വടകര: നഗരസഭയുടെ നേതൃത്വത്തിൽ നഗരസഭ പരിധിയിലെ ഹൈസ്കൂളിൽ 8, 9 ക്ലാസുകളിൽ പഠിക്കുന്ന പെൺകുട്ടികൾക്കായി കളരി അധിഷ്ഠിത സ്വയരക്ഷാ പരിശീലനം ആർച്ച 2023-24 പദ്ധതിക്ക് തുടക്കമായി. നഗരസഭ പരിധിയിൽ എല്ലാ ഹൈസ്കൂളുകളിൽ നിന്നും തിരഞ്ഞെടുത്ത പെൺകുട്ടികൾക്ക് അവരുടെ സ്കൂളിൽ വച്ച് തന്നെ കളരി ഗുരുക്കന്മാർ പ്രതിരോധ പരിശീലനം നൽകുന്നതാണ്. പരിശീലനം പരിപാടിയിൽ പങ്കെടുക്കുന്ന മുഴുവൻ കുട്ടികൾക്കും നഗരസഭയുടെ പേരും എംബ്ലവും പതിച്ച യൂണിഫോമും പരിശീലനം കഴിഞ്ഞതിനുശേഷം റിഫ്രഷ്മെന്റും നൽകും. ആർച്ച പദ്ധതിയുടെ ഉദ്ഘാടന കർമ്മം സെന്റ് ആന്റണീസ് ഗേൾസ് സ്കൂളിൽ വച്ച് പത്മശ്രീ മീനാക്ഷി ഗുരുക്കൾ നിർവഹിച്ചു. മുനിസിപ്പൽ ചെയർപേഴ്സൻ കെ പി ബിന്ദു അധ്യക്ഷത വഹിച്ചു. ചടങ്ങിൽ ശ്രീമതി സിന്ധു പ്രേമൻ സ്വാഗതം ആശംസിച്ചു ആശംസകൾ അർപ്പിച്ചുകൊണ്ട് ശ്രീമതിരാജിത പതേരി ശ്രീ സുരേഷ് ഗുരുക്കൾ സ്കൂൾ പ്രധാന അധ്യാപിക ബെല്ല എന്നിവർ ആശംസകൾ അർപ്പിച്ചു സംസാരിച്ചു നന്ദി പറഞ്ഞുകൊണ്ട് ശ്രീ എം ബിജു സംസാരിച്ചു

