ന്യൂഡൽഹി: യുവാവിന്റെ വയറ്റിൽ നിന്നു ജീവനുള്ള പാറ്റയെ നീക്കം ചെയ്തു. വസന്ത്കുഞ്ചിലെ ഫോർട്ടീസ് ആശുപത്രിയിലാണ് 23 വയസ്സുള്ള പുരുഷന്റെ വയറ്റിൽനിന്ന് 3 സെന്റിമീറ്റർ വലുപ്പമുള്ള പാറ്റയെ എൻഡോസ്കോപ്പിയിലൂടെ പുറത്തെടുത്തത്. വഴിയോരത്തുനിന്നു ഭക്ഷണം കഴിച്ചതിനെത്തുടർന്നുണ്ടായ വയറുവേദന കാരണമാണ് ആശുപത്രിയിലെത്തിയത്. 10 മിനിറ്റ് നീണ്ടുനിന്ന പ്രക്രിയയിലൂടെയാണ് പാറ്റയെ പുറത്തെടുക്കാൻ സാധിച്ചത്.&nbsp;
കഠിനമായ വയറുവേദന, ഭക്ഷണം ദഹിക്കുന്നതിലെ ബുദ്ധിമുട്ട്, തുടർച്ചയായി മൂന്നു ദിവസം വയറു വീർക്കുക എന്നീ ലക്ഷണങ്ങളോടെയാണ് യുവാവ് ഗ്യാസ്ട്രോ എൻട്രോളജിയിലെ സീനിയർ കൺസൾട്ടന്റ് ഡോ.ശുഭം വത്സ്യത്തിന്റെ അടുത്ത് എത്തിയത്. അപ്പർ ഗ്യാസ്ട്രോ ഇൻ്റസ്റ്റൈനൽ (ജിഐ) എൻഡോസ്കോപ്പി നടത്തി രോഗിയുടെ ചെറുകുടലിൽ ജീവനുള്ള പാറ്റയെ കണ്ടെത്തുകയായിരുന്നുവെന്ന് ഡോ.ശുഭം വാത്സ്യ പറഞ്ഞു.
കൃത്യസമയത്ത് ചികിത്സിച്ചില്ലെങ്കിൽ ഇത്തരം കേസുകൾ ജീവനു തന്നെ ഭീഷണിയാകുമെന്നും ‍ഡോക്ടർമാർ മുന്നറിയിപ്പ് നൽകുന്നു. ഭക്ഷണം കഴിക്കുന്ന സമയത്ത് പാറ്റയെ വിഴുങ്ങിയിരിക്കാനാണ് കൂടുതൽ സാധ്യത. അല്ലെങ്കിൽ ഉറങ്ങി കിടക്കുമ്പോൾ വായിലേക്ക് കയറിയിരിക്കാനും സാധ്യയുണ്ടെന്നും ഡോക്ടർ പറഞ്ഞു. പുറത്തെടുക്കാൻ വൈകിയെങ്കിൽ പകർച്ചവ്യാധികൾ ഉൾപ്പെടെയുള്ള ഗുരുതരമായ രോഗത്തിലേക്കും ഇത് നയിച്ചേക്കാൻ സാധ്യതയുണ്ടെന്നാണ് ആരോഗ്യ വിദഗ്ധർ പറയുന്നത്.

&nbsp;

കഠിനമായ വേദനയുമായി ആശുപത്രിയിൽ; യുവാവിന്റെ വയറ്റിൽ നിന്ന് പുറത്തെടുത്തത് ജീവനുള്ള പാറ്റയെ

പ്രതീകാത്മക ചിത്രം

National

സോഷ്യൽമീഡിയയിൽ നടക്കുന്ന വ്യാജപ്രചാരണത്തിൽ പ്രതികരിച്ച് അന്തരിച്ച നടൻ കൊല്ലം സുധിയുടെ ഭാര്യ രേണു. വിധവയാണെന്ന് പറഞ്ഞ് തനിക്ക് ഒന്നും ചെയ്യാൻ കഴിയില്ലേയെന്നും രേണു ചോദിച്ചു. ഒന്നുകിൽ ജീവിതം അവസാനിപ്പിക്കുമെന്നും അല്ലെങ്കിൽ മറ്റൊരു വിവാഹം കഴിക്കുകയാണ് പ്രതിവിധിയെന്നാണ് രേണു വ്യക്തമാക്കിയിരിക്കുന്നത്. സോഷ്യൽമീഡിയയിലൂടെയായിരുന്നു പ്രതികരണം. വാഹനാപകടത്തിൽ സുധി മരിച്ചതോടെ രേണുവിനെയും മക്കളെയും സഹായിക്കാൻ നിരവധിയാളുകൾ രംഗത്തെത്തിയിരുന്നു. അന്നുമുതൽക്കേ രേണു നിരന്തരമായി സൈബർ ആക്രമണം നേരിട്ടിരുന്നു. നല്ല വസ്ത്രമിട്ടാലും ചിരിച്ചുകൊണ്ട് റീൽ ചെയ്താലും നിരവധി വിമർശനങ്ങൾ രേണു നേരിട്ടിരുന്നു. ഇപ്പോഴിതാ സുധിയുടെ ആദ്യ വിവാഹത്തിലെ മകനെ രേണു വീട്ടിൽ നിന്ന് ഇറക്കിവിട്ടുവെന്ന വ്യാജപ്രചാരണത്തിനെ തുടർന്നാണ് പ്രതികരിച്ചിരിക്കുന്നത്.
രേണുവിന്റെ വാക്കുകളിലേക്ക്
ഒന്നിനും ഞാൻ ഇല്ല. എന്നാ തെറ്റാ ചെയ്യുന്നത് എന്ന് എനിക്കറിയില്ല. ഞാൻ വിധവ ആണെന്ന് പറഞ്ഞ് എനിക്കൊന്നും ചെയ്യാൻ പറ്റില്ലേ? എല്ലാം കുറ്റമാ. കേട്ട് കേട്ട് മടുത്തു. ഒന്നെങ്കിൽ ജീവിതം അവസാനിപ്പിക്കും അല്ലേൽ ആരെയെങ്കിലും കെട്ടി ജീവിക്കും, എനിക്കു മടുത്തു. ഇങ്ങനെ കേൾക്കാൻ എന്തേലും തെറ്റ് ചെയ്തിട്ടാണേലും കുഴപ്പമില്ല. വിധവ എന്നു പറഞ്ഞ് ഇങ്ങനെ കുത്തുന്നു. ഞാനെന്നാ ചെയ്താലും പറഞ്ഞാലും കുറ്റം.
ഞാൻ ജീവിതം അവസാനിപ്പിച്ചാലും. ഇനി കെട്ടിയാലും എല്ലാം ഈ പഴി പറയുന്നവർ തന്നെ കാരണം. ശരിക്കും മടുത്തിട്ട് തന്നെയാണ് സ്‌റ്റോറി ഇട്ടത്. അല്ലാതെ വേറെ കെട്ടാൻ മറ്റാരുടേയും സമ്മതം വേണ്ട എനിക്ക്. പക്ഷെ ഇതുവരെ അങ്ങനെ ചിന്തിച്ചിട്ടില്ല. എട്ടൻ മരിച്ചതു കൊണ്ടല്ലേ ഞാൻ എന്ത് ചെയ്താലും പറഞ്ഞാലും ഇരുന്നാലും നിന്നാലും എല്ലാം കുറ്റം. ഒന്നെങ്കിൽ ഈ ജീവിതം അവസാനിപ്പിക്കുക അല്ലെങ്കിൽ വേറെ കെട്ടുക. മക്കളുടെ സമ്മതത്തോടെ അപ്പോൾ പിന്നെ ഈ പേര് അങ്ങ് തീർന്നു കിട്ടുമല്ലോ. അല്ലാതെ എന്ത് വഴിയാ വിധവ എന്നത് മാറാൻ.

'എനിക്ക് മടുത്തു, ഒന്നെങ്കിൽ ജീവിതം അവസാനിപ്പിക്കും അല്ലെങ്കിൽ ആരെയെങ്കിലും കെട്ടി ജീവിക്കും'; കൊല്ലം സുധിയുടെ ഭാര്യ രേണു

കുറ്റ്യാടി: നിർമ്മാണം പൂർത്തിയാക്കിയ അടുക്കത്തെ ഒന്തത്ത് - തെയ്യമ്പാടി റോഡിൻ്റെ ഉദ്ഘാടനം വാർഡ് മെമ്പർ ടി.പി. ആലി നിർവഹിച്ചു. ചടങ്ങിൽ അയൽക്കൂട്ടം ചെയർമാൻ ഷമീന തെയ്യമ്പാടി അധ്യക്ഷത വഹിച്ചു. വി.കെ. കുഞ്ഞബ്ദുള്ള, ഡി.കെ മുഹമ്മദ്, കെ.കെ.മുഹമ്മദ്‌ ശരീഫ്, ഹമീദ് തടപ്പാട്ടിൽ, കോവുമ്മൽ അമ്മദ് ഹാജി, അഷ്റഫ്.ടി.പി, നവാസ് മാണിക്കോത്ത്, അമ്മദ് കാഞ്ഞായി, കെ.ഹമീദ്, പി.കെ.ഷാനവാസ് എന്നിവർ സംസാരിച്ചു.

