കൊല്ലം: കൊട്ടിയം തഴുത്തലയിൽ അമ്മയെയും മകനെയും മരിച്ചനിലയിൽ കണ്ടെത്തി. പി കെ ജംഗ്ഷനിലെ എസ് ആർ മൻസിലിലെ നസിയത്തും (52) മകൻ ഷാനുമാണ് (31) മരിച്ചത്. നസിയത്തിന്റെ കഴുത്തിൽ മുറിവ് കണ്ടെത്തിയിട്ടുണ്ട്. സമീപത്തെ മുറിയിൽ തൂങ്ങിമരിച്ചനിലയിലാണ് ഷാനെ കണ്ടെത്തിയത്. ഇന്ന് രാവിലെ ഏഴ് മണിയോടെയായിരുന്നു സംഭവം.
കൊട്ടിയം പൊലീസ് സ്ഥലത്തെത്തി ഇൻക്വസ്​റ്റ് അടക്കമുളള നടപടികൾ നടത്തിവരികയാണ്. കുടുംബപ്രശ്നങ്ങൾ നിലിനിന്നിരുന്നോയെന്ന കാര്യത്തിൽ പൊലീസ് ബന്ധുക്കളിൽ നിന്ന് വിവരം ശേഖരിക്കുകയാണ്.

കൊല്ലത്ത് അമ്മയെയും മകനെയും വീടിനുളളിൽ മരിച്ചനിലയിൽ കണ്ടെത്തി

Kerala

വളരെ അപ്രതീക്ഷിതമായൊരു അപകടത്തിലാണ് നടനും മിമിക്രി കലാകാരനുമായ കൊല്ലം സുധിയുടെ ജീവന്‍ നഷ്ടമായത്. അതിനുശേഷം കൊല്ലം സുധിയുടെ കുടുംബത്തെ സഹായിക്കാന്‍ സന്നദ്ധ സംഘടനകള്‍ മുന്നോട്ടുവന്നിരുന്നു. സുധിയുടെ ഭാര്യ രേണുവിനും മക്കളായ രാഹുല്‍ ദാസിനും റിതുല്‍ ദാസിനും താമസിക്കാന്‍ കോട്ടയത്ത് പുതിയ വീടൊരുക്കുകയും ചെയ്തു.
സുധിയുടെ ആദ്യവിവാഹത്തിലുള്ള മകനാണ് കിച്ചു എന്ന പേരില്‍ അറിയപ്പെടുന്ന രാഹുല്‍. കൊല്ലത്തുള്ള ഇന്‍സ്റ്റിറ്റ്യൂട്ടില്‍ പഠിക്കുന്നതിനാല്‍ അവിടെയുള്ള അച്ഛന്റെ വീട്ടിലാണ് രാഹുല്‍ താമസിക്കുന്നത്. കോട്ടയത്തുള്ള വീട്ടില്‍ രേണുവും മകന്‍ റിതുലുമാണ് താമസിക്കുന്നത്.
കഴിഞ്ഞ ദിവസം ഇന്‍സ്റ്റഗ്രാമില്‍ രാഹുല്‍ പങ്കുവെച്ച പോസ്റ്റ് ശ്രദ്ധേയമായി. പുതിയ യുട്യൂബ് ചാനല്‍ തുടങ്ങുന്നതുമായി ബന്ധപ്പെട്ടായിരുന്നു രാഹുലിന്റെ പോസ്റ്റ്. ഇതിനൊപ്പം അച്ഛനൊപ്പമുള്ള ചിത്രവും രാഹുല്‍ പോസ്റ്റ് ചെയ്തിട്ടുണ്ട്.
'പ്രിയപ്പെട്ടവരെ, ഞാന്‍ രാഹുല്‍ ദാസ്, ഒരുപാട് പേര്‍ക്ക് എന്നെ അറിയാമെന്ന് വിശ്വസിക്കുന്നു. ഒരു പക്ഷെ അറിയില്ലെങ്കില്‍ ഞാന്‍ എന്നെ ഒന്നു പരിചയപ്പെടുത്തട്ടേ. മരണപെട്ടു പോയ കൊല്ലം സുധിയുടെ മകന്‍....എന്റെ പ്രിയ അച്ഛന്റെ മരണത്തിന് ശേഷം എന്റെ ജീവിതത്തില്‍ ഉണ്ടായ ഉയര്‍ച്ചയും താഴ്ച്ചയും ഏറെ പ്രിയപെട്ടവരായ നിങ്ങളിലേക്ക് എത്തിക്കാന്‍ ഞാന്‍ ആഗ്രഹിക്കുന്നു. എന്റെ ഇപ്പോഴത്തെ മാനസികാവസ്ഥയും കൊല്ലത്തുള്ള ജീവിതവും എനിക്ക് നേരിടേണ്ടിവന്ന പ്രതിസന്ധി ഘട്ടങ്ങളും നിങ്ങള്‍ അറിയണമെന്ന് എനിക്ക് തോന്നുന്നു. അതിനായി ഒരു വിഡിയോയിലൂടെ നിങ്ങളുടെ മുന്നിലേക്ക് ഞാന്‍ വരട്ടെ....???'-രാഹുല്‍ ഇന്‍സ്റ്റഗ്രാമില്‍ കുറിച്ചു.

