റെ ആരോഗ്യത്തിനാവശ്യമായ കാത്സ്യം, ഫോസ്ഫറസ് എന്നിവ ഉറപ്പിക്കാനാണിവ കഴിക്കുന്നത്. പല്ലിന്റെ ഇനാമല്‍ ശക്തിപ്പെടുത്താനും പല്ല് തിളക്കമുള്ളതും ബലമുള്ളതുമാക്കാനും എല്ലാം ഇവ ഗുണം ചെയ്യും.
സവാളയും പല്ലുകള്‍ക്ക് ഗുണം ചെയ്യുന്ന ഒന്നാണ്. സവാളയിലുള്ള സള്‍ഫര്‍ കോമ്പൗണ്ടുകള്‍ പല്ലുകളെ ബാധിക്കുന്ന പല ബാക്ടീരിയകളെയും ചെറുക്കുന്നു. ഇതോടെ പല്ലിലെ പോട്, മറ്റ് അസുഖങ്ങള്‍ എന്നിവയെ പ്രതിരോധിക്കാന്‍ സാധിക്കും.
ആപ്പിള്‍, ക്യാരറ്റ്, സെലറി തുടങ്ങിയവ കഴിക്കുന്നതും പതിവാക്കണം. ഇവ ഉമിനീരീന്റെ ഉത്പാദനം കൂട്ടുകയും വായ്ക്കകത്ത് പല രോഗങ്ങളും വരാനുള്ള സാധ്യത ഇല്ലാതാക്കുകയും ചെയ്യും. ഗ്രീന്‍ ടീ കുടിക്കുന്നതും പല്ലിന് വളരെ നല്ലതാണ്. ഇതിലുള്ള 'കാറ്റെച്ചിന്‍സ്' മോണ രോഗം അടക്കം പല രോഗങ്ങളെയും ചെറുക്കാന്‍ ഗുണം ചെയ്യും.
പതിവായി നട്ട്‌സ് കഴിക്കുന്നതും നല്ലതാണ്. പ്രത്യേകിച്ച് ബദാമും അണ്ടിപ്പരിപ്പും കഴിക്കാന്‍ ശ്രദ്ധിക്കാം. ഇവയിലുള്ള കാത്സ്യം, പ്രോട്ടീന്‍ എന്നിവ പല്ലിന് ഗുണകരമാണ്. ഇലക്കറികള്‍ പതിവായി കഴിക്കുന്നതും പല്ലിന് ഗുണം ചെയ്യും. ഇവയിലുള്ള വൈറ്റമിനുകള്‍, ധാതുക്കള്‍, കാത്സ്യം, ഫോളിക് ആസിഡ് എന്നീ ഘടകങ്ങളെല്ലാം തന്നെ പല്ലിന്റെയും മോണയുടെയും ആരോഗ്യം മെച്ചപ്പെടുത്തും.

പല്ലിന്റെ നിറം മങ്ങിയോ; ഭക്ഷണത്തില്‍ ചില കാര്യങ്ങള്‍ ശ്രദ്ധിക്കാം

Health

നാദാപുരം: ശല്യം രൂക്ഷമായതിനെ തുടർന്ന് പഞ്ചായത്ത് മുൻകയ്യെടുത്ത് എട്ട് കാട്ടുപന്നികളെ വെടിവച്ചു കൊന്നു. കിഫയുടെ വെടിവയ്പു സംഘത്തെ എത്തിച്ചാണ് കാട്ടുപന്നികളെ വെടിവച്ചു കൊന്നത്. വൻ കൃഷി നാശം ഉണ്ടാക്കിയിരുന്ന പന്നിക്കൂട്ടം വാഹനങ്ങൾക്കു മുൻപിൽ ചാടി അപകടം സൃഷ്ടിക്കുന്നതും പതിവാണ്. ഈ സാഹചര്യത്തിലാണ് പഞ്ചായത് മുൻകൈ എടുത്ത് കാട്ടുപന്നികളെ കൊന്നത്.
പഞ്ചായത്തിലെ 22–ാം വാർഡിൽ മൊദാക്കര പള്ളിക്കാട്ടിൽ‌ തമ്പടിച്ച കാട്ടുപന്നികളെയാണ്, പരിശീലനം നേടിയ പട്ടികളുമായെത്തിയ സംഘം വെടിവച്ചു കൊന്നത്. പന്നികളുടെ ജഡം പള്ളി വക സ്ഥലത്തു കുഴിച്ചു മൂടാനുള്ള നീക്കം പള്ളി കമ്മിറ്റി ഭാരവാഹികളുടെ എതിർപ്പു കാരണം നടന്നില്ല. ഒടുവിൽ ഇവയെ കുഴിച്ചുമൂടുന്നതിനു വെടിവയ്ക്കാൻ എത്തിയ സംഘത്തെതന്നെ ചുമതലപ്പെടുത്തുകയായിരുന്നു.
കൃഷിയിടങ്ങളിലും വീടുകളിലും തലവേദന സൃഷ്ടിച്ചതോടെയാണ് പന്നിക്കൂട്ടത്തെ തുരത്താനുള്ള ദൗത്യത്തിനു പഞ്ചായത്ത് മുൻകയ്യെടുത്തതെന്ന് പ്രസിഡന്റ് വി.വി. മുഹമ്മദലി ‌പറഞ്ഞു. നിരവധി വാഹനങ്ങൾ പന്നിക്കൂട്ടം മറിച്ചിടുകയും വീടുകളിലും കൃഷിയിടങ്ങളിലും നഷ്ടമുണ്ടാക്കുകയും ചെയ്തു. സംസ്ഥാന പാത വഴി രാത്രിയെത്തുന്ന വാഹനങ്ങൾക്കു മുൻപിൽ ഇവയുടെ പരാക്രമം കാരണം പലർക്കും പരുക്കേറ്റതായും പ്രസിഡന്റ് പറഞ്ഞു.

ശല്യം രൂക്ഷം; നാദാപുരത്ത് എട്ട് കാട്ടുപന്നികളെ വെടിവച്ചു കൊന്നു

Nadapuram

തിരുവനന്തപുരം: വീട്ടില്‍ പ്രസവമെടുക്കുന്നതിനിടെ അമ്മയും കുഞ്ഞും മരിച്ച സംഭവത്തില്‍ ഭര്‍ത്താവിനെതിരേ പോലീസ് കേസെടുത്തു. തിരുവനന്തപുരം കാരയ്ക്കാമണ്ഡപത്ത് വാടകയ്ക്ക് താമസിക്കുന്ന പൂന്തുറ സ്വദേശി നയാസിനെതിരേയാണ് നരഹത്യാക്കുറ്റം ചുമത്തി പോലീസ് കേസെടുത്തത്. ഇയാള്‍ നിലവില്‍ പോലീസ് കസ്റ്റഡിയിലാണ്. നയാസിന്റെ ഭാര്യ ഷമീറ ബീവി(36)യും നവജാതശിശുവുമാണ് കഴിഞ്ഞദിവസം മരിച്ചത്. ചൊവ്വാഴ്ച വീട്ടില്‍ പ്രസവമെടുക്കുന്നതിനിടെ അമിത രക്തസ്രാവമുണ്ടായി ഷമീറ ബോധരഹിതയായിരുന്നു. തുടര്‍ന്ന് നയാസ് ആംബുലന്‍സ് വിളിച്ച് കിള്ളിപ്പാലത്തെ ആശുപത്രിയില്‍ എത്തിച്ചെങ്കിലും അമ്മയും കുഞ്ഞും മരിച്ചിരുന്നതായി ഡോക്ടര്‍മാര്‍ സ്ഥിരീകരിക്കുകയായിരുന്നു.
അതിനിടെ, ഗര്‍ഭിണിയായിരിക്കെ ഷമീറയ്ക്ക് ആശുപത്രിയില്‍നിന്ന് ചികിത്സ ഉറപ്പാക്കണമെന്ന് ആവശ്യപ്പെട്ടതിന് നയാസ് ആരോഗ്യപ്രവര്‍ത്തകരോട് മോശമായി പെരുമാറിയതായി ആരോപണമുണ്ട്. ഒരുമാസം മുന്‍പ് ഷമീറ അസുഖബാധിതയായപ്പോള്‍ അയല്‍ക്കാര്‍ അറിയിച്ചതനുസരിച്ച് നയാസിന്റെ ആദ്യഭാര്യയും മകളുമെത്തി ഇവരെ കൊണ്ടുപോയെന്നും തിരികെയെത്തിയതിനുശേഷം യുവതി ആരുമായും സംസാരിക്കാറില്ലെന്നും നാട്ടുകാര്‍ പറയുന്നു. ഒരിക്കല്‍ ആശ വര്‍ക്കര്‍മാര്‍ വീട്ടിലെത്തിയപ്പോള്‍ നയാസ് അവരെ ശകാരിച്ചു. തന്റെ ഭാര്യയെ നോക്കാന്‍ തനിക്കറിയാമെന്നും അതില്‍ അയല്‍ക്കാരും ആശ വര്‍ക്കര്‍മാരും ഇടപടേണ്ടെന്നും പറഞ്ഞു. നയാസ് ഭാര്യയ്ക്ക് അക്യുപങ്ചര്‍ ചികിത്സയാണ് നല്‍കുന്നതെന്നും നാട്ടുകാര്‍ ആരോപിച്ചു. അക്യുപങ്ചര്‍ ചികിത്സയിലൂടെ ഭാര്യ പ്രസവിക്കട്ടെയെന്ന് നയാസ് പറഞ്ഞതായി മറ്റൊരു അയല്‍വാസിയും വെളിപ്പെടുത്തി.
ഷമീറയുടെ ആദ്യ പ്രസവങ്ങള്‍ നെടുമങ്ങാട്‌വച്ചായിരുന്നു നടന്നത്. അപ്പോഴും ഭര്‍ത്താവ് ആശുപത്രിയില്‍ കൊണ്ടുപോയിരുന്നില്ല. അന്ന് നാട്ടുകാരാണ് യുവതിയെ ആശുപത്രിയില്‍ കൊണ്ടുപോയതെന്നാണ് വിവരങ്ങള്‍. ഷമീറയ്ക്ക് ആശുപത്രിയില്‍ പോകണമെന്നും ചികിത്സ തേടണമെന്നും ആഗ്രഹമുണ്ടായിരുന്നുവെന്ന് വാര്‍ഡ് കൗണ്‍സിലര്‍ യു.ദീപികയും പ്രതികരിച്ചു. ആശുപത്രിയില്‍ ചികിത്സ തേടുന്നത് സംബന്ധിച്ച് സംസാരിക്കാന്‍ വീട്ടിലെത്തിയപ്പോള്‍ നയാസ് വാതില്‍ തുറക്കാന്‍ പോലും തയ്യാറായില്ലെന്നും ഇവര്‍ പറഞ്ഞു.
കേരളത്തിലെ ചികിത്സാ സംവിധാനം ശരിയല്ലെന്നും നേരത്തെ സിസേറിയന്‍ ചെയ്തത് അബദ്ധമായിരുന്നുവെന്നും സാധാരണ രീതിയിലെ പ്രസവം തന്നെ നടത്തുമെന്നും ഭര്‍ത്താവ് തീര്‍ത്തുപറഞ്ഞു. ഇയാള്‍ ഭീഷണിപ്പെടുത്തിയതുകൊണ്ടാകാം പിന്നീട് താന്‍ പൊലീസുമായി എത്തിയപ്പോള്‍ ഇനി തന്റെ കാര്യത്തില്‍ ഇടപടേണ്ടെന്നാണ് ഷമീറ പറഞ്ഞതെന്നും വാര്‍ഡ് കൗണ്‍സിലര്‍ വെളിപ്പെടുത്തി. ഷമീറയുടെ ആദ്യ രണ്ട് പ്രസവങ്ങള്‍ സിസേറിയനായിരുന്നു. മൂന്നാമത്തേത് അക്യുപങ്ചര്‍ മതിയെന്ന് നയാസ് തീരുമാനിക്കുകയായിരുന്നു. നയാസിന്റെ ആദ്യ ഭാര്യയിലെ മകളും അക്യുപങ്ചര്‍ ചികിത്സ പഠിക്കുന്നുണ്ട്. ഷമീറയുടെ പ്രസവ സമയത്ത് മകളും സ്ഥലത്തുണ്ടായിരുന്നു.
&nbsp;

