ഇടുക്കി : ജില്ലാ കൗണ്‍സില്‍ യോഗത്തില്‍ മുന്നണിമാറ്റം വേണമെന്ന് ആവശ്യം. എല്‍.ഡി.എഫില്‍ നിന്നതുകൊണ്ട് പാര്‍ട്ടിക്ക് ഒരുഗുണവും ഉണ്ടായില്ലെന്നാണ് ജില്ലാ കൗണ്‍സിലിൽ പറഞ്ഞത്.സി.പി.ഐയുടെ നാല് മന്ത്രിമാരും തികഞ്ഞപരാജയമെന്നും കൗണ്‍സിലില്‍ വിമര്‍ശനമുയര്‍ന്നു.
ദേശീയതലത്തില്‍ കോണ്‍ഗ്രസിനൊപ്പം ഇന്ത്യ സഖ്യത്തിലാണ് സി.പി.ഐ. അതിനാല്‍ കേരളത്തില്‍ എല്‍.ഡി.എഫ്. വിട്ട് യു.ഡി.എഫില്‍ ചേര്‍ന്നാലും തെറ്റില്ല.സി.പി.എമ്മിനൊപ്പം ചേര്‍ന്നപ്പോള്‍ പാര്‍ട്ടിക്ക് നഷ്ടം മാത്രമേ ഉണ്ടായിട്ടുള്ളൂവെന്നും യോഗം വിലയിരുത്തി.
ഇടുക്കി ജില്ലയിലെ പരാജയത്തിന് കാരണം ഭൂപ്രശ്‌നങ്ങളാണ്. ഇക്കാര്യത്തില്‍ റവന്യൂവകുപ്പിന് ഉത്തരവാദിത്വമുണ്ട്. കേരള കോണ്‍ഗ്രസിന്റെ മുന്നണിയിലേക്കുള്ള വരവ് ഇടുക്കി ജില്ലയില്‍ ഗുണംചെയ്തില്ല. മന്ത്രി റോഷി അഗസ്റ്റിന്റെ മണ്ഡലത്തില്‍ പോലും മുന്നണിക്ക് കാര്യമായ വോട്ടുവര്‍ധനവുണ്ടായില്ല. കോട്ടയത്ത് തോറ്റിട്ടും കേരള കോണ്‍ഗ്രസിന് അമിതപരിഗണന നല്‍കുന്നുവെന്നും യോഗത്തില്‍ വിമര്‍ശനമുണ്ടായി.രണ്ടുദിവസമായാണ് ജില്ലാ എക്‌സിക്യൂട്ടീവും കൗണ്‍സില്‍ യോഗവും നടന്നത്. ചൊവ്വാഴ്ച അവതരിപ്പിച്ച എക്‌സിക്യൂട്ടീവ് യോഗത്തിലെ റിപ്പോര്‍ട്ടില്‍ വകുപ്പുകള്‍ക്ക് ആവശ്യമായ പണം നേടിയെടുക്കാന്‍ സമ്മര്‍ദംചെലുത്താന്‍ പോലും മന്ത്രിമാര്‍ക്ക് കഴിയുന്നില്ലെന്നും കുറ്റപ്പെടുത്തലുണ്ടായി.

മുന്നണിമാറ്റം വേണമെന്ന് സിപിഐ ഇടുക്കി ജില്ലാ കൗണ്‍സിൽ ; നാല് മന്ത്രിമാരും തികഞ്ഞ പരാജയമെന്നും വിലയിരുത്തൽ

ചെന്നൈ: തമിഴ്‌നാട്ടിലെ കള്ളക്കുറിച്ചിയിൽ വ്യാജമദ്യം കഴിച്ച് 13 പേർ മരിച്ചു. നാല്പതോളം പേർ ആശുപത്രിയിൽ ചികിത്സയിലാണ്. ഇതിൽ പലരുടെയും നില ഗുരുതരമാണ്. അപകടനിലയിലുള്ള പത്തോളം പേരെ വിദഗ്ദ്ധ ചികിത്സയ്ക്കായി പുതുച്ചേരി ജിപ്‌മറിലേക്ക് മാറ്റി.സംഭവത്തില്‍ തമിഴ്‌നാട് സര്‍ക്കാര്‍ കര്‍ശനനടപടി ആരംഭിച്ചു. ജില്ലാ കളക്ടര്‍ ശ്രാവണ്‍ കുമാര്‍ ജടാവത്തിനെ സ്ഥലം മാറ്റി. എസ്.പി. സമയ് സിങ് മീണയെ സസ്‌പെന്‍ഡ് ചെയ്തു. എം.എസ്. പ്രശാന്ത് ആണ് പുതിയ ജില്ലാ കളക്ടര്‍. രജത് ചതുര്‍വേദിക്കാണ് പോലീസ് സൂപ്രണ്ടിന്റെ ചുമതല. ഡി.എസ്.പിമാരായ തമിഴ്‌ശെല്‍വനേയും മനോജിനേയും സസ്‌പെന്‍ഡ് ചെയ്തു. ഏഴ് പോലീസ് ഉദ്യോഗസ്ഥരേയും സസ്‌പെന്‍ഡ് ചെയ്തിട്ടുണ്ട്.
വിഷമദ്യം വിറ്റ ഗോവിന്ദരാജിനെ പോലീസ് അറസ്റ്റുചെയ്തു. ഇയാള്‍ വിറ്റ മദ്യത്തില്‍ മെഥനോളിന്റെ അംശമുണ്ടായിരുന്നതായി ഫൊറന്‍സിക് പരിശോധനയില്‍ വ്യക്തമായതായി അധികൃതർ വാര്‍ത്താക്കുറിപ്പില്‍ അറിയിച്ചു.
സംഭവത്തില്‍ അന്വേഷണം സി.ബി- സി.ഐ.ഡിക്ക് കൈമാറി. നിയമലംഘനങ്ങളെ ഉരുക്കുമുഷ്ടിയോടെ നേരിടുമെന്ന് മുഖ്യമന്ത്രി എം.കെ. സ്റ്റാലിന്‍ അറിയിച്ചു. സര്‍ക്കാര്‍ കള്ളക്കുറിച്ചിയിലേക്ക് നാലംഗ മെഡിക്കല്‍ സംഘത്തെ അയച്ചു. സേലത്തുനിന്നും തിരുവണ്ണാമലൈയില്‍നിന്നും കള്ളക്കുറിച്ചിയിലേക്ക് ഡോക്ടര്‍മാരെത്തിയിട്ടുണ്ട്. ആംബുലന്‍സുകളും തയ്യാറാക്കി നിര്‍ത്തിയിട്ടുണ്ട്.

തമിഴ്‌നാട്ടിൽ വ്യാജമദ്യം കഴിച്ച് 13 മരണം, നിരവധിപേ‌ർ ആശുപത്രിയിൽ

National

കണ്ണൂർ: മുഖ്യമന്ത്രി പിണറായി വിജയനെതിരെ വീണ്ടും വിവാദപരാമർശവുമായി കെപിപിസി പ്രസിഡന്റ് കെ സുധാകരൻ.മുഖ്യമന്ത്രിക്കെതിരെ അവന്‍ എന്ന വാക്ക് ഉപയോഗിച്ചുള്ള മോശം പരാമര്‍ശങ്ങളാണ് സുധാകരന്‍ നടത്തിയത്.
'മുഖ്യമന്ത്രിക്ക് ആണത്തം ഉണ്ടോ. അവൻ വെട്ടിക്കൊന്ന ആളെത്രയാണ്. വിവരം കെട്ടവനാണ് മുഖ്യമന്ത്രിയെന്നും സ്കൂളിൽ പഠിക്കുന്ന കാലം മുതൽ വെട്ടാനും കുത്താനും തുടങ്ങിയതല്ലേയെന്നും' സുധാകരൻ ചോദിച്ചു.&nbsp;
'സിപിഎം എന്ന പാർട്ടിയുടെ രാഷ്ട്രീയ അസ്ഥിത്വം തന്നെ അക്രമത്തിലും കൊലപാതകത്തിലുമാണ്. അതിലൊന്ന് ബോംബേറാണ്.'- സുധാകരൻ പറഞ്ഞു.എരഞ്ഞോളി ബോംബ് സ്‌ഫോടനത്തില്‍ 85-കാരന്‍ മരിച്ചതിനെക്കുറിച്ച് നടത്തിയ പ്രതികരണത്തില്‍ വൃദ്ധനല്ലേ മരിച്ചത് ചെറുപ്പക്കാരനല്ലല്ലോ എന്ന പരാമര്‍ശം വന്നതില്‍ വിശദീകരണവും അദ്ദേഹം നൽകി. വൃദ്ധന്‍ മരിച്ചു എന്നല്ല, ചെറുപ്പക്കാരന്‍ മരിച്ചില്ലല്ലോ എന്നാണ് താന്‍ പറഞ്ഞതെന്ന് അദ്ദേഹം വിശദീകരിച്ചു. ബോംബ് സ്‌ഫോടനത്തില്‍ ചെറുപ്പക്കാരെ കൊല്ലാത്ത സി.പി.എമ്മിന്റെ അപൂര്‍വം കൊലകളില്‍ ഒന്നാണിത്. അത് മെച്ചം എന്നല്ലാതെ എന്താണ് പറയേണ്ടതെന്നും അദ്ദേഹം ചോദിച്ചു.

'മുഖ്യമന്ത്രിക്ക് ആണത്തം ഉണ്ടോ; അവന്‍ വെട്ടിക്കൊന്ന ആളെത്രയാ', വിവാദപരാമർശവുമായി കെ സുധാകരൻ

തിരുവനന്തപുരം: അമ്പൂരി മായത്ത് ഭർത്താവ് ഭാര്യയെ കുത്തിക്കൊന്നു. മായം കോലോത്ത് വീട്ടിൽ രാജി (34)യാണ് മരിച്ചത്. സംഭവത്തിൽ ഭർത്താവ് മനോജ് സെബാസ്റ്റ്യനെ (50) പോലീസ് പിടികൂടി.
ആശുപത്രിയിൽപോയി മടങ്ങിവരവേ രാജിയെ മനോജ് ആക്രമിക്കുകയായിരുന്നു. മുഖത്തും നെഞ്ചിലും കുത്തുകളേറ്റു. മൂക്ക് ഛേദിച്ച നിലയിലാണ്. മൃതദേഹം കാട്ടാക്കടയിലെ സ്വകാര്യ ആശുപത്രി മോർച്ചറിയിലേക്ക് മാറ്റി.ഒരു വർഷത്തോളമായി ഭർത്താവുമായി വേർപിരിഞ്ഞു നിൽക്കുകയായിരുന്ന രാജി അമ്മക്കും അച്ഛനും ഒപ്പമാണ് താമസിച്ചിരുന്നത്. ഇരുവരും അടുത്ത വീടുകളിലായിരുന്നു താമസം. രണ്ടു മക്കളുണ്ട്.&nbsp;

തിരുവനന്തപുരത്ത് ഭർത്താവ് ഭാര്യയെ കുത്തിക്കൊലപ്പെടുത്തി

Kerala

തിരുവനന്തപുരം: കെ രാധാകൃഷ്ണൻ കൈകാര്യം ചെയ്തിരുന്ന വകുപ്പുകൾ മുഖ്യമന്ത്രിക്ക്. പട്ടികജാതി വികസനം ,ദേവസ്വം വകുപ്പുകൾ കൂടിയാണ് മുഖ്യമന്ത്രി പിണറായി വിജയൻ കൈകാര്യം ചെയ്യുക. സർക്കാർ വിജ്ഞാപനം പുറത്തിറങ്ങി.
ഒരു വകുപ്പ് അധികനാൾ ഒഴിച്ചിടാൻ സാധിക്കില്ല. പാർട്ടി തീരുമാനം എടുക്കുന്നതുവരെ താൽക്കാലികമായാണ് മുഖ്യമന്ത്രി ഈ വകുപ്പുകൾ കൈകാര്യം ചെയ്യുക.ഇന്നലെയാണ് കെ രാധാകൃഷ്ണൻ മന്ത്രിസ്ഥാനം രാജിവെച്ചത്. ആലത്തൂർ ലോക്സഭാ മണ്ഡലത്തിൽ എം.പിയായി തെരഞ്ഞെടുക്കപ്പെട്ടതിനാലാണ് രാജി.

പട്ടികജാതി വികസനം, ദേവസ്വം വകുപ്പുകൾ മുഖ്യമന്ത്രി കൈകാര്യം ചെയ്യും

കണ്ണൂർ: കണ്ണൂരിലെ ബോംബ് സ്ഫോടനത്തിൽ വിവാദ പരാമർശവുമായി കെ.പി.സി.സി പ്രസിഡന്റ് കെ.സുധാകരൻ. സ്ഫോടനത്തിൽ മരിച്ചത് ചെറുപ്പക്കാരൻ അല്ലല്ലോ വൃദ്ധനല്ലേ എന്നായിരുന്നു പരാമർശം. ബോംബുകള്‍ ഇനിയും പൊട്ടാനുണ്ടെന്നും ബാക്കി പ്രതികരണം അപ്പോള്‍ നടത്താമെന്നും സുധാകരന്‍ കൂട്ടിച്ചേര്‍ത്തു
തലശേരിയില്‍ തേങ്ങ പെറുക്കാൻ പറമ്പിൽ പോയ എരഞ്ഞോളി കുടത്തളം സ്വദേശി വേലായുധൻ(75)ആണ് ബോംബ് പൊട്ടി മരിച്ചത്. എരഞ്ഞോളി പഞ്ചായത്ത് ഓഫീസിന് സമീപത്തെ ആളൊഴിഞ്ഞ പറമ്പിലാണ് സംഭവം. സ്റ്റീൽ ബോംബാണ് പൊട്ടിത്തെറിച്ചത്

'മരിച്ചത് ചെറുപ്പക്കാരൻ അല്ലല്ലോ, വൃദ്ധനല്ലേ'; വിവാദ പരാമർശവുമായി കെ.സുധാകരൻ

കോഴിക്കോട്: തന്റെ ചിത്രങ്ങള്‍ സാമൂഹിക മാധ്യമങ്ങളില്‍ ദുരുപയോഗം ചെയ്യുന്നെന്ന് ചൂണ്ടിക്കാട്ടി എഴുത്തുകാരിയും പുസ്തക പ്രസാധകയുമായ യുവതി പരാതി നല്‍കി. വടകര സ്വദേശിയായ നവാസ് പി. കൂമുള്ളിക്കെതിരെയാണ് സിറ്റി പോലീസ് കമ്മിഷണര്‍ക്ക് പരാതി നല്‍കിയിരിക്കുന്നത്.നവാസ് തന്റെ ഫോട്ടോ ഉപയോഗിച്ച് വ്യാജ പ്രൊഫൈലുകള്‍ ഉണ്ടാക്കിയെന്നും ഇത് ഉപയോഗിച്ച് ലൈവ് നടത്തുകയും പലര്‍ക്കും അശ്ലീല സന്ദേശങ്ങള്‍ അയക്കുന്നുവെന്നും പരാതിയില്‍ പറയുന്നു. വ്യാജ പ്രൊഫൈലുകളില്‍ ഒരു പരിചയവും ഇല്ലാത്ത പുരുഷന്‍മാരുടെ ചിത്രങ്ങള്‍ ചേര്‍ത്ത് അവര്‍ക്ക് താന്‍ അശ്ലീല സന്ദേശം അയച്ചു എന്ന് വരുത്തിത്തീര്‍ക്കുന്നുവെന്നും യുവതി നല്‍കിയ പരാതിയിലുണ്ട്.
ഇന്‍സ്റ്റഗ്രാം, ടിക്ടോക്, യൂട്യൂബ് തുടങ്ങിയ സമൂഹ മാധ്യമങ്ങളാണ് ഇതിനുവേണ്ടി ഉപയോഗിക്കുന്നതെന്നും വ്യാജ സന്ദേശങ്ങള്‍ തന്നെ അപമാനിക്കാനും ചൂഷണം ചെയ്യാനും ഉപയോഗിക്കുന്നെന്നും യുവതിയുടെ പരാതിയിൽ പറയുന്നു.

'ചിത്രങ്ങള്‍ ദുരുപയോഗം ചെയ്യുന്നു'; വടകര സ്വദേശിക്കെതിരെ പരാതി നൽകി എഴുത്തുകാരി

Vadakara

വടകര: വായനദിനത്തിൻ്റെ ഭാഗമായി മേമുണ്ട ഹയർസെക്കണ്ടറി സ്കൂളിൽ വിവിധ പരിപാടികൾക്ക് തുടക്കമായി. വിപുലീകരിച്ച ലൈബ്രറി സൗകര്യമുള്ള സ്കൂളിൽ യു പി വിഭാഗത്തിന് പ്രത്യേകമായുള്ള ലൈബ്രറിയുടെ ഉദ്ഘാടനം എഴുത്തുകാരിയും കവയിത്രിയുമായ പി എസ് ബിന്ദുമോൾ നിർവ്വഹിച്ചു. പ്രശസ്ത കവി പ്രദീപ് തിരുവള്ളൂർ കുട്ടികളുമായി സംവദിച്ചു.
പിടിഎ പ്രസിഡണ്ട് ഡോ എം വി തോമസ്, ഹെഡ്മാസ്റ്റർ പി കെ ജിതേഷ്, പി കെ ജയറാം, അഭിശ്രീ ഗൗതം, അഞ്ജന ബാലകൃഷ്ണൻ എന്നിവർ സംസാരിച്ചു. വായനാദിനത്തിൻ്റെ ഭാഗമായി ഒരു മാസം നീണ്ടുനിൽക്കുന്ന പരിപാടികളാണ് ആസൂത്രണം ചെയ്തത്. വായന ക്വിസ്സ്, വായന മത്സരം, പുസ്തക ആസ്വാദനം, കഥാപാത്ര ആവിഷ്ക്കാരം, അമ്മ വായന, പുസ്തകത്തണലിൽ, എഴുത്തിൻ്റെ വേരുകൾ തേടി ഒരു യാത്ര, എഴുത്തുകാരോടൊപ്പം എന്നിങ്ങനെ വിവിധ പരിപാടികൾക്കാണ് തുടക്കമായത്.

