വടകര: സപ്ലൈകോയിൽ അവശ്യസാധനങ്ങളുടെ സബ്സിഡി വെട്ടിക്കുറക്കുകയും, വില കുത്തനെ വർധിപ്പിക്കുകയും ചെയ്തതിൽ പ്രതിഷേധിച്ച് വടകര പുതിയ ബസ് സ്റ്റാൻഡിലെ സപ്ലൈകോയിലേക്ക് യൂത്ത് കോൺഗ്രസ്‌ പ്രതിഷേധ മാർച്ച് നടത്തി.
സപ്ലൈകോ ഔട്ട്ലെറ്റുകളിൽ വീഡിയോഗ്രാഫി, ഫോട്ടോഗ്രാഫി എന്നിവ നിരോധിച്ച ഉത്തരവിനെതിരെ നിയോജകമണ്ഡലം കമ്മിറ്റിയുടെ നേതൃത്വത്തിൽ വീഡിയോ എടുത്തും സെൽഫി കോർണർ സ്ഥാപിച്ചും പ്രതിഷേധിച്ചു. വടകര പുതിയ ബസ്റ്റാൻഡ് സപ്ലൈ കോ ഔട്ട്‌ലെറ്റിന് മുന്നിലാണ് സെൽഫി കോർണർ സ്ഥാപിച്ചത്. യൂത്ത് കോൺഗ്രസ് കോഴിക്കോട് ജില്ലാ ജനറൽ സെക്രട്ടറി അനന്യപ്രകാശ് ഉദ്ഘാടനം ചെയ്തു. യൂത്ത് കോൺഗ്രസ്സ് നിയോജകമണ്ഡലം പ്രസിഡന്റ്‌ സി. നിജിൻ അധ്യക്ഷ്യം വഹിച്ചു. മുഹമ്മദ്‌ മിറാഷ്,പ്രബിൻ പാക്കയിൽ, സജിത്ത് മാരാർ, അനന്ദു പുതുപ്പണം,റയീസ് ഏറാമല, കാർത്തിക് ചോറോട്,ശ്രീജിഷ്. യു. എസ് ,ദിൽരാജ് പനോളി, ജിബിൻ രാജ് കൈനാട്ടി,ബിജീഷ് ബാലകൃഷ്ണ,സിജു പുഞ്ചിരിമിൽ, വിഷ്ണു മുതുവീട്ടിൽ, അതുൽ ബാബു എന്നിവർ സംസാരിച്ചു.

സപ്ലൈകോയിൽ  സെൽഫി കോർണർ സ്ഥാപിച്ച് യൂത്ത് കോൺഗ്രസ് പ്രതിഷേധം

Vadakara

വടകര: വിദ്യാഭ്യാസ മേഖലയിൽ എ.ഐ യുടെ സാധ്യതകൾ സമന്വയിപ്പിച്ച് പുതു വിദ്യാഭ്യാസ സമ്പ്രദായത്തിൽ വിജയഗാഥ രചിക്കാൻ ഒരുങ്ങുകയാണ് വടകരയിലെ 5 വനിതാ സംരംഭകർ. 'യു സ്ലോട്ട് എ ഐ എനാബ്ൾഡ് എജു ടെക് 'എന്ന സ്ഥാപനത്തിലൂടെ വിദ്യാഭ്യാസരംഗത്ത് കുട്ടികൾ നേരിടുന്ന വെല്ലുവിളികൾ പരിഹരിച്ച് ഓരോ കുട്ടിയുടെയും അഭിരുചിക്കനുസൃതമായ ക്ലാസുകൾ നൽകാനാണ് യു സ്ലോട്ട് ലക്ഷ്യമാക്കുന്നത്.
എൽ.കെ.ജി മുതൽ പ്ലസ് ടു വരെയും അതിനുമുകളിലേക്കും, ഏതൊരു പ്രൊഫഷണൽ കോഴ്സിനും ആവശ്യമായ ട്യൂഷൻ നൽകുന്നതിനു പുറമേ മാർഷ്യൽ ആർട്സ്, സംഗീതം, ചിത്രകല, റോബോട്ടിക്സ്, കോഡിങ് തുടങ്ങി കുട്ടികൾക്ക് തങ്ങളുടെ അഭിരുചികൾ പരിപോഷിപ്പിക്കാൻ ആവശ്യമായ പാഠ്യ-പാഠ്യേതര വിഷയങ്ങളിലെ ക്ലാസുകൾ ഇൻഫിനിറ്റി ടീച്ചേർസ് പൂളിൻറെ സഹായത്തോടെ യൂസ്ലോട്ട് സാധ്യമാക്കുന്നു. ലോകത്തിലെ എല്ലാ കോണുകളിലുമുള്ള വിദ്യാർത്ഥികളെയും ലക്ഷ്യമാക്കുന്ന യൂസ്ലോട്ട് കുട്ടികൾ നേരിടുന്ന മാനസിക സമ്മർദ്ദങ്ങൾക്കും മറ്റു പ്രശ്നങ്ങൾക്കും ഉൾപ്പെടെ പരിഹാരം ഒരുക്കുന്നു. വിദ്യാഭ്യാസ മേഖലയിൽ കുട്ടികളുടെ ആമസോൺ ആയി മാറാൻ പോവുകയാണ് യൂസ്ലോട്ട് എന്ന് ഇതിൻറെ സ്ഥാപകരായ സാജിത, മുഹ്സിന, മുബീന, ജാസിറ, വിസ്മയ എന്നിവർ ഉദ്ഘാടനം ചെയ്തുകൊണ്ട് അഭിപ്രായപ്പെട്ടു.

വിദ്യാഭ്യാസരംഗത്ത് വിപ്ലവം സൃഷ്ടിക്കാൻ 5 വനിതകൾ

വടകര: ജോലിഭാരം മൂലം പ്രധാനാധ്യാപക (എച്ച് എം) പ്രമോഷൻ പോലും വേണ്ടെന്നു വെക്കുകയാണ് പ്രൈവറ്റ് പ്രൈമറി അധ്യാപക സമൂഹമെന്ന് കെ മുരളീധരൻ എം പി. പ്രൈമറി സ്കൂളുകളുടെ നിലനിൽപ്പിനെതന്നെ സാരമായി ബാധിക്കുന്ന ഉച്ചഭക്ഷണ പദ്ധതിയിലെ സാമ്പത്തിക ബാധ്യത പരിഹരിക്കാനായി എല്ലാ അധ്യാപകരും ഒറ്റക്കെട്ടായി രംഗത്തിറങ്ങണമെന്നും, സംസ്ഥാന സർക്കാർ വേണ്ടത്ര രീതിയിൽ ഈ വിഷയത്തിൽ ഇടപെട്ടിട്ടുണ്ടോയെന്ന് പുന:പരിശോധിക്കണമെന്നും അദ്ദേഹം പറഞ്ഞു.
കേരള പ്രൈവറ്റ് പ്രൈമറി ഹെഡ്മാസ്റ്റേഴ്സ് അസോസിയേഷൻ (കെ.പി.പി.എച്ച് എ) കോഴിക്കോട് ജില്ലാ സമ്മേളനം വടകര ടൗൺ ഹാളിൽ ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം. കെ.പി പി എച്ച് എ ജില്ലാ പ്രസിഡണ്ട് കെ.കെ മനോജ് അദ്ധ്യക്ഷത വഹിച്ചു. സംസ്ഥാന സെക്രട്ടറി ജി.സുനിൽകുമാർ മുഖ്യ പ്രഭാഷണം നടത്തി. കെ.കെ ഗംഗാധരൻ, കെ.അജിതകുമാരി, പി.ആയിശ, കെ കെ.ദിനേശൻ, ശ്രീജ കെ എന്നിവർ സംസാരിച്ചു. ജില്ലാ സിക്രട്രറി കെ.സി.അബ്ദുസ്സലാം സ്വാഗതവും എം.ടി. ബിനീഷ് നന്ദിയും പറഞ്ഞു.

'ഉച്ചഭക്ഷണ പദ്ധതിയിലെ സാമ്പത്തിക ബാധ്യത പരിഹരിക്കാൻ അധ്യാപകർ ഒറ്റക്കെട്ടായി രംഗത്തിറങ്ങണം'

തിരുവനന്തപുരം: ലോക്സഭ തെരഞ്ഞെടുപ്പിൽ മത്സരിക്കേണ്ട സ്ഥാനാർഥികളുടെ ആദ്യപട്ടികയുമായി കേന്ദ്ര നേതൃത്വത്തിന് മുന്നിൽ ബി.ജെ.പി സംസ്ഥാന നേതൃത്വം. പത്തനംതിട്ടയിൽ ഗോവ ഗവർണർ പി.എസ് ശ്രീധരൻപിള്ളയുടെ പേരാണ് പരിഗണനയിൽ. ഈയിടെ ബി.ജെ.പിയിൽ ചേർന്ന പി.സി ജോർജും മകൻ ഷോൺ ജോർജും പരിഗണനയിലുണ്ട്. എന്നാൽ, പി.സി. ജോർജിനെതിരെ ബി.ഡി.ജെ.എസിന്റെ ഭാഗത്തുനിന്ന് വലിയ എതിർപ്പാണ് ഉയരുന്നത്.
തിരുവനന്തപുരത്ത് കേന്ദ്ര മന്ത്രി രാജീവ് ചന്ദ്രശേഖറിന്റെ പേരാണ് നിർദേശിച്ചിട്ടുള്ളത്. മലപ്പുറത്ത് ദേശീയ ​വൈസ് പ്രസിഡന്റ് എ.പി. അബ്ദുല്ലക്കുട്ടിക്കാണ് വീണ്ടും സാധ്യത കൽപ്പിക്കുന്നത്. കോഴിക്കോടും വയനാടും ശോഭ സുരേന്ദ്രന്റെ പേര് പരിഗണനയിലാണ്. എറണാകുളത്തും ആലപ്പുഴയിലും അനിൽ ആന്റണിയുടെ പേരാണ് ഉയരുന്നത്. എറണാകുളത്ത് സാബു എം. ജേക്കബും പട്ടികയിലുണ്ട്. കൊല്ലപ്പെട്ട ബി.ജെ.പി ഒ.ബി.സി മോർച്ച നേതാവായിരുന്ന രഞ്ജിത്ത് ശ്രീനിവാസന്റെ ഭാര്യ ലിഷ രഞ്ജിത്ത്, സന്ദീപ് വചസ്പതി എന്നിവരുടെ പേരുകളും ആലപ്പുഴയിൽ ഉയരുന്നുണ്ട്.&nbsp;&nbsp;

മലപ്പുറത്ത് എ.പി. അബ്ദുല്ലക്കുട്ടി, ശോഭ സുരേന്ദ്രനും അനിൽ ആന്റണിയും ലിസ്റ്റിൽ; ബി.ജെ.പി സ്ഥാനാർഥികളുടെ ആദ്യ പട്ടിക

വടകര: പൂർണ്ണമായും കംപ്യൂട്ടർവൽക്കരിച്ച് ഇൻ്റർനെറ്റ് മുതലായ സൗകര്യങ്ങളോടെ നവീകരിച്ച അഖില ഭാരതീയ പൂർവ്വ സൈനിക സേവാ പരിഷത്ത് വടകര താലൂക്ക് കമ്മിറ്റി ഓഫീസ് റിട്ട. കമാൻഡർ ടി. ഉദയഭാനു ഉദ്ഘാടനം ചെയ്തു. താലൂക്ക് പ്രസിഡണ്ട്,പി.പി. ശശിധരൻ അദ്ധ്യക്ഷതവഹിച്ചു. റിട്ട.കേണൽ വിനോദ്, കെ ശശികുമാർ, ഇ.പി.രാജൻ എന്നിവർ സംസാരിച്ചു. തിങ്കൾ, ബുധൻ,ശനി ദിവസങ്ങളിൽ കാലത്ത് 10 മണി മുതൽ ഉച്ചയ്ക്ക് 1.30 വരെ ഓഫീസ് തുറന്നു പ്രവർത്തിക്കുന്നതായിരിക്കും. 9497577515.