അച്ഛന്റെ മരണശേഷം ജീവിതത്തിലുണ്ടായ ഉയര്‍ച്ച താഴ്ച്ചകള്‍ നിങ്ങളറിയണം;കുറിപ്പ് പങ്കുവെച്ച് കൊല്ലം സുധിയുടെ മകൻ

ആലപ്പുഴ: യു പ്രതിഭ എംഎൽഎയുടെ മകൻ കനിവിനെ കഞ്ചാവ് കേസിൽ നിന്ന് ഒഴിവാക്കും. കനിവ് കഞ്ചാവ് ഉപയോഗിച്ചതിന് തെളിവില്ലെന്ന റിപ്പോർട്ടിന്റെ അടിസ്ഥാനത്തിലാണ് നടപടി. കേസിൽ ആദ്യം ഒമ്പത് പേരെയായിരുന്നു പ്രതി ചേർത്തത്. പ്രതിഭ എംഎൽഎ കഴിഞ്ഞ ദിവസം നൽകിയ പരാതിയുടെ അടിസ്ഥാനത്തിലാണ് എക്‌സൈസ് അസിസ്റ്റന്റ് കമ്മീഷണർ അന്വേഷണ റിപ്പോർട്ട് തയ്യാറാക്കിയത്.&nbsp;
കേസിൽ അന്വേഷണ ഉദ്യോഗസ്ഥരായിരുന്ന കുട്ടനാട് എക്‌സൈസ് സർക്കിൾ ഇൻസ്‌പെക്ടർ ജയരാജനെതിരെ നടപടിയുണ്ടാകും.കനിവടക്കം ഏഴ് പേർക്കെതിരെ കേസ് നില നിൽക്കാൻ സാധ്യതയില്ലെന്നാണ് റിപ്പോർട്ടിലുളളത്. പ്രതികളിൽ കഞ്ചാവ് കണ്ടെടുത്ത രണ്ട് പേർക്കെതിരെ മാത്രമേ കേസ് നിലനിൽക്കൂ. കനിവ് കഞ്ചാവ് വലിച്ചതിന് സാക്ഷികളില്ല. ഉദ്യോഗസ്ഥരും കനിവ് വലിക്കുന്നത് കണ്ടിട്ടില്ല. ശ്വാസത്തിൽ നിന്ന് കഞ്ചാവിന്റെ ഗന്ധം വന്നുവെന്ന് മാത്രമാണ് പറയുന്നത്. ഏഴ് പേർക്കെതിരെ കേസെടുക്കാൻ ഇത് മതിയാവില്ലെന്നും റിപ്പോർട്ടിൽ പരാമർശിക്കുന്നുണ്ട്. തീപ്പെട്ടിയോ കഞ്ചാവ് വലിച്ചതിന്റ അവശിഷ്ടമോ കണ്ടെത്തിയിട്ടില്ല. രക്തം, മുടി, നഖം എന്നിവയുടെ സാമ്പിളുകൾ ശേഖരിച്ച് കഞ്ചാവ് വലിച്ചോ എന്ന് പരിശോധിക്കേണ്ടിയിരുന്നു. ഒരു പരിശോധനയും നടത്തിയില്ലെന്നും റിപ്പോർട്ടിലുണ്ട്.

കഞ്ചാവ് ഉപയോഗിച്ചതിന് തെളിവില്ല, യു പ്രതിഭ എംഎൽഎയുടെ മകനെ കേസിൽ നിന്ന് ഒഴിവാക്കും

പത്തനംതിട്ട : കാര്‍ ലോറിയുമായി കൂട്ടിയിടിച്ചുണ്ടായ അപകടത്തില്‍ സി.പി.എം സംസ്ഥാന കമ്മിറ്റിയംഗവും മുന്‍ മുഖ്യമന്ത്രി വി.എസ്.അച്യുതാനന്ദന്റെ മുന്‍ പ്രൈവറ്റ് സെക്രട്ടറിയും ആയിരുന്ന എസ്.രാജേന്ദ്രന്റെ മകന്‍ ആദര്‍ശ്(36) മരിച്ചു.
തിരുവനന്തപുരം ലുലുവില്‍ ഡെപ്യൂട്ടി ജനറല്‍ മാനേജരാണ്. ഞായറാഴ്ച രാത്രി എട്ടരയോടെ പുനലൂര്‍ -മൂവാറ്റുപുഴ ഹൈവേയില്‍ കുമ്പഴ വടക്ക് മൈലപ്രയ്ക്ക് സമീപത്തുവെച്ചായിരുന്നു അപകടം. റാന്നി ഭാഗത്തു നിന്നും വരികയായിരുന്ന കാറില്‍ ആദര്‍ശ് മാത്രമാണുണ്ടായിരുന്നത്. സിമന്റ് കയറ്റി എതിര്‍ ദിശയില്‍ പോകുകയായിരുന്ന ലോറിയില്‍ ഇടിച്ച് തെറിച്ച കാര്‍ സമീപത്തെ വീടിന്റെ ഗേറ്റില്‍ ഇടിച്ചാണ് നിന്നത്. മുന്‍ഭാഗംപൂര്‍ണ്ണമായി തകര്‍ന്ന കാറില്‍ നിന്ന് ഓടിക്കൂടിയവര്‍ക്ക് ആദര്‍ശിനെ പുറത്തിറക്കാനായില്ല. പത്തനംതിട്ടയില്‍ നിന്നെത്തിയ അഗ്നിരക്ഷാസേന കാര്‍ വെട്ടിപ്പൊളിച്ചാണ് പുറത്തെടുത്തത്. ഉടന്‍ പത്തനംതിട്ട ജനറല്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ലീനാ കുമാരിയാണ് ആദര്‍ശിന്റെ അമ്മ.ഭാര്യ.മേഘ. മകന്‍: ആര്യന്‍,സഹോദരന്‍ :ഡോ.ആശിഷ്

കാര്‍ ലോറിയുമായി കൂട്ടിയിടിച്ച് അപകടം;  സി.പി.എം നേതാവ്  എസ്.രാജേന്ദ്രന്റെ മകന്‍ മരിച്ചു

വിദ്യാഭ്യാസ മന്ത്രി ശിവൻകുട്ടിയുടെയും കേരള പി.എസ്.സി അം​ഗവും സാമൂഹ്യപ്രവർത്തകയുമായ ആർ. പാർവതി ദേവിയുടെയും മകൻ പി. ഗോവിന്ദ് ശിവനും തേനാകര കളപ്പുരക്കൽ ജോർജിൻ്റെയും റെജിയുടെയും മകൾ എലീന ജോർജും വിവാഹിതരായി.&nbsp;
മന്ത്രി തന്നെയാണ് ഈ വിവരം സമൂഹമാധ്യമങ്ങളിൽ പങ്കുവച്ചത്. സ്പെഷ്യൽ മാരേജ് ആക്ട് പ്രകാരമാണ് വിവാഹം നടന്നത്. അടുത്ത കുടുംബാം​​ഗങ്ങളും സുഹൃത്തുക്കളും മാത്രമാണ് ചടങ്ങിൽ പങ്കെടുത്തത്.

