കോട്ടയം: പാലായില്‍ നഴ്‌സിങ് വിദ്യാര്‍ഥിനിയെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തി. പാലാ നെല്ലിയാനിയില്‍ കല്ലറയ്ക്കല്‍ സാജന്റെ മകള്‍ സില്‍ഫ(18)യെയാണ് മരിച്ചനിലയില്‍ കണ്ടത്. തിങ്കളാഴ്ച വൈകിട്ട് നാലുമണിയോടെയായിരുന്നു സംഭവം.
ഹൈദരാബാദില്‍ നഴ്‌സിങ് വിദ്യാര്‍ഥിനിയാണ് സില്‍ഫ. ജൂണ്‍ ഒന്നാം തീയതി തിരികെ ഹൈദരാബാദിലേക്ക് പോകാനിരിക്കുകയായിരുന്നു. പാലാ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. പെണ്‍കുട്ടി ജീവനൊടുക്കാനുള്ള കാരണം വ്യക്തമല്ലെന്ന് പോലീസ് പറഞ്ഞു. അസ്വാഭാവിക മരണത്തിന് പോലീസ് കേസെടുത്തിട്ടുണ്ട്.

നഴ്‌സിങ് വിദ്യാര്‍ഥിനിയെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തി

Kerala

ന്യൂഡല്‍ഹി: ഇന്ത്യക്ക് നേരെ ആണവായുധം ഉപയോഗിക്കുമെന്ന പാകിസ്ഥാന്റെ ഭീഷണി ചെലവാകില്ലെന്ന് പ്രധാനമന്ത്രി നരേന്ദ്ര മോദി. ആണവ ആക്രമണമെന്ന ബ്ലാക്‌മെയിലിംഗ് ഇന്ത്യയോട് വേണ്ടെന്നും പ്രധാനമന്ത്രി പറഞ്ഞു. പഹല്‍ഗാം ഭീകരാക്രമണത്തിന് മറുപടിയായി ഇന്ത്യ നടത്തിയ ഓപ്പറേഷന്‍ സിന്ദൂര്‍ സൈന്യം വിജയകരമായി നടപ്പിലാക്കിയതിന് ശേഷം രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു മോദി.
പാകിസ്ഥാന്റെ തീവ്രവാദ പ്രവര്‍ത്തനങ്ങള്‍ക്കെതിരെ കര്‍ശനമായ താക്കീതാണ് പ്രധാനമന്ത്രി നല്‍കിയത്. ഭീകരതയുമായി ഇന്ത്യക്ക് നേരെ വന്നാല്‍ അതിന്റെ ഇരട്ടിയായി തിരിച്ചടിക്കുമെന്നും പ്രധാനമന്ത്രി പറഞ്ഞു. ആണവ ഭീഷണി ഇന്ത്യയോടു വേണ്ട, അത് വെച്ചു പൊറുപ്പിക്കില്ല. ഇന്ത്യയ്‌ക്കെതിരായ ഭീകരവാദ ആക്രമണത്തിന് ഉചിതമായ തിരിച്ചടി നേരിടേണ്ടിവരും. പ്രതികരണം എങ്ങനെവേണമെന്ന് ഞങ്ങള്‍ തീരുമാനിക്കും. ഇന്ത്യയും പാകിസ്താനും തമ്മില്‍ ചര്‍ച്ചയുണ്ടെങ്കില്‍ അത് ഭീകരവാദത്തെക്കുറിച്ചും പാക് അധീന കശ്മീരിനെക്കുറിച്ചും മാത്രമായിരിക്കുമെന്നും പ്രധാനമന്ത്രി പറഞ്ഞു.ഓപ്പറേഷന്‍ സിന്ദൂറിലെ വിജയത്തിന് സേനകള്‍ക്ക് സല്യൂട്ട് പറഞ്ഞ പ്രധാനമന്ത്രി പോര്‍മുഖത്ത് സൈന്യം അസാമാന്യ ധൈര്യവും പ്രകടനവും കാഴ്ച വച്ചെന്ന് പ്രശംസിക്കുകയും ചെയ്തു. ഓപ്പറേഷന്‍ സിന്ദൂറിന്റെ ഭാഗമായ എല്ലാവര്‍ക്കും മോദി അഭിവാദ്യം അര്‍പ്പിച്ചു.&nbsp;

പഹല്‍ ഗാമില്‍ നടന്നത് സമാനതകളില്ലാത്ത ക്രൂരതയാണ്. അമ്മമാര്‍ക്കും ഭാര്യമാര്‍ക്കും കുഞ്ഞുങ്ങള്‍ക്കും മുന്നിലാണ് ഭീകരരുടെ വെടിയേറ്റ് നിഷ്‌കളങ്കരായ 26 പേര്‍ പിടഞ്ഞ് മരിച്ചത്. മതത്തിന്റെ പേര് പറഞ്ഞാണ് ഭീകരര്‍ ആക്രമണം നടത്തിയതെന്ന് മോദി പറഞ്ഞു.ഓപ്പറേഷന്‍ സിന്ദൂര്‍ വെറുമൊരു പേരല്ല, അതില്‍ രാജ്യത്തെ കോടിക്കണക്കിന് ജനങ്ങളുടെ വികാരമാണ് പ്രതിഫലിച്ചത്. പഹല്‍ഗാം ആക്രമണത്തിന് പാകിസ്ഥാനിലെ ഭീകരരുടെ പരിശീലന കേന്ദ്രത്തില്‍ കയറി ഇന്ത്യ മറുപടി നല്‍കി. സ്വപ്നത്തില്‍ പോലും ഇങ്ങനെയൊരു ആക്രമണം പ്രതിക്ഷിച്ചിരുന്നില്ല. ബവല്‍പൂരിലെയും മുരിട്‌കെയിലെയും ആഗോള തീവ്രവാദ കേന്ദ്രങ്ങള്‍ ഭാരതം ഭസ്മമാക്കി. ഭീകരതയുടെ യൂണിവേഴ്സിറ്റികളാണ് ഇല്ലാതായതെന്നും പ്രധാനമന്ത്രി കൂട്ടിച്ചേര്‍ത്തു.

ആണവായുധ ഭീഷണി ഇന്ത്യയോട് വേണ്ട ;പാകിസ്താന് ശക്തമായ മുന്നറിയിപ്പുനല്‍കി മോദി

National

ന്യൂഡൽഹി: ഇന്ത്യയുടെ ഓപ്പറേഷൻ സിന്ദൂർ സൈനിക നടപടിയുടെ പശ്ചാത്തലത്തിൽ പ്രധാനമന്ത്രി നരേന്ദ്ര മോദി രാജ്യത്തെ അഭിസംബോധന ചെയ്യും. രാത്രി എട്ട് മണിക്കായിരിക്കും മോദി ജനങ്ങളോട് സംസാരിക്കുക. പഹൽഗാമിലെ ഭീകരാക്രമണം, ഓപ്പറേഷൻ സിന്ദൂർ, അമേരിക്കൻ പ്രസിഡന്റ് ട്രംപ് പ്രഖ്യാപിച്ച വെടിനിർത്തൽ തുടങ്ങിയവയെക്കുറിച്ച് മോദി സംസാരിക്കുമെന്നാണ് പ്രതീക്ഷിക്കുന്നത്.
ഓപ്പറേഷൻ സിന്ദൂറുമായി ബന്ധപ്പെട്ട വിവിധ വിഷയങ്ങൾ ചർച്ചചെയ്യേണ്ടത് അനിവാര്യമാണെന്ന് കഴിഞ്ഞ ദിവസം പ്രതിപക്ഷ നേതാവ് രാഹുൽ ഗാന്ധി പറഞ്ഞിരുന്നു. പ്രത്യേക പാർലമെന്റ് സമ്മേളനം വിളിക്കണമെന്നും അദ്ദേഹം ആവശ്യപ്പെട്ടിരുന്നു. പ്രതിപക്ഷം ഉന്നയിച്ച ചോദ്യങ്ങൾക്കടക്കം പ്രധാനമന്ത്രി മറുപടി പറയുമെന്നാണ് പ്രതീക്ഷിക്കുന്നത്.

