കാസർകോട്: പ്രതിപക്ഷ നേതാവ് വി ഡി സതീശൻ സഞ്ചരിച്ച കാർ അപകടത്തിൽപ്പെട്ടു. കാസർകോട് പള്ളിക്കരയിലാണ് സംഭവം നടന്നത്. കണ്ണൂർ വിമാനത്താവളത്തിൽ നിന്ന് റോഡ് മാർഗം കൊല്ലൂർ മൂകാംബിക ക്ഷേത്രത്തിലേക്ക് പോവുകയായിരുന്നു.
അദ്ദേഹത്തിന് എസ്‌കോർട്ട് പോയ പൊലീസ് വാഹനം ബ്രേക്കിട്ടപ്പോൾ അതിന് പിറകിൽ ഇടിച്ചാണ് അപകടമുണ്ടായത്. വെെകിട്ട് 5.45നാണ് സംഭവം. അപകടത്തിൽ ആർക്കും പരിക്കേറ്റിട്ടില്ലെന്നാണ് വിവരം. കാറിന്റെ മുൻവശം പൂർണമായും തകർന്നിട്ടുണ്ട്.

പ്രതിപക്ഷ നേതാവ് വിഡി സതീശൻ സഞ്ചരിച്ച വാഹനം അപകടത്തിൽപ്പെട്ടു

Kerala

വടകര: വടകര മുനിസിപ്പാലിറ്റിയിലെ പൂവാടന്‍ഗേറ്റില്‍ റെയില്‍വെ പണിയുന്ന അടിപ്പാത എത്രയും വേഗം ഗതാഗതത്തിന് തുറന്നു കൊടുക്കുമെന്നും വെള്ളക്കെട്ട് നീക്കുന്നതിനുള്ള പ്രവര്‍ത്തനത്തിലാണ് അധികൃതരെന്നും അടിപ്പാതയുടെ നിര്‍മാണ ചുമതലയുള്ള കണ്ണൂരിലെ സീനിയര്‍ സെക്ഷന്‍ എഞ്ചിനീയര്‍ ടി.ഹബീബ് റഹ്‌മാന്‍ വ്യക്തമാക്കി. അടിപ്പാതയുടെ കാര്യത്തില്‍ നിലനില്‍ക്കുന്ന അനിശ്ചിതത്വം നീക്കണമെന്ന് ആവശ്യപ്പെട്ട് ആക്ഷന്‍ കമ്മിറ്റിയുടെ നേതൃത്വത്തില്‍ ഹബീബ് റഹ്‌മാനു കണ്ണൂരിലെ ഓഫീസിലെത്തി നല്‍കിയ നിവേദനത്തിന് മറുപടിയായാണ് അദ്ദേഹം ഈ ഉറപ്പ് നല്‍കിയത്.
2021 മാര്‍ച്ച് 31നാണ് അടിപ്പാത പണിയുന്നതിന് ലെവല്‍ക്രോസ് അടച്ചത്. അന്നു മുതല്‍ ഇക്കാലം വരെ പൂവാടന്‍ഗേറ്റുകാര്‍ യാത്രാക്ലേശം അനുഭവിക്കുകയാണ്. ഈ വര്‍ഷം ജനുവരി 31 ന് അടിപ്പാതയുടെ നിര്‍മാണം പൂര്‍ത്തിയാകുമെന്നായിരുന്നു ബന്ധപ്പെട്ടവര്‍ നല്‍കിയ ഉറപ്പ്. പിന്നീടത് മാര്‍ച്ച് 31നുള്ളില്‍ തീര്‍ക്കുമെന്നായി. അടിപ്പാതയുടെ പണി ഇന്ന് ഏതാണ്ട് പൂര്‍ത്തിയായിട്ടും ഗതാഗതത്തിന് തുറന്നുകൊടുത്തിട്ടില്ല.
ഇപ്പോള്‍ അടിപ്പാത പൂര്‍ണമായും വെള്ളത്തില്‍ മുങ്ങിയ നിലയിലാണ്. അടിപ്പാതയിലെ വെള്ളം മോട്ടോര്‍ ഉപയോഗിച്ച് പമ്പ് ചെയ്ത് ഒഴിവാക്കുമെന്നാണ് റെയില്‍വെ അധികൃതരും കോണ്‍ട്രാക്ടറും നേരത്തേ വ്യക്തമാക്കിയിരുന്നത്. എന്നാല്‍ ഈ സംവിധാനം ഇതുവരെ ഏര്‍പെടുത്താത്തതിനാല്‍ മഴ വെള്ളം പൂര്‍ണമായും ജലസംഭരണി എന്നതുപോലെ അടിപ്പാതയില്‍ കെട്ടിനില്‍ക്കുകയാണ്. ഇതോടെ ഈ വഴി എന്ന് നാട്ടുകാര്‍ക്ക് ഗതാഗതത്തിന് തുറന്നുകിട്ടുമെന്ന് വ്യക്തമല്ലാത്തനില. പൂവാടന്‍ഗേറ്റ് പരിസരവാസികള്‍ അനുഭവിക്കുന്ന യാത്രാക്ലേശത്തിന് അറുതി വരുത്താന്‍ റെയില്‍വെ ഉദാസീനത വെടിയണമെന്ന് ആവശ്യപ്പെട്ടാണ് ആക്ഷന്‍ കമ്മിറ്റി സീനിയര്‍ സെക്ഷന്‍ എഞ്ചിനീയര്‍ക്ക് നിവേദനം നല്‍കിയത്.
വെള്ളം പമ്പ് ചെയ്ത് ഒഴിവാക്കുന്നതിനു സ്ഥിരം സംവിധാനം ഒരുക്കാന്‍ കരാര്‍ നല്‍കിയതായി എഞ്ചിനീയര്‍ ഹബീബ് റഹ്‌മാന്‍ നിവദേക സംഘത്തെ അറിയിച്ചു. മൂന്നര ലക്ഷം രൂപ ചെലവില്‍ മോട്ടോര്‍ സ്ഥാപിക്കുന്നതിനുള്ള കരാര്‍ കോഴിക്കോട്ടെ കമ്പനി ഏറ്റെടുത്തുകഴിഞ്ഞു. മോട്ടോര്‍ പ്രവര്‍ത്തിക്കുന്നതോടെ വെള്ളം നീങ്ങിക്കിട്ടുമെന്നും പിന്നാലെ അടിപ്പാതയിലെ ഉറവ അടക്കാന്‍ കഴിയുമെന്നും അദ്ദേഹം വ്യക്തമാക്കി. ഈ പ്രവൃത്തി എത്രയും വേഗം പൂര്‍ത്തിയാക്കണമെന്ന് കരാര്‍ കമ്പനിക്ക് നിര്‍ദേശം നല്‍കിയതായും ഇത് യാര്‍ഥ്യമാകുന്നതോടെ അടിപ്പാത ഗതാഗതത്തിനു തുറന്നുകൊടുക്കാനാവുമെന്നും അദ്ദേഹം പറഞ്ഞു. ആക്ഷന്‍ കമ്മിറ്റി ചെയര്‍മാന്‍ പി.മഹമൂദിന്റെ നേതൃത്വത്തിലാണ് നിവേദനം നല്‍കിയത്. കണ്‍വീനര്‍ ആര്‍.കെ.പ്രദീപ്, ട്രഷറര്‍ സി.കെ.രജില്‍, അംഗങ്ങളായ എ.കെ.സചീന്ദ്രന്‍, കെ.അബൂബക്കര്‍, സുരേഷ്ബാബു എന്നിവരാണ് സംഘത്തിലുണ്ടായിരുന്നത്.

&nbsp;

പൂവാടന്‍ഗേറ്റ് അടിപ്പാതയിലെ വെള്ളക്കെട്ട് നീക്കും; മോട്ടോര്‍ സ്ഥാപിക്കാന്‍ കരാര്‍ നല്‍കിയതായി റെയില്‍വേ

Vadakara

കണ്ണൂര്‍: കണ്ണൂര്‍ സര്‍വകലാശാല വിദ്യാര്‍ഥി യൂണിയന്‍ തിരഞ്ഞെടുപ്പില്‍ എസ്.എഫ്.ഐക്ക് വിജയം. മുഴുവന്‍ സീറ്റുകളിലും എസ്.എഫ്.ഐ. സ്ഥാനാര്‍ഥികളാണ് വിജയിച്ചത്. തുടര്‍ച്ചയായ 25-ാം തവണയാണ് എസ്.എഫ്.ഐ. കണ്ണൂര്‍ സര്‍വകലാശാല യൂണിയന്‍ നേടുന്നത്.
നേരത്തെ, കള്ളവോട്ടിനെച്ചൊല്ലി എസ്.എഫ്.ഐ- കെ.എസ്.യു. പ്രവര്‍ത്തകര്‍ ഏറ്റുമുട്ടിയിരുന്നു. കാസര്‍കോട്ടുനിന്നുള്ള വോട്ടറുടെ തിരിച്ചറിയല്‍ കാര്‍ഡ് എസ്.എഫ്.ഐ. പ്രവര്‍ത്തകര്‍ തട്ടിപ്പറിച്ച് ഓടി എന്ന് കെ.എസ്.യു- എം.എസ്.എഫ്. സഖ്യം ആരോപിച്ചു. എന്നാല്‍, കള്ളവോട്ടിനുള്ള ശ്രമം പ്രതിരോധിക്കുകയായിരുന്നുവെന്നാണ് എസ്.എഫ്.ഐ. വിശദീകരിച്ചത്. സംഘര്‍ഷമുണ്ടായതിനെത്തുടര്‍ന്ന് പോലീസ് ലാത്തി വീശി.

കണ്ണൂര്‍ സര്‍വകലാശാല യൂണിയന്‍ തൂത്തുവാരി എസ്എഫ്‌ഐ ;മുഴുവന്‍ സീറ്റുകളിലും വിജയിച്ചു

Kannur

കോഴിക്കോട്‌: കെ.എസ്.ഇ.ബി. സെക്ഷന്‍ ഓഫീസില്‍ അതിക്രമിച്ചുകയറി അസിസ്റ്റന്റ് എഞ്ചിനീയറുള്‍പ്പെടെയുള്ള ജീവനക്കാരെ മര്‍ദ്ദിക്കുകയും ഓഫീസ് അടിച്ചുതകര്‍ക്കുകയും നാശനഷ്ടമുണ്ടാക്കുകയും ചെയ്ത വ്യക്തികളുടെ വീട്ടിലെ വൈദ്യുതി കണക്ഷന്‍ വിച്ഛേദിച്ചു. വൈദ്യുതി കണക്ഷന്‍ വിച്ഛേദിക്കാന്‍ കെ.എസ്.ഇ.ബി. ചെയര്‍മാന്‍ ബിജു പ്രഭാകര്‍ ഉത്തരവിട്ടിരുന്നു.&nbsp;
ബില്‍ അടയ്ക്കാത്തതിനെത്തുടര്‍ന്ന് തിരുവമ്പാടി ഉള്ളാറ്റില്‍ ഹൗസിലെ റസാക് എന്നയാളുടെ വൈദ്യുതി കണക്ഷന്‍ വിച്ഛേദിച്ചതിന്റെ പ്രതികാരമായി മകന്‍ അജ്മല്‍ എന്നയാളും കൂട്ടാളിയും ചേര്‍ന്ന് വെള്ളിയാഴ്ച കെ.എസ്.ഇ.ബി. ലൈന്‍മാന്‍ പ്രശാന്ത് പി. സഹായി അനന്തു എം. കെ. എന്നിവരെ കയ്യേറ്റം ചെയ്യുകയും വധഭീഷണി മുഴക്കുകയും ചെയ്തുവെന്നാണ് പരാതി. ഇതു സംബന്ധിച്ച് സെക്ഷന്‍ അസിസ്റ്റന്റ് എഞ്ചിനീയര്‍ പ്രശാന്ത് പി.എസ്. തിരുവമ്പാടി പൊലീസ് സ്റ്റേഷനില്‍ പരാതി നല്‍കിയിരുന്നു. അതിലുള്ള പ്രതികാരമായാണ് അജ്മല്‍ കൂട്ടാളി ഷഹദാദുമൊത്ത് ശനിയാഴ്ച രാവിലെ സെക്ഷന്‍ ഓഫീസിലെത്തി അതിക്രമം കാട്ടിയതെന്ന് കെ.എസ്.ഇ.ബി. അധികൃതര്‍ അറിയിച്ചു.