മന്ത്രി ശിവൻകുട്ടിയുടെ മകൻ വിവാഹിതനായി

കൊച്ചി: നടൻ സിദ്ദിഖിന്റെ മകന്റെ സുഹൃത്തുക്കളെ പ്രത്യേക അന്വേഷണ സംഘം ചോദ്യം ചെയ്യലിന് ശേഷം വിട്ടയച്ചു. നാദിൻ ബെക്കർ, പോൾ ജോയ് മാത്യു എന്നിവരെയാണ് ചോദ്യം ചെയയ്ലിന് ശേഷം വിട്ടയച്ചത്. ഞായറാഴ്ച രാവിലെ 5.30 ഓടെ മേനക, കടവന്ത്ര എന്നിവിടങ്ങളിലെ ഫ്ലാറ്റുകളിൽ നിന്നും ഇവരെ അന്വേഷണ സംഘം വിളിപ്പിക്കുകയായിരുന്നു.
സിദ്ദിഖിന് സഹായം ചെയ്ത് കൊടുത്തോ എന്നാണ് അന്വേഷണ സം​ഘം ചോദിച്ചത്. തങ്ങളെ കസ്റ്റഡിയിലെടുക്കുകയായിരുന്നില്ല. നോട്ടീസ് നൽകി കൊണ്ടുപോവുകയാണ് ചെയ്തത്. സിദ്ദിഖിനെക്കുറിച്ചാണ് ചോദിച്ചതെന്നും നാദിൻ പ്രതികരിച്ചു.ലെെം​ഗിക അതിക്രമ കേസിൽ നടൻ സിദ്ദിഖിന് ഹൈക്കോടതി മുൻകൂർ ജാമ്യം നിഷേധിച്ചതിന് പിന്നാലെ സിദ്ദിഖ് ഒളിവിൽ പോയിരുന്നു. ഒളിവിൽ പോകുന്നതിന് സഹായിച്ച കാറുമായി ബന്ധപ്പെട്ടാണ് പ്രത്യേക അന്വേഷണ സം​ഘം സിദ്ദിഖിന്റെ മകന്റെ സുഹൃത്തുക്കളെ വിളിപ്പിച്ചതെന്നാണ് വിവരം.&nbsp;

സിദ്ദിഖിന്റെ മകന്റെ സുഹൃത്തുക്കളെ ചോദ്യംചെയ്ത് വിട്ടയച്ചു

കണ്ണൂർ: ഫിറ്റ്നസ് സെന്ററിലെത്തിയ യുവതിയെ പീഡിപ്പിച്ചെന്ന പരാതിയിൽ കോൺഗ്രസ്‌ നേതാവിന്റെ മകൻ അറസ്റ്റിൽ. പയ്യന്നൂരിൽ ഫിറ്റ്നസ് സെന്റർ ഉടമയായ ശരത് നമ്പ്യാരാണ് അറസ്റ്റിലായത്. ഫിറ്റ്നസ് സെന്ററിലെത്തിയ യുവതിയെ ഇയാൾ പീഡിപ്പിച്ചെന്നാണ് പരാതി. മുറിയിൽ പൂട്ടിയിട്ട് പീഡിപ്പിച്ചെന്നാണ് ഇരുപതുകാരി നൽകിയ പരാതിയിൽ പറയുന്നത്.&nbsp;
കണ്ണൂരിലെ മുതിർന്ന കോൺ​ഗ്രസ് നേതാവ് എം നാരായണൻ കുട്ടിയുടെ മകനാണ് ശരത് നമ്പ്യാർ.ഇന്നലെയാണ് സംഭവം നടന്നത്. പയ്യന്നൂരിലെ ഫിറ്റ്നസ് സെന്റർ ഉടമയായ ശരത് നമ്പ്യാർക്കെതിരെ 20കാരി പരാതി നൽകുകയായിരുന്നു. ഇന്നലെ ഫിസിയോ തെറാപ്പി ചെയ്യാൻ സെന്ററിലെത്തിയപ്പോൾ മുറിയിൽ പൂട്ടിയിട്ട് പീഡിപ്പിച്ചുവെന്നാണ് യുവതിയുടെ പരാതിയിൽ പറയുന്നത്.പൊലീസ് സ്റ്റേഷനിൽ യുവതി നേരിട്ടെത്തിയാണ് പരാതി നൽകിയത്. പരാതിയുടെ അടിസ്ഥാനത്തിൽ ഇയാളെ പൊലീസ് അറസ്റ്റ് ചെയ്തു.&nbsp;

ഫിറ്റ്‌നസ് സെന്ററിലെത്തിയ യുവതിയെ പീഡിപ്പിച്ചതായി പരാതി; കോൺഗ്രസ് നേതാവിന്റെ മകൻ അറസ്റ്റിൽ

