വയനാട് ഉപതിരഞ്ഞെടുപ്പിലെ കോൺ​ഗ്രസ് സ്ഥാനാർഥി പ്രിയങ്കാ ​ഗാന്ധിയുടെ സ്വത്തുവിവരങ്ങൾ പുറത്ത്. നാമനിർദേശപത്രികക്കൊപ്പമുള്ള സത്യവാങ്മൂലത്തിലാണ് ആസ്തിയെക്കുറിച്ചുള്ള വിവരങ്ങളുള്ളത്. ബാങ്ക് നിക്ഷേപവും സ്വർണവുമായി പ്രിയങ്ക ഗാന്ധിക്ക് 4.24 കോടിയുടെ ആസ്തിയുണ്ടെന്നാണ് സത്യവാങ്മൂലത്തിൽ പറയുന്നത്. ഭർത്താവ് റോബർട്ട് വാദ്രയ്ക്ക് 37 കോടിയുടെ ആസ്തിയുണ്ട്.
രണ്ടിടങ്ങളായി നാലേക്കറോളം ഭൂമിയുണ്ട് പ്രിയങ്കയ്ക്ക്. എന്നാൽ, ഇവ രണ്ട് കൃഷിസ്ഥലമാണ്. കൃഷിസ്ഥലമല്ലാത്ത ഭൂമി കൈവശമില്ലെന്നാണ് സത്യവാങ്മൂലത്തിൽ. ഹിമാചൽ പ്രദേശിലെ ഷിംലയിൽ 5.63 കോടി രൂപ വിലമതിക്കുന്ന വീടുണ്ട്. ഭൂമിയും വീടുമടക്കം 7.74 കോടി രൂപയുടെ ആസ്തിയുണ്ട്. പ്രിയങ്കയ്ക്ക് 15,75,000 രൂപയുടെ ബാധ്യതയുണ്ട്. ഭർത്താവ് റോബർട്ട് വാദ്രയ്ക്ക് 10 കോടി രൂപയുടെ ബാധ്യതയുണ്ടെന്നും സത്യവാങ്മൂലത്തിൽ പറയുന്നു.

പ്രിയങ്കയ്ക്ക് കോടികളുടെ നിക്ഷേപവും ആസ്തിയും ;സ്വത്തുവിവരങ്ങൾ ഇങ്ങനെ

പാലക്കാട്: പി.വി അന്‍വറിന്റെ രാഷ്ട്രീയ പാര്‍ട്ടിയായ ഡി.എം.കെ പാലക്കാട് ഉപതിരഞ്ഞെടുപ്പിലെ സ്ഥാനാര്‍ഥിയെ പിന്‍വലിച്ചു. പകരം യു.ഡി.എഫ് സ്ഥാനാര്‍ഥി രാഹുല്‍ മാങ്കൂട്ടത്തിലിന് പിന്തുണ നല്‍കുമെന്നും പി.വി. അന്‍വര്‍ അറിയിച്ചു. ഡി.എം.കെ കണ്‍വന്‍ഷനിലാണ് അന്‍വറിന്റെ പ്രഖ്യാപനം.
ഒരു ഉപാധിയുമില്ലാതെ രാഹുല്‍ മാങ്കൂട്ടത്തിലിന് പിന്തുണ നല്‍കുന്നതായി അന്‍വര്‍ കണ്‍വെന്‍ഷനില്‍ പറഞ്ഞു. കോണ്‍ഗ്രസ് നേതാക്കളുടെ വലിപ്പം കണ്ടിട്ടല്ല പിന്തുണക്കുന്നത്. രണ്ട് ദിവസം മുന്‍പ് അപമാനിക്കപ്പെട്ടിട്ടും അതെല്ലാം സഹിക്കുകയാണെന്നും അന്‍വര്‍ വ്യക്തമാക്കി.എം.എം മിന്‍ഹാജിനെയാണ് ഡി.എം.കെ പാലക്കാട്ടെ സ്ഥാനാര്‍ഥിയായി പ്രഖ്യാപിച്ചിരുന്നത്. ഡി.എം.കെ സ്ഥാനാര്‍ഥിയെ വിജയിപ്പിക്കാനായി വിളിച്ചു ചേര്‍ത്ത യോഗത്തിലാണ് സ്ഥാനാര്‍ഥിയെ പിന്‍വലിച്ചത്.

പാലക്കാട് വീണ്ടും ട്വിസ്റ്റ് ;സ്ഥാനാര്‍ഥിയെ പിന്‍വലിച്ച് അന്‍വര്‍, രാഹുലിന് പിന്തുണ

കണ്ണൂര്‍: എഡിഎ നവീന്‍ ബാബുവിന്റെ മരണവുമായി ബന്ധപ്പെട്ട് കണ്ണൂര്‍ കളക്ടര്‍ക്കെതിരേയുള്ള അതൃപ്തി മാറാതെ റവന്യൂ മന്ത്രി കെ രാജന്‍. കണ്ണൂര്‍ കളക്ടര്‍ അരുണ്‍ കെ വിജയനൊപ്പം വേദി പങ്കിടാനില്ലെന്ന് മന്ത്രി അറിയിച്ചതായാണ് സൂചനകള്‍. കണ്ണൂരില്‍ നാളെ നടക്കേണ്ട റവന്യൂ വകുപ്പിന്റെ മൂന്ന് പരിപാടികള്‍ മാറ്റിവെച്ചു.
ഇരിട്ടിയിലേയും കൂത്തുപറമ്പിലേയും പട്ടയമേളകളും ചിറക്കല്‍ സ്മാര്‍ട്ട് വില്ലേജ് ഓഫീസിന്റെ ഉദ്ഘാടനവുമാണ് മാറ്റിയത്. എന്നാല്‍ കളക്ടര്‍ പങ്കെടുക്കാത്ത മുണ്ടേരി സ്‌കൂളിലെ ഡിജിറ്റലൈസ് പ്രഖ്യാപനത്തില്‍ മന്ത്രി എത്തും.നവീന്‍ ബാബു മികച്ച ഉദ്യോഗസ്ഥനാണെന്നും അദ്ദേഹത്തെ കുറിച്ച് യാതൊരു പരാതിയും ലഭിച്ചിട്ടില്ലെന്നും വകുപ്പ് മന്ത്രിയായ കെ രാജന്‍ നേരത്തെ പ്രതികരിച്ചിരുന്നു. വിഷയത്തില്‍ കളക്ടര്‍ക്കെതിരേ ആരെങ്കിലും പരാതി നല്‍കിയാല്‍ പരിശോധിക്കുമെന്നും അദ്ദേഹം അറിയിച്ചിരുന്നു.&nbsp;

കണ്ണൂർ കളക്ടർക്കൊപ്പം വേദിപങ്കിടാനില്ല; പരിപാടികൾ മാറ്റി റവന്യൂ മന്ത്രി

Kerala

പാലക്കാട്: ഉപതിരഞ്ഞെടുപ്പിൽ മത്സരിക്കാൻ ബിഡിജെഎസ് സ്ഥാനാർത്ഥിയും. എൻഡിഎയിൽ നിന്നും പാർട്ടി അവ​ഗണന നേരിടുകയാണെന്നും ഇതിൽ പ്രതിഷേധിച്ചാണ് സ്ഥാനാർത്ഥിത്വമെന്നും ബിഡിജെഎസ് മലമ്പുഴ സെക്രട്ടറി എസ് സതീഷ് അറിയിച്ചു. സതീഷ് ആണ് പാലക്കാട് ബിഡിജെഎസ് സ്ഥാനാർത്ഥിയായി മത്സരിക്കുന്നത്.
തിര‍ഞ്ഞെടുപ്പ് അവസാനിക്കുന്നതോടെ പാർട്ടിയെ അവ​ഗണിക്കുന്ന നിലപാടാണ് പലപ്പോഴും ബിജെപിക്കുള്ളത്. എൻഡിഎ ഒരു മുന്നണിയായിപ്പോലുമല്ല പ്രവർത്തിക്കുന്നത്. സ്ഥാനാർത്ഥി നിർണയവും തിരഞ്ഞെടുപ്പ് പ്രചാരണവുമടക്കം എല്ലാ കാര്യങ്ങളും ബിജെപി ഒറ്റയ്ക്കാണ് തീരുമാനിക്കുന്നത്. ബിഡിജഎസിന് എത്ര സീറ്റുണ്ടെന്ന് പരിഹാസം നിറഞ്ഞ ചോദ്യങ്ങൾക്കുള്ള മറുപടിയാണ് ഇക്കുറി മത്സരമെന്നും അദ്ദേഹം വ്യക്തമാക്കി.
അതേസമയം പാർട്ടിയിൽ യാതൊരു വിധ ആശയക്കുഴപ്പവും ഇല്ലെന്ന് ബിഡിജെഎസ് സംസ്ഥാന വൈസ് പ്രസിഡന്റ് എ എൻ അനുരാ​ഗ് പറഞ്ഞു. എൻഡിഎയിൽ സജീവമായി നിൽക്കുന്ന പാർട്ടിയാണ് ബിഡിജെഎസ് എന്നും അദ്ദേഹം കൂട്ടിച്ചേർത്തു. നാമനിർദേശ പത്രിക നൽകിയാൽ, സതീഷിനെ പ്രാഥമിക അംഗത്വത്തിൽനിന്ന് മാറ്റിനിർത്തുമെന്നും അനുരാഗ് അറിയിച്ചു.

'എൻഡിഎയിൽ അവ​ഗണന'; പാലക്കാട് മത്സരിക്കാൻ ബിഡിജെഎസ് സ്ഥാനാർത്ഥിയും

അബൂദബി: അബൂദബിയിൽ മാലിന്യടാങ്ക് വൃത്തിയാക്കുന്നതിനിടെയുണ്ടായ അപകടത്തിൽ രണ്ട് മലയാളികളടക്കം മൂന്ന് ഇന്ത്യക്കാർ മരിച്ചു. പത്തനംതിട്ട കോന്നി സ്വദേശി അജിത് വള്ളിക്കോട് (40), പാലക്കാട് സ്വദേശി രാജ്കുമാർ (38) എന്നിവരാണ് മരിച്ച മലയാളികൾ. മാലിന്യടാങ്കിലെ വാതകം ശ്വസിച്ച് വീണുപോയ തൊഴിലാളിയെ രക്ഷിക്കാൻ ശ്രമിക്കവെയാണ് അപകടമുണ്ടായത്. അൽഗ്രീം ഐലൻഡ് എന്ന ദ്വീപ് മേഖലയിലെ സിറ്റി ഓഫ് ലൈറ്റ്‌സ് എന്ന കെട്ടിടത്തിലെ മാലിന്യടാങ്ക് വൃത്തിയാക്കുന്നതിനിടെയാണ് അപകടം.
പഞ്ചാബ് സ്വദേശിയായ തൊഴിലാളി വാതകം ശ്വസിച്ച് ടാങ്കിലേക്ക് വീണു. ഇയാളെ രക്ഷിക്കാൻ ശ്രമിക്കുന്നതിനിടെ രണ്ട് മലയാളികളും ഇതിനുള്ളിലേക്ക് വീഴുകയായിരുന്നു.&nbsp;&nbsp;

അബൂദബിയിൽ മാലിന്യടാങ്ക് വൃത്തിയാക്കുന്നതിനിടെ അപകടം; രണ്ട് മലയാളികളടക്കം മൂന്ന്  മരണം

Gulf

റാ​ന്നി: നി​ക്ഷേ​പി​ച്ച പ​ണം ആ​വ​ശ്യ​പ്പെ​ട്ട സ​മ​യ​ത്ത്​ ന​ൽ​കാ​തെ ഒ​ഴി​ക​ഴി​വു​ക​ൾ പ​റ​ഞ്ഞ്​ ന​ൽ​കാ​തി​രു​ന്ന സ​ഹ​ക​ര​ണ​ബാ​ങ്കി​നും അ​ധി​കൃ​ത​ർ​ക്കും പി​ഴ​ശി​ക്ഷ വി​ധി​ച്ച്​ ഉ​പ​ഭോ​ക്​​തൃ ത​ർ​ക്ക​പ​രി​ഹാ​ര ക​മീ​ഷ​ൻ. വെ​ൺ​കു​റി​ഞ്ഞി സ​ർ​വി​സ് സ​ഹ​ക​ര​ണ ബാ​ങ്ക് പ്ര​സി​ഡ​ന്‍റും​ സെ​ക്ര​ട്ട​റി​യും നി​ക്ഷേ​പം ന​ട​ത്തി​യ സ​ഹ​കാ​രി വെ​ച്ചൂ​ച്ചി​റ പ്ലാ​വേ​ലി​നി​ര​വ് നി​ർ​മ​ല ഭ​വ​നി​ൽ മു​ര​ളീ​ധ​ര​ൻ നാ​യ​ർ​ക്ക്​ 3,15,000 രൂ​പ​യാ​ണ്​ ന​ൽ​കേ​ണ്ട​ത്. ബാ​ങ്കി​നെ പ്ര​തി​യാ​ക്കി ക​മീ​ഷ​നി​ൽ ഫ​യ​ൽ ചെ​യ്ത ഹ​ർ​ജി​യി​ലാ​ണ് വി​ധി.
മു​ര​ളീ​ധ​ര​ന്‍ നാ​യ​ര്‍ 2020-’21 കാ​ല​യ​ള​വി​ൽ 1,00,000 രൂ​പ വീ​തം മൂ​ന്ന് ഫി​ക്സ​ഡ് ഡെ​പ്പോ​സി​റ്റു​ക​ളാ​യി മൂ​ന്ന്​ ല​ക്ഷം രൂ​പ ബാ​ങ്കി​ൽ നി​ക്ഷേ​പി​ച്ചി​രു​ന്നു. ഒ​രു വ​ർ​ഷം ക​ഴി​ഞ്ഞ് നി​ക്ഷേ​പം മെ​ച്ച്വ​റാ​യി പ​ണം എ​ടു​ക്കാ​ൻ ചെ​ന്ന​പ്പോ​ൾ ഇ​പ്പോ​ൾ പ​ണ​മി​ല്ലെ​ന്നും, വീ​ണ്ടും ഈ ​നി​ക്ഷേ​പ​ങ്ങ​ൾ പു​തു​ക്കി ഇ​ട​ണ​മെ​ന്നു​മാ​ണ്​ ബാ​ങ്ക് അ​ധി​കൃ​ത​ർ ആ​വ​ശ്യ​പ്പെ​ട്ട​ത്. തു​ട​ർ​വ​ർ​ഷ​ങ്ങ​ളി​ലും ഹ​ർ​ജി​ക്കാ​ര​ൻ ഫി​ക്‌​സ​ഡ് ഡെ​പ്പോ​സി​റ്റു​ക​ൾ പു​തു​ക്കി നി​ക്ഷേ​പി​ച്ചു​കൊ​ണ്ടി​രു​ന്നു. എ​ന്നാ​ൽ മു​ര​ളീ​ധ​ര​ന്‍ നാ​യ​ര്‍ക്ക് അ​ടി​യ​ന്തി​ര​മാ​യി ഒ​രു ഓ​പ്പ​റേ​ഷ​ന് വി​ധേ​യ​മാ​കേ​ണ്ടി​വ​ന്ന​തി​നാ​ൽ ജൂ​ണി​ൽ ബാ​ങ്കി​ൽ പോ​യി സെ​ക്ര​ട്ട​റി​യോ​ടും പ്ര​സി​ഡ​ന്‍റി​നോ​ടും നി​ക്ഷേ​പ​ത്തു​ക​യാ​യ മൂ​ന്ന്​ ല​ക്ഷം രൂ​പ​യും പ​ലി​ശ​യും തി​രി​കെ ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ടു. അ​പ്പോ​ഴും ത​രാ​ൻ നി​വൃ​ത്തി​യി​ല്ലെ​ന്നും ആ​വ​ശ്യ​മെ​ങ്കി​ൽ 2,000 രൂ​പ വെ​ച്ച് പ്ര​തി​മാ​സം ത​രാ​മെ​ന്നു​മു​ള്ള നി​രു​ത്ത​ര​വാ​ദി​ത്വ​പ​ര​മാ​യ മ​റു​പ​ടി​യാ​ണ് കി​ട്ടി​യ​ത്.
ത​ന്‍റെ ആ​വ​ശ്യ​ങ്ങ​ൾ​ക്ക് പ​ണം എ​ടു​ക്കാ​ൻ ക​ഴി​യു​മെ​ന്നു​ള്ള ഉ​ത്ത​മ വി​ശ്വാ​സ​ത്തി​ലാ​ണ്​ നി​ക്ഷേ​പ​ക​ർ ബാ​ങ്കി​ൽ പ​ണം നി​ക്ഷേ​പി​ക്കു​ന്ന​തെ​ന്ന്​ ക​മീ​ഷ​ൻ നി​രീ​ക്ഷി​ച്ചു. ഹ​ർ​ജി ഫ​യ​ലി​ൽ സ്വീ​ക​രി​ച്ച ക​മീ​ഷ​ൻ എ​തി​ർ​ക​ക്ഷി​ക​ൾ​ക്ക് നോ​ട്ടീ​സ് അ​യ​ക്കു​ക​യും അ​വ​ർ കോ​ട​തി​യി​ൽ ഹാ​ജ​രാ​യി പ​ത്രി​ക സ​മ​ർ​പ്പി​ക്കു​ക​യും ചെ​യ്തു.
ഇ​രു​ക​ക്ഷി​ക​ളും ക​മീ​ഷ​നി​ൽ ഹാ​ജ​രാ​ക്കി​യ രേ​ഖ​ക​ളു​ടെ​യും തെ​ളി​വു​ക​ളു​ടെ​യും അ​ടി​സ്ഥാ​ന​ത്തി​ൽ ഹ​ർ​ജി​ക്കാ​ര​ന്‍റെ അ​ന്യാ​യം ന്യാ​യ​മാ​ണെ​ന്ന്​ ക​മീ​ഷ​ന്​ ബോ​ധ്യ​പ്പെ​ടു​ക​യും ബാ​ങ്ക്​ പ്ര​സി​ഡ​ന്റ് ബ​ഷീ​റും സെ​ക്ര​ട്ട​റി റോ​സ​മ്മ ജ​യിം​സും ഹ​ർ​ജി​ക​ക്ഷി​യു​ടെ ഫി​ക്‌​സ​ഡ് ഡെ​പ്പോ​സി​റ്റ് തു​ക​യാ​യ 3,00,000 രൂ​പ​യും, 10,000 രൂ​പ ന​ഷ്ട​പ​രി​ഹാ​ര​വും, 5,000 രൂ​പ കോ​ട​തി​​ച്ചെ​ല​വും ചേ​ർ​ത്ത് 3,15,000 രൂ​പ ഒ​രു മാ​സ​ത്തി​ന​കം കൊ​ടു​ക്ക​ണ​മെ​ന്നും വീ​ഴ്ച വ​രു​ത്തു​ക​യാ​ണെ​ങ്കി​ൽ എ​തി​ർ​ക​ക്ഷി​ക​ളു​ടെ സ്വ​ത്തി​ൽ നി​ന്ന്​ ഈ ​തു​ക ഈ​ടാ​ക്കി​യെ​ടു​ക്കാ​ൻ ഹ​ർ​ജി​ക​ക്ഷി​ക്ക് അ​വ​കാ​ശ​മു​ണ്ടാ​യി​രി​ക്കു​മെ​ന്നും ക​മീ​ഷ​ൻ ഉ​ത്ത​ര​വി​ടു​ക​യാ​ണു​ണ്ടാ​യ​ത്. ക​മീ​ഷ​ൻ പ്ര​സി​ഡ​ന്‍റ്​ ബേ​ബി​ച്ച​ൻ വെ​ച്ചൂ​ച്ചി​റ​യും അം​ഗ​മാ​യ നി​ഷാ​ദ് ത​ങ്ക​പ്പ​നും ചേ​ർ​ന്നാ​ണ് വി​ധി പ്ര​സ്താ​വി​ച്ച​ത്.

