ന്യൂഡല്‍ഹി: പഹല്‍ഗാമിലുണ്ടായ ഭീകരാക്രമണത്തില്‍ പാകിസ്താനെതിരെ കടുത്ത നടപടികളുമായി ഇന്ത്യ. സിന്ധു നദീജല കരാര്‍ മരവിപ്പിച്ചു. പാകിസ്താന്‍ പൗരന്മാര്‍ക്ക് ഇനി വിസ നല്‍കില്ല. പാകിസ്താനിലുള്ള ഇന്ത്യന്‍ എംബസി അടച്ചുപൂട്ടി നയതന്ത്രജ്ഞരെ തിരിച്ചുകൊണ്ടുവരും. പാക് നയതന്ത്രജ്ഞര്‍ ഇന്ത്യ വിടണം. വാഗ-അട്ടാരി അതിര്‍ത്തി അടച്ചുപൂട്ടും. തുടങ്ങിയ തീരുമാനങ്ങളാണ് കൈക്കൊണ്ടിട്ടുള്ളത്.&nbsp;
പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ചേര്‍ന്ന സുരക്ഷ സംബന്ധിച്ച കാബിനറ്റ് കമ്മിറ്റിയുടെ യോഗത്തിലാണ് ഇക്കാര്യങ്ങള്‍ തീരുമാനിച്ചത്. തീരുമാനങ്ങള്‍ വിദേശകാര്യ സെക്രട്ടറി വിക്രം മിസ്രി വിശദീകരിച്ചു. വിദേശകാര്യ വക്താവ് രണ്‍ധീര്‍ ജയ്സ്വാള്‍, ജോയിന്റ് സെക്രട്ടറി എം. ആനന്ദ് പ്രകാശ് തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.

പാകിസ്താനെതിരെ കടുത്ത നടപടികൾ ;അതിര്‍ത്തി അടച്ചു,സിന്ധു നദീജല കരാര്‍ മരവിപ്പിച്ചു

National

കൊച്ചി : പഹൽഗാം ഭീകരാക്രമണത്തിൽ കൊല്ലപ്പെട്ട കൊച്ചി ഇടപ്പള്ളി സ്വദേശി രാമചന്ദ്രന്റെ മൃതദേഹം (65)​ നാട്ടിലെത്തിച്ചു. ഡൽഹി വഴി നെടുമ്പാശേരി വിമാനത്താവളത്തിൽ എത്തിച്ച മൃതദേഹം ജനപ്രതിനിധികളും ബന്ധുക്കളും ചേർന്ന് ഏറ്റുവാങ്ങി.&nbsp;
മന്ത്രിമാരായ പി. രാജീവ്,​ പി. പ്രസാദ്,​ പ്രതിപക്ഷ നേതാവ് വി.ഡി. സതീശൻ,​ കേന്ദ്രമന്ത്രി സുരേഷ് ഗോപി,​ എം.എൽ.എമാർ,​ എം.പിമാർ തുടങ്ങിയവരും നെടുമ്പാശേരിയിൽ എത്തിയിരുന്നു. മൃതദേഹം ഇന്ന് മോർച്ചറിയിലേക്ക് മാറ്റും. മറ്റന്നാൾ രാവിലെ ഏഴു മണി മുതൽ ഒമ്പത് വരെ ചങ്ങമ്പുഴ പാർക്കിൽ മൃതദേഹം പൊതുദർശനത്തിന് വയ്ക്കും. വെള്ളിയാഴ്ച ഉച്ചയ്ക്ക് 12ന് ചങ്ങമ്പുഴ പൊതുശ്മശാനത്തിലാണ് സംസ്കാരം നിശ്ചയിച്ചിരിക്കുന്നത്. രാമചന്ദ്രന്റെ അമേരിക്കയിലുള്ള സഹോദരന് എത്താനായിട്ടാണ് സംസ്കാര ചടങ്ങുകൾ വെള്ളിയാഴ്ചയിലേക്ക് മാറ്റിയത്..

പഹൽഗാം ഭീകരാക്രമണം : രാമചന്ദ്രന്റെ മൃതദേഹം കൊച്ചിയിലെത്തിച്ചു,​ സംസ്കാരം വെള്ളിയാഴ്ച

Kerala

മണിയൂർ: മണിയൂർ ഹൈസ്കൂൾ മുൻ അധ്യാപകനും സാംസ്കാരിക പ്രവർത്തകനുമായ ഒ ജി കെ കുറുന്തോടിയുടെ എൺപത്തിയാറാം പിറന്നാൾ ദിനത്തിൽ കെ.പി. ഷാജി ഗ്രന്ഥാലയ പുസ്തക ഫണ്ടിലേക്ക് സംഭാവന നൽകി. വി.കെ.കരുണാകരൻ, പി എം രവി, ഒ ജി കെ കുറുന്തോടി, ഓമന എന്നിവർ സംസാരിച്ചു. കെ.കെ. പ്രദീപൻ സ്വാഗതവും ലൈബ്രേറിയൻ കെ ധന്യ നന്ദിയും പറഞ്ഞു.

പിറന്നാൾ ദിനത്തിൽ പുസ്തക ഫണ്ടിലേക്ക് സംഭാവന നൽകി

Vadakara

കോ​ഴി​ക്കോ​ട്: ബ​സ് യാ​ത്ര​ക്കാ​ര​നെ ക​ഴു​ത്ത് ഞെ​രി​ച്ച് ശ്വാ​സം മു​ട്ടി​ച്ച് കൊ​ല്ലാ​ൻ ശ്ര​മി​ക്കു​ക​യും പ​ണ​വും മൊ​ബൈ​ൽ ഫോ​ണും കൈ​വ​ശ​പ്പെ​ടു​ത്തു​ക​യും ചെ​യ്ത പ​റ​മ്പി​ൽ ബ​സാ​ർ ഹ​യ​റൂ മ​ൻ​സി​ലി​ൽ റം​ഷാ​ദ് (28) ക​സ​ബ പൊ​ലീ​സ് പി​ടി​യി​ലാ​യി. പെ​രു​മ​ണ്ണ- കോ​ഴി​ക്കോ​ട് റൂ​ട്ടി​ലോ​ടു​ന്ന സാ​ഹി​ർ ബ​സി​ന്റെ പി​ൻ​സീ​റ്റി​ലി​രു​ന്ന് യാ​ത്ര ചെ​യ്ത​യാ​ളെ കി​ണാ​ശ്ശേ​രി എ​ത്തി​യ സ​മ​യം തൊ​ട്ട​ടു​ത്തി​രി​ക്കു​ക​യാ​യി​രു​ന്ന പ്ര​തി, അ​ന​ങ്ങാ​ൻ സ​മ്മ​തി​ക്കാ​തെ ക​ഴു​ത്തി​ൽ പി​ടി​ച്ച് മു​റു​ക്കി​യും മു​ഖ​ത്ത് അ​ടി​ച്ചും നെ​ഞ്ചി​ൽ ച​വി​ട്ടി​യും പ​രി​ക്കേ​ൽ​പ്പി​ച്ച് ഷ​ർ​ട്ടി​ന്റെ പോ​ക്ക​റ്റി​ലു​ണ്ടാ​യി​രു​ന്ന മൊ​ബൈ​ൽ ഫോ​ണും 4500 രൂ​പ​യും ബ​ല​മാ​യി പി​ടി​ച്ചു​പ​റി​ച്ച് കൊ​ണ്ടു​പോ​വു​ക​യാ​യി​രു​ന്നു.&nbsp;
ര​ണ്ടാം ഗേ​റ്റി​ന​ടു​ത്തു​ള്ള മൊ​ബൈ​ൽ ഷോ​പ്പി​നു മു​ന്നി​ൽ മ​ക്ക​ട സ്വ​ദേ​ശി നി​സാ​മു​ദ്ദീ​നെ ത​ട​ഞ്ഞു​വെ​ച്ച് ആ​ക്ര​മി​ച്ച് പ​രി​ക്കേ​ൽ​പി​ച്ച​തി​നും ഭീ​ഷ​ണി​പ്പെ​ടു​ത്തി​യ​തി​നു​മാ​യി ഇ​യാ​ൾ​ക്കെ​തി​രെ ടൗ​ൺ സ്റ്റേ​ഷ​നി​ൽ കേ​സ് നി​ല​വി​ലു​ണ്ടെ​ന്ന്​ പൊ​ലീ​സ് പ​റ​ഞ്ഞു. പ്ര​തി​യെ റി​മാ​ൻ​ഡ് ചെ​യ്തു.

കോഴിക്കോട് ബസ് യാത്രക്കാരനെ കഴുത്ത് ഞെരിച്ച് കൊല്ലാൻ ശ്രമിച്ച യുവാവ് പിടിയിൽ

Kozhikode

കോഴിക്കോട്: സൗഹൃദം അവസാനിപ്പിച്ചതിന് യുവതിയെ കുത്തിപ്പരിക്കേൽപ്പിച്ച പ്രതി പിടിയിൽ. ചക്കുകടവ് സ്വദേശിയായ സലീമിനെയാണ് (56) നല്ലളം പൊലീസ് അറസ്റ്റ് ചെയ്തത്. കള്ളിക്കുന്ന് സ്വദേശിനി ജംഷീലയ്ക്കാണ് കുത്തേറ്റത്. ഗുരുതര പരിക്കേറ്റ ഇവരെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
വീടിന് സമീപത്തുള്ള ബസ് സ്റ്റോപ്പിൽ നിൽക്കുകയായിരുന്ന ജംഷീലയെ പ്രതി കുത്തി വീഴ്‌ത്തുകയായിരുന്നു. യുവതിയുടെ നിലവിളി കേട്ട് ഓടിയെത്തിയ പ്രദേശവാസികളാണ് ഇവരെ ആശുപത്രിയിലെത്തിച്ചത്. ജംഷീലയും സലീമും സുഹൃത്തുക്കളായിരുന്നു. എന്നാൽ ലഹരിക്കേസിൽ ജയിലിൽ അടയ്ക്കപ്പെട്ടതിനെത്തുടർന്ന് ജംഷീല പ്രതിയുമായുള്ള സൗഹൃദം ഉപേക്ഷിച്ചു. ഇതാണ് ആക്രമണത്തിന് കാരണമെന്നാണ് വിവരം. കോടതിയിൽ ഹാജരാക്കിയ സലീമിനെ റിമാൻഡ് ചെയ്തു.

