ഡൽഹി: പ്രതിപക്ഷ നേതാവും കോൺഗ്രസ് നേതാവുമായ രാഹുൽ ഗാന്ധിക്ക് ഇന്ന് 55-ാം പിറന്നാൾ. ജൻമദിനത്തോടനുബന്ധിച്ച് കോൺഗ്രസ് വിപുലമായ പരിപാടികളാണ് സംഘടിപ്പിച്ചിരിക്കുന്നത്. വ്യാഴാഴ്ച, പാർട്ടിയുടെ ഡൽഹി യൂണിറ്റും യൂത്ത് കോൺഗ്രസും സംയുക്തമായി തൽക്കത്തോറ സ്റ്റേഡിയത്തിൽ ഒരു മെഗാ ജോബ് ഫെയർ സംഘടിപ്പിക്കും.
രാവിലെ 10 മുതൽ വൈകിട്ട് 4 വരെ നടക്കുന്ന തൊഴിൽ മേളയിൽ 20,000 ത്തോളം തൊഴിൽരഹിതരായ യുവാക്കൾ രജിസ്റ്റർ ചെയ്തതായി ഡൽഹി കോൺഗ്രസ് പ്രസിഡന്‍റ് ദേവേന്ദർ യാദവ് പറഞ്ഞു. നിരവധി പേരാണ് രാഹുലിന് പിറന്നാൾ ആശംസകൾ നേര്‍ന്നുകൊണ്ട് രംഗത്തെത്തുന്നത്

രാഹുൽ ഗാന്ധിക്ക് ഇന്ന് 55-ാം പിറന്നാൾ

National

ഭാര്യ സുചിത്രയ്ക്ക് പിറന്നാള്‍ ആശംസകള്‍ നേര്‍ന്ന് മോഹന്‍ലാല്‍. സാമൂഹികമാധ്യമങ്ങളില്‍ പങ്കുവെച്ച ചിത്രത്തിനൊപ്പമാണ് ആശംസ അറിയിച്ചത്. 'പ്രിയപ്പെട്ട സുചിക്ക് പിറന്നാള്‍ ആശംസകള്‍', എന്ന് ചിത്രത്തിനൊപ്പം മോഹന്‍ലാല്‍ കുറിച്ചു.
തമിഴ് സിനിമാ നിര്‍മാതാവായ കെ. ബാലാജിയുടെ മകളാണ് സുചിത്ര. 1988 ഏപ്രില്‍ 28-നായിരുന്നു മോഹന്‍ലാലിന്റേയും സുചിത്രയുടേയം വിവാഹം. മേയ് 21-നായിരുന്നു മോഹന്‍ലാലിന്റെ പിറന്നാള്‍. കുടുംബമൊന്നിച്ച് മോഹന്‍ലാലിന്റെ പിറന്നാള്‍ ആഘോഷിക്കുന്ന ചിത്രം മകള്‍ വിസ്മയ സാമൂഹികമാധ്യമങ്ങളില്‍ പങ്കുവെച്ചിരുന്നു. മോഹന്‍ലാലും സുചിത്രയും പ്രണവും വിസ്മയയും ചേര്‍ന്നാണ് പിറന്നാള്‍ ആഘോഷിച്ചത്.

'ഹാപ്പി ബെര്‍ത്ത് ഡേ സുചി' ;പ്രിയതമയ്ക്ക് പിറന്നാള്‍ ആശംസകള്‍ നേര്‍ന്ന് മോഹന്‍ലാല്‍

തിരുവനന്തപുരം : കേരള മുഖ്യമന്ത്രി പിണറായി വിജയന് ഇന്ന് 80–ാം പിറന്നാൾ. പതിവുപോലെ ആഘോഷങ്ങളില്ലാതെയാണ്‌ ഇത്തവണയും പിറന്നാൾ കടന്നുപോകുന്നത്‌. സർക്കാറിന്റെ നാലാംവാർഷികാഘോഷ പരിപാടികളുടെ തിരക്കുകൾ വെള്ളിയാഴ്‌ചയാണ്‌ കഴിഞ്ഞത്‌. സംസ്ഥാനരാഷ്ട്രീയത്തിലും ഭരണത്തിലുമായി കടന്നുപോയത് പിണറായി സ്പർശമുള്ള കാൽനൂറ്റാണ്ടാണ്. .സിപിഎം രാഷ്ട്രീയവും വലിയൊരു പരിധി വരെ സംസ്ഥാന രാഷ്ട്രീയവും 1998 നു ശേഷം പിണറായി വിജയനിൽ കേന്ദ്രീകരിച്ചാണ്.
പ്രകൃതിദുരന്തങ്ങൾ സംസ്ഥാനത്തെ പിടിച്ചു കുലുക്കിയപ്പോൾ പതറാതെ മുന്നിൽ നിന്ന് നയിച്ച പിണറായി വിജയന് പഴയ പാ‍ര്‍ട്ടി സെക്രട്ടറിയുടെ കാര്‍ക്കശ്യ മുഖത്തിനപ്പുറം ജനകീയ പ്രതിച്ഛായ കൂടിയുണ്ട്. മുഖ്യമന്ത്രി സ്ഥാനത്ത് പിണറായി വിജയൻ നാളെ 9 വർഷം പൂർത്തിയാക്കും.ലോകമാകെ ഇടതുപക്ഷ പ്രസ്ഥാനങ്ങള്‍ ഇരുളുകാണുന്ന കാലത്ത്, ഇന്ത്യയിലാകമാനം കമ്യൂണിസ്റ്റ് കക്ഷികള്‍ അധികാരവഴിയില്‍ വേച്ചുവീഴുന്ന കാലത്ത്, കേരളത്തിൽ ചെങ്കൊടി ഇപ്പോഴും ഉയരെ പാറിപ്പറക്കുന്നു. പ്രതിബന്ധങ്ങളുടെ മലകള്‍ ഇളകിവരുമ്പോഴും മാര്‍ക്സിസ്റ്റ് പാര്‍ട്ടിയെ അടിപറയാതെ കാത്തുപോരുന്ന കരുത്തിന് ഒരു നേതൃനാമം ഉണ്ടെങ്കില്‍, അതൊരൊറ്റ പേരാണ്.. പിണറായി വിജയന്‍....

കേരളത്തിന്റെ ക്യാപ്റ്റന് നാട്ടൂവാർത്താ ടീമിന്റെ ജന്മദിനാശംസകൾ.

മുഖ്യമന്ത്രിക്ക്‌ ഇന്ന്‌ എൺപതാം പിറന്നാൾ

Kerala

മലയാളത്തിന്റെ താര രാജാവിന് ഇന്ന് 65-ാം പിറന്നാൾ. മുൻഗാമികളും പിൻഗാമികളുമില്ലാത്ത നടനവിസ്മയം. ഒരിക്കലും മറക്കാത്ത, മലയാള സിനിമ ഉള്ളടത്തോളം കാലം മലയാളി മറക്കാത്ത പേരാണ് മോഹൻലാൽ.
വിശ്വനാഥൻ നായരുടേയും ശാന്താകുമാരിയുടേയും പുത്രനായി 1960 മേയ് 21-ന് പത്തനംതിട്ട ജില്ലയിലെ ഇലന്തൂരിലാണ് ജനനം. തിരുവനന്തപുരത്തുള്ള മുടവൻമുകളിലെ തറവാട്ടു വീട്ടിലായിരുന്നു മോഹൻലാലിന്റെ കുട്ടിക്കാലം. മുടവൻമുകളിലുള്ള സ്‌കൂളിലാണ് വിദ്യാഭ്യാസകാലം ആരംഭിക്കുന്നത്. തുടർന്ന് തിരുവനന്തപുരം മോഡൽ സ്‌കൂളിലും എംജി കോളേജിലുമായി പഠനം പൂർത്തീകരിച്ചു. മോഹൻലാൽ ആദ്യമായി അഭിനയിച്ച സിനിമ തിരനോട്ടം ആയിരുന്നു. ലാലിന്റെ സുഹൃത്തുക്കളുടെ തന്നെ നിർമ്മാണ സംരംഭമായ ഭാരത് സിനി ഗ്രൂപ്പ് ആണ് ഈ ചിത്രം നിർമ്മിച്ചത്. മോഹൻലാൽ ഈ ചിത്രത്തിൽ ഒരു ഹാസ്യ കഥാപാത്രത്തെയാണ് അവതരിപ്പിച്ചത്. സെൻസർ ബോർഡുമായി ബന്ധപ്പെട്ട ചില തടസ്സങ്ങൾ മൂലം ഈ ചിത്രം പുറത്തിറങ്ങിയില്ല.
മോഹൻലാൽ അഭിനയിച്ച്, പ്രേക്ഷകരുടെ മുന്നിലെത്തിയ ആദ്യത്തെ സിനിമ മഞ്ഞിൽ വിരിഞ്ഞ പൂക്കൾ (1980) ആയിരുന്നു. ആദ്യചിത്രം പുറത്തിറങ്ങുമ്പോൾ മോഹൻലാലിന് 20 വയസ്സായിരുന്നു പ്രായം. ആ ചിത്രത്തിൽ വില്ലൻ വേഷമായിരുന്നു മോഹൻലാലിന്. ശങ്കർ ആയിരുന്നു മോഹൻലാലിന്റെ ആദ്യ ചിത്രത്തിൽ നായക കഥാപാത്രത്തെ അവതരിപ്പിച്ചത്. സംവിധാനം ചെയ്തത് ഫാസിലും.പഴകുന്തോറും വീര്യമേറുന്ന വീഞ്ഞു പോലെയാണ് മലയാളികൾക്ക് മോഹൻലാലെന്ന വികാരം. കണ്ണുകളിലും കൈവിരലുകളിലും അഭിനയം ഒളിപ്പിച്ചു വച്ചിരിക്കുന്ന അതുല്യ പ്രതിഭ. പ്രായഭേദമന്യേ മലയാളികളുടെ പ്രിയപ്പെട്ട ലാലേട്ടൻ. കുസൃതിച്ചിരിയും ചരിഞ്ഞ തോളുമായി ചിരിപ്പിച്ചും കരയിപ്പിച്ചും അമ്പരപ്പിച്ചും ചിന്തിപ്പിച്ചും മോഹൻലാൽ മലയാളി മനസിൽ കുടിയേറി പാർക്കാൻ തുടങ്ങിയിട്ട് കാലങ്ങളേറെയായി.
മഞ്ഞിൽ വിരിഞ്ഞ പൂക്കളിലെ നരേന്ദ്രൻ എന്ന വില്ലനിലൂടെ മോഹൻലാൽ നടന്നു കയറിയത് ഇന്ത്യൻ സിനിമയുടെ മാറിലേക്ക് തന്നെയാണ്. എൺപതുകളിൽ സ്വാഭാവിക അഭിനയത്തിലൂടെ പ്രേക്ഷകരെ അമ്പരപ്പിക്കുകയും തൊണ്ണൂറുകളിൽ ബ്ലോക് ബസ്റ്ററുകളുടെ ഒരു നീണ്ട നിര തന്നെ മലയാളികൾക്ക് സമ്മാനിക്കുകയും ചെയ്തു അദ്ദേഹം.തോമയായും നീലകണ്ഠനായും ജോജിയായും സേതുവായും ജയകൃഷ്ണ‌നായുമൊക്കെ ഓരോ മലയാളികളുടേയും തൊട്ടരികിൽ തന്നെയുണ്ട് എന്നും മോഹൻലാൽ.
2025 മോഹൻലാലിനെ സംബന്ധിച്ച മികച്ചൊരു വർഷം കൂടിയായിരുന്നു. ലോകസിനിമ പ്രേക്ഷകർക്ക് മുന്നിൽ 2025-ൽ രണ്ടു വമ്പൻ ഹിറ്റുകളുമായിട്ടാണ് മോഹൻലാൽ സിനിമകൾ തിയറ്ററുകളിൽ എത്തിയത്. എമ്പുരാൻ, തുടരും എന്നീ ചിത്രങ്ങൾ മോഹൻലാലിൻറെ ഇൻഡസ്ട്രി ഹിറ്റുകളായി മാറി.മോഹൻലാലിനെ സംബന്ധിച്ചിടത്തോളം ബ്ലോക്ക്ബസ്റ്റർ വർഷമാണ് കടന്നുപോകുന്നത്, സമീപകാല ട്രെൻഡുകളെ മറികടന്ന് അദ്ദേഹത്തിന്റെ സിനിമകൾ വമ്പൻ വിജയങ്ങൾ നേടി മുന്നേറി. പൃഥ്വിരാജ് സുകുമാരൻ സംവിധാനം ചെയ്ത ലൂസിഫറിന്റെ രണ്ടാം ഭാഗമായ എമ്പുരാൻ മലയാളം കണ്ടതിൽ വെച്ച് ഏറ്റവും വലിയ പണം വാരി ചിത്രമായി. 265 കോടി രൂപ ആഗോള കളക്ഷനും 325 കോടി രൂപ ആഗോള ബിസിനസിൽ എമ്പുരാൻ സ്വന്തമാക്കി. ഈ വർഷത്തെ ഏറ്റവും കൂടുതൽ കളക്ഷൻ നേടിയ ചിത്രങ്ങളിൽ രണ്ടാം സ്ഥാനമാണ് എമ്പുരാനാണ്.മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്ത തുടരും എന്ന സിനിമ ബോക്സോഫിസിൽ വമ്പൻ വിജയമാണ് കൊയ്തത്. 200 കോടി കടന്ന അഞ്ച് ചിത്രങ്ങളിൽ അഞ്ചാം സ്ഥാനത്താണ് 'തുടരും'. മിന്നുന്ന പ്രകടനമാണ് തുടരും എന്ന സിനിമയിൽ മോഹൻലാൽ കാഴ്ചവെച്ചത്
അഭ്രപാളികളിൽ പകരക്കാരനില്ലാത്ത നായകനായി തുടരുന്ന മലയാളത്തിന്റെ ലാലേട്ടന് നാട്ടുവാർത്താ ടീമിന്റെ ജന്മദിനാശംസകൾ....

