വടകര: ജെ ടി റോഡ് വെള്ളക്കെട്ടിന് ശാശ്വത പരിഹാരമായി അനുവദിച്ചു കിട്ടിയ 20 ലക്ഷം രൂപയുടെ പ്രവർത്തി തുടങ്ങുന്നതിന്റെ ഭാഗമായി റോഡിന് കുറുകെ കൾവർട്ട് നിർമ്മിക്കുന്നതിന്റെ മുന്നോടിയായി ടൗണിലെ ഗതാഗത പ്രശ്നത്തിന് പരിഹാരം കാണാൻ നഗരസഭാ ചെയർപേഴ്സൺ യോഗം വിളിച്ചു ചേർത്തു. ഡിവൈഎസ്പി, പിഡബ്ല്യുഡി അസിസ്റ്റന്റ് എൻജിനീയർ, വാട്ടർ അതോറിറ്റി അസിസ്റ്റന്റ് എൻജിനീയർ, ബിഎസ്എൻഎൽ ഉദ്യോഗസ്ഥർ , വടകരയിലെ കച്ചവട പ്രതിനിധികളുടെ കൂട്ടായ്മയായ വ്യാപാര വ്യവസായ സമിതി, മർച്ചന്റ് അസോസിയേഷൻ, വിവിധ ഓട്ടോ തൊഴിലാളി സംഘടന പ്രതിനിധികൾ, ബസ് ഓണർ അസോസിയേഷൻ പ്രതിനിധികൾ എന്നിവരും പങ്കെടുത്തു.
നവംബർ 12 മുതൽ ഗതാഗ ക്രമീകരണം
1 ജെട്ടി റോഡ് പെട്രോൾ പമ്പ് കഴിഞ്ഞ റോഡ് അടയ്ക്കും. പെരുവട്ടംതാഴ ഭാഗത്തുനിന്ന് വരുന്ന ചെറിയ വാഹനങ്ങൾ രാകേഷ് ഹോട്ടലിനു സമീപത്തുള്ള റോഡ് വഴി മാർക്കറ്റ് റോഡിലേക്ക് ഇറങ്ങാം.
2 മാർക്കറ്റ് റോഡും ലിങ്ക് റോഡും വൺവേ ഒഴിവാക്കി ടൂവേ സംവിധാനം ആക്കി മാറ്റാനും ,തിരുവള്ളൂർ റോഡിൽ നിന്ന് ആശുപത്രി ഭാഗത്ത് പോകുന്ന ചീരാംവീട്ടിൽ റോഡിൽ വൺവേ സൗകര്യമാക്കാനും തീരുമാനിച്ചു.
3 മാർക്കറ്റ് റോഡിലുള്ള ലോഡിങ് ആൻഡ് അൺലോഡിങ്ങിന് സമയ ക്രമീകരണം ഏർപ്പെടുത്തി. രാവിലെ ആറുമണി മുതൽ എട്ടുമണിവരെയും, ഉച്ചയ്ക്ക് 12 മണിമുതൽ മൂന്നുമണിവരെയും ആക്കി മാറ്റാനും തീരുമാനിച്ചു.

വടകര ജെ ടി റോഡിൽ കൾവർട്ട് നിർമാണ പ്രവൃത്തി; ഗതാഗത ക്രമീകരണം

Vadakara

വടകര: ബിജെപി സംസ്ഥാന പ്രസിഡന്റ് കെ.സുരേന്ദ്രന്‍ നയിക്കുന്ന കേരള പദയാത്ര നടക്കുന്നതിനാലും നിർമാണ പ്രവർത്തി നടക്കുന്നതിനാലും നാളെ (ബുധന്‍) ദേശീയപാതയിൽ ഗതാഗത നിയന്ത്രണം ഏർപ്പെടുത്തി. വൈകുന്നേരം നാലു മുതല്‍ രാത്രി ഒമ്പതു വരെ കോഴിക്കോട് ഭാഗത്തു നിന്നു തലശ്ശേരി ഭാഗത്തേക്ക് പോകുന്ന ബസുകള്‍ ഒഴികെയുള്ള വാഹനങ്ങള്‍ പൂളാടിക്കുന്ന്-അത്തോളി-ഉള്ളിയേരി-പേരാമ്പ്ര-കുറ്റ്യാടി-നാദാപുരം-പെരിങ്ങത്തൂര്‍ വഴി പോകണം. വടകര നിന്നു കണ്ണൂര്‍ ഭാഗത്തേക്കുള്ള ബസുകള്‍ ഉള്‍പ്പടെയുള്ള വാഹനങ്ങള്‍ വൈകുന്നേരം അഞ്ചു മുതല്‍ വടകര അടക്കാത്തെരു നിന്നു കുനിങ്ങാട്-പുറമേരി-ഓര്‍ക്കാട്ടേരി-കുന്നുമ്മക്കര-ചോമ്പാല വഴിയും കുറ്റ്യാടി ഭാഗത്തേക്കുള്ള ബസുകള്‍ ഉള്‍പെടെയുള്ള വാഹനങ്ങള്‍ അടക്കാത്തെരു നിന്നു കുനിങ്ങാട്-പുറമേരി-നാദാപുരം വഴിയും പോകേണ്ടതാണെന്ന് പോലീസ് അറിയിച്ചു.