ഓപ്പറേഷൻ സിന്ദൂർ ;ഇന്ന് രാത്രി എട്ട് മണിക്ക് പ്രധാനമന്ത്രി രാജ്യത്തെ അഭിസംബോധന ചെയ്യും

വടകര: ശ്രീകൃഷ്ണ ജ്വല്ലറി ഉടമ പബ്ലിക് ലൈബ്രറിക്ക് സമീപം ഷീല ഭവനിൽ കെ.പി. ബാലൻ (88) അന്തരിച്ചു. ഭാര്യ പരേതയായ ടി.കെ. ചന്ദ്രമതി. മക്കൾ: കെ.പി.ശശികല , കെ.പി.ശൈലജ, കെ.പി.സബിത, കെ.പി.സുജിത്ത് കുമാർ. മരുമക്കൾ: സി. വി. ശിവദാസൻ (പയ്യന്നൂർ), പി.ടി. നരേന്ദ്ര ബാബു (കോയമ്പത്തൂർ), ടി.ജി. അശോകൻ (തൃശൂർ), കെ. രജിഷ (ചൊക്ലി). സഹോദരങ്ങൾ:&nbsp;

ശ്രീകൃഷ്ണ ജ്വല്ലറി ഉടമ ഷീല ഭവനിൽ കെ.പി. ബാലൻ അന്തരിച്ചു

Obituary

മേപ്പയൂർ: മേപ്പയൂർ ഗ്രാമ പഞ്ചായത്ത് വാർഡ് 15 ലെ പാവടുകണ്ടി മുക്കിലെ എളമ്പിലാട് 101 നമ്പർ അംഗൻവാടി വർക്കർ വി.കെ ഗീതക്ക് യാത്രയയപ്പ് നൽകി. ചടങ്ങ് മേപ്പയൂർ ഗ്രാമ പഞ്ചായത്ത് പ്രസിഡണ്ട് കെ.ടി രാജന്റെ അധ്യക്ഷതയിൽ മേലടി ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് ഉദ്ഘാടനം ചെയ്തു.&nbsp;
മേലടി ബ്ലോക്ക് പഞ്ചായത്ത് ക്ഷേമ കാര്യസ്ഥിരം സമിതി ചെയർമാൻ മഞ്ഞക്കുളം നാരായണൻ , മേപ്പയൂർ ഗ്രാമ പഞ്ചായത്ത് ആരോഗ്യ-വിദ്യാഭ്യാസ സ്ഥിരം സമിതി ചെയർമാൻ ഭാസ്കരൻ കൊഴുക്കല്ലൂർ, രജീഷ്.കെ.കെ, എം.എം അഷറഫ്, രാജൻ കെ.കെ,എ ഡി എസ് സെക്രട്ടറി നിബിത, കായലാട് അംഗൻവാടി വർക്കർ സുജ എന്നിവർ സംസാരിച്ചു. വാർഡ് കൺവീനർ ബാബു കെ.കെ സ്വാഗതവും ലീന നന്ദിയും പറഞ്ഞു.

യാത്രയയപ്പ് നൽകി

Perambra

കാസർകോട്: മട്ടലായിയിൽ ദേശീയപാത നിർമാണത്തിനിടെ മണ്ണിടിഞ്ഞ് അന്യ സംസ്ഥാന തൊഴിലാളിക്ക് ദാരുണാന്ത്യം. കൊൽക്കത്ത സ്വദേശി മുൻതാജ് മിർ (18) ആണ് മരിച്ചത്. അപകടത്തിൽ മൂന്ന് പേർക്ക് പരിക്കേറ്റു. ഇവരെ ചെറുവത്തൂരിലെ ആശുപത്രിയിലേക്ക് മാറ്റി.
തിങ്കളാഴ്ച രാവിലെ പത്ത് മണിയോടെയായിരുന്നു അപകടം. ദേശീയപാതയുടെ ഭാ​ഗമായ മട്ടലായി ഹനുമാരംമ്പലം ഭാഗത്ത് ജെ.സി.ബി. ഉപയോഗിച്ച് മണ്ണ് നീക്കം ചെയ്യുന്നതിനിടെ കുന്ന് ഇടിഞ്ഞു വീഴുകയായിരുന്നു.മുൻതാജ് മിർ ഉൾപ്പെടെ നാലുപേരാണ് മണ്ണിനടിയിൽപെട്ടിരുന്നത്. നാട്ടുകാരും ഫയർഫോഴ്സും പോലീസും ചേർന്ന് ഇവരെ പുറത്തെടുത്തെങ്കിലും മുൻതാജ് സംഭവ സ്ഥലത്തുവെച്ചുതന്നെ മരിച്ചു.

കാസർകോട് ദേശീയപാത നിർമാണത്തിനിടെ മണ്ണിടിഞ്ഞ് യുവാവിന് ദാരുണാന്ത്യം

വടകര: നീലിമ നടക്കുതാഴ നാല്പത്തിഏഴാം വാർഷികവും വിവിധ മേഖലയിൽ കഴിവ് തെളിയിച്ചവർക്കുള്ള അനുമോദനവും സംഘടിപ്പിച്ചു. ഡോ.പ്രേമ വിജയൻ, പീടികയുള്ളതിൽ ശാന്ത, സാരംഗ് രാജീവൻ എന്നിവരെയാണ് ആദരിച്ചത്. വാർഷികവും അനുമോദനവും നഗരസഭാ സ്റ്റാൻഡിങ്ങ് കമ്മറ്റി ചെയർമാൻ പി സജീവ്കുമാർ ഉൽഘാടനം ചെയ്തു. രാജീവൻ പറമ്പത്ത് അധ്യക്ഷത വഹിച്ചു. അജിത്ത് കെ ടി കെ, പി രവീന്ദ്രൻ, കൂമുള്ളി ബാബുരാജ്, ജയകൃഷ്ണൻ കൈതക്കൽ, ടി ടി ശ്രീജിത്ത്, പീടികയുള്ളതിൽ ശാന്ത, സാരംഗ് രാജീവൻ എന്നിവർ സംസാരിച്ചു.
&nbsp;

വാർഷികവും അനുമോദനവും നടത്തി

Vadakara

പേരാമ്പ്ര: കഴിഞ്ഞ ദിവസം മുതല്‍ കാണാതായ മധ്യവയസ്‌കനെ വീടിനോട് ചേര്‍ന്ന വിറകുപുരയില്‍ തൂങ്ങിമരിച്ച നിലയില്‍ കണ്ടെത്തി. മുളിയങ്ങല്‍ നൊച്ചാട് പഞ്ചായത്ത്‌ ഓഫിസിന് സമീപം കൂടത്തിങ്കല്‍ മീത്തല്‍ രാജീവനെയാണ് (53) മരിച്ച നിലയില്‍ കണ്ടെത്തിയത്. ഇയാളെ മേയ് 8 മുതല്‍ കാണാതായിരുന്നു. തുടര്‍ന്ന് ബന്ധുക്കള്‍ പേരാമ്പ്ര പൊലീസില്‍ പരാതി നല്‍കി.&nbsp;
പൊലീസ് നല്‍കിയ ടവര്‍ ലൊക്കേഷന്റെ അടിസ്ഥാനത്തില്‍ ഞായറാഴ്ച രാവിലെ വീടിനു സമീപം നാട്ടുകാര്‍ തിരച്ചില്‍ നടത്തുന്നതിനിടെ വിറകുപുരയില്‍ നിന്ന് ദുര്‍ഗന്ധം വമിക്കുന്നതായി കണ്ടെത്തി. അവിടെ നോക്കിയപ്പോഴാണ് തൂങ്ങിമരിച്ച നിലയില്‍ കണ്ടെത്തിയത്. മൃതദേഹം ജീര്‍ണിച്ച അവസ്ഥയിലാണ്. മൃതദേഹത്തിനു നാലു ദിവസത്തെ പഴക്കം കണക്കാക്കുന്നു.&nbsp;&nbsp;