മേമുണ്ട ഹയർസെക്കണ്ടറിയിൽ വായനാ ദിന പരിപാടികൾക്ക് തുടക്കമായി

നാദാപുരം: സമൂഹ മാധ്യമത്തിൽ പ്രചരിച്ച വീഡിയോയുമായി ബന്ധപ്പെട്ട് ആരോപണ വിധേയായ ഗ്രാമപഞ്ചായത്ത് വൈസ് പ്രസിഡണ്ട് അഖില മര്യാട്ട് വൈസ് പ്രസിഡണ്ട് സ്ഥാനം രാജിവെച്ചു കൊണ്ടുള്ള കത്ത് പാർട്ടിക്ക് കൈമാറി. തനിക്ക് നേരെ വന്നത് വ്യാജ ആരോപണമാണ്. എന്നാൽ ധാർമികതയുടെ പേരിൽ വൈസ് പ്രസിഡണ്ട് സ്ഥാനം രാജിവെക്കാൻ തയ്യാറാണെന്ന് അഖില മര്യാട്ട് ജില്ലാ കോൺഗ്രസ് കമ്മിറ്റി പ്രസിഡന്റ് കെ പ്രവീൺ കുമാറിനെ അറിയിച്ചു. ഇത് സംബന്ധിച്ച കത്ത് ഡിസിസി പ്രസിഡന്റിന് കൈമാറി. തനിക്ക് നേരെ വന്ന ആരോപണം വ്യാജമാണ്.
ചിലർ തന്നെ വേട്ടയാടുകയാണ്. വിഷയം പാർട്ടി തലത്തിൽ അന്വേഷിക്കണം. എൻറെ നിരപരാധിത്വം പൊതു സമൂഹത്തെ ബോധ്യമാക്കണം. പ്രസ്തുത സംഭവത്തെക്കുറിച്ച് പാർട്ടി തല അന്വേഷണം നടത്തി സത്യാവസ്ഥ പുറത്തുകൊണ്ടുവരണമെന്നും അഖില കത്തിലൂടെ ആവശ്യപ്പെട്ടു. ആരോപണം ഉയർന്നുവന്ന അവസരത്തിൽ തന്നെ നിജസ്ഥിതി പുറത്തുകൊണ്ടു വരുന്നതിനു വേണ്ടി താൻ വടകര റൂറൽ എസ് പിക്ക് പരാതി കൊടുത്തിരുന്നു. പോലീസ് ഇതുവരെയും യാതൊരുവിധ നടപടികളും എടുത്തില്ല. പരാതിയെക്കുറിച്ച് സമഗ്ര അന്വേഷണം നടത്തണം. തന്നെ വേട്ടയാടുന്നവരെ നിയമത്തിന്റെ മുന്നിൽ കൊണ്ടു വരാൻ പാർട്ടിയുടെ കൂടെ നിന്ന് പോരാടുമെന്നും അഖില ജില്ലാ നേതൃത്വത്തെ അറിയിച്ചു.

നാദാപുരം ഗ്രാമപഞ്ചായത്ത് വൈസ് പ്രസിഡണ്ട് അഖില മര്യാട്ട് രാജിവെക്കുന്നു

Nadapuram

വടകര: രാഹുൽ ഗാന്ധിയുടെ ജന്മദിനത്തിൽ യൂത്ത് കോൺഗ്രസ് വടകര നിയോജക മണ്ഡലം കമ്മിറ്റിയുടെ നേതൃത്വത്തിൽ ചോറോട് ബഡ്സ് സ്പെഷ്യൽ സ്കൂളിൽ ലഘു ഭക്ഷണ വിതരണം നടത്തി. നിയോജകമണ്ഡലം പ്രസിഡണ്ട് സി.നിജിൻ, ജില്ലാ ജനറൽ സെക്രട്ടറി അനന്യപ്രകാശ്, സുബിൻ മടപ്പള്ളി, ദിൽരാജ് പനോളി, കെ. ജി രാഗേഷ്, റോബിൻ ഒഞ്ചിയം, ശ്രീജിഷ്. യു. എസ്, അബ്ദുൽ റസാക്ക് കൈനാട്ടി, ജിബിൻ രാജ്, കെ. കെ പവിത്രൻ എന്നിവർ നേതൃത്വം നൽകി.

രാഹുൽ ഗാന്ധിയുടെ ജന്മദിനം ആഘോഷിച്ചു

പള്ളൂർ : കസ്തൂർബാ ഗാന്ധി ഗവ. ഹൈസ്കൂളിൽ വായനാവാരാഘോഷം സമുചിതമായി ആരംഭിച്ചു. വായനാവാരാഘോഷത്തിൻ്റെ ഉദ്ഘാടനം റിട്ടയർഡ് മലയാള അധ്യാപകൻ അഷ്റഫ് എ സി എച്ച് നിർവ്വഹിച്ചു. വൈലോപ്പിള്ളി ശ്രീധരമേനോൻ, കാരൂർ നീലകണ്ഠപ്പിള്ള, ഫ്രാൻസ് കാഫ്ക എന്നീ എഴുത്തുകാരെ വിദ്യാർത്ഥികൾക്ക് പരിചയപ്പെടുത്തി. സ്കൂൾ ഹെഡ് മാസ്റ്റർ കെ പി ഹരീന്ദ്രൻ അധ്യക്ഷം വഹിച്ച ചടങ്ങിൽ വിദ്യാർത്ഥികളായ ജാൻവി ജയൻ വരച്ച പി. എൻ പണിക്കരുടെ ഛായാചിത്രം സ്കൂളിന് സമ്മാനിച്ചു.&nbsp;
അദിതി പി ലാൽ 'മയ്യഴിപ്പുഴയുടെ തീരങ്ങളിൽ' എന്ന കൃതിയുടെ വായനക്കുറിപ്പും ശിവാനി. പി 'ആരാച്ചാർ' എന്ന കൃതിയുടെ പുസ്തകപരിചയവും അവതരിപ്പിച്ചു. ചടങ്ങിൽ സീനിയർ അധ്യാപകരായ സി എം നിഷ സ്വാഗതവും പി കെ സതീഷ് കുമാർ നന്ദിയും പറഞ്ഞു. കുട്ടികൾക്കായി വായനയുമായി ബന്ധപ്പെട്ട ഒരാഴ്ച നീണ്ടുനില്‍ക്കുന്ന വിവിധ മത്സരങ്ങളും ഉണ്ടായിരിക്കും.

കസ്തൂർബാ ഗാന്ധി ഗവ ഹൈസ്കൂളിൽ വായനാവാരാഘോഷം

Mahe

തിരുവനന്തപുരം: സംസ്ഥാനത്ത് മഴ കനക്കാനുള്ള സാധ്യത പരി​ഗണിച്ച് വരുംദിവസങ്ങളിൽ വിവിധ ജില്ലകളിൽ മഞ്ഞ, ഓറഞ്ച് അലർട്ടുകൾ പ്രഖ്യാപിച്ചു. ഉയർന്ന തിരമാല ജാഗ്രത നിർദ്ദേശവും ഇടിമിന്നൽ ജാഗ്രതാ നിർദ്ദേശവും പുറപ്പെടുവിച്ചിട്ടുണ്ട്. വിവിധ ദിവസങ്ങളിൽ ആറ് ജില്ലകളിൽ ഓറഞ്ച് അലർട്ടും മറ്റുജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്.
ഓറഞ്ച് അലർട്ട്
21-06-2024: മലപ്പുറം, കോഴിക്കോട്, കണ്ണൂർ
22-06-2024: മലപ്പുറം, കോഴിക്കോട്, വയനാട്, കണ്ണൂർ, കാസർകോട്
23-06-2024: പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട്
മഞ്ഞ അലർട്ട്
19-06-2024: തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കണ്ണൂർ, കാസർകോട്
20-06-2024: തിരുവനന്തപുരം, കൊല്ലം,ആലപ്പുഴ, കണ്ണൂർ, കാസർകോട്
21-06-2024: ഇടുക്കി, എറണാകുളം, തൃശ്ശൂർ, പാലക്കാട്, വയനാട്, കാസർകോട്
22-06-2024: കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്
23-06-2024: പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ
ജൂൺ 19 മുതൽ 21 വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
ആന്ധ്രാതീരത്തിനും തെലുങ്കാനയ്ക്കും മുകളിലായി ചക്രവാതച്ചുഴി നിലനിൽക്കുന്നുണ്ട്. ജൂൺ 21 മുതൽ കേരള തീരത്ത് പടിഞ്ഞാറൻ/തെക്ക് പടിഞ്ഞാറൻ കാറ്റ് ശക്തമാകാൻ സാധ്യതയുണ്ട്. ഇതിന്റെ ഫലമായി, ജൂൺ 23 -ന് ഒറ്റപ്പെട്ട സ്ഥലങ്ങളിൽ അതിതീവ്രമായ മഴയ്ക്കും, ജൂൺ 21 മുതൽ 23 വരെ ഒറ്റപ്പെട്ട സ്ഥലങ്ങളിൽ അതിശക്തമായ മഴയ്ക്കും, ജൂൺ 19 മുതൽ 23 വരെ ഒറ്റപ്പെട്ട സ്ഥലങ്ങളിൽ ശക്തമായ മഴയ്ക്കും സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
കടൽത്തീരങ്ങളിൽ ജാഗ്രത വേണം
20-06-2024 മുതൽ 23-06-2024 വരെ കേരള - കർണ്ണാടക - ലക്ഷദ്വീപ്‌ തീരങ്ങളിൽ മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. 20-06-2024 മുതൽ 23-06-2024 വരെ കേരള - കർണ്ണാടക - ലക്ഷദ്വീപ്‌ തീരങ്ങളിൽ മണിക്കൂറിൽ 35 മുതൽ 45 കിലോമീറ്റർ വരെയും ചില അവസരങ്ങളിൽ മണിക്കൂറിൽ 55 കിലോമീറ്റർ വരെയും വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതായും മുന്നറിയിപ്പുണ്ട്.
തമിഴ്‌നാട് തീരത്ത് വ്യാഴാഴ്ച രാത്രി 11.30 വരെ കള്ളക്കടൽ പ്രതിഭാസത്തിനും ഉയർന്ന തിരമാലയ്ക്കും സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു. കടൽക്ഷോഭം രൂക്ഷമാകാൻ സാധ്യതയുള്ളതിനാൽ അപകട മേഖലകളിൽനിന്ന് അധികൃതരുടെ നിർദേശാനുസരണം മാറിത്താമസിക്കണമെന്നും ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കണമെന്നും നിർദേശമുണ്ട്.
ബുധനാഴ്ച ഗൾഫ് ഓഫ് മന്നാർ, അതിനോടുചേർന്ന തെക്കൻ തമിഴ്നാട് തീരം, തെക്കൻ ബംഗാൾ ഉൾക്കടൽ, അതിനോടുചേർന്ന മധ്യ ബംഗാൾ ഉൾക്കടൽ, അതിനോടുചേർന്ന മധ്യ പടിഞ്ഞാറൻ ബംഗാൾ ഉൾക്കടൽ, വടക്കൻ ആന്ധ്രപ്രദേശ് തീരം എന്നിവിടങ്ങളിൽ മണിക്കൂറിൽ 35 മുതൽ 45 കിലോമീറ്റർവരെയും ചില അവസരങ്ങളിൽ മണിക്കൂറിൽ 55 കിലോമീറ്റർവരെയും വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതായും മുന്നറിയിപ്പുണ്ട്.

വരും ദിവസങ്ങളിൽ സംസ്ഥാനത്ത് മഴ ശക്തമാകും: ഓറഞ്ച്, യെല്ലോ അലർട്ട്

കൊച്ചി: താര സംഘടനയായ ‘അമ്മ’യുടെ ട്രഷറർ പദവിയിലേക്ക് നടൻ ഉണ്ണി മുകുന്ദൻ എതിരില്ലാതെ തിരഞ്ഞെടുക്കപ്പെട്ടു. കഴിഞ്ഞ ഭരണസമിതിയിൽ കമ്മിറ്റി അംഗമായിരുന്നു ഉണ്ണി. സിദ്ദിഖിന്റെ പിൻഗാമിയായിട്ടാണ് ഉണ്ണി മുകുന്ദൻ ട്രഷറർ സ്ഥാനത്തേയ്ക്ക് എത്തുന്നത്.
രമേഷ് പിഷാരടി, റോണി ഡേവിഡ്, സുരേഷ് കൃഷ്ണ, ടിനി ടോം, ടൊവിനോ തോമസ്, സരയു മോഹൻ, സുരാജ് വെഞ്ഞാറമൂട്, വിനു മോഹൻ, അനന്യ, അൻസിബ, ജോയ് മാത്യു, കലാഭവൻ ഷാജോൺ എന്നിവർ പതിനൊന്ന് അംഗങ്ങളുള്ള എക്സിക്യൂട്ടീവ് കമ്മിറ്റിയിലേക്ക് നാമനിർദേശപത്രിക നൽകിയിട്ടുണ്ട്.
നേരത്തെ ‘അമ്മ’യുടെ പ്രസിഡന്റായി എതിരില്ലാതെ മോഹൻലാൽ തിരഞ്ഞെടുക്കപ്പെട്ടിരുന്നു. ചൊവ്വാഴ്ചയായിരുന്നു പത്രിക പിൻവലിക്കാനുള്ള അവസാന തീയതി.മറ്റു സ്ഥാനാർഥികൾ ഇല്ലാതിരുന്നതിനാൽ എതിരില്ലാതെ മോഹൻലാൽ തിരഞ്ഞെടുക്കപ്പെടുകയായിരുന്നു.

‘അമ്മ’യുടെ ട്രഷറർ പദവിയിലേക്ക് ഉണ്ണി മുകുന്ദൻ എതിരില്ലാതെ തിരഞ്ഞെടുക്കപ്പെട്ടു

മാഹി : വായിക്കുന്നത് ജീവന് ഔഷധമെന്ന് പ്രശസ്ത വന്യജീവി ഫോട്ടോഗ്രാഫറും എഴുത്തുകാരനുമായ അസീസ് മാഹി. ഗവൺമെൻ്റ് മിഡിൽ സ്കൂൾ അവറോത്ത് വായനവാരാചരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. പ്രധാന അധ്യാപിക പി സീതാലക്ഷ്മി അധ്യക്ഷത വഹിച്ചു. ജയിംസ് സി ജോസഫ്, എം ഷൈനി, എ വി സിന്ധു, ടി സജിത, ധർമ്മിക സുനിൽ എന്നിവർ സംസാരിച്ചു. ആർട്ടിസ്റ്റ് സജീവൻ, കെ കെ സുജ, കെ ഷിജിന എന്നിവർ നേതൃത്വം നൽകി.

വായിക്കുന്നത് ജീവന് ഔഷധം; അസീസ് മാഹി

വില്ല്യപ്പള്ളി: വില്ല്യപ്പള്ളി യു. പി സ്കൂളിൽ വായന ദിനം സമുചിതമായി ആഘോഷിച്ചു. പ്രശസ്ത സാഹിത്യകാരനും അധ്യാപകനുമായ ഗോപിനാരായണൻ പരിപാടി ഉദ്ഘാടനം ചെയ്തു. വിദ്യാരംഗം കലാസാഹിത്യ വേദിയുടെ ഉദ്ഘാടനവും അദ്ദേഹം നിർവഹിച്ചു. കുട്ടികളുടെ വിവിധ കലാപരിപാടികൾ നടന്നു. കുട്ടികളുടെ നേതൃത്വത്തിൽ നടന്ന പരിപാടിയായത് കൊണ്ട് തന്നെ വ്യത്യസ്തവും ഏറെ ശ്രദ്ധേയവുമായിരുന്നു.

വായനദിനം ആഘോഷിച്ചു

ന്യൂഡല്‍ഹി: കോണ്‍ഗ്രസ് നേതാവ് രാഹുല്‍ ഗാന്ധിക്ക് 54-ാം പിറന്നാള്‍ ആഘോഷം. നേതാക്കള്‍ രാഹുലിന് ആശംസകള്‍ നേര്‍ന്നു. മുഖ്യമന്ത്രി പിണറായി വിജയനും എക്‌സിലൂടെ ആശംസ അറിയിച്ചു. 'സന്തോഷകരവും ശോഭനവുമായ ജീവിതം ആശംസിക്കുന്ന'തായി മുഖ്യമന്ത്രി എക്‌സില്‍ കുറിച്ചു.
കേക്കും പൂക്കളും വാദ്യമേളങ്ങളുമായാണ് എ.ഐ.സി.സി ആസ്ഥാനത്ത് പ്രവര്‍ത്തകര്‍ രാഹുലിനെ വരവേറ്റത്. ആര്‍പ്പുവിളികള്‍ക്കിടെ പ്രവര്‍ത്തകരിലേക്ക് എത്തി രാഹുല്‍ ആശംസകള്‍ ഏറ്റുവാങ്ങി. രാഹുല്‍ താമസിക്കുന്ന 10 ജന്‍പഥിലും കൊടികളും അലങ്കാരങ്ങളുമായി കോണ്‍ഗ്രസ് പ്രവര്‍ത്തകരെത്തി.
കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ, തമിഴ്‌നാട് മുഖ്യമന്ത്രിയും ഡിഎംകെ അധ്യക്ഷനുമായ എം.കെ സ്റ്റാലിന്‍, സമാജ്‌വാദി പാര്‍ട്ടി അധ്യക്ഷന്‍ അഖിലേഷ് യാദവ്, ആര്‍ജെഡി നേതാവ് തേജസ്വി യാദവ്, ജെഎംഎം നേതാവ് കല്‍പന സോറന്‍ തുടങ്ങിയ നേതാക്കളെല്ലാം രാഹുലിന് ആശംസകള്‍ നേര്‍ന്നു.