റോഡ് ഉദ്ഘാടനം ചെയ്തു

Inshort

തിരുവനന്തപുരം: തൊഴിലുറപ്പ് സ്ഥലത്ത് വെച്ച് തേനീച്ചയുടെ കുത്തേറ്റ് ഗുരുതരാവസ്ഥയിൽ ഐസിയുവിൽ പ്രവേശിപ്പിച്ച വീട്ടമ്മ മരിച്ചു. അരുവിക്കര മുളയറ കരിക്കത്ത് വീട്ടിൽ സുശീല (62) ആണ് മെഡിക്കൽ കോളേജ് ആശുപത്രിയിൽ ഐസിയുവിൽ ചികിത്സയിലിരിക്കെ മരണപ്പെട്ടത്. ആരോഗ്യനില വഷളായതിനെ തുടർന്ന് വെന്‍റിലേറ്ററിലായിരുന്നു സുശീല.
കഴിഞ്ഞ തിങ്കളാഴ്ച 1അരുവിക്കര ഗ്രാമ പഞ്ചായത്തിലെ ഭഗവതിപുരം വാർഡിൽ തൊഴിലുറപ്പ് സ്ഥലത്ത് കാട് വെട്ടുന്നതിനിടയിൽ തൂക്ക് തേനീച്ച ഇളകി 20 ലേറെ തൊഴിലാളികളെ കുത്തുകയായിരുന്നു. ഇതിൽ 10 പേർ മെഡിക്കൽ കോളേജിലും ബാക്കിയുള്ളവർ വെള്ളനാട് ആശുപത്രിയിലുമാണ് ചികിത്സ തേടിയത്.&nbsp;

തൊഴിലുറപ്പ് ജോലിക്കിടെ തേനീച്ചയുടെ കുത്തേറ്റു ;വീട്ടമ്മയ്ക്ക് ദാരുണാന്ത്യം

Kerala

കൊച്ചി: മൈസൂരു-ദർബാംഗ ഭാഗ്മതി എക്സ്പ്രസ് ഗുഡ്സ് ട്രെയിനിലേക്ക് ഇടിച്ചുകയറി ഉണ്ടായ അപകടത്തെ തുടർന്ന് കേരളത്തിൽ നിന്നുള്ള ട്രെയിനുകളുൾപ്പടെ വഴിതിരിച്ചുവിടുമെന്ന് റെയിൽവേ അധികൃതർ അറിയിച്ചു. 18 ട്രെയിൻ സർവീസുകൾ റദ്ദാക്കിയിട്ടുണ്ട്. എറണാകുളത്ത് നിന്ന് രാവിലെ 10:50ന് പുറപ്പെടുന്ന ബറൗണി രപ്തിസാഗർ എക്സ്പ്രസ്, എറണാകുളം – പറ്റ്ന സ്പെഷ്യൽ ട്രെയിൻ, റ്റാറ്റനഗറിൽ നിന്ന് എറണാകുളത്തേക്കുള്ള എക്സ്പ്രസ് (18189) തുടങ്ങിയവ വഴിതിരിച്ചുവിടുന്നവയിൽ ഉൾപ്പെടുന്നുണ്ട്.
ഒക്ടോബർ 10-ന് രാവിലെ 11:35-ന് ധൻബാദിൽ നിന്ന് പുറപ്പെട്ട ട്രെയിൻ നമ്പർ 13351 ധൻബാദ്-ആലപ്പുഴ എക്‌സ്പ്രസ് നായുഡുപേട്ട, സുലുരുപേട്ട, ഡോ.എം.ജി.ആർ ചെന്നൈ സെൻട്രൽ, ആരക്കോണം എന്നിവിടങ്ങളിലെ സ്റ്റോപ്പുകൾ ഒഴിവാക്കി റെനിഗുണ്ട-മേലപാളയം-കാട്പാടി വഴി തിരിച്ചുവിട്ടു. ഒക്‌ടോബർ 10-ന് വൈകീട്ട് 4:25-ന് ജബൽപൂരിൽ നിന്ന് പുറപ്പെട്ട 02122 ജബൽപൂർ-മധുര സൂപ്പർഫാസ്റ്റ് സ്‌പെഷ്യൽ ചെന്നൈ എഗ്‌മോറിലും താംബരത്തും സ്റ്റോപ്പുകൾ ഒഴിവാക്കി റെനിഗുണ്ട-മേലപാളയം-ചെങ്കൽപട്ട് വഴി തിരിച്ചുവിട്ടു. ഒക്‌ടോബർ 11ന് രാത്രി 10 മണിക്ക് പുറപ്പെട്ട എം.ജി.ആർ ചെന്നൈ സെൻട്രൽ-തമിഴ്‌നാട് എക്‌സ്പ്രസ് നമ്പർ 12621 ആരക്കോണം-റെനിഗുണ്ട വഴി വിജയവാഡയിലേക്ക് തിരിച്ചുവിട്ടു.
ഒക്‌ടോബർ 11-ന് രാവിലെ 7.15-ന് എറണാകുളത്ത് നിന്ന് പുറപ്പെട്ട 18190 എറണാകുളം-ടാറ്റാനഗർ എക്‌സ്പ്രസ് മേലപ്പാളയം-ആറക്കോണം-റേണിഗുണ്ട വഴി തിരിച്ചുവിട്ടു. ഒക്‌ടോബർ 11-ന് ഉച്ചക്ക് 1.35ന് പുറപ്പെട്ട ട്രെയിൻ നമ്പർ 12664 തിരുച്ചിറപ്പള്ളി-ഹൗറ സൂപ്പർഫാസ്റ്റ് എക്‌സ്പ്രസ് മേൽപാളയം-ആറക്കോണം-റേണിഗുണ്ട വഴി തിരിച്ചുവിട്ടു. ഒക്‌ടോബർ 11-ന് രാവിലെ 9.50-ന് രാമനാഥപുരത്ത് നിന്ന് പുറപ്പെട്ട 07496 രാമനാഥപുരം എക്‌സ്‌പ്രസ് സ്‌പെഷ്യൽ ആരക്കോണം-റേണിഗുണ്ട വഴി തിരിച്ചുവിട്ടു. 11-ന് രാവിലെ 11:50-ന് കോയമ്പത്തൂരിൽ നിന്ന് പുറപ്പെട്ട 06063 കോയമ്പത്തൂർ-ധൻബാദ് എക്‌സ്‌പ്രസ് സ്‌പെഷ്യൽ മേലപ്പാളയം-ആറക്കോണം-റേണിഗുണ്ട വഴി തിരിച്ചുവിട്ടു.
അപകടത്തിന് പിന്നാലെ ആളുകൾക്ക് ബന്ധപ്പെടാനായി ദക്ഷിണ റെയിൽവേ എമർജൻസി ഹൈൽപ്പ് ലൈൻ നമ്പറുകൾ നൽകിയിട്ടുണ്ട്. 044-25354151, 044-24354995 എന്നീ നമ്പറുകളാണ് നൽകിയിരിക്കുന്നത്. സമീപ റെയിൽവേ ഡിവിഷനുകളായ ആന്ധ്രപ്രദേശിലെ ഗുഡുർ-08624 250795, ഓംഗോല-08624 250795, വിജയവാഡ-0866 2571244, നെല്ലൂർ-0861 2345863 എന്നിവിടങ്ങളിലും ഹെൽപ്പ് ലൈൻ നമ്പറുകൾ നൽകിയിട്ടുണ്ട്.

തമിഴ്നാട് ട്രെയിൻ അപകടം; കേരളത്തിൽ നിന്നുള്ള ട്രെയിനുകളടക്കം വഴിതിരിച്ചുവിടും

കൊട്ടിയൂർ: കൊട്ടിയൂരിൽ സ്വകാര്യ ബസും ടൂറിസ്റ്റ് ബസും കൂട്ടിയിടിച്ച് അപകടം 16 പേർക്ക് പരിക്കേറ്റു. ഇന്ന് രാവിലെ 11.30 ഓടെയാണ് അപകടം. തിരുനെല്ലിയിൽ നിന്നും തലശ്ശേരിയിലേക്ക് പോവുകയായിരുന്ന പുത്തൻപുര എന്ന സ്വകാര്യ ബസ്സും കണ്ണൂരിൽ നിന്നും ഊട്ടിയിലേക്ക് പോവുകയായിരുന്ന ടൂറിസ്റ്റ് ബസ്സുമാണ് നീണ്ടുനോക്കി മുസ്‌ലിം പള്ളിക്ക് സമീപം കൂട്ടിയിടിച്ചത്. ഇടിയുടെ ആഘാതത്തിൽ ടൂറിസ്റ്റ് ബസ് റോഡരികിലെ കരിമ്പിൽ ബീരാന്റെ വീട്ടുമതിലും തകർത്താണ് നിന്നത്.
ടൂറിസ്റ്റ് ബസ്സിൽ നിറയെ ആളുണ്ടായിരുന്നെങ്കിലും സ്വകാര്യ ബസ്സിൽ ആളുകൾ കുറവായിരുന്നു. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു. അപകടത്തിൽ സ്വകാര്യ ബസ് ഡ്രൈവർ പേരിയ ആലാറ്റിൻ സ്വദേശി സായന്തി(29)ന് കൈക്കും തലക്കും പരിക്കേറ്റു. ഇയാളെ മാനന്തവാടിയിലെ ആശുപത്രിയിൽ പ്രവേശിപ്പിച്ചു.ടൂറിസ്റ്റ് ബസ് യാത്രക്കാരായ ധർമടം സ്വദേശികളായ ഷീന(52), ഷംന(49), സ്വകാര്യ ബസ് യാത്രക്കാരായ പുൽപ്പള്ളി സ്വദേശിനി പുഷ്പ(42), പേരിയ സ്വദേശിനി ഗിരിജ(44), ഭർത്താവ് സുരേഷ്(48), സാറാമ്മ(78), ഷേർലി(53), ഷിബില(53), ധന്യ(25), വെള്ള (58), മിനി(36), അഷറഫ്(48), ഇസ്മയിൽ(58), അക്ഷയ്, വിപിൻകുമാർ(40) എന്നിവർക്കാണ് പരിക്കേറ്റത്.