കെ.എസ്.ഇ.ബി ഓഫീസില്‍ അതിക്രമംകാണിച്ചവരുടെ വീടുകളിലെ വൈദ്യുതി കണക്ഷന്‍ വിച്ഛേദിച്ചു

Kozhikode

പാല്‍ കൊണ്ടുള്ള വിഭവങ്ങള്‍ പൊതുവേ എല്ലാവര്‍ക്കും ഇഷ്ടമാണ്. അതില്‍ മലയാളികളുടെ മനസ്സില്‍ ആദ്യം ഓടിയെത്തുക പാല്‍പ്പായസം തന്നെയാവും. എളുപ്പത്തിലൊരു പാല്‍പ്പായസം തയ്യാറാക്കി നോക്കാം
ചേരുവകള്‍
ബസ്മതിഅരി- കാല്‍ കപ്പ്
പാല്‍- ആറ് കപ്പ്
പഞ്ചസാര- കാല്‍ കപ്പ്
നെയ്യ്- ഒരു ടീസ്പൂണ്‍
കശുവണ്ടി- പത്തെണ്ണം
ഉണക്കമുന്തിരി- രണ്ട് ടേബിള്‍ സ്പൂണ്‍
ഏലക്കപ്പൊടി- കാല്‍ ടീസ്പൂണ്‍
തയ്യാറാക്കുന്ന വിധം
ഒരു വലിയ പാത്രത്തില്‍ അഞ്ച് കപ്പ് പാലൊഴിച്ച് തിളപ്പിക്കുക. അരി നന്നായി കുതിര്‍ത്ത് വെള്ളം വാര്‍ത്ത് എടുക്കുക. പാലിലേക്ക് അരി ചേര്‍ത്ത് നന്നായി വേവുന്നതുവരെ ചെറുതീയില്‍ ഇളക്കി വേവിക്കുക.
പാല്‍ ക്രീമി രൂപത്തിലാകുന്നതുപോലെ അരി ഒന്ന് ഉടച്ചു കൊടുക്കാം. ഇതിലേക്ക് മാറ്റി വച്ച ഒരു കപ്പ് പാല്‍ കൂടി ചേര്‍ക്കാം. ഇനി പഞ്ചസാര ചേര്‍ത്ത് നന്നായി ഇളക്കാം. പായസം കുറുകുന്നതുവരെ ഇനി വീണ്ടും തിളപ്പിക്കാം. ഇനി നെയ്യില്‍ വറുത്ത കശുവണ്ടിയും ഉണക്കമുന്തിരിയും പായസത്തില്‍ വിതറി ഒപ്പം ഏലയ്ക്കപ്പൊടിയും ചേര്‍ത്തിളക്കി വിളമ്പാം. ചൂടോടെയോ തണുപ്പിച്ചോ കുടിക്കാം.

സ്വാദിഷ്ടന്മായ പാല്‍പ്പായസം എളുപ്പത്തിൽ ഉണ്ടാക്കാം

Health

വടകര: എം യു എം വി എച്ച് എസ് എസ്, വിഎച്ച്എസ്ഇ വിഭാഗം എൻഎസ് എസ്ന്റെ ആഭിമുഖ്യത്തിൽ ഏകദിന ഓറിയന്റേഷൻ ക്യാമ്പ് നടത്തി. ക്യാമ്പിന്റെ ഭാഗമായി പാലിയേറ്റീവ് പ്രവർത്തനങ്ങൾക്കായി ന്യൂസ്പേപ്പർ, പ്ലാസ്റ്റിക് ചാലഞ്ചും നടത്തി. മാസ്റ്റർ ട്രെയിനർ അനീസ് മുഹമ്മദിന്റെ നേതൃത്വത്തിൽ ലൈഫ് സ്കിൽ എനർജി സെഷൻ സംഘടിപ്പിച്ചു. ദത്തു ഗ്രാമത്തിൽ മഴക്കാല രോഗങ്ങളെ കുറിച്ച് ഉള്ള അവബോധവും നോട്ടീസ് വിതരണവും നടത്തി.&nbsp;
വടകര കുടുംബാരോഗ്യ കേന്ദ്ര പരിസരത്ത് ഓണത്തെ വരവേൽക്കാൻ ചെണ്ടുമല്ലി, ജൈവ പച്ചക്കറി വിത്ത് നടൽ നഗരസഭ ചെയർപേഴ്സൺ കെ പി ബിന്ദു ഉദ്ഘാടന കർമ്മം നിർവഹിച്ചു. എം യു എം പി ടി എ പ്രസിഡന്റ്‌ യൂനുസ് കെ ടി ആദ്യക്ഷത വഹിച്ച ചടങ്ങിൽ നഗരസഭ പ്രതിപക്ഷ നേതാവ് വട്ടക്കണ്ടി അസീസ്‌ , വാർഡ് കൗൺസിലർ ഷാഹിമ കെ പി, അബ്ദുൽ ബാരി (മെഡിക്കൽ ഓഫീസർ( എഫ് എച്ച് സി ), സുബൈർ, ഹാജറ എന്നിവർ ആശംസ അർപ്പിച്ചു സംസാരിച്ചു. എൻ എസ് എസ് പ്രോഗ്രാം ഓഫീസർ മുഹമ്മദ്‌ ഷംസീർ സ്വാഗതവും ടി പി റഹിം നന്ദിയും അർപ്പിച്ചു. എൻഎസ്എസ് വളണ്ടിയേഴ്സ്, ആശുപത്രി ജീവനക്കാർ, നാട്ടുകാർ എന്നിവർ ചടങ്ങിൽ പങ്കെടുത്തു.

എൻ എസ് എസ് ഏകദിന ക്യാമ്പ്

വടകര: 102 ആ മത് അന്താരാഷ്ട്ര സഹകരണ വാരാഘോഷ ദിനം ആചരിച്ചു. ഏറാമല സര്‍വ്വീസ് സഹകരണ ബേങ്കില്‍ ചെയര്‍മാന്‍ മനയത്ത് ചന്ദ്രന്‍ പതാക ഉയര്‍ത്തി പ്രതിജ്ഞ ചൊല്ലിക്കൊടുത്തു. ജനറല്‍ മാനേജര്‍ ടി.കെ വിനോദന്‍, ഒ.കെ നന്ദകുമാര്‍, ടി.എന്‍ പ്രകാശന്‍, സി.കെ ബിജു തുടങ്ങി ബേങ്കിലെ ജീവനക്കാരും ചടങ്ങില്‍ പങ്കെടുത്തു.

സഹകരണ വാരാഘോഷ ദിനം ആചരിച്ചു

Inshort

പാലക്കാട്: പാലക്കാട് പിരായിരി മാപ്പിളക്കാട്ട് പഞ്ഞിക്കുളത്തില്‍ വിദ്യാര്‍ത്ഥി മുങ്ങിമരിച്ചു. കുറിശാംകുളം സഫ നഗറില്‍ ഹബീബ് റഹ്മാന്‍-സുനീത ദമ്പതികളുടെ മകന്‍ മുസ്തഫയാണ് (14) മരിച്ചത്.
കൂട്ടുകാരുമൊത്ത് കുളിക്കാന്‍ പോയ മുസ്തഫ കുളത്തില്‍ മുങ്ങിത്താഴുകയായിരുന്നു. കല്ലേക്കാട് സ്വകാര്യ ആശുപത്രിയിലും പിന്നീട് ജില്ല ആശുപത്രിയിലും എത്തിച്ചെങ്കിലും മരിച്ചിരുന്നു. മൃതദേഹം പാലക്കാട് ജില്ല ആശുപത്രി മോര്‍ച്ചറിയില്‍ സൂക്ഷിച്ചിട്ടുണ്ട്.മുസ്തഫ പാലക്കാടന്‍ മിഷന്‍ സ്‌ക്കൂളിലെ ഒമ്പതാം ക്ലാസ് വിദ്യാര്‍ത്ഥിയാണ്

കൂട്ടുകാരുമൊത്ത് കുളത്തിൽ കുളിക്കാനിറങ്ങിയ വിദ്യാര്‍ത്ഥി മുങ്ങിമരിച്ചു.

വൈത്തിരി: ബസിടിച്ച് പരിക്കേറ്റ് ചികിത്സയിലായിരുന്ന വയോധിക മരിച്ചു. വൈത്തിരി പന്ത്രണ്ടാം പാലം സ്വദേശി ചെല്ലമ്മ(74)യാണ് മരിച്ചത്.
ദേശീയപാതയിൽ വൈത്തിരി കുന്നത്ത് പാലത്തിനടുത്ത് റോഡ് മുറിച്ച് കടക്കുന്നതിനിടെ തൊഴിലുറപ്പു തൊഴിലാളിയായ ചെല്ലമ്മയെ സ്വകാര്യ ബസ് ഇടിക്കുകയായിരുന്നു.ഗുരുതര പരിക്കേറ്റ ഇവരെ ആദ്യം വൈത്തിരി താലൂക്ക് ആശുപത്രിയിലും പിന്നീട് മേപ്പാടിയിലെ സ്വകാര്യ മെഡിക്കൽ കോളേജിലും പ്രവേശിപ്പിച്ചിരുന്നെങ്കിലും മരിച്ചു.

ബസിടിച്ച് പരിക്കേറ്റ് ചികിത്സയിലായിരുന്ന തൊഴിലുറപ്പു തൊഴിലാളി മരിച്ചു

കോഴിക്കോട്: മെഡിക്കൽ കോളജിന് സമീപം താമസസ്ഥലത്ത് അബോധാവസ്ഥയിൽ കണ്ടെത്തിയ ഡോക്ടർ മരിച്ചു. പത്തനംതിട്ട പന്തളം പൂഴിക്കാട് കൂട്ടംവെട്ടിയിൽ ദാറുസ്സലാം വീട്ടിൽ ഡോ. മുഹമ്മദ് മസൂദ് ഖാൻ (32) ആണ് മരിച്ചത്.
മുറിയിൽ അബോധാവസ്ഥയിൽ കണ്ട ഡോക്ടറെ നാട്ടുകാർ മെഡിക്കൽ കോളജ് ആശുപത്രിയിൽ എത്തിച്ചെങ്കിലും മരിച്ചു. മൃതദേഹം മോർച്ചറിയിലേക്ക് മാറ്റി.മെഡിക്കൽ കോളജിൽ എം.ബി.ബി.എസും പി.ജിയും കഴിഞ്ഞ ഡോക്ടർ നിലവിൽ ബംഗളൂരുവിലാണ് ജോലി ചെയ്യുന്നത്.

കോഴിക്കോട് അബോധാവസ്ഥയിൽ കണ്ടെത്തിയ ഡോക്ടർ മരിച്ചു

മാനവസേന വെല്‍ഫയര്‍ സൊസൈറ്റിയുടെ ഭരത് ഗോപി പുരസ്‌കാരം നടന്‍ സലീം കുമാറിന്. ആഗസ്റ്റ് 15 ന് ആറ്റിങ്ങളില്‍ വച്ച് നടക്കുന്ന വാര്‍ഷികാഘോഷ ചടങ്ങില്‍ പുരസ്‌കാരം സമ്മാനിക്കും.&nbsp;
25000 രൂപയും പ്രശസ്തി പത്രവും ശില്‍പ്പവുമടങ്ങുന്നതാണ് പുരസ്‌കാരം.കേരള ഭക്ഷ്യ വകുപ്പ് സിവില്‍ സപ്ലൈസ് മന്ത്രി ജി.ആര്‍ അനില്‍ പുരസ്കാരം സമ്മാനിക്കും.