'എന്റെ ഭാര്യയെ നോക്കാൻ എനിക്കറിയാം' എന്ന് പറഞ്ഞു; വീട്ടില്‍ പ്രസവമെടുക്കുന്നതിനിടെ അമ്മയും കുഞ്ഞും മരിച്ചു; ഭര്‍ത്താവിനെതിരേ കേസ്

മാഹി: ഈസ്റ്റ് പള്ളൂർ അവറോത്ത് ശ്രീ വേട്ടക്കൊരുമകൻ ക്ഷേത്രം പുനരുദ്ധാരണത്തിന്റെ ഭാഗമായി ശ്രീകോവിലിൻ്റെ കുറ്റിയടിക്കൽ കർമം പയ്യന്നൂർ ബാലകൃഷ്ണൻ ആചാരിയുടെ മുഖ്യ കാർമികത്വത്തിൽ നടന്നു. ശ്രീകോവിലിന്റെ മുഹൂർത്തക്കല്ല് ഫെബ്രുവരി 26 തിങ്കളാഴ്ച കാലത്ത് എട്ടിനും ഒമ്പതിനും മധ്യേയുള്ള മുഹൂർത്തത്തിൽ ശിൽപ്പി രവീന്ദ്രൻ ഷൊർണൂർ നിർവഹിക്കുമെന്ന് ക്ഷേത്ര ഭാരവാഹികൾ അറിയിച്ചു.
ക്ഷേത്ര പ്രസിഡന്റ് അവറോത്ത് മോഹനൻ, സെക്രട്ടറി ടിവി മുരളീധരൻ, ഖജാൻജി കനകവല്ലി, ജോയിൻ ട്രഷറർ കെ എം പത്മനാഭൻ എന്നിവർ ചടങ്ങിന് നേതൃത്വം നൽകി.

അവറോത്ത് ശ്രീ വേട്ടക്കൊരുമകൻ ക്ഷേത്രം കുറ്റിയടിക്കൽ കർമ്മം

Mahe

നാദാപുരം : ഗ്രാമപ്പഞ്ചായത്ത് ആരോഗ്യ വിഭാഗത്തിന്റെ നേതൃത്വത്തിൽ നാദാപുരം- കല്ലാച്ചി മേഖലകളിലെ ഭക്ഷണശാലകളിൽ പരിശോധന നടത്തി. വൃത്തിഹീനമായതും ആരോഗ്യ നിയമങ്ങൾ ലംഘിച്ചതുമായ നാല് സ്ഥാപനങ്ങൾക്കെതിരേ നടപടിയെടുത്തു. നാദാപുരത്തെ ഹോട്ടൽ കുറ്റിയിൽ, ഹോട്ടൽ ഫുഡ്പാർക്ക്, കല്ലാച്ചിയിലെ ടോപ്പ് സി കൂൾബാർ എന്നിവയ്ക്ക് നിയമലംഘനം പരിഹരിക്കാൻ രണ്ടുദിവസം സമയം നൽകി. വിംസ് റോഡിലുള്ള നേവി കോർണറിന്റെ പ്രവർത്തനം നിർത്തിവെപ്പിച്ചു.
പരിശോധനയ്ക്ക് താലൂക്ക് ആശുപത്രി ഹെൽത്ത് ഇൻസ്പെക്ടർ സുരേന്ദ്രൻ കല്ലേരി, ജെ. എച്ച്. ഐ. മാരായ കെ.ബാബു ,സി. പ്രസാദ്. , കെ.കുഞ്ഞിമുഹമ്മദ്, എം.എൽ.എസ്.പി. മാരായ കെ. ജൂബിഷ, സി. ആതിര. എന്നിവർ നേതൃത്വം നൽകി. പരിശോധന തുടരുമെന്ന് ഡോ. സന്തോഷ് കുമാർ അറിയിച്ചു.

നാദാപുരത്ത് ഭക്ഷണശാലകളിൽ പരിശോധന; നടപടി

വിദ്യാഭ്യാസ, ഉന്നത വിദ്യാഭ്യാസ മന്ത്രാലയത്തിൻ്റെ (MoEHE) പ്രൈവറ്റ് എജ്യുക്കേഷൻ അഫയേഴ്സ് സെക്ടർ, സ്വകാര്യ സ്കൂളുകൾക്കും കിൻ്റർഗാർഡനുകൾക്കുമായി സ്കൂൾ പ്രവർത്തന ഗൈഡ് 2024, പുറത്തിറക്കി. സ്‌കൂൾ ബസ് സൂപ്പർവൈസർമാരുടെ ഉത്തരവാദിത്തങ്ങൾ, സ്കൂൾ ബസുകളിൽ ആയിരിക്കുമ്പോൾ കുട്ടികളുടെ സുരക്ഷ സംബന്ധിച്ച നിർദ്ദേശങ്ങൾ, ഖത്തറിലെ സ്‌കൂളുകളുടെ പ്രവർത്തന ലക്ഷ്യങ്ങൾ, പദ്ധതികൾ, ചട്ടങ്ങൾ എന്നിവ ഗൈഡിൽ ഉൾക്കൊള്ളുന്നു.
സ്കൂൾ പാഠ്യപദ്ധതിയുമായി ബന്ധപ്പെട്ട യാത്രകളുടെയും ക്യാമ്പുകളുടെയും പ്രവർത്തന പദ്ധതിയും ഉദ്ദേശിക്കുന്ന ഫലങ്ങളും ഗൈഡിൽ ഉൾപ്പെടുത്തിയിട്ടുണ്ട്. സ്വകാര്യ സ്‌കൂളുകൾക്കും കിൻ്റർഗാർട്ടനുകൾക്കും വിദ്യാർത്ഥികളുടെ സുരക്ഷ ഉറപ്പാക്കുകയും മത, ദേശീയ ഐഡൻ്റിറ്റി മൂല്യങ്ങളുമായി പൊരുത്തപ്പെടുകയും ചെയ്യുന്ന തരത്തിൽ, സ്‌കൂൾ പ്രവർത്തനങ്ങൾ ക്രമീകരിക്കുന്നതിനുള്ള നിബന്ധനകൾ ഗൈഡ് വാഗ്ദാനം ചെയ്യുന്നുണ്ടെന്ന് MoEHE യുടെ പ്രത്യേക വിദ്യാഭ്യാസ കാര്യങ്ങളുടെ അസിസ്റ്റൻ്റ് അണ്ടർസെക്രട്ടറി ഒമർ അബ്ദുൽ അസീസ് അൽ നാമ പറഞ്ഞു.

ഖത്തറിലെ സ്‌കൂളുകൾക്കും കിന്റർ ഗാർഡനുകൾക്കുമായി പ്രവർത്തന ഗൈഡ് പുറത്തിറക്കി

Gulf

മാഹി : ബൈപാസിന്റെ സർവ്വീസ് റോഡുകളുടെ പണി ഉടൻ പൂർത്തീകരിക്കണമെന്നാവശ്യപ്പെട്ട് ജീവകാരുണ്യ പ്രവർത്തകനായ പി പി റിയാസ് വട്ടക്കാരി കൈതാൽ, മദ്രാസ് ഹൈക്കോടതിയിൽ നൽകിയ പൊതു താൽപര്യ ഹരജിയുടെ അടിസ്ഥാനത്തിൽ ഏപ്രിൽ 25 നകം മാഹിയിലുള്ള സർവ്വീസ് റോഡുകളുടെ നിജസ്ഥിതി അറിയിക്കാൻ നാഷണൽ ഹൈവേ അതോറിറ്റിയോട് മദ്രാസ് ഹൈക്കോടതി ആവശ്യപ്പെട്ടു.&nbsp;
ബൈപാസ് റോഡിന്റെ പണി പൂർത്തിയായിട്ടും സർവ്വീസ് റോഡുകളുടെ പണി പൂർത്തീകരിക്കാത്തതിനാലാണ് പി പി റിയാസ് പൊതുപ്രവർത്തകനായ അഡ്വ: ടി : അശോക് കുമാർ മുഖേന മദ്രാസ് ഹൈക്കോടതിയിൽ പൊതുതാൽപര്യ ഹരജി ഫയൽ ചെയ്തത്.