രാഹുല്‍ ഗാന്ധിക്ക് 54-ാം പിറന്നാള്‍ ;ആശംസകൾ നേർന്ന് നേതാക്കളും അണികളും

ശരീരഭാരം കുറയ്ക്കാനുള്ള ആദ്യപടി ജീവിതശൈലിയില്‍ മാറ്റം വരുത്തുക എന്നതാണ് പോഷകസമ്പുഷ്ടമായ ആഹാരം അളവിൽ കഴിക്കുന്നതോടൊപ്പം വ്യായാമവും ശീലമാക്കണം.
ശരിയായ ഭക്ഷണം തിരഞ്ഞെടുക്കുക എന്നത് ശരീരഭാരം കുറയ്ക്കുന്നതിൽ പ്രധാനമാണ്. ശരീരഭാരം കുറയ്ക്കാൻ സഹായിക്കുന്ന നിരവധി ഭക്ഷണങ്ങളുണ്ട്. അതിൽ ഒന്നാണ് വിത്തുകള്‍.ശരീരഭാരം കുറയ്ക്കാൻ ദിവസവും ഭക്ഷണത്തിൽ ഉൾപ്പെടുത്താവുന്ന വിത്തുകളെ പരിചയപ്പെടാം.
ചിയ സീഡ്സ് 
ചിയ സീഡ്സിൽ നാരുകൾ ധാരാളം ഉണ്ട്. ഇത് ദഹനത്തിനു സഹായിക്കുന്നതോടൊപ്പം കലോറി ശരീരത്തിലെത്തുന്നത് കുറയ്ക്കുകയും ഏറെ നേരം വയർ നിറഞ്ഞതായ തോന്നൽ ഉണ്ടാക്കുകയും ചെയ്യും. ഒമേഗ 3 ഫാറ്റി ആസിഡും ചിയ സീഡിൽ ഉണ്ട്. ഇത് ഇൻഫ്ലമേഷൻ കുറയ്ക്കാൻ സഹായിക്കുകയും ശരീരഭാരം കുറയ്ക്കുകയും ചെയ്യും. വെള്ളത്തിൽ കുതിർക്കുമ്പോൾ ജെൽ പോലുള്ള വസ്തുവാകുകയും ഇത് വയറു നിറയാനും അമിതമായി ഭക്ഷണം കഴിക്കുന്നതിനെ തടയാനും സഹായിക്കും.∙ഫ്ലാക്സ് സീഡ്സ് – ഫ്ലാക്സ് സീഡിൽ നാരുകളും ഒമേഗ 3 ഫാറ്റി ആസിഡും ഉണ്ട്. ഇത് കുടവയർ കുറയ്ക്കാനും ശരീരഭാരം കുറയ്ക്കാനും സഹായിക്കും. ഫ്ലാക്സ് സീഡിലെ സോല്യുബിൾ ഫൈബർ രക്തത്തിലെ പഞ്ചസാരയുടെ അളവും കൊളസ്ട്രോളും നിയന്ത്രിക്കുന്നു. ഇത് ഇൻസുലിൻ സെൻസിറ്റിവിറ്റി മെച്ചപ്പെടുത്താൻ സഹായിക്കുന്നു. അതുപോലെ കൊഴുപ്പിന്റെ ശേഖരണവും കുറയ്ക്കുന്നു.
ചണവിത്ത് 
പ്രോട്ടീൻ, ആരോഗ്യകരമായ കൊഴുപ്പുകൾ, നാരുകൾ ഇവയടങ്ങിയ പോഷകക്കലവറയാണ് ചണവിത്ത് (hemp seeds). പ്രോട്ടീൻ കൂടുതലടങ്ങിയതിനാൽ വിശപ്പു കുറയ്ക്കാനും വയറു നിറഞ്ഞതായ തോന്നൽ ഉണ്ടാക്കാനും സഹായിക്കും. ചണവിത്തിൽ ഒരിനം ഒമേഗ 6 ഫാറ്റി ആസിഡ് ആയ ഗാമ ലിനോലെനിക് ആസിഡ് (GLA) ഉണ്ട്. ഇത് കൊഴുപ്പിനെ ഇല്ലാതാക്കാനും ഉപാപചയപ്രവർത്തനം നിയന്ത്രിക്കാനും സഹായിക്കുന്നു.
മത്തങ്ങാക്കുരു 
ഉപാപചയ പ്രവർത്തനത്തിനും ഊർജോൽപാദനത്തിനും സഹായിക്കുന്ന പോഷകങ്ങളായ മഗ്നീഷ്യം, അയൺ, സിങ്ക് ഇവ മത്തങ്ങാക്കുരുവിൽ ധാരാളമുണ്ട്. ഇവയിലെ മഗ്നീഷ്യത്തിന്റെ കൂടിയ അളവ് രക്തത്തിലെ പഞ്ചസാരയുടെ അളവ് നിയന്ത്രിക്കുന്നു. ഇന്‍സുലിന്റെ പ്രവർത്തനത്തെ സപ്പോർട്ട് ചെയ്യുന്നു. ഇത് ശരീരഭാരം നിയന്ത്രിക്കാനും കുടവയർ കുറയ്ക്കാനും സഹായിക്കുന്നു. മാത്രമല്ല മത്തങ്ങാക്കുരുവിൽ പ്രോട്ടീനും ആരോഗ്യകരമായ കൊഴുപ്പുകളും ഉണ്ട്. ഇത് അമിതമായി ഭക്ഷണം കഴിക്കുന്നതിനെ തടയുന്നു.
സൂര്യകാന്തി വിത്ത് 
സൂര്യകാന്തി വിത്തിൽ വിറ്റമിൻ ഇ ധാരാളമുണ്ട്. ഫ്രീ റാഡിക്കലുകൾ ഉണ്ടാക്കുന്ന ക്ഷതങ്ങളിൽ നിന്ന് ഇത് കോശങ്ങളെ സംരക്ഷിക്കുന്നു. ഇൻഫ്ലമേഷൻ കുറയ്ക്കുന്ന നാരുകൾ ധാരാളം അടങ്ങിയതിനാൽ ദഹനത്തിനു സഹായിക്കുകയും ഏറെ നേരം വയർ നിറഞ്ഞതായ തോന്നൽ ഉണ്ടാക്കുകയും ചെയ്യും. ഇത് കുടവയർ കുറയ്ക്കാനും ശരീരഭാരം കുറയ്ക്കാനും സഹായിക്കും. മോണോ അൺസാച്ചുറേറ്റഡ്, പോളി അൺസാച്ചുറേറ്റഡ് കൊഴുപ്പുകൾ ഉൾപ്പെടെ ആരോഗ്യകരമായ കൊഴുപ്പുകൾ സൂര്യകാന്തി വിത്തിലുണ്ട്. ഇത് ഹൃദയാരോഗ്യം മെച്ചപ്പെടുത്തുകയും വയറിലെ കൊഴുപ്പ് കുറയ്ക്കുകയും ചെയ്യും.
എള്ള് 
എള്ളിൽ ലിഗ്നനുകൾ ധാരാളം ഉണ്ട്. ആന്റി ഇൻഫ്ലമേറ്ററി, ആന്റി ഓക്സിഡന്റ് ഗുണങ്ങൾ ഉള്ള സംയുക്തങ്ങളാണിവ. കൊഴുപ്പിന്റെ ഓക്സീകരണം വർധിപ്പിക്കാനും കൊഴുപ്പ് ശരീരത്തിൽ ശേഖരിക്കപ്പെടുന്നതു കുറയ്ക്കാനും സഹായിക്കുന്ന സെസാമിനും, സെസാമോലിനും എള്ളിലുണ്ട്. എള്ളിൽ പ്രോട്ടീനും ഫൈബറും ധാരാളമുണ്ട്. വയർ നിറഞ്ഞ തോന്നലുണ്ടാക്കാനും ശരീരഭാരം കുറയ്ക്കാനും ഇത് സഹായിക്കുന്നു.

കുടവയർ കുറയ്ക്കാൻ ഈ വിത്തുകൾ ഭക്ഷണത്തിൽ ഉൾപ്പെടുത്താം

Health

വില്ല്യാപ്പള്ളി: അമരാവതിയിലെ താഴെ പിലാവുള്ളതിൽ രാജീവൻ ചികിത്സാ സഹായ ഫണ്ടിലേക്ക് വില്ല്യാപ്പളളിയിലെ മോട്ടോർ തൊഴിലാളികൾ സമാഹരിച്ച തുക കൈമാറി. 16050 രൂപ കമ്മിറ്റി അംഗം രാജീവൻ കെ.പി ഏറ്റുവാങ്ങി.&nbsp;

ചികിത്സ സഹായ ഫണ്ട് കൈമാറി

Inshort

മലപ്പുറം: കൊണ്ടോട്ടിയിൽ നാല് വയസുകാരൻ മരിച്ചത് ചികിത്സാ പിഴവ് മൂലമെന്ന് സ്ഥിരീകരിച്ചു. അനസ്‌തേഷ്യ നൽകിയ അളവ് വർധിച്ചതാണ് മരണകാരണമെന്നാണ് പോസ്റ്റ്‌മോർട്ടം റിപ്പോർട്ടിൽ പറഞ്ഞിരിക്കുന്നത്. അരിമ്പ്ര കൊടക്കാടൻ നിസാറിന്റെ മകൻ മുഹമ്മദ് ഷാസിൽ ആണ് ഈ മാസം ഒന്നിന് കൊണ്ടോട്ടിയിലെ സ്വകാര്യ ആശുപത്രിയിൽ വച്ച് മരിച്ചത്.
കളിക്കുന്നതിനിടെ അണ്ണാക്കിൽ കമ്പ് തട്ടി കുട്ടിക്ക് മുറിവേറ്റിരുന്നു. തുടർന്ന് കുട്ടിയെ സ്വകാര്യ ആശുപത്രിയിൽ പ്രവേശിപ്പിച്ചു. മുറിവ് തുന്നുന്നതിനായി കുട്ടിക്ക് അനസ്‌തേഷ്യ നൽകിയതോടെ സ്ഥിതി വഷളാവുകയും കുട്ടി മരിക്കുകയുമായിരുന്നു.കുട്ടിയുടെ മരണത്തിന് കാരണം അനസ്‌തേഷ്യ നൽകിയതിലെ പിഴവാണെന്ന് കുടുംബം ആരോപിച്ചിരുന്നു.
&nbsp;കുട്ടി മരിച്ചത് അണ്ണാക്കിൽ കമ്പ് കുത്തിയുണ്ടായ മുറിവ് കാരണമല്ലെന്നും നാല് വയസുള്ള കുട്ടിക്ക് നൽകേണ്ട അളവിലല്ല അനസ്‌തേഷ്യ നൽകിയതെന്നുമാണ് പോസ്റ്റ്‌മോർട്ടം റിപ്പോർട്ടിൽ വ്യക്തമാക്കിയിരിക്കുന്നത്

കൊണ്ടോട്ടിയിൽ നാല് വയസുകാരൻ മരിച്ചത് ചികിത്സാ പിഴവ് മൂലം; പോസ്റ്റ്‌മോർട്ടം റിപ്പോർട്ട് പുറത്ത്

തിരുവനന്തപുരം : കുളത്തൂർ മാർക്കറ്റിൽ നാടൻ ബോംബുകൾ കണ്ടെത്തി. മാർക്കറ്റിനുള്ളിൽ പ്ലാസ്റ്റിക് കവറിൽ സൂക്ഷിച്ചിരുന്ന അഞ്ച് നാടൻ ബോംബുകളാണ് ബുധനാഴ്ച രാവിലെ കണ്ടെത്തിയത്. തുടർന്ന് പോലീസിൽ വിവരമറിയിക്കുകയായിരുന്നു.
കഴക്കൂട്ടം പോലീസും ബോംബ് ഡിറ്റൻഷൻ സ്ക്വാഡും ചേർന്ന് ബോംബുകൾ നിർവീര്യമാക്കാനായി സ്റ്റേഷനിലേക്ക് മാറ്റി.സി.സി.ടി.വി കൾ പരിശോധിച്ച് ഇവ സൂക്ഷിച്ചിരുന്ന ആളെ കണ്ടെത്താനുള്ള ശ്രമം പോലീസ് ആരംഭിച്ചു.

തിരുവനന്തപുരം കുളത്തൂർ മാർക്കറ്റിൽ നാടൻ ബോംബുകൾ കണ്ടെത്തി

തിരുവനന്തപുരം: നിയമസഭയിൽ ബഹളംവച്ച എം.എൽ.എ സച്ചിൻ ദേവ് എം.എൽ.എ യെ പരിഹസിച്ച് പ്രതിപക്ഷ നേതാവ് വി.ഡി. സതീശൻ. കണ്ണൂരിലെ ബോംബ് നിർമാണവുമായി ബന്ധപ്പെട്ട വിഷയം സംസാരിക്കുന്നതിനിടെയായിരുന്നു സച്ചിൻദേവ് ബഹളം വച്ചത്. തുടർന്ന്, ട്രാൻസ്പോർട്ട് ബസ് ഡ്രൈവറെ റോഡിൽ തടഞ്ഞ് വിരട്ടിയ സംഭവമല്ല താൻ പറയുന്നതെന്ന് വി.ഡി. സതീശൻ മറുപടി നൽകി.
'ഞാന്‍ ട്രാന്‍സ്‌പോര്‍ട്ട് ബസ് ഡ്രൈവറെ ഭീഷണിപ്പെടുത്തിയ കാര്യമല്ല പറഞ്ഞത്. ബോംബ് വച്ച കാര്യമാണ് പറഞ്ഞത്. ഇത്രയും ചൂടായി ബഹളം വയ്‌ക്കേണ്ട കാര്യമില്ല. ഞാന്‍ ബോംബ് നിര്‍മാണത്തിന്റെ കാര്യമാണ് പറയുന്നത്.
സച്ചിൻ ദേവും ഭാര്യയും തിരുവനന്തപുരം മേയറുമായ ആര്യാ രാജേന്ദ്രനും ഭർത്താവ് കാറിൽ സഞ്ചരിക്കുന്നതിനിടെ കെ.എസ്.ആർ.ടി.സി. ഡ്രൈവർ അശ്ലീല ആം​ഗ്യം കാണിച്ചെന്ന് ആരോപിച്ചായിരുന്നു നടുറോഡിൽ ബസ് തടഞ്ഞത്. തുടർന്ന് ഒട്ടേറെ വിവാദങ്ങളാണ് അരങ്ങേറിയത്.

'ഡ്രൈവറെ റോഡിൽ വിരട്ടിയ കാര്യമല്ല പറഞ്ഞത്'; സഭയിൽ ബഹളം വച്ച സച്ചിൻദേവിനെ പരിഹസിച്ച് പ്രതിപക്ഷ നേതാവ്

തിരുവനന്തപുരം: അമ്മയുടെ പ്രസിഡന്റായി വീണ്ടും മോഹൻലാൽ തെരഞ്ഞെടുക്കപ്പെട്ടു. ഇത് മൂന്നാംതവണയാണ് മോഹൻലാൽ താരസംഘടനയുടെ പ്രസിഡന്റാവുന്നത്.ജനറൽ സെക്രട്ടറി, വൈസ് പ്രസിഡന്റ് സ്ഥാനങ്ങളിലേക്ക് മത്സരമുണ്ട്.
കാൽനൂറ്റാണ്ടായ അമ്മയുടെ വിവിധ ഔദ്യോഗിക പദവികളിൽ തുടരുന്ന ഇടവേള ബാബു ജനറൽ സെക്രട്ടറി പദവി ഒഴിഞ്ഞതോടെയാണ് ആ സ്ഥാനത്തേക്ക് മത്സരമുണ്ടായത്. സിദ്ധിഖ്, കുക്കു പരമേശ്വരൻ, ഉണ്ണി ശിവപാൽ എന്നിവരാണ് ജനറൽ സെക്രട്ടറി സ്ഥാനത്തേക്ക് മത്സരിക്കുന്നത്. ജഗദീഷ്, ജയൻ ചേർത്തല, മഞ്ജുപിള്ള എന്നിവരാണ് വൈസ് പ്രസിഡന്റ് സ്ഥാനത്തേക്ക് മത്സരിക്കുന്നത്.
വോട്ടവകാശമുള്ള 506 അംഗങ്ങളാണു സംഘടനയിലുള്ളത്. ജൂൺ 3 മുതൽ തെരഞ്ഞെടുപ്പിനുള്ള നാമനിർദേശ പത്രികകൾ സ്വീകരിച്ചിരുന്നു. പ്രസിഡന്റ് സ്ഥാനത്തേക്ക് ആരും പത്രിക സമർപ്പിക്കാത്തതിനെ തുടർന്നാണ് മോഹൻലാൽ എതിരില്ലാതെ തെരഞ്ഞെടുക്കപ്പെട്ടത്. ജൂൺ 30നാണ് വാർഷിക പൊതുയോഗം നടക്കുന്നത്.

