തിരുവനന്തപുരം: കേരളത്തിലെ പ്രമുഖരായ കോൺഗ്രസ് നേതാക്കൾ നാളെ ബിജെപിയിൽ ചേരുമെന്ന് പാർട്ടി സംസ്ഥാന അധ്യക്ഷൻ കെ.സുരേന്ദ്രൻ. ഇടതു മുന്നണിയിലെ പ്രമുഖ നേതാക്കളും വരും ദിവസങ്ങളിൽ പാർട്ടിയിലേക്ക് എത്തുമെന്ന് സുരേന്ദ്രൻ അവകാശപ്പെട്ടു. ശശി തരൂരിന്റെ വികസന വിരുദ്ധ ശൈലിയിൽ പ്രതിഷേധിച്ച് തിരുവനന്തപുരം ലോക്സഭാ മണ്ഡലത്തിലെ പ്രമുഖ നേതാക്കൾ പാർട്ടിയിൽ ചേരുമെന്നാണ് സുരേന്ദ്രൻ നൽകുന്ന സൂചന. പല മണ്ഡലങ്ങളിലും ബിജെപി വലിയ ശക്തിയായി ഉയർന്നുവന്നതോടെ ആശങ്കയിലായ ഇടതു, വലതു മുന്നണികൾ പരസ്യ ബാന്ധവത്തിനുപോലും ശ്രമിക്കുന്നുണ്ടെന്നും സുരേന്ദ്രൻ കുറ്റപ്പെടുത്തി.
‘‘കോൺഗ്രസിൽ നിന്നും എൽഡിഎഫിൽനിന്നും പ്രധാനമന്ത്രിയുടെ സന്ദർശനത്തിനു മുന്നോടിയായി നിരവധി നേതാക്കൾ ബിജെപിയിൽ ചേരും. നാളെ, അതായത് 14–ാം തീയതി തിരുവനന്തപുരത്ത് പ്രധാനമന്ത്രിയുടെ സന്ദർശനത്തിനു മുന്നോടിയായി പ്രമുഖരായ കോൺഗ്രസ് നേതാക്കൾ ബിജെപിയിൽ അംഗത്വമെടുക്കും. തുടർന്നങ്ങോട്ട് ഓരോ ദിവസവും ഇരു മുന്നണികളിൽ നിന്നും ബിജെപിയിലേക്ക് നേതാക്കളുടെ ഒഴുക്കുണ്ടാകും.
‘‘പത്മജ വേണുഗോപാലിന്റെ പാർട്ടി പ്രവേശനത്തിനു ശേഷം എല്ലാ ജില്ലകളിലും കോൺഗ്രസിൽനിന്നും ഇടതു മുന്നണിയിൽനിന്നും ബിജെപിയിൽ ചേരാൻ തീരുമാനിച്ച് നേതാക്കളും ജനവും ഞങ്ങളോടൊപ്പം അണിനിരക്കുന്ന സാഹചര്യം ഉണ്ടാകും. ഈ തിരഞ്ഞെടുപ്പിൽ കേരളം ചർച്ച ചെയ്യുന്ന പ്രധാനപ്പെട്ട കക്ഷിയായി ദേശീയ ജനാധിപത്യ സഖ്യം മാറുമെന്ന കാര്യത്തിൽ സംശയമില്ല.
‘‘പല മണ്ഡലങ്ങളിലും എൻഡിഎ ഏറ്റവും പ്രധാനപ്പെട്ട കക്ഷിയായി ഉയർന്നുവന്നിരിക്കുന്നു. ഇവിടങ്ങളിലെല്ലാം ഇരു മുന്നണികളും ആശങ്കയിലാണ്. പലയിടത്തും എൽഡിഎഫ് – യുഡിഎഫ് ധാരണയ്ക്കുള്ള ശ്രമം നടക്കുന്നുണ്ട്. എൻഡിഎയ്ക്ക് വിജയസാധ്യത കൽപ്പിക്കപ്പെടുന്ന മണ്ഡലങ്ങളിൽ അത്തരത്തിലുള്ള എൽഡിഎഫ് – യുഡിഎഫ് പരസ്യ ബാന്ധവത്തിന് ശ്രമം നടക്കുന്നു.
‘‘ഇന്നലെ തിരുവനന്തപുരത്ത് മുതാക്കൽ പഞ്ചായത്തിൽ പരസ്യമായി എൽഡിഎഫ് – യുഡിഎഫ് സഖ്യം നാം കണ്ടു. വരുന്ന ലോക്സഭാ തിരഞ്ഞെടുപ്പ് മുന്നിൽക്കണ്ട് എൽഡിഎഫ് – യുഡിഎഫ് സഖ്യത്തിനാണ് ശ്രമം നടക്കുന്നത്. ദേശീയ തലത്തിലുള്ള മുന്നണി കേരളത്തിലും യാഥാർഥ്യമാക്കാനാണ് പിണറായി വിജയനും വി.ഡി. സതീശനും ശ്രമിച്ചുകൊണ്ടിരിക്കുന്നത്. ഇരു മുന്നണികളുടെയും നിലനിൽപ് അപകടത്തിലായിരിക്കുകയാണ്.
‘‘യുഡിഎഫ് വല്ലാത്ത പരിഭ്രാന്തിയിലാണ്. അതുകൊണ്ടാണ് സർജിക്കൽ സ്ട്രൈക്ക് എന്നൊക്കെ പറയുന്ന നടപടികൾ ഉണ്ടായത്. പക്ഷേ, ഒന്നും വിലപ്പോവില്ല. ജനങ്ങൾ നരേന്ദ്ര മോദിക്കൊപ്പമാണ്, എൻഡിഎയ്ക്ക് ഒപ്പമാണ്. വരുന്ന ലോക്സഭാ തിരഞ്ഞെടുപ്പോടെ കേരളത്തിൽ ഇരു മുന്നണികളുടെയും രാഷ്ട്രീയം അവസാനിക്കും. പുതിയൊരു രാഷ്ട്രീയം കേരളത്തിൽ ഉയർന്നുവരിക തന്നെ ചെയ്യും.&nbsp;
‘‘പ്രമുഖരായ നേതാക്കളാണ് ബിജെപിയിലേക്ക് വരുന്നത്. എല്ലാം നാളെ 11 മണിയോടെ നിങ്ങൾക്ക് ബോധ്യമാകും. കോൺഗ്രസിൽനിന്ന് നാളെത്തന്നെ പ്രധാന നേതാക്കളെത്തും. തിരുവനന്തപുരം ലോക്സഭാ മണ്ഡലത്തിൽ ശശി തരൂരിന്റെ വികസനവിരുദ്ധ നയങ്ങളിലും മണ്ഡലത്തെ അവഗണിക്കുന്നതിലും സംസ്ഥാനത്ത് പൊതുവെ കോൺഗ്രസ് എടുക്കുന്ന സമീപനങ്ങളിൽ പ്രതിഷേധിച്ചും ബഹുമാന്യരായ നേതാക്കൾ ബിജെപിയിലെത്തും.&nbsp;
ഇ‌ടതുമുന്നണിയിൽനിന്നുള്ള നേതാക്കൾ നാളെയില്ല. പക്ഷേ, വരും ദിവസങ്ങളിൽ ഇടതു നേതാക്കളും ബിജെപി പാളയത്തിലേക്കെത്തും. പത്തനംതിട്ടയിൽനിന്ന് നിരവധി കോൺഗ്രസ് പ്രവർത്തകർ ഈ തിരഞ്ഞെടുപ്പ് കാലത്ത് എൻഡിഎയിൽ ചേരും.’ – സുരേന്ദ്രൻ പറഞ്ഞു.

കേരളത്തിലെ പ്രമുഖ കോൺഗ്രസ് നേതാക്കൾ നാളെ ബിജെപിയിൽ ചേരുമെന്ന് കെ.സുരേന്ദ്രൻ

വടകര: മണിയൂർ രയരോത്ത് ജാനകി അമ്മ (94) കണ്ണൂർ പള്ളിയാൻ മൂലയിലെ 'സാഗര' യിൽ അന്തരിച്ചു. ഭർത്താവ്: പരേതനായ വില്യാപ്പള്ളി പുതുക്കുടി കെ. രാമുണ്ണി നായർ (വില്യാപ്പള്ളി സർവ്വീസ് സഹകരണ ബാങ്ക് ആദ്യകാല സെക്രട്ടരി, വടകര സഹകരണ ഹൗസിംഗ് സൊസൈറ്റി മുൻ പ്രസിഡണ്ട്).
മക്കൾ: പി സുമ (റിട്ട.പ്രിൻസിപ്പൽ, മേമുണ്ട ഹയർ സെക്കൻ്ററി സ്കൂൾ), സുഷമ (ദുബായ്). മരുമക്കൾ: ഇരിങ്ങൽ തോട്ടത്തിൽ വിനോദ് (റിട്ട. പ്രൊഫസർ, നിത്യാനന്ദ പോളിടെക്ക്നിക്ക്, കാഞ്ഞങ്ങാട്), സുരേഷ് കുറുപ്പ് (റീജ്യണൽ ജനറൽ മാനേജർ, ഭൂമി ഓർഗാനിക് ഫെർട്ടിലൈസർ കമ്പനി).&nbsp;

മണിയൂർ രയരോത്ത് ജാനകി അമ്മ അന്തരിച്ചു

Obituary

വിലങ്ങാട്: വടകര ലോക്സഭാ മണ്ഡലം എൻഡിഎ സ്ഥാനാർഥി സി.ആർ.പ്രഫുൽ കൃഷ്ണയുടെ പോസ്റ്ററുകള്‍ നശിപ്പിച്ച നിലയിൽ. വിലങ്ങാട് – മലയങ്ങാട് റോഡ് സൈഡിൽ പതിച്ചിരുന്ന പോസ്റ്ററുകളാണ് രാത്രി നശിപ്പിച്ചത്. കഴിഞ്ഞ ദിവസം പ്രഫുൽ കൃഷ്ണ വിലങ്ങാട് വിവിധ സ്ഥലങ്ങളിൽ പര്യടനം നടത്തിയിരുന്നു. ഇതിനു പിന്നാലെയാണ് പോസ്റ്ററുകൾ നശിപ്പിച്ച നിലയില്‍ കണ്ടെത്തിയത്.&nbsp;
തിരഞ്ഞെടുപ്പ് സമയത്ത് മനപ്പൂർവം സംഘർഷം ഉണ്ടാക്കാനുളള ചിലരുടെ കുത്സിത ശ്രങ്ങളാണ് ഇതിനു പിന്നിലെന്ന് ബിജെപി നേതാക്കൾ ആരോപിച്ചു. മുൻപും ഈ ഭാഗത്തെ ബിജെപിയുടെ ഫ്ലെക്സ് ബോർഡുകൾ നശിപ്പിച്ചിരുന്നു. എസ്ടി മോർച്ച ജില്ലാ പ്രസിഡന്റ് എം.സി.അനീഷ്, അനീഷ് മാത്യൂ, മാമ്പറ്റ ബാലൻ എന്നിവർ പ്രതിഷേധം അറിയിച്ചു.