നിക്ഷേപിച്ച പണം ആവശ്യപ്പെട്ട സമയത്ത് തിരികെ നൽകിയില്ല; ബാങ്കിന്​ പിഴയിട്ട് ഉപഭോക്തൃ കോടതി

ന്യൂഡൽഹി: സ്തനങ്ങളെ ഓറഞ്ചിനോട് താരതമ്യപ്പെടുത്തി ഡൽഹി മെട്രോ പ്രസിദ്ധീകരിച്ച സ്തനാർബുദ അവബോധ പരസ്യം വിവാദത്തിൽ. സ്തനാർബുദ അവബോധ മാസാചരണത്തിന്റെ ഭാഗമായ പരസ്യമാണിത്. ഓറഞ്ച് കൈയിൽ പിടിക്കുന്ന പെൺകുട്ടിയുടെ എഐ ജനറേറ്റഡ് ചിത്രത്തോടൊപ്പം
'നിങ്ങളുടെ ഓറഞ്ച് പരിശോധിക്കുക, മാസത്തിൽ ഒരിക്കലെങ്കിലും
നേരത്തേ കണ്ടെത്തൂ, ജീവൻ രക്ഷിക്കൂ'
എന്ന പരസ്യവാചകവുമുണ്ട്.
യുവികാന്‍ എന്ന എന്‍.ജി.ഒയാണ് ക്യാംപെയിനിന് പിന്നിലുള്ളത്. ഇതിനെതിരെ സമൂഹമാധ്യമങ്ങളില്‍ വന്‍ പ്രതിഷേധമാണ് ഉയരുന്നത്. എക്‌സില്‍ നിരവധി പേര്‍ ഇതിനോട് പ്രതികരിച്ചു.
ഡല്‍ഹി മെട്രോ യാത്രക്കാർ പരസ്യത്തിനെതിരെ ശക്തമായി പ്രതികരിച്ചു. പലരും സോഷ്യല്‍ മീഡിയയില്‍ പ്രതിഷേധം പങ്കുവെച്ചു.&nbsp;

സ്തനങ്ങളെ ഓറഞ്ചുമായി താരതമ്യപ്പെടുത്തി; ഡൽഹി മെട്രോയുടെ കാംപയിൻ വിവാദത്തിൽ

National

തിരുവനന്തപുരം: അപകടത്തിൽപ്പെടുന്ന വാഹനങ്ങൾക്ക് ഇൻഷുറൻസില്ലെങ്കിൽ 2000 രൂപകൂടി പിഴചുമത്താൻ മോട്ടോർവാഹനവകുപ്പ് തീരുമാനിച്ചു. ഇൻഷുറൻസില്ലാതെ വാഹനം നിരത്തിൽ ഇറക്കിയതിനും അപകടമുണ്ടാക്കിയതിനുമുള്ള പോലീസ് കേസിന് പുറമേയാണിത്. ഇൻഷുറൻസ് പരിരക്ഷ ഇല്ലെങ്കിൽ നഷ്ടപരിഹാരത്തുക നൽകേണ്ട ബാധ്യത വാഹന ഉടമയ്ക്കാണ്. കേന്ദ്ര നിർദേശപ്രകാരമാണ് പ്രത്യേകം പിഴ ഈടാക്കുന്നതെന്ന് മോട്ടോർവാഹനവകുപ്പ് അധികൃതർ പറയുന്നു.
അപകടത്തിൽപ്പെട്ട വാഹനത്തിന്റെപേരിലുള്ള കേസ് കോടതിയുടെ പരിഗണനയിലുള്ളപ്പോൾ അതേ കുറ്റത്തിന് മറ്റൊരുവഴിക്ക് പിഴചുമത്തുന്നത് ശരിയല്ലെന്ന നിലപാടാണ് വകുപ്പ് എടുത്തിരുന്നത്. എന്നാൽ ഇൻഷുറൻസ് ഇല്ലാത്ത വാഹനങ്ങൾ ഓടുന്നത് വ്യാപകമായ പശ്ചാത്തലത്തിലാണ് നടപടി കടുപ്പിക്കാൻ കേന്ദ്രം നിർദേശിച്ചത്.
ഇൻഷുറൻസ് പരിരരക്ഷ പുതുക്കിയശേഷം വാഹനം വിട്ടുകൊടുത്താൽ മതിയെന്ന വ്യവസ്ഥയും കർശനമാക്കും. നഷ്ടപരിഹാരത്തുക ഈടാക്കിയശേഷം വാഹനം വിട്ടുകൊടുത്താൽ മതിയെന്ന നിലപാടാണ് കേന്ദ്രം സ്വീകരിച്ചിട്ടുള്ളത്. ഭാവിയിൽ അതും വ്യവസ്ഥായായി മാറും.

ഇൻഷുറൻസില്ലാത്ത വാഹനങ്ങൾ അപകടത്തിൽപ്പെട്ടാൽ കേസിനുപുറമേ 2000 പിഴയും

വയനാട്ടിലെ ജനങ്ങള്‍ക്ക്‌ രണ്ട് എംപിമാരുണ്ടാവുമെന്നും അനൗദ്യോഗിക എംപി താനായിരിക്കുമെന്നും രാഹുല്‍ ഗാന്ധി. വയനാട് ഉപതിരഞ്ഞെടുപ്പില്‍ പ്രിയങ്കയുടെ റോഡ് ഷോയില്‍ പങ്കെടുത്ത് സംസാരിക്കുകയായിരുന്നു അദ്ദേഹം. പ്രിയങ്കയുടെ വിജയത്തിനായി വയനാട് മുന്നോട്ട് വരണമെന്നും അദ്ദേഹം അഭ്യര്‍ത്ഥിച്ചു. വയനാടിലെ ജനങ്ങളെ സ്വന്തം കുടുംബത്തെ പോലെയാണ് തന്റെ സഹോദരി പ്രിയങ്ക ഗാന്ധി കാണുന്നതെന്നും അദ്ദേഹം കൂട്ടിചേര്‍ത്തു.
രാഹുല്‍ ഗാന്ധിയുടെ പ്രസംഗത്തിന്റെ പൂര്‍ണ്ണരൂപം
വയനാട്ടിലെ ജനങ്ങളുമായി എനിക്ക് എന്തുതരത്തിലുള്ള ബന്ധമാണ് ഉണ്ടായിരുന്നതെന്ന് നിങ്ങള്‍ക്കോരുത്തര്‍ക്കും അറിയും.എനിക്ക് ബുദ്ധിമുട്ടുണ്ടായപ്പോള്‍ നിങ്ങളെന്നെ സംരക്ഷിച്ചുവെന്നും നിങ്ങളെന്റെ ഒപ്പം നിന്നുവെന്ന് പ്രിയങ്ക പറഞ്ഞു. പ്രിയങ്ക അത് പറയുമ്പോള്‍ ഞാന്‍ മനസില്‍ ആലോചിച്ചത് വയനാട് എനിക്ക് വേണ്ടി ചെയ്തുതന്നത് വാക്കുകളിലൂടെ പറയാനാകില്ലെന്നാണ്. വികാരങ്ങള്‍ അത്രയും ആഴത്തിലുള്ളതാവുമ്പോള്‍ അത് പ്രവര്‍ത്തനത്തിലൂടെ മാത്രമേ പ്രകടിപ്പിക്കാനാവുകയുള്ളു.
നിങ്ങള്‍ മറന്നുപോവുകയാണെങ്കില്‍ നിങ്ങളെ ഞാന്‍ ഓര്‍മിപ്പിക്കുകയാണ് രണ്ട് ജനപ്രതിനിധകളുള്ള ഇന്ത്യയിലെ ഒരേയൊരു മണ്ഡലം വയനാടായിരിക്കും. ഒന്ന് ഔദ്യോഗിക മെമ്പറും മറ്റൊന്ന് അനൗദ്യോഗിക മെമ്പറുമായിരിക്കും. അവര്‍ രണ്ടുപേരും വയനാടിനു വേണ്ടി പ്രവര്‍ത്തിക്കും.
എന്റെ സഹോദരി പ്രിയങ്കയെ കുറിച്ച് വയനാടിനോട് എങ്ങനെ ലളിതമായി പറഞ്ഞു മനസിലാക്കുമെന്നാണ് ഈ യാത്രയില്‍ ഞാന്‍ ആലോചിച്ചത്. ഒന്നോ രണ്ടോ വാക്കുകളില്‍ പ്രിയങ്കയെ എങ്ങനെ വിശദീകരിക്കും?. കുട്ടിക്കാലത്ത്‌ സഹോദരി പ്രിയങ്കയെ കൂട്ടുകാര്‍ക്കൊപ്പം കാണുമായിരുന്നു. സ്വന്തം കൂട്ടൂകാര്‍ക്കായി ഇത്രയധികം പോകാന്‍ പറ്റുമോയെന്ന് അവളോട് ഞാന്‍ ചോദിക്കുമായിരുന്നു. പ്രിയങ്കയ്ക്ക് ഒരു സുഹൃത്തുണ്ടെങ്കില്‍ അവര്‍ക്കായി എത്ര ദൂരം പോവാനും അവള്‍ ഒരുക്കമായിരുന്നു. പ്രിയങ്ക ചെയ്ത കാര്യങ്ങള്‍ സുഹൃത്തുകള്‍ അറിയാതെ പോവുമ്പോഴും തിരിച്ച് അഭിനന്ദനങ്ങള്‍ ലഭിക്കാതെയിരിക്കുമ്പോഴും ഞാന്‍ അവളോട് ചോദിക്കും എന്തിനാണ് ഇങ്ങനെ ചെയ്യുന്നതെന്ന്. അപ്പോള്‍ അവള്‍ പറയും എനിക്ക് ഇത് ചെയ്യണം. പക്ഷേ നിന്റെ സുഹൃത്തുക്കള്‍ നീ ചെയ്യുന്ന കാര്യങ്ങള്‍ അംഗീകരിക്കുകയോ അഭിനന്ദിക്കുയോ ചെയ്യുന്നില്ലെന്ന് പറയുമ്പോള്‍ അംഗീകാരത്തിന്റെയും അഭിനന്ദനത്തിന്റെയോ ആവശ്യമില്ലെന്നും ഞാന്‍ ഇത് ചെയ്യുമെന്നുമാണ് പ്രിയങ്ക മറുപടി നല്‍കിയിരുന്നത്.
സുഹൃത്തുക്കള്‍ക്ക് വേണ്ടി എന്തും ചെയ്യാനാവുന്ന ഒരാള്‍ക്ക് കുടുംബത്തിന് വേണ്ടി എന്തെല്ലാം ചെയ്യാനാവുമെന്ന് നിങ്ങള്‍ക്ക് ആലോചിക്കാവുന്നതാണ്. എന്റെ അമ്മ ഇവിടെയിരിക്കുന്നുണ്ട്. എന്റെ പിതാവ് മരിച്ചപ്പോള്‍ അമ്മയ്ക്കായി എല്ലാ ചെയ്ത് നല്‍കിയത് പ്രിയങ്കയാണ്. എന്റെ അച്ഛന്‍ മരിക്കുമ്പോള്‍ അവള്‍ക്ക് 17 വയസായിരുന്നു പ്രായം. എന്റെ സഹോദരിക്കും അമ്മയ്ക്കും എല്ലാം നഷ്ടപ്പെട്ടു. പക്ഷേ എന്റെ അമ്മയെ പരിപാലിച്ചതും സംരക്ഷിച്ചതും എന്റെ സഹോദരിയാണ്. അവളുടെ കുടുംബത്തിന് വേണ്ടി എന്തും ത്യജിക്കാന്‍ പ്രിയങ്ക തയ്യാറാണെന്നതില്‍ എനിക്ക് വിശ്വാസമുണ്ട്. പ്രിയങ്കയുടെ കൂട്ടുകാരെ കുറിച്ചും കുടുംബത്തിന് വേണ്ടി ചെയ്ത ത്യാഗങ്ങളെ കുറിച്ചും ഞാന്‍ എന്തിനാണ് നിങ്ങളോട് പറയുന്നതെന്ന് നിങ്ങള്‍ ചിന്തിക്കുന്നുണ്ടാവും. പ്രിയങ്ക വയനാടിനെയും സ്വന്തം കുടുംബം പോലെ കണക്കാക്കും എന്നതു കൊണ്ടാണ് ഞാന്‍ ഇത് പറയുന്നത്. നിങ്ങളുടെ അടുത്ത് നിന്ന് എനിക്കൊരു സഹായം വേണം. എന്റെ സഹോദരി പ്രിയങ്ക എനിക്കായി ഉണ്ടാക്കി തന്ന രാഖിയാണ് എന്റെ കൈയില്‍ കിടക്കുന്നത്. ഇത് പൊട്ടിപോവുന്നത് വരെ ഇതെന്റെ കൈയിലുണ്ടാവും. ഒരു സഹോദരന്‍ സഹോദരിക്കായി ഒരുക്കുന്ന സംരക്ഷണത്തിന്റെ പ്രതീകമാണിത്. അതു തന്നെയാണ് എനിക്ക് വയനാട്ടിലെ ജനങ്ങളോടും പറയാനുള്ളത്. എന്റെ സഹോദരിയേ നോക്കൂ അവളെ സംരക്ഷിക്കൂ. വയനാടിലെ ജനങ്ങള്‍ക്കായി അവള്‍ തന്റെ പരമാവധി ഊര്‍ജം വിനിയോഗിക്കും. ഞാന്‍ നിങ്ങളുടെ പാര്‍ലമെന്റിലെ അനൗദ്യോഗിക മെമ്പറാണെന്ന് മറക്കരുത്. അതുകൊണ്ട് ഇടയ്ക്കിടെ ഇവിടെ വരാനും ഇവിടെത്തെ പ്രശ്‌നങ്ങളില്‍ ഇടപെടാനും നിങ്ങള്‍ എന്നെയും അനുവദിക്കണം. നന്ദി

എന്റെ സഹോദരിയെ സംരക്ഷിക്കുമെന്ന ഉറപ്പ് കൂടെ തരണം ;വയനാടിന് ഇനി രണ്ട് എം.പിമാരുണ്ടാകുമെന്നും രാഹുല്‍ ഗാന്ധി

തിരുവനന്തപുരം: സംസ്ഥാന സര്‍വീസ് ജീവനക്കാര്‍ക്കും അധ്യാപകര്‍ക്കും ഒരു ഗഡു ക്ഷാമബത്ത അനുവദിച്ചു. സര്‍വീസ് പെന്‍ഷന്‍കാര്‍ക്കുള്ള ക്ഷാമാശ്വാസവും ഒരു ഗഡു അനുവദിച്ചതായി ധനമന്ത്രി കെ.എന്‍. ബാലഗോപാല്‍ അറിയിച്ചു. യു.ജി.സി. എ.ഐ.സി.ടി.ഇ., മെഡിക്കല്‍ സര്‍വീസ് ഉള്‍പ്പെടെ എല്ലാ മേഖലയിലും ഡി.എ., ഡി.ആര്‍. വര്‍ധനവിന്റെ ആനുകൂല്യം ലഭിക്കും. ഇതുവഴി സര്‍ക്കാരിന്റെ വാര്‍ഷിക ചെലവില്‍ ഏകദേശം 2000 കോടി രൂപയുടെ വര്‍ധനവുണ്ടാകും. അനുവദിച്ച ഡി.എ., ഡി.ആര്‍. അടുത്ത മാസത്തെ ശമ്പളത്തിനും പെന്‍ഷനുമൊപ്പം കിട്ടിത്തുടങ്ങും.
ഒരു ഗഡു ഡി.എ., ഡി.ആര്‍. ഈ വര്‍ഷം ഏപ്രിലില്‍ അനുവദിച്ചിരുന്നു. ഈ സാമ്പത്തിക വര്‍ഷം മുതല്‍ പ്രതിവര്‍ഷം രണ്ടു ഗഡു ഡി.എ., ഡി.ആര്‍. ജീവനക്കാര്‍ക്കും പെന്‍ഷന്‍കാർക്കും അനുവദിക്കാനാണ് സര്‍ക്കാര്‍ ഉദ്ദേശിക്കുന്നതെന്ന് മുഖ്യമന്ത്രി നിയമസഭയില്‍ വ്യക്തമാക്കിയിരുന്നു.
ഡി.എ. ഉള്‍പ്പെടെ ആനുകൂല്യങ്ങള്‍ 2021-22 സാമ്പത്തിക വര്‍ഷത്തിന്റെ തുടക്കത്തില്‍തന്നെ പണമായും നല്‍കിയിരുന്നതായി കെ.എൻ. ബാലഗോപാൽ പറഞ്ഞു. തുടര്‍ന്ന് കേന്ദ്ര സര്‍ക്കാരിന്റെ പ്രതികൂല സമീപനങ്ങള്‍ കാരണം കേരളം നേരിട്ട അസാധാരണ പണഞെരുക്കം ജീവനക്കാരുടെ ചില ആനുകൂല്യങ്ങള്‍ വിതരണം ചെയ്യുന്നതിന് കാലതാമസത്തിന് കാരണമായി. ജീവനക്കാരുടെയും പെന്‍ഷന്‍കാരുടെയും ആനുകൂല്യങ്ങള്‍ ഉറപ്പാക്കുന്നതില്‍ പ്രതിജ്ഞാബദ്ധമായ നിലപാടാണ് സര്‍ക്കാര്‍ സ്വീകരിക്കുന്നതെന്നും മന്ത്രി വ്യക്തമാക്കി.