സൗഹൃദം അവസാനിപ്പിച്ചതിന് യുവതിയെ കുത്തിപ്പരിക്കേൽപ്പിച്ച പ്രതി പിടിയിൽ

തിരുവനന്തപുരം: പി വി അൻവർ കോൺഗ്രസുമായും യുഡിഎഫുമായും സഹകരിക്കുമെന്ന് പ്രതിപക്ഷനേതാവ് വി ഡി സതീശൻ. അൻവറിന്റെ മുന്നണി പ്രവേശനം യുഡിഎഫ് ചർച്ച ചെയ്ത് തീരുമാനിക്കുമെന്നും അദ്ദേഹം വ്യക്തമാക്കി. അൻവറുമായി കോൺഗ്രസ് നേതൃത്വം നടത്തിയ ചർച്ചയ്ക്കുശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
'അൻവർ കോൺഗ്രസുമായും യുഡിഎഫുമായും സഹകരിച്ച് നിൽക്കും. ആ നിർദ്ദേശങ്ങൾ കോൺഗ്രസിലും യുഡിഎഫിലും ചർച്ച ചെയ്ത് തീരുമാനമെടുത്ത് അദ്ദേഹത്തെ അറിയിക്കും. ഒപ്പം നിന്ന് പ്രവർത്തിക്കുമെന്ന് അൻവർ പറഞ്ഞിട്ടുണ്ട്. ആ സഹകരണം കോൺഗ്രസ് സ്വീകരിച്ചിട്ടുണ്ട്. മുന്നണിയിൽ ആലോചിക്കാതെ മുന്നണി പ്രവേശനത്തെക്കുറിച്ച് പറയാനാകില്ല. എല്ലാ യുഡിഎഫ് ഘടകകക്ഷികളുമായി ചർച്ച ചെയ്ത ശേഷമേ മുന്നണി പ്രവേശനം സംബന്ധിച്ച് തീരുമാനം എടുക്കാനാകൂ.കോൺഗ്രസും യുഡിഎഫും പ്രഖ്യാപിക്കുന്ന ഏതു സ്ഥാനാർത്ഥിക്കും പി വി അൻവർ പരിപൂർണ പിന്തുണ നൽകും.'- വി ഡി സതീശൻ പറഞ്ഞു.

പി വി അൻവർ കോൺഗ്രസുമായി സഹകരിക്കുമെന്ന്  വി ഡി സതീശൻ

കൊച്ചി: കൊച്ചി കേന്ദ്രീയ ഭവനിൽ ഇമെയിൽ വഴി ബോംബ് ഭീഷണി സന്ദേശം. ബുധാനാഴ്ച പുലർച്ചെ നാല് മണിയോടെയാണ് ഭീഷണി സന്ദേശം വന്നത്. കേന്ദ്രീയ ഭവനിന്റെ കെട്ടിടത്തിൽ ബോംബ് വെച്ചിട്ടുണ്ടെന്നാണ് സന്ദേശമെത്തിയത്.
തുടർന്ന് പൊലീസും ബോംബ് സ്ക്വാഡും പരിശോധന തുടരുകയാണ്. മൂന്ന് ബ്ലോക്കുകളുള്ള വലിയ കെട്ടിടമാണ് കേന്ദ്രീയ ഭവന്റെത്. ഇതുവരെ ഒന്നും സംശയാസ്പദമായി ഒന്നും കണ്ടെത്തിയിട്ടില്ല.
കഴിഞ്ഞ ദിവസം ഹൈകോടതിയിലും ബോംബ് ഭീഷണി എത്തിയിരുന്നു. പരിശോധനയിൽ വ്യാജമാണെന്ന് തെളിയുകയും ചെയ്തു.

കൊച്ചി കേന്ദ്രീയ ഭവനിൽ ഇമെയിൽ വഴി ബോംബ് ഭീഷണി സന്ദേശം ;പരിശോധന തുടരുന്നു

തിരുന്നാവായ: ഇരുപതാം വാർഷികത്തോട് അനുബന്ധിച്ച് നവജീവൻ വിദ്യാദീപം വായനശാല 'ജ്വാല 2025' പരിപാടി സംഘടിപ്പിച്ചു. തിരക്കഥാകൃത്തും സിനിമ സംവിധായകനുമായ രവീന്ദ്രനാഥ് വൈരങ്കോട് സ്വാഗതം പറഞ്ഞു. ടി .കെ അലവിക്കുട്ടി അധ്യക്ഷത വഹിച്ചു. പ്രശസ്ത സാഹിത്യകാരനും മോട്ടിവേറ്ററുമായ ഇബ്രാഹിം തിക്കോടി ഉദ്ഘാടനം നിർവഹിച്ചു. ലഹരി വേണ്ടതും, വേണ്ടാത്തതും എന്ന വിഷയത്തിൽ തിരുന്നാവായ പഞ്ചായത്ത് വൈസ് പ്രസിഡണ്ട് കെ. ടി മുസ്തഫ മുഖ്യപ്രഭാഷണം നടത്തി. വെട്ടൻ ശരീഫ് ഹാജി, അബ്ദുൽ ജലീൽ ടി.വി, ടി. കെ മുഹമ്മദ് കുട്ടി, ഷെരീഫ് തിരുത്തി, ശറഫുദ്ദീൻ കക്കിടി, അശ്വിൻകൃഷ്ണ, ജിഷ്ണുനാഥ്‌, കെ.എ.ഖാദർ, ,റീന പാലക്കാട്ട്, കാർത്തിക് വള്ളത്തോൾ, മുരളീധരൻ, വേണുഗോപാൽ പാലക്കാട്ട്, അഷ്റഫ് വയനാട് എന്നിവർ സംസാരിച്ചു.&nbsp;
നൃത്താധ്യാപിക സുഭദ്ര, ജീവകാരുണ്യ പ്രവർത്തകൻ ബക്കർ അമരിയിൽ, എഴുത്തുകാരൻ അനസ് കുറ്റൂർ, മുൻ സൈനിക ഉദ്യോഗസ്ഥനും നാടകനടനുമായ മോഹൻദാസ് മുതലേത്ത്, സിനിമ പിന്നണിഗായകൻ സുരേഷ് നാരായണൻ കോഴിക്കോട് , ആർട്ടിസ്റ്റ് അഭിലാഷ് തിരൂർ എന്നിവരെ അനുമോദിച്ചു. മികച്ച കർഷകനും അഭിനേതാവുമായ പരേതനായ മാട്ടുമ്മൽ ദാമോദരൻ നായരെ ചടങ്ങിൽ അനുസ്മരിച്ചു. അദ്ദേഹത്തിന് വേണ്ടി മകൻ വേണുഗോപാൽ നവജീവന്റെ ആദരം ഏറ്റുവാങ്ങി. കവയത്രിയും കഥാകൃത്തുമായ പ്രമീള എഴുതിയ "ജീനുകളുടെ ജൈത്രയാത്ര" കഥാസമാഹാരത്തിന്റെ കോപ്പികൾ അനസ് കൂറ്റൂർന് കൈമാറി .അഷ്റഫ് ബാപ്പു കൈത്തക്കര നന്ദി പ്രകാശിപ്പിച്ചു.&nbsp;

നവജീവൻ കലാ വേദി 'ജ്വാല 2025' സംഘടിപ്പിച്ചു

Inshort

മുതുവടത്തൂർ: കൂനാറമ്പത്ത് മാതു (87) അന്തരിച്ചു. ഭർത്താവ്: പരേതനായ ചാത്തു. മക്കൾ: ലീല , രാജൻ, ശോഭ, അശോകൻ (സെക്രട്ടരി പുറമേരി മണ്ഡലം കോൺഗ്രസ് കമ്മറ്റി ,കൺവീനർ 15-ാം വാർഡ് വികസന സമിതി ), കമല , വിനു ( പ്രസിഡൻ്റ് വാർഡ് കോൺഗ്രസ് കമ്മിറ്റി ). മരുമക്കൾ: കുമാരൻ, നിഷ (കാർത്തികപ്പള്ളി), നിഷ (വിലാതപുരം), വാസു (വട്ടോളി ), വിനീത (പുറമേരി), പരേതനായ മനോജൻ (അരൂർ). സഹോദരങ്ങൾ: കണ്ണൻ, കുഞ്ഞിരാമൻ, കുമാരൻ , പരേതരായ ചാത്തു, നാരായണി.

മുതുവടത്തൂർ കൂനാറമ്പത്ത് മാതു അന്തരിച്ചു

Obituary

ന്യൂജഴ്സി: മലയാളി വിദ്യാർഥിനി അമേരിക്കയിൽ വാഹനാപകടത്തിൽ മരിച്ചു. വടകര സ്വദേശി ഹെന്ന (21) യാണ് മരിച്ചത്. ന്യൂജഴ്സിയിലെ റട്ട്ഗേസ് യൂണിവേഴ്സിറ്റി വിദ്യാർഥിനിയാണ്. കോളേജിലേക്ക് പോകും വഴി ഹന്നയുടെ കാറിൽ മറ്റൊരു കാർ ഇടിച്ചാണ് അപകടം. കസ്റ്റംസ് റോഡ് ചീക്കിൽ അസ്‍ലം - സാദിജ ചേളന്നൂർ ദമ്പതികളുടെ മകളാണ്. രക്ഷിതാക്കൾക്കൊപ്പം ന്യൂജഴ്സിയിലായിരുന്നു താമസം. മൃതദേഹം മോർച്ചറിയിൽ സൂക്ഷിച്ചിരിക്കുകയാണ്. പൊലീസ് നടപടികൾ പുരോഗമിക്കുന്നു.