മലയാളത്തിന്റെ മോഹൻലാലിന് ഇന്ന്  65-ാം പിറന്നാൾ

ഇളയ മകള്‍ നിറ്റാരയുടെ ഒന്നാം പിറന്നാള്‍ ആഘോഷിച്ച് നടിയും അവതാരകയും ഇന്‍ഫ്‌ളുവന്‍സറുമായ പേളി മാണി.ഫെയറി ടെയ്ല്‍ തീമിലായിരുന്നു നിറ്റാരയുടെ ബെര്‍ത്ത്‌ഡേ പാര്‍ട്ടി. ഡസ്റ്റി കോറല്‍ നിറത്തിലുള്ള ഫ്‌ളെയറുകളുള്ള ഉടുപ്പും കുഞ്ഞിച്ചിറകുകളുമായി ക്യൂട്ട് മാലാഖയുടെ ലുക്കിലായിരുന്നു നിറ്റാര. ബെര്‍ത്ത്‌ഡേ ഗേളിന്റെ ഉടുപ്പിന് മാച്ചിങ്ങായി ഡസ്റ്റി കോറല്‍ നിറത്തില്‍ തന്നെയുള്ള വസ്ത്രങ്ങളാണ് പേളിയും ശ്രീനിഷും മൂത്തമകള്‍ നിലയും ധരിച്ചിരുന്നത്. നിറ്റാരയുടെയും നിലയുടെയും പേളിയുടെയും ഉടുപ്പില്‍ മള്‍ട്ടികളര്‍ ഫ്‌ളവര്‍ എംബലിഷ്‌മെന്റും അറ്റാച്ച് ചെയ്തിട്ടുണ്ട്.
ഫെയറി ടെയ്ല്‍ തീമിലുള്ള കേക്കും ഡെക്കോറുമാണ് ഒരുക്കിയിരിക്കുന്നത്. കുടുംബാംഗങ്ങളും സുഹൃത്തുക്കളും പാര്‍ട്ടിയില്‍ പങ്കെടുത്തു. നടിമാരായ മഞ്ജുവാര്യരും അമലാപോളും നിറ്റാരയുടെ ബെര്‍ത്ത്‌ഡേ പാര്‍ട്ടിക്കെത്തിയിരുന്നു.

നിറ്റാരയുടെ ഒന്നാം പിറന്നാൾ ആഘോഷമാക്കി പേളിയും ശ്രീനിഷും നിലയും

സ്റ്റൈല്‍ മന്നന്‍ രജിനികാന്തിന് 74ാം പിറന്നാള്‍.സൂപ്പര്‍താരങ്ങളുൾപ്പെടെ നിരവധിപേർ അദ്ദേഹത്തിന് ആശംസകളുമായി എത്തി. തമിഴ്‌നാട് മുഖ്യമന്ത്രി എംകെ സ്റ്റാലിനും താരത്തിന് പിറന്നാള്‍ ആശംസകള്‍ നേര്‍ന്നു.
പാല്‍ അഭിഷേകം നടത്തിയും പടക്കം പൊട്ടിച്ചും രജിനികാന്തിന്റെ പിറന്നാള്‍ ആഘോഷമാക്കുകയാണ് ആരാധകര്‍. അദ്ദേഹത്തിന്റെ വലിയ കട്ടൗട്ടുകളും പ്രതിമകളും തെരുവുകളില്‍ ഉയര്‍ന്നു.ശിവാജി റാവു ഗെയ്ക്കവാദ് എന്ന് സാധാരണക്കാരനായ ബസ് കണ്ടക്ടർ സൂപ്പര്‍ സ്റ്റാര്‍ രജിനികാന്തായി മാറിയത് കഠിനാധ്വാനത്തിന്റെ മുള്‍പ്പാത താണ്ടിയാണ്.1975-ൽ കെ. ബാലചന്ദറിന്റെ അപൂർവരാഗങ്ങളിലൂടെയാണ് സിനിമ അരങ്ങേറ്റം.ടിജെ ജ്ഞാനവേല്‍ സംവിധാനം ചെയ്ത വേട്ടയ്യനാണ് രജിനികാന്തിന്റെ അവസാനം റിലീസായ ചിത്രം.&nbsp;

സ്റ്റൈല്‍ മന്നന്‍ രജിനികാന്തിന് 74ാം പിറന്നാള്‍ ;ആഘോഷമാക്കി ആരാധകർ

പാലക്കാട്ടെ യുഡിഎഫ് സ്ഥാനാര്‍ഥി രാഹുല്‍ മാങ്കൂട്ടത്തിലിന് ഇന്ന് പിറന്നാള്‍. പിരായിരി പഞ്ചായത്തില്‍ കൊടുന്തിരപ്പുള്ളിയിലെ ഓഡിറ്റോറിയത്തില്‍ പ്രവര്‍ത്തകര്‍ക്കൊപ്പം കേക്ക് മുറിച്ചാണ് പിറന്നാളാഘോഷിച്ചത്. പാലക്കാട് വെച്ച് തന്നെ ഇനിയുള്ള പിറന്നാളുകളും ആഘോഷിക്കാന്‍ കഴിയുമെന്നാണ് പ്രതീക്ഷിക്കുന്നതെന്ന് രാഹുല്‍ പറഞ്ഞു.
‘നാടിന്‍ നന്മകനെ പൊന്മകനെ’ എന്ന പാട്ട് രാഹുലിനായി പാടികൊണ്ടാണ് റിയാസ് മുക്കോളിയുടെ നേതൃത്വത്തിലുള്ള പ്രവര്‍ത്തകര്‍ ആഘോഷം പൊടിപൊടിച്ചത്. പിറന്നാളാഘോഷത്തില്‍ സന്തോഷമെന്ന് രാഹുല്‍ പറഞ്ഞു. മറ്റ് സ്ഥാനാര്‍ത്ഥികളൊന്നും വിളിച്ചില്ലെങ്കിലും അതില്‍ പരിഭവമില്ലെന്നും അവര്‍ അറിഞ്ഞിട്ടുണ്ടാകില്ലല്ലോ എന്നും രാഹുല്‍ പറഞ്ഞു. നേതാക്കള്‍ വിളിച്ച് ആശംസകള്‍ അറിയിച്ചിരുന്നുവെന്നും അദ്ദേഹം പറഞ്ഞു.ഭവന സന്ദര്‍ശനത്തിനിടയില്‍ പല വീടുകളില്‍ നിന്നും പിറന്നാള്‍ മധുരം ലഭിച്ചുവെന്നും അത് സന്തോഷമുള്ള കാര്യമാണെന്നും രാഹുല്‍ കൂട്ടിച്ചേര്‍ത്തു.

രാഹുല്‍ മാങ്കൂട്ടത്തിലിന് ഇന്ന് പിറന്നാള്‍ ;ആഘോഷമാക്കി പ്രവർത്തകർ

ഉലകനായകൻ കമലഹാസൻ ഇന്ന് സപ്തതിയുടെ നിറവിൽ. ഇന്ത്യൻ സിനിമയിലെ എല്ലാ രംഗത്തും തന്റേതായ കഴിവ് തെളിയില്ല പ്രതിഭയാണ് കമലഹാസൻ. നടൻ,ഗായകൻ, സംവിധായകൻ, നിർമാതാവ്, നൃത്തസംവിധായകൻ, ഗാനരചയിതാവ് എന്നിങ്ങനെ തുടങ്ങി നിരവധി സിനിമേഖലകളിലും താരം വിജയം കുറിച്ചു. 1954ൽ ജനിച്ച കമലഹാസൻ തന്റെ ആറാമത്തെ വയസിലാണ് വെളളിത്തിരയിൽ കളത്തൂർ കണ്ണമ്മ എന്ന ചിത്രത്തിലൂടെയാണ് അരങ്ങേ​റ്റം കുറിച്ചത്.
തമിഴ്നാട്ടിലെ രാമനാഥപുരം ജില്ലയിലെ സാധാരണ തമിഴ് അയ്യങ്കാർ കുടുംബത്തിലാണ് അദ്ദേഹം ജനിച്ചത്. കമലഹാസന്റെ അച്ഛൻ ഡി ശ്രീനിവാസൻ ക്രിമിനൽ അഭിഭാഷകനായിരുന്നു. അമ്മ രാജലക്ഷ്മി. നാല് സഹോദരങ്ങളിൽ ഏറ്റവും ഇളയവനാണ് കമലഹാസൻ. സഹോദരന്മാർ ചാരുഹാസനും ചന്ദ്രഹാസനും. സഹോദരി നളിനി. ജന്മനാടായ രാമനാഥപുരം ജില്ലയിലെ പരമക്കുടിയിൽ പ്രാഥമിക വിദ്യാഭ്യാസം പൂർത്തിയാക്കിയ അദ്ദേഹം ഉന്നത വിദ്യാഭ്യാസത്തിനായാണ് ചെന്നെയിൽ എത്തുന്നത്. ഇഷ്ടമുളള തലത്തിലേക്ക് ഉയരാൻ കമലഹാസന് പൂർണ പിന്തുണ നൽകിയത് ശ്രീനിവാസനായിരുന്നു.കളത്തൂർ കണ്ണമ്മയിലെ അഭിനയത്തിന് മികച്ച ബാലനടനുള്ള രാഷ്ട്രപതിയുടെ സ്വർണ മെഡലും കമല ഹാസൻ സ്വന്തമാക്കി.അഞ്ചിലധികം സിനിമകളിൽ അദ്ദേഹം ബാലതാരമായി വേഷമിട്ടു. അതിലൊന്ന് കണ്ണും കരളും എന്ന മലയാള ചിത്രമാണ്. അതിനുശേഷം നൃത്തസംവിധായകനായ തങ്കപ്പൻ മാസ്റ്ററിന്റെ സഹായിയായി പ്രവർത്തിക്കാനും തുടങ്ങി. പ്രായപൂർത്തിയായതിനുശേഷം സംവിധായകൻ കെ ബാലചന്ദറിന്റെ സിനിമയിലൂടെയാണ് അദ്ദേഹം ആദ്യമായി അഭിനയിച്ചത്. ആ കൂട്ടുക്കെട്ടിൽ 40ൽ അധികം സിനിമകൾ പിറന്നു.മലയാള ചിത്രമായ കന്യാകുമാരി,​ അപൂർവരാഗങ്ങൾ (1975)​,​ മാരോ ചരിത്ര (1978)​,​ഏക് ദുജേ കേലിയേ (1981)​ എന്നിങ്ങനെ വിവിധ ഭാഷകളിൽ റിലീസ് ചെയ്ത വിജയ ചിത്രങ്ങളിലൂടെ കമലഹാസൻ പാൻഇന്ത്യൻ സൂപ്പർ പദവിയിലുമെത്തി. മികച്ച നടനുള്ള നാല് ദേശീയ ചലച്ചിത്ര പുരസ്കാരങ്ങൾ, 19 ഫിലിം ഫെയർ പുരസ്കാരങ്ങൾ, സിനിമയിലെ സംഭാവനകൾക്ക് കലൈമാമണി, പത്മശ്രീ, പദ്മഭൂഷൺ തുടങ്ങി നിരവധി പുരസ്‌ക്കാരങ്ങൾ അദ്ദേഹത്തെ തേടിയെത്തി. 2016ൽ ഫ്രഞ്ച് സർക്കാർ കമലിനെ പ്രശസ്തമായ ഷെവലിയർ ബഹുമതി നൽകി ആദരിച്ചു.
&nbsp;