വടകരയിൽ ബുധനാഴ്ച ഗതാഗത നിയന്ത്രണം

നാദാപുരം: മൂന്നാംകൈ - കരിങ്ങാട് - കൈവേലി റോഡ് നവീകരണവുമായി ബന്ധപ്പെട്ട് വണ്ണാത്തിപൊയിൽ മുതൽ കരിങ്ങാട് നട, താഴെ ഏച്ചിൽക്കണ്ടി വരെ ടാറിങ് നടക്കുന്നതിനാൽ ഇന്നു മുതൽ പ്രവൃത്തി തീരും വരെ ഗതാഗതം പൂർണമായി നിരോധിച്ചു. കൈവേലി വഴി കരിങ്ങാട് ഭാഗത്തേക്ക് വരുന്ന വാഹനങ്ങൾ എടോണി റോഡ് - ഏച്ചിൽക്കണ്ടി വഴി കരിങ്ങാടേക്കും തിരിച്ചും പോകണം.

ഗതാഗതം നിരോധിച്ചു

Nadapuram

നാദാപുരം: നവ കേരള സദസ്സിന്റെ ഭാഗമായി വെള്ളിയാഴ്ച രാവിലെ മുതൽ സംസ്ഥാന പാതയിൽ പൊലീസ് ഗതാഗത ക്രമീകരണം ഏർപ്പെടുത്തി. കുറ്റ്യാടി ഭാഗത്തു നിന്നു നവകേരള സദസ്സിന് എത്തുന്ന ബസുകൾ, സ്കൂൾ‌ ബസുകൾ‌, മറ്റു വാഹനങ്ങൾ എന്നിവ ഹൈടെക്ക് കോളജിനു സമീപത്തെ വളവിൽ ആളെ ഇറക്കി കുറ്റ്യാടി ഭാഗത്തേക്കു തിരിച്ചു പോയി റോഡിൽ പാർക്ക് ചെയ്യണം. കാറുകളും ചെറു വാഹനങ്ങളും സിപിഎം ഓഫിസ് പരിസരത്തും പുതിയ മിനി ബൈപാസ്, കുമ്മങ്കോട് റോഡ് തുടങ്ങിയവിടങ്ങളിലും പാർക്ക് ചെയ്യണം. പുറമേരി ഭാഗത്തു നിന്നു വരുന്ന ബസുകൾ, സ്കൂൾ ബസുകൾ, ടെംപോ വാഹനങ്ങൾ എന്നിവ നാദാപുരം ബസ് സ്റ്റാൻഡിൽ ആളെ ഇറക്കി തലശ്ശേരി റോഡ്, ചാലപ്പുറം റോഡ് തുടങ്ങിയവിടങ്ങളിൽ നിർത്തണം.
ഇരിങ്ങണ്ണൂർ, പാറക്കടവ് ഭാഗങ്ങളിൽ‌ നിന്നുള്ള ബസുകൾ, സ്കൂൾ ബസുകൾ തുടങ്ങിയ വലിയ വാഹനങ്ങൾ തലശ്ശേരി റോഡിൽ ആളെ ഇറക്കി വടകര ഭാഗത്തേക്കു പോയി ശാദുലി റോഡ‍ിലും മറ്റുമായി നിർത്തണം. വാണിമേൽ, വളയം ഭാഗത്തു നിന്നുള്ള എല്ലാ വാഹനങ്ങളും വിംസ് ആശുപത്രി കവലയിൽ ആളുകളെ ഇറക്കി ആവോലം, പേരോട് ഭാഗങ്ങളിൽ നിർത്തണം. ചിയ്യൂർ റോഡ് വഴി വരുന്ന വാഹനങ്ങൾ ഈ റോഡിൽ തന്നെയാണ് നിർത്തേണ്ടത്.

