തിരുവനന്തപുരം: 2024 ഏപ്രിൽ മാസത്തെ റേഷൻ വിതരണം 2024 മെയ് 3-ാം തീയതി (വെള്ളിയാഴ്ച) വരെ ദീർഘിപ്പിച്ചു. മെയ് മാസത്തെ റേഷൻ വിതരണം 06.05.2024 (തിങ്കളാഴ്ച) മുതൽ ആരംഭിക്കും. കൂടാതെ ഏപ്രിൽ മാസത്തെ വിതരണത്തിന് ശേഷം മെയ് 4 (ശനി), 5 (ഞായർ) തീയതികളിൽ റേഷൻ കടകൾക്ക് അവധിയായിരിക്കുമെന്നും പൊതുവിതരണ ഉപഭോക്തൃകാര്യ കമ്മീഷണർ അറിയിച്ചു.

റേഷൻ വിതരണം സംബന്ധിച്ച രണ്ട് സുപ്രധാന അറിയിപ്പുകൾ ശ്രദ്ധിക്കുക

Kerala

തിരുവനന്തപുരം: സംസ്ഥാനത്ത് ഉഷ്ണതരംഗ സാധ്യത നിലനിൽക്കുന്നതിനാൽ വെയിലത്ത് ജോലി ചെയ്യുന്ന തൊഴിലാളികളുടെ ജോലി സമയ ക്രമീകരണം മേയ് 15 വരെ നീട്ടി. ഉച്ചയ്ക്ക് 12 മുതൽ വൈകിട്ട് 3 വരെ തൊഴിലാളികൾ വെയിലത്ത് പണിയെടുക്കുന്നത് കണ്ടെത്തിയാൽ തൊഴിലുടമയ്ക്ക് എതിരെ കർശന നടപടി സ്വീകരിക്കും. സംസ്ഥാനത്ത് മുഴുവൻ തൊഴിലിടങ്ങളിലും കർശന പരിശോധന നടത്തി നടപടി സ്വീകരിക്കാൻ ലേബർ കമ്മിഷണർക്ക് നിർദേശം നൽകി.

ഉഷ്ണതരംഗ സാധ്യത: ഉച്ചയ്ക്ക് 12 മുതൽ വൈകിട്ട് 3 വരെ തൊഴിലാളികൾ വെയിലത്ത് പണിയെടുക്കരുത്

കോഴിക്കോട്: മുഖ്യമന്ത്രിയുടെ നേതൃത്വത്തിലുള്ള നവകേരള യാത്രക്ക് ഉപയോഗിച്ച ബസ് ഇനി മുതൽ കെ.എസ്.ആർ.ടി.സിക്ക് വേണ്ടി സർവിസ് നടത്തും. മേയ് അഞ്ച് മുതൽ ഗരുഡ പ്രീമിയം എന്ന വിഭാഗത്തിൽ കോഴിക്കോട് - ബംഗളൂരു റൂട്ടിലായിരിക്കും സർവിസ് നടത്തുക.
പുലർച്ചെ നാലിന് കോഴിക്കോട് നിന്ന് പുറപ്പെടുന്ന ബസ് കൽപ്പറ്റ, സുൽത്താൻ ബത്തേരി, മൈസൂരു വഴി 11.30നാണ് ബംഗളൂരുവിൽ എത്തുക. ഉച്ചക്ക് 2.30ന് ബംഗളൂരുവിൽ നിന്നും തിരിക്കുന്ന ബസ് രാത്രി 10ന് കോഴിക്കോട് എത്തും. കോഴിക്കോട് നിന്ന് ബംഗളൂരുവിലേക്ക് ഒരാൾക്ക് 1171 രൂപയാണ് ടിക്കറ്റ് നിരക്ക്.
1.15 കോടി രൂപ ചെലവിട്ടായിരുന്നു​ നവകേരള യാത്രക്കായി ബസ് വാങ്ങിയത്​. യാത്ര കഴിഞ്ഞതോടെ ബംഗളൂരുവിലെ ബസ്​ ബോഡി നിർമാണ കമ്പനിയിലെത്തിച്ച്​ മാറ്റങ്ങൾ വരുത്തി തിരിച്ചെത്തിച്ചു. ബസ് കെ.എസ്​.ആർ.ടി.സിയുടെ ബജറ്റ്​ ടൂറിസം പദ്ധതികൾക്കായി ഉപയോഗിക്കുമെന്നായിരുന്നു ആദ്യം​ പ്രഖ്യാപിച്ചിരുന്നത്​.

നവകേരള ബസ് മേയ് അഞ്ച് മുതൽ കോഴിക്കോട് - ബംഗളൂരു റൂട്ടിൽ സർവിസ് നടത്തും

തിരുവനന്തപുരം: ശോഭ സുരേന്ദ്രന്‍ ഉന്നയിച്ച ആരോപണങ്ങള്‍ക്ക് മറുപടിയുമായി ഗോകുലം ഗ്രൂപ്പ് സ്ഥാപനങ്ങളുടെ ചെയര്‍മാന്‍ ഗോകുലം ഗോപാലന്‍. ആരോപണങ്ങള്‍ നിഷേധിച്ച ഗോകുലം ഗോപാലന്‍, ശോഭയ്‌ക്കെതിരേ നല്‍കിയ മാനനഷ്ടക്കേസുമായി മുന്നോട്ടുപോകുമെന്നും പറഞ്ഞു. ആലപ്പുഴയിലെ തിരഞ്ഞെടുപ്പില്‍ ഇടപെട്ടിട്ടില്ല. ശശിധരന്‍ കര്‍ത്തയെ അറിയില്ലെന്നും അറിയാത്ത ആള്‍ക്കുവേണ്ടി എങ്ങനെ ഇടപെടാന്‍ കഴിയുമെന്നും അദ്ദേഹം ചോദിച്ചു.
എന്നെ സംബന്ധിച്ചിടത്തോളം ശോഭ സുരേന്ദ്രനുമായി പ്രശ്‌നങ്ങളില്ല. എനിക്ക് പ്രശ്‌നങ്ങളുള്ള ആള്‍ക്കാരെ പ്രീതിപ്പെടുത്താന്‍ വേണ്ടി പറഞ്ഞതായിരിക്കും. അവർക്ക് എന്തെങ്കിലും കിട്ടുന്നുണ്ടെങ്കില്‍ കിട്ടട്ടെ. തൃശ്ശൂരില്‍ ആളെ അയച്ച്, വെള്ളാപ്പള്ളി നടേശനെ പുകഴ്ത്തി പറയരുതെന്നും എതിരായി പറയണമെന്നും ഗോകുലം ഗോപാലന്‍ പറഞ്ഞെന്നാണ് ശോഭ സുരേന്ദ്രന്‍ ആരോപിച്ചത്. തനിക്ക് ഇക്കാര്യം ശോഭ സുരേന്ദ്രനോട് നേരിട്ട് പറയാവുന്നതേയുള്ളൂ. വ്യക്തിപരമായ കാര്യങ്ങളുമായി തിഞ്ഞെടുപ്പിനെ താൻ ബന്ധപ്പെടുത്തില്ലെന്നും ഗോകുലം ഗോപാലന്‍ കൂട്ടിച്ചേര്‍ത്തു.
വെള്ളാപ്പള്ളി നടേശനുമായി വ്യക്തിപരമായി ഒരു വിദ്വേഷവുമില്ല. പക്ഷേ, ഒരു സമുദായത്തിന്റെ ലീഡറായിട്ട് നിന്ന് ആ സമുദായത്തിന് കിട്ടേണ്ട സാമ്പത്തികമൊക്കെ സ്വന്തം താത്പര്യത്തിനുവേണ്ടി ഉപയോഗിക്കുകയാണ്. അത് ഞാന്‍ 15-20 കൊല്ലം മുമ്പ് എതിര്‍ത്തതാണ്. വെള്ളാപ്പള്ളി നടേശനെതിരേ വിരല്‍ ചൂണ്ടിയാല്‍ വിരല്‍ നഷ്ടപ്പെടുന്ന ഒരു കാലമുണ്ടായിരുന്നു. ആ കാലത്ത് എതിര്‍ത്ത ആളാണ് ഞാന്‍. ആരായാലും അഭിപ്രായം തുറന്നുപറയാനുള്ള തന്റേടം എനിക്കുണ്ട്, ഗോകുലം ഗോപാലന്‍ പറഞ്ഞു.
ശോഭ സുരേന്ദ്രനെന്ന വ്യക്തിക്ക് ഞാന്‍ സ്ഥാനം കൊടുക്കുന്നില്ല. അവര്‍ കാന്‍ഡിഡേറ്റാണ്. അതാണ് ഞാന്‍ എതിര്‍ക്കാനുള്ള പ്രധാനപ്പെട്ട കാരണം. ഇന്ന് ഞാന്‍ കേസുകൊടുത്തു. കാരണം, പോകുന്നവരും വരുന്നവരും ഗോകുലം ഗോപാലനേപ്പറ്റി പറഞ്ഞാല്‍, വഴിക്കുള്ള ചെണ്ടയല്ല ഞാന്‍. ജനങ്ങള്‍ അത് തെറ്റാണെന്ന് പറയുകയാണ്. അത് മനസിലാക്കി മാപ്പ് പറയുന്നുണ്ടെങ്കില്‍ പറയട്ടെ. അവിടെ ചെയ്തത് തെറ്റാണെന്ന് സമൂഹത്തോട് പറയണമെന്നും ഗോകുലം ഗോപാലന്‍ കൂട്ടിച്ചേര്‍ത്തു.

ചെണ്ടയല്ല ഞാന്‍; ശോഭയ്ക്കെതിരേ കേസുമായി മുന്നോട്ട് പോകുമെന്ന് ഗോകുലം ഗോപാലൻ

ഷാർജ : കഴിഞ്ഞയാഴ്ചയിലെ ശക്തമായ മഴയിൽ രൂപപ്പെട്ട വെള്ളക്കെട്ട് നീങ്ങിയപ്പോൾ ഷാർജയിൽ കണ്ടെടുത്തത് 1962- ലെ പൊട്ടിക്കാത്ത പെപ്സി ബോട്ടിൽ. അൽ ദൈദ് പ്രദേശത്താണ് ഒഴുകിയെത്തിയ പ്രളയജലം നീങ്ങിയപ്പോൾ വർഷങ്ങൾ പഴക്കമുള്ള പെപ്‌സി കുപ്പി ഇമിറാത്തി പൗരനും പുരാവസ്തു ഗവേഷകനുമായ അലി റാഷിദ് അൽ കത്ബി കണ്ടെത്തിയത്.
1962- ൽ ദുബായിൽ നിർമിച്ച പെപ്‌സിയുടെ സീൽ പൊട്ടിക്കാത്ത കുപ്പിയായിരുന്നു അത്. അതിൽ അറബിയിൽ ദുബായ് എന്നും രേഖപ്പെടുത്തിയിരുന്നു. മാറിവരുന്ന കാലാവസ്ഥയിലും കുപ്പിക്കും അതിലെ പ്രിന്റിനുമൊന്നും മാറ്റം സംഭവിച്ചിരുന്നില്ല. പ്രളയജലം പിൻവാങ്ങിയപ്പോൾ എന്തെങ്കിലും അമൂല്യവസ്തുക്കളുണ്ടോ എന്ന് തേടിയിറങ്ങിയപ്പോഴാണ് പെപ്‌സിയുടെ കുപ്പി ശ്രദ്ധയിൽപെട്ടത്.
ശക്തമായ വെള്ളപ്പൊക്കത്തിൽ മണ്ണിളകി മറിഞ്ഞ്‌ പലതും പുറത്തുവരുമെന്ന നിരീക്ഷണത്തിലായിരുന്നു അൽ കത്ബി.വലിയൊരു പാറക്കെട്ടിനോടു ചേർന്നുള്ള മണ്ണെല്ലാം ഒലിച്ചുപോയി രൂപപ്പെട്ട വലിയ കുഴിയിലായിരുന്നു പുതിയതെന്ന് തോന്നിക്കുന്ന രീതിയിലുള്ള പെപ്സി ബോട്ടിൽ കണ്ടെടുത്തതെന്ന് അൽ കത്ബി പ്രാദേശിക മാധ്യമങ്ങളോട് പറഞ്ഞു. പുരാവസ്തുക്കളും പഴയ വാസസ്ഥലങ്ങളുടെ ശേഷിപ്പുകളും വെളിപ്പെടുത്തുന്നതിൽ പ്രളയം പോലുള്ള പ്രകൃതി പ്രതിഭാസങ്ങൾ വലിയപങ്കുവഹിക്കാറുണ്ടെന്നും അദ്ദേഹം അഭിപ്രായപ്പെട്ടു.
1958- ൽ സ്ഥാപിതമായ ദുബായ് റിഫ്രഷ്‌മെന്റ് കമ്പനി നിർമിച്ചതാണ് ഷാർജയിൽ കണ്ടെടുത്ത ബോട്ടിലെന്നാണ് അതിൽ രേഖപ്പെടുത്തിയിരിക്കുന്നത്. പാറകൾക്കിടയിൽ നിന്ന് ലഭിച്ച ഈ കുപ്പി ദുബായിയുടെ ആദ്യകാല വ്യാപാര ചരിത്രം വ്യക്തമാക്കുമെന്നും അദ്ദേഹം പറഞ്ഞു. നിലവിൽ ചരിത്രത്തിൽ ഗവേഷണം നടത്തുകയാണ് അലി അൽ കത്ബി.