Kannur

ഷൊർണൂർ: അന്തരിച്ച നടൻ ബാലൻ കെ നായരുടെ മകൻ വാടാനാംകുറുശ്ശി രാമൻകണ്ടത്ത് അജയകുമാർ (54) അന്തരിച്ചു. ഷൊർണൂർ കളർ ഹട്ട് സ്റ്റുഡിയോ, ജുവൽ ഹട്ട് എന്നീ സ്ഥാപനങ്ങളുടെ ഉടമയാണ്.
വ്യാപാരി വ്യവസായി ഏകോപന സമിതി ഷൊർണൂർ യൂണിറ്റ് എക്സിക്യൂട്ടീവ് അം​ഗവും ഓൾ കേരള ഫോട്ടോ​ഗ്രാഫേഴ്സ് അസോസിയേഷൻ ഷൊർണൂർ യൂണിറ്റ് അം​ഗവുമാണ്.അമ്മ: ശാരദ അമ്മ. ഭാര്യ: നിഷ. മക്കൾ: അർജുൻ ബി.അജയ്, ​ഗോപികൃഷ്ണൻ. സഹോദരങ്ങൾ: ആർ.ബി. അനിൽ കുമാർ (എസ്.ടി.വി ചാനൽ എം.ഡി), ആർ.ബി. മേഘനാഥൻ (നടൻ), സുജാത, സ്വർണലത.

നടൻ ബാലൻ കെ നായരുടെ മകൻ അജയകുമാർ അന്തരിച്ചു

പേരാമ്പ്ര: മകനെ മർദിച്ച അച്ഛൻ അറസ്റ്റിൽ. തയ്യുള്ളതിൽ ശ്രീജിത്തിനെയാണ് പൊലീസ് അറസ്റ്റ് ചെയ്തത്. 15 വയസുകാരനായ മകനെ ഇയാൾ മർദിക്കുകയായിരുന്നു. സംഭവത്തിൽ രണ്ടാനമ്മയെ പൊലീസ് കസ്റ്റഡിയിലെടുത്തു വിട്ടയച്ചിരുന്നു.&nbsp;
ശ്രീജിത്ത് വീട്ടിൽ നിരന്തരം മദ്യപിച്ചു വന്നു പ്രശ്നം ഉണ്ടാക്കൽ പതിവാണ്. ഇന്നലെ വീണ്ടും പ്രശ്നമുണ്ടാക്കി. തുടർന്ന് കുട്ടി വീട്ടിൽ നിന്നും ഇറങ്ങി ഓടുകയായിരുന്നു. ഇത് നാട്ടുകാർ പൊലീസ് സ്റ്റേഷനിൽ വിളിച്ചു പറയുകയും ശ്രീജിത്തിനെ പൊലീസ് അറസ്റ്റ് ചെയ്യുകയുമായിരുന്നു.&nbsp;

പേരാമ്പ്രയിൽ മകനെ മർദിച്ച അച്ഛൻ അറസ്റ്റിൽ

Perambra

കണ്ണൂർ: 2011 ഫെബ്രുവരിയിൽ ഏവരെയും സങ്കടത്തിലാഴ്ത്തിയ കു​റ്റവാളിയായ ഗോവിന്ദച്ചാമിയാണ് ഇന്ന് ജയിൽ ചാടിയത്.സാഹസികമായി രക്ഷപ്പെട്ട ഗോവിന്ദച്ചാമിയെ മണിക്കൂറുകൾക്കകം തന്നെ പൊലീസ് അതിസാഹസികമായാണ് പിടികൂടിയത്. 2011 ഫെബ്രുവരി ഒന്നിനാണ് വള്ളത്തോള്‍ നഗര്‍ റെയില്‍വേ സ്‌റ്റേഷന് സമീപത്ത് ഷൊറണൂര്‍ സ്വദേശിയായ 23 വയസ്സുകാരി പെണ്‍കുട്ടിയെ മാരകമായി പരിക്കേറ്റ നിലയില്‍ കണ്ടെത്തിയത്. തലയ്ക്ക് ഗുരുതരമായി പരിക്കേറ്റ പെണ്‍കുട്ടി ബലാത്സംഗത്തിനും ഇരയായിരുന്നു.എറണാകുളം-ഷൊറണൂര്‍ പാസഞ്ചറില്‍ യാത്രയ്ക്കിടെ ഗോവിന്ദച്ചാമിയുടെ ആക്രമണത്തിനിരയായ പെണ്‍കുട്ടിയായിരുന്നു അത്. അത്യാസന്ന നിലയില്‍ കണ്ടെത്തിയ അവളെ ആശുപത്രിയില്‍ പ്രവേശിപ്പിച്ചു,നാല് ദിവസം അനസ്‌തേഷ്യ വിഭാഗം ഐസിയുവില്‍ മരണത്തോട് മല്ലിട്ട് കഴിഞ്ഞെങ്കിലും ആറാം തീയതി ജീവന്‍ വെടിഞ്ഞു. ഫെബ്രുവരി 2ന് വിവാഹനിശ്ചയം നടക്കാനിരിക്കെയായിരുന്നു മണിക്കൂറുകള്‍ക്ക് മുന്‍പ് ആ സംഭവം. പെൺകുട്ടിയുടെ ബാഗ് പിടിച്ചെടുക്കാൻ ഗോവിന്ദച്ചാമി ശ്രമിച്ചിരുന്നു. ഇതോടെ യുവതി കംപാർട്‌മെന്റിലൂടെ രക്ഷപ്പെടുന്നതിനായി ഓടി.വാതിലിന്റെ സമീപത്തെത്തിയ യുവതിയെ ഇയാൾ തൊഴിച്ച് പുറത്തേക്ക് തളളിയിടുകയായിരുന്നു.തൊട്ടുപിന്നാലെ ഗോവിന്ദച്ചാമിയും ട്രെയിനിൽ നിന്ന് ചാടിയിറങ്ങുകയായിരുന്നു.ട്രാക്കിൽ തലയിടിച്ച് പരിക്കേ​റ്റ യുവതിയെ ഇയാൾ വലിച്ചിഴച്ച് പാളങ്ങളുടെ സമീപത്തെത്തിച്ച് പീഡിപ്പിക്കുകയായിരുന്നു.പ്രതിരോധിക്കാൻ ശ്രമിച്ചതോടെ ഗോവിന്ദച്ചാമി കല്ലെടുത്ത് മുഖത്തും തലയിലും ഇടിച്ചു. ഒടുവിൽ യുവതിയുടെ കൈവശമുണ്ടായിരുന്ന 70 രൂപയും മൊബൈൽഫോണും സ്വന്തമാക്കിയാണ് ഇയാൾ അവിടെ നിന്ന് രക്ഷപ്പെട്ടത്.
തീവ്രപരിചരണവിഭാഗത്തിൽ ചികിത്സയിൽ കഴിഞ്ഞിരുന്ന യുവതി ഫെബ്രുവരി ആറിന് മരണത്തിന് കീഴടങ്ങുകയായിരുന്നു. തൃശൂർ ഫാസ്​റ്റ് ട്രാക്ക് കോടതി ഗോവിന്ദച്ചാമിക്ക് വധശിക്ഷ വിധിച്ചെങ്കിലും പിന്നീട് സുപ്രീംകോടതി ജീവപര്യന്തമായി ഇളവ് ചെയ്യുകയായിരുന്നു.&nbsp;