കൊട്ടിയൂരിൽ ബസുകൾ കൂട്ടിയിടിച്ച് അപകടം; 16 പേർക്ക് പരിക്ക്

Kannur

വടകര: കുട്ടോത്ത് ഓലയാട്ട് കൃഷ്ണൻ (83) നിര്യാതനായി. ഭാര്യ; പരേതയായ യശോദ. മക്കൾ; മനോജ്, പ്രമോദ്, പ്രദീപ്, റീന. മരുമക്കൾ; സുമ (സി പി ഐ എം കുട്ടോത്ത് വെസ്റ്റ് ബ്രാഞ്ച് മെമ്പർ), പ്രീത, നിഷിത, രഘുനാഥൻ (ഇരിങ്ങൽ). സഹോദരങ്ങൾ; പരേതരായ കല്യാണി, നാരായണി.

കുട്ടോത്ത് ഓലയാട്ട് കൃഷ്ണൻ നിര്യാതനായി

Obituary

നാദാപുരം: മരിക്കുന്നെങ്കിൽ മരിക്കട്ടെ, നാട്ടുകാർ അറിയണം ഞാൻ എഴുതി വെക്കും... ഇനിയുള്ള ദിവസങ്ങൾ വീട്ടിൽ തന്നെ കഴിയണം... നരിപ്പറ്റ പഞ്ചായത്തിലെ വിലങ്ങാട് വാളുക്കിലെ കാവിൽ പുരയിടത്ത് മാനുവലിൻ്റതാണ് ഈ വാക്കുകൾ. മാനുവലിൻ്റെ വീടിന് ഭീഷണി ഉയർത്തി കുറ്റൻ പാറകൾ ഉണ്ട്. ഇവ പൊട്ടിച്ച് മാറ്റാൻ അധികൃതർക്ക് പരാതി നൽകി മാസങ്ങൾ പിന്നിട്ടിട്ടും നടപടി ഇല്ലാതായതോടെയാണ് മാന്വൽ പ്രതികരിച്ചത്. അധികൃതർ കനിയാതായതോടെ ഉരുൾ ബാക്കി വെച്ച സ്വന്തം വീട്ടിലേക്ക് മടങ്ങാനാണ് മാനുവലിൻ്റെ തീരുമാനം. ജൂലായ് 30 ന് വിലങ്ങാട് മേഖലയിലൂണ്ടായ ഉരുൾപൊട്ടലിനൊപ്പമാണ് നരിപ്പറ്റ പഞ്ചായത്തിലെ വാളൂക്കിലും ഉരുൾപൊട്ടിയത്. മൂന്ന് ഉരുളുകളാണ് വാളൂക്കിലുണ്ടായത്. വ്യാപകമായ കൃഷി നാശമുണ്ടായി. റബ്ബർ , തെങ്ങ് ഉൾപ്പെടെ ഏക്കർ കണക്കിന് ഭൂമിയാണ് ഉരുൾ പൊട്ടി ഒലിച്ചിറങ്ങിയത്.&nbsp;
2018 ലും ഇതേ സ്ഥലത്ത് ഉരുൾ നാശം വിതച്ചിരുന്നു. മാനുവലിൻ്റെ വീടിന് സമീപത്തെ മലമുകളിൽ കൂറ്റൻ പാറകൾക്കിടയിലെ മണ്ണ് മലവെള്ളപ്പാച്ചിലിൽ ഒലിച്ചിറങ്ങിയതോടെ പാറകൾ ഇളകി വീടിന് മുകളിലേക്ക് പതിക്കുമെന്ന അവസ്ഥയിലാണ്. വില്ലേജ് അധികൃതർ കുടുംബത്തെ വാളൂക്കിലെ വാടക വീട്ടിലേക്ക് മാറ്റിയെങ്കിലും സർക്കാർ പ്രഖ്യാപിച്ച വാടകയിനത്തിലുള്ള സഹായം രണ്ട് മാസം കഴിഞ്ഞിട്ടും ലഭിച്ചില്ല. ഹൃദ്രോഗിയായ മാനുവലും ഭാര്യയും മകനും കുടുംബവുമായിരുന്നു ഈ വീട്ടിൽ താമസം. സ്വന്തം വീട്ടിലേക്ക് തിരിച്ച് പോകണമെങ്കിൽ പാറകൾ പൊട്ടിച്ച് ഒഴിവാക്കണം. പാറക്കൂട്ടം പൊട്ടിച്ച് മാറ്റാൻ വടകര എം പി ,വാണിമേൽ പഞ്ചായത്ത്, വില്ലേജ്, താഹസിൽദാർ, കലക്ടർ എന്നിവർക്ക് പരാതി നൽകിയെങ്കിലും യാതൊരു നടപടിയും ഉണ്ടായിട്ടില്ലെന്ന് മാനുവലും കുടുംബവും പറഞ്ഞു. പരാതി ലഭിച്ചതായി ഓഫീസുകളിൽ നിന്ന് മറുപടി ലഭിച്ചത് മാത്രമാണ് മെച്ചം. അധികൃതർ വേണ്ട നടപടി സ്വീകരിച്ചിലെങ്കിലും അടുത്ത ദിവസം സ്വന്തം വീട്ടിലേക്ക് മടങ്ങാനുള്ള തയ്യാറെടുപ്പിലാണ് മാനുവൽ.

മരിക്കുന്നെങ്കിൽ മരിക്കട്ടെ; വീട്ടിലേക്ക് മടങ്ങുകയാണെന്ന് വിലങ്ങാട് വാളുക്കിലെ മാന്വൽ

Nadapuram

തിരുവനന്തപുരം: ലൈംഗിക പീഡനക്കേസിൽ നടൻ സിദ്ദിഖിനെ പ്രത്യേക അന്വേഷണ സംഘം ചോദ്യം ചെയ്​ത് വിട്ടയച്ചു. രണ്ടാം തവണയാണ് സിദ്ദിഖ് പോലീസിന് മുന്നിൽ ഹാജരാകുന്നത്. തിരുവനന്തപുരം കന്റോൺമെന്റ് സ്റ്റേഷനിൽ പോലീസ് കമ്മിഷണർ ഓഫീസിലെത്തിയ സിദ്ദിഖിനെ ക്രൈം ബ്രാഞ്ച് എസ്.പി മെറിൻ ജോസഫ്, മധുസൂദനൻ എന്നിവരുടെ നേതൃത്വത്തിലായിരുന്നു ചോദ്യംചെയ്യൽ. രണ്ടര മണിക്കൂർ നീണ്ട ചോദ്യം ചെയ്യലിന് ശേഷമാണ് സിദ്ദിഖിനെ വിട്ടയച്ചത്. സിദ്ദിഖിനെ ശനിയാഴ്ച അറസ്റ്റ് ചെയ്തേക്കുമെന്ന് നേരത്തേ സൂചനകളുണ്ടായിരുന്നു.
സുപ്രീം കോടതിയിൽ നിന്ന് ഇടക്കാല ജാമ്യം നേടിയതിനുശേഷം കഴിഞ്ഞ തിങ്കളാഴ്ച സിദ്ദിഖിനെ അന്വേഷണസംഘം ചോദ്യം ചെയ്യാൻ വിളിപ്പിച്ചിരുന്നു. എന്നാൽ, പൊലീസ് ആവശ്യപ്പെട്ട രേഖകൾ ഹാജരാക്കാത്തതിനാൽ ചോദ്യം ചെയ്യാതെ വിട്ടയച്ചു. ആവശ്യപ്പെട്ട രേഖകളുമായി ഇന്ന് ഹാജരാകണമെന്ന് നോട്ടീസ് നൽകിയാണ് അന്വേഷണസംഘം അന്ന് വിട്ടയച്ചത്.