വടകര സ്വദേശിനിയായ വിദ്യാർഥിനി യുഎസിൽ വാഹനാപകടത്തിൽ മരിച്ചു

നാദാപുരം: വിലങ്ങാട് ഉരുൾപൊട്ടൽ ദുരന്തം അനുഭവിക്കുന്നവരുടെ പുനരധിവാസ നടപടികൾ വേഗത്തിലാക്കുകയും വയനാടിന് നൽകുന്ന എല്ലാ പരിഗണനയും വിലങ്ങാടിനും ലഭ്യമാക്കുമെന്നും റവന്യൂ വകുപ്പ് മന്ത്രി കെ.രാജൻ. വിലങ്ങാട് പുനരധിവാസവുമായി ബന്ധപ്പെട്ട് സ്വീകരിച്ച നടപടികളെ കുറിച്ച് വിലയിരുത്തുന്നതിനായി ചേർന്ന യോഗത്തിൽ സംസാരിക്കുകയായിരുന്നു മന്ത്രി. ചൂരൽമലയിൽ സർക്കാർ സ്വീകരിച്ച അതേ നടപടികളാണ് വിലങ്ങാട് പുനരധിവാസത്തിലും സർക്കാർ സ്വീകരിക്കുക. ഈ വിഷയത്തിൽ ഒരു പക്ഷഭേദവും സർക്കാരിൻറെ ഭാഗത്തുനിന്നും ഉണ്ടാകില്ലെന്നും ജീവനോപാധി നഷ്ടപ്പെട്ട കുടുംബങ്ങളിലെ വ്യക്തികൾക്ക് നൽകി വന്നിരുന്ന 300 രൂപ ഒരു മാസം കൂടി നൽകുന്നതിനുള്ള നടപടി സ്വീകരിക്കുമെന്നും മന്ത്രി പറഞ്ഞു. ദുരന്തബാധിത സമയത്ത് ആ പ്രദേശങ്ങളിലെ വൈദ്യുതി ചാർജ് പൂർണമായും ഒഴിവാക്കി നൽകും. ഉരുൾപൊട്ടലിനു ശേഷം പുഴകളിൽ അടിഞ്ഞുകൂടിയ ചെളിയും പാറയും എക്കലും മെയ് മാസത്തിനുള്ളിൽ പൂർണ്ണമായും നീക്കം ചെയ്യുന്നതിനായുള്ള പ്രവർത്തികൾ ആരംഭിക്കും ഇതിനാവശ്യമായ തുക അനുവദിക്കാനും തീരുമാനമായിട്ടുണ്ട്.&nbsp;
ദുരന്തം കൂടുതൽ ബാധിച്ച നാല് വാർഡുകളിൽ അടിയന്തരമായി നടത്തേണ്ട വർക്കുകൾക്കായി എസ് ഡി എം എ യുടെ ഫണ്ടിൽ നിന്നും തുക അനുവദിക്കും. അടിയന്തര ആവശ്യങ്ങൾക്കായി ഷെൽട്ടർ നിർമ്മിക്കുന്നതിന് വിലങ്ങാട് പ്രദേശത്ത് എയ്ഡഡ് സ്കൂൾ തിരഞ്ഞെടുത്തിട്ടുണ്ട്. മഴക്കാലം മുൻകൂട്ടി കണ്ടുകൊണ്ട് കളക്ടറുടെയും മറ്റു പ്രധാന വകുപ്പുകളുടെയും സംഘങ്ങൾ വിലങ്ങാട് സന്ദർശിക്കുകയും സ്വീകരിക്കേണ്ട നടപടികളെ കുറിച്ച് യോഗം ചേരാനും തീരുമാനിച്ചതായി മന്ത്രി പറഞ്ഞു. മന്ത്രി കെ രാജൻ്റെ അധ്യക്ഷതയിൽ ചേർന്ന യോഗത്തിൽ ഇ.കെ വിജയൻ എം.എൽഎ, ജില്ലാ കലക്ടർ സ്നേഹിൽ കുമാർ സിംഗ്, സബ് കളക്ടർ ഹർഷിൽ ആർ മീണ, എ.ഡി.എം സി മുഹമ്മദ് റഫീഖ്, ഡെപ്യൂട്ടി കളക്ടർ ഇ അനിത കുമാരി, തഹസിൽദാർമാർ, മറ്റു വകുപ്പ് ഉദ്യോഗസ്ഥർ തുടങ്ങിയവർ യോഗത്തിൽ പങ്കെടുത്തു.

വയനാടിന് നൽകുന്ന എല്ലാ പരിഗണനയും വിലങ്ങാടിനും ലഭ്യമാക്കും; മന്ത്രി കെ രാജൻ

Nadapuram

ചായ പ്രേമികൾ അധികമായുള്ള നാടാണ് നമ്മുടെ കേരളം. രാവിലെയും വെെകിട്ടും ചായ കുടിക്കുന്ന ശീലം പലർക്കും ഉണ്ട്. ചായകളിൽ തന്നെ നിരവധി വെറെെറ്റികളുണ്ട്.എന്നാൽ നിങ്ങൾ തേങ്ങാപ്പാൽ ചായ കുടിച്ചിട്ടുണ്ടോ?
തേങ്ങാപ്പാൽ ചായ ആരോഗ്യത്തിന് വളരെ നല്ലതാണെന്ന് പലർക്കും അറിയില്ല. നിങ്ങളുടെ മൊത്തത്തിൽ ഉള്ള ആരോഗ്യം മെച്ചപ്പെടുത്താൻ കഴിയുന്ന അനേകം ഗുണങ്ങൾ തേങ്ങാപ്പാൽ ചായയിലുണ്ട്. ഈ ചായ രോഗപ്രതിരോധശേഷി വർധിപ്പിക്കുന്നുവെന്ന് വിദഗ്ധർ പറയുന്നു.ശരീരം ഭാരം കുറയ്ക്കാനും വളരെ നല്ലതാണ്. മഗ്നീഷ്യം, ഇരുമ്പ്, വിറ്റാമിൻ സി, പൊട്ടാസ്യം എന്നിവ അടങ്ങിയ തേങ്ങാപ്പാൽ ചായ ഹൃദയാരോഗ്യത്തിന് വളരെ നല്ലതാണെന്ന് വിദഗ്ധർ പറയുന്നു.&nbsp;
വളരെ എളുപ്പത്തിൽ തേങ്ങാപ്പാൽ ചായ ഉണ്ടാക്കാൻ കഴിയും. ഇത് തയ്യാറാക്കുന്ന വിധം നോക്കിയാലോ?ആദ്യം ഒരു പാത്രത്തിൽ രണ്ട് ഗ്ലാസ് വെള്ളം തിളപ്പിക്കുക. വെള്ളം ചൂടായി വരുമ്പോൾ രണ്ട് ഏലക്ക ചതച്ചത് ചേർക്കാം. തുടർന്ന് ആവശ്യത്തിന് പ‌ഞ്ചസാര ചേർക്കാം. ശേഷം വെള്ളം നന്നായി തിളച്ച് വരുമ്പോൾ ആവശ്യത്തിന് തേയിലപ്പൊടി ചേർക്കുക. എന്നിട്ട് ഇതിലേക്ക് ഒരു ഗ്ലാസ് തേങ്ങാപ്പാൽ ഒഴിച്ച് ഇളക്കി അരിച്ചെടുത്താൽ തേങ്ങാപ്പാൽ ചായ റെഡി. തേങ്ങാപ്പാൽ ഒഴിച്ചശേഷം ചായ തിളപ്പിക്കരുത്.

തേങ്ങാപ്പാൽ ചായ ഉണ്ടാക്കിയിട്ടുണ്ടോ..? സ്വാദിനാെപ്പം ഗുണങ്ങളും ഏറെയുണ്ട്

Health

പ്രായം കൂടുന്തോറും സ്ത്രീകൾ ബൈസെക്ഷ്വലായി മാറാനുള്ള സാധ്യത കൂടുതലാണെന്ന് പഠനം. ആണിനോടും പെണ്ണിനോടും ഒരുപോലെ ആകർഷണം തോന്നുന്നതിനെയാണ് ബൈസെക്ഷ്വൽ (ഉഭയവർഗ പ്രണയി) എന്ന് വിളിക്കുന്നത്. പ്രായമാകുന്തോറും സ്ത്രീകളുടെ ലൈംഗിക മുൻഗണനകളിൽ മാറ്റം വരുമെന്നും സ്ത്രീകളോടും പുരുഷനോടും ഒരുപോലെ ആകർഷണം ഉണ്ടാകാമെന്നും 2019ൽ ദി ജേർണൽ ഒഫ് സെക്‌സ് റിസർച്ചിൽ പ്രസിദ്ധീകരിച്ച പഠനത്തിലാണ് വ്യക്തമാക്കുന്നത്.
ഭിന്നലിംഗക്കാരായ ഒരു സ്ത്രീകളുടെ ഒരു ഗ്രൂപ്പിനെ എടുത്താൽ അതിൽ 60 ശതമാനം പേരും സ്ത്രീകളോട് ആകർഷണം തോന്നിയവരായിരിക്കും, 45 ശതമാനം പേർ സ്ത്രീകളുമായി ശാരീരികബന്ധം പുലർത്തിയവരാകാം, 50 ശതമാനം പേർ സ്ത്രീകളുമായി ബന്ധം പുലർത്തുന്നതിനെക്കുറിച്ച് ചിന്തിച്ചിട്ടുള്ളവരാകാമെന്ന് അമേരിക്കയിലെ ബോയ്‌സ് സ്റ്റേറ്റ് യൂണിവേഴ്‌സിറ്റിയിലെ ഗവേഷകർ നടത്തിയ പഠനത്തിൽ കണ്ടെത്തി.പുരുഷന്മാരേക്കാൾ സ്ത്രീകൾ വൈകാരികമായി പരസ്‌പരം അടുക്കുന്നു. ഇത് കാലക്രമേണ പ്രണയത്തിലേയ്ക്ക് നീങ്ങാമെന്ന് സൈക്കോളജി പ്രൊഫസർ എലിസബത്ത് മോർഗൻ പറയുന്നു. ബൈസെക്ഷ്വൽ അല്ലാത്ത സ്ത്രീകൾക്കും ഒരേലിംഗത്തിൽപ്പെട്ടവരോട് താത്‌പര്യം തോന്നാമെന്നും എലിസബത്ത് മോർഗൻ ചൂണ്ടിക്കാട്ടി.&nbsp;

പ്രായം കൂടുന്തോറും സ്ത്രീകൾ ബൈസെക്ഷ്വലായി മാറാനുള്ള സാധ്യത കൂടുതലാണെന്ന് പഠനം

കശ്മീർ : കശ്മീരിലെ പഹൽഗാം ഭീകരാക്രമണത്തിന്റെ തീവ്രത വെളിവാക്കുന്ന ഹൃദയംതകരുന്ന ചിത്രമായിരുന്നു വെടിയേറ്റ് മരിച്ച് കിടക്കുന്ന ഭർത്താവിന് മുന്നിൽ നിസ്സഹയതോടെ ഇരിക്കുന്ന ഭാര്യയുടെ ചിത്രം. ഹരിയാന സ്വദേശിയും കൊച്ചിയിൽ നാവിക സേന ഉദ്യോഗസ്ഥനുമായ വിനയ് നർവാളും (26) ഭാര്യ ഹിമാൻഷിയുമാണ് ചിത്രത്തിലുണ്ടായിരുന്നത്.ആക്രമണത്തിന്റെ ഭീകരത വിളിച്ചോതും ചിത്രമാണ് ചൊവ്വാഴ്ച വൈകിട്ട് മുതൽ സമൂഹമാധ്യമങ്ങളിൽ പങ്കുവെച്ചത്.
ഏപ്രിൽ 16നായിരുന്നു വിനയ് നർവാളിന്റെയും ഹിമാൻഷിയുടേയും വിവാഹം. വിവാഹാഘോഷങ്ങള്‍ക്ക് ശേഷം അവധിയെടുത്ത് 19നാണ് കശ്മീരിലേക്ക് പോകുന്നത്. പഹൽഗാമിലെ ബൈസരൻ വാലിയിൽ മധുവിധു ആഘോഷങ്ങൾക്കിടെയാണ് ഭീകരർ ഭാര്യയുടെ മുന്നിൽ വെച്ച് വിനയിനെ വെടിവെച്ച് വീഴ്ത്തുന്നത്.&nbsp;
പ​ഹ​ൽ​ഗാ​മി​ൽ വി​നോ​ദ​സ​ഞ്ചാ​രി​ക​ൾ​ക്കു​നേ​രെ ന​ട​ന്ന ഭീ​ക​രാ​ക്ര​മ​ണ​ത്തി​ൽ കൊല്ലപ്പെട്ടവരുടെ എണ്ണം 29 ആയി. 20 പേ​ർ​ക്കാണ് പ​രി​ക്കേ​റ്റത്. കൊല്ലപ്പെട്ടവരിൽ ഒരു മലയാളിയും ഉൾപ്പെടും. എറണാകുളം ഇടപ്പള്ളി മോഡേൺ ​ബ്രഡിനടുത്ത് എൻ. രാമചന്ദ്രനാണ് (65) മരിച്ചത്.&nbsp;