അമ്മ'യുടെ പ്രസിഡന്റായി വീണ്ടും മോഹൻലാൽ തെരഞ്ഞെടുക്കപ്പെട്ടു ;മറ്റ് പദവികളിലേക്ക് മത്സരം നടക്കും

തലശ്ശേരി: കുട്ടിമാക്കൂലിൽ അഞ്ജലി ഹൗസിൽ അക്ഷര (24) അന്തരിച്ചു. അച്ഛൻ മാണിക്കോത്ത് ഭാസ്കരൻ (കെ സി ആർ). അമ്മ രജിത. സഹോദരി; അനശ്വര.

തലശ്ശേരി കുട്ടിമാക്കൂൽ അഞ്ജലി ഹൗസിൽ അക്ഷര അന്തരിച്ചു

Obituary

അരൂർ: യു.പി സ്കൂളിൽ വായന വാരാഘോഷം തുടങ്ങി. വിദ്യാഭ്യാസ-ആരോഗ്യ പ്രവർത്തകൻ സി എച്ച് രാജൻ ഉദ്ഘാടനം ചെയ്തു. ഹെഡ്മാസ്റ്റർ എൽ.ആർ സജിലാൽ അധ്യക്ഷത വഹിച്ചു. മാധ്യമ പ്രവർത്തകൻ പി.കെ രാധാകൃഷ്ണൻ, വി.ആർ പ്രിയ, പി.കെ അനുപമ എന്നിവർ പ്രസംഗിച്ചു. 25 വരെ നീളുന്ന വാരാഘോഷത്തിൽ പ്രസംഗ മത്സരം, വായന മത്സരം, കയ്യെഴുത്ത് മത്സരം, ക്ലാസ് ലൈബ്രറി ഒരുക്കൽ, ആസ്വാദനകുറിപ്പ് തയ്യാറാക്കൽ ഉൾപ്പെടെ വിവിധ പരിപാടികൾ സംഘടിപ്പിക്കും.

വായന വാരാഘോഷം തുടങ്ങി

പുന്നോൾ: വായനശാലകളിൽ പത്രവായനയ്ക്കായി എത്തുന്നതിലും അധികം വായനക്കാരാണ് ഹോട്ടൽ കോരൻസിന്റെ വായനാ ഇടത്തിൽ എത്തുന്നത്. ചായയും കുടിക്കാം പത്രപാരായണവും നടത്താമെന്നതാണ് ഹോട്ടൽ കോരൻസിന്റെ പ്രത്യേകത. എട്ട് പത്രങ്ങൾ ഇവിടെ വായിക്കാം. രാവിലെ മുതൽ രാത്രി ഒൻപതിന് കട അടയ്ക്കുന്നത് വരെ വായനക്കാരുണ്ട്. തലശ്ശേരി-മാഹി ദേശീയപാതയോരത്ത് പുന്നോൽ സർവീസ് ബാങ്കിനടുത്താണ് ഹോട്ടൽ കോരൻസ്. അഞ്ച് പതിറ്റാണ്ടിലേറെയായി ഹോട്ടൽ പ്രവർത്തിക്കുന്നുണ്ട്. തച്ചോളി കോരൻ സ്ഥാപിച്ച ഹോട്ടൽ മകൾ രഞ്ചിനിയുടെ ഭർത്താവും മുൻ പഞ്ചായത്ത് പ്രസിഡന്റും പൊതുപ്രവർത്തകനും നാട്ടുമുഖ്യസ്ഥനുമായ എ.വി. ചന്ദ്രദാസനാണ് കുറെക്കാലമായി നടത്തുന്നത്.
മുൻപ്‌ പഴയ കെട്ടിടത്തിൽ പ്രവർത്തിച്ച ഹോട്ടലിൽ ഒരു കൊച്ചു വായനമുറി ഉണ്ടായിരുന്നു. ഇപ്പോഴത്തെ ഹോട്ടലിന് മുൻപിൽ നീളമുള്ള ഇരുമ്പ് മേശയും രണ്ട് ബെഞ്ചുകളുമാണ് വായനക്കായി ഒരുക്കിയിട്ടുള്ളത്. ചന്ദ്രദാസിന്റെ വായനയോടുള്ള പ്രത്യേക താത്‌പര്യം കാരണമാണ് ഇത്രയും സൗകര്യങ്ങൾ വായനക്കായി ഒരുക്കിയിട്ടുള്ളത്. അഞ്ച് പത്രങ്ങൾ ചന്ദ്രദാസൻ പണം കൊടുത്ത്‌ വാങ്ങുന്നതാണ്. മൂന്നെണ്ണം ഓരോ വ്യക്തികളുടെ വകയായും. അച്ചടിവായനയെ പ്രോത്സാഹിപ്പിക്കണം. അച്ചടിവായന നിലനിൽക്കേണ്ടത് ഇന്നത്തെ കാലത്തിന്റെ ആവശ്യമാണെന്നാണ് ചന്ദ്രദാസൻ പറയുന്നത്. ഓൺലൈൻ വായനയും ദൃശ്യമാധ്യമങ്ങളും ആവശ്യമാണെങ്കിലും അച്ചടിപ്രസിദ്ധീകരണങ്ങൾക്ക് ഇവ പകരമാവില്ല. ദിനപത്രങ്ങളടക്കമുള്ള പ്രസിദ്ധീകരണങ്ങൾ ധാരാളമായി വായിക്കപ്പെടണം.
വായനയെ സ്നേഹിക്കുന്നവർ അതിന് മുൻകൈയെടുക്കണം. വിദ്യാർഥികളിൽ പത്രവായനയിൽ താത്‌പര്യമുണ്ടാക്കാൻ അധ്യാപകരും രക്ഷിതാക്കളും ശ്രമിക്കണമെന്നും അദ്ദേഹം പറയുന്നു.

ചായയോടൊപ്പം വായിക്കാൻ ഇവിടെയുണ്ട് എട്ട് ദിനപത്രങ്ങൾ

ഡുസെൽഡോർഫ് (ജർമനി): ആദ്യ മത്സരത്തിൽത്തന്നെ സ്റ്റാർ സ്ട്രൈക്കർ കിലിയൻ എംബാപ്പെയ്ക്ക് പരിക്കേറ്റത് ഫ്രഞ്ച് ടീമിന് ആശങ്കയായി. എംബാപ്പെ അടുത്ത മത്സരം കളിക്കാനിറങ്ങുമോ എന്നതിൽ വ്യക്തതയില്ല. കളിക്കിറങ്ങുകയാണെങ്കിൽ മുഖാവരണം ധരിക്കേണ്ടിവരും. ഓസ്ട്രിയൻ താരം കെവിൻ ഡെൻസോയുടെ പിറകിൽ ശക്തമായി ഇടിച്ചാണ് മൂക്കിന് പരിക്കേറ്റത്.&nbsp;
കൂട്ടിയിടിയിൽ മൂക്കെല്ലിന് പൊട്ടലുണ്ടായെന്നാണ് സൂചന. എന്നാൽ അടിയന്തിര ശസ്ത്രക്രിയയുടെ ആവശ്യമില്ലെന്ന് ഫ്രഞ്ച് ഫുട്‌ബോൾ ഫെഡറേഷൻ പ്രസിഡന്റ് ഫിലിപ്പ് ഡിയാലൊ വ്യക്തമാക്കി. എംബാപ്പെക്ക് കളിക്കാനാവുമോ എന്നതിൽ കോച്ച് ദിദിയർ ദെഷാംസ് നേരത്തെ ആശങ്ക പ്രകടിപ്പിച്ചിരുന്നു.
പരിശോധനകൾക്ക് വിധേയനായ എംബാപ്പെ ടീമിനൊപ്പം ചേർന്നിട്ടുണ്ട്. പരിക്കേറ്റിട്ടും എംബാപ്പെ കളിതുടർന്നിരുന്നു. ഓസ്ട്രിയ ഗോൾകീപ്പർ പാട്രിക് പെൻസ് പരിക്ക് റഫറിയുടെ ശ്രദ്ധയിൽപ്പെടുത്തിയതിനെത്തുടർന്ന് എംബാപ്പെക്ക് ഫ്രഞ്ച് മെഡിക്കൽസംഘം വൈദ്യസഹായം ലഭ്യമാക്കി.&nbsp;

എംബാപ്പെയ്ക്ക്  പരിക്ക് ; നെതര്‍ലന്‍ഡ്‌സിനെതിരേ കളിച്ചേക്കില്ല

കുറ്റ്യാടി: കാഫിർ പരാമർശത്തിൽ സിപിഎം നേതാവും മുൻ എംഎൽഎയുമായ കെ.കെ ലതികക്കെതിരെ കേസെടുക്കണമെന്നാവശ്യപ്പെട്ട് യൂത്ത് കോൺഗ്രസ് സംസ്ഥാന ജനറൽ സെക്രട്ടറിയും കോഴിക്കോട് ജില്ല പഞ്ചായത്തംഗവുമായ വി.പി ദുൽഖിഫിൽ നൽകിയ പരാതി സ്വീകരിക്കാൻ തയാറാവാത്തതിനെ തുടർന്ന് പോലീസ് സ്റ്റേഷനിൽ ബഹളം. ഒടുവിൽ ഡിവൈഎസ്പി ഇടപെട്ട് പരാതി സ്വീകരിച്ചു. കഴിഞ്ഞ ദിവസം രാത്രി 10 മണിയോടെയാണ് സംഭവം.&nbsp;
കാഫിർ വ്യാജ സ്‌ക്രീൻഷോട്ട് വിഷയത്തിൽ കേസെടുക്കണമെന്ന് ആവശ്യപ്പെട്ട് വി.പി ദുൽഖിഫിലും യൂത്ത് കോൺഗ്രസ് പ്രവർത്തകരായ രാഹുൽ ചാലിൽ, ഷംസീർ എകെ, ജംഷി അടുക്കത്ത്, അഫ്സൽ മുഹമ്മദ്, പിപികെ നവാസ് അമാൻ തുടങ്ങിയവരും കുറ്റ്യാടി പോലീസ് സ്റ്റേഷനിൽ എത്തി. എന്നാൽ പരാതി സ്വീകരിക്കാൻ എസ്ഐ തയാറായില്ല. തുടർന്ന് പ്രവർത്തകർ സ്റ്റേഷനിൽ പ്രതിഷേധവുമായി ഇരുന്നു. ഒടുവിൽ കോൺഗ്രസ് ബ്ലോക്ക് പ്രസിഡൻ്റ് ശ്രീജേഷ് ഊരത്തും എത്തി. നാദാപുരം ഡിവൈഎസ്പിയുമായുള്ള ചർച്ചയെ തുടർന്ന് പരാതി സ്വീകരിക്കുകയായിരുന്നു.

വ്യാജ സ്‌ക്രീൻഷോട്ട് പരാതി സ്വീകരിച്ചില്ല; കുറ്റ്യാടി പോലീസ് സ്റ്റേഷനിൽ പ്രതിഷേധം തീർത്ത് യൂത്ത് കോൺഗ്രസ്

Kuttiadi

കുറ്റ്യാടി: മഹാത്മാ അയ്യങ്കാളിയുടെ 83 ആം ചരമദിനത്തിൽ ദളിത് കോൺഗ്രസ്‌ കാവിലുംപാറ ബ്ലോക്ക്‌ കമ്മറ്റിയുടെ ആഭിമുഖ്യത്തിൽ പുഷ്പാർച്ചനയും അനുസ്മരണ യോഗവും നടത്തി. ദളിത് കോൺഗ്രസ്‌ ബ്ലോക്ക്‌ പ്രസിഡന്റ് ഷിജിൻലാൽ നരിപ്പറ്റ അധ്യക്ഷത വഹിച്ചു. കോൺഗ്രസ്‌ ബ്ലോക്ക്‌ പ്രസിഡന്റ് ജമാൽ കോരങ്കോട്ട് ഉദ്ഘാടനം ചെയ്തു. കോൺഗ്രസ്‌ ബ്ലോക്ക്‌ സെക്രട്ടറി അമ്മദ് കോവുമ്മൽ, ബ്ലോക്ക് മഹിളാ ഭാരവാഹി ഗിത പിസി, യുത്ത് കോൺഗ്രസ്‌ നിയോജക മണ്ഡലം ഭാരവാഹി ജംഷി അടുക്കത്ത്, നവാസ് പി.പി, കെ. ഫിറോസ്, അബിൻ ബാബു എന്നിവർ പ്രസംഗിച്ചു.

ദളിത് കോൺഗ്രസ് അയ്യങ്കാളി അനുസ്മരണം

തിരുവനന്തപുരം: കുവൈറ്റ് ദുരന്തത്തിൽ മന്ത്രി വീണ ജോര്‍ജിന് യാത്രാനുമതി നിഷേധിച്ച കേന്ദ്ര നിലപാടില്‍ പ്രധാനമന്ത്രിക്ക് കത്തയച്ച് മുഖ്യമന്ത്രി പിണറായി വിജയന്‍. പൊളിറ്റിക്കൽ ക്ലിയറൻസ് നൽകാത്തത് ദൗർഭാഗ്യകരമാണെന്ന് പിണറായി വിജയൻ പറഞ്ഞു. സംസ്ഥാന മന്ത്രിസഭയുടെ തീരുമാനത്തെ കേന്ദ്ര വിദേശകാര്യമന്ത്രാലയം അവഗണിച്ചെന്നും മുഖ്യമന്ത്രി പറഞ്ഞു.
ദുരന്ത മുഖത്ത് വിവാദത്തിനില്ലെന്നും സംസ്ഥാന സർക്കാരിന്‍റെ കൂട്ടായ തീരുമാനമാണ് അവഗണിക്കപ്പെട്ടതെന്നും മുഖ്യമന്ത്രി വ്യക്തമാക്കി. കേന്ദ്ര- സംസ്ഥാന ഫെഡറൽ തത്വങ്ങൾക്ക് എതിരാണ് നടപടിയെന്നും പിണറായി വിജയൻ കത്തിൽ പറഞ്ഞു. ഭാവിയിൽ ഇത്തരം നടപടികൾ ഉണ്ടാകാതിരിക്കാൻ വിദേശകാര്യ മന്ത്രാലയത്തിനോട് നിർദ്ദേശിക്കണമെന്നും മുഖ്യമന്ത്രി കൂട്ടിച്ചേർത്തു.
കുവൈറ്റ് തീപിടിത്തത്തിൽ ജീവൻ നഷ്ടമായവർക്ക് നിയമസഭ അനുശോചനം രേഖപ്പെടുത്തി. 24 മലയാളികൾ ഉൾപ്പെടെ 49 പേരാണ് ദുരന്തത്തിൽ മരിച്ചത്.&nbsp;

വീണജോര്‍ജിന് യാത്രാനുമതി നിഷേധിച്ച സംഭവം: പ്രധാനമന്ത്രിക്ക് കത്തയച്ച് മുഖ്യമന്ത്രി

വടകര: സോഷ്യലിസ്റ്റ് സൈദ്ധാന്തികനും വടകരയിലെ പ്രമുഖസംഘാടകനും പൊതു പ്രവർത്തകനും അധ്യാപക അവാർഡ് ജേതാവുമായ പി. ബാലൻ അനുസ്മരണം ജൂൺ 22 ന് ആർ. ജെ. ഡി. വടകര മണ്ഡലം കമ്മിറ്റിയുടെ നേതൃത്വത്തിൽ സംഘടിപ്പിക്കുന്നു. 22 ന് വൈകുന്നേരം 5 മണിക്ക് വടകര മുൻസിപ്പൽ പാർക്ക് ഓഡിറ്റോറിയത്തിൽ നടക്കുന്ന അനുസ്മരണ പരിപാടിയിൽ വിവിധ രാഷ്ട്രീയ പാർട്ടി പ്രതിനിധികൾ, വടകരയിലെ വിവിധ സംഘടനാ പ്രതിനിധികൾ എന്നിവർ പങ്കെടുക്കും. ആർ.ജെ. ഡി. വടകര മണ്ഡലം കമ്മിറ്റി യോഗത്തിൽ പ്രസിഡണ്ട് അഡ്വ സി. വിനോദൻ അധ്യക്ഷത വഹിച്ചു. സംസ്ഥാന സെക്രട്ടറി മനയത്ത് ചന്ദ്രൻ, എ .ടി. ശ്രീധരൻ, പി .പി. രാജൻ, സി. കുമാരൻ, പി.കെ. കുഞ്ഞിക്കണ്ണൻ, പി. പ്രദീപ് കുമാർ, കൈപ്പാട്ടിൽ ശ്രീധരൻ എന്നിവർ സംസാരിച്ചു.

