പഴയങ്ങാടി (കണ്ണൂർ): സ്കൂളിലേക്ക് ബസ് കയറാനായി വീട്ടിൽനിന്നു നടന്നു പോകുന്നതിനിടയിൽ തോട്ടിൽ വീണു വിദ്യാർഥിനിക്ക് ദാരുണാന്ത്യം. മാടായി ഗവ. ഗേൾസ് ഹയർ സെക്കൻഡറി സ്കൂൾ വിദ്യാർഥിനി വെങ്ങരയിലെ എൻ.വി. ശ്രീനന്ദയാണ് (16) മരിച്ചത്. വെള്ളിയാഴ്ച രാവിലെ 8.45ഓടെയാണ് വിദ്യാർഥിനി വെങ്ങര നടക്കു താഴെ റോഡിനു സമീപത്തെ തോടിൽ വീണത്.
കുട്ടി തോട്ടിൽ വീണത് കണ്ട മറ്റു വിദ്യാർഥികൾ വിവരം നൽകിയതിനെ തുടർന്ന് ആളുകളെത്തി കണ്ണൂർ മെഡിക്കൽ കോളജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. വെങ്ങര നടക്കു താഴെ എൻ.വി. സുധീഷ് കുമാർ, സുജ ദമ്പതികളുടെ മകളാണ്. സഹോദരൻ: വിശ്വജിത്ത് .

സ്കൂളിലേക്ക് നടന്നു പോകവെ തോട്ടിൽ വീണു; വിദ്യാർഥിനിക്ക് ദാരുണാന്ത്യം

Kannur

ന്യൂഡൽഹി: മുഖ്യമന്ത്രി പിണറായി വിജയന്റെ അഭിമുഖം പ്രസിദ്ധീകരിച്ചതിന് പിന്നാലെയുണ്ടായ വിവാദത്തിൽ പ്രതികരിച്ച് ദ ഹിന്ദു പത്രം. മുഖ്യമന്ത്രിയുടെ വിവാദ പരാമർശമുള്ള ഭാഗം പിആർ ഏജൻസി എഴുതി നൽകിയതാണെന്ന് പത്രം പുറത്തിറക്കിയ വിശദീകരണക്കുറിപ്പിൽ അറിയിച്ചു. മലപ്പുറം പരാമർശം മുൻപ് പത്രസമ്മേളനത്തിൽ മുഖ്യമന്ത്രി പറഞ്ഞതാണെന്ന് പിആർ ഏജൻസി പ്രതിനിധി പറഞ്ഞു.&nbsp;
മാധ്യമ ധാർമ്മിതയ്ക്ക് നിരക്കാത്തതിനാൽ ഖേദം പ്രകടിപ്പിക്കുന്നെന്നും ഹിന്ദു പത്രം വ്യക്തമാക്കി.പരാമർശം വിവാദമായതിന് പിന്നാലെ അഭിമുഖം പ്രസിദ്ധീകരിച്ച 'ദ ഹിന്ദു' പത്രത്തിന് മുഖ്യമന്ത്രിയുടെ പ്രസ് സെക്രട്ടറി കത്ത് അയച്ചിരുന്നു. ഈ കത്തിന് മറുപടിയായാണ് ഹിന്ദുവിന്റെ പ്രതികരണം. അഭിമുഖത്തിനിടെ മുഖ്യമന്ത്രി പറയാത്ത കാര്യം വളച്ചൊടിച്ച് അഭിമുഖത്തിൽ നൽകിയെന്നാണ് കത്തിൽ വ്യക്തമാക്കുന്നത്. ഡൽഹി സന്ദർശനത്തിനിടെയാണ് മുഖ്യമന്ത്രി അഭിമുഖം നൽകിയത്.&nbsp;

മുഖ്യമന്ത്രിയുടെ അഭിമുഖം:വിവാദ ഭാഗം ഉൾപ്പെടുത്താൻ ആവശ്യപ്പെട്ടത് ഏജൻസി;ഖേദം പ്രകടിപ്പിച്ച് ഹിന്ദു പത്രം

National

കോഴിക്കോട്: സ്വർണക്കടത്തുമായി ബന്ധപ്പെട്ട് 'ദ ഹിന്ദു' പത്രത്തിൽ വന്ന വിവാദ അഭിമുഖത്തിൽ വിശദീകരണവുമായി മുഖ്യമന്ത്രി പിണറായി വിജയൻ. പറയാത്ത കാര്യമാണ് പത്രം നൽകിയത്.&nbsp;
കരിപ്പൂർ വഴിയുള്ള സ്വർണക്കടത്തിനെതിരേ പറയുന്നത് മലപ്പുറത്തിനെതിരെ അല്ലെന്ന് മുഖ്യമന്ത്രി പറഞ്ഞു. സ്വർണക്കടത്തും ഹവാല ഇടപാടും ഏറ്റവും കൂടുതൽ നടക്കുന്നത് മലപ്പുറത്താണെന്ന് പറഞ്ഞാൽ അത് ജില്ലക്കെതിരല്ല.&nbsp;
'ഹിന്ദു പത്രം എന്റെയൊരു അഭിമുഖം ഞാൻ ഡൽഹിയിൽ ഉള്ളപ്പോൾ എടുത്തിരുന്നു. ഞാൻ പറയാത്ത ഭാഗം അവർ അഭിമുഖത്തിൽ കൊടുക്കുന്ന നിലവന്നു. വിശദീകരണം നൽകണമെന്ന് ആവശ്യപ്പെട്ട് എന്റെ ഓഫിസിൽനിന്ന് അവർക്ക് കത്തയച്ചു. അവരുടെ വിശദീകരണം വന്നു കഴിഞ്ഞുവെന്നാണ് മനസ്സിലാക്കുന്നത്. വീഴ്ച പറ്റിയെന്ന് അവർ സമ്മതിച്ചിരിക്കുന്നു. ഏതെങ്കിലും മതവിഭാഗത്തെയോ ജില്ലയെയോ പ്രത്യേകമായി കുറ്റപ്പെടുത്തുന്ന സമീപനം എന്റെ ഭാഗത്ത് നിന്നുണ്ടായിട്ടില്ല', മുഖ്യമന്ത്രി പറഞ്ഞു. വിവാദ പരാമർശത്തിൽ വിശദീകരണം ആവശ്യപ്പെട്ട് ദ ഹിന്ദു പത്രത്തിന് കത്തയച്ചിരുന്നുവെന്നും അതിന് മറുപടി ലഭിച്ചെന്നും അദ്ദേഹം പറഞ്ഞു.

ഹിന്ദുവില്‍ വന്നത് പറയാത്ത കാര്യം ; ഏതെങ്കിലും മതവിഭാഗത്തെയോ ജില്ലയെയോ പ്രത്യേകമായി കുറ്റപ്പെടുത്തിയിട്ടില്ലെന്നും മുഖ്യമന്ത്രി

നാദാപുരം: പത്തു വയസുകാരിയെ ബലാത്സംഗം ചെയ്ത കേസിൽ പ്രതിക്ക് 79 വർഷം കഠിന തടവും 1,12,000 രൂപ പിഴയും ശിക്ഷ. തൊട്ടിൽപാലം തോട്ടക്കാട് ബാലനെയാണ് (57) നാദാപുരം ഫാസ്റ്റ് ട്രാക്ക് കോടതി ജഡ്ജി കെ.നൗഷാദലി ശിക്ഷിച്ചത്.&nbsp;&nbsp;
അതിജീവിതയെ നിരന്തരം ബലാത്സംഗത്തിനും ലൈംഗിക അതിക്രമത്തിനും ഇരയാക്കിയതോടെ കുട്ടിയുടെ സ്കൂൾ അധ്യാപികക്ക് ലഭിച്ച പരാതി ചൈൽഡ് ലൈൻ അധികൃതർക്ക് കൈമാറുകയായിരുന്നു. തുടർന്ന് തൊട്ടിൽപാലം പൊലീസ് കേസെടുക്കുകയായിരുന്നു. കേസിൽ പ്രോസിക്യൂഷൻ ഭാഗത്ത് നിന്നു 14 സാക്ഷികളെ വിസ്തരിക്കുകയും 16 രേഖകൾ ഹാജരാക്കുകയുമുണ്ടായി. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ മനോജ് അരൂർ ഹാജരായി.

പത്തു വയസുകാരിയെ ബലാത്സംഗം ചെയ്ത കേസിൽ തൊട്ടിൽപാലം സ്വദേശിക്ക് 79 വർഷം കഠിനതടവ്

Nadapuram

മലബന്ധം നിങ്ങളെ അലട്ടുന്നുണ്ടോ? ചില രോഗങ്ങളുടെ ലക്ഷണമായി മലബന്ധം ഉണ്ടാകാം. ചിലപ്പോൾ ആവശ്യത്തിന് വെള്ളം കുടിക്കാത്തത മൂലം മലബന്ധം ഉണ്ടാകാം. മലബന്ധം അസ്വസ്ഥതയ്‌ക്കും ഗ്യാസിനും വയർവേദനയ്‌ക്കും കാരണമാകും. മലബന്ധ പ്രശ്നം തടയാൻ ഭക്ഷണത്തിൽ ശ്രദ്ധിക്കേണ്ടത്...
പപ്പായ
ദിവസവും രാവിലെ പപ്പായ കഴിക്കുന്നത് ദഹനവ്യവസ്ഥയെ ആരോഗ്യകരമാക്കുകയും വയറ്റിലെ പ്രശ്നങ്ങൾ തടയുകയും ചെയ്യുന്നു. നാരുകളാൽ സമ്പന്നമാണ് പപ്പായ. ഇത് മലവിസർജ്ജനം എളുപ്പമാക്കുകയും മലബന്ധം ഒഴിവാക്കാൻ സഹായിക്കുകയും ചെയ്യുന്നു.
ആപ്പിൾ
ആപ്പിളിൽ ഉയർന്ന അളവിൽ വെള്ളം അടങ്ങിയിട്ടുണ്ട്. ഇത് ദഹനം സുഗമമാക്കാനും മലബന്ധം തടയാനും സഹായിക്കും.&nbsp;
കറുത്ത ഉണക്കമുന്തിരി വെള്ളം
കറുത്ത ഉണക്കമുന്തിരി വെള്ളം ആരോഗ്യകരമായ ദഹനത്തെ പ്രോത്സാഹിപ്പിക്കുകയും സുഗമമായ മലവിസർജ്ജനം സുഗമമാക്കുകയും ചെയ്യുന്നു.
വാഴപ്പഴം
വാഴപ്പഴം നാരുകളുടെ ഉറവിടമാണ്. ഇത് മലബന്ധം ഒഴിവാക്കാൻ സഹായിക്കും.
ശർക്കരയും നെയ്യും 
ഉച്ചഭക്ഷണത്തിനു ശേഷം പൊടിച്ച ശർക്കരയും നെയ്യും തുല്യ അളവിൽ യോജിപ്പിച്ച് കഴിക്കുക. ശർക്കരയിൽ ഇരുമ്പ് അടങ്ങിയിട്ടുണ്ട്. നെയ്യിൽ അവശ്യ കൊഴുപ്പുകളും ഉണ്ട്. ഇവ സുഗമമായ ദഹനത്തെ പ്രോത്സാഹിപ്പിക്കുകയും മലബന്ധത്തെ അകറ്റുകയും ചെയ്യും.&nbsp;
ഓറഞ്ച്
പതിവായി ഓറഞ്ച് കഴിക്കുന്നതും മലബന്ധം അകറ്റാൻ സഹായിക്കും. ഓറഞ്ചിൽ പ്രധാനമായും വിറ്റാമിൻ സിയും ഫൈബറുകളുമാണ് അടങ്ങിയിരിക്കുന്നത്. ഇവ രണ്ടും മലബന്ധത്തെ ചെറുക്കാൻ സഹായിക്കുന്നതാണ്.