പെൺകുട്ടികൾക്കായി കളരി അധിഷ്ഠിത സ്വയരക്ഷാ പരിശീലനം തുടങ്ങി

Vadakara

കോഴിക്കോട്: കസ്റ്റഡിയിലെടുത്ത മണ്ണുമാന്തിയന്ത്രം സ്റ്റേഷന്‍ വളപ്പില്‍നിന്ന് കടത്തിയ കേസില്‍ എസ്.ഐ. അറസ്റ്റില്‍. മുക്കം പോലീസ് സ്റ്റേഷനിലെ മുന്‍ എസ്.ഐ.യായ ടി.ടി.നൗഷാദിനെയാണ് പോലീസ് അറസ്റ്റ് ചെയ്തത്. മുന്‍കൂര്‍ ജാമ്യം നേടിയതിനാല്‍ അറസ്റ്റ് രേഖപ്പെടുത്തിയ ശേഷം എസ്.ഐ.യെ ജാമ്യത്തില്‍ വിട്ടു. മണ്ണുമാന്തിയന്ത്രം കടത്തിയ കേസില്‍ നൗഷാദിനെ നേരത്തെ പ്രതിചേര്‍ത്തിരുന്നു. തുടര്‍ന്ന് എസ്.ഐ. കോടതിയില്‍നിന്ന് മുന്‍കൂര്‍ ജാമ്യം നേടി. ഇതിനിടെ നൗഷാദിനെ സര്‍വീസില്‍നിന്ന് സസ്പെന്‍ഡ് ചെയ്തും ഉത്തരവിറക്കിയിരുന്നു.
2023 ഒക്ടോബര്‍ 10-ന് പുലര്‍ച്ചെയാണ് മുക്കം പോലീസ് സ്റ്റേഷന്‍ വളപ്പില്‍നിന്ന് കസ്റ്റഡിയിലെടുത്ത മണ്ണുമാന്തിയന്ത്രം കടത്തിക്കൊണ്ടുപോയത്. ബൈക്ക് യാത്രക്കാരന്റെ അപകടമരണക്കേസിലാണ് മണ്ണുമാന്തിയന്ത്രം പോലീസ് കസ്റ്റഡിയിലെടുത്തിരുന്നത്. എന്നാല്‍, പിടിച്ചെടുത്ത മണ്ണുമാന്തിയന്ത്രം ഉടമയുടെ മകനും കൂട്ടാളികളും എത്തി കടത്തിക്കൊണ്ടുപോവുകയും പകരം മറ്റൊരു മണ്ണുമാന്തിയന്ത്രം സ്റ്റേഷനില്‍ എത്തിക്കുകയുമായിരുന്നു. എസ്.ഐ.യായിരുന്ന നൗഷാദ് ഇതിനുവേണ്ട സഹായംനല്‍കി. സംഭവസമയം ഡ്യൂട്ടിയില്‍ ഇല്ലാതിരുന്നിട്ടും അര്‍ധരാത്രി നൗഷാദ് ഇവിടെയെത്തിയതായി സമീപത്തെ സിസിടിവി ദൃശ്യങ്ങളില്‍നിന്ന് വ്യക്തമായിരുന്നു. കേസില്‍ മണ്ണുമാന്തിയന്ത്രത്തിന്റെ ഉടമയുടെ മകനടക്കം പ്രതികളാണ്. ബൈക്ക് യാത്രക്കാരന്റെ മരണത്തിനിടയാക്കിയ മണ്ണുമാന്തിയന്ത്രത്തിന് ഇന്‍ഷുറന്‍സ് ഇല്ലാത്തതിനാലാണ് പ്രതികള്‍ ഇത് കടത്തിക്കൊണ്ടുപോയത്.

കസ്റ്റഡിയിലെടുത്ത മണ്ണുമാന്ത്രിയന്ത്രം കടത്തിയ സംഭവംത്തിൽ എസ് ഐ അറസ്റ്റില്‍

Kozhikode

ന്യൂഡല്‍ഹി: നാലുവയസ്സുകാരിക്കുനേരെ ലൈംഗികതിക്രമം നടത്തിയ സംഭവത്തില്‍ സ്ത്രീയ്ക്ക് 10 വര്‍ഷം തടവ്ശിക്ഷ. ഡല്‍ഹി കോടതിയാണ് പ്രതിയായ ഷഹ്‌സിയ എന്ന സ്ത്രീയെ 10 വര്‍ഷം കഠിനതടവിന് ശിക്ഷിച്ചത്. 16000 രൂപ പിഴയും അടയ്ക്കണം. 2016-ലായിരുന്നു കേസിനാസ്പദമായ സംഭവം. കുഞ്ഞിന്റെ സ്വകാര്യഭാഗങ്ങളിലടക്കം പ്രതി ലൈംഗികാതിക്രമം നടത്തിയതായും കുട്ടിയ്ക്കും രക്ഷിതാക്കള്‍ക്കും ഇത് വലിയ മാനസിക ആഘാതം ഉണ്ടാക്കിയെന്നും അഡീഷ്ണല്‍ സെഷന്‍സ് ജഡ്ജ് കുമാര്‍ രജത് നിരീക്ഷിച്ചു. പോക്‌സോ നിയമത്തിലെ ആറ്, ഐപിസിയിലെ 354 വകുപ്പുകള്‍ പ്രകാരമാണ് സ്ത്രീക്കെതിരെ കേസെടുത്തിരുന്നത്.
കഴിഞ്ഞ വര്‍ഷം മാര്‍ച്ചില്‍, മധ്യപ്രദേശിലെ ഇന്ദോറില്‍ പ്രായപൂര്‍ത്തിയാവാത്ത ആണ്‍കുട്ടിയെ ലൈംഗികമായി പീഡിപ്പിച്ച 24-കാരിയെ പോക്‌സോ കോടതി 10 വര്‍ഷത്തെ തടവിന് ശിക്ഷിച്ചിരുന്നു. കുറ്റകൃത്യം നടക്കുമ്പോള്‍ ആണ്‍കുട്ടിയ്ക്ക് 15ഉം പ്രതിയായ സ്ത്രീയ്ക്ക് 19-ഉം വയസ്സായിരുന്നു പ്രായം.