പി. ബാലൻ അനുസ്മരണം 22ന് വടകരയിൽ

കോഴിക്കോട്: പന്തീരാങ്കാവ് സ്‌ത്രീധന പീഡനക്കേസ് ഒത്തുതീ‌ർപ്പിലേക്ക്. ഭാര്യയുമൊത്ത് ജീവിക്കാൻ തീരുമാനിച്ചെന്ന് രാഹുൽ ഹൈക്കോടതിയെ അറിയിച്ചു. ഭാര്യയുടെ സത്യവാംങ്‌മൂലം അംഗീകരിച്ച് തനിക്കെതിരായ കേസ് റദ്ദാക്കണമെന്നും രാഹുൽ കോടതിയോട് ആവശ്യപ്പെട്ടു.&nbsp;
സ്‌ത്രീധനം ആവശ്യപ്പെട്ട് ഭർത്താവും വീട്ടുകാരും ചേർന്ന് ക്രൂരമായി മർദിച്ചു എന്നായിരുന്നു യുവതി ആദ്യം നൽകിയ മൊഴി. ഏതാനും ദിവസങ്ങൾക്ക് മുമ്പാണ് യുവതി മൊഴി മാറ്റിയത്. രാഹുൽ മർദിച്ചിട്ടില്ലെന്നും തന്റെ വീട്ടുകാരുടെ നിർബന്ധത്തെ തുടർന്നാണ് രാഹുലിനെതിരെ മൊഴി നൽകിയതെന്നുമാണ് പെൺകുട്ടി പിന്നീട് പറഞ്ഞത്.
ഇതിന് പിന്നാലെയാണ് പന്തീരാങ്കാവ് പൊലീസ് രജിസ്റ്റർ ചെയ്‌ത കേസ് റദ്ദാക്കണമെന്ന് ആവശ്യപ്പെട്ട് രാഹുൽ കോടതിയെ സമീപിച്ചത്. പെൺകുട്ടി ആരോപണങ്ങൾ പിൻവലിച്ച സാഹചര്യത്തിൽ ഹൈക്കോടതി രാഹുലിന്റെ ഹർജി അംഗീകരിക്കാനാണ് സാധ്യത

പന്തീരാങ്കാവ് ഗാർഹിക പീഡനക്കേസ് ഒത്തുതീ‌ർപ്പിലേക്ക്; ഭാര്യയ്‌ക്കൊപ്പം ജീവിക്കാൻ തീരുമാനിച്ചെന്ന് രാഹുൽ

Kozhikode

തിരുവനന്തപുരം: കുടിൽ വ്യവസായം പോലെ കണ്ണൂരിലെ പാർട്ടി ഗ്രാമങ്ങളിൽ ബോംബ് നിർമിക്കുകയാണെന്ന് പ്രതിപക്ഷ നേതാവ് വി.ഡി സതീശൻ. നിരവധി ആളുകളാണ് കണ്ണൂരിലെ ബോംബ് രാഷ്ട്രീയത്തിന് ഇരയാവുന്നതെന്നും വി.ഡി സതീശൻ പറഞ്ഞു.തൊഴിലുറപ്പ് സ്ത്രീകൾ, കളിച്ചുകൊണ്ടിരുന്ന കുട്ടികൾ തുടങ്ങിയ നിരപരാധികളാണ് ബോംബ് രാഷ്ട്രീയത്തിന് ഇരയാക്കപ്പെടുന്നതെന്നും സതീശൻ പറഞ്ഞു.
&nbsp;വയോധികൻ സ്ഫോടനത്തിൽ മരിച്ച പശ്ചാത്തലത്തിൽ നിയമസഭയിൽ പ്രതിപക്ഷം അടിയന്തരപ്രമേയത്തിന് നോട്ടീസ് നൽകിയിരുന്നു. സ്റ്റീൽ പാത്രങ്ങൾ പ്രത്യേക സാഹചര്യത്തിൽ കണ്ടാൽ തുറന്നുനോക്കരുതെന്ന് കണ്ണൂരിലെ ജനങ്ങൾക്ക് സർക്കാർ മുന്നറിയിപ്പ് നൽകണമെന്ന് സതീശൻ പറഞ്ഞു. സ്വന്തം പാർട്ടിക്കാർക്ക് നേരെ എറിയാൻ ഉണ്ടാക്കിവെച്ച ബോംബാണ് കണ്ണൂരിൽ പൊട്ടിയതെന്നും സതീശൻ ആരോപിച്ചു പാര്‍ട്ടിയിലെ രണ്ട് ഗ്രൂപ്പുകള്‍ തമ്മിലുള്ള സംഘര്‍ഷമാണ് ബോംബ് നിർ‌മാണത്തിന് പിന്നിലെന്നും സതീശൻ കൂട്ടിച്ചേർത്തു.&nbsp;

കുടിൽ വ്യവസായം പോലെ പാർട്ടി ഗ്രാമങ്ങളിൽ ബോംബ് നിർമിക്കുന്നു ;നിയമസഭയില്‍ പ്രതിപക്ഷത്തിന്റെ പരിഹാസം

മുംബൈ: ഡോക്ടര്‍ക്ക് ഐസ്‌ക്രീമില്‍ നിന്ന് മനുഷ്യന്റെ വിരല്‍ കിട്ടിയ സംഭവത്തില്‍ വഴിത്തിരിവ്. ഐസ്‌ക്രീം ഫാക്ടറിയിലെ ജീവനക്കാരന്റെ വിരലാണ് ഇതെന്നാണ് പോലീസിന്റെ നിഗമനം. ഐസ്‌ക്രീം ഉണ്ടാക്കുന്നതിനിടെ ഉണ്ടായ അപകടത്തിലാണ് വിരല്‍ നഷ്ടപ്പെട്ടതെന്നും ഡോക്ടര്‍ വാങ്ങിയ ഐസ്‌ക്രീം നിര്‍മിച്ച അതേദിവസമാണ് അപകടമുണ്ടായതെന്നും പോലീസ് പറയുന്നു.
ഡി.എന്‍.എ. പരിശോധനയിലൂടെ മാത്രമേ ഇക്കാര്യം സ്ഥിരീകരിക്കാന്‍ സാധിക്കൂവെന്നും പോലീസ് പറഞ്ഞു. ഇതിനായി സാമ്പിളുകള്‍ ലാബിലേക്ക് അയച്ചു. പരിശോധനാ റിപ്പോര്‍ട്ട് ലഭിച്ചശേഷമേ തുടര്‍നടപടികളുണ്ടാകൂ.
കഴിഞ്ഞയാഴ്ചയാണ് ഓണ്‍ലൈനായി ഓര്‍ഡര്‍ ചെയ്ത കോണ്‍ ഐസ്‌ക്രീമില്‍ നിന്ന് മനുഷ്യന്റെ വിരലിന്റെ കഷ്ണം കിട്ടിയെന്ന പരാതിയുമായി ഡോ. ഒര്‍ലേം ബ്രെന്‍ഡന്‍ സെറാവോ രംഗത്തെത്തിയത്. സെപ്‌റ്റോ ആപ്പ് വഴിയാണ് ഐസ്‌ക്രീം ഓര്‍ഡര്‍ ചെയ്തത്. വലിയ ചർച്ചയായ ഒരു വാർത്ത ആയിരുന്നു അത്.

ഐസ്‌ക്രീമില്‍ കണ്ടെത്തിയ വിരല്‍ ഫാക്ടറി ജീവനക്കാരന്റേത്; ഡി.എന്‍.എ പരിശോധനയിലൂടെ സ്ഥിരീകരിക്കും

തിരുവനന്തപുരം: ഒരിടവേളയ്ക്ക് ശേഷം സംസ്ഥാനത്ത് വീണ്ടും മഴ ശക്തമാകുമെന്ന് കേന്ദ്ര കാലാവസ്ഥാ വകുപ്പിന്‍റെ മുന്നറിയിപ്പ്. ഇന്ന് 6 ജില്ലകളിൽ യെല്ലോ അലർട്ടാണ്. തിരുവനന്തപുരം, കൊല്ലം, ആലപ്പുഴ , എറണാകുളം, കോഴിക്കോട് ,കണ്ണൂർ ജില്ലകളിലാണ് ഇന്ന് മുന്നറിയിപ്പ് ഉള്ളത്. വെള്ളിയാഴ്ച മൂന്ന് ജില്ലകളിലും ശനിയാഴ്ച നാല് ജില്ലകളിലും ഓറഞ്ച് മുന്നറിയിപ്പ് നൽകി.
മലപ്പുറം, കോഴിക്കോട്, കണ്ണൂർ ജില്ലകളിലാണ് വെള്ളിയാഴ്ച ഓറഞ്ച് അലർട്ടുള്ളത്. മലപ്പുറം, കോഴിക്കോട്, കണ്ണൂർ, കാസർകോട് എന്നീ ജില്ലകളിലാണ് ശനിയാഴ്ച ഓറഞ്ച് അലർട്ട് നൽകിയിരിക്കുന്നത്. മധ്യ പടിഞ്ഞാറൻ ബംഗാൾ ഉൾക്കടലിനും ആന്ധ്രാ തീരത്തിനും മുകളിലായി ചക്രവാതച്ചുഴി സ്ഥിതിചെയ്യുന്നുണ്ട് . റായലസീമക്ക് മുകളിലായി മറ്റൊരു ചക്രവാതച്ചുഴി സ്ഥിതിചെയ്യുന്നു ഇവയുടെ സ്വാധീനഫലമായാണ് മഴ.&nbsp;

സംസ്ഥാനത്ത് വീണ്ടും മഴ ശക്തമാകും; ആറ് ജില്ലകളില്‍ മുന്നറിയിപ്പ്

ബെംഗളൂരു: ആമസോൺ പാക്കേജിൽ നിന്നും ജീവനുള്ള മൂർഖൻ പാമ്പിനെ കിട്ടിയെന്ന് ദമ്പതികൾ. ബെം​ഗളൂരു സ്വദേശികളായ ദമ്പതികൾക്കാണ് ദുരനുഭവം ഉണ്ടായത്. പാർസൽ ബോക്സ് ഒട്ടിക്കാൻ ഉപയോ​ഗിച്ച ടേപ്പിനുള്ളിൽ കുടുങ്ങിയ നിലയിലായിരുന്നു പാമ്പെന്ന് ഇരുവരും പറഞ്ഞു.
'ഞങ്ങൾ രണ്ട് ദിവസം മുമ്പ് ഒരു എക്സ് ബോക്സ് കണ്ട്രോളർ ഓർഡർ ചെയ്തു. എന്നാൽ, പാക്കേജിൽ നിന്നും ലഭിച്ചത് ജീവനുള്ള പാമ്പിനെയായിരുന്നു. ഡെലിവറി ബോയ് നേരിട്ട് തന്നെയാണ് പാഴ്‌സല്‍ കൈമാറിയത്. സംഭവത്തിന്റെ ദൃശ്യങ്ങൾ ക്യാമറയിൽ പകർത്തിയിട്ടുണ്ട്. ഇക്കാര്യത്തിന് ദൃക്സാക്ഷികളുമുണ്ട്', ദമ്പതികൾ പറഞ്ഞു.ഉപഭോക്താവിനുണ്ടായ അസൗകര്യത്തിൽ ആമസോൺ ഖേദം പ്രകടിപ്പിച്ചു. വിഷയം പരിശോധിക്കും. ആമസോൺ ടീം ദമ്പതികളുമായി ബന്ധപ്പെടുമെന്നും ആമസോൺ എക്സിൽ കുറിച്ചു.&nbsp;

ആമസോൺ പാക്കേജിനുള്ളിൽ നിന്നും കിട്ടിയത്  ജീവനുള്ള മൂർഖൻ പാമ്പ് ;മാപ്പ് പറഞ്ഞ് കമ്പനി

ഭക്ഷണത്തിൽ ചില കാര്യങ്ങൾ ശ്രദ്ധിക്കുന്നത് വയറിന്റെ ആരോഗ്യം മെച്ചപ്പെടുത്തുകയും വയറിനെ ബാധിക്കുന്ന പ്രശ്നങ്ങളെ പ്രതിരോധിക്കുകയും ചെയ്യും.&nbsp;
വെള്ളത്തിൽ പെട്ടെന്ന് അലിഞ്ഞുചേരുന്ന തരം ഫൈബറടങ്ങിയ ഭക്ഷണങ്ങൾ കഴിക്കണം. ഗോതമ്പുപൊടി, നുറുക്ക് ഗോതമ്പ്, വിവിധ പച്ചക്കറികൾ എന്നിവയും കഴിക്കാം. ഓട്ട്സ്, പീസ്, ബീൻസ്, ആപ്പിൾ, സിട്രസ് ഫ്രൂട്ട്സ്, കാരറ്റ്സ്, ബാർലി എന്നിവയെല്ലാം ഇൻസോല്യൂബൾ ഫൈബർ ഭക്ഷണങ്ങളാണ്. രണ്ട് തരം ഫൈബറുകളും ശരീരത്തിന് ആവശ്യമാണ്. ഓട്ട്സ്, കടല വർഗങ്ങൾ, ഡ്രൈ ഫ്രൂട്ട്സ്, മധുരക്കിഴങ്ങ് എന്നിവയും ശരീരത്തിന് നല്ലതാണ്.വയറിന് അസുഖം വരാതിരിക്കാനും ആരോഗ്യകരമായ ജീവിതത്തിനും ഏറെ പ്രധാനമാണ് ചിട്ടയായ ആഹാരക്രമം.
&nbsp;വൈകി ഭക്ഷണം കഴിക്കുന്നത് വഴി നിങ്ങൾക്ക് നിരവധി ആരോഗ്യപ്രശ്നങ്ങൾ നേരിടേണ്ടി വന്നേക്കാം.പ്രഭാത ഭക്ഷണം ഏറെ പ്രധാനമാണെന്ന ധാരണ പലർക്കുമുണ്ട്. എന്നാൽ അത് പോലെ തന്നെ ചിട്ടയായി കഴിക്കേണ്ട ഒന്നാണ് അത്താഴവും. കാരണം രാത്രി അധിക സമയം കഴിഞ്ഞ് അത്താഴം കഴിക്കുന്നത് വഴി ദഹനസംബന്ധമായതടക്കം നിരവധി പ്രശ്നങ്ങൾ ഉടലെടുക്കാം.രാത്രി എട്ട് മണിക്ക് മുൻപ് തന്നെ അത്താഴം കഴിക്കുന്നതായിരിക്കും ഉചിതം.&nbsp;

വയറിന്റെ ആരോഗ്യം മെച്ചപ്പെടുത്താൻ ഈ ഭക്ഷണങ്ങൾ പതിവാക്കാം

ഗുവാഹതി: അർബുദം ബാധിച്ച് ഭാര്യ മരിച്ചതിന് പിന്നാലെ അസമിലെ ഐ.പി.എസ് ഉദ്യോഗസ്ഥൻ സർവിസ് റിവോൾവറുപയോഗിച്ച് സ്വയം വെടിവെച്ച് മരിച്ചു.ആഭ്യന്തര സെക്രട്ടറിയു​ടെ ചുമതല വഹിക്കുന്ന ഡി.ഐ.ജി ഷിലാദിത്യ ചേട്ടിയ (44) ആണ് മരിച്ചത്.
ഏറെ നാളായി അസുഖബാധിതയായിരുന്ന ഭാര്യ അഗോമണി ബർബറുവയു​ടെ മരണം ഡോക്ടർ സ്ഥിരീകരിച്ചതിന് പിന്നാലെയാണ് ആശുപത്രിയിലെ തീവ്രപരിചരണ വിഭാഗത്തിൽവെച്ച് ഷിലാദിത്യ സ്വയം വെടിയുതിർത്തത്. രണ്ടു മാസമായി ഗുവാഹതിയിലെ സ്വകാര്യ ആശുപ​ത്രിയിലായിരുന്നു ഭാര്യയു​ടെ ചികിത്സ.ചൊവ്വാ​ഴ്ച വൈകീട്ടായിരുന്നു ഭാര്യ മരിച്ചത്. പ്രാർഥിക്കാനുണ്ടെന്ന് പറഞ്ഞ് ഡോക്ടറെയും നഴ്സിനെയും പുറത്തിറക്കിയ ശേഷമാണ് ഭാര്യയുടെ മൃതദേഹത്തിന് സമീപം ഷിലാദിത്യ വെടിവെച്ച് മരിച്ചത്.&nbsp;

അർബുദം ബാധിച്ച് ഭാര്യ മരിച്ചതിന് പിന്നാലെ അസം ഡി.ഐ.ജി വെടിവെച്ച് മരിച്ചു

കൊച്ചി: കളമശ്ശേരി നഗരസഭയിൽ 22 പേർക്ക് ഡെങ്കിപ്പനി. ആരോഗ്യ വിഭാഗം ഉദ്യോഗസ്ഥർക്കടക്കം രോഗം സ്ഥിരീകരിച്ചു. പ്രതിരോധ നടപടികൾ ചർച്ച ചെയ്യാൻ നഗരസഭ ചെയർപേഴ്സൺ അടിയന്തരയോഗം വിളിച്ചിട്ടുണ്ട്.
കഴിഞ്ഞ മാസം കളമശ്ശേരിയില്‍ മഞ്ഞപ്പിത്തവും സ്ഥിരീകരിച്ചിരുന്നു. 200ലധികം പേര്‍ക്കാണ് രോഗബാധയുണ്ടായത്. ചൂട് കൂടിയതോടെ റോഡിന് ഇരുവശങ്ങളിലും കൂൾഡ്രിങ്‌സ് കടകളുടെ എണ്ണം കൂടുകയും ഇവയിൽ നിന്ന് പാനീയങ്ങൾ വാങ്ങിക്കുടിക്കുന്നവരുടെ എണ്ണം വർധിക്കുകയും ചെയ്തു. ഇത്തരം കടകളിൽ നിന്നാണ് രോഗം പടർന്നതെന്ന സംശയത്തിലായിരുന്നു ആരോഗ്യവകുപ്പ്.&nbsp;