കാണാതായ മുളിയങ്ങല്‍ സ്വദേശി വിറകുപുരയിൽ തൂങ്ങിമരിച്ച നിലയില്‍

പേരാമ്പ്ര: 25 ഗ്രാം കഞ്ചാവുമായി യുവാവ് എക്സൈസ് പിടിയിൽ. നാദാപുരം മാക്കൂൽവീട്ടിൽ റാഹിലിനെയാണ് (20) ബാലുശ്ശേരി റേഞ്ച് ഓഫിസിലെ അസിസ്റ്റന്റ് എക്സൈസ് ഇൻസ്പെക്ടർ പി.കെ.സബീർ അലിയും സംഘവും പിടികൂടിയത്. വെള്ളിയാഴ്ച രാത്രി നൊച്ചാട് വാല്യക്കോട് തൃക്കായ്കുന്ന് മൊയിലോത്ത് മഹാവിഷ്ണു ക്ഷേത്ര സ്റ്റോപ്പിന് മുൻവശം പേരാമ്പ്ര-പയ്യോളി റോഡിനരികിൽ നിന്നാണ് ഇയാളെ പിടികൂടിയത്.&nbsp;
എക്സൈസ് സംഘം നടത്തിയ പരിശോധനയിൽ ഇയാളുടെ കൈവശം കഞ്ചാവ് കണ്ടെത്തുകയായിരുന്നു. പ്രിവന്റീവ് ഓഫിസർ ഇ.എം.ഷാജി, സിവിൽ എക്സൈസ് ഓഫിസർ ലിനീഷ്, വനിത സിഇഒ ഷൈനി, ഡ്രൈവർ സിഇഒ പ്രശാന്ത് എന്നിവരും എക്സൈസ് സംഘത്തിൽ ഉണ്ടായിരുന്നു.

കഞ്ചാവുമായി നാദാപുരം സ്വദേശി  പിടിയിൽ

മണിയൂർ: പാലയാട് ദേശീയവായനശാല ബാലവേദിയുടെ ആഭിമുഖ്യത്തിൽ വർണ്ണക്കൂടാരം ഏകദിന പഠന ക്യാമ്പ് സംഘടിപ്പിച്ചു. സ്കൂൾ അവധിക്കാലം ഉല്ലാസത്തോടൊപ്പം വിജ്ഞാനപ്രദവുമാക്കുക എന്ന ഉദ്ദേശത്തോടെയാണ് ക്യാമ്പ് സംഘടിപ്പിച്ചത്. അഭിനയക്കളരി , ശാസ്ത്ര പരീക്ഷണങ്ങൾ, ഗണിതം മധുരം, അക്ഷരക്കളികൾ തുടങ്ങിയവയായിരുന്നു ക്യാമ്പിൻ്റെ പ്രധാന ഉള്ളടക്കം. ഷിബിൻ നയിച്ച അഭിനയക്കളരിയോടെ ക്യാമ്പിന് തുടക്കമായി. അശോകൻ ഗണിതത്തിൻ്റെ മധുരമൂറുന്ന അവതരണം നടത്തിയതോടെ കണക്ക് കുട്ടികൾക്ക് ഏറ്റവും ഇഷ്ടമുള്ള വിഷയമായി മാറി.&nbsp;
ഗണിതത്തിലെ സങ്കീർണമായ ക്രിയകളെ പ്രായോഗികമായി സമീപിച്ച് എളുപ്പവഴികൾ ഉപയോഗിച്ച് നിർദ്ദാരണം ചെയ്യുന്ന രീതികൾ കുട്ടികൾക്ക് വേറിട്ട പഠനാനുഭവമായി. ശാസ്ത്രസാഹിത്യ പരിഷത്തിലൂടെ പ്രശസ്തനായ മൊയ്തീനിന്റെ ശാസ്ത്ര പരീക്ഷണങ്ങളായിരുന്നു ഏറെ വിസ്മയമായത്. കുസൃതി ചോദ്യങ്ങളും അക്ഷരക്കളികളും കണക്കിലെ കുറുക്കുവഴികളും ഒക്കെയായി ക്യാമ്പ് കുട്ടികൾ നന്നായി ആസ്വദിച്ചു. വാർഡ് മെമ്പർ ടി പി.ശോഭന ഉൽഘാടനം ചെയ്തു. ഇ നാരായണൻ അദ്ധ്യക്ഷനായി. കെ.കെ. രാജേഷ്, ടി സി സജീവൻ, കെ കെ. കുഞ്ഞിരാമൻ എന്നിവർ സംസാരിച്ചു. ശശിധരൻ കെ.കെ., സി കെ. ഗിരീഷ്, സജി പി.കെ., ലിഷ പി.കെ., ദേവി കെ.എൻ., ഭവ്യ ഷാജി, ഹരിഷ്ണ എന്നിവർ നേതൃത്വം നൽകി.

അവധിക്കാലം ഉല്ലാസത്തോടൊപ്പം വിജ്ഞാനപ്രദവുമാക്കാം; വർണ്ണക്കൂടാരം ഏകദിന പഠന ക്യാമ്പ് സംഘടിപ്പിച്ചു

തമിഴ്നാട്ടില്‍ നടന്ന ഒരു പരിപാടിക്കിടെ വേദിയില്‍ കുഴഞ്ഞുവീണ് നടന്‍ വിശാല്‍. ഞായറാഴ്ച നടന്ന സംഭവത്തിന്റെ വീഡിയോ ദൃശ്യങ്ങള്‍ ഓണ്‍ലൈനില്‍ പ്രചരിക്കുണ്ട്. വിഴുപുരത്ത് നടന്ന പരിപാടിക്കിടെയാണ് നടന്‍ കുഴഞ്ഞുവീണത്. അദ്ദേഹത്തെ ഉടന്‍ ആശുപത്രിയില്‍ എത്തിച്ചു. നിലവില്‍ അദ്ദേഹത്തിന്റെ ആരോഗ്യനില തൃപ്തികരമാണ്.
ട്രാന്‍സ്ജെന്‍ഡര്‍ സമൂഹത്തിനുവേണ്ടി സംഘടിപ്പിച്ച മിസ് കൂവഗം പരിപാടിയില്‍ മുഖ്യാതിഥിയായാണ് വിശാല്‍ പങ്കെടുത്തതെന്ന് ഇന്ത്യ ടുഡേ റിപ്പോര്‍ട്ടുചെയ്തു. ആരാധകരും സംഘാടകരും ചേര്‍ന്നാണ് പ്രഥമശുശ്രൂഷ നല്‍കി അദ്ദേഹത്തെ ആശുപത്രിയിലെത്തിച്ചത്. മുന്‍ മന്ത്രി കെ. പൊന്‍മുടി അദ്ദേഹത്തിന് അടിയന്തര വൈദ്യസഹായം ഉറപ്പാക്കുകയും ആശുപത്രിയിലെത്തിക്കുകയും ചെയ്തിരുന്നു. പരിപാടിക്ക് മുമ്പ് വിശാല്‍ ജ്യൂസ് മാത്രമാണ് കഴിച്ചിരുന്നതെന്നാണ് വിവരം. ഇതാകാം പെട്ടെന്ന് കുഴഞ്ഞുവീഴാന്‍ കാരണമായതെന്ന് വിലയിരുത്തപ്പെടുന്നു.