വെടിയേറ്റ് വീണത് ഭാര്യയുടെ മുന്നിൽ; ഹൃദയംതകരുന്ന ആ ചിത്രം നാവികസേന ഓഫീസറുടേത്, വിവാഹം കഴിഞ്ഞത് 6 ദിവസം മുന്‍പ്

കൊച്ചി: ഇരിങ്ങാലക്കുട കൂടൽമാണിക്യം ക്ഷേത്രത്തിലെ കഴകം തസ്തികയിലേക്കുള്ള നിയമനം ഒരാഴ്ചത്തേക്ക്​ തടഞ്ഞ്​ ഹൈകോടതി. ദേവസ്വം റിക്രൂട്ട്മെന്റ് ബോർഡിന്റെ റാങ്ക് പട്ടികയിൽ നിന്നുള്ള നിയമനമാണ്​ ജസ്റ്റിസ് ദേവൻ രാമചന്ദ്രൻ, ജസ്റ്റിസ് പി.വി. ബാലകൃഷ്ണൻ എന്നിവരടങ്ങുന്ന ബെഞ്ച്​ തടഞ്ഞത്​.
കഴകത്തിന് പാരമ്പര്യാവകാശമുന്നയിച്ച് ഇരിങ്ങാലക്കുട തേക്കേ വാരിയത്ത് ടി.വി. ഹരികൃഷ്ണനടക്കം നൽകിയ ഹരജിയാണ്​ കോടതി പരിഗണിച്ചത്​. ഒന്നാം പേരുകാരനായ ബി.എ. ബാലു രാജിവെച്ച ഒഴിവിലേക്ക്​ രണ്ടാമനായ​ കെ.എസ്. അനുരാഗിനാണ്​ നിയമനം നൽകേണ്ടിയിരുന്നത്​. ഹരജി വീണ്ടും 29ന്​ പരിഗണിക്കും.

കൂടൽമാണിക്യം ക്ഷേത്രത്തിലെ കഴകം നിയമനം ഒരാഴ്ചത്തേക്ക്​ തടഞ്ഞ്​ ഹൈകോടതി

പഹൽഗാം: പഹൽഗാമിൽ ആക്രമണം നടത്തിയ ഭീകരരുടെ രേഖാചിത്രങ്ങൾ പുറത്തുവിട്ട് സുരക്ഷാസേന. ആസിഫ് ഫുജി, സുലെെമാൻ ഷാ, അബു തൽഹ എന്നീ മൂന്ന് ഭീകരരെയാണ് തിരിച്ചറിഞ്ഞത്. ഇവർക്കായുള്ള തെരച്ചിൽ ശക്തമാക്കിയിട്ടുണ്ട്.
കാശ്‌മീരിലുള്ള രണ്ടുപേർ ഉൾപ്പടെ ആറ് ഭീകരരാണ് ആക്രമണം നടത്തിയതെന്നാണ് റിപ്പോർട്ട്. ഇതിൽ രണ്ടുപേർ പ്രാദേശിക തീവ്രവാദികളാണ്. ഇവരെ സുരക്ഷാസേന തിരിച്ചറിഞ്ഞിട്ടുണ്ട്. 2017ൽ പരിശീലനത്തിനായി ഇവർ പാകിസ്ഥാനിലേക്ക് കടന്ന് വിദേശ ഭീകരരുടെ അവസാന ബാച്ചിനൊപ്പം ചേർന്നുവെന്നാണ് വിലയിരുത്തൽ.പാകിസ്ഥാൻ ആസ്ഥാനമായുള്ള ഭീകര സംഘടനയായ ലഷ്‌കർ ഇ തയ്‌ബയുടെ പ്രാദേശിക ശാഖയായ റെസിസ്റ്റൻസ് ഫ്രണ്ട് ആക്രമണത്തിന്റെ ഉത്തരവാദിത്തം ഏറ്റെടുത്തു. ആക്രമണത്തിന് ലഷ്‌കർ ഇ തയ്‌ബയുടെ കമാൻഡർ സെയ്‌ഫുള്ള കസൂരിയാണ് നേതൃത്വം നൽകിയതെന്നാണ് റിപ്പോർട്ട്.

പഹൽഗാം ഭീകരാക്രമണം; മൂന്ന് ഭീകരരുടെ രേഖാചിത്രം പുറത്തുവിട്ട് സുരക്ഷാ സേന

വില്യാപ്പള്ളി : കുറഞ്ഞാലിയോട് ജീവധാര ചാരിറ്റബിൾ സൊസൈറ്റി നൽകിവരുന്ന കുടുംബസഹായകിറ്റിന്റെ ഒരുമാസത്തെ ചെലവിലേക്ക് നവവധൂവരന്മാരുടെ കൈത്താങ്ങ്. അരിക്കാംവീട്ടിൽ സുനിയുടെയും ബിന്ദുവിന്റെയും മകൻ അനുവിന്ദും ദിവ്യയുമാണ് വിവാഹത്തോടനുബന്ധിച്ച്‌ സഹായം നൽകിയത്.
ചടങ്ങിൽ പ്രസിഡന്റ് കെ.പി. വിനോദൻ അധ്യക്ഷതവഹിച്ചു. സി. രാജൻ, എ.കെ. സത്യൻ, എം.കെ. മനോജൻ, വി. ബാബു, വിജയൻ ചാത്തോത്ത് എന്നിവർ സംസാരിച്ചു.

കനിവിന്റെ കൈത്താങ്ങായി നവവധൂവരന്മാരും

തിരുവനന്തപുരം: കേരളത്തിലെ അമ്പതാമത് ചീഫ് സെക്രട്ടറിയായ എ ജയതിലക് ഐഎഎസിനെ തിരഞ്ഞെടുത്തു. ഇന്നുചേർന്ന മന്ത്രിസഭാ യോഗത്തിലേതാണ് തീരുമാനം. നിലവിൽ ധനകാര്യവകുപ്പിലെ അഡീഷണൽ ചീഫ് സെക്രട്ടറിയാണ് അദ്ദേഹം.
ശാരദാ മുരളീധരൻ ഈ മാസം 30ന് വിരമിക്കാനിരിക്കെയാണ് പുതിയ തീരുമാനം. ഈ സ്ഥാനത്തേക്ക് രണ്ട് പേരുകളാണ് ഉയർന്നുവന്നിരുന്നത്. പുതിയ ചീഫ് സെക്രട്ടറി സ്ഥാനത്തേക്ക് കേരള കേഡറിലെ മുതിർന്ന ഐഎഎസ് ഉദ്യോഗസ്ഥനും ഡൽഹിയിൽ കേന്ദ്ര ഡെപ്യൂട്ടേഷനിലുമുളള മനോജ് ജോഷിയെയാണ് നിർദ്ദേശിച്ചത്. അദ്ദേഹം താൽപര്യം പ്രകടിപ്പിക്കാതെ വന്നതോടെയാണ് ജയതിലകിനെ തിരഞ്ഞെടുത്തത്. 2026 ജൂൺ വരെയാണ് കാലാവധി.

പുതിയ ചീഫ് സെക്രട്ടറിയായി എ ജയതിലക് ഐഎഎസിനെ തിരഞ്ഞെടുത്തു

ആരാധകര്‍ ഏറെ പ്രതീക്ഷയോടെ കാത്തിരിക്കുന്ന മോഹന്‍ലാല്‍ ചിത്രം 'തുടരും' മുന്‍കൂര്‍ ബുക്കിങ് ആരംഭിച്ചു. ബുക്കിങ് ആരംഭിച്ച വിവരം അറിയിച്ചുകൊണ്ട് കിടിലന്‍ വീഡിയോ അണിയറപ്രവര്‍ത്തകര്‍ പുറത്തുവിട്ടു. ആകാംക്ഷകള്‍ക്ക് വിരാമമിട്ടുകൊണ്ട് ചിത്രം വെള്ളിയാഴ്ച തിയേറ്ററുകളിലെത്തും.
മോഹന്‍ലാലും ശോഭനയും വീണ്ടും ഒന്നിക്കുന്ന 'തുടരും' തരുണ്‍ മൂര്‍ത്തിയാണ് സംവിധാനം ചെയ്തിരിക്കുന്നത്. ഫാമിലി ഡ്രാമയാണ് ചിത്രമെന്നാണ് സംവിധായകന്‍ പറഞ്ഞതെങ്കിലും മോഹന്‍ലാലിന്റെ ദൃശ്യവുമായി താരതമ്യപ്പെടുത്തിയാണ് സിനിമാ പ്രേമികളുടെ ചര്‍ച്ചകള്‍.
രജപുത്ര വിഷ്വല്‍ മീഡിയയുടെ ബാനറില്‍ എം. രഞ്ജിത്താണ് ചിത്രം നിര്‍മിച്ചിരിക്കുന്നത്. കെ.ആര്‍. സുനിലും സംവിധായകന്‍ തരുണ്‍ മൂര്‍ത്തിയും ചേര്‍ന്നാണ് തിരക്കഥ. ഷാജി കുമാറാണ് ഛായാഗ്രാഹണം നിര്‍വഹിച്ചിരിക്കുന്നത്. ഷഫീഖ് വി.ബി, നിഷാദ് യൂസഫ് എന്നിവരാണ് എഡിറ്റര്‍മാര്‍. ജേക്സ് ബിജോയ് സംഗീതം.

മോഹന്‍ലാല്‍ ചിത്രം 'തുടരും' മുന്‍കൂര്‍ ബുക്കിങ് ആരംഭിച്ചു

തിരുവനന്തപുരം: സംസ്ഥാനത്ത് ഇന്ന് ഇടിമിന്നലോടുകൂടിയ ശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. ഒറ്റപ്പെട്ടയിടങ്ങളിൽ ഇടിമിന്നലോടുകൂടിയ മഴക്കും മണിക്കൂറിൽ 40 മുതൽ 50 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്നാണ് മുന്നറിയിപ്പ്. അടുത്ത അഞ്ച് ദിവസത്തേക്ക് ഒരു ജില്ലകളിലും മഴ മുന്നറി‍യിപ്പ് പ്രഖ്യാപിച്ചിട്ടില്ല. ഏപ്രിൽ 24 മുതൽ ഏപ്രിൽ 26 വരെ ഇടിമിന്നലോടുകൂടിയ മഴക്ക് സാധ്യതയുണ്ടെന്നും കേന്ദ്ര കാലാവസ്ഥാ വകുപ്പ് അറിയിച്ചു.
അതേസമയം, കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് നാളെ (ഏപ്രിൽ 24) രാത്രി 11.30 വരെ 0.5 മുതൽ 1.5 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.
കള്ളക്കടൽ പ്രതിഭാസത്തിന്റെ ഭാഗമായി കന്യാകുമാരി തീരത്ത് ഇന്ന് (ഏപ്രിൽ 23) ഉച്ചക്ക് 02.30 വരെ 1.0 മുതൽ 1.5 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന ഗവേഷണ കേന്ദ്രം അറിയിച്ചു.കടലാക്രമണത്തിന് സാധ്യതയുള്ളതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കുക.
1. കടൽക്ഷോഭം രൂക്ഷമാകാൻ സാധ്യതയുള്ളതിനാൽ അപകട മേഖലകളിൽ നിന്ന് അധികൃതരുടെ നിർദേശാനുസരണം മാറി താമസിക്കണം.
2. മൽസ്യബന്ധന യാനങ്ങൾ (ബോട്ട്, വള്ളം, മുതലായവ) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങൾ തമ്മിൽ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
3. ബീച്ചിലേക്കുള്ള യാത്രകളും കടലിൽ ഇറങ്ങിയുള്ള വിനോദങ്ങളും പൂർണമായും ഒഴിവാക്കുക.