ഓഫീസ് ഉദ്ഘാടനം ചെയ്തു

ബെംഗളൂരു: യുവതിയെ ബന്ധുവിന്റെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. ബെംഗളൂരു അര്‍ബന്‍ ജില്ലയിലെ ഗൊട്ടിഗേരെ സ്വദേശിനി ചന്ദ്രകല(19)യെയാണ് മരിച്ചനിലയില്‍ കണ്ടെത്തിയത്. സംഭവത്തില്‍ അസ്വാഭാവിക മരണത്തിന് പോലീസ് കേസെടുത്തു. അതേസമയം, മുന്‍കാമുകനായ അരുണിന്റെ ഉപദ്രവം കാരണമാണ് ചന്ദ്രകല ജീവനൊടുക്കിയതെന്നാണ് കുടുംബത്തിന്റെ പരാതി. അടുത്തിടെ മറ്റൊരാളുമായി ചന്ദ്രകലയുടെ വിവാഹം നിശ്ചയിച്ചിരുന്നു. ഇതിനുപിന്നാലെ മുന്‍കാമുകന്‍ യുവതിയെ ഭീഷണിപ്പെടുത്തിയെന്നും നിരന്തരം ശല്യംചെയ്‌തെന്നുമാണ് കുടുംബം ആരോപിക്കുന്നത്.
അരുണും ചന്ദ്രകലയും നേരത്തെ അടുപ്പത്തിലായിരുന്നു. സഹോദരിയുടെ വിവാഹത്തിന് ശേഷം ചന്ദ്രകലയെ വിവാഹം കഴിക്കാമെന്നായിരുന്നു അരുണിന്റെ വാഗ്ദാനം. എന്നാല്‍, സഹോദരിയുടെ വിവാഹം കഴിഞ്ഞിട്ടും അരുണ്‍ വിവാഹത്തിന് സമ്മതിച്ചില്ല. ചന്ദ്രകലയുടെ അമ്മ അരുണിന്റെ കുടുംബവുമായി സംസാരിച്ചെങ്കിലും ഇവരും വിവാഹത്തിന് എതിരായിരുന്നു. മകനെ കൊണ്ട് ചന്ദ്രകലയെ വിവാഹം കഴിപ്പിക്കാനാകില്ലെന്നായിരുന്നു അരുണിന്റെ അമ്മയുടെ നിലപാട്. ഇതോടെ മകളുമായുള്ള ബന്ധം അവസാനിപ്പിക്കണമെന്നും മകളെ ശല്യപ്പെടുത്തരുതെന്നും ചന്ദ്രകലയുടെ അമ്മ ആവശ്യപ്പെട്ടു. അടുത്തിടെ മറ്റൊരാളുമായി ചന്ദ്രകലയുടെ വിവാഹം നിശ്ചയിച്ചു. എന്നാല്‍, വിവാഹനിശ്ചയം കഴിഞ്ഞിട്ടും അരുണ്‍ ചന്ദ്രകലയുമായി ബന്ധം തുടരാന്‍ ശ്രമിച്ചെന്നും തുടര്‍ന്ന് ഭീഷണിപ്പെടുത്തിയെന്നുമാണ് കുടുംബത്തിന്റെ പരാതി.

മുന്‍കാമുകൻ ഭീഷണിപ്പെടുത്തുന്നുവെന്ന്; വിവാഹം നിശ്ചയിച്ച യുവതി മരിച്ചനിലയില്‍

National

സംസ്ഥാനത്ത് സ്വർണവിലയിൽ നേരിയ വർധന. ഇന്ന് ഗ്രാമിന് 20 രൂപ വർധിച്ചു. ഇതോടെ ഒരു ഗ്രാം സ്വർണത്തിന് വില 5770 രൂപയായി. ഒരു പവൻ സ്വർണത്തിന് 160 രൂപ വർധിച്ച് വില 46,160 രൂപയിലെത്തി. 18 കാരറ്റിന്റെ സ്വർണത്തിന് ഗ്രാമിന് 15 രൂപ വർധിച്ച് 4780 രൂപയായി. ഫെബ്രുവരി മാസത്തിന്റെ ആദ്യ പകുതിയിൽ സ്വർണവില ഇടിയുകയായിരുന്നെങ്കിലും രണ്ടാം പകുതിയായപ്പോഴേക്കും വില തിരിച്ചുകയറി വരികയായിരുന്നു.
ഈ മാസത്തിന്റെ തുടക്കത്തിൽ 46,520 രൂപയായിരുന്നു സ്വർണവില. ഫെബ്രുവരി രണ്ടിന് 46,640 രൂപയായി ഉയർന്ന് ഈ മാസത്തെ ഏറ്റവും ഉയർന്ന നിലവാരത്തിൽ എത്തിയിരുന്നു.

സ്വർണവിലയിൽ നേരിയ വർധന

വടകര: സംസ്കൃത ഭാഷാ പഠനം പ്രോത്സാഹിപ്പിക്കുക എന്ന ലക്ഷ്യത്തോടെ ഗവ. സംസ്കൃതം ഹയർ സെക്കൻ്ററി സ്കൂളിൽ കാലടി ശങ്കരാചാര്യ സംസ്കൃത സർവകലാശാല ' സോപാനം 24 ' എന്ന പേരിൽ ശില്പശാല നടത്തി. കൊയിലാണ്ടി ശ്രീ ശങ്കരാചാര്യ സർവകലാശാല അസിസ്റ്റന്റ് പ്രൊഫസർ സുരേഷ് ബാബു എം.കെ. കുട്ടികൾക്കായി കർണ്ണഭാരം ഏകപാത്രാഭിനയം നടത്തി.&nbsp;
പരിപാടി ശ്രീ ശങ്കരാചാര്യ സംസ്കൃത സർവകലാശാല കൊയിലാണ്ടിയിലെ പ്രൊഫസർ ഡോ. പുഷ്പദാസ് കുനിയിൽ ഉദ്ഘാടനം ചെയ്തു. ഹെഡ്മിസ്ട്രസ് സുനന്ദ .ടി. അധ്യക്ഷത വഹിച്ചു. അധ്യാപകരായ നിഷ.ടി. , ഗിരീഷ് കുമാർ സി.എച്ച്. , പ്രകാശിനി കെ, ജിതേഷ് എം. എന്നിവർ സംസാരിച്ചു.

ശിൽപ്പശാല നടത്തി

ദോ​ഹ: വ​ലി​യ ഓ​ട്ട​ക്കാ​ർ വാ​ശി​യോ​ടെ ഓ​ടി​യ ഖ​ത്ത​ർ റ​ണ്ണി​ൽ കാ​ണി​ക​ളു​ടെ കൈ​യ​ടി നേ​ടി മനം കവർന്ന് ചെ​ന്നൈ​യി​ൽ നി​ന്നു​ള്ള മൂ​ന്ന​ര വ​യ​സ്സു​കാ​ര​ൻ മു​ഹ​മ്മ​ദ് ഹ​മ്മാ​ദ് ഇ​ബ്രാ​ഹിം. ഹ​മ്മാ​ദും ഏ​ഴു വ​യ​സ്സു​കാ​ര​നാ​യ സ​ഹോ​ദ​ര​ൻ മു​ഹ​മ്മ​ദ് മു​ഹ്സി​നും ഖ​ത്ത​ർ റ​ണ്ണി​ൽ പ​​ങ്കെ​ടു​ക്കാ​നാ​യി മാ​താ​പി​താ​ക്ക​ൾ​ക്കൊ​പ്പ​മാ​ണ് അ​ൽ ബി​ദ പാ​ർ​ക്കി​ലെ​ത്തി​യ​ത്.
ഹ​മ്മാ​ദ് 800 മീ​റ്റ​റി​ൽ മി​നി കി​ഡ്സ് വി​ഭാ​ഗ​ത്തി​ലും, മു​ഹ്സി​ൻ പ്രൈ​മ​റി വി​ഭാ​ഗ​ത്തി​ൽ മൂ​ന്ന് കി​ലോ​മീ​റ്റ​റി​ലു​മാ​യി​രു​ന്നു മ​ത്സ​രി​ക്കാ​ൻ ര​ജി​സ്റ്റ​ർ ചെ​യ്ത​ത്. എ​ന്നാ​ൽ, ആ​ദ്യം ന​ട​ന്ന മൂ​ന്ന് കി​ലോ​മീ​റ്റ​റി​ൽ സ​ഹോ​ദ​ര​നൊ​പ്പം ത​ന്നെ ഓ​ടാ​നി​റ​ങ്ങി​യ മു​ഹ​മ്മ​ദ് ഹ​മ്മാ​ദ് മാ​താ​പി​താ​ക്ക​ളാ​യ മു​ഹ​മ്മ​ദ് ഇ​ബ്രാ​ഹി​​മി​നെ​യും സാ​ദി​യ അ​ഞ്ജു​മി​നെ​യും കാ​ണി​ക​ളെ​യും അത്ഭുതപ്പെടുത്തി മ​നോ​ഹ​ര​മാ​യി ത​ന്നെ ഓ​ടി​ത്തീ​ർ​ത്തു. ഐ​ഡി​യ​ൽ ഇ​ന്ത്യ​ൻ സ്കൂ​ൾ വി​ദ്യാ​ർ​ഥി​യാ​ണ് മു​ഹ​മ്മ​ദ് മു​ഹ്സി​ൻ.

