പഹല്‍ഗാം: ജമ്മു കാശ്മീരിലെ പഹല്‍ഗാമില്‍ വിനോദസഞ്ചാരികള്‍ക്ക് നേരെയുണ്ടായ ഭീകരാക്രമണത്തില്‍ 26 പേർ കൊല്ലപ്പെട്ടു. മരിച്ചവരില്‍ ഒരാൾ മലയാളിയാണ്. ഇടപ്പള്ളി സ്വദേശി രാമചന്ദ്രൻ (65) ആണ് വെടിയേറ്റ് മരിച്ചത്. മകളുടെ മുന്നിൽവച്ചാണ് ഇദ്ദേഹത്തിന് വെടിയേറ്റത്. മരിച്ചവരിൽ രണ്ട് പേര്‍ വിദേശികളാണെന്നും റിപ്പോര്‍ട്ടുകള്‍ ഉണ്ട്. ഇ‌ന്ന് രാവിലെയാണ് രാമചന്ദ്രനും കുടുംബവും പഹൽഗാമിലെത്തിയത്. നിരവധിപേര്‍ക്ക് സംഭവത്തില്‍ പരിക്കേറ്റു. ഭീകരാക്രമണത്തില്‍ പരിക്കേറ്റവരെ അനന്ത്‌നാഗിലെ ജില്ലാ ആശുപത്രിയില്‍ പ്രവേശിപ്പിച്ചിരിക്കുകയാണ്. അതേസമയം, കേന്ദ്ര ആഭ്യന്തര മന്ത്രി അമിത് ഷാ ശ്രീനഗറില്‍ എത്തി. കേരളത്തിന്‌ പുറമേ മഹാരാഷ്ട്ര, ഗുജറാത്ത്, കര്‍ണാടക, തമിഴ്‌നാട് എന്നീ സംസ്ഥാനങ്ങളില്‍ നിന്നുള്ളവരാണ് കൊല്ലപ്പെട്ടതെന്നാണ് വിവരം.
തിങ്കളാഴ്ച രാമചന്ദ്രൻ കുടുംബസമേതം കശ്മീരിലേക്ക് പോയതാണെന്നാണ് വിവരം. വിദേശത്തായിരുന്ന മകള്‍ എത്തിയതിനെ തുടര്‍ന്നായിരുന്നു യാത്ര. ഭാര്യ ഷീല രാമചന്ദ്രനും മകൾ അമ്മുവും മറ്റു ബന്ധുക്കളുമടങ്ങിയ സംഘമാണ് കശ്മീരിലേക്ക് പോയതെന്നാണ് വിവരം. ഇദ്ദേഹത്തിന് ഒരു മകന്‍ കൂടിയുണ്ട്. മകന്‍ ഹൈദരാബാദിലാണ് ജോലി ചെയ്യുന്നത്. വിവരമറിഞ്ഞ് മകന്‍ കശ്മീരിലേക്ക് പുറപ്പെട്ടിട്ടുണ്ട്.

ജമ്മുകാശ്മീരിൽ ഭീകരാക്രമണം;നിരവധി മരണം,കൊല്ലപ്പെട്ടവരില്‍ മലയാളിയും

National

വടകര: ചോമ്പാൽ- എം.പി. റോഡ് കേന്ദ്രീകരിച്ച് രൂപീകരിച്ച റെസിഡൻ്റ്സ് അസോസിയേഷൻ (സ്നേഹക്കൂട്ട് ) കൂട്ടായ്മയുടെ മൂന്നാം വാർഷികാഘോഷവും ലഹരി വിരുദ്ധ ബോധവൽക്കരണ ക്ലാസും വടകര അസി: എക്സൈസ് ഇൻസ്പെക്ടർ കെ.എം. സോമസുന്ദരൻ ഉദ്ഘാടനം ചെയ്തു. കൂട്ടായ്മ പ്രസിഡണ്ട് എം.വി മോഹനൻ അദ്ധ്യക്ഷതവഹിച്ചു. ചോമ്പാൽ ശ്രീനാരായണ ഗുരു പഠന കേന്ദ്രം പ്രസിഡണ്ട് എം.വി. ജയപ്രകാശ്, വാർഡ് മെമ്പർമാരായ കെ.ലീല , പ്രമീള എന്നിവർ സംസാരിച്ചു. കൂട്ടായ്മ സെക്രട്ടറി എം.വി.ജയചന്ദ്രൻ സ്വാഗതവും എം.വി. പവിത്രൻ നന്ദിയും പറഞ്ഞു. കൂട്ടായ്മ അംഗങ്ങൾ അവതരിച്ച നാട്ടരങ്ങ് എന്ന കലാപരിപടിയും ഗ്രാമ കേളി, വടകര അവതരിപ്പിച്ച നാട്ടുപൊലിമ എന്ന സംഗീത സദസ്സും അരങ്ങേറി.

ലഹരി വിരുദ്ധ ക്യാമ്പയിനും റസിഡൻസ് അസോസിഷൻ വാർഷികവും

Vadakara

തോടന്നൂർ: കേരള സ്‌റ്റേറ്റ് ഹോർട്ടികൾച്ചറൽ പ്രൊഡക്റ്റ് ഡവലപ്പ്മെൻറ് കോർപ്പറേഷൻ (ഹോർട്ടി കോർപ്പ്) വടകര ഉപകേന്ദ്രത്തെ സംരക്ഷിക്കണമെന്ന് ആവശ്യപ്പെട്ട് ഹോർട്ടികോർപ്പ് എംപ്ലോയിസ് യൂണിയൻ (എ. ഐ.ടി.യു.സി) വടകര മേഖലാ കമ്മിറ്റിയുടെ നേതൃത്വത്തിൽ തോടന്നൂരിൽ പ്രവർത്തിക്കുന്ന ഉപകേന്ദ്രത്തിന് മുന്നിൽ ധർണ്ണ നടത്തി. പച്ചക്കറി മൊത്ത വിതരണക്കാർക്ക് നൽകുന്നതിനുള്ള തുക കുടിശ്ശിക ആയതിനാൽ ഡിപ്പോയിലേക്കുള്ള പച്ചക്കറി വിതരണം നിർത്തിയിരിക്കയാണ്. കഴിഞ്ഞ നാലു ദിവസങ്ങളായി പച്ചക്കറി സ്റ്റാളുകൾ അടഞ്ഞുകിടക്കുന്നു.
മൊത്ത വിതരണക്കാരുടെ കുടിശ്ശിക തീർത്ത് പച്ചക്കറി വിതരണം പുന:സ്ഥാപിച്ച് സ്ഥാപനം തുറന്ന് പ്രവർത്തിക്കുന്നതിന് അടിയന്തര നടപടി സ്വീകരിക്കുക, സ്ഥാപനത്തിലെ ജീവനക്കാർക്ക് തൊഴിൽ ദിനങ്ങൾ ഉറപ്പു വരുത്തുക, മുഴുവൻ ജീവനക്കാർക്കും ഇ.എസ്.ഐ, പ്രൊവിഡൻറ് ഫണ്ട് ആനുകൂല്യം ലഭ്യമാക്കുക, സാധ്യമായ സ്ഥലങ്ങളിൽ വില്പനശാലകൾ ആരംഭിക്കുക, സ്ഥാപനം ലാഭകരമാകുന്നതിന് പദ്ധതികൾ ആവിഷ്കരിച്ച് നടപ്പിലാക്കുക,മാനേജ്മെൻറിൻ്റെ തൊഴിലാളി വിരുദ്ധ സമീപനം അവസാനിപ്പിക്കുക തുടങ്ങിയ ആവശ്യങ്ങൾ ഉയർത്തിയായിരുന്നു സമരം.

ഹോർട്ടികോർപ്പിനെ സംരക്ഷിക്കുക; എ.ഐ.ടി.യു.സി ധർണ്ണ നടത്തി

കൊച്ചി: ഹൈക്കോടതിയിൽ വ്യാജബോംബ് ഭീഷണി. ഇന്ന് രാവിലെ ഹൈക്കോടതിയുടെ ഇ - മെയിലിലേക്കാണ് കോടതി പരിസരത്ത് ആർഡിഎക്‌സ് വച്ചിട്ടുണ്ടെന്ന് സന്ദേശമെത്തിയത്. തുടർന്ന് പൊലീസിനെ വിവരമറിയിക്കുകയായിരുന്നു. കമ്മീഷണറുടെ നിർദേശപ്രകാരം പൊലീസും ബോംബ് സ്‌ക്വാഡും സ്ഥലത്തെത്തി രണ്ട് മണിക്കൂറിലധികം പരിശോധന നടത്തുകയും ചെയ്‌തു.
ഭീഷണി ശരിവയ്‌ക്കുന്ന വിധത്തിൽ യാതൊന്നും കണ്ടെത്താനാകാത്ത സാഹചര്യത്തിലാണ് സന്ദേശം വ്യാജമാണെന്ന നിഗമനത്തിലെത്തിയത്. എങ്കിലും ഹൈക്കോടതി ജീവനക്കാർക്ക് ജാഗ്രതാനിർദേശം നൽകിയിട്ടുണ്ട്. സംശയാസ്‌പദമായ വിധത്തിൽ ബാഗോ മറ്റ് വസ്‌തുക്കളോ കണ്ടെത്തുകയാണെങ്കിൽ അറിയിക്കണമെന്നും പ്രത്യേകം അറിയിച്ചിട്ടുണ്ട്.