പെണ്‍കുട്ടിക്ക് നേരെ ലൈംഗികാതിക്രമം നടത്തിയ സ്ത്രീയ്ക്ക് 10 വര്‍ഷം കഠിനതടവ്

National

ബെംഗളൂരു: ബെംഗളൂരുവില്‍ കാണാതായ ആറാംക്ലാസ് വിദ്യാര്‍ഥിക്കായി പോലീസിന്റെ തിരച്ചില്‍ തുടരുന്നു. ബെംഗളൂരു വൈറ്റ്ഫീല്‍ഡില്‍ നിന്നാണ് പരിണവി(12)നെ കാണാതായത്. സുകേഷ്-നിവേദിത ദമ്പതിമാരുടെ മകനായ പരിണവിനെ ഞായറാഴ്ച ഉച്ചയോടെയാണ് കാണാതായത്. ഞായറാഴ്ച രാവിലെ അച്ഛനാണ് കുട്ടിയെ വൈറ്റ് ഫീല്‍ഡിലെ ട്യൂഷന്‍ ക്ലാസില്‍ കൊണ്ടുവിട്ടത്. ഉച്ചയ്ക്ക് ശേഷം സുകേഷ് മകനെ കൂട്ടാനെത്തിയെങ്കിലും അതിന് മുന്‍പേ കുട്ടി ട്യൂഷന്‍ സെന്ററില്‍നിന്ന് പോയിരുന്നു. എന്നാല്‍, ട്യൂഷന്‍ സെന്ററില്‍നിന്നിറങ്ങിയ കുട്ടി വീട്ടിലെത്തിയില്ല. ഇതോടെയാണ് മാതാപിതാക്കള്‍ തിരച്ചില്‍ ആരംഭിച്ചത്. തുടര്‍ന്ന് പോലീസിലും പരാതി നല്‍കി.
നഗരത്തിലെ സിസിടിവി ദൃശ്യങ്ങള്‍ കേന്ദ്രീകരിച്ചാണ് പോലീസ് അന്വേഷണം ആരംഭിച്ചത്. ഈ പരിശോധനയില്‍ ഞായറാഴ്ച ഉച്ചയ്ക്ക് 2.30-ന് കാവേരി ആശുപത്രിക്കും കുണ്ടലഹള്ളി ഗേറ്റിനും ഇടയിലുള്ള സിസിടിവി ക്യാമറയില്‍ കുട്ടിയുടെ ദൃശ്യം പതിഞ്ഞതായി കണ്ടെത്തി. തുടര്‍ന്ന് 3.04-ന് മാറത്തഹള്ളിയില്‍നിന്ന് ബി.എം.ടി.സി. ബസില്‍ കയറിയതായും സിസിടിവി ദൃശ്യങ്ങളില്‍നിന്ന് വ്യക്തമായി. മാറത്തഹളളി മാര്‍ക്കറ്റിലാണ് ആറാംക്ലാസുകാരന്‍ ബസ്സിറങ്ങിയത്. ബസ് കണ്ടക്ടറെ ചോദ്യംചെയ്തപ്പോള്‍ ഇക്കാര്യം സ്ഥിരീകരിക്കുകയും ചെയ്തു.
കുട്ടിയുടെ കൈയില്‍ പണം കുറവായിരുന്നതായും ടിക്കറ്റിന്റെ പണം താന്‍ നല്‍കാമെന്ന് പറഞ്ഞിട്ടും കുട്ടി ഇത് നിരസിച്ചതായും കണ്ടക്ടര്‍ മൊഴി നല്‍കിയിട്ടുണ്ട്. തുടര്‍ന്ന് ബസ്സില്‍നിന്നിറങ്ങാന്‍ നിര്‍ബന്ധം പിടിച്ചതായും കണ്ടക്ടര്‍ പോലീസിനോട് പറഞ്ഞു. ബസ്സില്‍നിന്നിറങ്ങിയശേഷം യാംലൂരിലെ പെട്രോള്‍ പമ്പിന് സമീപത്തെ സിസിടിവി ക്യാമറയിലാണ് കുട്ടിയുടെ ദൃശ്യം അവസാനമായി പതിഞ്ഞത്. ഇതിനുശേഷം കുട്ടിയെക്കുറിച്ച് വിവരമൊന്നും ലഭിച്ചില്ലെന്നാണ് പ്രാദേശികമാധ്യമങ്ങളുടെ റിപ്പോര്‍ട്ട്.
കാണാതായ സമയത്ത് മഞ്ഞനിറത്തിലുള്ള ടീഷര്‍ട്ടും ഇരുണ്ടനിറത്തിലുള്ള പാന്റ്‌സുമായിരുന്നു പരിണവിന്റെ വേഷം. സ്‌കൂള്‍ ബാഗും തോളിലുണ്ടായിരുന്നു. സംഭവത്തില്‍ വൈറ്റ് ഫീല്‍ഡ് പോലീസാണ് കേസെടുത്ത് അന്വേഷണം നടത്തുന്നത്. കുട്ടിയെ കണ്ടെത്താനായി സാമൂഹികമാധ്യമങ്ങളിലും വ്യാപകമായ പ്രചാരണം നടക്കുന്നുണ്ട്.