ലൈംഗിക പീഡനക്കേസിൽ സിദ്ദിഖിനെ ചോദ്യം ചെയ്​ത് വിട്ടയച്ചു

നിരവധി ആരോഗ്യ ഗുണങ്ങള്‍ അടങ്ങിയ ഒരു സുഗന്ധവ്യഞ്ജനമാണ് ഏലയ്ക്ക. വിറ്റാമിൻ ബി, സി, സിങ്ക്, കാത്സ്യം, മഗ്നീഷ്യം, പൊട്ടാസ്യം തുടങ്ങിയവ ഏലയ്ക്കയിൽ അടങ്ങിയിട്ടുണ്ട്. ഏലയ്ക്ക വെള്ളം കുടിക്കുന്നത് ഗ്യാസ്ട്രബിൾ, ഗ്യാസ് കെട്ടി വയര്‍ വീര്‍ത്തിരിക്കുക തുടങ്ങിയ പ്രശ്നങ്ങളെ തടയാനും ദഹനം മെച്ചപ്പെടുത്താനും സഹായിക്കും.&nbsp;
ആന്‍റി ഓക്സിഡന്‍റുകള്‍ ധാരാളം അടങ്ങിയ ഏലയ്ക്കയിട്ട വെള്ളം കുടിക്കുന്നത് ചീത്ത കൊളസ്ട്രോള്‍ കുറയ്ക്കാനും ഉയര്‍ന്ന രക്തസമ്മര്‍ദ്ദത്തെ നിയന്ത്രിക്കാനും ഹൃദയാരോഗ്യം സംരക്ഷിക്കാനും സഹായിക്കും. രക്തത്തിലെ പഞ്ചസാരയുടെ അളവ് ഉയരാതെ നിയന്ത്രിക്കാനും ഏലയ്ക്കാ വെള്ളം കുടിക്കുന്നത് നല്ലതാണ്.&nbsp;
ആന്‍റി ഓക്സിഡന്‍റുകള്‍ ധാരാളം അടങ്ങിയ ഏലയ്ക്കാ വെള്ളം രോഗപ്രതിരോധശേഷി വര്‍ധിപ്പിക്കാനും സഹായിക്കും. ആന്‍റി ഇന്‍ഫ്ലമേറ്ററി ഗുണങ്ങള്‍ അടങ്ങിയ ഇവ ശ്വാസകോശത്തിന്‍റെ ആരോഗ്യത്തിനും നല്ലതാണ്. അടിവയറ്റിൽ കൊഴുപ്പ് അടിഞ്ഞുകൂടുന്നത് തടയാനും ഏലയ്ക്കാ വെള്ളം കുടിക്കുന്നത് നല്ലതാണ്. .&nbsp;

ഏലയ്ക്കയിട്ട് തിളപ്പിച്ച വെള്ളം കുടിച്ചാൽ ഗുണങ്ങൾ ഏറെയാണ്

Health

റിലയന്‍സ് ജിയോ പുതിയ ഐ.എസ്.ഡി. പ്ലാനുകള്‍ അവതരിപ്പിച്ചു. 21 അന്താരാഷ്ട്ര ലക്ഷ്യസ്ഥാനങ്ങളിലേക്കാണ് പ്ലാനുകള്‍ അവതരിപ്പിച്ചിരിക്കുന്നത്. ഓരോ രാജ്യത്തിനും അനുസരിച്ചുള്ള സവിശേഷ ഐ.എസ്.ഡി.പ്ലാനുകള്‍ ലഭ്യമാണെന്ന് ജിയോ അറിയിച്ചു.
ഏറ്റവും താങ്ങാവുന്ന നിരക്കില്‍ ഐ.എസ്.ഡി.മിനുറ്റുകള്‍ ക്രമീകരിച്ച വാല്യു ഫോര്‍ മണി പ്ലാനുകളാണ് അവതരിപ്പിച്ചിരിക്കുന്നത്.എല്ലാ ജിയോ പ്രീപെയ്ഡ്, പോസ്റ്റ് പെയ്ഡ് വരിക്കാര്‍ക്കും ഇത് ലഭ്യമാകും
യു.എ.ഇ, സൗദി അറേബ്യ, തുര്‍ക്കി, കുവൈറ്റ്, ബഹ്റൈന്‍ തുടങ്ങിയ ഗള്‍ഫ് രാജ്യങ്ങളിലേക്കുള്ള പുതിയ ഐ.എസ്.ഡി. മിനിറ്റ് പാക്കുകള്‍ 99 രൂപയ്ക്ക് ലഭ്യമാണ്. 10 മിനിറ്റിന്റെ ആനുകൂല്യമാണ് ഉപഭോക്താവിന് ലഭിക്കുക.ചൈന, ഭൂട്ടാന്‍, ജപ്പാന്‍ തുടങ്ങിയ രാജ്യങ്ങളിലേക്ക് 15 മിനിറ്റ് സംസാരിക്കാന്‍ 89 രൂപയുടെ പാക്ക് ലഭ്യമാണ്. യു.കെ, ജര്‍മനി, ഫ്രാന്‍സ്, സ്പെയിന്‍ തുടങ്ങിയ രാജ്യങ്ങളിലേക്കുള്ള പ്ലാനിന് 79 രൂപയാണ് വില. ഓസ്ട്രേലിയ, ന്യൂസിലന്‍ഡ് തുടങ്ങിയടങ്ങളിലേക്ക് 69 രൂപയ്ക്കും സിംഗപ്പൂര്‍, തായ്ലന്‍ഡ്, മലേഷ്യ, ഹോങ്കോംഗ് തുടങ്ങിയ രാജ്യങ്ങളിലേക്ക് 59 രൂപയ്ക്കുമുള്ള പ്ലാനുകള്‍ ലഭ്യമാണ്.ബംഗ്ലാദേശ് പ്ലാനിന് 49 രൂപയ്ക്ക് 20 മിനിറ്റിന്റെ ആനുകൂല്യം ലഭ്യമാണ്. യുഎസ്എ, കാനഡ തുടങ്ങിയ രാജ്യങ്ങളിലേക്കുള്ള പ്ലാനിന് 39 രൂപയ്ക്ക് 30 മിനിറ്റിന്റെ ആനുകൂല്യങ്ങള്‍ ലഭിക്കും.

പുതിയ ഐ.എസ്.ഡി. പ്ലാനുകള്‍ അവതരിപ്പിച്ച് ജിയോ

തിരുവനന്തപുരം: സംസ്ഥാനത്ത് ശക്തമായ തുലാമഴ ഇന്നും തുടരുമെന്ന് പ്രവചനം. ഇന്ന് എട്ടു ജില്ലകളിൽ യെലോ അലർട്ട് പ്രഖ്യാപിച്ചു.കാസർകോട്, കണ്ണൂർ. വയനാട്, കോഴിക്കോട്, മലപ്പുറം, തൃശ്ശൂർ, ആലപ്പുഴ, കൊല്ലം, തിരുവനന്തപുരം ജില്ലകളിലാണ് യെല്ലോ അലർട്ട്. കഴിഞ്ഞ ദിവസങ്ങളിൽ ശക്തമായ മഴ കിട്ടിയ പ്രദേശങ്ങളിൽ, പ്രത്യേകിച്ച് മലയോരമേഖലകളിൽ ജാഗ്രത വേണമെന്ന്കാലാവസ്ഥാ വിഭാഗം മുന്നറിയിപ്പ് നൽകി.കാലാവസ്ഥ നിരീക്ഷിക്കുകയാണെന്നും കൂടുതൽ അറിയിപ്പുണ്ടാകാൻ സാധ്യതയുണ്ടെന്നും അധികൃതർ പറയുന്നു.&nbsp;
അറബിക്കടലിലെ ശക്തി കൂടിയ ന്യൂനമർദ്ദം മഹാരാഷ്ട്ര തീരത്തിനു സമീപത്താണ് സ്ഥിതി ചെയ്യുന്നത്. ഇന്ത്യൻ തീരത്തു നിന്ന് അകന്നു പോകുന്ന ന്യുനമർദ്ദം ഞായറാഴ്ചയോടെ തീവ്ര ന്യൂനമർദ്ദമായി ശക്തി പ്രാപിക്കാനും സാധ്യതയുണ്ട്. ബംഗാൾ ഉൾക്കടലിൽ തമിഴ്നാട് തീരത്തിനു സമീപവും തെക്ക് പടിഞ്ഞാറൻ ബംഗാൾ ഉൾക്കടലിലും മുകളിലായി രണ്ട് ചക്രവാതചുഴികളും സ്ഥിതിചെയ്യുന്നു.&nbsp;

തുലാമഴ ശക്തം;ന്യുനമർദ്ദം തീവ്ര ന്യൂനമർദ്ദമായി മാറിയേക്കും,കോഴിക്കോട് ഉൾപ്പെടെയുള്ള  ജില്ലകളിൽ മുന്നറിയിപ്പ്

ഇടുക്കി: ഉപ്പുതറയില്‍ അയല്‍വാസികള്‍ മര്‍ദിച്ച യുവാവ് മരിച്ചു. മരിച്ചത് മാട്ടുത്താവളം സ്വദേശി ജനീഷാണ് (43) മരിച്ചത്. കോട്ടയം മെഡിക്കല്‍ കോളേജില്‍ ചികിത്സയിലിരിക്കെ വെള്ളിയാഴ്ച രാത്രിയോടെയായിരുന്നു മരണം.
വെള്ളിയാഴ്ച ഉച്ചയ്ക്കാണ് അയല്‍വാസികള്‍ ചേര്‍ന്ന് ജനീഷിനെ മര്‍ദിച്ചത്. സംഭവത്തില്‍ അയല്‍വാസികളായ ബിബിന്‍, മാതാവ് എല്‍സമ്മ എന്നിവരെ പോലീസ് തിരയുന്നു.

