വടകര : കഞ്ചാവ് കൈവശംവെച്ച കേസിൽ യുവാവിന് കഠിനതടവും പിഴയും ശിക്ഷ. മലപ്പുറം മേൽമുറി ഉരകം നീലഞ്ചേരി അബ്ബാസിനെയാണ്‌ (37) വടകര എൻഡിപിഎസ് കോടതി ജഡ്ജി വി.ജി. ബിജു ശിക്ഷിച്ചത്. രണ്ടുവർഷം കഠിനതടവും ഇരുപതിനായിരം രൂപ പിഴയുമാണ് ശിക്ഷ. പിഴയടച്ചില്ലെങ്കിൽ രണ്ടുമാസംകൂടി കഠിനതടവ് അനുഭവിക്കണം. 2018 ജൂലായ്‌ 29-നാണ് കേസിനാസ്പദമായ സംഭവം. വടകര പഴയ ബസ് സ്റ്റാൻഡിന് സമീപംവെച്ച് ഒന്നരക്കിലോ കഞ്ചാവുമായി ഇയാൾ പിടിയിലാവുകയായിരുന്നു. പ്രോസിക്യൂഷനുവേണ്ടി എജിപി ഇ.വി. ലിജിഷ് ഹാജരായി.