ബെംഗളൂരു നഗരത്തില്‍ ആറാംക്ലാസുകാരനെ രണ്ടുദിവസമായി കാണാനില്ല

തിരുവനന്തപുരം: തിരുവല്ലം സ്വദേശിനി ഷഹാന ഷാജിയുടെ ആത്മഹത്യാക്കേസില്‍ ഭർത്താവും ഭർതൃമാതാവും അറസ്റ്റിൽ. തിരുവനന്തപുരം കണ്ടലയില്‍ നിന്നാണ് ഇരുവരേയും അറസ്റ്റ് ചെയ്തത്. നൗഫലും മാതാവും ഒളിവിലായിരുന്നു. നേരത്തെ കേസിൽ പ്രതികളെ സഹായിക്കാൻ ശ്രമിച്ച പോലീസ് ഉദ്യോ​ഗസ്ഥനെ സർവീസിൽ നിന്നും സസ്പെൻഡ് ചെയ്തിരുന്നു. സിവിൽ പോലീസ് ഓഫീസറായ നവാസിനെതിരെയായിരുന്നു നടപടി. ഒളിവില്‍പ്പോയ പ്രതികളെ കണ്ടെത്തുന്നതിനായുള്ള പോലീസ് നീക്കം പ്രതികളെ അറിയിച്ചതിനെ തുടർന്നായിരുന്നു സസ്പെൻഷൻ.
ഡിസംബര്‍ 26-നാണ് ഷഹാന ഷാജിയെ വണ്ടിത്തടത്തെ സ്വന്തം വീട്ടില്‍ തൂങ്ങിമരിച്ചനിലയില്‍ കണ്ടത്. ഭർത്താവ് നൗഫലാലുമായി മൂന്നു മാസമായി പിരിഞ്ഞു താമസിക്കുകയായിരുന്നു. മൂന്നര വർഷം മുമ്പായിരുന്നു ഇവരുടെ വിവാഹം. ഇവർക്ക് രണ്ടു വയസ്സുള്ള മകനുണ്ട്. ഭര്‍തൃവീട്ടുകാരുടെ മാനസികപീഡനവും ഉപദ്രവവുമാണ് ആത്മഹത്യയ്ക്ക് കാരണമെന്നായിരുന്നു പരാതി.