മുഴപ്പിലങ്ങാട് - മാഹി ബൈപ്പാസ്; സർവ്വീസ് റോഡിന്റെ നിലവിലെ സ്ഥിതി അറിയിക്കണമെന്ന് ഹൈക്കോടതി

നെടുങ്കണ്ടം: ആർഎസ്‌പി ഉടുമ്പൻചോല മണ്ഡലം സെക്രട്ടറി നെടുങ്കണ്ടം മുല്ലവേലിൽ എം എസ് ഷാജിയെ(48) നെടുങ്കണ്ടത്തെ സ്വകാര്യ ആശുപത്രിയിലെ ശുചിമുറിയിൽ മരിച്ച നിലയിൽ കണ്ടെത്തി. കഴിഞ്ഞയാഴ്ച തമിഴ്‌നാട്ടിലെ ഒരു ആശുപത്രിയിൽ വൃക്കസംബന്ധമായ ശസ്‌ത്രക്രിയക്ക്‌ വിധേയനായിരുന്നു. വീട്ടിൽ വിശ്രമത്തിലായിരുന്ന ഷാജിയെ വയറുവേദനയെ തുടർന്നാണ്‌ ചൊവ്വാഴ്ച പുലർച്ചെ കല്ലാറിലെ സ്വകാര്യ ആശുപത്രിയിൽ പ്രവേശിപ്പിച്ചത്‌.&nbsp;
രാവിലെ ഭാര്യ ഭക്ഷണം വാങ്ങാൻ കാന്റീനിൽ പോയി മടങ്ങിയെത്തിയപ്പോൾ ശുചിമുറി അടച്ച നിലയിലായിരുന്നു. വാതിൽ തുറക്കാത്തതിനെത്തുടർന്ന് കെട്ടിടത്തിന്റെ പിന്നിലൂടെ കയറി പരിശോധിച്ച ആശുപത്രി ജീവനക്കാരാണ് ഷാജിയെ മരിച്ചനിലയിൽ കണ്ടെത്തിയത്. നെടുങ്കണ്ടം പൊലീസ് നടപടി സ്വീകരിച്ചു.&nbsp;

വയറുവേദനയെ തുടർന്ന് എത്തിയ ആർഎസ്‌പി നേതാവ്‌ ആശുപത്രിയിലെ ശുചിമുറിയിൽ മരിച്ചനിലയിൽ

കോഴിക്കോട്: മുസ് ലിം ലീഗ് അഞ്ചോ ആറോ ലോക്സഭ സീറ്റുകൾ ചോദിക്കുന്നതിൽ തെറ്റില്ലെന്ന് കോൺഗ്രസ് നേതാവ് കെ. മുരളീധരൻ എം.പി. കോൺഗ്രസിന്‍റെ സമരാഗ്നി യാത്ര അവസാനിക്കും മുമ്പ് മൂന്നാം സീറ്റിൽ തീരുമാനമാകുമെന്നും അദ്ദേഹം വ്യക്തമാക്കി. സി.പി.എക്ക് നാല് സീറ്റ് കൊടുക്കുന്ന സ്ഥിതിക്ക് ലീഗിന് അഞ്ചോ ആറോ സീറ്റുകൾ ചോദിക്കുന്നതിൽ തെറ്റില്ല. കിട്ടിയ തിരുവനന്തപുരം സീറ്റിൽ ആളെ അന്വേഷിച്ച് നടക്കുകയാണ് സി.പി.ഐ എന്നും മുരളീധരൻ പറഞ്ഞു.
ലോക്സഭ തെരഞ്ഞെടുപ്പിൽ മൂന്നാം സീറ്റിന്‍റെ കാര്യത്തിൽ യു.ഡി.എഫിൽ ചർച്ച പുരോഗമിക്കുകയാണ്. മൂന്നാം സീറ്റ് സംബന്ധിച്ച് യു.ഡി.എഫിൽ പ​ല​വ​ട്ടം അ​നൗ​പ​ചാ​രി​ക ച​ർ​ച്ച​ക​ൾ ന​ട​ന്നെ​ങ്കി​ലും ലീ​ഗി​ന്‍റെ ആ​വ​ശ്യ​ത്തോ​ട്​ അ​നു​കൂ​ല​മാ​യോ പ്ര​തി​കൂ​ല​മാ​യോ കോ​ൺ​ഗ്ര​സ്​ ഇതുവരെ പ്ര​തി​ക​രി​ച്ചിട്ടില്ല. മുസ്‌ലിം ലീഗിന് മൂന്നാം സീറ്റ് ഉണ്ടാവില്ലെന്നും പകരം രാജ്യസഭ സീറ്റ് നൽകാനാണ് യു.ഡി.എഫിൽ ആലോചനയെന്നും റിപ്പോർട്ട് ഉണ്ടായിരുന്നു.

മുസ് ലിം ലീഗ് അഞ്ചോ ആറോ സീറ്റ് ചോദിക്കുന്നതിൽ തെറ്റില്ലെന്ന് കെ. മുരളീധരൻ

കോഴിക്കോട്: ബിജെപി സംസ്ഥാന അധ്യക്ഷൻ കെ സുരേന്ദ്രന്റെ പദയാത്രയിൽ ഉച്ചഭക്ഷണം എസ്.സി -എസ് ടി നേതാക്കൾക്കൊപ്പം എന്ന പോസ്റ്റർ വിവാദത്തില്‍. സോഷ്യല്‍ മീഡിയയിലും പോസ്റ്റ് വ്യാപക ചര്‍ച്ചയ്ക്ക് വഴിയൊരുക്കിയതോടെ വിശദീകരണവുമായി ബിജെപി കോഴിക്കോട് ജില്ലാ പ്രസിഡൻറ് വി.കെ സജീവൻ രംഗത്തുവന്നു. പദയാത്രയുടെ വിശദാംശങ്ങൾ ഉൾപ്പെടുത്തി ഇറക്കിയ പോസ്റ്ററിൽ പാർട്ടിയിൽ ഏതെങ്കിലും തരത്തിൽ ആശയക്കുഴപ്പമോ പ്രശ്നമോ ഇല്ലെന്ന് സജീവൻ പറഞ്ഞു.
കേരള ശൈലിയിലുള്ള പദയാത്ര എന്നതിനപ്പുറത്തേക്ക് ഔട്ട് റീച്ച് പ്രോഗ്രാം എന്ന നിലക്കാണ് ഇത്തരം പരിപാടികൾ പദയാത്രയുടെ ഭാ​ഗമായി നടത്തുന്നത്. വിവിധ ജനവിഭാ​ഗങ്ങളുമായുള്ള കൂടിക്കാഴ്ചയും ചർച്ചകളുമെല്ലാം ഇതിന്റെ ഭാ​ഗമാണ്. കോഴിക്കോട് തന്നെ പദയാത്രയുടെ ഭാ​ഗമായി രാവിലെ അരയ സമാജം അംഗങ്ങളുമായും കൂടിക്കാഴ്ച നടത്തിയിട്ടുണ്ട്. ഇതും പോസ്റ്ററിൽ രേഖപ്പെടുത്തിയിട്ടുണ്ട് എന്നാൽ അതാരും വിവാദമാക്കിയില്ല. എല്ലാ ജനവിഭാഗവുമായി സംവദിക്കുക എന്നത് ബിജെപിയുടെ ദേശീയ നയത്തിന്റെ ഭാഗമാണെന്നും വികെ സജീവൻ പറഞ്ഞു.
പദയാത്ര കടന്നുപോയ എല്ലാ ജില്ലകളിലും പ്രധാനപ്പെട്ട സാമുദായിക നേതാക്കളുമായി കൂടിക്കാഴ്ചകളും ചർച്ചകളും ഒരുമിച്ച് ഭക്ഷണം കഴിക്കലും എല്ലാം നടത്തിയിട്ടുണ്ട്. എല്ലാ ജനവിഭാഗങ്ങളുടെയും പ്രശ്നങ്ങൾ മനസ്സിലാക്കുന്നതിനും പഠിക്കുന്നതിനും ആണ് ഇത്തരം പരിപാടികൾ, സമുദായത്തിലെ മറ്റു വിഭാഗങ്ങളുമായി ചർച്ച നടത്തുന്നതുപോലെ മാത്രമാണ് എസ് സി- എസ് ടി നേതാക്കളുമായുള്ള ചർച്ചയും നടത്തിയതും അതിനുശേഷം ഒരുമിച്ച് ഉച്ച ഭക്ഷണം കഴിച്ചതെന്നും ജില്ലാ പ്രസിഡന്റ് പറഞ്ഞു.
ഏതെങ്കിലും ബിജെപി വിരോധി ഇതുമാത്രം കുത്തിപ്പൊക്കി വിവാദമാക്കി എന്നതിനപ്പുറത്തേക്ക് പാർട്ടിയിൽ ഇതുമായി ബന്ധപ്പെട്ട് യാതൊരു പ്രശ്നവുമില്ലെന്നും അദ്ദേഹം കൂട്ടിച്ചേർത്തു. വളരെ ഗുരുതരമായ പ്രശ്നങ്ങളാണ് ഇന്നലെ നടത്തിയ ചർച്ചയിൽ എസ് സി- എസ് ടി നേതാക്കൾ ഉന്നയിച്ചത്, വിദ്യാർത്ഥികൾക്കുള്ള ​ഗ്രാന്റ് പോലും സംസ്ഥാന സർക്കാർ നൽകുന്നില്ല, കേന്ദ്രം അനുവദിക്കുന്ന ഫണ്ട് പോലും വക മാറ്റി ചെലവഴിക്കുകയാണ് എന്ന പരാതിയും ഉണ്ടായിട്ടുണ്ട്. രാജ്യം ഭരിക്കുന്ന പാർട്ടി എന്ന നിലയ്ക്ക് ഇത്തരം കാര്യങ്ങൾ സംസാരിക്കുകയും ആവശ്യമായ ഇടപെടൽ ഉറപ്പ് നൽകുന്നതിലും തെറ്റില്ല, ബിജെപിയുടെ ഏഴു മോർച്ചകളിൽ രണ്ടു മോർച്ചകൾ എസ്.സി മോർച്ചയും എസ്.ടി മോർച്ചയും അല്ലേ എന്നും അദ്ദേഹം ചോദിച്ചു.