സഹോദരങ്ങൾക്കൊപ്പം കുതിച്ചോടി; കയ്യടി നേടി കുഞ്ഞ് ഹമ്മാദ്

Gulf

പാമ്പാടി: മോഷണ കേസിലും പ്രായപൂർത്തിയാകാത്ത പെൺകുട്ടിക്ക് നേരെ അതിക്രമം നടത്തിയ കേസിലും ഉൾപ്പെട്ട് ഒളിവിൽ കഴിഞ്ഞിരുന്ന പ്രതി 27 വർഷങ്ങൾക്കുശേഷം പിടിയിൽ. മീനടം പൊത്തംപുറം ഭാഗത്ത് ആലക്കുളത്ത് കാട്ടിൽ ബാബു എന്ന് വിളിക്കുന്ന ബാബു (58)വിനെയാണ്‌ പാമ്പാടി പൊലീസ് അറസ്റ്റ് ചെയ്‌തത്. 1993ൽ പാമ്പാടി സ്വദേശിയുടെ വീട്ടിൽ കയറി വീട്ടമ്മയുടെ മാല പൊട്ടിച്ച കേസിൽ ഇയാളെ പൊലീസ് അറസ്റ്റ് ചെയ്‌തിരുന്നു. ജാമ്യത്തിലിറങ്ങിയ ബാബു 1996ൽ പാമ്പാടി സ്വദേശിനിയായ പ്രായപൂർത്തിയാകാത്ത പെൺകുട്ടിയെ ഉപദ്രവിച്ച കേസിലും പ്രതിയായി.
പാമ്പാടി പൊലീസ്‌ കേസ്‌ രജിസ്റ്റർ ചെയ്‌തതിന്‌ പിന്നാലെ ഒളിവിൽ പോകുകയായിരുന്നു. 2002ൽ വീട്ടമ്മയുടെ മാല പൊട്ടിച്ച കേസിൽ ഇയാൾക്കെതിരെ തടവ് ശിക്ഷ വിധിക്കുകയും ചെയ്‌തിരുന്നു. പാമ്പാടി സ്റ്റേഷൻ എസ്എച്ച്ഓ സുവർണ്ണ കുമാർ, എസ്ഐ രമേഷ് കുമാർ, എഎസ്ഐ സിന്ധു, സിപിഓമാരായ സുമീഷ് മക്‌മില്ലൻ, ശ്രീജിത്ത് രാജ്, നിഷ എന്നിവരും അന്വേഷണ സംഘത്തിൽ ഉണ്ടായിരുന്നു. കോടതിയിൽ ഹാജരാക്കിയ ഇയാളെ റിമാൻഡ് ചെയ്‌തു.

പെൺകുട്ടിക്ക് നേരെ അതിക്രമം നടത്തിയ പ്രതി 27 വർഷങ്ങൾക്ക് ശേഷം പിടിയിൽ

Kerala

ലഖ്‌നൗ: ഉത്തര്‍പ്രദേശിലെ കാസ്ഗാഞ്ചില്‍ തീര്‍ഥാടകരുമായി പോവുകയായിരുന്ന ട്രാക്ടര്‍- ട്രോളി കുളത്തില്‍വീണ് 15 പേര്‍ മരിച്ചു. മാഘപൂര്‍ണിമ ആഘോഷത്തിന്റെ ഭാഗമായി ഗംഗയില്‍ സ്‌നാനത്തിനായി പോകുകയായിരുന്ന കുട്ടികളും സ്ത്രീകളും അടങ്ങിയ സംഘമാണ് അപകടത്തില്‍പ്പെട്ടത്. മരിച്ചവരില്‍ എട്ടോളം കുട്ടികളും ഉള്‍പ്പെടുന്നുവെന്നാണ് വിവരം.
റോഡില്‍ കാറുമായി കൂട്ടിയിടി ഒഴിവാക്കാന്‍ ശ്രമിക്കവെയാണ് അപകടമുണ്ടായതെന്ന് ട്രാക്ടര്‍ ഡ്രൈവര്‍ പറഞ്ഞു. ഗ്രാമീണരുമായി പോവുകയായിരുന്ന ട്രാക്ടര്‍ ചെളിവെള്ളം നിറഞ്ഞ കുളത്തിലേക്ക് വീഴുകയായിരുന്നു. രക്ഷപ്പെടുത്തിയവരെ കാസ്ഗഞ്ചിലെ ജില്ലാ ആശുപത്രിയിലേക്ക് മാറ്റി.
സംഭവത്തില്‍ ദുഃഖം രേഖപ്പെടുത്തിയ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്, മരിച്ചവരുടെ കുടുംബത്തിന് രണ്ടുലക്ഷം സഹായധനം പ്രഖ്യാപിച്ചു. പരിക്കേറ്റവരുടെ കുടുംബത്തിന് 50,000 രൂപയും നല്‍കും. ഇവർക്ക് ആവശ്യമായ ചികിത്സ ലഭ്യമാക്കണമെന്നും അധികൃതരോട് മുഖ്യമന്ത്രി നിർദേശിച്ചു.

യു.പിയിൽ ട്രാക്ടർ കുളത്തിലേക്ക് മറിഞ്ഞ് 15 മരണം

കൊയിലാണ്ടി : സി.പി.എം. കൊയിലാണ്ടി ലോക്കൽ സെക്രട്ടറിയുടെ കൊലപാതകത്തോടനുബന്ധിച്ച് പാർട്ടി ചാനലും ചില സി.പി.എം. നേതാക്കളും ബി.ജെ.പി.ക്കും ആർ.എസ്.എസിനും എതിരേ സത്യവിരുദ്ധമായ പ്രചാരണം നടത്തിയത് പ്രതിഷേധാർഹമാണെന്ന് ബി.ജെ.പി. കൊയിലാണ്ടി മണ്ഡലം കമ്മിറ്റി പറഞ്ഞു. നിലവിൽ യാതൊരു രാഷ്ട്രീയസംഘർഷങ്ങളും നിലനിൽക്കാത്ത പ്രദേശത്ത് ഇത്തരത്തിൽ ഒരു അനിഷ്ടസംഭവമുണ്ടാവുമ്പോൾ കാര്യങ്ങൾ കൃത്യമായി പഠിക്കാൻ സിപി.എം. നേതാക്കൾ ശ്രമിക്കണം.
രാഷ്ട്രീയ എതിരാളികൾക്കെതിരേ തെറ്റായ പ്രചാരണം നടത്തുന്നതും കാര്യങ്ങൾ മനസ്സിലാക്കാതെ പ്രതികരിക്കുന്നതും നാട്ടിൽ പ്രശ്നങ്ങൾ സൃഷ്ടിക്കാൻ മാത്രമേ ഉപകാരപ്പെടൂ. പി.വി. സത്യനാഥന്റെ വിയോഗത്തിൽ പാർട്ടിക്കും കുടുംബാംഗങ്ങൾക്കും ഉണ്ടായ നഷ്ടത്തിൽ ബി.ജെ.പി.യും പങ്കുചേരുന്നുവെന്ന് ബി.ജെ.പി. കൊയിലാണ്ടി മണ്ഡലം കമ്മിറ്റി പ്രസിഡൻറ് എസ്.ആർ. ജയ്‌ കിഷ് അറിയിച്ചു
&nbsp;

സത്യനാഥന്റെ കൊലപാതകം; ബി.ജെ.പി.ക്കും ആർ.എസ്.എസിനും എതിരായ പ്രചാരണത്തിൽ പ്രതിഷേധം

Koyilandy

വടകര : വാഹനാപകടത്തിൽ പരിക്കേറ്റ് ചികിത്സയിൽ കഴിയുന്ന ചെമ്മരത്തൂർ മീങ്കണ്ടിയിലെ കോംവെള്ളിമീത്തൽ കെ.എം. സുരേന്ദ്രന്റെ ജീവിതം തിരികെ പിടിക്കാൻ നാട് കൈകോർക്കുന്നു. കഴിഞ്ഞ നവംബർ 18-ന് മീങ്കണ്ടിയിലുണ്ടായ വാഹനാപകടത്തിലാണ് സുരേന്ദ്രന് പരിക്കേറ്റത്. സാരമായ പരിക്കുകളോടെ വിവിധ ആശുപത്രികളിലെ ചികിത്സയ്ക്കുശേഷം ഇപ്പോൾ വടകരയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്. ഇപ്പോഴും ബോധാവസ്ഥയിലേക്ക് തിരിച്ചെത്തിയിട്ടില്ല.
വലിയ തുക ഇതിനകംതന്നെ ചികിത്സയ്ക്ക് ചെലവായി. ഭാര്യയും വിദ്യാർഥിനിയായ മകളും മകനും ഉൾപ്പെടുന്ന സുരേന്ദ്രന്റെ കുടുംബത്തിന് താങ്ങാവുന്നതിലും അപ്പുറമാണിത്. ഈ സാഹചര്യത്തിൽ നാട്ടുകാർ ചേർന്ന് കമ്മിറ്റി രൂപവത്കരിച്ച് കുടുംബത്തെ സഹായിക്കാൻ മുന്നിട്ടിറങ്ങി. വാർഡ് മെമ്പർ രതീഷ് അനന്തോത്ത് ചെയർമാനും കെ.പി. ഹരിദാസൻ കൺവീനറും ശങ്കരൻ ഖജാൻജിയുമായി ചികിത്സാസഹായ കമ്മിറ്റി രൂപവത്കരിച്ചു. ഗ്രാമീൺ ബാങ്ക് ആയഞ്ചേരി ശാഖയിൽ അക്കൗണ്ടും തുടങ്ങിയിട്ടുണ്ട്. നമ്പർ- 40115101076189. ബാങ്ക് ഐ.എഫ്.എസ്. കോഡ്- KLGB0040115.