ഷഹാന ഷാജിയുടെ മരണം; ഒളിവിൽപോയ ഭർത്താവും ഭർതൃമാതാവും അറസ്റ്റിൽ

Kerala

കൊച്ചി: അയോദ്ധ്യയിലേയും കേരളത്തിലെ ജഡായുപ്പാറയിലേയും രണ്ട് ചിത്രങ്ങൾ സമൂഹമാദ്ധ്യമത്തിൽ പങ്കുവച്ച് ബിജെപി സംസ്ഥാന അദ്ധ്യക്ഷൻ കെ. സുരേന്ദ്രൻ. ''ഇന്ന് കണ്ട രണ്ടു ചിത്രങ്ങൾ. യുക്തിഭദ്രതയോ ശാസ്ത്രസത്യമോ തേടി ആരും പോകേണ്ടതില്ല. യാദൃശ്ചികമാവാം അതിശയോക്തിയെന്നു തർക്കിക്കാം''. എന്ന കുറിപ്പോടെയാണ് സുരേന്ദ്രന്റെ ഫേസ്ബുക്ക് പോസ്‌റ്റ്.
''ഇന്ന് കണ്ട രണ്ടു ചിത്രങ്ങൾ. യുക്തിഭദ്രതയോ ശാസ്ത്രസത്യമോ തേടി ആരും പോകേണ്ടതില്ല. യാദൃശ്ചികമാവാം അതിശയോക്തിയെന്നു തർക്കിക്കാം. രാമനും ഹനുമാനും ഇഴപിരിക്കാനാവാത്ത സത്യമെന്നുമാത്രം പറയാനാവും. ഒരു ചിത്രം നമ്മുടെ ജഡായുപ്പാറയിൽനിന്നായതുകൊണ്ടുള്ള കൗതുകം പങ്കുവെക്കാതിരിക്കാനാവില്ല''.

''ഇന്ന് കണ്ട രണ്ടുചിത്രങ്ങൾ, യാദൃശ്ചികമാവാം അതിശയോക്തിയെന്നു തർക്കിക്കാം''; കുറിപ്പ് പങ്കിട്ട് കെ സുരേന്ദ്രൻ

പാറക്കടവ് : വിദ്യാർഥിനിയെ അശ്ലീലവീഡിയോ ദൃശ്യങ്ങൾ കാണിച്ച ബാങ്ക് ജീവനക്കാരൻ അറസ്റ്റിൽ. നാദാപുരം പാറക്കടവിലെ ബാങ്ക് ജീവനക്കാരൻ നാദാപുരം ഈയ്യങ്കോട് സ്വദേശി നടുക്കണ്ടിയിൽ ദീപക് സുരേഷ് (40) നെ ആണ് വളയം പോലീസ് അറസ്റ്റുചെയ്തത്. 2023 ഡിസംബർ 19 ന് ആണ് കേസിനാസ്പദമായ സംഭവം. സ്കൂളാവശ്യത്തിന് സഹപാഠിക്കൊപ്പം ബാങ്കിലെത്തിയപ്പോൾ പ്രതി മൊബൈലിൽ നഗ്നദൃശ്യങ്ങൾ കാണിച്ചെന്നാണ് പരാതി. പ്രതിയുടെ മൊബൈൽഫോൺ പോലീസ് കസ്റ്റഡിയിലെടുത്തിരുന്നു. വടകര കോടതിയിൽ ഹാജരാക്കിയ പ്രതിയെ രണ്ടാഴ്ചത്തേക്ക് റിമാൻഡ്‌ ചെയ്തു.