വിലങ്ങാട് എൻഡിഎ സ്ഥാനാർഥി പ്രഫുൽ കൃഷ്ണയുടെ പോസ്റ്ററുകള്‍ നശിപ്പിച്ച നിലയിൽ

Nadapuram

വടകര: എന്‍ജിനിയര്‍മാരുടെയും സൂപ്പര്‍വൈസര്‍മാരുടെയും സംഘടനയായ ലൈസന്‍സ്ഡ് എന്‍ജിനിയേഴ്‌സ് ആന്‍ഡ് സൂപ്പര്‍വൈസേഴ്‌സ് ഫെഡറേഷന്‍ (ലെന്‍സ്‌ഫെഡ്) നാരായണ നഗര്‍ ഗ്രൗണ്ടില്‍ സംഘടിപ്പിച്ച വസതീയം ബില്‍ഡ് എക്‌സ്‌പോ സമാപിച്ചു. മൂന്നു ദിവസങ്ങളിലായി നടന്ന എക്‌സ്‌പോയില്‍ സംസ്ഥാനത്തിന്റെ വിവിധ ഭാഗങ്ങളില്‍ നിന്നും നാലായിരത്തോളം എന്‍ജിനിയര്‍മാര്‍ പങ്കെടുത്തു.&nbsp;
എക്‌സ്‌പോയുടെ ഭാഗമായി നിര്‍മിത ബുദ്ധിയും നാളത്തെ ലോകവും എന്ന വിഷയത്തില്‍ സെമിനാര്‍ നടന്നു. ലെന്‍സ്‌ഫെഡ് കോഴിക്കോട് ജില്ലാ പ്രസിഡണ്ട് സിഎച്ച് ഹാരിസ് ഉദ്ഘാടനം ചെയ്തു. ഗിരീഷ് കുമാര്‍ പി അധ്യക്ഷത വഹിച്ചു. ഡോ. ദാമോദര്‍ പ്രസാദ് മുഖ്യപ്രഭാഷണം നടത്തി. എം സജിത്കുമാര്‍, രാധാകൃഷ്ണന്‍ എ വി, ടി സൂര്യകുമാരി, ഇജാസ് കമാല്‍ പിവി എന്നിവര്‍ സംസാരിച്ചു. ഒരു പ്രൊഫഷണല്‍ എന്ന നിലയില്‍ ഇനിയെന്ത്? എന്ന വിഷയത്തിലും സെമിനാര്‍ നടന്നു. ലെന്‍സ്‌ഫെഡ് ജില്ലാ സെക്രട്ടറി വി മനോജ് സെമിനാര്‍ ഉദ്ഘാടനം ചെയ്തു. പ്രോഗ്രാം കമ്മിറ്റി ചെയര്‍മാന്‍ ടിപി രാമചന്ദ്രന്‍ അധ്യക്ഷത വഹിച്ചു. എന്‍ജിനിയര്‍ ടിപി മധുസൂധനന്‍ മുഖ്യപ്രഭാഷണം നടത്തി. സി അനില്‍കുമാര്‍, രസിത പി, രഗീഷ് പി എന്നിവര്‍ സംസാരിച്ചു.&nbsp;
നൂതനവും വ്യത്യസ്തവുമായ നിര്‍മാണസാമഗ്രികളും വിവിധ നിര്‍മാണ രീതികളും സാങ്കേതിക വിദ്യകളും സേവനങ്ങളും പരിചയപ്പെടുത്തുന്ന 100 സ്റ്റാളുകളാണ് പ്രദര്‍ശനത്തില്‍ ഉണ്ടായിരുന്നത്. ഭക്ഷണപ്രിയര്‍ക്കായി ഫുഡ്‌കോര്‍ട്ടുമുണ്ടായിരുന്നു. വിവിധ കലാപരിപാടികളും നടന്നു

വസതീയം ബില്‍ഡ് എക്‌സ്‌പോ സമാപിച്ചു

Vadakara

മാനന്തവാടി: വയനാട്ടിൽ വിനോദസഞ്ചാര കേന്ദ്രമായ കുറുവാ ദ്വീപിനു സമീപം ഹോട്ടലുടമയെ തൂങ്ങിമരിച്ച നിലയിൽ കണ്ടെത്തി. എൻആർ ഹോട്ടൽ നടത്തിയിരുന്ന സെബാസ്റ്റ്യൻ (60) ആണ് ആത്മഹത്യ ചെയ്തത്. കടബാധ്യതയാണ് മരണകാരണമെന്നാണ് സൂചന. ഭാര്യ: ഷീബ. മക്കൾ: നീതു, റീതു, നിതിൻ.
കുറുവ ദ്വീപ് ജീവനക്കാരനെ കാട്ടാന ചവിട്ടിക്കൊന്നതോടെ കുറച്ചു നാളായി കുറുവ ദ്വീപ് അടച്ചിട്ടിരിക്കുകയാണ്. കൃഷിയും ‌തകർന്നതോടെയാണ് സെബാസ്റ്റ്യൻ ആത്മഹത്യ ചെയ്യേണ്ടിവന്നതെന്ന് നാട്ടുകാർ പറഞ്ഞു.

കുറുവ ദ്വീപ് അടച്ചു, കടബാധ്യത: ഹോട്ടലുടമ തൂങ്ങിമരിച്ച നിലയിൽ

Kerala

പത്തനംതിട്ട: എൻഡിഎ സ്ഥാനാർത്ഥി അനിൽ കെ ആൻ്റണിയുടെ ഫ്ലക്സ് ബോർഡ് നശിപ്പിച്ചു. പൂഞ്ഞാർ തിടനാട് ചെമ്മലമറ്റം ടൗണിൽ സ്ഥാപിച്ചിരുന്ന പ്രചാരണ ബോർഡുകളാണ് നശിപ്പിച്ച നിലയിൽ കണ്ടെത്തിയത്. കഴിഞ്ഞ ദിവസം രാത്രിയാണ് സംഭവം നടന്നതെന്നാണ് നിഗമനം. സംഭവത്തിൽ ശക്തമായ പ്രതിഷേധം അറിയിച്ച് ബിജെപി നേതാക്കൾ രംഗത്തെത്തി. പൂഞ്ഞാർ മണ്ഡലത്തിലെ പല ഭാഗങ്ങളിലും ഇത്തരത്തിലുള്ള ബോധപൂവമായ ശ്രമങ്ങൾ നടക്കുന്നുണ്ടെന്നും, ഇതിനെതിരെ പൊലീസ് ശക്തമായ നടപടിയെടുക്കണമെന്നും നേതാക്കൾ ആവശ്യപ്പെട്ടു.

പൂഞ്ഞാറിൽ അനിൽ ആൻ്റണിയുടെ പോസ്റ്റർ നശിപ്പിച്ച നിലയിൽ

ദിണ്ടിഗൽ: ഗുണ കേവിലെ നിരോധിത മേഖലയിലേക്ക് ഇറങ്ങിയ മൂന്ന് യുവാക്കള്‍ അറസ്​റ്റില്‍. മഞ്ഞുമ്മൽ ബോയ്സ് കണ്ട ആവേശത്തിൽ ​ഗുണാ കേവിൽ ഇറങ്ങിയ മൂന്ന് യുവാക്കളെയാണ് ഫോറസ്റ്റ് ഉദ്യോ​ഗസ്ഥർ അറസ്റ്റ് ചെയ്‌തത്‌. റാണിപേട്ട് സ്വദേശികളായ എസ്.വിജയ്, പി.ഭരത്, പി.രഞ്ജിത്ത്കുമാര്‍ എന്നിവരാണ് അറസ്റ്റിലായത്. മൂന്ന് പേര്‍ക്കും 24 വയസ്സാണ് പ്രായം. വിവരം ലഭിച്ചയുടന്‍ ഫോറസ്​റ്റ് ഉദ്യോഗസ്ഥരെത്തി മൂന്ന് പേരെയും അറസ്റ്റ് ചെയ്യുകയായിരുന്നു. ഗുണാ കേവിൽ സഞ്ചാരികൾക്ക് പ്രവേശം ഉണ്ടെങ്കിലും ഒരിടം കഴിഞ്ഞാൽ നിരോധിത മേഖലയാണ്. ഇവിടേക്കാണ് മൂന്ന് യുവാക്കൾ ഇറങ്ങിയത്.
മഞ്ഞുമ്മൽ ബോയ്സിന്റെ വിജയത്തിന് ശേഷം കൊടൈക്കനാലിലേക്കുള്ള വിനോദസഞ്ചാരികളുടെ എണ്ണം ഓരോ ദിവസവും വർദ്ധിക്കുന്നതായി വനംവകുപ്പിൻ്റെ ഇൻ്റഗ്രേറ്റഡ് ഡെവലപ്‌മെൻ്റ് റേഞ്ച് ഓഫീസർ ആർ സെന്തിൽ പറയുന്നു. ഫെബ്രുവരിയിൽ മാത്രം ഒരു ലക്ഷത്തിലധികം വിനോദസഞ്ചാരികൾ കൊടൈക്കനാലും ഗുണ കേവും സന്ദർശിച്ചു കഴിഞ്ഞു. ഓഫ് സീസണ്‍ ആയി‌ട്ടുകൂടി ചിത്രം ഉണ്ടാക്കിയ സ്വാധീനത്താല്‍ നൂറുകണക്കിന് സഞ്ചരികളാണ് ഗുണ കേവ് സന്ദര്‍ശിക്കാനായി എത്തിക്കൊണ്ടിരിക്കുന്നത്. ഒരാഴ്​ചയ്ക്കുള്ളില്‍ 40,000 വിനോദ സഞ്ചാരികളാണ് ഇവിടേക്ക് എത്തിയത്.

മഞ്ഞുമ്മല്‍ ബോയ്​സ് കണ്ടത്തിന്റെ ആവേശത്തിൽ ഗുണ കേവിലേക്കിറങ്ങി; മൂന്ന് യുവാക്കള്‍ അറസ്റ്റില്‍

National

മലപ്പുറം: പാണ്ടിക്കാട് യുവാവ് സ്റ്റേഷനിൽ കുഴഞ്ഞു വീണ് മരിച്ചതുമായി ബന്ധപ്പെട്ട് രണ്ട് പൊലീസ് ഉദ്യോഗസ്ഥരെ സസ്‌പെൻഡ് ചെയ്തു. സിവിൽ പൊലീസ് ഉദ്യോഗസ്ഥൻമാരായ ആന്റ്‌സ് വിൻസൻ, ഷംസീർ ടി.പി എന്നിവരെയാണ് സസ്‌പെൻഡ് ചെയ്തത്.
പന്തല്ലൂർ കടമ്പോട് സ്വദേശി മൊയ്തീൻ കുട്ടി ആലുങ്ങൽ (36) ആണ് പൊലീസ് സ്റ്റേഷനിൽ കുഴഞ്ഞുവീണ് മരിച്ചത്. പാണ്ടിക്കാട്ട് യുവാക്കൾ തമ്മിലുണ്ടായ അടിപിടിക്കേസിലാണ് മൊയ്തീൻ കുട്ടിയെ പൊലീസ് ചോദ്യം ചെയ്യാൻ വിളിപ്പിച്ചിരുന്നത്. പൊലീസ് മർദനത്തിലാണ് മൊയ്തീൻ കുട്ടി മരിച്ചതെന്ന് ബന്ധുക്കൾ ആരോപിച്ചിരുന്നു. പഞ്ചായത്ത് അംഗത്തിനും ഒരു സാമൂഹിക പ്രവർത്തകനുമൊപ്പമായിരുന്നു മൊയ്തീൻ കുട്ടി പൊലീസ് സ്റ്റേഷനിലെത്തിയിരുന്നത്.&nbsp;