ജീവനക്കാര്‍ക്കും അധ്യാപകര്‍ക്കും ഒരു ഗഡു ഡി.എ., ഡി.ആര്‍. അനുവദിച്ചു

തൃശൂർ: ചേലക്കര മണ്ഡലത്തിലെ സ്വതന്ത്ര സ്ഥാനാർഥിയെയും പി.വി.അൻവർ എം.എൽ.എയെയും മുസ്‌ലിം ലീഗ് ഓഫീസിൽ സ്വീകരിച്ചത് സംബന്ധിച്ച് വിവാദം. ഡെമോക്രാറ്റിക് മൂവ്മെന്റ് ഓഫ് കേരള (ഡി.എം.കെ) പിന്തുണക്കുന്ന സ്ഥാനാർഥി എൻ.കെ സുധീറിനൊപ്പം ദേശമംഗലം പള്ളം മുസ്‌ലിം ലീഗ് ഓഫീസിലാണ് പി.വി അൻവർ എത്തിയത്. അൻവറിനെ സ്വീകരിക്കുന്നതും മണ്ഡലവുമായി ബന്ധപ്പെട്ട കാര്യങ്ങൾ ചർച്ച ചെയ്യുന്നതും ഉൾപ്പെട്ട വിഡിയോ പുറത്തുവന്നതിന് പിന്നാലെയാണ് വിവാദമായത്.
വിഷയത്തിൽ ലീഗ് ജില്ലാ നേതൃത്വം ദേശമംഗലം പഞ്ചായത്ത് കമ്മിറ്റിയോട് വിശദീകരണം തേടിയിട്ടുണ്ട്. സംഭവം വിവാദമാക്കുന്നത് രാഷ്ട്രീയ ദുരുദ്ദേശത്തോടെയാണെന്നും അൻവറിനോട് കാണിച്ചത് ആതിഥ്യ മര്യാദ മാത്രമാണെന്നും മുസ്‌ലിം ലീഗ് നേതാക്കൾ പ്രതികരിച്ചു.

ലീഗ് ഓഫീസിൽ പി.വി.അൻവർ എം.എൽ.എക്ക് സ്വീകരണം; നേതൃത്വം വിശദീകരണം തേടി

തൂണേരി: വെള്ളൂരിൽ കൊല്ലപ്പെട്ട ഡി.വൈ.എഫ്.ഐ പ്രവർത്തകൻ സി കെ ഷിബിനെതിരെ സാമൂഹിക മാധ്യമങ്ങളിൽ നടത്തുന്ന അപകീർത്തി പ്രചരണത്തിനെതിരെ നാദാപുരം പോലീസിൽ പരാതി. ഷിബിൻ്റെ പിതാവ് സി കെ ഭാസ്കരൻ ആണ് നാദാപുരം പോലീസിൽ പരാതി നൽകിയത്. ഷിബിൻ കൊലകേസിൽ ഏഴ് മുസ്ലിം ലീഗ് പ്രവർത്തകരെ കഴിഞ്ഞ ആഴ്ച ഹൈക്കോടതി ജീവപര്യന്തം തടവിന് ശിക്ഷിച്ചിരുന്നു.&nbsp;
വിധി വന്ന ശേഷമാണ് ഷിബിനെതിരെയും പ്രദേശിക സി പി എം നേതാക്കള്‍ക്കെതിരെയും വ്യാപകമായി അപവാദ പ്രചരണം നടത്തുന്നത്. സമൂഹത്തില്‍ വിദ്വേഷം പ്രചരിപ്പിച്ച് നാടിൻ്റെ സമാധാനം തകര്‍ക്കുന്ന രീതിയില്‍ നടത്തുന്ന വ്യാജ പ്രചരണങ്ങള്‍ നടത്തുന്നവര്‍ക്കെതിരെ കർശന നടപടി സികരിക്കണമെന്ന് പരാതിയിൽ ആവശ്യപ്പെട്ടു.

തൂണേരിയിൽ കൊല്ലപ്പെട്ട ഡി വൈ എഫ് ഐ പ്രവർത്തകൻ ഷിബിനെതിരെ നുണ പ്രചരണം; പോലീസിൽ പരാതി നൽകി പിതാവ്

Nadapuram

കൊച്ചി: അന്തരിച്ച സി.പി.എം നേതാവ് എം.എം ലോറന്‍സിന്റെ മൃതദേഹം മതാചാരപ്രകാരം സംസ്‌കരിക്കണമെന്ന മകള്‍ ആശാ ലോറന്‍സിന്റെ ആവശ്യം ഹൈക്കോടതി തള്ളി. ആശ ഈ ആവശ്യം ഉന്നയിച്ചതിന്റെ അടിസ്ഥാനത്തില്‍ ഹര്‍ജിയില്‍ തീര്‍പ്പാകുന്നതുവരെ മൃതദേഹം സൂക്ഷിക്കാന്‍ കോടതി ഉത്തരവിട്ടിരുന്നു. ഇതിന് അനുകൂലമായാണ് കോടതി ഇപ്പോള്‍ വിധി പുറപ്പെടുവിച്ചിരിക്കുന്നത്.ലോറന്‍സിന്റെ മകനടക്കം മൃതദേഹം വൈദ്യ പഠനത്തിന് കൈമാറാന്‍ തയ്യാറാണെന്ന് അറിയിച്ചിരുന്നു.&nbsp;
കോടതി നേരത്തെ മെഡിക്കല്‍ കോളേജ് പ്രിന്‍സിപ്പളിനോട് തീരുമാനമെടുക്കന്‍ ആവശ്യപ്പെട്ടിരുന്നു. തുടര്‍ന്ന് മെഡിക്കല്‍ കോളേജ് പ്രിന്‍സിപ്പള്‍ ആശ ഉള്‍പ്പടെയുള്ളവരുടെ വാദങ്ങള്‍ കേട്ട ശേഷം മൃതദേഹം ഏറ്റെടുക്കാന്‍ തീരുമാനിച്ചു. ഇത് ആശ ഹൈക്കോടതിയില്‍ ചോദ്യം ചെയ്യുകയായിരുന്നു. ഈ ഹര്‍ജിയാണ് ഇപ്പോള്‍ ഹൈക്കോടതി തള്ളിയിരിക്കുന്നത്.

എം.എം ലോറന്‍സിന്റെ മൃതദേഹം വൈദ്യപഠനത്തിന്; മകൾ ആശയുടെ ഹര്‍ജി ഹൈക്കോടതി തള്ളി

കല്‍പ്പറ്റ: വയനാട് ലോക്‌സഭാ ഉപതിരഞ്ഞെടുപ്പില്‍ കോണ്‍ഗ്രസ് സ്ഥാനാര്‍ഥി പ്രിയങ്കാ ഗാന്ധി നാമനിര്‍ദേശ പത്രിക സമര്‍പ്പിച്ചു.അമ്മ സോണിയ ഗാന്ധി, സഹോദരന്‍ രാഹുല്‍ ഗാന്ധി, ഭര്‍ത്താവ് റോബര്‍ട്ട് വാദ്ര, മകന്‍ റെയ്ഹാന്‍ വാദ്ര, കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ, സംഘടനാ ചുമതലയുള്ള ജനറല്‍ സെക്രട്ടറി കെ.സി വേണുഗോപാല്‍ തുടങ്ങിയവര്‍ പ്രിയങ്കയ്‌ക്കൊപ്പമുണ്ടായിരുന്നു.
പത്രികാ സമര്‍പ്പണ സമയത്ത് സ്ഥാനാര്‍ത്ഥി ഉള്‍പ്പെടെ അഞ്ച് പേര്‍ക്കാണ് കളക്ടറുടെ ചേംബറിലേക്ക് പ്രവേശനം. മകനും ഭർത്താവിനും ഒപ്പം ആദ്യ സെറ്റ് പത്രിക നൽകി. പിന്നീട് അവർ പുറത്ത് പോയ ശേഷമാണ് സോണിയാ ഗാന്ധിയും മല്ലികാർജുൻ ഖാര്‍ഗെയും രാഹുൽ ഗാന്ധിയും ചേംബറില്‍ എത്തിയത്. ഇവരുടെ സാന്നിധ്യത്തിലാണ് രണ്ടാം സെറ്റ് പത്രിക സമർപ്പിച്ചത്.രാവിലെ റോഡ് ഷോയ്ക്കും ജനങ്ങളെ അഭിസംബോധന ചെയ്തതിനും ശേഷമാണ് പ്രിയങ്ക കളക്ടറേറ്റിലെത്തിയത്. കല്‍പ്പറ്റയില്‍ നടന്ന റോഡ് ഷോയില്‍ ആയിരങ്ങളാണ് പങ്കെടുത്തത്.&nbsp;

കന്നിയങ്കത്തിനൊരുങ്ങി  പ്രിയങ്കാ ഗാന്ധി;കുടുംബത്തിനൊപ്പമെത്തി പത്രിക സമർപ്പിച്ചു

നടി മോനിഷ ജീവിച്ചിരുന്നെങ്കിൽ ഉറപ്പായും നടൻ വിനീതിനെ വിവാഹം കഴിക്കുമായിരുന്നെന്ന് വെളിപ്പെടുത്തി സംവിധായകനും നിർമ്മാതാവുമായ ആലപ്പി അഷ്‌റഫ്. ഇരുവരും തമ്മിലുള്ള സൗഹൃദം തനിക്ക് നേരിട്ട് അറിവുള്ളതായിരുന്നെന്നും ആലപ്പി അഷ്‌റഫ് പറയുന്നു.
''മോനിഷ മരിക്കുന്നതിന് ഏതാണ്ട് ഒരു മാസം മുന്നേ മോഹൻലാലിന്റെ ഗൾഫ് ഷോയിൽ പങ്കെടുത്തിരുന്നു. ആ ഗൾഫ് ഷോയിലെ ഏറ്റവും ആകർഷണീയമായ ഐറ്റങ്ങളായിരുന്നു വിനീതിന്റെയും മോനിഷയുടെയും ഡാൻസുകൾ. രണ്ടുപേർക്കും സോളോ ഡാൻസും, ഒന്നിച്ചുള്ളതും ഉണ്ടായിരുന്നു. ഇന്നസെന്റ് എപ്പോഴും വിനീതിനെ വിളിക്കുന്നത് എടാ കോസലാ രാജകുമാരാ എന്നായിരുന്നു. വല്ലപ്പോഴുമൊക്കെ മോഹൻലാലും പറയും, ആ കോസല രാജകുമാരനെ കണ്ടില്ലല്ലോ എന്ന്. അവൻ മോനിഷയുടെ കൂടെ കാണും എന്നായിരുന്നു ഇന്നസെന്റിന്റെ മറുപടി.അത് ശരിയായിരുന്നു. എപ്പോൾ നോക്കിയാലും അവർ രണ്ടുപേരും കളിക്കൂട്ടുകാരെ പോലെ ഒന്നിച്ചായിരുന്നു. ഒന്നിച്ച് ഭക്ഷണം കഴിക്കും, ഷോപ്പിംഗിന് പോകും, തമാശകൾ പറഞ്ഞ് പൊട്ടിച്ചിരിക്കും. ഒരിക്കൽ തമാശ പറയുന്ന കൂട്ടത്തിൽ ഞാൻ ഇന്നസെന്റിനോട് ചോദിച്ചു, നമ്മുടെ കോസല രാജകുമാരന് മോനിഷയോട് പ്രണയമാണെന്നാണ് തോന്നുന്നത്. ഇവർ വിവാഹം കഴിക്കുമായിരിക്കും അല്ലേ? ഇന്നസെന്റ് പറഞ്ഞു, കഴിച്ചാലും നല്ലതല്ലേ, നല്ല കുടുംബക്കാരല്ലേ ഇരുവരുടെതും.ഒരുകാര്യം ഉറപ്പിച്ചു പറയാം. മോനിഷ ജീവിച്ചിരുന്നെങ്കിൽ അവരുടെ വിവാഹം നടക്കുമായിരുന്നു എന്ന് വിശ്വസിക്കുന്ന ആളാണ് ഞാൻ''. - അഷ്റഫിന്റെ വാക്കുകൾ.
1992 ഡിസംബർ 5ന് ചേർത്തലയിൽ വച്ചുണ്ടായ വാഹനാപകടത്തിലാണ് മോനിഷ മരണപ്പെട്ടത്. കരിയറിൽ തിളങ്ങി നിൽക്കവെ 21ാം വയസ്സിൽ ആയിരുന്നു മരണം.&nbsp;
&nbsp;

മോനിഷ ജീവിച്ചിരുന്നെങ്കിൽ ആ നടനെ കല്യാണം കഴിക്കുമായിരുന്നെന്ന് എനിക്കുറപ്പുണ്ട്' ;വെളിപ്പെടുത്തലുമായി ആലപ്പി അഷ്‌റഫ്

വ​ട​ക​ര: ലോ​റി​യി​ടി​ച്ച് ബൈ​ക്ക് യാ​ത്രി​ക​ക്ക് ഗു​രു​ത​ര​മാ​യി പ​രി​ക്കേ​റ്റ കേ​സി​ൽ 83,81,120 രൂ​പ ന​ഷ്ട​പ​രി​ഹാ​രം ന​ൽ​കാ​ൻ വി​ധി. വ​ട​ക​ര ചോ​റോ​ട് ചീ​രോ​ക്ക​ര ഹി​ബ​ക്ക്(36) ഗു​രു​ത​ര​മാ​യി പ​രി​ക്കേ​റ്റ കേ​സി​ലാ​ണ് വ​ട​ക​ര എം.​എ.​സി.​ടി ജ​ഡ്‌​ജ്‌ പി. ​പ്ര​ദീ​പ് ന​ഷ്ട പ​രി​ഹാ​രം വി​ധി​ച്ച​ത്.
വി​ധി തു​ക​യോ​ടൊ​പ്പം 2021 ന​വം​ബ​ർ 23 മു​ത​ൽ എ​ട്ടു​ശ​ത​മാ​നം പ​ലി​ശ​യും കോ​ട​തി​ച്ചെ​ല​വും സ​ഹി​തം ന്യൂ ​ഇ​ന്ത്യ ഇ​ൻ​ഷു​റ​ൻ​സ് ക​മ്പ​നി​യാ​ണ് ന​ഷ്ട പ​രി​ഹാ​രം ന​ൽ​കേ​ണ്ട​ത്. 2020 ആ​ഗ​സ്റ്റ് ആ​റി​നാ​ണ് കേ​സി​നാ​സ്പ​ദ​മാ​യ അ​പ​ക​ട​മു​ണ്ടാ​യ​ത്. ബൈ​ക്കി​ന്റെ പി​ൻ​സീ​റ്റി​ലി​രു​ന്ന ഹി​ബ​യെ വ​ട​ക​ര അ​ട​ക്കാ​ത്തെ​രു ജ​ങ്ഷ​നി​ൽ ലോ​റി​യി​ടി​ക്കു​ക​യാ​യി​രു​ന്നു. അ​ന്യാ​യ​ക്കാ​രി​ക്കു​വേ​ണ്ടി അ​ഡ്വ. വി.​എ. ന​ജീ​ബ് ഹാ​ജ​രാ​യി.