ഭരത് ഗോപി പുരസ്‌കാരം നടന്‍ സലീം കുമാറിന്

തിരുവനന്തപുരം: പാലോട് പേരയം ചെല്ലഞ്ചിയില്‍ അമ്മയേയും മകളെയും മരിച്ച നിലയില്‍ കണ്ടെത്തി. ചെല്ലഞ്ചി ഗീതാലയത്തില്‍ സുപ്രഭ (88), ഗീത (59) എന്നിവരെയാണ് മരിച്ച നിലയില്‍ കണ്ടെത്തിയത്. അമിതമായി ഗുളിക കഴിച്ചാണ് മരണമെന്നാണ് പ്രാഥമിക നിഗമനം.മാനസിക സമ്മര്‍ദമാണ് മരണകാരണമെന്ന് ബന്ധുകള്‍ പറയുന്നു. 12 സെന്റ് വസ്തുവുമായി ബന്ധപ്പെട്ട് സിവില്‍ കേസില്‍ മൂന്നു ദിവസം മുന്‍പ് വന്ന വിധി ഇവര്‍ക്ക് പ്രതികൂലമായിരുന്നു. തുടര്‍ന്ന് ഇവര്‍ മാനസികമായി തളര്‍ന്നിരുന്നു.
ഗീതയുടെ ഭര്‍ത്താവ് വത്സലന്‍ വീട്ടില്‍ ഉണ്ടായിരുന്നു. അദ്ദേഹം ഇത് അറിഞ്ഞിരുന്നില്ല. ശനിയാഴ്ച രാവിലെ 8.30 ഓടെയാണ് മൃതദേഹം കണ്ടത്. ഗീതയുടെ മൃതദേഹം വീടിന്റെ ഹാളിലും സുപ്രഭയുടെ മൃതദേഹം മുറിക്ക് ഉള്ളിലുമാണ് കണ്ടെത്തിയത്.

തിരുവനന്തപുരത്ത് അമ്മയേയും മകളെയും മരിച്ച നിലയില്‍ കണ്ടെത്തി

കോഴിക്കോട്: കൂടോത്ര വിവാദത്തിൽ കോൺ​ഗ്രസ് നേതാക്കൾക്കെതിരെ വിമർശനവുമായി യൂത്ത് കോൺ​ഗ്രസ്. 'പണിയെടുക്കാതെ കൂടോത്രം ചെയ്താൽ പാർട്ടി ഉണ്ടാകില്ല. ജവഹർലാൽ നെഹ്റുവിന്റെ പാർട്ടിയിലെ പിന്മുറക്കാരാണ് നിങ്ങളെന്ന് തിരിച്ചറിയണം. കൂടോത്രം വെക്കാൻ എടുക്കുന്ന പണിയുടെ പകുതി പണിയെടുത്താൽ ഇവർക്കൊക്കെ നേതാക്കന്മാരാകാം'- എന്നായിരുന്നു പരി​ഹാസം. ഇന്ത്യ ബൂത്ത് ലീഡേഴ്സ് മീറ്റിന്റെ കുറ്റ്യാടിയിലെ പരിപാടിയിലാണ് യൂത്ത് കോൺ​ഗ്രസ് സംസ്ഥാന ഉപാധ്യക്ഷൻ അബിൻ വർക്കി കോൺ​ഗ്രസ് നേതാക്കൾക്കെതിരെ ആഞ്ഞടിച്ചത്.
ഇത് 21-ാം നൂറ്റാണ്ട് ആണെന്നും 2024 ആണെന്നും കൂടോത്രക്കാർ ഓർക്കണം. സയന്റിഫിക് ടെമ്പർ എന്ന വാക്ക് പ്രതിഫലിപ്പിച്ച ജവഹർലാൽ നെഹ്റുവിന്റെ പാർട്ടിയാണ് ഇത്. കൂടോത്രം വരുമാനമാർഗമാക്കിയവരും മറ്റുള്ളവരെ നശിപ്പിക്കാൻ ഇറങ്ങിയവരുമായ വ്യക്തികൾ ഇതൊന്ന് മനസിലാക്കി വെക്കണം. കൂടോത്രം ചെയ്തിട്ടൊന്നും കാര്യമില്ല. പണിയെടുത്താലേ പാർട്ടി ഉണ്ടാകൂ. പണിയെടുത്താലെ നിങ്ങൾ നേതാവാകൂ- അബിൻ വർക്കി പറഞ്ഞു.

'പണിയെടുക്കാതെ കൂടോത്രം ചെയ്താൽ പാർട്ടി ഉണ്ടാകില്ല'; കോൺ​ഗ്രസ് നേതാക്കളെ വിമർശിച്ച് യൂത്ത് കോൺ​ഗ്രസ്

കോട്ടയം: നടൻ എന്ന നിലയിൽ സുരേഷ് ഗോപി പരിപാടിയിൽ പങ്കെടുത്ത് പണം വാങ്ങുന്നതിൽ തെറ്റില്ലെന്ന് ബി.ജെ.പി. സംസ്ഥാന അധ്യക്ഷൻ കെ സുരേന്ദ്രൻ. മുകേഷും ഗണേഷ് കുമാറും പരിപാടിയിൽ പങ്കെടുക്കുന്നതിന് പണം വാങ്ങാറില്ലേ എന്നും അദ്ദേഹം ചോദിച്ചു.
പത്തനംതിട്ടയിൽ മന്ത്രിയും പാർട്ടി സെക്രട്ടറിയും ചേർന്നാണ് കാപ്പ ചുമത്തിയ പ്രതിയെ സ്വീകരിച്ചതെന്ന് പറഞ്ഞ കെ സുരേന്ദ്രൻ, മുമ്പ് പാർട്ടി അച്ചടക്കം പാലിക്കാത്തതിനെത്തുടർന്ന് ബി.ജെ.പി. പുറത്താക്കിയ ആളെയാണ് സിപിഎം സ്വീകരിച്ചതെന്നും കൂട്ടിച്ചേർത്തു.

നടൻ എന്ന നിലയിൽ സുരേഷ് ഗോപി പരിപാടിയിൽ പങ്കെടുത്ത് പണം വാങ്ങിക്കുന്നതിൽ തെറ്റില്ലെന്ന്  കെ സുരേന്ദ്രൻ

തിരുവനന്തപുരം: അഞ്ചു വയസ്സിൽ താഴെയുള്ള കുട്ടികൾക്കും ആധാറിൽ പേര് ചേർക്കാൻ അവസരം. അഞ്ചു വയസ്സുവരെയുള്ള കുട്ടികളുടെ ആധാർ എൻറോൾമെന്റ് സമയത്ത് അവരുടെ ബയോമെട്രിക്‌സ് (വിരലടയാളം, കൃഷ്ണമണി രേഖ) ശേഖരിക്കില്ല. എന്നാൽ, എൻറോൾ ചെയ്യപ്പെടുമ്പോൾ കുട്ടികളുടെ ജനനസർട്ടിഫിക്കറ്റ് ഹാജരാക്കണം. പിന്നീട് കുട്ടികളുടെ അഞ്ചാം വയസ്സിലും 15-ാം വയസ്സിലും ബയോമെട്രിക്‌സ് നിർബന്ധമായും ചേർക്കണം. അഞ്ചാം വയസ്സിലെ നിർബന്ധിത ബയോമെട്രിക്‌സ് പുതുക്കൽ ഏഴു വയസ്സിനുള്ളിലും 15 വയസ്സിലെ നിർബന്ധിത ബയോമെട്രിക്‌സ് പുതുക്കൽ 17 വയസ്സിനുള്ളിലും നടത്തിയാൽ മാത്രമേ സൗജന്യ പുതുക്കൽ സൗകര്യം ലഭ്യമാകൂ.&nbsp;
അല്ലാത്തവർക്ക് 100 രൂപ നിരക്ക് ഈടാക്കും. അഞ്ചു വയസ്സിലെ പേര് ചേർക്കൽ, നിർബന്ധിത ബയോമെട്രിക്‌സ് പുതുക്കൽ എന്നീ സേവനങ്ങൾ അക്ഷയകേന്ദ്രങ്ങൾ വഴിയും മറ്റ്‌ ആധാർ കേന്ദ്രങ്ങൾ വഴിയും ലഭിക്കും. കേരളത്തിൽ ആധാറിന്റെ നോഡൽ ഏജൻസിയായി സംസ്ഥാന ഐടി മിഷനെയാണ് സംസ്ഥാന സർക്കാരും ഭാരതീയ സവിശേഷ തിരിച്ചറിയൽ അതോറിറ്റിയും നിശ്ചയിച്ചിരിക്കുന്നത്. ആധാറുമായി ബന്ധപ്പെട്ട സംശയങ്ങൾക്കും പരാതികൾക്കും വിളിക്കേണ്ട നമ്പർ: സിറ്റിസൺ കാൾ സെന്റർ: 1800-4251-1800 / 0471- 2335523. കേരള സംസ്ഥാന ഐടി മിഷൻ (ആധാർ സെക്‌ഷൻ): 0471-2525442. സംശയങ്ങൾക്ക്: uidhelpdesk@kerala.gov.in എന്ന മെയിൽ ഐഡിയിലേക്ക് മെയിൽ അയക്കുകയും ചെയ്യാം.

5 വയസ്സിൽ താഴെയുള്ളവർക്കും ആധാറിൽ പേര് ചേർക്കാം

National

കോഴിക്കോട്: മുക്കത്ത് കെ.എസ്.ഇ.ബി. ഓഫീസിൽ യൂത്ത് കോൺഗ്രസ് പ്രവർത്തകന്റെ പരാക്രമം. തിരുവമ്പാടി സ്വദേശി അജ്മൽ യു.സിയാണ് എ.ഇയെ കൈയേറ്റം ചെയ്തത്. ഓഫീസിൽ ഉണ്ടായിരുന്ന കമ്പ്യൂട്ടർ അടക്കമുള്ളവ തല്ലിത്തകർക്കുകയും ചെയ്തു. ഇയാളെ തിരുവമ്പാടി പോലീസ് കസ്റ്റഡിയിൽ എടുത്തു. വൈദ്യുത ബിൽ അടയ്ക്കാത്തതിനെത്തുടർന്ന് കഴിഞ്ഞ ദിവസം അജ്മലിന്റെ വീട്ടിലെ കണക്ഷൻ കെ.എസ്.ഇ.ബി. വിച്ഛേദിച്ചിരുന്നു. ഇതിനായി വീട്ടിൽ എത്തിയ ജീവനക്കാരെ ഇയാൾ തടയുകയും കൈയേറ്റം ചെയ്യാൻ ശ്രമിക്കുകയും ചെയ്തിരുന്നു.
വിഷയത്തിൽ ജീവനക്കാർ നൽകിയ പരാതിയിൽ ഇയാൾക്കെതിരേ കൃത്യനിർവഹണം തടസപ്പെടുത്തിയതിന് കേസെടുക്കുകയും ചെയ്തിരുന്നു. ഇതിന് പിന്നാലെയാണ് കെ.എസ്.ഇ.ബി. ഓഫീസിൽ എത്തി ഇയാൾ എ.ഇയെ കൈയേറ്റം ചെയ്തത്. ആക്രമണത്തിൽ പരിക്കേറ്റ തിരുവമ്പാടി എ.ഇ. പ്രശാന്തിനെ മുക്കം പ്രാഥമികാരോഗ്യ കേന്ദ്രത്തിൽ പ്രവേശിപ്പിച്ചു.

ബില്ലടച്ചില്ല, വീട്ടിലെ വൈദ്യുതി വിച്ഛേദിച്ചു; കെ.എസ്.ഇ.ബി. ഓഫീസ് അടിച്ചുതകർത്ത് യൂത്ത് കോൺഗ്രസ് പ്രവർത്തകൻ

വില്യാപ്പള്ളി: വില്യാപ്പള്ളി യു പി സ്കൂളിൽ ബഷീർ ദിനം വിവിധ പരിപാടികളോടെ ആഘോഷിച്ചു. ബഷീർ, പാത്തുമ്മ, അബ്ദുൽ ഖാദർ എന്നീ കഥാപാത്രങ്ങളുടെ ആവിഷ്കാരവും നടന്നു. ഏറെ ശ്രദ്ധയാകർഷിച്ച സ്കിറ്റ്, പരിപാടിക്ക് ഉണർവേകി. കുട്ടികളുടെ മനം കവരുന്ന രീതിയിലായിരുന്നു പരിപാടികൾ. സ്കിറ്റ് അവതരിപ്പിച്ച കുട്ടികളെ മറ്റ് വിദ്യാർഥികൾ അഭിനന്ദിച്ചു.