യുവാവ് സ്റ്റേഷനിൽ കുഴഞ്ഞ് വീണ് മരിച്ച സംഭവം; രണ്ട് പൊലീസുകാർക്ക് സസ്‌പെൻഷൻ

വടക്കൻ ഗസ്സയിൽ മാനുഷിക സഹായത്തിനായി കാത്തുനിന്ന ഫലസ്തീനികൾക്ക് നേരെ ഇസ്രായേൽ സൈന്യത്തിന്റെ ആക്രമണം. നിരവധി ഫലസ്തീനികൾ കൊല്ലപ്പെടുകയും ഡസൻ കണക്കിന് പേർക്ക് പരിക്കേൽക്കുകയും ചെയ്തു. കുവൈത്ത് റൗണ്ട് എബൗട്ടിന് സമീപം സഹായം സ്വീകരിക്കാൻ കാത്തുനിന്ന ഫലസ്തീനികൾക്ക് നേരെ സൈന്യം വെടിയുതിർക്കുകയായിരുന്നുവെന്ന് ഗസ്സയിലെ സർക്കാർ മീഡിയ ഓഫിസ് പ്രസ്താവനയിൽ അറിയിച്ചു. മാനുഷിക സഹായത്തിനായി കാത്തുനിന്നവർക്ക് നേരെ മുമ്പും ആക്രമണം നടത്തിയിരുന്നു. ഇത്തരത്തിൽ കൊല്ലപ്പെട്ടവരുടെ എണ്ണം 400 ആയെന്നും 1300 പേർക്ക് പരിക്കേറ്റതായും പ്രസ്താവനയിൽ വ്യക്തമാക്കി.
തെക്കൻ ഗസ്സയിൽ സഹായ ട്രക്കുകൾക്കായി കാത്തുനിന്ന ഫലസ്തീനികൾക്ക് നേരെയും ഇസ്രായേൽ സൈന്യം ബോംബുകൾ വർഷിക്കുകയും വെടിയുതിർക്കുകയും ചെയ്തു. ഇവടെ ഒമ്പത് പേർ കൊല്ലപ്പെടുകയും 20ലധികം പേർക്ക് പരിക്കേൽക്കുകയും ചെയ്തതായി ഫലസ്തീൻ ഔദ്യോഗിക വാർത്താ ഏജൻസി റിപ്പോർട്ട് ചെയ്യുന്നു.
കഴിഞ്ഞമാസം അ​​ൽ​റാ​​ശി​​ദ് സ്ട്രീ​​റ്റി​​ലെ നാ​​ബു​ലി​​സി റൗ​​ണ്ട് എ​ബൗ​​ട്ടി​​ൽ സ​​ഹാ​​യ ട്ര​​ക്കു​​ക​​ളി​​ൽ ഭ​​ക്ഷ​​ണ​​മെ​​ത്തു​​ന്ന​​തും കാ​​ത്തു​​നി​​ന്ന സ്ത്രീ​​ക​​ളും കു​​ട്ടി​​ക​​ളു​​മ​​ട​​ക്ക​​മു​​ള്ള​​വ​​ർ​​ക്കു​ നേ​​രെ ഇസ്രായേൽ വെടിവെപ്പ് നടത്തുകയും 115ലധികം പേർ കൊല്ലപ്പെടുകയും ചെയ്തിരുന്നു. ഇതിനെതിരെ ഐക്യരാഷ്ട്ര സഭയും വിവിധ രാജ്യങ്ങളും രംഗത്തുവന്നിരുന്നു.
സംഭവത്തിൽ വി​ശ​ദ​ അ​ന്വേ​ഷ​ണം വേ​ണ​മെ​ന്ന് അ​മേ​രി​ക്ക​യും ആ​വ​ശ്യ​പ്പെട്ടു. എന്നാൽ, ഇതിനെയെല്ലാം അവഗണിച്ച് ഇസ്രായേൽ തങ്ങളുടെ ആസൂത്രിത വംശഹത്യ റമദാനിലും നടപ്പാക്കിക്കൊണ്ടിരിക്കുകയാണ്. ഇതുവരെ 31,184 പേരാണ് ഗസ്സയിൽ കൊല്ലപ്പെട്ടത്. 72,889 പേർക്ക് പരിക്കേൽക്കുകയും ചെയ്തു. കഴിഞ്ഞ 24 മണിക്കൂറിനിടെ എട്ട് കൂട്ടക്കൊലകളാണ് ഇസ്രായേൽ അധിനിവേശ സേന നടത്തിയത്. ഇതിൽ 72 പേർ കൊല്ലപ്പെടുകയും 129 പേർക്ക് പരിക്കേൽക്കുകയും ചെയ്തു. ഇസ്രായേലിന്റെ ആക്രമണത്തിൽ ഇരയാകുന്നതിൽ 72 ശതമാനവും കുട്ടികളും സ്ത്രീകളുമാണ്. പട്ടിണി കാരണം 27 കുഞ്ഞുങ്ങളാണ് ഇതുവരെ ഗസ്സയിൽ ​മരിച്ചുവീണത്.

ക്രൂരത തുടർന്ന് ഇസ്രായേൽ സൈന്യം; സഹായം കാത്തുനിന്നവരെ വെടിവെച്ച് കൊന്നു

ദോ​ഹ: റ​മ​ദാ​നി​ലെ തി​ര​ക്കേ​റി​യ സ​മ​യ​ങ്ങ​ളി​ൽ ട്ര​ക്കു​ക​ളു​ടെ യാ​ത്ര​ക്ക് വി​ല​ക്കേ​ർ​​പ്പെ​ടു​ത്തി ആ​ഭ്യ​ന്ത​ര മ​ന്ത്രാ​ല​യം. രാ​വി​ലെ ഏ​ഴ് മു​ത​ൽ പ​ത്ത് വ​രെ​യും, ഉ​ച്ച 12.30 മു​ത​ൽ വൈ​കീ​ട്ട് മൂ​ന്ന് വ​രെ​യും, വൈ​കീ​ട്ട് 5.30 മു​ത​ൽ രാ​ത്രി 12 വ​രെ​യും വ​ലി​യ ട്ര​ക്കു​ക​ളു​ടെ യാ​ത്ര വേ​ണ്ടെ​ന്നാ​ണ് നി​ർ​ദേ​ശം.
റ​മ​ദാ​നി​ൽ പൊ​തു​വെ ഓ​ഫി​സ്, സ്കൂ​ൾ ജീ​വ​ന​ക്കാ​രും വി​ദ്യാ​ർ​ഥി​ക​ളും ഒ​ന്നി​ച്ചി​റ​ങ്ങു​ന്ന​തി​നാ​ൽ റോ​ഡി​ൽ ത​ട​സ്സ​വും അ​പ​ക​ട​വും വ​രു​ത്തി​വെ​ക്കു​മെ​ന്ന​തി​നാ​ലാ​ണ് ട്ര​ക്ക് നി​യ​ന്ത്ര​ണ​മേ​ർ​പ്പെ​ടു​ത്തു​ന്ന​ത്. യാ​ത്ര​ക്കാ​രു​ടെ സു​ര​ക്ഷ​യാ​ണ് ഇ​തു വ​ഴി അ​ധി​കൃ​ത​ർ ല​ക്ഷ്യ​മി​ടു​ന്ന​ത്.

&nbsp;

റമദാൻ: ഖത്തറിൽ ട്രക്ക് യാത്രക്ക് നിയന്ത്രണം

Gulf

പട്‌ന: പരീക്ഷ എഴുതിയ ശേഷം ഉത്തരക്കടലാസിന്റെ ഒടുക്കം ചില അഭ്യര്‍ത്ഥനകളും മറ്റും വിദ്യാര്‍ത്ഥികള്‍ എഴുതി ചേര്‍ക്കാറുണ്ട്. എന്നാല്‍ ബിഹാറിലെ പത്താം ക്ലാസ് പരീക്ഷ പേപ്പറില്‍ ഒരു വിദ്ധ്യാർത്ഥിനി എഴുതിയ വാചകമാണ് ഇപ്പോള്‍ സമൂഹമാദ്ധ്യമങ്ങളില്‍ ശ്രദ്ധ നേടുന്നത്. പലരും ഉത്തരകടലാസില്‍ കവിതകളും കഥകളും എഴുതിയപ്പോള്‍ വളരേ വ്യത്യസ്തവും വികാരഭരിതവുമായ അപേക്ഷയായിരുന്നു ഒരു വിദ്യാര്‍ത്ഥിനി തന്റെ ഉത്തരക്കടലാസില്‍ കുറിച്ചത്. തന്നെ പരീക്ഷയില്‍ ജയിപ്പിക്കണം, തോറ്റാല്‍ പിതാവ് തന്നെ വിവാഹം കഴിപ്പിച്ചയക്കും എന്നായിരുന്നു പെണ്‍കുട്ടി എഴുതി ചേര്‍ത്തത്.
''എന്റെ അച്ഛന്‍ ഒരു കര്‍ഷകനാണ്. വിദ്യാഭ്യാസത്തിനായി പണംമുടക്കുന്നത് ഞങ്ങളൂടെ കുടുംബത്തിന് വളരേ ബുദ്ധിമുട്ടാണ്, അതുകൊണ്ട് പഠിപ്പിക്കാന്‍ അച്ഛന് വലിയ താല്‍പര്യമില്ല. നല്ല മാര്‍ക്ക് വാങ്ങിയില്ലെങ്കില്‍ എന്നെ കല്യാണം കഴിപ്പിച്ചയക്കുമെന്നാണ് അച്ഛന്‍ പറഞ്ഞിരിക്കുന്നത്. ഞാന്‍ ഒരു പാവപ്പെട്ട കുടുംബത്തില്‍ പെണ്‍കുട്ടിയാണ്, എന്റെ മാനം കാക്കണം'- പെണ്‍കുട്ടി കുറിച്ചു.
ഫെബ്രുവരി 15 മുതല്‍ 23 വരേയായിരുന്നു ബിഹാറിലെ പത്താംക്ലാസ് പരീക്ഷകള്‍ നടന്നത്. തിയററ്റിക്കല്‍ പരീക്ഷകളില്‍ 30 ശതമാനം മാര്‍ക്കും പ്രാക്ടിക്കല്‍ പരീക്ഷകളില്‍ 40 ശതമാനം മാര്‍ക്കും വാങ്ങുന്ന വിദ്യാര്‍ഥികള്‍ക്കുമാത്രമേ ഉപരിപഠനത്തിന് യോഗ്യത ലഭിക്കുകയുള്ളു.