വെള്ളക്കെട്ട് നീങ്ങിയപ്പോൾ ഷാർജയിൽ കണ്ടെത്തിയത് 1962-ലെ പൊട്ടിക്കാത്ത പെപ്സി ബോട്ടിൽ

Gulf

കോഴിക്കോട്: നേരത്തെ സംഘടനാ നടപടി നേരിട്ട 'ഹരിത' നേതാക്കൾക്ക് യൂത്ത് ലീഗിൽ ഭാരവാഹിത്വം ന‌ൽകി. ഫാത്തിമ തഹലിയയെ യൂത്ത് ലീഗ് സംസ്ഥാന സെക്രട്ടറി ആയി നിയമിച്ചു. മുഫീദ തസ്‌നിയെ ദേശീയ വൈസ് പ്രസിഡന്റായും, നജ്മ തബ്ഷിറയെ ദേശീയ സെക്രട്ടറി സ്ഥാനത്തേക്കുമാണ് നിയമിച്ചിരിക്കുന്നത്.&nbsp;
ഇവർക്ക് പുറമെ 'ഹരിത' വിവാദ കാലത്ത് നടപടി നേരിട്ട എം.എസ്.എഫ് നേതാക്കൾക്കും പുതിയ ഭാരവാഹിത്വം നൽകി. ലത്തീഫ് തുറയൂരിനെ എം.എസ്.എഫ് ദേശീയ വൈസ് പ്രസിഡന്റായും ആഷിഖ് ചെലവൂരിനെ യൂത്ത് ലീഗ് ദേശീയ വൈസ് പ്രസിഡന്റായും നിയമിച്ചു. എം.എസ്.എഫ് സംസ്ഥാന നേതൃത്വം ഉയർത്തിയ എതിർപ്പ് അവഗണിച്ചായിരുന്നു പുറത്താക്കപ്പെട്ട എം.എസ്.എഫ് നേതാക്കളെ മുസ്‍ലിം ലീഗ് നേതൃത്വം തിരിച്ചെടുത്തത്.&nbsp;
എംഎസ്എഫിന്റെ വനിതാ വിഭാഗമായ 'ഹരിതയുടെ' നേതാക്കൾക്കെതിരെ നേരത്തെ സ്വീകരിച്ച അച്ചടക്ക നടപടികൾ പിൻവലിക്കാനുള്ള തീരുമാനം ആഴ്ചകൾക്ക് മുമ്പാണ് മുസ്‍ലിം ലീഗ് കൈക്കൊണ്ടത്. ഇതോടൊപ്പം ഈ വിവാദ കാലത്ത് ഹരിത നേതാക്കൾക്കൊപ്പം നിന്ന എംഎസ്എഫ് നേതാക്കളെ പാർട്ടിയിൽ നിന്ന് പുറത്താക്കിയിരുന്നു. ഇവരെ തിരിച്ചെടുക്കാനും ഈ സമയത്ത് തീരുമാനമായിരുന്നു. ഇങ്ങനെ നടപടി ഒഴിവാക്കിയ നേതാക്കൾക്ക് പുതിയ ഭാരവാഹിത്വം നൽകിക്കൊണ്ടുള്ള വാർത്താക്കുറിപ്പാണ് ഇപ്പോൾ ലീഗ് നേതൃത്വം പുറത്തിറക്കിയത്.&nbsp;
എംഎസ്എഫ് സംസ്ഥാന പ്രസിഡന്റ് പി.കെ നവാസിനെതിരെ ഹരിത നേതാക്കൾ നൽകിയ പരാതി ഇപ്പോൾ കോടതിയുടെ പരിഗണനയിലാണ്. ഈ കേസിൽ പി.കെ നവാസിന് അനുകൂല നിലപാട് സ്വീകരിക്കാമെന്ന ഉറപ്പിലാണ് ഇവരെ തിരിച്ചെടുക്കുകയും ഭാരവാഹിത്വം നൽകുകയും ചെയ്തത്. എന്നാൽ ഹരിത നേതാക്കൾക്കൊപ്പം നടപടി നേരിട്ട എംഎസ്എഫ് നേതാക്കളെ തിരിച്ചെടുക്കുന്നതിലും അവർക്ക് ഭാരവാഹിത്വം നൽകുന്നതിനും എംഎസ്എഫ് സംസ്ഥാന നേതൃത്വത്തിന് വലിയ എതിർപ്പുണ്ടായിരുന്നു. ഇത് അവഗണിച്ചാണ് ലീഗ് നേതൃത്വത്തിന്റെ തീരുമാനം.&nbsp;

നടപടി നേരിട്ട 'ഹരിത' നേതാക്കൾക്ക് യൂത്ത് ലീഗിൽ ഭാരവാഹിത്വം നൽകി

പുറമേരി: ഭാര്യ മരിച്ച് മൂന്നാം നാൾ ഭർത്താവും മരിച്ചു. പുറമേരി കുനിങ്ങാട് റോഡിൽ പാറോള്ളതിൽ പൊക്കനാ(86)ണ് തിങ്കളാഴ്ച മരിച്ചത്. ഭാര്യ പാറു (76) ശനിയാഴ്ചയാണ് മരിച്ചത്. മക്കൾ: ജയഷീല, ബാബു (ബിസിനസ്) , ഉഷ, പ്രീജ. മരുമക്കൾ: നാണു (കാർത്തികപ്പള്ളി ), ബാലൻ (കല്ലേരി ),ബാബു (വളയം), റീന.
&nbsp;

പുറമേരിയിൽ ഭാര്യ മരിച്ച് മൂന്നാം ദിവസം ഭർത്താവും മരിച്ചു

Obituary

തിരുവനന്തപുരം: കേരളത്തിൽ പല ജില്ലകളിലും ഉഷ്ണതരംഗ മുന്നറിയിപ്പുണ്ടെങ്കിലും ഇതിനിടെ ആശ്വാസമായി എല്ലാ ജില്ലകളിലും ഇന്ന് മഴ പെയ്യുമെന്ന കേന്ദ്ര കാലാവസ്ഥാ വകുപ്പിന്‍റെ അറിയിപ്പ്. നേരിയ മഴ സാധ്യതയാണ് കാലാവസ്ഥാ വകുപ്പ് പ്രവചിച്ചിരിക്കുന്നത്. നാളെ 12 ജില്ലകളിൽ മഴ പെയ്യുമെന്നാണ് പ്രവചിച്ചിരിക്കുന്നത്. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് മഴ സാധ്യതയുള്ളത്. മെയ് രണ്ടിന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, പാലക്കാട്, മലപ്പുറം, വയനാട് എന്നീ ജില്ലകളിലാണ് മഴ സാധ്യതയുള്ളത്.
മെയ് മൂന്നിന് 12 ജില്ലകളിൽ മഴ പെയ്യുമന്നാണ് കേന്ദ്ര കാലാവസ്ഥാ വകുപ്പിന്‍റെ അറിയിപ്പ്. കണ്ണൂർ, കാസർഗോഡ് ഒഴികെയുള്ള ജില്ലകളിലാണ് മഴ പെയ്യാൻ സാധ്യതയുള്ളത്. മെയ് നാലിനും ഇതേ 12 ജില്ലകളിൽ മഴ പെയ്യുമെന്നാണ് കേന്ദ്ര കാലാവസ്ഥാ വകുപ്പിന്‍റെ പ്രവചനം. ഇതിനിടെ കൂടുതൽ ജില്ലകളിൽ ഉഷ്ണതരംഗ മുന്നറിയിപ്പ് നൽകിയിരിക്കുകയാണ്. പാലക്കാട്, തൃശ്ശൂർ, കൊല്ലം ജില്ലകൾക്ക് പിന്നാലെ ആലപ്പുഴയിലും കോഴിക്കോട്ടുമാണ് ഉഷ്ണ തരംഗ മുന്നറിയിപ്പുള്ളത്. പാലക്കാട് ഓറഞ്ച് അലർട്ട് തുടരുകയാണ്. ആലപ്പുഴ, തൃശൂർ, കോഴിക്കോട് ജില്ലകളിൽ യെല്ലോ അലർട്ടാണ്. ആലപ്പുഴയിൽ രാത്രി താപനില ഉയരുമെന്നും കാലാവസ്ഥാ വിഭാഗം മുന്നറിയിപ്പ് നൽകി. ഇടുക്കി, വയനാട് ഒഴികെ എല്ലാ ജില്ലകളിലും ഉയർന്ന താപനില മുന്നറിയിപ്പ് നിലനിൽക്കുന്നുണ്ട്. സാധാരണയേക്കാൾ മൂന്ന് മുതൽ അഞ്ച് ഡിഗ്രി സെൽഷ്യസ് വരെ താപനില ഉയരാമെന്നാണ് മുന്നറിയിപ്പ്.
ഇന്ന് മുതൽ മെയ് നാല് വരെ പാലക്കാട് ജില്ലയിൽ ഉയർന്ന താപനില 41 ഡിഗ്രി സെൽഷ്യസ് വരെയും തൃശൂർ ജില്ലയിൽ ഉയർന്ന താപനില 40 ഡിഗ്രി വരെയും കൊല്ലം, കോഴിക്കോട് ജില്ലകളിൽ ഉയർന്ന താപനില 39 ഡിഗ്രി വരെയും ആലപ്പുഴ, കോട്ടയം, പത്തനംതിട്ട, കണ്ണൂർ ജില്ലകളിൽ ഉയർന്ന താപനില 38 ഡിഗ്രി വരെയും, തിരുവനന്തപുരം, എറണാകുളം, കാസറഗോഡ്, മലപ്പുറം ജില്ലകളിൽ ഉയർന്ന താപനില 37 ഡിഗ്രി വരെയും ഉയരാൻ സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്‍റെ മുന്നറിയിപ്പ്.

എല്ലാ ജില്ലകളിലും മഴ സാധ്യത പ്രവചിച്ച് കാലാവസ്ഥ വകുപ്പ്

അഹമ്മദാബാദ്: 2024 ട്വന്റി-20 ലോകകപ്പിനുള്ള ഇന്ത്യന്‍ ടീമിനെ പ്രഖ്യാപിച്ചു. 15 അംഗ ടീമിനേയാണ് പ്രഖ്യാപിച്ചത്. മലയാളി താരം സഞ്ജു സാംസണ്‍ ടീമിലിടം നേടി. രോഹിത് ശര്‍മയാണ് ഇന്ത്യന്‍ ടീമിനെ നയിക്കുന്നത്. ഹര്‍ദിക് പാണ്ഡ്യയാണ് ഉപനായകന്‍. സഞ്ജുസാംസണിനൊപ്പം ഋഷഭ് പന്തും വിക്കറ്റ് കീപ്പറായി ടീമിലിടം നേടിയിട്ടുണ്ട്.
സൂപ്പര്‍ താരം വിരാട് കോലിയ്ക്ക് പുറമേ യശസ്വി ജയ്‌സ്വാള്‍, സൂര്യകുമാര്‍ യാദവ്, ശിവം ദുബൈ എന്നിവരും ടീമിലിടം നേടി. ഓള്‍റൗണ്ടര്‍മാരായി ജഡേജയും അക്ഷര്‍ പട്ടേലുമാണുള്ളത്. കുല്‍ദീപ് യാദവ്, യുസ്‌വേന്ദ്ര ചാഹല്‍ എന്നിവര്‍ സ്പിന്‍ ബൗളിങ് ഓപ്ഷനുകളാണ്. പേസ് ബൗളര്‍മാരായ മുഹമ്മദ് സിറാജ്, ജസ്പ്രീത് ബുംറ, അര്‍ഷ്ദീപ് സിങ് എന്നിവരും ലോകകപ്പ് സംഘത്തിലുണ്ട്. ശുഭ്മാന്‍ ഗില്‍, റിങ്കു സിങ്, ഖലീല്‍ അഹമ്മദ്, ആവേശ് ഖാന്‍ എന്നിവര്‍ റിസര്‍വ് താരങ്ങളായി സ്‌ക്വാഡിലുണ്ട്.