വില്യാപ്പള്ളി യു പി സ്കൂളിൽ ബഷീർ ദിനം

മൊകേരി: കായക്കോടി ഗ്രാമപഞ്ചായത്തിന്റെയും കൃഷിഭവന്റെയും നേതൃത്വത്തിൽ കർഷക സഭയും ഞാറ്റുവേല ചന്തയും സംഘടിപ്പിച്ചു. കായക്കോടി ടൗണിൽ നടന്ന ചടങ്ങ് പഞ്ചായത്ത് പ്രസിഡന്റ്‌ ഷിജിൽ ഒ. പി. മുതിർന്ന കർഷകൻ പുതുക്കുടി കുഞ്ഞബ്ദുള്ളക്ക് തൈ നൽകി ഉദ്ഘാടനം ചെയ്തു. കൃഷി ഓഫീസർ ശ്രീഷ സ്വാഗതം പറഞ്ഞു. ഞാറ്റുവേല ചന്തയിൽ വിവിധ നടീൽ വസ്തുക്കളുടെ പ്രദർശനവും വില്പനയും ഉണ്ടായിരുന്നു.
വാർഡ് മെമ്പർമാർ അജിഷ, റീജ, സരിത മുരളി, അബ്ദുൾ റഫീഖ്, ശോഭ ,കാർഷിക വികസന സമിതി അംഗങ്ങൾ, കർഷകർ, കൃഷി അസിസ്റ്റന്റ്മാരായ ഷാലിമ പി, ശരത് വി എന്നിവർ പങ്കെടുത്തു.

കർഷക സഭയും ഞാറ്റുവേല ചന്തയും

Kuttiadi

തിരുവനന്തപുരം : ഇന്നു മുതൽ 8 വരെ വടക്കൻ ജില്ലകളിൽ ഒറ്റപ്പെട്ട കനത്ത മഴയ്ക്കു സാധ്യതയുള്ളതിനാൽ മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ കേന്ദ്ര കാലാവസ്ഥ വകുപ്പ് യെലോ അലർട്ട് പ്രഖ്യാപിച്ചു. വയനാട് ജില്ലയിൽ നാളെയും മറ്റന്നാളും യെലോ അലർട്ട് പ്രഖ്യാപിച്ചിട്ടുണ്ട്. 24 മണിക്കൂറിൽ 64.5–115.5 മില്ലിമീറ്റർ വരെ മഴയാണ് പ്രതീക്ഷിക്കുന്നത്. 8 വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്കു സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
നാളെ രാത്രി 11.30 വരെ കേരള, തമിഴ്നാട് തീരങ്ങളിൽ കള്ളക്കടൽ പ്രതിഭാസത്തിനും ഉയർന്ന തിരമാലയ്ക്കും സാധ്യതയുണ്ടെന്ന് ദേശീയ സമുദ്രസ്ഥിതി പഠന കേന്ദ്രം അറിയിച്ചു. മീൻപിടിത്ത തൊഴിലാളികളും തീരദേശവാസികളും ജാഗ്രത പുലർത്തണം. കേരള, കർണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിനു തടസ്സമില്ലെന്നു കേന്ദ്ര കാലാവസ്ഥാ വകുപ്പ് അറിയിച്ചു.&nbsp;

വടക്കൻ ജില്ലകളിൽ ഒറ്റപ്പെട്ട കനത്ത മഴയ്ക്കു സാധ്യത

ആലപ്പുഴ : ജില്ലയിൽ വെസ്റ്റ് നൈൽ പനി സ്ഥിരീകരിച്ചു. തൃക്കുന്നപ്പുഴ പഞ്ചായത്തിലെ പല്ലന സ്വദേശിയായ സ്ത്രീക്കാണ് രോഗം സ്ഥിരീകരിച്ചത്. ആലപ്പുഴ മെഡിക്കൽ കോളജ് ആശുപത്രിയിൽ ചികിത്സയിലാണ്.&nbsp;
∙ എന്താണ് വെസ്റ്റ് നൈല്‍?
ക്യൂലക്‌സ് കൊതുക് പരത്തുന്ന ഒരു പകര്‍ച്ചവ്യാധിയാണ് വെസ്റ്റ് നൈല്‍. ജപ്പാന്‍ ജ്വരത്തെപ്പോലെ അപകടകരമല്ല. ജപ്പാന്‍ ജ്വരം സാധാരണ 18 വയസ്സിനു താഴെയുള്ള കുട്ടികളെയാണ് ബാധിക്കുന്നതെങ്കില്‍ വൈസ്റ്റ് നൈല്‍ പനി മുതിര്‍ന്നവരിലാണ് കാണുന്നത്. രണ്ടും കൊതുകു വഴി പകരുന്ന രോഗമാണ്. ജപ്പാന്‍ ജ്വരത്തിന് വാക്‌സീന്‍ ലഭ്യമാണ്. പക്ഷേ വൈസ്റ്റ് നൈലിന് നിലവിൽ വാക്സീനില്ല. പക്ഷികളിലും രോഗബാധയുണ്ടാകാറുണ്ട്. 2011ല്‍ ആലപ്പുഴയിലാണ് സംസ്ഥാനത്ത് ആദ്യമായി ഈ രോഗം റിപ്പോര്‍ട്ട് ചെയ്തത്.
∙ രോഗലക്ഷണങ്ങൾ
തലവേദന, പനി, പേശിവേദന, തലചുറ്റല്‍, ഓര്‍മ നഷ്ടപ്പെടല്‍ എന്നിവയാണ് പ്രധാന രോഗലക്ഷണങ്ങള്‍. രോഗബാധയുണ്ടായ ഭൂരിപക്ഷം പേരിലും പലപ്പോഴും രോഗലക്ഷണങ്ങള്‍ പ്രകടമായി അനുഭവപ്പെടാറില്ല. ചിലര്‍ക്ക് പനി, തലവേദന, ഛര്‍ദ്ദി, ചൊറിച്ചില്‍ തുടങ്ങിയ ലക്ഷണങ്ങള്‍ കാണാം. ഒരു ശതമാനം ആളുകളില്‍ തലച്ചോറിനെ ബാധിക്കുന്നതുമൂലം ബോധക്ഷയവും ചിലപ്പോള്‍ മരണം വരെയും സംഭവിക്കാം. ജപ്പാന്‍ ജ്വരത്തെ അപേക്ഷിച്ച് മരണ നിരക്ക് കുറവാണ്.

ആലപ്പുഴ ജില്ലയിൽ വെസ്റ്റ് നൈൽ പനി സ്ഥിരീകരിച്ചു ;രോഗത്തെ പറ്റി കൂടുതൽ അറിയാം

തിരുവനന്തപുരം: അമീബിക് മസ്തിഷ്ക ജ്വരവുമായി ബന്ധപ്പെട്ട് പൊതുജനങ്ങൾക്ക് നിർദേശവുമായി മുഖ്യമന്ത്രി പിണറായി വിജയൻ. രോ​ഗവുമായി ബന്ധപ്പെട്ട ആശങ്കയുടെ പശ്ചാത്തലത്തിൽ മുഖ്യമന്ത്രി നേരിട്ട് വിളിച്ചുചേർത്ത ഉന്നതതല യോ​ഗത്തിലാണ് നിർദേശം. വ്യത്തിഹീനമായ ജലാശയങ്ങളിൽ കുളിക്കാൻ ഇറങ്ങരുതെന്നും സ്വിമ്മിങ്ങ് പൂളുകൾ ക്ലോറിനേറ്റ് ചെയ്യണമെന്നും മുഖ്യമന്ത്രി പറഞ്ഞു.
കുട്ടികളിലാണ് ഈ അസുഖം കൂടുതലായും കാണുന്നത്. അതിനാൽ കുട്ടികൾ ജലാശയങ്ങളിൽ ഇറങ്ങുമ്പോൾ ജാഗ്രത പാലിക്കണം. സ്വിമ്മിങ് നോസ് ക്ലിപ്പുകൾ ഉപയോഗിക്കുന്നത് രോഗം തടയാൻ സഹായകമാകും. ജലാശയങ്ങൾ വൃത്തിയായി സൂക്ഷിക്കാൻ എല്ലാവരും ശ്രദ്ധിക്കണമെന്നും മുഖ്യമന്ത്രി കൂട്ടിച്ചേർത്തു.ആരോഗ്യമന്ത്രിക്ക് പുറമെ ചീഫ് സെക്രട്ടറി, ആരോഗ്യവകുപ്പ് അഡീഷനൽ ചീഫ് സെക്രട്ടറി, ആരോഗ്യവകുപ്പ് ഡയറക്ടർ, വൈറോളജി ഇൻസ്റ്റിറ്റ്യൂട്ട് ഡയറക്ടർ അടക്കമുള്ള ഉന്നതർ യോ​ഗത്തിൽ പങ്കെടുത്തു.നിലവിലെ സ്ഥിതിഗതികൾ ആരോഗ്യവകുപ്പ് ഡയറക്ടർ അടക്കമുള്ളവർ യോഗത്തിൽ വിശദീകരിച്ചു. ഇതിന്റെ അടിസ്ഥാനത്തിൽ എന്തൊക്കെ നടപടികൾ ചെയ്യാനാവുമെന്നതിനെ കുറിച്ചുള്ള ആലോചനകളും നടന്നു. വൈറോളജി ഇൻസ്റ്റിറ്റ്യൂട്ട് ഡയറക്ടറും സുപ്രധാനനിർദേശങ്ങൾ മുന്നോട്ടുവച്ചു..&nbsp;

വ്യത്തിഹീനമായ ജലാശയങ്ങളിൽ കുളിക്കാൻ ഇറങ്ങരുത് ; അമീബിക് മസ്തിഷ്ക ജ്വരം തടയാൻ ‌നിർദേശങ്ങളുമായി മുഖ്യമന്ത്രി

തിരുവനന്തപുരം: പ്രഥമ സ്കൂൾ ഒളിമ്പിക്സിന്റെ ആദ്യ എഡിഷൻ ഈ വർഷം ഒക്ടോബറിൽ എറണാകുളത്ത് നടക്കും. ഒളിമ്പിക്സ് നടത്തിപ്പുമായി ബന്ധപ്പെട്ട കാര്യങ്ങൾ ചർച്ച ചെയ്ത് തീരുമാനിക്കാൻ പൊതു വിദ്യാഭ്യാസ വകുപ്പ് മന്ത്രിയുടെ നേതൃത്വത്തിൽ ഉന്നത തല യോഗം ചേരും. അതേസമയം, എറണാകുളം ജില്ലയിൽ അത്‌ലറ്റിക്‌സും ഗെയിംസും ഒരുമിച്ച് നടത്താനാവുന്ന സ്റ്റേഡിയങ്ങൾ ഉണ്ടോ എന്ന കാര്യത്തിൽ അനിശ്ചിതത്വം നിലനിൽക്കുകയാണ്.
നാലു വർഷത്തിലൊരിക്കലാണ് സ്കൂൾ ഒളിമ്പിക്സ് എന്ന രൂപത്തിൽ കായികമേള നടത്തുക. ഒക്ടോബർ 18 മുതൽ 22 വരെയാണ് പ്രഥമ സ്കൂൾ ഒളിമ്പിക്സ് നടക്കുക. ഒളിമ്പിക്സ് നടത്തിപ്പുമായി ബന്ധപ്പെട്ട കാര്യങ്ങൾ ചർച്ച ചെയ്ത് തീരുമാനിക്കാനായി ഉടൻതന്നെ ഉന്നതയോഗം ചേരുമെന്നാണ് മന്ത്രിയുടെ ഓഫീസ് അറിയിച്ചത് എറണാകുളം ജില്ലയിൽ ഒളിമ്പിക്സ് നടത്താനുള്ള വേദികൾ ഉൾപ്പെടെയുള്ള കാര്യങ്ങൾ തീരുമാനിക്കാനുണ്ട്.
നഗര ഹൃദയത്തോട് ചേർന്ന് നിൽക്കുന്ന മഹാരാജാസ് കോളേജ് ഗ്രൗണ്ട് തന്നെയാകും സർക്കാരിന്റെ പ്രഥമ പരിഗണന. സ്റ്റേഡിയത്തിൽ വികസന പ്രവർത്തനങ്ങൾ നടന്നുകൊണ്ടിരിക്കുകയാണ്&nbsp;