സപ്തതിയുടെ നിറവിൽ ഉലകനായകൻ കമൽഹാസൻ

നടിയും ഇന്ദ്രജിത്ത്-പൃഥ്വിരാജ് താരപുത്രന്‍മാരുടെ അമ്മയും അന്തരിച്ച നടൻ സുകുമാരന്റെ ഭാര്യയുമായ മല്ലികാ സുകുമാരന്റെ പിറന്നാളാണ് തിങ്കളാഴ്ച. ഇപ്പോൾ, മല്ലികക്ക് ആശംസകൾ അറിയിച്ചിരിക്കുകയാണ് മക്കളായ പൃഥ്വിരാജും ഇന്ദ്രജിത്തും. ''കുടുംബത്തിലെ ഏറ്റവും ഇളയ അം​ഗത്തിന് ജന്മദിനാശംസകൾ, എക്കാലവും അമ്മ 16-കാരിയായി തുടരട്ടെ'', പൃഥ്വിരാജ് സാമൂഹികമാധ്യമങ്ങളിൽ കുറിച്ചു. അമ്മയ്ക്ക് ആശംസകൾ നേർന്നുകൊണ്ട് ഇന്ദ്രജിത്തും ചിത്രങ്ങൾ പങ്കുവെച്ചിട്ടുണ്ട്.
1974ല്‍ ജി അരവിന്ദന്റെ ഉത്തരായനത്തിലൂടെയാണ് മല്ലിക സുകുമാരന്‍ മലയാള സിനിമയിലെത്തുന്നത്. അതേ വര്‍ഷം പുറത്തിറങ്ങിയ സ്വപ്‌നാടനത്തിലൂടെ സംസ്ഥാന ചലച്ചിത്ര അവാര്‍ഡും ലഭിച്ചു. കന്യാകുമാരി, രാഗം, മദനോത്സവം, തൃഷ്ണ, മേഘസന്ദേശം, സ്ഥിതി, അമ്മക്കിളിക്കൂട്, ഛോട്ടാമുംബൈ, തിരക്കഥ, ഇവര്‍ വിവാഹിതരായാല്‍, ടമാര്‍ പടാര്‍, പഞ്ചവര്‍ണതത്ത, ബ്രോ ഡാഡി തുടങ്ങിയ 90 ഓളം ചിത്രങ്ങളില്‍ മല്ലിക തിളങ്ങി.
പെയ്‌തൊഴിയാതെ, ഹരിചന്ദനം, ഇന്ദുമുഖി ചന്ദ്രമതി, അമേരിക്കന്‍ ഡ്രീംസ് തുടങ്ങിയ സീരിയലുകളിലും നിരവധി പരസ്യ ചിത്രങ്ങളിലും മല്ലിക അഭിനയിച്ചു. തമിഴില്‍ മാധവന്റെ 'വാഴ്ത്തുക്കളി'ലൂടെ തമിഴിലുമെത്തിയിരുന്നു.&nbsp;

'എന്നും 16-കാരിയായി തുടരട്ടെ'; മല്ലിക സുകുമാരന്റെ പിറന്നാൾ ആഘോഷമാക്കി കുടുംബം

തിരുവനന്തപുരം: രാജ്യത്തെ ഏറ്റവും തലമുതിര്‍ന്ന കമ്മ്യൂണിസ്റ്റ് നേതാവായ വി.എസ് അച്യുതാനന്ദന് 101-ാം പിറന്നാള്‍.തിരുവനന്തപുരം ബാര്‍ട്ടണ്‍ ഹില്ലില്‍ മകന്‍ അരുണ്‍ കുമാറിന്റെ വീട്ടില്‍ പൂര്‍ണവിശ്രമ ജീവിതത്തിലാണ് ഇപ്പോൾ വി.എസ്.
പിറന്നാളുകള്‍ ആഘോഷിക്കാറില്ലെങ്കിലും ഞായറാഴ്ച്ച ഭാര്യ വസുമതിയുടേയും അരുണ്‍ കുമാറിന്റേയും നേതൃത്വത്തില്‍ കേക്കുമുറിക്കും. മകള്‍ ആശയും കുടുംബവുമെത്തും. ഡോക്ടര്‍മാര്‍ നിര്‍ദേശിച്ചത് അനുസരിച്ച് സന്ദര്‍ശക വിലക്കുണ്ട്. മുഖ്യമന്ത്രി, പ്രതിപക്ഷ നേതാവ്, സിപിഎം സംസ്ഥാന സെക്രട്ടറി, പോളിറ്റ്ബ്യൂറോ അംഗം, എല്‍ഡിഎഫ് കണ്‍വീനര്‍ എന്നിങ്ങനെ നിരവധി പദവികളാണ് ഇടതുരാഷ്ട്രീയത്തില്‍ വിഎസ് വഹിച്ചത്. നാല് വര്‍ഷം മുമ്പുണ്ടായ പക്ഷാഘാതമാണ് വിഎസിനെ വിശ്രമജീവിതം നയിക്കാന്‍ നിര്‍ബന്ധിതനാക്കിയത്.
കേരള രാഷ്ട്രീയത്തില്‍ പ്രതിരോധത്തിന്‍റെ മറുപേരാണ് സഖാവ് വിഎസ് അച്ചുതാനന്ദന്‍. ത്യാഗസുരഭിലമായ ജീവിതത്തിലൂടെ കമ്മ്യൂണിസ്റ്റ് പ്രസ്ഥാനം കെട്ടിപ്പടുക്കാന്‍ മുന്നില്‍ നിന്ന അതുല്യനായ നേതാവ്. കുട്ടിക്കാലം മുതല്‍ തന്നെ അതികഠിനമായ ജീവിത സാഹചര്യങ്ങള്‍ തരണം ചെയ്തത് കൊണ്ടാകണം, ഒന്നിനോടും അയാള്‍ സമരസപ്പെട്ടില്ല. അഴിമതിക്കെതിരെ അദ്ദേഹം സധൈര്യം പോരാടി. അസമത്വങ്ങള്‍ക്കെതിരെ മല്ലടിച്ചു. എണ്ണമറ്റ തൊഴിലാളി സമരങ്ങളിലൂടെയും ഐതിഹാസികമായ പുന്നപ്ര വയലാര്‍ സമരത്തിലൂടെയുമെല്ലാം അദ്ദേഹം കേരളജനതയുടെ മനസിലിടം നേടി.
വിപ്ലവസൂര്യന് നാട്ടുവാർത്താ ടീമിന്റെ പിറന്നാൾ ആശംസകൾ

വിപ്ലവ നക്ഷത്രത്തിന് 101 ;പിറന്നാൾ നിറവിൽ വി.എസ് അച്യുതാനന്ദന്‍

മലയാളത്തിന്റെ പ്രിയ താരം പൃഥ്വിരാജ് സുകുമാരന് ഇന്ന് 42-ാം പിറന്നാൾ.ചുരുങ്ങിയ കാലയളവിൽ തന്നെ നടനും നിർമ്മാതാവും സംവിധായകനും ഗായകനുമൊക്കെയായി മലയാളത്തില്‍ തൻ്റതായ വ്യക്തിമുദ്ര പതിപ്പിച്ച താരമാണ് പൃഥ്വിരാജ്.
പൃഥ്വിരാജിന്റെ പിറന്നാളിനോടനുബന്ധിച്ച് എമ്പുരാൻസിനിമയുടെ കാരക്റ്റർ പോസ്റ്റർ പോസ്റ്റർ പുറത്തിറക്കിയിരിക്കുകയാണ്.മലയാളസിനിമ കാത്തിരിക്കുന്ന വമ്പൻ ചിത്രങ്ങളിലൊന്നാണ് പൃഥ്വിരാജ് സംവിധാനംചെയ്ത് മോഹൻലാൽ നായകനാവുന്ന എമ്പുരാൻ. പൃഥ്വിരാജിന്റെ കന്നിസംവിധാന സംരംഭമായിരുന്ന ലൂസിഫറിന്റെ രണ്ടാംഭാ​ഗമായി വലിയ ക്യാൻവാസിലാണ് ചിത്രം ഒരുങ്ങുന്നത്. ലൂസിഫർ എന്ന ചിത്രത്തിൽ സയിദ് മസൂദ് എന്ന കഥാപാത്രത്തെയാണ് പൃഥ്വിരാജ് അവതരിപ്പിച്ചത്. ഈ വേഷത്തിൽ പൃഥ്വിരാജ് എമ്പുരാനിലുമുണ്ടാവും. മസൂദിനെ അവതരിപ്പിച്ചുകൊണ്ടുള്ള പോസ്റ്റർ മോഹൻലാൽ പുറത്തിറക്കി.&nbsp;

പിറന്നാൾ നിറവിൽ പൃഥിരാജ് സുകുമാരൻ ;എമ്പുരാന്റെ പോസ്റ്റർ പുറത്തിറക്കി

നടന്‍ സിദ്ദീഖിന്റെ പിറന്നാള്‍ ആഘോഷിച്ച് കുടുംബം. 'ഹാപ്പി ബെര്‍ത്ത് ഡേ വാപ്പിച്ചി' എന്ന് കുറിച്ചുകൊണ്ടാണ്ട് മകന്‍ ഷഹീന്‍ സിദ്ദിഖ് ആണ് ഇന്‍സ്റ്റഗ്രാമില്‍ ചിത്രങ്ങള്‍ പോസ്റ്റ് ചെയ്തിരിക്കുന്നത്.
ഷഹീനും ഭാര്യയും മകളും സിദ്ദിഖും അടക്കമുള്ളവര്‍ ചിത്രങ്ങളിലുണ്ട്. ഷഹീന് ഈയിടെയാണ് മകള്‍ പിറന്നത്. കുട്ടിയുടെ നൂലുകെട്ടല്‍ ചടങ്ങിലെ ചിത്രങ്ങളും പങ്കുവെച്ചിട്ടുണ്ട്.
യുവനടിയെ ബലാത്സംഗം ചെയ്തെന്ന കേസിൽ കഴിഞ്ഞദിവസമാണ് സുപ്രീംകോടതി സിദ്ദീഖിന് ജാമ്യം അനുവദിച്ചത്. കേസില്‍ ഹൈക്കോടതി മുന്‍കൂര്‍ ജാമ്യം നിഷേധിച്ചതിന് പിന്നാലെ സിദ്ദിഖ് ഒളിവില്‍ പോയിരുന്നു.

ഹാപ്പി ബെര്‍ത്ത് ഡേ വാപ്പിച്ചി'; സിദ്ദിഖിന് വീട്ടില്‍ പിറന്നാളാഘോഷം

ന്യൂഡൽഹി: മുൻ പ്രധാനമന്ത്രി ഡോ. മൻമോഹൻ സിങ്ങിന് ഇന്ന് 92-ാം പിറന്നാൾ. പ്രധാനമന്ത്രി നരേന്ദ്ര മോദി, പ്രതിപക്ഷനേതാവ് രാഹുൽ ഗാന്ധി തുടങ്ങിയവർ അദ്ദേഹത്തിന് ആശംസയറിയിച്ചു. ആരോഗ്യത്തോടെ ദീർഘായുസ് ഉണ്ടാവട്ടെ എന്ന് പ്രധാനമന്ത്രി ആശംസാ സന്ദേശത്തിൽ പറഞ്ഞു.
പ്രതിപക്ഷനേതാവ് രാഹുൽ ഗാന്ധിയും മൻമോഹൻ സിങ്ങിനെ ആശംസയറിയിച്ചു. ''ജന്മദിനാശംകൾ മൻമോഹൻ ജി, നമ്മുടെ രാജ്യത്തിന്റെ ഭാവി രൂപപ്പെടുത്തുന്നതിൽ നിങ്ങളുടെ വിനയവും വിവേകവും നിസ്വാർഥ സേവനവും എന്നെയും ദശലക്ഷക്കണക്കിന് ഇന്ത്യക്കാരെയും പ്രചോദിപ്പിക്കുന്നു. നിങ്ങൾക്ക് എല്ലായ്‌പ്പോഴും നല്ല ആരോഗ്യവും സന്തോഷവും നേരുന്നു!''-രാഹുൽ എക്‌സിൽ കുറിച്ചു.