പരീക്ഷയില്‍ ജയിച്ചില്ലെങ്കില്‍ വീട്ടിൽ സംഭവിക്കുക ഇങ്ങനെ! എന്റെ മാനം കാക്കണം; ഉത്തരക്കടലാസിൽ പത്താംക്ലാസുകാരിയുടെ കുറിപ്പ്

തിരുവനന്തപുരം: ലോക്‌സഭാ തിരഞ്ഞെടുപ്പിനുള്ള തീയതി പ്രഖ്യാപിച്ചിട്ടില്ലെങ്കിലും സ്ഥാനാര്‍ത്ഥികളെ പ്രഖ്യാപിച്ച് പ്രചാരണവുമായി മുന്നോട്ട് പോകുകയാണ് കേരളത്തിലെ മുന്നണികള്‍. തിരഞ്ഞെടുപ്പ് പ്രചാരണത്തില്‍ സമകാലിക വിഷയങ്ങള്‍ ചര്‍ച്ചയാകുന്നതിനൊപ്പം തന്നെ കഴിഞ്ഞ അഞ്ച് വര്‍ഷം എന്ത് ചെയ്തു എന്ന ചോദ്യം നേരിടേണ്ടി വരിക സിറ്റിംഗ് എംപിമാരെ സംബന്ധിച്ച് പ്രധാനമാണ്. അതോടൊപ്പം തന്നെ പാര്‍ലമെന്റിലെ പ്രകടനവും ജനങ്ങള്‍ വിലയിരുത്തും.
കേരളത്തില്‍ നിന്നുള്ള ലോക്‌സഭാ എംപിമാരില്‍ ഭൂരിഭാഗവും നല്ല പ്രകടനം കാഴ്ചവെച്ചരാണ്. 15 സെഷനുകളിലായി ആകെ 274 ദിവസമാണ് 17-ാം ലോക്‌സഭ സമ്മേളിച്ചത്. അംഗങ്ങളുടെ ഹാജര്‍നിലയില്‍ ദേശീയ ശരാശരിക്കും മുകളിലാണ് കേരളത്തില്‍ നിന്നുള്ള എംപിമാരുടെ ഹാജര്‍. ദേശീയ ശരാശരി 79 ശതമാനമാണെങ്കില്‍ കേരളത്തില്‍ നിന്നുള്ള എംപിമാരുടേത് 83 ശതമാനമാണ്.
എന്നാല്‍ കേരളത്തില്‍ നിന്നുള്ള രണ്ട എംപിമാരുടെ ഹാജര്‍ നില ദേശീയ ശരാശരിയെക്കാള്‍ കുറവാണ്. മാത്രവുമല്ല ആകെ സഭ സമ്മേളിച്ചതില്‍ പകുതി ദിവസങ്ങള്‍ മാത്രമാണ് ഹാജരായതും. കണ്ണൂര്‍ എംപി കെ. സുധാകരനും വയനാട് എംപി രാഹുല്‍ ഗാന്ധിയുമാണ് കേരളത്തില്‍ നിന്നുള്ള എംപിമാരില്‍ കുറഞ്ഞ ഹാജര്‍നിലയുള്ളത്. സുധാകരന് 50 ശതമാനവും രാഹുല്‍ ഗാന്ധിക്ക് 51 ശതമാനവുമാണ് ഉള്ളത്. 17-ാം ലോക്‌സഭയില്‍ ആകെ 221 ബില്ലുകളാണ് പാസാക്കിയത്. കേരളത്തില്‍ നിന്നുള്ള അംഗങ്ങള്‍ ആകെ 302 നിയമനിര്‍മാണ ചര്‍ച്ചകളിലാണ് പങ്കെടുത്തത്. ചര്‍ച്ചകളില്‍ പങ്കെടുത്തതില്‍ മുമ്പില്‍ എന്‍.കെ. പ്രേമചന്ദ്രന്‍, ഇ.ടി. മുഹമ്മദ് ബഷീര്‍, ശശി തരൂര്‍ എന്നിവരാണ്. വയനാട് എംപി രാഹുല്‍ ഗാന്ധി ഇക്കാര്യത്തിലും വളരെ പിന്നിലാണ്. സഭയില്‍ ചോദ്യങ്ങള്‍ ഉന്നയിക്കുന്നതിലും പ്രമേയങ്ങള്‍ അവതരിപ്പിക്കുന്നതിലും കേരളത്തിലെ എംപിമാര്‍ മുന്നിലാണ്.
17-ാം ലോക്‌സഭയിലെ ചോദ്യങ്ങളുടെ ദേശീയ ശരാശരി 210 ആണെങ്കിലും കേരളത്തിന്റെത് 268 ആണ്. 5346 ചോദ്യങ്ങള്‍ കേരളത്തില്‍ നിന്ന് ഉന്നയിക്കപ്പെട്ടു. മഹാരാഷ്ട്ര, ആന്ധ്രാപ്രദേശ്, രാജസ്ഥാന്‍ തുടങ്ങിയ സംസ്ഥാനങ്ങള്‍ മാത്രമാണ് ഇക്കാര്യത്തില്‍ കേരളത്തിന് മുന്നിലുള്ളത്. ചോദ്യങ്ങള്‍ ചോദിച്ചതില്‍ മുമ്പില്‍ അടൂര്‍ പ്രകാശും ആന്റോ ആന്റണിയും ബെന്നി ബെഹനാനും ആണ്. ജനങ്ങളെ ബാധിക്കുന്ന അടിയന്തരപ്രാധാന്യമുളള വിഷയങ്ങളില്‍ സര്‍ക്കാരിന്റെ ശദ്ധക്ഷണിക്കുന്നതിന് നിരവധി അവസരങ്ങളുണ്ട്. ഇവയില്‍ പ്രധാനപ്പെട്ടവയാണ് ശൂന്യവേള ചര്‍ച്ച, ചട്ടം 377, ചട്ടം 193 പ്രകാരമുള്ള പ്രമേയങ്ങളും ചര്‍ച്ചകളും. ഇവയിലെല്ലാം കേരള എം.പിമാരുടെ പ്രകടനം ദേശീയ ശരാശരിയെക്കാള്‍ മുന്നിലാണ്. ഇക്കാര്യത്തില്‍ പ്രേമചന്ദ്രനും കൊടിക്കുന്നില്‍ സുരേഷും മെച്ചപ്പെട്ട പ്രകടനം കാഴ്ചവെച്ചു.
പ്രാദേശിക ഫണ്ട് വിനിയോഗമാണ് എംപിമാരെ സംബന്ധിച്ച് പ്രകടനത്തില്‍ നിര്‍ണായകമായ മറ്റൊരു കാര്യം. അഞ്ച് കോടി രൂപയാണ് ഓരോ എംപിക്കും പ്രതിവര്‍ഷം ലഭിക്കുന്ന ഫണ്ട്. കൊവിഡ് മൂലം ആദ്യ രണ്ടുവര്‍ഷം ഈ തുക രണ്ടുകോടിയായി ചുരുക്കിയിരുന്നു. അതിനാല്‍ ഈ ലോക്‌സഭയില്‍ 17 കോടി മാത്രമാണ് അംഗങ്ങള്‍ക്ക് കിട്ടിയത്. ഇൗ കണക്കില്‍ പക്ഷേ കേരളത്തില്‍ നിന്നുള്ള എംപിമാര്‍ വളരെ പിന്നിലാണ്.
അടൂര്‍ പ്രകാശ്, എ.എം. ആരിഫ്, തോമസ് ചാഴിക്കാടന്‍, ശശി തരൂര്‍, രാജ്‌മോഹന്‍ ഉണ്ണിത്താന്‍ തുടങ്ങിയ അഞ്ച് എംപിമാര്‍ മാത്രമേ ഈ തുക ഫലപ്രദമായി വിനിയോഗിച്ചിട്ടുള്ളു. കൊടിക്കുന്നില്‍ സുരേഷ്, ഡീന്‍ കുര്യാക്കോസ് തുടങ്ങിയ എംപിമാരാണ് ഫണ്ട് ചിലവഴിക്കുന്നതില്‍ ഏറ്റവും പിന്നില്‍. വികസനഫണ്ടായി 17 കോടി രൂപ ലഭിച്ചതില്‍ കൂടുതല്‍ ചെലവഴിച്ചത് കോട്ടയം എംപി തോമസ് ചാഴികാടനാണ്. 16.98 കോടി രൂപ ചിലവാക്കിയ അദ്ദേഹത്തിന്റെ ഫണ്ടില്‍ ഇനി ബാക്കിയുള്ളത് വെറും രണ്ടു ലക്ഷം രൂപ മാത്രം. ശശി തരൂര്‍ 16.96 കോടി രൂപ ചിലവാക്കി. അടൂര്‍ പ്രകാശ് 16.89 കോടി, രാജ്‌മോഹന്‍ ഉണ്ണിത്താന്‍ 16.72 കോടി, കെ മുരളീധരന്‍ 16.25 കോടി, എഎം ആരിഫ് 16.24 കോടി, ആന്റോ ആന്റണി 16.15 കോടി, ബെന്നി ബെഹനാന്‍ 16.09 കോടി എന്നിങ്ങനെയാണ് ചിലവാക്കിയത്.
ചെലവഴിക്കാത്ത തുക ഏറ്റവും കൂടുതലുള്ള എം.പിമാരില്‍ കൊടിക്കുന്നില്‍ സുരേഷാണ് മുന്നില്‍-6.24 കോടി രൂപയാണ് കൊടിക്കുന്നില്‍ പാഴാക്കിയത്. രാഹുല്‍ ഗാന്ധിയുടെ ഫണ്ടില്‍ 1.25 കോടി രൂപയുണ്ട്. ഡീന്‍ കുര്യാക്കോസ്-4.44 കോടി, വി.കെ. ശ്രീകണ്ഠന്‍-3.19 കോടി, കെ.സുധാകരന്‍-2.70 കോടി, ഇ.ടി.മുഹമ്മദ് ബഷീര്‍-2.56 കോടി, രമ്യ ഹരിദാസ്-2.46 കോടി, എന്‍.കെ.പ്രേമചന്ദ്രന്‍-2.41 കോടി, ടി.എന്‍.പ്രതാപന്‍-2.04 കോടി, ഹൈബി ഈഡന്‍-1.80 കോടി, എം.പി.അബ്ദുള്‍സമദ് സമദാനി-1.55 കോടി, എം.കെ.രാഘവന്‍-1.43 കോടി എന്നിങ്ങനെയാണ് ചെലവഴിക്കാതെ പാഴാക്കിയത്.

ഏറ്റവും കുറച്ച് ദിവസം പാര്‍ലമെന്റില്‍ പോയ കേരള എംപിമാർ കെ. സുധാകരനും രാഹുല്‍ ഗാന്ധിയും; ലോക്‌സഭാ അംഗങ്ങള്‍ ചിലവാക്കിയതും പാഴാക്കിയതും എത്ര കോടികള്‍?

കണ്ണൂർ: ഷാഫി പറമ്പിൽ വടകരയിൽ കുറേ കോൺഗ്രസുകാരെ അവിടന്നും ഇവിടന്നുമായി കൂട്ടിക്കൊണ്ടുവന്ന് ജഗപൊകയാക്കിയാൽ ജനങ്ങളാകെ ഇളകിവരു​മോയെന്ന് എൽ.ഡി.എഫ് കൺവീനർ ഇ.പി. ജയരാജൻ. കണ്ണൂരിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം.കുറേ ആളുകളെയൊക്കെ ലോറിയിൽ കൊണ്ടുവന്നാൽ അതൊക്കെ ജനപിന്തുണ​യാണോ?. വടകരക്കാർ ഇതൊക്കെ കുറേ കണ്ടതാണ്. രാവിലെ ഒരുത്തൻ വന്നാൽ തെങ്ങിൽമേൽ കയറ്റിക്കളയുമെന്നാണോ?. ആ നാടിന് വേണ്ടി എന്താണ് അവർ ചെയ്തത് എന്നതിന് മറുപടിയുണ്ടോ?. വടകര മണ്ഡലം നല്ല പൊളിറ്റിക്കൽ തിങ്കിങ് ഉള്ള നാടാണെന്നും ബാക്കി തെരഞ്ഞെടുപ്പിൽ കാണാമെന്നും അദ്ദേഹം പറഞ്ഞു.
പൗരത്വ ഭേദഗതി നിയമം പാർലമെന്റിൽ പാസാക്കുമ്പോൾ ഒരക്ഷരം പറയാത്തവരാണ് കോൺ​ഗ്രസുകാർ. കണ്ണൂരിൽ മത്സരിക്കുന്നയാൾ എന്താണ് ഇതുസംബന്ധിച്ച് പാർലമെന്റിൽ സംസാരിച്ചത്. സി.എ.എയെ എതിർത്ത് കെ.പി.സി.സി പ്രസിഡന്റിന്റെ പ്രസ്താവന കണ്ടു. ആ വിഷയത്തിൽ ഇദ്ദേഹം നടത്തിയ ഇടപെടലൊക്കെ ജനങ്ങൾക്ക് മുമ്പാകെ ഉന്നയിക്കും. ലോക്സഭയിൽ ആലപ്പുഴയിൽനിന്നുള്ള എൽ.ഡി.എഫ് അംഗം എ.എം. ആരിഫ് മാത്രമാണ് പൗരത്വ നിയമത്തെ എതിർത്ത് സംസാരിച്ചത്. ഞങ്ങൾക്ക് കുറച്ചുകൂടി അംഗങ്ങൾ ലോക്സഭയിൽ ഉണ്ടായിരുന്നുവെങ്കിൽ അത്ര എളുപ്പത്തിൽ സി.എ.എ നിയമമാവില്ലായിരുന്നുവെന്നും ഇ.പി. ജയരാജൻ കൂട്ടിച്ചേർത്തു.