വിവാഹസ്വപ്നങ്ങളുമായി യാത്ര ചെയ്ത പെൺകുട്ടിക്ക് നേരിടേണ്ടി വന്നത് കൊടും ക്രൂരത;ഗോവിന്ദച്ചാമി പ്രതിയായ കേസിന്റെ വിശദാംശങ്ങൾ ഇങ്ങനെ

വടകര: നഗരത്തിൽ ദേശീയപാതയിലെ അവസാനിക്കാത്ത ഗതാഗതകുരുക്ക് യാത്രക്കാരെ ദുരിതത്തിലാഴ്ത്തുന്നു. രാവിലെയും വൈകുന്നേരവും മാത്രമല്ല സദാസമയവും നഗരം കുരുക്കിലാവുന്ന സ്ഥിതിയാണ്. ദേശീയപാത നിർമാണ പ്രവർത്തി തുടങ്ങിയത് മുതൽ ഗതാഗത കുരുക്ക് പതിവാണ്. കനത്ത മഴയും കുണ്ടും കുഴിയും നിറഞ്ഞ റോഡുകളും കുരുക്ക് രൂക്ഷമാക്കുന്നു.
വീതി കുറഞ്ഞ സർവീസ് റോഡും കുരുക്കിന് പ്രധാന കാരണമാണ്. നിരനിരയായി മാത്രമേ വാഹനങ്ങൾക്ക് ഇത് വഴി പോകാൻ സാധിക്കു. ഇതിനോട് ചേർന്ന നടപ്പാതയുടെ സ്ലാബുകളാവട്ടെ എല്ലാ ദിവസവും പൊട്ടുന്ന സ്ഥിതിയാണ്. യാത്രക്കാരുടെ കാൽ പൊട്ടിയ സ്ലാബുകൾക്കുള്ളിൽ കുടുങ്ങാൻ ഇടയുണ്ട്. ഇതിനാൽ യാത്രക്കാർ റോഡിലിറങ്ങി നടക്കേണ്ടി വരുന്നു. ചെറുതും വലുതുമായ കുഴികൾ നിറഞ്ഞിരിക്കുകയാണ് റോഡ് മുഴുവൻ. ഇവ മഴയ്ക്ക് മുൻപ് അടച്ചിരുന്നുവെങ്കിൽ സ്ഥിതി ഇത്ര രൂക്ഷമാവില്ലായിരുന്നു. സമയത്തിന് എത്താൻ സാധിക്കാത്തതിനാൽ ബസ് ജീവനക്കാർക്ക് സർവീസ് നിർത്തിവെക്കണ്ടേ സ്ഥിതിയാണ്.
സ്‌കൂളുകളിലേക്കും ഓഫീസുകളിലേക്കും ജോലി സ്ഥലങ്ങളിലേക്കുമൊന്നും സമയത്ത് എത്താൻ ആളുകൾക്ക് കഴിയുന്നില്ല. ഇതിനിടെ കനത്ത മഴയ്ക്കിടെ കുഴികൾ ടാർ ചെയ്യുന്ന പ്രവൃത്തി തുടങ്ങിയിരുന്നു. വെള്ളം നിറഞ്ഞ കുഴികളിലെ ടാറിങ് വലിയ പ്രതിഷേധത്തിന് ഇടയാക്കിയിരുന്നു. ഇത്തരത്തിൽ ടാർ ചെയ്ത ഇടങ്ങളിലെല്ലാം രണ്ട് ദിവസം കഴിഞ്ഞതോടെ വീണ്ടും കുഴിയായി. ഇപ്പോൾ കോൺക്രീറ്റ് വേസ്റ്റും മണ്ണും കൊണ്ടിട്ട് കുഴികൾ അടയ്ക്കുന്നുണ്ട്. എന്നാൽ ഇതൊന്നും ശാശ്വതമാവുന്നില്ല. ദേശീയപാത സ്തംഭിക്കുമ്പോൾ പോക്കറ്റ് റോഡുകളെയാണ് യാത്രക്കാർ ആശ്രയിക്കുന്നത്. ഇതോടെ ഈ റോഡുകളും കുരുക്കിൽ അമരുന്നു. മണിക്കൂറുകൾ നീളുന്ന ഗതാഗത കുരുക്ക് വടകരയിലേക്ക് വരുന്നതിൽ നിന്നും ആളുകളെ പിന്നോട്ടടിപ്പിക്കുകയാണ്. ഇത് കച്ചവട മേഖലയെയും ബാധിക്കുന്നുണ്ട്.