മുൻ പ്രധാനമന്ത്രി ഡോ.മൻമോഹൻ സിങ്ങിന് ഇന്ന് 92-ാം പിറന്നാൾ

40-ാം പിറന്നാള്‍ ദിനത്തില്‍ സോഷ്യല്‍ മീഡിയയില്‍ കുറിപ്പ് പങ്കുവെച്ച് നടി കാവ്യ മാധവന്‍. വെള്ള നിറത്തിലുള്ള സല്‍വാര്‍ സ്യൂട്ട്‌ധരിച്ച്, കൈയിലൊരു താമരയും പിടിച്ചുള്ള ചിത്രവും കുറിപ്പിനൊപ്പം കാവ്യ ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്.
'ശാന്തമായ, സമാധാനം നിറഞ്ഞ മറ്റൊരു മനോഹരമായ വര്‍ഷം ആഘോഷിക്കുന്നു. എല്ലാവരും എനിക്ക് അയച്ച സ്‌നേഹാശംസകള്‍ക്ക് നന്ദി'- കാവ്യ ഇന്‍സ്റ്റഗ്രാമില്‍ കുറിച്ചു. കാവ്യയുടെ ക്ലോത്തിങ് ബ്രാന്‍ഡായ 'ലക്ഷ്യ'യുടെ സല്‍വാറാണ് താരം പിറന്നാള്‍ ദിനത്തില്‍ ധരിച്ചത്.
&nbsp;ഓണാശംസകള്‍ നേര്‍ന്ന് പങ്കുവെച്ച ചിത്രത്തിലും കാവ്യ മാധവന്‍ ലക്ഷ്യയുടെ സാരിയാണ് ധരിച്ചത്. ദിലീപും മക്കളായ മീനാക്ഷിയും മഹാലക്ഷ്മിയും ലക്ഷ്യയുടെ ഔട്ട്ഫിറ്റുകള്‍ തന്നെയാണ് തെരഞ്ഞെടുത്തത്.&nbsp;

'ശാന്തമായ, സമാധാനം നിറഞ്ഞ മറ്റൊരു വര്‍ഷം കൂടി'; 40-ാം പിറന്നാൾ നിറവിൽ കാവ്യ മാധവന്‍

ന്യൂഡൽഹി: പ്രധാനമന്ത്രി നരേന്ദ്ര മോദിക്ക് ഇന്ന് 74ാം പിറന്നാൾ. മോദിയുടെ ജന്മദിനത്തോടനുബന്ധിച്ച് പ്രത്യേക ആഘോഷങ്ങൾ ഒന്നുമില്ലെങ്കിലും ബിജെപി എല്ലാക്കൊല്ലവും സംഘടിപ്പിക്കുന്ന 'സേവാ പർവ്' എന്ന രണ്ടാഴ്‌ച നീണ്ടുനിൽക്കുന്ന ഉത്സവത്തിന് ഇന്ന് തുടക്കമാവും. പ്രധാനമന്ത്രിയുടെ പ്രവർത്തനങ്ങളാണ് ഈ അവസരത്തിൽ ഉയർത്തിക്കാട്ടുന്നത്.ജന്മദിനമായ ഇന്ന് ഭുവനേശ്വറിലെ ഗഡകാനയിൽ 26 ലക്ഷം പിഎം ആവാസ് യോജന വീടുകൾ പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യും. ചടങ്ങിനുശേഷം പിഎം ആവാസ് യോജനയുടെ ഗുണഭോക്താക്കളുമായി പ്രധാനമന്ത്രി സംവദിക്കും. തുടർന്ന് ഭുവനേശ്വറിലെ ജനതാ മൈതാനത്തിലെത്തുന്ന അദ്ദേഹം സുഭദ്ര യോജന ഔദ്യോഗികമായി ഉദ്ഘാടനം ചെയ്യും.
രാഷ്ട്രപതി ദ്രൗപതി മുർമു, കേന്ദ്ര ആഭ്യന്തര മന്ത്രി അമിത് ഷാ, കേന്ദ്ര പ്രതിരോധ മന്ത്രി രാജ്‌നാഥ് സിംഗ്, ബിജെപി മേധാവി ജെപി നദ്ദ, എഎപി നേതാവ് അരവിന്ദ് കേജ്‌രിവാൾ, കോൺഗ്രസ് അദ്ധ്യക്ഷൻ മല്ലികാർജുൻ ഖാർഖെ, തമിഴ്‌നാട് മുഖ്യമന്ത്രി എംകെ സ്റ്റാലിൻ, ത്രിപുര മുഖ്യമന്ത്രി മണിക് സാഹ, മഹാരാഷ്ട്ര മുഖ്യമന്ത്രി ഏക്‌നാഥ് ഷിൻഡെ തുടങ്ങിയ പ്രമുഖർ പ്രധാനമന്ത്രിക്ക് ജന്മദിനാശംസകൾ നേർന്നു.

74ാം പിറന്നാൾ നിറവിൽ പ്രധാനമന്ത്രി നരേന്ദ്ര മോദി

മലയാളത്തിന്റെ അഭിമാനം മമ്മൂട്ടിക്ക് ഇന്ന് 73ന്റെ നിറവ്. കൊച്ചിയിലെ വീട്ടിൽ ഭാര്യ സുൽഫത്ത്,​ മകൻ ദുൽഖർ സൽമാൻ,​ മകൾ സുറുമി അടക്കമുള്ള കുടുംബാംഗങ്ങൾ ലളിതമായ പിറന്നാൾ ആഘോഷത്തിലുണ്ടാകും.&nbsp;
1951 സെപ്റ്റംബർ 7-ന് ആലപ്പുഴ ജില്ലയിലെ ചന്തിരൂർ എന്ന സ്ഥലത്താണ് മമ്മൂട്ടിയുടെ ജനനം. കോട്ടയം ജില്ലയിലെ വൈക്കത്തിനടുത്തുള്ള ചെമ്പ് എന്ന സ്ഥലത്തായിരുന്നു അദ്ദേഹം വളർന്നത്. ബാപ്പ ഇസ്മയിലും, ഉമ്മ ഫാത്തിമയുമടങ്ങുന്ന ഒരു സാധാരണ മുസ്ലീം കുടുംബം. ഇസ്മയിൽ-ഫാത്തിമ ദമ്പതികളുടെ മൂത്ത മകനാണ് മമ്മൂട്ടി. പ്രശസ്ത ചലച്ചിത്ര-സീരിയൽ നടൻ ഇബ്രാഹിംകുട്ടി, സക്കറിയ, ആമിന, സൗദ, ഷഫീന എന്നിവരാണ് സഹോദരങ്ങൾ. ആലപ്പുഴ ജില്ലയിലെ എരമല്ലൂരിനടുത്തുള്ള ചന്തിരൂരിലായിരുന്നു (ഉമ്മയുടെ നാട്) സ്കൂൾ വിദ്യാഭ്യാസം. പഠിക്കുന്ന കാലത്തും കലാകായിക രംഗങ്ങളിൽ സജീവമായിരുന്നു മമ്മൂട്ടി. കൊച്ചിയിലെ മഹാരാജാസ് കോളേജിൽ നിന്നാണ് ബിരുദം നേടിയത്. തുടർന്ന് എറണാകുളത്തുള്ള ഗവൺമെന്റ് ലോകോളേജിൽ നിന്ന് അഭിഭാഷകനായി പുറത്തിറങ്ങിയ മമ്മൂട്ടി, മഞ്ചേരിയിൽ അഡ്വക്കേറ്റ് ശ്രീധരൻ നായരുടെ ജൂനിയർ അഭിഭാഷകനായി രണ്ടു വർഷം സേവനമനുഷ്ഠിച്ചിട്ടുണ്ട്. വക്കീൽ ജോലിക്കിടയിലും അഭിനയമോഹം അയാളെ വല്ലാതെ ഭ്രമിപ്പിച്ചിരുന്നു. പത്രത്തിലും മാസികയിലും ആയി സിനിമയിൽ നഭിനയിക്കാൻ താൽപ്രായമുണ്ടെന്ന തലക്കെട്ടെടോ തന്റെ ഫോട്ടോ പരസ്യം കൊടുക്കൽ ആയിരുന്നു അദ്ദേഹത്തിടെ പ്രധാന ജോലി. അതിനുള്ള ഫലം അതികം വൈകാതെ തന്നെ സംഭവിച്ചു 1971ൽ അനുഭവങ്ങൾ പാളിച്ചകളിലൂടെ മമ്മൂട്ടി അരങ്ങേറി. തുടക്കത്തിൽ അപ്രധാനമായ വേഷങ്ങളിലൂടെ ആണ് സാന്നിദ്ധ്യമറിയിച്ചതെങ്കിലും പിന്നീട് കഠിനാദ്ധ്വാനം കൊണ്ട് അഭിനയലോകത്തു സ്ഥാനം നേടിയെടുക്കാൻ മമ്മൂട്ടിക്കു സാധിച്ചു. എം.ടി. വാസുദേവൻ നായർ കഥയും തിരക്കഥയും സംഭാഷണവുമെഴുതി സംവിധാനം ചെയ്ത ദേവലോകം എന്ന മലയാളചലച്ചിത്രമാണ് മമ്മൂട്ടി പ്രധാന വേഷത്തിൽ അഭിനയിച്ച ആദ്യത്തെ ചലച്ചിത്രം, എന്നാൽ ഈ ചിത്രത്തിന്റെ ചിത്രീകരണം പൂർത്തിയായില്ല. കെ. ജി. ജോർജ് സംവിധാനം ചെയ്ത മേള എന്ന ചിത്രമാണ് മമ്മൂട്ടിയിലെ അഭിനേതാവിനെ ശ്രദ്ധേയനാക്കിയത്.
കടന്നുവന്ന പതിറ്റാണ്ടുകളോ കഥാപാത്രങ്ങളും ഒന്നും മമ്മൂട്ടി എന്ന നടന് അഭിനയത്തോടുള്ള അഭിനിവേശം കെടുത്തുന്നില്ല. ഇന്നും തുടരുന്ന അയാളുടെ വ്യത്യസ്തത തേടിയുള്ള കഥാപാത്ര തിരഞ്ഞെടുപ്പുകൾ അതിനു തെളിവാണ്.പിറന്നാൾ പുലരിയ്ക്ക് മണിക്കൂറുകൾക്ക് മുൻപ് തന്നെ സോഷ്യൽ മീഡിയ മമ്മൂട്ടിയുടെ പിറന്നാളാശംസാ പോസ്റ്റുകൾ കൊണ്ട് നിറഞ്ഞിരുന്നു.&nbsp;

മെഗാസ്റ്റാറിന് നാട്ടുവാർത്താ ടീമിന്റെ ജന്മദിനാശംസകൾ

73 ന്റെ നിറവിൽ മെഗാസ്റ്റാർ ;മമ്മൂട്ടിക്ക് ഇന്ന് പിറന്നാൾ

അമ്മ ശാന്തകുമാരിയുടെ പിറന്നാൾ ആഘോഷമാക്കി മോഹൻലാൽ.ആന്റണി പെരുമ്പാവൂർ, മേജർ രവി തുടങ്ങിയ സുഹൃത്തുക്കളുടെയും അടുത്ത ബന്ധുക്കളുടെയും സാന്നിധ്യത്തിൽ കൊച്ചി എളമക്കരയിലെ വീട്ടിൽ വച്ചായിരുന്നു ആഘോഷം നടന്നത്. ലളിതമായ പിറന്നാൾ ആഘോഷത്തിന്റെ ചിത്രങ്ങളും വിഡിയോയും സമൂഹമാധ്യമങ്ങളിൽ ഇടംപിടിച്ചിട്ടുണ്ട്.
പ്രശസ്ത ഹിന്ദി റിയാലിറ്റി ഷോയായ സൂപ്പർസ്റ്റാർ സിങ്ങർ 3 ലെ വിജയിയായ കുഞ്ഞുഗായകൻ ആവിർഭവ് മോഹൻലാലിന്റെ അമ്മക്ക് വേണ്ടി ഗാനം ആലപിച്ചു. കഴിഞ്ഞ കുറച്ചു നാളുകളായി ആരോഗ്യപ്രശ്നങ്ങളാൽ ചികിത്സയിലാണ് മോഹൻലാലിന്റെ അമ്മ. ലോകത്തിന്റെ ഏതു കോണിലാണെങ്കിലും അമ്മയുടെ പിറന്നാൾ ദിനം മോഹൻലാൽ അമ്മക്കൊപ്പം എളമക്കരയിലെ വീട്ടിലുണ്ടാകും. ഭാര്യ സുചിത്ര‍യും മകനും നടനുമായ പ്രണവും മോഹൻലാലിനൊപ്പം ഉണ്ടായിരുന്നു.