സംസ്ഥാനത്ത് ഇന്ന്  ഇടിമിന്നലോടുകൂടിയ ശക്തമായ മഴക്ക് സാധ്യത

ഗൂഡല്ലൂര്‍: മസിനഗുഡിയില്‍ കാട്ടാനയുടെ ആക്രമണത്തില്‍ പരിക്കേറ്റ് ചികിത്സയിലായിരുന്ന സ്ത്രീ മരിച്ചു. മസിനഗുഡി-ബൊക്കാപുരം റോഡില്‍വെച്ച് സ്‌കൂട്ടറില്‍ യാത്രചെയ്യുകയായിരുന്ന ദമ്പതിമാരെ കാട്ടാന ആക്രമിക്കുകയായിരുന്നു.തപാല്‍വകുപ്പിലെ താത്കാലിക ജീവനക്കാരി മസിനഗുഡി സ്വദേശി സരസു (58) ആണ് മരിച്ചത്. ഭര്‍ത്താവ് കുമാരസാമി (64) ചികിത്സയിലാണ്.
തിങ്കളാഴ്ച വൈകുന്നേരം അഞ്ചരയോടെയാണ് സംഭവം. പരിക്കേറ്റ് ഊട്ടി മെഡിക്കല്‍ കോളേജാശുപത്രിയില്‍ പ്രവേശിപ്പിച്ച സരസു ചികിത്സയിലിരിക്കെ, തിങ്കളാഴ്ച രാത്രി ഒന്‍പതരമണിയോടെ മരിച്ചു. ബൊക്കാപുരം മാരിയമ്മന്‍ കോവിലില്‍ ദര്‍ശനത്തിനുശേഷം സ്‌കൂട്ടറില്‍ മടങ്ങുകയായിരുന്ന ഇരുവരേയും റോഡിലിറങ്ങിയ കാട്ടാന ആക്രമിക്കുകയായിരുന്നു. സ്‌കൂട്ടര്‍ ഉപേക്ഷിച്ച് ഇരുവരും ഓടിരക്ഷപ്പെടാന്‍ ശ്രമിച്ചെങ്കിലും പിന്തുടര്‍ന്ന കാട്ടാന സരസുവിനെ ആക്രമിച്ചു. അതുവഴി ജീപ്പില്‍ വന്നവര്‍ കാട്ടാനയെ തുരത്തുകയായിരുന്നു.സാരമായി പരിക്കേറ്റ സരസുവിന് പ്രാഥമികാരോഗ്യകേന്ദ്രത്തില്‍ പ്രഥമശുശ്രൂഷ നല്‍കിയതിനുശേഷം വിദഗ്ധചികിത്സയ്ക്കായി ഊട്ടിയിലെ സര്‍ക്കാര്‍ മെഡിക്കല്‍ കോളേജാശുപത്രിയിലേക്ക് മാറ്റി.

മസിനഗുഡിയില്‍ സ്‌കൂട്ടര്‍ യാത്രക്കാർക്ക് നേരേ കാട്ടാന ആക്രമണം; സ്ത്രീ മരിച്ചു

കണ്ണൂര്‍: നഗരമധ്യത്തില്‍ മറുനാടന്‍ തൊഴിലാളിക്ക് കുത്തേറ്റു.പശ്ചിമബംഗാള്‍ ജഗല്‍പുരി ലങ്കപ്പാറയില്‍ രഞ്ജിത്ത് മംഗാറി (36) നാണ് കുത്തേറ്റത്.വയറിന്റെ വലതുഭാഗത്ത് ആഴത്തിലുള്ള മുറിവേറ്റ യുവാവിനെ കണ്ണൂര്‍ ഗവ. മെഡിക്കല്‍ കോളേജ് ആസ്പത്രിയില്‍ പ്രവേശിപ്പിച്ചു.
തിങ്കളാഴ്ച രാത്രി 11.30-ഓടെയാണ് സംഭവം. സ്റ്റേഡിയത്തിന് സമീപത്തെ സ്വാതന്ത്ര്യസമര സ്തൂപത്തിന് സമീപത്തുനിന്ന് യുവാവ് നടന്നുവരുന്നത് കണ്ടതായി ദൃക്സാക്ഷികള്‍ പറഞ്ഞു. തുടര്‍ന്ന് റെയില്‍വേ സ്റ്റേഷന്‍ കിഴക്കെ കവാടത്തിന് സമീപം പോലീസ് സൊസൈറ്റി ഹാളിനടുത്തുള്ള റോഡില്‍ കുഴഞ്ഞുവീഴുകയായിരുന്നു. സമീപത്തുണ്ടായിരുന്നയാള്‍ വിവരമറിയിച്ചതിനെത്തുടര്‍ന്ന് അഗ്‌നിരക്ഷാസേനയും ടൗണ്‍ എസ്ഐ വി.വി.ദീപ്തിയുടെ നേതൃത്വത്തിലുള്ള പോലീസ് സംഘവും സ്ഥലത്തെത്തി. അഗ്‌നിരക്ഷാസേനയുടെ വാഹനത്തില്‍ പോലീസ് ഇയാളെ ജില്ലാ ആസ്പത്രിയിലെത്തിച്ചു.
പരിക്ക് ഗുരുതരമായതിനാല്‍ പിന്നീട് മെഡിക്കല്‍ കോളേജ് ആസ്പത്രിയിലേക്ക് മാറ്റി. പ്രതികളെക്കുറിച്ച് സൂചനയൊന്നും ലഭിച്ചിട്ടില്ലെന്ന് ടൗണ്‍ പോലീസ് ഇന്‍സ്‌പെക്ടര്‍ ശ്രീജിത്ത്‌ കൊടേരി പറഞ്ഞു. അപകടനില തരണം ചെയ്തതായി ആസ്പത്രി അധികൃതര്‍ അറിയിച്ചു. പ്രദേശത്തെ സിസിടിവി ദൃശ്യങ്ങള്‍ പോലീസ് പരിശോധിച്ചു.വധശ്രമത്തിന് കേസെടുത്തിട്ടുണ്ട്.

കണ്ണൂരിൽ മറുനാടന്‍ തൊഴിലാളിക്ക് കുത്തേറ്റു;ഗുരുതര പരിക്ക്

Kannur

കോട്ടയം: തിരുവാതുക്കൽ ഇരട്ടക്കൊലപാതകത്തിൽ പ്രതി അസം സ്വദേശി അമിത് ഒറാങ് പിടിയിൽ. മാളയിൽനിന്നാണ് ഇയാളെ അന്വേഷണം സംഘം പിടികൂടിയത്. ഇയാൾ മാളയിൽ കോഴിഫാമിൽ ഒളിവിൽ കഴിയുകയായിരുന്നുവെന്നാണ് ലഭിക്കുന്ന വിവരം. കോഴി ഫാമിൽ ഇതരസംസ്ഥാനത്തൊഴിലാളികൾക്കൊപ്പമായിരുന്നു ഉണ്ടായിരുന്നത്.
മൊബൈൽ ഫോൺ ലൊക്കേഷൻ കേന്ദ്രീകരിച്ച് നടത്തിയ പരിശോധനയിലാണ് പ്രതിയെക്കുറിച്ച് വിവരം ലഭിച്ചത്. ഇയാളുടെ പക്കൽ പത്തോളം മൊബൈൽ ഫോണുകളുണ്ടായിരുന്നു. അതുകൊണ്ടുതന്നെ മൊബൈൽ ഫോൺ മാറ്റിയായിരുന്നു ഉപയോഗിച്ചിരുന്നത്. കൊലയ്ക്കുശേഷം വിജയകുമാറിന്റെയും ഭാര്യയുടേയും ഫോൺ പ്രതി മോഷ്ടിച്ചിരുന്നു. ഇതിൽ ഒരു ഫോൺ ഓൺ ആയിരുന്നു. ഇതിന്റെ ലൊക്കേഷൻ കേന്ദ്രീകരിച്ചാണ് പോലീസ് അന്വേഷണം നടത്തിയത്. കൊലപാതകം നടത്തി 24 മണിക്കൂറിനുള്ളിലാണ് പോലീസ് പ്രതിയെ പിടികൂടിയത്. കോട്ടയം ഇന്ദ്രപ്രസ്ഥം ഓഡിറ്റോറിയം ഉടമ തിരുവാതുക്കൽ ശ്രീവത്സം വീട്ടിൽ ടി.കെ. വിജയകുമാർ (64), ഭാര്യ ഡോ. മീര വിജയകുമാർ (60) എന്നിവരാണ് വീടിനുള്ളിൽ കൊല്ലപ്പെട്ടത്.

കോട്ടയം ഇരട്ടക്കൊലക്കേസ് ;പ്രതി തൃശ്ശൂരിൽ പിടിയിൽ

ആലക്കോട് (കണ്ണൂര്‍): മുത്തശ്ശി വിറകുകീറുന്നതിനിടെ അരികിലെത്തിയ ഒന്നരവയസ്സുകാരന്‍ വാക്കത്തികൊണ്ടുള്ള വെട്ടേറ്റ് മരിച്ചു. കോളിനഗറിലാണ് സംഭവം. പൂവഞ്ചാലിലെ മച്ചിനി വിഷ്ണു കൃഷ്ണന്റെ മകന്‍ ദയാല്‍ ആണ് മരിച്ചത്.
മുത്തശ്ശി പുലിക്കിരി നാരായണി (80) വിറകുകീറുമ്പോഴാണ് അബദ്ധത്തില്‍ വെട്ടേറ്റത്. ദയാലിന്റെ തലയ്ക്കാണ് വെട്ടേറ്റത്. നാരായണിക്ക് കാഴ്ചപരിമിതിയുണ്ട്. ഒരു കണ്ണിന് പൂര്‍ണമായും കാഴ്ചയില്ല. അമ്മയുടെ വീട്ടിലാണ് സംഭവം. കുട്ടിയുടെ അമ്മ പ്രിയ വീട്ടിലുണ്ടായിരുന്നു. ഇവരുടെ നിലവിളി കേട്ടെത്തിയവരാണ് കുഞ്ഞിനെ ആലക്കോട്ടെ ആശുപത്രിയില്‍ എത്തിച്ചത്. ആശുപത്രിയില്‍ എത്തുമ്പോഴേക്കും മരിച്ചിരുന്നു. സഹോദരി: ദീക്ഷിത (നാല്).മൃതദേഹം കണ്ണൂര്‍ ഗവ. മെഡിക്കല്‍ കോളേജ് ആശുപത്രി മോര്‍ച്ചറിയിലേക്ക് മാറ്റി. മൊഴിയെടുത്തശേഷം ബോധപൂര്‍വമല്ലാത്ത നരഹത്യക്ക് നാരായണിയുടെ പേരില്‍ കേസെടുക്കുമെന്ന് പോലീസ് പറഞ്ഞു. സംസ്‌കാരം ബുധനാഴ്ച രണ്ടിന് വീട്ടുവളപ്പില്‍.