മലബന്ധം  തടയാൻ ഈ  ഭക്ഷണങ്ങൾ പതിവാക്കാം

Health

കൊച്ചി: യുവതിയെ മരിച്ച നിലയിൽ കണ്ടെത്തി. തിരുവനന്തപുരം സ്വദേശി അനീഷ ജോർജിനെയാണ് കലൂരിലെ വാടകവീട്ടിൽ തൂങ്ങിമരിച്ച നിലയിൽ കണ്ടെത്തിയത്. ആത്മഹത്യയെന്നാണ് പ്രാഥമിക നിഗമനമെന്ന് പൊലീസ് വ്യക്തമാക്കി.&nbsp;
കഴിഞ്ഞ ഞായറാഴ്ച്ച സുഹൃത്തുമായുണ്ടായ പ്രശ്നത്തിൽ ഇടപെടണമെന്നും സംസാരിക്കണമെന്നും ആവശ്യപ്പെട്ട് അനീഷ പോലീസിനെ സമീപിച്ചിരുന്നു. തുടർന്നാണ് ഇന്ന് മരിച്ച നിലയിൽ കണ്ടെത്തിയിരിക്കുന്നത്. മൃതദേഹം കളമശേരി മെഡിക്കൽ കോളേജിലേക്ക് മാറ്റിയിരിക്കുകയാണ്.&nbsp;

.

വാടകവീട്ടിൽ യുവതിയെ മരിച്ച നിലയിൽ കണ്ടെത്തി

Kerala

യുവതിയെ വാടകവീട്ടിൽ മരിച്ച നിലയിൽ കണ്ടെത്തി

വടകര: ലോക ഹൃദയാരോഗ്യ ദിനാചരണത്തിൻ്റെ ഭാഗമായി വടകര റൈഡേഴ്സും വടകര ടൗൺ റോട്ടറിയും ചേർന്ന് സൈക്ലത്തോൺ സംഘടിപ്പിച്ചു. വടകര പോലീസ് എസ്.എച്ച്.ഒ സുനിൽകുമാർ സി ഐ സൈക്ലത്തോൺ ഫ്ലാഗ്ഓഫ് ചെയ്തു. ഹൃദയാരോഗ്യം നിലനിർത്തുന്നതിൽ സൈക്ലിംഗിൻ്റെ പ്രാധാന്യത്തെപ്പറ്റി വടകര റൈഡേഴ്സ് സെക്രട്ടറി ദിനേശ് കെ ക്ലാസെടുത്തു. ടൗൺ റോട്ടറി പ്രസിഡൻ്റ് അശ്വിൻ പ്രകാശ് അധ്യക്ഷത വഹിച്ച പരിപാടിയിൽ പി ഡി ജി എം. പ്രകാശ്, പി.കെ. സിബി, ബിജിത്ത് എം.കെ, സഞ്ജിത്ത് കെ തുടങ്ങിവർ പ്രസംഗിച്ചു.

ലോക ഹൃദയാരോഗ്യദിനത്തിൽ സൈക്ലത്തോൺ സംഘടിപ്പിച്ചു

Vadakara

നടി വനിതാ വിജയകുമാര്‍ വിവാഹിതയാകുന്നു. നൃത്തസംവിധായകനും നടനുമായ റോബേര്‍ട്ട് മാസ്റ്ററാണ് വരന്‍. ഒക്ടോബര്‍ അഞ്ചാം തീയതിയാണ് വിവാഹചടങ്ങ്.
നടി തന്നെയാണ് ഇന്‍സ്റ്റഗ്രാം സ്‌റ്റോറിയിലൂടെ വിവാഹവാര്‍ത്ത പുറത്തുവിട്ടത്. റോബേര്‍ട്ടിനൊപ്പമുള്ള സേവ് ദി ഡേറ്റ് ചിത്രവും നടിപങ്കുവെച്ചിട്ടുണ്ട്.വനിതയുടെ നാലാം വിവാഹമാണിത്. വനിതയുടെ ആദ്യവിവാഹബന്ധങ്ങളും വിവാഹമോചനങ്ങളുമെല്ലാം നേരത്തെ വന്‍വിവാദങ്ങളായിരുന്നു. 2000 സെപ്റ്റംബറില്‍ നടന്‍ ആകാശിനെയാണ് വനിത ആദ്യം വിവാഹം കഴിച്ചത്. 2007-ല്‍ വ്യവസായിയായ ആനന്ദ് ജയരാജനുമായിട്ടായിരുന്നു വനിതയുടെ രണ്ടാംവിവാഹം. ഈ ബന്ധം വേര്‍പിരിഞ്ഞശേഷം 2020-ല്‍ ഫോട്ടോഗ്രാഫറായ പീറ്റര്‍ പോളുമായിട്ടായിരുന്നു വനിതയുടെ മൂന്നാംവിവാഹം

നടി വനിതാ വിജയകുമാര്‍ നാലാമതും വിവാഹിതയാകുന്നു; സേവ് ദി ഡേറ്റ് ചിത്രം പങ്കുവെച്ച് താരം

കാസർകോട്: ഉദുമയിൽ പനി ബാധിച്ച് 9 വയസുകാരി മരിച്ചു.കൊക്കാലിലെ റിജേഷിന്റെയും സിത്താരയുടെയും മകള്‍ കെ സാത്‌വികയാണ് മരിച്ചത്. ഉദുമ ഗവ എല്‍പി സ്‌കൂള്‍ നാലാം ക്ലാസ് വിദ്യാര്‍ത്ഥിനിയാണ്.&nbsp;
മൂന്ന് ദിവസം മുമ്പാണ് കുട്ടിക്ക് പനി ബാധിച്ചത്. സുഖം പ്രാപിച്ചു വരുന്നതിനിടയില്‍ തിങ്കളാഴ്ച വൈകുന്നേരം ക്ഷീണം അനുഭവപ്പെട്ട കുട്ടിയെ കാസര്‍കോട് സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു. എന്നാൽ ചികിത്സയിലിരിക്കെ രാത്രി 12 മണിയോടെ മരിക്കുകയായിരുന്നു.&nbsp;

പനി ബാധിച്ച് 9 വയസുകാരി മരിച്ചു

തിരുവനന്തപുരം: മുഖ്യമന്ത്രി പിണറായി വിജയന്റെ മലപ്പുറം പരാമര്‍ശം വിവാദമായതിനു പിന്നാലെ അഭിമുഖം പ്രസിദ്ധീകരിച്ച 'ദ ഹിന്ദു' പത്രത്തിന് മുഖ്യമന്ത്രിയുടെ പ്രസ് സെക്രട്ടറിയുടെ കത്ത്. മുഖ്യമന്ത്രി പറയാത്ത കാര്യം വളച്ചൊടിച്ച് അഭിമുഖത്തില്‍ നല്‍കിയെന്നാണ് കത്തില്‍ പറയുന്നത്.&nbsp;
'ഒരു ദേശമോ പ്രദേശമോ അഭിമുഖത്തില്‍ ദേശവിരുദ്ധമെന്ന് രീതിയില്‍ പരാമര്‍ശച്ചിട്ടില്ല'. പറഞ്ഞ കാര്യങ്ങള്‍ തെറ്റായി വ്യഖ്യാനിച്ചതാണെന്നും എഡിറ്റര്‍ക്കയച്ച കത്തില്‍ പറയുന്നു. കഴിഞ്ഞ ദിവസം ഡല്‍ഹി സന്ദര്‍ശനത്തിനിടെയാണ് മുഖ്യമന്ത്രി അഭിമുഖം നല്‍കിയത്.
'അഞ്ചുവര്‍ഷത്തിനിടെ മലപ്പുറത്തുനിന്ന് 150കിലോ സ്വര്‍ണവും 123 കോടിരൂപയുടെ ഹവാലപ്പണവും പോലീസ് പിടികൂടി. ഈ പണം രാജ്യദ്രോഹ പ്രവര്‍ത്തനങ്ങള്‍ക്കായാണ് ഉപയോഗിക്കുന്നത്' മുഖ്യമന്ത്രിയുടെ അഭിമുഖമായി പത്രത്തില്‍ പ്രസിദ്ധീകരിച്ചത് ഇങ്ങനെയായിരുന്നു.എന്നാല്‍ അഭിമുഖത്തില്‍ പറയുന്നതു പോലെയുള്ള നിലപാട് മുഖ്യമന്ത്രിക്കോ മുഖ്യമന്ത്രിയുടെ ഓഫീസിനോ സര്‍ക്കാരിനോ ഇല്ലെന്നും കത്തില്‍ പറയുന്നു. ആര്‍.എസ്.എസിനെതിരെയും ഹിന്ദുത്വ ശക്തികള്‍ക്കെതിരെയും നിലപാടുകള്‍ സ്വീകരിച്ചിട്ടുള്ളവരാണ് സിപിഎമ്മെന്നും കത്തില്‍ പറയുന്നു.

മലപ്പുറം പരാമർശം; 'ദ ഹിന്ദു' പത്രത്തിന് മുഖ്യമന്ത്രിയുടെ പ്രസ് സെക്രട്ടറിയുടെ കത്ത്

കാന്‍പുര്‍: മൂന്നുദിവസം മഴയില്‍ കുതിര്‍ന്ന ഇന്ത്യ-ബംഗ്ലാദേശ് രണ്ടാം ടെസ്റ്റ് മത്സരം ഏകദിന ക്രിക്കറ്റിനെക്കാള്‍ ആവേശകരമായപ്പോള്‍ ഇന്ത്യക്ക് അതുല്യ വിജയം. ഏഴ് വിക്കറ്റിനാണ് ഇന്ത്യ ബംഗ്ലാദേശിനെ തകര്‍ത്തത്. നാലാം ദിവസം ബംഗ്ലാദേശ് തുടങ്ങിയ ആക്രമണ ബാറ്റിങ്ങിനെ ഇന്ത്യ അതേ നാണയത്തില്‍ തിരിച്ചടിച്ചതോടെ കളി ഇന്ത്യയുടെ വരുതിയിലാകുകയായിരുന്നു. ചുരുക്കത്തില്‍ രണ്ട് ദിവസത്തിനിടെ നാല് ഇന്നിങ്ങ്‌സുകള്‍ കണ്ട കളിയില്‍ ഇന്ത്യ ബംഗ്ലാദേശിനെതിരായ പരമ്പര ആധികാരികമായി സ്വന്തമാക്കി(2-0)
ബംഗ്ലാദേശിന്റെ രണ്ടാം ഇന്നിങ്സ് 146 റണ്‍സിന് ചുരുട്ടിക്കെട്ടിയാണ് ഇന്ത്യ ഏവരും സമനിലയെന്ന് ഉറപ്പിച്ച മത്സരം രണ്ടാം സെഷനില്‍ തന്നെ പിടിച്ചെടുത്തത്. 95 റണ്‍സ് വിജയലക്ഷ്യവുമായി ബാറ്റിങ്ങിനിറങ്ങിയ ഇന്ത്യ രണ്ടാം ഇന്നിങ്സില്‍ മൂന്നു വിക്കറ്റ് മാത്രം നഷ്ടത്തില്‍ ലക്ഷ്യം കണ്ടു. രണ്ട് ഇന്നിങ്‌സിലും അര്‍ധസെഞ്ച്വറി നേടിയ യശ്വസി ജയ്‌സ്വാളാണ് വെടിക്കെട്ട് ബാറ്റിങ്ങിന് തിരികൊളുത്തിയത്. മൂന്നു ദിവസം മഴയില്‍ നഷ്ടപ്പെട്ടപ്പെട്ടതോടെ വിരസമായ സമനിലയില്‍ അവസാനിക്കേണ്ട കളിയാണ് ഇന്ത്യ വരുതിയിലാക്കിയത്. രണ്ടാം ഇന്ന്ങ്ങിസില്‍ ജയ്‌സ്വാള്‍(51), കോലി(29 നോട്ടൗട്ട്) എന്നിവര്‍ തിളങ്ങിയതോടെ മൂന്നു വിക്കറ്റ് നഷ്ടത്തില്‍ ലക്ഷ്യം കണ്ടു. ജയ്‌സ്വാളിനെ കൂടാതെ എട്ട് റണ്‍സെടുത്ത ക്യാപ്റ്റന്‍ രോഹിത് ശര്‍മയേയും ആറു റണ്‍സില്‍ നില്‍ക്കെ ശുബ്മാന്‍ ഗില്ലിനേയുമാണ് ഇന്ത്യക്ക് നഷ്ടമായത്.രണ്ടാം ഇന്നിങ്സില്‍ രണ്ടിന് 26 റണ്‍സെന്ന നിലയില്‍ നാലാംദിനം കളി അവസാനിപ്പിച്ച ബംഗ്ലാദേശിന് ഇന്ന് 120 റണ്‍സേ ചേര്‍ക്കാനുയൂള്ളൂ.&nbsp;

രണ്ടാം ടെസ്റ്റിൽ ബംഗ്ളാദേശിനെതിരെ ഇന്ത്യയ്ക്ക്  ഏഴുവിക്കറ്റ് വിജയം

കടമേരി: വയോജന ദിനാചരണത്തിന്റെ ഭാഗമായി കടമേരി ആ൪.എ.സി ഹയർസെക്കന്ററി സ്കൂളിലെ എ൯.എസ്.എസ് യൂനിറ്റ് സാമൂഹിക പ്രവർത്തക൯ കൂടിയായ റിട്ട. അധ്യാപക൯ ടി.കെ മൊയ്തുവിനെ പൊന്നാട അണിയിച്ച് ആദരിച്ചു. ചടങ്ങിൽ വളണ്ടിയർ ലീഡർ റിയ ആർ സ്വാഗത൦ പറഞ്ഞു. പ്രോഗ്രാം ഓഫീസർ കുഞ്ഞമ്മദ് കെ.പി അദ്ധ്യക്ഷനായി. ടി അബ്ദുള്ള , സിയാന എന്നിവ൪ സംസാരിച്ചു.