'എസ്.സി -എസ് ടി നേതാക്കൾക്കൊപ്പം ഉച്ചഭക്ഷണം': ബി ജെ പി പോസ്റ്റർ വിവാദത്തില്‍, പിന്നാലെ വിശദീകരണം

വടകര : കാറിടിച്ച് ബൈക്ക് യാത്രക്കാരൻ മരിച്ച സംഭവത്തിൽ 27,33,400 രൂപ നഷ്ടപരിഹാരം നൽകാൻ വിധി. ചോറോട് രയരങ്ങോത്ത് തയ്യുള്ളതിൽ നാസറിന്റെ മകൻ അൻസാർ (30) മരിച്ച കേസിലാണ് വടകര എം.എ.സി.ടി. ജഡ്ജി കെ. രാമകൃഷ്ണൻ നഷ്ടപരിഹാരം വിധിച്ചത്. ഒമ്പത് ശതമാനം പലിശയും കോടതിച്ചെലവും സഹിതം നാഷണൽ ഇൻഷുറൻസ് കമ്പനിയാണ് തുക നൽകേണ്ടത്. 2020 ഓഗസ്റ്റ് 16-ന് ഓർക്കാട്ടേരിയിലായിരുന്നു അപകടം. ബൈക്കിന്റെ പിൻസീറ്റ് യാത്രക്കാരനായിരുന്നു അൻസാർ. ഹരജിക്കാർക്കുവേണ്ടി എ.കെ. രാജീവ് ഹാജരായി.

ചോറോട് സ്വദേശി ബൈക്ക് യാത്രക്കാരൻ മരിച്ച കേസിൽ 27.33 ലക്ഷം നൽകാൻ വിധി

Vadakara

തിരുവനന്തപുരം: സീരിയൽ ചലച്ചിത്ര നടൻ കാർത്തിക് പ്രസാദിന് വാഹനാപകടത്തിൽ പരിക്കേറ്റു. തമ്പാനൂരിൽ വെച്ച് കെ.എസ്.ആർ.ടി.സി. സ്വിഫ്റ്റ് ബസ് ഇടിക്കുകയായിരുന്നു. കാലിന് ഗുരുതരമായി പരിക്കേറ്റ കാർത്തിക് പ്രസാദിനെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു. ശനിയാഴ്ച രാത്രി 10.30-നായിരുന്നു അപകടം. കോഴിക്കോട് മാതൃഭൂമി ഓഫീസിലെ ജീവനക്കാരൻ കൂടിയാണ് കാർത്തിക്.
കോഴിക്കോട്ടേക്ക് പോകാൻ തമ്പാനൂർ ബസ് സ്റ്റാൻഡിലേക്ക് പോകവേ വഴിയരികിൽ നിന്ന കാർത്തിക്കിനെ പിന്നാലെയെത്തിയ ബസ് ഇടിച്ചിടുകയായിരുന്നു.

വാഹനാപകടത്തിൽ  നടൻ കാർത്തിക് പ്രസാദിന് പരിക്ക്

വടകര: ചോറോട് ഗ്രാമപഞ്ചായത്ത് പാലിയേറ്റീവ് മാനേജ്മെന്റ് കമ്മിറ്റിക്കായ് പാലിയേറ്റീവ് ഉപകരണങ്ങൾ നൽകി. പഞ്ചായത്ത് പ്രസിഡണ്ട് പി.പി. ചന്ദ്രശേഖരൻ ഏറ്റുവാങ്ങി. താലൂക്ക് ലൈബ്രറി കൗൺസിൽ പ്രസിഡണ്ടും ചോറോട് സർവ്വീസ് സഹകരണ ബേങ്ക് പ്രസിഡണ്ടുമായിരുന്ന ഏ.കെ. ഗോപാല കുറുപ്പിന്റെ സ്മരണക്കായ് മൂന്ന് വീൽ ചെയറുകൾ മകൻ ഏ.ജി പത്മകുമാർ നൽകി.&nbsp;
കരേമാണിക്കോത്ത് കുഞ്ഞിരാമൻ- മാണി എന്നിവരുടെ ഓർമ്മക്കായ് ഒരു അഡ്ജസ്റ്റബിൾ കോട്ട്(കട്ടിൽ) മക്കൾ നൽകി. കൃഷ്ണൻ മഠത്തു താഴ കുനിയുടെ സമരണക്കായ് ഭാര്യ ഗീത മകൾ ആതിര എന്നിവർ വീൽ ചെയർ നൽകി. ബിജീഷ് സി., രവീന്ദ്രൻ, ശരത് ശങ്കർ, മനോജൻ എം., മഹേഷ് ടി.കെ, സുജ വി.ടി.കെ. എന്നിവർ എയർ ബെഡ്ഡുകൾ നൽകി.

പാലിയേറ്റീവ് ഉപകരണങ്ങൾ കൈമാറി

നടി അനുഷ്‌ക ശര്‍മയ്ക്കും ക്രിക്കറ്റ് താരം വിരാട് കോലിയ്ക്കും രണ്ടാമത്തെ കുഞ്ഞ് പിറന്നു. കോലിയാണ് ഈ സന്തോഷ വാര്‍ത്ത പുറത്ത് വിട്ടത്. ഈ വാര്‍ത്ത ഏറെ സന്തോഷത്തോടെ എല്ലാവരുമായി പങ്കുവയ്ക്കുന്നുവെന്നും വാമികയുടെ കുഞ്ഞനുജന് സ്വാഗതമെന്നും കോലി കുറിച്ചു. ഫെബ്രുവരി 15 നായിരുന്നു കുഞ്ഞിന്റെ ജനനം. അകായ് എന്നാണ് മകന് പേരിട്ടിരിക്കുന്നത്. എല്ലാവരുടെയും അനുഗ്രഹവും ആശംസകളും വേണമെന്ന് കോലി കുറക്കുന്നു. ഈ സമയത്ത് തങ്ങളുടെ സ്വകാര്യതയെ മാനിക്കണമെന്നും അദ്ദേഹം കൂട്ടിച്ചേര്‍ത്തു. 2017 ലാണ് അനുഷ്‌കയും കോലിയും തമ്മിലുള്ള ദീര്‍ഘനാളത്തെ പ്രണയം വിവാഹത്തിലെത്തിയത്. 2021 ല്‍ മകള്‍ വാമിക ജനിച്ചു.
കോലി അടുത്തിടെ പല മത്സരങ്ങളിലും ടീമിനൊപ്പമുണ്ടായിരുന്നില്ല. ടീം സ്‌ക്വാഡില്‍ ഉണ്ടായിരുന്നിട്ടും വ്യക്തിപരമായ കാരണങ്ങളാല്‍ വിട്ടുനില്‍ക്കുന്നതായി ബി.സി.സി.ഐ.യെ അറിയിക്കുകയായിരുന്നു. ഇംഗ്ലണ്ടിനെതിരായ ആദ്യ രണ്ട് ടെസ്റ്റുകളിലും കോലി പങ്കെടുത്തില്ല. ഇതെക്കുറിച്ച് അഭ്യൂഹങ്ങള്‍ പ്രചരിച്ചപ്പോള്‍കാരണം തുറന്നുപറഞ്ഞ് ദക്ഷിണാഫ്രിക്കന്‍ താരവുംം ഐ.പി.എലില്‍ ബാംഗ്ലൂര്‍ റോയല്‍ ചലഞ്ചേഴ്സിലെ കോലിയുടെ സഹതാരവുമായ എബി ഡിവില്ലിയേഴ്സ് രംഗത്ത് വന്നത് വലിയ ചര്‍ച്ചയായി.
കോലിയും അനുഷ്‌ക ശര്‍മയും തങ്ങളുടെ രണ്ടാമത്തെ കുഞ്ഞിനായി കാത്തിരിക്കുകയാണെന്നും അതിനാലാണ് താരം ടീമില്‍നിന്ന് വിട്ടുനില്‍ക്കുന്നതെന്നും ഡിവില്ലിയേഴ്സ് സ്വന്തം യൂട്യൂബ് ചാനലിലൂടെ വ്യക്തമാക്കിയത്. കോലിയുമായി നടത്തിയ ചാറ്റ് മുന്‍നിര്‍ത്തിയായിരുന്നു ഡിവില്ലിയേഴ്സിന്റെ പരാമര്‍ശം. കോലി കുടുംബത്തോടൊപ്പം സമയം ചെലവിടുകയാണെന്നും സുഖമായിരിക്കുന്നുവെന്നും ഡിവില്ലിയേഴ്സ് ആരാധകരെ അറിയിച്ചു. എന്നാല്‍ ഇത് വലിയ ചര്‍ച്ചയായതോടെ താന്‍ പറഞ്ഞ കാര്യങ്ങള്‍ വാസ്തവമല്ലെന്നും തനിക്ക് തെറ്റുപറ്റിയതാണെന്നും പറഞ്ഞ് ഡിവില്ലിയേഴ്സ് രംഗത്ത് വന്നു.