ട്വന്റി-20 ലോകകപ്പിനുള്ള ഇന്ത്യന്‍ ടീമിനെ പ്രഖ്യാപിച്ചു; ഇടം നേടി സഞ്ജു

തന്നെ അതിഥിയായി ക്ഷണിച്ച പരിപാടിയിൽ വിതരണംചെയ്ത ബുക്ക്ലെറ്റിൽ വ്യക്തി​ഗത വിവരങ്ങൾ തെറ്റായി രേഖപ്പെടുത്തിയതിൽ സംഘാടകരെ തിരുത്തി നടി നവ്യാ നായർ. കഴിഞ്ഞദിവസം ഒരു സംഘടന നടത്തിയ പരിപാടിയിൽ വിതരണംചെയ്ത ബുക്ക്ലെറ്റിൽ തന്നേക്കുറിച്ച് തെറ്റായ വിവരങ്ങളാണുള്ളതെന്ന് ചടങ്ങിൽ സംസാരിക്കവേ നവ്യ ചൂണ്ടിക്കാട്ടി. നവ്യക്ക് രണ്ടുമക്കളുണ്ടെന്നും ഇതിൽ മകളുടെ പേര് യാമിക എന്നാണെന്നുമാണ് ബുക്ക്ലെറ്റിൽ പറഞ്ഞിരുന്നത്. നവ്യ അഭിനയിക്കാത്ത ചില ചിത്രങ്ങളുടെ പേരും ബുക്ക്ലെറ്റിന്റെ ഉള്ളടക്കത്തിലുണ്ടായിരുന്നു. ഈ പിശകുകൾ നവ്യ സംസാരത്തിനിടെ ചൂണ്ടിക്കാട്ടുകയായിരുന്നു.
‘‘ഒരു പരിഭവമുണ്ട് നിങ്ങളോട് പറയാൻ. ഒരു ബുക്ക്‌ലെറ്റ് ഞാന‍ിവിടെ കണ്ടു. അതിൽ എഴുതിയിരിക്കുന്നത് എനിക്ക് രണ്ട് മക്കളുണ്ടെന്നാണ്. എന്റെ മോൻ എന്തുവിചാരിക്കും? എന്റെ കുടുംബം എന്തുവിചാരിക്കും? എനിക്ക് യാമിക എന്ന പേരിൽ മകളുണ്ടെന്നാണ് ബുക്ക്‌ലെറ്റിൽ എഴുതിയിരിക്കുന്നത്. എന്നെപറ്റി അറിയാത്തവർ അതല്ലേ മനസിലാക്കുക, അല്ലെങ്കിൽ വായിക്കുക. എനിക്ക് ഒരു മകനേ ഉള്ളൂവെന്ന് കുറച്ചുപേർക്കല്ലേ അറിയൂ. അറിയാവത്തർ ഒരുപാട് ഉണ്ടാകില്ലേ?" നവ്യ ചോദിച്ചു.
ഇത്തരം കാര്യങ്ങൾ ഊഹിച്ച് എഴുതരുത്. വിക്കിപീഡിയയിൽ നിന്ന് എല്ലാ വിവരങ്ങളും എളുപ്പത്തിൽ കിട്ടും. അതിഥികളെ വിളിക്കുമ്പോൾ അവരെക്കുറിച്ചുള്ള കൃത്യമായ കാര്യങ്ങൾ തന്നെ എഴുതണമെന്നും നവ്യാ നായർ വ്യക്തമാക്കി.
താൻ അഭിനയിക്കാത്ത കുറച്ച് സിനിമകളുടെ ലിസ്റ്റ് കൂടി അതിൽ എഴുതിച്ചേർത്തതിൽ അതിയായ സന്തോഷമുണ്ട്. അത് നല്ല സ്പിരിറ്റിൽ എടുക്കും. പക്ഷേ കുട്ടിയുടെ കാര്യത്തിൽ അവകാശം ഏറ്റെടുക്കാൻ പറ്റില്ല. എനിക്കില്ലാത്ത കുട്ടിയായതുകൊണ്ടാണ്. എന്നിരുന്നാലും തന്നെ ഇവിടെ വിളിച്ചതിൽ അതിയായ സന്തോഷമുണ്ടെന്നും നവ്യാ നായർ കൂട്ടിച്ചേർത്തു.

'ഇല്ലാത്ത കുട്ടിയുടെ അവകാശം ഏറ്റെടുക്കാനില്ല'; സംഘാടകരെ തിരുത്തി നവ്യ

കോട്ടയം: സംസ്ഥാനത്ത് മൂന്ന് സീറ്റില്‍ ജയിക്കുമെന്ന് സി പി ഐ വിലയിരുത്തല്‍. തൃശ്ശൂരും മാവേലിക്കരയും തിരുവനന്തപുരവുമാണ് പ്രതീക്ഷ നൽകുന്നത്. അതത് ജില്ലാ നേതൃത്വങ്ങള്‍ നല്‍കിയ റിപ്പോര്‍ട്ട് പാര്‍ട്ടി സംസ്ഥാന എക്‌സിക്യുട്ടീവ് മേയ് രണ്ടിന് പരിഗണിക്കും. തിരഞ്ഞെടുപ്പ് അവലോകനവും അന്നുണ്ടാകും.
തൃശ്ശൂരില്‍ വി.എസ്. സുനില്‍കുമാര്‍ വലിയ ചലനമുണ്ടാക്കിയെന്നാണ് പാര്‍ട്ടി വിലയിരുത്തിയത്. നാട്ടുകാരന്‍, മന്ത്രിയും എം.എല്‍.എ.യുമായി നടത്തിയ പ്രവര്‍ത്തനങ്ങള്‍ എന്നീ ഘടകങ്ങളും മണ്ഡലത്തിന്റെ ഇടത് അടിത്തറയും ഗുണകരമായി. കെ. കരുണാകരനും കെ. മുരളീധരനും തൃശ്ശൂരില്‍ സി.പി.ഐ. തിരിച്ചടി നല്‍കിയ ചരിത്രമുണ്ട്.
തിരുവനന്തപുരത്ത് ബി.ജെ.പി.യും കോണ്‍ഗ്രസും ജനങ്ങളുടെ മനസ്സിലേക്ക് എത്തിയില്ലെന്നും സാധാരണക്കാര്‍ക്ക് സമീപിക്കാവുന്ന പന്ന്യന്‍ രവീന്ദ്രനെന്ന സ്ഥാനാര്‍ഥി അംഗീകാരം നേടിയെന്നുമാണ് കണക്കാക്കുന്നത്. അവസാനം കോണ്‍ഗ്രസ് പ്രവര്‍ത്തനം മങ്ങിപ്പോയി. എന്‍.ഡി.എ. വലിയ പണം ചെലവിട്ട് ആഡംബരം കാട്ടിയത് ഗുണമായില്ലെന്നുമാണ് സി.പി.ഐ. വിലയിരുത്തല്‍.
മാവേലിക്കരയില്‍ സി.എ. അരുണ്‍കുമാര്‍, യുവാവ് എന്ന നിലയില്‍ വലിയ മതിപ്പുണ്ടാക്കി. കോണ്‍ഗ്രസ് സ്ഥാനാര്‍ഥി കൊടിക്കുന്നില്‍ സുരേഷിനെതിരേ മണ്ഡലത്തില്‍ വികാരമുണ്ടായിരുന്നു. എല്ലാ അസംബ്ലി മണ്ഡലങ്ങളിലും പാര്‍ട്ടി മുന്നിലെത്തുമെന്നാണ് കണക്ക്. വയനാട്ടില്‍ ആനി രാജയുടെ സാന്നിധ്യം രാഹുല്‍ ഗാന്ധിയുടെ ഭൂരിപക്ഷം കുറയ്ക്കും. രാഹുലിന് മുന്‍ പ്രകടനം ആവര്‍ത്തിക്കാനായിട്ടില്ലെന്നും രാഷ്ട്രീയമായി രാഹുലിനെ ഇടതുമുന്നണി വിമര്‍ശിച്ചത് ഗുണംചെയ്‌തെന്നുമാണ് വിലയിരുത്തല്‍.

മൂന്ന് സീറ്റിൽ ജയിക്കുമെന്ന വിലയിരുത്തലിൽ സി പി ഐ

തിരുവനന്തപുരം: ഇ.പി ജയരാജനുമായി ബന്ധപ്പെട്ട വിവാദത്തില്‍ ബി.ജെ.പി സംസ്ഥാന വൈസ് പ്രസിഡന്റ് ശോഭാ സുരേന്ദ്രനെ പരസ്യമായി തള്ളി ബി.ജെ.പി സംസ്ഥാന ഉപാധ്യക്ഷന്‍ പി.രഘുനാഥ്. ബി.ജെ.പിയിലേക്ക് ആളെ ചേര്‍ക്കുന്നത് ദല്ലാളുമാരെ വെച്ചല്ലെന്ന് രഘുനാഥ് ഫെയിസ്ബുക്ക് പോസ്റ്റില്‍ കുറിച്ചു.
ഇവര്‍ പറയുന്നത് ഒരിക്കലും വിശ്വസിക്കാനാവില്ല. ഇത്തരം കൂട്ടുകെട്ട് പൊതു പ്രവര്‍ത്തകര്‍ക്ക് ഭൂഷണമല്ല. ബി.ജെ.പിയില്‍ ആളെ ചേര്‍ക്കുന്നത് ദല്ലാളുമാരെ വെച്ചല്ലെന്നും രഘനാഥ് ഫെയിസ്ബുക്ക് പോസ്റ്റില്‍ പറഞ്ഞു. എല്‍.ഡി.എഫ് കണ്‍വീനര്‍ ഇ.പി ജയരാജനെ ബി.ജെ.പിയിലേക്ക് കൊണ്ടുവരുന്നതിന് ദല്ലാള്‍ നന്ദകുമാര്‍ വഴി ശോഭാ സുരേന്ദ്രന്‍ കൂടിക്കാഴ്ചകള്‍ നടത്തിയെന്ന ചര്‍ച്ചകള്‍ പുരോഗമിന്നതിനിടെയാണ് ബി.ജെ.പിയുടെ മുതിര്‍ന്ന നേതാവിന്റെ പ്രതികരണം.
ഇ.പി. ജയരാജനെ ബി.ജെ.പിയിലേക്ക് കൊണ്ടുവരാന്‍ ദേശീയ നേതൃത്വത്തിന്റെ അറിവോടെ താന്‍ ശ്രമിച്ചുവെന്നും മൂന്നിലധികം കൂടിക്കാഴ്ച്ചകള്‍ക്ക് താന്‍ വരിയൊഴുക്കിയെന്നും ശോഭാ സുരേന്ദ്രന്‍ പറഞ്ഞിരുന്നു.

ബി.ജെ.പിയിലേക്ക് ആളെ ചേര്‍ക്കുന്നത് ദല്ലാളുമാരെ വെച്ചല്ല; ശോഭാ സുരേന്ദ്രനെ പരസ്യമായി തള്ളി നേതൃത്വം

തിരുവനന്തപുരം: എസ്എസ്എൽസി പരീക്ഷാഫലം മെയ് 8ന് പ്രഖ്യാപിക്കും. 70 ക്യാമ്പുകളിലായി നടന്ന മൂല്യനിർണയത്തിന്റെ ടാബുലേഷനും ഗ്രേസ് മാർക്കും അടക്കമുള്ള നടപടികൾ പൂർത്തിയാക്കിയതായി വിദ്യാഭ്യാസ മന്ത്രി വി.ശിവൻകുട്ടി അറിയിച്ചു. ഹയർ സെക്കൻഡറി, വൊക്കേഷനൽ ഹയർ സെക്കൻഡറി പരീക്ഷാ ഫലങ്ങൾ മെയ് 9ന് പ്രസിദ്ധീകരിക്കും. ഏപ്രിൽ 3 മുതൽ 20 വരെയാണ് എസ്എസ്എൽസി മൂല്യനിർണയം നടന്നത്. 24 വരെ ഹയർ സെക്കൻഡറി മൂല്യനിർണയവും നടന്നു.