നാദാപുരത്ത് നാളെ ഗതാഗത ക്രമീകരണം

തിരുവനന്തപുരം: പോത്തന്‍കോട് സുധീഷ് വധക്കേസില്‍ പതിനൊന്ന് പ്രതികള്‍ക്കും ജീവപര്യന്തം കഠിന തടവുശിക്ഷ. നെടുമങ്ങാട് എസ്.സി.എസ്.ടി. കോടതിയാണ് വിധി പ്രസ്താവിച്ചത്.
പോത്തന്‍കോട് കല്ലൂര്‍ പാണന്‍വിളയില്‍ സജീവിന്റെ വീട്ടില്‍വെച്ച് സുധീഷി(32)നെ വെട്ടിക്കൊന്ന സംഭവത്തിലാണ് വിധി. സുധീഷിനെ വെട്ടിക്കൊലപ്പെടുത്തിയ ശേഷം കാല്‍ വെട്ടിയെടുത്ത് നഗരപ്രദക്ഷിണം നടത്തിയ സംഭവത്തിലെ 11 പ്രതികളും കുറ്റക്കാരെന്ന് ബുധനാഴ്ച കോടതി കണ്ടെത്തിയിരുന്നു.
പ്രോസിക്യൂഷന്‍ ഉന്നയിച്ച ഗൂഢാലോചന, പട്ടികജാതി പട്ടികവര്‍ഗ ആക്ട് എന്നിവ പ്രതികള്‍ക്കെതിരേ ചുമത്തിയിട്ടില്ല. 2021 ഡിസംബര്‍ 11-നാണ് സംഭവം നടന്നത്. ഈ കേസിലെ ഒന്നാം പ്രതിയായ മങ്കാട്ടുമൂല ഉണ്ണി(സുധീഷ്)യുടെ സുഹൃത്തിനെ ദേഹോപദ്രവം ചെയ്തതിലും അമ്മയെ ആക്രമിച്ചതിലുമുള്ള വൈരാഗ്യമാണ് കൊലപാതകത്തിലേക്കു നയിച്ചത്. ബന്ധുവിന്റെ വീട്ടില്‍ ഒളിവില്‍ക്കഴിയുകയായിരുന്ന സുധീഷിനെ കേസിലെ മൂന്നാം പ്രതി രാജേഷിന്റെ നേതൃത്വത്തില്‍ വെട്ടിക്കൊലപ്പെടുത്തുകയായിരുന്നു. ഒന്നാം പ്രതി ഉണ്ണി കാല്‍ വെട്ടിയെടുത്ത് റോഡിലെറിഞ്ഞ് ആനന്ദനൃത്തം ചവിട്ടിയത് നാട്ടിൽ ഭീതിപരത്തിയിരുന്നു. രണ്ടാം പ്രതി ശ്യാമും കൊലപാതകത്തില്‍ നേരിട്ടു പങ്കെടുത്തു. നിധീഷ്, നന്ദീഷ്, രഞ്ജിത്, ശ്രീനാഥ്, സൂരജ്, അരുണ്‍, ജിഷ്ണു, സച്ചിന്‍ എന്നിവരാണ് മറ്റു പ്രതികള്‍.
കേസില്‍ 88-ാം ദിവസം കുറ്റപത്രം സമര്‍പ്പിച്ചു. രണ്ട് കൊലക്കേസുകളിലെ പ്രതിയായ ചിറയിന്‍കീഴ് അഴൂര്‍ സ്വദേശി രാജേഷാണ് കൊല ആസൂത്രണംചെയ്തതും ആളുകളെ കൂട്ടിയതും. ഒളിവില്‍പ്പോകുന്നതിന് പണവും വാഹനവും തയ്യാറാക്കിവെച്ചും ജാമ്യത്തിലിറങ്ങുന്നതിനുള്ള വഴികള്‍ ആലോചിച്ചുറപ്പിച്ചുമാണ് രാജേഷടങ്ങുന്ന സംഘം കൊലപാതകം നടത്തിയത്.&nbsp;

