ഹൈദരാബാദ്: പിന്നണി ഗായികയും ഡബ്ബിംഗ് ആർട്ടിസ്റ്റുമായ കൽപ്പന രാഘവേന്ദർ ആത്മഹത്യയ്ക്ക് ശ്രമിച്ചതിനെത്തുടർന്നാണ് ആശുപത്രിയിലായത് എന്ന റിപ്പോർട്ടുകൾ തള്ളി മകൾ ദയാ പ്രസാദ് പ്രഭാകർ. തന്റെ അമ്മ ആത്മഹത്യക്ക് ശ്രമിച്ചിട്ടില്ലെന്നും മരുന്നുകഴിച്ചത് കൂടിപ്പോയതാണെന്നും അവർ പറഞ്ഞു. മറിച്ചുള്ള പ്രചാരണങ്ങളെ ദയ തള്ളിക്കളയുകയും ചെയ്തു.
ബുധനാഴ്ചയാണ് ​ഗായിക കല്പന രാഘവേന്ദറെ ആശുപത്രിയിൽ പ്രവേശിപ്പിച്ചത്. അമിതമായി ​ഗുളികകൾ കഴിച്ച് ആത്മഹത്യചെയ്യാൻ ശ്രമിച്ചെന്നായിരുന്നു റിപ്പോർട്ടുകൾ. അയൽക്കാർ വിവരമറിയിച്ചതിനെത്തുടർന്നെത്തിയ പോലീസാണ് ​ഗായികയെ നിസാം പേട്ടിലെ വീട്ടിനുള്ളിൽ അബോധാവസ്ഥയിൽ കണ്ടത്. ​ഗായിക ആത്മഹത്യക്ക് ശ്രമിച്ചെന്നതരത്തിൽ വാർത്തകൾ പ്രചരിച്ചതിനെത്തുടർന്നാണ് മകൾ വ്യക്തതവരുത്തിയത്.
"എന്റെ അമ്മയ്ക്ക് ഒരു പ്രശ്‌നവുമില്ല. അവർ പൂർണ്ണമായും സുഖമായിരിക്കുന്നു. അവർ സന്തോഷവതിയും ആരോഗ്യവതിയുമാണ്. അവർ ഒരു ഗായികയാണ്. പിഎച്ച്ഡിയും എൽഎൽബിയും ചെയ്യുന്നതിനാൽ ഇത് ഉറക്കമില്ലായ്മയ്ക്ക് കാരണമായി. ഇതിന്റെ ചികിത്സയുടെ ഭാ​ഗമായി ഡോക്ടർ നിർദ്ദേശിച്ച ഗുളികകൾ അവർ കഴിച്ചു. സമ്മർദ്ദം കാരണം, കഴിച്ച മരുന്നിന്റെ അളവ് അല്പം കൂടിപ്പോയി. ദയവായി ഒരു വാർത്തയും തെറ്റായി വ്യാഖ്യാനിക്കരുത്." ദയയുടെ വാക്കുകൾ.
തന്റെ മാതാപിതാക്കളും കുടുംബാം​ഗങ്ങളും സുഖത്തോടെയും സന്തോഷത്തോടെയുമിരിക്കുന്നുവെന്ന് മകൾ പറഞ്ഞു. അമ്മ ഉടൻ ജീവിതത്തിലേക്ക് തിരികെയെത്തും. ഇതൊരു ആത്മഹത്യാ ശ്രമമല്ല. ഉറക്കമില്ലായ്മയ്ക്ക് കഴിക്കുന്ന ഗുളിക അല്പം കൂടുതൽ കഴിച്ചുപോയതാണ്. ദയവായി തെറ്റായ വിവരങ്ങൾ പ്രചരിപ്പിക്കുകയോ വിവരങ്ങൾ വളച്ചൊടിക്കുകയോ ചെയ്യരുതെന്നും ദയ ആവശ്യപ്പെട്ടു.

അത് ആത്മഹത്യാ ശ്രമമല്ല, കല്പന രാഘവേന്ദർ ഉറക്കമില്ലായ്മയുടെ ​ഗുളികയാണ് കഴിച്ചതെന്ന് മകൾ

വടകര: ചോറോട് രണ്ടാം വാർഡിൽ (പടിക്കത്താഴ) നിർമ്മിക്കുന്ന പുതിയ അംഗനവാടി കെട്ടിടത്തിന്റെ നിർമ്മാണ പ്രവൃത്തി വാർഡ് മെബർ റീന മണിയോത്തിന്റെ അദ്ധ്യക്ഷതയിൽ ചോറോട് പഞ്ചായത്ത് പ്രസിഡന്റ് പി.പി. ചന്ദ്രശേഖരൻ ഉദ്ഘാടനം ചെയ്തു. ദേവീദാസ് സ്വാഗതം പറഞ്ഞു. സജിത്ത് കല്ലിടുക്കിൽ, ബിന്ദു, സത്യൻ എന്നിവർ ആശംസകൾ നേർന്നു.

അംഗനവാടി നിർമ്മാണ പ്രവൃത്തി ഉദ്ഘാടനം ചെയ്തു

Inshort

പേരാമ്പ്ര: സി.ടി എന്ന രണ്ടക്ഷരത്തിൽ അറിയപ്പെട്ട മുൻ മണ്ഡലം കോൺഗ്രസ് പ്രസിഡണ്ടും ഗ്രാമ പഞ്ചായത്ത് മുൻ മെമ്പറും കലാ സാമൂഹിക സാംസ്ക്കാരിക പൊതു രംഗത്ത് നിറഞ്ഞ് നിന്ന വ്യക്തിത്വത്തിന് ഉടമയുമായ സി.ടി.പ്രഭാകരക്കുറുപ്പിൻ്റെ ചരമ വാർഷിക അനുസ്മരണം വാർഡ് കോൺഗ്രസ് പ്രസിഡണ്ട് എൻ ബാബുവിൻ്റെ അദ്ധ്യക്ഷതയിൽ ഗ്രാമ പഞ്ചായത്ത് മെമ്പർ ആർ.പി ഷോഭിഷ് ഉൽഘാടനം ചെയ്തു.&nbsp;
ഗ്രാമ പഞ്ചായത്ത് മെമ്പർ എ. ബാലകൃഷ്ണൻ, ബ്ലോക്ക് കോൺഗ്രസ് ജനറൽ സിക്രട്ടറിമാരായ എം.പി.കുഞ്ഞികൃഷ്ണൻ, വിജയൻ ആവള, എം.പി.വി നിഷ്കർഷക കോൺഗ്രസ് ജില്ലാ ജനറൽ സെക്രട്ടി വി.ദാമോദരൻ, മുൻ ഗ്രാമ പഞ്ചായത്ത് മെമ്പർ കുഞ്ഞബ്ദുള്ള, ബാബു ചാത്തോത്ത്, എം.എം.അശോകൻ, കിഷോർകാന്ത്, രവിക്കുറുപ്പ് കെ.പി, ഗിരിഷ് വാളിയിൽ, രാമദാസ് സൗപർണ്ണിക എന്നിവർ സംസാരിച്ചു. ബൂത്ത് കോൺഗ്രസ് പ്രസിഡണ്ട് ഷൈനി കെ.പി.സ്വാഗതവും ബാലകൃഷ്കൻ നന്ദിയും പറഞ്ഞു. കാലത്ത് വീട്ടുവളപ്പിൽ പുഷ്പാർച്ചനയും നടന്നു.

സി.ടി പ്രഭാകരക്കുറുപ്പിൻ്റെ ഓർമ്മ പുതുക്കി കോൺഗ്രസ്

Perambra

ചോറോട്: വൈക്കിലശ്ശേരിയിലെ കോൺഗ്രസ്സ് നേതാവും അധ്യാപകനുമായിരുന്ന കറ്റാറത്ത് ശങ്കരക്കുറുപ്പിന്റ മുപ്പതാം അനുസ്മരണവും പുഷ്പാർച്ചനയും ചോറോട് മണ്ഡലം അഞ്ചാം വാർഡ് കോൺഗ്രസ്സ് കമ്മിറ്റിയുടെ നേതൃത്വത്തിൽ കറ്റാറത്ത് ഭവനത്തിൽ നടന്നു. വാർഡ് പ്രസിഡണ്ട് കെ.കെ.പവിത്ര രാജൻ അധ്യക്ഷത വഹിച്ച യോഗം മഠത്തിൽ പുഷ്പ ഉദ്ഘാടനം ചെയ്തു. സെക്രട്ടറി പത്മാവതി സ്വാഗതവും ട്രഷറർ കെ.സുരേന്ദ്രനാഥ് നന്ദിയും രേഖപ്പെടുത്തി. മരത്തപ്പള്ളി രവി, കെ.കെ.മോഹൻദാസ്‌, ബിന്ദു വാഴയിൽ, അരുണിമ കറ്റാറത്ത് എന്നിവർ സംസാരിച്ചു.