എസ്എസ്എൽസി പരീക്ഷാഫലം മെയ് 8ന് പ്രസിദ്ധീകരിക്കും

തിരുവനന്തപുരം: യൂത്ത് കോണ്‍ഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിലിനെ രൂക്ഷമായി വിമർശിച്ച് ബി.ജെ.പി നേതാവ് പത്മജാ വേണു​ഗോപാൽ. രാഹുലിന് സ്ത്രീകളോട് വലിയ ദേഷ്യമാണെന്ന് പത്മജ ആരോപിച്ചു. തിരഞ്ഞെടുപ്പിൽ മത്സരിക്കേണ്ടിവന്നാൽ രാഹുലിന് ഒരു സ്ത്രീയുടെ വോട്ടു പോലും ലഭിക്കില്ലെന്നും അവർ ഫേയ്സ്ബുക്കിൽ കുറിച്ചു.
'എന്നെ പറഞ്ഞത് ഞാൻ ക്ഷമിച്ചു. എന്റെ അച്ഛനേപ്പറ്റി പറഞ്ഞു. രാഷ്ട്രീയത്തിലൊന്നും ഇല്ലാതിരുന്ന എന്റെ അമ്മയേപ്പറ്റി പറഞ്ഞു. എന്റെ അമ്മ സ്വന്തം മക്കളെ പോലെ നോക്കിയ പല നേതാക്കന്മാരും അത് ആസ്വദിച്ചു', പത്മജ ആരോപിച്ചു. സിപിഎം നേതാവ് കെ.കെ ശൈലജയേക്കുറിച്ചുള്ള രാഹുലിന്‍റെ പരാമർശത്തെയും പത്മജ തന്‍റെ കുറിപ്പിൽ വിമർശിക്കുന്നു.
പത്മജ വേണുഗോപാലിന്റെ ബി.ജെ.പി. പ്രവേശനത്തിന് പിന്നാലെ 'പൊളിറ്റിക്കലി തന്തയ്ക്ക് പിറക്കാത്ത മകളായി പത്മജ അറിയപ്പെടും' എന്ന രാഹുല്‍ മാങ്കൂട്ടത്തിലിന്റെ പരാമര്‍ശം വലിയ വിവാദമായിരുന്നു. കരുണാകരന്റെ മകള്‍ എന്നുപറഞ്ഞ് പത്മജ ഇനി നടക്കരുതെന്നും രാഹുൽ അന്ന് പറഞ്ഞിരുന്നു. തിരഞ്ഞെടുപ്പ് പ്രചാരണവുമായി ബന്ധപ്പെട്ട തർക്കങ്ങൾക്കിടെ 'വർഗ്ഗീയടീച്ചറമ്മ' എന്നായിരുന്നു കെ.കെ. ശൈലജയെ ഉന്നംവച്ചുകൊണ്ടുള്ള രാഹുലിന്റെ പരിഹാസം. ശശികല ടീച്ചറേതാ, ശൈലജ ടീച്ചറേതായെന്ന് മനസ്സിലാകുന്നില്ലല്ലോയെന്നും രാഹുൽ ഫെയ്സ്ബുക്കിൽ കുറിച്ചിരുന്നു.
പത്മജ വേണുഗോപാലിന്റെ ഫെയ്സ്ബുക്ക് കുറിപ്പിന്റെ പൂർണരൂപം
ഇത് രാഹുൽ മങ്കൂട്ടത്തിൽ. ഇദ്ദേഹത്തിന് സ്ത്രീകളോട് വലിയ ദേഷ്യമാണ്. സ്വന്തം അമ്മയുടെ പ്രായമുള്ള സ്ത്രീകളേപ്പറ്റി എന്തൊക്കെയാണ് ഈ സൈബർകുഞ്ഞു പറയുന്നത്. എന്നെ പറഞ്ഞത് ഞാൻ ക്ഷമിച്ചു. എന്റെ അച്ഛന്റെ പറ്റി പറഞ്ഞു. രാഷ്ട്രീയത്തിൽ ഒന്നും ഇല്ലാതിരുന്ന എന്റെ അമ്മയെ പറ്റി പറഞ്ഞു. എന്റെ അമ്മ സ്വന്തം മക്കളെ പോലെ നോക്കിയ പല നേതാക്കന്മാരും അത് ആസ്വദിച്ചു.
ഇപ്പോൾ ഷൈലജ ടീച്ചറെ പറ്റി പറയുന്നത് കേട്ടു. എത് പാർട്ടിക്കാരി ആയിക്കോട്ടെ. അവർ സീനിയർ പൊതു പ്രവർത്തകയാണ്. അതിലപ്പുറം ഒരു സ്ത്രീ ആണ്. നേതാക്കന്മാരെ മണി അടിക്കുന്നതൊക്കെ കൊള്ളാം. പക്ഷെ വല്ല ഇലക്ഷനും നിൽക്കേണ്ടിവന്നാൽ ഒരു സ്ത്രീയുടെ വോട്ടുപോലും നിങ്ങൾക്ക് കിട്ടില്ല. ആദ്യം. സ്ത്രീകളെ ബഹുമാനിക്കാൻ പഠിക്കൂ.

'എന്തൊക്കെയാണ് ഈ സൈബർകുഞ്ഞ് പറയുന്നത്'; ശൈലജയ്‌ക്കെതിരായ പോസ്റ്റിൽ രാഹുലിനെ വിമർശിച്ച് പത്മജ

തിരുവനന്തപുരം: ഡ്രൈവ്‌ ചെയ്യുമ്പോൾ പഴ്‌സ്‌ പിന്നിലെ പോക്കറ്റിൽ വയ്‌ക്കുന്നവർക്ക്‌ മുന്നറിയിപ്പ്‌ നൽകി മോട്ടോർ വാഹന വകുപ്പ്‌. നടുവേദനയ്ക്കും കാലുകൾക്ക് താഴെയുള്ള വേദനയിലേക്കും ഇത്‌ നയിക്കാമെന്ന്‌ മുന്നറിയിപ്പിൽ പറയുന്നു.
മോട്ടോർ വാഹന വകുപ്പിന്റെ കുറിപ്പ്‌:
ഡ്രൈവിംഗ് സമയത്ത് നിങ്ങളുടെ പേഴ്‌സ് / വാലറ്റ് പിൻ പോക്കറ്റിലാണോ വയ്ക്കാറ്. അത് തെറ്റായ ശീലമാണ് എന്നാണ് ന്യൂറോളജിസ്റ്റുകൾ പറയുന്നത്. നിങ്ങളുടെ നടുവേദനയ്ക്കും വാലറ്റ് ഒരു കാരണമായിരിക്കാം. മാത്രമല്ല ഇത് കാലുകൾക്ക് താഴെയുള്ള വേദനയിലേക്ക് നയിക്കുകയും ചെയ്യും. ദീർഘനേരം വാലറ്റിൽ ഇരിക്കുന്നത് നിങ്ങളുടെ ഹിപ് ജോയിൻ്റിന് തൊട്ടുപിന്നിലുള്ള സിയാറ്റിക് നാഡിയുടെ കംപ്രഷനിലേക്ക് നയിക്കുന്നു, വാലറ്റിനും നിങ്ങളുടെ ഇടുപ്പിനും ഇടയിൽ കുത്തി നോവിക്കുന്നു. ഇത് സയാറ്റിക്ക/പിരിഫോർമിസ് സിൻഡ്രോം എന്നും ഫാറ്റ് വാലറ്റ് സിൻഡ്രോം എന്നും അറിയപ്പെടുന്നു.
ഒരു ഇടുപ്പ് ഉയരത്തിൽ അസമമായ പ്രതലത്തിൽ ഇരിക്കുന്നതിനെക്കുറിച്ച് ചിന്തിക്കുക. ദിവസം തോറും, മണിക്കൂറുകളോളം ഇങ്ങനെ ഇരിക്കുന്നത് നിങ്ങളുടെ നട്ടെല്ലിന് കൂടുതൽ സമ്മർദ്ദം ചെലുത്തുന്നു. നിവർന്നു ഇരിക്കുന്നതിനുപകരം, നിങ്ങൾ യഥാർത്ഥത്തിൽ ഒരുവശം ചരിഞ്ഞ് ഇരിക്കുന്നു.&nbsp;&nbsp;
സയാറ്റിക് നാഡി കടന്നുപോകുന്ന ഇടത്തിൽ വാലറ്റ് അമർത്തുകയും ഉയരമുള്ള ഒരു ഇടുപ്പിൽ ഇരിക്കുന്നതിലൂടെ, സിയാറ്റിക് ഞരമ്പുകളുടെ നാഡി വേരുകളിൽ ലംബർ ഡിസ്കുകളുടെ സമ്മർദ്ദം നടുവേദനക്ക് കാരണമാകും.
പിൻ പോക്കറ്റിൽ വാലറ്റ് സൂക്ഷിക്കുന്ന ശീലം മാറ്റൂ .

ഡ്രൈവ്‌ ചെയ്യുമ്പോൾ പിൻ പോക്കറ്റിൽ പഴ്‌സ്‌ വയ്‌ക്കാറുണ്ടോ? മുന്നറിയിപ്പുമായി മോട്ടോർ വാഹന വകുപ്പ്‌

തൃശ്ശൂര്‍: കാണാതായ യുവതിയേയും ഒന്നരവയസ്സുള്ള മകളേയും കനോലിക്കനാലില്‍ മരിച്ച നിലയില്‍ കണ്ടെത്തി. അന്തിക്കാട് കല്ലിടവഴി സ്വദേശി ചോണാട്ടില്‍ അഖിലിന്റെ ഭാര്യയും മണലൂര്‍ ആനക്കാട് സ്വദേശിനിയുമായ കുന്നത്തുള്ളി വീട്ടില്‍ കൃഷ്ണപ്രിയ (24) മകള്‍ പൂജിത എന്നിവരുടെ മൃതദേഹമാണ് ചൊവ്വാഴ്ച രാവിലെ പാലാഴി കനോലിക്കനാല്‍ തീരത്ത് കണ്ടെത്തിയത്.
ചെളിയില്‍ പുതഞ്ഞ നിലയിലായിരുന്നു ഇരുവരുടേയും മൃതദേഹങ്ങള്‍. രാവിലെ വേലിയിറക്കമായതിനാല്‍ കനോലിക്കനാലില്‍ വെള്ളം കുറവായിരുന്നു. ഈ ഭാഗത്താണ് രണ്ട് മൃതദേഹങ്ങളും കിടന്നിരുന്നത്. സമീപവാസികളാണ് മൃതദേഹം കണ്ടത്. ഇവര്‍ അറിയിച്ചതിനെ തുടര്‍ന്ന് അന്തിക്കാട് പോലീസ് സ്ഥലത്ത് എത്തി പരിശോധിക്കുകയും മൃതദേഹം ബന്ധുക്കളെ കാണിച്ച് കാണാതായ യുവതിയുടേയും കുഞ്ഞിന്റേതുമാണെന്ന് ഉറപ്പ് വരുത്തുകയും ചെയ്തു.&nbsp;&nbsp;
തിങ്കളാഴ്ച ഉച്ചയ്ക്ക് രണ്ട് മണിയോടെയാണ് യുവതിയേയും കുഞ്ഞിനേയും കാണാതായത്. കാഞ്ഞാണി ആനക്കാടുള്ള വീട്ടില്‍നിന്നും അന്തിക്കാട് കല്ലിടവഴിയിലുള്ള ഭര്‍ത്താവിന്റെ വീട്ടിലേക്കെന്ന് പറഞ്ഞ് ഇറങ്ങിയ യുവതിയും കുഞ്ഞും രാത്രിയായിട്ടും വീട്ടില്‍ എത്താത്തതിനെ തുടര്‍ന്ന് ഭര്‍ത്താവ് അന്തിക്കാട് പോലീസില്‍ പരാതി നല്‍കുകയായിരുന്നു. തുടന്ന് അന്വേഷണം നടത്തുന്നതിനിടെയാണ് ചൊവ്വാഴ്ച രാവിലെ ഇരുവരുടേയും മൃതദേഹങ്ങള്‍ കണ്ടെത്തിയത്. കാഞ്ഞാണിയിലെ സ്വകാര്യ സ്ഥാപനത്തിലെ ജീവനക്കാരിയാണ് മരിച്ച കൃഷ്ണപ്രിയ.