പോത്തന്‍കോട് സുധീഷ് വധം;മുഴുവന്‍ പ്രതികള്‍ക്കും ജീവപര്യന്തം കഠിന തടവ്

Kerala

തൃശ്ശൂർ: കുപ്രസിദ്ധ കൊലപാതക കേസുകളിലെ സ്ഥിരം വക്കീലായ അഡ്വ. ബി. ആളൂർ അന്തരിച്ചു. വൃക്ക സംബന്ധമായ രോഗങ്ങളെ തുടർന്ന് ചികിത്സയിൽ ആയിരുന്നു. എറണാകുളം ലിസി ആശുപത്രിയിലായിരുന്നു അന്ത്യം.
&nbsp;സൗമ്യ വധക്കേസിൽ ഗോവിന്ദച്ചാമിക്ക് വേണ്ടി വാദിക്കാൻ എത്തിയതോടെയാണ് ബിഎ ആളൂർ എന്ന അഭിഭാഷകനെ ശ്രദ്ധിച്ചു തുടങ്ങുന്നത്. ബിജു ആന്റണി ആളൂർ എന്നാണ് മുഴുവൻ പേര്. തൃശൂർ സ്വദേശിയാണ്. തൃശൂർ സെന്റ് തോമസ് കോളേജിലായിരുന്നു പഠനം.

പ്രമുഖ ക്രിമിനൽ അഭിഭാഷകൻ ബി.എ. ആളൂർ അന്തരിച്ചു

കൊച്ചി: സംവിധായകരായ ഖാലിദ് റഹ്‌മാനും അഷ്‌റഫ് ഹംസയും കഞ്ചാവുമായി പിടിയിലായ കേസില്‍ സംവിധായകനും ഛായാഗ്രാഹകനുമായ സമീര്‍ താഹിറിന് എക്‌സൈസിന്റെ നോട്ടീസ്. ഏഴുദിവസത്തിനുള്ളില്‍ എക്‌സൈസ് അസിസ്റ്റന്റ് കമ്മിഷണറുടെ ഓഫീസില്‍ ഹാജരാവാനാണ് നിര്‍ദേശം. സമീര്‍ താഹിറിന്റെ ഫ്‌ളാറ്റില്‍വെച്ച് കഞ്ചാവ് ഉപയോഗിക്കാന്‍ ഒരുങ്ങുമ്പോഴായിരുന്നു സംവിധായകരടക്കം മൂന്നുപേര്‍ എക്‌സൈസിന്റെ പിടിയിലായത്.
ഫ്‌ളാറ്റ് ഏറെക്കാലമായി എക്‌സൈസിന്റെ നിരീക്ഷണത്തിലായിരുന്നു. നിരവധി സിനിമാ പ്രവര്‍ത്തകര്‍ ഇവിടെ വരികയും പോവുകയും ചെയ്തിരുന്നു. ഇവിടെ ലഹരി ഉപയോഗം നടക്കുന്നുണ്ട് എന്ന വിവരവും തങ്ങള്‍ക്ക് ലഭിച്ചിരുന്നതായി എക്‌സൈസ് പറയുന്നു.സമീര്‍ താഹിറിനെ ചോദ്യംചെയ്ത ശേഷം അറസ്റ്റിലായ സംവിധായകരെ വീണ്ടും വിളിപ്പിക്കും.

കഞ്ചാവ് കേസില്‍ സമീര്‍ താഹിറിന് നോട്ടീസ്; ഖാലിദ് റഹ്‌മാനേയും അഷ്‌റഫ് ഹംസയേയും വീണ്ടും വിളിപ്പിക്കും