അമ്മയുടെ പിറന്നാൾ ആഘോഷമാക്കി മോഹൻലാലും കുടുംബവും

മലയാളത്തിന്റെ വാനമ്പാടി കെ.എസ് ചിത്രയ്ക്കിന്ന് അറുപത്തിയൊന്നാം പിറന്നാള്‍. എത്ര കേട്ടാലും മതിവരാത്ത ഗാനങ്ങള്‍ ലോകത്തിന് സമ്മാനിച്ച ചിത്രയ്ക്ക് സംഗീത ലോകവും ആരാധകരും ആശംസകള്‍ നേർന്നുകൊണ്ട് എത്തുകയാണ്.&nbsp;
1979-ല്‍ എം.ജി രാധാകൃഷ്ണന്‍ സംഗീത സംവിധാനം നിര്‍വഹിച്ച 'അട്ടഹാസം' എന്ന ചിത്രത്തിലൂടെയായിരുന്നു പിന്നണി ഗാനരംഗത്ത് ചിത്ര അരങ്ങേറ്റം കുറിച്ചത്. ഒരു വര്‍ഷത്തിന് ശേഷമാണ് ആ ചിത്രം പുറത്തിറങ്ങിയത്. പത്മരാജന്‍ സംവിധാനം ചെയ്ത നവംബറിന്റെ നഷ്ടം എന്ന ചിത്രത്തിലെ 'അരികിലോ അകലെയോ..' ആണ് ആദ്യം പുറത്തിറങ്ങിയ ഗാനം. 'ഞാന്‍ ഏകനാണ്' എന്ന ചിത്രത്തിനു വേണ്ടി എം.ജി രാധാകൃഷ്ണന്‍ സംഗീതമൊരുക്കിയ 'രജനീ പറയൂ...' എന്ന ഗാനമാണ് ചിത്രയുടെ ആദ്യ സോളോ ഹിറ്റ്.. 1983-ല്‍ പുറത്തിറങ്ങിയ മാമ്മാട്ടിക്കുട്ടിയമ്മ എന്ന ചിത്രത്തിലെ 'ആളൊരുങ്ങി അരങ്ങൊരുങ്ങി' എന്ന ഗാനം ഹിറ്റ് ആയതോടെ ചിത്രയെ തേടി നിരവധി അവസരങ്ങള്‍ എത്തി . മലയാളം, തമിഴ്, തെലുങ്ക്, കന്നഡ, ഒറിയ, ഹിന്ദി, ബംഗാളി, അസമീസ് തുടങ്ങി വിവിധ ഭാഷകളിലായി 15,000ത്തിലേറെ ഗാനങ്ങള്‍ ചിത്ര പാടിയിട്ടുണ്ട്.
ആറ് ദേശീയ പുരസ്‌കാരങ്ങളാണ് ചിത്രയെ തേടിയെത്തിയത്. 1986-ല്‍ പുറത്തിറങ്ങിയ 'സിന്ധുഭൈരവി' എന്ന ചിത്രത്തിലെ 'പാടറിയേ പഠിപ്പറിയേ' എന്ന ഗാനത്തിലൂടെയാണ് ചിത്രയ്ക്ക് ആദ്യമായി ദേശീയ പുരസ്‌കാരം ലഭിക്കുന്നത്. 1987 ല്‍ 'നഖക്ഷതങ്ങള്‍' ചിത്രത്തിലെ 'മഞ്ഞള്‍ പ്രസാദവും' എന്ന ഗാനത്തിന് രണ്ടാമത്തെ ദേശീയ പുരസ്‌കാരവും ചിത്രയെ തേടിയെത്തി. 1989 ല്‍ വൈശാലി എന്ന ചിത്രത്തിലെ 'ഇന്ദുപുഷ്പം ചൂടി നില്‍ക്കും' എന്ന ഗാനത്തിന് മൂന്നാമത്തെ ദേശീയ പുരസ്‌കാരം ചിത്രയെ തേടിയെത്തി. 'മിന്‍സാരക്കനവ്' എന്ന തമിഴ് ചിത്രത്തിലെ 'മാന മധുരൈ' എന്ന ഗാനത്തിലൂടെ 1996 ല്‍ ചിത്രയ്ക്ക് നാലാമത്തെ ദേശീയ പുരസ്‌കാരം ലഭിച്ചു. 1997 ല്‍ ഹിന്ദി ചിത്രം 'വിരാസത്തി'ലെ 'പായലേ ചുന്‍ മുന്‍' എന്ന ഗാനത്തിനായിരുന്നു അഞ്ചാമത്തെ ദേശീയ പുരസ്‌കാരം. 2004 ല്‍ തമിഴ് ചിത്രം ഓട്ടോഗ്രാഫിലെ 'ഒവ്വൊരു പൂക്കളുമേ' എന്ന ഗാനത്തിലൂടെ ചിത്രയ്ക്ക് ആറാമത്തെ ദേശീയ പുരസ്‌കാരവും ലഭിച്ചു.16 സംസ്ഥാന പുരസ്‌കാരങ്ങള്‍ക്ക് പുറമെ തമിഴ്നാട്, ആന്ധ്ര, കര്‍ണാടക, ഒറീസ സര്‍ക്കാരിന്റെയും പുരസ്‌കാരങ്ങള്‍ ചിത്രയെ തേടിയെത്തി. 2005ല്‍ പത്മശ്രീ പുരസ്‌കാരം നല്‍കി രാജ്യവും ചിത്രയെ ആദരിച്ചു.

മലയാളികളുടെ വാനമ്പാടിക്ക് നാട്ടുവാർത്താ ടീമിന്റെ ജന്മദിനാശംസകൾ

പിറന്നാൾ നിറവിൽ മലയാളത്തിന്റെ വാനമ്പാടി

കോഴിക്കോട്: മലയാളത്തിന്റെ പ്രിയപ്പെട്ട എഴുത്തുകാരന്‍ എം.ടി. വാസുദേവന്‍ നായര്‍ക്ക് വെള്ളിയാഴ്ച പിറന്നാള്‍. നക്ഷത്രപ്രകാരം കര്‍ക്കടകത്തിലെ ഉത്രട്ടാതിയാണ് അദ്ദേഹത്തിന്റെ പിറന്നാള്‍. കാര്യമായി ആഘോഷിക്കുന്ന പതിവില്ലാത്ത എം.ടി. ഇത്തവണ ഉത്രട്ടാതി നാളില്‍ ആശുപത്രിയിലായിരിക്കും.
ശാരീരികാസ്വാസ്ഥ്യത്തെത്തുടര്‍ന്നാണ് അദ്ദേഹത്തെ ബേബി മെമ്മോറിയല്‍ ആശുപത്രിയില്‍ പ്രവേശിപ്പിച്ചത്. ശ്വാസതടസ്സവും ദേഹാസ്വാസ്ഥ്യവും അനുഭവപ്പെട്ട അദ്ദേഹത്തിന്റെ ആരോഗ്യനില പിറ്റേന്നുതന്നെ മെച്ചപ്പെട്ടുതുടങ്ങിയിരുന്നു.ജൂലായ് 15-നായിരുന്നു എം.ടി.യുടെ 91-ാം ജന്മദിനം.

കര്‍ക്കിടകത്തിലെ ഉത്രട്ടാതി; എം.ടിക്ക് പിറന്നാള്‍ ആശുപത്രിയില്‍

Kozhikode

എം.ടി. വാസുദേവൻ നായർ ഇന്ന് 91ാം പി​റ​ന്നാ​ളിന്റെ തിളക്കത്തിലാണ്. മാ​ട​ത്ത് തെ​ക്കേ​പ്പാ​ട്ട് വാ​സു​ദേ​വ​ൻ നാ​യ​ർ എ​ന്ന എം.​ടി. വാ​സു​ദേ​വ​ൻ നാ​യ​ർ 1933 ജൂ​ലൈ 15ന് കൂ​ട​ല്ലൂ​രി​ലാ​ണ് ജ​നി​ച്ച​ത്. ജന്മനക്ഷത്രമായ കർക്കടകത്തിലെ ഉത്തൃട്ടാതി ഈ മാസം 26നാണ്. പിറന്നാളുകളൊന്നും എം.ടി. ആഘോഷമാക്കാറില്ല. ഒപ്പം അടുത്ത ബന്ധുക്കൾ മാത്രം. ചെറിയൊരു ഊണ്. കഴിഞ്ഞ വർഷം അദ്ദേഹത്തിന്റെ നവതി മലയാളക്കരയാകെ ഉത്സവമായാണ് കൊണ്ടാടിയത്.
പിറന്ന നാടായ കൂടല്ലൂര്‍ വിട്ട്, 68 വര്‍ഷംമുന്‍പാണ് എം.ടി. കോഴിക്കോടിന്റെ സ്വന്തമായത്.നടക്കാവ് കൊട്ടാരം റോഡിലെ ‘സിതാര'യില്‍നിന്നുള്ള വാക്കും പ്രവൃത്തിയും മലയാളി കാതോർക്കാൻ തുടങ്ങിയിട്ട് പതിറ്റാണ്ടുകളായി. നോ​വ​ലി​സ്റ്റ്‌, തി​ര​ക്ക​ഥാ​കൃ​ത്ത്‌, ച​ല​ച്ചി​ത്ര സം​വി​ധാ​യ​ക​ൻ, സാ​ഹി​ത്യ​കാ​ര​ൻ, നാ​ട​ക​കൃ​ത്ത് എ​ന്നി​ങ്ങ​നെ ഏ​റെ വി​ശേ​ഷ​ണ​ങ്ങ​ൾ​കൊ​ണ്ട് ധ​ന്യ​മാ​ക്കി​യ ജീ​വി​ത​ത്തി​ൽ​നി​ന്ന് മ​ല​യാ​ളി​ക്ക് വേ​ണ്ടു​വോ​ളം പ്ര​ണ​യ​വും നൊ​മ്പ​ര​ങ്ങ​ളും ആ​ന​ന്ദ​വും ക​ഥാ​പാ​ത്ര​ങ്ങ​ളി​ലൂ​ടെ മ​നു​ഷ്യ​ഹൃ​ദ​യ​ങ്ങ​ളി​ലേ​ക്ക് ഒ​ഴു​കി​യെ​ത്തി. നാ​ലു​കെ​ട്ട്, കാ​ലം, അ​സു​ര​വി​ത്ത്, ര​ണ്ടാ​മൂ​ഴം, മ​ഞ്ഞ് തു​ട​ങ്ങി​യ അ​ന​ശ്വ​ര സൃ​ഷ്ടി​ക​ള്‍ സാ​ഹി​ത്യ​ലോ​ക​ത്തെ പു​ഷ്ടി​പ്പെ​ടു​ത്തി.
‘പാ​തി​രാ​വും പ​ക​ൽ​വെ​ളി​ച്ച​വും’ ആ​ണ് ആ​ദ്യ​നോ​വ​ലെ​ങ്കി​ലും ആ​ദ്യം പ്ര​സി​ദ്ധീ​ക​രി​ച്ച​ത് 23ാം വ​യ​സ്സി​ൽ പൂ​ർ​ത്തി​യാ​ക്കി​യ ‘നാ​ലു​കെ​ട്ടാ’​ണ് (1954). ടി. ​നാ​രാ​യ​ണ​ന്‍ നാ​യ​രു​ടെ​യും തെ​ക്കേ​പ്പാ​ട്ട് അ​മ്മാ​ളു​അ​മ്മ​യു​ടെ​യും മ​ക​നാ​യി ജ​നി​ച്ച എം.​ടി പാ​ല​ക്കാ​ട് വി​ക്ടോ​റി​യ കോ​ള​ജി​ൽ നി​ന്നാ​ണ് ബി​രു​ദം നേ​ടി​യ​ത്. പ്ര​ശ​സ്ത ന​ര്‍ത്ത​കി ക​ലാ​മ​ണ്ഡ​ലം സ​ര​സ്വ​തി​യാ​ണ് ഭാ​ര്യ. മ​ക്ക​ള്‍: സി​താ​ര, അ​ശ്വ​തി.
പ്രിയപ്പെട്ട എഴുത്തുകാരന് ഹൃദ്യമായ ജന്മദിനാശംസകള്‍.