ലോ​റി​യി​ടി​ച്ച് ചോറോട് സ്വദേശിനിക്ക് പ​രി​ക്കേ​റ്റ കേ​സ്; 84 ല​ക്ഷം ന​ഷ്ട​പ​രി​ഹാ​രം ന​ൽ​കാ​ൻ വി​ധി

Vadakara

കൽപറ്റ: കഴിഞ്ഞ 35 വർഷമായി പല തിരഞ്ഞെടുപ്പികളിൽ താൻ പ്രചരണം നടത്തിയിട്ടുണ്ടെന്നും എന്നാൽ ആദ്യമായാണ് തനിക്ക് വേണ്ടി ഒരു പ്രചരണം നടത്തുന്നതെന്നും പ്രിയങ്ക ഗാന്ധി. റോഡ് ഷോയ്ക്ക് ശേഷം പൊതുപരിപാടിയിൽ സംസാരിക്കുകയായിരുന്നു അവർ.രാഹുൽ ഗാന്ധിയും സോണിയയും ഖർഗെയും ഉൾപ്പെടെയുള്ള നേതാക്കൾ കൽപ്പറ്റയിലെ പരിപാടിയിൽ പങ്കെടുത്തു.
'കുറച്ച് നാളുകൾക്ക് മുൻപ് ഞാൻ മുണ്ടക്കെെയിൽ സഹോദരനൊപ്പം വന്നിരുന്നു. അവിടെ എല്ലാം നഷ്ടമായവരെ കണ്ടു. ഉരുൾപൊട്ടലിൽ ജീവിതം ഇല്ലാതായ മനുഷ്യരെ കണ്ടു. ഞാൻ കണ്ട ഓരോരുത്തരും പരസ്പരം സഹായിച്ചുകൊണ്ട് പ്രവർത്തിക്കുകയായിരുന്നു. അത്യാഗ്രഹമില്ലാതെ സ്‌നേഹം മാത്രം നൽകിയാണ് അവർ പരസ്പരം പിന്തുണച്ചത്.വയനാട്ടുക്കാരുടെ ധെെര്യം എന്റെ മനസിനെ ആഴത്തിൽ സ്പർശിച്ചിട്ടുണ്ട്. വയനാടിന്റെ കുടുംബമാവുന്നതിൽ അഭിമാനമുണ്ട്. വളരെയധികം വിചിത്രമായ കാലത്താണ് നാം ജീവിക്കുന്നത്. അധികാരത്തിൽ ഇരിക്കുന്നവർ അധികാരം നൽകിയവർക്കിടയിൽ വിഭജനം സൃഷ്ടിക്കുന്നു. അധികാരത്തിൽ ഇരിക്കുന്നവർ ജനാധിപത്യത്തെ ദുർബലപ്പെടുത്തുന്നു. ഇതല്ല രാഷ്ട്രീയം. സത്യത്തിനും സമത്വത്തിനും നീതിക്കുവേണ്ടിയാണ് നാം പോരാടുന്നത്. വയനാട്ടിലെ പ്രിയപ്പെട്ടവർ എന്റെ സഹോദരനൊപ്പം നിന്നു. നിങ്ങൾ അദ്ദേഹത്തിന് ധെെര്യവും കരുത്തും നൽകി.എന്റെ സഹോദരന് നിങ്ങൾ നൽകിയ പിന്തുണയ്ക്ക് എന്റെ കുടുംബം എന്നും കടപ്പെട്ടിരിക്കും. നിങ്ങൾ നേരിടുന്ന പ്രധാന പ്രശ്നങ്ങളെക്കുറിച്ച് സഹോദരൻ എന്നോട് പറഞ്ഞിട്ടുണ്ട്. പക്ഷേ എനിക്ക് നേരിട്ട് വന്ന് നിങ്ങളോട് സംസാരിക്കണം. വന്യജീവി,മനുഷ്യ സംഘർഷം, മെഡിക്കൽ കോളേജ് ആശുപത്രി, രാത്രിയാത്ര നിരോധനം എന്നിവയ്ക്ക് അപ്പുറം നിങ്ങളുടെ മറ്റ് പ്രശ്നങ്ങളും പരിഹരിക്കണം. ഇത് എന്റെ പുതിയ യാത്ര. എന്റെ ഗുരു നിങ്ങളാണ്',- പ്രിയങ്ക പറഞ്ഞു.

എന്റെ സഹോദരന് നിങ്ങൾ നൽകിയ പിന്തുണയ്ക്ക്  എന്നും കടപ്പെട്ടിരിക്കും ;വയനാട്ടുകാര്‍ക്കായി പോരാടുമെന്ന് പ്രിയങ്ക ഗാന്ധി

തിരുവനന്തപുരം: കണ്ണൂർ എഡിഎം ആയിരുന്ന നവീൻ ബാബുവിന്റെ അകാല വിയോ​ഗം ഏറെ ദുഃഖകരമെന്ന് മുഖ്യമന്ത്രി പിണറായി വിജയൻ. ഒരു ഉദ്യോ​ഗസ്ഥനും ഇത്തരത്തിലുള്ള ​ദുരന്തം ഉണ്ടാവാൻ പാടില്ലെന്നും മുഖ്യമന്ത്രി പറഞ്ഞു.&nbsp;
"നവീൻ ബാബുവിന്റെ അനുഭവം ഒരു ഉദ്യോ​ഗസ്ഥനും ഉണ്ടാകാൻ പാടില്ല. ഇത് ഉറപ്പിക്കുന്ന തരത്തിലുള്ള നടപടികൾ സർക്കാരിന്റെ ഭാ​ഗത്തുനിന്ന് ഉണ്ടാകും. സുതാര്യമായും സത്യസന്ധമായും കാര്യക്ഷമമായും തങ്ങളുടെ കടമകൾ നിർവഹിക്കുന്ന ഒരു ഉദ്യോ​ഗസ്ഥന്റെയും ആത്മാഭിമാനത്തെ ചോദ്യം ചെയ്യാൻ ആരെയും അനുവദിക്കില്ല' - മുഖ്യമന്ത്രി പറഞ്ഞു.
മനുഷ്യസ്നേഹവും സാമൂഹ്യപ്രതിബന്ധതയും ഉദ്യോ​ഗസ്ഥരുടെ മുഖമുദ്രയായിരിക്കണം. സർക്കാർ സേവനമെന്നത് ഇത്തരമൊരു മുഖമുദ്രയോടെ നിർവഹിക്കുന്ന അവസ്ഥ ഉണ്ടാകാണം. തങ്ങളുടെ അധികാരപരിധിയിൽപ്പെട്ട കാര്യങ്ങളിൽ സമബന്ധിതമായി തീരുമാനങ്ങളെടുക്കണം. നിർഭയമായി ചട്ടപ്രകാരം ഉദ്യോ​ഗസ്ഥർക്ക് തങ്ങളുടെ കാര്യങ്ങൾ നിർവഹിക്കാനുള്ള സാഹചര്യമാണ് സർക്കാർ ഒരുക്കുന്നതെന്നും മുഖ്യമന്ത്രി വ്യക്തമാക്കി.

ഒരു ഉദ്യോ​ഗസ്ഥനും ഇത്തരത്തിലുള്ള ​ദുരന്തം ഉണ്ടാവാൻ പാടില്ല ;നവീൻ ബാബുവിന്റെ വിയോ​ഗം ദുഃഖകരമെന്ന് മുഖ്യമന്ത്രി

ചേലക്കര: ചേലക്കരയിലെ എൽഡിഎഫ്‌ സ്ഥാനാർഥി യു ആർ പ്രദീപ്‌ ബുധനാഴ്‌ച നാമനിർദേശ പത്രിക സമർപ്പിച്ചു.
സിപിഐ എം കേന്ദ്ര കമ്മിറ്റി അംഗം കെ രാധാകൃഷ്ണൻ എംപി, സിപിഐ ജില്ലാ സെക്രട്ടറി കെ കെ വത്സരാജ്, സിപിഐ എം സംസ്ഥാന സെക്രട്ടറിയറ്റംഗം പി കെ ബിജു, ജില്ലാ സെക്രട്ടറി എം എം വർഗീസ്‌, സംസ്ഥാന കമ്മിറ്റി അംഗം എ സി മൊയ്‌തീൻ എംഎൽഎ, സേവിയർ ചിറ്റിലപ്പിള്ളി എംഎൽഎ തുടങ്ങിയ നേതാക്കൾ ഒപ്പമുണ്ടായിരുന്നു.യു ആർ പ്രദീപിന്റെ തെരഞ്ഞെടുപ്പ്‌ പ്രചാരണാർഥമുള്ള ചേലക്കര നിയോജക മണ്ഡലം കൺവൻഷൻ 25ന്‌ മുഖ്യമന്ത്രി പിണറായി വിജയൻ ഉദ്‌ഘാടനം ചെയ്യും.&nbsp;

യു ആർ പ്രദീപ്‌ നാമ നിർദേശ പത്രിക സമർപ്പിച്ചു

കൊയിലാണ്ടി: എടിഎമ്മുകളിൽ നിറയ്ക്കാനായി കൊണ്ടുവന്ന പണം കവർച്ചചെയ്ത സംഭവത്തിൽ മുഴുവൻ പണവും കണ്ടെത്താൻ പൊലീസ് അന്വേഷണം. റിമാൻഡിൽ കഴിയുന്ന പ്രതികളെ കസ്‌റ്റഡിയിൽ കിട്ടാൻ പ്രത്യേക അന്വേഷകസംഘം കോടതിയെ സമീപിക്കും. എടിഎമ്മിൽ നിറയ്‌ക്കുന്നതിന് 72.40 ലക്ഷം രൂപയാണ് സുഹൈലിന്റെ പക്കലുണ്ടായിരുന്നതെന്ന് പയ്യോളി സ്വദേശിയായ ഫ്രാഞ്ചൈസിയും ഇന്ത്യാ വൺ എടിഎമ്മിന്റെ മാനേജരും പൊലീസിനെ അറിയിച്ചിരുന്നു. ഇതിൽ 37 ലക്ഷം രൂപ പ്രതികളിലൊരാളായ തിക്കോടി ആവിക്കൽ ഉമ്മർ വളപ്പിൽ മുഹമ്മദ് താഹ (27) താൽക്കാലികമായി ജോലിചെയ്ത കെട്ടിടത്തിലെ മൂന്നാം നിലയിലെ മച്ചിൽനിന്ന്‌ കണ്ടെടുത്തിരുന്നു.&nbsp;
കവർച്ചചെയ്ത പണമെല്ലാം കൈകാര്യംചെയ്തത് താഹയാണ്‌. തിക്കോടിയിലെ ബാങ്കിൽ പണയംവച്ച സ്വർണം തിരിച്ചെടുക്കുന്നതിനായി അഞ്ചുലക്ഷം രൂപ നൽകിയെന്ന്‌ ഇയാൾ മൊഴിനൽകിയിരുന്നു. ഇവരെ കസ്റ്റഡിയിൽ കിട്ടിയതിനുശേഷമേ ഈ തുക തിരിച്ചെടുക്കാൻ കഴിയൂ. ഇയാൾ പലർക്കും ഈ തുകയിൽനിന്ന്‌ പണം നൽകിയിട്ടുണ്ടെന്നാണ്‌ പൊലീസ് നിഗമനം. ബാങ്കിൽ അടച്ചതിനുപുറമെ അഞ്ചുലക്ഷം രൂപ മറ്റൊരാൾക്ക്‌ കൊടുത്തതായും കണ്ടെത്തിയിട്ടുണ്ട്.&nbsp;
പരാതിക്കാരനും പ്രധാന സൂത്രധാരനുമായ ആവിക്കൽ റോഡ് സുഹാന മൻസിൽ സുഹൈൽ (25), കൂട്ടുപ്രതിയും വിദ്യാർഥിയുമായ തിക്കോടി പുതിയവളപ്പിൽ മുഹമ്മദ് യാസർ (21) എന്നിവരും താഹയും റിമാൻഡിലാണ്‌. ഇവരെ കസ്റ്റഡിയിൽ തിരിച്ചുകിട്ടിയാലേ ബാക്കി പണത്തിന്റെ ഉറവിടം കണ്ടെത്താനാവൂ. രണ്ടുകോടി രൂപവരെ എടിഎമ്മിൽ നിറയ്ക്കാനായി കമ്പനി ഫ്രാഞ്ചൈസിക്ക് നൽകാറുണ്ട്‌. സുരക്ഷാ സംവിധാനമൊന്നും ഒരുക്കാതെയാണ് എടിഎമ്മുകളിൽ പണം നിറയ്ക്കാനായി ജീവനക്കാരെ അയക്കാറ്. മിക്കവാറും ടൂവീലറിലാണ്‌ തുകയുമായി സഞ്ചരിക്കാറെന്നും സുഹൈൽ പൊലീസിനോട്‌ സമ്മതിച്ചിട്ടുണ്ട്‌.&nbsp;
സിഐ ശ്രീലാൽ ചന്ദ്രശേഖർ, സബ് ഇൻസ്പെക്ടർമാരായ കെ എസ് ജിതേഷ്, കെ പി ഗിരീഷ്, പി മനോജ് കുമാർ, മനോജ് കുമാർ രാമത്ത്, എഎസ്ഐമാരായ വി സി ബിനീഷ് , ഷാജി, സിവിൽ പൊലീസ് ഓഫീസർമാരായ ഷോബിത്ത്, വിജു വാണിയംകുളം, സതീഷ് എന്നിവരാണ്‌ അന്വേഷക സംഘത്തിലുള്ളത്.

എടിഎമ്മിലേക്കുള്ള പണം തട്ടിയ സംഭവം; 37 ലക്ഷം രൂപ കണ്ടെത്തിയത് കെട്ടിടത്തിലെ മച്ചിൽനിന്ന്‌, ബാക്കി കണ്ടെത്താൻ അന്വേഷണം

Koyilandy

തക്കാളി കൊണ്ട് പല വിഭവങ്ങളും നമ്മള്‍ പരീക്ഷിക്കാറുണ്ട് . എന്നാല്‍ ഇതില്‍ നിന്നെല്ലാം വ്യത്യസ്തമായി ഒരു സൂപ്പ് കൂടി പരീക്ഷിച്ചു നോക്കാം. വളരെ എളുപ്പത്തില്‍ തക്കാളി സൂപ്പ് ഉണ്ടാക്കാം.
ചേരുവകള്‍
തക്കാളി- 200 ഗ്രാം
കാരറ്റ്- 100 ഗ്രാം
ചുവന്നുള്ളി- 4 എണ്ണം
വെള്ളം- 8 ഗ്ലാസ്
വെളിച്ചെണ്ണ- ആവശ്യത്തിന്
തയ്യാറാക്കുന്ന വിധം
തക്കാളിയും കാരറ്റും അരിഞ്ഞ് മിക്സിയില്‍ അടിച്ചെടുത്ത് വെള്ളത്തില്‍ തിളപ്പിക്കുക. ചുവന്നുള്ളി ചെറുതായി അരിഞ്ഞ് അല്‍പം വെളിച്ചെണ്ണയില്‍ വറുത്ത് സൂപ്പിലിടണം. ചെറുചൂടോടു കൂടി കഴിക്കാവുന്നതാണ്.

തക്കാളി കൊണ്ട് സൂപ്പ് ഉണ്ടാക്കി നോക്കിയാലോ

Health

കൊച്ചി: സംസ്ഥാനത്ത് സ്വർണവില വീണ്ടും കുതിച്ചുയരുന്നു. പവന് ഇന്ന് 320 രൂപ കൂടി. ഇതോടെ സ്വർണവില 58, 720ലെത്തി. ഉടൻ തന്നെ വില 59,000 കടക്കുമെന്നാണ് കരുതുന്നത്. ഇന്നലെ പവന് 58,400 രൂപയായിരുന്നു വില. ​ഗ്രാമിന് 40 രൂപ കൂടി 7,340ലെത്തി.
24 കാരറ്റ് സ്വർണത്തിന് 64,056 രൂപയും 18 കാരറ്റിന് 48,048 രൂപയുമാണ് വില. ഡോളർ സൂചികയിലെ കുതിപ്പാണ് ഇപ്പോഴത്തെ വർധനവിന്റെ പ്രധാന കാരണം. വരും ദിവസങ്ങളിലും വില കൂടാനാണ് സാധ്യത. വെള്ളിക്ക് 2 രൂപ കൂടി ​ഗ്രാമിന് 112 രൂപയിലെത്തി.

സ്വർണവിലയിൽ വീണ്ടും കുതിപ്പ്; പവന് 58,720 രൂപ

കൊച്ചി: കരള്‍ ട്രാസ്പ്ലാന്റേഷന്‍ കഴിഞ്ഞ് ഒരു തുണ വേണമെന്ന് തോന്നിയെന്നും അതിനാലാണ് വീണ്ടും വിവാഹിതനായതെന്നും ബാല. നോക്കാന്‍ ഒരാള്‍ വേണമെന്ന് തോന്നി. പുതിയ ബന്ധത്തില്‍ ആത്മവിശ്വാസമുണ്ടെന്നും നല്ല രീതിയില്‍ മുന്നോട്ട് പോകുമെന്ന് തോന്നുവെന്നും ബാല പറഞ്ഞു. വിവാഹത്തിന് ശേഷം മാധ്യമങ്ങളോട് സംസാരിക്കുകയായിരുന്നു താരം.
'എന്റെ സ്വന്തത്തിലുള്ളയാള്‍ തന്നെയാകുമ്പോള്‍ എനിക്ക് ആത്മവിശ്വാസമുണ്ട്. ഒരു വർഷമായിട്ട് നല്ല ഭക്ഷണം കിട്ടുന്നുണ്ട്. നല്ല നേരത്ത് ഉറങ്ങുന്നു. ആരോഗ്യനില മാറി. കൃത്യമായി മരുന്ന് കഴിക്കുന്നു. നിങ്ങളെക്കാളും നല്ല നിലയില്‍ ബ്ലെഡ് റിപ്പോര്‍ട്ടുണ്ട്. എനിക്ക് തോന്നുന്നു നല്ല രീതിയില്‍ മുന്നോട്ട് പോകും. നിങ്ങള്‍ക്ക് അനുഗ്രഹിക്കാന്‍ സാധിക്കുമെങ്കില്‍ അനുഗ്രഹിക്കുക'.- ബാല പറഞ്ഞു.
തമിഴ്‌നാട്ടില്‍ നിന്നുള്ളയാളാണ് കോകില. മലയാളം അറിയില്ല, പഠിച്ചുവരുന്നതേയുള്ളുവെന്നും ബാല പഞ്ഞു. തന്റെ അമ്മയ്ക്ക് വിവാഹ ചടങ്ങിൽ പങ്കെടുക്കാന്‍ സാധിച്ചില്ല. ശാരീരിക ബുദ്ധിമുട്ടുകളുണ്ട്. 74 വയസായി. അമ്മയുടെ ഏറ്റവും വലിയ ആഗ്രഹമായിരുന്നു. അതു പോലെ കോകിലയുടെ ചെറുപ്പത്തിലേയുള്ള ആഗ്രഹം.ഇപ്പോൾ രണ്ടു പേരും വളരെ സന്തോഷത്തിലും സമാധാനത്തിലുമാണെന്നും ബാല കൂട്ടിച്ചേര്‍ത്തു.