വടകരക്കാർ ഇതൊക്കെ കുറേ കണ്ടതാണ്; ‘ഷാഫി കുറേ ആളുകളെ ലോറിയിൽ കൊണ്ടുവന്നാൽ അതൊക്കെ ജനപിന്തുണ​യാണോ’; പരിഹാസവുമായി ഇ.പി ജയരാജൻ

തിരുവനന്തപുരം: കുറഞ്ഞ വിലയ്ക്ക്‌ ഗുണനിലവാരമുള്ള അരി എന്ന പ്രഖ്യാപനവുമായി കെ റൈസ് ബുധനാഴ്‌ച മുതൽ സംസ്ഥാനത്ത്‌ വിതരണം തുടങ്ങും. സംസ്ഥാന സർക്കാർ സപ്ലൈകോ വഴി ശബരി കെ- റൈസ് ബ്രാൻഡിൽ വിപണിയിലെത്തിക്കുന്ന അരിയുടെ വിതരണോദ്ഘാടനം പകൽ 12ന്‌ അയ്യൻകാളി ഹാളിൽ മുഖ്യമന്ത്രി പിണറായി വിജയൻ നിർവഹിച്ചു. മന്ത്രി ജി ആർ അനിൽ അധ്യക്ഷനായി. മന്ത്രി വി ശിവൻകുട്ടി ആദ്യ വിൽപ്പന നടത്തി.
ജയ അരിക്ക്‌ 29 രൂപയും കുറുവ, മട്ട അരിക്ക്‌ 30 രൂപയുമായിരിക്കും വില. കാർഡൊന്നിന് അഞ്ചു കിലോ ഗ്രാം അരി ലഭിക്കും. കിലോഗ്രാമിന്‌ 40.11 രൂപ നിരക്കിൽ വാങ്ങുന്ന അരിയാണ്‌ 11.11 രൂപ കുറച്ച്‌ വിതരണം ചെയ്യുന്നത്. തുണി സഞ്ചിയിലാണ്‌ വിതരണം.&nbsp;

കെ റൈസ്‌ ഇന്നുമുതൽ

നോമ്പുകാലം വ്രതാനുഷ്ഠാനത്തോടൊപ്പം ആരോഗ്യകാര്യങ്ങളിലും ശുചിത്വത്തിലും തികഞ്ഞ ജാഗ്രത പുലർത്തേണ്ട കാലമാണ്. കടുത്ത വേനൽക്കാലമായതിനാൽ പ്രത്യേക കരുതൽ വേണം. അമിതമായ ചൂടും വയറിളക്കവും കാരണം നിർജലീകരണമുണ്ടായാൽ സങ്കീർണ ആരോഗ്യപ്രശ്നങ്ങൾക്കും കാരണമായേക്കാം. ചൂട് വളരെ കൂടുതലായതുകൊണ്ട് ശരീരത്തിൽനിന്ന് ജലവും ലവണങ്ങളും നഷ്ടപ്പെടും. ഇത് പ്രത്യേകം ശ്രദ്ധിക്കണം.&nbsp;
രോഗപ്രതിരോധത്തിനായി ശ്രദ്ധിക്കേണ്ട ചില കാര്യങ്ങൾ
തിളപ്പിച്ചാറിയ വെള്ളം മാത്രം കുടിക്കുക.
ഭക്ഷണപാനീയങ്ങളിൽ ഈച്ച, കൊതുക് തുടങ്ങിയ പ്രാണികൾ കടക്കാതെ അടച്ചുസൂക്ഷിക്കുക.
ഭക്ഷണം പാകം ചെയ്യാനും കഴിക്കാനും ഉപയോഗിക്കുന്ന പാത്രങ്ങൾ ശുദ്ധജലത്തിൽ മാത്രം കഴുകുക.
കൈകൾ എപ്പോഴും വൃത്തിയായി സൂക്ഷിക്കുക. ആഹാരം പാകം ചെയ്യുന്നതിനും വിളമ്പുന്നതിനും കഴിക്കുന്നതിനും മുൻപ് കൈകൾ സോപ്പ് ഉപയോഗിച്ച് കഴുകുക.
ജ്യൂസുകളും മറ്റു പാനീയങ്ങളും തയ്യാറാക്കാനാണെങ്കിലും തിളപ്പിച്ചാറിയ വെള്ളം മാത്രം ഉപയോഗിക്കുക.
പാനീയങ്ങൾ തയ്യാറാക്കുമ്പോൾ അംഗീകൃത രജിസ്‌ട്രേഷനുള്ള സ്ഥാപനങ്ങളിൽനിന്ന് ഭക്ഷ്യയോഗ്യമായ ഐസ് കട്ടകൾ മാത്രം ഉപയോഗിക്കുക. അല്ലെങ്കിൽ പ്രത്യേക ശ്രദ്ധയോടെ ഐസ് വീട്ടിൽ തയ്യാറാക്കുക.
നിർജലീകരണം തടയുന്നതിനായി നോമ്പില്ലാത്ത സമയങ്ങളിൽ ധാരാളം ശുദ്ധജലം കുടിക്കുക.
പഴങ്ങളും പച്ചക്കറികളും ഇലവർഗങ്ങളും നന്നായി കഴുകിയശേഷം മാത്രം ഉപയോഗിക്കുക.
ആരാധനാലയങ്ങളിൽ അംഗശുദ്ധി വരുത്തുന്നതിനും ഭക്ഷണം തയ്യാറാക്കുന്നതിനും ശുദ്ധജലം മാത്രം ഉപയോഗിക്കുക.
നോമ്പുതുറക്കുന്ന സമയങ്ങളിൽ എരിവും പുളിയും കൂടുതലുള്ള ഭക്ഷണപദാർത്ഥങ്ങൾ ഒഴിവാക്കുക.
വേനൽക്കാലമായതിനാൽ പാനീയങ്ങളും ദ്രാവകരൂപത്തിലുള്ള പദാർത്ഥങ്ങളും കൂടുതലായി ഭക്ഷണത്തിൽ ഉൾപ്പെടുത്തുക.
നോമ്പുതുറ പരിപാടികളിൽ ഭക്ഷണം തയ്യാറാക്കുമ്പോൾ ശുചിത്വമാനദണ്ഡങ്ങൾ കൃത്യമായി പാലിക്കുക. ഭക്ഷണം പാകം ചെയ്യുന്നവരും വിതരണം ചെയ്യുന്നവരും തികഞ്ഞ വ്യക്തിശുചിത്വം പാലിക്കുക.
ഭക്ഷണവും പാനീയങ്ങളും വിതരണം ചെയ്യാൻ ഡിസ്‌പോസിബിൾ പ്ലെയിറ്റ്/ഗ്ലാസ് എന്നിവ കഴിവതും ഒഴിവാക്കുക. പരിസരശുചിത്വം പാലിക്കുക.
സ്ഥിരമായി മരുന്ന് കഴിക്കുന്നവർ ചികിത്സിക്കുന്ന ഡോക്ടറെ കണ്ട് മരുന്ന് കഴിക്കുന്ന സമയം ക്രമപ്പെടുത്തുക.
ക്ഷീണം, തലകറക്കം, ഛർദ്ദി എന്നിവയുണ്ടായാൽ കൂടുതൽ ശ്രദ്ധ പുലർത്തണം. ആവശ്യമെങ്കിൽ ഉടൻ ഡോക്ടറെ സമീപിക്കുക.
അംഗീകൃതമല്ലാത്ത മരുന്നുകളും അശാസ്ത്രീയമായ ചികിത്സകളും സ്വയംചികിത്സയും ഒഴിവാക്കുക.

നോമ്പുകാലത്ത് ആരോഗ്യശ്രദ്ധയ്ക്ക് 16 കാര്യങ്ങൾ

Health

ന്യൂഡല്‍ഹി: ടി.എന്‍. പ്രതാപനെ കെ.പി.സി.സി. വര്‍ക്കിങ് പ്രസിഡന്റായി നിയമിച്ചു. തൃശ്ശൂര്‍ സിറ്റിങ് എം.പിയായ പ്രതാപന് പകരം കെ. മുരളീധരനെ സ്ഥാനാര്‍ഥിയായി പ്രഖ്യാപിച്ചിരുന്നു. ഇതിന് പിന്നാലെയാണ് നടപടി. പ്രതാപനെ വര്‍ക്കിങ് പ്രസിഡന്റാക്കാനുള്ള നിര്‍ദേശം എ.ഐ.സി.സി. പ്രസിഡന്റ് അംഗീകരിച്ചു. നിയമനം സംബന്ധിച്ച് സംഘടനാ ജനറല്‍ സെക്രട്ടറി കെ.സി. വേണുഗോപാല്‍ പത്രക്കുറിപ്പ് ഇറക്കി.
&nbsp;നിലവില്‍ രണ്ട് വര്‍ക്കിങ് പ്രസിഡന്റുമാരാണ് കെ.പി.സി.സിക്കുള്ളത്. കൊടിക്കുന്നില്‍ സുരേഷ് എം.പിക്കു പുറമേ കല്‍പറ്റ എം.എല്‍.എ. ടി. സിദ്ദിഖും കെ.പി.സി.സി. വര്‍ക്കിങ് പ്രസിഡന്റാണ്. സിറ്റിങ് എം.പിമാരെല്ലാം മത്സരിക്കാന്‍ തയ്യാറെടുക്കണമെന്ന് ഹൈക്കമാന്‍ഡ് നിര്‍ദേശം നല്‍കിയതിന്റെ പശ്ചാത്തലത്തില്‍ ടി.എന്‍. പ്രതാപന്‍ മണ്ഡലത്തില്‍ സജീവമാകുകയും ചുമരെഴുത്തുകള്‍ തുടങ്ങുകയും ചെയ്‌തെങ്കിലും അപ്രതീക്ഷിതമായാണ് കെ. മുരളീധരനെ തൃശ്ശൂരില്‍ മത്സരിപ്പിക്കാന്‍ കോണ്‍ഗ്രസ് തീരുമാനിച്ചത്. കെ. മുരളീധരന്റെ സഹോദരി പത്മജ വേണുഗോപാല്‍ ബി.ജെ.പിയില്‍ പോയതിന്റെ പശ്ചാത്തലത്തിലായിരുന്നു നീക്കം.
വടകരയില്‍ സിറ്റിങ് എം.പി. കെ. മുരളീധരന് പകരം പാലക്കാട് എം.എല്‍.എ. ഷാഫി പറമ്പിലിനെ സ്ഥാനാര്‍ഥിയായി പ്രഖ്യാപിച്ചു. മത്സരരംഗത്തുനിന്ന് മാറിനില്‍ക്കുന്ന പ്രതാപന് അടുത്ത നിയമസഭാ തിരഞ്ഞെടുപ്പില്‍ സീറ്റ് നല്‍കിയേക്കുമെന്ന് റിപ്പോര്‍ട്ടുകളുണ്ടായിരുന്നു. നേരത്തെ, ലോക്‌സഭാ തിരഞ്ഞെടുപ്പില്‍ മത്സരിക്കുന്നതില്‍നിന്ന് മാറിനിക്കണമെന്ന ആഗ്രഹം പ്രതാപന്‍ പ്രകടിപ്പിച്ചിരുന്നു.