സുമനസ്സുകളുടെ സഹായം തേടി മീങ്കണ്ടിയിലെ സുരേന്ദ്രൻ

ആലപ്പഴ: പ്രതിപക്ഷ നേതാവ് വി.ഡി.സതീശനെതിരെ മോശമായ വാക്ക് പ്രയോഗിച്ച് കെപിസിസി അധ്യക്ഷന്‍ കെ. സുധാകരന്‍. 'സമരാഗ്നി'യുടെ ഭാഗമായി ആലപ്പുഴയില്‍ വാര്‍ത്താസമ്മേളനം നടത്തുന്നതിനായി സതീശന്‍ എത്താന്‍ വൈകിയതാണ് സുധാകരനെ പ്രകോപിപ്പിച്ചത്. മൈക്ക് ഓണാണെന്നും ക്യാമറയുണ്ടെന്നും ഓര്‍മിപ്പിച്ച് ഷാനിമോള്‍ ഉസ്മാനടക്കമുള്ള നേതാക്കള്‍ സുധാകരനെ കൂടുതല്‍ സംസാരിക്കുന്നതില്‍ നിന്ന് പിന്തിരിപ്പിച്ചു.
സമാരഗ്നിയുടെ ഭാഗമായി വാര്‍ത്താസമ്മേളനം നടത്താനെത്തിയതായിരുന്നു സുധാകരന്‍. ഡിസിസി പ്രസിഡന്റ് ബാബു പ്രസാദ്, ഷാനിമോള്‍ ഉസ്മാന്‍ തുടങ്ങിയ നേതാക്കളും ഒപ്പമുണ്ടായിരുന്നു. എന്നാല്‍, പ്രതിപക്ഷ നേതാവ് വി.ഡി.സതീശന്‍ മറ്റൊരു പരിപാടി ഉള്ളതിനാല്‍ പത്രസമ്മേളനത്തിന് എത്താൻ വൈകി. തുടര്‍ന്ന് ബാബു പ്രസാദിനോട് സതീശന്‍ എവിടെയെന്ന് സുധാകരന്‍ തിരക്കി, 'ഒന്ന് വിളിച്ച് നോക്കാന്‍ പറ, ഇയാൾ എവിടെയെന്ന്. ഇയാള്‍ എന്ത്...(തെറി) പത്രക്കാരോട് പറഞ്ഞിട്ട് എന്തൊരു മോശമാണിത്', സുധാകരന്‍ പറഞ്ഞു.
ഇതോടെ ഷാനിമോള്‍ ഉസ്മാന്‍ ഇടപെട്ടു. മൈക്ക് ഓണ്‍ ആണെന്ന് ഷാനിമോള്‍ ഉസ്മാനും പ്രസിഡന്റേ, ക്യാമറയും ഓണാണെന്ന് ബാബു പ്രസാദും ഓര്‍മിപ്പിച്ചു. ഇതോടെ സുധാകരന്‍ ഒതുങ്ങി. പിന്നീട് സതീശന്‍ എത്തിയെങ്കിലും അദ്ദേഹത്തോട് സുധാകരന്‍ നീരസം പ്രകടിപ്പിച്ചില്ല. ഇരുവരും പരസ്പരം സംസാരിക്കുകയും ഒന്നിച്ച് വാര്‍ത്താസമ്മേളനം നടത്തുകയും ചെയ്തു.
ഏതാനും മാസങ്ങൾക്ക് മുൻപ് വാര്‍ത്തസമ്മേളനത്തിൽ മൈക്കിനും കാമറയ്ക്കും മുന്നിൽവെച്ച് സുധാകരനും സതീശനും തമ്മിലുള്ള അസ്വാരസ്യം പ്രകടമായത് വാർത്തയായിരുന്നു. പുതുപ്പള്ളി ഉപതിരഞ്ഞെടുപ്പ് വിജയത്തിന് ശേഷം നടത്തിയ വാര്‍ത്താസമ്മേളനത്തിനിടെ ആദ്യം ആര് സംസാരിക്കണം എന്നത് സംബന്ധിച്ചായിരുന്നു ഇരുവരും തമ്മിലുള്ള ഭിന്നത കാമറയ്ക്കു മുന്നിൽ പ്രകടമായത്. സമാനമായ സാഹചര്യത്തിലാണ് ഇപ്പോഴത്തെയും സംഭവം.

മൈക്കിന് മുന്നിൽ പിന്നെയും സുധാകരൻ കുടുങ്ങി! വി ഡി സതീശനെതിരേ അശ്ലീല പദപ്രയോഗം

മാഹി: അമൃത് ഭാരത് പദ്ധതിയിൽ ഉൾപ്പെടുത്തിയ മാഹി റെയിൽവേ സ്റ്റേഷനിൽ നടപ്പാക്കുന്ന വിവിധ പദ്ധതിയുടെ പ്രവർത്തി ഉദ്ഘാടനം 26ന് നടക്കും. ഉദ്ഘാടന ചടങ്ങ് ആഘോഷമാക്കാനുള്ള വിപുലമായ ഒരുക്കങ്ങളാണ് നടക്കുന്നത്. ഉച്ചയ്ക്ക് 12 30ന് പ്രധാനമന്ത്രി നരേന്ദ്രമോദി ഓൺലൈനായി നടത്തുന്ന പ്രവർത്തി ഉദ്ഘാടന ചടങ്ങ് വീക്ഷിക്കുന്നതിന് അനുബന്ധ സൗകര്യങ്ങളും ഒരുക്കുന്നുണ്ട്. ഇവിടെ രാവിലെ 10 മുതൽ വിവിധ കലാപരിപാടികൾ അരങ്ങേറും. ഇതിനകം നടത്തിയ വിവിധ മത്സരങ്ങളിലെ വിജയികളായ 84 പേർക്ക് ചടങ്ങിൽ പുരസ്കാരങ്ങൾ വിതരണം ചെയ്യും.&nbsp;
മാഹി സ്റ്റേഷനിലെ ഉദ്ഘാടന ചടങ്ങിന് സീനിയർ ഡിവിഷനൽ ഇലക്ട്രിക്കൽ എൻജിനീയർ സന്ദീപ് ജോസഫ് നേതൃത്വം നൽകും. ഉദ്ഘാടന ചടങ്ങിനായി വലിയ ഒരുക്കങ്ങളാണ് നടത്തുന്നതെന്ന് നേതൃത്വം നൽകുന്ന ഡിവിഷൻ ചീഫ് വെൽഫെയർ ഇൻസ്പെക്ടർ വിനോദ് രാജ് ഈ ഡി പറഞ്ഞു. അമൃത ഭാരത് പദ്ധതിയിൽ രണ്ടു വർഷം കൊണ്ടാണ് പ്രവർത്തികൾ പൂർത്തിയാക്കേണ്ടത്. ഇവിടെ ചില പ്രവർത്തികൾ ഇതിനകം ആരംഭിച്ചിട്ടുണ്ട്. നിർമ്മാണപ്രവർത്തികൾക്ക് റെയിൽവേയുടെ 24 മണിക്കൂർ നിരീക്ഷണ സംവിധാനം ഉണ്ടെന്നും അദ്ദേഹം പറഞ്ഞു.

അമൃത് ഭാരത് സ്റ്റേഷൻ പദ്ധതി ഉദ്ഘാടനം ആഘോഷമാക്കാൻ മയ്യഴി

Mahe

മാഹി: ഫ്രഞ്ച് സ്കൂൾ 136 ആം വാർഷികം വിപുലമായി ആഘോഷിച്ചു. പി ടി എ പ്രസിഡന്റ് റഫീഖ് എസ് പി ആദ്യക്ഷനായ ചടങ്ങ് മാഹി ചീഫ് എഡ്യൂക്കേഷനൽ ഓഫീസർ തനൂജ എം എം ഉദ്ഘാടനം ചെയ്തു. ഹെഡ് മാസ്റ്റർ ബാലകൃഷ്ണൻ സ്വാഗതം പറഞ്ഞു. രേഖ റിപ്പോർട്ട് അവതരിപ്പിച്ചു. മുൻ എ ഡി പി സി ദിവാനന്ദൻ മുഖ്യ പ്രഭാഷണം നടത്തി. ജെയിംസ് ആശംസ നേർന്നു. ശാന്തി നന്ദി രേഖപ്പെടുത്തി. തുടർന്ന് സ്കൂൾ വിദ്യാർത്ഥികളുടെ കലാപരിപാടികളും ഉണ്ടായി.

മാഹി ഫ്രഞ്ച് സ്കൂൾ വാർഷികം ആഘോഷിച്ചു

വടകര: സി.പി.എം. കൊയിലാണ്ടി സെൻട്രൽ ലോക്കൽ സെക്രട്ടറി പെരുവട്ടൂർ പുളിയോറവയൽ പി.വി. സത്യനാഥനെ കൊലപ്പെടുത്തിയ കേസിലെ പ്രതി അഭിലാഷിനെ വൈദ്യപരിശോധനയ്ക്കായി ഹാജരാക്കിയത് വടകര ഗവ. ജില്ലാ ആശുപത്രിയിൽ. വൻ പോലീസ് സന്നാഹത്തോടെയാണ് അഭിലാഷിനെ വെള്ളിയാഴ്ച രാത്രി 8.30-ഓടെ ഇവിടെയെത്തിച്ചത് . ക്രമസമാധാനപ്രശ്നം കണക്കിലെടുത്താണ് കൊയിലാണ്ടി ആശുപത്രി ഒഴിവാക്കി വടകര ആശുപത്രിയിൽ കൊണ്ടുപോയത്. അഭിലാഷ് കസ്റ്റഡിയിലായി മണിക്കൂറുകൾക്കുള്ളിൽത്തന്നെ എടച്ചേരി പോലീസ് സ്റ്റേഷനിലേക്ക് മാറ്റിയിരുന്നു.&nbsp;

ലോക്കൽ സെക്രട്ടറിയുടെ കൊലപാതകം: പ്രതിക്ക് വടകര ജില്ലാ ആശുപത്രിയിൽ വൈദ്യ പരിശോധന

വടകര: കോവിഡിന് ശേഷം സ്റ്റോപ്പ് നിർത്തലാക്കിയ സ്റ്റേഷനുകളിൽ പാസഞ്ചർ ട്രെയിനുകൾക്ക് സ്റ്റോപ്പ് പുനഃസ്ഥാപിക്കുമെന്ന് റെയിൽവെ ഉറപ്പു നൽകിയതായി കെ.മുരളീധരൻ എം.പി അറിയിച്ചു. ട്രെയിനുകൾക്ക് സ്റ്റോപ്പില്ലാത്തതിനാൽ ജനങ്ങൾക്കുണ്ടാകുന്ന ബുദ്ധിമുട്ടുകൾ റെയിൽവേ മന്ത്രിയടക്കമുള്ളവരുടെ ശ്രദ്ധയിൽ കൊണ്ടു വന്നിരുന്നു. മലബാർ മേഖലയിൽ യാത്രാക്ലേശത്തിന് പരിഹാരമായി കൂടുതൽ മെമു സർവീസുകൾ ആരംഭിക്കും. മുക്കാളി, ഇരിങ്ങൽ റെയിൽവെ പ്ലാറ്റ്ഫോമുകൾ ഉയർത്തും. പയ്യോളി, കൊയിലാണ്ടി സ്റ്റേഷനുകൾ അമൃത് ഭാരത് സ്റ്റേഷൻ സ്കീമിൽ ഉൾപ്പെടുത്തണമെന്ന ആവശ്യവും അംഗീകരിക്കപ്പെട്ടതായി എം.പി അറിയിച്ചു.&nbsp;
ഇപ്പോൾ മംഗലാപുരം വരെ മാത്രമുള്ള കണ്ണൂർ കെ.എസ്.ആർ ബാംഗളൂർ ട്രെയിൻ ഉടൻ ആരംഭിക്കും. കൊയിലാണ്ടി സ്റ്റേഷനിലെ ലിഫ്റ്റിൻ്റെ പ്രവൃത്തി ഉടൻ പൂർത്തീകരിക്കും. വടകര പൂവാടൻ ഗേറ്റ് അടിപ്പാത മാർച്ച് പകുതിയോടെ തുറന്നുകൊടുക്കും. ഒന്തം ഓവർ ബ്രിഡ്ജിനു സമീപം ഫൂട്ട് ഓവർ ബ്രിഡ്ജിന് സ്ഥലം കണ്ടെത്തി അടിസ്ഥാന സൗകര്യങ്ങൾ ഏർപ്പെടുത്തിയാൽ നടപ്പാലം നിർമിക്കാമെന്ന് റെയിൽവേ ഉറപ്പു നൽകി. ഏറണാകുളം, കോയമ്പത്തൂർ ഇൻ്റർ സിറ്റി എക്സ്പ്രസുകൾക്കും നേത്രാവതി എക്സ്പ്രസിനും കൊയിലാണ്ടിയിൽ സ്റ്റോപ്പ് അനുവദിക്കണമെന്ന് ഡിവിഷനൽ ജനറൽ മാനേജരോട് ആവശ്യപ്പെട്ടതായും കെ.മുരളിധരൻ എം. പി അറിയിച്ചു.