വിദ്യാർഥിനിയെ അശ്ലീലവീഡിയോ കാണിച്ച ബാങ്ക് ജീവനക്കാരൻ വളയം പോലീസ് പിടിയിൽ

Nadapuram

തൊട്ടിൽപ്പാലം: കാവിലുംപാറ ബ്ലോക്കിലെ നരിപ്പറ്റ മണ്ഡലത്തിലെ കോൺഗ്രസ് ഭാരവാഹികൾ ചുമതലയേറ്റു. മണ്ഡലം പ്രസിഡണ്ട് സി കെ നാണുവിന്റെ അധ്യക്ഷതയിൽ ബ്ലോക്ക് പ്രസിഡണ്ട് ജമാൽ കൊരങ്കോട്ട് ഉദ്ഘാടനം ചെയ്തു. ഇനി വരുന്നത് കോൺഗ്രസ് യുഗമാണെന്നും അതുകൊണ്ട് മുഴുവൻ കോൺഗ്രസ്സുകാരും ഒറ്റക്കെട്ടായി പ്രവർത്തിക്കണമെന്നും അദ്ദേഹം ആഹ്വാനം ചെയ്തു. ചടങ്ങിൽ പി അരവിന്ദാക്ഷൻ, ഒ. രവീന്ദ്രൻ, വിശ്വൻ, രാജൻ, കൊയ്യാൽ ഭാസ്കരൻ, കുഞ്ഞിക്കണ്ണൻ മോയങ്കോട്, ബാബു കൊയ്തേരി തുടങ്ങിയവർ സംസാരിച്ചു

ഭാരവാഹികൾ ചുമതലയേറ്റു

Kuttiadi

അഴിയൂർ: പഞ്ചായത്ത് മർച്ചന്റ്സ് അസോസിയേഷൻ (കേരള വ്യാപാരി വ്യവസായി ഏകോപന സമിതി) യുടെ ആഭിമുഖ്യത്തിൽ പഞ്ചായത്ത് ഓഫീസിന് മുന്നിൽ ധർണ്ണ നടത്തി. ജില്ലാ കമ്മിറ്റിയുടെ ആഹ്വാന പ്രകാരം വ്യാപാരികളെ ദ്രോഹിക്കരുത് എന്ന സന്ദേശവുമായി നടത്തിയ ധർണ്ണ മർച്ചന്റ്സ് അസോസിയേഷൻ പ്രസിഡണ്ട് പി.കെ.രാമചന്ദ്രൻ ഉൽഘാടനം ചെയ്തു. കെ.എ.സുരേന്ദ്രൻ അദ്ധ്യക്ഷം വഹിച്ചു.
ജനറൽ സെക്രട്ടറി സാലിം പുനത്തിൽ സ്വാഗതം പറഞ്ഞു. കെ.ടി. ദാമോദരൻ, ശംസുദ്ദീൻ മനയിൽ , രാജേന്ദ്രൻ അനുപമ, സി.ടി.സി. ബാബു എന്നിവർ സംസാരിച്ചു. കെ.സി. രഗീഷ് , മഹമൂദ് ഫനാർ, നൌഷർ സാസ് കർട്ടൻ, അശോകൻ അനുപമ, പവിത്രൻ ഉണ്ണി എന്നിവർ നേതൃത്വം നൽകി.വ്യാപാരികളുടെ ആവശ്യങ്ങൾ അടങ്ങിയ നിവേദനം പഞ്ചായത്ത് അസിസ്റ്റന്റ് സെക്രട്ടറിക്ക് പി.കെ..രാമചന്ദ്രൻ കൈമാറി.