ഇടുക്കിയില്‍ അയല്‍വാസികളുടെ മര്‍ദനമേറ്റ യുവാവ് മരിച്ചു

ചെന്നൈ: തിരുവനന്തപുരത്ത് നിന്ന് ബെം​ഗളൂരുവിലേക്ക് പോയ ബസ്സിന് തീപ്പിടിച്ചു. തമിഴ്നാട്ടിലെ ഈറോഡിന് സമീപം ശനിയാഴ്ച രാവിലെ ഏഴോടെയായിരുന്നു അപകടം. ജയ് സായ് റോഡ് ലിങ്ക്സിന്റെ ബസ്സാണ് കത്തിയത്.
പുക ഉയരുന്നതുകണ്ട് യാത്രക്കാർ ബഹളംവെച്ചതോടെ ബസ് നിർത്തുകയായിരുന്നു. ബസ്സിലുണ്ടായിരുന്ന അ​ഗ്നിശമന സംവിധാനം ഉപയോ​ഗിച്ച് ജീവനക്കാരാണ് പിന്നീട് തീയണച്ചത്. യാത്രക്കാർക്ക് പരിക്കേൽക്കുകയോ ബസ്സിന് കാര്യമായ കേടുപാടുകൾ സംഭവിക്കുകയോ ചെയ്തിട്ടില്ല. അൻപതോളം യാത്രക്കാരാണ് ബസ്സിലുണ്ടായിരുന്നത്.

തിരുവനന്തപുരത്ത് നിന്ന് ബെം​ഗളൂരുവിലേക്ക് പോയ ബസ്സിന് തീപ്പിടിച്ചു

പയ്യോളി: മലബാര്‍ മെഡിക്കല്‍ കോളജ് ഹെല്‍ത്ത് ഇന്‍സ്‌പെക്ടറും (കമ്യുണിറ്റി മെഡിസിന്‍) സിപിഎം പള്ളിക്കര ലോക്കല്‍ കമ്മിറ്റി അംഗവുമായ സി.കെ.പ്രവീണ്‍ കുമാര്‍ (47) അന്തരിച്ചു. പള്ളിക്കര പാലിയേറ്റീവ് ഡയരക്ടര്‍, ഹോസ്പിറ്റല്‍ എംപ്ലോയീസ് യൂണിയന്‍ (സിഐടിയു) ജില്ലാ ജോ. സെക്രട്ടറി, എംഎംസി യൂണിറ്റ് സെക്രട്ടറി, എംഎംസി സ്റ്റാഫ് വെല്‍ഫെയര്‍ കമ്മിറ്റി സെക്രട്ടറി, കര്‍ഷക സംഘം തിക്കോടി മേഖല സെക്രട്ടറി,കര്‍ഷക സംഘം പയ്യോളി ഏരിയാ കമ്മിറ്റി അംഗം,പയ്യോളി ഹൈസ്‌കൂള്‍ 90 ബാച്ച് ചെയര്‍മാന്‍ എന്നീ നിലകളില്‍ പ്രവര്‍ത്തിച്ചു വരികയായിരുന്നു. ഹൃദയാഘാതത്തെ തുടര്‍ന്നാണ് മരണം.
ഭാര്യ: നിഖില (അധ്യാപിക, കോട്ടക്കടപ്പുറം എല്‍പി സ്‌കൂള്‍). മകന്‍: പ്രജ്വല്‍. പിതാവ്: പരേതനായ കരുണന്‍ (റിട്ട. അധ്യാപകന്‍, തുറയൂര്‍ ഗവ.എല്‍പി സ്‌കൂള്‍). മാതാവ്:പരേതയായ നാരായണി (റിട്ട.അധ്യാപിക, പുറക്കാട് നോര്‍ത്ത് എല്‍പി സ്‌കൂള്‍). സഹോദരങ്ങള്‍: പ്രദീപ് കുമാര്‍ (പ്രധാനാധ്യാപകന്‍, പള്ളിക്കര സെന്‍ട്രല്‍ എല്‍ പി സ്‌കൂള്‍), പ്രേംജിത്ത് ലാല്‍.
മൃതദേഹം ഇന്ന് മൊടക്കല്ലൂര്‍ മലബാര്‍ മെഡിക്കല്‍ കോളജിലും പള്ളിക്കര സെന്‍ട്രല്‍ എല്‍പി സ്‌കൂളിലും വീട്ടിലും പൊതുദര്‍ശനത്തിന് വെക്കും.ശേഷം വൈകീട്ട് 4 ന് സംസ്‌കാര ചടങ്ങുകള്‍ നടക്കും.ആദരസൂചകമായി ഇന്ന് ഉച്ചയ്ക്ക് 2 മണി മുതല്‍ 5 മണി വരെ പള്ളിക്കര പ്രദേശത്ത് ഹര്‍ത്താല്‍ ആചരിക്കും. സിപിഎം പള്ളിക്കര ലോക്കല്‍ കമ്മിറ്റി നേതൃത്വത്തില്‍ 5 മണിക്ക് പള്ളിക്കരയില്‍ മൗന ജാഥയും സര്‍വ്വകക്ഷി അനുശോചനയോഗവും നടക്കും.

സി.പി.എം പള്ളിക്കര ലോക്കല്‍ കമ്മിറ്റി അംഗം സി.കെ.പ്രവീണ്‍ കുമാര്‍ അന്തരിച്ചു

കൊച്ചി :ഓടിക്കൊണ്ടിരുന്ന കാര്‍ നിയന്ത്രണം വിട്ടതിനെ തുടര്‍ന്ന് റോഡരികിലുള്ള കിണറിലേക്ക് പതിച്ചു.ആലുവ ഭാഗത്തേക്ക് പോവുകയായിരുന്ന മാരുതി സ്വിഫ്റ്റ് കാറാണ് പാങ്കോട് ചാക്കപ്പന്‍ കവലയ്ക്ക് സമീപം നിയന്ത്രണം വിട്ട് ഏകദേശം15 അടി താഴ്ചയുള്ള കിണറിലേക്ക് വീണത്.
കാറിലെ യാത്രക്കാരായിരുന്ന കൊട്ടാരക്കര സ്വദേശികളായ അനില്‍, വിസ്മയ ദമ്പതിമാര്‍ അത്ഭുതകരമായി രക്ഷപ്പെട്ടു.അപകട സമയത്ത് കിണറില്‍ ഏകദേശം ആറടി വെള്ളമേ ഉണ്ടായിരുന്നുള്ളൂ. വെള്ളിയാഴ്ച രാത്രി ഒമ്പതരയോടെയാണ് സംഭവം.കാര്‍ റോഡിലെ ചപ്പാത്തില്‍ ഇറങ്ങിയപ്പോള്‍ നിയന്ത്രണം വിട്ട് കിണറിന്റെ സംരക്ഷണ ഭിത്തി തകര്‍ത്ത് കിണറിലേക്ക് വീണെങ്കിലും കിണറില്‍ വെള്ളം കുറവായതിനാല്‍ വന്‍ ദുരന്തം ഒഴിവായി.ദമ്പതികള്‍ക്ക് ഡോര്‍ തുറക്കാന്‍ സാധിച്ചതിനാല്‍ രക്ഷാപ്രവര്‍ത്തനം എളുപ്പമായി .ഇവരുടെ പരിക്ക് ഗുരുതമല്ല. തുടര്‍ന്ന് ക്രൈയിന്‍ ഉപയോഗിച്ച് കാര്‍ കിണറ്റില്‍ നിന്ന് പുറത്തെടുത്തു

കാര്‍ നിയന്ത്രണം വിട്ട് കിണറിൽ വീണു, യാത്രക്കാര്‍ അത്ഭുതകരമായി രക്ഷപ്പെട്ടു

കാര്‍ നിയന്ത്രണം വിട്ട് കിണറിൽ വീണു;യാത്രക്കാര്‍ അത്ഭുതകരമായി രക്ഷപ്പെട്ടു

കൊച്ചി: യുട്യൂബ് ചാനലിലൂടെ സ്ത്രീത്വത്തെ അപമാനിച്ചെന്ന പരാതിയില്‍ സിനിമാതാരങ്ങള്‍ക്കെതിരേ കേസ്. നടിമാരായ സ്വാസിക, ബീന ആന്റണി, ബീന ആന്റണിയുടെ ഭര്‍ത്താവും നടനുമായ മനോജ് എന്നിവര്‍ക്കെതിരേയാണ് പോലീസ് കേസെടുത്തത്. ആലുവ സ്വദേശിനിയായ നടിയുടെ പരാതിയില്‍ നെടുമ്പാശേരി പോലീസാണ് കേസെടുത്തത്.
പ്രമുഖ നടന്‍മാര്‍ക്കെതിരേ നടി നേരത്തേ ലൈംഗികാരോപണങ്ങള്‍ ഉന്നയിച്ചിരുന്നു. ഇതിന്റെ വൈരാഗ്യത്തില്‍ സിനിമാതാരങ്ങള്‍ തന്നെ അപമാനിക്കാന്‍ ശ്രമിച്ചുവെന്നാണ് പരാതിയില്‍ പറയുന്നത്. കഴിഞ്ഞയാഴ്ച നടി കൊടുത്ത പരാതിയിലാണ് ഇപ്പോള്‍ കേസെടുത്തിരിക്കുന്നത്.