വിറക് കീറിക്കൊണ്ടിരുന്ന മുത്തശ്ശിക്കടുത്തെത്തി;അബദ്ധത്തിൽ വെട്ടേറ്റ് ഒന്നരവയസ്സുകാരന് ദാരുണാന്ത്യം

ന്യൂഡല്‍ഹി: ജമ്മു കശ്മീരിലെ പഹല്‍ഗാമില്‍ ഭീകരാക്രമണത്തില്‍ 26 പേര്‍ കൊല്ലപ്പെട്ട സംഭവത്തില്‍ നടുങ്ങി രാജ്യം. കൊല്ലപ്പെട്ടവരില്‍ ഒരു മലയാളിയുമുണ്ട്.ഇടപ്പള്ളി സ്വദേശി എന്‍. രാമചന്ദ്രനാണ് മരിച്ചത്. ചൊവ്വാഴ്ച ഉച്ചയ്ക്ക് രണ്ടരയോടെയാണ് ആക്രമണമുണ്ടായത്. ലഷ്‌കറെ തൊയ്ബ അനുകൂല സംഘടനായ ദ റെസിസ്റ്റന്‍സ് ഫ്രണ്ട്-ടിആര്‍എഫ് ആക്രമണത്തിന്റെ ഉത്തരവാദിത്വം ഏറ്റെടുത്തിട്ടുണ്ട്. ഭീകരാക്രമണത്തിന്റെ പശ്ചാത്തലത്തില്‍ ദ്വിദിന സൗദി അറേബ്യ സന്ദര്‍ശനം വെട്ടിച്ചുരുക്കിയ പ്രധാനമന്ത്രി നരേന്ദ്ര മോദി ബുധനാഴ്ച പുലര്‍ച്ചെ ഡൽഹിയിലെത്തി.&nbsp;
ദേശീയ സുരക്ഷാ ഉപദേഷ്ടാവ് അജിത് ഡോവല്‍, വിദേശകാര്യ മന്ത്രി എസ്. ജയശങ്കര്‍, വിദേശകാര്യ സെക്രട്ടറി വിക്രം മിസ്രി തുടങ്ങിയവരുമായി വിമാനത്താവളത്തില്‍ വെച്ച് മോദി അടിയന്തര യോഗം ചേര്‍ന്നു. ഭീകരാക്രമണത്തെ യുഎസും റഷ്യയും ഉള്‍പ്പെടെ വിവിധലോകരാഷ്ട്രങ്ങള്‍ അപലപിച്ചു. അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്, മോദിയെ ഫോണില്‍വിളിച്ച് അനുശോചനം അറിയിച്ചതായി വിദേശകാര്യമന്ത്രാലയം അറിയിച്ചു. ജമ്മു കശ്മീരിലെ ഭീകരാക്രണത്തിന് പിന്നാലെ ഡല്‍ഹി, മുംബൈ, ജയ്പുര്‍, അമൃത്സര്‍ തുടങ്ങി വിവിധ നഗരങ്ങളില്‍ ജാഗ്രത ശക്തമാക്കിയിട്ടുണ്ട്. എന്‍ഐഎ സംഘം ഇന്ന് കശ്മീരിലെത്തും.

ഭീകരാക്രമണത്തിൽ വിറങ്ങലിച്ച് രാജ്യം;കൊല്ലപ്പെട്ടത് 26 പേര്‍

വടകര: ബൽഗാമിൽ എം.ബി.ബി.എസ് ഒന്നാം വർഷ വിദ്യാർത്ഥിയെ കാണാനില്ലെന്ന് പരാതി. വില്യാപ്പള്ളി കോച്ചിയാമ്പള്ളി വണ്ണത്താoകണ്ടി ശശിയുടെ മകൻ അലൻ കൃഷ്ണ (20) നെയാണ് കാണാതായത്. ബൽഗാം ബി.ഐ.എം. എസ് കോളേജിൽ നിന്ന് ഇക്കഴിഞ്ഞ 24 ന് രാവിലെ മുതലാണ് കാണാനില്ലെന്നാണ് പരാതി. ഹോസ്റ്റലിൽ എത്തിയതായി പറയുന്നു. പോലിസും ബന്ധുക്കളും സഹപാഠികളും അന്വേഷണം ആരംഭിച്ചു. ഫോൺ എടുക്കാത്തതിനാൽ ലൊക്കേഷൻ മനസിലാക്കാൻ കഴിയുന്നില്ല. സി.ടി.വി ദൃശ്യങ്ങൾ പോലിസ് പരിശോധിച്ചു വരുകയാണ്.

വില്യാപ്പള്ളി സ്വദേശിയായ എം.ബി.ബി എസ് വിദ്യാർത്ഥിയെ ബൽഗാമിൽ കാണാനില്ലെന്ന് പരാതി

നാദാപുരം: അതിര് വിട്ട വിവാഹ ആഘോഷങ്ങൾ നിയന്ത്രിക്കുമെന്ന പോലീസ് - തീരുമാനങ്ങൾക്ക് പുല്ല് വില. കല്ലാച്ചി - വളയം റോഡിൽ അതിര് വിട്ട വിവാഹ ആഘോഷം. നടു റോഡിൽ പടക്കം പൊട്ടിക്കൽ. വളയം റോഡിൽ കുരുന്നം കണ്ടി മുക്കിലാണ് അതിര് വിട്ട വിവാഹ ആഘോഷം നടത്തി അപകടകരമായി റോഡിൽ പടക്കങ്ങൾ പൊട്ടിച്ചത്. തിങ്കളാഴ്ച്ച വൈകുന്നേരം ആറ് മണിയോടെ ആണ് സംഭവം. നാദാപുരം പോലീസ് സ്റ്റേഷന് സമീപത്തെ വധു ഗൃഹത്തിൽ നിന്ന് കുരുന്നം കണ്ടി മുക്കിലെ വരൻ്റെ വീട്ടിൽ വിവാഹ സംഘം മടങ്ങി എത്തിയ ഉടൻ ആണ് റോഡിൽ വാഹനങ്ങൾ തടസ്സപ്പെടുത്തി അപകടകരമായ വിധത്തിൽ മാലപ്പടക്കം റോഡിൽ ഇട്ട് തീ കൊടുത്ത് പൊട്ടിച്ചത്.&nbsp;
പടക്കം പൊട്ടി തീരുന്നത് വരെ ഇരുവശത്തും വാഹനഗതാഗതം തടസ്സപ്പെട്ടു. രണ്ട് ദിവസം മുമ്പ് നാദാപുരം മേഖലയിലെ അതിര് കടന്ന വിവാഹ ആഘോഷങ്ങൾക്ക് എതിരെ ശക്തമായ നടപടി സ്വീകരിക്കുമെന്ന് നാദാപുരം പോലീസ് സ്റ്റേഷനിൽ വിളിച്ച് ചേർത്ത സമാധാന യോഗത്തിൽ തീരുമാനം എടുത്തിരുന്നു. ഇതിന് പിന്നാലെ ആണ് നിയമങ്ങൾ കാറ്റിൽ പറത്തി വീണ്ടും വാഹനങ്ങൾക്കും യാത്രക്കാർക്കും അപകടകരമായ രീതിയിൽ റോഡിൽ പടക്കങ്ങൾ പൊട്ടിച്ചത്. സംഭവം നാട്ടുകാർ ചിത്രങ്ങൾ സഹിതം പോലീസിൻ്റെ ശ്രദ്ധയിൽപെടുത്തി.

പോലീസ് തീരുമാനങ്ങൾക്ക് പുല്ല് വില; കല്ലാച്ചിയിൽ വീണ്ടും നടുറോഡിൽ പടക്കം പൊട്ടിച്ച് ആഘോഷം

പേരാമ്പ്ര : ഗു​ജ​റാ​ത്തി​ൽ വെച്ച് ട​യ​റി​ൽ കാ​റ്റ് നി​റ​ക്കു​മ്പോ​ൾ പൊ​ട്ടി​ത്തെ​റി​ച്ചു​ണ്ടാ​യ അ​പ​ക​ട​ത്തി​ൽ ക​ടി​യ​ങ്ങാ​ട് മ​ഹി​മ സ്വ​ദേ​ശി കോ​വു​മ്മ​ൽ സു​രേ​ഷ് (50) മ​രി​ച്ചു. ഗു​ജ​റാ​ത്തി​ലെ രാ​ജ്ഘ​ട്ട് മു​ന്ന എ​ന്ന സ്ഥ​ല​ത്ത് ട​യ​ർ ക​മ്പ​നി ന​ട​ത്തി​വ​രു​ക​യാ​യി​രു​ന്നു. ശ​നി​യാ​ഴ്ച രാ​ത്രി​യി​ലാ​ണ് അ​പ​ക​ടം.
പി​താ​വ്: കു​ഞ്ഞി​ക്കു​ട്ടി നാ​യ​ർ. മാ​താ​വ്: പ​രേ​ത​യാ​യ നാ​രാ​യ​ണി അ​മ്മ. ഭാ​ര്യ: ഷീ​ബ (പ​ന്തി​രി​ക്ക​ര). മ​ക്ക​ൾ: ആ​കാ​ശ് (ബി.​ടെ​ക് വി​ദ്യാ​ർ​ഥി), അ​ശ്വി​ൻ (എ​സ്.​എ​സ്.​എ​ൽ.​സി വി​ദ്യാ​ർ​ഥി). സ​ഹോ​ദ​ര​ങ്ങ​ൾ: ഗീ​ത അ​ച്യു​ത​ൻ നാ​യ​ർ (ചെ​ര​ണ്ട​ത്തൂ​ർ), പ​ത്മി​നി രാ​മ​കൃ​ഷ്ണ​ൻ (പ​ന്തി​രി​ക്ക​ര), പ​രേ​ത​യാ​യ ഷി​ജി അ​നീ​ഷ് (ഉ​ള്ള്യേ​രി).

.