സദാസമയവും കുരുക്ക്; വടകരയിലേക്ക് വരാൻ മടിച്ച് ജനം

Vadakara

ചെന്നൈ: കാമുകനോടൊപ്പം ജീവിക്കാൻ മക്കളെ കൊലപ്പെടുത്തിയ യുവതിക്കും കൊലപാതകത്തിനു കൂട്ടുനിന്ന കാമുകനും ജീവപര്യന്തം ശിക്ഷ വിധിച്ച് കാഞ്ചീപുരം ജില്ലാ കോടതി. കുണ്ട്രത്തൂരിൽ താമസിച്ചു വന്ന വിജയ്‌യുടെ ഭാര്യ അഭിരാമിയാണ് 2018ൽ 7 വയസ്സുള്ള മകനെയും 4 വയസ്സുള്ള മകളെയും പാലിൽ അമിത അളവിൽ ഉറക്കഗുളിക ചേർത്തു നൽകി കൊലപ്പെടുത്തിയത്.
ഭർത്താവിനും ഉറക്കഗുളിക നൽകിയെങ്കിലും മരിച്ചില്ല. കുട്ടികളെ കൊലപ്പെടുത്തിയ ശേഷം കാമുകൻ മീനാക്ഷി സുന്ദരത്തോടൊപ്പം കേരളത്തിലേക്കു കടക്കാനുള്ള ശ്രമത്തിനിടെ കോയമ്പേട് ബസ് സ്റ്റാൻഡിൽ നിന്ന് അറസ്റ്റിലായി.&nbsp;

കാമുകനോടൊപ്പം ജീവിക്കാൻ മക്കളെ കൊലപ്പെടുത്തി; ടിക്‌ടോക് താരമായ യുവതിക്കും ആൺ സുഹൃത്തിനും ജീവപര്യന്തം

National

വയനാട്: താമരശ്ശേരി ചുരത്തിന് മുകളിൽ വൈത്തിരി പോലീസ് നടത്തിയ വാഹന പരിശോധനയ്ക്കിടെ കാറിൽ എത്തിയ യുവാവ് ഓടി ഒൻപതാം വളവിന് മുകളിൽനിന്നു താഴേക്ക് ചാടി. യുവാവിനായി തിരച്ചിൽ തുടരുന്നു. മലപ്പുറം സ്വദേശിയായ യുവാവ് സഞ്ചരിച്ച കാറിൽനിന്നു മയക്കുമരുന്ന് കണ്ടെത്തിയതായി സൂചന. പോലീസും ഫയർഫോഴ്‌സും സന്നദ്ധ പ്രവർത്തകരും ചേർന്ന് തിരച്ചിൽ തുടരുകയാണ്.

വാഹന പരിശോധനയ്ക്കിടെ താമരശ്ശേരി ചുരത്തിന് മുകളിൽനിന്ന് ചാടി യുവാവ്; തിരച്ചിൽ

കോഴിക്കോട്: കുറ്റ്യാടി-കോഴിക്കോട് റൂട്ടിലെ സ്വകാര്യബസ് സമരം ഒത്തുതീര്‍ന്നു. പേരാമ്പ്ര ഡിവൈഎസ്പി വിളിച്ചുചേര്‍ത്ത യോഗത്തില്‍ ബസ് ഓണേഴ്‌സ് അസോസിയേഷന്‍, വിവിധ തൊഴിലാളി സംഘടനകള്‍ തുടങ്ങിയവരുമായി നടത്തിയ ചര്‍ച്ചയിലാണ് സമരം ഒത്തുതീര്‍ന്നത് .&nbsp;
ബസുകള്‍ വാടകയ്ക്ക് ഓടുന്ന പ്രവണതയ്‌ക്കെതിരെ കര്‍ശന നടപടിയെടുക്കും. ബസുകളിലെ സിസിടിവി ക്യാമറകള്‍ നിര്‍ബന്ധമായും പ്രവര്‍ത്തിപ്പിക്കണം. പ്രവൃത്തിപരിചയമുള്ള ഡ്രൈവര്‍മാരെ നിയമിക്കണം. വേഗത കുറയ്ക്കണം. പേരാമ്പ്ര ബസ് സ്റ്റാന്‍ഡിലെ ഏജന്റുമാരെ ഒഴിവാക്കും. വിദ്യാര്‍ഥികളെ കയറ്റാത്ത ബസുകള്‍ക്കെതിരേ നടപടിയുണ്ടാകും. ബസ് ജീവനക്കാര്‍ക്ക് ബോധവല്‍ക്കരണക്ലാസുകള്‍ സംഘടിപ്പിക്കും. ജീവനക്കാരുടെ ഡേറ്റാബാങ്ക് തയ്യാറാക്കും തുടങ്ങിയവയാണ് യോഗത്തില്‍ കൈക്കൊണ്ട തീരുമാനങ്ങൾ.കഴിഞ്ഞ ദിവസം പേരാമ്പ്രയില്‍ വിദ്യാര്‍ഥി ബസ് ഇടിച്ച് മരിച്ചതിനെത്തുടര്‍ന്ന് വിവിധ യുവജനസംഘടനകള്‍ ബസുകള്‍ തടഞ്ഞ് പ്രതിഷേധിച്ചതോടെയാണ് സ്വകാര്യബസുകള്‍ സര്‍വീസ് നിര്‍ത്തിവെച്ചത്.