മലയാളത്തിന്റെ അക്ഷരകുലപതിക്ക്  ഇന്ന് പിറന്നാള്‍മധുരം ;91 ന്റെ നിറവിൽ എം.​ടി.

ചലച്ചിത്ര താരത്തിൽ നിന്ന് കേന്ദ്രമന്ത്രി പദത്തിലേക്ക് സുരേഷ് ഗോപി സഞ്ചരിച്ച യാത്ര വളരെ വലുതാണ്. അതുകൊണ്ട് തന്നെ ഈ ജന്മദിനം അദ്ദേഹത്തിന് ഏറെ പ്രിയപ്പെട്ടതും ജീവിതത്തിലെ നിർണായക കാലഘട്ടവുമാണ്.താരത്തിന്റെ അറുപത്തിയാറാം പിറന്നാളാണ് ഇന്ന്&nbsp;
കഴിഞ്ഞ അഞ്ച് വര്‍ഷവും തോറ്റ എംപിയായി തൃശൂരില്‍ തന്നെ തുടര്‍ന്ന സുരേഷ് ഗോപി ശക്തരായ എതിർ സ്ഥാനാർത്ഥികളായ വി എസ് സുനില്‍ കുമാറിനെയും കെ മുരളീധരനെയും തോല്‍പ്പിച്ചുകൊണ്ട് പറഞ്ഞതുപോലെ തൃശൂര്‍ അങ്ങെടുത്തു. അതിലൂടെ കേന്ദ്രമന്ത്രി പദവും.
കൊല്ലത്ത് ലക്ഷ്‌മി ഫിലിംസ് ഉടമ കെ ഗോപിനാഥൻ പിളളയുടെയും ജ്‌ഞാനലക്ഷ്‌മിയുടെയും പുത്രനായി 1958 ലായിരുന്നു സുരേഷ് ഗോപിയുടെ ജനനം. സുരേഷ് ജി നായര്‍ എന്ന പേര് സുരേഷ് ഗോപിയെന്ന് മാറ്റിയത് സംവിധായകന്‍ കെ ബാലാജിയാണ്. മലയാള സിനിമയ്ക്ക് പരിചയപ്പെടുത്തുന്നതും അദ്ദേഹം തന്നെ. 1965 ൽ 'ഓടയിൽ നിന്ന്' എന്ന ചിത്രത്തില്‍ ബാലതാരമായെങ്കിലും ബാലാജിയുടെ 'നിരപരാധികള്‍' എന്ന ചിത്രത്തിലൂടെയാണ് താരം മുൻനിരയിലേക്കെത്തുന്നത്.
ശേഷം സത്യന്‍ അന്തിക്കാടിന്റെ 'ടി പി ബാലഗോപാലന്‍ എം എ', ശങ്കരന്‍ നായരുടെ 'കാബറേ ഡാന്‍സര്‍', 'ഒന്നു മുതല്‍ പൂജ്യം വരെ' എന്നീ സിനിമകളിൽ വേഷമിട്ടു. തമ്പി കണ്ണന്താനം സംവിധാനം ചെയ്ത 'രാജാവിന്റെ മകന്‍' എന്ന സിനിമയിലെ സുരേഷ് ഗോപിയുടെ കുമാര്‍ എന്ന കഥാപാത്രം അദ്ദേഹത്തിന്റെ സിനിമാ ജീവിതത്തിലെ വഴിത്തിരിവായിരുന്നു.&nbsp;
90 കാലഘട്ടം സുരേഷ് ഗോപിയുടെ രണ്ടാം ഫേസ് ആയിരുന്നു. ഷാജി കൈലാസ് ചിത്രങ്ങളിലൂടെ സുപ്പര്‍ സ്റ്റാര്‍ പദവിയിലേക്കുയര്‍ന്ന കലാഘട്ടം. ഷാജി കൈലാസിന്റെ ഏകലവ്യൻ എന്ന ചിത്രമാണ് അതിലാദ്യം. സുരേഷ് ഗോപിയ സുപ്പാർ സ്റ്റാറാക്കിയതിൽ തമ്പിക്കണ്ണന്താനം, ജോഷി എന്നീ സംവിധായകരുടെ സംഭവാനയും ചെറുതല്ല. തലസ്ഥാനം, ഏകലവ്യന്‍, കമ്മീഷണര്‍, ജനുവരി ഒരു ഓര്‍മ്മ, ഇരുപതാം നൂറ്റാണ്ട്, തലസ്ഥാനം, ലേലം, ജനാധിപത്യം എന്നിങ്ങനെ നീളുന്ന സുരേഷ് ​ഗോപി ചിത്രങ്ങൾ. പത്രം, എഫ്ഐആര്‍, സമ്മര്‍ ഇന്‍ ബദ്ലഹേം , പ്രണയവര്‍ണ്ണങ്ങള്‍, തെങ്കാശിപട്ടണം തുടങ്ങിയ സൂപ്പര്‍ ഹിറ്റുകളും ഇന്നലെ, സിന്ദൂരരേഖ, പൈതൃകം, വടക്കന്‍ വീരഗാഥ, പൊന്നുച്ചാമി, കളിയാട്ടം തുടങ്ങിയ ചിത്രങ്ങളിലൂടെ വ്യത്യസ്ത കഥാപാത്രങ്ങളും അദ്ദേഹം മലയാളി സിനിമയ്ക്ക് നൽകി.ഇന്നലെയിലെ ഡോ.നരേന്ദ്രനും ഒരു വടക്കന്‍ വീരഗാഥയിലെ ആരോമൽ ചേകവരും ഏകലവ്യനിലെ മാധവന്‍ ഐപിഎസ്സും കമ്മീഷണറിലെ ഭരത്ചന്ദ്രന്‍ ഐപിഎസ്സും കളിയാട്ടത്തിലെ പെരുമലയനുമെല്ലാം സുരേഷ് ​ഗോപിക്കായി മാറ്റി വെച്ച കഥാപാത്രങ്ങൾ പോലെ തോന്നിപ്പോകും വിധം മലയാളി പ്രേക്ഷകന്റെ മനസിൽ ഇടം നേടിയവയാണ്.
സിനിമയിലെന്ന പോലെ കഠിനാധ്വാനിയാണ് സുരേഷ് ​ഗോപി രാഷ്ട്രീയത്തിലെന്നും ഇതിനോടകം തന്നെ തെളിയിച്ചിട്ടുണ്ട്. 2019 ലെ ലോക്‌സഭാ തിര‍ഞ്ഞെടുപ്പിലും 2021 ലെ നിയമസഭാ തിരഞ്ഞെടുപ്പിലും തൃശൂരിൽ പരാജയപ്പെട്ടപ്പോൾ ഒരു തോൽവി എന്നതിനപ്പുറം തൃശൂരിനെ സ്വന്തമാകാനായിരുന്നു സുരേഷ് ഗോപി ആ​ഗ്ര​ഹിച്ചതും ശ്രമിച്ചതും‌.&nbsp;
മലയാളികളുടെ ആക്ഷൻ സൂപ്പർസ്റ്റാറിന് പിറന്നാൾ ആശംസകൾ

മലയാള സിനിമയിലെ മൂന്നാമൻ ; 66-ന്റെ നിറവിൽ സുരേഷ് ഗോപി

ചെന്നൈ: നടൻ വിജയ്‌യുടെ പിറന്നാളാഘോഷത്തിനിടെ പൊള്ളലേറ്റ് കുട്ടിക്ക് ഗുരുതര പരുക്ക്. അൻപതാം പിറന്നാളാഘോഷത്തിന്റെ ഭാഗമായി കയ്യിൽ തീ കത്തിച്ച് സാഹസികമായി ഓട് പൊട്ടിക്കുന്നതിനിടെയാണ് അപകടമുണ്ടായത്. വിജയ്‌യുടെ പാർട്ടിയായ തമിഴക വെട്രി കഴകമാണ് പിറന്നാളാഘോഷം സംഘടിപ്പിച്ചത്.
രാവിലെ ചെന്നൈയിൽ നടന്ന പിറന്നാളാഘോഷത്തിനിടെയായിരുന്നു സംഭവം. സ്റ്റേജിൽ നടന്ന സാഹസിക പ്രകടനത്തിനിടെ കുട്ടിയുടെ കയ്യിലെ തീ ദേഹത്തേക്കു പടരുകയായിരുന്നു. കുട്ടിക്കു പുറമെ തമിഴക വെട്രി കഴകത്തിന്റെ ഭാരവാഹിക്കും പൊള്ളലേറ്റിട്ടുണ്ട്. വിജയ്‌യുടെ പിറന്നാളിന്റെ ഭാഗമായി വലിയ ആഘോഷ പരിപാടികളാണ് വെട്രി കഴകത്തിന്റെയും ആരാധകരുടെയും നേതൃത്വത്തിൽ സംസ്ഥാന വ്യാപകമായി സംഘടിപ്പിച്ചിരിക്കുന്നത്.

നടൻ വിജയ്‌യുടെ പിറന്നാളാഘോഷത്തിനിടെ പൊള്ളലേറ്റ് കുട്ടിക്ക് ഗുരുതര പരുക്ക്

ന്യൂഡല്‍ഹി: കോണ്‍ഗ്രസ് നേതാവ് രാഹുല്‍ ഗാന്ധിക്ക് 54-ാം പിറന്നാള്‍ ആഘോഷം. നേതാക്കള്‍ രാഹുലിന് ആശംസകള്‍ നേര്‍ന്നു. മുഖ്യമന്ത്രി പിണറായി വിജയനും എക്‌സിലൂടെ ആശംസ അറിയിച്ചു. 'സന്തോഷകരവും ശോഭനവുമായ ജീവിതം ആശംസിക്കുന്ന'തായി മുഖ്യമന്ത്രി എക്‌സില്‍ കുറിച്ചു.
കേക്കും പൂക്കളും വാദ്യമേളങ്ങളുമായാണ് എ.ഐ.സി.സി ആസ്ഥാനത്ത് പ്രവര്‍ത്തകര്‍ രാഹുലിനെ വരവേറ്റത്. ആര്‍പ്പുവിളികള്‍ക്കിടെ പ്രവര്‍ത്തകരിലേക്ക് എത്തി രാഹുല്‍ ആശംസകള്‍ ഏറ്റുവാങ്ങി. രാഹുല്‍ താമസിക്കുന്ന 10 ജന്‍പഥിലും കൊടികളും അലങ്കാരങ്ങളുമായി കോണ്‍ഗ്രസ് പ്രവര്‍ത്തകരെത്തി.
കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ, തമിഴ്‌നാട് മുഖ്യമന്ത്രിയും ഡിഎംകെ അധ്യക്ഷനുമായ എം.കെ സ്റ്റാലിന്‍, സമാജ്‌വാദി പാര്‍ട്ടി അധ്യക്ഷന്‍ അഖിലേഷ് യാദവ്, ആര്‍ജെഡി നേതാവ് തേജസ്വി യാദവ്, ജെഎംഎം നേതാവ് കല്‍പന സോറന്‍ തുടങ്ങിയ നേതാക്കളെല്ലാം രാഹുലിന് ആശംസകള്‍ നേര്‍ന്നു.