പ്രഥമ സ്കൂൾ ഒളിമ്പിക്സിന്റെ ആദ്യ എഡിഷൻ ഒക്ടോബറിൽ എറണാകുളത്ത് നടക്കും

മുഹമ്മദ് അബ്ദുള്‍ നാസറെന്ന കലാകാരന്റെ ശ്വാസകോശ അറയില്‍ കുടുങ്ങിയ എല്ലിന്‍കഷ്ണം ഒന്നര വര്‍ഷത്തിനുശേഷം പുറത്തെടുത്തു .ഓട്ടോറിക്ഷാ ഡ്രൈവറായ അബ്ദുള്‍ നാസര്‍ നാട്ടിലെ അറിയപ്പെടുന്ന ഗായകനുമാണ്. സുഹൃത്തായ അധ്യാപകന്റെ യാത്രയയപ്പുയോഗത്തില്‍ ഒന്നരവര്‍ഷം മുന്‍പ് പങ്കെടുത്ത് ലഗോണ്‍ കോഴിയിറച്ചികൊണ്ട് ഉണ്ടാക്കിയ ബിരിയാണി കഴിച്ചതാണ് പ്രശ്‌നങ്ങള്‍ക്ക് തുടക്കം.
ഭക്ഷണം ഇറക്കുമ്പോള്‍ വലിയ ബുദ്ധിമുട്ടും വേദനയും അനുഭവപ്പെട്ടു. ഒരുവിധത്തിൽ കഷ്ടപ്പെട്ടാണ് ബിരിയാണി ഇറക്കിയത്. വയറ്റിലേക്കാണ് ഇറങ്ങിപ്പോയതെന്നുകരുതി ആശ്വസിച്ചു. അടുത്തുള്ള ആശുപത്രിയില്‍ പോയി എക്‌സ്റേ എടുത്തു. കുഴപ്പമില്ലെന്നു പറഞ്ഞ് ഡോക്ടര്‍മാര്‍ മടക്കിയയച്ചു.&nbsp;
പിന്നീട് രണ്ടാഴ്ച മുന്‍പാണ് കടുത്ത ചുമയും ശ്വാസതടസ്സവും കഫത്തില്‍ രക്തത്തിന്റെ അംശവും കണ്ടെത്തിയത്.തിരൂരിലുള്ള ആശുപത്രിയില്‍ പോയി സി.ടി. സ്‌കാന്‍ എടുത്തു. ശ്വാസകോശത്തിന്റെ അറകളില്‍ എന്തോ കുടുങ്ങിക്കിടക്കുന്നതായി കണ്ടെത്തി. അവിടത്തെ ഡോക്ടര്‍മാര്‍ തൃശ്ശൂരിലെ പള്‍മനോളജിസ്റ്റ് ജൂഡോ വാച്ചാപറമ്പിലിനെ കാണാന്‍ നിര്‍ദേശിച്ചു. ഉടന്‍ ബ്രോങ്കോസ്‌കോപ്പി നടത്താനായി ഡോക്ടര്‍ അമല ആശുപത്രിയിലേയ്ക്ക് അയച്ചു.പള്‍മണോളജി പ്രൊഫസര്‍ ഡോ. തോമസ് വടക്കനും ഡോ. ശുഭം ചന്ദ്രയും ചേര്‍ന്ന് ബ്രോങ്കോസ്‌കോപ്പി നടത്തി ശ്വാസകോശത്തില്‍ കുടുങ്ങിയ വലിയ എല്ലിന്‍കഷണം പുറത്തെടുത്തു.&nbsp;

ശ്വാസകോശ അറയില്‍ കുടുങ്ങിയ എല്ലിന്‍കഷ്ണം ഒന്നര വര്‍ഷത്തിനുശേഷം പുറത്തെടുത്തു

വടകര ഗവണ്‍മെന്റ് ഹോസ്പിറ്റല്‍ റോഡിലെ ആരതി ഹൗസില്‍ പി കെ ഉഷാകുമാരി (82, റിട്ടയേര്‍ഡ് അധ്യാപിക മടപ്പള്ളി ഗേള്‍സ് ഹൈസ്‌കൂള്‍) നിര്യാതയായി. ഭര്‍ത്താവ് പരേതനായ പ്രൊഫസര്‍ സി പി ശിവദാസന്‍. മക്കള്‍: ഡോക്ടര്‍ സി പി സതീഷ് (പ്രിന്‍സിപ്പല്‍ എസ് എന്‍ കോളേജ് കണ്ണൂര്‍), സി ബി സ്മിത (എക്‌സിക്യൂട്ടീവ് എഞ്ചിനീയര്‍ (കെഎസ്ഇബി). മരുമക്കള്‍: മഞ്ജുഷ പി പി (ടീച്ചര്‍ എസ് ജി എം എസ് ബി സ്‌കൂള്‍), സതീഷ് കുമാര്‍ (റിട്ടയേര്‍ഡ് എഞ്ചിനിയര്‍). സംസ്‌കാരം ഇന്ന് വൈകീട്ട് 6 ന് വീട്ടുവളപ്പില്‍.

വടകര ഗവണ്‍മെന്റ് ഹോസ്പിറ്റല്‍ റോഡിലെ ആരതി ഹൗസില്‍ പി കെ ഉഷാകുമാരിനിര്യാതയായി

Obituary

വടകര ഗവണ്‍മെന്റ് ഹോസ്പിറ്റല്‍ റോഡിലെ ആരതി ഹൗസില്‍ പി കെ ഉഷാകുമാരി നിര്യാതയായി

തൃശ്ശൂര്‍: മുന്‍ മുഖ്യമന്ത്രിയും കോണ്‍ഗ്രസ് നേതാവുമായ കെ. കരുണാകരന്റെ ജന്മവാര്‍ഷികത്തില്‍ 'പ്രിയപ്പെട്ട എന്റെ സ്വന്തം' എന്ന വിശേഷണത്തോടെ കേന്ദ്ര മന്ത്രി സുരേഷ് ഗോപിയുടെ ഫേയ്സ്ബുക്ക് പോസ്റ്റ്. ലീഡറുടെ 108-ാം ജന്മദിനത്തിലാണ് ഫെയ്‌സ്ബുക്കിലൂടെ സുരേഷ് ഗോപിയുടെ അനുസ്മരണം.
ഹൃദയ ചിഹ്നത്തോടൊപ്പമാണ് പ്രിയപ്പെട്ട എന്റെ സ്വന്തമെന്ന് സുരേഷ് ഗോപി കുറിച്ചിരിക്കുന്നത്. കൂപ്പുകൈകളോടെ പ്രാര്‍ഥനകളെന്നും അടിക്കുറിപ്പോടെയാണ് കരുണാകരന്റെ ഛായചിത്രം സുരേഷ് ഗോപി പങ്കുവെച്ചത്.
കുരണാകരന്റെ മകന്‍ കെ. മുരളീധരനെയായിരുന്നു സുരേഷ് ഗോപിക്കെതിരെ കോണ്‍ഗ്രസ് സ്ഥാനാര്‍ഥിയാക്കിയിരുന്നത്. മുരളീധരന്റെ സഹോദരിയും കരുണാകരന്റെ മകളുമായ പത്മജ വേണുഗോപാല്‍ ബിജെപിയില്‍ ചേരുകയും ചെയ്തിരുന്നു.മന്ത്രിയായതിന് ശേഷം മുരളീ മന്ദിരത്തിലെത്തിയ സുരേഷ് ഗോപി പത്മജ വേണുഗോപാലിനൊപ്പം കരുണാകരന്റെ സ്മൃതിമണ്ഡപത്തിലെത്തി പുഷ്പാര്‍ച്ചന നടത്തുകയും ചെയ്തിരുന്നു.

'പ്രിയപ്പെട്ട എന്റെ സ്വന്തം'; ലീഡറുടെ ജന്മവാർഷികത്തിൽ കുറിപ്പുമായി കേന്ദ്രമന്ത്രി സുരേഷ് ഗോപി

പത്തനംതിട്ട: മന്ത്രി വീണാ ജോർജിന്റെ സാന്നിധ്യത്തിൽ കാപ്പാ കേസ് പ്രതി സി.പി.എമ്മിൽ ചേർന്നു. മലയാലപ്പുഴ സ്വദേശി ശരൺ ചന്ദ്രനാണ് പാർട്ടി അംഗത്വം എടുത്തത്. റിമാൻഡ് കാലാവധി കഴിഞ്ഞ് പുറത്തിറങ്ങിയതിന് പിന്നാലെയാണ് ശരണിന്റെ പാർട്ടിപ്രവേശം. പുതുതായി വന്നവർക്ക് അംഗത്വം നൽകിക്കൊണ്ട് മന്ത്രി വീണാ ജോർജ് ഉൾപ്പെടെ മുദ്രാവാക്യം വിളിക്കുന്ന ചിത്രങ്ങൾ സാമൂഹികമാധ്യമങ്ങളിൽ പ്രചരിക്കുന്നുണ്ട്.
കഴിഞ്ഞ വർഷം കാപ്പാ ചുമത്തപ്പെട്ട ശരൺ ചന്ദ്രനെ നാടുകടത്താതെ വകുപ്പിലെ 15(3) പ്രകാരം താക്കീത് നൽകി വിട്ടു. എന്നാൽ, പിന്നീട് പത്തനംതിട്ട സ്റ്റേഷനിലെ കേസിൽ ഇയാൾ പ്രതിയായതോടെ കാപ്പാ ലംഘിച്ചതിന് മലയാലപ്പുഴ പോലീസ് അറസ്റ്റുചെയ്തു. ഇതിൽ ‍ജാമ്യം കിട്ടിയെങ്കിലും പത്തനംതിട്ടയിലെ കേസിൽ റിമാൻഡിലായി.ജൂൺ 23-നാണ് റിമാൻഡ് കാലാവധി കഴിഞ്ഞ് പുറത്തിറങ്ങിയത്. ശരൺ നേരത്തേ ബി.ജെ.പി. അനുഭാവിയായിരുന്നു. കുമ്പഴയിൽ നടന്ന സമ്മേളനത്തിലാണ് സി.പി.എം. അംഗത്വം കൊടുത്തത്.&nbsp;

മന്ത്രി വീണാ ജോർജിന്റെ സാന്നിധ്യത്തിൽ കാപ്പാ കേസ് പ്രതി സി.പി.എമ്മിൽ ചേർന്നു

ക​ണ്ണൂ​ർ: പു​ഴാ​തി സോ​മേ​ശ്വ​രി ക്ഷേ​ത്ര​ത്തി​ലെ കു​ള​ത്തി​ല്‍ നീ​ന്താ​നെ​ത്തി​യ യു​വാ​വ് കു​ള​ത്തി​ലേ​ക്ക് ചാ​ടാ​ന്‍ ശ്ര​മി​ക്കു​ന്ന​തി​നി​ട​യി​ല്‍ പ​ട​വി​ല്‍ ത​ല​യി​ടി​ച്ച് മ​രി​ച്ചു. തി​ലാ​ന്നൂ​ർ സ്വ​ദേ​ശി​യും പു​ഴാ​തി സോ​മേ​ശ്വ​രി ക്ഷേ​ത്ര​ത്തി​ന് സ​മീ​പ​ത്തെ റെ​ജീ​ന ക്വാ​ർ​ട്ടേ​ഴ്സി​ലെ താ​മ​സ​ക്കാ​ര​നു​മാ​യ ന​ല്ലൂ​ർ ഹൗ​സി​ൽ രാ​ഹു​ല്‍ (25) ആ​ണ് മ​രി​ച്ച​ത്.
ഇന്നലെ വൈ​കീ​ട്ട് 5.30നാ​ണ് സം​ഭ​വം. ഉ​യ​ര​ത്തി​ല്‍നി​ന്ന് കു​ള​ത്തി​ലേ​ക്ക് ചാ​ടാ​ന്‍ ശ്ര​മി​ക്കു​ന്ന​തി​നി​ടെ പ​ട​വി​ല്‍ ത​ല​യി​ടി​ക്കു​ക​യാ​യി​രു​ന്നു. ഉ​ട​ന്‍ നാ​ട്ടു​കാ​ര്‍ എ.​കെ.​ജി സ​ഹ​ക​ര​ണ ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും മ​രി​ച്ചു. പി​താ​വ്: എ​ൻ. സ​ന്തോ​ഷ്. മാ​താ​വ്: എ​സ്. ഷൈ​മ. സ​ഹോ​ദ​ര​ൻ: ശ​ര​ത്ത്.