പരിപാടിക്കിടെ വേദിയില്‍ കുഴഞ്ഞുവീണ് നടന്‍ വിശാല്‍

ന്യൂഡല്‍ഹി: ടെസ്റ്റ് ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ച് മുൻ ഇന്ത്യന്‍ നായകൻ വിരാട് കോലി. സാമൂഹിക മാധ്യമങ്ങളില്‍ പോസ്റ്റ് പങ്കുവെച്ചാണ് താരം വിരമിക്കൽ വിവരം പ്രഖ്യാപിച്ചത്. ഇത് എളുപ്പമല്ലെന്നും ടെസ്റ്റ് ക്രിക്കറ്റ് താന്‍ പ്രതീക്ഷിച്ചതിലേറെ തനിക്ക് തിരിച്ചുതന്നെന്നും കോലി പോസ്റ്റിൽ പറഞ്ഞു. മുൻ ഇന്ത്യൻ നായകൻ രോഹിത് ശർമയ്ക്ക് പിന്നാലെയാണ് കോലിയും ടെസ്റ്റ് ക്രിക്കറ്റിന്റെ പടിയിറങ്ങുന്നത്.
നേരത്തേ തന്നെ ടെസ്റ്റ് ക്രിക്കറ്റില്‍ നിന്ന് കോലി വിരമിക്കാനുള്ള തീരുമാനമെടുത്തതായി റിപ്പോർട്ടുകളുണ്ടായിരുന്നു. പിന്നാലെ തീരുമാനത്തില്‍ പുനരാലോചന നടത്താന്‍ ഇന്ത്യന്‍ ക്രിക്കറ്റ് കണ്‍ട്രോള്‍ ബോര്‍ഡ് ആവശ്യപ്പെട്ടിരുന്നെങ്കിലും കോലി വഴങ്ങാന്‍ തയ്യാറായില്ല. ഇംഗ്ലണ്ട് പര്യടനത്തിൽ കളിക്കണമെന്നാണ് സെലക്ടർമാർ ആവശ്യപ്പെട്ടിരുന്നതെങ്കിലും അതിന് കാത്തുനിൽക്കാതെ കോലി ടെസ്റ്റിൽ നിന്ന് പടിയിറങ്ങാനുള്ള തീരുമാനമെടുക്കുകയായിരുന്നു.
2011-ൽ വെസ്റ്റ് ഇൻഡീസിനെതിരേയായിരുന്നു ടെസ്റ്റിൽ കോലിയുടെ അരങ്ങേറ്റം. ഈ വർഷം ഓസ്‌ട്രേലിയക്കെതിരേ ബോർഡർ-ഗാവസ്‌കർ ട്രോഫിയിലാണ് അവസാനമായി കളിച്ചത്. ടി20 ലോകകപ്പ് വിജയത്തിനുശേഷം ട്വന്റി-20 ക്രിക്കറ്റിൽനിന്ന് കോലി വിരമിച്ചിരുന്നു. ഇനി ഏകദിനത്തിൽ മാത്രമാണ് താരത്തെ കാണാനാവുക.

'തീരുമാനം കഠിനം' ;ടെസ്റ്റ് ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ച് വിരാട് കോലി

നെടുമങ്ങാട്: നെടുമങ്ങാട്ടെ പ്രമുഖ ബാറിൽ യുവാക്കൾ തമ്മിലുണ്ടായ തർക്കത്തെത്തുടർന്ന് മത്സ്യക്കച്ചവടക്കാരനെ ചന്തയ്ക്കുള്ളിൽെവച്ച് കുത്തിക്കൊന്നു. നെടുമങ്ങാട് അഴിക്കോട് വട്ടക്കുളം ഷാൻ മൻസിലിൽ ഷാഹിർ(30) ആണ് കൊല്ലപ്പെട്ടത്.
അഴിക്കോട് സ്വദേശിയായ നിസാറാണ് ഷാഹിറിനെ കൊലപ്പെടുത്തിയത്. ഷാഹിറിന്റെ ശരീരത്തിൽ ആഴത്തിലുള്ള ഒൻപതു കുത്തുകളുണ്ടെന്ന് പോലീസ് പറയുന്നു.നിസാർ സംഭവസ്ഥലത്തുനിന്ന്‌ ഓടി രക്ഷപ്പെട്ടു. ഇയാൾക്കുവേണ്ടി നെടുമങ്ങാട് പോലീസ് അന്വേഷണം ഊർജ്ജിതമാക്കി.ഞായറാഴ്ച രാത്രി എട്ടുമണിയോടെയായിരുന്നു സംഭവം. ഉച്ചയോടെ ഇരുവരും നെടുമങ്ങാട് ബാറിലെത്തി മദ്യപിച്ചിരുന്നു. ഇവിടെെവച്ചുണ്ടായ വാക്കുതർക്കമാണ് കൊലപാതകത്തിൽ കലാശിച്ചത്. ചന്തയിലെ ഇറച്ചിക്കച്ചവടക്കാരനാണ് നിസാർ. ഇതേ ചന്തയിൽ മത്സ്യക്കച്ചവടക്കാരനാണ് മരിച്ച ഷാഹിർ.

ബാറിലെത്തി മദ്യപിക്കുന്നതിനിടെ തർക്കം;യുവാവിനെ കുത്തിക്കൊന്നു

വടകര: ദേശീയപാത വരുന്നതോടെ കൊട്ടിയടക്കുന്ന ചേന്ദമംഗലം–മലോൽ മുക്ക് റോഡിലേക്ക് പ്രവേശിക്കാൻ വഴി ഒരുങ്ങി. പെരുവാട്ടുംതാഴയിൽ നിന്നുള്ള സർവീസ് റോഡ് 7 മീറ്റർ വീതിയിൽ നിർമിക്കാനും ഇരുവശങ്ങളിലേക്കും ഗതാഗതം അനുവദിക്കാനും തീരുമാനം. ദേശീയപാത അതോറിറ്റി പ്രോജക്ട് ഡയറക്ടർ അസുതോഷ് സിൻഹ ആണ് ഇതു സംബന്ധിച്ച് അറിയിച്ച് കൊണ്ട് കത്ത് അയച്ചത്.&nbsp;
മലോൽമുക്ക് –ചേന്ദമംഗലം റോഡിൽ നിന്നു സർവീസ് റോഡ് വഴി ദേശീയപാതയിലേക്കും തിരിച്ചും പ്രവേശനം ആവശ്യപ്പെട്ട് കോൺഗ്രസും യൂത്ത് കോൺഗ്രസും നടത്തിയ സമരത്തിന് ആണ് ഫലം കണ്ടത്. യൂത്ത് കോൺഗ്രസ് നിയോജക മണ്ഡലം പ്രസിഡന്റ് സി.നിജിൻ നൽകിയ അപേക്ഷയെ തുടർന്നാണ് കത്ത് മുഖേന ഇക്കാര്യം അറിയിച്ചത്. ഷാഫി പറമ്പിൽ എംപിയും കെ.കെ.രമ എംഎൽഎയും ഈ ആവശ്യം ഉന്നയിച്ച് നിവേദനം നൽകിയിരുന്നു. ശക്തമായ സമരത്തിന്റെ ഭാഗമായാണ് അനുകൂല തീരുമാനം ഉണ്ടായതെന്ന് കോൺഗ്രസ് മണ്ഡലം പ്രസിഡന്റ് പി.ടി.കെ.നജ്മൽ, മണ്ഡലം പ്രസിഡന്റ് സി.നിജിൻ എന്നിവർ അറിയിച്ചു.