വയോജന ദിനാചരണം; സാമൂഹിക പ്രവർത്തകനെ ആദരിച്ചു

തിരുവനന്തപുരം: കോടതിയില്‍ ഹാജരാക്കാന്‍ കൊണ്ടുപോകവേ ബ്ലെയ്ഡ് വിഴുങ്ങിയിട്ടുണ്ടെന്ന് വെളിപ്പെടുത്തി പോക്‌സോ കേസ് പ്രതി. പൂജപ്പുര ജയിലില്‍ നിന്നും കൊല്ലം ഫാസ്റ്റ് ട്രാക്ക് കോടതിയിലേക്ക് കൊണ്ടുപോകുംവഴി ആയിരുന്നു പ്രതിയുടെ വെളിപ്പെടുത്തല്‍. രക്ഷപ്പെടാനുള്ള അടവാണെന്നാണ് കരുതിയെങ്കിലും ആശുപത്രിയില്‍ എത്തിച്ചപ്പോള്‍ ഇയാളുടെ വയറ്റില്‍ ലോഹവസ്തു ഉണ്ടെന്ന് ഡോക്ടര്‍ കണ്ടെത്തുകയായിരുന്നു.
ചൊവ്വാഴ്ച രാവിലെ പത്തര മണിയോടെയാണ് സംഭവം. തമ്പാനൂരില്‍ നിന്നും കെ.എസ്.ആര്‍.ടി.സി. ബസില്‍ രണ്ട് പോലീസുകാരുടെ അകമ്പടിയോടെയാണ് പോക്‌സോ കേസ് പ്രതി സുമേഷിനെ (31) കൊല്ലത്തേക്ക് കൊണ്ടുപോയത്. തമ്പാനൂരില്‍ നിന്ന് യാത്ര ആരംഭിച്ചപ്പോള്‍ തന്നെ പ്രതി അക്രമാസക്തനായിരുന്നു എന്ന് പോലീസുകാര്‍ പറയുന്നു.
ബ്ലേഡ് വിഴുങ്ങിയതറിഞ്ഞ് ഉടന്‍തന്നെ പോലീസുകാർ ജയില്‍ അധികൃതരുമായി ബന്ധപ്പെട്ടു. പ്രതിയെ ഉടന്‍ തൊട്ടടുത്ത പോലീസ് സ്റ്റേഷനില്‍ ഹാജരാക്കാനായിരുന്നു ലഭിച്ച നിര്‍ദേശം. ഇതുപ്രകാരം പോലീസുകാര്‍ പ്രതിയെ കഴക്കൂട്ടം പോലീസ് സ്റ്റേഷനില്‍ എത്തിച്ചു. അവിടെനിന്ന് ഇയാളെ സമീപത്തെ പ്രാഥമിക ആരോഗ്യ കേന്ദ്രത്തിലും തുടര്‍ന്ന് മെഡിക്കല്‍ കോളേജിലും പ്രവേശിപ്പിച്ചു. പ്രാഥമിക പരിശോധനയില്‍ ഇയാള്‍ എന്തോ ലോഹഭാഗം വിഴുങ്ങിയിട്ടുള്ളതായി ഡോക്ടര്‍ പോലീസിനെ അറിയിച്ചു. നിലവില്‍ മെഡിക്കല്‍ കോളേജില്‍ പരിശോധന നടന്നുവരികയാണ്.

കോടതിയിലേക്ക് കൊണ്ടുപോകവേ പോക്‌സോ പ്രതി ബ്ലെയ്ഡ് വിഴുങ്ങി

അഴിയൂർ: വംശീയതയും വർഗീയ ചിന്തകളും വർധിച്ചു വരുന്ന ലോകത്ത് മാനവികതയുടെ സന്ദേശം പ്രചരിപ്പിക്കാൻ സമൂഹം മുന്നോട്ട് വരണമെന്ന് കുഞ്ഞിപ്പള്ളി ഹിക്മയിൽ സംഘടിപ്പിച്ച വിസ്‌ഡം ശാഖ സംയുക്ത കൺവെൻഷൻ അഭിപ്രായപ്പെട്ടു. 'വിശ്വാസം വിശുദ്ധി വിമോചനം' എന്ന പ്രമേയത്തിൽ സംഘടിപ്പിക്കുന്ന ത്രയ്മാസ കമ്പയിന്റെ ഭാഗമായാണ് സംഗമം സംഘടിപ്പിച്ചത്. ജില്ലാ സെക്രട്ടറി ജമാൽ മദനി ഉദ്ഘാടനം ചെയ്തു. നിസാർ ഏ അധ്യക്ഷത വഹിച്ചു. സാജിദ് ബിസ്മി, നൗഫൽ അഴിയൂർ, അബ്ദുൽ ഫത്താഹ് മെയിലക്കര, മഹമൂദ് ഫനാർ, ഷംസു കല്ലാമല,അബൂബക്കർ കടവിൽ എന്നിവർ സംസാരിച്ചു.

മാനവികതയുടെ സന്ദേശം പ്രചരിപ്പിക്കാൻ സമൂഹം മുന്നോട്ട് വരണം; വിസ്‌ഡം

ചോറോട്: ചേന്ദമംഗലം ചേങ്ങോട്ടുകുനിയിൽ കല്യാണി (80) അന്തരിച്ചു .ഭർത്താവ്: പരേതനായ കുഞ്ഞിരാമൻ. മക്കൾ: സുരേന്ദ്രൻ (മസ്കറ്റ് ), സതി, ഗീത, രാജീവൻ (മസ്കറ്റ്) ,അനിത. മരുമക്കൾ: രാജൻ ( റിട്ട റെയിൽവേ, കൈനാട്ടി), പരേതനായ ബാബു (നാദാപുരം റോഡ്) ,രവി (കണ്ണൂക്കര), ഉഷ, ശ്രീന.

ചേന്ദമംഗലം ചേങ്ങോട്ടുകുനിയിൽ കല്യാണി അന്തരിച്ചു

Obituary

വടകര: റിട്ട പഞ്ചായത്ത് സെക്രട്ടറി കെ.ടി ബസാറിലെ പുത്തൻ പുരയിൽ രാജേന്ദ്രൻ പി പി( 69) നിര്യാതനായി. ഭാര്യ : ശ്യാമള. മക്കൾ: ജിസ്തുരാജ്, (ഹെഡ്പോസ്റ്റോഫീസ് വടകര), സിംജിത് രാജ് ( ദുബൈ). മരുമക്കൾ: ശ്യാമിലി, അശ്വതി. സഹോദരങ്ങൾ: പി.പി ചന്ദ്രശേഖരൻ, (സി.പി.ഐ എം ഒഞ്ചിയം ഏരിയാ കമ്മറ്റി അംഗം , ചോറോട് ഗ്രാമപഞ്ചായത്ത് പ്രസിഡണ്ട്), വിജയൻ, ദിവാകരൻ ( സി.പി ഐ എം രയരങ്ങോത്ത് ബ്രാഞ്ച് സെക്രട്ടറി - ചോറോട് സർവ്വീസ് സഹകരണ ബേങ്ക്), റീന ( ചോറോട് പഞ്ചായത്ത് വാർഡ് മെമ്പർ), പരേതരായ ബാലകൃഷ്ണൻ ,പവിത്രൻ.

കെ.ടി ബസാർ പുത്തൻ പുരയിൽ രാജേന്ദ്രൻ നിര്യാതനായി

വടകര: ചെറുകാട് ഗ്രന്ഥാലയത്തിന്റെ നേതൃത്വത്തിൽ 'ഒട' എന്ന പുസ്തകത്തിന്റെ ചർച്ച സംഘടിപ്പിച്ചു. അക്ഷയ്രാജ് സ്വാഗതം പറഞ്ഞ ചടങ്ങിൽ രസ്ന അദ്ധ്യക്ഷത വഹിച്ചു. മേമുണ്ട ഹയർ സെക്കൻഡറി സ്കൂൾ മുൻ പ്രധാന അധ്യാപകനും ഗ്രന്ഥശാല പ്രവർത്തകനുമായ രമേശൻ പുസ്തകാവതരണം നടത്തി. അഹത.സി, അൻവിയ ബി എസ്, മിനിഷ കാനപ്പള്ളി, വിനീഷ്, സുബീഷ്.എം പി, റോവിത്ത് കുട്ടോത്ത് എന്നിവർ ചർച്ചയിൽ പങ്കെടുത്തു. പരിപാടിയിൽ സൗമ്യ എടവന നന്ദി പറഞ്ഞു.

'ഒട' പുസ്തക ചർച്ച സംഘടിപ്പിച്ചു

ആയഞ്ചേരി: സി.പി.ഐ (എം) പോളിറ്റ്ബ്യൂറോ അംഗവും കേരളത്തിൻ്റെ ആഭ്യന്തര വകുപ്പ് മന്ത്രിയുമായിരുന്ന കോടിയേരി ബാലകൃഷ്ണന്റെ അനുസ്മരണ ദിനത്തോടനുബന്ധിച്ച് ആയഞ്ചേരി ടൗണിൽ സിപിഎം നേതൃത്വത്തിൽ പ്രഭാതഭേരിയും അനുസ്മരണ സദസ്സും നടത്തി. പി. കുഞ്ഞിരാമൻ പതാക ഉയർത്തി. പ്രജിത്ത് പി അധ്യക്ഷം വഹിച്ചു. ടി വി കുഞ്ഞിരാമൻ, ഇ ഗോപാലൻ, ആർ പൊക്കൻ, ലിബിൻ കെ, റിജിന കെ എം, പ്രണവ് ഇ , ഡോണാ ദാസ് എന്നിവർ സംസാരിച്ചു.

കോടിയേരി അനുസ്മരണ ദിനചരണം നടത്തി

ആയഞ്ചേരി: വയനാട് ദുരന്തത്തിൽ പോലും കള്ളവാർത്തകൾ പ്രചരിപ്പിച്ച് എൽ ഡി എഫ് സർക്കാറിനെ അപകീർത്തിപ്പെടുത്താൻ ശ്രമിക്കുന്ന കേരളത്തിലെ ഒരു കൂട്ടം മാധ്യമങ്ങളുടെ നശീകരണ മാധ്യമപ്രവർത്തന ശൈലിക്കെതിരെ സി പി എം നേതൃത്വത്തിൽ ആയഞ്ചേരി ടൗണിൽ ബഹുജന കൂട്ടായ്മ സംഘടിപ്പിച്ചു.
പണമുണ്ടാക്കാനുള്ള ആർത്തിയും, ഇടതുപക്ഷ വിരോധവുമാണ് മാധ്യമങ്ങളെ ഇത്തരം തരംതാണ നിലവാരത്തിലെത്തിച്ചതെന്ന് ബഹുജന കൂട്ടായ്മ ഉൽഘാടനം ചെയ്തു കൊണ്ട് സിപിഎം ജില്ലാ കമ്മിറ്റി അംഗം ഏ എം റഷീദ് ആരോപിച്ചു. ടി.വി കുഞ്ഞിരാമൻ അധ്യക്ഷം വഹിച്ചു. കെ സോമൻ, അനിൽ ആയഞ്ചേരി എന്നിവർ സംസാരിച്ചു.