കു​ള​ത്തി​ല്‍ നീ​ന്താ​നെ​ത്തി​യ യുവാവ് പ​ട​വി​ല്‍ ത​ല​യി​ടി​ച്ച് മ​രി​ച്ചു

അടൂർ(പത്തനംതിട്ട): ഭാര്യാമാതാവിനെ തെരുവുനായയുടെ ആക്രമണത്തിൽനിന്ന് രക്ഷിക്കാൻ ശ്രമിക്കുന്നതിനിടെ മന്ത്രിയുടെ ഡ്രൈവറുടെ നാക്കിൽ നായയുടെ കടിയേറ്റു. കൃഷിമന്ത്രി പി. പ്രസാദിന്റെ ഡ്രൈവർ അടൂർ മേലൂട് സ്വദേശി ശശി (54)ക്കാണ് കടിയേറ്റത്. ശശിയുടെ ഭാര്യാമാതാവ് ഭാരതി(64)യുടെ മൂക്കിനും നായ കടിച്ചു. ഹൃദ്രോഗത്തിന് പേസ് മേക്കർ ഘടിപ്പിച്ചിട്ടുള്ള ആളാണ് ഭാരതി.
അടൂർ ഗവ.ആശുപത്രിയ്ക്കു സമീപത്തുവെച്ച് വെള്ളിയാഴ്ച വൈകീട്ട് നാലരയോടെ ആയിരുന്നു ആക്രമണം. റോഡിൽകൂടി നടന്നുവരുമ്പോൾ നായ പാഞ്ഞടുക്കുന്നതുകണ്ട ഭാരതി ഓടി രക്ഷപ്പെടാൻ ശ്രമിച്ചു. ഈ സമയം ശശി സമീപത്തെ കടയ്ക്കുമുന്നിൽ നിൽക്കുകയായിരുന്നു. ഭാരതിയെ നായ കടിക്കാൻ ചാടുന്നത് കണ്ട ശശി കൈയ്യിലിരുന്ന ബാഗ് കൊണ്ട് അടിച്ചു. ഇതിനിടെ ഭാരതിയുടെ മൂക്കിന് നായ കടിച്ചു.അടികൊണ്ട് മാറിയ ഉടനെ നായ ശശിയുടെ മുഖത്തിനുനേരെ ചാടുകയും നാക്കിൽ കടിക്കുകയും ചെയ്തു. ഇവരെക്കൂടാതെ മറ്റ് അഞ്ചുപേരെയും നായ ആക്രമിച്ചു.

മന്ത്രിയുടെ ഡ്രൈവറുടെ നാക്കിൽ നായയുടെ കടിയേറ്റു ;ഭാര്യാമാതാവിനും പരിക്ക്

പട്ന: കടിച്ച പാമ്പിനെ തിരിച്ചുകടിച്ചാൽ വിഷം പാമ്പിലേക്ക് തിരിച്ചുകയറുമെന്ന വിശ്വാസത്തിൽ കടിച്ച പാമ്പിനെ തിരിച്ചുകടിച്ച് യുവാവ്. ബിഹാറിലെ രാജൗലിയിലാണ് സംഭവം റിപ്പോർട്ട് ചെയ്തത്. കടിയേറ്റ പാമ്പ് ചാകുകയും കൃത്യസമയത്ത് ആശുപത്രിയിലെത്തിച്ചതിനാൽ യുവാവിന്റെ ജീവൻ രക്ഷപ്പെടുകയും ചെയ്തതായി ദേശീയമാധ്യമങ്ങൾ റിപ്പോർട്ട് ചെയ്തു.
രാജൗലിയിലെ ഒരു വനപ്രദേശത്ത് റെയിൽവേ ട്രാക്കുകൾ സ്ഥാപിക്കുന്ന സംഘത്തിലെ ജീവനക്കാരനായ സന്തോഷ് ലോഹർ എന്നയാളിനാണ് ഉറങ്ങാൻ കിടന്നപ്പോൾ പാമ്പുകടിയേറ്റത്. പാമ്പിനെ തിരിച്ചുകടിച്ചാൽ പാമ്പുകടിയേറ്റയാൾ രക്ഷപ്പെടുമെന്ന അന്ധവിശ്വസത്തിലാണ് യുവാവ് പാമ്പിനെ പിടികൂടി രണ്ടുതവണ കടിച്ചത്.സഹപ്രവർത്തകരുടെ ശ്രദ്ധയിൽപ്പെട്ടതിനാൽ സന്തോഷിനെ ഉടൻ രാജൗലി സബ്ഡിവിഷൻ ആശുപത്രിയിൽ എത്തിക്കുകയായിരുന്നു. ഏതു പാമ്പാണ് കടിച്ചതെന്ന് വ്യക്തമല്ലെന്നും മരുന്നിനോട് പ്രതികരിച്ചതിനാൽ രക്ഷപ്പെടുത്താൻ കഴിഞ്ഞതായും സന്തോഷിനെ ചികിത്സിച്ച ഡോക്ടർ പറഞ്ഞതായി ടൈംസ് ഓഫ് ഇന്ത്യ റിപ്പോർട്ട് ചെയ്തു.

ഒരു തവണ കടിച്ച പാമ്പിനെ രണ്ട് തവണ തിരികെ കടിച്ചു; വിഷം തിരികെ കയറ്റാനെന്ന് യുവാവ്

മലയാളികളെ മൂന്നു പതിറ്റാണ്ടിലേറെയായി കുടുകുടെച്ചിരിപ്പിച്ചുകൊണ്ടിരിക്കുന്ന ‘സന്ദേശം’ സിനിമയിലെ പെണ്ണുകാണലിന് ഒരു ന്യൂജെന്‍ വേര്‍ഷന്‍ വരികയാണ് പ്രശസ്ത ഓണ്‍ലൈന്‍ മള്‍ട്ടിപ്ലയര്‍ ഗെയിം ആയ ബാറ്റില്‍ ഗ്രൗണ്ട്‌സ് മൊബൈല്‍ ഇന്ത്യയുടെ (ബിജിഎംഐ) മലയാളത്തിലെ ആദ്യ പരസ്യചിത്രത്തിലൂടെ.
ഗെയിമിന്റെ ഫീച്ചേഴ്‌സുമായി ബന്ധപ്പെടുത്തി രസകരമായി അവതരിപ്പിക്കുന്ന പരസ്യചിത്രം സംവിധാനം ചെയ്തത് സന്ദേശത്തിന്റെ സംവിധായകന്‍ സത്യന്‍ അന്തിക്കാടിന്റെ മകനായ അനൂപ് സത്യനാണ്. കോട്ടപ്പള്ളി 2.0 ആയി സ്ക്രീനിലെത്തുന്നത് കോട്ടപ്പള്ളിയായി വേഷമിട്ട ശ്രീനിവാസന്റെ മകന്‍ ധ്യാന്‍ ആണ് എന്നതും പരസ്യചിത്രത്തിന് കൗതുകം വര്‍ധിപ്പിക്കുന്നു.&nbsp;
സിനിമയില്‍ ഉപയോഗിച്ച അതേതരത്തിലുള്ള വസ്ത്രാലങ്കാരവും ലൊക്കേഷന്‍ സെറ്റിംഗുകളുമാണ് പരസ്യത്തിലും ഉപയോഗിച്ചിട്ടുള്ളത്. സംഭാഷണങ്ങളില്‍ പാര്‍ട്ടിയുമായി ബന്ധപ്പെട്ട കാര്യങ്ങള്‍ക്കു പകരം ഗെയിമിംഗിലെ ഘടകങ്ങളാണ് ഉള്‍പ്പെടുത്തിയിരിക്കുന്നതെന്നുമാത്രം.ക്രാഫ്റ്റണ്‍ കമ്പനിയുടെ ഉടമസ്ഥതയിലുള്ള ബിജിഎംഐയ്ക്ക് വേണ്ടി പരസ്യചിത്രം അണിയിച്ചൊരുക്കിയത് പ്രശസ്ത പരസ്യ ഏജന്‍സിയായ മൈത്രി അഡ്വര്‍ടൈസിങ് ആണ്.&nbsp;

കോട്ടപ്പള്ളി പ്രഭാകരന്‍ 2.O ആയി ധ്യാൻ ശ്രീനിവാസൻ  ;പരസ്യചിത്രം ശ്രദ്ധേയമാകുന്നു

ചെന്നൈ: ബിഎസ്പി സംസ്ഥാന പ്രസിഡന്റ് ​കെ ആംസ്ട്രോങ്ങിനെ ആറംഗ സംഘം വെട്ടിക്കൊന്നു. സെംബിയം പ്രദേശത്തെ വസതിക്ക് സമീപത്ത് വച്ചാണ് ബൈക്കിലെത്തിയ ആറംഗ സംഘം ​ആംസ്ട്രോങ്ങിനെ ആക്രമിച്ചത്. പാർട്ടി പ്രവർത്തകരുമായി ചർച്ച നടത്തുന്നതിനിടെയാണ് ആക്രമണം. ബന്ധുക്കളും പാർട്ടി പ്രവർത്തകരും ചേർന്ന് ആശുപത്രിയിലെത്തിച്ചെങ്കിലും രക്ഷിക്കാനായില്ല. കൊലക്ക് ശേഷം സംഘം ഓടിരക്ഷപ്പെട്ടിരുന്നു.നിലവിൽ എട്ടുപേരെ അറസ്റ്റ് ചെയ്‌തിട്ടുണ്ടെന്നാണ് വിവരം. മുൻ വൈരാഗ്യമാണ് കൊലപാതകത്തിന് കാരണം. പിടിയിലായത് കൊല്ലപ്പെട്ട ഗുണ്ടാത്തലവനായ ആർകോട്ട് സുരേഷിന്റെ സഹോദരൻ ഉൾപ്പെടെയുള്ളവരാണ്. ആർകോട്ട് സുരേഷിന്റെ കൊലപാതകവുമായി ബന്ധപ്പെട്ടുള്ള വൈരാഗ്യമാകാം ആംസ്ട്രോങ്ങിന്റെ കൊലപാതകത്തിന് പിന്നിലെന്ന് പൊലീസ് സംശയിക്കുന്നു.
ഫുഡ് ഡെലിവെറി ചെയ്യാനെന്ന രീതിയിലാണ് അക്രമികളെത്തിയതെന്ന് സംഭവസ്ഥലത്തുണ്ടായിരുന്നവർ പറയുന്നു. സംസ്ഥാനത്തെ ക്രമസമാധാന നില അവതാളത്തിലാണെന്ന് പ്രതിപക്ഷ പാർട്ടികൾ ആരോപിച്ചു. സംസ്ഥാനം ഭരിക്കുന്നത് ഗുണ്ടകളാണെന്നും പ്രതിപക്ഷം ആരോപിച്ചു.ഒരു ദേശീയ പാർട്ടിയുടെ സംസ്ഥാന അദ്ധ്യക്ഷൻ വരെ കൊല്ലപ്പെടുന്ന സാഹചര്യമാണ് സംസ്ഥാനത്തുള്ളതെന്ന് പ്രതിപക്ഷ നേതാവ് എടപ്പാടി പളനിസ്വാമി പറഞ്ഞു.&nbsp;