ഭർത്താവിൻ്റെ വീട്ടിലേക്കെന്ന് പറഞ്ഞ് ഇറങ്ങി; കാണാതായ യുവതിയും കുഞ്ഞും കനാലിൽ മരിച്ചനിലയിൽ

വടകര: പോലീസിന്റെ കേസന്വേഷണത്തിലെ അപാകത മൂലം രണ്ട് മയക്കുമരുന്നു കേസുകളിൽ പ്രതികളെ കുറ്റക്കാരല്ലെന്ന് കണ്ടെത്തി വടകര എൻ.ഡി.പി.എസ്സ് സ്പെഷ്യൽ കോടതി ജഡ്ജി വി.പി.എം.സുരേഷ് ബാബു വിട്ടയച്ചു. മുക്കം പോലീസ് 256 നെട്രാസഫാം ഗുളികളുമായി പിടികൂടിയ കൂടത്തായി സ്വദേശി അജിത്ത് (35), കുന്ദമംഗലം പോലീസ് 2 l ഗ്രാം ബ്രൗൺഷുഗറുമായി പിടികൂടിയ വെള്ളയിൽ നാലുകുടിപറമ്പ് മുഹമ്മദ് റാഫി (38) എന്നിവരെയാണ് വിട്ടയച്ചത്.
2018 ജൂൺ അഞ്ചിന് ഉച്ചക്ക് അജിത്തിനെ മുക്കം വൈ ബ്രിഡ്ജിൽ നിന്ന് മുക്കം സബ്ബ് ഇൻസ്പെക്ടരും മുഹമ്മദ് റാഫിയെ 2018 ജൂൺ ഒമ്പതിന് ഉച്ചക്ക് ചാത്തമംഗലം എൻ ഐ ടിക്ക് സമീപം വെച്ച് കുന്ദമംഗലം പോലീസ് സബ്ബ് ഇൻസ്പെക്ടരും പിടികൂടുകയായിരുന്നു. ഇരു കേസുകളിലുമായി 13 സാക്ഷികളെ വിസ്തരിക്കുകയും 22 രേഖകൾ മാർക്ക് ചെയ്യുകയും ചെയ്തിരുന്നു. എൻ.ഡിപി.എസ്സ് ആക്ടിനും, ക്രിമിനൽ നടപടി നിയമത്തിനും എതിരായ അന്വേഷണമാണ് രണ്ടു കേസുകളിലും നടത്തിയത് എന്ന പ്രതിഭാഗം വാദം അംഗീകരിച്ചാണ് പ്രതികളെ വിട്ടയച്ചത്. രണ്ടു കേസുകളിലും പ്രതികൾക്കു വേണ്ടി അഡ്വ.പി.പി.സുനിൽകുമാർ ഹാജരായി.

കേസന്വേഷണത്തിലെ വീഴ്ച; ലഹരി കേസുകളിൽ യുവാക്കളെ വടകര കോടതി വെറുതെ വിട്ടു

Vadakara

ആലുവ: ഫ്‌ലാറ്റില്‍ സ്വിമ്മിങ്ങ് പൂളില്‍ കളിക്കുന്നതിനിടെ അഞ്ചുവയസ്സുകാരി മുങ്ങിമരിച്ചു. പഴഞ്ഞി വെസ്റ്റ് മങ്ങാട് അയ്യംകുളങ്ങര വീട്ടില്‍ ഷെബിന്റെയും ലിജിയുടെയും മകള്‍ ജനിഫര്‍ (അഞ്ച്) ആണ് മരിച്ചത്. ഫ്‌ലാറ്റിലുള്ള സ്വിമ്മിങ് പൂളില്‍ മറ്റു കുട്ടികള്‍ക്കൊപ്പം കളിക്കുന്നതിനിടെയാണ് അപകടം സംഭവിച്ചത്. സമീപത്തുണ്ടായിരുന്നവര്‍ കുട്ടിയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
കുന്നംകുളം ഡിസൈപ്പിള്‍സ് ടാബര്‍നാക്കിള്‍ ചര്‍ച്ച് സഭാംഗമാണ് ഷെബിന്‍. പഴഞ്ഞിയില്‍ ബുധനാഴ്ച തുടങ്ങുന്ന ഗുഡ്‌ന്യൂസ് ഫെസ്റ്റില്‍ പങ്കെടുക്കാന്‍ വീട്ടുകാര്‍ക്കൊപ്പം നാട്ടിലേക്ക് മടങ്ങാനിരിക്കെയാണ് അപകടം.&nbsp;

കളിക്കുന്നതിനിടെ അഞ്ചു വയസ്സുകാരി സ്വിമ്മിങ്ങ് പൂളില്‍ മുങ്ങിമരിച്ചു

വടകര: നല്ലവനായ ഉണ്ണിയെപ്പോലെയാണ് ഷാഫി പറമ്പിലെന്ന പി. ജയരാജന്റെ പരാമർശത്തിന് മറുപടിയുമായി ഷാഫി പറമ്പിൽ. ആ ചാപ്പയുടെ പരിപ്പ് ഇനി കേരളത്തിൽ വേവില്ലെന്ന് ഷാഫി പറഞ്ഞു. അതിന്റെ ഉ​ദ്ദേശം എന്താണെന്ന് കേരളത്തിലെ ജനങ്ങൾക്ക് മനസ്സിലായെന്നും അദ്ദേഹം മാധ്യമങ്ങളോട് പറഞ്ഞു. തോൽക്കുമെന്ന ഉറപ്പായതോടെ ഇപ്പോൾ ചർച്ചയായിക്കൊണ്ടിരിക്കുന്ന ഇ.പി ജയരാജൻ വിഷയം വഴിതിരിച്ചുവിടാനുള്ള ശ്രമമാണ് ഇതിന് പിന്നിൽ. മതേതര കേരളത്തിന് മുമ്പിൽ സി.പി.എം ഇപ്പോൾ തലയിൽ മുണ്ടിട്ടാണ് നിൽക്കുന്നത്. ഇ.പി ജാവഡേക്കറുമായി കൂടിക്കാഴ്ച നടത്തിയത് ഇ.പിയുടെ കാര്യം പറയാനാണെന്ന് തങ്ങൾ വിശ്വസിക്കുന്നില്ല. മുഖ്യമന്ത്രിയുടെ സമ്മതമില്ലാതെ ഇ.പിയെ പോലെ ഒരാൾക്ക് ഇതുപോലെയൊരു കൂടിക്കാഴ്ച നടത്താൻ പറ്റില്ല. ഈ വിഷയത്തെ കുറിച്ചുള്ള ചോദ്യത്തിൽ നിന്നും ഒഴിഞ്ഞുമാറാൻ തന്റെ പേരിൽ വർ​ഗീയ ചാപ്പ കുത്തിയതുകൊണ്ട് കഴിയുമെന്ന് ആരും ധരിക്കേണ്ടതില്ലെന്നും ഷാഫി പറഞ്ഞു.
മതേതര വോട്ടുകൾ മാത്രം മതിയെന്ന് ആർജ്ജവത്തോടെ തിരഞ്ഞെടുപ്പിന് മുമ്പ് പറഞ്ഞ മറ്റൊരു സ്ഥാനാർത്ഥി വടകരയിൽ ഉണ്ടെങ്കിൽ ചൂണ്ടിക്കാണിക്കണം. വടകര ഒരു വർ​ഗീയ ദ്രുവീകരണത്തിന് നിന്നുകൊടുത്തിട്ടില്ലെന്ന് നൂറ് ശതമാനം ഉറപ്പുണ്ട്. അത് വോട്ടെണ്ണുമ്പോൾ വ്യക്തമാകും. അങ്ങനെ രാഷ്ട്രീയം അടിയറവെയ്ക്കുന്നവരല്ല വടകരക്കാർ.വർ​ഗീയ ധ്രുവീകരണത്തിനെതിരെ നാട് ഒരുമിക്കണമെന്ന് ആവശ്യപ്പെട്ട് വടകരക്ക് മുറിവേൽക്കാതിരിക്കാൻ യു.ഡി.എഫ് കാമ്പയിൻ നടത്തുമെന്നും ഷാഫി കൂട്ടിച്ചേർത്തു.
സകല ദുഷിച്ച പ്രവർത്തനങ്ങളും ചെയ്തിട്ട് ഇപ്പോൾ താൻ ഹരിശ്ചന്ദ്രനാണെന്ന് പറയുകയാണ് ഷാഫിയെന്ന് ഞായറാഴ്ച സി.പി.എം നേതാവ് പി. ജയരാജൻ ആരോപിച്ചിരുന്നു. മതത്തിന്റെ പ്ലസ് വേണ്ടെന്നും വർ​ഗീയവാദിയെന്ന പേര് വേദനിപ്പിച്ചുവെന്നുവെന്നുമാണ് ഷാഫി ഇപ്പോൾ പറയുന്നത്. പോളിങ് തീരുന്ന സമയംവരെ എന്തുകൊണ്ട് അദ്ദേഹം ഇത് പറഞ്ഞില്ലെന്നും ജയരാജൻ ചോദിച്ചിരുന്നു.

സിപിഎം ഇപ്പോൾ നടക്കുന്നത് തലയിൽ മുണ്ടിട്ട്; നല്ലവനായ ഉണ്ണി പരാമർശത്തിന് മറുപടിയുമായി ഷാഫി

പെരുമ്പാവൂർ: കൂട്ടുകാരിയുടെ വിവാഹ നിശ്ചയത്തിൽ പങ്കെടുക്കാനെത്തിയ യുവതി പെരിയാറിൽ മുങ്ങിമരിച്ചു. ചെങ്ങന്നൂർ എടനാട് മയാലിൽതുണ്ടിയിൽ തോമസിന്റെ മകൾ ജോമോൾ (26) ആണ് മരിച്ചത്. തിങ്കളാഴ്ച രാവിലെ 11 മണിയോടെയാണ് സംഭവം. പെരുമ്പാവൂരിൽ നിന്നെത്തിയ ഫയർഫോഴ്സും നാട്ടുകാരും ചേർന്ന് ആളെ മുങ്ങിയെടുത്ത് ആശുപത്രിയിലെത്തിച്ചപ്പോഴേയ്ക്കും മരിച്ചു. ആലാട്ടുചിറ ഏമ്പക്കോടിനു സമീപം കാളക്കയത്തിലാണ് അപകടം നടന്നത്. ഏമ്പക്കോട് നെടുമ്പിള്ളിൽ (സിദ്ധാർഥ് മന്ദിരം) അജിത് മേനോന്റെയും കലാദേവിയുടെയും മകൾ സ്വാതിയുടെ വിവാഹ നിശ്ചയത്തിന് എത്തിയതായിരുന്നു ജോമോൾ.
മൂലമറ്റം സെയ്ന്റ് ജോസഫ് കോളേജിൽ ഒരുമിച്ചു പഠിച്ച സ്വാതിയും ജോമോളും ഉറ്റ സുഹൃത്തുക്കളാണ്. സ്വാതി നോയിഡയിലും ജോമോൾ ബംഗളൂരുവില ജോലി ചെയ്യുകയാണ്. സ്വാതിയും മൂന്ന് ബന്ധുക്കളും ജോമോളും ഉൾപ്പെടെ അഞ്ചുപേരാണ് പുഴയിൽ കുളിക്കാനിറങ്ങിയത്. ഉരുണ്ട പാറയിൽ നിന്ന ജോമോൾ കാൽവഴുതി ആഴമുള്ള കയത്തിലേക്ക് വീഴുകയായിരുന്നുവെന്ന് പറയുന്നു. പുഴയിൽ മുങ്ങിപ്പോയ സ്വാതിയെ രക്ഷപ്പെടുത്തി അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചു. മേയ് ഒന്നിന് നടക്കുന്ന സ്വാതിയുടെ വിവാഹ നിശ്ചയത്തിൽ പങ്കെടുക്കാൻ ശനിയാഴ്ചയാണ് ജോമോൾ കോടനാടെത്തിയത്. പെരുമ്പാവൂർ താലൂക്കാശുപത്രിയിൽ പോസ്റ്റ്മോർട്ടത്തിനു ശേഷം മൃതദേഹം ചെങ്ങന്നൂരിലേക്ക് കൊണ്ടുപോയി.