മാധ്യമങ്ങളുടെ കള്ള പ്രചാരവേലക്കെതിരെ സി പി എം ബഹുജന കൂട്ടായ്മ

വില്ല്യാപ്പള്ളി: ഗ്രാമ പഞ്ചായത്ത് പരിധിയിൽ ചില സ്കൂളുകളിൽ മഞ്ഞപ്പിത്തരോഗം പിടിപെട്ട സാഹചര്യത്തിൽ പഞ്ചായത്ത്‌ പ്രസിഡന്റ്‌ ബിജുള കെ. കെയുടെ അധ്യക്ഷതയിൽ പഞ്ചായത്ത്‌ തല ഇന്റർ സെക്ടറൽ മീറ്റിംഗ് ചേർന്നു. വൈസ് പ്രസിഡന്റ്‌ മുരളീധരൻ, ആരോഗ്യ സ്റ്റാന്റിങ് കമ്മിറ്റി ചെയർ പേഴ്സൺ സുബിഷ ജനപ്രതിനിധികൾ, ഇതര വകുപ്പ് ഉദ്യോഗസ്ഥർ, ആശുപത്രി പ്രതിനിധികൾ , ജില്ലാ പ്രോഗ്രാം മാനേജർ ഡോക്ടർ ഷാജി, മെഡിക്കൽ ഓഫീസർ ഡോ ജ്യോതി കെ എം, ഹെൽത്ത്‌ ഇൻസ്‌പെക്ടർ ഇ. കെ ബാബു എന്നിവർ പങ്കെടുത്തു.

മഞ്ഞപ്പിത്തം; അവലോകന യോഗം ചേർന്നു

Inshort

കോഴിക്കോട്: മലയാള സാഹിത്യ കുലപതി പി.കേശവദേവിന്റെ 120-ാം ജന്മ വാര്‍ഷികാഘോഷവും അവാര്‍ഡ് സമര്‍പ്പണവും നടത്തി. പ്രശസ്ത സാഹിത്യകാരന്‍ പി.ആര്‍.നാഥന്‍ ഉദ്ഘാടനം ചെയ്തു. അനുസ്മരണ സമിതി ചെയര്‍മാന്‍ ആറ്റക്കോയ പള്ളിക്കണ്ടി അധ്യക്ഷത വഹിച്ചു. കേശവദേവ് പുരസ്‌കാരം പി.പി.ശ്രീധരനുണ്ണി, ഉസ്മാന്‍ ഒഞ്ചിയം ഒരിയാനക്ക് സമ്മാനിച്ചു.&nbsp;
യു കെ.കുമാരന്‍ അനുസ്മരണ പ്രഭാഷണം നടത്തി. പീപ്പിള്‍സ് റിവ്യൂ സ്‌പെഷ്യല്‍ സപ്ലിമെന്റ് പ്രകാശനം എം.കെ.അബൂബക്കര്‍ ഹാജി (ശോഭ ഗ്രൂപ്പ് ബാംഗ്ലൂര്‍), കെ.മുസ്തഫ മാനേജിംഗ് ഡയറക്ടര്‍-മാക്ബില്‍ഡേഴ്‌സിന് നല്‍കി പ്രകാശനം ചെയ്തു. പി.ടി.നിസാര്‍ പുരസ്‌കാര ജേതാവിനെ പരിചയപ്പെടുത്തി. വി.പി.സദാനന്ദന്‍, റൂബി, ടി.പി.റഷീദ്, മുസ്തഫ എന്നിവര്‍ ആശംസകള്‍ നേര്‍ന്നു. അവാര്‍ഡ് ജേതാവ് ഉസ്മാന്‍ ഒഞ്ചിയം ഒരിയാന മറുമൊഴി നടത്തി. ഡോ ഇ.കെ.ഗോവിന്ദ വര്‍മ്മരാജ സ്വാഗതവും പി.കെ ജയചന്ദ്രന്‍ നന്ദിയും പറഞ്ഞു.

പി കേശവദേവ് പുരസ്‌കാരം ഉസ്മാന്‍ ഒഞ്ചിയം ഒരിയാനക്ക് സമ്മാനിച്ചു

Kozhikode

വടകര: മയക്കുമരുന്നു കേസിലെ പ്രതിക്ക് 10 വര്‍ഷം കഠിന തടവും 1,00000 രൂപ പിഴയും ശിക്ഷ. വടകര ചോറോട് മുട്ടുങ്ങല്‍ വെസ്റ്റ് കല്ലറക്കല്‍ വീട്ടില്‍ മുഹമ്മദ് ഫാസിലിനെയാണ് വടകര എന്‍ഡിപിഎസ് കോടതി ജഡ്ജ് വി.ജി.ബിജു ശിക്ഷിച്ചത്. കഴിഞ്ഞ വര്‍ഷം ജൂണ്‍ 16നാണ് കേസിനാസ്പദമായ സംഭവം. 54 ഗ്രാം എംഡിഎംഎയുമായി വടകര എക്‌സൈസ് ഇന്‍സ്‌പെക്ടര്‍ പി.പി.വേണുവും സംഘവുമാണ് പ്രതിയെ അറസ്റ്റ് ചെയ്തത്.&nbsp;
കോഴിക്കോട് അസി.എക്‌സൈസ് കമ്മീഷണര്‍മാരായ എം.സുഗുണന്‍, സുരേഷ് കെ.എസ് എന്നിവര്‍ കേസില്‍ അന്വേഷണം പൂര്‍ത്തിയാക്കി കുറ്റപത്രം സമര്‍പ്പിച്ചു. പബ്ലിക്ക് പ്രോസിക്യൂട്ടര്‍ ഇ.വി.ലിജീഷ് പ്രോസിക്യൂഷന് വേണ്ടി ഹാജരായി.

മയക്കുമരുന്ന് കേസിൽ ചോറോട് സ്വദേശിക്ക് 10 വര്‍ഷം കഠിന തടവും ഒരു ലക്ഷം രൂപ പിഴയും

ആയഞ്ചേരി: പോഷൺ മാ ബോധവൽക്കരണ പരിപാടിയുടെ ഭാഗമായി ആയഞ്ചേരി ചീക്കിലോട് യു പി സ്കൂളിൽ നടന്ന ബോധവൽക്കരണ ക്ലാസ് ആയഞ്ചേരി എഫ് എച്ച് സി ജൂനിയർ പബ്ലിക് ഹെൽത്ത് നഴ്സ് ദിവ്യ എസ്.എൽ ഉദ്ഘാടനം ചെയ്തു. ആരോഗ്യമുള്ള ശരീരത്തിന് ആവശ്യമായ പോഷക ഘടകങ്ങൾ എന്തൊക്കെയാണെന്നും അവ ഭാവിയിൽ വരുത്തുന്ന അനാരോഗ്യത്തെ കുറിച്ചും കുട്ടികളുമായി സംവദിച്ചു. ഹെഡ്മാസ്റ്റർ സി എച്ച് മൊയ്തു സ്വാഗതം പറഞ്ഞ ചടങ്ങിൽ സ്റ്റാഫ് സെക്രട്ടറി റഷീദ് എം അധ്യക്ഷത വഹിച്ചു. വിപിന പി ആശംസ അർപ്പിച്ചു. അനുഷ ബി നന്ദി അറിയിച്ചു.

'പോഷൺ മാ' ബോധവൽക്കരണ പരിപാടി നടത്തി

മലപ്പുറം: മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി ശശിക്കെതിരായി സിപിഐഎം സംസ്ഥാന സെക്രട്ടറി എം വി ഗോവിന്ദന് നല്‍കിയ പരാതി സോഷ്യല്‍ മീഡിയയിലൂടെ പുറത്തുവിട്ട് പി വി അന്‍വര്‍ എംഎല്‍എ. സാമ്പത്തിക തര്‍ക്കത്തില്‍ ഇടനിലക്കാരനായി നിന്ന് പി ശശി ലക്ഷങ്ങൾ തട്ടുന്നതായാണ് പി വി അന്‍വറിന്റെ പ്രധാന ആരോപണം.ഷാജന്‍ സ്‌കറിയ വിഷയത്തില്‍ ഇടപെടുന്ന സമയത്ത് താനും പി ശശിയും തമ്മിലുള്ള ബന്ധം കൂടുതല്‍ വഷളായെന്ന് അന്‍വര്‍ പറയുന്നു. പി ശശിക്ക് തന്നോട് വൈരാഗ്യമാണ്. തന്റെ ഉടമസ്ഥതയിലുള്ള പാര്‍ക്കില്‍ നിന്ന് പത്ത് ലക്ഷം രൂപ കളവ് പോയതുമായി ബന്ധപ്പെട്ട് അരീക്കോട് പൊലീസില്‍ പരാതി നല്‍കുകയും കേസെടുക്കുകയും ചെയ്തു. എന്നാല്‍ വിഷയത്തില്‍ ഒരു അന്വേഷണവും നടന്നില്ലെന്നും പി വി അന്‍വര്‍ പറഞ്ഞു.
അന്‍വര്‍ നല്‍കിയ പരാതിയില്‍ ലൈംഗിക പീഡന സൂചനയില്ല. മുഖ്യമന്ത്രിയുടെ ഓഫീസില്‍ പരാതികളുമായി എത്തുന്ന സുന്ദരികളായ സ്ത്രീകളുടെ ഫോണ്‍നമ്പറുകള്‍ പി ശശി വാങ്ങിവെയ്ക്കാറുണ്ടെന്നാണ് പി വി അന്‍വര്‍ പരാതിയില്‍ പറയുന്നത്. കേസന്വേഷണം എങ്ങനെ പോകുന്നു എന്ന് പ്രത്യേക താത്പര്യത്തോടെ പി ശശി അവരോട് അന്വേഷിച്ചിരുന്നു. പരാതിക്കാരായ ചിലരോട് ശൃംഗാര ഭാവത്തില്‍ സംസാരിച്ചതോടെ അദ്ദേഹത്തിന്റെ ഫോണ്‍ കോളുകള്‍ പലരും എടുക്കാതെ ആയി. പി ശശിയെ സ്ഥാനത്ത് തുടരാന്‍ അനുവദിച്ചാല്‍ താങ്ങാന്‍ കഴിയാത്ത വിധത്തിലുള്ള നാണക്കേട് പാര്‍ട്ടിക്കും മുഖ്യമന്ത്രിക്കുമുണ്ടാകുമെന്നും പി വി അന്‍വര്‍ പറയുന്നു.

'പരാതിക്കാരായ സ്ത്രീകളോട് ശൃംഗാര ഭാവത്തില്‍ സംസാരിക്കുന്നു'; പി ശശിക്കെതിരെ ഗുരുതര ആരോപണവുമായി പി വി അൻവർ

നാദാപുരം: പുറമേരി ഗ്രാമപഞ്ചായത്ത് വൈസ് പ്രസിഡൻ്റ് കുനിങ്ങാട് സി.എൻ വിജയൻ (60) അന്തരിച്ചു. ഹൃദ്രോഗവുമായി ബന്ധപ്പെട്ട് ശാസ്ത്രക്രിയയ്ക് വിധേയനായി കോഴിക്കോട് സ്വകാര്യ ആശുപത്രിയിൽ ചികിത്സയിലായിരുന്നു. സി.പി.എം പ്രാദേശിക നേതാവും മുതുവടത്തൂർ യു.പി സ്കൂൾ റിട്ട: അധ്യാപകനുമാണ്.