രാഹുല്‍ ഗാന്ധിക്ക് 54-ാം പിറന്നാള്‍ ;ആശംസകൾ നേർന്ന് നേതാക്കളും അണികളും

ഉള്ളിയേരി: ജീവകാരുണ്യ പ്രവർത്തകനും യൂത്ത് ലീഗ് വൈറ്റ്ഗാഡ് അംഗവും സാമുഹ്യപ്രവർത്തകനുമായ ഫൈസൽ നാറാത്ത് തൻ്റെ മകൻ്റെ ജന്മദിനാഘോഷത്തിൽ റിലീഫ് കമ്മിറ്റിക്ക് സംഭാവന നൽകി മാതൃകയായി. മാമ്പൊയിൽ ഒസി &amp; ടി.എച്ച് റിലീഫ് സെല്ലിൻ്റെ പ്രവർത്തനത്തിന് സംഭാവന നൽകിയാണ് തൻ്റെ മകൻ മുഹമ്മദ് ലിയാൻ്റെ ജന്മദിനം ആഘോഷിച്ചത്. ലൈസ ഫാത്തിമ മകളാണ്. ജന്മദിന ചെലവുകളും മറ്റ് ആഘോഷചെലവുകളും ഇത്തരം ജീവകാരുണ്യ പ്രവർത്തനത്തിന് നൽകാൻ മറ്റുള്ളവർക്കും ഒരു മാതൃകയാണ് ഫൈസലിൻ്റെയും സഹധർമിണി തസ്ലിമയുടെയും പ്രവർത്തനം.

മകൻ്റെ ജന്മദിന സമ്മാനം റിലീഫ് കമ്മിറ്റിക്ക്

Inshort

കൊച്ചി: പ്രതിപക്ഷ നേതാവ് വി.ഡി. സതീശന് വെള്ളിയാഴ്ച അറുപതുവയസ്സ് തികയും. പിറന്ന നക്ഷത്രം പ്രകാരം ഷഷ്ടിപൂര്‍ത്തി ജൂലായിലെ ചതയദിനത്തിലാണ്. ഇത്തവണയും ആഘോഷങ്ങളുണ്ടാവില്ല.യു.എ.ഇ. യാത്രയ്ക്കുള്ള തയ്യാറെടുപ്പിലായിരുന്നെങ്കിലും മഴക്കെടുതി രൂക്ഷമായതോടെ ബുധനാഴ്ച യാത്ര റദ്ദാക്കിയിരുന്നു. അന്ന് വൈകീട്ട് തന്നെ അദ്ദേഹം പറവൂരില്‍ വെള്ളം കയറിയ പ്രദേശങ്ങളിലെത്തി ദുരിതാശ്വാസ പ്രവര്‍ത്തനങ്ങള്‍ക്ക് നേതൃത്വം നല്‍കി.&nbsp;
വെള്ളിയാഴ്ച ഔദ്യോഗിക പരിപാടികളില്ല. ഗുരുവായൂര്‍ ദര്‍ശനത്തിനു പോകുമെന്ന് സൂചനയുണ്ട്. എറണാകുളം നെട്ടൂരില്‍ ജനിച്ച സതീശന്‍ വിദ്യാര്‍ഥി പ്രസ്ഥാനത്തിലൂടെയാണ് രാഷ്ട്രീയത്തിലെത്തിയത്.
1986-87 കാലത്ത് എം.ജി. സര്‍വകലാശാല യൂണിയന്‍ ചെയര്‍മാനായിരുന്നു. 2001 മുതല്‍ തുടര്‍ച്ചയായി നിയമസഭാംഗമാണ്. എ.ഐ.സി.സി. സെക്രട്ടറി പദവിയും കെ.പി.സി.സി. വൈസ് പ്രസിഡന്റിന്റെ ചുമതലയും വഹിച്ചു.

പ്രതിപക്ഷ നേതാവ് വി.ഡി. സതീശന് ഇന്ന് അറുപതാം പിറന്നാൾ

ന്യൂഡൽഹി: 77ാം ജൻമദിനമാഘോഷിക്കുന്ന കോൺഗ്രസ് മുൻ പ്രസിഡന്റ് സോണിയ ഗാന്ധിക്ക് ആശംസ നേർന്ന് പ്രധാനമന്ത്രി നരേന്ദ്രമോദി. എക്സ് പ്ലാറ്റ്ഫോം വഴിയായിരുന്നു മോദിയുടെ ആശംസ.
''ജന്മദിനമാഘോഷിക്കുന്ന സോണിയ ഗാന്ധിക്ക് ആശംസകൾ നേരുന്നു. കൂടുതൽ കാലം ആരോഗ്യത്തോടെയിരിക്കട്ടെയെന്ന് ആശംസിക്കുകയാണ്.''-എന്നാണ് മോദി എക്സിൽ കുറിച്ചത്.കോൺഗ്രസിനെ ഏറ്റവും കൂടുതൽ കാലം നയിച്ച നേതാവാണ് സോണിയ. ആരോഗ്യപ്രശ്നങ്ങളാൽ കുറച്ചുകാലമായി സജീവ രാഷ്ട്രീയത്തിൽ നിന്ന് വിട്ടുനിൽക്കുകയാണ്. മക്കളായ രാഹുൽ ഗാന്ധിയും പ്രിയങ്ക ഗാന്ധിയുമാണ് കോൺഗ്രസിന്റെ മുഖ്യ ചുമതലകൾ വഹിക്കുന്നത്. കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ, കെ.സി.വേണുഗോപാല്‍, ശശിതരൂര്‍, തമിഴ്നാട് മുഖ്യമന്ത്രി എം.കെ. സ്റ്റാലിൻ തുടങ്ങി നിരവധി പ്രമുഖര്‍ സോണിയയ്ക്ക് ആശംസയറിയിച്ചു. 'അഗാധമായ കാഴ്ചപ്പാടും അനുഭവസമ്പത്തുമുള്ള അവര്‍, സ്വേച്ഛാധിപത്യശക്തികളില്‍നിന്ന് ഇന്ത്യയെ രക്ഷിക്കാനുള്ള ഐക്യശ്രമങ്ങള്‍ക്ക് വഴികാട്ടിയായി തുടരട്ടെ'- എന്നാണ് സ്റ്റാലിന്‍ കുറിച്ചത്.

കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖാര്‍ഗെ, കെ.സി.വേണുഗോപാല്‍, ശശിതരൂര്‍, തമിഴ്നാട് മുഖ്യമന്ത്രി എം.കെ. സ്റ്റാലിൻ തുടങ്ങി നിരവധി പ്രമുഖര്‍ സോണിയയ്ക്ക് ആശംസയറിയിച്ചു

സോണിയ ഗാന്ധിക്ക് പിറന്നാൾ ആശംസകൾ നേർന്ന് പ്രധാനമന്ത്രി നരേന്ദ്രമോദി

നാദാപുരം: എം ഡി എം എയുമായി രണ്ട് യുവാക്കളെ വളയം പോലീസ് അറസ്റ്റ് ചെയ്തു. ചെക്ക്യാട് പുളിയാവ് സ്വദേശികളായ കൈതോറ മീത്തൽ മുഹമ്മദ് സ്വാലിഹ്(29) , കൈതോറയിൽ മുഹമ്മദ് അജ്മമൽ ( 26) എന്നിവരെയാണ് വളയം സബ് ഇൻസ്പെക്ടർ വി.കെ മനീഷും സംഘവും അറസ്റ്റ് ചെയ്ത്. പാറക്കടവിന് സമീപം വാഹന പരിശോധന നടത്തവെ സ്കൂട്ടർ യാത്രികരായ യുവാക്കളെ പരിശോധിച്ചപ്പോൾ 1.180 ഗ്രാം എം ഡി എം എ പോലീസ് കണ്ടെടുക്കുകയായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. സ്കൂട്ടർ പോലീസ് കസ്റ്റഡിയിലെടുത്തു.

എം ഡി എം എയുമായി രണ്ട് യുവാക്കളെ വളയം പോലീസ് അറസ്റ്റ് ചെയ്തു

Nadapuram

പേരാമ്പ്ര: മസാജ് സെന്ററില്‍ പോലീസ് നടത്തിയ റെയ്ഡില്‍ നാല് സ്ത്രീകളും രണ്ട് യുവാക്കളും നടത്തിപ്പുകാരുംപിടിയിലായി. പേരാമ്പ്ര ബീവറേജിന് സമീപത്തെ ആയുഷ് സ്പാ എന്ന മസാജ് കേന്ദ്രത്തിലാണ് റെയ്ഡ് നടത്തിയത്. പാലക്കാട് ആലത്തൂര്‍ സ്വദേശി കൃഷ്ണദാസിന്റേതാണ് സ്ഥാപനം. മറ്റു ജില്ലകളില്‍ നിന്നും അന്യസംസ്ഥാനങ്ങളില്‍ നിന്നും സ്ത്രീകളെ എത്തിച്ചായിരുന്നു സ്ഥാപനം പ്രവര്‍ത്തിച്ചിരുന്നത്. ചെമ്പനോട സ്വദേശി ആന്റോ മാനേജറായ ഈ സ്ഥാപനത്തില്‍ ദിവസേന നിരവധി ആളുകളാണ് വന്നു കൊണ്ടിരുന്നത്. ആയിരം രൂപയില്‍ തുടങ്ങി മസാജിന്റെ രീതിക്കനുസരിച്ച് വിവിധ നിരക്കാണ് ഈടാക്കുന്നത്. ഈ സ്ഥാപനത്തിനെതിരെ പരാതി വ്യാപകമായതിനു പിന്നാലെയാണ് പോലീസ് നടപടി.
റൂറല്‍ ജില്ലാ പോലീസ് മേധാവി കെ.ഇ.ബൈജുവിന്റെ കീഴിലെ സ്‌ക്വാഡും പേരാമ്പ്ര ഡിവൈഎസ്പിഎന്‍.സുനില്‍കുമാറിന്റെ നേതൃത്വത്തിലുള്ള സ്‌ക്വാഡും പേരാമ്പ്ര പോലീസും ചേര്‍ന്നാണ് റെയ്ഡ് നടത്തി ആളുകളെ കസ്റ്റിഡിയിലെടുത്തത്. ഇന്‍സ്‌പെക്ടര്‍ ഇ.കെ.ഷിജുവിന്റ നേതൃത്വത്തില്‍ എസ്‌ഐ മനോജ് രാമത്ത്, എഎസ്‌ഐമാരായ അനൂപ്, സദാനന്ദന്‍, സുധാരത്‌നം, സീനിയര്‍ സിവില്‍ പോലീസ് ഓഫീസര്‍മാരായ വിനീഷ് ടി, ഷാഫി എന്‍.എം, സിപിഒമാരായ സിഞ്ചുദാസ്, ജയേഷ് കെ കെ, രജിലേഷ്, സുജില തുടങ്ങിയവര്‍ റെയ്ഡില്‍ പങ്കെടുത്തു.

പേരാമ്പ്രയില്‍ ആയൂര്‍വേദ മസാജ് കേന്ദ്രത്തിന്റെ മറവില്‍ പെണ്‍വാണിഭം; സ്ത്രീകൾ ഉൾപ്പെടെ അറസ്റ്റിൽ

Perambra

നാദാപുരം : ഇരിങ്ങണ്ണൂരിൽ അംഗനവാടി ജീവനക്കാരിയെ അടിച്ചുവീഴ്ത്തി സ്വർണമാല കവർന്നു. മുടവന്തേരി 52-ാം നമ്പർ അംഗനവാടിയിലെ ജീവനക്കാരി ഉഷയുടെ മൂന്നര പവൻ തൂക്കംവരുന്ന മാലയാണ് സ്കൂട്ടറിലെത്തിയ ആൾ മോഷ്ടിച്ചത്. രാവിലെ 9.50 ഓടെയായിരുന്നു സംഭവം.
ബസിറങ്ങി അംഗനവാടിയിലേക്ക് നടന്നുപോകുന്ന വഴിയായിരുന്നു സംഭവം. ബൈക്കിലെത്തിയ ആൾ തൊട്ടടുത്തുവന്ന് കഴുത്തിന് അടിച്ചുവെന്നും മാലപൊട്ടിച്ച് കൊണ്ടുപോകുകയായിരുന്നെന്നും ഉഷ പറഞ്ഞു. നാദാപുരം പോലീസിൽ പരാതി നൽകി.