ടി.എന്‍. പ്രതാപനെ കെപിസിസി വര്‍ക്കിങ് പ്രസിഡന്റായി നിയമിച്ചു

കോഴിക്കോട്: ബേപ്പൂരില്‍ ഒരാള്‍ക്ക് മൂന്ന് വോട്ടര്‍ ഐഡി കാര്‍ഡ് കണ്ടെത്തിയതിനെ തുടര്‍ന്ന് തിരഞ്ഞെടുപ്പ് ഉദ്യോഗസ്ഥര്‍ക്ക് സസ്‌പെന്‍ഷന്‍. രണ്ട് ഇലക്ടറല്‍ രജിസ്‌ട്രേഷന്‍ ഓഫീസര്‍മാര്‍ (ഇ.ആര്‍.ഒ), ഒരു ബൂത്ത് ലെവല്‍ ഓഫീസര്‍ എന്നിവരെ സസ്‌പെന്‍ഡ് ചെയ്യാനാണ് കോഴിക്കോട് ജില്ലാ കളക്ടര്‍ക്ക് ചീഫ് ഇലക്ടറല്‍ ഓഫീസര്‍ സഞ്ജയ് കൗള്‍ നിര്‍ദ്ദേശം നല്‍കിയത്. ജനപ്രാതിനിധ്യ നിയമപ്രകാരം ഇവർക്കെതിരെ കേസെടുക്കും.
സത്യപ്രസ്താവന പരിശോധിച്ച് അംഗീകരിക്കാവുന്നതാണെന്ന് ശുപാർശചെയ്ത ബൂത്ത് ലെവൽ ഓഫീസറെയും ഇലക്ടറൽ രജിസ്റ്റർ ഓഫീസറെയുമാണ് ജന പ്രാതിനിധ്യ നിയമം 1950-ലെ വ്യവസ്ഥകൾ പ്രകാരം സസ്പെൻഡ് ചെയ്തത്. ജന പ്രാതിനിധ്യ നിയമത്തിലെ സെക്ഷൻ 32 പ്രകാരം ഇവർക്കെതിരെ കേസെടുക്കാനും നടപടി സ്വീകരിച്ചിട്ടുണ്ട്. മൂന്നുമാസം മുതൽ രണ്ട് വർഷംവരെ തടവുശിക്ഷ ലഭിക്കാവുന്ന കുറ്റമാണിത്.
ബേപ്പൂർ സ്വദേശിയാണ് മൂന്ന് തവണ ഐ.ഡി കാർഡ് സ്വന്തമാക്കിയത്. ആധാർ കാർഡും പാസ്പോർട്ടും തിരിച്ചറിയൽ രേഖയായി സമർപ്പിച്ചാണ് ഐ.ഡി കൈവശപ്പെടുത്തിയത്. വോട്ടർ പട്ടികയിൽ പേരില്ലെന്ന് സത്യപ്രസ്താവനയിലും രേഖപ്പെടുത്തിയിരുന്നു. ജനപ്രതിനിധ്യ നിയമത്തിലെ വ്യവസ്ഥകൾ പ്രകാരം ഇയാൾക്കെതിരേയും കേസെടുക്കും. കരട് വോട്ടർപട്ടിക തയ്യാറാക്കിയശേഷം സമാനമായ രീതിയിൽ തെറ്റായ അപേക്ഷ സമർപ്പിച്ച് വോട്ടർപട്ടികയിൽ പേര് ചേർത്തിട്ടുണ്ടോ എന്ന് കണ്ടെത്താൻ ഇ.ആർ.ഒ മാരും ബി.എൽ.ഒമാരും മുഖാന്തരം കർശന പരിശോധന നടത്താൻ എല്ലാ ജില്ലാ കളക്ടർമാർക്ക് നിർദ്ദേശം നൽകിയിട്ടുണ്ട്.

ബേപ്പൂരിൽ ഒരാള്‍ക്ക് മൂന്ന് വോട്ടര്‍ ഐഡി കാര്‍ഡ്; തിരഞ്ഞെടുപ്പ് ഉദ്യോഗസ്ഥര്‍ക്ക് സസ്‌പെന്‍ഷന്‍

തിരുവനന്തപുരം: ജനങ്ങള്‍ക്ക് ചുരുങ്ങിയ ചെലവില്‍ മികച്ച നിലവാരമുള്ള ഡ്രൈവിങ് പരിശീലനം ലഭ്യമാക്കി ടെസ്റ്റ് നടത്തുന്നതിനും അര്‍ഹത നേടുന്നവര്‍ക്ക് ലൈസന്‍സ് ലഭ്യമാക്കുന്നതിനുമുള്ള നൂതന സംവിധാനവുമായി കെ.എസ്.ആര്‍.ടി.സി. സംസ്ഥാനത്തിന്റെ വിവിധ ഭാഗങ്ങളില്‍ സ്ഥാപിക്കുന്ന പരിശീലന കേന്ദ്രങ്ങളിലൂടെ കെ.എസ്.ആര്‍.ടി.സി യിലെ വിദഗ്ധരായ ഇന്‍സ്ട്രക്ടര്‍മാരെ ഇതിനായി ഉപയോഗിച്ച് പരിശീലനം നൽകാനാണ് പദ്ധതി.
ആവശ്യമായ അധിക പരിശീലനം ഉള്‍പ്പെടെ നല്‍കി അതാതിടങ്ങളില്‍ത്തന്നെ ഡ്രൈവിങ് ടെസ്റ്റ് സംവിധാനമൊരുക്കി ലൈസന്‍സ് ലഭ്യമാക്കുന്നതിനുള്ള പദ്ധതിയാണ് നടപ്പിലാക്കുന്നതെന്ന് ഗതാഗത മന്ത്രി കെ.ബി ഗണേഷ് കുമാര്‍ ഫെയ്‌സ്ബുക്കില്‍ പങ്കുവെച്ച വാര്‍ത്താക്കുറിപ്പില്‍ അറിയിച്ചു.കൂടുതല്‍സമയം കൃത്യതയോടെയുള്ള പരിശീലനം നല്‍കി ദേശീയ, അന്തര്‍ദേശീയ നിലവാരത്തിലുള്ള ലൈറ്റ് മോട്ടോര്‍ വെഹിക്കിള്‍ ഡ്രൈവിങ് യോഗ്യത സൃഷ്ടിക്കുകയാണ് ലക്ഷ്യമിടുന്നത്. ഇതിനായി ഡ്രൈവിങ് സ്‌കൂളുകള്‍ ആരംഭിക്കുന്നതിനുള്ള വിശദമായ സാങ്കേതിക പരിശോധന നടത്തി അടിയന്തരമായി റിപ്പോര്‍ട്ട് സമര്‍പ്പിക്കാൻ കെ.എസ്.ആര്‍.ടി.സി ചെയര്‍മാന്‍ ആന്‍ഡ് മാനേജിങ് ഡയറക്ടര്‍ക്ക് മന്ത്രി നിര്‍ദേശവും നല്‍കി.
ഏറ്റവും ആധുനികമായ എല്ലാ സംവിധാനങ്ങളോടും കൂടി ആരംഭിക്കുന്ന ഡ്രൈവിങ് സ്‌കൂളുകളില്‍ കെ.എസ്.ആര്‍.ടി.സി ഡ്രൈവര്‍മാര്‍ക്ക് അധിക പരിശീലനം നല്‍കുന്നതും പരിഗണിക്കും.

ജനങ്ങൾക്ക് ചുരുങ്ങിയ ചെലവില്‍ ഡ്രൈവിങ് പരിശീലനം നൽകാൻ കെഎസ്ആര്‍ടിസി

ഇടുക്കി: നെടുങ്കണ്ടത്ത് തേനീച്ചയുടെ കുത്തേറ്റ് വയോധികയ്ക്കു ദാരുണാന്ത്യം. അമ്പതേക്കർ സ്വദേശി എം.എൻ.തുളസിയാണ് (85) മരിച്ചത്. കഴിഞ്ഞ ദിവസം ഉച്ചയ്ക്കുശേഷം വീടിന്റെ വരാന്തയിൽ ഇരിക്കുമ്പോഴാണു തുളസിയെ തേനീച്ച ആക്രമിച്ചത്. വീടിനു സമീപമുള്ള തേനീച്ചക്കൂട് പരുന്ത് കൊത്തി താഴേക്കിടുകയായിരുന്നു.
വീട്ടിലുണ്ടായിരുന്ന കൊച്ചുമക്കൾക്കും തേനീച്ചയുടെ ആക്രമണത്തിൽ പരിക്കേറ്റു. ഇവരെ നെടുങ്കണ്ടം താലൂക്ക് ആശുപത്രിയിൽ ഉടനെ എത്തിച്ചു. പരുക്ക് ഗുരുതരമായതിനാൽ തേനി മെഡിക്കൽ കോളജ് ആശുപത്രിയിലേക്കു മാറ്റിയെങ്കിലും തുളസി ചികിത്സയിലിരിക്കെ മരിക്കുകയായിരുന്നു.&nbsp;

പരുന്ത് കൂട് കൊത്തി താഴെയിട്ടു; തേനീച്ചയുടെ കുത്തേറ്റ് വയോധിക മരിച്ചു

മേപ്പയ്യൂർ: ഗ്രാമപഞ്ചായത്ത് സി.ഡി.എസിൽ 'നാച്വേഴ്സ് ഫ്രഷ് ' വെജിറ്റബിൾ കിയോസ്ക്കിന്റെ ഉദ്ഘാടനം ഗ്രാമപഞ്ചായത്ത് പ്രസിഡൻ്റ് കെ.ടി. രാജൻ നിർവ്വഹിച്ചു. വൈസ് പ്രസിഡന്റ് എൻ.പി. ശോഭ ഉൽപ്പന്നങ്ങളുടെ ആദ്യ വിൽപ്പന നടത്തി. സി ഡി എസ് ചെയർപേഴ്സൺ ഇ. ശ്രീജയ അധ്യക്ഷത വഹിച്ച ചടങ്ങിൽ കുടുംബശ്രീ ജില്ലാ മിഷൻ കോർഡിനേറ്റർ ആർ. സിന്ധു മുഖ്യാതിഥിതിയായി. ജില്ലാ പ്രോഗ്രാം മാനേജർ ആരതി പി. വി പദ്ധതി വിശദീകരണം നടത്തി. കുടുംബശ്രീ സംഘകൃഷി ഗ്രൂപ്പുകൾ ഉൽപ്പാദിപ്പിക്കുന്ന വിഷരഹിത പച്ചക്കറി ഗുണഭോക്താക്കൾക്ക് ലഭ്യമാക്കുക എന്ന ലക്ഷ്യത്തോടെയാണ് കിയോസ്ക്കുകൾ ആരംഭിച്ചിട്ടുള്ളത്.&nbsp;
പച്ചക്കറികൾക്ക് പുറമെ കുടുംബശ്രീ സംരംഭകരുടെ മറ്റ് ഉൽപ്പന്നങ്ങളും കിയോസ്ക്കുകളിൽ ലഭ്യമാകും. രമ വി പി (ക്ഷേമകാര്യ സ്റ്റാൻ്റിങ് കമ്മറ്റി ചെയർപേഴ്സൺ), ദീപകേളോത്ത് (വാർഡ് മെമ്പർ), കെ.പി അനിൽ കുമാർ ( ഗ്രാമപഞ്ചായത്ത് സെക്രട്ടറി) എന്നിവർ ചടങ്ങിന് ആശംസകൾ നേർന്നു. ഇതിന് സമീപത്തായി മേപ്പയ്യൂർ സി ഡി എസ്സിൻ്റെയും മോഡൽ ജി.ആർ സി യുടെയും സംയുക്താഭിമുഖ്യത്തിൽ ഭക്ഷ്യമേള കൂടി സംഘടിപ്പിച്ചു. സി ഡി എസ് മെമ്പർമാർ, ബ്ലോക്ക്‌ കോ-ഓർഡിനേറ്റർമാർ, അക്കൗണ്ടൻ്റ്, ഹരിത കർമ്മസേന അംഗങ്ങൾ, കുടുംബശ്രീ അംഗങ്ങൾ തുടങ്ങിയവർ പങ്കെടുത്തു. സി ഡി എസ്സ് വൈസ് ചെയർ പേഴ്സൺ ബിന്ദു കെ.പി സ്വാഗതവും സി ഡി എസ് മെമ്പർ നിഷ പി ടി നന്ദിയും അറിയിച്ചു.