പുറമേരി ഗ്രാമ പഞ്ചായത്ത് വൈസ് പ്രസിഡൻ്റ് അന്തരിച്ചു

പാലക്കാട്: അകത്തേത്തറ ശബരി ആശ്രമത്തില്‍ ശതാബ്ദി ആഘോഷ സമാപന ചടങ്ങില്‍ പങ്കെടുക്കാനെത്തിയ ഗവര്‍ണര്‍ ആരിഫ് മുഹമ്മദ് ഖാന്റെ ഷാളിന് തീപിടിച്ചു. ഗാന്ധിജിയുടെ ഛായാചിത്രത്തില്‍ പുഷ്പാര്‍ച്ചന നടത്തുന്നതിനിടെയാണ് മുന്നിലുണ്ടായിരുന്ന നിലവിളക്കില്‍നിന്ന് തീ പടര്‍ന്നത്.
ഉടന്‍ സമീപത്തുണ്ടായിരുന്ന ആളുകളും സുരക്ഷാ ഉദ്യോഗസ്ഥരും ചേര്‍ന്ന് തീയണച്ചതിനാല്‍ വലിയ അപടകം ഒഴിവായി. ചൊവ്വാഴ്ച രാവിലെ 10.45-ഓടെയായിരുന്നു സംഭവം. ഉദ്ഘാടനത്തിനായി കാറില്‍ വന്നിറങ്ങിയ ഗവര്‍ണര്‍ ആദ്യം പോയത് ആശ്രമത്തിലുള്ള ഗാന്ധി കുടീരത്തിലേക്കാണ്. കേന്ദ്രത്തിനകത്തുള്ള ഗാന്ധി ചിത്രത്തില്‍ പുഷ്പാര്‍ച്ചന നടത്താനായി കുനിഞ്ഞ് നിന്നപ്പോഴാണ് ഷാളിലേക്ക് തീ പടര്‍ന്നത്.അപകടം ശ്രദ്ധയില്‍പെടാതിരുന്ന ഗവര്‍ണര്‍, തുടര്‍ന്നും പ്രാര്‍ഥനാ ചടങ്ങില്‍ മുഴുകിയെങ്കിലും അടുത്തുണ്ടായിരുന്നവര്‍ കഴുത്തില്‍ നിന്ന് ഷാള്‍ എടുത്തുമാറ്റി തീയണയ്ക്കുകയായിരുന്നു.&nbsp;

ഗവർണർ ആരിഫ് മുഹമ്മദ് ഖാന്റെ ഷാളിന് തീപിടിച്ചു; അപകടം ഒഴിവായത് തലനാരിഴയ്‌ക്ക്

കുട്ടികൾക്ക് ഇഷ്ടപ്പെട്ട വിഭവമാണ് പുഡ്ഡിങ്. ജെലാറ്റിനും ചൈനാഗ്രാസും ബ്രെഡും ഇല്ലാതെ തന്നെ വെറും നാലു ചേരുവകൾ കൊണ്ട് എളുപ്പത്തിൽ ഒരു കോഫി പുഡ്ഡിങ് തയ്യാറാക്കാം.
ചേരുവകൾ 
1. പാൽ - 2 കപ്പ്
2. പഞ്ചസാര - അര കപ്പ്&nbsp;&nbsp;
3. കോൺഫ്ലവർ - കാൽ കപ്പ്&nbsp;
4. പാൽ - കാൽ കപ്പ് (കോൺഫ്ലവർ കലക്കാൻ)
5. ഇൻസ്റ്റന്റ് കോഫി പൗഡർ - 2 ടേബിൾസ്പൂൺ
തയാറാക്കുന്ന വിധം 
1. കാൽ കപ്പ് തണുത്ത പാൽ എടുത്ത് അതിൽ കോൺഫ്ലവർ നന്നായി കലക്കി മാറ്റി വയ്ക്കുക.&nbsp;
2. രണ്ട് ടേബിൾസ്പൂൺ കോഫി പൗഡർ, രണ്ട് ടേബിൾസ്പൂൺ ചൂട് പാലിൽ യോജിപ്പിച്ച് മാറ്റി വയ്ക്കുക.
3. രണ്ട് കപ്പ് പാലും അരക്കപ്പ് പഞ്ചസാരയും അടുപ്പിൽ വച്ച് തിളയ്ക്കുമ്പോൾ കലക്കി വച്ച കോഫി മിശ്രിതം ഒഴിച്ച് നന്നായി ഇളക്കി യോജിപ്പിക്കുക.&nbsp;&nbsp;
4. ഇത് തിളയ്ക്കുമ്പോൾ കോൺഫ്ലവർ മിശ്രിതം കൂടി ഒഴിച്ച് കൈവിടാതെ ഇളക്കുക. കുറുകുമ്പോൾ തീ ഓഫ് ചെയ്ത് വെണ്ണ തടവിയ പാത്രത്തിലേക്ക് ഒഴിക്കുക. മൂന്ന് മണിക്കൂർ ഫ്രിഡ്ജിൽ തണുക്കാൻ വയ്ക്കുക.&nbsp;&nbsp;
5. പുഡ്ഡിങ് തണുത്ത ശേഷം അലങ്കരിക്കാം&nbsp;

വായിലിട്ടാൽ അലിഞ്ഞു പോകുന്ന കോഫി പുഡ്ഡിങ് തയ്യാറാക്കാം

കൊച്ചി: അഭിനയിക്കാൻ അവസരം വാ​ഗ്ദാനം ചെയ്ത് ലൈംഗികമായി പീഡിപ്പിച്ചുവെന്ന കേസിൽ നിവിൻ പോളിയെ ചോദ്യം ചെയ്തു. സിനിമാ മേഖലയിലെ ലൈംഗികാരോപണങ്ങൾ അന്വേഷിക്കുന്ന പ്രത്യേക സംഘമാണ് നടനെ ചോദ്യം ചെയ്തത്. തനിക്കെതിരായ ആരോപണം ഗൂഢാലോചനയാണെന്ന് കാട്ടി നടൻ നൽകിയ പരാതിയിലും മൊഴിയെടുത്തിട്ടുണ്ട്.
സിനിമയിൽ അവസരം വാ​ഗ്ദാനം ചെയ്ത് വിദേശത്തുവെച്ച് നിവിൻപോളി അടക്കമുള്ളവർ പീഡിപ്പിച്ചെന്ന് കാണിച്ച് നേര്യമം​ഗലം സ്വദേശിയാണ് നിവിൻ പോളിക്കെതിരെ പരാതി നൽകിയത്. ഇതിൽ എറണാകുളം ഊന്നുകൽ പൊലീസ് ജാമ്യമില്ല വകുപ്പുകൾ പ്രകാരം നടനെതിരെ കേസെടുത്തിരുന്നു. കഴിഞ്ഞ വർഷം നവംബറിലാണ് സംഭവമെന്നാണ് യുവതി പരാതിയിൽ പറഞ്ഞത്.
തനിക്കെതിരായ പീഡന പരാതിക്ക് പിന്നിൽ സിനിമയിലുള്ളവർ തന്നെയാണോയെന്ന് സംശയമുണ്ടെന്ന് നിവിൻ പോളി ആരോപിച്ചിരുന്നു

പീഡനക്കേസിൽ നടൻ നിവിൻ പോളിയെ ചോദ്യം ചെയ്തു

തിരുവനന്തപുരം: പൂജാ അവധിയുടെ ഭാഗമായി ഒക്ടോബർ 11ന് (വെള്ളിയാഴ്ച) കൂടി സംസ്ഥാനത്തെ സ്കൂളുകൾക്ക് അവധി ആയിരിക്കുമെന്ന് പൊതു വിദ്യാഭ്യാസ വകുപ്പു മന്ത്രി വി ശിവൻകുട്ടി. ഇതു സംബന്ധിച്ച ഉത്തരവ് ഇന്നു തന്നെ പുറത്തിറക്കുമെന്നും അദ്ദേഹം പറഞ്ഞു.&nbsp;
11ന് അവധി നൽകണമെന്നാവശ്യപ്പെട്ട് ദേശീയ അദ്ധ്യാപക പരിഷത്ത് ( എൻ ടി യു) എന്ന അദ്ധ്യാപക സംഘടന മന്ത്രിക്ക് നിവേദനം നൽകിയതിന്റെ അടിസ്ഥാനത്തിലാണ് അവധി നൽകാൻ തീരുമാനമെടുത്തത്.പൂജവയ്പ്പ് ഒക്ടോബർ 10 വ്യാഴാഴ്ച വെെകുന്നേരമായതിനാൽ ഒക്ടോബർ 11ന് കൂടി അവധി നൽകണമെന്ന് ആവശ്യം നേരത്തെ ഉയർന്നിരുന്നു. ഇതിന് പിന്നാലെയാണ് മന്ത്രി അവധി പ്രഖ്യാപിച്ചത്. സർക്കാർ കലണ്ടറിൽ ഉൾപ്പെടെ ഒക്ടോബർ 10ന് പൂജ അവധിയുണ്ടെങ്കിലും 11 അവധി പ്രഖ്യാപിച്ചിരുന്നില്ല. 10ന് പൂജവച്ചതിന് ശേഷം വിദ്യാലയങ്ങളിൽ പഠനം നടത്തുന്നത് ശരിയല്ലെന്ന് കാണിച്ചാണ് ദേശീയ അധ്യാപക പരിഷത്ത് നിവേദനം നൽകിയത്.

സംസ്ഥാനത്തെ സ്‌കൂളുകൾക്ക് പൂജവയ്പ്പിന് ഒരു ദിവസം കൂടി അവധി

ന്യൂഡല്‍ഹി: വാണിജ്യ ആവശ്യങ്ങള്‍ക്കായുള്ള പാചക വാതകത്തിന് വില വര്‍ധിപ്പിച്ചു. 19 കിലോ ഗ്രാം വരുന്ന എല്‍പിജി സിലിണ്ടറിന് 48.50 രൂപയാണ് എണ്ണ കമ്പനികള്‍ വര്‍ധിപ്പിച്ചിട്ടുള്ളത്. ഇതോടെ രാജ്യതലസ്ഥാനത്തെ വിലയനുസരിച്ച് 1691.5 രൂപയുണ്ടായിരുന്ന വാണിജ്യ പാചകവാതകത്തിന് 1740 രൂപയായി ഉയര്‍ന്നു.
വാണിജ്യ ആവശ്യങ്ങള്‍ക്കുള്ള അഞ്ച് കിലോ ഗ്രാം വരുന്ന എല്‍പിജി സിലിണ്ടറിന് 12 രൂപയും വര്‍ധനവുണ്ട്. വിലയിലെ മാറ്റം തിങ്കളാഴ്ച അര്‍ധരാത്രിയോടെ തന്നെ നിലവില്‍ വന്നു. വാണിജ്യ സിലിണ്ടറിന് കഴിഞ്ഞ മാസവും വില ഉയര്‍ത്തിയിരുന്നു. 39 രൂപയായിരുന്നു അന്ന് വര്‍ധിപ്പിച്ചത്.ഗാര്‍ഹിക ആവശ്യങ്ങള്‍ക്ക് ഉപയോഗിക്കുന്ന എല്‍പിജി സിലിണ്ടറിന് വില ഉയര്‍ത്തിയിട്ടില്ല.

വാണിജ്യ ആവശ്യങ്ങള്‍ക്കായുള്ള പാചക വാതകത്തിന് വില വര്‍ധിപ്പിച്ചു

കൊച്ചി: നടൻ ജാഫർ ഇടുക്കിക്കെതിരേ ലൈംഗിക അതിക്രമ പരാതിയുമായി ആലുവ സ്വദേശിയായ നടി. വര്‍ഷങ്ങള്‍ക്ക് മുമ്പാണ് സംഭവം നടന്നതെന്ന് യുവതിയുടെ പരാതിയില്‍ പറയുന്നു. ഡിജിപിക്കും പ്രത്യേക അന്വേഷണ സംഘത്തിനും ഓണ്‍ലൈനായി നടി പരാതി നല്‍കി.
നേരത്തെ മുകേഷ്, ജയസൂര്യ, ബാലചന്ദ്രമേനോൻ എന്നിവരടക്കം ഏഴു പേർക്കെതിരെ പീഡനപരാതി ആരോപിച്ച് നടി രംഗത്തുവന്നിരുന്നു. ‘ദേ ഇങ്ങോട്ട് നോക്കിയേ’ എന്ന സിനിമയുടെ ചിത്രീകരണത്തിനിടെയാണ് ജാഫർ ഇടുക്കിയും മോശമായി പെരുമാറിയതെന്ന് നടിയുടെ പരാതിയിൽ പറയുന്നു. ഇത് സംബന്ധിച്ച വിവരങ്ങൾ നേരത്തെ സാമൂഹിക മാധ്യമങ്ങളിലെ അഭിമുഖങ്ങളിലൂടെ നടി പങ്കുവച്ചിരുന്നു. ഇതേ അഭിമുഖത്തിലാണ് ബാലചന്ദ്രമേനോനെതിരേയും നടി പീഡന പരാതി ഉന്നയിച്ചത്.