ചോറോട് സർവീസ് റോഡ് വഴി ഇരുഭാഗത്തേക്കും ഗതാഗതം അനുവദിക്കുമെന്ന് ദേശീയപാത പ്രോജക്ട് ഡയറക്ടർ

തിരുവനന്തപുരം: സണ്ണി ജോസഫ് എംഎല്‍എ കെപിസിസി പ്രസിഡന്റായി ചുമതലയേറ്റു. സൗമ്യനും മൃദു സമീപനക്കാരനുമായ സണ്ണി ജോസഫ് ആശയങ്ങളിലും നിലപാടുകളിലും അടിയുറച്ച് നില്‍ക്കുന്ന ധീരനായ പോരാളിയാണെന്ന് ഇന്ദിരാഭവനില്‍ നടന്ന സ്ഥാനമേറ്റെടുക്കല്‍ ചടങ്ങില്‍ എഐസിസി ജനറല്‍ സെക്രട്ടറി കെ.സി.വേണുഗോപാല്‍ വിശേഷിപ്പിച്ചു.
വര്‍ക്കിങ് പ്രസിഡന്റുമാരായി പി.സി. വിഷ്ണുനാഥും എ.പി. അനില്‍ കുമാര്‍, ഷാഫി പറമ്പില്‍ എന്നിവരും ഇതോടൊപ്പം ഭാരവാഹിത്വമേറ്റെടുത്തു. പ്രതിപക്ഷ നേതാവ് വി.ഡി.സതീശനടക്കമുള്ള പ്രധാനപ്പെട്ട കോണ്‍ഗ്രസ് നേതാക്കളെല്ലാം ചടങ്ങില്‍ പങ്കെടുത്തിരുന്നു.നേരത്തെ സണ്ണി ജോസഫിനൊപ്പം കെപിസിസി അധ്യക്ഷ സ്ഥാനത്തേക്ക് പരിഗണിച്ചിരുന്ന ആന്റോ ആന്റണി ചടങ്ങിനെത്തിയില്ല എന്നത് ശ്രദ്ധേയമാണ്.
തന്റെ കാലയളവിലെ നേട്ടങ്ങള്‍ എണ്ണിപ്പറഞ്ഞാണ് സ്ഥാനമൊഴിഞ്ഞ കെപിസിസി അധ്യക്ഷന്‍ കെ.സുധാകരന്‍ വിടവാങ്ങല്‍ പ്രസംഗം നടത്തിയത്. കണ്ണൂര്‍ രാഷ്ട്രീയത്തില്‍ തന്റെ സന്തത സഹചാരിയായിരുന്ന സണ്ണി ജോസഫ് കൂടുതല്‍ കരുത്തോടെ പാര്‍ട്ടിയെ മുന്നോട്ട് കൊണ്ടുപോകുമെന്ന് സുധാകരന്‍ പ്രത്യാശ പ്രകടിപ്പിച്ചു. പുതിയ നേതൃത്വത്തോടൊപ്പം പൂര്‍ണ്ണ ഉത്തരവാദിത്വം ഏറ്റെടുത്ത് ഒരു തര്‍ക്കവുമില്ലാതെ ഒറ്റ ലക്ഷ്യത്തോടെ ഒരുമിച്ച് നീങ്ങുമെന്ന് പ്രതിപക്ഷ നേതാവ് വി.ഡി.സതീശനും വ്യക്തമാക്കി. 100-ലധികം സീറ്റുകളോടെ യുഡിഎഫ് അടുത്ത തിരഞ്ഞെടുപ്പില്‍ തിരിച്ചുവരുമെന്ന് ഉറപ്പ് നല്‍കുന്നതായും ഇത് വാക്കാണെന്നും സതീശന്‍ പറഞ്ഞു.

സണ്ണി ജോസഫ് കെപിസിസി പ്രസിഡന്റായി ചുമതലയേറ്റു

തിരുവനന്തപുരം: കിളിമാനൂരിൽ പനി ബാധിച്ച് രണ്ട് വയസ്സുള്ള കുട്ടി മരിച്ചു. കടവിള പുല്ലുതോട്ടം സ്വദേശി വസന്ത്-ദിവ്യ ദമ്പതികളുടെ മകൾ ഭാവയാമി ആണ് മരിച്ചത്. പനി ബാധിച്ച് എസ്എടി ആശുപത്രിയിൽ ചികിത്സയിലായിരുന്നു.

പനി ബാധിച്ച് രണ്ട് വയസ്സുള്ള കുട്ടി മരിച്ചു

തിരുവനന്തപുരം: സംസ്ഥാനത്ത് ഇന്ന് ഉയർന്ന ചൂടിന് സാധ്യത. മുൻകരുതലിന്റെ ഭാഗമായി ഏഴ് ജില്ലകളിൽ കേന്ദ്ര കാലാവസ്ഥ വകുപ്പ് യെല്ലോ അലേർട്ട് നൽകി.
കൊല്ലം, തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ, കാസർഗോഡ് എന്നീ ജില്ലകളിലാണ് യെല്ലോ അലേർട്ട്. കോഴിക്കോട്, പാലക്കാട് ജില്ലകളിൽ 37 ഡിഗ്രി സെൽഷ്യസ് വരെയും, കൊല്ലം, തൃശൂർ, മലപ്പുറം, കണ്ണൂർ, കാസർകോട് ജില്ലകളിൽ 36 ഡിഗ്രി സെൽഷ്യസ് വരെയും താപനില ഉയരും.ഉയർന്ന ചൂടും ഈർപ്പമുള്ള വായുവും കാരണം മലയോര മേഖലകളിലൊഴികെ, അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ടെന്നും മുന്നറിയിപ്പിൽ പറയുന്നു.

സംസ്ഥാനത്ത് ഇന്ന് ഉയർന്ന ചൂടിന് സാധ്യത ;കോഴിക്കോട് ഉൾപ്പെടെ ഏഴ് ജില്ലകളിൽ യെല്ലോ അലേർട്ട്

‘ആവേശം’ സിനിമയിലെ ‘കുട്ടി’ എന്ന കഥാപാത്രത്തിലൂടെ പ്രേക്ഷകര്‍ക്ക് സുപരിചിതനായ മിഥുട്ടി വിവാഹിതനായി. പാര്‍വതി ആണ് വധു. ദീര്‍ഘനാളത്തെ പ്രണയത്തിന് ശേഷമാണ് ഇരുവരും വിവാഹിതരായത്. അടുത്ത ബന്ധുക്കളും സുഹൃത്തുക്കളും ചടങ്ങില്‍ പങ്കെടുത്തു. ഇരുവരുടെയും വിവാഹ ദൃശ്യങ്ങൾ സോഷ്യൽ മീഡിയയിൽ വൈറലാണ്.
ടിക്ക് ടോക്ക് വിഡിയോകളിലൂടെയും റീൽസുകളിലൂടെയും പ്രേക്ഷകർക്ക് സുപരിചിതനായ താരമാണ് തൃശൂർ സ്വദേശിയായ മിഥുട്ടി. റീലുകളിലൂടെ മിഥുട്ടിയുടെ പ്രകടനം കണ്ട ശേഷമാണ് ആവേശം എന്ന സിനിമയിലേക്ക് ജിത്തു മാധവൻ ക്ഷണിക്കുന്നത്. ചിത്രത്തിൽ 'കുട്ടി' എന്ന കഥാപാത്രത്തെയാണ് മിഥുട്ടി അവതരിപ്പിച്ചത്. സിനിമയിലെ മിഥുട്ടിയുടെ പ്രകടനം ഏറെ ശ്രദ്ധ നേടിയിരുന്നു.