'നാച്വേഴ്സ് ഫ്രഷ് ' വെജിറ്റബിൾ കിയോസ്ക്ക് ഉദ്ഘാടനം ചെയ്തു

Perambra

മേപ്പയ്യൂർ: കൊഴുക്കല്ലൂരില പൗര പ്രമുഖനും പൊതു പ്രവർത്തകനും സഹകാരിയുമായ കാരയാട്ട് കുഞ്ഞികൃഷ്ണൻ നായർ (87) കോഴിക്കോട് സ്വകാര്യ ആശുപത്രിയിൽ അന്തരിച്ചു. കൊഴുക്കല്ലൂർ കെ.ജി.എം.എസ്സ് യു.പി സ്കൂൾ മാനേജരാണ്. മേപ്പയ്യൂർ സർവ്വീസ് സഹകരണ ബേങ്ക് സ്ഥാപിക്കുന്നതിൽ മുൻകൈ എടുക്കുകയും ദീർഘകാലം ബേങ്കിൻ്റെ പ്രസിഡണ്ടായി പ്രവർത്തിക്കുകയും ചെയ്തു .ജനതാദൾ വാർഡ് പ്രസിഡണ്ട്, ചെറുശ്ശേരി ഭഗവതി ക്ഷേത്ര ട്രസ്റ്റി ബോർഡ് ചെയർമാൻ, ചെറുശ്ശേരി ക്ഷേത്ര പരിപാലന സമതി രക്ഷാധികാരി ശിവക്ഷേത്ര-വിഷ്ന്നു ക്ഷേത്രനിർമ്മാണ കമ്മറ്റി ചെയർമാൻ, കൊഴുക്കല്ലൂർ അംഗൻവാടി കമ്മറ്റി പ്രസിഡണ്ട് എന്നീ നിലകളിൽ പ്രവർത്തിച്ചിട്ടുണ്ട്. കൊഴുക്കല്ലൂർ.യു.പി. സ്കൂൾ റിട്ട. ഹെഡ് ടീച്ചർ പി. ലക്ഷ്മിക്കുട്ടി അമ്മയാണ് ഭാര്യ.
മക്കൾ; കെ. സുരേഷ് ബാബു (കാരയാട് ഏജൻസീസ് പയ്യോളി), ബേബി നിഷ (അദ്ധ്യാപിക നന്മണ്ടപി.സി. എൽ.പി സി സ്കൂൾ), കെ.രാജേഷ് (കാരയാട്ട് ട്രേഡേഴ്സ് മേപ്പയ്യൂർ), ശ്രീജ മൊകേരി. മരുമക്കൾ; ബിനു പള്ളിക്കര, എൻ. പ്രകാശ് (റിട്ട. ആർമി), കെ. അംബുജാക്ഷൻ (റിട്ട അദ്ധ്യാപകൻ വട്ടോളിനേഷനൽ ഹയർ സെൻ്ററി സ്കൂൾ, കോൺഗ്രസ് കാവിലും പാറ ബ്ലോക്ക് സെക്രട്ടരി), ബീവ വെള്ളികുളങ്ങര (അദ്ധ്യാപിക കെ.ജി.എം.എസ്.യു.പി സ്കൂൾ കൊഴുക്കല്ലൂർ). സഹോദരങ്ങൾ; കെ. ബാലൻ നായർ (റിട്ട എക്സിക്യൂട്ടീവ് എഞ്ചിനിയർ പി.ഡബ്ല്യു. ഡി ആൻ്റമാൻ നിക്കോബാർ ദ്വീപ്), രാധ (റിട്ട. പ്രൻസിപ്പാൾ ജി. എച്ച് എസ്സ്.എസ്സ്. കുറ്റ്യാടി), കാരയാട്ട് ദിവാകരൻ നായർ (റിട്ട. സി. ആർ.പി.എഫ്. കാരയാട്ട് ട്രേഡേഴ്സ്, സൂര്യബ്രിക്സ് മേപ്പയൂർ).

കൊഴുക്കല്ലൂരില പൗര പ്രമുഖനും പൊതു പ്രവർത്തകനും സഹകാരിയുമായ കാരയാട്ട് കുഞ്ഞികൃഷ്ണൻ നായർ അന്തരിച്ചു

ആയഞ്ചേരി: പൗരത്വ ഭേദഗതി നിയമത്തിനെതിരെ ആയഞ്ചേരി ടൗണിൽ എൽ ഡി എഫ് നേതൃത്വത്തിൽ പ്രതിഷേധവും കേരളത്തിൽ ഈ നിയമം നടപ്പിലാക്കില്ലെന്ന് പ്രഖ്യാപിച്ച മുഖ്യമന്ത്രി പിണറായി വിജയന് അഭിവാദ്യങ്ങൾ അർപ്പിച്ച് പ്രകടനവും നടത്തി. കെ സോമൻ, ടി.വി. കുഞ്ഞിരാമൻ, കെ ശശി, കെ.വി. ജയരാജൻ, രജനി തിരിക്കോട്ട്, രാജേഷ് പുതുശ്ശേരി, ലിസ പി.കെ, ഗീത വി, ശൈല ഏ.കെ ,ടി കൃഷ്ണൻ, പ്രജിത്ത് ആർ, പ്രതീഷ് ആർ ,വിനീത്, രാജൻ പി, ടി.എൻ മമ്മു എന്നിവർ നേതൃത്വം നൽകി.

പൗരത്വ ഭേദഗതി നിയമത്തിനെതിരെ ആയഞ്ചേരിയിൽ പ്രതിഷേധം

ആയഞ്ചേരി: കേരള സർക്കാറിൻ്റെ സംരഭക വർഷം ടു പോയിൻ്റ് സീറോ പദ്ധതിയുടെ ഭാഗമായ് ആയഞ്ചേരി ഗ്രാമ പഞ്ചായത്ത് 12-ാം വാർഡിലെ കടമേരി മാക്കം ബസ്സ് സ്റ്റോപ്പിൽ, കെട്ടിട നിർമ്മാണ മേഖലയിലെ ഉപകരണങ്ങൾ വിതരണം ചെയ്യുന്ന വാടക സ്റ്റോറിൻ്റെ ഉൽഘാടനം പഞ്ചായത്ത് സ്ഥിരം സമിതി അധ്യക്ഷൻ ടി.വി. കുഞ്ഞിരാമൻ നിർവ്വഹിച്ചു.&nbsp;
ഒരു കുടുബം ഒരു സംരഭം പദ്ധതിയുടെ ഭാഗമായ് 10 ലക്ഷം രൂപ വരെയുള്ള ബേങ്ക് ലോണിന് 6 ശതമാനം പലിശ സർക്കാർ നൽകുന്ന സ്കീമിൽ ആയഞ്ചേരി കേരളാ ബേങ്കിൻ്റെ സാമ്പത്തിക സഹായത്താൽ വരയാലിൽ സുധീഷാണ് സംരഭം തുടങ്ങിയത്. ആർ രാജീവൻ അധ്യക്ഷം വഹിച്ചു. വ്യവസായ വകുപ്പ് ഇ ഡി ഇ അതുൽ കെ ,പുത്തൂർ ശ്രീവത്സൻ, താനക്കണ്ടി ബാബു, സുമേഷ് ടി, ബഷീർ കെ കെ, രമിത്ത് കെ.ടി, മഠത്തിൽ പോക്കർ, ശ്രീധരൻ തോട്ടോളി, വി.പി. നാണു, ശ്രീജിത്ത് ഇ.കെ, കുഞ്ഞിക്കണ്ണൻ ടി എന്നിവർ സന്നിഹിതരായിരുന്നു.

'ഒരു കുടുബം ഒരു സംരഭം'; വാടകസ്റ്റോർ ആരംഭിച്ചു

Inshort

കൊട്ടിയം: ബൈക്ക് നിയന്ത്രണം വിട്ട് മതിലിലേക്ക് ഇടിച്ചു കയറി രണ്ട് യുവാക്കൾ മരിച്ചു. കൊട്ടിയംപറക്കുളം വയലിൽ പുത്തൻവീട്ടിൽ നാസിം(22), സജാദ് (22) എന്നിവരാണ് മരിച്ചത്. ചൊവ്വാഴ്ച രാത്രി ഉമയനല്ലൂർ ഏലാ റോഡിലായിരുന്നു അപകടം.
മയ്യനാട്ട് ഉത്സവം കണ്ടു മടങ്ങവെ ഇവർ സഞ്ചരിച്ച ബൈക്ക് മതിലിൽ ഇടിക്കുകയായിരുന്നു.

ബൈക്ക് മതിലിലിടിച്ച്  യുവാക്കൾ മരിച്ചു

തിരുവനന്തപുരം: വഞ്ചിയൂരിൽ അഭിഭാഷകയെ ക്രൂരമർദനത്തിനിരയാക്കിയ സീനിയർ അഭിഭാഷകൻ ബെയ്ലിൻ ദാസിന് ജാമ്യം. തിരുവനന്തപുരം ജുഡീഷ്യൽ ഫസ്റ്റ് ക്ലാസ് കോടതിയാണ് ജാമ്യം അനുവദിച്ചത്. ശനിയാഴ്ച ജാമ്യാപേക്ഷയിൽ വിശദമായ വാദം കേട്ടിരുന്നു. തുടർന്ന് ഉത്തരവുപറയാൻ ഇന്നത്തേക്ക് മാറ്റുകയായിരുന്നു.
പ്രതിക്ക് ജാമ്യം നൽകിയിരിക്കുന്നുവെന്ന് ഒറ്റവാക്കിൽ കോടതി പറഞ്ഞു. പ്രോസിക്യൂഷൻ ജാമ്യത്തെ ശക്തമായി എതിർത്തിരുന്നു. മർദനമേറ്റ അഭിഭാഷകയുടെ രഹസ്യമൊഴി അടക്കം രേഖപ്പെടുത്തിയിട്ടില്ല. നിയമബോധമുള്ള അഭിഭാഷകനാണ് പ്രതി എന്നതുകൊണ്ടുതന്നെ സാക്ഷികളെ സ്വാധീനിക്കാൻ സാധ്യതയുണ്ട് എന്നും പ്രോസിക്യൂഷൻ ചൂണ്ടിക്കാട്ടിയിരുന്നു.എന്നാൽ, കേസിൽ സ്ത്രീത്വത്തെ അപമാനിക്കൽ വകുപ്പ് നിലനിൽക്കില്ലെന്നായിരുന്നു പ്രതിഭാഗം വാദിച്ചത്. ലൈംഗികാതിക്രമണം കേസിൽ ഇല്ല. മർദനം നടത്തി എന്നതാണ് കേസ്.