കൂട്ടുകാരിയുടെ വിവാഹ നിശ്ചയത്തിനെത്തിയ യുവതി മുങ്ങി മരിച്ചു

ഫറോക്ക് : തിരഞ്ഞെടുപ്പ് ഡ്യൂട്ടിക്കിടെ വോട്ടർ മഷിതട്ടി എൻ.എസ്.എസ്. വിദ്യാർഥിനിയുടെ വിരലുകൾക്ക് ഗുരുതരമായി പൊള്ളലേറ്റു. ഫറോക്ക് സ്വദേശിനിയായ പ്ലസ് വൺ വിദ്യാർഥിനിയുടെ ഇടതുകൈ വിരലുകൾക്കാണ് മഷിപുരണ്ട് പൊള്ളലേറ്റത്. ചാലിയം ഉമ്പിച്ചി ഹാജി ഹയർ സെക്കൻഡറി സ്കൂളിലെ എൻ.എസ്.എസ്. വൊളന്റിയറായ വിദ്യാർഥിനിക്ക്‌ തിരഞ്ഞെടുപ്പ് ഡ്യൂട്ടി ലഭിച്ചത് ഫാറൂഖ് കോളേജ് എ.എൽ.പി. സ്കൂളിലാണ്. ഇവിടെ ഭിന്നശേഷിക്കാരായ ആളുകളെ വോട്ടുചെയ്യുന്നതിന് സഹായിക്കലായിരുന്നു ഡ്യൂട്ടി.
എന്നാൽ, സ്കൂളിൽ എത്തിയപ്പോൾ 93 നമ്പർ ബൂത്തിൽ വോട്ടുചെയ്യാനെത്തിയ ആളുകളുടെ വിരലിൽ മഷിപുരട്ടലായിരുന്നു ഡ്യൂട്ടി. പത്തുമുതൽ രണ്ടുവരെ വിദ്യാർഥിനി മഷി പുരട്ടാനിരുന്നു. തുടർന്ന് വിട്ടിലെത്തിയപ്പോൾ ഇടതുകൈവിരലുകൾക്ക് കഠിനമായ വേദനയനുഭവപ്പെടാൻ തുടങ്ങി. തുടർന്ന് ചെറുവണ്ണൂരിലെ സ്വകാര്യആശുപത്രിയിലെത്തി ചികിത്സ തേടുകയായിരുന്നു. വിദ്യാർഥിനി എഴുതുവാൻ ഇടതുകൈയാണ് ഉപയോഗിക്കാറ്.
അതുകൊണ്ടാണ് ഇടതുകൈയിലെ ചൂണ്ടുവിരലിനും നടുവിരലിനുമായി പൊള്ളലേറ്റത്. സംഭവമറിഞ്ഞ സ്പെഷ്യൽ ബ്രാഞ്ച് ഉദ്യോഗസ്ഥരും വിവരശേഖരം നടത്തിയിട്ടുണ്ട്. തിരഞ്ഞെടുപ്പ് ചട്ടപ്രകാരം വോട്ടറുടെ വിരലിൽ മഷിപുരട്ടുന്നതും വോട്ടർസ്ലിപ്പുകൾ നൽകലുമെല്ലാം പോളിങ്‌ ഉദ്യോഗസ്ഥരുടെ ചുമതലയിൽപ്പെട്ടതാണ്.
പോളിങ്‌ ഉദ്യോഗസ്ഥർക്കും പൊള്ളലേറ്റു
വട്ടോളി : കുറ്റ്യാടി നിയമസഭാ നിയോജക മണ്ഡലത്തിലെ വിവിധബൂത്തുകളിൽ പോളിങ്‌ ഡ്യൂട്ടിയിൽ ഏർപ്പെട്ട ഉദ്യോഗസ്ഥരിൽ ചിലർക്ക് വിരലിൽപുരട്ടുന്ന മഷിയിൽനിന്ന് പൊള്ളലേറ്റു. വലതു കൈയിലെ വിരലുകൾക്കാണ് പൊള്ളലേറ്റിട്ടുള്ളത്. വിരലിന്റെ അഗ്രഭാഗത്തെ തൊലി പൊളിഞ്ഞുപോയ ഉദ്യോഗസ്ഥരുമുണ്ട്.
സെക്കൻഡ് പോളിങ്‌ ഉദ്യോഗസ്ഥർക്കാണ് കൂടുതലായും പൊള്ളലേറ്റത്. വോട്ടിങ്‌ രജിസ്റ്ററിൽ വോട്ടരുടെക്രമനമ്പരും തിരിച്ചറിയൽകാർഡ് നമ്പറുംചേർത്ത് ഒപ്പുവെപ്പിക്കുകയും വിരലിൽ മഷി അടയാളം പുരട്ടുകയും ചയ്യുന്ന ജോലി ഇവർക്കായിരുന്നു. പോളിങ്‌ വേഗത്തിലാക്കാനുള്ള വ്യഗ്രതയിൽ വിരലിൽ മഷിപുരളുന്നത് കാര്യമാക്കാതെ പണിയെടുത്തതാണ് പൊള്ളാൻ കാരണമെന്നാണ് ഉദ്യോഗസ്ഥർ പറയുന്നത്. കയ്യുറയോ മറ്റു സുരക്ഷാഉപകരണങ്ങളോ അനുവദിച്ചിരുന്നില്ല. മഷിപുരട്ടാൻ അഞ്ച് സെ. മീ. പോലും വലുപ്പമില്ലാത്ത ബ്രഷ് ആണ് നൽകിയത്. കൈയിൽപുരളുന്ന മഷി തുടയ്ക്കാൻ ചെറിയകെട്ട് കോട്ടൺവേസ്റ്റും. കുറ്റ്യാടി മണ്ഡലത്തിലെ പോളിങ്‌ ഉദ്യോഗസ്ഥർ ഉൾപ്പെട്ട വാട്സാപ്പ് ഗ്രൂപ്പിൽ ഒട്ടേറെപ്പേരാണ് പൊള്ളലേറ്റ അനുഭവം പങ്കുവെച്ചത്. ന്യൂഡൽഹിയിലെ നാഷണൽ ഫിസിക്കൽ ലാബോറട്ടറി വികസിപ്പിച്ചെടുത്ത മഷി വ്യാവസായികമായി ഉത്പാദിപ്പിക്കുന്നത് കർണാടകയിലെ മൈസൂർ പെയിന്റ്സ് ആൻഡ് വാർണിഷ് ലിമിറ്റഡ് ആണ്.

തിരഞ്ഞെടുപ്പ് ഡ്യൂട്ടിക്കിടെ വോട്ടർമഷി പടർന്നു; വിദ്യാർഥിനിയുടെ വിരലുകൾക്ക് ഗുരുതര പൊള്ളൽ, പോളിങ്‌ ഉദ്യോഗസ്ഥർക്കും പൊള്ളലേറ്റു

Kozhikode

വടകര: ചോറോട് രാമത്ത് കാവിന് മുൻ വശം കിഴക്കെ പറമ്പത്ത് താമസിക്കും കിഴക്കെ പുനത്തിൽ ചിരുത (70) നിര്യാതയായി. ഭർത്താവ്: പരേതനായ ശങ്കരൻ. മക്കൾ: രാജീവൻ, ശശി, ബീന. മരുമക്കൾ: ഷീബ( കുരിക്കിലാട്), വിനീഷ (കക്കട്ടിൽ), മണി( കൊയിലാണ്ടി ). സഹോദരങ്ങൾ: ജാനു, പരേതരായ കല്യാണി, നാരായണി, ബാലൻ, ലക്ഷ്മി.

ചോറോട് കിഴക്കെ പുനത്തിൽ ചിരുത നിര്യാതയായി

വടകര: കഴിഞ്ഞ ദിവസം പ്രഖ്യാപിച്ച ഏഴാം ക്ലാസ്സ് വിദ്യാർത്ഥികളുടെ യു എസ് എസ് സ്കോളർഷിപ്പ് ഫലത്തിൽ മേമുണ്ട ഹയർസെക്കണ്ടറി സ്കൂളിന് മിന്നും വിജയം. മേമുണ്ട സ്കൂളിലെ 25 വിദ്യാർത്ഥികൾക്ക് യു എസ് എസ് സ്കോളർഷിപ്പ് ലഭിച്ചു. യു എസ് എസ് സ്കോളർഷിപ്പ് ലഭിച്ച വിദ്യാർത്ഥികളുടെ എണ്ണത്തിൽ മേമുണ്ടക്ക് ജില്ലയിൽ ഒന്നാം സ്ഥാനമാണ് ഉള്ളത്. സംസ്ഥാനത്ത് തന്നെ മികച്ചതും ശ്രദ്ധേയവുമായ വിജയമാണ് മേമുണ്ടയുടേത്. ആഗസ്ത് മാസം മുതൽ ആരംഭിക്കുന്ന ചിട്ടയായ പരിശീലന പ്രവർത്തനമാണ് വിദ്യാർത്ഥികളെ ഈ നേട്ടത്തിന് അർഹരാക്കിയത്. പി ടി എ, മാനേജ്മെന്റ്, അധ്യാപകർ എന്നിവരുടെ കൂട്ടായ ശ്രമം ഈ വിജയത്തിന് പിറകിൽ ഉണ്ട്. നിരവധി തവണ യു എസ് എസ് മാതൃകാ പരീക്ഷകളും വിദ്യാർത്ഥികൾക്ക് വേണ്ടി നടത്തി. കഴിഞ്ഞ വർഷത്തെയും യു എസ് എസ് ഫലത്തിൽ മേമുണ്ട സ്കൂളിനായിരുന്നു ജില്ലയിൽ ഒന്നാം സ്ഥാനം.
പി ടി എ , മാനേജ്മെന്റ് എന്നിവരുടെ നേതൃത്വത്തിൽ യു എസ് എസ് സ്കോളർഷിപ്പ് നേടിയ വിദ്യാർത്ഥികളെ അനുമോദിച്ചു. മാനേജർ എം നാരായണൻ ഉദ്ഘാടനം ചെയ്ത ചടങ്ങിൽ, ഹെഡ്മാസ്റ്റർ പി കെ ജിതേഷ് സ്വാഗതവും, പിടിഎ പ്രസിഡണ്ട് ഡോ: എം വി തോമസ് അധ്യക്ഷതയും വഹിച്ചു. ചടങ്ങിൽ വാർഡ് മെമ്പർ കെ കെ സിമി, പി പി പ്രഭാകരൻ, ആർ ബാലറാം, പ്രിൻസിപ്പാൾ ബി ബീന, ടി പി രജുലാൽ, പി കെ ജയരാമൻ, എസ് ആർ ഷിനിജ എന്നിവർ ആശംസകൾ അർപ്പിച്ച് സംസാരിച്ചു.

വീണ്ടും മേമുണ്ടയ്ക്ക് നേട്ടം; യു എസ് എസ് ഫലത്തിൽ ജില്ലയിൽ ഒന്നാമത്

തിരുവനന്തപുരം: ഉഷ്ണതരംഗ സാധ്യതയെ തുടർന്ന് സംസ്ഥാനത്തെ ഐ.ടി.ഐകൾക്ക് മെയ് നാല് വരെ അവധി പ്രഖ്യാപിച്ചു. ഈ ദിവസങ്ങളിൽ ഓൺലൈൻ ക്ലാസ് നടക്കും. ഉഷ്ണതരംഗ സാധ്യതയുള്ളതിനാൽ തൊഴിലാളികൾ തുറസ്സായ സ്ഥലങ്ങളിൽ പണിയെടുക്കുന്നതിനും നിയന്ത്രണം ഏർപ്പെടുത്തിയിട്ടുണ്ട്.
12 മുതൽ മൂന്നു മണിവരെ തൊഴിലാളികൾ വെയിലത്ത് പണിയെടുക്കരുതെന്നാണ് നിർദേശം. ഇതിൽ വീഴ്ച വരുത്തുന്നവർക്കെതിരെ കർശന നടപടി സ്വീകരിക്കുമെന്ന് തൊഴിൽമന്ത്രി വി. ശിവൻകുട്ടി അറിയിച്ചു. ഇത് പരിശോധിക്കാൻ സംസ്ഥാനവ്യാപകമായി പരിശോധന നടത്താനും നിർദേശം നൽകിയിട്ടുണ്ട്. ലേബർ കമ്മീഷണർമാരുടെ നേതൃത്വത്തിലാണ് പരിശോധന നടത്തുക. റോഡ് നിർമാണത്തിലും കൺസ്ട്രക്ഷൻ മേഖലയിലും ജോലി ചെയ്യുന്നവർക്കാണ് കൂടുതൽ നിയന്ത്രണങ്ങൾ ഏർപ്പെടുത്തിയിട്ടുള്ളത്.