നടൻ ജാഫർ ഇടുക്കിക്കെതിരേ ലൈംഗിക അതിക്രമ പരാതിയുമായി നടി

ബോളിവുഡ് നടൻ ഗോവിന്ദയെ കാലിന് വെടിയേറ്റതിനെത്തുടർന്ന് ആശുപത്രിയിൽ പ്രവേശിപ്പിച്ചു. ഇന്ന് പുലർച്ചെയാണ് താരത്തിന്റെ ലൈസൻസുള്ള റിവോൾവറിൽ നിന്ന് സ്വയം അബദ്ധത്തിൽ വെടിയേറ്റത്. ആരോഗ്യനില തൃപ്തികരമാണെന്ന് പൊലീസ് അറിയിച്ചു.&nbsp;
ശിവസേന നേതാവ് കൂടിയായ ഗോവിന്ദ കൊൽക്കത്തയിലേക്ക് പോകാൻ ഒരുങ്ങുന്നതിനിടെയാണ് സംഭവമെന്ന് അദ്ദേഹത്തിന്റെ മാനേജർ ശശി സിൻഹ വാർത്താ ഏജൻസിയായ എഎൻഐയോട് പറഞ്ഞു.ഗോവിന്ദ തന്റെ ലൈസൻസുള്ള റിവോൾവർ കയ്യിലെടുത്തതിന് പിന്നാലെ അബദ്ധത്തിൽ ഉപയോഗിക്കുകയായിരുന്നു. വെടിയുണ്ട കാലിലേക്ക് തുളച്ചുകയറി. കാലിൽ കയറിയ വെടിയുണ്ട എടുത്തുമാറ്റിയെന്നും അദ്ദേഹത്തിന്റെ ആരോഗ്യനില തൃപ്തികരമാണെന്നും ഡോക്ടർമാർ അറിയിച്ചു.

ബോളിവുഡ് നടൻ ഗോവിന്ദയ്ക്ക് വെടിയേറ്റു: പരിക്കേറ്റ താരം ആശുപത്രിയിൽ

ബോളിവുഡ് നടൻ ഗോവിന്ദയ്ക്ക് വെടിയേറ്റു; പരിക്കേറ്റ താരം ആശുപത്രിയിൽ

മലപ്പുറം: സ്വർണക്കടത്തിലൂടെയും ഹവാലയിലൂടെയും മലപ്പുറത്തെത്തുന്ന പണം രാജ്യദ്രോഹ പ്രവർത്തനങ്ങൾക്കുള്ളതാണെന്ന മുഖ്യമന്ത്രിയുടെ പരാമർശത്തെ രൂക്ഷമായി വിമർശിച്ച് സംഘടനകൾ. മലപ്പുറം ജില്ലയെ മുഖ്യമന്ത്രി അപമാനിച്ചെന്നാണ് ആരോപണം.
ഒരു ഇംഗ്ലീഷ് പത്രത്തിന് നൽകിയ അഭിമുഖത്തിലാണ് മുഖ്യമന്ത്രിയുടെ പരാമർശം. കാന്തപുരം വിഭാഗമടക്കം പ്രതിഷേധവുമായെത്തി. മുസ്‌ലിം ലീഗ്, കേരള മുസ്‌ലിം ജമാഅത്ത്, എസ്.­വൈ.എസ്., എസ്.കെ.എസ്.എസ്.എഫ്. തുടങ്ങിയ സംഘടനകളും എതിർപ്പുയർത്തി.മുഖ്യമന്ത്രിയുടെ പരാമർശം മതവിരുദ്ധമാണെന്ന് പി.വി. അൻവർ എം.എൽ.എ. കുറ്റപ്പെടുത്തി.പരാമർശം ന്യൂനപക്ഷവിരുദ്ധമാണെന്നും അൻവറിനോടുള്ള വിരോധം മലപ്പുറം ജില്ലയോട് തീർക്കരുതെന്നും കോൺഗ്രസ് നേതാവ് രമേശ് ചെന്നിത്തല പ്രതികരിച്ചു.&nbsp;

മുഖ്യമന്ത്രിയുടെ ‘മലപ്പുറം പരാമർശം’ പുകയുന്നു; രൂക്ഷമായി വിമർശിച്ച് സംഘടനകൾ

കടലുണ്ടി: കടലുണ്ടി കോട്ടക്കടവിലെ ടി.എം.എച്ച്. ആശുപത്രിയിൽ രോഗി മരിച്ച സംഭവത്തിൽ വ്യാജഡോക്ടർ അറസ്റ്റിൽ. പൂച്ചേരിക്കുന്ന് പെട്രോൾ പമ്പിന് സമീപം താമസിക്കുന്ന പച്ചാട്ട് ഹൗസിൽ വിനോദ് കുമാറിന്റെ (60) മരണം ചികിത്സപ്പിഴവെന്ന് ആരോപിച്ച് കുടുംബം നൽകിയ പരാതിയിലാണ് ആർ.എം.ഒ. ആയിരുന്ന പത്തനംതിട്ട ചാത്തനേരി വലിയപറമ്പിൽ വീട്ടിൽ അബു എബ്രഹാം ലൂക്കിനെ (30) ഫറോക്ക് പോലീസ് അറസ്റ്റുചെയ്തത്.
എം.ബി.ബി.എസ്. പൂർത്തിയാക്കാതെയാണ് പ്രതി ചികിത്സ നടത്തിയതെന്നാണ് കണ്ടെത്തിയത്. വഞ്ചന, ആൾമാറാട്ടം, ഇന്ത്യൻ മെഡിക്കൽ കൗൺസിൽ ആക്ട്, ട്രാവൻകൂർ കൊച്ചിൻ മെഡിക്കൽ പ്രാക്ടീഷനേഴ്സ് ആക്ട് എന്നീ വകുപ്പുകൾ പ്രകാരമാണ് കേസെടുത്തതെന്ന് അസി. കമ്മിഷണർ എ.എം. സിദ്ദീഖ് പറഞ്ഞു.
സെപ്റ്റംബർ 23-ന് പുലർച്ചെ 4.30-ഓടെയാണ് വിനോദ് കുമാറിനെ നെഞ്ചുവേദനയുമായി ആശുപത്രിയിൽ പ്രവേശിപ്പിച്ചത്‌. പ്രാഥമിക പരിശോധന നടത്താതെ രക്തപരിശോധനയാണ് നടത്തിയതെന്നും തുടർന്ന് അരമണിക്കൂറിനകം രോഗി മരിച്ചെന്നുമാണ് കുടുംബം പറയുന്നത്. 27-ന് വിനോദ് കുമാറിന്റെ സഹോദരന്റെ ചികിത്സയ്ക്കായി വിനോദ് കുമാറിന്റെ മകനും ഡോക്ടറുമായ അശ്വിനും സുഹൃത്തുക്കളും ആശുപത്രിയിലെത്തിയിരുന്നു. ഇവർ നടത്തിയ അന്വേഷണത്തിൽ അബു എബ്രഹാം ലൂക്കിന് എം.ബി.ബി.എസ്. ബിരുദമില്ലെന്ന് മനസ്സിലാക്കി.തുടർന്നാണ് പോലീസിൽ പരാതി നൽകിയത്.&nbsp;
&nbsp;ആഴ്ചയിൽ രണ്ടുദിവസം അബു എബ്രഹാം ആർ.എം.ഒ. ആയി ആശുപത്രിയിൽ ജോലിചെയ്തിരുന്നുവെന്ന് ആശുപത്രി മാനേജർ പി. മനോജ് പറഞ്ഞു. ഇപ്പോൾ ജോലിയിൽനിന്ന് നീക്കിയതായും അദ്ദേഹം പറഞ്ഞു. ഇയാൾ 2011-ൽ എം.ബി.ബി.എസ്. പഠനത്തിന് ചേർന്നതായ വിവരം പോലീസിനു ലഭിച്ചിട്ടുണ്ട്‌. ജോലിക്ക് പ്രവേശിക്കുമ്പോൾ ഡോക്ടറായി എൻറോൾ ചെയ്ത രജിസ്റ്റർ നമ്പർ ആശുപത്രിക്ക് നൽകിയിരുന്നതായി മാനേജർ പറഞ്ഞു. അത് വ്യാജമാണോയെന്നും പോലീസ് അന്വേഷിക്കുന്നുണ്ട്‌.

കടലുണ്ടിയിലെ ആശുപത്രിയിൽ രോഗി മരിച്ചു; പഠനം പൂർത്തിയാക്കാത്ത ‘ഡോക്ടർ’ അറസ്റ്റിൽ

ഊട്ടി: കൂനൂരിൽ കനത്തമഴയിൽ വീടിനുമുകളിലേക്ക് മണ്ണിടിഞ്ഞുവീണ് മലയാളി അധ്യാപിക മരിച്ചു. പാലക്കാട് രാമശ്ശേരി സ്വദേശിനിയും കൂനൂരിൽ സ്വകാര്യ സ്കൂൾ അധ്യാപികയുമായ ജയലക്ഷ്മി (42) ആണ് മരിച്ചത്. കൂനൂർ കൃഷ്ണപുരത്തെ രവീന്ദ്രനാഥിന്റെ ഭാര്യയാണ്.
ഞായറാഴ്ചരാത്രി കൂനൂരിൽ കനത്തമഴ പെയ്തിരുന്നു. ഇതേത്തുടർന്ന് രാത്രി പത്തു മണിയോടെ രവീന്ദ്രനാഥിന്റെ വീട്ടിൽ വെള്ളംകയറാൻ തുടങ്ങി. ജയലക്ഷ്മി വീട്ടിനുള്ളിലെ വെള്ളം പുറത്തേക്ക് കളയാൻ ശ്രമിക്കുമ്പോൾ മുന്നിലുള്ള മൺതിട്ട ഇടിഞ്ഞു വിഴുകയായിരുന്നു. ജയലക്ഷ്മി ഉള്ളിലകപ്പെട്ടു.അഗ്നിരക്ഷാസേനയെത്തി ജയലക്ഷ്മിയെ പുറത്തെടുത്തെങ്കിലും മരിച്ചിരുന്നു. വീട്ടിനുള്ളിൽ അകപ്പെട്ട രവീന്ദ്രനാഥിനെയും രണ്ട് കുട്ടികളെയും അഗ്നിരക്ഷാസേനയും നാട്ടുകാരും ചേർന്ന് പുറത്തേക്കെത്തിച്ചു.&nbsp;

ഊട്ടി കൂനൂരിൽ വീടിനുമുകളിലേക്ക് മണ്ണിടിഞ്ഞ് മലയാളി അധ്യാപിക മരിച്ചു

തിരുവനന്തപുരം : സിപിഐ എം സംസ്ഥാന സെക്രട്ടറിയായിരുന്ന കോടിയേരി ബാലകൃഷ്‌ണന്റെ രണ്ടാം ചരമ വാർഷികദിനം ചൊവ്വാഴ്‌ച ആചരിക്കും. സിപിഐ എം പൊളിറ്റ്‌ബ്യൂറോ അംഗം, സംസ്ഥാന സെക്രട്ടറി, ആഭ്യന്തര മന്ത്രി, ദേശാഭിമാനി ചീഫ് എഡിറ്റർ എന്നീ നിലകളിലെല്ലാം മികച്ച പ്രവർത്തനം കാഴ്ചവച്ച കോടിയേരിയുടെ സ്‌മരണ പുതുക്കാൻ സംസ്ഥാന വ്യാപകമായി പരിപാടികൾ സംഘടിപ്പിച്ചിട്ടുണ്ട്‌.
കണ്ണൂരിൽ പയ്യാമ്പലത്തെ സ്‌മൃതിമണ്ഡപത്തിൽ രാവിലെ പുഷ്‌പാർച്ചന നടത്തി. പൊളിറ്റ്‌ബ്യൂറോ അംഗം ബൃന്ദ കാരാട്ട്‌, സംസ്ഥാന സെക്രട്ടറി എം വി ഗോവിന്ദൻ എന്നിവർ പങ്കെടുത്തു. 11.30ന്‌ കോടിയേരി മുളിയിൽനടയിലെ വീട്ടിൽ കോടിയേരിയുടെ വെങ്കല പ്രതിമ മുഖ്യമന്ത്രി പിണറായി വിജയൻ അനാച്ഛാദനംചെയ്യും. വൈകിട്ട്‌ 4.30ന്‌ മുളിയിൽനടയിൽ പൊതുസമ്മേളനം ബൃന്ദ കാരാട്ട്‌ ഉദ്‌ഘാടനംചെയ്യും.