കോവിഡിന് മുമ്പുള്ള പാസഞ്ചർ ട്രെയിനുകളുടെ സ്റ്റോപ്പുകൾ പുനഃസ്ഥാപിക്കും; കെ.മുരളീധരൻ

വടകര: കീഴൽ ശ്രീനാരായണ കോളേജിന്റെ ആഭിമുഖ്യത്തിൽ പി എം നാണു മെമ്മോറിയൽ റോലിംഗ് ട്രോഫിക്കു വേണ്ടിയുള്ള ഷട്ടിൽ ബാഡ്മിന്റൺ ചാമ്പ്യൻഷിപ്പ് തുടങ്ങി. പ്രിൻസിപ്പൽ ഡോക്ടർ എം കെ രാധാകൃഷ്ണൻ ഉദ്ഘടനം ചെയ്തു. ടി എച്ച് അബ്ദുൽ മജീദ് ആദ്യക്ഷ്യം വഹിച്ചു. ഇ സുകുമാരൻ, അഭിരാം ഒ കെ, ആനന്ദ് കൃഷ്ണ, സോനു പി, വിവേക്ദാസ് എൻ കെ എന്നിവർ സംസാരിച്ചു.

ചാമ്പ്യൻഷിപ്പ് ഉദ്ഘാടനം ചെയ്തു

കൊച്ചി: മരടിൽ സുഹൃത്തിന്റെ വീട്ടിൽനിന്നും സ്വർണാഭരണങ്ങൾ മോഷ്ടിച്ച യുവതി അറസ്റ്റിൽ. സുഹൃത്തിന്റെ അലമാരയിൽ സൂക്ഷിച്ച 79 ഗ്രാമോളം വരുന്ന സ്വർണാഭരണങ്ങൾ മോഷ്ടിച്ച ചെങ്ങമനാട് സ്വദേശി ആതിര (26) യാണ് മരട് പോലീസിന്റെ പിടിയിലായത്. കഴിഞ്ഞ 15-നാണ് കേസിനാസ്പദമായ സംഭവം. അന്നേദിവസം സുഹൃത്തിന്റെ വീട് സന്ദർശിച്ച ആതിര വീട്ടുകാർ കാണാതെ അലമാരയിൽ സൂക്ഷിച്ച സ്വർണം കൈക്കലാക്കി കടന്നുകളയുകയായിരുന്നു. രണ്ടുദിവസത്തിനു ശേഷമാണ് സ്വർണം നഷ്ടപ്പെട്ടകാര്യം വീട്ടുകാർ അറിയുന്നത്. സംശയംതോന്നിയ വീട്ടുകാർ പ്രതിയെ വിളിച്ചുചോദിച്ചപ്പോൾ പരസ്പ‌രവിരുദ്ധമായി സംസാരിച്ചു.
തുടർന്ന് പരാതിക്കാരി ആതിരയെ വീട്ടിലേക്ക് വിളിച്ചുവരുത്തി. താൻ പിടിക്കപ്പെടുമെന്ന് മനസ്സിലാക്കിയ പ്രതി മോഷ്ടിച്ച ആഭരണങ്ങൾക്കു പകരം മുക്കുപണ്ടങ്ങൾ പരാതിക്കാരിയുടെ വീട്ടിൽ കൊണ്ടുപോയി ഇട്ടു. മുക്കുപണ്ടങ്ങൾ തിരിച്ചറിഞ്ഞ പരാതിക്കാരി മരട് പോലീസിനെ വിവരം അറിയിച്ചു. പോലീസിന്റെ വിശദമായ ചോദ്യം ചെയ്യലിൽ പ്രതി കുറ്റം സമ്മതിച്ചു. സാമ്പത്തിക ബാധ്യതയാണ് കുറ്റം ചെയ്യാൻ ആതിരയെ പ്രേരിപ്പിച്ചത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

സുഹൃത്തിന്റെ വീട്ടിൽനിന്ന് സ്വർണംമോഷ്ടിച്ചു; പിടിക്കപ്പെട്ടപ്പോൾ മുക്കുപണ്ടം കൊണ്ടുവെച്ചു, യുവതി അറസ്റ്റിൽ

ബെം​ഗളൂരു: കർണാടകയിൽ നിന്നുള്ള ക്രിക്കറ്റ് താരം ഹൊയ്സാല കെ ഹൃ​ദയാഘാതം മൂലം മരിച്ചു. വ്യാഴാഴ്ച്ച ഏയ്ജീസ് സൗത് സോൺ ടൂർണമെന്റ് മാച്ച് കഴിഞ്ഞതിനു തൊട്ടുപിന്നാലെയാണ് മൈതാനത്തുവച്ച് ഹൊയ്സാലയ്ക്ക് ഹ‍ൃദയാഘാതമുണ്ടായത്. ബെം​ഗളൂരുവിലെ ആർ.എസ്.ഐ. ക്രിക്കറ്റ് മൈതാനത്ത് തമിഴ്നാടിനെതിരായി കർണാടക കളിച്ചുകൊണ്ടിരിക്കുന്നതിനിടെയാണ് സംഭവം. കർണാടകയുടെ വിജയത്തിനുശേഷം ടീമം​ഗങ്ങൾ ആഘോഷത്തിൽ പങ്കെടുക്കുന്നതിനിടെയാണ് ഹൊയ്സാല കടുത്ത നെഞ്ചുവേദനമൂലം അബോധാവസ്ഥയിലായത്. മൈതാനത്തുവച്ചുതന്നെ മറ്റു ടീമം​ഗങ്ങൾ സി.പി.ആർ ഉൾപ്പെടെയുള്ള പ്രാഥമികശുശ്രൂഷ നൽകിയെങ്കിലും ജീവൻ രക്ഷിക്കാനായില്ല.
തുടർന്ന് ബെം​ഗളൂരുവിലെ ബൗറിങ് ആശുപത്രിയിലേക്ക് കൊണ്ടുപോകവെ മരണം സംഭവിക്കുകയായിരുന്നു. കർണാടക ടീമിൽ അണ്ടർ 25 വിഭാ​ഗത്തെ പ്രതിനിധീകരിച്ചു കളിച്ചിരുന്നയാളാണ് ഹൊയ്സാല. കർണാടക പ്രീമിയർ ലീ​ഗിലും കളിച്ചിട്ടുണ്ട്.

വിജയാഘോഷങ്ങൾക്കിടെ മൈതാനത്ത് വച്ച് ഹൃദയാഘാതം; ക്രിക്കറ്റ് താരം  മരിച്ചു

അടൂര്‍: കൈയില്‍ പെട്രോള്‍ നിറച്ച കുപ്പിയുമായി 110 കെ.വി വൈദ്യുതി ടവറില്‍ കയറി ആത്മഹത്യാ ഭീഷണി മുഴക്കിയ യുവാവിനെ അഗ്‌നിരക്ഷാസേനാ താഴെയിറക്കി. യുവാവ് മുന്നോട്ടുവെച്ച 'ആവശ്യം' അംഗീകരിച്ചതോടെയാണ് മൂന്നര മണിക്കൂറിനു ശേഷം നാട്ടുകാരുടേയും പോലീസിന്റേയും സഹകരണത്തോടെ അഗ്നിരക്ഷാ സേനയ്ക്ക് 'ദൗത്യം' പൂർത്തീകരിക്കാൻ സാധിച്ചത്.
മാലക്കോട് പറക്കോട് വീട്ടില്‍ രതീഷ് ദിവാകരന്‍ (39) ആണ് ടവറില്‍ കയറി ആത്മഹത്യാ ഭീഷണി മുഴക്കിയത്. താന്‍ സ്‌നേഹിക്കുന്ന പെണ്‍കുട്ടിയെ സ്ഥലത്ത് എത്തിച്ചാല്‍ മാത്രമേ താഴെ ഇറങ്ങൂ എന്നായിരുന്നു ഇയാളുടെ നിലപാട്. ഒടുവിൽ രതീഷ് പറഞ്ഞ പെണ്‍കുട്ടിയെ പോലീസ് സ്ഥലത്തെത്തിച്ച ശേഷമാണ് യുവാവ് താഴെയിറങ്ങാന്‍ സമ്മതിച്ചത്.
വെള്ളിയാഴ്ച രാത്രി 9.30-നായിരുന്നു യുവാവ് ടവറില്‍ കയറിയത്. നീണ്ട പരിശ്രമത്തിനു ശേഷം ശനിയാഴ്ച പുലര്‍ച്ചെ ഒരുമണിയോടെയാണ് ഇയാളെ താഴെയിറക്കാനായത്.

പെട്രോളുമായി 110 KV ടവറിനുമേൽ കയറി യുവാവിന്റെ ആത്മഹത്യാഭീഷണി; പെൺകുട്ടിയെ സ്ഥലത്തെത്തിച്ച് പ്രശ്‍നം പരിഹരിച്ചു