ഉഷ്ണതരംഗ സാധ്യത; സംസ്ഥാനത്തെ ഐ.ടി.ഐകൾക്ക് അവധി

കോഴിക്കോട്: സമസ്തയുടെ മുഖപത്രമായ 'സുപ്രഭാത'ത്തിനെതിരെ മുസ്‌ലിം ലീഗ് മുഖപത്രമായ 'ചന്ദ്രിക'യിൽ ലേഖനം. ഏറെക്കാലമായി നിലനിൽക്കുന്ന ലീഗ്-സമസ്ത തർക്കം ലോക്‌സഭാ തെരഞ്ഞെടുപ്പ് സമയത്ത് കൂടുതൽ ശക്തമാവുകയും ലീഗിന് വോട്ട് ചെയ്യരുതെന്ന് ആവശ്യപ്പെട്ട് സമസ്തയിൽ ഒരു വിഭാഗം രംഗത്തെത്തുകയും ചെയ്തിരുന്നു. 'സുപ്രഭാത'ത്തിൽ സി.പി.എം പരസ്യം പ്രസിദ്ധീകരിച്ചതും വിവാദമായിരുന്നു.
ഇതിന് പിന്നാലെ കഴിഞ്ഞ ദിവസം എസ്.വൈ.എസ് സംസ്ഥാന സെക്രട്ടറി അബ്ദുൽ ഹമീദ് ഫൈസി അമ്പലക്കടവിന്റെ ലേഖനം 'സുപ്രഭാതം' പ്രസിദ്ധീകരിച്ചിരുന്നു. 'സുപ്രഭാതം' പരസ്യം നൽകുന്നതിലെ നയവും ലീഗിനെയും സമസ്തയേയും തമ്മിലടിപ്പിക്കാൻ ശ്രമിക്കുന്നവരെ കരുതിയിരിക്കണം തുടങ്ങിയ കാര്യങ്ങളായിരുന്നു ഹമീദ് ഫൈസിയുടെ ലേഖനത്തിൽ പറഞ്ഞത്. ഇതിനെതിരെയാണ് 'ചേർത്തുനിൽപ്പിനെ അപകടപ്പെടുത്തരുത്' എന്ന തലക്കെട്ടിൽ 'ചന്ദ്രിക' ലേഖനം പ്രസിദ്ധീകരിച്ചിരിക്കുന്നത്.
മുസ്‌ലിം ലീഗിനെ ഒരു അപരനായി കണ്ട് ശത്രുവോടെന്ന പോലെയാണ് 'സുപ്രഭാതം' കഴിഞ്ഞ കാലങ്ങളിൽ പെരുമാറിയതെന്ന് മോയിൻ മലയമ്മ എഴുതിയ ലേഖനത്തിൽ കുറ്റപ്പെടുത്തുന്നു. സമസ്ത-സി.ഐ.സി വിഷയം പരിഹരിക്കാൻ ചർച്ച നടത്തിയപ്പോഴെല്ലാം ലീഗിനെ പ്രശ്‌നക്കാരനായി ചിത്രീകരിക്കുന്ന സമീപനമാണ് സ്വീകരിച്ചത്. ലീഗിന്റെ നേതൃത്വത്തിൽ നടക്കുന്ന കമ്മ്യൂണിസ്റ്റ് വിരുദ്ധ പോരാട്ടങ്ങളെ പരിഹസിക്കുന്ന രീതിയിലാണ് 'സുപ്രഭാതം' റിപ്പോർട്ടുകൾ പ്രസിദ്ധീകരിച്ചതെന്നും ലേഖനം വിമർശിക്കുന്നു.
കേരളീയ മുസ്‌ലിം സംഘശക്തിയെ ക്ഷയിപ്പിക്കുന്നതിന് 'സുപ്രഭാതം' എന്ന പത്രമുപയോഗിച്ച് പരമാവധി ചെയ്യുകയും ഇലക്ഷൻ സമയത്ത് പിന്നിലിരുന്ന ലീഗ് വിരുദ്ധ വികാരത്തെ പരമാവധി കത്തിക്കുകയും അതിന് തന്റെ ആശീർവാദത്തിൽ വളർന്ന ശജറ വിഭാഗത്തെ പരമാവധി ഉപയോഗപ്പെടുത്തുകയും ആ ലീഗ് വിരുദ്ധത കമ്മ്യൂണിസ്റ്റ് അനുകൂല വോട്ടായി പെട്ടിയിൽ വീണുവെന്ന് ഉറപ്പായ ശേഷമാണ് ഹമീദ് ഫൈസി ലീഗ്-സമസ്ത ബന്ധം ഓർമിപ്പിക്കാനിറങ്ങിയതെന്നും ലേഖനം പറയുന്നു.
സമൂഹത്തിൽ സൗഹാർദാന്തരീക്ഷവും രാഷ്ട്രീയ അച്ചടക്കവും സാമൂഹിക കെട്ടുറപ്പും കാത്തുസൂക്ഷിക്കുന്ന മാധ്യമങ്ങൾക്ക് എല്ലാ കാലത്തും മലയാളികൾക്കിടയിൽ ഇടമുണ്ട്. എന്നാൽ തോളിലിരുന്ന ചെവി തിന്നുകയും സമുദായത്തിന്റെ അഭിമാനകരമായ അസ്തിത്വത്തിന് മുഖ്യ ഹേതുവായ ചേർന്നുനിൽപ്പിനെ തുരങ്കം വക്കുകയും ചെയ്യുന്ന കുടില ശ്രമങ്ങളെ പ്രോത്സാഹിപ്പിക്കുന്ന പത്രങ്ങളെ അതിൽനിന്ന് പിന്തിരിപ്പിക്കണമെന്നും ലേഖനത്തിൽ പറയുന്നുണ്ട്.

ലീഗ് വിരുദ്ധത കമ്മ്യൂണിസ്റ്റ് അനുകൂല വോട്ടായി പെട്ടിയിൽ വീണുവെന്ന് ഉറപ്പാക്കി: 'സുപ്രഭാത'ത്തിനെതിരെ 'ചന്ദ്രിക'യിൽ ലേഖനം

കണ്ണൂർ: കണ്ണപുരം പുന്നച്ചേരിയിൽ കാറും ഗ്യാസ് സിലിണ്ടറുകളുമായി വരികയായിരുന്ന ലോറിയും കൂട്ടിയിടിച്ച് കാറിൽ ഉണ്ടായിരുന്ന ഒരു കുടുംബത്തിലെ നാലു പേരും ഡ്രൈവറും മരിച്ചു. പുന്നച്ചേരി പെട്രോൾ പമ്പിനു സമീപം ഇന്നലെ രാത്രി 10.15ഓടെയാണ് സംഭവം. നാലു പേർ തൽക്ഷണം മരിച്ചു. പരുക്കേറ്റ 9 വയസ്സുകാരനെ പരിയാരം മെഡിക്കൽ കോളജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. വണ്ടിയോടിച്ച കാസർകോട് കാലിച്ചാനടുക്കം ശാസ്താംപാറ ശ്രീശൈലത്തിൽ കെ.എൻ.പത്മകുമാർ (59), യാത്ര ചെയ്ത കാസർകോട് ഭീമനടി മണ്ഡപം കമ്മാടത്ത് ചൂരിക്കാട്ട് സുധാകരൻ (52), സുധാകരന്റെ ഭാര്യ അജിത (35), ഭാര്യാപിതാവ് പുത്തൂർ കൊഴുമ്മൽ കൃഷ്ണൻ (65) അജിതയുടെ സഹോദരൻ അജിത്തിന്റെ മകൻ ആകാശ് (9) എന്നിവരാണു മരിച്ചത്.
കണ്ണൂർ ഭാഗത്തു നിന്നു പയ്യന്നൂർ ഭാഗത്തേക്കു പോവുകയായിരുന്ന കാറും എതിരെ വന്ന ലോറിയുമാണ് അപകടത്തിൽപെട്ടത്. കാറിൽ പിന്നിലുണ്ടായിരുന്ന ലോറി ഇടിച്ച് നിയന്ത്രണം വിട്ട് എതിരെ വരികയായിരുന്ന ഗ്യാസ് സിലിണ്ടറുമായി പോകുന്ന ലോറിയിൽ ഇടിക്കുകയായിരുന്നുവെന്നാണു കരുതുന്നത്. വാതിലുകൾ വെട്ടിപ്പൊളിച്ചാണ് കാറിൽ ഉണ്ടായിരുന്നവരെ പുറത്തെടുത്തത്. കാർ ലോറിയുടെ മുൻവശത്ത് ഇടിച്ച് ബോണറ്റ് ഉൾപ്പെടെ ലോറിക്ക് അടിയിലേക്കു കയറിയ നിലയിലായിരുന്നു. കാറിന്റെ ബോഡി ആകെ ഒടിഞ്ഞു മടങ്ങിപ്പോയിരുന്നു.
നാട്ടുകാർ എത്തിയപ്പോൾ ആർക്കും ബോധമുണ്ടായിരുന്നില്ല. വണ്ടി വെട്ടിപ്പൊളിച്ചാണ് ഉള്ളിലുണ്ടായിരുന്നവരെ പുറഞ്ഞെടുത്തത്. സമീപത്തെ ടർഫിൽ കളിക്കുന്നവരും നാട്ടുകാരും ചേർന്നാണു പ്രാരംഭ രക്ഷാപ്രവർത്തനം നടത്തിയത്. തുടർന്ന് കണ്ണപുരം പൊലീസും അഗ്നിരക്ഷാ സേനയും സ്ഥലത്തെത്തി. മകൻ സൗരവിനെ കോഴിക്കോട് വിദ്യാഭ്യാസ സ്ഥാപനത്തിൽ സിഎയ്ക്കു ചേർത്ത് ഹോസ്റ്റലിലാക്കി വരികയായിരുന്നു സുധാകരനും കുടുംബവും. അപകടത്തിന് ഇടയാക്കിയ രണ്ട് ലോറികളുടെയും ഡ്രൈവർമാരെ പൊലീസ് കസ്റ്റഡിയിലെടുത്തു. മോട്ടർ വാഹന വകുപ്പ് അധികൃതരും സ്ഥലത്തെത്തിയിരുന്നു.