കറ്റാറത്ത് ശങ്കരക്കുറുപ്പ് അനുസ്മരണം നടത്തി

സംസ്ഥാനത്ത് ഉയർന്ന ചൂട് റിപ്പോർട്ട് ചെയ്യപ്പെടുന്ന സാഹചര്യത്തിൽ പൊതുജനങ്ങൾക്കായി സംസ്ഥാന ദുരന്ത നിവാരണ അതോറിറ്റി ജാഗ്രതാ നിർദേശങ്ങൾ പുറപ്പെടുവിച്ചു. ഉയർന്ന ചൂട് സൂര്യാഘാതം, സൂര്യാതപം, നിർജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങൾക്ക് കാരണമാകുമെന്നാണ് വിലയിരുത്തൽ.
<ul>
<li>പകൽ 11 മുതൽ 3 വരെയുള്ള സമയത്ത് നേരിട്ട് ശരീരത്തിൽ കൂടുതൽ സമയം തുടർച്ചയായി സൂര്യപ്രകാശം ഏൽക്കുന്നത് ഒഴിവാക്കുക.</li>
<li>പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക.</li>
<li>നിർജലീകരണമുണ്ടാക്കുന്ന മദ്യം, കാപ്പി, ചായ, കാർബണേറ്റഡ് ശീതള പാനീയങ്ങൾ തുടങ്ങിയവ പകൽ സമയത്ത് ഒഴിവാക്കുക.</li>
<li>അയഞ്ഞ, ഇളംനിറത്തിലുള്ള കോട്ടൺ വസ്ത്രങ്ങൾ ധരിക്കുക.</li>
<li>പുറത്തിറങ്ങുമ്പോൾ പാദരക്ഷകൾ ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലതായിരിക്കും.</li>
<li>പഴങ്ങളും പച്ചക്കറികളും ധാരാളമായി കഴിക്കുക. ഒ.ആർ.എസ് ലായനി, സംഭാരം തുടങ്ങിയവയുടെ ഉപയോഗം പ്രോത്സാഹിപ്പിക്കുക.</li>
<li>മാർക്കറ്റുകൾ, കെട്ടിടങ്ങൾ, മാലിന്യശേഖരണ-നിക്ഷേപ കേന്ദ്രങ്ങൾ തുടങ്ങിയ ഇടങ്ങളിൽ തീപിടുത്തം ഉണ്ടാകാനും വ്യാപിക്കാനുമുള്ള സാധ്യത കൂടുതലാണ്. അതിനാൽ ഫയർ ഓഡിറ്റ് നടത്തി, കൃത്യമായ സുരക്ഷാ മുൻകരുതലുകൾ സ്വീകരിക്കേണ്ടതാണ്. ഇവയോട് ചേർന്ന് താമസിക്കുന്നവരും സ്ഥാപനങ്ങൾ നടത്തുന്നവരും പ്രത്യേകം ശ്രദ്ധിക്കണം.</li>
<li>ചൂട് അധികമാകുന്ന സാഹചര്യത്തിൽ കാട്ടുതീ വ്യാപിക്കാനുള്ള സാധ്യതയുണ്ട്. വനമേഖലയോട് ചേർന്ന് താമസിക്കുന്നവരും വിനോദ സഞ്ചാരികളും പ്രത്യേകം ജാഗ്രത പാലിക്കണം. കാട്ടുതീ ഉണ്ടാകാനുള്ള സാഹചര്യങ്ങൾ ഒഴിവാക്കണം. വനം വകുപ്പിന്റെ നിർദേശങ്ങൾ കർശനമായി പാലിക്കണം.</li>
<li>വിദ്യാഭ്യാസ സ്ഥാപനങ്ങളിൽ വിദ്യാർഥികൾക്ക് ശുദ്ധമായ കുടിവെള്ളവും ക്ലാസ്സ് മുറികളിൽ വായു സഞ്ചാരവും ഉറപ്പാക്കേണ്ടതാണ്. പരീക്ഷാഹാളുകളിലും ജലലഭ്യത ഉറപ്പാക്കണം.</li>
<li>വിദ്യാർഥികളുടെ കാര്യത്തിൽ സ്കൂൾ അധിക‍ൃതരും രക്ഷിതാക്കളും പ്രത്യേക ശ്രദ്ധ പുലർത്തേണ്ടതാണ്. കുട്ടികൾക്ക് കൂടുതൽ വെയിലേൽക്കുന്ന അസംബ്ലികളും മറ്റ് പരിപാടികളും ഒഴിവാക്കുകയോ സമയക്രമീകരണം നടത്തുകയോ ചെയ്യേണ്ടതാണ്. കുട്ടികളെ വിനോദ സഞ്ചാരത്തിന് കൊണ്ടുപോകുന്ന സ്കൂളുകൾ പകൽ സമയം 11 മണി മുതൽ മൂന്ന് മണി വരെ കുട്ടികൾക്ക് നേരിട്ട് ചൂട് ഏൽക്കുന്നില്ല എന്ന് ഉറപ്പ് വരുത്തുക.</li>
<li>അംഗനവാടി കുട്ടികൾക്ക് ചൂട് ഏൽക്കാത്ത തരത്തിലുള്ള സംവിധാനം നടപ്പാക്കാൻ അതാത് പഞ്ചായത്ത്‌ അധികൃതരും അംഗനവാടി ജീവനക്കാരും പ്രത്യേകം ശ്രദ്ധിക്കണം.</li>
<li>കിടപ്പ് രോഗികൾ, പ്രായമായവർ, ഗർഭിണികൾ, കുട്ടികൾ, ഭിന്നശേഷിക്കാർ, മറ്റ് രോഗങ്ങൾ മൂലമുള്ള അവശത അനുഭവിക്കുന്നവർ തുടങ്ങിയ വിഭാഗങ്ങൾ പകൽ സമയം നേരിട്ട് സൂര്യപ്രകാശം ഏൽക്കാതിരിക്കാൻ പ്രത്യേകം ശ്രദ്ധിക്കണം.</li>
<li>ഇരുചക്ര വാഹനങ്ങളിൽ ഓൺലൈൻ ഭക്ഷണ വിതരണം നടത്തുന്നവർ ഉച്ചസമയത്ത് സുരക്ഷിതരാണെന്ന് അതാത് സ്ഥാപനങ്ങൾ ഉറപ്പുവരുത്തേണ്ടതാണ്. അവർക്ക് ചൂട് ഏൽക്കാതിരിക്കാൻ ഉതകുന്ന രീതിയിലുള്ള വസ്ത്രധാരണം നടത്താൻ നിർദേശം നൽകുകയും ആവശ്യമെങ്കിൽ യാത്രയ്ക്കിടയിൽ അല്പസമയം വിശ്രമിക്കാനുള്ള അനുവാദം നൽകുകയും ചെയ്യേണ്ടതാണ്.</li>
<li>മാധ്യമപ്രവർത്തകരും പോലീസ് ഉദ്യോഗസ്ഥരും ഈ സമയത്ത് കുടകൾ ഉപയോഗിക്കുകയും നേരിട്ട് വെയിൽ ഏൽക്കാതിരിക്കാൻ ശ്രദ്ധിക്കുകയും ചെയ്യുക. ജോലിയിൽ ഏർപ്പെട്ടിരിക്കുന്ന ഉദ്യോഗസ്ഥർക്ക് കുടിവെള്ളം നൽകി നിർജലീകരണം തടയാൻ സഹായിക്കുക.</li>
<li>പൊതുപരിപാടികൾ, സമ്മേളനങ്ങൾ എന്നിവ നടത്തുമ്പോൾ പങ്കെടുക്കുന്നവർക്ക് ആവശ്യമായ കുടിവെള്ളം, തണൽ എന്നിവ ലഭ്യമാണെന്ന് സംഘാടകർ ഉറപ്പുവരുത്തുക. പകൽ 11 മുതൽ വൈകുന്നേരം മൂന്ന് വരെ കഴിവതും സമ്മേളനങ്ങൾ ഒഴിവാക്കുക.</li>
<li>യാത്രയിലേർപ്പെടുന്നവർ ആവശ്യമായ വിശ്രമത്തോടെ യാത്ര തുടരുന്നതാകും നല്ലത്. കയ്യിൽ വെള്ളം കരുതുക.</li>
<li>നിർമാണത്തൊഴിലാളികൾ, കർഷകത്തൊഴിലാളികൾ, വഴിയോരക്കച്ചവടക്കാർ, മറ്റേതെങ്കിലും കാഠിന്യമുള്ള ജോലികളിൽ ഏർപ്പെടുന്നവർ എന്നിവർ ജോലി സമയം ക്രമീകരിക്കുക. ജോലിയിൽ ആവശ്യമായ വിശ്രമം ഉറപ്പുവരുത്തുക.</li>
<li>ഉച്ചവെയിലിൽ കന്നുകാലികളെ മേയാൻ വിടുന്നതും മറ്റു വളർത്തുമൃഗങ്ങളെ വെയിലത്ത് കെട്ടിയിടുന്നതും ഒഴിവാക്കണം. മൃഗങ്ങൾക്കും പക്ഷികൾക്കും ജലലഭ്യത ഉറപ്പാക്കുക.</li>
<li>കുട്ടികളെയോ വളർത്തുമൃഗങ്ങളെയോ പാർക്ക് ചെയ്ത വാഹനങ്ങളിൽ ഇരുത്തി പോകാൻ പാടില്ല.</li>
</ul>

സംസ്ഥാനത്ത് ഉയർന്ന ചൂട്: ജാ​ഗ്രതാ നിർദേശങ്ങൾ പുറപ്പെടുവിച്ചു, ഇക്കാര്യങ്ങൾ ശ്രദ്ധിക്കുക

Health

വടകര: എസ്ഡിപിഐ ദേശീയ പ്രസിഡണ്ട് എം കെ ഫൈസിയെ ഇ ഡി അന്യായമായി അറസ്റ്റ് ചെയ്തതിൽ പ്രതിഷേധിച്ച് എസ്ഡിപിഐ വടകര നിയോജക മണ്ഡലം കമ്മിറ്റിയുടെ നേതൃത്വത്തിൽ ടൗണിൽ പ്രകടനം നടത്തി. വടകര ഓവർ ബ്രിഡ്ജിൽ നിന്ന് തുടങ്ങിയ പ്രകടനം വടകര നഗരം ചുറ്റി ഗാന്ധി പ്രതിമക്ക് മുമ്പിൽ സമാപിച്ചു.&nbsp;
സമാപന പരിപാടി വടകര നിയോജകമണ്ഡലം പ്രസിഡണ്ട് ഷംസീർ ചോമ്പാല ഉദ്ഘാടനം ചെയ്തു. സെക്രട്ടറി സജീർ വള്ളിക്കാട്, ബഷീർ കെ കെ എന്നിവർ സംസാരിച്ചു. സിദ്ദീഖ് പുത്തൂർ, ഫിയാസ് ടി, നവാസ് വക്കോളി, സമദ് മാക്കൂൽ, ജലീൽ ബൈക്കിലശ്ശേരി, മനാഫ് കുഞ്ഞിപള്ളി, ജലീൽ കാർത്തികപ്പള്ളി, എന്നിവർ നേതൃത്വം നൽകി.

ദേശീയ പ്രസിഡണ്ടിന്റെ അറസ്റ്റ്; വടകരയിൽ എസ് ഡി പി ഐ പ്രതിഷേധം

Vadakara

ബെംഗളൂരു: വിവാഹം കഴിക്കാന്‍ വിസമ്മതിച്ചതിനെ തുടര്‍ന്ന് യുവതിയെ കഴുത്തറുത്ത് കൊലപ്പെടുത്തി യുവാവ് ജീവനൊടുക്കി. ബെംഗളൂരുവിലെ ബെലഗാവിയിലാണ് സംഭവം. നാഥ് പൈ സര്‍ക്കിളില്‍ താമസിക്കുന്ന ഐശ്വര്യ മഹേഷ് ലോഹര്‍ (20) എന്ന യുവതിയെയാണ് ബെലഗാവി യെല്ലൂര്‍ സ്വദേശിയായ പ്രശാന്ത് കുണ്ടേഗര്‍ (29) കൊലപ്പെടുത്തിയത്. സംഭവസ്ഥലത്തുവെച്ച് തന്നെ ഇയാള്‍ സ്വയം കഴുത്തറുത്ത് ജീവനൊടുക്കുകയായിരുന്നു.
ഒരു വര്‍ഷത്തോളമായി ഐശ്വര്യയും പ്രശാന്തും പ്രണയത്തിലായിരുന്നുവെന്നാണ് പോലീസ് നല്‍കുന്ന വിവരം. എന്നാല്‍, വിവാഹാഭ്യര്‍ഥനയുമായി പ്രശാന്ത്, ഐശ്വര്യയുടെ മാതാവിനെ സമീപിച്ചെങ്കില്‍ അവര്‍ നിരസിക്കുകയായിരുന്നു. പെയിന്റിങ് തൊഴിലാളിയായ പ്രശാന്തിന് സാമ്പത്തിക ഭദ്രതയില്ലെന്ന കാരണത്താലാണ് വിവാഹാഭ്യര്‍ഥന നിരസിച്ചതെന്നാണ് റിപ്പോര്‍ട്ട്.
പിന്നീട് ബന്ധുവീട്ടില്‍ താമസിക്കുകയായിരുന്നു ഐശ്വര്യയെ കാണാനായി പ്രശാന്ത് അവിടെ എത്തുകയും വിവാഹം കഴിക്കാന്‍ താത്പര്യമുണ്ടെന്ന് അറിയിക്കുകയും ചെയ്തു. ആവശ്യം നിരസിച്ചതോടെ പ്രശാന്തിന്റെ കൈവശം കരുതിയിരുന്ന വിഷം ബലമായി ഐശ്വര്യയെ കഴിപ്പിക്കാന്‍ ശ്രമിക്കുകയായിരുന്നു. ഇത് നടക്കാതെ വന്നതോടെ കൈയില്‍ കരുതിയിരുന്ന കത്തി ഉപയോഗിച്ച് ഐശ്വര്യയുടെ കഴുത്തറത്ത് കൊലപ്പെടുത്തുകയായിരുന്നു.ഐശ്വര്യയുടെ മരണം ഉറപ്പാക്കിയതിന് പിന്നാലെ ഇതേ കത്തി ഉപയോഗിച്ച് പ്രശാന്ത് സ്വന്തം കഴുത്തും മുറിക്കുകയായിരുന്നു.&nbsp;

വിവാഹത്തിന് വിസമ്മതിച്ചതിന്  യുവതിയെ കഴുത്തറുത്ത് കൊലപ്പെടുത്തി യുവാവ് ആത്മഹത്യ ചെയ്തു

National

വടകര: മോട്ടോർ വാഹന വകുപ്പിൻ്റെ നേതൃത്വത്തിൽ താലൂക്കിലെ ബസ് ജീവനക്കാർക്ക് റോഡ് സുരക്ഷാ ബോധവൽക്കരണ ക്ലാസ് നൽകി. എം .വി. ഐ സനൽ വി മണപ്പള്ളി ഉദ്ഘാടനം ചെയ്തു. കോഴിക്കോട് എൻഫോഴ്സ്മെന്റ് മോട്ടോർ വെഹിക്കിൾസ് ഇൻസ്പെക്ടർ കെ.ആർ പ്രസാദ് , എ . എം. വി.ഐ എൻ കെ റിജേഷ് കൃഷ്ണൻ ,എസ്.ആർ ആദർശ് , ജി അർജുൻ , പ്രൈവറ്റ് ബസ് ഓപ്പറേറ്റേഴ്സ് അസോസിയേഷൻ സെക്രട്ടറി എപി ഹരിദാസ് എന്നിവർ സംസാരിച്ചു.

ബസ് ജീവനക്കാർക്ക് റോഡ് സുരക്ഷാ ബോധവൽക്കരണ ക്ലാസ് നൽകി

തീക്കുനി : കോൺഗ്രസ് പ്രദേശിക നേതാവും ജീവകാരുണ്യ പ്രവർത്തകനും , ഹോമിയോ ചികിത്സകനുമായിരുന്ന ചേരാപുരം കുറ്റിപ്പുറത്ത് രാഘവനെ കാക്കുനി ടൗൺ കോൺഗ്രസ് കമ്മറ്റിയുടെ നേതൃത്വത്തിൽ കോൺഗ്രസ് പ്രവർത്തകരും ബന്ധുക്കളും സുഹൃത്തുക്കളും അനുസ്മരിച്ചു. വീട്ടു പറമ്പിലെ സ്മൃതി മണ്ഡപത്തിൽ പുഷ്പാർച്ചന നടത്തി. ചടങ്ങിൽ പി.പി രവീന്ദ്രൻ, കെ.വി അരവിന്ദാക്ഷൻ , എ. കെ രാജീവൻ, വി. കെ മനോജൻ , പറമ്പത്ത് അബ്ദുറഹ്മാൻ, കുഴിച്ചാലിൽ ബാബു, കെ.പി രാധ എന്നിവർ പങ്കെടുത്തു.