കുറ്റ്യാടി-കോഴിക്കോട് റൂട്ടിലെ സ്വകാര്യബസ് സമരം ഒത്തുതീര്‍ന്നു

Kozhikode

കൊ​യി​ലാ​ണ്ടി: റെ​യി​ൽ​വേ സ്റ്റേ​ഷ​ന് സ​മീ​പം കാ​വും​വ​ട്ടം സ്വ​ദേ​ശി പ​റ​യ​ച്ചാ​ൽ മീ​ത്ത​ൽ ഇ​സ്മ​യി​ലി​നെ (45) ക​രി​ങ്ക​ല്ല് കൊ​ണ്ട് ആ​ക്ര​മി​ച്ച് ഗു​രു​ത​ര പ​രി​ക്കേ​ൽ​പി​ക്കു​ക​യും മൊ​ബൈ​ൽ ഫോ​ൺ ക​വ​രു​ക​യും ചെ​യ്ത പ്ര​തി​ക​ൾ അ​റ​സ്റ്റി​ൽ. വി​യ്യൂ​ർ സ്വ​ദേ​ശി ന​വ​ജി​ത് (24), കോ​ക്ക​ല്ലൂ​ർ പു​ല​ച്ചി​ല്ല മ​ല​യി​ൽ വി​ഷ്ണു (29) എ​ന്നി​വ​രാ​ണ് പി​ടി​യി​ലാ​യ​ത്. ബു​ധ​നാ​ഴ്ച രാ​ത്രി​ റെ​യി​ൽ​വേ പാ​ള​ത്തി​ലൂ​ടെ ന​ട​ന്നു പോ​കു​ന്ന​തി​നി​ടെ പ്ര​തി​ക​ൾ പാ​ള​ത്തി​ൽ വെ​ച്ച് ക​രി​ങ്ക​ല്ല് ഉ​പ​യോ​ഗി​ച്ച് ത​ല​യി​ലും മു​ഖ​ത്തും മാ​ര​ക​മാ​യി കു​ത്തി​പ്പ​രി​ക്കേ​ൽ​പ്പി​ക്കു​ക​യാ​യി​രു​ന്നു.&nbsp;
മൊ​ബൈ​ൽ ഫോ​ണും ത​ട്ടി​യെ​ടു​ത്തു. ത​ള​ർ​ന്നുപോ​യ ഇ​സ്മ​യി​ൽ പി​ന്നീ​ട് ന​ട​ന്ന് കൊ​യി​ലാ​ണ്ടി ഗ​വ. താ​ലൂ​ക്കാ​ശു​പ​ത്രി​യി​ൽ എ​ത്തു​ക​യാ​യി​രു​ന്നു. തു​ട​ർ​ന്നാ​ണ് വി​വ​രം പു​റ​ത്ത​റി​ഞ്ഞ​ത്. വി​ദ​ഗ് ധ ​ചി​കി​ത്സ​ക്കാ​യി ഇ​സ്മ​യി​ലെ​നെ മെ​ഡി​ക്ക​ൽ കോ​ള​ജി​ലേ​ക്കു കൊ​ണ്ടു​പോ​യി. ഇ​യാ​ളു​ടെ ത​ല​യി​ലും മു​ഖ​ത്തു​മാ​യി 24 ഓ​ളം തു​ന്നി​ട്ടു. വി​ഷ്ണു​വി​നെ കൊ​യി​ലാ​ണ്ടി ബീ​ച്ചി​ൽനി​ന്നും ന​വ​ജി​ത്തി​നെ കോ​ഴി​ക്കോ​ട് ബീ​ച്ചി​ൽ നി​ന്നും പൊ​ലീസ് പി​ടി​കൂ​ടു​ക​യാ​യി​രു​ന്നു. ക​വ​ർ​ച്ച, ആ​ക്ര​മി​ച്ച് പ​രി​ക്കേ​ൽ​പിക്കു​ക തു​ട​ങ്ങി​യ വ​കു​പ്പു​ക​ളാ​ണ് പ്ര​തി​ക​ൾ​ക്കെ​തി​രെ ചാ​ർ​ജ് ചെ​യ്തി​രി​ക്കു​ന്ന​ത്.

കൊയിലാണ്ടിയിൽ യാത്രക്കാരനെ ആക്രമിച്ച് പരിക്കേൽപിച്ച പ്രതികൾ പിടിയിൽ

Koyilandy

വടകര: വീടിന്റെ സൺഷേഡിൽ കയറി നിന്ന ഇതര സംസ്ഥാന യുവാവ് പരിഭ്രാന്തി പരത്തി. വടകര വണ്ണാത്തി ഗേറ്റിൽ രാവിലെ 11.30 ഓടെയാണ് സംഭവം. മീത്തൽ രാമചന്ദ്രന്റെ വീട്ടിലെ സൺഷേഡിന് മുകളിലാണ് യുവാവ് നിലയുറപ്പിച്ചത്.&nbsp;
രാമചന്ദ്രന്റെ ഭാര്യ മുറ്റത്ത് നിൽക്കവേ മുകളിൽ നിന്നും ശബ്‍ദം കേട്ട് നോക്കുമ്പോഴാണ് കയ്യിൽ വടിയുമായി ഒരാൾ നില്ക്കുന്നത് കണ്ടത്. ഭയന്നു പോയ ഇവർ വീട്ടുകാരെയും അയൽ വാസികളെയും വിളിക്കുകയായിരുന്നു. ആളുകൾ എത്തിയതോടെ വടി കളഞ്ഞെങ്കിലും യുവാവ് താഴേക്ക് ഇറങ്ങാൻ തയ്യാറായില്ല. ഇതോടെ ആളുകൾ പോലീസിലും ഫയർ ഫോഴ്സിലും വിവരമറിയിച്ചു. ഫയർ ഫോഴ്‌സ് എത്തി വല വിരിച്ച് താഴെ ഇറക്കാനുള്ള ശ്രമം തുടങ്ങിയതോടെ ഇയാൾ സമീപത്തെ തെങ്ങിലേക്ക് ചാടുകയും ഊർന്ന് താഴെ വീഴുകയുമായിരുന്നു. ഇയാൾ എങ്ങനെ മുകളിൽ കയറി എന്നത് വ്യക്തമല്ല. രാവിലെ മുതൽ റോഡിൻറെ പല ഭാഗത്തായി ഇയാളെ കണ്ടിരുന്നതായി നാട്ടുകാർ പറയുന്നു. പാന്റും ഷർട്ടുമാണ് വേഷം.&nbsp;