'ആവേശം' താരം മിഥുട്ടി വിവാഹിതനായി

കൊച്ചി: ചെറായി ബീച്ചിൽ മദ്യലഹരിയിൽ അതിക്രമം നടത്തിയ വടകര സ്വദേശിനിയടക്കം നാല് പേരെ പൊലീസ് അറസ്റ്റ് ചെയ്തു. ചേന്ദമംഗലം സ്വദേശി രാഹുൽ ദേവ്, തൃശൂർ മേത്തല സ്വദേശി അജയ്, വടകര സ്വദേശി ഫർസാന, എറണാകുളം വടക്കേക്കര സ്വദേശി സിയ ഷിബു എന്നിവരെയാണ് അറസ്റ്റ് ചെയ്തത്.
സുഹൃത്തിന്‍റെ വിവാഹത്തിന് ചെറായിയിൽ എത്തിയതാണ് ഇവർ. മദ്യപിച്ച് ലക്കുകെട്ട് ബീച്ചിലെത്തിയ ഇവർ കടയുടമയുമായി വാക്കുതർക്കമായി. ഇത് പിന്നീട് അസഭ്യം പറയലിലേക്ക് നീങ്ങി. കസേര വലിച്ചെറിഞ്ഞും മറ്റും യുവതിയുടെ നേതൃത്വത്തിലുള്ള സംഘം അക്രമമുണ്ടാക്കി. അരമണിക്കൂർ സമയം പ്രദേശത്താകെ ഇവർ ബഹളമുണ്ടാക്കി.തുടർന്ന് പൊലീസ് എത്തി നടപടിയെടുക്കുകയായിരുന്നു. ഇവർ താമസിച്ച മുറിയിൽ പൊലീസ് പരിശോധന നടത്തിയെങ്കിലും നിയമവിരുദ്ധമായി ഒന്നും കണ്ടെത്താനായില്ല. പൊതുസ്ഥലത്ത് പ്രശ്നമുണ്ടാക്കിയതിന് ജാമ്യംകിട്ടാവുന്ന വകുപ്പുകൾ പ്രകാരമാണ് കേസെടുത്തത്.

മദ്യലഹരിയിൽ ബീച്ചിൽ അതിക്രമം;വടകര സ്വദേശിനിയടക്കം 4 പേർ അറസ്റ്റിൽ

ന്യൂഡല്‍ഹി: ഇന്ത്യയും പാകിസ്താനും വെടിനിര്‍ത്തല്‍ ധാരണയിലെത്തിയതിന് പിന്നാലെ വിദേശകാര്യ സെക്രട്ടറി വിക്രം മിസ്രിക്കെതിരെ കടുത്ത സൈബറാക്രമണം. മിസ്രിയെയും അദ്ദേഹത്തിന്റെ മകള്‍ക്കുനേരെയും അധിക്ഷേപകരമായ കമന്റുകളാണ് സൈബറിടത്തില്‍ ഒരുവിഭാഗം ആളുകളില്‍ നിന്നുണ്ടായത്. രാജ്യദ്രോഹിയെന്നും ചതിയനെന്നുമുള്ള കമന്റുകളാണ് പലരും പോസ്റ്റ് ചെയ്തത്. ചിലര്‍ മിസ്രിയുടെയും മകളുടെയും പൗരത്വം തന്നെ ചോദ്യം ചെയ്തു.
മിസ്രിയുടെ മകള്‍ അഭിഭാഷകയാണ്. റോഹിംഗ്യന്‍ അഭയാര്‍ഥികള്‍ക്ക് വേണ്ടി നിയമസഹായം ഉള്‍പ്പെടെയുള്ള കാര്യങ്ങള്‍ നല്‍കിയത് ചൂണ്ടിക്കാട്ടിയാണ് ചിലര്‍ കമന്റുകളുമായി വന്നത്. ഇതിന് പുറമെ ദി വയര്‍ എന്ന മാധ്യമസ്ഥാപനത്തിനെ അനുകൂലിച്ചെഴുതിയതിനെയും ചിലര്‍ വിമര്‍ശിച്ച് രംഗത്തെത്തി. സൈബര്‍ അധിക്ഷേപം രൂക്ഷമായതോടെ മിസ്രിയുടെ 'എക്സ്' അക്കൗണ്ട് ലോക്ക് ചെയ്തു.മുന്‍ സിവില്‍ സര്‍വീസ് ഉദ്യോഗസ്ഥരും രാഷ്ട്രീയ നേതാക്കളും മിസ്രിയെ പിന്തുണച്ച് രംഗത്ത് വന്നു.&nbsp;
മിസ്രിയ്ക്ക് പിന്തുണയുമായി മുന്‍ സഹപ്രവര്‍ത്തകര്‍, പ്രതിപക്ഷം, സിവില്‍ സര്‍വീസ് ഉദ്യോഗസ്ഥരുടെ കൂട്ടായ്മയും രംഗത്ത് വന്നിട്ടുണ്ട്.

വെടിനിർത്തൽ പ്രഖ്യാപനത്തിന് പിന്നാലെ വിക്രം മിസ്രിക്കും കുടുംബത്തിനുമെതിരേ സൈബറാക്രമണം

പത്തനംതിട്ട: പത്തനംതിട്ട ഡിസിസി വൈസ് പ്രസിഡന്റ് എം ജി കണ്ണൻ (42) അന്തരിച്ചു. പക്ഷാഘാതത്തെത്തുടർന്ന് സ്വകാര്യ ആശുപത്രിയിൽ ചികിത്സയിലായിരുന്നു. ചെന്നീർക്കര മാത്തൂർ സ്വദേശിയാണ്. ഇന്ന് വൈകിട്ട് അഞ്ചുമണിക്ക് വീട്ടുവളപ്പിലാണ് സംസ്‌കാരം.
കഴിഞ്ഞ നിയമസഭാ തിരഞ്ഞെടുപ്പിൽ അടൂരിൽ മത്സരിച്ചിരുന്നു. രണ്ട് തവണ ജില്ലാ പഞ്ചായത്തംഗമായും ചെന്നീർക്കര ഗ്രാമപഞ്ചായത്തംഗമായും സേവനമനുഷ്ഠിച്ചു. സ്റ്റാൻഡിംഗ് കമ്മിറ്റി ചെയർമാൻ, ആക്‌ടിംഗ് പ്രസിഡന്റ് സ്ഥാനങ്ങളും വഹിച്ചിട്ടുണ്ട്. രണ്ട് തവണ യൂത്ത് കോൺഗ്രസിന്റെ ജില്ലാ അദ്ധ്യക്ഷനായി. സജിതാമോൾ ആണ് ഭാര്യ. മക്കൾ: ശിവ കിരൺ, ശിവ ഹർഷൻ.

പത്തനംതിട്ട ഡിസിസി വൈസ് പ്രസിഡന്റ് എം ജി കണ്ണൻ അന്തരിച്ചു

കാസർകോട്: അമിത രക്തസ്രാവത്തെത്തുടർന്ന് പതിനാറുകാരി മരിച്ച സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു. കാസർകോട് വെള്ളരിക്കുണ്ടിലായിരുന്നു സംഭവം. പരപ്പ സ്വദേശിയായ പെൺകുട്ടിയാണ് മരിച്ചത്. അമിത രക്തസ്രാവത്തെ തുടർന്ന് കുട്ടിയെ കാഞ്ഞങ്ങാട്ടെ ആശുപത്രിയിൽ എത്തിക്കുകയായിരുന്നു. എന്നാൽ പിന്നീട് ആരോഗ്യാവസ്ഥ മോശമായതിനെത്തുടർന്ന് മംഗലാപുരത്തെ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
വൈദ്യപരിശോധനയിൽ പെൺകുട്ടി ഗർഭിണിയായിരുന്നുവെന്ന് സ്ഥിരീകരിച്ചിട്ടുണ്ട്. ഗർഭം അലസിപ്പിക്കുന്നതിനായി കുട്ടിക്ക് ഒറ്റമൂലി നൽകിയതായും ആരോപണമുണ്ട്. പോസ്റ്റുമോർട്ടം റിപ്പോർട്ട് ലഭിച്ചതിനുശേഷം മാത്രമേ കൂടുതൽ കാര്യങ്ങൾ വ്യക്തമാവുകയുള്ളൂവെന്ന് വെള്ളരിക്കുണ്ട് പൊലീസ് പറഞ്ഞു. പെൺകുട്ടി സഹപാഠിയുമായി പ്രണയത്തിലായിരുന്നുവെന്ന് ബന്ധുക്കൾ പറയുന്നു. ഈ ബന്ധത്തിന്റെ പേരിൽ പ്രശ്നങ്ങൾ ഉടലെടുത്തിരുന്നുവെന്നും വിവരമുണ്ട്.