കണ്ണൂരിൽ കാറും ലോറിയും കൂട്ടിയിടിച്ച് അഞ്ച് പേർ മരിച്ചു

തിരുവനന്തപുരം: ഉപ്പുമാവിന് പകരം ബിരിയാണി വേണമെന്ന ശങ്കു എന്ന അങ്കണവാടിക്കാരന്റെ ആഗ്രഹം പൂവണിഞ്ഞു. അങ്കണവാടിയില്‍ കുട്ടികളുടെ ഭക്ഷണ മെനു പരിഷ്‌കരിച്ചു. പുതിയ മെനുവില്‍ ബിരിയാണിയും പുലാവും ഉള്‍പ്പെടുത്തി.
രണ്ടുദിവസം കൊടുത്തിരുന്ന പാല്‍ മൂന്ന് ദിവസമാക്കി ഉയര്‍ത്തി. പഞ്ചസാരയുടേയും ഉപ്പിന്റേയും അളവ് കുറച്ചുകൊണ്ട് കുട്ടികളുടെ ആരോഗ്യം ഉറപ്പാക്കി പോഷക മാനദണ്ഡ പ്രകാരമാണ് മെനു പരിഷ്‍കരിച്ചത്. അങ്കണവാടിയില്‍ ഉപ്പുമാവിന് പകരം ബിരിയാണിയും പൊരിച്ച കോഴിയും വേണമെന്ന ശങ്കുവിന്റെ വിഡിയോ സാമൂഹിക മാധ്യമങ്ങളില്‍ വൈറലായിരുന്നു.
അതിന് പിന്നാലെ ശങ്കുവിന്റെ ആവശ്യം പരിഗണിച്ച് അങ്കണവാടിയിടെ ഭക്ഷണ മെനു പരിഷ്‌ക്കരിക്കുമെന്ന് മന്ത്രി വീണാ ജോര്‍ജ് ഉറപ്പു നൽകിയിരുന്നു. ‘ആ മകന്‍ വളരെ നിഷ്‌കളങ്കമായിട്ട് പറഞ്ഞ ആവശ്യം ഉള്‍ക്കൊള്ളുകയാണ്. കുട്ടികള്‍ക്ക് പോഷകാഹാരം ഉറപ്പ് വരുത്താനായി വിവിധ തരം ഭക്ഷണങ്ങള്‍ അങ്കണവാടി വഴി നല്‍കുന്നുണ്ട്. ഈ സര്‍ക്കാരിന്റെ കാലത്ത് അങ്കണവാടി വഴി മുട്ടയും പാലും നല്‍കുന്ന പദ്ധതി നടപ്പിലാക്കി. അത് വിജയകരമായി നടക്കുന്നുണ്ട്.

ശങ്കുവിനും കൂട്ടുകാർക്കും ഇനി ബിരിയാണി കഴിക്കാം; അങ്കണവാടി ഭക്ഷണ മെനു പരിഷ്‌കരിച്ചു

തിരുവനന്തപുരം : ഇന്റലിജന്‍സ് ബ്യൂറോ (ഐബി) ഉദ്യോഗസ്ഥ ജീവനൊടുക്കിയ സംഭവത്തില്‍ പ്രതിയായ സുകാന്ത് സുരേഷിനെ ജൂണ്‍ 5 വരെ പൊലീസ് കസ്റ്റഡിയില്‍ വിട്ടു. തിരുവനന്തപുരം, എറണാകുളം ജില്ലകളില്‍ എത്തിച്ചു വിശദമായ അന്വേഷണം നടത്തുന്നതിനാണ്‌ കസ്റ്റഡിയിൽ വിട്ടത്. സുകാന്തിന്റെ ലൈംഗികശേഷി പരിശോധനയും നടത്തും.
കേസില്‍ മുന്‍കൂര്‍ ജാമ്യം തള്ളിയതിനെ തുടർന്ന് മെയ് 26-നാണ്‌ സുകാന്ത് കീഴടങ്ങിയത്. ഐബി ഉദ്യോഗസ്ഥയുടെ മരണത്തിന് പിന്നാലെ ഇയാൾ ഒളിവിൽ പോയിരുന്നു. മുന്‍ ഐബി ഉദ്യോഗസ്ഥന്‍ കൂടിയാണ് സുകാന്ത്. ആത്മഹത്യ പ്രേരണ കുറ്റമുള്‍പ്പെടെ ചുമത്തപ്പെട്ടതിന് പിന്നാലെ ഇയാളെ സര്‍വീസില്‍നിന്ന് പിരിച്ചുവിട്ടിരുന്നു. ഐബി ഉദ്യോഗസ്ഥയുമായി സുകാന്ത് നടത്തിയ വാട്‌സാപ്പ് ചാറ്റിന്റെ സ്‌ക്രീന്‍ ഷോട്ടുകള്‍ പുറത്തുവന്നിരുന്നു. ആത്മഹത്യയിലേക്ക് നയിക്കുന്ന തരത്തിലുള്ള ചാറ്റുകള്‍ സുകാന്തിന്റേതായി കണ്ടെത്തിയിരുന്നു.

ഐബി ഉദ്യോഗസ്ഥയുടെ മരണം: സുകാന്തിനെ കസ്റ്റഡിയിൽ വിട്ടു; ലൈംഗികശേഷി പരിശോധിക്കും

നിലമ്പൂർ: ഇഞ്ചോടിഞ്ചു മത്സരം ടെലിവിഷനിൽ മാത്രമാണെന്നും ഫീൽഡിൽ ആര്യാടൻ ഷൗക്കത്ത് വളരെ മുന്നിലെന്നും രാഹുൽ മാങ്കൂട്ടത്തിൽ എംഎൽഎ. ഇനിയുള്ള സമയത്ത് ഒരുപാട് വ്യാജവാർത്തകൾ വരുമെന്നും പതറരുതെന്നും രാഹുൽ മാങ്കൂട്ടത്തിൽ പ്രവർത്തകരോട് പറഞ്ഞു.
'ടെലിവിഷനിൽ കാണുമ്പോൾ മാത്രമാണ് ഇഞ്ചോടിഞ്ച് മത്സരമുള്ളത്. ഫീൽഡിലേക്ക് പോകുമ്പോൾ ഒരു ഇഞ്ചോടിഞ്ച് മത്സരവും ഇല്ല. ഏകപക്ഷീയമായി ആര്യാടൻ ഷൗക്കത്തിന്റെ വിജയയാത്രയാണ് കണ്ടുകൊണ്ടിരിക്കുന്നത്. ഇനിയുള്ള ദിവസങ്ങളിൽ നിരവധിയായ വാർത്തകൾ വരും. നിരവധിയായ ദുഷ്പ്രചരണങ്ങളുണ്ടാകും. ഈ വരുന്നതൊന്നും നമ്മുടെ നന്മക്ക് വേണ്ടിയുള്ള കാര്യമായിരിക്കില്ല. നമ്മളെ നന്നാക്കിക്കളയാനുള്ള ആഗ്രഹം കൊണ്ടുമല്ല. നമ്മളെ നശിപ്പിക്കാൻവേണ്ടി ബോധപൂർവ്വമായ ശ്രമങ്ങളായിരിക്കും. അതിലൊന്നും പതറാതെ ഒറ്റലക്ഷ്യം മാത്രമായിരിക്കണം. ദുർഭരണത്തെ താഴെയിറക്കാനുള്ള തിരഞ്ഞെടുപ്പാണ് ഇത്', രാഹുൽ മാങ്കൂട്ടത്തിൽ പറഞ്ഞു.

ടെലിവിഷനിൽ മാത്രമാണ് ഇഞ്ചോടിഞ്ചു മത്സരം; ഫീൽഡിൽ ആര്യാടൻ ഷൗക്കത്ത് വളരെ മുന്നിലെന്ന് രാഹുൽ മാങ്കൂട്ടത്തിൽ

മലപ്പുറം: നിലമ്പൂരില്‍ പി.വി. അന്‍വര്‍ നല്‍കിയിരുന്ന രണ്ട് സെറ്റ് നാമനിര്‍ദേശപത്രികകളില്‍ ഒന്ന് തിരഞ്ഞെടുപ്പ് കമ്മിഷന്‍ തള്ളി. തൃണമൂല്‍ കോണ്‍ഗ്രസ് സ്ഥാനാര്‍ഥിയായി നല്‍കിയ പത്രികയാണ് തള്ളിയത്. സ്വതന്ത്ര സ്ഥാനാര്‍ഥിയായും പത്രിക നല്‍കിയിട്ടുള്ളതിനാല്‍ ആ നിലയില്‍ അന്‍വറിന് മത്സരിക്കാം.,വിഷയത്തില്‍ അഭിഭാഷകര്‍ തിരഞ്ഞെടുപ്പ് ഉദ്യോഗസ്ഥരുമായി അവസാനവട്ട ചര്‍ച്ചകള്‍ നടത്തുന്നുണ്ട്.
തൃണമൂല്‍ കോണ്‍ഗ്രസ് കേരളത്തില്‍ രജിസ്റ്റര്‍ ചെയ്ത പാര്‍ട്ടിയല്ല എന്ന സാങ്കേതിക പ്രശ്‌നം ചൂണ്ടിക്കാട്ടിയാണ് കമ്മിഷന്‍ പത്രിക തള്ളിയത്. പെരിന്തല്‍മണ്ണ സബ് കളക്ടര്‍ ഓഫീസില്‍ പത്രികയില്‍ സൂക്ഷ്മ പരിശോധന നടക്കുന്ന സ്ഥലത്തേക്ക് അന്‍വര്‍ നേരിട്ടെത്തിയിരുന്നു.പാര്‍ട്ടി ചിഹ്നത്തില്‍ മത്സരിക്കാന്‍ സാങ്കേതിക തടസ്സമുള്ളതിനാല്‍ സ്വതന്ത്രനായി മറ്റൊരു പത്രികകൂടി നല്‍കിയ കാര്യം അന്‍വര്‍ നേരത്തേതന്നെ വ്യക്തമാക്കിയിരുന്നു. ഇതോടെയാണ് 'ജനകീയ പ്രതിപക്ഷ പ്രതിരോധ മുന്നണി' എന്ന പുതിയ മുന്നണി രൂപവത്കരിച്ചത്.&nbsp;

ഒരു പത്രിക തള്ളി, അൻവർ തൃണമൂൽ സ്ഥാനാർഥിയാകില്ല; സ്വതന്ത്രനായി മത്സരിക്കും

ഹേമ കമ്മിറ്റി റിപ്പോര്‍ട്ടിലെ മൊഴികളുടെ അടിസ്ഥാനത്തില്‍ രജിസ്റ്റര്‍ ചെയ്ത പോലീസ് കേസുകള്‍ അവസാനിപ്പിക്കാനുള്ള തീരുമാനത്തില്‍ സര്‍ക്കാരിനെ പരിഹസിച്ചും വിമര്‍ശിച്ചും നടി പാര്‍വതി തിരുവോത്ത്. കേസ് അവസാനിപ്പിക്കാനുള്ള പോലീസ് തീരുമാനം സംബന്ധിച്ച വാര്‍ത്തപുറത്തുവന്നതിന് പിന്നാലെ ഇന്‍സ്റ്റഗ്രാം സ്റ്റോറിയിലായിരുന്നു പാര്‍വതിയുടെ പ്രതികരണം. മുഖ്യമന്ത്രിയെ മെന്‍ഷന്‍ ചെയ്താണ് പാര്‍വതിയുടെ സ്റ്റോറി.
'നമുക്കിനി കമ്മിറ്റി രൂപവത്കരിക്കാന്‍ കാരണമായ യഥാര്‍ഥ കാര്യത്തിലേക്ക് ശ്രദ്ധകേന്ദ്രീകരിക്കാമല്ലോ അല്ലേ? സിനിമാമേഖലയില്‍ നിയന്ത്രണങ്ങള്‍ കൊണ്ടുവരാനുള്ള നയങ്ങള്‍ കൊണ്ടുവരിക എന്നതായിരുന്നല്ലോ ലക്ഷ്യം? അതില്‍ എന്താണ് മുഖ്യമന്ത്രീ ഇപ്പോള്‍ സംഭവിക്കുന്നത്? വലിയ ധൃതിയൊന്നുമില്ല, റിപ്പോര്‍ട്ട് സമര്‍പ്പിച്ചിട്ട് അഞ്ചരവര്‍ഷമല്ലേ ആയുള്ളൂ', എന്നായിരുന്നു പാര്‍വതിയുടെ കുറിപ്പ്.
മൊഴി കൊടുത്തവര്‍ക്ക് കേസുമായി മുന്നോട്ടുപോകാന്‍ താത്പര്യമില്ലാത്ത സാഹചര്യത്തിലാണ് കേസ് അവസാനിപ്പിക്കാനുള്ള പോലീസ് തീരുമാനം. 35 കേസുകളാണ് പ്രത്യേകാന്വേഷണ സംഘം രജിസ്റ്റര്‍ ചെയ്തിരുന്നത്. 21 എണ്ണം നേരത്തേ ഒഴിവാക്കി. ബാക്കിവന്ന 14 കൂടി അവസാനിപ്പിച്ച് ഈ മാസംതന്നെ കോടതികളില്‍ റിപ്പോര്‍ട്ട് നല്‍കും.

'വലിയ ധൃതിയൊന്നുമില്ല, അഞ്ചരവര്‍ഷമല്ലേ ആയുള്ളൂ'; ഹേമകമ്മിറ്റി റിപ്പോർട്ടിൽ സര്‍ക്കാരിനെതിരെ പാര്‍വതി

Search Results for: kseb disaster