തമിഴ്‌നാട്ടിൽ ബിഎസ്‌പി സംസ്ഥാന പ്രസിഡന്റിനെ ആറംഗ സംഘം വെട്ടിക്കൊന്നു

അഴിയൂർ: ചോമ്പാൽ മിനി സ്റ്റേഡിയത്തിൽ താൽക്കാലിക്കമായി ബ്ലോക്ക് പഞ്ചായത്ത് പണിത തറപൊളിക്കാതത്തിനെ തുടർന്ന് ഓപ്പൺ ജിംനേഷ്യം ഫ്ലാറ്റ്ഫോം തകർച്ചയുടെ വക്കിൽ. ജിമ്മിന് സമീപം കുഴി പ്രത്യക്ഷപ്പെട്ടു. കെ കെ രമ എം എൽ എ യുടെ പ്രാദേശിക വികസന നിധിയിൽ നിന്നും മുന്ന് ലക്ഷം രുപ ചിലവാക്കിയാണിത് നിർമ്മിച്ചത്. കനത്ത മഴയെ തുടർന്ന് വെള്ളം ഒഴുകി പോവാതെ തറക്ക് സമീപം വെള്ളക്കെട്ട് രൂപപ്പെട്ടിരിക്കുകയാണ്. ഇത് മൂലം ഗ്യാലറിയും സ്റ്റേഡിയത്തിന്റെ പടിഞ്ഞാറ് ചുറ്റുമതിലും നിലം പൊത്തുന്ന സ്ഥിതിയാണ്. ഈയടുത്ത് വടകര ബ്ലോക്ക് പഞ്ചായത്ത് നടത്തിയ കടത്തനാട്ട് അങ്കം പരിപാടിയിൽ കളരി അഭ്യാസപ്രകടനം നടത്താനാണ് അശാസ്ത്രിയമായി താൽക്കാലിക തറ നിർമ്മിച്ചത്. അഴിയൂർ പഞ്ചായത്തിന്റെ കീഴിലുളള കളിസ്ഥലത്ത് പഞ്ചായത്തിന്റെ അനുമതിയില്ലാതെയാണിത് സ്ഥാപിച്ചത്.&nbsp;
പരിപാടി കഴിഞ്ഞിട്ട് ഒരു മാസം കഴിഞ്ഞിട്ടും തറ പൊളിച്ച് മാറ്റിയിട്ടില്ല. ജിംനേഷ്യത്തിനായി നിർമ്മിച്ച പ്ലാറ്റ് ഫോമിന് സമീപത്ത് നിന്നും മണ്ണ് നീക്കം ചെയ്ത് കൊണ്ടാണ് തറ സ്ഥാപിച്ചത്. പരിപാടി കഴിഞ്ഞ് മാസങ്ങൾ കഴിഞ്ഞിട്ടും ബ്ലോക്ക് പഞ്ചായത്ത് ഇതേവരെ ഗ്രൗണ്ട് പൂർവ്വസ്ഥിതിയിലാക്കിയിട്ടില്ല. ദേശീയപാതക്കായി കളിസ്ഥലത്തിന്റെഭൂമി നഷ്ടപ്പെട്ടിരുന്നു. ഇതിന് പുറമെ തറ വന്നതോടെ കായിക താരങ്ങൾ കായിക പരിശീലനം നടത്താൻ|ബുദ്ധിമുട്ടുകയാണ്. ബ്ലോക്ക് പഞ്ചായത്തിനെ കാര്യങ്ങൾ ധരിപ്പിച്ചിരുന്നു. എന്നാൽ തറ പൊളിക്കാൻ നിരന്തരമായിഅഴിയൂർ ഗ്രാമപഞ്ചായത്ത് ആവശ്യപ്പെട്ടിട്ടും നടപടിയെടുത്തില്ല.&nbsp;
ലക്ഷങ്ങൾ ചെലവഴിച്ച് നിർമ്മിച്ച ഓപ്പൺ ജിംനേഷ്യം ഫ്ലാറ്റ്ഫോം തകർച്ചക്ക് കാരണമായ തറ പൊളിച്ച് മാറ്റാൻ അടിയന്തര നടപടിയെടുക്കണമെന്ന് ജനകീയ മുന്നണി അഴിയൂർ പഞ്ചായത്ത് കമ്മിറ്റി യോഗം ആവശ്യപ്പെട്ടു. സ്റ്റേഡിയം പൂർവ്വസ്ഥിതിയിലാക്കാത്ത പക്ഷം ശക്തമായ സമരപരിപാടികളുമായി മുന്നോട്ട് പോകാനും ജനകീയമുന്നണി അഴിയൂർ പഞ്ചായത്ത് കമ്മിറ്റി യോഗം തീരുമാനിച്ചു. ചെയർമാൻ കെ അൻവർ ഹാജി അധ്യക്ഷത വഹിച്ചു. ടി.സി രാമചന്ദ്രൻ, വി.പി പ്രകാശൻ , പ്രദീപ് ചോമ്പാല , പി ബാബുരാജ്, യു എ റഹീം, വി കെ അനിൽകുമാർ, പി പി ഇസ്മായിൽ, ഹാരിസ് മുക്കാളി, എം ഇസ്മായിൽ, സി ഇബ്രാഹിം, കെ കെ ഷെറിൻ കുമാർ എന്നിവർ സംസാരിച്ചു.

കടത്തനാടൻ അങ്കം തറ പൊളിച്ചു മാറ്റിയില്ല; ഓപ്പൺ ജിം തകർച്ചയുടെ വക്കിൽ

പേരാമ്പ്ര : ഒന്നാം ക്ലാസ് മുതൽ പ്ലസ്ടുവരെ മലയാളം മീഡിയത്തിൽ പഠിച്ച ദീപ്‌നിയ ഡി.ബി നീറ്റ് പരീക്ഷയിൽ നേടിയ റാങ്ക് നാടിന് അഭിമാനമായി.ദീപ്‌നിയക്കാണ് കേരളത്തിൽ ഒന്നാം റാങ്ക്. ദേശീയതലത്തിൽ 109ാം റാങ്കും.പേരാമ്പ്ര ആവള സ്വദേശിയാണ്. ആവള കുട്ടോത്ത് ഗവ. ഹയര്‍ സെക്കന്‍ഡറി സ്‌കൂളിലെ ഗണിതശാസ്ത്ര അധ്യാപകനും മഠത്തില്‍ മുക്കിലെ ആവള ടി ഗ്രന്ഥാലയം സെക്രട്ടറിയുമായ പള്ളിക്കല്‍മീത്തല്‍ പി.എം.ദിനേശന്റെയും ഇതേ സ്‌കൂളില്‍ ഹൈസ്‌കൂള്‍ വിഭാഗം ഗണിതശാസ്ത്ര അധ്യാപിക എം.പി.ബിജിയുടേയും മകളാണ്.
ഒരു വർഷം പൂർണമായും നീറ്റ് പഠനത്തിന് വിനിയോഗിച്ച ദീപ്‌നിയ മൊബൈൽ ഫോൺ ഒഴിവാക്കിയിരുന്നു. കോച്ചിംഗ് ക്ലാസിൽ അന്നന്ന് പഠിപ്പിക്കുന്നത് കൃത്യമായി പഠിച്ചു. പരീക്ഷകളിൽ തെറ്റുപറ്റിയ ഭാഗങ്ങൾ വീണ്ടും വീണ്ടും പഠിച്ചു. ചെറിയ നോട്ടുകൾ ഉണ്ടാക്കി സ്റ്റഡി ഹാളിൽ ഒട്ടിച്ചുവച്ചു. കൃത്യമായി റിവിഷൻ ചെയ്തു. ദിവസേന 12 മണിക്കൂറാണ് പഠനത്തിനായി മാറ്റിവച്ചത്. സമ്മർദ്ദം കുറയ്ക്കാൻ കണ്ടെത്തിയ മാർഗം ഇഷ്ടത്തോടെ പഠിക്കുക എന്നതാണ്. വിട്ടുവീഴ്ചയില്ലാതെ പഠിച്ചാൽ ഫലം വരുമെന്ന് ദീപ്‌നിയ ഉറച്ചു വിശ്വസിച്ചു.പാലാ ബ്രില്ല്യൻസ് കോളേജിലാണ് പഠിച്ചത്. സംസ്ഥാന സ്‌കൂൾ കലോത്സവത്തിൽ മലയാളം ഉപന്യാസരചനയിൽ എ ഗ്രേഡും മാത്‌സ് ടാലന്റ് സെർച്ച് എക്‌സാമിന് സംസ്ഥാന തലത്തിൽ ഒന്നാം സ്ഥാനവും നേടിയിട്ടുണ്ട്. അക്ഷരോത്സവം ഉൾപ്പെടെ നിരവധി പരിപാടികളിൽ ജില്ലാതലത്തിലും സംസ്ഥാന തലത്തിലും സമ്മാനങ്ങൾ നേടിയിട്ടുണ്ട്.

ഒന്നാം ക്ളാസ് മുതൽ പഠിച്ചത് മലയാളം മീഡിയത്തിൽ ; നീറ്റ് പരീക്ഷയിൽ 109ാം റാങ്ക് നേടി ആവളയിലെ ദീപ്‌നിയ

Perambra

കുറ്റ്യാടി: കുറ്റ്യാടിയിൽ മയക്കുമരുന്ന് നൽകി പ്രായപൂർത്തിയാകാത്ത കുട്ടിയെ പീഡിപ്പിച്ച കേസിൽ ഒന്നാം പ്രതിയുടെ ഭാര്യയെയും പ്രതി ചേർത്തു. അടുക്കത്ത് സ്വദേശി അജ്നാസിൻ്റെ ഭാര്യ മിസ് രിയെയാണ് പ്രതി ചേർത്തത്.
ഭാര്യയും ഭർത്താവും ചേർന്ന് മയക്കു മരുന്ന് നൽകി ലൈംഗികമായി പീഡിപ്പിച്ചതെന്നാണ് പ്രായപൂർത്തിയാകാത്ത കുട്ടി പൊലീസിൽ നൽകിയ പരാതിയിൽ പറയുന്നത്. അജ്‌നാസും ഭാര്യ മിസ്‍രിയും മയക്കുമരുന്ന് നൽകിയ ശേഷം ലൈംഗികമായി പീഡിപ്പിച്ചുവെന്ന് ഇരയാക്കപ്പെട്ട കുട്ടി പറഞ്ഞു. അജ്‌നാസും ഭാര്യ മിസ്‍രിയും ഇപ്പോള്‍ റിമാൻഡിലാണ്.
ഇന്നലെയാണ് മിസ്‍രിയെ അറസ്റ്റ് ചെയ്തത്. ലൈംഗികമായി പീഡിപ്പിച്ചെന്ന കുട്ടിയുടെ പരാതിയിൽ പോക്സോ ചുമത്തിയാണ് കേസ്. കഴിഞ്ഞ ആഴ്ചയാണ് അജ്‌നാസ് പൊലീസ് പിടിയിലാകുന്നത്. പോക്‌സോ വകുപ്പുകള്‍ ഉള്‍പ്പെടെ ചുമത്തിയാണ് പ്രതിക്കെതിരെ കേസ് എടുത്തത്. കേസ് എടുത്തതിന് പിന്നാലെ പ്രതി അജ്മീറിലേക്ക് പോവുകയാണ് ഉണ്ടായത്. ഈ വിവരം പൊലീസിന് ലഭിച്ചതിനെ തുടര്‍ന്ന് മംഗലാപുരത്ത് വെച്ച് പ്രതിയെ പിടികൂടുകയായിരുന്നു. കുറ്റ്യാടി സ്വദേശിയായ പ്രായപൂർത്തിയാകാത്ത കുട്ടിയുടെ കുടുംബം നൽകിയ പരാതിയിലാണ് പൊലീസ് കേസെടുത്തത്.