കാറ്റ് നിറക്കുന്നതിനിടെ ടയർ പൊട്ടിത്തെറിച്ച് അപകടം ; ക​ടി​യ​ങ്ങാ​ട് സ്വദേശി ഗുജറാത്തിൽ മരിച്ചു

Perambra

നാദാപുരം :ലഹരിക്ക് അടിമപ്പെട്ട യുവാവിനെ നിയന്ത്രിക്കാൻ എത്തിയ യുവാവിന് കല്ലാച്ചിക്കടുത്ത് വെച്ച് വെട്ടേറ്റു. ഇന്നലെ രാത്രി വൈകിയാണ് സംഭവം. തെരുവൻപറമ്പ് കിണർ പരിസരത്തെ കണിയാൻകണ്ടി മുത്തു (44) വിനാണ് കല്ലാച്ചി തെരുവൻപറമ്പ് റോഡിൽ വച്ചു വെട്ടേത്. തലയ്ക്കു താഴെ വെട്ടേറ്റ മുത്തുവിനെ നാദാപുരം താലൂക്ക് ആശുപത്രിയിൽ പ്രഥമ ചികിത്സ നൽകി കണ്ണൂരിലെ ആശുപത്രിയിലേക്കു മാറ്റി.

കല്ലാച്ചിയിൽ യുവാവിന് വെട്ടേറ്റു

പേ​രാ​മ്പ്ര: യു​വ​തി​യെ ഭ​ർ​ത്താ​വ് വീ​ട്ടി​ല്‍നി​ന്ന് പു​റ​ത്താ​ക്കി​യ​താ​യി പ​രാ​തി. കോ​ട്ടൂ​ര്‍ പ​ഞ്ചാ​യ​ത്ത് ഒ​ന്നാം വാ​ര്‍ഡി​ലെ മൂ​ലാ​ട് അം​ഗ​ൻ​വാ​ടി​ക്ക് സ​മീ​പം പാ​റ​ക്ക​ണ്ടി സ​ജീ​വ​ന്റെ ഭാ​ര്യ ലി​ജി സ​ജി​യാ​ണ് (49) ര​ണ്ട് ദി​വ​സ​മാ​യി വീ​ടി​നു പു​റ​ത്താ​യ​ത്. ക​ഴി​ഞ്ഞ ദി​വ​സം ഗേ​റ്റി​നു പു​റ​ത്താ​യി​രു​ന്നെ​ങ്കി​ലും അ​ടു​ത്ത ദി​വ​സം പൊ​ലീ​സി​ന്റെ സാ​ന്നി​ധ്യ​ത്തി​ല്‍ ലി​ജി ഗേ​റ്റി​ന്റെ പൂ​ട്ടു പൊ​ളി​ച്ച് വീ​ടി​ന്റെ വ​രാ​ന്ത​യി​ല്‍ എ​ത്തി​യി​ട്ടു​ണ്ട്.&nbsp;
നാ​ടു​വി​ട്ട് പ​ഞ്ചാ​ബി​ല്‍ എ​ത്തി​യ സ​ജീ​വ​നെ പ​രി​ച​യ​പ്പെ​ട്ട ലി​ജി പി​ന്നീ​ട് സ​ജീ​വ​നെ വി​വാ​ഹം ചെ​യ്യു​ക​യാ​യി​രു​ന്നു. ലി​ജി​യു​ടെ സ​ഹാ​യ​ത്തോ​ടെ അ​ന്ന് സ​ജീ​വ​ന് അ​വി​ടെ​യു​ള്ള ആ​ക്രി ക​ട​യി​ല്‍ ജോ​ലി​യും കി​ട്ടി. എ​ന്നാ​ല്‍ പി​ന്നീ​ട് സ​ജീ​വ​ന്‍ അ​മേ​രി​ക്ക​യി​ല്‍ എ​ത്തു​ക​യാ​യി​രു​ന്നു. അ​വി​ടെ ബി​സി​ന​സ് ആ​രം​ഭി​ക്കു​ക​യും ചെ​യ്തു. അ​മേ​രി​ക്ക​യി​ല്‍ നി​ന്നും സ​ജീ​വ​ന്‍ നാ​ട്ടി​ലെ​ത്തി​യാ​ല്‍ പ​ഞ്ചാ​ബി​ല്‍ എ​ത്തി ലി​ജി​യെ​യും കൂ​ട്ടി നാ​ട്ടി​ല്‍ എ​ത്തു​ക​യാ​യി​രു​ന്നു പ​തി​വ്. എ​ന്നാ​ല്‍ പി​ന്നീ​ട് മ​റ്റൊ​രു യു​വ​തി​യു​മാ​യി ഉ​ണ്ടാ​യ അ​ടു​പ്പം ലി​ജി അ​റി​ഞ്ഞ​തോ​ടെ പ്ര​ശ്ന​മാ​കു​ക​യാ​യി​രു​ന്നു.
മൂ​ന്ന് വ​ര്‍ഷം മു​മ്പ് ഈ ​സം​ഭ​വം അ​റി​ഞ്ഞ ലി​ജി ത​നി​ക്കും മ​ക​ള്‍ക്കും വീ​ടും സ്ഥ​ല​വും ന​ല്‍ക​ണ​മെ​ന്നും ചെ​ല​വി​ന് ന​ല്‍ക​ണ​മെ​ന്നും ആ​വ​ശ്യ​പ്പെ​ട്ട് സ​ജീ​വ​നെ​തി​രെ പേ​രാ​മ്പ്ര കോ​ട​തി​യി​ല്‍ അ​ന്യാ​യം ഫ​യ​ല്‍ ചെ​യ്തി​രു​ന്നു. 2023 ഒ​ക്ടോ​ബ​ര്‍ 19ന് ​കോ​ട​തി ഇ​വ​ര്‍ക്ക് വീ​ട്ടി​ല്‍ ക​യ​റി താ​മ​സി​ക്കാ​ന്‍ ഉ​ത്ത​ര​വ് ന​ല്‍കു​ക​യും ചെ​യ്തു. എ​ന്നാ​ല്‍ വീ​ട്ടി​ലെ​ത്തി​യ ലി​ജി​യെ സ​ഹോ​ദ​ര​ങ്ങ​ള്‍ വീ​ട്ടി​ല്‍ ക​യ​റ്റാ​ന്‍ അ​നു​വ​ദി​ച്ചി​ല്ലെ​ന്ന് പ​റ​യു​ന്നു.സ​ജീ​വ​ന്‍ നാ​ട്ടി​ല്‍ ഇ​ല്ലാ​ത്ത​തി​നാ​ല്‍ തി​രി​ച്ചു പോ​യ ലി​ജി ക​ഴി​ഞ്ഞ വി​ഷു​വി​ന് സ​ജീ​വ​നും അ​മേ​രി​ക്ക​ക്കാ​രി​യാ​യ യു​വ​തി​യും എ​ത്തി​യി​ട്ടു​ണ്ടെ​ന്ന് അ​റി​ഞ്ഞാ​ണ് പ​ഞ്ചാ​ബി​ലെ ജോ​ലി സ്ഥ​ല​ത്ത് നി​ന്നും മൂ​ലാ​ട് എ​ത്തി​യ​ത് എ​ന്നാ​ല്‍ ലി​ജി​യെ വീ​ട്ടി​ല്‍ ക​യ​റാ​ന്‍ അ​നു​വ​ദി​ച്ചി​ല്ലെ​ന്ന് മാ​ത്ര​മ​ല്ല വീ​ട് അ​നി​യ​ന്റെ പേ​രി​ലാ​ണെ​ന്നും ഇ​വി​ടെ ക​യ​റാ​ന്‍ ക​ഴി​യി​ല്ലെ​ന്ന് അ​റി​യി​ക്കു​ക​യു​മാ​യി​രു​ന്നു. 19ന് ​വീ​ട്ടി​ല്‍ ക​യ​റി താ​മ​സി​ക്കാ​ന്‍ കോ​ട​തി ഉ​ത്ത​ര​വ് ഇ​റ​ക്കി​യ​തി​ന് ശേ​ഷം സ​ജീ​വ​ന്‍ വീ​ടും സ്ഥ​ല​വും സ​ഹോ​ദ​ര​ന്‍ ബി​ജു​വി​ന്റെ പേ​രി​ലേ​ക്ക് മാ​റ്റു​ക​യാ​യി​രു​ന്നു. നാ​ട്ടി​ലെ​ത്തി​യ സ​ജീ​വ​നും സു​ഹൃ​ത്താ​യ യു​വ​തിയും ഇ​പ്പോ​ള്‍ ത​റ​വാ​ട് വീ​ട്ടി​ല്‍ അ​നി​യ​നോ​ടൊ​പ്പ​മാ​ണ് താ​മ​സ​മെ​ന്നും ലി​ജി പ​റ​ഞ്ഞു.25 വ​യ​സ്സു​ള്ള മ​ക​ളും താ​നും താ​മ​സി​ക്കാ​ന്‍ വീ​ടി​ല്ലാ​തെ പ്ര​യാ​സ​ത്തി​ല്‍ ആ​ണെ​ന്ന് കാ​ണി​ച്ചാ​ണ് ലി​ജി ഇ​പ്പോ​ള്‍ കോ​ട​തി​യെ സ​മീ​പി​ച്ച​ത്. കോ​ട​തി ഇ​വ​ര്‍ക്ക് വീ​ട്ടി​ല്‍ ക​യ​റി താ​മ​സി​ക്കാ​ന്‍ അ​വ​സ​രം ഒ​രു​ക്കാ​ന്‍ പേ​രാ​പൊ​ലീ​സി​ന് നി​ര്‍ദേ​ശം ന​ല്‍കി​യി​ട്ടു​ണ്ടെ​ങ്കി​ലും ഇ​തു​വ​രെ ന​ട​പ്പാ​ക്കാ​ന്‍ ക​ഴി​ഞ്ഞി​ട്ടി​ല്ല. പൊ​ലീ​സ് സ​ജീ​വ​ന്റെ വീ​ട്ടി​ല്‍ എ​ത്തി വീ​ട് തു​റ​ന്നു കൊ​ടു​ക്കാ​ന്‍ ആ​വ​ശ്യ​പ്പെ​ട്ടെ​ങ്കി​ലും സ​ജീ​വ​നും കു​ടും​ബ​വും ഇ​തു​വ​രെ വീ​ട് തു​റ​ന്നു കൊ​ടു​ക്കാ​ന്‍ ത​യാ​റാ​യി​ട്ടി​ല്ല.&nbsp;