വ്യാപാരികൾ ധർണ്ണ നടത്തി

കല്പറ്റ :​ ​പ്രാ​യ​പൂ​ർ​ത്തി​യാ​കാ​ത്ത​ ​പെ​ൺ​കു​ട്ടി​യെ​ ​പീ​ഡി​പ്പി​ച്ച​ ​കേ​സി​ൽ​ ​ദ​മ്പ​തി​ക​ൾ​ ​അ​റ​സ്റ്റി​ൽ.​ ​പു​താ​ടി​ ​സ്വ​ദേ​ശി​ക​ളാ​യ​ ​പ്ര​ജി​ത്ത് ​(48​),​ ​ഭാ​ര്യ​ ​സു​ജ്ഞാ​ന​ ​(44​)​ ​എ​ന്നി​വ​രെ​യാ​ണ് ​കേ​ണി​ച്ചി​റ​ ​പൊ​ലീ​സ് ​പി​ടി​കൂ​ടി​യ​ത്.​ ​ഒ​ളി​വി​ൽ​ ​ക​ഴി​യു​ക​യാ​യി​രു​ന്ന​ ​പ്ര​തി​ക​ളു​ടെ​ ​മു​ൻ​കൂ​ർ​ ​ജാ​മ്യാ​പേ​ക്ഷ​ ​ക​ഴി​ഞ്ഞ​ദി​വ​സം​ ​കോ​ട​തി​ ​ത​ള്ളി​യ​ ​സാ​ഹ​ച​ര്യ​ത്തി​ൽ​ ​മേ​ൽ​ ​കോ​ട​തി​യി​ൽ​ ​അ​പേ​ക്ഷ​ ​ന​ൽ​കി​ ​കാ​ത്തി​രി​ക്കു​ന്ന​തി​നി​ടെ​യാ​ണ് ​അ​റ​സ്റ്റ്.
2020​ ​ലാ​ണ് ​കേ​സി​നാ​സ്പ​ദ​മാ​യ​ ​സം​ഭ​വം.​ ​ലൈം​ഗി​ക​മാ​യി​ ​പീ​ഡി​പ്പി​ക്കു​ക​യും​ ​മ​റ്റു​ള്ള​വ​ർ​ക്ക് ​കാ​ഴ്ച​വ​യ്ക്കാ​ൻ​ ​ശ്ര​മി​ക്കു​ക​യും​ ​ചെ​യ്തു​വെ​ന്നാ​ണ് ​കേ​സ്.​ ​കൗ​ൺ​സി​ലിം​ഗി​നി​ടെ​യാ​ണ് ​പീ​ഡ​ന​ ​വി​വ​രം​ ​പെ​ൺ​കു​ട്ടി​ ​വെ​ളി​പ്പെ​ടു​ത്തി​യ​ത്.​ പീഡനത്തിന് ഒത്താശ ചെയ്ത് നൽകിയതിനാണ് സുജ്ഞാനയ്ക്കെതിരെ കേസെടുത്തത്. കഴിഞ്ഞയാഴ്ച കല്പറ്റ കോടതിയിൽ കീഴടങ്ങിയ മറ്റൊരു പ്രതി​ ​സു​രേ​ഷ് ​റി​മാ​ൻ​ഡി​ലാണ്. പരാതിപ്പെട്ടാൽ ഫോണിൽ പകർത്തിയ നഗ്നചിത്രം പുറത്തുവിടുമെന്ന് ഭീഷണിപ്പെടുത്തിയെന്നും പെൺകുട്ടി മൊഴി നൽകിയിരുന്നു.

പ്രായപൂർത്തിയാകാത്ത പെൺകുട്ടിയെ പീഡിപ്പിച്ച് നഗ്നചിത്രം പകർത്തി; ദമ്പതികൾ പിടിയിൽ

പയ്യോളി: തീവണ്ടിയിൽനിന്നുവീണ് കൊല്ലം സ്വദേശികളായ അമ്മയ്ക്കും മകൾക്കും പരിക്കേറ്റു. കൊല്ലം കുളത്തൂപ്പുഴ സ്വദേശികളായ സുനിത (44), മകൾ ഷഹന (20) എന്നിവർക്കാണ് ഏറനാട് എക്സ്പ്രസിൽനിന്നുവീണ് പരിക്കേറ്റത്. പയ്യോളി റെയിൽവേ സ്റ്റേഷനിൽ തിങ്കളാഴ്ച ഉച്ചയ്ക്കാണ് അപകടം. കൊല്ലത്തുനിന്ന് പയ്യോളിയിലെ ബന്ധുവീട്ടിലേക്ക് വരുകയായിരുന്നു ഇരുവരും. സ്റ്റേഷനിൽ നിർത്തിയശേഷം ‌തീവണ്ടി നീങ്ങിത്തുടങ്ങിയപ്പോഴാണ് ഇവർ ഇറങ്ങാൻ ശ്രമിച്ചത്. ഇതോടെ പ്ലാറ്റ്ഫോമിലേക്ക് തെറിച്ചുവീഴുകയായിരുന്നു.