കുറ്റിപ്പുറത്ത് രാഘവനെ അനുസ്മരിച്ചു

Nadapuram

യു എ ഇ: മുന്‍നിര സംയോജിത ആഗോള ആരോഗ്യ പരിചരണസേവന ദാതാവായ ആസ്റ്റര്‍ ഡിഎം ഹെല്‍ത്ത് കെയര്‍ ഉദ്യമമായ, ആസ്റ്റര്‍ ഗാര്‍ഡിയന്‍സ് ഗ്ലോബല്‍ നഴ്‌സിങ്ങ് അവാര്‍ഡ് 2025ന്റെ നാമനിര്‍ദ്ദേശങ്ങള്‍ സമര്‍പ്പിക്കുന്നതിനുള്ള അവസാന തീയതി 2025 മാര്‍ച്ച് 9 വരെ നീട്ടി. അപേക്ഷ ക്ഷണിച്ച് ആദ്യ ആഴ്ചകളില്‍ തന്നെ 200-ല്‍ കൂടുതല്‍ രാജ്യങ്ങളില്‍ നിന്നുള്ള നഴ്‌സുമാരില്‍ നിന്ന് 100,000-ല്‍ കൂടുതല്‍ രജിസ്‌ട്രേഷനാണ് ആസ്റ്ററിന് ലഭിച്ചത്. ഇത് കഴിഞ്ഞ വര്‍ഷത്തെ എഡിഷനില്‍ ലഭിച്ച അപേക്ഷകളുടെ എണ്ണത്തെ മറികടക്കുന്നതാണ്. 2022-ല്‍ ആരംഭിച്ച ആസ്റ്റര്‍ ഗാര്‍ഡിയന്‍സ് ഗ്ലോബല്‍ നഴ്‌സിങ്ങ് അവാര്‍ഡിന്റെ നാലാമത്തെ എഡിഷനാണ് ഈ വര്‍ഷം നടക്കുന്നത്. ലോകമെമ്പാടുമുള്ള നഴ്‌സുമാരുടെ നിര്‍ണായക സംഭാവനകള്‍ തിരിച്ചറിയുകയും ആദരിക്കുകയുമാണ് അവാര്‍ഡിന്റെ ലക്ഷ്യം. നഴ്സുമാര്‍ക്ക് അവരുടെ നാമനിര്‍ദ്ദേശങ്ങള്‍ <a href="http://www.asterguardians.com" target="_self">www.asterguardians.com</a> വഴി സമര്‍പ്പിക്കാം.
ദുബായിലും, ലണ്ടനിലും സംഘടിപ്പിച്ച ആദ്യ രണ്ട് വിജയകരമായ എഡിഷന് ശേഷമുള്ള ആസ്റ്റര്‍ ഗാര്‍ഡിയന്‍സ് ഗ്ലോബല്‍ നഴ്‌സിങ്ങ് അവാര്‍ഡിന്റെ മൂന്നാം പതിപ്പ് 2024-ല്‍ ഇന്ത്യയിലെ ബെംഗളൂരുവിലാണ് സംഘടിപ്പിക്കപ്പെട്ടത്. ഫിലിപ്പീന്‍സില്‍ നിന്നുള്ള നഴ്സ് മരിയയാണ് ഈ എഡിഷനില്‍ ജേതാവായത്. അവാര്‍ഡ് നേട്ടത്തിനൊപ്പം ലഭിച്ച സമ്മാനത്തുക ഉപയോഗിച്ച് മരിയ ജുവാന്‍ #BeOneMovement ഉദ്യമത്തിന്റെ ലോഞ്ചിങ്ങ് നിര്‍വ്വഹിച്ചു. ജീവന്‍രക്ഷാ പരിശീലന പരിപാടിയും, പരിസ്ഥിതി സംരക്ഷണവും ഉള്‍പ്പെടുന്നതാണ് ഈ ഉദ്യമം.
'ആരോഗ്യപരിചരണ സംവിധാനത്തിന്റെ നട്ടെല്ലാണ് നഴ്‌സിങ്ങ് സമൂഹം, രോഗികള്‍ക്ക് മികച്ച ഫലങ്ങള്‍ സൃഷ്ടിക്കുന്ന പരിചരണവും കരുതലും നല്‍കുന്ന അവരുടെ സേവനം അതുല്ല്യമാണെന്നും ആസ്റ്റര്‍ ഡിഎം ഹെല്‍ത്ത് കെയര്‍ സ്ഥാപക ചെയര്‍മാനും, മാനേജിങ്ങ് ഡയറക്ടറുമായ ഡോ.ആസാദ് മൂപ്പന്‍ പറഞ്ഞു. നഴ്‌സുമാരുടെ സമര്‍പ്പണം ആരോഗ്യപരിചണ രംഗത്തിന്റെ അടിസ്ഥാന ഘടകമായി പ്രവര്‍ത്തിക്കുന്നു. ഈ നിശബ്ദരായ സേവകര്‍, ആരോഗ്യപരിചരണ സംവിധാനത്തിന് നല്‍കുന്ന നിര്‍ണായക സംഭാവനകള്‍ തിരിച്ചറിയാനും ആദരിക്കാനുമുള്ള വേദിയാണ് ആസ്റ്റര്‍ ഗാര്‍ഡിയന്‍സ് ഗ്ലോബല്‍ നഴ്‌സിങ്ങ് അവാര്‍ഡെന്നും ഡോ. ആസാദ് മൂപ്പന്‍ വ്യക്തമാക്കി.
'ആസ്റ്റര്‍ ഗാര്‍ഡിയന്‍സ് ഗ്ലോബല്‍ നഴ്‌സിങ്ങ് അവാര്‍ഡ് നേട്ടം, ജീവിതത്തില്‍ വലിയ മാറ്റങ്ങള്‍ സൃഷ്ടിച്ച അനുഭവമായിരുന്നുവെന്ന്, ആസ്റ്റര്‍ ഗാര്‍ഡിയന്‍സ് ഗ്ലോബല്‍ നഴ്‌സിങ്ങ് അവാര്‍ഡ് 2024 ജേതാവായ മരിയാ വിക്ടോറിയ ജുവാന്‍ പറഞ്ഞു. #BeOneMovement ആംഭിക്കാന്‍ എന്നെ പ്രാപ്തയാക്കിയത് ഈ നേട്ടമാണ്. Barangay ലൈഫ് സ്റ്റൈല്‍ പ്രോഗ്രാം, നഴ്‌സിങ്ങ് ദ എന്‍വിറോണ്‍മെന്റ് പോലുള്ള ഉദ്യമങ്ങളും വഴി, വിവിധ സമൂഹങ്ങളുടെ ആരോഗ്യവും പരിസ്ഥിതിയും പരിപോഷിപ്പിക്കാന്‍ സാധിക്കുന്നു. നഴ്‌സുമാര്‍ വെറും ആരോഗ്യ പരിചാരകരല്ല, സമൂഹത്തില്‍ വലിയ മാറ്റങ്ങള്‍ വരുത്താന്‍ പ്രാപ്തിയുള്ളവരാണ്, ഈ പുരസ്‌ക്കാര വേദി ആഗോള തലത്തില്‍ നഴ്‌സുമാരുടെ ശക്തി വര്‍ദ്ധിപ്പിക്കാന്‍ സഹായിക്കുന്നതായും മരിയാ ജുവാന്‍ വ്യക്തമാക്കി.
മിഡില്‍ ഈസ്റ്റ്, ഇന്ത്യന്‍ ഉപഭൂഖണ്ഡം, ആഫ്രിക്ക, അമേരിക്ക, യൂറോപ്പ് എന്നിവിടങ്ങളിലെ നഴ്സുമാരടക്കം 2025-ലെ ആസ്റ്റര്‍ ഗാര്‍ഡിയന്‍സ് ഗ്ലോബല്‍ നഴ്‌സിങ്ങ് അവാര്‍ഡിനുള്ള നാമനിര്‍ദ്ദേശങ്ങള്‍ സമര്‍പ്പിക്കാന്‍ ഇതിനകം ആരംഭിച്ചിട്ടുണ്ട്.

250,000 യുഎസ് ഡോളര്‍ സമ്മാനത്തുക; ആസ്റ്റര്‍ ഗാര്‍ഡിയന്‍സ് ഗ്‌ളോബല്‍ നഴ്‌സിങ്ങ് അവാര്‍ഡ് നോമിനേഷന്‍ സമര്‍പ്പിക്കാനുള്ള തീയ്യതി നീട്ടി

Gulf

ചോറോട്: പുനർ വിവാഹിതയല്ലെന്ന സർട്ടിഫിക്കറ്റിന് അപേക്ഷിച്ച യുവതിയോട് ജനപ്രതിനിധികളെ വിശ്വസിക്കാൻ കൊള്ളില്ലെന്ന് ചോറോട് വില്ലേജ് ഓഫിസർ പറഞ്ഞതിൽ പ്രതിഷേധം. ജനപ്രതിനിധികൾ പല ഭാഗത്തും നിൽക്കും അതിനാൽ അയൽക്കാരായ രണ്ട് പേരുടെ സാക്ഷ്യപത്രവുമായി വരണമെന്ന് നിർദ്ദേശിച്ച് മടക്കി അയക്കുകയായിരുന്നു. ലൈഫ് ഭവന പതിയിൽ വീട് അനുവദിക്കപ്പെട്ട വിധവയായ സ്ത്രീക്ക് പഞ്ചായത്തിൽ എഗ്രിമെന്റ് വെക്കുന്നതിനായ് സ്ഥലം രജിസ്റ്റർ ചെയ്യാൻ തണ്ടപ്പേരും നികുതി രസീറ്റിനും അപേക്ഷ നൽകിയപ്പോൾ പല കാരണങ്ങൾ പറഞ്ഞ് മടക്കി അയച്ചു. പഞ്ചായത്ത് അംഗം ഓഫീസിൽ എത്തിയപ്പോഴും പല കാരണങ്ങൾ നിരത്തുകയാണ്.&nbsp;
വിദ്യാർത്ഥികളും തൊഴിൽ അന്വേഷകരുമായ നിരവധി പേർ അപേക്ഷ നൽകിയിട്ട് ദിവസങ്ങളോളമായി കാത്തിരിക്കുകയാണ് എന്നും ജനപ്രതിനിധികൾ പറഞ്ഞു. പാവപ്പെട്ട ജനങ്ങളെ ബുദ്ധിമുട്ടിക്കുന്ന ജിവനക്കാരുടെ നടപടി അവസാനിപ്പിക്കാൻ നടപടിക്കായി ചോറോട് ഗ്രാമ പഞ്ചായ ആംഗം പ്രസാദ് വിലങ്ങിൽ മന്ത്രിമാർക്കും കളക്ടർക്കും പരാതി നൽകി. കഴിഞ്ഞ ദിവസം ചേർന്ന ചോറോട് ഗ്രാമ പഞ്ചായത്ത് ഭരണ സമിതി യോഗത്തിലും വിഷയത്തിൽ വിമർശനമുയർന്നിരുന്നു.

ജനപ്രതിനിധികളെ വിശ്വസിക്കാൻ കൊള്ളില്ലെന്ന പരാമർശം; ചോറോട് വില്ലേജ് ഓഫിസർക്കെതിരെ പരാതി

'ലേഡി സൂപ്പര്‍സ്റ്റാര്‍' എന്ന് ഇനി മുതല്‍ തന്നെ വിശേഷിപ്പിക്കരുതെന്ന് ആരാധകരോടും മാധ്യമങ്ങളോടും അഭ്യര്‍ഥിച്ച് നയന്‍താര. ആരാധകരുടെ തീവ്രമായ സ്‌നേഹത്തില്‍നിന്ന് പിറന്ന ഒരു പദവിയാണ് ലേഡി സൂപ്പര്‍സ്റ്റാര്‍ എന്നതെങ്കിലും നയന്‍താര എന്ന് വിളിക്കണമെന്ന് താരം അഭ്യര്‍ഥിച്ചു. നയന്‍താര എന്ന പേരാണ് ഹൃദയത്തോട് ചേര്‍ന്ന് നില്‍ക്കുന്നെന്നും എക്‌സില്‍ പങ്കുവച്ച പ്രസ്താവനയില്‍ താരം വ്യക്തമാക്കി.
'നിങ്ങളില്‍ പലരും എന്നെ ലേഡി സൂപ്പര്‍സ്റ്റാര്‍ എന്ന് സ്‌നേഹപൂര്‍വം വിളിച്ചിട്ടുണ്ട്. നിങ്ങളുടെ തീവ്രമായ സ്‌നേഹത്തില്‍നിന്ന് പിറന്ന ഒരു പദവിയാണത്. ഇത്രയും വിലപ്പെട്ട ഒരു പദവി നല്‍കി എന്നെ ആദരിച്ചതിന് ഞാന്‍ നിങ്ങളോട് എല്ലാവരോടും കടപ്പെട്ടിരിക്കുന്നു. പക്ഷ, നിങ്ങളെല്ലാവരും എന്നെ നയന്‍താര എന്ന് വിളിക്കണമെന്ന് ഞാന്‍ താഴ്മയോടെ അഭ്യര്‍ഥിക്കുന്നു. കാരണം, ആ പേര് എന്റെ ഹൃദയത്തോട് ഏറ്റവും അടുത്തുനില്‍ക്കുന്ന ഒന്നാണെന്ന് എനിക്ക് തോന്നുന്നു.'- നയന്‍താര പ്രസ്താവനയില്‍ പറഞ്ഞു.
നടി എന്ന നിലയില്‍ മാത്രമല്ല, ഒരു വ്യക്തി എന്ന നിലയിലും ഞാന്‍ ആരാണെന്ന് നയന്‍താര എന്ന പേര് പ്രതിനിധീകരിക്കുന്നുവെന്ന് അവര്‍ കുറിച്ചു. സ്ഥാനപ്പേരുകളും അംഗീകാരങ്ങളും വിലമതിക്കാനാവാത്തതാണ്. പക്ഷേ അവ ചിലപ്പോള്‍ നമ്മുടെ ജോലിയില്‍ നിന്നും കലയില്‍നിന്നും പ്രേക്ഷകരുമായി നമ്മള്‍ പങ്കിടുന്ന ബന്ധത്തില്‍ നിന്നും നമ്മെ വേര്‍തിരിക്കുന്ന ഒരു ഇമേജ് സൃഷ്ടിച്ചേക്കുമെന്നും അവര്‍ കൂട്ടിച്ചേര്‍ത്തു.