അനുഷ്‌കയ്ക്കും കോലിയ്ക്കും രണ്ടാമത്തെ കുഞ്ഞ് പിറന്നു

തൃശ്ശൂര്‍: യുവാവ് ഉറങ്ങുന്നതിനിടെ സമീപത്തുണ്ടായിരുന്ന മൊബൈല്‍ ഫോണ്‍ പൊട്ടിത്തെറിച്ചു. പിന്നാലെ കിടപ്പുമുറിയിലാകെ പുകയും നിറഞ്ഞു. ചാവക്കാട് ഒരുമനയൂരില്‍ ബുധനാഴ്ച പുലര്‍ച്ചെയാണ് സംഭവം.
ഒരുമനയൂര്‍ മൂന്നാംകല്ലില്‍ പാറാട്ട് വീട്ടില്‍ കാസിമിന്റെ മകന്‍ മുഹമ്മദ് ഫഹീമിന്റെ മൊബൈല്‍ഫോണ്‍ ആണ് പൊട്ടിത്തെറിച്ചത്. ഫോണ്‍ അടുത്തുവെച്ച് ഫഹീം ഉറങ്ങുന്നതിനിടെ പുലര്‍ച്ചെ നാലുമണിയോടെയാണ് പൊട്ടിത്തെറിയുണ്ടായത്. ശബ്ദം കേട്ട് ഫഹീം എഴുന്നേറ്റപ്പോള്‍ മുറിയിലാകെ പുക നിറഞ്ഞിരിക്കുന്നതാണ് കണ്ടത്. ഇതേസമയം ശബ്ദംകേട്ട് വീട്ടിലുണ്ടായിരുന്നവരും മുറിയിലെത്തി. പിന്നീട് വെള്ളം ഒഴിച്ചാണ് കിടക്കയിലെ തീയണച്ചത്. സംഭവത്തിൽ ആർക്കും പരിക്കില്ല.
റെഡ്മി ഫോണാണ്‌ പൊട്ടിത്തെറിച്ചതെന്ന് വീട്ടുകാര്‍ പറഞ്ഞു. അപകടത്തിന്റെ കാരണം വ്യക്തമല്ല. സംഭവത്തെത്തുടര്‍ന്ന് മുറിയിലെ കിടക്ക ഭാഗികമായി കത്തിനശിച്ചു.

യുവാവ് ഉറങ്ങുന്നതിനിടെ കിടക്കയിലുണ്ടായിരുന്ന മൊബൈല്‍ഫോണ്‍ പൊട്ടിത്തെറിച്ചു

കക്കോടി: വിശക്കുന്നവന് ഭക്ഷണം നൽകുന്നത് ഏറ്റവും വലിയ പുണ്യമാണെന്നും മഹത് വ്യക്തിത്വത്തിൻ്റെ പേരിൽ നൽകുന്ന ഇത്തരം സൽപ്രവർത്തനം ഉചിതവും ശ്രേഷ്ഠമായ കർമവുമാണെന്നും എം.കെ രാഘവൻ എം.പി പറഞ്ഞു. കക്കോടി മേഖല ശിഹാബ് തങ്ങൾ റിലീഫ് കമ്മിറ്റി നിർദ്ധന കുടുംബങ്ങൾക്ക് നൽകുന്ന ഭക്ഷണ സാധന കിറ്റ് വിതരണവും ആദരവും ഉദ്ഘാടനം ചെയ്യുകയായിരുന്നു അദ്ദേഹം. ചെറുകുളത്തു നടന്ന ചടങ്ങിൽ റിലീഫ് കമ്മിറ്റി കൺവീനർ എ.കെ ജാബിർ കക്കോടി അധ്യക്ഷനായി.&nbsp;
മണ്ഡലം കോൺഗ്രസ് പ്രസിഡൻ്റ് അറോട്ടിൽ കിഷോർ മുഖ്യാതിഥിതിയായി. ജീവകാരുണ്യ പ്രവർത്തകരായ ഉമ്മർ ഫാറൂഖ് കരുവൻതിരുത്തി, ബഷീർ പാലക്കൽ എന്നിവരെ എം.കെ രാഘവൻ ഉപഹാരം നൽകി ആദരിച്ചു. കെ.പി മജീദ് മുഖ്യ പ്രഭാഷണം നടത്തി. എൻ.പി മജീദ്, കെ.പി അബൂബക്കർ, എൻ.കെ അനിത, താഹിറ കുഞ്ഞി സേനാലി വീട്ടിൽ, എൻ.പി ഷാഹിദ, കെ.ഫൗസിയ, ബുഷ്റ ജാബിർ, കെ.പി ഷറീന, സെലിൻ പ്രജീഷ്, കെ.വി സലീന, സുബൈദ കൊങ്ങന്നൂർ എന്നിവർ സംസാരിച്ചു.

കിറ്റ് വിതരണവും ആദരവും

മുക്കാളി: താലൂക്കിലെ പ്രമുഖ വ്യാപാര കേന്ദ്രമായ ചോമ്പാൽ ഹാർബർ, സി എസ് ഐ മുള്ളർ വിമൻസ് കോളേജ്, ബിഇ എം യുപി സ്കൂൾ, ചോമ്പാല ബീച്ചുമ്മാ ജുമാ മസ്ജിദ്, ചോമ്പാൽ ഭഗവതി ക്ഷേത്രം, ശ്രീനാരായണ ഗുരു പഠന കേന്ദ്രം, ചോമ്പാല അവതൂതമാത സമാധി മണ്ഡപം, എന്നീ സ്ഥലങ്ങളിലേക്ക് പോകേണ്ടവർ വർഷങ്ങളായി ആശ്രയിച്ചുകൊണ്ടിരിക്കുന്ന മീത്തലെ മുക്കാളി അടിപ്പാത നാഷണൽ ഹൈവേ വികസനത്തിന്റെ ഭാഗമായി നഷ്ടപ്പെടാതെ നിലനിർത്തുന്നതിന് വേണ്ടി ചോമ്പാലിലും പരിസരപ്രദേശങ്ങളിലുമുള്ള ജനങ്ങൾ പ്രക്ഷോഭത്തിലേക്ക്.&nbsp;
മീത്തലെ മുക്കാളിയിൽ ബഹുജന കൺവെൻഷൻ നടന്നു. എം വി ജയപ്രകാശ് അധ്യക്ഷത വഹിച്ച കൺവെൻഷൻ പന്ത്രണ്ടാം വാർഡ് മെമ്പർ കെ ലീല ഉദ്ഘാടനം നിർവഹിച്ചു. വി പി മോഹൻദാസ്, ശ്രീധരൻ മടപ്പള്ളി, ശശിധരൻ പി പി, ഷംസീർ ചോമ്പാല, ചന്ദ്രൻ വി പി, അബ്ദുള്ള വിപി, എന്നിവർ സംസാരിച്ചു. സുരേഷ് എ, ബിജോയ്‌ കെ ടി, പത്മിനി ചന്ദ്രകാന്ത്, പുഷ്പ കെ എം, മനോജ് കെ ടി കെ, രവീന്ദ്രൻ കെ സി,രാജേഷ് ആനിക്ക തുടങ്ങിയവർ നേതൃത്വം നൽകി.

മീത്തലെ മുക്കാളി അടിപ്പാത നിലനിർത്തുക; പ്രദേശവാസികൾ പ്രക്ഷോഭത്തിലേക്ക്

വടക്കഞ്ചേരി: പന്നിയങ്കരയില്‍ ഉടമയുടെ കണ്‍മുന്നില്‍ നിന്നും കൊണ്ട് പോയ ബൈക്ക് തിരികെ ഏല്‍പ്പിച്ച് മോഷ്ടാവ്. ഞായറാഴ്ച ഉച്ചയ്ക്ക് 12 മണിയോടെയായിരുന്നു കിഴക്കഞ്ചേരി സ്വദേശി സതീഷ്‌കുമാറിന്റെ ബൈക്കുമായി മോഷ്ടാവ് സ്ഥലംവിട്ടത്. ഇതിനുപിന്നാലെ വടക്കഞ്ചേരി പോലീസ് ഊര്‍ജിതമായ അന്വേഷണം ആരംഭിച്ചിരുന്നു.
ഇതിനിടെയാണ്, മോഷ്ടാവ് ബൈക്കിലെ ഡയറിയില്‍ നിന്ന് ലഭിച്ച സതീഷ്‌കുമാറിന്റെ നമ്പറിലേക്ക് വിളിച്ചത്. ബൈക്ക് തിരികെ നല്‍കാമെന്നായിരുന്നു ഫോണ്‍കോള്‍. സതീഷ് ഇക്കാര്യം ഉടന്‍തന്നെ പോലീസിനെ അറിയിച്ചു. തുടര്‍ന്ന്, പോലീസിന്റെ നിര്‍ദേശാനുസരണം ചൊവ്വാഴ്ച ഉച്ചയ്ക്ക് ഒരു മണിക്ക് വാണിയമ്പാറയില്‍ ബൈക്ക് എത്തിക്കാന്‍ ഉടമ മോഷ്ടാവിനോട് ആവശ്യപ്പെട്ടു.
മോഷ്ടാവ് ബൈക്കുമായി തിരികെവരുമ്പോള്‍ പിടികൂടാനായിരുന്നു പോലീസ് ലക്ഷ്യമിട്ടത്. എന്നാല്‍ പറഞ്ഞ സ്ഥലത്ത് നേരത്തെ തന്നെ ബൈക്ക് വെച്ച് മോഷ്ടാവ് കടന്നുകളഞ്ഞു. ഞായറാഴ്ച ഉച്ചയ്ക്ക് 12 മണിയോടെ സുഹൃത്ത് വിജയകുമാറിന്റെ പന്നിയങ്കരയിലെ വീട്ടിലെത്തിയപ്പോഴാണ് സതീഷിന്റെ ബൈക്ക് മോഷണം പോയത്. വീടിനു മുമ്പില്‍ റോഡരികിലാണ് ബൈക്ക് നിര്‍ത്തിയിരുന്നത്. താക്കോല്‍ ബൈക്കില്‍ തന്നെ വെച്ചു. ജോലി സംബന്ധമായ കാര്യങ്ങള്‍ വീട്ടുമുറ്റത്ത് നിന്ന് സംസാരിക്കുന്നതിനിടെ റോഡിലൂടെ നടന്നുവന്നയാള്‍ ബൈക്കെടുത്ത് പോവുകയായിരുന്നു.
സതീഷും വിജയകുമാറും പിന്നാലെ ഓടിയെങ്കിലും കള്ളനെ പിടികൂടാനായിരുന്നില്ല. എന്തായാലും ബൈക്കിലുണ്ടായിരുന്ന നാലായിരം രൂപയും പണി സാധങ്ങളും ഒന്നും നഷ്ടപ്പെടാതെ തിരികെ കിട്ടിയതിന്റെ സന്തോഷത്തിലാണ് സതീഷ്. ബൈക്ക് വടക്കഞ്ചേരി പോലീസ് സ്റ്റേഷനിലെത്തിച്ചു. കേസ് നടപടികള്‍ പൂര്‍ത്തിയാക്കിയ ശേഷം ബൈക്ക് ഉടമയ്ക്ക് കൈമാറും.