പേ​രാ​മ്പ്രയിൽ യുവതിയെ വീട്ടിൽനിന്ന് പുറത്താക്കിയതായി പരാതി

കോ​ഴി​ക്കോ​ട്:പാ​ക്കിസ്ഥാ​ന്‍ പൗ​ര​ത്വം ഉ​ള്ള​വ​ർ രാ​ജ്യം വി​ട​ണ​മെ​ന്ന് ആ​വ​ശ്യ​പ്പെ​ട്ടു ന​ല്‍​കി​യ നോ​ട്ടീ​സ് പോ​ലീ​സ് പി​ന്‍​വ​ലി​ച്ചു. ഉ​ന്ന​ത നി​ര്‍​ദേ​ശ​ത്തെ തു​ട​ര്‍​ന്നാ​ണ് തീ​രു​മാ​നം. മൂ​ന്നു പേ​ര്‍​ക്കാ​യി​രു​ന്നു കോ​ഴി​ക്കോ​ട് റൂ​റ​ല്‍ പോ​ലീ​സ് പ​രി​ധി​യി​ല്‍ നോ​ട്ടീ​സ് ന​ല്‍​കി​യ​ത്. മൂ​ന്നു​പേ​രും ലോം​ഗ് ടേം ​വീ​സ​യ്ക്ക് അ​പേ​ക്ഷ ന​ല്‍​കി​യി​രു​ന്നു​വെ​ന്ന് പോ​ലീ​സ് അ​റി​യി​ച്ചു. വടകര വൈക്കിലിശ്ശേരിയില്‍ താമസിക്കുന്ന ഖമറുന്നീസ, സഹോദരി അസ്മ, കൊയിലാണ്ടിയിൽ താമസിക്കുന്ന ഹംസ എന്നിവർക്കാണ് ഞായറാഴ്ചക്കകം രാജ്യം വിട്ടുപോകാനാവശ്യപ്പെട്ട് പൊലീസ് നോട്ടീസ് നൽകിയത്.
രാജ്യം വിട്ടുപോകാത്തപക്ഷം നിയമ നടപടികളുണ്ടാകുമെന്നും നോട്ടീസിൽ വ്യക്തമാക്കിയിട്ടുണ്ട്. കറാച്ചിയില്‍ കച്ചവടം നടത്തിയിരുന്ന ഖമറുന്നീസ, അസ്മ എന്നിവരുടെ കുടുംബം പിതാവ് മരിച്ച ശേഷം 1993ലാണ് കേരളത്തില്‍ എത്തിയത്. കണ്ണൂരില്‍ താമസിക്കുകയായിരുന്ന ഖമറുന്നീസ 2022ലാണ് വടകരയിലെത്തിയത്. അസ്മ ചൊക്ലിയിലാണ് താമസം. 2024ൽ വിസയുടെ കാലാവധി കഴിഞ്ഞതിനാല്‍ വിസക്ക് അപേക്ഷിച്ചെങ്കിലും ഇവർക്ക്ലഭിച്ചില്ലെന്നാണ് വിവരം.കേരളത്തില്‍ ജനിച്ച ഹംസ 1965ലാണ് തൊഴില്‍ തേടി പാകിസ്താനിലേക്ക് പോയത്. ബംഗ്ലാദേശ് വിഭജന ശേഷം 1972ല്‍ നാട്ടിലേക്ക് വരാന്‍ പാസ്‌പോര്‍ട്ട് ആവശ്യമായി വന്നപ്പോഴാണ് ഹംസ പാക് പൗരത്വം സ്വീകരിച്ചത്. 2007ല്‍ കച്ചവടം അവസാനിപ്പിച്ച് കേരളത്തിലെത്തിയ ഹംസ ഇന്ത്യന്‍ പൗരത്വത്തിന് അപേക്ഷ നല്‍കിയിരുന്നു.

പാ​ക് പൗ​ര​ത്വം ഉ​ള്ള​വ​ര്‍ രാ​ജ്യം​വി​ട​ണ​മെ​ന്ന് ആ​വ​ശ്യ​പ്പെ​ട്ട് ന​ല്‍​കി​യ നോ​ട്ടീ​സ് പി​ന്‍​വ​ലി​ച്ചു

നാദാപുരം: അടിക്കടി മേഖലയിൽ ചെറിയ ചെറിയ പ്രശ്നങ്ങൾ ഉണ്ടായിക്കൊണ്ടിരിക്കുന്ന സാഹചര്യത്തിൽ നാദാപുരം ഡി.വൈ.എസ്.പി എ പി ചന്ദ്രൻ്റെ നേതൃത്വത്തിൽ സർവ്വകക്ഷി സമാധാന യോഗം ചേർന്നു. യോഗത്തിൽ നാദാപുരം പഞ്ചായത്ത് പ്രസിഡന്റ് വി.വി മുഹമ്മദലി, വിവിധ രാഷ്ട്രീയ പാർട്ടി നേതാക്കളായ എ.മോഹൻദാസ്, സി.എച്ച് മോഹനൻ, സൂപ്പി നരിക്കാട്ടേരി, ബംഗ്ലത്ത് മുഹമ്മദ്, മോഹനൻ പാറക്കടവ്, പി.കെ ദാമു , വത്സരാജ് മന്ണലാട്ട്, കെ.വിനാസർ, ജലീൽ ചാലിക്കണ്ടി, കെ. ടി.കെ ചന്ദ്രൻ , എസ് എച്ച് ഒ ശ്യാംരാജ് ബി നായർ എന്നിവർ പങ്കെടുത്തു. പ്രാദേശികമായി ഉണ്ടായ പ്രശ്നങ്ങൾ പ്രാദേശിക തലത്തിൽ യോഗം വിളിച്ചു ചർച്ച ചെയ്തു പരിഹരിക്കാൻ തീരുമാനിച്ചു.&nbsp;
കല്യാണ വീടുകളിൽ ഗാനമേള, ഡിജെ പാർട്ടികൾ എന്നിവയും റോഡ് ഗതാഗതത്തിന് തടസമാകുന്ന തരത്തിൽ വാഹനങ്ങൾ ഓടിക്കുന്നതും ക്രമസമാധാന പ്രശ്‍നം ഉണ്ടാകുന്നതിനാൽ ശക്തമായ നിയമ നടപടികൾ എടുക്കുമെന്ന് പോലീസ് യോഗത്തിൽ അറിയിച്ചു. അത്തരം വാഹനങ്ങളും സൗണ്ട് സിസ്റ്റവും പിടിച്ചെടുക്കുന്നത് ഉൾപ്പടെയുള്ള നടപടികൾ സ്വീകരിക്കും. വാട്സാപ്പ്, ഫേസ് ബുക്ക് മുതലായ സോഷ്യൽ മീഡിയകൾ വഴി സ്പർദ്ധ ഉണ്ടാക്കുന്ന വിധം പോസ്റ് ഇടുന്നവരെ നിരീക്ഷിച്ചു കേസ് എടുത്ത് നിയമ നടപടികൾ സ്വീകരിക്കാനും തീരുമാനിച്ചു.

നാദാപുരത്ത് സർവ്വകക്ഷി സമാധാന യോഗം ചേർന്നു

കോഴിക്കോട്: നിയമവിദ്യാ‌ർത്ഥിയായ മകളെ അദ്ധ്യാപകർ മാനസികമായി പീഡിപ്പിക്കുന്നുവെന്നാരോപിച്ച് പിതാവ് ആത്മഹത്യയ്ക്ക് ശ്രമിച്ചു. തിരുവനന്തപുരം ആറ്റിങ്ങൽ സ്വദേശിയായ വി ഷാജിയാണ് കാലിക്കറ്റ് സർവകലാശാല നിയമ പഠന വിഭാഗത്തിൽ എത്തി കൈ ഞരമ്പ് മുറിച്ചത്. ഷാജിയുടെ മകൾ ഇന്ദുലേഖ അവസാന സെമസ്റ്റർ എൽഎൽഎം വിദ്യാർത്ഥിയാണ്. പഠനവുമായി ബന്ധപ്പെട്ട ഗവേഷണ പ്രബന്ധം കൃത്യസമയത്ത് സമർപ്പിച്ചിട്ടും നിരവധി തവണ തിരുത്തൽ ആവശ്യപ്പെട്ട് ഗൈഡ് മടക്കി നൽകിയെന്നാണ് പരാതി.
പഠന വിഭാഗം മേധാവി അംഗീകരിച്ച ശേഷമാണ് ഗൈഡ് തിരുത്തൽ ആവശ്യപ്പെട്ടതെന്നാണ് ഷാജി ആരോപിക്കുന്നത്. ഒടുവിൽ ഗവേഷണ പ്രബന്ധം നിരസിച്ചുവെന്ന തരത്തിൽ എഴുതി നൽകണമെന്ന ആവശ്യവുമായി മകൾ പഠന വിഭാഗത്തിൽ എത്തിയെങ്കിലും അധികൃതർ തയ്യാറായില്ല. പിന്നീടാണ് പേപ്പർ മുറിക്കുന്ന ബ്ലേയ്ഡ് ഉപയോഗിച്ച് ഇയാൾ ഞരമ്പ് മുറിച്ചത്. ഓഫീസിലുണ്ടായിരുന്ന ജീവനക്കാർ ഷാജിയെ ഉടൻ തന്നെ അടുത്തുളള സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.&nbsp;

നിയമവിദ്യാ‌ർത്ഥിയായ മകളെ അധ്യാപകർ മാനസികമായി പീഡിപ്പിക്കുന്നുവെന്ന് ആരോപണം  ;പിതാവ് ആത്മഹത്യയ്ക്ക് ശ്രമിച്ചു

കോഴിക്കോട് : യുവതിയെ വിവസ്ത്രയാക്കി ദൃശ്യം പകർത്തിയ സംഭവത്തിൽ കൗമാരക്കാരൻ പൊലീസ് പിടിയിൽ. തിങ്കളാഴ്ച പുലർച്ചെ യുവാക്കൾ കൂട്ടിക്കൊണ്ടുപോയി നഗ്നദൃശ്യങ്ങൾ പകർത്തിയെന്നാണ് വയനാട് സ്വദേശിയായ യുവതി മെഡിക്കൽ കോളജ് പൊലീസ് സ്റ്റേഷനിൽ പരാതി നൽകിയത്. തുടർന്നു നടത്തിയ അന്വേഷണത്തിലാണ് സുഹൃത്തായ പ്രായപൂർത്തിയാകാത്ത കൗമാരക്കാരനെ പിടികൂടിയത്. കൗമാരക്കാരനെ ജുവനൈൽ ജസ്റ്റിസിന് മുന്നിൽ ഹാജരാക്കിയെന്ന് മെഡിക്കൽ കോളജ് പൊലീസ് അറിയിച്ചു.
ദേശീയ പാത ബൈപ്പാസിൽ സുഹൃത്തായ കൗമാരക്കാരനൊപ്പം ഭക്ഷണം കഴിക്കാൻ എത്തിയതായിരുന്നു യുവതി. കൗമാരക്കാരന്റെ മറ്റ് രണ്ട് സുഹൃത്തുക്കളും പിന്നീട് ഇവിടേക്കെത്തി. തുടർന്ന് നാലു പേരും ചേർന്ന് ബൈക്കിൽ കുന്നമംഗലം ഭാഗത്തുള്ള ഒരു വീട്ടിലേക്ക് പോകുകയായിരുന്നു. ഇവിടെയെത്തിയ ശേഷമാണ് നഗ്നയാക്കി ദൃശ്യങ്ങൾ പകർത്തിയതെന്നാണ് യുവതിയുടെ പരാതി.

കോഴിക്കോട് യുവതിയെ വിവസ്ത്രയാക്കി ദൃശ്യം പകർത്തി; കൗമാരക്കാരൻ പൊലീസ് പിടിയിൽ

Search Results for: 23.04.2025