കളമശ്ശേരി നഗരസഭയിൽ 22 പേർക്ക് ഡെങ്കിപ്പനി

തിരുവനന്തപുരം: പാലക്കാട് ഉപതിരഞ്ഞെടുപ്പില്‍ യൂത്ത് കോണ്‍ഗ്രസ് സംസ്ഥാന അധ്യക്ഷന്‍ രാഹുല്‍ മാങ്കൂട്ടത്തില്‍ യു.ഡി.എഫ് സ്ഥാനാര്‍ഥിയായേക്കുമെന്ന് റിപ്പോർട്ട്. ചേലക്കര ഉപതിരഞ്ഞെടുപ്പില്‍ മുൻ എം.പി രമ്യാ ഹരിദാസിനാണ് പ്രഥമപരിഗണന. വയനാട്ടിൽ പ്രിയങ്കാ ഗാന്ധി വരുന്നത് ഉപതിരഞ്ഞെടുപ്പിൽ ​ഗുണം ചെയ്യുമെന്ന പ്രതീക്ഷയിലാണ് യു.ഡി.എഫ്.
ഷാഫി പറമ്പിലിന് പകരം രാഹുല്‍ എന്ന നിലയില്‍ രാഹുലിനെ കളത്തിലിറക്കാനായിരിക്കും യു.ഡി.എഫ് പദ്ധതി. ഗ്രൂപ്പ് വ്യത്യാസമില്ലാതെ രാഹുലിനെ നേതാക്കൾ പിന്തുണച്ചുവെന്നാണ് വിവരം.ലോക്സഭാ തിരഞ്ഞെടുപ്പിൽ ആലത്തൂരിൽ നിന്നും രമ്യാ ഹരിദാസ് പിടിച്ച വോട്ടുകൾ കണക്കിലെടുത്താണ് രമ്യയെ തന്നെ ചേലക്കരയിൽ കളത്തിലിറക്കുന്നതിനെക്കുറിച്ച് യു.ഡി.എഫ് ചിന്തിക്കുന്നത്.&nbsp;

ഉപതിരഞ്ഞെടുപ്പ് ;പാലക്കാട് രാഹുല്‍ മാങ്കൂട്ടത്തിലും ചേലക്കരയിൽ രമ്യാ ഹരിദാസും മത്സരിച്ചേക്കും

കോഴിക്കോട്: വാട്ട്സ്ആപ്പ് ഗ്രൂപ്പിൽ മുസ്‍ലിം വിരുദ്ധ പരാമർശം പോസ്റ്റ് ചെയ്ത ലോക്കൽ സെക്രട്ടറിയെ സി.പി.എം. പുറത്താക്കി. പുതുപ്പാടി ലോക്കൽ കമ്മിറ്റി സെക്രട്ടറി പി.കെ. ഷൈജലിനെയാണ് പുറത്താക്കിയത്. 'നാട്ടുവാർത്ത' എന്ന പ്രാദേശിക വാട്ട്സ്ആപ്പ് ഗ്രൂപ്പിൽ മുസ്‍ലിം മതവിശ്വാസികളിൽ തെറ്റിദ്ധാരണയ്ക്കിടയാക്കും വിധം പാർട്ടിനയത്തിന് വിരുദ്ധമായി പോസ്റ്റ് ഇട്ടതിനാണ് ഷൈജലിനെ ലോക്കൽ സെക്രട്ടറി സ്ഥാനത്തുനിന്ന് നീക്കം ചെയ്യാൻ തീരുമാനിച്ചതെന്ന് സി.പി.എം. വാർത്താകുറിപ്പിൽ അറിയിച്ചു.
സി.പി.എം. ഏരിയാ കമ്മിറ്റി അംഗം ടി.എ. മൊയ്തീനാണ് പകരം ചുമതല. ഈ വിഷയത്തെ മുൻ നിർത്തി വിശ്വാസികൾക്കിടയിൽ കുപ്രചരണം നടത്താനും പാർട്ടിയെ കടന്നാക്രമിക്കാനും ഒരു വിഭാഗം നടത്തുന്ന നീക്കങ്ങളിൽ പാർട്ടി സഖാക്കളും നാട്ടുകാരും ജാഗ്രത പുലർത്തണമെന്നും വാർത്താക്കുറിപ്പിൽ പറയുന്നു

വാട്ട്സ്ആപ്പ് ഗ്രൂപ്പിൽ മുസ്‍ലിം വിരുദ്ധ പോസ്റ്റ്; ലോക്കൽ സെക്രട്ടറിയെ പുറത്താക്കി സി.പി.എം.

അബൂദബി: മലയാളി വിദ്യാർഥി അബൂദബിയിലെ വീടിന്‍റെ കോണിപ്പടിയിൽനിന്ന് വീണുമരിച്ചു. കണ്ണൂർ മാടായി വാടിക്കൽ സ്വദേശിയും അബൂദബി യൂനിവേഴ്സിറ്റി ഇന്‍റർനാഷനൽ അക്രെഡിറ്റേഷൻ ഡയറക്ടറുമായ ഡോ. മുഹമ്മദ് റാസിഖിന്‍റെ മകൻ മുഹമ്മദ് അമൻ (21) ആണ് മരിച്ചത്.
അബൂദബിയിൽ ബിരുദ വിദ്യാർഥിയായ അമൻ വീടിന്‍റെ കോണിപ്പടി ഇറങ്ങവേ കാൽവഴുതി വീഴുകയും തലക്കേറ്റ ക്ഷതം കാരണം മരിക്കുകയുമായിരുന്നു. മൃതദേഹം ബനിയാസ് മോർച്ചറിയിൽ. വാടിക്കൽ ഗ്രീൻ പാലസിൽ കെ.സി. ഫാത്തിബിയാണ് മാതാവ്. റോഷൻ, റൈഹാൻ സഹോദരങ്ങളാണ്.

കണ്ണൂർ സ്വദേശിയായ വിദ്യാർഥി അബൂദബിയിൽ കോണിപ്പടിയിൽനിന്ന് വീണു മരിച്ചു

Gulf

കോട്ടയം : കെ.എസ്.ഇ.ബി. കരാർ തൊഴിലാളി ഷോക്കേറ്റ് മരിച്ചു. കല്ലറ പുത്തൻപള്ളി പാലക്കാട്ട് വീട്ടിൽ മൈക്കിൾ മാത്യു (38) ആണ് മരിച്ചത്. ചൊവ്വാഴ്ച വൈകീട്ട് അഞ്ചോടെ മുണ്ടാർ തമ്പാൻ ബ്ലോക്ക് പാടശേഖരത്തിലാണ് അപകടം. ത പഴയ വൈദ്യുത തടിത്തൂണുകൾ മാറ്റി കോൺക്രീറ്റ് പോസ്റ്റുകൾ സ്ഥാപിക്കുന്ന പണികൾ നടന്നുവരുന്നതിനിടെയായിരുന്നു അപകടം&nbsp;
തൂണുകൾ മാറ്റിയശേഷം വൈകീട്ടോടെ ലൈൻ ചാർജ് ചെയ്തു. ഇതിനുശേഷം സമീപത്ത് തന്നെയുള്ള തോടിനപ്പുറമുള്ള തമ്പാൻ ബ്ലോക്കിലെ പോസ്റ്റിൽ ചാരി വച്ചിരുന്ന ഗോവണി എടുക്കാനായി മൈക്കിൾ തനിച്ചു പോവുകയായിരുന്നു. ഗോവണി എടുക്കുന്നതിനിടെയാവാം മൈക്കിളിന് ഷോക്കേറ്റതെന്ന് കരുതുന്നു. ഷോക്കേറ്റ് മൈക്കിൾ താഴെ കിടക്കുന്ന വിവരം സമീപവാസികൾ അറിയിച്ചതിനെ തുടർന്ന് മറ്റു തൊഴിലാളികൾ ഓടിയെത്തി.യാത്രാസൗകര്യമില്ലാതിരുന്നതിനാൽ വള്ളത്തിൽ തലയാഴത്തെത്തിച്ചു.
ഇവിടെനിന്ന് വൈക്കം താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അവിവാഹിതനാണ്. കടുത്തുരുത്തി പോലീസ് മേൽനടപടികൾ സ്വീകരിച്ചു.&nbsp;

കെ.എസ്.ഇ.ബി. കരാർ തൊഴിലാളി ഷോക്കേറ്റ് മരിച്ചു

കണ്ണൂർ: ആൾതാമസമില്ലാത്ത വീട്ടുപറമ്പിൽ തേങ്ങ പെറുക്കാനെത്തിയ വയോധികൻ ബോംബ് പൊട്ടിത്തെറിച്ച് മരിച്ച സംഭവത്തിൽ അന്വേഷണം പുരോഗമിക്കുന്നു. ബോംബ് എവിടെ നിന്ന് എത്തിയെന്ന അന്വേഷണമാണിപ്പോൾ പൊലീസ് ഊർജിതമാക്കിയിരിക്കുന്നത്. ആളൊഴിഞ്ഞ വീടിനോട് ചേർന്ന് ബോംബ് കൊണ്ടുവെച്ചതാകാം എന്നാണ് സംശയം.
എരഞ്ഞോളി വാടിയിൽ പീടിക കുടക്കളം റോഡിൽ നിടങ്ങോട്ടും കാവിന് സമീപം അയനിയാട്ട് മീത്തൽ വീട്ടിൽ വേലായുധനാണ് (85)കൊല്ലപ്പെട്ടത്. കഴിഞ്ഞ ദിവസം ഉച്ചയ്ക്ക് ഒരു മണിയോടെയാണ് സ്‌ഫോടനമുണ്ടായത്.&nbsp;
സംഭവം നടന്ന വീട് കഴിഞ്ഞ കുറേ വർഷങ്ങളായി പൂട്ടിയിട്ടിരിക്കുകയായിരുന്നു. വീട്ടുപറമ്പിൽ തേങ്ങ പെറുക്കുന്നതിനിടെ വേലായുധൻ മുന്നിൽ കണ്ട സ്റ്റീൽ പാത്രം തുറക്കാൻ ശ്രമിക്കുന്നതിനിടെ പൊട്ടിത്തെറിക്കുകയായിരുന്നു.സ്ഫോടനവും നിലവിളിയും കേട്ടെത്തിയ അയൽവാസികൾ വലതുകൈ അറ്റുതൂങ്ങിയ നിലയിൽ രക്തത്തിൽ കുളിച്ചുകിടക്കുന്ന വേലായുധനെയാണ് കണ്ടത്. ഉടൻ തലശ്ശേരി സഹകരണ ആശുപത്രിയിലെത്തിച്ചെങ്കിലും രക്ഷിക്കാനായില്ല.പരേതയായ ഇന്ദ്രാണിയാണ് വേലായുധന്റെ ഭാര്യ. മക്കൾ :ജ്യോതി, ഹരീഷ്, മല്ലിക, മരുമക്കൾ: രാജീവൻ, ഷിൽന.&nbsp;
തലശേരി എ.എസ്.പി ഷഹൻഷാ, സ്റ്റേഷൻ ഹൗസ് ഓഫീസർ ബിജു ആന്റണി, എസ്.ഐ നിഖിൽ എന്നിവരുടെ നേതൃത്വത്തിലാണ് അന്വേഷണം. കണ്ണൂരിൽ നിന്നെത്തിയ ബോംബ് സ്‌ക്വാഡും പറമ്പ് പരിശോധിച്ചു. പാർട്ടി ശക്തികേന്ദ്രത്തിൽ ബോംബ് സൂക്ഷിച്ചത് സിപിഎം അറിവോടെയെന്നാണ് ബിജെപിയും കോൺഗ്രസും പറയുന്നത്..&nbsp;

തലശേരിയിൽ ബോംബ് പൊട്ടിത്തെറിച്ച് വയോധികൻ മരിച്ച സംഭവം; അന്വേഷണം ഊർജിതമാക്കി പൊലീസ്

Kannur

തൃശൂർ: മുഖ്യമന്ത്രിയടക്കം മുഴുവൻ മന്ത്രിമാരും മാറണമെന്നും ഇനി ആ സ്ഥാനത്തിരിക്കാൻ ആർക്കും യോഗ്യതയില്ലെന്നും സി.പി.ഐ. ജില്ലാ കൗൺസിൽ യോഗത്തിൽ രൂക്ഷ വിമർശം.പുതിയ മുഖങ്ങൾ വരണമെന്നും അംഗങ്ങൾ ആവശ്യപ്പെട്ടു.
ലോക്‌സഭാ തിരഞ്ഞെടുപ്പ് തോൽവി ചർച്ച ചെയ്യാനായി ചേർന്ന ജില്ലാ കൗൺസിൽ യോഗത്തിലാണ് സർക്കാരിനെതിരേയും മന്ത്രിമാർക്കെതിരേയും അംഗങ്ങൾ രംഗത്തെത്തിയത്. ധനകാര്യവകുപ്പ് സമ്പൂർണ പരാജയമാണെന്നും മന്ത്രിയെ പടിയടച്ച് പിണ്ഡംവയ്ക്കണമെന്നും സി.പി.ഐ. മന്ത്രിമാർ ഒന്നിനും കൊള്ളാത്തവരാണെന്നും ചർച്ചയിൽ പറഞ്ഞു. മുഖ്യമന്ത്രിയുടെ മുഖത്തുനോക്കി സംസാരിക്കാൻ മന്ത്രിമാർക്ക് ഭയമാണ്. വേദികളിലിരുന്ന് മുഖ്യമന്ത്രിയെ പുകഴ്ത്തുകയാണ് മന്ത്രിമാരുടെ പ്രധാന പണി.
തൃശ്ശൂരിൽ ഇടതുമുന്നണിയുടെ പരാജയത്തിനു പിന്നിൽ പാക്കേജ് നടപ്പാക്കലായിരുന്നു. പ്രകാശ് ജാവഡേക്കറുമായി ഉണ്ടാക്കിയ പാക്കേജ് നടപ്പാക്കുന്നതിനായി പ്രത്യേക യോഗം തന്നെ ചേർന്നു. അതിന്റെ ഭാഗമായാണ് ആർ.എസ്.എസ്സുകാരനായ പോലീസ് ഉദ്യോഗസ്ഥനെ മുൻനിർത്തി പൂരം കലക്കിയത്. അവിടെ സി.പി.ഐ. മന്ത്രിക്കും വീഴ്ചയുണ്ടായി. വോട്ടുചോർന്നത് പാക്കേജിന്റെ ഭാഗമായാണ്.&nbsp;
മുൻ ധനമന്ത്രി തോമസ് ഐസക്കിന്റെ വാറഴിക്കാനുള്ള യോഗ്യത ഇപ്പോഴത്തെ മന്ത്രിക്കില്ല. സി.പി.ഐ. മന്ത്രിമാർക്കെതിരേയും പറഞ്ഞുകൊണ്ടുള്ള രൂക്ഷ വിമർശമുയർന്നു. വള്ളിച്ചെരിപ്പിട്ടു നടക്കലോ അന്യന്റെ പറമ്പിലെ കാച്ചിലുപറിക്കാൻ പോകലോ അല്ല കൃഷിമന്ത്രിയുടെ പണി. സിവിൽ സപ്ലൈസ് മന്ത്രി സമ്പൂർണ പരാജയമാണ്. നവകേരള സദസ്സ് ജനങ്ങളെ സർക്കാരിൽനിന്ന് അകറ്റുന്നതിനു മാത്രമേ ഉപകരിച്ചുള്ളൂ. നൽകിയ പരാതികൾക്ക് പരിഹാരമൊന്നുമായില്ലെന്നും യോഗത്തിൽ ചൂണ്ടിക്കാട്ടി.

മുഖ്യമന്ത്രിയടക്കം എല്ലാ മന്ത്രിമാരും മാറണം; സി.പി.ഐ. യോഗത്തിൽ സർക്കാരിനെതിരെ രൂക്ഷ വിമർശം

തിയേറ്ററിലെ തകർപ്പൻ വിജയത്തിന് ശേഷം സിനിമാ പ്രേമികൾ ഒടിടിയിലെത്താൻ കാത്തിരിക്കുന്ന ചിത്രമാണ് 'ആടുജീവിതം'. പൃഥ്വിരാജിന്റെ കരിയറിലെ തന്നെ അടയാളപ്പെടുത്താവുന്ന കഥാപാത്രമാണ് നജീബ്. ബെന്യാമിന്റെ നോവലിനെ അടിസ്ഥാനമാക്കി ബ്ലെസിയാണ് ആടുജീവിതം സിനിമ ഒരുക്കിയത്. ചിത്രത്തിന്റെ കഥ പത്ത് വരിയിൽ എഴുതിയിരിക്കുകയാണ് മന്തരത്തൂർ എം എൽ പി സ്കൂൾ വിദ്യാർത്ഥിനി നന്മ തേജസ്വിനി എന്ന മിടുക്കി.ചെരണ്ടത്തൂർ സ്വദേശികളായ സുനിൽ ശ്രീധരന്റെയും ആശയുടെയും മകളാണ് നന്മ തേജസ്വിനി. കുട്ടി എഴുതിയ കഥയുടെ ചിത്രം ബെന്യാമിൻ സോഷ്യൽ മീഡിയയിൽ പങ്കുവെച്ചിട്ടുണ്ട്.
'ഒരു ദിവസം നജീബ് എന്ന ഒരാൾ ജീവിച്ചിരുന്നു, ഒരുനാള് നജീബ് ദുബായിൽ പോയി, അവിടത്തെ അറബ് മനുഷ്യൻ നജീബിനെ പറ്റിച്ച് മരുഭൂമിയിൽ ഇട്ടു. കുറെ വർഷങ്ങൾ കഴിഞ്ഞു, നജീബ് ആടിന്റെ പുല്ലും ആടിന്റെ വെള്ളവും കുടിച്ച് ജീവിച്ചു. ഒരു ദിവസം നജീബിനെ രക്ഷിക്കാൻ ഒരാള് വന്നു. രക്ഷിച്ച് കൊണ്ട് പോയി. പെരിയോനേ റഹ്മാനെ... പെരിയോനേ റഹീം... 'എന്നാണ് നോട്ടുബുക്കിൽ നന്മ തേജസ്വിനി എഴുതിയത്. കുറിപ്പിന് താഴെ നജീബിന്റെ ഒരു ചിത്രവും വരച്ചു വെച്ചിട്ടുണ്ട്. ഈ ചിത്രം പങ്കുവെച്ചുകൊണ്ട് 'ഇത്രേ ഒള്ളൂ... മന്തരത്തൂർ എം എൽ പി സ്കൂൾ വിദ്യാർത്ഥിനി നന്മ തേജസ്വിനി എന്ന മിടുക്കിക്കുട്ടി' എന്നാണ് ബെന്യാമിൻ കുറിച്ചിരിക്കുന്നത്.