തന്നെ ഇനി മുതൽ 'ലേഡി സൂപ്പര്‍സ്റ്റാര്‍' എന്ന് വിശേഷിപ്പിക്കരുത് ; അഭ്യര്‍ഥനയുമായി നയന്‍താര

കോഴിക്കോട്: ജനവാസമേഖലയില്‍ ഇറങ്ങുന്ന എല്ലാ വന്യമൃഗങ്ങളേയും വെടിവെച്ചുകൊല്ലാന്‍ തീരുമാനമെടുത്ത് ചക്കിട്ടപ്പാറ ഗ്രാമപഞ്ചായത്ത്. ജനങ്ങളുടെ താല്‍പര്യം ഉയര്‍ത്തിപ്പിടിച്ചുകൊണ്ടാണ് ഇത്തരം ഒരു തീരുമാനമെന്നും നിയമവിരുദ്ധമാണെങ്കിലും എല്ലാ പാര്‍ട്ടികളും ഐകകണ്ഠ്യേന എടുത്ത തീരുമാനമാണെന്നും ചക്കിട്ടപ്പാറ പഞ്ചായത്ത് പ്രസിഡന്റ് കെ. സുനില്‍ പറഞ്ഞു. പഞ്ചായത്തിന്റെ ഈ തീരുമാനം അറിയിച്ചുകൊണ്ട് ഒരു വീഡിയോ അദ്ദേഹം പുറത്തുവിട്ടിട്ടുണ്ട്.
ഭൂവിസ്തൃതിയില്‍ കേരളത്തില്‍ മൂന്നാമത്തെ പഞ്ചായത്താണ് ചക്കിട്ടപ്പാറ. 145.45 ചതുരശ്ര കിമീ ആണ് ചുറ്റളവ്. പഞ്ചായത്തിന്റെ ഭൂവിസ്തൃതിയില്‍ 60 ശതമാനവും വനഭൂമിയാണ്. 10 വാര്‍ഡുകള്‍ വനഭൂമിയാല്‍ ചുറ്റപ്പെട്ടതാണ്. കഴിഞ്ഞ കുറേ വര്‍ഷങ്ങളായി ഈ പഞ്ചായത്തിലെ ജനങ്ങള്‍ നേരിടുന്ന പ്രശ്‌നമാണ് വന്യജീവി ആക്രമണം. കൃഷിക്കാര്‍ക്ക് ഉപജീവനം നടത്താനാവുന്നില്ല. മലയോര മേഖലയിലെ കര്‍ഷകര്‍ അസംതൃപ്തരാണ്. ജനങ്ങള്‍ സ്‌ഫോടനാത്മകമായ മാനസികാവസ്ഥയിലേക്ക് മാറിക്കൊണ്ടിരിക്കുകയാണ്. സുനില്‍ പറയുന്നു.
ഈ സാഹചര്യത്തിലാണ് ചക്കിട്ടപ്പാറ ഗ്രാമപഞ്ചായത്ത് ഭരണസമിതി യോഗത്തില്‍ ജനവാസമേഖലയില്‍ ഇറങ്ങുന്ന എല്ലാ വന്യ ജീവികളേയും വെടിവെച്ച് കൊല്ലാന്‍ നിര്‍ദേശം നല്‍കിയതെന്ന് പ്രസിഡന്റ് പറഞ്ഞു. അതൊരു വൈകാരിക തീരുമാനമല്ലെന്നും ജനങ്ങള്‍ക്ക് ജീവിക്കാന്‍ കഴിയാതെ ആത്മഹത്യയെ കുറിച്ച് ചിന്തിക്കുന്ന ഒരു പ്രത്യേക സാഹചര്യത്തിലാണ് എല്ലാ പാര്‍ട്ടികളും യോജിച്ചുകൊണ്ട് ഈ തീരുമാനത്തിലെത്തിയതെന്നും അദ്ദേഹം വ്യക്തമാക്കി. ഈ തീരുമാനത്തില്‍ നിയമവിരുദ്ധത ഉണ്ടെങ്കിലും ജനങ്ങളുടെ താത്പര്യം ഉയര്‍ത്തിപിടിച്ചുകൊണ്ടുള്ള തീരുമാനമാണെന്നും അദ്ദേഹം കൂട്ടിച്ചേര്‍ത്തു.

ജനവാസമേഖലയിൽ ഇറങ്ങുന്ന വന്യജീവികളെ വെടിവെച്ചുകൊല്ലും ;നിർണായക തീരുമാനവുമായി ചക്കിട്ടപ്പാറ ഗ്രാമപഞ്ചായത്ത്

Kozhikode

കൊല്ലം: പാര്‍ട്ടി സംഘടനാ രംഗത്ത് നില്‍ക്കുന്ന അംഗങ്ങള്‍ മദ്യപിക്കരുതെന്ന് സി.പി.എം. സംസ്ഥാന സെക്രട്ടറി എം.വി. ഗോവിന്ദന്‍. ദുശീലമുള്ളവരെ സംരക്ഷിക്കുന്നവരും പാര്‍ട്ടിയിലുണ്ടാകില്ല. സംസ്ഥാന സമ്മേളനത്തിൽ പ്രായപരിധി ചർച്ച ചെയ്യില്ല. 75 വയസ്സ് കഴിഞ്ഞവരെ പാർട്ടി നേതൃസമിതിയിൽ നിന്ന് മാറ്റുമെന്നും എം.വി. ​ഗോവിന്ദൻ വ്യക്തമാക്കി.
പാര്‍ട്ടി സംഘടനാ രംഗത്ത് നില്‍ക്കുന്ന പ്രവർത്തകരായ സഖാക്കൾ മദ്യപിക്കരുത് എന്നാണ് പാർട്ടിയുടെ രാഷ്ട്രീയനിലപാട്. അത് വെറുതെ പറയുന്നതല്ല. തെറ്റ് തിരുത്തൽ പ്രക്രിയയുടെ ഭാ​ഗമായി 2013-ൽ ചേർന്ന കൽക്കത്ത പ്ലീനത്തിൽ പാർട്ടി മെമ്പർമാർ പാലിക്കേണ്ട മൂല്യങ്ങൾ വ്യക്തമാക്കിയതാണ്. മദ്യപിക്കാൻ പാടില്ല എന്ന നിലപാട് അന്ന് പറഞ്ഞതാണ്. മദ്യപാനശീലം ഒഴിവാക്കാനുള്ള ചർച്ചയും നിലപാടും സ്വീകരിച്ച് മുന്നോട്ട് പോകണം എന്ന് അന്നേ വ്യക്തമാക്കിയതാണ്. അങ്ങിനെയുള്ള ദുശീലമുള്ളവരെ സംരക്ഷിക്കുന്നവരും കുറ്റകരമായ നിലയാണ് സ്വീകരിക്കുന്നതെന്നും വിശദീകരിച്ചിട്ടുണ്ട്.

പാര്‍ട്ടി അംഗങ്ങള്‍ മദ്യപിക്കരുത് ;ദുശീലമുള്ളവരെ സംരക്ഷിക്കുന്നതും തെറ്റെന്ന്  എം.വി. ​ഗോവിന്ദൻ

വടകര: ചോറോട് രാമത്ത് പുതിയ കാവ് ശ്രീ മുച്ചിലോട്ട് ഭഗവതി ക്ഷേത്രത്തിൽ കളിയാട്ട മഹോത്സവത്തിന് ആരംഭം കുറിച്ചു. ക്ഷേത്ര പൂജകൾക്ക് ശേഷം വൈകുന്നേരം അഞ്ചുമണിക്ക് മാങ്ങോട്ട് പാറ, മുയിപ്ര പടിഞ്ഞാറ് , മണിയാറത്ത് മുക്ക് എന്നീ ദേശങ്ങളിൽ നിന്നും കലവറ നിറക്കൽ ഘോഷയാത്രകൾ എത്തി ചേർന്നു. 6 മണിക്ക് ക്ഷേത്ര തിരുമുറ്റത്ത് പൂജാദ്രവ്യങ്ങളും അന്നദാനത്തിനാവശ്യമായ സാധനങ്ങളും സമർപ്പിച്ചു. ഭക്തിനിർഭരമായഘോഷയാത്രകളിൽ കുട്ടികളും സത്രീകളുമടക്കം നൂറ് കണക്കിന് ഭക്തർ പക്കെടുത്തു. 7.30 ന് ക്ഷേത്ര കമ്മിറ്റി പ്രസിഡണ്ട് കരിപ്പള്ളി രാജൻ കൊടിയുയർത്തി. തുടർന്ന് വെറ്റില കൊടുക്കൽ, തോറ്റം വരവ് വെള്ളാട്ടങ്ങൾ എന്നിവ നടന്നു.&nbsp;&nbsp;

രാമത്ത് കാവിൽ കളിയാട്ടം കൊടിയേറി

വടകര: ചോറോട് ഗ്രാമ പഞ്ചായത്തിലെ ടൗണുകൾ ശുചീകരിച്ച് ശുചിത്വ ടൗണുകളായി പ്രഖ്യാപനം നടത്തുന്നു. 10, 11, 12 വാർഡുകൾ സംയുക്തമായി മാങ്ങോട്ട് പാറ ടൗൺ ശുചിത്വ ടൗണാക്കി മാറ്റി. ഗ്രാമ പഞ്ചായത്ത് പ്രസിഡണ്ട് പി.പി.ചന്ദ്രശേഖരൻ പ്രഖ്യാപനം നടത്തി. പഞ്ചായത്ത് അംഗം ജംഷിദ കെ. അദ്ധ്യക്ഷത വഹിച്ചു. പഞ്ചായത്തംഗങ്ങളായ പ്രസാദ് വിലങ്ങിൽ, വി.പി.അബൂബക്കർ, ഷിനിത ചെറുവത്ത്, പഞ്ചായത്ത് സെക്രട്ടറി രാജീവൻ വളളിൽ, ജെ.എച്ച് ഐ രാമചന്ദ്രൻ സി.കെ, വിവിധ രാഷ്ട്രീയ പാർട്ടി പ്രതിനിധികളായ കെ.കെ.രാമചന്ദ്രൻ, ശ്രീജീഷ് യു എസ്, മുസ്തഫ ഹാജി പുതിയെടുത്ത്, വി.കെ.രാഘവൻ, രാജേഷ് കെ.പി., ശശി പി.കെ , എൻ.കെ.മോഹനൻ, സത്യൻ മമ്പറത്ത് (നവശക്തി), ടി.ടി.ഇബ്രാഹിം എന്നിവർ പ്രസംഗിച്ചു. പഞ്ചായത്ത് എച്ച് ഐ ലിൻഷി പ്രതിജ്ഞ ചൊല്ലിക്കൊടുത്തു.