കോടിയേരി ബാലകൃഷ്‌ൻ വിട പറഞ്ഞിട്ട് ഇന്നേക്ക് രണ്ടു വർഷം

വടകര: മൂന്നാമത് എം.ആര്‍.നാരായണകുറുപ്പ് സ്മാരക പ്രഭാഷണം പ്രശസ്ത സിനിമാ താരവും വിമന്‍ ഇന്‍ സിനിമ കളക്റ്റീവ് സ്ഥാപകരില്‍ ഒരാളുമായ പത്മപ്രിയ മടപ്പള്ളി ഗവ.കോളജില്‍ നിര്‍വഹിക്കും. ഒക്ടോബര്‍ ഒന്നിന് 1.30 ന് കോളജിലെ എജുസാറ്റ് ഹാളിലാണ് പരിപാടി.
മലയാള സിനിമാരംഗത്ത് നിലനില്‍ക്കുന്ന ലിംഗ വിവേചനത്തെയും ലൈംഗിക ചൂഷണത്തെയും സംബന്ധിച്ച് കണ്ടെത്തലുകള്‍ നടത്തിയ ജസ്റ്റിസ് ഹേമ കമ്മിറ്റി റിപ്പോര്‍ട്ട് പുറത്തുവന്ന സാഹചര്യത്തില്‍, Re-telling the Tale through the frame of Equity and Justice (അതേ കഥകള്‍, സമതയുടെയും നീതിയുടെയും പുതുനോട്ടപ്പാടില്‍) എന്ന വിഷയത്തിലാണ് പത്മപ്രിയ സംസാരിക്കുക. തുടര്‍ന്ന് ചോദ്യോത്തരവേള ഉണ്ടായിരിക്കും. മടപ്പള്ളി ഗവ. കോളജും എം.ആര്‍. നാരായണക്കുറുപ്പിന്റെ കുടുംബങ്ങളും സംയുക്തമായി സംഘടിപ്പിക്കുന്ന പരിപാടിയില്‍ പൊതുജനങ്ങള്‍ക്കും പങ്കെടുക്കാം.
സ്വാതന്ത്ര്യ സമര സേനാനിയും മടപ്പള്ളി കോളജ് സ്ഥാപിക്കുന്നതില്‍ നേതൃപരമായ പങ്ക് വഹിക്കുകയും ചെയ്ത ഒഞ്ചിയം ഗ്രാമപഞ്ചായത്തിന്റെ മുന്‍ പ്രസിഡന്റ് കൂടിയായ എം.ആര്‍.നാരായണക്കുറുപ്പിന്റെ സ്മരണാര്‍ഥം നടക്കുന്ന വാര്‍ഷിക പ്രഭാഷണ പരമ്പരയിലെ മൂന്നാമത്തെ പ്രഭാഷണമാണിത്.

നടി പത്മപ്രിയ ഇന്ന് മടപ്പള്ളി കോളേജിൽ ;എം.ആര്‍.നാരായണകുറുപ്പ് സ്മാരക പ്രഭാഷണം നടത്തും

പത്തനംതിട്ട: 56 കൊല്ലം മുമ്പ് മരിച്ച മലയാളി സൈനികന്റെ മൃതദേഹം ലഭിച്ചുവെന്ന് സൈന്യം. വിമാനാപകടത്തില്‍ മരിച്ച പത്തനംതിട്ട ഇലന്തൂര്‍ സ്വദേശി തോമസ് ചെറിയാന്റെ മൃതദേഹമാണ് ലഭിച്ചത്. റോഹ്താങ് പാസിലെ വിമാന അപകടത്തിലാണ് തോമസ് ചെറിയാന്‍ മരിച്ചത്.മഞ്ഞ് മലയില്‍ നിന്നാണ് ഇദ്ദേഹത്തിന്റെ മൃതദേഹ അവശിഷ്ടങ്ങള്‍ ലഭിച്ചതെന്നാണ് സൈന്യം അറിയിച്ചിരിക്കുന്നത്. വിവരം ആറന്‍മുള പൊലീസിനെയും വീട്ടുകാരെയും സൈന്യം അറിയിക്കുകയും ചെയ്തിട്ടുണ്ട്.
ഇന്ത്യന്‍ എയര്‍ ഫോഴ്‌സിന്റെ എഎന്‍ 12 എയര്‍ക്രാഫ്റ്റ് ആണ് ഹിമാചല്‍ പ്രദേശിലെ റോഹ്താങ് പാസില്‍ 1968ല്‍ അപകടത്തില്‍പ്പെട്ടത്. തോമസ് ചെറിയാന്റെ മൃതദേഹത്തിനൊപ്പം മറ്റ് നാല് പേരുടെ ശരീര അവശിഷ്ടങ്ങളും ലഭിച്ചുവെന്നും സൈന്യം അറിയിച്ചു.ഇന്ത്യയിലെ ഏറ്റവും ദൈര്‍ഘ്യമേറിയ തെരച്ചില്‍ ഓപ്പറേഷനാണ് ഫലം കണ്ടിരിക്കുന്നത്. തിരംഗ മൗണ്‍ടെന്‍ റെസ്‌ക്യൂ, സൈന്യത്തിലെ ദോഗ്ര സ്‌കൗട്‌സ് എന്നിവര്‍ സംയുക്തമായി നടത്തിയ തെരച്ചിലിനൊടുവിലാണ് മൃതദേഹ അവശിഷ്ടങ്ങള്‍ കണ്ടെത്തിയിരിക്കുന്നത്

1968-ലെ വിമാനാപകടം ; 56 വ‌ർഷം മുൻപ് മരിച്ച മലയാളി സെെനികന്റെ മൃതദേഹം കണ്ടെത്തി

ചെന്നൈ: ഹൃദയസംബന്ധമായ ചികിത്സയ്ക്കായി നടന്‍ രജനികാന്തിനെ ചെന്നൈ അപ്പോളോ ആശുപത്രിയില്‍ പ്രവേശിപ്പിച്ചു. തിങ്കളാഴ്ച അര്‍ധരാത്രിയോടെയാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്. ആരോഗ്യനില തൃപ്തികരമാണെന്നാണ് വിവരം.
എന്നാല്‍, ഇക്കാര്യം കുടുംബമോ ആശുപത്രി അധികൃതരോ ഔദ്യോഗികമായി സ്ഥിരീകരിച്ചിട്ടില്ല. അതേസമയം, എല്ലാ നന്നായിപോകുന്നുവെന്ന് രജനികാന്തിന്റെ ഭാര്യ ലത രജനികാന്ത് ഒരുദേശീയ മാധ്യമത്തോട് പ്രതികരിച്ചു. ഇന്‍ര്‍വെന്‍ഷണല്‍ കാര്‍ഡിയോളജിസ്റ്റ് ഡോ. സായ് സതീഷിനുകീഴിലാണ് അദ്ദേഹത്തെ ചികിത്സിക്കുന്നതെന്നാണ് വിവരം.അപ്പോളോ ആശുപത്രിയിലെ കത്തീറ്ററൈസേഷന്‍ ലാബില്‍ അദ്ദേഹത്തെ ഇലക്ടീവ് പ്രൊസീജിയറിന് വിധേയനാക്കുമെന്നാണ് റിപ്പോർട്ട്. കടുത്ത വയറുവേദനയെത്തുടര്‍ന്നാണ് രജിനികാന്തിനെ ആശുപത്രിയില്‍ പ്രവേശിപ്പിച്ചത്.

ശാരീരികാസ്വസ്ഥ്യം ; രജനികാന്തിനെ ആശുപത്രിയില്‍ പ്രവേശിപ്പിച്ചു

കണ്ണൂര്‍: യൂത്ത് കോണ്‍ഗ്രസ് നേതാവ് ഷുഹൈബിന്റെ കൊലപാതകത്തില്‍ സപെ്ഷ്യല്‍ പ്രോസിക്യൂട്ടറെ നിയമിക്കുന്നതില്‍ സര്‍ക്കാറിനോട് ഉടന്‍ തീരുമാനമെടുക്കണമെന്ന് ഹൈക്കോടതി. ഷുഹൈബിന്റെ മാതാപിതാക്കളായ സി.പി.മുഹമ്മദ്, എസ്.പി. റസിയ എന്നിവര്‍ നല്‍കിയ ഹര്‍ജി പരിശോധിച്ചതിന് ശേഷമായിരുന്നു കോടതിയുടെ പ്രതികരണം.
സര്‍ക്കാര്‍ തീരുമാനം എടുത്തുന്നവരെ തലശ്ശേരി കോടതിയില്‍ നടക്കുന്ന വിചാരണ നിര്‍ത്തിവയ്ക്കാനും കോടതി നിര്‍ദ്ദേശം നല്‍കി. സിപിഎം പ്രവര്‍ത്തകരാണ് ഈ കേസിലെ പ്രതികള്‍. അതുകൊണ്ടുതന്നെ സ്‌പെഷ്യല്‍ പ്രോസിക്യൂട്ടര്‍ ഇല്ലെങ്കില്‍ വിചാരണ നീതിപൂര്‍വ്വം നടക്കില്ലെന്നാണ് കുടുംബം ആരോപിക്കുന്നത്.&nbsp;
സ്‌പെ്ഷ്യല്‍ പ്രോസിക്യൂട്ടറെ നിയമിക്കുന്നതില്‍ ആറ് ആഴ്ചയ്ക്കുള്ളില്‍ സര്‍ക്കാര്‍ തീരുമാനം അറിയിക്കണമെന്നാണ് കോടതിയുടെ നിര്‍ദ്ദേശം.2018 ഫെബ്രുവരി 12-ന് എടയന്നൂര്‍ തെരൂരിലാണ് ഷുഹൈബ് കൊല്ലപ്പെട്ടത്. രാത്രി പത്തരയോടെ തട്ടുകടയുടെ മുന്നില്‍വെച്ച് അക്രമികള്‍ വെട്ടിക്കൊലപ്പെടുത്തുകയായിരുന്നു.&nbsp;

ഷുഹൈബ് വധക്കേസ് ;വിചാരണ നിര്‍ത്തിവെക്കാൻ നിർദേശിച്ച് ഹൈക്കോടതി

തിരുവനന്തപുരം: പോക്‌സോ കേസ് പ്രതി മുകേഷ് എം നായർ പ്രവേശനോത്സവത്തിൽ പങ്കെടുത്ത സംഭവത്തിൽ സ്‌കൂളിന് വീഴ്‌ച പറ്റിയെന്ന് ഉപജില്ലാ വിദ്യാഭ്യാസ ഓഫീസറുടെ റിപ്പോർട്ട്. ഉത്തരവാദിത്തത്തിൽ നിന്ന് ഹെഡ്‌മാസ്റ്റർക്ക് ഒഴിയാൻ കഴിയില്ല. നടപടി ശുപാർശ ചെയ്യാൻ ഡെപ്യൂട്ടി ഡയറക്‌ടർക്ക് പൊതുവിദ്യാഭ്യാസ ഡയറക്ടർ നിർദേശം നൽകി.
കഴിഞ്ഞ ദിവസം ഫോർട്ട് ഹൈസ്‌കൂളിലെ പ്രവേശനോത്സവ ചടങ്ങിലാണ് പോക്‌സോ കേസ് പ്രതിയും വ്ലോഗറുമായ മുകേഷ് മുഖ്യാതിഥിയായത്. പോക്‌സോ, എക്‌സൈസ് കേസുകളിലെ പ്രതി സ്‌കൂളിലെ ചടങ്ങിൽ പങ്കെടുത്തത് വലിയ വിവാദമായിരുന്നു. ഇതേത്തുടർന്ന് സംഭവത്തിൽ അന്വേഷണം നടത്താൻ മന്ത്രി നിർദേശിച്ചു. തിരുവനന്തപുരം വിദ്യാഭ്യാസ ഉപഡയറക്‌ടറോട് അന്വേഷിച്ച് ഉടൻ റിപ്പോർട്ട് സമർപ്പിക്കണമെന്നായിരുന്നു മന്ത്രിയുടെ നിർദേശം.&nbsp;
സംഭവത്തിൽ ഹെഡ്‌മാസ്റ്റർ പ്രതികരണം നടത്തിയിരുന്നു.' പ്രവേശനോത്സവത്തിന് വാർഡ് കൗൺസിലർ ജാനകി അമ്മാളിനെ മാത്രമാണ് സ്‌കൂളിൽ നിന്ന് ക്ഷണിച്ചത്. സന്നദ്ധസംഘടനയായ ജെസിഐ കഴിഞ്ഞ കുറച്ച് വർഷങ്ങളായി സ്‌കൂളിൽ പഠനോപകരണങ്ങളും സ്‌കോളർഷിപ്പും വിതരണം ചെയ്യുന്നുണ്ട്. പ്രവേശനോത്സവത്തിന്റെ ഭാഗമായി മുകേഷ് എം നായർ വരുമെന്ന് സംഘടന അറിയിച്ചിരുന്നില്ല. ഒരു സെലിബ്രിറ്റി വരുമെന്ന് മാത്രമാണ് പറഞ്ഞത്. പരിപാടിക്കിടെ അപ്രതീക്ഷിതമായാണ് മുകേഷ് എത്തിയത്. ജെസിഐ തയ്യാറാക്കിയ നോട്ടീസ് കണ്ടിരുന്നില്ല. കുറച്ച് കുട്ടികൾക്കുള്ള പഠനോപകരണ വിതരണം സംഘടനയുടെ നിർദേശപ്രകാരം മുകേഷ് നടത്തി ' - എന്നാണ് ഹെഡ്‌മാസ്റ്റർ പറഞ്ഞത്.