വടകരയിൽ വീടിന്റെ സൺഷേഡിൽ കയറി നിന്ന ഇതര സംസ്ഥാന യുവാവ് പരിഭ്രാന്തി പരത്തി

അത്തോളി: എൽ എസ് ഡി സ്റ്റാമ്പുമായി യുവാവ് പിടിയിൽ. ഉള്ളിയേരി മഠത്തിൽ കുന്നുമ്മൽ മുഹമ്മദ് ജവാദാണ് പോലീസിൻ്റെ പിടിയിലായത്. ഉള്ളിയേരി, അത്തോളി, മൊടക്കല്ലൂർ എന്നിവിടങ്ങളിലും സ്വകാര്യ ആശുപത്രിയിലെ വിദ്യാർത്ഥികളെ കേന്ദ്രീകരിച്ചും പ്രതി വൻതോതിൽ എം ഡി എം എയും, എൽ എസ് ഡി സ്റ്റാമ്പുകളും വിൽപന നടത്തി വരുന്നതായി രഹസ്യ വിവരം ലഭിച്ചതിന്റെ അടിസ്ഥാനത്തിൽ നടത്തിയ പരിശോധനയിൽ പ്രതി സ്റ്റാമ്പു സഹിതം പോലീസിൻ്റെ വലയിലാകുകയായിരുന്നു. കോഴിക്കോട് റൂറൽ എസ്പി കെ ഇ ബൈജുവിൻ്റെ കീഴിലെ ഡാൻസാഫ് സ്ക്വാഡും പേരാമ്പ്ര ഡി വൈ എസ് പി എൻ സുനിൽ കുമാറിൻ്റെ കീഴിലെ സ്ക്വാഡും ചേർന്ന് അത്തോളി എസ് ഐ മുഹമ്മദലിയുടെ നേതൃത്വത്തിൽ നടത്തിയ പരിശോധനയിലാണ് ഇയാൾ പിടിയിലാകുന്നത്.&nbsp;
ഇയാളിൽ നിന്നും 0.020 ഗ്രാം തൂക്കം വരുന്ന ആറ് എൽ എസ് സി സ്റ്റാമ്പുകൾ പോലീസ് പിടിച്ചെടുത്തു. ഇയാൾ സ്ഥിരമായി ആഡംബര വാഹനങ്ങളിൽ യാത്ര ചെയ്താണ് ലഹരി വിൽപന നടത്തിയിരുന്നതെന്നും ഇയാളുപയോഗിച്ച പോളോ വെൻറോ കാർ പിടിച്ചെടുത്തിട്ടുണ്ടെന്നും പോലീസ് പറഞ്ഞു. എസ് ഐ മനോജ് രാമത്ത്, എഎസ്ഐ സദാനന്ദൻ, സീനിയർ സിവിൽ പോലീസ് ഓഫീസർമാരായ വിനീഷ് ടി, ഷാഫി എൻ എം, സിഞ്ചുദാസ്, ജയേഷ് കെ കെ എന്നിവർ ചേർന്നാണ് പ്രതിയെ പിടികൂടിയത്. പ്രതിക്കെതിരെ ജാമ്യമില്ലാ വകുപ്പുകൾ ചേർത്ത് കേസെടുത്തതായും പോലീസ് അറിയിച്ചു.

അത്തോളിയിൽ എൽ എസ് ഡി സ്റ്റാമ്പുമായി യുവാവ് പിടിയിൽ

വടകര: മദ്യപിച്ച യാത്രക്കാരി അബോധാവസ്ഥയിലായതോടെ കെ എസ് ആർ ടി സി ബസിന്റെ ട്രിപ്പ് മുടങ്ങി. കണ്ണൂരിൽ നിന്നും കോഴിക്കോട്ടേക്ക് പോവുകയായിരുന്ന കെ എസ് ആർ ടി സി ബസിലാണ് സംഭവം. മാഹിയിൽ നിന്ന് ബസിൽ കയറിയ യുവതി വടകരയിലേക്കാണ് ടിക്കറ്റ് എടുത്തത്. ബസ് വടകര പുതിയ ബസ് സ്റ്റാൻഡിൽ എത്തി യാത്രക്കാർ ഇറങ്ങുകയും കയറുകയും ചെയ്തിട്ടും യുവതി ഇറങ്ങിയില്ല. ഉറങ്ങിപോയതാവാം എന്ന് കരുതി കണ്ടക്ടർ വിളിച്ചുണർത്താൻ ശ്രമിച്ചെങ്കിലും യുവതിക്ക് അനക്കമുണ്ടായിരുന്നില്ല.&nbsp;
മദ്യത്തിന്റെ ഗന്ധവും ഉണ്ടായതോടെയാണ് ബസ് ജീവനക്കാർക്കും മറ്റ് യാത്രക്കാർക്കും യുവതി അബോധാവസ്ഥയിൽ ആയെന്ന് തോന്നിയത്. തുടർന്ന് വടകര വനിതാ സെല്ലിലേക്ക് വിവരം അറിയിക്കുകയും വനിതാ പോലീസുകാരെത്തി മറ്റുള്ളവരുടെ സഹായത്തോടെ യുവതിയെ ബസിൽ നിന്നും ഇറക്കുകയായിരുന്നു. ഈ സമയമത്രയും സ്റ്റാൻഡിൽ നിർത്തിയിടേണ്ടി വന്നതോടെ സമയം തെറ്റിയ ബസിന്റെ ട്രിപ്പ് മുടങ്ങുകയും തുടർന്ന് യാത്രക്കാരെ മറ്റൊരു ബസിൽ കയറ്റി വിടുകയും ചെയ്തു. കോഴിക്കോട് പെരുവയൽ സ്വദേശിയാണ് യുവതിയെന്നാണ് വിവരം.&nbsp;

മദ്യപിച്ച യാത്രക്കാരി അബോധാവസ്ഥയിലായി; കെ എസ് ആർ ടി സി ബസിന്റെ ട്രിപ്പ് മുടങ്ങി

Search Results for: tharun moorthy