മാങ്ങോട്ട് പാറ ശുചിത്വ ടൗൺ പ്രഖ്യാപനം നടത്തി

തിരുവനന്തപുരം: കേരളത്തിൽ കഴിഞ്ഞ 24 മണിക്കൂറിൽ നാല് ജില്ലകളിൽ ഉയർന്ന തോതിലുള്ള അൾട്രാ വയലറ്റ് രശ്മികളുടെ സാന്നിദ്ധ്യം രേഖപ്പെടുത്തി. കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് അൾട്രാ വയലറ്റ് സൂചികയിൽ ഇന്നലെ ഓറഞ്ച് അലെർട്ട് രേഖപ്പെടുത്തിയത്. പൊതുജനങ്ങളിൽ നിന്ന് അതീവ ജാഗ്രത ആവശ്യമുള്ളതാണ് ഈ ഓറഞ്ച് അലെർട്ട് യുവി ഇൻഡക്സ് അനുസരിച്ച് കൊല്ലം ജില്ലയിലെ കൊട്ടാരക്കരയിൽ - 9, പത്തനംതിട്ട ജില്ലയിലെ കോന്നി - 8, ആലപ്പുഴ ജില്ലിയിലെ ചെങ്ങന്നൂർ -8, ഇടുക്കിയിലെ മൂന്നാർ-8 എന്നിങ്ങനെയാണ് അൾട്രാ വയലറ്റ് രശ്മികളുടെ അളവ്. അൾട്രാ വയലറ്റ് സൂചിക 11ന് മുകളിൽ എത്തുമ്പോഴാണ് റെഡ് അലെർട്ട് നൽകുന്നത്.
കോട്ടയം, പാലക്കാട്, മലപ്പുറം, കോഴിക്കോട് ജില്ലകളിൽ യുവി ഇൻഡക്സ് 6 മുതൽ ഏഴ് വരെയുള്ള തോതിലായതിനാൽ യെല്ലോ അലെർട്ടാണ് നൽകിയിരിക്കുന്നത്. തിരുവനന്തപുരം, എറണാകുളം, തൃശ്ശൂർ, വയനാട്, കണ്ണൂർ, കാസർഗോഡ് ജില്ലകളിൽ യുവി ഇൻഡക്സ് അഞ്ചും അതിൽ താഴെയുമാണ്. ഉഷ്ണ മേഖലാ പ്രദേശങ്ങളിലും ഉയരം കൂടിയ മലമ്പ്രദേശങ്ങളിലുമാണ് സാധരണയായി ഉയർന്ന യുവി സൂചിക രേഖപ്പെടുത്താറുള്ളത്. തുടർച്ചയായി കൂടുതൽ സമയം അൾട്രാവയലറ്റ് രശ്മികൾ ശരീരത്തിൽ ഏൽക്കുന്നത് സൂര്യാതപത്തിനും ത്വക്ക് രോഗങ്ങൾക്കും നേത്രരോഗങ്ങൾക്കും മറ്റ് ആരോഗ്യ പ്രശ്നങ്ങൾക്കും കാരണമായേക്കാം. അതുകൊണ്ടു തന്നെ പൊതുജനങ്ങൾ സുരക്ഷാ മുൻകരുതലുകൾ സ്വീകരിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു.&nbsp;
പകൽ 10 മണി മുതൽ 3 മണി വരെയുള്ള സമയങ്ങളിലാണ് ഉയർന്ന അൾട്രാവയലറ്റ് സൂചിക രേഖപ്പെടുത്തപ്പെടുന്നത്. ആയതിനാൽ ആ സമയങ്ങളിൽ കൂടുതൽ നേരം ശരീരത്തിൽ നേരിട്ട് സൂര്യപ്രകാശം ഏൽക്കുന്നത് പരമാവധി ഒഴിവാക്കണം. പുറം ജോലികളിൽ ഏർപ്പെടുന്നവർ, കടലിലും ഉൾനാടൻ മൽസ്യബന്ധനത്തിലും ഏർപ്പെടുന്ന മൽസ്യ തൊഴിലാളികൾ, ജലഗതാഗതത്തിലേർപ്പെടുന്നവർ, ബൈക്ക് യാത്രക്കാർ, വിനോദസഞ്ചാരികൾ, ചർമ്മരോഗങ്ങളുള്ളവർ, നേത്രരോഗങ്ങളുള്ളവർ, കാൻസർ രോഗികൾ, മറ്റ് രോഗപ്രതിരോധശേഷി കുറഞ്ഞ വിഭാഗങ്ങൾ തുടങ്ങിയവർ പ്രത്യേകം ജാഗ്രത പാലിക്കണം.
പകൽ സമയത്ത് പുറത്തേക്ക് ഇറങ്ങുമ്പോൾ തൊപ്പി, കുട, സൺഗ്ലാസ് എന്നിവ ഉപയോഗിക്കാൻ ശ്രമിക്കുക. ശരീരം മുഴുവൻ മറയുന്ന കോട്ടൺ വസ്ത്രങ്ങൾ ഉപയോഗിക്കുന്നതായിരിക്കും ഉചിതം. യാത്രകളിലും മറ്റും ഇടവേളകളിൽ തണലിൽ വിശ്രമിക്കാൻ ശ്രമിക്കുക. മലമ്പ്രദേശങ്ങൾ (high altitudes), ഉഷ്ണമേഖലാ പ്രദേശങ്ങൾ തുടങ്ങിയവയിൽ പൊതുവെ തന്നെ അൾട്രാ വയലറ്റ് സൂചിക ഉയർന്നതായിരിക്കും. മേഘങ്ങളില്ലാത്ത തെളിഞ്ഞ ആകാശമാണെങ്കിലും ഉയർന്ന അൾട്രാ വയലറ്റ് സൂചികയുണ്ടാവാം. ഇതിന് പുറമെ ജലാശയം, മണൽ തുടങ്ങിയ പ്രതലങ്ങൾ അൾട്രാവയലറ്റ് രശ്മികളെ പ്രതിഫലിപ്പിക്കുന്നതിനാൽ ഇത്തരം മേഖലകളിലും അൾട്രാ വയലറ്റ് സൂചിക ഉയർന്നതായിരിക്കും.

ശ്രദ്ധിക്കുക; സംസ്ഥാനത്തെ 4 ജില്ലകളിൽ ഉയർന്ന അൾട്രാ വയലറ്റ് സാന്നിദ്ധ്യം

Kerala

നെയ്യാറ്റിന്‍കര: ആമയിഴഞ്ചാന്‍ തോട് വൃത്തിയാക്കുന്നതിനിടെ മാലിന്യക്കൂമ്പാരത്തില്‍ കുടുങ്ങി മുങ്ങിമരിച്ച ജോയിയുടെ കുടുംബത്തിന് 13.23 ലക്ഷം രൂപ റെയില്‍വേ നഷ്ടപരിഹാരം നല്‍കി. ജോയിയുടെ അമ്മ മെല്‍ഗി ഇന്‍ഡസ്ട്രിയല്‍ ട്രിബ്യൂണലില്‍ നല്‍കിയ പരാതിയില്‍ വിചാരണ ആരംഭിക്കാനിരിക്കെയാണ് റെയില്‍വേ നഷ്ടപരിഹാരം കെട്ടിവെച്ചത്. റെയില്‍വേ കെട്ടിവെച്ച തുക ട്രിബ്യൂണല്‍ ജില്ലാ ജഡ്ജി സ്മിതാ ജാക്സണ്‍ വീട്ടിലെത്തി അമ്മ മെല്‍ഗിക്ക് നല്‍കി.
2024 ജൂലായ് 13-നാണ് ആമയിഴഞ്ചാന്‍ തോടിലെ തമ്പാനൂര്‍ റെയില്‍വേ പാളത്തിന് സമീപത്തെ മാലിന്യം നീക്കുന്നതിനിടെ മാരായമുട്ടം, വടകര, മലഞ്ചരിവ് വീട്ടില്‍ ജോയി (47) മുങ്ങിമരിച്ചത്. അവിവാഹിതനായ ജോയിയുടെ അമ്മയും സഹോദരങ്ങളും 30 ലക്ഷം രൂപ നഷ്ടപരിഹാരം ആവശ്യപ്പെട്ട് കേസ് ഫയല്‍ ചെയ്തത്. വിചാരണ പൂര്‍ത്തിയായതിനു ശേഷമേ നഷ്ടപരിഹാര തുക പൂര്‍ണമായും കൈമാറൂ.

ആമയിഴഞ്ചാന്‍ തോട്ടില്‍ മുങ്ങിമരിച്ച ജോയിയുടെ അമ്മയ്ക്ക് നഷ്ടപരിഹാരമായി 13 ലക്ഷം നല്‍കി റെയില്‍വേ

പല്ല് തേക്കാൻ മാത്രമല്ല ഇനി പേസ്റ്റ് ഉപയോഗിച്ചും അടുക്കള വൃത്തിയാക്കാൻ സാധിക്കും. കടുത്ത കറകൾ തുടങ്ങി കഠിനമായ ദുർഗന്ധത്തെ വരെ എളുപ്പത്തിൽ നീക്കാൻ കഴിയുന്നവയാണ് ടൂത് പേസ്റ്റ്. പഴയ, വെള്ള നിറത്തിലുള്ള പേസ്റ്റ് വേണം വൃത്തിയാക്കാൻ വേണ്ടി എടുക്കേണ്ടത്. പഴയ രീതികളിൽ അടുക്കള വൃത്തിയാക്കി മടുത്തുവെങ്കിൽ നിങ്ങൾക്ക് ഈ പുതിയ രീതി പരീക്ഷിക്കാവുന്നതാണ്.
സ്റ്റെയിൻലെസ് സ്റ്റീൽ സിങ്ക് 
ടൂത് പേസ്റ്റ് ഉപയോഗിച്ച് നിങ്ങളുടെ സിങ്കിനെ വെട്ടിത്തിളങ്ങുന്ന രീതിയിൽ മാറ്റിയെടുക്കാൻ സാധിക്കും. ഒരു തുണിയോ സ്പോൻഞ്ചോ എടുത്ത് അതിലേക്ക് കുറച്ച് ടൂത് പേസ്റ്റ് തേച്ച് കൊടുക്കണം. ശേഷം സിങ്ക് ഉരച്ച് കഴുകാവുന്നതാണ്. ടൂത് പേസ്റ്റിൽ അടങ്ങിയിരിക്കുന്ന ആന്റി ബാക്റ്റീരിയൽ ഗുണങ്ങൾ ഏത് കടുത്ത കറയേയും എളുപ്പത്തിൽ നീക്കം ചെയ്യുന്നതാണ്.
ഗ്ലാസ്, സെറാമിക് സ്റ്റൗ ടോപ് 
ഗ്ലാസ് അല്ലെങ്കിൽ സെറാമിക് കൊണ്ടുള്ള സ്റ്റൗ ടോപ്പുകൾ വൃത്തിയാക്കുമ്പോൾ പോറലോ പാടുകളോ ഉണ്ടാകാത്ത രീതിയിൽ വേണം വൃത്തിയാക്കേണ്ടത്. അതുകൊണ്ട് തന്നെ ടൂത് പേസ്റ്റ് അതിനൊരു എളുപ്പ മാർഗ്ഗമാണ്. സ്റ്റൗവിന്റെ ടോപ്പിൽ കുറച്ച് പേസ്റ്റ് പുരട്ടിയതിന് ശേഷം തുണി അല്ലെങ്കിൽ സ്പോഞ്ച് ഉപയോഗിച്ച് ഉരച്ച് വൃത്തിയാക്കണം. കഴുകിയതിന് ശേഷം മുഗൾ ഭാഗം തുടച്ചെടുക്കാവുന്നതാണ്.
ചായക്കറ
ഡിഷ് വാഷ് മറ്റ് ക്ലീനറുകൾ ഉപയോഗിച്ച് വൃത്തിയാക്കിയിട്ടും ചായക്കറ പോയില്ലെങ്കിൽ പേസ്റ്റ് ഉപയോഗിച്ച് വൃത്തിയാക്കാവുന്നതാണ്. കുറച്ച് പേസ്റ്റ് എടുത്തതിന് ശേഷം കറപിടിച്ച ഭാഗത്തേക്ക് അത് തേച്ചുപിടിപ്പിക്കുക. കുറച്ച് നേരം കഴിഞ്ഞ് ഇത് ഉരച്ച് കഴുകാവുന്നതാണ്. ചായ ഗ്ലാസിലെ കറ എളുപ്പത്തിൽ പോകും.
കട്ടിങ് ബോർഡ് 
നിരന്തരം പച്ചക്കറികൾ മുറിക്കാൻ നമ്മൾ ഉപയോഗിക്കുന്ന കട്ടിങ് ബോർഡുകളിൽ പലതരം കറകളും ദുർഗന്ധവും ഉണ്ടാവാനുള്ള സാധ്യത വളരെ കൂടുതലാണ്. ടൂത് പേസ്റ്റ് ഉപയോഗിച്ച് കട്ടിങ് ബോർഡിനെ വൃത്തിയുള്ളതും പുതിയതാക്കിയും മാറ്റാൻ സാധിക്കും. കട്ടിങ് ബോർഡിൽ ടൂത്ത്പേസ്റ്റ് പുരട്ടിയതിന് ശേഷം ഉരച്ച് കഴുകിയാൽ കറകളും ദുർഗന്ധവും എളുപ്പത്തിൽ പോകുന്നതാണ്.&nbsp;

ടൂത്ത് പേസ്റ്റ് ഉപയോഗിച്ചും ഇനി അടുക്കള വൃത്തിയാക്കാം

കൊല്ലം: സി.പി.എം. 24-ാം പാർട്ടി കോൺഗ്രസിന് മുന്നോടിയായുള്ള സംസ്ഥാന സമ്മേളനം വ്യാഴാഴ്ച കൊല്ലത്ത് തുടങ്ങും. 30 വർഷങ്ങൾക്കുശേഷമാണ്, കമ്യൂണിസ്റ്റ് പാർട്ടികൾക്ക് ആഴത്തിൽ വേരോട്ടമുള്ള കൊല്ലത്ത് സംസ്ഥാന സമ്മേളനം നടക്കുന്നത്.
കയ്യൂർ, വയലാർ, ശൂരനാട് എന്നിവിടങ്ങളിലെ രക്തസാക്ഷി കുടീരങ്ങളിൽനിന്ന് തുടങ്ങിയ പതാക, ദീപശിഖ, കൊടിമര ജാഥകൾ ബുധനാഴ്ച അഞ്ചിന് പൊതുസമ്മേളന നഗരിയായ ആശ്രാമം മൈതാനത്തെ സീതാറാം യെച്ചൂരി നഗറിൽ എത്തിച്ചേരും. വ്യാഴാഴ്ച മുതൽ ഒമ്പത് വരെ സി. കേശവൻ മെമ്മോറിയൽ ടൗൺ ഹാളിലെ കോടിയേരി ബാലകൃഷ്ണൻ നഗറിലാണ് പ്രതിനിധി സമ്മേളനം. പൊളിറ്റ് ബ്യൂറോ കോഡിനേറ്റർ പ്രകാശ് കാരാട്ട് പ്രതിനിധി സമ്മേളനം ഉദ്ഘാടനം ചെയ്യും.