കുറ്റ്യാടിയിലെ പ്രകൃതിവിരുദ്ധ പീഡനം; അജ്‍നാസിന്‍റെ ഭാര്യയെയും പ്രതി ചേര്‍ത്തു

കുറ്റ്യാടി: സ്വകാര്യ ലാബിൽ ഒളിക്യാമറ വച്ച് ജീവനക്കാരിയുടെ ദൃശ്യങ്ങൾ പകർത്തിയ നടത്തിപ്പുകാരൻ പിടിയിൽ. താലൂക്ക് ആശുപത്രിക്ക് സമീപമുള്ള അരീക്കര ലാബ് ഉടമയുടെ സഹോദരൻ അസ്‍ലമാണ് പിടിയിലായത്. രാത്രി 11 മണിയോടെ ജീവനക്കാരി ശുചിമുറിയിൽ കയറിയതോടെയാണ് ഒളിച്ചു വെച്ച മൊബൈൽ ഫോൺ ശ്രദ്ധയിൽപ്പെട്ടത്. യുവതി ബഹളം വെച്ചതോടെ നാട്ടുകാർ സ്ഥലത്തെത്തി പൊലീസിൽ ഏൽപ്പിച്ചു. ആശുപത്രിയിൽ എത്തിച്ച് പരിശോധനകൾ നടത്തിയ ശേഷം കുറ്റ്യാടി പൊലീസ് സ്റ്റേഷനിലേക്ക് കൊണ്ടുപോയി.

കുറ്റ്യാടിയിലെ സ്വകാര്യ ലാബിൽ ഒളിക്യാമറ വച്ച് ജീവനക്കാരിയുടെ ദൃശ്യങ്ങൾ പകർത്തി; നടത്തിപ്പുകാരൻ പിടിയിൽ

വടകര : ദേശീയപാതയിൽ മടപ്പള്ളിയിൽ ഓടിക്കൊണ്ടിരുന്ന കെ.എസ്.ആർ.ടി.സി. ബസിൻ്റ ടയർ പൊട്ടിത്തെറിച്ച് പുക ഉയർന്നത് പരിഭ്രാന്തിക്കിടയാക്കി. വെള്ളിയാഴ്ച രാവിലെ 7.15 ഓടെയാണ് സംഭവം. തിരുവനന്തപുരത്തു നിന്നും കാസർകോടേക്ക് പോവുകയായിരുന്ന ബസിൻ്റ പിൻ ചക്രമാണ് പൊട്ടിത്തെറിച്ചത്.&nbsp;
ഉഗ്രസ്ഫോടന ശബ്ദവും പുകയും ഉയരുന്നത് കണ്ട് ബസ് നിർത്തിയ ഉടനെ യാത്രക്കാർ പുറത്തിറങ്ങി. ഒരാഴ്ച്ച മുന്നേ മാറ്റിയിട്ട ടയറാണ് പൊട്ടിത്തെറിച്ചതെന്ന് ജീവനക്കാർ പറഞ്ഞു. ഉഗ്രസ്ഫോടന ശബ്ദം കേട്ടു നാട്ടുകാരും വഴിയാത്രക്കാരും ഓടി കൂടുകയുണ്ടായി. ദേശീയപാതയിൽ സംഭവത്തെ തുടർന്ന് ഗതാഗത തടസമുണ്ടായി. യാത്രക്കാരെ മറ്റൊരു ബസിൽ കയറ്റി വിട്ടു. ശേഷം ബസ് വടകര ഡിപ്പോയിലേക്ക് മാറ്റി.

മടപ്പള്ളിയിൽ കെ.എസ്.ആർ.ടി.സി. ബസിൻ്റ ടയർ പൊട്ടിത്തെറിച്ചത് പരിഭ്രാന്തിക്കിടയാക്കി

കോഴിക്കോട്: കൂട്ടുകാരോടൊപ്പം സംസാരിച്ചു കൊണ്ടിരിക്കെ പിണങ്ങി ടിപ്പറിന് മുന്നിലേക്ക് എടുത്തു ചാടിയ വിദ്യാര്‍ത്ഥി ഡ്രൈവറുടെ സമയോചിത ഇടപെടലില്‍ രക്ഷപ്പെട്ടു.
കട്ടാങ്ങല്‍ പെട്രോള്‍ പമ്പിന് സമീപത്തെ കോഫീ ഷോപ്പിന് മുന്നില്‍ നിന്നും സംസാരിക്കുകയായിരുന്ന മൂന്ന് കുട്ടികളില്‍ ഒരാളാണ് പിണങ്ങി റോഡിലേക്കിറങ്ങുകയും ടിപ്പര്‍ വന്നപ്പോള്‍ മുന്നിലേക്ക് ചാടുകയും ചെയ്തത്. ഇന്നലെ വൈകീട്ട് 5:30 ഓടെയാണ് സംഭവം.സ്‌കൂട്ടറില്‍ കൂട്ടുകാര്‍ക്കൊപ്പം ഇരിക്കുകയായിരുന്നു വിദ്യാര്‍ഥി. ഇവര്‍ സംസാരിക്കുന്നതും വീഡിയോയില്‍ കാണാം. ഇതിനിടെ സ്‌കൂട്ടറില്‍നിന്നിറങ്ങിയ ഒരു വിദ്യാര്‍ഥി റോഡിലേക്ക് നടന്നു നീങ്ങുന്നത് കാണാം. ആദ്യം നടന്നുനീങ്ങിയ വിദ്യാര്‍ഥി ടിപ്പര്‍ ലോറി കടന്നുവരുന്നത് കണ്ട് റോഡിലേക്ക് ഓടിക്കയറുകയായിരുന്നു. ടിപ്പറിന് മുന്നിലേക്കാണ് എടുത്ത് ചാടിയത്. എന്നാല്‍ ടിപ്പര്‍ ഡ്രൈവര്‍ സഡന്‍ ബ്രേക്കിട്ടതുകൊണ്ട് വിദ്യാര്‍ഥി രക്ഷപ്പെട്ടു. കാര്യമായ പരിക്കും ഏറ്റിട്ടില്ല.

കൂട്ടുകാരോട് പിണങ്ങി ടിപ്പറിന് മുന്നിലേക്ക് ചാടി ;വിദ്യാര്‍ത്ഥി രക്ഷപ്പെട്ടത് തലനാരിഴയ്ക്ക്

അഴിയൂർ: ന്യൂസീലൻഡിൽനിന്ന് മാഹിയിലെ വീട്ടിൽ നടക്കുന്ന മോഷണം ഉടമ സി സി ടി വി യിൽ കണ്ടതോടെ മോഷ്ട്ടാവ് കയ്യോടെ പിടിയിൽ. ന്യൂസീലൻഡിൽ സമയം പുലർച്ചെ അഞ്ചരയ്ക്കാണ് ദിവസങ്ങൾക്കുമുൻപ് പൂട്ടിപ്പോയ വീട് ഒന്ന് കാണാനായി മാഹിയിലെ കെ.ഒ. ശശിപ്രകാശ് മൊബൈൽ ഫോണിലെ ആപ്ലിക്കേഷൻ തുറന്ന് നോക്കിയത്. മാഹി റെയിൽവേ സ്റ്റേഷൻ റോഡിലെ വീടും പരിസരവും അർധരാത്രി മയക്കത്തിലൂടെ കടന്നുപോകുന്നത് കാണാൻ കൊതിച്ച അദ്ദേഹം വീട്ടുപരിസരത്തെ ആളനക്കം കണ്ട് ഞെട്ടി. കണ്ണുതിരുമ്മി സ്വപ്നമല്ലെന്ന് ഉറപ്പിച്ച് വീണ്ടും ഫോൺ സ്‌ക്രീനിലേക്ക് നോക്കുമ്പോഴേക്കും മുന്നിലെ വാതിൽ തകർത്ത് ഒരാൾ വീടിനുള്ളിലേക്ക് കയറുന്നു.
ശശിപ്രകാശ് മറ്റൊന്നും ആലോചിച്ചില്ല. തൊട്ടടുത്ത് താമസിക്കുന്ന സഹോദരൻ സരോഷ് കണ്ടോത്തിനെ ഫോണിൽ വിളിച്ചുണർത്തി കാര്യം പറഞ്ഞു. അദ്ദേഹം അയൽവാസികളെ വിളിച്ച് കാര്യം പറയുമ്പോഴേക്കും ശശി മാഹി പോലീസിലും വിവരമറിയിച്ചു. മിനുട്ടുകൾക്കുള്ളിൽ മാഹി എസ്‌ഐ കെ.സി.അജയകുമാർ സ്ഥലത്തെത്തുമ്പോഴേക്കും നാട്ടുകാർ വീടുവളഞ്ഞിരുന്നു. പോലീസ് ഉള്ളിൽ കയറി പരിശോധിച്ചെങ്കിലും ആരെയും കണ്ടില്ല. എന്നാൽ, വിശദമായ പരിശോധനയിൽ കട്ടിലിനടിയിൽനിന്ന് ആളെ കൈയോടെ പിടിച്ചു. കർണാടകയിലും കേരളത്തിലുമായി നിരവധി മോഷണക്കേസുകളിൽ പിടിയിലായി ശിക്ഷയനുഭവിച്ചിറങ്ങിയ ചിക്കമഗളൂരുവിലെ അനിൽകുമാർ (39) ആയിരുന്ന മോഷ്ടാവ്‌. പോലീസ് അറസ്റ്റ് ചെയ്ത ഇയാളെ മാഹി കോടതി റിമാൻഡ് ചെയ്തു.
അബുദാബിയിൽ റിഗ്ഗിലെ ജോലിക്കാരനായ ശശിപ്രകാശ് മകൾ സഹനയ്ക്കും കുടുംബത്തിനുമൊപ്പം ചേരാനാണ് ഭാര്യ എൻ.സി.പ്രീതിക്കൊപ്പം ന്യൂസീലൻഡിലെത്തിയത്. മറ്റൊരു മകൾ ടിഷ അമേരിക്കയിലാണ്.

ന്യൂസീലൻഡിൽ നിന്ന് ഉടമ കണ്ടു, മാഹിയിലെ വീട്ടിൽ നടക്കുന്ന മോഷണം; പ്രതി പിടിയിൽ

Mahe

നാദാപുരം: ഭർതൃമതിയായ വീട്ടമ്മയ്ക്ക് അശ്ലീല സന്ദേശം അയച്ചെന്ന പരാതിയിൽ പോലീസുകാരനെതിരെ നാദാപുരം പോലീസ് കേസെടുത്തു. താമരശ്ശേരി സബ് ഡിവിഷന് കീഴിൽ കോടഞ്ചേരി പോലിസ് സ്റ്റേഷനിലെ സിവിൽ പോലിസ് ഓഫീസർ കടമേരി സ്വദേശി സുരേഷിനെതിരെയാണ് പോലീസ് കേസ് രജിസ്റ്റർ ചെയ്തത്. കഴിഞ്ഞ ദിവസമാണ് ഭർതൃമതിയായ യുവതി സുരേഷിനെതിരെ പരാതി നൽകിയത്. യുവതിയുടെ വാട്സാപ്പിലും ഇൻസ്റ്റ് ഗ്രാമിലും തുടർച്ചയായി അശ്ലീല സന്ദേശം അയച്ച് പിന്തുടർന്ന് ശല്യപ്പെടുത്തിയെന്നാണ് പരാതി.

ഭർതൃമതിയായ വീട്ടമ്മയ്ക്ക് അശ്ലീല സന്ദേശം; നാദാപുരം പോലീസ് കേസെടുത്തു

Nadapuram

വടകര: എക്സൈസ് സർക്കിൾ ഓഫീസിലെ സർക്കിൾ ഇൻസ്പെക്ടർ ഹിരോഷ് വി.ആർ ഉം പാർട്ടിയും വടകര തെരു ഗണപതി ക്ഷേത്രത്തിന് സമീപം നടത്തിയ പരിശോധനയിൽ കഞ്ചാവുമായി ഇതര സംസ്ഥാന തൊഴിലാളിയെ പിടികൂടി. പശ്ചിമ ബംഗാൾ സ്വദേശി ആലംഗിർ സെക്ക് (35) ആണ് 50 ഗ്രാം കഞ്ചാവുമായി പിടിയിലായത്. പരിശോധനയിൽ പ്രിവന്റീവ് ഓഫീസർ ഉനൈസ് എൻ.എം, പ്രിവന്റീവ് ഓഫീസർ (ഗ്രേഡ്)മാരായ സി.എം സുരേഷ് കുമാർ, ഷൈജു പി.പി., സായിദാസ് കെ.പി, ഡ്രൈവർ പ്രജീഷ് ഇ.കെ എന്നിവർ പങ്കെടുത്തു.

വടകരയിൽ കഞ്ചാവുമായി ഇതര സംസ്ഥാന തൊഴിലാളി പിടിയിൽ

Search Results for: avala