അമിത രക്തസ്രാവത്തെത്തുടർന്ന് മരിച്ച പതിനാറുകാരി ഗർഭിണിയായിരുന്നുവെന്ന് സ്ഥിരീകരണം

തിരുവനന്തപുരം: കെ.പി.സി.സി പ്രസിഡന്റായി അഡ്വ. സണ്ണി ജോസഫ് എം.എൽ.എ തിങ്കളാഴ്ച ചുമതലയേല്‍ക്കും. ഇന്ത്യ-പാക് സംഘര്‍ഷ സാഹചര്യത്തില്‍ കെ.പി.സി.സി ആസ്ഥാനത്ത് മുതിര്‍ന്ന നേതാക്കളുടെ സാന്നിധ്യത്തില്‍ നടക്കുന്ന ലളിതമായ ചടങ്ങുകളോടെ ആയിരിക്കും ചുമതല ഏറ്റെടുക്കല്‍. കെ.പി.സി.സി വര്‍ക്കിങ് പ്രസിഡന്റുമാരായ പി.സി. വിഷ്ണുനാഥ് എം.എല്‍.എ, എ.പി. അനില്‍കുമാര്‍ എം.എല്‍.എ, ഷാഫി പറമ്പില്‍ എം.പി എന്നിവരും യു.ഡി.എഫ് കണ്‍വീനറായി അടൂര്‍ പ്രകാശ് എം.പിയും ഇന്ന് ചുമതലയേൽക്കും.
തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് വരാനിരിക്കെയാണ് കെ.പി.സി.സി തലപ്പത്ത് അഴിച്ചുപണികൾ നടത്തുന്നത്. മുതിർന്ന തേതാക്കൾ ഉൾപ്പെടെ കെ. സുധാകരൻ അധ്യക്ഷനായി തുടരണമെന്ന് ആവശ്യവുമായി രംഗത്തുവന്നെങ്കിലും നേതൃമാറ്റമെന്ന തീരുമാനവുമായി എ.ഐ.സി.സി മുന്നോട്ടുപോകുകയായിരുന്നു. നിലവിലെ യു.ഡി.എഫ് കണ്‍വീനറായ എം.എം. ഹസ്സൻ, വര്‍ക്കിങ് പ്രസിഡന്റുമാരായ കൊടിക്കുന്നില്‍ സുരേഷ്, ടി.എന്‍. പ്രതാപന്‍, ടി. സിദ്ധീഖ് എന്നിവരെ പദവിയില്‍നിന്ന് നീക്കിയാണ് പുതിയ നേതൃത്വത്തെ പ്രഖ്യാപിച്ചത്.
കോ​ൺ​ഗ്ര​സി​ന് കി​ട്ടി​ക്കൊ​ണ്ടി​രു​ന്ന ക​ത്തോ​ലി​ക്കാ വോ​ട്ടു​ക​ള്‍ ബി.​ജെ.​പി ചോ​ർ​ത്തു​ക​യും എ.​കെ. ആ​ന്റ​ണി​യെ​യും ഉ​മ്മ​ന്‍ ചാ​ണ്ടി​യെ​യും പോ​ലൊ​രു ക്രി​​സ്ത്യ​ൻ നേ​താ​വ് കേ​ര​ള​ത്തി​ൽ കോ​ൺ​ഗ്ര​സി​ന്റെ ത​ല​പ്പ​ത്ത് ഇ​ല്ലാ​തി​രി​ക്കു​ക​യും ചെ​യ്ത​താ​ണ് കെ.​പി.​സി.​സി പ്ര​സി​ഡ​ന്റ് പ​ദ​വി​യി​ലേ​ക്ക് ക്രി​സ്ത്യ​ൻ സ​മു​ദാ​യ​ത്തി​ൽ ​നി​ന്നു​ള്ള നേ​താ​വി​നെ കൊ​ണ്ടു​വ​രു​ന്ന​തി​ന് വ​ഴി​വെ​ച്ച​ത്. രാവിലെ 9.30ന് ആരംഭിക്കുന്ന ചടങ്ങിൽ പ്രതിപക്ഷനേതാവ് വി.ഡി. സതീശന്‍, കോണ്‍ഗ്രസ് പ്രവര്‍ത്തക സമിതി അംഗങ്ങള്‍, എ.ഐ.സി.സി ഭാരവാഹികൾ, മുന്‍ കെ.പി.സി.സി അധ്യക്ഷന്‍മാര്‍, എം.പിമാര്‍, എം.എല്‍.എമാര്‍ ഉള്‍പ്പെടെയുള്ളവർ പങ്കെടുക്കും.

കെ.പി.സി.സി അധ്യക്ഷനായി സണ്ണി ജോസഫ് ഇന്ന് ചുമതലയേൽക്കും

റായ്‌പൂർ: നിറയെ ജനങ്ങളുമായി വന്ന ട്രക്ക് ഒരു ട്രെയിലർ ലോറിയിലേക്ക് ഇടിച്ചുകയറി 13പേർ മരിച്ചു. നിരവധിപേർക്ക് പരിക്കേറ്റു. ഛത്തീസ്ഗഡിലെ സരഗാവോനിന് സമീപമാണ് ദുരന്തം. റായ്‌പൂർ-ബലോഡബസാർ റോഡിൽ ഞായറാഴ്‌ച രാത്രിയോടെയാണ് അപകടമുണ്ടായതെന്ന് പൊലീസ് അറിയിച്ചു.
ചൗതീയ ഛട്ടി എന്ന സ്ഥലത്ത് ഒരു പരിപാടിയിൽ പങ്കെടുത്ത ജനങ്ങളെ നിറച്ച് വരികയായിരുന്നു ട്രക്ക്. 13 പേർ അപകടത്തിൽ മരിച്ചതായും റായ്‌പൂർ എസ്.പി ലാൽ ഉമ്മീദ് സിംഗ് അറിയിച്ചു. സ്‌ത്രീകളും കുട്ടികളുമാണ് മരിച്ചവർ. നാല് കുട്ടികളും ഒൻപത് സ്‌ത്രീകളും മരിച്ചതായാണ് വിവരം. ബൻസാരി ഗ്രാമത്തിൽ നിന്നും ഛട്ടോട് ഗ്രാമത്തിൽ ഒരു കുടുംബസംഗമത്തിൽ പങ്കെടുക്കാൻ പോയവരാണ് അപകടത്തിൽ പെട്ടവർ. പരിക്കേറ്റ 11ഓളം പേരെ റായ്‌പൂരിലെ ഡോ.അംബേദ്‌കർ സ്‌മാരക ആശുപത്രിയിൽ പ്രവേശിപ്പിച്ചതായാണ് വിവരം.