ഹൈക്കോടതിയിൽ വ്യാജബോംബ് ഭീഷണി; വന്നത് ഇ-മെയിൽ വഴി

Kerala

ന്യൂഡൽഹി: യുപിഎസ്‌സി സിവില്‍ സര്‍വീസ് പരീക്ഷ ഫലം പ്രസിദ്ധീകരിച്ചു. 1009 പേര്‍ പട്ടികയിൽ ഇടംപിടിച്ചിട്ടുണ്ട്. ഒന്നാം സ്ഥാനം യുപി പ്രയാഗ് രാജ് സ്വദേശി ശക്തി ദുബേക്കാണ്‌
ഹരിയാണ സ്വദേശി ഹര്‍ഷിത ഗോയലിനാണ് രണ്ടാം സ്ഥാനം. മൂന്നാം സ്ഥാനം മഹാരാഷ്ട്ര സ്വദേശി ഡോംഗ്രേ അര്‍ചിത് പരാഗിനാണ്. ഡോംഗ്രേ അര്‍ചിത് പരാഗ് തിരുവനന്തപുരം എന്‍ലൈറ്റ് അക്കാദമിയില്‍ നിന്നാണ് പരിശീലനം നേടിയത്‌
അലഹാബാദ് സര്‍വകലാശാലയില്‍ നിന്നും ബയോകെമിസ്ട്രിയില്‍ ബിരുദം നേടിയതാണ് ശക്തി ദുബേ. പൊളിറ്റിക്കല്‍ സയന്‍സ്, ഇന്റര്‍നാഷണല്‍ റിലേഷന്‍സ് എന്നീ വിഷയങ്ങളായിരുന്നു ശക്തിയുടെ ഓപ്ഷണല്‍ വിഷയങ്ങള്‍.
എംഎസ് യൂണിവേഴ്‌സിറ്റി ബറോഡയില്‍ നിന്നും ബികോം ബിരുദം നേടിയതാണ് ഹര്‍ഷിത ഗോയല്‍.ഇന്റര്‍നാഷണല്‍ റിലേഷന്‍സ് എന്നീ വിഷയങ്ങളായിരുന്നു ഹര്‍ഷിതയുടെ ഓപ്ഷണല്‍ വിഷയങ്ങള്‍.ആദ്യ 100 റാങ്കില്‍ അഞ്ച് മലയാളികളുണ്ട്. ഇതിൽ മൂന്നും വനിതകളാണ്. നിരവധി മലയാളികളും പട്ടികയിൽ ഇടം പിടിച്ചിട്ടുണ്ട്. മാളവിക ജി നായര്‍ - 45, നന്ദന ജിപി 47,സോണറ്റ് ജോസ് 54, റീനു അന്ന മാത്യു- 81, ദേവിക പ്രിയദര്‍ശിനി-95 എന്നിവർ 100 ൽ താഴെ റാങ്കുകള്‍ നേടിയവരാണ്.രജത് ആര്‍- 169ാം റാങ്ക് നേടി.വിശദ വിവരങ്ങള്‍ക്ക് ഔദ്യോഗിക വെബ്‌സൈറ്റ് സന്ദര്‍ശിക്കാം:https://upsc.gov.in/

സിവില്‍ സര്‍വീസ് ഫലം പ്രസിദ്ധീകരിച്ചു: ആദ്യത്തെ 100 റാങ്കുകളില്‍ അഞ്ച് മലയാളികള്‍

വത്തിക്കാൻ സിറ്റി: വിടവാങ്ങിയ പോപ്പ് ഫ്രാന്‍സിസിന്റെ സംസ്‌കാരച്ചടങ്ങുകള്‍ ശനിയാഴ്ച നടക്കുമെന്ന് വത്തിക്കാന്‍ അറിയിച്ചു. മാർപാപ്പ നിര്‍ദേശിച്ചതു പ്രകാരം ലളിതമായിട്ടായിരിക്കും ചടങ്ങുകള്‍. ഇന്ത്യന്‍ സമയം ഉച്ചയ്ക്ക് 1.30നാണ് സംസ്‌കാരച്ചടങ്ങ് നടക്കുക. മാർപാപ്പയുടെ മൃതദേഹത്തിന്റെ ചിത്രങ്ങൾ വത്തിക്കാൻ പുറത്ത് വിട്ടു. ചുവന്ന തിരുവസ്ത്രവും തൊപ്പിയും ധരിച്ച് കൈയില്‍ ജപമാലയും പിടിച്ച ചിത്രമാണ് പുറത്ത് വന്നത്.
മാര്‍പ്പാപ്പയുടെ ഭൗതികദേഹം ബുധനാഴ്ച സെന്റ് പീറ്റേഴ്‌സ് ബസിലിക്കയിലേക്ക് എത്തിക്കും. തുടര്‍ന്ന് സംസ്‌കാരച്ചടങ്ങുകള്‍ തുടങ്ങുന്ന ശനിയാഴ്ചവരെ പൊതുദര്‍ശനമുണ്ടായിരിക്കും. കബറടക്കം കഴിയുന്നതിനു പിന്നാലെ ഏപ്രില്‍ 28 ഞായറാഴ്ച മുതല്‍ പുതിയ പോപ്പിനെ തിരഞ്ഞെടുക്കുന്ന നടപടികള്‍ ആരംഭിക്കും.
വിയോഗാനന്തരം തന്റെ അന്ത്യകര്‍മങ്ങള്‍ എങ്ങനെയായിരിക്കണമെന്നതു സംബന്ധിച്ച് ഫ്രാന്‍സിസ് മാര്‍പാപ്പ തയ്യാറാക്കിയ കുറിപ്പ് വത്തിക്കാന്‍ പുറത്തുവിട്ടിരുന്നു. എന്നും പ്രാര്‍ഥനയ്ക്കായി മുട്ടുകുത്തുന്ന മേരി മേജര്‍ ബസിലിക്കയില്‍ കബറടക്കണമെന്നാണ് അദ്ദേഹം കുറിപ്പില്‍ വ്യക്തമാക്കിയത്. അടക്കം ചെയ്യുന്ന പേടകത്തില്‍ പ്രത്യേക അലങ്കാരങ്ങളൊന്നും പാടില്ല. പൊതുദര്‍ശനം ഉയര്‍ന്ന പീഠത്തില്‍ വേണ്ട. ഫലകത്തില്‍ ഫ്രാന്‍സിസ് എന്ന് മാത്രമായിരിക്കണം ആലേഖനം ചെയ്യേണ്ടത്. സൈപ്രസ്, ഓക്ക്, പുളി മരങ്ങള്‍ക്കൊണ്ട് മൂന്ന് അറകളുണ്ടാക്കി അതില്‍ കബറടക്കുന്ന പരമ്പരാഗത രീതിക്കും അദ്ദേഹം മാറ്റം വരുത്തി. പകരം സിങ്ക് കൊണ്ട് പൊതിഞ്ഞ ഒറ്റമരപ്പെട്ടിയില്‍ അടക്കം ചെയ്യണമെന്നും നിര്‍ദേശമുണ്ട്.&nbsp;

മാര്‍പാപ്പയുടെ സംസ്‌കാരച്ചടങ്ങുകള്‍ ശനിയാഴ്ച നടക്കും; ബുധനാഴ്ച മുതല്‍ പൊതുദര്‍ശനം

തൃശൂർ: ഗുരുവായൂർ ക്ഷേത്രത്തിൽ ഹൈക്കോടതി ഉത്തരവ് ലംഘിച്ച് വീഡിയോ ചിത്രീകരിച്ച ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിനെതിരെ പരാതി. കെപിസിസി മീഡിയ പാനലിസ്റ്റ് വിആർ അനൂപ് ഗുരുവായൂർ ടെമ്പിൾ പൊലീസിലാണ് പരാതി നൽകിയത്.&nbsp;
നടപ്പന്തലിലും ദീപസ്തംഭത്തിനും മുന്നിൽ നിന്നുള്ള വീഡിയോ ചിത്രീകരിച്ച് രാജീവ് ചന്ദ്രശേഖർ സോഷ്യൽ മീഡിയ പേജുകളിൽ പോസ്റ്റ് ചെയ്യുകയായിരുന്നു. നിലവിൽ വിവാഹങ്ങൾക്കും ആചാരപരമായ കാര്യങ്ങൾക്കും മാത്രമേ നടപ്പന്തലിൽ വീഡിയോ ചിത്രീകരിക്കാവൂ. ഇക്കാര്യത്തിൽ ഹൈക്കോടതി വിധിയും പുറത്തുവന്നിരുന്നു. എന്നാൽ ഇത് ലംഘിച്ചായിരുന്നു രാജീവ് ചന്ദ്രശേഖറിന്റെ വീഡിയോ ചിത്രീകരണം.