സുഹൃത്തിനോട് സംസാരിച്ചു നിൽക്കെ കവർന്ന ബൈക്ക് തിരികെയെത്തിക്കാമെന്ന് മോഷ്ടാവിന്റെ ഫോൺകോൾ; പിടികൂടാൻ പോലീസ്, അപ്പോഴാണ് ട്വിസ്റ്റ്

വടകര: മണ്ഡലത്തിലെ പാക്കയിൽ, നടോൽ, താഴെ അങ്ങാടി ഭാഗങ്ങളിലെ ജനങ്ങൾ കാലങ്ങളായി അനുഭവിച്ചുകൊണ്ടിരിക്കുന്ന വലിയ ദുരിതത്തിന് പരിഹാരമാകും വിധം ഒവിസി തോട് നവീകരണം യാഥാർഥ്യമാകുന്നു. തോടിന്റെ പുനരുദ്ധാരണ പ്രവൃത്തിക്കായി 2022 - 23 വർഷത്തെ ബജറ്റ് ഫണ്ടിൽ അനുവദിച്ച ഒരു കോടി എഴുപത് ലക്ഷം രൂപയുടെ പ്രവൃത്തി ഉദ്‌ഘാടനം കെ.കെ രമ എം.എൽ.എയുടെ അധ്യക്ഷതയിൽ ജലവിഭവ വകുപ്പ് മന്ത്രി റോഷി അഗസ്റ്റിൻ ഓൺലൈനായി നിർവഹിച്ചു. കേരളത്തിലുടനീളം സുലഭമായ ശുദ്ധ ജലലഭ്യത ഉണ്ടെന്ന ബോധം എപ്പോഴും നമ്മെ നയിച്ചിരുന്നു. എന്നാൽ ഇപ്പോൾ ഉൾനാടൻ ജലസ്രോതസ്സുകൾ മലിനമാക്കപ്പെടുകയും നികത്തപ്പെടുകയുമൊക്കെ ചെയ്തതിന്റെ ഭാഗമായി കുടിവെള്ള ക്ഷാമം ഉണ്ടാകാൻ സാധ്യതയുണ്ടെന്നുള്ള വസ്തുതയാണ് നമുക്ക് മുന്പിലുള്ളത്. ഇതുമുൻകൂട്ടി കണ്ട് ഉൾനാടൻ ജലസ്രോതസ്സുകളുടെ സംരക്ഷണം ഉറപ്പുവരുത്തുക എന്നതാണ് സർക്കാരിന്റെ പ്രധാന അജണ്ടയെന്നും ഇതിനായി ജലവിഭവ വകുപ്പ് വിവിധ പദ്ധതികൾ ആവിഷ്കരിച്ചു വരികയാണെന്നും മന്ത്രി പറഞ്ഞു.&nbsp;
ഒ.വി.സി തോട് നവീകരണത്തിന്റെ ആവശ്യകത തെരഞ്ഞെടുപ്പ് സമയത്തുള്ള സന്ദർശനവേളയിൽ തന്നെ നാട്ടുകാർ ശ്രദ്ധയിൽപ്പെടുത്തിയതാണ്. ഇതു സംബന്ധിച്ച് 2018ൽ സമർപ്പിച്ചിരുന്ന പദ്ധതിരേഖ പരിഗണന ലഭിക്കാതെ കിടക്കുകയായിരുന്നു. ഈ ദുരവസ്ഥ നേരിൽ കണ്ടു മനസിലാക്കിയതിനു ശേഷം കഴിഞ്ഞ വർഷത്തെ ബജറ്റ് നിർദേശങ്ങളിൽ പ്രധാന ഇനമായി ഒവിസി തോട് നവീകരണം നിർദ്ദേശിക്കുകയും ധനമന്ത്രിയെ നേരിൽ കണ്ടു ഇതിനായി 1.70 കോടി രൂപ ബജറ്റിൽ ഉൾപ്പെടുത്തുകയുമായിരുന്നു എന്ന് കെ.കെ.രമ എം.എൽ.എ പറഞ്ഞു. വരുന്ന വർഷകാലത്തിനു മുൻപ് തന്നെ പ്രവൃത്തി പൂർത്തികരിക്കുന്നതിനായി കരാറുകാരായ ഊരാളുങ്കൽ സൊസൈറ്റിക്കും നിർവഹണം നടത്തുന്ന മൈനർ ഇറിഗേഷൻ വകുപ്പിനും നിർദ്ദേശം നൽകിയതായും അവർ കൂട്ടിച്ചേർത്തു.&nbsp;&nbsp;
നഗരസഭാ ചെയർപേഴ്സൺ കെ.പി ബിന്ദു ,കൗൺസിലർമാരായ സജീവ് കുമാർ.പി, എം.ബിജു, റൈഹാനത്ത് പി, നിസാബി വി.വി, പൊതുപ്രവർത്തകരായ ബിജു.കെ.എൻ, രമേശൻ ടി .കെ, വേണുഗോപാൽ.വി, ജലാൽ പി.കെ, സഹദേവൻ.കെ, വി.പി.ചന്ദ്രൻ, കെ.പ്രകാശൻ, സി.കുമാരൻ, പി.സോമശേഖരൻ, എം.വി അബ്ദുല്ല, രതീശൻ എന്നിവർ സംസാരിച്ചു. മൈനർ ഇറിഗേഷൻ എക്സികുട്ടീവ് എഞ്ചിനീയർ സത്യൻ.കെ.കെ റിപ്പോർട്ട് അവതരിപ്പിച്ചു. അസി.എക്സികുട്ടീവ് എഞ്ചിനീയർ ഹാബി.സി.എച്ച് നന്ദി പറഞ്ഞു.

നീണ്ട നാളത്തെ കാത്തിരിപ്പ്; ഒവിസി തോട് നവീകരണം യാഥാർഥ്യമാകുന്നു, പ്രവൃത്തി ഉദ്‌ഘാടനം ചെയ്തു

വടകര: കെ എസ് എസ് പി യു വടകര ബ്ലോക്ക്‌ 32 ആം വാർഷിക സമ്മേളനം നടത്തി. കെ കെ രമ എം എൽ എ ഉദ്ഘാടനം ചെയ്തു. കെ കെ ശശീന്ദ്രൻ അധ്യക്ഷത വഹിച്ചു. ജില്ലാസെക്രട്ടറി കെ പി ഗോപിനാഥ്‌, വി കെ സുകുമാരൻ, കെ വി രാഘവൻ എന്നിവർ പ്രസംഗിച്ചു. പി കെ ദാസൻ നന്ദി പറഞ്ഞു.

കെ എസ് എസ് പി യു വടകര ബ്ലോക്ക്‌ വാർഷിക സമ്മേളനം നടത്തി

നന്തിബസാർ: കടലൂർ മേഖലയിലെ എസ്എസ്എൽസി, പ്ലസ്ടു വിദ്യാർത്ഥികൾക്ക് വേണ്ടി കെഎംഎ പരീക്ഷാ മുന്നൊരുക്കം പരിപാടി സംഘടിപ്പിച്ചു. ട്രന്റ് കേരള ട്രയിനർ ഷഫീഖ് ചാവക്കാട് ക്ലാസെടുത്തു. പ്രാക്ടിക്കൽ ടെക്നിക്കുകളോടെയുള്ള കോച്ചിങ്ങും മെമ്മറി ടിപ്സുകളും പങ്കെടുത്ത വിദ്യാർത്ഥികൾക്കും രക്ഷിതാക്കൾക്കും നവ്യാനുഭവമായി. കെഎംഎയുടെ എഡുകൺസപ്റ്റ് പദ്ധതിയുടെ ഭാഗമായാണ് പ്രോഗ്രാം സംഘടിപ്പിച്ചത്.
കെ. പി. മൂസയുടെ അധ്യക്ഷതയിൽ നടന്ന പരിപാടിക്ക് റഷീദ് മണ്ടോളി, ഇബ്റാഹിം എരവത്ത്, മുസ്‌തഫ അമാന, ഷഫീഖ് സം സം, പി. കെ. മുഹമ്മദലി, എ.വി.ഹുസ്ന, വി. കെ. ഇസ്മായിൽ, ഇസ്മായിൽ കോവുമ്മൽ, ഷഫീഖ് റഹ്മാനി തുടങ്ങിയവർ നേതൃത്വം നൽകി. മുഹമ്മദ് റാഫി ദാരിമി സ്വാഗതവും ടി. കെ. നാസർ നന്ദിയും പറഞ്ഞു.

വിദ്യാർത്ഥികൾക്കായി പരീക്ഷാ മുന്നൊരുക്കം പരിപാടി നടത്തി

Koyilandy

ആലപ്പുഴ: ചേർത്തലയിൽ ഭാര്യയെ തീ കൊളുത്തി കൊന്ന സംഭവത്തിലെ ഭർത്താവും മരിച്ചു. കടക്കരപ്പള്ളി വട്ടക്കര ശ്യാം ജി. ചന്ദ്രൻ (36) ആണ് മരിച്ചത്. ആക്രമണത്തിനിടെ ​ഗുരുതരമായി പൊള്ളലേറ്റ ഇയാൾ വണ്ടാനം മെഡിക്കൽ കോളേജിൽ ‌‌‌‌ചികിത്സയിലായിരുന്നു.
ചേർത്തല താലൂക്ക് ആശുപത്രിക്കുസമീപം തിങ്കളാഴ്ച രാവിലെ 9.30 ഓടെയാണ് ചേർത്തല വെട്ടക്കൽ വലിയ വീട്ടിൽ പ്രദീപിന്റെ മകൾ ആരതി പ്രദീപിനെ(32) ശ്യാം പെട്രോളൊഴിച്ച് തീ കൊളുത്തിയത്. വണ്ടാനം മെഡിക്കൽ കോളേജിൽ ചികിത്സയിലിരിക്കെ തിങ്കളാഴ്ച വെകീട്ട് യുവതി മരിച്ചു. പോസ്റ്റ്മോർട്ടത്തിനു ശേഷം മൃതദേ​ഹം വെട്ടക്കലിലെ വീട്ടുവളപ്പിൽ സംസ്കരിച്ചു. കുട്ടികളെ കാണാൻ അനുവദിക്കാത്തതും കള്ളക്കേസ് കൊടുത്തതുമാണ് പകയ്ക്ക് കാരണമെന്നാണ് അമ്പലപ്പുഴ മജിസ്ട്രേറ്റിന് ശ്യാം നൽകിയ മൊഴി.
ആരതിയും ശ്യാമും സ്ക്കൂൾ കാലം മുതൽ അടുപ്പത്തിലായിരുന്നു. പതിനാലു വർഷം മുൻപായിരുന്നു ഇരുവരുടെയും വിവാഹം. കുടുംബ പ്രശ്നങ്ങളെ തുടർന്ന് കുറച്ചു നാളായി അകന്നു കഴിയുകയായിരുന്നു. ഇരുവർക്കും ഒൻപത് വയസുള്ള മകനും മൂന്നര വയസ്സുള്ള മകളുമുണ്ട്.