ബൈക്കിലെത്തിയ ആൾ അടിച്ചുവീഴ്ത്തി; ഇരിങ്ങണ്ണൂരിൽ അംഗനവാടി ജീവനക്കാരിയുടെ മാല കവർന്നു

കോട്ടയം: വിദ്യാര്‍ഥിനിക്കുനേരെ ലൈംഗികാതിക്രമം നടത്തിയ സ്‌കൂള്‍ ബസ് ഡ്രൈവര്‍ അറസ്റ്റില്‍. ഇടക്കുന്നം വില്ലേജില്‍ പാറത്തോട് ലൈബ്രറി ഭാഗത്ത് കൊല്ലംപറമ്പില്‍ വീട്ടില്‍ കെ.എസ്. റഹീമിനെ (55) ആണ് കാഞ്ഞിരപ്പള്ളി പോലീസ് അറസ്റ്റ് ചെയ്തത്.2025 ഫെബ്രുവരി മുതല്‍ ജൂണ്‍വരെ വരെയുള്ള കാലയളവില്‍ ഏഴാംക്ലാസ് വിദ്യാര്‍ഥിനിക്കുനേരെ ലൈംഗികാതിക്രമം നടത്തിയെന്നാണ് കേസ്. കോടതിയിൽ ഹാജരാക്കിയ ശേഷം പ്രതിയെ റിമാൻഡ് ചെയ്തു.
കുട്ടിയെ ലൈംഗികോദ്ദേശ്യത്തോടെ ആക്രമിക്കുകയും ഇഷ്ടമാണെന്നു പറഞ്ഞ് ശല്യപ്പെടുത്തുകയും ചെയ്തെന്നാണ് പരാതിയിലുള്ളത്. സ്ഥിരമായി ഫോണ്‍ ചെയ്യണമെന്നും ഇഷ്ടമാണെന്ന് പറയണമെന്ന് ആവശ്യപ്പെട്ട് ഭീഷണിപ്പെടുത്തിയെന്നും പരാതിയിലുണ്ട്.

ഏഴാംക്ലാസ് വിദ്യാര്‍ഥിനിക്ക് നേരെ ലൈംഗികാതിക്രമം; സ്കൂൾ ബസ് ഡ്രൈവർ അറസ്റ്റില്‍

തളിപ്പറമ്പ് : പ്രായപൂർത്തിയാകാത്ത ആദിവാസി പെൺകുട്ടിയെ കടത്തിക്കൊണ്ടുപോയി പീഡിപ്പിച്ച കേസിൽ യുവാവിന് ജീവപര്യന്തം തടവും 2 ലക്ഷം രൂപ പിഴയും. ജീവപര്യന്തത്തിനു പുറമേ 12 വർഷം തടവും കൂടി പ്രതി അനുഭവിക്കണം. യുവാവിന്റെ അമ്മയായ രണ്ടാം പ്രതിക്ക് ഒരു വർഷം തടവും 1,000 രൂപ പിഴയും ചുമത്തി. ഒന്നാം പ്രതി ചേപ്പറമ്പ് പയറ്റുംചാൽ നെടിയേങ്ങ ചേമ്പലകുന്നേൽ സി.ജെ. ജിബിൻ (24), ജിബിന്റെ അമ്മ മിനി ജോസ് (49) എന്നിവരെയാണ് തളിപ്പറമ്പ് പോക്സോ കോടതി ശിക്ഷിച്ചത്.
2022 ജനുവരിയിലാണ് സംഭവം. സമൂഹ മാധ്യമത്തിലൂടെ പരിചയപ്പെട്ട പെൺകുട്ടിയെ ജിബിൻ കാറിൽ കടത്തിക്കൊണ്ടു പോകുകയായിരുന്നു. തുടർന്ന് സ്വന്തം വീട്ടിലെത്തിച്ച് പീഡിപ്പിച്ചു. പിറ്റേന്നു രാവിലെ ജിബിന്റെ അമ്മ മിനി ജോസ്, ജിബിന്റെ പിതാവിന്റെ അമ്മയായ രണ്ടാം പ്രതി മേരി ദേവസ്യ, നാലാം പ്രതിയായ ജിബിന്റെ പിതാവ് സി.ഡി. ജോസ് എന്നിവർ ചേർന്ന് പെൺകുട്ടിയെ മർദിക്കുകയും തല്ലിക്കൊന്ന് കെട്ടിത്തൂക്കുമെന്ന് ഭീഷണിപ്പെടുത്തുകയും ചെയ്തെന്നാണ് കേസ്. ഇതിൽ മൂന്ന്, നാല് പ്രതികളെ കോടതി വെറുതെ വിട്ടു. പോക്സോ, എസ്‌സി, എസ്ടി വകുപ്പുകൾ ഉൾപ്പെടെ ചുമത്തിയാണ് പ്രതികൾക്ക് ശിക്ഷ വിധിച്ചിരിക്കുന്നത്.

പ്രായപൂർത്തിയാകാത്ത ആദിവാസി പെൺകുട്ടിയെ പീഡിപ്പിച്ചു; യുവാവിന് ജീവപര്യന്തം തടവ്

Kannur

വടകര: മുഖ്യമന്ത്രി പിണറായി വിജയനെ ഫെയ്‌സ്ബുക്കിൽ അധിക്ഷേപിച്ചയാളെ റൂറൽ സൈബർ ക്രൈം പോലീസ് അറസ്റ്റുചെയ്തു. പുറമേരി മഠത്തിൽ കുനിങ്ങാട് ഷാലു (46) ആണ് അറസ്റ്റിലായത്. മുഖ്യമന്ത്രിക്കെതിരേ അശ്ളീലപരാമർശവും മതവിദ്വേഷം വളർത്തുന്നരീതിയിലുള്ള പോസ്റ്റുകൾ ഇട്ടെന്ന മുള്ളമ്മൽ ബാബുവിന്റെ പരാതിയുടെ അടിസ്ഥാനത്തിലാണ് കേസ് രജിസ്റ്റർചെയ്തത്.&nbsp;
അന്വേഷണത്തിനിടെ കർണാടകത്തിലേക്ക് കടന്ന ഇയാളെ സൈബർ പോലീസ്‌ സ്റ്റേഷനിലെത്തിച്ച് അറസ്റ്റുചെയ്യുകയായിരുന്നു. ഇൻസ്പെക്ടർ സി.ആർ. മാജേഷ് കുമാർ, ടി.ബി. ഷൈജു, ദിൽജിത്ത്, ആർ. ഷിബിൻ, അബ്ദുൾ സമദ് എന്നിവരാണ് അന്വേഷണസംഘത്തിൽ ഉണ്ടായിരുന്നത്.

മുഖ്യമന്ത്രിയെ ഫെയ്‌സ്ബുക്കിലൂടെ അധിക്ഷേപിച്ച പുറമേരി സ്വദേശി അറസ്റ്റിൽ

Vadakara

കു​റ്റ്യാ​ടി: ഓ​ടി​ക്കൊ​ണ്ടി​രി​ക്കു​ന്ന കാ​റി​ൽ യാ​ത്ര​ക്കാ​ര​ന് പാ​മ്പു ക​ടി​യേ​റ്റു. നി​ര​വി​ൽ​പു​ഴ സ്വ​ദേ​ശി രാ​ജീ​വ​നാ​ണ് (30) പാ​മ്പ് ക​ടി​യേ​റ്റ​ത്. കു​റ്റ്യാ​ടി ചു​രം റോ​ഡി​ലൂ​ടെ പോ​ക​വെ അ​ണ​ലി​യാ​ണ്​ ക​ടി​ച്ച​ത്. വ​ട​ക​ര​യി​ൽ പോ​യി തി​രി​ച്ച് നി​ര​വി​ൽ​പു​ഴ​യി​ലെ വീ​ട്ടി​ലേ​ക്ക് പോ​കു​മ്പോ​ഴാ​ണ് സം​ഭ​വം.
ഇ​യാ​ളെ മ​റ്റൊ​രു വാ​ഹ​ന​ത്തി​ൽ ഉ​ട​ൻ കു​റ്റ്യാ​ടി താ​ലൂ​ക്ക് ആ​ശു​പ​ത്രി​യി​ൽ എ​ത്തി​ച്ചു. ഡ്രൈ​വ​ർ സു​ര​ജ് കാ​ർ ചു​ര​ത്തി​ൽ​നി​ന്ന് തൊ​ട്ടി​ൽ​പ്പാ​ലം മൂ​ന്നാം​കൈ​യി​ലെ വ​ർ​ക് ഷോ​പ്പി​ൽ എ​ത്തി​ച്ച ശേ​ഷം പാ​മ്പ് പി​ടു​ത്ത​ക്കാ​ര​ൻ സു​രേ​ന്ദ്ര​ൻ ക​രി​ങ്ങാ​ട് പാ​മ്പി​നെ പി​ടി​കു​ടി.

കു​റ്റ്യാ​ടിയിൽ ഓടിക്കൊണ്ടിരിക്കുന്ന കാറിൽ യാത്രക്കാരന്​ പാമ്പുകടിയേറ്റു

Kuttiadi

വടകര : ലോകനാവ്  ചിറയിൽ കുളിക്കുന്നതിനിടയിൽ യുവാവ് മരിച്ചു. പുതിയാപ്പ് സ്വദേശി ചോയ്യോത്ത് സനൂപ് (35) ആണ് മരിച്ചത്. വൈകിട്ട് അഞ്ചു മണിയോടെയാണ് സംഭവം. 
വലിയചിറ കുറുകെ നീന്തിക്കിടക്കുന്നതിനിടയൽ മുങ്ങിത്താഴുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പിതാവ്: പരേതനായ ചോയ്യ്യോത്ത് ശശി. മാതാവ്: അനിത.സഹോദരങ്ങൾ അനൂപ്, ദൃശ്യ.

ലോകനാർകാവ് ചിറയിൽ കുളിക്കുന്നതിനിടെ യുവാവ് മുങ്ങിമരിച്ചു

ആയഞ്ചേരി: രണ്ട് ദിവസം മുമ്പ് കാണാതായ ഒമ്പതാം ക്ലാസ് വിദ്യാര്‍ഥി ആയഞ്ചേരിയിലെ ഒതയോത്ത് റാദിന്‍ ഹംദാനിനായി അന്വേഷണം ഊര്‍ജിതം.&nbsp;
ആയഞ്ചേരി റഹ്‌മാനിയ സ്‌കൂള്‍ വിദ്യാര്‍ഥിയായ റാദിന്‍ ഹംദാനെ വെള്ളിയാഴ്ച വൈകുന്നേരം മുതലാണ് കാണാതായത്. വീട്ടില്‍ നിന്നിറങ്ങിയ കുട്ടി രാത്രി വൈകിയിട്ടും എത്താത്തതിനെ തുടര്‍ന്ന് ബന്ധുക്കള്‍ വടകര പോലീസില്‍ പരാതി നല്‍കുകയായിരുന്നു. കുറ്റ്യാടിയില്‍ നിന്ന് ബസില്‍ മാനന്തവാടി എത്തി അതുവഴി ബംഗളൂര്‍ക്ക് പോയതായാണ് സംശയം.
&nbsp;മാനന്തവാടിയിലെ ഒരു കടയില്‍ കയറി ബംഗളൂരിലേക്കുള്ള ബസിനെ കുറിച്ച് ചോദിക്കുന്ന ദൃശ്യം ലഭിച്ചിട്ടുണ്ട്. കുട്ടിയെ കണ്ടുമുട്ടുന്നവര്‍ അടുത്തുള്ള പോലീസ് സ്റ്റേഷനിലോ ഇതോടൊപ്പമുള്ള നമ്പറുകളിലോ ബന്ധപ്പെടാന്‍ താല്‍പര്യം. 9961336757, 7034006085.

ആയഞ്ചേരിയിൽ നിന്നും കാണാതായ ഒമ്പതാം ക്ലാസ് വിദ്യാർത്ഥിക്കായി അന്വേഷണം ഊർജിതം

Search Results for: passed-away