ഗുരുവായൂർ ക്ഷേത്രത്തിൽ റീൽസ് ചിത്രീകരണം; രാജീവ് ചന്ദ്രശേഖറിനെതിരെ പരാതി

കണ്ണൂര്‍: പള്ളിക്കുളത്ത് ദേശീയപാതയില്‍ സ്വകാര്യ ബസ് തട്ടിയതിനെ തുടര്‍ന്ന് നിയന്ത്രണംവിട്ട ലോറി മരത്തില്‍ ഇടിച്ച് ഡ്രൈവര്‍ മരിച്ചു.കൊണ്ടോട്ടി പള്ളിക്കല്‍ ബസാറിലെ കുറ്റിയില്‍ ഹൗസില്‍ പറമ്പന്‍ ജലീല്‍ (43) ആണ് മരിച്ചത്. ക്ലീനര്‍ക്ക് പരിക്കേറ്റു.
തിങ്കളാഴ്ച വൈകീട്ട് 3.30-നായായിരുന്നു അപകടം. പുതിയതെരുഭാഗത്തുനിന്ന് വരികയായിരുന്നു ചെങ്കല്‍ കയറ്റിയ ലോറി പള്ളിക്കുളത്തെത്തിയപ്പോള്‍ ലോറിയുടെ പിറകില്‍ അതേദിശയില്‍ നിന്നുവന്ന സ്വകാര്യബസ് ഇടിച്ചശേഷം കടന്നുപോയി. ഇതോടെ നിയന്ത്രണം വിട്ടാണ് റോഡിന്റെ ഇടതുഭാഗത്തുള്ള മരത്തിലിടിച്ചത്. ലോറിയുടെ മുന്‍ഭാഗം പൂര്‍ണമായി തകര്‍ന്നു.സമീപത്തെ കടകളില്‍നിന്നുള്ളവരും നാട്ടുകാരും ഓടിയെത്തി. അപകടം നടന്നയുടന്‍ ക്ലീനര്‍ പുറത്തേക്കിറങ്ങി.ജലീല്‍ ലോറിക്കുള്ളില്‍ സീറ്റില്‍ അമര്‍ന്ന നിലയിലായിരുന്നു. അദ്ദേഹത്തെ സ്വകാര്യ ആസ്പത്രിയില്‍ പ്രവേശിപ്പിച്ചെങ്കിലും വൈകീട്ട് ആറോടെ മരിച്ചു. മൃതദേഹം ജില്ലാ ആസ്പത്രി മോര്‍ച്ചറിയില്‍.മരിച്ച ജലീലിന്റെ പിതാവ്: ഉണ്ണിമോയിന്‍. മാതാവ്: ആയിഷാബി. ഭാര്യ: ഷറഫുന്നീസ. മക്കള്‍: ആയിഷ നിത, നിഹ മെഹറിന്‍, നിഹാല്‍. സഹോദരങ്ങള്: റസ്മിയ, സാജിത, റഫീഖ്.

കണ്ണൂരിൽ ബസ് തട്ടിയ ലോറി മരത്തിലിടിച്ചു, ഡ്രൈവര്‍ക്ക് ദാരുണാന്ത്യം; ക്ലീനര്‍ ചാടി രക്ഷപ്പെട്ടു

Kannur

തിരുവനന്തപുരം: കുടുംബ വഴക്കിനെ തുടർന്ന് സ്വന്തം വീടിനും ഇരുചക്ര വാഹനങ്ങൾക്കും തീയിടുന്നതിനിടെ പൊള്ളലേറ്റ് ചികിത്സയിൽ കഴിഞ്ഞിരുന്ന ഗൃഹനാഥൻ മരിച്ചു. വെങ്ങാനൂർ അംബേദ്‌കർ ഗ്രാമം കൈപ്പള്ളിക്കുഴി രേവതി ഭവനിൽ കൃഷ്‌ണൻകുട്ടി (72) ആണ് ഇന്ന് മരിച്ചത്.
കഴിഞ്ഞ ദിവസമായിരുന്നു സംഭവം. വഴക്കിനിടെ പ്രകോപിതനായ കൃഷ്‌ണൻ കുട്ടി തന്റെ മുറിക്ക് തീയിടുകയായിരുന്നു. വിവരമറിഞ്ഞെത്തിയ ഫയർഫോഴ്‌സും പൊലീസും ചേർന്നാണ് തീയണച്ചത്. കോൺക്രീറ്റ് വീടിന്റെ ഒരു മുറി തീപിടിത്തത്തിൽ പൂർണമായും കത്തി നശിച്ചു. ഇതിനിടെ കൃഷ്‌ണൻകുട്ടിക്കും പൊള്ളലേൽക്കുകയായിരുന്നു. വീടിന്റെ രേഖകൾ ഉൾപ്പെടെ കത്തി നശിച്ചു. ഭാര്യ - വസന്ത, മക്കൾ - സന്ധ്യ, സൗമ്യ.&nbsp;

കുടുംബ വഴക്കിനിടെ വീടിന് തീയിട്ടു; പൊള്ളലേറ്റ് ചികിത്സയിലായിരുന്ന ഗൃഹനാഥൻ മരിച്ചു

കോട്ടയം: നാടിനെ നടുക്കി ഇരട്ടക്കൊല.തിരുവാതുക്കലിലാണ് ദമ്പതിമാരെ വീടിനുള്ളില്‍ കൊല്ലപ്പെട്ടനിലയില്‍ കണ്ടെത്തിയത്. കോട്ടയം ഇന്ദ്രപ്രസ്ഥം ഓഡിറ്റോറിയം, ടൂറിസ്റ്റ് ഹോം ഉടമ വിജയകുമാറും (64) ഭാര്യ മീര(60)യുമാണ് കൊല്ലപ്പെട്ടത്. ചൊവ്വാഴ്ച രാവിലെയാണ് സംഭവം പുറത്തറിഞ്ഞത്.
തിരുവാതുക്കല്‍ എരുത്തിക്കല്‍ ക്ഷേത്രത്തിന് സമീപത്തെ വീട്ടിലാണ് വിജയകുമാറിനെയും ഭാര്യയെയും കൊല്ലപ്പെട്ടനിലയില്‍ കണ്ടെത്തിയത്. രാവിലെ 8.15-ഓടെ വീട്ടിലെത്തിയ ജോലിക്കാരിയാണ് മൃതദേഹങ്ങള്‍ ആദ്യം കണ്ടത്. ഇവര്‍ നാട്ടുകാരെയും പോലീസിനെയും വിവരമറിയിക്കുകയായിരുന്നു.
രക്തംവാര്‍ന്ന നിലയിലായിരുന്നു രണ്ടുപേരുടെയും മൃതദേഹങ്ങള്‍. വീട്ടിലെ ആദ്യത്തെ മുറിയിലാണ് വിജയകുമാറിന്റെ മൃതദേഹം കണ്ടെത്തിയത്. കിടപ്പുമുറിയിലായിരുന്നു മീരയുടെ മൃതദേഹം. മൃതദേഹങ്ങളില്‍ വസ്ത്രങ്ങളുണ്ടായിരുന്നില്ലെന്നാണ് വിവരം. മുഖം വികൃതമാക്കിയനിലയിലുമായിരുന്നു.
പ്രാഥമികപരിശോധനയില്‍ തന്നെ സംഭവം കൊലപാതകമാണെന്ന് പോലീസ് സ്ഥിരീകരിച്ചിരുന്നു. ഇതിനിടെ, വീടിന്റെ പിറകുവശത്തുനിന്ന് ഒരു കോടാലി കണ്ടെടുത്തിട്ടുണ്ട്. സംഭവവുമായി ബന്ധപ്പെട്ട് ഒരാള്‍ പോലീസ് കസ്റ്റഡിയിലുണ്ടെന്നും സൂചനയുണ്ട്. എന്നാല്‍, ഇക്കാര്യം പോലീസ് സ്ഥിരീകരിച്ചിട്ടില്ല.
അതിനിടെ, ഒരു ഇതരസംസ്ഥാന തൊഴിലാളി നേരത്തേ വിജയകുമാറിനൊപ്പം ജോലിക്കുണ്ടായിരുന്നതായും ഇയാളെ അടുത്തിടെ പറഞ്ഞുവിട്ടിരുന്നതായും നാട്ടുകാരില്‍ ചിലര്‍ പറഞ്ഞു. വീട്ടില്‍ ദമ്പതിമാര്‍ മാത്രമായിരുന്നു താമസം. വര്‍ഷങ്ങള്‍ക്ക് മുമ്പ് ഇവരുടെ മകനും ദുരൂഹസാഹചര്യത്തില്‍ മരിച്ചിരുന്നു. നാട്ടുകാരില്‍നിന്നും ബന്ധുക്കളില്‍നിന്നും പോലീസ് വിവരങ്ങളും ശേഖരിക്കുന്നുണ്ട്. ഉന്നത ഉദ്യോഗസ്ഥരടക്കം വന്‍ പോലീസ് സന്നാഹവും സ്ഥലത്തെത്തിയിട്ടുണ്ട്.

ഇരട്ടക്കൊലയിൽ നടുങ്ങി കോട്ടയം; വസ്ത്രങ്ങളില്ലാതെ ചോരയില്‍കുളിച്ച് മൃതദേഹങ്ങൾ

പാലക്കാട്: ക്ഷേത്ര ദർശനത്തിന് പോയ വയോധികരായ സഹോദരിമാരെ കാണാനില്ലെന്ന് പരാതി. ചാലിശ്ശേരി സ്വദേശികളായ അമ്മിണി (76), ശാന്ത (68) എന്നിവരെയാണ് കാണാതായത്. ഗുരുവായൂരിൽ പോകുകയാണെന്ന് പറഞ്ഞ് ഞായറാഴ്ച രാവിലെ ഒൻപത് മണിയോടെയാണ് ഇവർ വീട്ടിൽ നിന്നിറങ്ങിയത്.
ഇവർ ഒന്നിച്ചാണ് താമസം. ഇരുവരും പതിവായി ഗുരുവായൂരിൽ പോകാറുണ്ട്. വൈകിട്ടോടെ തിരിച്ചെത്തുകയും ചെയ്യാറുണ്ട്. എന്നാൽ ഞായറാഴ്ച വൈകിയും തിരിച്ചെത്താതായതോടെ ഫോണിൽ വിളിച്ചുനോക്കി. ഇരുവരും മൊബൈൽ ഫോൺ കൊണ്ടുപോയില്ലെന്ന് അപ്പോഴാണ് വീട്ടുകാർക്ക് മനസിലായത്.സിസിടിവി കേന്ദ്രീകരിച്ച് നടത്തിയ അന്വേഷണത്തിൽ അമ്മിണിയും ശാന്തയും വൈകിട്ടോടെ പാലക്കാട് കെ എസ് ആർ ടി സി സ്റ്റാൻഡിൽ എത്തിയതായി കണ്ടെത്തി. ഇവിടെ നിന്ന് തിരുപ്പതിയിലേക്ക് ബസുണ്ടോയെന്ന് ചിലരോട് അന്വേഷിച്ചിരുന്നതായും റിപ്പോർട്ടുകളുണ്ട്. അത്യാവശ്യത്തിന് പണം ഇരുവരുടെയും കൈവശമുണ്ട്.