പത്ത് വരിയിൽ 'ആടുജീവിതം' കഥയെഴുതി മന്തരത്തൂർ എം എൽ പി സ്കൂളിലെ മിടുക്കി, ചിത്രം പങ്കുവെച്ച് ബെന്യാമിൻ

കുവൈത്ത് സിറ്റി: മംഗെഫിലുണ്ടായ തീപ്പിടിത്തത്തിൽ മരിച്ചവരുടെ കുടുംബങ്ങൾക്ക് 15,000 ഡോളർ (ഏകദേശം 12.5 ലക്ഷം രൂപ) വീതം സഹായധനം നൽകാൻ കുവൈത്ത് സർക്കാർ. അതത് എംബസികൾ വഴിയാകും ഈ തുക വിതരണംചെയ്യുക. പ്രാദേശിക അറബ് മാധ്യമങ്ങളാണ് ഇക്കാര്യം റിപ്പോര്‍ട്ടു ചെയ്തത്.
മരിച്ചവരുടെ കുടുംബങ്ങൾക്ക് സഹായം നൽകാൻ കുവൈത്ത് അമീർ ശൈഖ് മിഷേൽ അൽ അഹമ്മദ് സംഭവദിവസം തന്നെ ഉത്തരവിട്ടിരുന്നു. എന്നാൽ, തുക എത്രയാണെന്ന് അറിയിച്ചിരുന്നില്ല. 25 മലയാളികൾ ഉൾപ്പെടെ 49 പേർക്കാണ് തീപ്പിടിത്തത്തിൽ ജീവൻ നഷ്ടമായത്.

തീപ്പിടിത്തത്തിൽ മരിച്ചവരുടെ കുടുംബങ്ങൾക്ക് കുവൈത്ത് സർക്കാർ 12.5 ലക്ഷംരൂപവീതം ധനസഹായം നല്‍കും

കാറിന്റെ മുൻ സീറ്റിൽ ഡ്രൈവർക്കൊപ്പം ഒരാൾ മാത്രമേ ഇരിക്കാവൂവെന്ന നിയമത്തെ കാറ്റിൽ പറത്തി രേണു സുധിയും സംഘവും. നടനും ബിഗ് ബോസ് മുൻ താരവുമായ രജിത് കുമാർ ഓടിച്ച കാറിലാണ് രേണുവും മറ്റൊരു സ്ത്രീയും കയറിയത്. ഇരുവരും രജിത് കുമാറിനൊപ്പം മുൻസീറ്റിലാണ് ഇരുന്നത്. ഇതിന്റെ വീഡിയോ പുറത്തുവന്നിട്ടുണ്ട്.
നിയമം തെറ്റിക്കല്ലേയെന്ന് പറഞ്ഞ് രജിത് കുമാർ ഇവർക്ക് സീറ്റ് ബെൽറ്റ് ഇട്ടുകൊടുക്കുന്നത് വീഡിയോയിൽ കാണാം. ഒരു സീറ്റ് ബെൽറ്റിനകത്താണ് രണ്ട് പേരും. എന്നാൽ മൂന്ന് പേർ മുൻ സീറ്റിൽ ഇരിക്കുന്നത് നിയമ ലംഘനമാണെന്ന് രജിത് കുമാർ ഓർത്തില്ല.സോഷ്യൽ മീഡിയയിൽ വൈറലാകാൻ വേണ്ടിയാണ് രജിത് കുമാറും രേണുവും ഇത്തരമൊരു കാര്യം ചെയ്തതെന്നാണ് പലരും വീഡിയോയ്ക്ക് താഴെ കമന്റ് ചെയ്തിരിക്കുന്നത്. ഇവർക്കെതിരെ കേസ് എടുക്കണമെന്ന് പറഞ്ഞുകൊണ്ട് നിരവധി പേർ എം വി ഡിയെ ടാഗ് ചെയ്തിട്ടുണ്ട്.എന്നാൽ ചിലർ ഇവരെ സപ്പോർട്ട് ചെയ്തുകൊണ്ടും കമന്റ് ചെയ്തിട്ടുണ്ട്.

കാറിന്റെ മുൻ സീറ്റിൽ ഡ്രൈവറടക്കം മൂന്നുപേർ;നിയമം കാറ്റിൽപ്പറത്തി രജിത് കുമാറും രേണു സുധിയും

കൊച്ചി: ചലച്ചിത്ര – സീരിയൽ താരം വിഷ്ണു പ്രസാദ് അന്തരിച്ചു. കരൾ രോഗത്തെ തുടർന്ന് ഗുരുതരാവസ്ഥയിലായ അദ്ദേഹം ചികിത്സയിൽ കഴിയവേയാണ് മരണത്തിന് കീഴടങ്ങിയത്.
കരൾ മാറ്റിവക്കൽ ശസ്ത്രക്രിയയ്ക്കുള്ള ഒരുക്കത്തിലായിരുന്നു കുടുംബവും സഹപ്രവർത്തകരും. കരൾ നൽകാൻ മകൾ തയാറായിരുന്നെങ്കിലും ചികിത്സയ്ക്കായുള്ള വലിയ തുക കണ്ടെത്താനുള്ള ശ്രമത്തിലായിരുന്നു കുടുംബം. നടൻ കിഷോർ സത്യയാണ് മരണവിവരം തന്റെ സമൂഹമാധ്യമ പേജിലൂടെ അറിയിച്ചത്.
കാശി, കൈ എത്തും ദൂരത്ത്, റൺവേ, മാമ്പഴക്കാലം, ലയൺ, ബെൻ ജോൺസൺ, ലോകനാഥൻ ഐഎഎസ്, പതാക, മാറാത്ത നാട് തുടങ്ങിയ സിനിമകളിൽ അഭിനയിച്ച താരമാണ് വിഷ്ണു പ്രസാദ്. സീരിയൽ രംഗത്തും സജീവമായിരുന്നു.&nbsp;

സിനിമാ-സീരിയൽ താരം വിഷ്ണു പ്രസാദ് അന്തരിച്ചു

അന്തരിച്ച നടൻ കൊല്ലം സുധിയുടെ ഭാര്യ രേണു സമൂഹമാദ്ധ്യമത്തിൽ പങ്കുവച്ച പുതിയ ചിത്രങ്ങൾക്ക് ലഭിക്കുന്നത് രൂക്ഷവിമർശനം. വിഷു ആശംസകൾ എന്ന പേരിൽ പങ്കുവച്ച ചിത്രങ്ങൾക്കാണ് സൈബർ ആക്രമണം നേരിടുന്നത്. 'ഒരു സ്ത്രീക്ക് ഉണ്ടായിരിക്കേണ്ട ഏറ്റവും ആകർഷകമായ കാര്യം ആത്മവിശ്വാസമാണ്', 'സ്ത്രീകളാണ് സമൂഹത്തിന്റെ യഥാർത്ഥ ശില്പികൾ', 'ശക്തരായ സ്ത്രീകൾക്ക് ആറ്റിറ്റ്യൂഡ് ഇല്ല, മാനദണ്ഡങ്ങളുണ്ട്' എന്നിങ്ങനെയുള്ള കുറിപ്പുകളോടെയാണ് ചിത്രങ്ങൾ പങ്കുവച്ചിരിക്കുന്നത്.
നാടൻ ലുക്കിനൊപ്പം മോഡേൺ ടച്ചും കലർന്ന വേഷമാണ് രേണു സുധി ധരിച്ചിരിക്കുന്നത്. പട്ടുപാവാടയും ടോപ്പുമാണ് രേണു അണിഞ്ഞിരിക്കുന്നത്. രേണുവിന്റെ മോഡേൺ ലുക്കിനാണ് വിമർശനങ്ങൾ നേരിടുന്നത്.'ഇതിപ്പോ ഉടുക്കാൻ മറന്നുപോയതാണോ, അതോ ഉടുത്തത് അഴിഞ്ഞു പോയത് ആണോ, ഇനീപ്പോ ഉടുക്കാൻ ഇഷ്ടം ഇല്യാഞ്ഞിട്ടാണോ', 'ഇങ്ങനെ വേണ്ടാരുന്നു', 'ഒന്നും പറയുന്നില്ല പറഞ്ഞ ചെലവിന് കൊടുക്കാൻ പറയും', 'സ്വന്തം ശരീരം പ്രദർശിപ്പിച്ചുകൊണ്ടു മാത്രമല്ല സ്ട്രോങ്ങ് വുമൺ ആവേണ്ടത്', 'നിനക്ക് നാണമില്ലേ രേണു ഇങ്ങനെ തുണി ഉരിഞ്ഞു കാണിക്കാന് ശ്രുതി മരിക്കാൻ നോക്കിയിരുന്നു അവൾ തുണി അഴിക്കാൻ', 'ഇച്ചിരി ഉളുപ്പ് നല്ലതാ ചത്തൂടെ ഒന്ന് സുധി അല്ല മരിക്കേണ്ടത് നീ ആയിരിന്നു നിനക്ക് 2 മക്കൾ ഇല്ലേ', 'ഇത്രയും വേണ്ടായിരുന്നു മോശം ആയി', 'ഭർത്താവ് മരിച്ച ഒരു സ്ത്രീ ചെയ്യുന്ന കാര്യം അല്ല ഇത്'- തുടങ്ങിയ രൂക്ഷ കമന്റുകളാണ് ചിത്രങ്ങൾക്ക് ലഭിക്കുന്നത്.&nbsp;

'സ്വന്തം ശരീരം പ്രദർശിപ്പിച്ചുകൊണ്ടു മാത്രമല്ല സ്ട്രോങ്ങ് വുമൺ ആവേണ്ടത്' ;രേണു സുധിയുടെ ചിത്രങ്ങളിൽ സൈബർ ആക്രമണം

കൊച്ചി: താൻ കടുത്ത മാനസിക വിഷമത്തിലൂടെ കടന്നുപോവുകയാണെന്നും തന്റെ ‘തൊപ്പി’ എന്ന ക്യാരക്ടർ അവസാനിപ്പിക്കുകയാണെന്നും വിവാദ യൂട്യൂബർ നിഹാദ്. കഴിഞ്ഞ മാസം വീട്ടിൽ പോയപ്പോൾ വീട്ടുകാർ തന്റെ മുഖത്തുനോക്കി വാതിൽ അടച്ചുവെന്നും എത്രപണവും പ്രശസ്തിയുമുണ്ടാക്കിയിട്ടും സ്വന്തം വീട്ടുകാർ കൂടെയില്ലെങ്കിൽ പിന്നെ എന്തുകാര്യമെന്നും നിഹാദ് ത​ന്റെ യൂട്യൂബ് ലൈവിൽ ചോദിച്ചു.
‘സമയമായി, സമയമായി. എല്ലാം അവസാനിപ്പിക്കാൻ സമയമായി. പലരും ഞാൻ കഞ്ചാവെന്ന് പറയുന്നു. കഞ്ചാവൊന്നുമല്ല. ഉമ്മയാണെ സത്യം കഞ്ചാവ് അടിച്ചിട്ടില്ല. കഴിഞ്ഞ ഒരുമാസമായി എ​ന്റെ എല്ലാ ദിവസവും ഇങ്ങനെയാണ്. ഒരുമാസമായി ലൈവ് വന്നിട്ട്. അന്ന് വീട്ടിൽ പോയി തിരിച്ചുവന്നു. ആ ദിവസം വിഷമിച്ചത് പോലെ എന്റെ ജീവിതത്തിൽ വിഷമിച്ച മറെറാരു ദിവസവുമില്ല. ഞാൻ എല്ലാ ദിവസവും വന്നിട്ട് ഇക്കാര്യം ലൈവിടണോ? ഈ ക്യാരക്ടർ എനിക്ക് മടുത്തു...’ -പിറന്നാൾ ദിനത്തിലെ യൂട്യൂബ് സ്ട്രീമിങ്ങിൽ തൊപ്പി പറഞ്ഞു.
'ഇന്ന് സ്ട്രീമിങ്ങില്ല. ഇന്നെൻ്റെ പിറന്നാളായിട്ട് രാവിലെ മുതൽ ഇങ്ങനെ തന്നെയാണ്. കിടന്ന് ഉറങ്ങുന്നു, എഴുന്നേൽക്കുന്നു, ഉറങ്ങുന്നു, എഴുന്നേൽക്കുന്നു... ഇതുതന്നെ പണി. ഭ്രാന്തുപിടിച്ചപ്പോൾ ലൈവിട്ടതാണ്. ഒറ്റ കാര്യമേ പറയാനുള്ളൂ. പിറന്നാൾ സമ്മാനം, ആഘോഷം ഒന്നുമില്ല.. ഒന്നിനും ഞാനില്ല. പിറന്നാളിന് പലതും പ്ലാൻ ചെയ്തതായിരുന്നു. എല്ലാം ഒഴിവാക്കി. എനിക്ക് പിറന്നാൾ സമ്മാനമായി തരാനുദ്ദേശിക്കുന്ന പണം വേറെ എന്തിനെങ്കിലും ഉപയോഗിക്കുക. പോയി ഭക്ഷണം കഴിക്കൂ, അല്ലെങ്കിൽ ആർക്കെങ്കിലും ഭക്ഷണം വാങ്ങിക്കൊടുക്കൂ. എനിക്ക് പണം അയക്കണ്ട.
ലൈവ് വരാനാണെങ്കിൽ എന്നും വരാമായിരുന്നു. കഴിഞ്ഞ ഒരുമാസമായി ഞാനിവിടെ കിടന്ന് ഉരുളുകയാണ്. വിഷാദത്തിലേക്ക് പോയ എന്റെ ജീവിതം നിങ്ങളെ കാണിച്ചിട്ട് എന്തിനാണ്. കേൾക്കുമ്പോൾ തമാശയായിട്ട് തോന്നും. ഞാനീ ക്യാരക്ടർ അവസാനിപ്പിക്കാൻ പോവുകയാണ്. അവസാനം ലൈവ് വന്നിട്ട് വീട്ടിൽ പോവുകയാണെന്ന് പറഞ്ഞ് പോയത് ഓർക്കുന്നുണ്ടോ? അന്ന് സ്വന്തം കുടുംബം മുഖത്ത് നോക്കി ഡോർ അടച്ചു. വീട്ടുകാർ ഒപ്പമി​ല്ലെങ്കിൽ എത്ര പണവും പ്രശസ്തിയുമുണ്ടാക്കിയിട്ട് എന്താണ് കാര്യം. എല്ലാം അവസാനിപ്പിക്കാൻ സമയമായി. എനിക്ക് മടുത്തു’ -തൊപ്പി പറയുന്നു.
‘എൻ്റെ അവസ്ഥ എങ്ങനെയാണ് നിങ്ങളെ പറഞ്ഞ് മനസിലാക്കുക എന്നറിയില്ല. എനിക്ക് മുന്നിലുള്ള അവസാനത്തെ ഒരേ ഒരു വഴി 'തൊപ്പി' എന്ന കഥാപാത്രത്തെ ഒഴിവാക്കലാണ്. ഈ ‘തൊപ്പി’ എന്ന ചങ്ങാതിയില്ലേ, ഈ ചങ്ങാതിയെ കൊന്നുവിടുക. നിഹാദ് എന്ന എന്നിലേക്ക് തിരിച്ച് പോവുക. നിങ്ങൾക്കെല്ലാം ഞാനൊരു കോമാളി’ -നിഹാദ് പറഞ്ഞു. ലൈവിനിടെ ആരാധകർ സൂപ്പർ ചാറ്റ് വഴി ഗിഫ്റ്റായി പണം നൽകുന്നത് ശ്രദ്ധയിൽപെട്ടപ്പോൾ ​തൊപ്പി ആ ഓപ്ഷൻ ഓഫ് ചെയ്തു. അതിന് ശേഷം വീണ്ടും സംസാരം തുടർന്നു.
‘തനിക്ക് ഗിഫ്റ്റ് ചെയ്യുന്ന പണം ആർ​ക്കെങ്കിലും കൊണ്ടുപോയി കൊടുക്കുക. ​വേറൊന്നും പറയാനില്ല. ഈ ക്യാരക്ടർ വിടുക എന്നതാണ് പരിഹാരം. ഞാൻ എന്റെ റിയൽ ക്യാരക്ടറിലേക്ക് തിരിച്ചുപോകുകയാണ്. ആളുകൾ എന്തെങ്കിലും കരുതട്ടേ. സ്വന്തം കുടുംബം അംഗീകരിക്കുന്നില്ലെങ്കിൽ പിന്നെ ജീവിച്ചിരുന്നിട്ട് എന്താണ് കാര്യം? ഇങനെയെല്ല ജീവിക്കേണ്ടത്. ഇത് ഞാൻ കുറേ ഉറപ്പിച്ചെടുത്ത തീരുമാനമാണ്. അഞ്ച് നേരം നിസ്കരിച്ചാൽ ശരിയാകുമെന്ന് പറഞ്ഞു. ഈ അവസ്ഥയിൽ നിന്ന് പുറത്തുകടക്കാൻ ഞാൻ ട്രൈ ചെയ്യാത്ത വഴികളില്ല. ജിമ്മിലും പോയി. ഓരോ തവണയും ഞാൻ ഹാപ്പിയാകാനാണ് നിങ്ങളുടെ മുന്നിൽ വന്നത്. എന്റെ ശരിയായ മുഖം മറച്ചിട്ടാണ് വന്നത്. ഇതിൽ കൂടുതൽ എനിക്ക് പറ്റില്ല. ഒന്നൊന്നൊര കൊല്ലത്തെ എന്റെ അധ്വാനമാണ് എന്റെ മുടി. ഇത് ഞാൻ മുറിക്കുകയാണ് (ശേഷം കത്രിക ഉപയോഗിച്ച് മുറിച്ചു കളഞ്ഞു). ഇനി നമ്മൾ കാണുന്നുണ്ടെങ്കിൽ തൊപ്പി മരിച്ചു, ഇനി നിഹാദായി കാണാം.. നിഹാദേ ഉള്ളൂ.. ഈ ക്യാരക്ടർ വിട്ടാൽ വീട്ടിൽ കയറ്റാൻ 90 ശതമാനം സാധ്യതയുണ്ട്. എനിക്കറിയില്ല. നമുക്ക് ചെയ്യാൻ പറ്റുന്നതിന്റെ മാക്സിമം നമ്മൾ ചെയ്യുക. എന്റെ ലൈഫ് ഇങ്ങനെയാകും എന്ന് ഞാൻ വിചാരിച്ചിട്ടില്ല... തൊപ്പി മരിച്ചു. അതേ ഉള്ളൂ വഴി. നോർമൽ ലൈഫിലേക്ക്, നോർമൽ മനുഷ്യനായി തിരിച്ചു പോവുക.. ലൈവ് നിർത്താൻ തോന്നുന്നില്ല, നിർത്തിയാൽ വല്ലാത്ത ഏകാന്തതയാണ്. മതി. എല്ലാം നിർത്തുകയാണ്..’ -എന്ന് പറഞ്ഞാണ് നിഹാദ് യൂട്യൂബ് ലൈവ് അവസാനിപ്പിക്കുന്നത്.
Mrz Thoppi എന്ന പേരിലുള്ള യൂട്യൂബ് ചാനലിലൂടെയാണ് ​കണ്ണൂർ സ്വദേശിയായ നിഹാദ് ചുരുങ്ങിയ കാലം കൊണ്ട് സോഷ്യൽ മീഡിയയിൽ വൈറലായത്. 8.72 ലക്ഷം സബ്സ്ക്രൈബേഴ്സ് ഉണ്ട്. സ്ത്രീത്വത്തെ അപമാനിച്ചതിന്റെയും അശ്ലീല പദപ്രയോഗങ്ങൾ നടത്തിയതിന്റെയും പേരിൽ നിരവധി തവണ വിവാദത്തിലായിട്ടുണ്ട്. സ്കൂൾ വിദ്യാർഥികളാണ് തൊപ്പിയുടെ വിഡിയോകളുടെ സ്ഥിരം കാഴ്ചക്കാർ. തൊപ്പി പങ്കെടുത്ത ഉദ്ഘാടന ചടങ്ങുകളിൽ കുട്ടികൾ കൂട്ടമായെത്തിയതും റോഡ് ബ്ലോക്കായതും വിവാദമായിരുന്നു. പൊതുസ്ഥലത്ത് അശ്ലീല പരാമർശങ്ങൾ നടത്തിയതിനും ഗതാഗതം തസപ്പെടുത്തിയതിനും 'തൊപ്പി'ക്കെതിരെ കേസെടുക്കുകയും താമസസ്ഥലത്തിന്റെ വാതിൽ തകർത്ത് അറസ്റ്റ് ചെയ്യുകയും ചെയ്തിരുന്നു.