സ്ത്രീത്വത്തെ അപമാനിച്ചെന്ന് നടിയുടെ പരാതി; സ്വാസിക, ബീന ആന്റണി, മനോജ് എന്നിവര്‍ക്കെതിരെ കേസ്

മുംബൈ: ന്യൂസീലന്‍ഡിനെതിരായ മൂന്ന് മത്സരങ്ങളടങ്ങിയ ടെസ്റ്റ് പരമ്പരയ്ക്കുള്ള ഇന്ത്യന്‍ ക്രിക്കറ്റ് ടീമിനെ പ്രഖ്യാപിച്ചു. ബംഗ്ലാദേശിനെതിരായ ടെസ്റ്റ് പരമ്പരയില്‍ കളിച്ച ഭൂരിഭാഗം താരങ്ങളും കിവീസ് പരമ്പരയ്ക്കുള്ള ടീമിലും സ്ഥാനം നിലനിര്‍ത്തി.
ബാറ്റിങ് നിരയില്‍ യശസ്വി ജയ്‌സ്വാള്‍, ക്യാപ്റ്റന്‍ രോഹിത് ശര്‍മ, ശുഭ്മാന്‍ ഗില്‍, വിരാട് കോലി, കെ.എല്‍. രാഹുല്‍, ഋഷഭ് പന്ത് എന്നിവര്‍ ടീമില്‍ ഉള്‍പ്പെട്ടു. രവീന്ദ്ര ജഡേജ, ആര്‍. അശ്വിന്‍, കുല്‍ദീപ് യാദവ് എന്നിവരും ടീമിലുണ്ട്.പേസ് നിരയ്ക്ക് കരുത്തായി ജസ്പ്രീത് ബുംറ, മുഹമ്മദ് സിറാജ്, ആകാശ്ദീപ് എന്നിവരും ഇടംനേടി. ധ്രുവ് ജുറെലും ടീമിലുണ്ട്.
ഇന്ത്യന്‍ ടീം: രോഹിത് ശര്‍മ, ജസ്പ്രീത് ബുംറ, യശസ്വി ജയ്സ്വാള്‍, ശുഭ്മാന്‍ ഗില്‍, വിരാട് കോലി, കെ.എല്‍ രാഹുല്‍, സര്‍ഫറാസ് ഖാന്‍, ഋഷഭ് പന്ത്, ധ്രുവ് ജുറെല്‍, ആര്‍. അശ്വിന്‍, രവീന്ദ്ര ജഡേജ, അക്ഷര്‍ പട്ടേല്‍, കുല്‍ദീപ് യാദവ്, മുഹമ്മദ്. സിറാജ്, ആകാശ് ദീപ്.

ന്യൂസീലന്‍ഡിനെതിരായ ടെസ്റ്റ് പരമ്പര ;ഇന്ത്യന്‍ ക്രിക്കറ്റ് ടീമിനെ പ്രഖ്യാപിച്ചു

കോഴിക്കോട്: കാക്കൂർ കുടുംബശ്രീ സി.ഡി.എസ്. സാമ്പത്തികക്രമക്കേടുമായി ബന്ധപ്പെട്ട് സി.ഡി.എസ്. താത്‌കാലിക അക്കൗണ്ടന്റ് ആയിരുന്ന പി.സി. പാലം മുണ്ടാടിമീത്തൽ എം.എം. ജിതിനെ (28) പോലീസ് അറസ്റ്റ് ചെയ്തു. ഡി.വൈ.എഫ്.ഐ. മുൻ കാക്കൂർ മേഖലാ സെക്രട്ടറികൂടിയായ ഇയാളെ വെള്ളിയാഴ്ച രാവിലെയാണ് പോലീസ് അറസ്റ്റ് ചെയ്തത്. 408, 420 വകുപ്പുകൾ ചേർത്താണ് അറസ്റ്റ്. പ്രതിയെ കോഴിക്കോട് ജെ.എഫ്.എസ്.സി. കോടതിയിൽ ഹാജരാക്കി.
കാക്കൂർ ഗ്രാമപ്പഞ്ചായത്ത് കുടുംബശ്രീ സി.ഡി.എസിൽ സാമ്പത്തിക ക്രമക്കേടുണ്ടെന്ന് ഓഡിറ്റ് റിപ്പോർട്ട് പുറത്തുവന്നിരുന്നു. 33 ലക്ഷത്തോളം രൂപയുടെ ക്രമക്കേടാണ് റിപ്പോർട്ടിൽ പറയുന്നത്. കുടുംബശ്രീ അയൽക്കൂട്ടങ്ങൾക്ക് നൽകിയ വായ്പകളുടെ തിരിച്ചടവായിവന്ന തുക ബാങ്കിൽ അടയ്ക്കാതെയും, വാർഡ്തല കുടുംബശ്രീകൾക്ക് ലോൺ അനുവദിച്ചതിൽനിന്നും കുറവ് തുക നൽകിയുമാണ് പണം തട്ടിയെടുത്തതെന്നാണ് ആരോപിക്കുന്നത്.ആരോപണത്തിൽ കുറ്റക്കാരെ കണ്ടെത്തണമെന്ന് ആവശ്യപ്പെട്ട് യൂത്ത് കോൺഗ്രസ് സമരം നടത്തിവരുകയായിരുന്നു.ഓഡിറ്റ് റിപ്പോർട്ട് പുറത്തുവന്നതോടെ കഴിഞ്ഞ ദിവസം സി.ഡി.എസ്. ചെയർപേഴ്സൺ, വൈസ് ചെയർപേഴ്സൺ എന്നിവർ രാജിവെച്ചിരുന്നു. മെമ്പർസെക്രട്ടറിയുടെ റിപ്പോർട്ടിന്റെ അടിസ്ഥാനത്തിൽ ഗ്രാമപ്പഞ്ചായത്ത് സെക്രട്ടറിയാണ് അക്കൗണ്ടന്റിനെതിരേ പോലീസിൽ പരാതി നൽകിയത്.&nbsp;

കാക്കൂർ കുടുംബശ്രീ സി.ഡി.എസിലെ ലക്ഷങ്ങളുടെ ക്രമക്കേട്: അക്കൗണ്ടൻറ് അറസ്റ്റിൽ

Kozhikode

കാക്കൂർ കുടുംബശ്രീ സി.ഡി.എസിലെ ലക്ഷങ്ങളുടെ ക്രമക്കേട്;അക്കൗണ്ടൻറ് അറസ്റ്റിൽ

ചോറ്റാനിക്കര: ദേവീക്ഷേത്രാങ്കണത്തിൽ നിറഞ്ഞുനിന്ന നൂറുകണക്കിന് ഭക്തജനങ്ങൾക്കു മുന്നിൽ ‘പവിഴമല്ലിത്തറമേള’ത്തിന് പ്രമാണിയായി നടൻ ജയറാം. നവരാത്രി ഉത്സവത്തിന്റെ ഭാഗമായി ദുർഗാഷ്ടമി നാളിൽ വെള്ളിയാഴ്ച രാവിലെ നടന്ന ചോറ്റാനിക്കര ദേവിയുടെ ശീവേലിക്ക് മേളപ്രമാണിയായി ജയറാം ഇക്കുറിയും നിറസാന്നിധ്യമായി.
രണ്ടര മണിക്കൂറിലേറെ നീണ്ട ‘പവിഴമല്ലിത്തറമേളം’ ആസ്വാദകർക്ക് ഹരം പകർന്നു. മൂന്ന് ഗജവീരൻമാരെ അണിനിരത്തി, ജയറാമിന്റെ പ്രമാണത്തിൽ 187 വാദ്യകലാകാരൻമാർ പങ്കെടുത്ത പഞ്ചാരിമേളത്തോടു കൂടിയായിരുന്നു ചോറ്റാനിക്കര ദേവിയെ ശീവേലിക്കെഴുള്ളിച്ചത്.ഇത് പതിനൊന്നാം തവണയാണ് ദുർഗാഷ്ടമി നാളിൽ ദേവിക്ക് അർച്ചനയായി ശീവേലി മേളത്തിന് ജയറാം പ്രമാണിത്വം വഹിച്ചത്.

ചോറ്റാനിക്കര ദേവീക്ഷേത്രത്തിൽ മേള പ്രമാണിയായി ജയറാം

ചെന്നൈ: നാമക്കലിൽ ഗർഭച്ഛിദ്രത്തിന് മരുന്നുകഴിച്ച പ്ലസ്ടു വിദ്യാർഥിനി മരിച്ചു. തിരുച്ചെങ്കോട് പരുത്തിപ്പള്ളി സ്വദേശിയായ 17 വയസ്സുകാരിയാണ് മരിച്ചത്. സംഭവത്തിൽ അരവിന്ദ് (23) എന്ന യുവാവിനെ പോലീസ് അറസ്റ്റുചെയ്തു.
ഇരുവരും തമ്മിൽ അടുപ്പമുണ്ടായിരുന്നു. ഗർഭമലസിപ്പിക്കാൻ മരുന്നുകഴിച്ചപ്പോൾ അമിതരക്തസ്രാവമുണ്ടായി. സേലം സർക്കാർ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. അന്വേഷണത്തിനൊടുവിൽ എലച്ചിപ്പാളയം പോലീസ് അരവിന്ദിന്റെ പേരിൽ പോക്സോനിയമപ്രകാരം കേസെടുത്ത് അറസ്റ്റുചെയ്തു.