ഭാര്യയെ പെട്രോളൊഴിച്ച് കത്തിച്ച സംഭവം; ചികിത്സയിലായിരുന്ന ഭർത്താവും മരിച്ചു

വടകര: പുളിഞ്ഞോളി സീനിയർ ബേസിക്ക് സ്കൂളിന് വടകര എം.എൽ.എ.കെ.കെ രമയുടെ എസ്.ഡി.ഫണ്ടിൽ നിന്നും അനുവദിച്ച സ്മാർട്ട് ക്ലാസ് റൂം ഉപകരണങ്ങളുടെ ഉദ്ഘാടനം എം.എൽ.എ നിർവ്വഹിച്ചു. പി.ടി.എ പ്രസിഡണ്ട് കെ.അഖില അദ്ധ്യക്ഷത വഹിച്ചു. പുളിഞ്ഞോളി.എസ്.ബി.സ്കുളിൽ നിന്നും യു.എസ്. എസ്.നേടിയ കെ.വി ഫസലിനെ ചടങ്ങിൽ അനുമോദിച്ചു. ഹെഡ്മിസ്ട്രസ് പി. പ്രിയംവദ സ്വാഗതം പറഞ്ഞു. ബാലകൃഷ്ണൻ പി.പി, സ്കൂൾ മാനേജർ പറമ്പത്ത് കുഞ്ഞിരാമൻ, എം.സി ഇബ്രാഹീം ,പവിത്രൻ, വി.കെ പ്രേമൻ, കെ.വിജയൻ എം.പി.അബ്ദുൽ ഗഫൂർ എന്നിവർ സംസാരിച്ചു.

സ്മാർട്ട് ക്ലാസ്റൂം ഉദ്ഘാടനം ചെയ്തു

വടകര: വടകരയിലെയും മേപ്പയില്‍ പ്രദേശത്തെയും സാമൂഹിക രാഷ്ട്രീയ രംഗങ്ങളിലെ നിറസാന്നിധ്യവും ദീര്‍ഘകാലം വടകര സൗത്ത് ജൂനിയര്‍ ബേസിക് സ്‌കൂള്‍ അധ്യാപകനുമായിരുന്ന പി.കെ.ഭാസ്‌കരന്റെ പേരില്‍ പ്രഭാത് ബുക്ക് ഹൗസ് ഏര്‍പെടുത്തിയ പുരസ്‌കാരം മേപ്പയില്‍ എസ്ബി സ്‌കൂളിന് സമ്മാനിച്ചു. സ്‌കൂളില്‍ നടന്ന ചടങ്ങില്‍ പതിനായിരം രൂപയുടെ പുസ്തകം ജില്ലാ പഞ്ചായത്ത് വൈസ് പ്രസിഡന്റ് അഡ്വ.പി. ഗവാസ് കൈമാറി. സ്‌കൂള്‍ അധ്യാപകന്‍ രാഷ്ട്രീയവും സാംസ്‌കാരികവുമായ പ്രവര്‍ത്തനങ്ങളുടെ ഭാഗം കൂടിയാണെന്ന് സ്വജീവിതം കൊണ്ട് തെളിയിച്ച ആളാണ് പി.കെ.ഭാസ്‌കരനെന്നും തന്റെ സ്വതഃസിദ്ധമായ അധ്യാപനത്തിലൂടെ വിദ്യാര്‍ഥികളിലെ നൈസര്‍ഗികമായ പ്രതിഭയെ തിരിച്ചറിഞ്ഞുള്ള പ്രവര്‍ത്തനങ്ങള്‍ വിദ്യാലയത്തില്‍ നടപ്പിലാക്കി. പുതിയാപ്പ്
പ്രദേശത്തെ രാഷ്ട്രീയ സാംസ്‌കാരിക രംഗങ്ങളില്‍ നിറഞ്ഞുനിന്നും , ഫാല്‍ക്കെ ഫിലിം സൊസൈറ്റി എന്നിവയുടെ ആരംഭകാല പ്രവര്‍ത്തനങ്ങളിലെ സജീവസാന്നിധ്യമായിരുന്നു. 2011 ഓഗസ്ത് 15 ന് വിടപറഞ്ഞ പി.കെ.ഭാസ്‌കരന്റെ ഓര്‍മകള്‍ പുസ്തകങ്ങളിലൂടെ വരുംതലമുറയിലേക്ക് സന്നിവേശിക്കുന്നതിനു വേണ്ടിയാണ് ഇത്തരമൊരു പുരസ്‌കാരം ഏര്‍പെടുത്തിയതെന്നും ഭാരവാഹികൾ പറഞ്ഞു. പുരസ്‌കാരദാന ചടങ്ങില്‍ മുനിസിപ്പല്‍ വൈസ് ചെയര്‍മ്മാന്‍ പി.സജീവ് കുമാര്‍ അധ്യക്ഷത വഹിച്ചു. ഒ.കെ.ബിനീഷ്, ഇ.ടി.കെ.രാഘവന്‍, പി.കെ.സബിത്ത് എന്നിവര്‍ സംസാരിച്ചു. ടി.വി.സജേഷ് സ്വാഗതവും പി.കെ.സുനില്‍കുമാര്‍ നന്ദിയും പറഞ്ഞു.

പ്രഭാത് ബുക്ക് ഹൗസ് പുരസ്‌കാരം മേപ്പയില്‍ എസ്ബി സ്‌കൂളിന്

പാലക്കാട്: മലമ്പുഴ കൂർമ്പാച്ചിമലയിൽ കയറി കുടുങ്ങിയ ബാബുവിന്റെ അമ്മയും സഹോദരനും തീവണ്ടി തട്ടി മരിച്ചു. ബാബുവിന്റെ അമ്മ റഷീദ (46), ഇളയസഹോദരൻ ഷാജി (23) എന്നിവരാണ് മരിച്ചത്.&nbsp;
ചൊവ്വാഴ്ച രാത്രി പത്തരയോടെ തിരുവനന്തപുരം-ചെന്നൈ മെയിലിനുമുന്നിലേക്ക് ഇവർ ചാടുകയായിരുന്നെന്നാണ് വിവരം. മലമ്പുഴ മന്തക്കാട് ഭാഗത്ത് വാടകയ്ക്ക് താമസിക്കുകയായിരുന്നു ഇവർ.

കൂർമ്പാച്ചിമലയിൽ കയറി കുടുങ്ങി ശ്രദ്ധിക്കപ്പെട്ട ബാബുവിന്റെ അമ്മയും സഹോദരനും തീവണ്ടി തട്ടി മരിച്ചു

തിരുവനന്തപുരം: സെക്രട്ടറിയേറ്റ് പടിക്കൽ ദിവസങ്ങളായി തുടരുന്ന നിരാഹാര സമരം അവസാനിപ്പിച്ച് ആശാ വർക്കർമാ‌ർ. പ്രവർത്തകർക്ക് ഇളനീർ നൽകി കൊണ്ടാണ് നിരാഹാര സമരം അവസാനിപ്പിച്ചത്. രാപകൽ സമരത്തിന്റെ 81 -ാം ദിവസമായ ഇന്ന് വിവിധ തൊഴിലാളി സംഘടനകളും പിന്തുണയുമായി സമരവേദിയിൽ എത്തിയിട്ടുണ്ട്.&nbsp;
കാസർകോട് മുതൽ തിരുവനന്തപുരം വരെ മേയ് 5ന് തുടങ്ങി ജൂൺ 17ന് അവസാനിക്കുന്ന രാപകൽ സമരയാത്രയുടെ ഫ്ലാഗ് ഓഫ് ഉച്ചയ്ക്ക് 12 മണിക്ക് സമരപന്തലിൽ നടന്നു. പ്രമുഖ ഗാന്ധിയൻ ഡോ. എം പി മത്തായിയാണ് ഫ്ലാഗ് ഓഫ് കർമ്മം നിർവഹിച്ചത്.