മാഹി: തലശ്ശേരി – മാഹി ബൈപാസിലൂടെയുള്ള യാത്രയ്ക്കു വാഹനങ്ങൾ നൽകേണ്ട ടോൾ ‍നിരക്കുകൾ ദേശീയപാതാ അതോറിറ്റി നിശ്ചയിച്ചു. ബൈപാസ് കടക്കാൻ കാർ, ജീപ്പ്, വാൻ തുടങ്ങിയ ചെറു സ്വകാര്യവാഹനങ്ങൾക്ക് 65 രൂപയാണു നിരക്ക്. ഇരുവശത്തേക്കും ഒരേ ദിവസം യാത്ര ചെയ്യുകയാണെങ്കിൽ 100 രൂപ മതിയാകും. 50 യാത്രകൾക്ക് 2195 രൂപ എന്ന തരത്തിൽ പ്രതിമാസ നിരക്കും ഏർപ്പെടുത്തിയിട്ടുണ്ട്.
ജില്ലയിൽ റജിസ്റ്റർ ചെയ്ത ടാക്സി വാഹനങ്ങൾക്ക് 35 രൂപയാണ് ഒരു യാത്രയ്ക്കുള്ള നിരക്ക്. മിനി ബസുകൾക്കും ചെറു വാണിജ്യ വാഹനങ്ങൾക്കും ഒരു വശത്തേക്കുള്ള യാത്രയ്ക്ക് 105 രൂപയും ഒരേ ദിവസം ഇരുവശത്തേക്കുമുള്ള യാത്രയ്ക്ക് 160 രൂപയുമാണു നിരക്ക്. ബസുകൾക്കും ലോറിക്കും (2 ആക്സിൽ) ഒരു വശത്തേക്ക് 225 രൂപയും ഒരേ ദിവസം ഇരുവശത്തേക്കും യാത്ര ചെയ്യാൻ 335 രൂപയും നൽകണം.
8105 രൂപയ്ക്കു പ്രതിമാസ പാസും ലഭ്യമാണ്. 3 ആക്സിൽ വാഹനങ്ങൾക്ക് 245 രൂപയും ഇരുവശത്തേക്കും 355 രൂപയും 4 മുതൽ 6 വരെ ആക്സിലുള്ള വാഹനങ്ങൾക്ക് ഒരു വശത്തേക്ക് 350 രൂപയും ഇരുവശത്തേക്ക് 5425 രൂപയും നൽകണം. 7 ആക്സിലിനു മുകളിലുള്ള വാഹനങ്ങൾക്ക് ഒരു വശത്തേക്ക് 425 രൂപയും ഇരുവശത്തേക്കും 640 രൂപയുമാണു നിരക്ക്. ടോൾ പ്ലാസയുടെ 20 കിലോമീറ്റർ പരിധിയിലെ താമസക്കാരുടെ സ്വകാര്യ വാഹനങ്ങൾക്ക് 330 രൂപ നിരക്കിൽ പ്രതിമാസ പാസ് നൽകും. ഉത്തരേന്ത്യയിൽനിന്നുള്ള സ്ഥാപനത്തിനാണു ടോൾ പിരിക്കാനുള്ള കരാർ ലഭിച്ചിരിക്കുന്നത്. ബാലം പാലത്തിനും പള്ളൂർ സ്പിന്നിങ് മിൽ ജംക്‌ഷനും ഇടയിൽ കൊളശ്ശേരിക്കു സമീപമാണു ടോൾ പ്ലാസ സജ്ജമാക്കിയിരിക്കുന്നത്. റോഡിന്റെ ഇരുവശത്തും രണ്ടു വരികളായി വാഹനങ്ങൾക്കു കടന്നുപോകാവുന്ന വിധത്തിലാണു ടോൾ പ്ലാസയിലെ ക്രമീകരണം. ഫാസ്റ്റ് ടാഗ് സംവിധാനം വഴിയാണു ടോൾ അടയ്ക്കേണ്ടത്.
ദേശീയപാതയിൽ 60 കിലോമീറ്ററിൽ ഒരിടത്തു മാത്രമേ ടോൾ പിരിവ് ഉണ്ടാകൂ എന്നതാണു കേന്ദ്രനയം. ദേശീയപാത 66ന്റെ നവീകരണം പൂർത്തിയാകുന്നതോടെ കല്യാശ്ശേരിയിൽ ടോൾ പ്ലാസ തുറക്കും. അതോടെ തലശ്ശേരി – മാഹി ബൈപാസിലെ ടോൾ പ്ലാസ ഒഴിവാക്കും. വടകരയ്ക്കു സമീപം മുക്കാളിയിലും ദേശീയപാത 66ൽ ടോൾ പ്ലാസ വരുന്നുണ്ട്.

തലശ്ശേരി – മാഹി ബൈപാസ് കടക്കാൻ കാറിന് ടോൾ 65; ബസ്, ലോറി 225 രൂപ

വടകര: മാഹി റെയില്‍വേ സ്റ്റേഷന്‍ പരിസരത്ത് 18 ലിറ്റര്‍ മാഹി മദ്യവുമായി യുവാവ് എക്‌സൈസ് പിടിയില്‍. തമിഴ്‌നാട് തിരുവാരൂര്‍ വാലന്‍കൈമന്‍ ആവൂര്‍ സലവം പേട്ട വീട്ടില്‍ മുരളീധരനെയാണ് (28) വടകര എക്‌സൈസ് സര്‍ക്കിള്‍ ഓഫീസിലെ പ്രിവന്റീവ് ഓഫീസര്‍ സി.കെ.ജയപ്രസാദും പാര്‍ട്ടിയും അറസ്റ്റ് ചെയ്തത്. റെയിഡില്‍ സിവില്‍ എക്‌സൈസ് ഓഫീസര്‍മാരായ കെ.എന്‍.ജിജു, ടി.സനു എന്നിവര്‍ പങ്കെടുത്തു.

18 ലിറ്റര്‍ മാഹി മദ്യവുമായി യുവാവ് വടകര എക്‌സൈസ് പിടിയില്‍

കണ്ണൂർ: റവന്യൂ സേവനങ്ങൾ പൂർണമായും ഡിജിറ്റലൈസ് ചെയ്ത് ഓൺലൈനിലൂടെയാക്കുകയാണ് സർക്കാർ ലക്ഷ്യമെന്ന് റവന്യൂ വകുപ്പ് മന്ത്രി കെ രാജൻ. തിരുവങ്ങാട് സ്മാർട്ട് വില്ലേജ് ഓഫീസ് കെട്ടിടോദ്ഘാടനം നിർവഹിച്ച് സംസാരിക്കുകയായിരുന്നു. മന്ത്രി. എല്ലാ സേവനങ്ങളും ഓൺലൈനിലൂടെയാക്കി ആൾത്തിരക്കില്ലാത്ത വില്ലേജ് ഓഫീസുകളാക്കുകയെന്നതാണ് സർക്കാർ ലക്ഷ്യം. റവന്യൂ രേഖകൾ എല്ലാം ഒറ്റ ചിപ്പിൽ പകർത്തി എടിഎം കാർഡ് പോലെ റവന്യൂ കാർഡുകൾ പുറത്തിറക്കുന്നത് പരിഗണനയിലാണ്. കേരളത്തിലെ എല്ലാ ഭൂമിയും അളന്നുതിട്ടപ്പെടുത്തുന്ന ഡിജിറ്റൽ റീസർവ്വേ വേഗത്തിൽ പുരോഗമിക്കുകയാണ്. ഒരു വർഷം കൊണ്ട് 2.57 ലക്ഷം ഹെക്ടർ ഭൂമി അളന്നുതിട്ടപ്പെടുത്തിക്കഴിഞ്ഞു. 2024 ജൂണിൽ സംസ്ഥാനത്തെ 100 വില്ലേജുകളിൽ 'എന്റെ ഭൂമി' ഇന്റഗ്രേറ്റഡ് പോർട്ടൽ സംവിധാനം നിലവിൽ വരുമെന്നും മന്ത്രി കെ രാജൻ പറഞ്ഞു.&nbsp;
കേരളത്തിൽ 64006 കുടുംബങ്ങളാണ് അതിദരിദ്രരുള്ളത്. ഈ വർഷം അവസാനത്തോടെ ഇവരെ ഭൂമിയുടെ അവകാശികളാക്കി മാറ്റും. സംസ്ഥാനത്തെ എല്ലാ വില്ലേജ് ഓഫിസുകളും സ്മാർട്ടാകുമെന്നും മന്ത്രി പറഞ്ഞു. സ്പീക്കർ അഡ്വ. എ എൻ ഷംസീർ അധ്യക്ഷത വഹിച്ചു.തലശ്ശേരി പുതിയ ബസ്റ്റാന്റിന്റെ വടക്ക് ഭാഗത്തായി വെയർഹൗസ് കെട്ടിടത്തിൻറെ സമീപത്തെ പഴയ കെട്ടിടം പൊളിച്ചുനീക്കിയാണ് പുതിയ കെട്ടിടം പണിതത്. പൂർണ്ണമായും ഭിന്നശേഷി സൗഹൃദമാണ് വില്ലേജ് ഓഫീസ്. റാംമ്പോട് കൂടിയ മുൻ വരാന്ത, സന്ദർശകരുടെ കാത്തിരിപ്പിനുള്ള സ്ഥലം, വില്ലേജ് ഓഫീസറുടെ മുറി, ഓഫീസ് ഹാൾ, റെക്കോഡ് റൂം, ഡൈനിംഗ് റൂം, മീറ്റിംഗ് റൂം, ടോയ്ലറ്റ്, പൊതുജനങ്ങൾക്കുള്ള ടോയ്‌ലറ്റ് എന്നിവ കെട്ടിടത്തിൽ ഒരുക്കിയിട്ടുണ്ട്.&nbsp;
പരിപാടിയിൽ തലശ്ശേരി നഗരസഭ ചെയർപേഴ്സൺ കെ എം ജമുനാറാണി, വൈസ് ചെയർമാൻ വാഴയിൽ ശശി, കൗൺസിലർ ടി പി തബ്സം, ജില്ലാ കലക്ടർ അരുൺ കെ വിജയൻ, സബ് കലക്ടർ സന്ദീപ് കുമാർ, വിവിധ രാഷ്ട്രീയ പാർട്ടി പ്രതിനിധികൾ പങ്കെടുത്തു. ജില്ലാ നിർമിതി കേന്ദ്രം എക്സിക്യൂട്ടീവ് സെക്രട്ടറി കെ സജിത്ത് റിപ്പോർട്ട് അവതരിപ്പിച്ചു.

എടിഎം കാർഡ് പോലെ റവന്യൂ കാർഡ്; പരിഗണനയിലെന്ന് മന്ത്രി കെ രാജൻ

Kannur

കൊയിലാണ്ടി: വെട്ടേറ്റുമരിച്ച സി.പി.എം. കൊയിലാണ്ടി സെൻട്രൽ ലോക്കൽ സെക്രട്ടറി പെരുവട്ടൂർ പുളിയോറവയൽ പി.വി. സത്യനാഥന്റെ മൃത​ദേഹം വീട്ടുവളപ്പിൽ സംസ്കരിച്ചു. സി.പി.എം ​സംസ്ഥാന സെക്രട്ടറി എംവി ഗോവിന്ദന്‍ അടക്കമുള്ള നേതാക്കൾ സത്യനാഥിന് അന്തിമോപചാരം അർപ്പിക്കാനെത്തിയിരുന്നു. നേരത്തെ കൊയിലാണ്ടി ലോക്കൽ കമ്മിറ്റി ഓഫീസിലും മൃതദേഹം പൊതുദർശനത്തിന് വെച്ചിരുന്നു. നൂറുകണക്കിനാളുകളാണ് നേതാവിന് അവസാനമായി ഒരുനോക്ക് കാണാനെത്തിയത്.
വ്യാഴാഴ്ച രാത്രി പത്തുമണിയോടെയാണ് സത്യനാഥന് വെട്ടേറ്റത്. പെരുവട്ടൂര്‍ മുത്താമ്പി ചെറിയപ്പുറം പരദേവതാ പേരില്ലാത്തോന്‍ ക്ഷേത്രോത്സവത്തോടനുബന്ധിച്ച് ഗാനമേളയ്ക്കിടെയായിരുന്നു സംഭവം. സംഭവത്തില്‍ പ്രതിയായ പെരുവട്ടൂര്‍ പുറത്തോന അഭിലാഷ് (30) സ്റ്റേഷനിലെത്തി കീഴടങ്ങിയിരുന്നു.