ഗർഭച്ഛിദ്രത്തിന് മരുന്നുകഴിച്ച വിദ്യാർഥിനി മരിച്ചു; സുഹൃത്ത് അറസ്റ്റിൽ

കൊച്ചി: ലൈംഗികാതിക്രമ കേസിൽ നടൻ സിദ്ദിഖിനെ വീണ്ടും ചോദ്യം ചെയ്യും. അന്വേഷണം സംഘം സിദ്ദിഖിനെ തിങ്കളാഴ്ച വിളിപ്പിച്ചിരുന്നു. എന്നാൽ അന്വേഷണ സംഘം ആവശ്യപ്പെട്ട രേഖകൾ സമർപിക്കാത്തതിന്റെ പശ്ചാത്തലത്തിൽ വിട്ടയക്കുകയായിരുന്നു. തിരുവനന്തപുരം സിറ്റി പൊലീസ് കൺട്രോൾ റൂമിൽ ഹാജരാകാനാണ് നിർദ്ദേശം. അന്വേഷണ ഉദ്യോ​ഗസ്ഥർക്ക് മുന്നിൽ ഹാജരാകാൻ സിദ്ദിഖ് സന്നദ്ധത അറിയിച്ചതോടെയാണ് പൊലീസ് നോട്ടീസ് നൽകിയത്.
നടിക്കെതിരായി ചില വാട്ട്സ്ആപ് രേഖകൾ തന്‍റെ കൈയിലുണ്ടെന്ന് സിദ്ദിഖ് പറഞ്ഞിരുന്നു. ഇവ ഇന്ന് ഹാജരാക്കേണ്ടി വരും. കഴിഞ്ഞ ചോദ്യം ചെയ്യലിൽ രേഖകൾ മറ്റൊരാളുടെ കൈയിലാണെന്നാണ് സിദ്ദിഖ് അറിയിച്ചത്. അടുത്ത ചേദ്യം ചെയ്യലിൽ ഹാജരാക്കാമെന്നും പറഞ്ഞിരുന്നു. ഈ മാസം 22ന് സുപ്രീം കോടതി വീണ്ടും സിദ്ദിഖിന്റെ കേസ് പരി​ഗണിക്കും. രണ്ടാഴ്ചത്തേക്കാണ് സിദ്ദിഖിന്റെ അറസ്റ്റ് കോടതി തടഞ്ഞിരിക്കുന്നത്.

ലൈംഗികാതിക്രമ കേസിൽ നടൻ സിദ്ദിഖിനെ ഇന്ന് വീണ്ടും ചോദ്യം ചെയ്യും

കൊച്ചി: നവരാത്രി ആഘോഷങ്ങളുടെ നിറവിൽ മഹാനവമിയെ വരവേറ്റ് ക്ഷേത്രങ്ങൾ. സംസ്ഥാനത്തെ വിവിധ ക്ഷേത്രങ്ങളിൽ ഇന്ന് വിശേഷാൽ പൂജകൾ കൂടാതെ നൃത്തനൃത്യങ്ങളും സംഗീതപരിപാടികളും മറ്റു കലാപരിപാടികളും അരങ്ങേറും. മഹാനവമി ദിനത്തിൽ ഗ്രന്ഥപൂജ, ആയുധപൂജകൾ, വിശേഷാൽ പൂജകൾ എന്നിവ നടക്കും. പ്രധാന ക്ഷേത്രങ്ങളിലെല്ലാം പുസ്തക പൂജവെയ്പ്പ് നടന്നു. വിജയദശമി ദിനത്തിൽ കുരുന്നുകൾ അക്ഷരമധുരം നുകരും.
ക്ഷേത്രങ്ങളിൽ പൂജയെടുപ്പ്, വാഹനപൂജ തുടങ്ങിയവയ്ക്കു ശേഷം എഴുത്തിനിരുത്തൽ ചടങ്ങുകൾ തുടങ്ങും. ക്ഷേത്രങ്ങൾക്കു പുറമേ സാംസ്കാരിക കേന്ദ്രങ്ങളിലും കുട്ടികളെ എഴുത്തിനിരുത്തും. മിക്ക ക്ഷേത്രങ്ങളിലും 10 ദിവസത്തെ പൂജാ പരിപാടികളാണ് നടക്കുന്നത്. ക്ഷേത്രങ്ങളിലെല്ലാം ഇന്നലെ മുതൽ വലിയ തിരക്കാണ് അനുഭവപ്പെടുന്നത്. മഹാദേവൻ്റെ നിര്‍ദ്ദേശ പ്രകാരം ദുര്‍​ഗാദേവിയായി അവതരിച്ച പാര്‍വതീദേവി 9 ദിവസത്തെ യുദ്ധത്തിനൊടുവില്‍ മഹിഷാസുരനെ കൊന്ന ദിവസമാണ് മഹാനവമി.
നവരാത്രി ആഘോഷങ്ങളോടനുബന്ധിച്ച് ക്ഷേത്രങ്ങളിൽ വിപുലമായ ക്രമീകരണങ്ങളാണ് ഒരുക്കിയിരിക്കുന്നത്.

ഇന്ന് മഹാനവമി;ക്ഷേത്രങ്ങളിൽ ഗ്രന്ഥപൂജയും ആയുധപൂജയും

തിരുവനന്തപുരം: സെക്രട്ടറിയേറ്റ് പടിക്കൽ ദിവസങ്ങളായി തുടരുന്ന നിരാഹാര സമരം അവസാനിപ്പിച്ച് ആശാ വർക്കർമാ‌ർ. പ്രവർത്തകർക്ക് ഇളനീർ നൽകി കൊണ്ടാണ് നിരാഹാര സമരം അവസാനിപ്പിച്ചത്. രാപകൽ സമരത്തിന്റെ 81 -ാം ദിവസമായ ഇന്ന് വിവിധ തൊഴിലാളി സംഘടനകളും പിന്തുണയുമായി സമരവേദിയിൽ എത്തിയിട്ടുണ്ട്.&nbsp;
കാസർകോട് മുതൽ തിരുവനന്തപുരം വരെ മേയ് 5ന് തുടങ്ങി ജൂൺ 17ന് അവസാനിക്കുന്ന രാപകൽ സമരയാത്രയുടെ ഫ്ലാഗ് ഓഫ് ഉച്ചയ്ക്ക് 12 മണിക്ക് സമരപന്തലിൽ നടന്നു. പ്രമുഖ ഗാന്ധിയൻ ഡോ. എം പി മത്തായിയാണ് ഫ്ലാഗ് ഓഫ് കർമ്മം നിർവഹിച്ചത്.