നല്ല രീതിയില്‍ മുന്നോട്ട് പോകുമെന്ന വിശ്വാസമുണ്ട് ;വിവാഹത്തെക്കുറിച്ച് ബാല

കുറ്റ്യാടി: നിർദ്ദിഷ്‌ട മൈസൂർ-മാനന്തവാടി -കുറ്റ്യാടി പുറക്കാട്ടിരി ദേശീയ പാതക്കായി ദേശീയ പാത വികസന സമിതിയുടെ ആഭിമുഖ്യത്തിൽ വിപുലമായ ജനകീയ കൂട്ടായ്മ‌ 26 ന് ശനിയാഴ്‌ച രാവിലെ 10.30 ന് കുറ്റ്യാടി ഗ്രാമപഞ്ചായത്ത് സാംസ്കാരിക നിലയിൽ വെച്ച് നടത്തുവാൻ കുറ്റ്യാടിയിൽ ചേർന്ന ദേശീയ പാത വികസന സമിതി യോഗം തീരുമാനിച്ചു. യാതൊരു സാങ്കേതിക പ്രശ്‌നങ്ങളോ പാരിസ്ഥിതി പ്രശന്ങ്ങളോ ഇല്ലാത്ത വന സംരക്ഷണം ഉറപ്പ് വരുത്തുന്ന രാത്രികാല നിരോധനം നടപ്പിലാക്കാത്ത ഏക പാതയാണിത്.&nbsp;
ഈ ദേശീയ പാത നടപ്പിലാക്കുവാൻ കേന്ദ്ര ഗവൺമെൻ്റ് തത്വത്തിൽ തീരുമാനിച്ചിട്ടുണ്ട്. പാതക്കായി 7134/- കോടി രൂപ വകയിരുത്തിയതായി കേന്ദ്ര ഉപരിതല ഗതാഗത മന്ത്രി നിധിൻ ഗഡ്‌കരി അറിയിച്ചിട്ടുണ്ട്. പദ്ധതി വേഗത്തിൽ നടപ്പിലാക്കുവാൻ പാത കടന്ന് പോകുന്ന വിവിധ മണ്‌ഡലങ്ങളിലെ ഇ എംമാർ, എം എൽ എമാർ, പഞ്ചായത്ത് പ്രതിനിധികൾ, വിവിധ രാഷ്ട്രീയ കക്ഷി നേതാക്കൾ എന്നിവർ നേത്യത്വപരമായ പങ്ക് ഏറ്റെടുക്കേണ്ടത് ആവശ്യമാണെന്ന് യോഗം വിലയിരുത്തി. കേന്ദ്ര-സംസ്ഥാന ഗവൺമെൻ്റിൽ സമ്മർദ്ദം ചെലുത്തി പദ്ധതി എത്രയും വേഗം യാഥാർത്ഥ്യമാക്കുവാൻ ജനപ്രതിനിധികളിൽ സമ്മർദ്ദം ചെലുത്തുക എന്നതാണ് ഈ കൂട്ടായ്‌മയുടെ ലക്ഷ്യമെന്ന് ഭാരവാഹികളായ കെ.എ. ആന്റണി, പി.പി.ആലിക്കുട്ടി, സോജൻ ആലക്കൽ, കെ.സി.കൃഷ്‌ണൻ എന്നിവർ അറിയിച്ചു.
ജനകീയ കൂട്ടായ്മ‌ കെ.പി.കുഞ്ഞമ്മത് കുട്ടി എം എൽ എ ഉദ്ഘാടനം ചെയ്യും. ഇ.കെ.വിജയൻ എം എൽ എ , കുന്നുമ്മൽ ബ്ലോക്ക് പഞ്ചായത്ത് പ്രസിഡണ്ട് കെ.പി.ചന്ദ്രി, കുറ്റ്യാടി ഗ്രാമ പഞ്ചായത്ത് പ്രസിഡണ്ട് നഫീസ ഒ ടി , പഞ്ചായത്ത് പ്രസിഡണ്ടുമാരായ പി.ജി ജോർജ്ജ്, ഷിജിൽ ഒ.പി, വിവിധ രാഷ്ട്രീയ കക്ഷി നേതാക്കൾ, പൊതു പ്രവർത്തകരും യോഗത്തിൽ സംസാരിക്കും. കുറ്റ്യാടിയിൽ ചേർന്ന ദേശീയപാത വികസന സമിതി യോഗത്തിൽ ചെയർമാൻ കെ.എ. ആൻ്റണി അദ്ധ്യക്ഷത വഹിച്ചു. ഡൊമിനിക് കളത്തൂർ, റോബിൻ ജോസഫ്, ജോൺസൻ, രഘുനാഥ്.സി.പി, അഭിലാഷ്.പി. അരുൺ, സോജൻ ജേക്കബ്, ബിജോയ്.കെ., അഡ്വക്കറ്റ് ജോർജ്ജ് വാതുപറമ്പിൽ തുടങ്ങിയവർ പ്രസംഗിച്ചു.

മൈസൂർ-മാനന്തവാടി -കുറ്റ്യാടി ദേശീയ പാത; ജനകീയ കൂട്ടായ്‌മ 26 ന്

Kuttiadi

കാറൽമണ്ണ: കാറൽമണ്ണ നരിപ്പറ്റ മനയ്ക്കൽ നരിപ്പറ്റ നാരായണൻ നമ്പൂതിരി (77) അന്തരിച്ചു.പ്രശസ്ത കഥകളി നടനും കീഴ്പടം കുമാരൻ നായരുടെ ശിഷ്യനും വേഷം സദനം കഥകളി അക്കാദമിയിൽ ഉൾപ്പെടെ അധ്യാപകനുമായിരുന്നു.ബുധനാഴ്ച പുലർച്ചെ 2.13 ഓടെയായിരുന്നു അന്ത്യം. ന്യുമോണിയ ബാധയെ തുടർന്ന് ഏതാനും ദിവസമായി സ്വകാര്യ ആശുപത്രിയിൽ ചികിത്സയിലായിരുന്നു.
കഥകളിയിൽ എല്ലാ വേഷങ്ങളും കെട്ടിയിരുന്ന നരിപ്പറ്റ നാരായണൻ നമ്പൂതിരി ഹനുമാൻ, ബ്രാഹ്മണൻ, ഹംസം, കാട്ടാളൻ വേഷങ്ങളിലാണ് കൂടുതൽ തിളങ്ങിയത്.സംസ്കാരം ബുധനാഴ്ച വൈകിട്ട് നാലിന് കാറൽമണ്ണയിലെ മന വളപ്പിൽ.

കഥകളി നടൻ നരിപ്പറ്റ നാരായണൻ നമ്പൂതിരി അന്തരിച്ചു

തൊടുപുഴ: പാമ്പുകടിയേറ്റ് ചികിത്സയിലിരുന്ന വീട്ടമ്മ മരിച്ചു. പെരുമ്പിള്ളിച്ചിറ പ്ലാത്തോട്ടത്തിൽ ആയിഷയാണ് (42) മരിച്ചത്. ശനിയാഴ്ച രാവിലെയായിരുന്നു സംഭവം.
വീട്ടിൽ അടുക്കിവെച്ചിരുന്ന വിറക് മാറ്റിയിടുന്നതിനിടെ പാമ്പിന്‍റെ കടിയേൽക്കുകയായിരുന്നു. തുടർന്ന് കോലഞ്ചേരി മെഡിക്കൽ കോളേജിൽ തീവ്ര പരിചരണ വിഭാഗത്തിൽ പ്രവേശിപ്പിച്ചു. ചികിത്സയിലിരിക്കെ തിങ്കളാഴ്ച വൈകിട്ടോടെയാണ് മരണം സംഭവിച്ചത്. കബറടക്കം നടത്തി. ഭർത്താവ്: നവാസ്. മക്കൾ: അസ്ലം, അൻസാം.

വിറക് മാറ്റിയിടുന്നതിനിടെ പാമ്പിന്‍റെ കടിയേറ്റു ; ചികിത്സയിലിരുന്ന വീട്ടമ്മ മരിച്ചു

കല്‍പറ്റ: പ്രിയങ്കാ ഗാന്ധിയുടെ തിരഞ്ഞെടുപ്പ് കന്നിയങ്കത്തിന് വേദിയാകുന്ന വയനാട്ടില്‍ വന്‍ജനാവലിയെ അണിനിരത്തി യുഡിഎഫിന്റെ റോഡ് ഷോ. പ്രിയങ്കയ്‌ക്കൊപ്പം രാഹുല്‍ ഗാന്ധിയും മല്ലികാര്‍ജുന്‍ ഖാര്‍ഗെയും രേവന്ത്‌ റെഡ്ഡിയും കെ.സുധാകരനും, പി.കെ കുഞ്ഞാലിക്കുട്ടിയും സാദിഖലി തങ്ങളും അണിനിരക്കുന്നു. പ്രിയങ്കയുടെ ഭര്‍ത്താവ് റോബര്‍ട്ട് വദ്രയും മകനും റോഡ്‌ഷോ വാഹനത്തില്‍ പ്രിയങ്കയോടൊപ്പം ജനങ്ങളെ അഭിവാദ്യം ചെയ്തു. പ്രിയങ്കയുടെ വരവ് ആഘോഷമാക്കി മാറ്റിയ യുഡിഎഫ് പ്രവര്‍ത്തകരെ കൊണ്ട് നിരത്തുകള്‍ നിറഞ്ഞു.
സോണിയാഗാന്ധിയും രാഹുല്‍ ഗാന്ധിയും പ്രിയങ്കാഗാന്ധിയും ഒന്നിച്ചൊരു തിരഞ്ഞെടുപ്പ് പ്രചരണത്തിന് പങ്കെടുക്കുന്നത് കേരളത്തില്‍ ഇതാദ്യമാണ്. വയനാട്ടില്‍ യുഡിഎഫിന്റെ കരുത്ത് തെളിച്ചുകൊണ്ടുള്ള റോഡ് ഷോയ്ക്ക് ശേഷമാകും പ്രിയങ്കയുടെ പത്രിക സമര്‍പ്പണം. ആറുലക്ഷത്തിലധികം വോട്ടുകള്‍ക്ക് തങ്ങള്‍ പ്രിയങ്കയെ ജയിപ്പിക്കുമെന്നാണ് പ്രവര്‍ത്തകര്‍ പറയുന്നത്. അയല്‍ ജില്ലകളിലെയും പ്രവര്‍ത്തകര്‍ റോഡ് ഷോയില്‍ പങ്കെടുക്കുന്നുണ്ട്. പ്രിയങ്കാഗാന്ധിയുടെ സ്ഥാനാര്‍ഥിത്വത്തിന് പിന്തുണയേകി വനിതാ പ്രവര്‍ത്തകരുടെ വലിയൊരു നിര തന്നെ കല്‍പറ്റ നഗരത്തില്‍ നിറഞ്ഞുനില്‍ക്കുന്നുണ്ട്.

വയനാട്ടിൽ പ്രിയങ്കാ തരംഗം; റോഡ് ഷോ പുരോഗമിക്കുന്നു;വൻ ജന പങ്കാളിത്തം

വടകര: ചോറോട് എരഞ്ഞോളി മീത്തൽ ഓമന അമ്മ (93) അന്തരിച്ചു. ഭർത്താവ്: പരേതനായ നാണു കുറുപ്പ്. മക്കൾ; സുരേഷ്ബാബു, സുനിൽകുമാർ ( ഖത്തർ ), സുജയ(പൂനൈ), സുധ (സെന്റ് മീരാസ് പബ്ളിക്ക് സ്ക്കൂൾ, പേരാമ്പ്ര), സുധീഷ് (എസ് എസ് ഓട്ടോ ലിങ്ക്സ്,വടകര),പരേതനായ വേണുഗോപാൽ. മരുമക്കൾ: അനിത, പത്മജ, വിജയൻ, ജ്യോതിമണി, പരേതനായ രാജൻ. സഹോദരങ്ങൾ: ലീലാവതി. ബാലാമണി, പരേതനായ ശ്രീധരൻ നമ്പ്യാർ.&nbsp;

ചോറോട് എരഞ്ഞോളി മീത്തൽ ഓമന അമ്മ അന്തരിച്ചു

Obituary

നടൻ ബാലയുടെ വിവാഹത്തിന് പിന്നാലെ ഫേസ്‌ബുക്ക് പോസ്റ്റുമായി മുൻ ഭാര്യയും ഗായികയുമായ അമൃത സുരേഷ്. ക്ഷേത്ര ദർശനത്തിന് ശേഷം നിറ ചിരിയോടെ നിൽക്കുന്ന ചിത്രമാണ് ഗായിക പങ്കുവച്ചിരിക്കുന്നത്. ഒരു കൂപ്പ്‌കെെയുടെ ചിഹ്നവും പോസ്റ്റിൽ കുറിച്ചിട്ടുണ്ട്. പിന്നാലെ അമൃതയെ പിന്തുണയിക്കുന്ന കമന്റും ലെെക്കും പോസ്റ്റിന് ലഭിക്കുന്നുണ്ട്.
'ആ ചിരിയിൽ എല്ലാമുണ്ട്','ഇത്രയും മനസമാധാനത്തോടെ നിറഞ്ഞ ചിരി ചിരിക്കുന്നത് കുറെ കാലങ്ങൾക്ക് ശേഷമാണ് കാണുന്നത്', 'എന്നും നന്മകൾ ഉണ്ടാകട്ടെ', 'കഷ്ടകാലവും, ബാധ ഉപദ്രവവും ഒക്കെ പോയി..ഈ സന്തോഷം എന്നും നിലനിൽക്കട്ടെ', 'ക്യാപ്ഷന്റെ ആവശ്യം ഇല്ല എല്ലാം ഈ ഫോട്ടോയിൽ ഉണ്ട്' 'അമൃതയുടെ പ്രാർത്ഥന ദൈവം കേട്ടു... ഇനി സമാധാനം ഉണ്ടാകട്ടെ' 'എന്തായാലും ഇന്ന് ചിരി നിറഞ്ഞ മുഖം സോഷ്യൽ മീഡിയയിൽ ഇട്ടത് വളരെ നന്നായി', തുടങ്ങി നിരവധി കമന്റുകളാണ് വരുന്നത്.

ബാലയുടെ വിവാഹത്തിന് പിന്നാലെ ഫേസ്‌ബുക്ക് പോസ്റ്റുമായി അമൃത സുരേഷ്

വയനാട്: താൻ മാറുമ്പോൾ തന്റെ ശിഷ്യന് സീറ്റ് എന്നതാണ് കോൺഗ്രസിന്റെ രാഷ്ട്രീയമെന്ന് പരിഹസിച്ച് കെ.ബി ഗണേശ് കുമാർ. രാഹുൽ മാങ്കൂട്ടത്തിലിന്റെ സ്ഥാനാർത്ഥിത്വത്തെ പരിഹസിച്ചുകൊണ്ടാണ് ഗണേശിന്റെ പ്രതികരണം. വികസനമാണ് ലക്ഷ്യമെങ്കിൽ എൽഡിഎഫ് സ്ഥാനാർത്ഥിക്ക് വോട്ട് ചെയ്യണമെന്നും ഗണേഷ് ആവശ്യപ്പെട്ടു.
ഗണേശിന്റെ വാക്കുകൾ-
പാലക്കാടൊക്കെ ഇടതുപക്ഷം വൻ വിജയം നേടും. പഴയകാലാവസ്ഥയല്ല. എൽഡിഎഫിന്റെ മതേതര നിലപാടുകളിൽ ജനങ്ങൾക്ക് വലിയ വിശ്വാസമുണ്ട്. സർക്കാരിനെതിരെ നെഗറ്റീവ് ആയിട്ടുള്ള വാർത്തകൾ തിരിച്ചുവിടാൻ ഒരു സംഘം ശ്രമിക്കുന്നുണ്ട്. അതൊന്നും ജനങ്ങൾ വിശ്വസിക്കില്ല. ഇന്ത്യയിലെ ജനങ്ങൾ ജനാധിപത്യത്തിന്റെ കാര്യത്തിൽ നല്ല ബോധ്യമുള്ളവരാണ്. വികസനത്തിൽ വളരെ പിറകിലാണ് പാലക്കാട്. വികസനമാണ് ലക്ഷ്യമെങ്കിൽ എൽഡിഎഫ് സ്ഥാനാർത്ഥിക്ക് വോട്ട് ചെയ്യണം.പി.സരിന്റെ രാഷ്‌ട്രീയ കാഴ്‌ചപ്പാട് വളരെ വ്യക്തതയുള്ളതാണ്. ഞാൻ ഇറങ്ങുമ്പോൾ എന്റെ പിൻഗാമിയെ കണ്ടുവയ്‌ക്കുന്നത് ശരിയാണോ? ഇതെന്ത് സ്ഥാനാർത്ഥി നിർണയമാണെന്നേ ചോദിച്ചുള്ളൂ. ചില ആളുകൾ പച്ച പിടിക്കുന്നു. അവരുടെ തണലിൽ മറ്റുചിലർ വളരുന്നു. അവർക്ക് മാത്രമേ രക്ഷയുള്ളൂ. പിടിപാടുള്ളവർക്ക് കൊള്ളാം എന്നതാണ് കോൺഗ്രസിന്റെ രാഷ്‌ട്രീയം.വയനാടിന്റെ കാര്യത്തിൽ വന്നവർ എന്തെങ്കിലുമൊക്കെ ചെയ‌്താൽ കുഴപ്പമില്ല. വന്നിട്ടങ്ങ് പോകരുത്. ആര് എവിടുന്ന് വരുന്നതിലും കുഴപ്പമില്ല. നാട്ടുകാർക്ക് എന്തെങ്കിലും ഉപകാരമുണ്ടാകണമെന്ന് നാട്ടുകാർ ഓർത്താൽ മതി. എം.പിയെ കാണാൻ ഡൽഹിക്ക് പോകേണ്ടി വരരുത്. എം.പിയുടെ പ്രതിനിധിയെ കണ്ടിട്ട് കാര്യമില്ലല്ലോ?