നേതാവിന് നാടിന്റെ അന്ത്യാഞ്ജലി; മൃത​ദേഹം വിട്ടുവളപ്പിൽ സംസ്കരിച്ചു

നാദാപുരം: വിലങ്ങാട്- വയനാട് പഴശ്ശി രാജ റോഡ് യാഥാർത്ഥ്യമാക്കണമെന്ന് ആവശ്യപ്പെട്ട് ബിജെപി പ്രതിനിധിസംഘം കേന്ദ്ര വനം പരിസ്ഥിതി മന്ത്രി ദുപേന്ദ്ര യാഥവിനെ കണ്ടു. വയനാട് കൽപ്പറ്റ ഗസ്റ്റ് ഹൗസിൽ വെച്ച് ബിജെപി പ്രതിനിധികളായ സി.പി വിപിൻ ചന്ദ്രൻ , എം സി അനിഷ് , അനീഷ് മാത്യു, എൻ.പി അരുൺ ലാൽ തൊട്ടിൽപ്പാലം എന്നിവരാണ് മന്ത്രിയുമായി ചർച്ച നടത്തിത്.&nbsp;
ചർച്ചയിൽ നിർദ്ദിഷ്ട ചുരമില്ലാത്ത റോഡിന്റെ പ്രപ്പോസലും, നിവേദനവും മന്ത്രിക്ക് നൽകി. ഈ റോഡിന്റെ സ്ഥിതിയും, ആവശ്യകതയും സംഘം മന്ത്രിയെ ധരിപ്പിച്ചു. ഈ റോഡുമായി ബന്ധപ്പെട്ട് സംസ്ഥാന സർക്കാരോ മറ്റ് ഏജൻസികളോ കേന്ദ്ര വനം വകുപ്പിന്റെ ശ്രദ്ധയിപ്പെടുത്തിട്ടില്ലന്നും, നിവേദനം പഠിച്ച് ഉടൻ നടപടികൾ എടുക്കുമെന്നും വിവിധ വകുപ്പ് ഉദ്യോഗസ്ഥരുമായും കേന്ദ്ര ഗതാഗത വകുപ്പ് മന്ത്രിയുമായും ചർച്ചനടത്തുമെന്നും അദ്ദേഹം ഉറപ്പ് നൽകിയതായി പ്രതിനിധിസംഘങ്ങൾ പറഞ്ഞു.

വിലങ്ങാട്- വയനാട് റോഡ്; കേന്ദ്ര വനം പരിസ്ഥിതി മന്ത്രിയെ കണ്ട് ബി ജെ പി

Nadapuram

വടകര: ആശയറ്റവർക്ക് ആശ്വാസം പകർന്ന് വടകര സിറാജുൽഹുദ ഇംഗ്ലീഷ് മീഡിയം സ്കൂൾ വിദ്യാർത്ഥികൾ തണൽ ഓൾഡേജ്ഹോമിൽ എത്തി. വിദ്യാർത്ഥികൾ എടച്ചേരിയിലെ ഓൾഡേജ് ഹോം അന്തേവാസികളുമായി സംവദിച്ചു. പാട്ടുപാടിയും മധുരം പങ്കിട്ടും പ്രായമായവർ പഴയകാല ഓർമ്മകളിലേക്ക് പോയി. സ്കൂൾ ജെ ആർ സി യൂണിറ്റും വിദ്യാർത്ഥികളും ചേർന്ന് വീൽ ചെയർ ഓൾഡേജ് ഹോമിന് കൈമാറി.&nbsp;&nbsp;&nbsp;
വീൽചെയർ വിതരണോദ്ഘാടനം വടകര സി ഐ സുനിൽകുമാർ നിർവ്വഹിച്ചു. ചടങ്ങിൽ സ്കൂൾ മാനേജർ പി ഫൈസൽ അധ്യക്ഷത വഹിച്ചു. പ്രിൻസിപ്പാൾ ഹൈദർ അലി സ്വാഗതം പറഞ്ഞു. പി എ മുഹ്‌യിദ്ദീൻ സഖാഫി ,അർഷാദ് സഖാഫി, അസീസ് മഹ്ളരി, ടി എൻ നസീറ ,പി ഡി അമ്പിളി, സി. സുവർണ്ണ കുമാരി എന്നിവർ സംസാരിച്ചു. റഹൂഫ് അഹ്സനി നന്ദി പറഞ്ഞു.

ആശയറ്റവർക്ക് ആശ്വാസം പകർന്ന് വിദ്യാർത്ഥികൾ തണലിൽ

വടകര: ജൂബിലിക്കുളം മുതൽ എടോടി വരെയും ,കൃസ്ത്യൻ പള്ളി മുതൽ അഞ്ച് വിളക്ക് വരെയും രൂക്ഷമായ ഗതാഗത കുരുക്കാണ് ദിനം പ്രതി അനുഭവപ്പെടുന്നതെന്നും, റെയിൽവെ സ്റ്റേഷൻ മുതൽ എടോടി വരെയും പലപ്പോഴായി ഗതാഗത കുരുക്ക് രൂക്ഷമാവുകയാണെന്നും പട്ടണം സ്തംഭിക്കുന്ന സാഹചര്യം ഉണ്ടായിട്ടും അധികൃതർ അനങ്ങാപ്പാറ നയമാണ് തുടരുന്നതെന്നും മുനിസിപ്പൽ യു.ഡി.എഫ് ആരോപിച്ചു. വടകര മുനിസിപ്പൽ തലത്തിലെ ബഹുമുഖമായ പ്രശ്നങ്ങൾ ചൂണ്ടിക്കാട്ടി ചെയർപെഴ്സന് യു.ഡി.എഫ് നേതാക്കളും കൗൺസിലർമാരും നിവേദനം നൽകി.
പഴയ ബസ്റ്റാൻ്റ് നിഷ്ക്രിയമാക്കി ലിങ്ക് റോഡ് ബസ്റ്റാൻ്റായി പ്രവർത്തിക്കുന്ന പരിഷ്കരണം പുനഃപരിശോധിക്കുക, വില്യാപ്പള്ളി - ചേലക്കാട് റോഡ് വീതി കൂട്ടൽ മുനിസിപ്പൽ ഏരിയയിലെ പ്രവർത്തി ത്വരിതപ്പെടുത്തുക ,ഫയലിൽ ഉറങ്ങി കിടക്കുന്ന കോട്ടപ്പറമ്പ് നവീകരണം ആരംഭിക്കുക. ,സമഗ്ര അഴുക്കുചാൽ പദ്ധതി നടപ്പിലാക്കി കരിമ്പന തോടും അങ്ങാടി തോടും മാലിന്യമുക്തമാക്കുക ,വടകര മത്സൃ മാർക്കറ്റ് അധുനികവൽക്കരിക്കുക , വ്യാപാര സ്ഥാപനങ്ങൾ അടച്ചിട്ട സാഹചര്യങ്ങൾ പരിശോധിക്കുക., ഹോട്ടലുകൾ അടച്ചു പൂട്ടുന്ന നിലപാട് നഗര സഭ പുന:പരിശോധിക്കുക. ,കെട്ടിട നികുതി വർധനവ് ,കുടിശ്ശീക ഈടാക്കൽ പുന:പരിശോധിക്കുക ,നാരായണ നഗറിലെ പ്രധാന ഭൂമി ഒരു ഏക്കർ സ്ഥലം ബി.ഒ.ടി. പ്രകാരം വിട്ട് നൽകി ഹോളിഡെ ഗ്രൂപ്പ്കെട്ടിടം പണിതിട്ട് വർഷങ്ങളായി അടച്ചിട്ട സാഹചര്യം പരിശോധിക്കുക. ,കുടിവെള്ളം ലഭ്യമാകാത്ത പ്രശ്നം ശാശ്വതമായി പരിഹരിക്കുക ,അറവ് ശാല ഇല്ലാത്ത നഗരസഭയിൽ ആധുനിക രീതിയിൽ അറവ് ശാല പണിയുക , സൊസൈറ്റി ഗ്രൗണ്ടിൽ മിനി സ്റ്റേഡിയം സ്ഥാപിക്കുക തുടങ്ങി ആവശ്യങ്ങൾ ഉന്നയിച്ചാണ് നിവേദനം നൽകിയത്.
എൻ.പി. അബ്ദുള്ള ഹാജി ,സതീശൻ കുരിയാടി ,എം.ഫൈസൽ ,പി എസ് രഞ്ജിത്ത് കുമാർ, കൗൺസിലർമാരായ വി.കെ. അസീസ്, പ്രതീശൻ ,കെ.പി. ഷാഹിമ, ഫാഷിദ.കെ.കെ., ശ്രീജിന.സി.കെ എന്നിവർ സന്നിഹിതരായി.

വടകര പട്ടണത്തിലെ ഗതാഗത കുരുക്കിന് പരിഹാരം കാണുക: യു.ഡി.എഫ്.

പത്തനംതിട്ട: തിരുവല്ലയിൽ ഒൻപതാം ക്ലാസ് വിദ്യാർഥിയെ കാണാനില്ലെന്ന് പരാതി. രാവിലെ സ്കൂളിലേക്ക് പോയ കുട്ടി‌‌ ഇതുവരെ തിരികെ വീട്ടിലെത്തിയിട്ടില്ല. ഇതോടെ രക്ഷിതാവിന്റെ പരാതിയിൽ തിരുവല്ല പോലീസ് അന്വേഷണം തുടങ്ങി. തിരുവല്ല മാർത്തോമ റസിഡൻഷ്യൽ സ്കൂളിലെ വിദ്യാർഥിനിയായ കാവുംഭാ​ഗം സ്വദേശിയെയാണ് കാണാനായത്. രാവിലെ പരീക്ഷയ്ക്കായി സ്കൂളിലേക്ക് പോയ പെൺകുട്ടിയെ വൈകീട്ടായിട്ടും കാണാതായതോടെയാണ് ബന്ധുക്കൾ അന്വേഷിച്ചിറങ്ങിയത്. സ്കൂൾ അധികൃതരുമായി ബന്ധപ്പെട്ടപ്പോൾ കുട്ടി പരീക്ഷ എഴുതിയിരുന്നില്ല എന്നു വ്യക്തമായി. ഇതോടെ ബന്ധുക്കൾ പോലീസിൽ പരാതി നൽകുകയായിരുന്നു. ‌‌‌
പോലീസിന്റെ അന്വേഷണത്തിൽ കാവുംഭാ​ഗത്തെ വാണിജ്യ ബാങ്കിന്റെ സി.സി.ടി.വി ദൃശ്യങ്ങളിൽ നിന്നും പെൺകുട്ടിയുടെ ദൃശ്യങ്ങളും കണ്ടെത്തി. രണ്ട് യുവാക്കളുമായി പെൺകുട്ടി സംസാരിക്കുന്നതും പിന്നീട് ഇവർക്കൊപ്പം കടന്നുപോകുന്നതുമാണ് ദൃശ്യങ്ങളിലുള്ളത്. ദൃശ്യങ്ങളിലുള്ള യുവാക്കളിലൊരാൾ ആലപ്പുഴ രാമങ്കരി സ്വദേശിയാണെന്ന് പോലീസ് സ്ഥിരീകരിച്ചിട്ടുണ്ട്. ഇതോടെ ആലപ്പുഴ പോലീസിന്റെ സഹായത്തോടെ അന്വേഷണം വ്യാപിപ്പിച്ചു.