മുകേഷ് എം നായർ പ്രവേശനോത്സവത്തിൽ പങ്കെടുത്ത സംഭവം;സ്‌കൂളിന് വീഴ്‌ച പറ്റിയെന്ന് ഉപജില്ലാ വിദ്യാഭ്യാസ ഓഫീസറുടെ റിപ്പോർട്ട്

തിരുവനന്തപുരം: സർക്കാർ കണ്ണാശുപത്രിയിൽ ഗുരുതര വീഴ്‌ച, കണ്ണിന് കുത്തിവയ്പ്പ് മാറിയെടുത്തതായി പരാതി. ഇടതുകണ്ണിലെടുക്കേണ്ട കുത്തിവയ്പ്പ് വലതുകണ്ണിലെടുക്കുകയായിരുന്നു. സംഭവത്തിൽ അസിസ്റ്റന്റ് പ്രൊഫസർ എസ് എസ് സുജീഷിനെ അന്വേഷണ വിധേയമായി സസ്‌പെൻഡ് ചെയ്തു.&nbsp;
51 വയസുള്ള ബീമാപ്പള്ളി സ്വദേശിനിയായ രോഗിയാണ് ഗുരുതര ചികിത്സാപ്പിഴവിനിരയായത്. കഴിഞ്ഞ ഒരാഴ്‌ചയായി ഇവർ കണ്ണാശുപത്രിയിൽ ചികിത്സ തേടി വരികയായിരുന്നു. കാഴ്‌ച മങ്ങലിനെത്തുടർന്ന് ഇടതുകണ്ണിനായിരുന്നു ചികിത്സ തേടിയത്. തുടർന്ന് കണ്ണിൽ നീർക്കെട്ട് ഉണ്ടാകുന്ന അവസ്ഥയാണെന്ന് കണ്ടെത്തിയിരുന്നു. ഇതിന്റെ ഭാഗമായി മൂന്നാം തീയതിക്ക് മുൻപായി ഇടത് കണ്ണിൽ കുത്തിവയ്പ്പ് എടുക്കണമെന്ന് ഡോ. സുജീഷ് നിർദേശിക്കുകയും ചെയ്തു. പിന്നാലെ രോഗിയും ബന്ധുക്കളും തിങ്കളാഴ്ച ആശുപത്രിയിലെത്തി. അന്ന് ഇടതുകണ്ണ് വൃത്തിയാക്കുകയും മറ്റും ചെയ്തിരുന്നു.കണ്ണ് ചികിത്സയ്ക്കായി ആവശ്യമുള്ള മരുന്ന് ലഭിക്കാത്തതിനാൽ ഡോക്‌ടറുടെ നിർദേശപ്രകാരം ഒരു വ്യക്തിക്ക് ഗൂഗിൾ പേയിലൂടെ 6000 രൂപ അയച്ചുകൊടുത്തതായി രോഗിയുടെ മകൻ പറയുന്നു.&nbsp;
തുടർന്ന് മരുന്ന് എത്തിക്കുകയും ചെയ്തു. എന്നാൽ കുത്തിവയ്പ്പ് എടുത്തപ്പോൾ ചികിത്സ ലഭിക്കേണ്ട കണ്ണിനുപകരം വലതുകണ്ണിലെടുക്കുകയായിരുന്നു. പിന്നാലെ ബന്ധുക്കൾ സൂപ്രണ്ടിനും ഡയറക്‌ടർക്കും പരാതി നൽകിയതിനെത്തുടർന്നാണ് ഡോക്‌ടറെ സസ്‌പെൻഡ് ചെയ്തത്. അന്വേഷണത്തിന്റെ ഭാഗമായി രോഗിയിൽ നിന്നും ബന്ധുക്കളിൽ നിന്നും താമസിയാതെ മൊഴിയെടുക്കുമെന്നാണ് വിവരം.

സർക്കാർ കണ്ണാശുപത്രിയിൽ ചികിത്സാപ്പിഴവെന്ന് പരാതി; കണ്ണ് മാറി കുത്തിവയ്പ്പ് എടുത്തു, ഡോക്‌ടർക്ക് സസ്‌പെൻഷൻ

ന്യൂഡല്‍ഹി: ആം ആദ്മി പാര്‍ട്ടി ഇന്ത്യാ സഖ്യം വിട്ടു. 2024 ലോക്‌സഭാ തിരഞ്ഞെടുപ്പിന് മാത്രമാണ് പ്രതിപക്ഷ കൂട്ടായ്മ രൂപവത്കരിച്ചതെന്ന് ചൂണ്ടിക്കാട്ടിയാണ് എഎപി പിന്മാറുന്നത്. ബിജെപിയും കോണ്‍ഗ്രസും രഹസ്യവും അഴിമതി നിറഞ്ഞതുമായ കരാറില്‍ ഏര്‍പ്പെട്ടിരിക്കുകയാണെന്ന് ആരോപിച്ച എഎപി, വരാനിരിക്കുന്ന തിരഞ്ഞെടുപ്പുകളില്‍ പാര്‍ട്ടി ഒറ്റയ്ക്ക് മത്സരിക്കുമെന്നും അറിയിച്ചു.
പഹല്‍ഗാം വിഷയവും ഓപ്പറേഷന്‍ സിന്ദൂറും ചര്‍ച്ചചെയ്യാന്‍ പ്രത്യേക പാര്‍ലമെന്റ് സമ്മേളനം വിളിച്ചുചേര്‍ക്കണമെന്ന് ആവശ്യപ്പെട്ട് കോണ്‍ഗ്രസും മറ്റു 15 പ്രതിപക്ഷ പാര്‍ട്ടികളും പ്രധാനമന്ത്രി നരേന്ദ്ര മോദിക്ക് കത്തെഴുതിയതിനു പിന്നാലെയാണ് എഎപിയുടെ പ്രസ്താവന. എഎപി ഇതേ ആവശ്യം ഉന്നയിച്ച് പ്രത്യേകമായി കത്തയച്ചു.
യഥാര്‍ഥ സഖ്യം ബിജെപിയും കോണ്‍ഗ്രസുമാണെന്ന് എഎപി ദേശീയ മാധ്യമ ചുമതലയുള്ള അനുരാഗ് ധണ്ട എക്‌സില്‍ ആരോപിച്ചു. മോദിക്ക് രാഷ്ട്രീയമായി ഗുണംലഭിക്കുന്ന കാര്യങ്ങള്‍ മാത്രമാണ് രാഹുല്‍ ഗാന്ധി പറയുന്നത്. പകരമായി ഗാന്ധി കുടുംബത്തെ ജയിലിലേക്ക് പോകാതെ മോദി കാക്കുന്നു. രാജ്യത്തെ ജനങ്ങള്‍ക്ക് വിദ്യാലയങ്ങള്‍, ആശുപത്രികള്‍, വൈദ്യുതി, വെള്ളം എന്നീ അടിസ്ഥാന സൗകര്യങ്ങള്‍ ഒരുക്കാന്‍ രണ്ടുകൂട്ടര്‍ക്കും താത്പര്യമില്ലെന്നും അദ്ദേഹം എക്‌സിൽ കുറിച്ചു.ഇന്ത്യന്‍ രാഷ്ട്രീയം ശുദ്ധീകരിക്കാന്‍, നമ്മള്‍ ഈ പിന്നണി ഗൂഢാലോചന അവസാനിപ്പിക്കണമെന്ന് എഎപി പ്രസ്താവനയില്‍ അറിയിച്ചു. രാഹുലും മോദിയും വേദിയില്‍ എതിരാളികളായി പ്രത്യക്ഷപ്പെട്ടേക്കാം. പക്ഷേ, ഇരുവര്‍ക്കും അവരവരുടെ രാഷ്ട്രീയ നിലനില്‍പ്പാണ് പ്രധാനം എന്നതാണ് സത്യം. കോണ്‍ഗ്രസിന്റെ ദുര്‍ബലമായ രാഷ്ട്രീയം ബിജെപിയെ ശക്തിപ്പെടുത്തുന്നു. ബിജെപി ഭരണം കോണ്‍ഗ്രസിന്റെ അഴിമതികളെ മറച്ചുവെയ്ക്കുന്നുവെന്നും പ്രസ്താവനയില്‍ വ്യക്തമാക്കുന്നു.

കോൺഗ്രസും ബിജെപിയും തമ്മിൽ യഥാർഥ സഖ്യമെന്ന് ആരോപണം ;ഇന്ത്യാമുന്നണി വിട്ട് ആം ആദ്മി

കോവിഡ് വൈറസ് പൂർണമായും പിൻവാങ്ങിയിട്ടില്ല. തീവ്രത കുറഞ്ഞ വകഭേദങ്ങൾ നാട്ടിലൊക്കെയുണ്ട്. ഇടയ്ക്കൊക്കെ അവ തലപൊക്കാം. സാധാരണ ജലദോഷപ്പനിപോലെ വന്നുപോകാം. നിലവിൽ കാണുന്ന മിക്ക കേസുകളും ലഘുവായി വന്നുപോകുന്നതാണ്. നാലഞ്ചു ദിവസങ്ങൾക്കുള്ളിൽ ഭേദമാകും.
അണുബാധ ഏൽക്കാതിരിക്കാനുള്ള ഏറ്റവും ഫലപ്രദമായ മാർഗം അടിസ്ഥാന രോഗപ്രതിരോധ കാര്യങ്ങളിലേക്ക് മടങ്ങുകയെന്നതാണെന്ന് ആലപ്പുഴ ഗവ. മെഡിക്കൽ കോളേജിലെ ശ്വാസകോശരോഗവിഭാഗം പ്രൊഫസർ ഡോ. പി.എസ്.ഷാജഹാൻ പറയുന്നു. തിരക്കേറിയ സ്ഥലങ്ങളിൽ മാസ്ക് ധരിക്കുക, ഇടയ്ക്കിടെ സോപ്പിട്ട് കൈകഴുകുക, അനാവശ്യ ആസ്പത്രി സന്ദർശനങ്ങൾ വേണ്ടെന്നുവെക്കുക, കോവിഡ്കേസുകൾ കൂടുതലുള്ള സ്ഥലങ്ങളിലേക്കുള്ള യാത്ര ഒഴിവാക്കുക, രോഗികളുമായുള്ള സമ്പർക്കം ഒഴിവാക്കുക, രോഗലക്ഷണങ്ങൾ കണ്ടാലുടൻ വൈദ്യസഹായം തേടുക എന്നിവയാണ്‌ അടിസ്ഥാന രോഗപ്രതിരോധ കാര്യങ്ങൾ.
ലക്ഷണങ്ങൾ
ജലദോഷപ്പനിയുടെ ലക്ഷണങ്ങളാണ് മുഖ്യമായും കണ്ടുവരുന്നത്. പനി, മൂക്കൊലിപ്പ്, മൂക്കടപ്പ്, തൊണ്ടവേദന, തലവേദന, പേശിവേദന, ക്ഷീണം, വയറ്റിൽ അസ്വസ്ഥത, ഓക്കാനം, വിശപ്പില്ലായ്മ എന്നിവ ഏറിയും കുറഞ്ഞും കാണാം. മഴക്കാലത്ത് സാധാരണ ജലദോഷപ്പനികളിലും സമാനലക്ഷണങ്ങളുണ്ടാകാം. അതിനാൽ രോഗലക്ഷണങ്ങൾ കണ്ടാൽ സ്വയംചികിത്സയ്ക്ക് മുതിരാതെ വൈദ്യോപദേശം തേടണം.

കോവിഡ് ;ഈ ലക്ഷണങ്ങൾ ശ്രദ്ധിക്കുക

Search Results for: mohanraj