ക്ഷേത്ര ദർശനത്തിന് പോയ വയോധികരായ സഹോദരിമാരെ കാണാനില്ലെന്ന് പരാതി

തിരുവനന്തപുരം: സംസ്ഥാനത്ത് ഇന്നും സ്വർണവില കുതിച്ചുയർന്നു. ഇന്ന് പവന് 2200 രൂപ വർധിച്ച് സ്വർണവില 74,000 കടന്നു. ഒരു പവൻ സ്വർണത്തിന്റെ ഇന്നത്തെ വില 74,320 രൂപയാണ്.
അന്താരാഷ്‌ട്ര സ്വർണവില 3485 ഡോളറും രൂപയുടെ വിനിമയ നിരക്ക് 85.13ഉം ആണ്. 24 കാരറ്റ് സ്വർണത്തിന് കിലോഗ്രാമിന് ബാങ്ക് നിരക്ക് ഒരു കോടി രൂപയ്‌ക്ക് മുകളിലെത്തി. സമീപകാലത്തെ ഒരു ദിവസം കൂടുന്ന ഏറ്റവും വലിയ വിലവർദ്ധനവാണ് രേഖപ്പെടുത്തിയത്. കഴിഞ്ഞ 12 ദിവസം കൊണ്ട് 560 ഡോളറിന്റെ വിലവർദ്ധനവാണ് അന്താരാഷ്‌ട്ര സ്വർണവിലയിൽ ഉണ്ടായത്. 3500 ഡോളർ മറികടന്ന് മുന്നോട്ട് കുതിക്കും എന്ന സൂചനകളും പുറത്തുവരുന്നുണ്ട്. നിലവിൽ ഒരു ഗ്രാം 22 കാരറ്റ് സ്വർണത്തിന്റെ വിപണി വില 9,290 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 7650 രൂപയാണ്. ഒരു ഗ്രാം വെള്ളിയുടെ വില 109 രൂപയാണ്.

എന്റെ പൊന്നേ ;പവന് 2200 രൂപ  വർധിച്ച് 74,320 രൂപയായി

മലപ്പുറം: പതിനഞ്ചുകാരനെ ലെെംഗികമായി പീഡിപ്പിച്ച് വീഡിയോ പകർത്തിയ സംഭവത്തിൽ യുവതി അറസ്റ്റിൽ. പാലക്കാട് കല്ലടിക്കോട് സ്വദേശി സത്യഭാമ (30) ആണ് അറസ്റ്റിലായത്. മലപ്പുറം തിരൂരിലാണ് സംഭവം നടന്നത്. യുവതിയുടെ ഭർത്താവിന്റെ അറിവോടെയായിരുന്നു പതിനഞ്ചുകാരനെ പീഡിപ്പിച്ചത്. യുവതിയുടെ ഭർത്താവ് സാബിക് ആണ് പീഡന ദൃശ്യങ്ങൾ ഫോണിൽ പകർത്തിയത്.
യുവതി അറസ്റ്റിലായതിന് പിന്നാലെ തിരൂർ ബിപി അങ്ങാടി സ്വദേശി സാബിക് ഒളിവിൽ പോയി. ഭർത്താവും സത്യഭാമയും ലഹരിക്ക് അടിമകളാണെന്നും പതിനഞ്ചുകാരന് ലഹരി കൊടുക്കാൻ ശ്രമിച്ചെന്നും പരാതിയിൽ പറയുന്നു. ലെെംഗികമായി പീഡിപ്പിക്കുന്ന ദൃശ്യങ്ങൾ കാട്ടി ഭീഷണിപ്പെടുത്തി പതിന‌ഞ്ചുകാരനിൽ നിന്ന് പണം വാങ്ങിയിരുന്നു. ഇതിന് പുറമെ സ്ത്രീകളുടെ നഗ്ന വീഡിയോ എടുത്തു തരാനും ആവശ്യപ്പെട്ടിട്ടുണ്ടെന്ന് പരാതിയിൽ പറയുന്നു. പതിനഞ്ചുകാരന്റെ വീട്ടുകാരുടെ പരാതിയിലാണ് യുവതിയെ അറസ്റ്റ് ചെയ്തത്. തിരൂർ പൊലീസാണ് യുവതിയെ പിടികൂടിയത്. ഭർത്താവിനായി പൊലീസ് അന്വേഷണം ഊർജിതമാക്കി.

ഭർത്താവിന്റെ സമ്മതത്തോടെ പതിനഞ്ചുകാരനെ പീഡിപ്പിച്ചു; ദൃശ്യങ്ങൾ പകർത്തി പണം തട്ടി, യുവതി അറസ്റ്റിൽ

കോട്ടയം: ദമ്പതികളെ വീടിനുള്ളിൽ കൊല്ലപ്പെട്ട നിലയിൽ കണ്ടെത്തി. വ്യവസായിയും തിരുവാതുക്കൽ സ്വദേശിയുമായ വിജയകുമാർ, ഭാര്യ മീര എന്നിവരാണ് കൊല്ലപ്പെട്ടത്. രക്തം വാർന്നനിലയിലായിരുന്നു മൃതദേഹങ്ങൾ. ഇരുവരുടെയും മുഖത്ത് ആയുധമുപയോഗിച്ചുള്ള മുറിവുകളുണ്ട്.
രാവിലെ വീട്ടുജോലിക്കാരിയെത്തിയപ്പോഴാണ് ഇരുവരെയും മരിച്ചനിലയിൽ കണ്ടെത്തിയത്. രണ്ട് മുറികളിലായിട്ടായിരുന്നു മൃതദേഹങ്ങൾ. തുടർന്ന് പൊലീസിൽ വിവരമറിയിക്കുകയായിരുന്നു. കൊലപാതകങ്ങൾ എപ്പോഴാണ് നടന്നതെന്ന് വ്യക്തമല്ല.വീട്ടിൽ സെക്യൂരിറ്റി ഉണ്ടായിരുന്നു. ഇയാൾ മലയാളിയല്ല. വർഷങ്ങളായി ദമ്പതികളുടെ കൂടെയുണ്ടായിരുന്നയാളാണ്. പ്രായാധിക്യമുണ്ടായിരുന്നു. കൂടാതെ കേൾവി പ്രശ്നവും സെക്യൂരിറ്റിക്ക് ഉണ്ടായിരുന്നു. ജോലിക്കാരി പറഞ്ഞപ്പോൾ മാത്രമാണ്‌ സെക്യൂരിറ്റി കൊലപാതക വിവരമറിഞ്ഞത്.&nbsp;
പ്രതിയെ കുറിച്ച് ചെറിയൊരു സൂചന ലഭിച്ചിട്ടുണ്ടെന്ന് കോട്ടയം എസ് പി ഷാഹുൽ ഹമീദ് പ്രതികരിച്ചു. വ്യക്തി വൈരാഗ്യമാണ് കൊലപാതകങ്ങൾക്ക് പിന്നിലെന്നാണ് കരുതുന്നതെന്നും മോഷണം നടന്നതായി സൂചനയൊന്നും ലഭിച്ചിട്ടില്ലെന്നും അദ്ദേഹം വ്യക്തമാക്കി.കോട്ടയത്തെ പ്രമുഖ വ്യവസായി കൂടിയാണ് വിജയകുമാർ. കോട്ടയം ഇന്ദ്രപ്രസ്ഥം ഓഡിറ്റോറിയം ഉടമയാണ്. ദമ്പതികൾക്ക് രണ്ട് മക്കളാണ്. മകൻ നേരത്തെ മരിച്ചു. മകൾ വിദേശത്താണെന്നാണ് വിവരം.

കോട്ടയത്ത് ദമ്പതികൾ  വീട്ടിൽ കൊല്ലപ്പെട്ടനിലയില്‍; രക്തംവാർന്ന് മൃതദേഹങ്ങൾ

ആയഞ്ചേരി: ആയഞ്ചേരി മുക്കടത്തുംവയല്‍ കുനീമ്മല്‍ രാജീവന്റെ (55) മരണത്തില്‍ ദുരൂഹതയാരോപിച്ച് കുടുംബം രംഗത്ത്. മര്‍ദനമാണ് മരണകാരണമെന്നാണ് കുടുംബം ഉന്നയിക്കുന്നത്. ശനിയാഴ്ച രാത്രി ആയഞ്ചേരി പോക്ലാറത്തു താഴെ വെച്ച് ഒരു സംഘമാളുകള്‍ രാജീവനെ മര്‍ദിച്ചതായി പറയുന്നു. പരിക്കേറ്റ് ചികിത്സയിലിരിക്കെ ഞായറാഴ്ച ഉച്ചയോടെ രാജീവന്‍ തലശ്ശേരിയിലെ ആശുപത്രിയില്‍ മരണപ്പെടുകയായിരുന്നു. രാജീവന്റെ മരണം മര്‍ദനം മൂലമാണെന്നാരോപിച്ച് കുടുംബം വടകര പോലീസില്‍ പരാതി നല്‍കി.
കോഴിക്കോട് മെഡിക്കല്‍ കോളജ് ആശുപത്രിയില്‍ പോസ്റ്റ്മോര്‍ട്ടത്തിനു ശേഷം ബന്ധുക്കള്‍ ഏറ്റുവാങ്ങിയ മൃതദേഹം വീട്ടുവളപ്പില്‍ സംസ്‌കരിച്ചു.രാജീവന്റെ ദുരൂഹ മരണത്തെക്കുറിച്ച് അന്വേഷിച്ച് ഉത്തരവാദികളായവരുടെ പേരില്‍ നിയമ നടപടി സ്വീകരിക്കണമെന്ന് ബിജെപി ആവശ്യപ്പെട്ടു.
ഗൃഹപ്രവേശനത്തിനുള്ള ഒരുക്കം നടക്കുന്ന വീട്ടില്‍ നിന്ന് രാത്രി സ്വന്തം വീട്ടിലേക്കു പോകുമ്പോഴാണ്ബൈക്ക് തടഞ്ഞുനിര്‍ത്തി രാജീവനെ ഒരു സംഘമാളുകള്‍ പരിക്കേല്‍പിച്ചത്. ആദ്യം വടകര സഹകരണാശുപത്രിയിലാണ് ചികിത്സ തേടിയത്. പിന്നീട് നാദാപുരത്തെ സ്വകാര്യ ആശുപത്രിയില്‍ ചികിത്സ തേടി. അവിടെ നിന്ന് തലശേരി ആശുപത്രിയില്‍ എത്തുകയായിരുന്നു. ഇതിനു പിന്നാലെയാണ് മരണം. സുധയാണ് രാജീവന്റെ ഭാര്യ. മക്കള്‍: നീതു, നിഖില്‍. മരുമക്കള്‍: രാജേഷ് (മുയിപ്പോത്ത്), കാവ്യ (കീഴരിയൂര്‍). സഹോദരങ്ങള്‍: കുഞ്ഞിക്കേളു, ശാന്ത (ആയഞ്ചേരി), ലീല (ചാവട്ട്), രാധ (എരവട്ടൂര്‍).