‘തൊപ്പി മരിച്ചു, ഇനി നിഹാദായി ജീവിക്കും...;പിറന്നാൾ ദിനത്തിൽ ലൈവുമായി യൂട്യൂബർ തൊപ്പി

സോഷ്യൽമീഡിയയിൽ നടക്കുന്ന വ്യാജപ്രചാരണത്തിൽ പ്രതികരിച്ച് അന്തരിച്ച നടൻ കൊല്ലം സുധിയുടെ ഭാര്യ രേണു. വിധവയാണെന്ന് പറഞ്ഞ് തനിക്ക് ഒന്നും ചെയ്യാൻ കഴിയില്ലേയെന്നും രേണു ചോദിച്ചു. ഒന്നുകിൽ ജീവിതം അവസാനിപ്പിക്കുമെന്നും അല്ലെങ്കിൽ മറ്റൊരു വിവാഹം കഴിക്കുകയാണ് പ്രതിവിധിയെന്നാണ് രേണു വ്യക്തമാക്കിയിരിക്കുന്നത്. സോഷ്യൽമീഡിയയിലൂടെയായിരുന്നു പ്രതികരണം. വാഹനാപകടത്തിൽ സുധി മരിച്ചതോടെ രേണുവിനെയും മക്കളെയും സഹായിക്കാൻ നിരവധിയാളുകൾ രംഗത്തെത്തിയിരുന്നു. അന്നുമുതൽക്കേ രേണു നിരന്തരമായി സൈബർ ആക്രമണം നേരിട്ടിരുന്നു. നല്ല വസ്ത്രമിട്ടാലും ചിരിച്ചുകൊണ്ട് റീൽ ചെയ്താലും നിരവധി വിമർശനങ്ങൾ രേണു നേരിട്ടിരുന്നു. ഇപ്പോഴിതാ സുധിയുടെ ആദ്യ വിവാഹത്തിലെ മകനെ രേണു വീട്ടിൽ നിന്ന് ഇറക്കിവിട്ടുവെന്ന വ്യാജപ്രചാരണത്തിനെ തുടർന്നാണ് പ്രതികരിച്ചിരിക്കുന്നത്.
രേണുവിന്റെ വാക്കുകളിലേക്ക്
ഒന്നിനും ഞാൻ ഇല്ല. എന്നാ തെറ്റാ ചെയ്യുന്നത് എന്ന് എനിക്കറിയില്ല. ഞാൻ വിധവ ആണെന്ന് പറഞ്ഞ് എനിക്കൊന്നും ചെയ്യാൻ പറ്റില്ലേ? എല്ലാം കുറ്റമാ. കേട്ട് കേട്ട് മടുത്തു. ഒന്നെങ്കിൽ ജീവിതം അവസാനിപ്പിക്കും അല്ലേൽ ആരെയെങ്കിലും കെട്ടി ജീവിക്കും, എനിക്കു മടുത്തു. ഇങ്ങനെ കേൾക്കാൻ എന്തേലും തെറ്റ് ചെയ്തിട്ടാണേലും കുഴപ്പമില്ല. വിധവ എന്നു പറഞ്ഞ് ഇങ്ങനെ കുത്തുന്നു. ഞാനെന്നാ ചെയ്താലും പറഞ്ഞാലും കുറ്റം.
ഞാൻ ജീവിതം അവസാനിപ്പിച്ചാലും. ഇനി കെട്ടിയാലും എല്ലാം ഈ പഴി പറയുന്നവർ തന്നെ കാരണം. ശരിക്കും മടുത്തിട്ട് തന്നെയാണ് സ്‌റ്റോറി ഇട്ടത്. അല്ലാതെ വേറെ കെട്ടാൻ മറ്റാരുടേയും സമ്മതം വേണ്ട എനിക്ക്. പക്ഷെ ഇതുവരെ അങ്ങനെ ചിന്തിച്ചിട്ടില്ല. എട്ടൻ മരിച്ചതു കൊണ്ടല്ലേ ഞാൻ എന്ത് ചെയ്താലും പറഞ്ഞാലും ഇരുന്നാലും നിന്നാലും എല്ലാം കുറ്റം. ഒന്നെങ്കിൽ ഈ ജീവിതം അവസാനിപ്പിക്കുക അല്ലെങ്കിൽ വേറെ കെട്ടുക. മക്കളുടെ സമ്മതത്തോടെ അപ്പോൾ പിന്നെ ഈ പേര് അങ്ങ് തീർന്നു കിട്ടുമല്ലോ. അല്ലാതെ എന്ത് വഴിയാ വിധവ എന്നത് മാറാൻ.

'എനിക്ക് മടുത്തു, ഒന്നെങ്കിൽ ജീവിതം അവസാനിപ്പിക്കും അല്ലെങ്കിൽ ആരെയെങ്കിലും കെട്ടി ജീവിക്കും'; കൊല്ലം സുധിയുടെ ഭാര്യ രേണു

കൊച്ചി: യുവനടിയുടെ പരാതിയിൽ വ്ലോഗർ സൂരജ് പാലാക്കാരൻ അറസ്റ്റിലായി. സ്ത്രീത്വത്തെ അപമാനിച്ചെന്ന പരാതിയിൽ പാലാരിവട്ടം പൊലീസാണ് സൂരജിനെ കസ്റ്റഡിയിലെടുത്തത്.
നേരത്തെ, സമാനമായ മറ്റൊരു പരാതിയിൽ ഇയാൾ 14 ദിവസം റിമാൻഡിലായിരുന്നു. അന്ന് ഇടുക്കി സ്വദേശിനിയായ യുവതിയാണ് പരാതി നൽകിയിരുന്നത്. കേസിൽ സൂരജ് ജാമ്യത്തിൽ പുറത്തിറങ്ങിയിരുന്നു.

യുവനടിയുടെ പരാതിയിൽ വ്ലോഗർ സൂരജ് പാലാക്കാരൻ അറസ്റ്റിൽ

തൃശൂർ: ആൾക്കൂട്ട വിചാരണയ്ക്കും ക്രൂരമർദനത്തിനും പിന്നാലെ പൂക്കോട് വെറ്ററിനറി സർവകലാശാല ക്യാംപസിലെ വിദ്യാർഥി ജെ.എസ്.സിദ്ധാർഥനെ മരിച്ച നിലയിൽ കണ്ടെത്തിയ സംഭവത്തിൽ പ്രതികരണവുമായി കവിയും ഗാനരചയിതാവുമായ റഫീഖ് അഹമ്മദ്. സാംസ്കാരിക കേരളത്തെ പരിഹസിച്ചുകൊണ്ടുള്ള കാർട്ടൂൺ പങ്കുവച്ചാണ് സമൂഹമാധ്യമത്തിൽ റഫീഖിന്റെ പോസ്റ്റ്. ‘സിദ്ധാർഥ്.. മാപ്പ്’ എന്ന കുറിപ്പ് സഹിതമാണ് കാർട്ടൂൺ പങ്കുവച്ചത്.
കഴിഞ്ഞ മാസം 18 നാണു ഹോസ്റ്റലിലെ ശുചിമുറിയിൽ ജീവനൊടുക്കിയ നിലയിൽ സിദ്ധാർഥിനെ കണ്ടെത്തിയത്. ഫെബ്രുവരി 14ന്, കോളജിലെ പരിപാടിക്കിടെ പെൺകുട്ടിയോട് ഇഷ്ടം തുറന്നുപറഞ്ഞെന്ന പേരിൽ സിദ്ധാർഥനെ ഗ്രൗണ്ടിൽ സീനിയർ വിദ്യാർഥികൾ സംഘം ചേർന്നു ചോദ്യം ചെയ്യുകയും മർദിക്കുകയും ചെയ്തെന്നാണ് വിദ്യാർഥികൾ പറയുന്നത്. 14 മുതൽ 18ന് ഉച്ച വരെ സിദ്ധാർഥൻ ക്രൂര മർദനത്തിനിരയായെന്നു ദൃക്സാക്ഷിയായ വിദ്യാർഥി പറയുന്നു. ഹോസ്റ്റലിലെ 130 വിദ്യാർഥികളുടെ മുന്നിൽ നഗ്നനാക്കിയായിരുന്നു മർദനം.
കേസിൽ പ്രതികളായ 18 പേരെയും അറസ്റ്റ് ചെയ്തിരുന്നു. പ്രതികൾക്കെതിരെ ക്രിമിനൽ ഗൂഢാലോചനക്കുറ്റവും പൊലീസ് ചുമത്തി. വീട്ടിലേക്കു പോയ സിദ്ധാർഥനെ കൃത്യമായ ആസൂത്രണത്തിനൊടുവിൽ പൂക്കോട് ക്യാംപസിലേക്കു വിളിച്ചുവരുത്തിയതിനടക്കം തെളിവു ലഭിച്ചതിന്റെ അടിസ്ഥാനത്തിലാണ് കുറഞ്ഞതു 2 വർഷം വരെ തടവുശിക്ഷ കിട്ടിയേക്കാവുന്ന വകുപ്പു ചുമത്തിയത്. കൊലപാതകമെന്നു തെളിഞ്ഞാൽ പ്രതികൾക്കു ജീവപര്യന്തം വരെ ശിക്ഷ ലഭിക്കാം. ആത്മഹത്യാപ്രേരണ, റാഗിങ്, ഗുരുതരമായി മുറിവേൽപിക്കൽ, ആയുധങ്ങൾ ഉപയോഗിച്ചു മുറിവേൽപിക്കൽ, അന്യായമായി തട‍ഞ്ഞുവയ്ക്കൽ എന്നീ വകുപ്പുകളാണു നേരത്തേ ചുമത്തിയിരുന്നത്.

‘പ്രതികരണശേഷി പണ്ടേ നഷ്ടപ്പെട്ടതാണ്’: ‘സിദ്ധാർഥ്.. മാപ്പ്’ എന്ന കുറിപ്പോടെ കാർട്ടൂൺ പങ്കുവച്ച് റഫീഖ് അഹമ്മദ്

തൃശൂര്‍: അപൂർവരോഗമുള്ള കുഞ്ഞിന് ചികിത്സാ സഹായം ചോദിച്ചെത്തിയ അമ്മയെയും കുഞ്ഞിനെയും നടനും ബി.ജെ.പി നേതാവുമായ സുരേഷ് ഗോപി അപമാനിച്ചതായി പരാതി. ചികിത്സക്കായി സഹായം അഭ്യർഥിച്ചപ്പോൾ കളിയാക്കുന്ന തരത്തിൽ ഗോവിന്ദൻ മാസ്റ്ററെ പോയി കാണാനായിരുന്നു മറുപടി.
കോയമ്പത്തൂരിൽ താമസിക്കുന്ന സിന്ധുവാണ് സുരേഷ് ഗോപിയോട് മകൻ അശ്വിന് ചികിത്സക്കായി സഹായം അഭ്യർഥിച്ചത്. ഗോവിന്ദൻ മാസ്റ്ററെ പോയി കാണാൻ പറഞ്ഞപ്പോൾ കളിയാക്കിയതാണെന്ന് മനസ്സിലാകാതെ ക്ഷേത്ര നടയിലുണ്ടായിരുന്നവരോട് ആരാണ് ഗോവിന്ദൻ മാസ്റ്ററെന്ന് സിന്ധു തിരക്കി. പിന്നീട് ക്ഷേത്രത്തിൽ ഉണ്ടായിരുന്നവരാണ് കളിയാക്കിയതാണെന്ന് അവരെ പറഞ്ഞു മനസ്സിലാക്കിയത്. ഇതോടെ ആൾക്കൂട്ടത്തിന് നടുവിൽ നിന്ന് കൈക്കുഞ്ഞുമായി സിന്ധു കരഞ്ഞു. പിന്നീട് ക്ഷേത്രത്തിൽ ഉണ്ടായിരുന്നവരാണ് സിന്ധുവിനെ സമാധാനിപ്പിച്ചത്.
തമിഴ്നാട് സ്വദേശിനിയായ സിന്ധു കോടീശ്വരൻ സ്ഥിരമായി കാണുക വഴിയാണ് സുരേഷ് ഗോപിയെ അറിയുന്നത്. ഗുരുവായൂർ ക്ഷേത്രദർശനത്തിനിടെ സുരേഷ് ഗോപിയേയും സംഘത്തേയും കണ്ടപ്പോൾ രണ്ടു വയസ്സുള്ള മകൻ അശ്വിനേയും എടുത്ത് സഹായം ചോദിക്കുകയായിരുന്നു. മാസ്റ്റോസൈറ്റോസിസ് എന്ന അപൂർവ രോഗത്തിന് ചികിത്സയിലാണ് അശ്വിൻ . ഒരു മാസം മരുന്നിന് മാത്രം 50,000 രൂപയോളം ചെലവുണ്ട്.

ഗോവിന്ദന്‍ മാസ്റ്ററോട് ചോദിക്കൂ; അപൂർവ രോഗത്തിന് ചികിത്സാ സഹായം ചോദിച്ച അമ്മയെയും കുഞ്ഞിനെയും സുരേഷ് ഗോപി അപമാനിച്ചതായി പരാതി

Search Results for: nimishapriya