നിരാഹാര സമരം അവസാനിപ്പിച്ച് ആശാ വർക്കർമാ‌ർ ;രാപകൽ സമരം തുടരും

തിരുവനന്തപുരം: ഔദ്യോഗിക ജീവിതത്തില്‍നിന്ന് പടിയിറങ്ങിയ ശാരദാ മുരളീധരനെ പ്രകീര്‍ത്തിച്ച് മുഖ്യമന്ത്രി പിണറായി വിജയന്‍. ഉദ്യോഗസ്ഥ എന്നതിനപ്പുറം പുരോഗമന നിലപാടുകള്‍ ഉറക്കെപ്പറയാന്‍ ധീരത കാണിച്ച ശാരദ മുരളീധരന്റെ നിലപാട് മാതൃകാപരമാണെന്ന് മുഖ്യമന്ത്രി ഫെയ്‌സ്ബുക്ക് കുറിപ്പില്‍ പറഞ്ഞു. ശാരദ മുരളീധരനോടൊപ്പമുള്ള ചിത്രവും അദ്ദേഹം പോസ്റ്റില്‍ പങ്കുവെച്ചിട്ടുണ്ട്.
'സ്തുത്യര്‍ഹവും സുദീര്‍ഘവുമായ ഔദ്യോഗിക ജീവിതത്തിന് വിരാമം കുറിച്ച് ചീഫ് സെക്രട്ടറി സ്ഥാനത്തുനിന്നും ഡോക്ടര്‍ ശാരദാ മുരളീധരന്‍ ഇന്നലെ വിരമിച്ചു. ചീഫ് സെക്രട്ടറി പദവിയില്‍ അധികകാലം ഉണ്ടായിരുന്നില്ലെങ്കിലും കുറഞ്ഞ സമയത്തിനുള്ളില്‍ തന്നെ തന്റെ ഭരണമികവ് ഈ നാടിനെ ബോധ്യപ്പെടുത്താന്‍ ഡോ. ശാരദാ മുരളീധരനു സാധിച്ചു.
വയനാട് പുനരധിവാസം മുതല്‍ ലഹരി വിരുദ്ധ ക്യാമ്പയ്‌നുകള്‍ വരെ, ഓരോ പദ്ധതികളിലും പരിപാടികളിലും സര്‍ക്കാരിന്റെ നയങ്ങള്‍ സൂക്ഷ്മതയോടെ നടപ്പാക്കാന്‍ അവര്‍ ശ്രദ്ധിച്ചു. മികച്ച ഏകോപനവും മികച്ച നിര്‍വഹണവും അവരുടെ പ്രവര്‍ത്തന മുദ്രയായിരുന്നു.
ഉദ്യോഗസ്ഥ എന്ന നിലയ്ക്കപ്പുറം സാമൂഹികനീതികള്‍ക്കെതിരെ തന്റെ പുരോഗമന നിലപാടുകള്‍ ഉറക്കെപ്പറയാന്‍ ഡോ.ശാരദ കാണിച്ച സന്നദ്ധതയും ധീരതയും മാതൃകാപരമാണ്. സര്‍ക്കാര്‍ നയങ്ങള്‍ നടപ്പാക്കുന്നതിലെ ആത്മാര്‍ത്ഥത, കാര്യക്ഷമതയോടെയുള്ള കൃത്യനിര്‍വഹണം, ഭാവനാപൂര്‍ണമായ ആസൂത്രണം, സംസ്ഥാനത്തോടും ഇവിടുത്തെ ജനതയോടുമുള്ള അചഞ്ചലമായ കൂറ് എന്നിവയുടെ സമന്വയമാണ് ശാരദാ മുരളീധരന്റെ ഔദ്യോഗിക ജീവിതം. ഡോ. ശാരദ മുരളീധരന് കര്‍മ്മോത്സുകതയുടെയും സേവനത്തിന്റെയും ഒരു സജീവകാലം തുടര്‍ന്നും ഉണ്ടാവട്ടെ എന്ന് ഹൃദയപൂര്‍വ്വം ആശംസിക്കുന്നു' മുഖ്യമന്ത്രി കുറിച്ചു.

പുരോഗമന നിലപാടുകള്‍ ഉറക്കെപ്പറയാന്‍ കാണിച്ച ധീരത മാതൃകാപരം ;ശാരദാ മുരളീധരനെ പ്രകീര്‍ത്തിച്ച് മുഖ്യമന്ത്രി

കൊച്ചി: പുലിപ്പല്ല് കൈവശം വച്ച കേസിൽ ജാമ്യം ലഭിച്ചതിന് പിന്നാലെ പ്രതികരണവുമായി റാപ്പർ വേടൻ. തനിക്ക് വേണ്ടി പ്രാർത്ഥിച്ച എല്ലാവരോടും നന്ദിയുണ്ടെന്ന് ഹിരൺ ദാസ് മുരളി എന്ന വേടൻ പറഞ്ഞു. 'എന്നെ കേൾക്കുകയും കാണുകയും ചെയ്യുന്ന സഹോദരന്മാരോടാണ് പറയാനുള്ളത് പുകവലിയും മദ്യപാനവും വലിയ പ്രശ്‌നമാണ്. ചേട്ടനോട് ദയവായി ക്ഷമിക്കണം. നല്ലൊരു മനുഷ്യനാകാൻ പറ്റുമോ എന്ന് ഞാൻ നോക്കട്ടെ. പോയിവരാം മക്കളെ' വേടൻ പ്രതികരിച്ചു.
കേസ് കോടതിയുടെ കൈയിലിരിക്കുന്ന കാര്യമാണെന്നും ഇതെക്കുറിച്ച് ചോദ്യങ്ങൾക്ക് വേടൻ മറുപടി നൽകി.കേസുമായി വേടൻ സഹകരിക്കുന്നുണ്ട് എന്ന് വനംവകുപ്പ് കോടതിയെ അറിയിച്ചത് മുഖവിലയ്‌ക്കെടുത്താണ് നേരത്തെ വേടന്‌ ജാമ്യം അനുവദിച്ചത്.

'നല്ലൊരു മനുഷ്യനാകാൻ പറ്റുമോ എന്ന് ഞാൻ നോക്കട്ടെ';ജാമ്യം ലഭിച്ചതിന് പിന്നാലെ പ്രതികരണവുമായി വേടൻ

ന്യൂഡൽഹി: വാണിജ്യാവശ്യങ്ങൾക്കുള്ള പാചകവാതക സിലിണ്ടറിന്റെ വില കുറച്ചു. 15.50 രൂപയാണ് കുറച്ചത്. 19 കിലോയുടെ സിലിണ്ടറിന്റെ വിലയാണ് കുറഞ്ഞത്. അതേസമയം, ഗാർഹിക ആവശ്യത്തിനുള്ള പാചക വാതക സിലിണ്ടർ വിലയിൽ മാറ്റമുണ്ടായില്ല. പുതുക്കിയ വില ഇന്നുമുതൽ പ്രാബല്യത്തിൽ വരും.
ഏപ്രിലിൽ വാണിജ്യാവശ്യത്തിനുള്ള സിലിണ്ടറിന് 41 രൂപ കുറച്ചിരുന്നു. ഇതിന് പിന്നാലെയാണ് വിലയിൽ വീണ്ടും കുറവുണ്ടായത്. എന്നാൽ ഏപ്രിലിൽ ഗാർഹിക ആവശ്യത്തിനുള്ള സിലിണ്ടർ വില കൂട്ടിയിരുന്നു. ഏപ്രിൽ ഏഴിന് 14.2 കിലോ ഗ്യാസ് സിലിണ്ടർ വില 50 രൂപയാണ് കൂട്ടിയത്.പാചക വാതക വിലകള്‍ എല്ലാ മാസവും ഒന്നാം തീയതിയും 15-ാം തീയതിയുമാണ് പരിഷ്‌കരിക്കാറുള്ളത്.&nbsp;

പാചകവാതക സിലിണ്ടറിന്റെ വില 15 രൂപ കുറച്ചു

ന്യൂഡൽഹി: നിരവധി പാകിസ്ഥാൻ അഭിനേതാക്കളുടെ ഇൻസ്റ്റാഗ്രാം അക്കൗണ്ടുകൾ ഇന്ത്യയിൽ പ്രവർത്തനരഹിതമാക്കി. ഹാനിയ ആമിർ, മാഹിറ ഖാൻ എന്നിവരുൾപ്പെടെയുള്ളവരുടെ അക്കൗണ്ടുകളാണ് ഇന്ത്യയിൽ വിലക്കിയത്. ഹാനിയ ആമിറിൻ്റെ അക്കൗണ്ടാണ് ആദ്യമായി പ്രവർത്തനരഹിതമാക്കിയതിൽ ഒന്ന് എന്നാണ് റിപ്പോർട്ട്.
പഹൽഗാം ഭീകരാക്രമണത്തെ തുടർന്ന് ഇന്ത്യയും പാകിസ്ഥാനും തമ്മിൽ വർദ്ധിച്ചുവരുന്ന സംഘർഷങ്ങൾക്കിടയിലാണ് ഈ നടപടി. നിരോധിത പാകിസ്ഥാൻ ഭീകര സംഘടനയായ ലഷ്കർ-ഇ-തൊയ്ബയുടെ (LeT) ഉപവിഭാഗമായ ദി റെസിസ്റ്റൻസ് ഫോഴ്സിലെ (TRF) ഭീകരർ നടത്തിയ വെടിവെപ്പിൽ 26 പേരാണ് അന്ന് കൊല്ലപ്പെട്ടത്.
അലി സഫർ, സനം സയീദ്, ബിലാൽ അബ്ബാസ്, ഇഖ്‌റ അസീസ്, ഇമ്രാൻ അബ്ബാസ്, സജൽ അലി എന്നിവരാണ് ഇന്ത്യയിൽ ഇൻസ്റ്റാഗ്രാം അക്കൗണ്ടുകൾ പ്രവർത്തനരഹിതമാക്കപ്പെട്ട മറ്റ് പാകിസ്ഥാൻ താരങ്ങൾ. 'ഈ അക്കൗണ്ട് ഇന്ത്യയിൽ ലഭ്യമല്ല. ഉള്ളടക്കം നിയന്ത്രിക്കാനുള്ള നിയമപരമായ അഭ്യർത്ഥന ഞങ്ങൾ പാലിച്ചതിനാലാണ് ഇത്' എന്ന സന്ദേശമാണ് ഇന്ത്യയിൽനിന്ന് ഇവരുടെ പ്രൊഫൈൽ സന്ദർശിച്ചവർക്കെല്ലാം ലഭിച്ചത്. അതേസമയം ഫവാദ് ഖാൻ, വഹാജ് അലി തുടങ്ങിയ മറ്റ് ചില പാകിസ്ഥാൻ അഭിനേതാക്കളുടെ ഇൻസ്റ്റാഗ്രാം അക്കൗണ്ടുകൾ ഇന്ത്യയിൽ ഇപ്പോഴും ലഭ്യമാണ്.

പാക് നടീനടന്മാരുടെ ഇൻസ്റ്റ​ഗ്രാം അക്കൗണ്ടുകൾക്ക് ഇന്ത്യയിൽ വിലക്ക്

Search Results for: hema committe