ആയഞ്ചേരി കുനീമ്മല്‍ രാജീവന്റെ മരണം; ദുരൂഹതയാരോപിച്ച് ബന്ധുക്കൾ, അന്വേഷണം വേണമെന്ന് ആവശ്യം

കൊച്ചി: കോട്ടുവള്ളി - പറവൂര്‍ റോഡില്‍ കോട്ടുവള്ളി സൗത്ത് നാടകശാലയ്ക്ക് സമീപം അമിതവേഗത്തിലെത്തിയ ബൈക്ക് എതിരേവന്ന ബൈക്കിലിടിച്ച് രണ്ടു യുവാക്കള്‍ മരിച്ചു. വരാപ്പുഴ കൊല്ലംപറമ്പില്‍ വീട്ടില്‍ കെ.എസ്. രഞ്ജിത്ത്, കോട്ടയം പുലയന്നൂര്‍ മുത്തോലി ജോയല്‍ ജോയ് എന്നിവരാണ് മരിച്ചത്‌.
തിങ്കളാഴ്ച രാത്രി പത്തുമണിയോടെയാണ് സംഭവം. കൂട്ടിയിടിയെത്തുടര്‍ന്ന് റോഡിലേക്ക് തെറിച്ചുവീണ യുവാക്കളെ ചേരാനല്ലൂരെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. അപകടത്തില്‍പ്പെട്ട ബൈക്കിലിടിക്കാതിരിക്കാന്‍ വെട്ടിച്ചുമാറ്റുന്നതിനിടെ സ്‌കൂട്ടര്‍ മതിലിലിടിച്ച് മറ്റൊരു യുവാവിനും പരിക്കേറ്റു. നോര്‍ത്ത് പറവൂര്‍ കിഴക്കേപ്രം പഴൂപറമ്പത്ത് അര്‍ജുന്‍ സുബ്രഹ്‌മണ്യന്‍ (29)എന്നയാള്‍ക്കാണ് കാലിനു പരിക്കേറ്റത്.അപകടം നടക്കുമ്പോള്‍ പ്രദേശത്ത് വൈദ്യുതി നിലച്ചിരിക്കുകയായിരുന്നു. ഉച്ചത്തിലുള്ള ശബ്ദം കേട്ട് സമീപത്തെ വീട്ടുകാര്‍ എത്തുമ്പോള്‍ യുവാക്കള്‍ റോഡിന് നടുവിലായി ചോരയില്‍ കുളിച്ചുകിടക്കുകയായിരുന്നു. പറവൂരില്‍നിന്ന് പോലീസെത്തി തുടര്‍നടപടികള്‍ സ്വീകരിച്ചു. അപകടത്തില്‍പ്പെട്ട വാഹനങ്ങളുടെ ആര്‍സി ബുക്കില്‍നിന്നാണ് പോലീസ് മരിച്ചവരുടെ വിവരം ശേഖരിച്ചത്.

കൊച്ചിയിൽ ബൈക്കുകള്‍ കൂട്ടിയിടിച്ച്‌ രണ്ടു യുവാക്കള്‍ക്ക്‌ ദാരുണാന്ത്യം

കൊച്ചി: സിനിമാ സെറ്റിൽവച്ച് മോശമായി പെരുമാറിയെന്ന നടൻ ഷൈൻ ടോം ചാക്കോയ്ക്കെതിരായ നടി വിൻസി അലോഷ്യസിന്റെ പരാതി ഒത്തുതീർപ്പാക്കാൻ ശ്രമമെന്ന് വിവരം. ഇന്റേണൽ കമ്മിറ്റി യോഗത്തിൽ ഷൈൻ നടിയോട് മാപ്പ് പറഞ്ഞുവെന്നാണ് പുറത്തുവരുന്ന വിവരം.
ഭാവിയിൽ മോശം പെരുമാറ്റം ഉണ്ടാവില്ലെന്ന് ഷൈൻ ഉറപ്പുനൽകി. ബോധപ്പർവ്വം തെറ്റ് ചെയ്തിട്ടില്ല. പെരുമാറ്റത്തിൽ ശ്രദ്ധിക്കാമെന്നും ഷൈൻ ഇന്റേണൽ കമ്മിറ്റിയെ അറിയിച്ചിട്ടുണ്ടെന്നുമാണ് വിവരം. ഇന്റേണൽ കമ്മിറ്റിയുടെ തീരുമാനം അംഗീകരിക്കുമെന്നാണ് യോഗത്തിൽ വിൻസി നിലപാട് എടുത്തത്. പൊലീസിൽ പരാതി നൽകാനില്ലെന്നും വിൻസി ആവർത്തിച്ചു.ഷൈനെതിരെ തിടുക്കത്തിൽ നടപടി വേണ്ടെന്ന നിലപാടിലാണ് താരസംഘടന. ഫിലിം ചേംബറും താര സംഘടനയും ഇന്റേണൽ കമ്മിറ്റി യോഗത്തിന്റെ റിപ്പോ‌ർട്ടിനായി കാത്തിരിക്കുകയാണ്.&nbsp;

വിൻസി അലോഷ്യസിന്റെ പരാതി ഒത്തുതീർപ്പാക്കും;ഷൈൻ ടോം ചാക്കോ മാപ്പ് പറഞ്ഞതായി വിവരം

ഫ്രാൻസിസ് മാർപാപ്പയുടെ വിയോഗത്തിൽ ഇന്ത്യയിൽ മൂന്ന് ദിവസത്തെ ദുഃഖാചരണം. ഇന്നും നാളെയും സംസ്‌കാരം നടക്കുന്ന ദിവസവും ഔദ്യോഗിക ദുഃഖാചരണം നടത്താനാണ് കേന്ദ്ര സർക്കാരിന്റെ തീരുമാനം. സർക്കാർ സ്ഥാപനങ്ങളിൽ ദേശീയ പതാക പകുതി താഴ്‌ത്തിക്കെട്ടും. ഔദ്യോഗിക ആഘോഷ പരിപാടികൾ ഉണ്ടായിരിക്കില്ലെന്നും കേന്ദ്ര ആഭ്യന്തര മന്ത്രാലയം പ്രഖ്യാപിച്ചു.
12 വർഷം കത്തോലിക്ക സഭയെ നയിച്ച മാർപാപ്പയ്ക്ക് 88 വയസായിരുന്നു. ഇന്നലെ ഇന്ത്യൻ സമയം രാവിലെ 11.05ന് (പ്രാദേശിക സമയം രാവിലെ 7.35) ഔദ്യോഗിക വസതിയായ വത്തിക്കാനിലെ കാസ സാന്റ മാർത്തയിലായിരുന്നു അന്ത്യം. ഗുരുതര ന്യുമോണിയ ബാധയോട് പൊരുതിയ അദ്ദേഹം ഒരു മാസത്തിലേറെ നീണ്ട ആശുപത്രിവാസത്തിനുശേഷം സുഖംപ്രാപിച്ചുവരികയായിരുന്നു. ഹൃദയാഘാതവും പക്ഷാഘാതവും ആണ് മരണകാരണമെന്നാണ് വത്തിക്കാൻ അറിയിച്ചത്.
അനുകമ്പയുടെയും എളിമയുടെയും ആത്മീയശക്തിയുടെയും വെളിച്ചമാണ് വിശുദ്ധ ഫ്രാൻസിസ് മാർപാപ്പയെന്ന് പ്രധാനമന്ത്രി നരേന്ദ്ര മോദി അനുശോചന സന്ദേശത്തിൽ പറഞ്ഞു. അദ്ദേഹത്തിന്റെ വിയോഗത്തിൽ അഗാധമായ ദുഃഖമുണ്ട്. വേദനയുടെയും സ്മരണകളുടെയും ഈ വേളയിൽ, ആഗോള കത്തോലിക്കാസമൂഹത്തെ എന്റെ ഹൃദയംഗമമായ അനുശോചനം അറിയിക്കുന്നുവെന്നും അദ്ദേഹം കുറിച്ചു.