'ഞാൻ പോകുമ്പോൾ എന്റെ ശിഷ്യനെ അവിടെ വച്ചോണം എന്ന് പറയുന്നത് മര്യാദയാണോ' ;ഷാഫിയെ പരിഹസിച്ച് ഗണേശ് കുമാർ

പാലക്കാട്: 2021 നിയമസഭാ തിരഞ്ഞെടുപ്പില്‍ ഇടതുപക്ഷക്കാര്‍ ഷാഫി പറമ്പിലിന് വോട്ടുചെയ്തുവെന്ന പി.സരിന്റെ അഭിപ്രായം ആവര്‍ത്തിച്ച് സി.പി.എം. കേന്ദ്ര കമ്മിറ്റിയംഗം എ.കെ.ബാലന്‍. സരിന്‍ പറഞ്ഞതില്‍ ഒരു അപകടവുമില്ല. സി.പി.എമ്മിന്റെയോ എല്‍.ഡി.എഫ്. ഘടകകക്ഷികളുടേതോ അല്ലാത്ത ഒരു വിഭാഗം വോട്ട് ഞങ്ങള്‍ക്കുണ്ട്. ആ വോട്ടിന്റെ ഒരുഭാഗം കോണ്‍ഗ്രസിലേക്ക് പോയി. ബി.ജെ.പി. ജയിക്കാന്‍ പാടില്ല എന്നുള്ളത് കൊണ്ടാണ് ഇങ്ങനെയുണ്ടായതെന്നും എ.കെ. ബാലന്‍ പറഞ്ഞു.
ഈ തിരഞ്ഞെടുപ്പില്‍ പാലക്കാട് മണ്ഡലത്തില്‍ ബി.ജെ.പി. ഇപ്പോള്‍ മുന്നാം സ്ഥാനത്ത് പോലുമില്ല. വേറെ ആരെങ്കിലുമുണ്ടെങ്കില്‍ അവരായിരിക്കും മൂന്നാമത് എത്തുക. ഇവിടെ മത്സരം എല്‍.ഡി.എഫും യു.ഡി.എഫും തമ്മിലാണ്. യു.ഡി.എഫില്‍ നിന്നുകൊണ്ട് എല്‍.ഡി.എഫിനും സി.പി.എമ്മിനും മുഖ്യമന്ത്രിക്കുമെതിരെ ഏതെല്ലാം തരത്തിലുള്ള തുറുപ്പുചീട്ടുകള്‍ ഇറക്കിയിട്ടുണ്ടോ അതിന് ആരൊക്കെയാണോ കാരണക്കാര്‍ അവരെക്കൊണ്ടുതന്നെ തിരിച്ചുപറയിപ്പിക്കും. അതിനുള്ള അവസരങ്ങള്‍ ഞങ്ങള്‍ ഉപയോഗിക്കുമെന്നും എ.കെ.ബാലന്‍ പറയുന്നു.

എല്‍.ഡി.എഫിന് കിട്ടേണ്ട ഒരുവിഭാഗം വോട്ടുകള്‍ ഷാഫിക്ക് പോയി ;സരിൻ പറഞ്ഞത് ആവര്‍ത്തിച്ച് എ.കെ.ബാലന്‍

കല്‍പറ്റ: വയനാട് ഉപതിരഞ്ഞെടുപ്പില്‍ പ്രിയങ്കാ ഗാന്ധി നാമിര്‍ദ്ദേശപത്രിക സമര്‍പ്പിക്കുന്ന നിമിഷത്തിന് സാന്നിധ്യമാകാന്‍ രാഹുല്‍ ഗാന്ധി വയനാട്ടിലെത്തി. കല്‍പറ്റ സെന്റ്.മേരീസ് കോളേജ് ഗ്രൗണ്ടില്‍ ഹെലികോപ്റ്ററില്‍ കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെയ്ക്കൊപ്പമാണ് രാഹുലെത്തിയത്. കോണ്‍ഗ്രസിലെ പ്രമുഖ ദേശീയ-പ്രാദേശിക നേതാക്കള്‍ രാഹുലിനെ സ്വീകരിക്കാന്‍ മുന്‍നിരയിലുണ്ടായിരുന്നു.
തന്റെ കന്നിയങ്കം കുറിക്കാനായി എ.ഐ.സി.സി ജനറല്‍ സെക്രട്ടറി പ്രിയങ്ക ഗാന്ധി ഇന്ന് വയനാട്ടില്‍ നാമനിര്‍ദേശ പത്രിക സമര്‍പ്പിക്കും. വയനാട് ലോകസഭാമണ്ഡലം ഉപതിരഞ്ഞെടുപ്പില്‍ യു.ഡി.എഫ് സ്ഥാനാര്‍ഥിയായി നാമനിര്‍ദ്ദേശ പത്രിക നല്‍കുന്നതിന് മുന്നോടിയായി പ്രിയങ്കയുടെയും കോണ്‍ഗ്രസ് ദേശീയ-പ്രാദേശിക നേതാക്കളുടെയും നേതൃത്വത്തില്‍ റോഡ് ഷോയും നടത്തുന്നുണ്ട്. പ്രിയങ്കയ്ക്കൊപ്പം മാതാവും കോണ്‍ഗ്രസ് പാര്‍ലമെന്ററി പാര്‍ട്ടി അധ്യക്ഷയുമായ സോണിയാഗാന്ധിയും വയനാട്ടില്‍ എത്തിയിട്ടുണ്ട്. വയനാട്ടില്‍ സോണിയയുടെ പ്രഥമസന്ദര്‍ശനമാണിത്.

പ്രിയങ്കയെ പിന്തുണയ്ക്കാൻ രാഹുൽ ​ഗാന്ധി വയനാട്ടിൽ; സ്വീകരിച്ച് നേതാക്കൾ

കണ്ണൂർ: ചെങ്ങളായി വളക്കൈയിൽ വെസ്റ്റ് നൈൽ പനി സ്ഥിരീകരിച്ചു. രോഗബാധിതയായ 19-കാരി മംഗളൂരുവിലെ ആസ്പത്രിയിൽ ചികിത്സയിലാണ്. ഇവരുടെ ആരോഗ്യനില തൃപ്തികരമാണ്.&nbsp;
ഈ വർഷം സംസ്ഥാനത്ത് 28 കേസുകൾ സ്ഥിരീകരിച്ചിട്ടുണ്ട്. ആറുപേർ മരിച്ചു. അണുബാധയുള്ള പക്ഷികളെ കടിച്ച കൊതുകുകൾ മനുഷ്യരെ കടിക്കുമ്പോഴാണ് വൈറസ് മനുഷ്യരിലേക്ക് എത്തുന്നത്. മനുഷ്യരിൽനിന്ന് മനുഷ്യരിലേക്ക് പകരില്ല.
ജില്ലാ മെഡിക്കൽ ഓഫീസർ ഡോ. പീയൂഷ് എം. നമ്പൂതിരിപ്പാടിന്റ നിർദേശ പ്രകാരം പ്രദേശത്ത് വിദഗ്ധസംഘമെത്തി. ആരോഗ്യ ദ്രുതകർമസേന യോഗം ചേർന്നു. വെസ്റ്റ് നൈൽ പനി റിപ്പോർട്ട്‌ ചെയ്ത കുട്ടിയുടെ വീട് സംഘം സന്ദർശിച്ചു. കൊതുകിന്റെ ഉറവിടം കണ്ടെത്താൻ പരിശോധന നടത്തി. ചത്ത നിലയിൽ കണ്ട പക്ഷിയുടെ ജഡം പരിശോധനയ്ക്കെടുത്തിട്ടുണ്ട്. പ്രദേശത്ത് പക്ഷികൾ അസ്വാഭാവികമായി ചത്ത് വീഴുന്ന സാഹചര്യം ഉണ്ടെങ്കിൽ ഉടൻ ബന്ധപ്പെട്ടവരെ അറിയിക്കണമെന്ന് നിർദേശമുണ്ട്.

കണ്ണൂരില്‍ 19കാരിയ്ക്ക് വെസ്റ്റ് നൈല്‍ പനി സ്ഥിരീകരിച്ചു

Kannur

കണ്ണൂര്‍: എഡിഎം നവീന്‍ ബാബു മരിച്ച സംഭവത്തില്‍ കണ്ണൂര്‍ മുന്‍ ജില്ലാ പഞ്ചായത്ത് പ്രസിഡന്റ് പി.പി ദിവ്യയ്‌ക്കെതിരെ ലുക്ക് ഔട്ട് പുറപ്പെടുവിച്ച് യൂത്ത് കോൺ​ഗ്രസ് കണ്ണൂർ ജില്ലാ കമ്മിറ്റി. കോണ്‍ഗ്രസ് കേരളയെന്ന എക്സ് പേജിലാണ് ലുക്ക് ഔട്ട് നോട്ടീസ് പങ്കുവെച്ചിട്ടുള്ളത്.
കണ്ടുപിടിച്ച് കൊടുക്കുന്നവര്‍ക്ക് ഒരു ലക്ഷം രൂപ ഇനാം നൽകുമെന്നും എക്സ് പോസ്റ്റിലുണ്ട്. കണ്ടുകിട്ടുന്നവര്‍ തൊട്ടടുത്തുള്ള പോലീസ് സ്‌റ്റേഷനിലോ കോണ്‍ഗ്രസ് ഓഫീസിലോ അറിയിക്കണമെന്നും നോട്ടീസില്‍ പറയുന്നു.
നോട്ടീസില്‍ പറയുന്നത്
ADM നവീന്‍ ബാബു മരിച്ച കേസിലെ പ്രതി പി.പി. ദിവ്യയെ കണ്ടെത്താന്‍ കേരളാ പോലീസിനെ സഹായിക്കുന്നവര്‍ക്ക് INCKerala വക ഒരു ലക്ഷം രൂപ ഇനാം. ദിവ്യ എവിടെയെന്നെന്നറിയുന്നവര്‍ തൊട്ടടുത്ത പോലീസ് സ്റ്റേഷനിലോ കോണ്‍ഗ്രസ് ഓഫീസിലോ അറിയിക്കുക!

'ദിവ്യയെ കണ്ടെത്താന്‍ സഹായിക്കുന്നവര്‍ക്ക് ഒരു ലക്ഷം'; ലുക്ക് ഔട്ട് നോട്ടീസ് പുറപ്പെടുവിച്ച് യൂത്ത് കോണ്‍ഗ്രസ്‌

ന്യൂഡല്‍ഹി: ലോഗോ പരിഷ്‌കരിച്ച് ബിഎസ്എൻഎൽ. കണക്ടിങ് ഇന്ത്യ എന്നത് മാറ്റി കണക്ടിങ് ഭാരത് എന്നാണ് മാറ്റം വരുത്തിയത്. നീലയും ചുവപ്പും നിറങ്ങള്‍ മാറ്റി ദേശീയ പതാകയിലെ നിറങ്ങളും നല്‍കി. ഇന്ത്യയുടെ ഭൂപടവും ലോഗോയില്‍ ഉള്‍പ്പെടുത്തിയിട്ടുണ്ട്.
കേന്ദ്ര ടെലികോം മന്ത്രി ജ്യോതിരാദിത്യ സിന്ധ്യയാണ് ഡല്‍ഹിയിലെ ബിഎസ്എന്‍എല്‍ ആസ്ഥാനത്ത് നടന്ന ചടങ്ങില്‍ പുതിയ ലോഗോ അനാച്ഛാദനം ചെയ്തത്. സുരക്ഷിതമായും വിശ്വസനീയമായും താങ്ങാവുന്ന ചെലവിലും ഭാരതത്തെ ബന്ധിപ്പിക്കുകയെന്നതിനെയാണ് പുതിയ ലോഗോയിലൂടെ വ്യക്തമാക്കുന്നതെന്ന് ബിഎസ്എന്‍എല്‍ വ്യക്തമാക്കി.
നേരത്തെ ദൂരദര്‍ശന്‍ ഇംഗ്ലീഷ്, ഹിന്ദു വാര്‍ത്താ ചാനലുകളുടെ ലോഗോയില്‍ നിറം മാറ്റിയത് ചര്‍ച്ചയായിരുന്നു. ഡിഡി ന്യൂസിന്റെ ലോഗോയുടെ നിറം കാവിയാക്കുകയായിരുന്നു. നിറത്തില്‍ മാത്രമാണ് മാറ്റമെന്നും മൂല്യങ്ങള്‍ അതേപടി നിലനിര്‍ത്തുമെന്നുമാണ് അന്ന് ദൂരദര്‍ശന്‍ പ്രതികരിച്ചത്. എന്നാല്‍ നിറം മാറ്റത്തിനെതിരെ പ്രതിപക്ഷ കക്ഷികള്‍ രംഗത്തെത്തിയിരുന്നു. സമ്പൂര്‍ണ്ണ കാവി വല്‍ക്കരണത്തിന്റെ ഭാഗമായിട്ടാണ് നിറം മാറ്റം എന്നായിരുന്നു വിമര്‍ശനം.

കണക്ടിങ് ഇന്ത്യയല്ല; ഇനി കണക്ടിങ് ഭാരത്; ലോഗോ മാറ്റി ബിഎസ്എന്‍എല്‍

വാഷിങ്ടൺ: യു.എസിൽ മക്ഡോണാൾഡ്സ് ഔട്ട്​ലെറ്റുകളിൽ നിന്ന് ഭക്ഷണം കഴിച്ചവർക്ക് ഭക്ഷ്യവിഷബാധ. മക്ഡോണാൾഡ്സിൽ നിന്നും ഹാംബർഗ് കഴിച്ചവർക്കാണ് ഭക്ഷ്യവിഷബാധയേറ്റത്. യു.എസ് സെന്റർ ഫോർ ഡിസീസ് കൺട്രോളാണ് ഭക്ഷ്യവിഷബാധയേറ്റ വിവരം അറിയിച്ചത്.
10 യു.എസ് സ്റ്റേറ്റുകളിൽ 49 പേർക്കാണ് ഭക്ഷ്യവിഷബാധ. ഇതിൽ ഒരാൾ മരിക്കുകയും ചെയ്തു. പത്ത് പേരെ ആശുപത്രിയിൽ പ്രവേശിപ്പിച്ചിട്ടുണ്ട്. ഇതിൽ ഒരു കുട്ടിയും ഉൾപ്പെടുന്നു. ഇ​-കോളി ബാക്ടീരിയയുടെ സാന്നിധ്യം മക്ഡോണാൾഡ്സിന്റെ ഹാംബർഗിൽസ്ഥിരീകരിച്ചുവെന്നാണ് സൂചന. കൊളറാഡോ, നെബ്രാസ്ക എന്നിവിടങ്ങളിലാണ് സ്ഥിതി ഗുരുതരമായി തുടരുന്നത്.
സംഭവത്തിൽ അന്വേഷണം തുടങ്ങിയതായി സി.ഡി.സി അറിയിച്ചു. ഹാംബർഗിലുള്ള ഉള്ളിയുടെ സാന്നിധ്യമാണ് ഭക്ഷ്യവിഷബാധക്ക് കാരണമായതെന്നാണ് സൂചന. ഹാംബർഗിൽ ഉള്ളിയും ബീഫും ഉപയോഗിക്കുന്നത് നിരവധി സംസ്ഥാനങ്ങളിൽ മക്ഡോണാൾഡ്സ് നിരോധിച്ചിട്ടുണ്ട്. മക്ഡോണാൾഡ്സിന്റെ ക്വാർട്ടർ പൗണ്ടേഴ്സ് ഹാംബർഗിൽ ഉപയോഗിക്കുന്ന ഉള്ളിയും ബീഫുമാണ് മക്ഡോണാൾഡ്സ് നിരോധിച്ചിരിക്കുന്നത്.ഉള്ളിയാണോ ഭക്ഷ്യവിഷബാധക്ക് കാരണമായതെന്നതിൽ വിശദമായ അന്വേഷണം നടക്കുകയാണെന്നും മക്ഡോണാൾഡ്സ് അറിയിച്ചു.&nbsp;

മക്ഡോണാൾഡ്സിൽ ഭക്ഷ്യവിഷബാധ; ഒരാൾ മരിച്ചു, നിരവധിപേർ ചികിത്സയിൽ

ബെംഗളൂരു: നഗരത്തില്‍ ദുരിതം വിതച്ച് കനത്ത മഴ. ഈസ്റ്റ് ബെംഗളൂരുവിലെ ഹൊറമാവ് അഗാരയില്‍ നിര്‍മാണത്തിലിരിക്കുന്ന കെട്ടിടം തകര്‍ന്ന് അഞ്ചുപേര്‍ മരിച്ചു. കെട്ടിടാവശിഷ്ടങ്ങള്‍ക്കിടയില്‍ കുടുങ്ങിയ 13 പേരെ രക്ഷപ്പെടുത്തിയെന്നാണ് റിപ്പോര്‍ട്ടുകള്‍. കൂടുതല്‍ ആളുകള്‍ കുടുങ്ങിയിട്ടുണ്ടാകാമെന്നാണ് വിലയിരുത്തലുകള്‍. ഡോഗ് സ്‌ക്വാഡ് ഉള്‍പ്പെടെയെത്തി തിരച്ചില്‍ തുടരുകയാണ്. കര്‍ണാടക ഉപമുഖ്യമന്ത്രി ഡി.കെ.ശിവകുമാര്‍ സ്ഥലം സന്ദര്‍ശിച്ചു.
കനത്തമഴ തുടരുന്നത് ജനജീവിതത്തെ സാരമായിബാധിച്ചു. തിങ്കളാഴ്ചയും ചെവ്വാഴ്ചയും ശക്തമായ മഴ അനുഭവപ്പെട്ടു. ദേവനഹള്ളി, കോറമംഗല, സഹകര്‍നഗര്‍, യെലഹങ്ക, ഹെബ്ബാള്‍, എച്ച്.എസ്.ആര്‍. ലേഔട്ട്, ബി.ഇ.എല്‍. റോഡ്, ആര്‍.ആര്‍. നഗര്‍, വസന്തനഗര്‍ തുടങ്ങിയ ഭാഗങ്ങളില്‍ മഴ അതിരൂക്ഷമായിരുന്നു. കെംപെഗൗഡ അന്താരാഷ്ട്ര വിമാനത്താവളത്തില്‍ തിങ്കളാഴ്ച 105 മില്ലിമീറ്റര്‍ മഴ പെയ്തു. എച്ച്.എ.എല്‍. വിമാനത്താവളത്തില്‍ 42.3 മില്ലിമീറ്റര്‍ മഴ ലഭിച്ചു.