തിരുവനന്തപുരത്ത് ജൂനിയർ അഭിഭാഷകയെ മർദിച്ച കേസ്; ബെയ്ലിൻ ദാസിന് ജാമ്യം

തിരുവനന്തപുരം: മോഷണക്കുറ്റം ആരോപിച്ച് പേരൂർക്കട പൊലീസ് മാനസികമായി പീഡിപ്പിച്ചെന്ന പരാതിയുമായി മുഖ്യമന്ത്രി പിണറായി വിജയന്റെ ഓഫീസിലെത്തിയ ദളിത് യുവതിയെ അവഹേളിച്ചെന്ന് ആരോപണം.അഭിഭാഷകനൊപ്പം ഓഫീസിൽ പോയ പനവൂർ ഇരുമരം സ്വദേശിനി ബിന്ദുവിനാണ് (36) മോശം അനുഭവം ഉണ്ടായത്. മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശി പരാതി വായിച്ചുനോക്കിയില്ലെന്നും കോടതിയിൽ പോകാൻ പറഞ്ഞതായും യുവതി ഒരു മാധ്യമത്തോട് വെളിപ്പെടുത്തി.ചെയ്യാത്ത കുറ്റത്തിന്റെ പേരിൽ പൊലീസ് തന്നെ 20 മണിക്കൂറോളം മാനസികമായി പീഡിപ്പിച്ചെന്നാണ് ബിന്ദുവിന്റെ പരാതി. പരാതി വാങ്ങി പി ശശി മേശപ്പുറത്തേക്കിട്ടു,​ വായിച്ച് നോക്കിയില്ല, വീട്ടുകാർ പരാതി നൽകിയാൽ പൊലീസ് വിളിപ്പിക്കുമെന്ന് പി ശശി പറഞ്ഞതായി ബിന്ദു കൂട്ടിച്ചേർത്തു.
അതേസമയം, യുവതിയുടെ പരാതി അവഗണിച്ചിട്ടില്ലെന്ന് പി ശശി മാധ്യമങ്ങളോട് പറഞ്ഞു. 'ബിന്ദുവിന്റെ പരാതി ഗൗരവത്തോടെയാണ് കണ്ടത്. മോശമായി പെരുമാറിയ പൊലീസുകാർക്കെതിരെ അന്വേഷണത്തിനും നടപടിക്കും നിർദ്ദേശിച്ചു. കോടതിയെ സമീപിക്കാൻ ആവശ്യപ്പെട്ടത് വീട്ടുടമസ്ഥയ്‌ക്കെതിരെ നടപടി വേണം എന്ന ആവശ്യം ഉന്നയിച്ചതുകൊണ്ടാണ്'- പി ശശി വ്യക്തമാക്കി.

പൊലീസ് മാനസികമായി പീഡിപ്പിച്ചെന്ന പരാതിയുമായി മുഖ്യമന്ത്രിയുടെ ഓഫീസിലെത്തിയപ്പോൾ അവഹേളിച്ചു ;ഗുരുതര ആരോപണവുമായി ദളിത് യുവതി

പാലക്കാട്: മഴക്കാലം മുന്‍നിര്‍ത്തി 40 അംഗങ്ങളടങ്ങുന്ന പ്രത്യേക കര്‍മസേന രൂപവത്കരിക്കാന്‍ തദ്ദേശസ്ഥാപനങ്ങള്‍ക്ക് നിര്‍ദേശം. ആരോഗ്യമുള്ള യുവാക്കളെ ഉള്‍പ്പെടുത്തിയാണ് സേനയുണ്ടാക്കേണ്ടത്. വെള്ളപ്പൊക്കമുള്‍പ്പെടെയുള്ള ദുരന്തസാധ്യതയുള്ള പ്രദേശങ്ങളില്‍ തിരഞ്ഞെടുത്ത യുവാക്കള്‍ക്ക് ചുമതല നല്‍കി പരിശീലനവും നല്‍കണം. ജൂണ്‍ ആദ്യവാരം മുതല്‍ കര്‍മസേന സജ്ജമാക്കണമെന്നാണ് സര്‍ക്കാര്‍ നിര്‍ദേശം.മഴക്കാല ദുരന്തസാധ്യത മുന്നില്‍ക്കണ്ട് ദുരന്തസാധ്യതാ പ്രദേശങ്ങളിലുള്ളവരുടെ പട്ടിക തദ്ദേശസ്ഥാപനതലത്തിലും വില്ലേജ് തലത്തിലും പുതുക്കണം എന്നതുള്‍പ്പെടെയുള്ള നിര്‍ദേശങ്ങള്‍ വന്നതിനു പിന്നാലെയാണ് ഈ നിര്‍ദേശവും വന്നിട്ടുള്ളത്.
നേരത്തെ പല ഘട്ടത്തിലും കര്‍മസേന രൂപവത്കരിച്ചിട്ടുണ്ടെങ്കിലും പലപ്പോഴായി അവയില്‍നിന്ന് ആളുകള്‍ ഒഴിഞ്ഞുപോകുന്നതും തുടര്‍ച്ചയായി പരിശീലനം നല്‍കാത്തതും തിരിച്ചടിയായിട്ടുണ്ട്.മഴക്കാലക്കെടുതികളുടെ ഭാഗമായി ദുരിതാശ്വാസ ക്യാമ്പുകള്‍ ഒരുക്കേണ്ടിവന്നാല്‍ ഇവിടങ്ങളില്‍ പോലീസും അഗ്‌നിരക്ഷാസേനാ ഉദ്യോഗസ്ഥര്‍ക്കുമൊപ്പം പ്രവര്‍ത്തിക്കേണ്ട ചുമതലയും കര്‍മസേനയ്ക്കുണ്ട്.
അതാത് വാര്‍ഡുകളില്‍ കര്‍മസേനയില്‍ അംഗങ്ങളാകാന്‍ താത്പര്യമുള്ളവര്‍ വാര്‍ഡ് അംഗം മുഖേന വിവരം തദ്ദേശസ്ഥാപനങ്ങളെ അറിയിക്കണം. ഇതനുസരിച്ച് പഞ്ചായത്തുകളും നഗരസഭകളും പട്ടിക തയ്യാറാക്കും. അതില്‍നിന്ന് പ്രായം, ആരോഗ്യം എന്നിവ കണക്കിലെടുത്താണ് കര്‍മ്മസേനയെ തിരഞ്ഞെടുക്കുക.
ജൂണ്‍, ജൂലായ്, ഓഗസ്റ്റ്, സെപ്റ്റംബര്‍ മാസങ്ങളിലെ ആദ്യ ആഴ്ചയില്‍ ചേരുന്ന പ്രത്യേക ജില്ലാതല അവലോകന യോഗത്തിലായിരിക്കും ഇവരുടെ മറ്റു ചുമതലകള്‍ നിശ്ചയിക്കുക.

ആരോഗ്യമുള്ള യുവാക്കളെ ഉള്‍പ്പെടുത്തിയാണ് സേനയുണ്ടാക്കേണ്ടത്.

മഴക്കാലം മുൻനിർത്തി പ്രത്യേക കര്‍മസേന രൂപവത്കരിക്കാന്‍ തദ്ദേശസ്ഥാപനങ്ങള്‍ക്ക് നിര്‍ദേശം

കോഴിക്കോട്: പുതിയ ബസ്‌ സ്റ്റാൻഡിലെ വ്യാപാരസമുച്ചയത്തിലുണ്ടായ വൻ തീപിടിത്തത്തിന്റെ കാരണം കണ്ടെത്താൻ അഗ്നിരക്ഷാ സേന പരിശോധന ഇന്ന്. ജില്ലാ ഫയർ ഓഫീസറുടെ നേതൃത്വത്തിലാകും പരിശോധന നടക്കുക.&nbsp;
പരിശോധന നടത്തി റിപ്പോർട്ട് ഇന്നുതന്നെ ജില്ലാ കളക്‌ടർക്ക് സമർപ്പിക്കും. തീപിടിത്തത്തെ കുറിച്ചുള്ള വിശദമായ റിപ്പോർട്ട് രണ്ട് ദിവസത്തിനകം സമർപ്പിക്കാൻ ജില്ലാ കളക്‌ടർക്ക് ചീഫ് സെക്രട്ടറി നിർദ്ദേശം നൽകിയിരുന്നു. അതേസമയം വിഷയം ചർച്ച ചെയ്യാൻ പ്രത്യേക സ്റ്റിയറിംഗ് കമ്മിറ്റി വിളിച്ചുചേർക്കുമെന്ന് മേയർ ബീനാ ഫിലിപ്പ് അറിയിച്ചു.

കോഴിക്കോട് ബസ്‌ സ്റ്റാൻഡ് തീപിടിത്തം, കാരണം കണ്ടെത്താൻ ഫയർഫോഴ്‌സ് പരിശോധന നടത്തും

Kozhikode

ന്യൂഡല്‍ഹി: ഇന്ത്യയില്‍ വിവിധ സ്‌ഫോടനങ്ങളില്‍ പങ്കുള്ള കൊടുംഭീകരന്‍ പാകിസ്താനില്‍ കൊല്ലപ്പെട്ടു. സെയ്ഫുള്ള ഖാലിദ് എന്ന ലഷ്‌കര്‍ ഭീകരനാണ് കൊല്ലപ്പെട്ടത്. പാകിസ്താനിലെ സിന്ധ് പ്രവിശ്യയില്‍ അജ്ഞാതരായ ആളുകളുടെ ആക്രമണത്തിലാണ് സെയ്ഫുള്ള ഖാലിദ് കൊല്ലപ്പെട്ടത് എന്ന് ഇന്ത്യാ ടുഡെ റിപ്പോര്‍ട്ട് ചെയ്തു.
2001ലെ രാംപുര്‍ സിആര്‍പിഎഫ് ക്യാമ്പിന് നേരെയുണ്ടായ ആക്രമണം, 2005ലെ ബെംഗളൂരുവിലെ ഇന്ത്യന്‍ ഇൻസ്റ്റിറ്റ്യൂട്ട് ഓഫ് സയൻസിലുണ്ടായ ആക്രണം, 2006ല്‍ നാഗ്പുരിലെ ആര്‍എസ്എസ് കേന്ദ്രകാര്യാലയത്തിന് നേരെ നടന്ന ആക്രമണം എന്നിവയുടെ സൂത്രധാരനാണ് സെയ്ഫുള്ള ഖാലിദെന്നാണ് സുരക്ഷാ ഏജന്‍സികള്‍ പറയുന്നത്.അഞ്ചുവര്‍ഷത്തിനിടെ നടത്തിയ മൂന്ന് ആക്രമണങ്ങളില്‍ നിരവധി ആളുകള്‍ കൊല്ലപ്പെടുകയും നിരവധി ആളുകള്‍ക്ക് പരിക്കേല്‍ക്കുകയും ചെയ്തിരുന്നു. വിനോദ് കുമാര്‍ എന്ന പേരില്‍ നേപ്പാളില്‍ കഴിഞ്ഞിരുന്ന ഇയാള്‍ അവിടെ നിന്ന് നഗ്മ ബാനു എന്ന സ്ത്രീയെ വിവാഹം കഴിക്കുകയും ചെയ്തിരുന്നു. വ്യാജപേരില്‍ നേപ്പാളില്‍ കഴിയവയെയാണ് ഇയാള്‍ ഇന്ത്യയിലെ ആക്രമണങ്ങള്‍ ആസൂത്രണം ചെയ്തത്.&nbsp;

ലഷ്‌കര്‍ ഭീകരനെ പാകിസ്താനിൽ അജ്ഞാതര്‍ കൊലപ്പെടുത്തി

Search Results for: public holiday