ഫ്രാൻസിസ് മാർപാപ്പയുടെ വിയോഗം ;ഇന്ത്യയിൽ മൂന്ന് ദിവസത്തെ ദുഃഖാചരണം, ദേശീയ പതാക പകുതി താഴ്ത്തിക്കെട്ടും

നാദാപുരം: അതിര് വിട്ട വിവാഹ ആഘോഷങ്ങൾ നിയന്ത്രിക്കുമെന്ന പോലീസ് - തീരുമാനങ്ങൾക്ക് പുല്ല് വില. കല്ലാച്ചി - വളയം റോഡിൽ അതിര് വിട്ട വിവാഹ ആഘോഷം. നടു റോഡിൽ പടക്കം പൊട്ടിക്കൽ. വളയം റോഡിൽ കുരുന്നം കണ്ടി മുക്കിലാണ് അതിര് വിട്ട വിവാഹ ആഘോഷം നടത്തി അപകടകരമായി റോഡിൽ പടക്കങ്ങൾ പൊട്ടിച്ചത്. തിങ്കളാഴ്ച്ച വൈകുന്നേരം ആറ് മണിയോടെ ആണ് സംഭവം. നാദാപുരം പോലീസ് സ്റ്റേഷന് സമീപത്തെ വധു ഗൃഹത്തിൽ നിന്ന് കുരുന്നം കണ്ടി മുക്കിലെ വരൻ്റെ വീട്ടിൽ വിവാഹ സംഘം മടങ്ങി എത്തിയ ഉടൻ ആണ് റോഡിൽ വാഹനങ്ങൾ തടസ്സപ്പെടുത്തി അപകടകരമായ വിധത്തിൽ മാലപ്പടക്കം റോഡിൽ ഇട്ട് തീ കൊടുത്ത് പൊട്ടിച്ചത്.&nbsp;
പടക്കം പൊട്ടി തീരുന്നത് വരെ ഇരുവശത്തും വാഹനഗതാഗതം തടസ്സപ്പെട്ടു. രണ്ട് ദിവസം മുമ്പ് നാദാപുരം മേഖലയിലെ അതിര് കടന്ന വിവാഹ ആഘോഷങ്ങൾക്ക് എതിരെ ശക്തമായ നടപടി സ്വീകരിക്കുമെന്ന് നാദാപുരം പോലീസ് സ്റ്റേഷനിൽ വിളിച്ച് ചേർത്ത സമാധാന യോഗത്തിൽ തീരുമാനം എടുത്തിരുന്നു. ഇതിന് പിന്നാലെ ആണ് നിയമങ്ങൾ കാറ്റിൽ പറത്തി വീണ്ടും വാഹനങ്ങൾക്കും യാത്രക്കാർക്കും അപകടകരമായ രീതിയിൽ റോഡിൽ പടക്കങ്ങൾ പൊട്ടിച്ചത്. സംഭവം നാട്ടുകാർ ചിത്രങ്ങൾ സഹിതം പോലീസിൻ്റെ ശ്രദ്ധയിൽപെടുത്തി.

പോലീസ് തീരുമാനങ്ങൾക്ക് പുല്ല് വില; കല്ലാച്ചിയിൽ വീണ്ടും നടുറോഡിൽ പടക്കം പൊട്ടിച്ച് ആഘോഷം

Nadapuram

പേരാമ്പ്ര : ഗു​ജ​റാ​ത്തി​ൽ വെച്ച് ട​യ​റി​ൽ കാ​റ്റ് നി​റ​ക്കു​മ്പോ​ൾ പൊ​ട്ടി​ത്തെ​റി​ച്ചു​ണ്ടാ​യ അ​പ​ക​ട​ത്തി​ൽ ക​ടി​യ​ങ്ങാ​ട് മ​ഹി​മ സ്വ​ദേ​ശി കോ​വു​മ്മ​ൽ സു​രേ​ഷ് (50) മ​രി​ച്ചു. ഗു​ജ​റാ​ത്തി​ലെ രാ​ജ്ഘ​ട്ട് മു​ന്ന എ​ന്ന സ്ഥ​ല​ത്ത് ട​യ​ർ ക​മ്പ​നി ന​ട​ത്തി​വ​രു​ക​യാ​യി​രു​ന്നു. ശ​നി​യാ​ഴ്ച രാ​ത്രി​യി​ലാ​ണ് അ​പ​ക​ടം.
പി​താ​വ്: കു​ഞ്ഞി​ക്കു​ട്ടി നാ​യ​ർ. മാ​താ​വ്: പ​രേ​ത​യാ​യ നാ​രാ​യ​ണി അ​മ്മ. ഭാ​ര്യ: ഷീ​ബ (പ​ന്തി​രി​ക്ക​ര). മ​ക്ക​ൾ: ആ​കാ​ശ് (ബി.​ടെ​ക് വി​ദ്യാ​ർ​ഥി), അ​ശ്വി​ൻ (എ​സ്.​എ​സ്.​എ​ൽ.​സി വി​ദ്യാ​ർ​ഥി). സ​ഹോ​ദ​ര​ങ്ങ​ൾ: ഗീ​ത അ​ച്യു​ത​ൻ നാ​യ​ർ (ചെ​ര​ണ്ട​ത്തൂ​ർ), പ​ത്മി​നി രാ​മ​കൃ​ഷ്ണ​ൻ (പ​ന്തി​രി​ക്ക​ര), പ​രേ​ത​യാ​യ ഷി​ജി അ​നീ​ഷ് (ഉ​ള്ള്യേ​രി).

.

കാറ്റ് നിറക്കുന്നതിനിടെ ടയർ പൊട്ടിത്തെറിച്ച് അപകടം ; ക​ടി​യ​ങ്ങാ​ട് സ്വദേശി ഗുജറാത്തിൽ മരിച്ചു

Perambra

നാദാപുരം :ലഹരിക്ക് അടിമപ്പെട്ട യുവാവിനെ നിയന്ത്രിക്കാൻ എത്തിയ യുവാവിന് കല്ലാച്ചിക്കടുത്ത് വെച്ച് വെട്ടേറ്റു. ഇന്നലെ രാത്രി വൈകിയാണ് സംഭവം. തെരുവൻപറമ്പ് കിണർ പരിസരത്തെ കണിയാൻകണ്ടി മുത്തു (44) വിനാണ് കല്ലാച്ചി തെരുവൻപറമ്പ് റോഡിൽ വച്ചു വെട്ടേത്. തലയ്ക്കു താഴെ വെട്ടേറ്റ മുത്തുവിനെ നാദാപുരം താലൂക്ക് ആശുപത്രിയിൽ പ്രഥമ ചികിത്സ നൽകി കണ്ണൂരിലെ ആശുപത്രിയിലേക്കു മാറ്റി.