ബെംഗളൂരുവില്‍ കനത്തമഴ;കെട്ടിടം തകര്‍ന്ന് 5 പേർ മരിച്ചു

കൊച്ചി: നടൻ ബാല വീണ്ടും വിവാഹിതനായി. നടന്റെ ബന്ധുകൂടിയായ ചെന്നൈ സ്വദേശിയായ കോകിലയാണ് വധു. അടുത്ത ബന്ധുക്കളും സുഹൃത്തുക്കളും വിവാഹ ചടങ്ങിൽ പങ്കെടുത്തു. രാവിലെ എറണാകുളം കലൂർ പാവക്കുളം ക്ഷേത്രത്തിൽ വെച്ചായിരുന്നു വിവാഹം.
അടുത്തിടെ ഫെയ്സ്ബുക്കിലൂടെ പുതിയ വിവാഹത്തിന്റ സൂചനകൾ നൽകിയിരുന്നു. ഇതിനിടെയാണ് വിവാഹം.കരൾ ട്രാൻസ്പ്ലാന്റേഷന് ശേഷം എനിക്കും ഒരു തുണ വേണമെന്ന് തോന്നി. എന്റെ സ്വന്തക്കാരി കൂടിയാകുമ്പോൾ ഐ ആം കോൺഫിഡന്റ്. ഇപ്പോൾ നല്ല രീതിയിൽ ഭക്ഷണവും മരുന്നുമെല്ലാം കഴിക്കുന്നു. എന്റെ ആരോ​ഗ്യനിലമാറി. നല്ല നിലയിൽ മുൻപോട്ട് പോകാൻ സാധിക്കുന്നു. നിങ്ങൾക്ക് മനസാൽ അനു​ഗ്രഹിക്കാൻ കഴിയുമെങ്കിൽ അനു​ഗ്രഹിക്കൂ- വിവാഹത്തിന് ശേഷം ബാല മാധ്യമങ്ങളോട് പ്രതികരിച്ചു.
ആദ്യ വിവാഹവുമായി ബന്ധപ്പെട്ട നിയമ നടപടികൾ പൂർത്തിയാക്കിയിരുന്നു. രണ്ടാം ഭാര്യയായ എലിസബത്തുമായുള്ള വിവാഹം നിയമപരമായി രജിസ്റ്റർ ചെയ്തിരുന്നില്ല. അതിനാൽ വിവാഹത്തിന് മറ്റ് നിയമപരമായ തടസങ്ങളില്ല.

നടൻ ബാല വീണ്ടും വിവാഹിതനായി;വധു ബന്ധു കോകില

തിരുവനന്തപുരം: എണ്ണപലഹാരം പൊതിയാന്‍ ഫുഡ് ഗ്രേഡ് പാക്കിംഗ് മെറ്റീരിയലുകള്‍ മാത്രമേ ഉപയോഗിക്കാന്‍ പാടുള്ളൂവെന്ന് നിര്‍ദേശിച്ച് ഭക്ഷ്യസുരക്ഷാ വകുപ്പ്. എണ്ണപലഹാരങ്ങളിലെ എണ്ണയൊപ്പാന്‍ പത്രക്കടലാസുകള്‍ ഉപയോഗിക്കുന്നതിനും ഭക്ഷ്യസുരക്ഷാ വകുപ്പ് വിലക്ക് ഏര്‍പ്പെടുത്തിയിട്ടുണ്ട്.
ഭക്ഷണം പൊതിയാൻ ഉപയോഗിക്കുന്ന പത്രക്കടലാസിൽ നിന്ന് രാസവസ്തുക്കള്‍, ചായങ്ങള്‍ എന്നിവ നേരിട്ട് ഭക്ഷണത്തില്‍ കലരാന്‍ ഇടയുള്ള സാഹചര്യം കണക്കിലെടുത്താണ് മാര്‍ഗനിര്‍ദേശം പുറത്തിറക്കിയത്. ഭക്ഷണം പായ്ക്ക് ചെയ്യാനും സംഭരിക്കാനും സുരക്ഷിത മാര്‍ഗമെന്ന നിലയില്‍ ഫുഡ് ഗ്രേഡ് കണ്ടെയ്‌നറുകള്‍ ഉപയോഗിക്കണമെന്നും ഭക്ഷ്യസുരക്ഷാ അസിസ്റ്റന്റ് കമ്മീഷണര്‍ അറിയിച്ചു. ഫലപ്രദമായ പാക്കിങിൽ ഭക്ഷണങ്ങളുടെ ഘടനാമാറ്റം ഉണ്ടാകുന്നില്ലെന്നും ഉറപ്പുവരുത്തും.സംരംഭകര്‍ അടക്കം പാക്കേജ് മെറ്റീരിയലുകള്‍ സംബന്ധിച്ച് മാര്‍ഗ നിര്‍ദേശങ്ങള്‍ കൃത്യമായി പാലിച്ച് ഭക്ഷ്യസുരക്ഷാ പ്രക്രിയയില്‍ പങ്കാളികളാകണമെന്നും അറിയിപ്പില്‍ പറയുന്നു.

എണ്ണപലഹാരം പത്രകടലാസില്‍ പൊതിയരുത് ;മുന്നറിയിപ്പുമായി ഭക്ഷ്യസുരക്ഷാ വകുപ്പ്

ക​ൽ​പ​റ്റ: വ​യ​നാ​ട് ലോ​ക്സ​ഭ ഉ​പ​തെ​ര​ഞ്ഞെ​ടു​പ്പി​ലെ യു.​ഡി.​എ​ഫ് സ്ഥാ​നാ​ർ​ഥി പ്രി​യ​ങ്ക ഗാ​ന്ധി ഇന്ന് പ​ത്രി​ക സ​മ​ർ​പ്പി​ക്കും. രണ്ട് കിലോമീറ്റര്‍ റോഡ് ഷോ നടത്തിയ ശേഷമാകും പ്രിയങ്ക പത്രിക സമര്‍പ്പിക്കുക. റോ​ഡ് ഷോ​യി​ൽ പ്രി​യ​ങ്കയോടൊപ്പം സോ​ണി​യ ഗാ​ന്ധി, രാ​ഹു​ൽ ഗാ​ന്ധി എ​ന്നി​വ​ർ പ​​ങ്കെ​ടു​ക്കും. കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യും എ​ത്തും.
ക​ൽ​പ​റ്റ പു​തി​യ ബ​സ് സ്റ്റാ​ൻ​ഡ് പ​രി​സ​ര​ത്തു​നി​ന്ന് രാ​വി​​ലെ 10.30നാ​ണ് റോ​ഡ് ഷോ ​തു​ട​ങ്ങു​ക. തു​ട​ർ​ന്ന് ക​ല​ക്ട​റേ​റ്റി​ലെ​ത്തി വ​ര​ണാ​ധി​കാ​രി​യാ​യ ജി​ല്ല ക​ല​ക്ട​ർ​ക്ക് പ​ത്രി​ക ന​ൽ​കും. ക​ർ​ണാ​ട​ക മു​ഖ്യ​മ​ന്ത്രി സി​ദ്ദ​രാ​മ​യ്യ, തെ​ല​ങ്കാ​ന മു​ഖ്യ​മ​ന്ത്രി രേ​വ​ന്ദ് റെ​ഡ്ഡി, ഹി​മാ​ച​ൽ പ്ര​ദേ​ശ് മു​ഖ്യ​മ​ന്ത്രി സു​ഖ് വി​ന്ദ​ർ സി​ങ് സു​ഖു എ​ന്നി​വ​രും പ​​ങ്കെ​ടു​ക്കും.ദേശീയ രാഷ്ട്രീയത്തിൽ കോൺഗ്രസിന്‍റെ കരുത്തുറ്റ നേതാവായ പ്രിയങ്ക ആദ്യമായി തെരഞ്ഞെടുപ്പിനെ നേരിടുന്ന പശ്ചാത്തലത്തിൽ നിരവധി ദേശീയ നേതാക്കളും ഉത്തരേന്ത്യയിൽ നിന്നുള്ള പ്രവർത്തകരും വരുംനാളുകളിൽ വയനാട്ടിൽ കേന്ദ്രീകരിക്കും. 10 ദിവസം പ്രിയങ്ക മണ്ഡലത്തില്‍ പ്രചാരണം നടത്തും. വിവിധ സംസ്ഥാനങ്ങളിലെ കോണ്‍ഗ്രസ് മുഖ്യമന്ത്രിമാരും ദേശീയ, സംസ്ഥാന നേതാക്കളും എത്തും.

പ്രിയങ്ക ഗാന്ധി ഇന്ന് പത്രിക നൽകും ;റോഡ് ഷോ ആവേശമാക്കാൻ കോ​ൺ​ഗ്ര​സ്

തിരുവനന്തപുരം: കണ്ണൂർ കളക്ടർ അരുൺ കെ. വിജയനെ മാറ്റുന്ന കാര്യത്തിൽ ബുധനാഴ്ച തീരുമാനമുണ്ടായേക്കും. മുൻ എ.ഡി.എം. നവീൻ ബാബുവിന്റെ മരണവുമായി ബന്ധപ്പെട്ട് ലാൻഡ് റവന്യൂ ജോയിന്റ് കമ്മിഷണർ എ. ഗീതയുടെ അന്വേഷണറിപ്പോർട്ട് ലഭിക്കുന്ന മുറയ്ക്ക് നടപടി സ്വീകരിക്കാനാണ് ആലോചന.
കളക്ടറെ മാറ്റുന്നകാര്യത്തിൽ സി.പി.ഐ.യുടെ സമ്മർദവുമുണ്ട്. സർക്കാർജീവനക്കാരുടെ, സി.പി.ഐ. അനുകൂല സംഘടനായ ജോയിന്റ് കൗൺസിലും ഇക്കാര്യം പരസ്യമായി ആവശ്യപ്പെട്ടിട്ടുണ്ട്. ആരോപണവിധേയരെ സംരക്ഷിക്കില്ലെന്ന നിലപാടിലാണ് മന്ത്രി കെ. രാജനും.അതേസമയം, റിപ്പോർട്ട് ബുധനാഴ്ച റവന്യൂ മന്ത്രിക്ക് കൈമാറിയേക്കുമെന്നാണ് കരുതുന്നത്. കളക്ടറെ മാറ്റുന്നകാര്യം മന്ത്രി കെ. രാജൻതന്നെ മുഖ്യമന്ത്രിയോട് ആവശ്യപ്പെട്ടേക്കും.ശിക്ഷാനടപടിയുടെ ഭാഗമായിട്ടല്ലെങ്കിലും കളക്ടറെ മാറ്റേണ്ടിവരുമെന്നുതന്നെയാണ് റവന്യൂവകുപ്പ് ഉന്നതരും കരുതുന്നത്.&nbsp;

നവീൻ ബാബുവിന്റെ മരണം; കണ്ണൂർ കളക്ടർ അരുൺ കെ. വിജയനെ മാറ്റിയേക്കും

ശ്രീകാര്യം സി ഇ ടി എൻജിനീയറിങ് കോളേജിലെ ക്യാന്റീനിൽ നിന്നും നൽകിയ സാമ്പാറിൽ ചത്ത പല്ലിയെ കണ്ടെത്തി. പരാതി നൽകിയതോടെ ഭക്ഷ്യ സുരക്ഷ വിഭാഗം സ്ഥലത്തെത്തി പരിശോധന നടത്തി. സാമ്പിളുകൾ ശേഖരിച്ചു. എസ്എഫ്ഐയുടെ സമരത്തെ തുടർന്ന് ഉച്ചയ്ക്കുശേഷം കോളേജ് അവധി നൽകി.
ഭക്ഷ്യ സുരക്ഷ വിഭാഗത്തിൻ്റെ പരിശോധനയിൽ പിഴ ഈടാക്കി തൽക്കാലികമായി കാന്റീൻ അടപ്പിച്ചു. ക്യാന്റീനിലെ സാഹചര്യം മെച്ചപ്പെടുത്തിയതിനു ശേഷം മാത്രമേ കാൻറീൻ തുറക്കാൻ അനുവദിക്കുകയുള്ളൂ എന്ന് ഭക്ഷ്യ സുരക്ഷ വിഭാഗം അറിയിച്ചു

സാമ്പാറിൽ ചത്ത പല്ലി ;സി ഇ ടി എൻജിനീയറിങ് കോളേജിലെ ക്യാന്റീൻ പൂട്ടിച്ചു

പത്തനാപുരം: വാക്ക് തര്‍ക്കത്തെത്തുടര്‍ന്ന് ഓട്ടോറിക്ഷാ തൊഴിലാളി കുത്തേറ്റു മരിച്ചു. മൈലം തെക്കേക്കര പുള്ളോര്‍കോണം ചരുവിളപുത്തന്വീട്ടില് രഞ്ജിത്ത്(28) ആണ് മരിച്ചത്. സംഭവവുമായി ബന്ധപ്പെട്ട് തലവൂര്‍ രണ്ടാലുംമൂട്ടില്‍ പൂക്കട നടത്തുന്ന തമിഴ്‌നാട് സ്വദേശി തലവൂര്‍ ചാമല പീലിക്കോട്ടുവീട്ടില്‍ ലക്ഷ്മണനെ(46) പോലീസ് കസ്റ്റഡിയിലെടുത്തു.
കുര പതിനെട്ടാംപടി ജങ്ഷനില്‍ വച്ച് ചൊവ്വാഴ്ച രാത്രി 9.30 നായിരുന്നു സംഭവം. രഞ്ജിത്ത് ഓടിച്ചിരുന്ന ഓട്ടോ തടഞ്ഞുനിര്‍ത്തി ലക്ഷമണന്‍ കത്തികൊണ്ട് കുത്തുകയായിരുന്നു. കഴുത്തില്‍ ആഴത്തില്‍ മുറിവേറ്റ യുവാവ് സംഭവസ്ഥലത്തുവച്ച് മരിച്ചു. കൃത്യത്തിനുശേഷം ലക്ഷ്മണന്‍ പോലീസില്‍ കീഴടങ്ങുകയായിരുന്നു. ലക്ഷ്മണന്റെ ഭാര്യയുമായി രഞ്ജിത്തിന് അടുപ്പം ഉണ്ടെന്നാരോപിച്ച് ഇരുവരും തമ്മില്‍ നാളുകളായി പ്രശ്‌നം ഉണ്ടായിരുന്നതായി പോലീസ് പറഞ്ഞു.&nbsp;

വാക്കുതര്‍ക്കം; ഓട്ടോറിക്ഷാ തൊഴിലാളി കുത്തേറ്റുമരിച്ചു

തിരുവനന്തപുരം: സംസ്ഥാനത്ത് ശക്തമായ മഴ തുടരും. ഏഴ് ജില്ലകളിൽ യെല്ലോ അലർട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂർ എന്നീ ജില്ലകളിലാണ് കേന്ദ്ര കാലാവസ്ഥാ വകുപ്പ് യെല്ലോ അലർട്ട് പ്രഖ്യാപിച്ചത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.അതേസമയം മധ്യ കിഴക്കന്‍ ബംഗാള്‍ ഉള്‍ക്കടലില്‍ രൂപം കൊണ്ട ന്യൂനമര്‍ദ്ദം തീവ്ര ന്യൂനമര്‍ദ്ദമായി ശക്തി പ്രാപിച്ചു. ഇന്ന് ചുഴലിക്കാറ്റായും നാളെ രാവിലെയോടെ തീവ്ര ചുഴലിക്കാറ്റായും മാറും.
ഇടിമിന്നൽ ജാഗ്രതാ നിർദേശം
കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്കും മണിക്കൂറിൽ 30 മുതൽ 40 കിലോമീറ്റർ വരെ വേഗതയിൽ (പരമാവധി 50 kmph) ശക്തമായ കാറ്റിനും സാധ്യതയുണ്ട്. ഒക്ടോബർ 24 മുതൽ 25 വരെ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്കും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
മത്സ്യത്തൊഴിലാളി ജാഗ്രത നിർദേശം
കേരള - കർണാടക- ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസ്സമില്ലെന്ന് കേന്ദ്ര കാലാവസ്ഥവകുപ്പ് അറിയിച്ചു.മധ്യ കിഴക്കൻ ബംഗാൾ ഉൾക്കടലിൽ ഇന്ന് വൈകുന്നേരം മുതൽ നാളെ വരെ കാറ്റിന്റെ വേഗത മണിക്കൂറിൽ 70 മുതൽ 90 കിലോമീറ്റർ വരെയും ചില അവസരങ്ങളിൽ മണിക്കൂറിൽ 100 കിലോമീറ്റർ വരെയും ശക്തിപ്രാപിക്കാൻ സാധ്യത. മധ്യ പടിഞ്ഞാറൻ ബംഗാൾ ഉൾക്കടലിനോട് ചേർന്ന പ്രദേശങ്ങളിൽ മണിക്കൂറിൽ 70 മുതൽ 90 കിലോമീറ്റർ വരെയും ചില അവസരങ്ങളിൽ മണിക്കൂറിൽ 100 കിലോമീറ്റർ വരെയും വേഗതയിൽ ശക്തമായ കാറ്റിന് സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചു.