ആലപ്പുഴ: യു പ്രതിഭ എംഎൽഎയുടെ മകൻ കനിവിനെ കഞ്ചാവ് കേസിൽ നിന്ന് ഒഴിവാക്കി എക്‌‌സൈസ്. കേസ് സംബന്ധിച്ച ഇടക്കാല റിപ്പോർട്ട് എക്‌സൈസ് കോടതിയിൽ സമർപ്പിച്ചു. മൂന്ന് മുതൽ ഒൻപത് വരെയുള്ള പ്രതികളെയാണ് കേസിൽ നിന്ന് ഒഴിവാക്കിയത്. കുറ്റപത്രം ഉടൻ സമർപ്പിക്കും.
കനിവ് കഞ്ചാവ് ഉപയോഗിച്ചതിന് തെളിവില്ലെന്ന റിപ്പോർട്ടിന്റെ അടിസ്ഥാനത്തിലാണ് നടപടി. കേസിൽ ആദ്യം ഒമ്പത് പേരെയായിരുന്നു പ്രതി ചേർത്തത്. പ്രതിഭ എംഎൽഎ നൽകിയ പരാതിയുടെ അടിസ്ഥാനത്തിലാണ് എക്‌സൈസ് അസിസ്റ്റന്റ് കമ്മീഷണർ അന്വേഷണ റിപ്പോർട്ട് തയ്യാറാക്കിയത്. കനിവടക്കം ഏഴ് പേർക്കെതിരെ കേസ് നിലനിൽക്കാൻ സാദ്ധ്യതയില്ലെന്നാണ് റിപ്പോർട്ടിലുളളത്.

കഞ്ചാവ് കേസിൽ നിന്ന് യു പ്രതിഭ എംഎൽഎയുടെ മകനെ ഒഴിവാക്കി; കുറ്റപത്രം ഉടൻ സമർപ്പിക്കും

ന്യൂഡല്‍ഹി: പഹല്‍ഗാം ഭീകരാക്രമണത്തിന്റെ പശ്ചാത്തലത്തില്‍ പ്രധാനമന്ത്രി നരേന്ദ്ര മോദിയുടെ വസതിയില്‍ നിര്‍ണായക യോഗങ്ങള്‍ നടക്കുന്നു. യോഗങ്ങള്‍ക്കായി കേന്ദ്ര ആഭ്യന്തര മന്ത്രി അമിത് ഷായും പ്രതിരോധ മന്ത്രി രാജ്നാഥ് സിങ്ങും അടക്കമുള്ളവർ പ്രധാനമന്ത്രിയുടെ വസതിയിലെത്തി. പഹല്‍ഗാം ഭീകരാക്രമണത്തിന് ശേഷം ഒരാഴ്ചയ്ക്കിടെ രണ്ടാമത്തെ സുരക്ഷകാര്യ മന്ത്രിസഭാ സമിതി യോഗവും ഇന്ന് ചേരും.
പ്രധാനമന്ത്രി മോദി രാഷ്ട്രീയകാര്യ മന്ത്രിസഭാ സമിതിയുടെ യോഗത്തിന് അധ്യക്ഷത വഹിക്കും. തുടര്‍ന്ന് മന്ത്രിസഭാ സാമ്പത്തിക കാര്യ സമതിയുടെയും യോഗം ചേരും. അതിനുശേഷം മന്ത്രിസഭാ യോഗവും ചേരും. സൂപ്പര്‍ കാബിനറ്റ് എന്നറിയപ്പെടുന്ന കേന്ദ്ര മന്ത്രിസഭയിലെ ഉന്നത മന്ത്രിമാര്‍ ഉള്‍പ്പെടുന്ന രാഷ്ട്രീയകാര്യ മന്ത്രിസഭാ സമിതി യോഗം ഇതില്‍ പ്രധാനമാണ്. പുല്‍വാമ ഭീകരാക്രമണത്തെത്തുടര്‍ന്ന് 2019 ലാണ് സൂപ്പര്‍ കാബിനറ്റ് അവസാനമായി ചേര്‍ന്നത്. ബാലാകോട്ട്‌ വ്യോമാക്രമണത്തിലൂടെയാണ് അന്ന് ഇന്ത്യ പ്രതികരിച്ചിരുന്നത്.പഹല്‍ഗാം ഭീകരാക്രമണത്തിന്റെ പശ്ചാത്തലത്തില്‍ പാകിസ്താന് തിരിച്ചടി നല്‍കുന്ന കാര്യത്തില്‍ സേനകള്‍ക്ക് പൂര്‍ണസ്വാതന്ത്ര്യം നല്‍കാന്‍ കഴിഞ്ഞ ദിവസം പ്രധാനമന്ത്രിയുടെ നേതൃത്വത്തില്‍ നടന്ന ഉന്നതതല യോഗത്തില്‍ തീരുമാനമെടുത്തിരുന്നു.&nbsp;

മന്ത്രിമാർ പ്രധാനമന്ത്രിയുടെ വസതിയിൽ; നിർണായക യോഗം

Search Results for: ba aloor