കല്ലാച്ചിയിൽ യുവാവിന് വെട്ടേറ്റു

പേ​രാ​മ്പ്ര: യു​വ​തി​യെ ഭ​ർ​ത്താ​വ് വീ​ട്ടി​ല്‍നി​ന്ന് പു​റ​ത്താ​ക്കി​യ​താ​യി പ​രാ​തി. കോ​ട്ടൂ​ര്‍ പ​ഞ്ചാ​യ​ത്ത് ഒ​ന്നാം വാ​ര്‍ഡി​ലെ മൂ​ലാ​ട് അം​ഗ​ൻ​വാ​ടി​ക്ക് സ​മീ​പം പാ​റ​ക്ക​ണ്ടി സ​ജീ​വ​ന്റെ ഭാ​ര്യ ലി​ജി സ​ജി​യാ​ണ് (49) ര​ണ്ട് ദി​വ​സ​മാ​യി വീ​ടി​നു പു​റ​ത്താ​യ​ത്. ക​ഴി​ഞ്ഞ ദി​വ​സം ഗേ​റ്റി​നു പു​റ​ത്താ​യി​രു​ന്നെ​ങ്കി​ലും അ​ടു​ത്ത ദി​വ​സം പൊ​ലീ​സി​ന്റെ സാ​ന്നി​ധ്യ​ത്തി​ല്‍ ലി​ജി ഗേ​റ്റി​ന്റെ പൂ​ട്ടു പൊ​ളി​ച്ച് വീ​ടി​ന്റെ വ​രാ​ന്ത​യി​ല്‍ എ​ത്തി​യി​ട്ടു​ണ്ട്.&nbsp;
നാ​ടു​വി​ട്ട് പ​ഞ്ചാ​ബി​ല്‍ എ​ത്തി​യ സ​ജീ​വ​നെ പ​രി​ച​യ​പ്പെ​ട്ട ലി​ജി പി​ന്നീ​ട് സ​ജീ​വ​നെ വി​വാ​ഹം ചെ​യ്യു​ക​യാ​യി​രു​ന്നു. ലി​ജി​യു​ടെ സ​ഹാ​യ​ത്തോ​ടെ അ​ന്ന് സ​ജീ​വ​ന് അ​വി​ടെ​യു​ള്ള ആ​ക്രി ക​ട​യി​ല്‍ ജോ​ലി​യും കി​ട്ടി. എ​ന്നാ​ല്‍ പി​ന്നീ​ട് സ​ജീ​വ​ന്‍ അ​മേ​രി​ക്ക​യി​ല്‍ എ​ത്തു​ക​യാ​യി​രു​ന്നു. അ​വി​ടെ ബി​സി​ന​സ് ആ​രം​ഭി​ക്കു​ക​യും ചെ​യ്തു. അ​മേ​രി​ക്ക​യി​ല്‍ നി​ന്നും സ​ജീ​വ​ന്‍ നാ​ട്ടി​ലെ​ത്തി​യാ​ല്‍ പ​ഞ്ചാ​ബി​ല്‍ എ​ത്തി ലി​ജി​യെ​യും കൂ​ട്ടി നാ​ട്ടി​ല്‍ എ​ത്തു​ക​യാ​യി​രു​ന്നു പ​തി​വ്. എ​ന്നാ​ല്‍ പി​ന്നീ​ട് മ​റ്റൊ​രു യു​വ​തി​യു​മാ​യി ഉ​ണ്ടാ​യ അ​ടു​പ്പം ലി​ജി അ​റി​ഞ്ഞ​തോ​ടെ പ്ര​ശ്ന​മാ​കു​ക​യാ​യി​രു​ന്നു.
മൂ​ന്ന് വ​ര്‍ഷം മു​മ്പ് ഈ ​സം​ഭ​വം അ​റി​ഞ്ഞ ലി​ജി ത​നി​ക്കും മ​ക​ള്‍ക്കും വീ​ടും സ്ഥ​ല​വും ന​ല്‍ക​ണ​മെ​ന്നും ചെ​ല​വി​ന് ന​ല്‍ക​ണ​മെ​ന്നും ആ​വ​ശ്യ​പ്പെ​ട്ട് സ​ജീ​വ​നെ​തി​രെ പേ​രാ​മ്പ്ര കോ​ട​തി​യി​ല്‍ അ​ന്യാ​യം ഫ​യ​ല്‍ ചെ​യ്തി​രു​ന്നു. 2023 ഒ​ക്ടോ​ബ​ര്‍ 19ന് ​കോ​ട​തി ഇ​വ​ര്‍ക്ക് വീ​ട്ടി​ല്‍ ക​യ​റി താ​മ​സി​ക്കാ​ന്‍ ഉ​ത്ത​ര​വ് ന​ല്‍കു​ക​യും ചെ​യ്തു. എ​ന്നാ​ല്‍ വീ​ട്ടി​ലെ​ത്തി​യ ലി​ജി​യെ സ​ഹോ​ദ​ര​ങ്ങ​ള്‍ വീ​ട്ടി​ല്‍ ക​യ​റ്റാ​ന്‍ അ​നു​വ​ദി​ച്ചി​ല്ലെ​ന്ന് പ​റ​യു​ന്നു.സ​ജീ​വ​ന്‍ നാ​ട്ടി​ല്‍ ഇ​ല്ലാ​ത്ത​തി​നാ​ല്‍ തി​രി​ച്ചു പോ​യ ലി​ജി ക​ഴി​ഞ്ഞ വി​ഷു​വി​ന് സ​ജീ​വ​നും അ​മേ​രി​ക്ക​ക്കാ​രി​യാ​യ യു​വ​തി​യും എ​ത്തി​യി​ട്ടു​ണ്ടെ​ന്ന് അ​റി​ഞ്ഞാ​ണ് പ​ഞ്ചാ​ബി​ലെ ജോ​ലി സ്ഥ​ല​ത്ത് നി​ന്നും മൂ​ലാ​ട് എ​ത്തി​യ​ത് എ​ന്നാ​ല്‍ ലി​ജി​യെ വീ​ട്ടി​ല്‍ ക​യ​റാ​ന്‍ അ​നു​വ​ദി​ച്ചി​ല്ലെ​ന്ന് മാ​ത്ര​മ​ല്ല വീ​ട് അ​നി​യ​ന്റെ പേ​രി​ലാ​ണെ​ന്നും ഇ​വി​ടെ ക​യ​റാ​ന്‍ ക​ഴി​യി​ല്ലെ​ന്ന് അ​റി​യി​ക്കു​ക​യു​മാ​യി​രു​ന്നു. 19ന് ​വീ​ട്ടി​ല്‍ ക​യ​റി താ​മ​സി​ക്കാ​ന്‍ കോ​ട​തി ഉ​ത്ത​ര​വ് ഇ​റ​ക്കി​യ​തി​ന് ശേ​ഷം സ​ജീ​വ​ന്‍ വീ​ടും സ്ഥ​ല​വും സ​ഹോ​ദ​ര​ന്‍ ബി​ജു​വി​ന്റെ പേ​രി​ലേ​ക്ക് മാ​റ്റു​ക​യാ​യി​രു​ന്നു. നാ​ട്ടി​ലെ​ത്തി​യ സ​ജീ​വ​നും സു​ഹൃ​ത്താ​യ യു​വ​തിയും ഇ​പ്പോ​ള്‍ ത​റ​വാ​ട് വീ​ട്ടി​ല്‍ അ​നി​യ​നോ​ടൊ​പ്പ​മാ​ണ് താ​മ​സ​മെ​ന്നും ലി​ജി പ​റ​ഞ്ഞു.25 വ​യ​സ്സു​ള്ള മ​ക​ളും താ​നും താ​മ​സി​ക്കാ​ന്‍ വീ​ടി​ല്ലാ​തെ പ്ര​യാ​സ​ത്തി​ല്‍ ആ​ണെ​ന്ന് കാ​ണി​ച്ചാ​ണ് ലി​ജി ഇ​പ്പോ​ള്‍ കോ​ട​തി​യെ സ​മീ​പി​ച്ച​ത്. കോ​ട​തി ഇ​വ​ര്‍ക്ക് വീ​ട്ടി​ല്‍ ക​യ​റി താ​മ​സി​ക്കാ​ന്‍ അ​വ​സ​രം ഒ​രു​ക്കാ​ന്‍ പേ​രാ​പൊ​ലീ​സി​ന് നി​ര്‍ദേ​ശം ന​ല്‍കി​യി​ട്ടു​ണ്ടെ​ങ്കി​ലും ഇ​തു​വ​രെ ന​ട​പ്പാ​ക്കാ​ന്‍ ക​ഴി​ഞ്ഞി​ട്ടി​ല്ല. പൊ​ലീ​സ് സ​ജീ​വ​ന്റെ വീ​ട്ടി​ല്‍ എ​ത്തി വീ​ട് തു​റ​ന്നു കൊ​ടു​ക്കാ​ന്‍ ആ​വ​ശ്യ​പ്പെ​ട്ടെ​ങ്കി​ലും സ​ജീ​വ​നും കു​ടും​ബ​വും ഇ​തു​വ​രെ വീ​ട് തു​റ​ന്നു കൊ​ടു​ക്കാ​ന്‍ ത​യാ​റാ​യി​ട്ടി​ല്ല.&nbsp;

പേ​രാ​മ്പ്രയിൽ യുവതിയെ വീട്ടിൽനിന്ന് പുറത്താക്കിയതായി പരാതി

കോ​ഴി​ക്കോ​ട്:പാ​ക്കിസ്ഥാ​ന്‍ പൗ​ര​ത്വം ഉ​ള്ള​വ​ർ രാ​ജ്യം വി​ട​ണ​മെ​ന്ന് ആ​വ​ശ്യ​പ്പെ​ട്ടു ന​ല്‍​കി​യ നോ​ട്ടീ​സ് പോ​ലീ​സ് പി​ന്‍​വ​ലി​ച്ചു. ഉ​ന്ന​ത നി​ര്‍​ദേ​ശ​ത്തെ തു​ട​ര്‍​ന്നാ​ണ് തീ​രു​മാ​നം. മൂ​ന്നു പേ​ര്‍​ക്കാ​യി​രു​ന്നു കോ​ഴി​ക്കോ​ട് റൂ​റ​ല്‍ പോ​ലീ​സ് പ​രി​ധി​യി​ല്‍ നോ​ട്ടീ​സ് ന​ല്‍​കി​യ​ത്. മൂ​ന്നു​പേ​രും ലോം​ഗ് ടേം ​വീ​സ​യ്ക്ക് അ​പേ​ക്ഷ ന​ല്‍​കി​യി​രു​ന്നു​വെ​ന്ന് പോ​ലീ​സ് അ​റി​യി​ച്ചു. വടകര വൈക്കിലിശ്ശേരിയില്‍ താമസിക്കുന്ന ഖമറുന്നീസ, സഹോദരി അസ്മ, കൊയിലാണ്ടിയിൽ താമസിക്കുന്ന ഹംസ എന്നിവർക്കാണ് ഞായറാഴ്ചക്കകം രാജ്യം വിട്ടുപോകാനാവശ്യപ്പെട്ട് പൊലീസ് നോട്ടീസ് നൽകിയത്.
രാജ്യം വിട്ടുപോകാത്തപക്ഷം നിയമ നടപടികളുണ്ടാകുമെന്നും നോട്ടീസിൽ വ്യക്തമാക്കിയിട്ടുണ്ട്. കറാച്ചിയില്‍ കച്ചവടം നടത്തിയിരുന്ന ഖമറുന്നീസ, അസ്മ എന്നിവരുടെ കുടുംബം പിതാവ് മരിച്ച ശേഷം 1993ലാണ് കേരളത്തില്‍ എത്തിയത്. കണ്ണൂരില്‍ താമസിക്കുകയായിരുന്ന ഖമറുന്നീസ 2022ലാണ് വടകരയിലെത്തിയത്. അസ്മ ചൊക്ലിയിലാണ് താമസം. 2024ൽ വിസയുടെ കാലാവധി കഴിഞ്ഞതിനാല്‍ വിസക്ക് അപേക്ഷിച്ചെങ്കിലും ഇവർക്ക്ലഭിച്ചില്ലെന്നാണ് വിവരം.കേരളത്തില്‍ ജനിച്ച ഹംസ 1965ലാണ് തൊഴില്‍ തേടി പാകിസ്താനിലേക്ക് പോയത്. ബംഗ്ലാദേശ് വിഭജന ശേഷം 1972ല്‍ നാട്ടിലേക്ക് വരാന്‍ പാസ്‌പോര്‍ട്ട് ആവശ്യമായി വന്നപ്പോഴാണ് ഹംസ പാക് പൗരത്വം സ്വീകരിച്ചത്. 2007ല്‍ കച്ചവടം അവസാനിപ്പിച്ച് കേരളത്തിലെത്തിയ ഹംസ ഇന്ത്യന്‍ പൗരത്വത്തിന് അപേക്ഷ നല്‍കിയിരുന്നു.