പരീക്ഷയ്ക്ക് സ്‌കൂളിലേക്ക് പോയ ഒമ്പതാം ക്ലാസുകാരി തിരികെ വീട്ടിലെത്തിയില്ല; പോലീസ് അന്വേഷണം തുടങ്ങി

തിരുവനന്തപുരം: സംസ്ഥാനത്ത് മഴ ശക്തമാകുന്ന സാഹചര്യത്തിൽ അടുത്ത അഞ്ച് ദിവസത്തേയ്ക്ക് വിവിധ ജില്ലകളിൽ യെല്ലോ അലർട്ട് പുറപ്പെടുവിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.
യെല്ലോ അലർട്ട്
09/07/2025: കണ്ണൂർ, കാസർകോട്
10/07/2025: കണ്ണൂർ, കാസർകോട്
11/07/2025: കോഴിക്കോട്, വയനാട്, കണ്ണൂർ, കാസർകോട്
12/07/2025: കോഴിക്കോട്, വയനാട്, കണ്ണൂർ, കാസർകോട്
13/07/2025: എറണാകുളം, തൃശ്ശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർകോട്
കേരളത്തിൽ ഒറ്റപ്പെട്ടയിടങ്ങളിൽ ഇന്ന് മുതൽ ജൂലായ് 11 വരെ മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിന് സാദ്ധ്യതയുണ്ടെന്ന് കാലാവസ്ഥ വകുപ്പ് അറിയിച്ചു. അടുത്ത മൂന്ന് മണിക്കൂറിൽ എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ ഒറ്റപ്പെട്ടയിടങ്ങളിൽ ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാദ്ധ്യതയുണ്ടെന്നും കേന്ദ്ര കാലാവസ്ഥ വകുപ്പ് വ്യക്തമാക്കി. അതേസമയം, കേരള- കർണാടക- ലക്ഷദ്വീപ് തീരങ്ങളിൽ ഇന്ന് മത്സ്യബന്ധനത്തിന് തടസമില്ലെന്നാണ് അറിയിച്ചിരിക്കുന്നത്.

സംസ്ഥാനത്ത് മഴ കനക്കുന്നു,ജാഗ്രതാ നിർദ്ദേശം

ന്യൂഡൽഹി: യെമനിൽ വധശിക്ഷക്ക് വിധിക്കപ്പെട്ട മലയാളി നിമിഷപ്രിയയുടെ ശിക്ഷ ഒഴിവാക്കാൻ അവസാന നിമിഷത്തിലും ശ്രമം തുടരുന്നു. ജൂലൈ 16ന് നിമിഷപ്രിയയുടെ വധശിക്ഷ നടപ്പാക്കാനാണ് യമൻ ജയിൽ അധികൃതരുടെ തീരുമാനം.
സമയം നിമിഷപ്രിയയുടെ മോചനത്തിന് തലാല്‍ അബ്ദു മഹ്ദിയുടെ കുടുംബം മാപ്പ് നൽകാൻ തയാറാകുക മാത്രമാണ് ശിക്ഷ ഒഴിവാക്കാനുള്ള ഏകവഴിയെന്ന് കുടുംബത്തിന്‍റെ അഭിഭാഷകയായ അഡ്വ. ദീപ പറഞ്ഞു. ദയാധനമായി ഒരു മില്യണ്‍ ഡോളര്‍ (8.67 കോടി രൂപ) ആണ് ആവശ്യപ്പെട്ടിരുന്നത്. വധശിക്ഷ ഒഴിവാക്കാനുള്ള നിയമപരമായ വഴികളെല്ലാം അടഞ്ഞതായും സൻആയിലെ മഹ്ദിയുടെ കുടുംബം മാപ്പ് നല്‍കുക മാത്രമാണ് നിമിഷപ്രിയയെ രക്ഷിക്കാനുള്ള ഏകമാര്‍ഗമെന്നും മനുഷ്യാവകാശപ്രവര്‍ത്തകന്‍ സാമുവല്‍ ജെറോം പറഞ്ഞു.&nbsp;
വധശിക്ഷ നടപ്പിലാക്കാനുള്ള തീയതി നിശ്ചയിച്ചതോടെ ഒരാഴ്ച മാത്രമാണ് ഇനി മോചനശ്രമങ്ങൾക്കായി ഉള്ളത്. നിലവിൽ, നിമിഷപ്രിയയ്ക്കായി നയതന്ത്ര തലത്തിൽ ഉൾപ്പടെ നടന്ന ശ്രമങ്ങൾ ഒന്നും വിജയം കണ്ടിട്ടില്ല. ദയാധനം നൽകി മോചനത്തിന് ഇപ്പോഴും അവസരമുണ്ടെന്നാണ് നിമിഷപ്രിയക്കായി യെമനിൽ നിയമനടപടികൾ ഏകോപിപ്പിക്കുന്ന സാമൂഹ്യപ്രവർത്തകൻ സാമുവൽ ജെറോം പറയുന്നത്.വധശിക്ഷ നടപ്പാക്കാന്‍ യമന്‍ പ്രസിഡന്റ് റഷാദ് അല്‍ അലീമി നേരത്തേ അനുമതി നൽകിയിരുന്നു.&nbsp;

നിമിഷപ്രിയയെ രക്ഷിക്കാൻ തിരക്കിട്ട നീക്കങ്ങൾ ;വധശിക്ഷ ഒഴിവാക്കാൻ ശ്രമം

അഹമ്മദാബാദ്: ഗുജറത്തിൽ പാലം തകര്‍ന്നുവീണ് ഒമ്പത് പേര്‍ മരിച്ചു. വഡോദര ജില്ലയിലെ പാദ്രയില്‍ മഹിസാഗര്‍ നദിക്ക് കുറുകെയുള്ള പാലത്തിന്റെ ഒരു ഭാഗം തകര്‍ന്ന് വാഹനങ്ങള്‍ നദിയിലേക്ക് വീണു. രണ്ട് ട്രക്കുകള്‍, ഒരു എസ് യു വി, ഒരു പിക്കപ്പ് വാന്‍, ഒരു ഓട്ടോറിക്ഷ എന്നിവ നദിയിലേക്ക് വീണതായി ഉദ്യോഗസ്ഥര്‍ പറഞ്ഞു. രാവിലെ തിരക്കേറിയ സമയത്തായിരുന്നു അപകടം.
ഇതുവരെ ഒമ്പത് മൃതദേഹങ്ങള്‍ കണ്ടെടുത്തതായും പത്തോളംപേരെ രക്ഷപ്പെടുത്തിയതായും വഡോദര പോലീസ് സൂപ്രണ്ട് രോഹന്‍ ആനന്ദ് പറഞ്ഞു. രക്ഷാപ്രവര്‍ത്തനങ്ങളും തിരച്ചിലും തുടരുകയാണ്. മരണസംഖ്യ ഉയര്‍ന്നേക്കുമെന്നും ഉദ്യോഗസ്ഥര്‍ വ്യക്തമാക്കി.
വഡോദര ജില്ലാ ഭരണകൂടവും ഉദ്യോഗസ്ഥരും പോലീസും അഗ്‌നി-രക്ഷാ സേനാ സംഘങ്ങളും ഒപ്പം നാട്ടുകാരും രക്ഷാപ്രവര്‍ത്തനങ്ങളില്‍ പങ്കുചേര്‍ന്നിട്ടുണ്ട്. മുങ്ങിയ വാഹനങ്ങള്‍ വീണ്ടെടുക്കാന്‍ ക്രെയിനുകള്‍ എത്തിച്ചിട്ടുണ്ട്.&nbsp;

ഗുജറാത്തില്‍ പാലം തകര്‍ന്ന് ഒമ്പത് പേര്‍ മരിച്ചു; വാഹനങ്ങള്‍ നദിയിലേക്ക് വീണു

തിരുവനന്തപുരം: സംസ്ഥാനവ്യാപകമായി വ്യാഴാഴ്ച (10.7.2025) പഠിപ്പ് മുടക്കുമെന്ന് എസ്എഫ് ഐ. സര്‍വകലാശാലകള്‍ കാവിവത്കരിക്കാനുള്ള ഗവര്‍ണറുടെ ഇടപെടലുകള്‍ക്കെതിരെയുള്ള സമരത്തിന്റെ ഭാഗമായി എസ്എഫ്‌ഐ സംസ്ഥാനസെക്രട്ടറി ഉള്‍പ്പെടെ 30 സഖാക്കളെ പോലീസ് റിമാന്‍ഡ് ചെയ്തതില്‍ പ്രതിഷേധിച്ചാണ് പഠിപ്പ് മുടക്കുന്നതെന്ന് വിദ്യാര്‍ഥി സംഘടന അറിയിച്ചു.

നാളെ സംസ്ഥാനവ്യാപകമായി പഠിപ്പ് മുടക്കിന് ആഹ്വാനം ചെയ്ത് എസ്എഫ്ഐ

കൊച്ചി: കീം പരീക്ഷാഫലം ഹൈക്കോടതി റദ്ദാക്കി. പരീക്ഷയുടെ പ്രോസ്‌പെക്ടസ് പുറത്തിറക്കിയശേഷം വെയി​റ്റേജ് മാ​റ്റിയത് നിയമപരമല്ലെന്ന് ചൂണ്ടിക്കാട്ടിയാണ് കോടതിയുടെ നടപടി. എൻജിനിയറിംഗ് പ്രവേശന പരീക്ഷയുടെ റാങ്ക് നിർണയ രീതി സി ബിഎസ്ഇ സിലബസ് വിദാർത്ഥികളെ ദോഷകരമായി ബാധിക്കുന്നതായി കാണിച്ചുള്ള ഹർജിയിലാണ് വിധി.കഴിഞ്ഞയാഴ്ചയാണ് കീം പരീക്ഷാഫലം പുറത്തുവന്നത്. പ്രവേശന നടപടി തുടങ്ങാൻ ഇരിക്കെയാണ് സർക്കാരിന് കനത്ത തിരിച്ചടി നൽകിക്കൊണ്ടുള്ള വിധി വന്നത്.
കീമിന്റെ പ്രോസ്‌പെക്ടസിൽ അടക്കം മാറ്റംവരുത്തിയതിനെയും ഹർജിയിൽ ചോദ്യം ചെയ്തിരുന്നു. പ്രോസ്‌പെക്ടസിൽ പറഞ്ഞിരുന്നതിന് വിരുദ്ധമായി മാർക്ക് ഏകീകരണം നടത്തിയത് പരീക്ഷയ്ക്കുശേഷമാണെന്നും ഹർജിയിൽ ചൂണ്ടിക്കാണിച്ചിരുന്നു. ഇതെല്ലാം കണക്കിലെടുത്താണ് ഫലം കോടതി റദ്ദുചെയ്തത്.

കീം ഫലം കോടതി റദ്ദാക്കി, സർക്കാരിന് കനത്ത തിരിച്ചടി

Search Results for: update