നിരാഹാര സമരം അവസാനിപ്പിച്ച് ആശാ വർക്കർമാ‌ർ ;രാപകൽ സമരം തുടരും

തിരുവനന്തപുരം: ഔദ്യോഗിക ജീവിതത്തില്‍നിന്ന് പടിയിറങ്ങിയ ശാരദാ മുരളീധരനെ പ്രകീര്‍ത്തിച്ച് മുഖ്യമന്ത്രി പിണറായി വിജയന്‍. ഉദ്യോഗസ്ഥ എന്നതിനപ്പുറം പുരോഗമന നിലപാടുകള്‍ ഉറക്കെപ്പറയാന്‍ ധീരത കാണിച്ച ശാരദ മുരളീധരന്റെ നിലപാട് മാതൃകാപരമാണെന്ന് മുഖ്യമന്ത്രി ഫെയ്‌സ്ബുക്ക് കുറിപ്പില്‍ പറഞ്ഞു. ശാരദ മുരളീധരനോടൊപ്പമുള്ള ചിത്രവും അദ്ദേഹം പോസ്റ്റില്‍ പങ്കുവെച്ചിട്ടുണ്ട്.
'സ്തുത്യര്‍ഹവും സുദീര്‍ഘവുമായ ഔദ്യോഗിക ജീവിതത്തിന് വിരാമം കുറിച്ച് ചീഫ് സെക്രട്ടറി സ്ഥാനത്തുനിന്നും ഡോക്ടര്‍ ശാരദാ മുരളീധരന്‍ ഇന്നലെ വിരമിച്ചു. ചീഫ് സെക്രട്ടറി പദവിയില്‍ അധികകാലം ഉണ്ടായിരുന്നില്ലെങ്കിലും കുറഞ്ഞ സമയത്തിനുള്ളില്‍ തന്നെ തന്റെ ഭരണമികവ് ഈ നാടിനെ ബോധ്യപ്പെടുത്താന്‍ ഡോ. ശാരദാ മുരളീധരനു സാധിച്ചു.
വയനാട് പുനരധിവാസം മുതല്‍ ലഹരി വിരുദ്ധ ക്യാമ്പയ്‌നുകള്‍ വരെ, ഓരോ പദ്ധതികളിലും പരിപാടികളിലും സര്‍ക്കാരിന്റെ നയങ്ങള്‍ സൂക്ഷ്മതയോടെ നടപ്പാക്കാന്‍ അവര്‍ ശ്രദ്ധിച്ചു. മികച്ച ഏകോപനവും മികച്ച നിര്‍വഹണവും അവരുടെ പ്രവര്‍ത്തന മുദ്രയായിരുന്നു.
ഉദ്യോഗസ്ഥ എന്ന നിലയ്ക്കപ്പുറം സാമൂഹികനീതികള്‍ക്കെതിരെ തന്റെ പുരോഗമന നിലപാടുകള്‍ ഉറക്കെപ്പറയാന്‍ ഡോ.ശാരദ കാണിച്ച സന്നദ്ധതയും ധീരതയും മാതൃകാപരമാണ്. സര്‍ക്കാര്‍ നയങ്ങള്‍ നടപ്പാക്കുന്നതിലെ ആത്മാര്‍ത്ഥത, കാര്യക്ഷമതയോടെയുള്ള കൃത്യനിര്‍വഹണം, ഭാവനാപൂര്‍ണമായ ആസൂത്രണം, സംസ്ഥാനത്തോടും ഇവിടുത്തെ ജനതയോടുമുള്ള അചഞ്ചലമായ കൂറ് എന്നിവയുടെ സമന്വയമാണ് ശാരദാ മുരളീധരന്റെ ഔദ്യോഗിക ജീവിതം. ഡോ. ശാരദ മുരളീധരന് കര്‍മ്മോത്സുകതയുടെയും സേവനത്തിന്റെയും ഒരു സജീവകാലം തുടര്‍ന്നും ഉണ്ടാവട്ടെ എന്ന് ഹൃദയപൂര്‍വ്വം ആശംസിക്കുന്നു' മുഖ്യമന്ത്രി കുറിച്ചു.

പുരോഗമന നിലപാടുകള്‍ ഉറക്കെപ്പറയാന്‍ കാണിച്ച ധീരത മാതൃകാപരം ;ശാരദാ മുരളീധരനെ പ്രകീര്‍ത്തിച്ച് മുഖ്യമന്ത്രി

കൊച്ചി: പുലിപ്പല്ല് കൈവശം വച്ച കേസിൽ ജാമ്യം ലഭിച്ചതിന് പിന്നാലെ പ്രതികരണവുമായി റാപ്പർ വേടൻ. തനിക്ക് വേണ്ടി പ്രാർത്ഥിച്ച എല്ലാവരോടും നന്ദിയുണ്ടെന്ന് ഹിരൺ ദാസ് മുരളി എന്ന വേടൻ പറഞ്ഞു. 'എന്നെ കേൾക്കുകയും കാണുകയും ചെയ്യുന്ന സഹോദരന്മാരോടാണ് പറയാനുള്ളത് പുകവലിയും മദ്യപാനവും വലിയ പ്രശ്‌നമാണ്. ചേട്ടനോട് ദയവായി ക്ഷമിക്കണം. നല്ലൊരു മനുഷ്യനാകാൻ പറ്റുമോ എന്ന് ഞാൻ നോക്കട്ടെ. പോയിവരാം മക്കളെ' വേടൻ പ്രതികരിച്ചു.
കേസ് കോടതിയുടെ കൈയിലിരിക്കുന്ന കാര്യമാണെന്നും ഇതെക്കുറിച്ച് ചോദ്യങ്ങൾക്ക് വേടൻ മറുപടി നൽകി.കേസുമായി വേടൻ സഹകരിക്കുന്നുണ്ട് എന്ന് വനംവകുപ്പ് കോടതിയെ അറിയിച്ചത് മുഖവിലയ്‌ക്കെടുത്താണ് നേരത്തെ വേടന്‌ ജാമ്യം അനുവദിച്ചത്.

'നല്ലൊരു മനുഷ്യനാകാൻ പറ്റുമോ എന്ന് ഞാൻ നോക്കട്ടെ';ജാമ്യം ലഭിച്ചതിന് പിന്നാലെ പ്രതികരണവുമായി വേടൻ

ന്യൂഡൽഹി: വാണിജ്യാവശ്യങ്ങൾക്കുള്ള പാചകവാതക സിലിണ്ടറിന്റെ വില കുറച്ചു. 15.50 രൂപയാണ് കുറച്ചത്. 19 കിലോയുടെ സിലിണ്ടറിന്റെ വിലയാണ് കുറഞ്ഞത്. അതേസമയം, ഗാർഹിക ആവശ്യത്തിനുള്ള പാചക വാതക സിലിണ്ടർ വിലയിൽ മാറ്റമുണ്ടായില്ല. പുതുക്കിയ വില ഇന്നുമുതൽ പ്രാബല്യത്തിൽ വരും.
ഏപ്രിലിൽ വാണിജ്യാവശ്യത്തിനുള്ള സിലിണ്ടറിന് 41 രൂപ കുറച്ചിരുന്നു. ഇതിന് പിന്നാലെയാണ് വിലയിൽ വീണ്ടും കുറവുണ്ടായത്. എന്നാൽ ഏപ്രിലിൽ ഗാർഹിക ആവശ്യത്തിനുള്ള സിലിണ്ടർ വില കൂട്ടിയിരുന്നു. ഏപ്രിൽ ഏഴിന് 14.2 കിലോ ഗ്യാസ് സിലിണ്ടർ വില 50 രൂപയാണ് കൂട്ടിയത്.പാചക വാതക വിലകള്‍ എല്ലാ മാസവും ഒന്നാം തീയതിയും 15-ാം തീയതിയുമാണ് പരിഷ്‌കരിക്കാറുള്ളത്.&nbsp;

പാചകവാതക സിലിണ്ടറിന്റെ വില 15 രൂപ കുറച്ചു

ന്യൂഡൽഹി: നിരവധി പാകിസ്ഥാൻ അഭിനേതാക്കളുടെ ഇൻസ്റ്റാഗ്രാം അക്കൗണ്ടുകൾ ഇന്ത്യയിൽ പ്രവർത്തനരഹിതമാക്കി. ഹാനിയ ആമിർ, മാഹിറ ഖാൻ എന്നിവരുൾപ്പെടെയുള്ളവരുടെ അക്കൗണ്ടുകളാണ് ഇന്ത്യയിൽ വിലക്കിയത്. ഹാനിയ ആമിറിൻ്റെ അക്കൗണ്ടാണ് ആദ്യമായി പ്രവർത്തനരഹിതമാക്കിയതിൽ ഒന്ന് എന്നാണ് റിപ്പോർട്ട്.
പഹൽഗാം ഭീകരാക്രമണത്തെ തുടർന്ന് ഇന്ത്യയും പാകിസ്ഥാനും തമ്മിൽ വർദ്ധിച്ചുവരുന്ന സംഘർഷങ്ങൾക്കിടയിലാണ് ഈ നടപടി. നിരോധിത പാകിസ്ഥാൻ ഭീകര സംഘടനയായ ലഷ്കർ-ഇ-തൊയ്ബയുടെ (LeT) ഉപവിഭാഗമായ ദി റെസിസ്റ്റൻസ് ഫോഴ്സിലെ (TRF) ഭീകരർ നടത്തിയ വെടിവെപ്പിൽ 26 പേരാണ് അന്ന് കൊല്ലപ്പെട്ടത്.
അലി സഫർ, സനം സയീദ്, ബിലാൽ അബ്ബാസ്, ഇഖ്‌റ അസീസ്, ഇമ്രാൻ അബ്ബാസ്, സജൽ അലി എന്നിവരാണ് ഇന്ത്യയിൽ ഇൻസ്റ്റാഗ്രാം അക്കൗണ്ടുകൾ പ്രവർത്തനരഹിതമാക്കപ്പെട്ട മറ്റ് പാകിസ്ഥാൻ താരങ്ങൾ. 'ഈ അക്കൗണ്ട് ഇന്ത്യയിൽ ലഭ്യമല്ല. ഉള്ളടക്കം നിയന്ത്രിക്കാനുള്ള നിയമപരമായ അഭ്യർത്ഥന ഞങ്ങൾ പാലിച്ചതിനാലാണ് ഇത്' എന്ന സന്ദേശമാണ് ഇന്ത്യയിൽനിന്ന് ഇവരുടെ പ്രൊഫൈൽ സന്ദർശിച്ചവർക്കെല്ലാം ലഭിച്ചത്. അതേസമയം ഫവാദ് ഖാൻ, വഹാജ് അലി തുടങ്ങിയ മറ്റ് ചില പാകിസ്ഥാൻ അഭിനേതാക്കളുടെ ഇൻസ്റ്റാഗ്രാം അക്കൗണ്ടുകൾ ഇന്ത്യയിൽ ഇപ്പോഴും ലഭ്യമാണ്.

പാക് നടീനടന്മാരുടെ ഇൻസ്റ്റ​ഗ്രാം അക്കൗണ്ടുകൾക്ക് ഇന്ത്യയിൽ വിലക്ക്

Search Results for: gas cylinder