പാ​ക് പൗ​ര​ത്വം ഉ​ള്ള​വ​ര്‍ രാ​ജ്യം​വി​ട​ണ​മെ​ന്ന് ആ​വ​ശ്യ​പ്പെ​ട്ട് ന​ല്‍​കി​യ നോ​ട്ടീ​സ് പി​ന്‍​വ​ലി​ച്ചു

Kozhikode

നാദാപുരം: അടിക്കടി മേഖലയിൽ ചെറിയ ചെറിയ പ്രശ്നങ്ങൾ ഉണ്ടായിക്കൊണ്ടിരിക്കുന്ന സാഹചര്യത്തിൽ നാദാപുരം ഡി.വൈ.എസ്.പി എ പി ചന്ദ്രൻ്റെ നേതൃത്വത്തിൽ സർവ്വകക്ഷി സമാധാന യോഗം ചേർന്നു. യോഗത്തിൽ നാദാപുരം പഞ്ചായത്ത് പ്രസിഡന്റ് വി.വി മുഹമ്മദലി, വിവിധ രാഷ്ട്രീയ പാർട്ടി നേതാക്കളായ എ.മോഹൻദാസ്, സി.എച്ച് മോഹനൻ, സൂപ്പി നരിക്കാട്ടേരി, ബംഗ്ലത്ത് മുഹമ്മദ്, മോഹനൻ പാറക്കടവ്, പി.കെ ദാമു , വത്സരാജ് മന്ണലാട്ട്, കെ.വിനാസർ, ജലീൽ ചാലിക്കണ്ടി, കെ. ടി.കെ ചന്ദ്രൻ , എസ് എച്ച് ഒ ശ്യാംരാജ് ബി നായർ എന്നിവർ പങ്കെടുത്തു. പ്രാദേശികമായി ഉണ്ടായ പ്രശ്നങ്ങൾ പ്രാദേശിക തലത്തിൽ യോഗം വിളിച്ചു ചർച്ച ചെയ്തു പരിഹരിക്കാൻ തീരുമാനിച്ചു.&nbsp;
കല്യാണ വീടുകളിൽ ഗാനമേള, ഡിജെ പാർട്ടികൾ എന്നിവയും റോഡ് ഗതാഗതത്തിന് തടസമാകുന്ന തരത്തിൽ വാഹനങ്ങൾ ഓടിക്കുന്നതും ക്രമസമാധാന പ്രശ്‍നം ഉണ്ടാകുന്നതിനാൽ ശക്തമായ നിയമ നടപടികൾ എടുക്കുമെന്ന് പോലീസ് യോഗത്തിൽ അറിയിച്ചു. അത്തരം വാഹനങ്ങളും സൗണ്ട് സിസ്റ്റവും പിടിച്ചെടുക്കുന്നത് ഉൾപ്പടെയുള്ള നടപടികൾ സ്വീകരിക്കും. വാട്സാപ്പ്, ഫേസ് ബുക്ക് മുതലായ സോഷ്യൽ മീഡിയകൾ വഴി സ്പർദ്ധ ഉണ്ടാക്കുന്ന വിധം പോസ്റ് ഇടുന്നവരെ നിരീക്ഷിച്ചു കേസ് എടുത്ത് നിയമ നടപടികൾ സ്വീകരിക്കാനും തീരുമാനിച്ചു.

നാദാപുരത്ത് സർവ്വകക്ഷി സമാധാന യോഗം ചേർന്നു

കോഴിക്കോട്: നിയമവിദ്യാ‌ർത്ഥിയായ മകളെ അദ്ധ്യാപകർ മാനസികമായി പീഡിപ്പിക്കുന്നുവെന്നാരോപിച്ച് പിതാവ് ആത്മഹത്യയ്ക്ക് ശ്രമിച്ചു. തിരുവനന്തപുരം ആറ്റിങ്ങൽ സ്വദേശിയായ വി ഷാജിയാണ് കാലിക്കറ്റ് സർവകലാശാല നിയമ പഠന വിഭാഗത്തിൽ എത്തി കൈ ഞരമ്പ് മുറിച്ചത്. ഷാജിയുടെ മകൾ ഇന്ദുലേഖ അവസാന സെമസ്റ്റർ എൽഎൽഎം വിദ്യാർത്ഥിയാണ്. പഠനവുമായി ബന്ധപ്പെട്ട ഗവേഷണ പ്രബന്ധം കൃത്യസമയത്ത് സമർപ്പിച്ചിട്ടും നിരവധി തവണ തിരുത്തൽ ആവശ്യപ്പെട്ട് ഗൈഡ് മടക്കി നൽകിയെന്നാണ് പരാതി.
പഠന വിഭാഗം മേധാവി അംഗീകരിച്ച ശേഷമാണ് ഗൈഡ് തിരുത്തൽ ആവശ്യപ്പെട്ടതെന്നാണ് ഷാജി ആരോപിക്കുന്നത്. ഒടുവിൽ ഗവേഷണ പ്രബന്ധം നിരസിച്ചുവെന്ന തരത്തിൽ എഴുതി നൽകണമെന്ന ആവശ്യവുമായി മകൾ പഠന വിഭാഗത്തിൽ എത്തിയെങ്കിലും അധികൃതർ തയ്യാറായില്ല. പിന്നീടാണ് പേപ്പർ മുറിക്കുന്ന ബ്ലേയ്ഡ് ഉപയോഗിച്ച് ഇയാൾ ഞരമ്പ് മുറിച്ചത്. ഓഫീസിലുണ്ടായിരുന്ന ജീവനക്കാർ ഷാജിയെ ഉടൻ തന്നെ അടുത്തുളള സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.&nbsp;

നിയമവിദ്യാ‌ർത്ഥിയായ മകളെ അധ്യാപകർ മാനസികമായി പീഡിപ്പിക്കുന്നുവെന്ന് ആരോപണം  ;പിതാവ് ആത്മഹത്യയ്ക്ക് ശ്രമിച്ചു

കോഴിക്കോട് : യുവതിയെ വിവസ്ത്രയാക്കി ദൃശ്യം പകർത്തിയ സംഭവത്തിൽ കൗമാരക്കാരൻ പൊലീസ് പിടിയിൽ. തിങ്കളാഴ്ച പുലർച്ചെ യുവാക്കൾ കൂട്ടിക്കൊണ്ടുപോയി നഗ്നദൃശ്യങ്ങൾ പകർത്തിയെന്നാണ് വയനാട് സ്വദേശിയായ യുവതി മെഡിക്കൽ കോളജ് പൊലീസ് സ്റ്റേഷനിൽ പരാതി നൽകിയത്. തുടർന്നു നടത്തിയ അന്വേഷണത്തിലാണ് സുഹൃത്തായ പ്രായപൂർത്തിയാകാത്ത കൗമാരക്കാരനെ പിടികൂടിയത്. കൗമാരക്കാരനെ ജുവനൈൽ ജസ്റ്റിസിന് മുന്നിൽ ഹാജരാക്കിയെന്ന് മെഡിക്കൽ കോളജ് പൊലീസ് അറിയിച്ചു.
ദേശീയ പാത ബൈപ്പാസിൽ സുഹൃത്തായ കൗമാരക്കാരനൊപ്പം ഭക്ഷണം കഴിക്കാൻ എത്തിയതായിരുന്നു യുവതി. കൗമാരക്കാരന്റെ മറ്റ് രണ്ട് സുഹൃത്തുക്കളും പിന്നീട് ഇവിടേക്കെത്തി. തുടർന്ന് നാലു പേരും ചേർന്ന് ബൈക്കിൽ കുന്നമംഗലം ഭാഗത്തുള്ള ഒരു വീട്ടിലേക്ക് പോകുകയായിരുന്നു. ഇവിടെയെത്തിയ ശേഷമാണ് നഗ്നയാക്കി ദൃശ്യങ്ങൾ പകർത്തിയതെന്നാണ് യുവതിയുടെ പരാതി.

കോഴിക്കോട് യുവതിയെ വിവസ്ത്രയാക്കി ദൃശ്യം പകർത്തി; കൗമാരക്കാരൻ പൊലീസ് പിടിയിൽ

വടകര : എംഡിഎംഎയും കഞ്ചാവുമായി അറസ്റ്റിലായ യുവാവിന് രണ്ടുവർഷം കഠിനതടവും 20,000 രൂപ പിഴയും ശിക്ഷ. കോഴിക്കോട് മടവൂർ പുല്ലാലൂർ മേലേമഠത്തിൽ ‘ഉഷാ നിവാസി’ൽ പി.വി. രജിലേഷിനെ(33)യാണ് വടകര എൻഡിപിഎസ് കോടതി ജഡ്ജ് വി.ജി. ബിജു ശിക്ഷിച്ചത്. പിഴയടച്ചില്ലെങ്കിൽ രണ്ടുമാസംകൂടി കഠിനതടവനുഭവിക്കണം. 2019 ഒക്ടോബർ മൂന്നിന് കോഴിക്കോട് റെയിൽവേ സ്റ്റേഷൻ റോഡിലെ ലോഡ്ജ് മുറിയിൽനിന്ന് 35 ഗ്രാം കഞ്ചാവും, ആറുഗ്രാം എംഡിഎംഎയുമായി കോഴിക്കോട് ടൗൺ പോലീസാണ് ഇയാളെ അറസ്റ്റുചെയ്തത്. പ്രോസിക്യൂഷനുവേണ്ടി അഡ്വ. ഇ.വി. ലിജീഷ് ഹാജരായി.

എംഡിഎംഎയും കഞ്ചാവുമായി അറസ്റ്റിലായ യുവാവിന് രണ്ടുവർഷം കഠിനതടവ്

Search Results for: 08.12.2023