സി.പി.എം സംസ്ഥാന സമ്മേളനത്തിനൊരുങ്ങി കൊല്ലം

തിരുവനന്തപുരം: ഉണ്ണിമുകുന്ദൻ നായകനായ 'മാർക്കോ' സിനിമ ടിവി ചാനലുകളിൽ പ്രദർശിപ്പിക്കാനുള്ള അനുമതി നിഷേധിച്ചു. 'എ' സർട്ടിഫിക്കറ്റുമായി പ്രദർശനാനുമതി നൽകിയതിനാലാണ് തീരുമാനമെന്ന് സെൻട്രൽ ബോർഡ് ഓഫ് ഫിലിം സർട്ടിഫിക്കേഷന്റെ (സിബിഎഫ്‌സി) പ്രാദേശിക ഓഫിസറായ ടി നദീം തുഫൈൽ പ്രതികരിച്ചു. ചിത്രത്തിന് തീയറ്റർ പ്രദർശനത്തിന് സർട്ടിഫിക്കറ്റ് നൽകരുതെന്നായിരുന്നു കേരളത്തിലെ കമ്മിറ്റിയുടെ തീരുമാനമെന്നും അദ്ദേഹം പറഞ്ഞു.
സിനിമയിലെ രംഗങ്ങൾ പൂർണമായി മുറിച്ചുമാറ്റിയുള്ള സെൻസറിങ് ഇപ്പോൾ നിലവിലില്ല. ഉള്ളടക്കത്തിന്റെ അടിസ്ഥാനത്തിൽ വിവിധ കാറ്റഗറിയായി തരംതിരിച്ച് സർട്ടിഫിക്കറ്റ് നൽകുകയാണ് നിലവിലെ രീതി. വയലൻസ് കൂടുതലുള്ള സിനിമകൾ കുട്ടികൾ കാണാതിരിക്കാൻ ജാഗ്രത പുലർത്തേണ്ടത് മാതാപിതാക്കളാണ്. അവർക്കാണ് പൂർണ ഉത്തരവാദിത്തം. സിനിമയുടെ സർട്ടിഫിക്കറ്റിനെ സംബന്ധിച്ച് മാതാപിതാക്കൾ അറിഞ്ഞിരിക്കണമെന്നും നദീം പറഞ്ഞു.
'എ' സർട്ടിഫിക്കറ്റുള്ള സിനിമ 18 വയസിൽ താഴെയുള്ളവരെ കാണാൻ അനുവദിക്കുന്നത് നിയമവിരുദ്ധമാണ്. പരാതി ലഭിച്ചാൽ തീയറ്ററിൽ നിന്ന് 10,000 രൂപ വരെ പിഴ ഈടാക്കാമെന്നും നദീം പറഞ്ഞു.

മാർക്കോ സിനിമ ടിവിയിൽ പ്രദർശിപ്പിക്കാൻ അനുമതിയില്ല

കോഴിക്കോട്: വിവാദമായ ക്രിസ്മസ് ചോദ്യപേപ്പര്‍ ചോര്‍ച്ചയുമായി ബന്ധപ്പെട്ട് അൺ എയ്ഡഡ് സ്കൂളിലെ പ്യൂൺ അറസ്റ്റിൽ. മലപ്പുറം സ്വദേശി അബ്ദുൾ നാസറിനെയാണ് അന്വേഷണസംഘം അറസ്റ്റ് ചെയ്തത്. ഇയാൾ ചോദ്യപേപ്പർ ചോർത്തി എം.എസ് സൊല്യൂഷൻസിലെ അധ്യാപകനായ ഫഹദിന് നൽകുകയായിരുന്നു. ഈ ചോദ്യങ്ങൾ ഫഹദ് യൂട്യൂബ് ചാനലിലൂടെ പുറത്ത് വിടുകയായിരുന്നുവെന്നും അന്വേഷണസംഘം വ്യക്തമാക്കി. ഇതേ വിഷയവുമായി ബന്ധപ്പെട്ട് അധ്യാപകൻ ഫഹദിനെ നേരത്തെ ക്രൈംബ്രാഞ്ച് അറസ്റ്റ് ചെയ്തിരുന്നു.
കഴിഞ്ഞ മൂന്ന് പാദവാര്‍ഷിക പരീക്ഷകളിലായി പൊതുവിദ്യാലയങ്ങളിലെ ചോദ്യപേപ്പര്‍ എം.എസ് സൊല്യൂഷന്‍സ് ചോര്‍ത്തി യുട്യൂബ് ചാനലിലൂടെ നല്‍കിയിരുന്നതായി വിദ്യാഭ്യാസ വകുപ്പ് കണ്ടെത്തിയിരുന്നു. 2017-ലാണ് ഈ യുട്യൂബ് ചാനല്‍ തുടങ്ങിയത്.&nbsp;

ക്രിസ്മസ് ചോദ്യപേപ്പര്‍ ചോര്‍ച്ച ;അൺ എയ്ഡഡ് സ്കൂളിലെ പ്യൂൺ അറസ്റ്റിൽ

മലപ്പുറം: അമ്മിനിക്കാട് കിണറ്റിൽ വീണു ചികിത്സയിലായിരുന്ന രണ്ടര വയസ്സുകാരി മരിച്ചു. കുന്നിൻമുകളിലെ കൊടുംപള്ളിക്കൽ സയ്യിദ് ഫാരിഹ് തങ്ങളുടെ മകൾ ഫാതിമത്ത് ഇസ്റയാണ് മരിച്ചത്. കഴിഞ്ഞ വെള്ളിയാഴ്ചയായിരുന്നു സംഭവം. മേലേ പൂപ്പലത്തെ പുതിയ മാളിയേക്കലിലെ മാതാവിന്റെ വീട്ടിലെ കിണറ്റിലാണ് കുട്ടി വീണത്. മാതാവ്: ഫാതിമത്ത് തസ്‌രിയ

കിണറ്റിൽ വീണ് ചികിത്സയിലായിരുന്ന രണ്ടര വയസ്സുകാരി മരിച്ചു

കണ്ണൂർ: വട്ടിപ്പുറം വെള്ളാനപൊയിലിൽ മുള്ളൻ പന്നിയുടെ ആക്രമണത്തിൽ വിദ്യാർഥിക്ക് പരുക്ക്. പ്ലസ്ടു വിദ്യാർഥിയായ വട്ടിപ്രത്തിനടുത്ത് മാണിക്കോത്ത് വയൽ സ്വദേശി മുഹമ്മദ് ശാദിലിനാണ് പരുക്കേറ്റത്. രാവിലെ പള്ളിയിൽനിന്ന് മടങ്ങുമ്പോഴായിരുന്നു ആക്രമണം.
ശാലിദിന്റെ ശരീരത്തിൽ പന്ത്രണ്ടോളം മുള്ളുകൾ തറച്ചിട്ടുണ്ട്. പരുക്കേറ്റ വിദ്യാർഥിയെ ശസ്ത്രക്രിയയ്ക്കായി തലശ്ശേരി ജനറൽ ആശുപത്രിയിലേക്ക് മാറ്റി.&nbsp;

കണ്ണൂരിൽ മുള്ളൻ പന്നിയുടെ ആക്രമണത്തിൽ വിദ്യാർഥിക്ക് പരുക്ക്

Kannur

കൊച്ചി:വടക്കൻ പറവൂർ പുത്തൻവേലിക്കരയിൽ പ്ലസ് വൺ വിദ്യാർഥിയെ വീട്ടിൽ തൂങ്ങിമരിച്ച നിലയിൽ കണ്ടെത്തി. അഞ്ചുവഴി ആലുങ്കപറമ്പിൽ സുധാകരന്റെ മകൻ അമ്പാടിയാണ് മരിച്ചത്. വീട്ടിലെ മുറിയിൽ തൂങ്ങി മരിച്ച നിലയിലായിരുന്നു മൃതദേഹം. ആത്മഹത്യയെന്നാണ് സംശയിക്കുന്നതെന്നും ലഹരി ഉപയോഗങ്ങളൊന്നും ഇല്ലാത്ത കുട്ടിയായിരുന്നു അമ്പാടിയെന്നും പൊലീസ് അറിയിച്ചു.
എസ്എസ്‍എൽസി പരീക്ഷയ്ക്ക് മുഴുവൻ വിഷയങ്ങൾക്കും എ പ്ലസ് സ്വന്തമാക്കിയിരുന്നു. അമ്പാടിയുടെ അമ്മ ക്യാൻസർ രോഗബാധിതയാണ്. ചികിത്സയുടെ ഭാഗമായി അച്ഛനും അമ്മയും എറണാകുളത്തെ ആശുപത്രിയിൽ പോയി മടങ്ങി എത്തിയപ്പോൾ വീട് അടച്ച നിലയിലായിരുന്നു. വിളിച്ചിട്ടും മുറി തുറക്കാതിരുന്നതിനെ തുടർന്ന് അയൽക്കാരെ അറിയിച്ച് മുറി തുറന്നപ്പോഴാണ് തൂങ്ങിയ നിലയില്‍ മൃതദേഹം കണ്ടത്.അമ്മയുടെ രോഗാവസ്ഥയിൽ കുട്ടി അസ്വസ്ഥനായിരുന്നു എന്നാണ് പൊലീസിനു ലഭിക്കുന്ന വിവരം. ദുഃശീലങ്ങളൊന്നുമില്ലാത്ത, നന്നായി പഠിക്കുന്ന കുട്ടി എന്നാണ് അമ്പാടിയെക്കുറിച്ച് അയൽക്കാരും നാട്ടുകാരും പറയുന്നത്. പുത്തൻവേലിക്കര പൊലീസ് സ്ഥലത്തെത്തി പരിശോധന നടത്തുകയാണ്.

പ്ലസ് വൺ വിദ്യാർഥിയെ വീട്ടിൽ തൂങ്ങിമരിച്ച നിലയിൽ കണ്ടെത്തി

ഹൈദരാബാദ്: പ്രശസ്ത പിന്നണി ഗായികയും ഡബ്ബിംഗ് ആർട്ടിസ്റ്റുമായ കൽപ്പന രാഘവേന്ദർ ആത്മഹത്യയ്ക്ക് ശ്രമിച്ചതായി റിപ്പോർട്ട്. നിസാം പേട്ടിലെ വസതിയിൽ വച്ചാണ് സംഭവം
രണ്ടുദിവസമായി വീട് അടഞ്ഞു കിടക്കുന്നത് അയൽക്കാരുടെ ശ്രദ്ധയിൽപ്പെട്ടിരുന്നു. ഇവർ പോലീസിനെ വിവരം അറിയിക്കുകയായിരുന്നു. തുടർന്നുള്ള പരിശോധനയിലാണ് കൽപന അബോധാവസ്ഥയിൽ കിടക്കുന്നത് കണ്ടത്. ഉടൻ തന്നെ നിസാംപേട്ടിലെ ഒരു സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.അമിതമായ അളവിൽ ഉറക്ക ​ഗുളിക കഴിച്ചിരുന്നുവെന്നാണ് വിവരം. ​​ഗുരുതരാവസ്ഥയിൽ വെന്റിലേറ്ററിൽ ചികിത്സയിലാണ്. കല്പനയുടെ ഭർത്താവ് ചെന്നൈയിൽ ആയിരുന്നു എന്നാണ് റിപ്പോർട്ട്. കെപിഎച്ച്ബി പോലീസ് കേസെടുത്ത് അന്വേഷണം ആരംഭിച്ചു.