സംസ്ഥാനത്ത് ശക്തമായ മഴ തുടരും ;ഏഴ് ജില്ലകളിൽ യെല്ലോ അലർട്ട്

സുല്‍ത്താന്‍ ബത്തേരി: വയനാട്ടിലെ യാത്രയ്ക്കിടെ അപ്രതീക്ഷിത സന്ദര്‍ശനം നടത്തി വീട്ടുകാരെ ഞെട്ടിച്ച് പ്രിയങ്ക ഗാന്ധി. മൈസൂരില്‍ നിന്ന് ബത്തേരിയിലേക്കുള്ള യാത്രയിലാണ് കുമാരന്‍കുളം കൊച്ചുത്രേസ്യയുടെ വീട് പ്രിയങ്ക സന്ദര്‍ശിച്ചത്. വീട്ടിലെത്തിയ അതിഥിയെ കൊന്തയും മധുരവും നല്‍കിയാണ് കൊച്ചുത്രേസ്യയും കുടുംബവും സ്വീകരിച്ചത്.&nbsp;
സുല്‍ത്താന്‍ ബത്തേരിയില്‍ പ്രിയങ്ക താമസിക്കുന്ന സപ്ത റിസോര്‍ട്ട് എത്തുന്നതിന് തൊട്ടുമുന്‍പാണ് കൊച്ചുത്രേസ്യയുടെ വീട്. പ്രിയങ്കയെ കാണണമെന്നത് കൊച്ചുത്രേസ്യയുടെ ഏറെ കാലത്തെ ആഗ്രഹമായിരുന്നു. അപ്രതീക്ഷിതമായി പ്രിയങ്കയെ കണ്ടപ്പോള്‍ കൊച്ചുത്രേസ്യ സന്തോഷം കൊണ്ട് കെട്ടിപ്പിടിച്ച് പൊട്ടിക്കരഞ്ഞു. കുടുംബാംഗങ്ങള്‍ക്കൊപ്പം സെല്‍ഫിയുമെടുത്താണ് പ്രിയങ്ക മടങ്ങിയത്.ജീവിതത്തില്‍ ലഭിച്ച ഭാഗ്യമാണ് പ്രിയങ്കയെ കണ്ടതെന്ന് കൊച്ചുത്രേസ്യ പറഞ്ഞു.
ഉപതെരഞ്ഞെടുപ്പിൽ യുഡിഎഫ് സ്ഥാനാർഥിയായ പ്രിയങ്ക നാമനിർദ്ദേശ പത്രിക സമർപ്പിക്കുന്നതിനാണ് ചൊവ്വാഴ്ച സോണിയാ ഗാന്ധിക്കൊപ്പം വയനാട്ടിലെത്തിയത്.

പ്രിയങ്ക ഗാന്ധിയുടെ അപ്രതീക്ഷിത സന്ദര്‍ശനം, ഞെട്ടി വീട്ടുകാര്‍ ;കൊന്തയും മധുരവും നൽകി സ്വീകരണം

പാലക്കാട്: ദേശീയപാത കല്ലടിക്കോട് അയ്യപ്പൻകാവിനുസമീപം ലോറിയും കാറും കൂട്ടിയിടിച്ച് കാറിലുണ്ടായിരുന്ന അഞ്ച് യുവാക്കൾ മരിച്ചു. കോങ്ങാട് മണ്ണാന്തറ കീഴ്‌മുറി വീട്ടിൽ കെ.കെ. വിജേഷ് (35), മണ്ണാന്തറ തോട്ടത്തിൽ വീട്ടിൽ വിഷ്ണു (29), വീണ്ടപ്പാറ വീണ്ടക്കുന്ന് രമേഷ് (31), മണിക്കശ്ശേരി എസ്റ്റേറ്റ് സ്റ്റോപ്പിൽ മുഹമ്മദ് അഫ്സൽ (17) എന്നിവരെ തിരിച്ചറിഞ്ഞു. വിജേഷും വിഷ്ണുവും കോങ്ങാട് ടൗണിലെ ഓട്ടോഡ്രൈവർമാരാണ്. മരിച്ച അഞ്ചാമനെ തിരിച്ചറിഞ്ഞിട്ടില്ല. മണ്ണാന്തറ വെളയാൻതോട് വിജയകുമാറിന്റെയും ജാനകിയുടെയും മകനാണ് വിഷ്ണു. കീഴ്‍മുറി വീട്ടിൽ കൃഷ്ണന്റെയും ഓമനയുടെയും മകനാണ് വിജേഷ്. വീണ്ടപ്പാറ വീണ്ടക്കുന്ന് ചിദംബരന്റെ മകനാണ് രമേഷ്. മണിക്കശ്ശേരി എസ്റ്റേറ്റ് സ്റ്റോപ്പിൽ മെഹമൂദിന്റെ മകനാണ് അഫ്സൽ.
ചൊവ്വാഴ്ച രാത്രി 10.45-ഓടെയായിരുന്നു അപകടം. പാലക്കാട്ടുനിന്ന് കോഴിക്കോടു ഭാഗത്തേക്കു പോവുകയായിരുന്ന കാറും മണ്ണാർക്കാട്ടുനിന്ന് പാലക്കാട്ടു ഭാഗത്തേക്കു പോവുകയായിരുന്ന ലോറിയുമാണു കൂട്ടിയിടിച്ചത്. മൂന്നുപേർ സംഭവസ്ഥലത്തുതന്നെ മരിച്ചെന്നു പോലീസ് പറഞ്ഞു. ജില്ലാശുപത്രിയിലേക്ക് കൊണ്ടുവരുംവഴിയാണ് രണ്ടുപേർ മരിച്ചത്.മറ്റൊരു വാഹനത്തെ മറികടന്നു വന്ന കാർ അമിതവേഗത്തിലായിരുന്നെന്നു ദൃക്സാക്ഷികൾ പറഞ്ഞു. സംഭവസമയത്ത് ചെറിയ മഴയുമുണ്ടായിരുന്നു. കാറിന്റെ പകുതിയോളം ലോറിയിലേക്ക് ഇടിച്ചുകയറി. കരിമ്പുഴ സ്വദേശിയുടെ കാർ വാടകയ്ക്കെടുത്ത് ഓടിക്കുകയായിരുന്നു യുവാക്കൾ.

പാലക്കാട് കല്ലടിക്കോട് കാറും ലോറിയും കൂട്ടിയിടിച്ച് അഞ്ച് യുവാക്കൾ മരിച്ചു

കോന്നി (പത്തനംതിട്ട) : സമരം ഉദ്ഘാടനംചെയ്തുള്ള പ്രസംഗത്തിനിടെ ശ്രീകൃഷ്ണനെ കുറിച്ച് സിപിഎം നേതാവ് നടത്തിയ പരാമർശത്തിനെതിരേ ബിജെപി പോലീസിൽ പരാതി നൽകി. സംസ്ഥാന കമ്മിറ്റിയംഗം കെ.പി. ഉദയഭാനുവിന്റെ പ്രസംഗമാണ് വിവാദത്തിലായത്. വന്യമൃഗശല്യത്തിനെതിരേ കോന്നി ഡിഎഫ്ഒ ഓഫീസിലേക്ക് സിപിഎം നടത്തിയ മാർച്ച് ഉദ്ഘാടനംചെയ്തു നടത്തിയ പ്രസംഗത്തിനിടെയാണ് സംഭവം.
മതവിശ്വാസത്തെ അവഹേളിച്ചു എന്നാരോപിച്ചാണ് ബിജെപിയുടെ പരാതി. ബിജെപി ജില്ലാസെക്രട്ടറി അനോജ് കുമാർ റാന്നി പോലീസ് സ്റ്റേഷനിൽ നൽകിയ പരാതിയിൽ ഉദയഭാനു ഹിന്ദുവിശ്വാസത്തെ അവഹേളിച്ചെന്നും മതനിന്ദയ്ക്കു കേസെടുക്കണമെന്നുമാണ് ആവശ്യപ്പെട്ടിട്ടുള്ളത്.“ഒരുസ്ഥലത്ത് വീട്ടിൽ നനച്ചിട്ടിരുന്ന തുണിയെല്ലാം കുരങ്ങ് എടുത്തുകൊണ്ടുപോയി. പണ്ടു നമ്മൾ പറയുമായിരുന്നു. ശ്രീകൃഷ്ണനായിരുന്നു സ്ത്രീകളുടെ തുണിയെല്ലാം എടുത്തുകൊണ്ടുപോയിരുന്നതെന്ന്”- ഇതായിരുന്നു ഉദയഭാനുവിന്റെ പ്രസംഗം.

പ്രസംഗത്തിനിടെ  ശ്രീകൃഷ്ണനെ പരാമർശിച്ചു;സിപിഎം നേതാവ് കെ.പി. ഉദയഭാനുവിനെതിരെ  ബിജെപിയുടെ പരാതി

നിലമ്പൂർ: കാളികാവിൽ ഗഫൂറിനെ അക്രമിച്ചത് വനം വകുപ്പിന്റെ ഡാറ്റാ ബേസിലുളള കടുവയെന്ന് സ്ഥിരീകരണം. ഗഫൂറിനെ അക്രമിച്ച തോട്ടത്തിൽ ഇന്നലെ രാത്രി 12.30 ഓടെ കടുവ എത്തിയതായും വനം വകുപ്പ്. തോട്ടത്തിന് സമീപം സ്ഥാപിച്ച ക്യമറയിൽ കടുവയുടെ ദൃശ്യം പതിഞ്ഞതായി വൈൽഡ് ലൈഫ് ചീഫ് വെറ്റിനറി സർജൻ അരുൺ സക്കറിയ പറഞ്ഞു.
നരഭോജി കടുവയെ പിടികൂടാനുള്ള ദൗത്യത്തിനിടെ നിലമ്പൂര്‍ സൗത്ത് ഡിഎഫ്ഒ ധനിക് ലാലിനെ സ്ഥലം മാറ്റിയിരുന്നു. ദൗത്യം പ്രധാന ഘട്ടത്തിലിരിക്കെയാണ് സ്ഥലംമാറ്റം ഉണ്ടാകുന്നത്. മൂവാറ്റുപുഴയിലെ വിജിലന്‍സ് കേസുമായി ബന്ധപ്പെട്ടുള്ള സ്ഥലം മാറ്റമെന്നാണ് ഉത്തരവില്‍ വനം വകുപ്പ് പറയുന്നത്.
ദൗത്യത്തിന് നേതൃത്വം നൽകുന്ന നിലമ്പൂർ ഡിഎഫ്ഒയെ സ്ഥലം മാറ്റിയത് ദൗത്യത്തെ ബാധിക്കുമെന്നും കടുവയെ ട്രാക്ക് ചെയ്യുവാനുള്ള നടപടികൾ ഇന്ന് തന്നെ ആരംഭിക്കുമെന്നും അരുൺ സക്കറിയ കൂട്ടിച്ചേർത്തു.

നരഭോജി കടുവ വനം വകുപ്പിന്റെ ക്യാമറയിൽ പതിഞ്ഞു

ന്യൂഡല്‍ഹി:രാജ്യതലസ്ഥാനത്ത് ആം ആദ്മി പാര്‍ട്ടിക്ക് വീണ്ടും തിരിച്ചടി. 13 പാര്‍ട്ടി കൗണ്‍സിലര്‍മാര്‍ രാജിവെച്ച് പുതിയ പാര്‍ട്ടി രൂപീകരിച്ചതായി പ്രഖ്യാപിച്ചു. മുകേഷ് ഗോയലിന്റെ നേതൃത്വത്തിലാണ് വിമത നീക്കം. ഡല്‍ഹി മുനിസിപ്പല്‍ കോര്‍പ്പറേഷന്‍ എഎപി കക്ഷി നേതാവായിരുന്നു മുകേഷ് ഗോയല്‍.
ഗോയലിന്റെ നേതൃത്വത്തില്‍ കൗണ്‍സിലര്‍മാര്‍ ഇന്ദ്രപ്രസ്ഥ വികാസ് പാര്‍ട്ടി എന്ന പേരിലാണ് പുതിയ പാര്‍ട്ടി പ്രഖ്യാപിച്ചിരിക്കുന്നത്. ഈ വര്‍ഷം ഫെബ്രുവരിയില്‍ നടന്ന ഡല്‍ഹി നിയമസഭാ തെരഞ്ഞെടുപ്പില്‍, ഗോയല്‍ എഎപി ടിക്കറ്റില്‍ മത്സരിച്ചെങ്കിലും പരാജയപ്പെടുകയായിരുന്നു.കഴിഞ്ഞ മുനിസിപ്പല്‍ തിരഞ്ഞെടുപ്പിന് മുമ്പ് കോണ്‍ഗ്രസ് വിട്ട് ആം ആദ്മി പാര്‍ട്ടിയില്‍ ചേര്‍ന്നവരാണ് ഇപ്പോള്‍ പുതിയ പാര്‍ട്ടി രൂപീകരിച്ചവരിലേറെയും. 25 വര്‍ഷമായി മുനിസിപ്പല്‍ കൗണ്‍സിലറായി സേവനമനുഷ്ഠിച്ച ഗോയല്‍ 2021-ലാണ് കോണ്‍ഗ്രസില്‍ നിന്ന് എഎപിയിലേക്ക് മാറിയത്.

ഡല്‍ഹിയില്‍ എഎപിക്ക് കനത്ത തിരിച്ചടി, 13 കൗൺസിലര്‍മാർ രാജിവെച്ചു, പുതിയ പാര്‍ട്ടി പ്രഖ്യാപിച്ചു

തിരുവനന്തപുരം: മുഖ്യമന്ത്രിയുടെ പ്രൈവറ്റ് സെക്രട്ടറിയായി കോഴിക്കോട് നോര്‍ത്ത് മുന്‍ എംഎല്‍എ എ.പ്രദീപ് കുമാറിനെ നിയമിച്ചു. മുഖ്യമന്ത്രി പിണറായി വിജയന്‍ ഇത് സംബന്ധിച്ച ഉത്തരവ് നല്‍കി. സിപിഎം കണ്ണൂര്‍ ജില്ലാ സെക്രട്ടറിയായി തിരഞ്ഞെടുത്തതിനെ തുടര്‍ന്ന് കെ.കെ.രാഗേഷ് സ്ഥാനമൊഴിഞ്ഞ ചുമതലയിലേക്കാണ് പ്രദീപ് കുമാര്‍ എത്തുന്നത്. നിലവിൽ സിപിഎം സംസ്ഥാന സമിതി അംഗമാണ് അദ്ദേഹം.
പാര്‍ട്ടി ഏല്‍പ്പിച്ച ഉത്തരവാദിത്തം നല്ല രീതിയില്‍ നന്നായി ചെയ്യാന്‍ ശ്രമിക്കുമെന്നും എ.പ്രദീപ് കുമാര്‍ പ്രതികരിച്ചു. 'ശക്തമായി പ്രവര്‍ത്തിക്കുന്ന സംവിധാനം മുഖ്യമന്ത്രിയുടെ ഓഫീസിലുണ്ട്. പാര്‍ട്ടി നിയോഗിക്കുന്ന ഒരു ചുമതല ഏറ്റെടുക്കുന്നു. മുഖ്യമന്ത്രി ഇക്കാര്യം അറിയിച്ചിരുന്നു. പാര്‍ട്ടി ഏല്‍പ്പിച്ച ഉത്തരവാദിത്തം നല്ല രീതിയില്‍ നന്നായി ചെയ്യാന്‍ ശ്രമിക്കും. സര്‍ക്കാരിന്റെ മൂന്നാംമൂഴം എന്നത് സമൂഹം തീര്‍ച്ചപ്പെടുത്തിയ കാര്യമാണ്. അതിനായി ശ്രമിക്കും' പ്രദീപ് കുമാര്‍ പറഞ്ഞു.

എ.പ്രദീപ് കുമാര്‍ മുഖ്യമന്ത്രിയുടെ പ്രൈവറ്റ് സെക്രട്ടറി

കല്‍പറ്റ: തപാല്‍വോട്ട് തിരുത്തിയെന്ന് ജി. സുധാകരന്‍ പറഞ്ഞത് മഞ്ഞുമലയുടെ അറ്റം മാത്രമാണെന്നും, സിപിഎമ്മിന്റെ അറിവോടെയാണ് ഇത് നടക്കുന്നതെന്നും, ആലപ്പുഴയില്‍ മാത്രം നടക്കുന്ന ഒറ്റപ്പെട്ട സംഭവമല്ലെന്നും കെപിസിസി പ്രസിഡന്റ് സണ്ണി ജോസഫ് എംഎല്‍എ. ഡിസിസിയില്‍ ചേര്‍ന്ന സ്വീകരണയോഗത്തില്‍ പങ്കെടുത്തശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
രാജ്യത്തെ ജനാധിപത്യത്തിന്റെ ഭംഗി സ്വന്തംവോട്ട് സ്വന്തംനിലയില്‍ ചെയ്യുമ്പോഴാണ്. സിപിഎം ആള്‍മാറാട്ടത്തിലൂടെ തിരഞ്ഞെടുപ്പ് അട്ടിമറിക്കുന്നത് പലപ്പോഴായി തെളിഞ്ഞതാണ്. ജനാധിപത്യപ്രക്രിയക്ക് ഇത് കളങ്കമാണ്. ജി. സുധാകരന്റെ ഈ വെളിപ്പെടുത്തലിലൂടെ തിരഞ്ഞെടുപ്പിലെ ക്രമക്കേട് മറനീക്കി പുറത്തുവന്നിരിക്കുകയാണെന്നും, സര്‍ക്കാരും, തിരഞ്ഞെടുപ്പ് കമ്മിഷനും ഇക്കാര്യത്തില്‍ കര്‍ശനനടപടി സ്വീകരിക്കണമെന്നും അദ്ദേഹമാവശ്യപ്പെട്ടു.
ഈ വിഷയത്തില്‍ ഇതിനകംതന്നെ കോണ്‍ഗ്രസ് ഒട്ടേറെ സമര നിയമപോരാട്ടങ്ങള്‍ നടത്തിയതാണ്. അതിനെല്ലാം ബലംനല്‍കുന്നതാണ് വൈകിയാണെങ്കിലും ജി. സുധാകരന്‍ നടത്തിയ വെളിപ്പെടുത്തലെന്നും അദ്ദേഹം കൂട്ടിച്ചേര്‍ത്തു.കെപിസിസി പ്രസിഡന്റായശേഷം ആദ്യമായി ജില്ലയിലെത്തിയ സണ്ണി ജോസഫ് എംഎല്‍എക്ക് ആവേശോജ്ജ്വല സ്വീകരണമാണ് ജില്ലാ കോണ്‍ഗ്രസ് കമ്മിറ്റിയൊരുക്കിയത്.

ജി. സുധാകരൻ പറഞ്ഞത് മഞ്ഞുമലയുടെ അറ്റംമാത്രം, ആലപ്പുഴയിലേത് ഒറ്റപ്പെട്ട സംഭവമല്ലെന്ന് സണ്ണി ജോസഫ്

Search Results for: maradona death