ട്രക്കും ട്രെയിലർ ലോറിയും തമ്മിൽ കൂട്ടിയിടിച്ച് വൻ അപകടം, 13 മരണം

ഇടുക്കി: ഏലപ്പാറയില്‍ യുവാവിനെ കാറിനുള്ളില്‍ മരിച്ചനിലയില്‍ കണ്ടെത്തി. ഏലപ്പാറ തണ്ണിക്കാനം പുത്തന്‍പുരയ്ക്കല്‍ ഷക്കീര്‍ ഹുസൈനാണ് (36) മരിച്ചത്. ഞായറാഴ്ച പുലർച്ചെ ഏലപ്പാറ ടൗണിന് സമീപം വാഗമണ്‍ റോഡില്‍ ബിവറേജസ് ഔട്‌ലറ്റിന്‌ സമീപത്തെ റോഡരികിൽ നിർത്തിയിട്ട കാറിനുള്ളിലാണ് മൃതദേഹം കണ്ടെത്തിയത്. മരണകാരണം വ്യക്തമല്ല. പീരുമേട് പോലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു. യുവാവിന്റെ മരണത്തില്‍ ദുരൂഹതയുള്ളതായി ബന്ധുക്കള്‍ ആരോപിച്ചു.
ഏലപ്പാറയില്‍ മത്സ്യവാപാരം നടത്തിവന്നിരുന്ന ആളാണ് ഷക്കീർ ഹുസൈൻ. ഇദ്ദേഹത്തെ കാണാതായതിനെത്തുടര്‍ന്ന് ബന്ധുക്കള്‍ രാത്രിയില്‍ അന്വേഷണം നടത്തിയിരുന്നു. അന്വേഷണത്തിനൊടുവിലാണ് കാറ് കണ്ടെത്തിയത്. കാറിന്റെ പിന്‍ സീറ്റില്‍ ഡോര്‍ തുറന്ന നിലയിലായിരുന്നു മൃതദേഹമെന്ന് ദൃക്‌സാക്ഷികള്‍ പറയുന്നു. തുടര്‍ന്ന് പീരുമേട് പോലീസില്‍ ഇവര്‍ വിവരമറിയിച്ചു.പീരുമേട് ഡിവൈഎസ്പി അടക്കമുള്ള പോലീസ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി. തുടര്‍ന്ന് മൃതദേഹം പോസ്റ്റുമോര്‍ട്ടം അടക്കമുള്ള നടപടികള്‍ക്കായി ആശുപത്രിയിലേക്ക് മാറ്റി.വാഹനത്തിനുള്ളില്‍ രക്തക്കറ കണ്ടെത്തിയിട്ടുണ്ട്. യുവാവിന്റെ ബന്ധുക്കളുടെ പരാതിയില്‍ പീരുമേട് പോലീസ് അന്വേഷണം നടത്തുന്നുണ്ട്. സിസിടിവി ദൃശ്യങ്ങളും പരിശോധിക്കുന്നുണ്ട്. ഫോറന്‍സിക് വിഭാഗം സ്ഥലത്തെത്തി തെളിവുകള്‍ ശേഖരിച്ചു.&nbsp;

ഇടുക്കിയിൽ യുവാവിനെ കാറിനുള്ളിൽ മരിച്ചനിലയിൽ കണ്ടെത്തി

തിരുവനന്തപുരം: പദ്മനാഭസ്വാമി ക്ഷേത്രത്തിൽനിന്ന് കാണാതായ സ്വർണം തിരികെക്കിട്ടി. ക്ഷേത്രത്തിനുള്ളിലെ മണൽപ്പരപ്പിൽനിന്നാണ് സ്വർണം തിരികെക്കിട്ടിയത്. ബോംബ് സ്ക്വാഡും പോലീസും ചേർന്ന് നടത്തിയ പരിശോധനയിലാണ് സ്വർണം കണ്ടെത്തിയത്. സ്ട്രോങ് റൂമിലെ സ്വർണം മണലിൽ എങ്ങനെ എത്തി എന്ന് കണ്ടെത്താനായിട്ടില്ല.
അതീവ സുരക്ഷയുള്ള ശ്രീ പത്മനാഭസ്വാമി ക്ഷേത്രത്തില്‍നിന്ന് കഴിഞ്ഞദിവസമാണ് 13 പവനോളം വരുന്ന സ്വർണം നഷ്ടപ്പെട്ട വിവരം അറിയുന്നത്. തുടർന്ന് വ്യാപകമായ അന്വേഷണം തുടരുന്നതിനിടെയാണ് മണലിൽനിന്ന് സ്വർണം കണ്ടെത്തിയത്.ശ്രീകോവിലിലെ വാതിലില്‍ പൂശാനായി കരുതിയിരുന്ന സ്വര്‍ണമായിരുന്നു ഇത്. ശനിയാഴ്ച രാവിലെയാണ് സ്വർണം കാണാതായതായി അധികൃതരുടെ ശ്രദ്ധയില്‍പെട്ടത്. തുടർന്ന് ക്ഷേത്ര ജീവനക്കാരെയടക്കം പോലീസ് ചോദ്യം ചെയ്തിരുന്നു. എന്നാൽ, കണ്ടെത്താൻ സാധിച്ചിരുന്നില്ല. സിസിടിവി പരിശോധിച്ചു നോക്കിയെങ്കിലും മോഷണ ശ്രമങ്ങളൊന്നും നടന്നതായുള്ള വിവരം ലഭിച്ചില്ല.
തുടർന്ന് പോലീസും ബോംബ് സ്ക്വാഡും ക്ഷേത്ര ജീവനക്കാരും ചേർന്ന് ക്ഷേത്രത്തിന്റെ പരിസരം മുഴുവൻ പരിശോധിക്കുകയായിരുന്നു. ഈ തിരച്ചിലിലാണ് സ്വർണം കണ്ടെത്തിയത്.&nbsp;

പദ്മനാഭസ്വാമി ക്ഷേത്രത്തിൽനിന്ന് കാണാതായ സ്വർണം മണലിൽ ഉപേക്ഷിച്ചനിലയിൽ കണ്ടെത്തി

നാവായിക്കുളം : നാവായിക്കുളത്ത് അയൽവാസിയുടെ പുരയിടത്തിലെ മരം ഒടിഞ്ഞു വീണ് രണ്ടാം ക്ലാസുകാരി മരിച്ചു. നാവായിക്കുളം കുടവൂർ ലക്ഷം കോളനിയിൽ എൻ. എൻ. ബി ഹൗസിൽ സഹദിന്റയും നാദിയയുടെയും മകൾ റിസ്‌വാനയാണ് (7) മരിച്ചത്.&nbsp;
റിസ്വാനയുടെ ഒന്നര വയസുള്ള സഹോദരൻ വീടിനു പിറകിൽ കളിച്ചു കൊണ്ടിരിക്കെ മരം ഒടിയുന്ന ശബ്ദം കേട്ട് രക്ഷിക്കാൻ റിസ്‌വാന ഓടിയെത്തുകയായിരുന്നു. ഇതിനിടെ മരം റിസ്‌വാനയുടെ ദേഹത്ത് വീണാണ് അപകടം സംഭവിച്ചതെന്നാണ് വിവരം. സഹോദരനെ അത്ഭുതകരമായി രക്ഷപെടുത്തുകയും ചെയ്തു. ഗുരുതരമായി പരിക്കേറ്റ റിസ് വാനയെ അടുത്തുള്ള സ്വകാര്യ ആശൂപത്രിയിലും തുടർന്ന് തിരുവനന്തപുരത്തെ ആശുപത്രിയിലും പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

മരം ഒടിഞ്ഞുവീണ് ഏഴുവയസ്സുകാരിക്ക് ദാരുണാന്ത്യം;

Search Results for: 12.05.2025