ഗായിക കൽപ്പന രാഘവേന്ദർ ആത്മ​ഹത്യയ്ക്ക് ശ്രമിച്ച് ​ഗുരുതരാവസ്ഥയിൽ

പെഷവാര്‍: പാകിസ്താനിലെ സൈനികത്താവളത്തില്‍ ചൊവ്വാഴ്ചയുണ്ടായ ഭീകരാക്രമണത്തില്‍ 15 പേര്‍ കൊല്ലപ്പെട്ടു. 30 പേര്‍ക്ക് സാരമായി പരിക്കേറ്റിട്ടുണ്ട്. വടക്കുപടിഞ്ഞാറന്‍ പാകിസ്താനിലെ ബന്നുവിലുള്ള സൈനികത്താവളത്തിന് നേരെയാണ് ആക്രമണമുണ്ടായത്. കൊല്ലപ്പെട്ടവരില്‍ ആറ് പേര്‍ സാധാരണക്കാരാണ്. ഇതില്‍ മൂന്ന് കുട്ടികളും ഉള്‍പ്പെടും.
രണ്ട് ചാവേര്‍ ആക്രമണങ്ങളാണ് നടന്നത്. ചാവേറുകള്‍ സ്‌ഫോടകവസ്തുക്കള്‍ നിറച്ച രണ്ട് കാറുകള്‍ സൈനികത്താവളത്തിലേക്ക് ഇടിച്ചുകയറ്റുകയായിരുന്നു. സ്‌ഫോടനങ്ങളില്‍ സൈനിക താവളത്തിന്റെ മതിലുകള്‍ തകര്‍ന്നതിന് പിന്നാലെ താവളത്തിനകത്തേക്ക് കടന്ന ആറോളം ഭീകരരെ സൈനികര്‍ വധിച്ചു.
താലിബാന്‍ പിന്തുണയിലുള്ള പാകിസ്താനിലെ ജെയ്ഷ് അല്‍ ഫുര്‍സാന്‍ ആക്രമണത്തിന്റെ ഉത്തരവാദിത്വം ഏറ്റെടുത്തു. പാകിസ്താനില്‍ നിരന്തരം ഭീകരാക്രമണങ്ങള്‍ നടക്കുന്ന പ്രദേശങ്ങളിലൊന്നാണ് ബന്നു.

പാകിസ്താനില്‍ ഭീകരാക്രമണം; 15 പേര്‍ കൊല്ലപ്പെട്ടു, 30 പേര്‍ക്ക് പരിക്ക്

വടകര: ദേശീയപാതയിൽ മൂരാട് ഉണ്ടായ വാഹനാപകടത്തിൽ നാലുപേർ മരിച്ചെന്ന വാർത്ത നാടിനെ നടുക്കി. ഞായറാഴ്ച വൈകിട്ട് മൂന്നേകാലോടെയാണ് കാറും ടെമ്പോ ട്രാവലറും ഇടിച്ച് 4 പേര്‍ മരിച്ചത്. കല്യാണ സല്‍ക്കാരത്തിന് ബന്ധുക്കളുമായി കോഴിക്കോടേക്ക് പോകുകയായിരുന്ന കാറും എതിരെ വന്ന ട്രാവലറും കൂട്ടിയിടിക്കുകയായിരുന്നു. വടകര ഗവ ജില്ലാ ആശുപത്രിയിൽ സൂക്ഷിച്ച മൃതദേഹങ്ങളുടെ പോസ്റ്റ് മോർട്ടം നടപടികൾ ആരംഭിച്ചു.&nbsp;
ന്യൂമാഹിയിലെ പെരുമുണ്ടേരി കണ്ണാട്ടില്‍ മീത്തല്‍ റോജ (55), ഒളവിലം പറമ്പത്ത് നളിനി (62),അഴിയൂര്‍ പാറേമ്മല്‍ രജനി (50), മാഹി റെയില്‍വെ സ്റ്റേഷനു സമീപം കോട്ടാമല കുന്നുമ്മല്‍ ഷിഗിന്‍ ലാല്‍ (40)എന്നിവരാണ് മരിച്ചത്. രാവിലെ ഒമ്പതരയോടെ പോലീസെത്തി ഇൻക്വസ്‌റ് നടപടികൾ ആരംഭിച്ചു. വടകര എം എൽ എ കെ കെ രമ , ന്യൂ മാഹി ഗ്രാമ പഞ്ചായത്ത് പ്രസിഡന്റ് എം കെ സെയ്തു ഉൾപ്പടെയുള്ളവർ രാവിലെ തന്നെ ആശുപത്രിയിൽ എത്തിയിരുന്നു. ഇരു വാഹങ്ങളും ഒരേ ദിശയിൽ എത്തിയതാണ് അപകടത്തിന് ഇടയാക്കിയത്. ഇത് എങ്ങനെ സംഭവിച്ചു എന്നതിൽ അവ്യക്തത ഉണ്ടെന്നും സി സി ടി വി ഉൾപ്പടെ പരിശോധിച്ച് അന്വേഷണം ആരംഭിച്ചിട്ടുണ്ടെന്നും പയ്യോളി സി ഐ അറിയിച്ചു. മരിച്ചവര്‍ ബന്ധുക്കളാണ്.

മൂരാട് അപകടം; പോസ്റ്റ് മോർട്ടം നടപടികൾ ആരംഭിച്ചു

കൊച്ചി: ചെറായി ബീച്ചിൽ മദ്യലഹരിയിൽ അതിക്രമം നടത്തിയ വടകര സ്വദേശിനിയടക്കം നാല് പേരെ പൊലീസ് അറസ്റ്റ് ചെയ്തു. ചേന്ദമംഗലം സ്വദേശി രാഹുൽ ദേവ്, തൃശൂർ മേത്തല സ്വദേശി അജയ്, വടകര സ്വദേശി ഫർസാന, എറണാകുളം വടക്കേക്കര സ്വദേശി സിയ ഷിബു എന്നിവരെയാണ് അറസ്റ്റ് ചെയ്തത്.
സുഹൃത്തിന്‍റെ വിവാഹത്തിന് ചെറായിയിൽ എത്തിയതാണ് ഇവർ. മദ്യപിച്ച് ലക്കുകെട്ട് ബീച്ചിലെത്തിയ ഇവർ കടയുടമയുമായി വാക്കുതർക്കമായി. ഇത് പിന്നീട് അസഭ്യം പറയലിലേക്ക് നീങ്ങി. കസേര വലിച്ചെറിഞ്ഞും മറ്റും യുവതിയുടെ നേതൃത്വത്തിലുള്ള സംഘം അക്രമമുണ്ടാക്കി. അരമണിക്കൂർ സമയം പ്രദേശത്താകെ ഇവർ ബഹളമുണ്ടാക്കി.തുടർന്ന് പൊലീസ് എത്തി നടപടിയെടുക്കുകയായിരുന്നു. ഇവർ താമസിച്ച മുറിയിൽ പൊലീസ് പരിശോധന നടത്തിയെങ്കിലും നിയമവിരുദ്ധമായി ഒന്നും കണ്ടെത്താനായില്ല. പൊതുസ്ഥലത്ത് പ്രശ്നമുണ്ടാക്കിയതിന് ജാമ്യംകിട്ടാവുന്ന വകുപ്പുകൾ പ്രകാരമാണ് കേസെടുത്തത്.

മദ്യലഹരിയിൽ ബീച്ചിൽ അതിക്രമം;വടകര സ്വദേശിനിയടക്കം 4 പേർ അറസ്റ്റിൽ

വടകര: ദേശീയപാതയിൽ മൂരാട് പാലത്തിന് സമീപം കാറും ട്രാവലർ വാനും കൂട്ടിയിടിച്ച് നാലുപേർ മരിച്ചു. കാർ യാത്രക്കാരായ മൂന്ന് സ്ത്രീകളും ഒരു പുരുഷനുമാണ് മരിച്ചത്. ഞായറാഴ്ച വൈകിട്ട് 3.10 ഓടെയാണ് അപകടമുണ്ടായത്.
പത്തോളം പേർക്ക് പരിക്കേറ്റു. മരിച്ചവരെ തിരിച്ചറിഞ്ഞിട്ടില്ല. മരിച്ചവർ മാഹി സ്വദേശികളാണെന്നാണ് സംശയം. മൃതദേഹങ്ങൾ വടകര സഹകരണ ആശുപത്രിയിലാണുള്ളത്. പരിക്കേറ്റ് ചികിത്സയിലുള്ള ചോറോട് സ്വദേശി സത്യനിൽനിന്ന് കാറിൽ യാത്രചെയ്തവരുടെ വിവരം ശേഖരിച്ചുവരികയാണ്. കാർ മൂരാടിലെ പെട്രോൾ പമ്പിൽനിന്ന് എണ്ണ അടിച്ച് പുറത്തിറങ്ങി കോഴിക്കോട് ഭാഗത്തേക്ക് പോകവെയാണ് ട്രാവലറുമായി കൂട്ടിയിടിച്ചത്. കർണാടക സ്വദേശികൾ സഞ്ചരിച്ച ട്രാവലറിലെ എട്ടു പേർക്ക് പരിക്കുണ്ട്. ഇവരെ ആശുപത്രിയിൽ പ്രവേശിപ്പിച്ചു.

മൂരാട് പാലത്തിന് സമീപം കാറും ട്രാവലർ വാനും കൂട്ടിയിടിച്ച് നാലുപേർ മരിച്ചു

വടകര: നാദാപുരം റോഡ് റെയിൽവേ സ്റ്റേഷന് സമീപം ട്രെയിനിൽ നിന്ന് വീണ് മരിച്ചയാളെ തിരിച്ചറിഞ്ഞില്ല. ഈ കഴിഞ്ഞ എട്ടിന് രാത്രി ഒമ്പത് മണിയോടെ കണ്ണൂർ ഭാഗത്ത് നിന്നും കോഴിക്കോട് ഭാഗത്തേക്ക് ട്രെയിനിൽ യാത്ര ചെയ്യുകയായിരുന്നു ഏകദേശം 45 വയസ്സ് പ്രായം തോന്നിക്കുന്ന യുവാവാണ് നാദാപുരം റോഡ് റെയിൽവേ സ്റ്റേഷനടുത്ത് വെച്ച് ട്രെയിനിൽ നിന്നും വീണ് ഗുരുതരമായി പരിക്കേറ്റ് മരണപ്പെട്ടത്.&nbsp;
കാവി നിറത്തിലുള്ള ലുങ്കിയും ലൈനുകളോടു കൂടിയ ടീഷർട്ടുമാണ് വേഷം. വലത് കൺപുരികത്തിനു താഴെയായി ഒരു കറുത്ത മറുക് ഉണ്ട്. മൃതദേഹം ഇൻക്വസ്റ്റ് നടപടികൾക്ക് ശേഷം വടകര ഗവൺമെൻ്റ് ജില്ലാആശുപത്രി മോർച്ചറിയിൽ സൂക്ഷിച്ചിട്ടുണ്ട്. തിരിച്ചറിയുന്നവർ മഹേഷ് എടയത്ത്, സബ്ബ് ഇൻസ്പെക്ടർ - 994666 4609, വടകര പോലീസ് സ്റ്റേഷൻ 0496 2524206 ഈ നമ്പറുകളിൽ ബന്ധപ്പെടുക.

നാദാപുരം റോഡ് റെയിൽവേ സ്റ്റേഷനടുത്ത് ട്രെയിനിൽ നിന്ന് വീണ് മരിച്ചയാളെ തിരിച്ചറിഞ്ഞില്ല

കുറ്റ്യാടി: തൊട്ടില്‍പാലം റോഡില്‍ സ്വകാര്യബസും ബൈക്കും കൂട്ടിയിടിച്ച് യുവാവ് മരിച്ചു. പൂളക്കണ്ടി അടുക്കത്ത്നബീല്‍ (43)ആണ് മരിച്ചത്. രാവിലെ തളീക്കര കഞ്ഞിരോളിയിലാണ് അപകടം.
തൊട്ടില്‍പാലത്തേക്ക് പോകുകയായിരുന്ന നബീലിന്റെ ബൈക്കില്‍ തലശേരി-തൊട്ടില്‍പാലം റൂട്ടിലോടുന്ന ദേവരാഗം ബസ് ഇടിക്കുകയായിരുന്നു. റോഡരികിലേക്ക് ചാഞ്ഞ മരക്കൊമ്പ് തട്ടാതിരിക്കാൻ ബസ് വെട്ടിച്ചപ്പോഴാണ് അപകടമുണ്ടായതെന്ന് പറയുന്നു. തുടർന്ന് നാട്ടുകാര്‍ കഞ്ഞിരോളിയില്‍ റോഡ് ഉപരോധിച്ചു. പോലീസെത്തി രംഗം ശാന്തമാക്കി. മൊയ്തുവിന്റെയും ബീവിയുടെയും മകനാണ്. ഭാര്യ: ആശിഫ. മകള്‍: ഫാത്തിമ നാജിയ.

തളീക്കരയില്‍ ബസ് ഇടിച്ച് ബൈക്ക് യാത്രക്കാരന്‍ മരിച്ചു

Kuttiadi

വടകര : യുവതിയുടെ ചിത്രങ്ങളും പേരും നൽകി വ്യാജ ഇൻസ്റ്റഗ്രാം അക്കൗണ്ടുണ്ടാക്കിയ സംഭവത്തിൽ യുവാവ് അറസ്റ്റിൽ. താമരശ്ശേരി ഈങ്ങാപ്പുഴ സ്വദേശി ജുബിനെ(34)യാണ് കോഴിക്കോട് റൂറൽ സൈബർ ക്രൈം ഇൻസ്പെക്ടർ സി.ആർ. രാജേഷ്‌കുമാർ അറസ്റ്റുചെയ്തത്. ഈ അക്കൗണ്ടിൽനിന്ന് ഇയാൾ അശ്ളീലവീഡിയോകളും സന്ദേശങ്ങളും യുവതിയുടെ പരിചയക്കാർക്ക് അയച്ചുനൽകിയിരുന്നു. തുടർന്ന് യുവതിനൽകിയ പരാതിയിലാണ് അറസ്റ്റ്. ഇയാളെ വടകര ഒന്നാംക്ലാസ് ജുഡീഷ്യൽ മജിസ്‌ട്രേറ്റ് കോടതി റിമാൻഡുചെയ്തു.

യുവതിയുടെ ചിത്രം ഉപയോഗിച്ച് വ്യാജ ഇൻസ്റ്റഗ്രാം അക്കൗണ്ട്; യുവാവ് പിടിയിൽ

ഹരിപ്പാട്: സ്വര്‍ണത്തിനൊപ്പം ഇമിറ്റേഷന്‍ ആഭരണങ്ങളും അണിയാനുള്ള ആഗ്രഹത്തെ വരന്റെ വീട്ടുകാര്‍ എതിര്‍ത്തെന്നാരോപിച്ച് വധു കല്യാണത്തില്‍നിന്നു പിന്മാറി. വിവാഹത്തലേന്ന് കരീലക്കുളങ്ങര പോലീസ് സ്റ്റേഷനില്‍ ഇരുവീട്ടുകാരും തമ്മില്‍ സംസാരിക്കുന്നതിനിടയിലാണ് പെണ്‍കുട്ടിയുടെ പിന്‍മാറ്റം. വ്യാഴാഴ്ച ഹരിപ്പാടിനടുത്തുള്ള ക്ഷേത്രത്തിലാണ് വിവാഹം നടത്താനിരുന്നത്. രണ്ടുവര്‍ഷം മുന്‍പായിരുന്നു വിവാഹനിശ്ചയം.
15 പവന്റെ ആഭരണങ്ങളാണ് വധുവിന്റെ വീട്ടുകാര്‍ വാങ്ങിയത്. അതിനൊപ്പം ഇമിറ്റേഷന്‍ ആഭരണങ്ങളും അണിയിക്കുമെന്ന് വധുവിന്റെ അമ്മ വരന്റെ വീട്ടുകാരെ അറിയിച്ചു. എന്നാല്‍, മുക്കുപണ്ടം അണിയിച്ച് കല്യാണം വേണ്ടെന്ന രീതിയില്‍ വരന്റെ വീട്ടുകാര്‍ സംസാരിച്ചെന്നാണ് ആക്ഷേപം. വിവാഹത്തിനു മൂന്നുദിവസം മുന്‍പ് വധുവിന്റെ വീട്ടില്‍ ഹല്‍ദി ആഘോഷം നടന്നപ്പോള്‍ വരന്റെ ബന്ധുക്കളില്‍ ചിലര്‍ 'പെണ്ണിനെ മുക്കുപണ്ടം അണിയിക്കുകയാണെ'ന്ന രീതിയില്‍ ആക്ഷേപിച്ചെന്നും ആരോപണമുണ്ടായി.
തുടര്‍ന്ന്, വധുവിന്റെ ബന്ധുക്കള്‍ പോലീസില്‍ പരാതി നല്‍കി. സ്റ്റേഷനില്‍ നടന്ന ചര്‍ച്ചയില്‍ വിവാഹത്തിനു സമ്മതമാണെന്ന നിലപാടാണ് വരനും ബന്ധുക്കളും സ്വീകരിച്ചത്. എന്നാല്‍, ആഭരണത്തിന്റെ പേരില്‍ ആക്ഷേപിച്ചതിനാല്‍ വിവാഹത്തിനു താത്പര്യമില്ലെന്ന് പെണ്‍കുട്ടി പറയുകയായിരുന്നു. പിന്മാറുന്നതായി പെണ്‍കുട്ടിയില്‍നിന്ന് പോലീസ് എഴുതിവാങ്ങുകയും ചെയ്തു.
വരന്റെ വീട്ടുകാര്‍ തന്റെ കൈയില്‍നിന്ന് നാലരപ്പവന്റെ മാലയും കല്യാണച്ചെലവിന് 50,000 രൂപയും വാങ്ങിയതായി പെണ്‍കുട്ടിയുടെ അമ്മ പറഞ്ഞു.അതും നിശ്ചയത്തിനു ചെലവായ രണ്ടരലക്ഷം രൂപയും കല്യാണഒരുക്കത്തിനു ചെലവായ തുകയും മടക്കിക്കിട്ടാന്‍ നിയമനടപടി സ്വീകരിക്കുമെന്നും അവര്‍ പറഞ്ഞു.

&nbsp;

&nbsp;

മുക്കുപണ്ടം അണിയുന്നതിൽ വരന്റെ വീട്ടുകാരുടെ അധിക്ഷേപം; വധു വിവാഹത്തില്‍നിന്ന് പിന്മാറി

കോഴിക്കോട്: സൗദിയില്‍ മരിച്ച കോഴിക്കോട് സ്വദേശി റണോള്‍ഡ് കിരണ്‍ കുന്തറിന്റെ മരണത്തില്‍ ദുരൂഹത ആരോപിച്ച് കുടുബം. ഏപ്രില്‍ പത്തിനാണ് റാണോള്‍ഡ് കിരണ്‍ കുന്തറിനെ സൗദിയിലെ താമസസ്ഥലത്ത് തൂങ്ങിമരിച്ചനിലയില്‍ കണ്ടെത്തിയത്. മകന്‍ ആത്മഹത്യ ചെയ്യില്ലെന്നും സ്പോണ്‍സറുടേയും ഭാര്യയുടേയും സഹായികളുടേയും പീഡനത്തിനിരയായി മകന്‍ കൊല്ലപ്പെട്ടാതാണെന്നുമാണ് റണോള്‍ഡ് കിരണ്‍ കുന്തറിന്റെ രക്ഷിതാക്കള്‍ ആരോപിക്കുന്നത്.
പത്താംതീയതി മകന്റെ മിസ്ഡ് കോള്‍ കണ്ട് തിരിച്ചുവിളിച്ചപ്പോള്‍ ഫോണില്‍ കിട്ടിയില്ല. റണോള്‍ഡിന്റെ തൊട്ടടുത്ത് ഡ്രൈവറായി ജോലിചെയ്യുന്ന സോളമനെ ബന്ധപ്പെട്ടപ്പോള്‍ തലേദിവസം മകന് രക്തസമ്മര്‍ദം കൂടിയതിനാല്‍ സ്പോണ്‍സര്‍ ആശുപത്രിയിലാക്കിയെന്നും ഹൃദയാഘാതം മൂലം മകന്‍ മരിച്ചെന്നുമാണ് അറിയിച്ചത്.കൂടൂതല്‍ വിവരം അറിയാനായി വീണ്ടും വിളിച്ചപ്പോള്‍ മകന്‍ തൂങ്ങിയ നിലയിലായിരുന്നുവെന്നും കൈയും കാലും പിന്നില്‍കെട്ടിയ നിലയിലായിരുന്നു മൃതദേഹമെന്നും പറഞ്ഞു. തുടര്‍ന്ന് ദമാമിലുളള ബന്ധുക്കളെ വിവരം അറിയിച്ചു. അവര്‍ ആശുപത്രിയില്‍ എത്തിയപ്പോള്‍ കുളിമുറിയിലേക്ക് പോകുമ്പോള്‍ തലയിടിച്ച് വീണ് മരിച്ചുവെന്നാണ് ആശുപത്രിയില്‍നിന്ന് അറിയിച്ചത്. മൃതദേഹം കാണാന്‍ അവരെ അനുവദിച്ചില്ലെന്നും രക്ഷിതാക്കള്‍ ആരോപിച്ചു.
സംഭവവുമായി ബന്ധപ്പെട്ട് പുറത്തുവരുന്നതെല്ലാം പരസ്പരവിരുദ്ധമായ കാര്യങ്ങളാണെന്നാണ് രക്ഷിതാക്കള്‍ പറയുന്നത്. മകന്റെ മൃതദേഹത്തിനടുത്തുനിന്നും കിട്ടിയെന്ന് പറയുന്ന ആത്മഹത്യാക്കുറിപ്പിലുള്ളത് മകന്റെ കയ്യക്ഷരമല്ല. കുറിപ്പിലുള്ളത് മകന്റെ ഒപ്പുമല്ല. സോളമനും സ്പോണ്‍സറും ഭാര്യയും കോഴിക്കോട് സ്വദേശിയായ ജോമോന്‍ എന്ന വ്യക്തിയും ചേര്‍ന്ന് മകനെ ശാരീരകമായും മാനസികമായും പീഡിപ്പിച്ചിരുന്നുവെന്നും മകന്‍ കൊല്ലപ്പെട്ടതാണെന്നും ഇവര്‍ ആരോപിച്ചു.മരണത്തില്‍ കോഴിക്കോട് എംപി, മുഖ്യമന്ത്രി എന്നിവര്‍ മുഖേന വിദേശകാര്യ മന്ത്രാലയത്തെ പരാതി അറിയിച്ചെങ്കിലും യാതൊരു നടപടിയും ഉണ്ടായില്ലെന്നും കുടുംബം പറഞ്ഞു.&nbsp;

സൗദിയില്‍ കോഴിക്കോട് സ്വദേശിയുടെ  മരണം; ദുരൂഹത ആരോപിച്ച് കുടുംബം

കരിവെള്ളൂർ: വിവാഹവീട്ടിൽനിന്ന് കവർന്ന 30 പവനോളം ആഭരണങ്ങൾ വീടിനരികിൽ ഉപേക്ഷിച്ച നിലയിൽ കണ്ടെത്തി. പലിയേരിയിലെ ചൂരക്കാട്ട് മനോഹരന്റെ മകൻ അർജുനന്റെ ഭാര്യ ആർച്ചയുടെ ആഭരണങ്ങളാണ് വീടിനോട് ചേർന്ന് തെക്കുഭാഗത്ത് ഉപേക്ഷിച്ച നിലയിൽ പോലീസ് കണ്ടെത്തിയത്.
മേയ് ഒന്നിനായിരുന്നു ഇവരുടെ വിവാഹം. വിവാഹദിവസം അലമാരയിൽവച്ച ആഭരണങ്ങൾ ബന്ധുക്കളെ കാണിക്കാനായി രണ്ടാം തീയതി തുറന്നു നോക്കിയപ്പോഴാണ് കവർച്ച നടന്ന വിവരം വീട്ടുകാർ അറിയുന്നത്. മേയ് ഒന്നിനു തന്നെ കവർച്ച നടന്നിട്ടുണ്ടെന്നാണ് പോലീസ് നിഗമനം.
അന്വേഷണത്തിനായാണ് സബ് ഇൻസ്പെക്ടർമാരായ കെ.മനോജ് കുമാർ, പി.യദുകൃഷ്ണൻ എന്നിവരുടെ നേതൃത്വത്തിലുള്ള സംഘം ബുധനാഴ്ച രാവിലെ 11-ഓടെ മനോഹരന്റെ വീട്ടിലെത്തിയത്. വീടിനു ചുറ്റും നടക്കുമ്പോഴാണ് തുണിസഞ്ചിയിൽ ആഭരണങ്ങൾ ഉപേക്ഷിച്ചതായി കണ്ടത്. ഒൻപത് വള, നാല് മാല, ബ്രേസ്‌ലറ്റ്, മോതിരം ഇവയാണ് സഞ്ചിയിലുണ്ടായിരുന്നത്. നഷ്ടപ്പെട്ട ആഭരണങ്ങൾ മുഴുവൻ തിരികെ ലഭിച്ചിട്ടുണ്ട്. ആഭരണങ്ങൾ നഷ്ടപ്പെട്ട ദിവസത്തെ വിരലടയാള പരിശോധനയിൽ നിന്ന് ആറുപേരുടെ വിരലടയാളങ്ങൾ പോലീസിന് ലഭിച്ചിട്ടുണ്ട്. അവ പരിശോധിച്ചുവരികയാണെന്നും പ്രതികളെ ഉടൻ പിടികൂടാനാകുമെന്നും പോലീസ് പറഞ്ഞു. കണ്ടെടുത്ത ആഭരണങ്ങൾ പയ്യന്നൂർ ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കും. നഷ്ടപ്പെട്ടവ തിരിച്ചുകിട്ടിയത് കൊണ്ട് കേസ് അവസാനിപ്പിക്കില്ലെന്നും കുറ്റവാളികളെ ഉടൻ പിടികൂടാൻ കഴിയുമെന്നും പോലീസ് പറഞ്ഞു.

വിവാഹവീട്ടിൽനിന്ന് കവർന്ന 30 പവനോളം ആഭരണങ്ങൾ വീടിനരികിൽ ഉപേക്ഷിച്ച നിലയിൽ

Search Results for: 10.05.2205