പയ്യോളിയിൽ തീവണ്ടിയിൽ നിന്ന്‌ വീണ് അമ്മയ്ക്കും മകൾക്കും പരിക്ക്

Koyilandy

കല്ലാച്ചി: നരിക്കാട്ടേരി ശ്രീ മുന്നൂറ്റംപറമ്പ് ക്ഷേത്രം തിറ മഹോത്സവം ജനുവരി 26,27,28 ( മകരം 12,13,14) തിയ്യതികളിൽ നടക്കും. 26 ന് കാലത്ത് ഗണപതിഹോമം, വൈകുന്നേരം 6 മണിക്ക് കൊടിയേറ്റം, തുടർന്ന് കുട്ടിച്ചാത്തൻ വെള്ളാട്ടം. 27ന് വൈകുന്നേരം 4 മണിക്ക് ഇളനീർ വരവുകൾ ക്ഷേത്രത്തിൽ എത്തിച്ചേരും. ശേഷം തിരുവായുധം എഴുന്നെള്ളത്ത് തുടർന്ന് ദീപാരാധന, തണ്ടാൻ വരവ്, കുട്ടിച്ചാത്തൻ വെള്ളാട്ടം, ഗുളികൻ വെള്ളാട്ടം, കാരണവർ വെള്ളാട്ടം, ഭഗവതി വെള്ളാട്ടം, വസൂരിമാല വെള്ളാട്ടം.
28ന് കാലത്ത് മുതൽ ഗുളികൻ, കുട്ടിച്ചാത്തൻ, കാരണവർ, ഭഗവതി വസൂരിമാല തുടങ്ങിയ തിറകൾ, ഉച്ചയ്ക്ക് ശേഷം ഗുരുതിയും തർപ്പണവും. 27ന് രാത്രിയും 28ന് ഉച്ചയ്ക്കും അന്നദാനം ഉണ്ടായിരിക്കും.

നരിക്കാട്ടേരി മുന്നൂറ്റംപറമ്പ് ക്ഷേത്രത്തിൽ തിറ മഹോത്സവം 26 മുതൽ

വടകര: നെഹ്‌റു യുവ കേന്ദ്രയുടെയും എൻ സി സി മടപ്പള്ളി കോളേജ് യൂണിറ്റിന്റെയും ആഭിമുഖ്യത്തിൽ ദേശിയ യുവജന വാരം ആഘോഷിച്ചു. മടപ്പള്ളി കോളേജ് ഹാളിൽ വച്ചു നടത്തിയ സെമിനാർ കോളേജ് പ്രിൻസിപ്പൽ ഇൻചാർജ് അൻവർ എൻ കെ ഉദ്ഘാടനം ചെയ്തു. എൻ സി സി ഹെഡ് എൽടി ആരഭി എൻ സ്വാഗതം പറഞ്ഞ ചടങ്ങിൽ നെഹ്‌റു യുവ കേന്ദ്ര വടകര ബ്ലോക്ക്‌ കോ- ഓർഡിനേറ്റർ ശ്യാം സഞ്ജീവ്, ശ്രീധരി കെ തുടങ്ങിയവർ പങ്കെടുത്തു. Empowering the Future: The Role of Youth in Entrepreneurship എന്ന വിഷയത്തിൽ മടപ്പള്ളി കോളേജ് പി എച് ഡി സ്റ്റുഡന്റ് നിധിൻ കുമാർ സെമിനാർ അവതരിപ്പിച്ചു. എൻ സി സി കേഡറ്റ് ഫിദ ഫാത്തിമ നന്ദി പറഞ്ഞു.

ദേശീയ യുവജനവാരം ആചരിച്ചു

തിരുവനന്തപുരം: ദേശീയ പാത - 66ൽ പണി പൂർത്തിയാകുന്ന ഭാഗങ്ങൾ തുറന്ന് കൊടുക്കുന്നത് എൻ എച്ച് എ ഐ പരിശോധിക്കുമെന്ന് പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് പറഞ്ഞു. ദേശീയ പാത വികസനം മുഴുവൻ കഴിയാൻ കാത്ത് നിൽക്കാതെ, പൂർത്തീകരിച്ച ബൈപാസുകളും പാലങ്ങളും സ്ട്രെച്ചുകളും നാടിന് സമർപ്പിക്കണമെന്ന് എൻ എച്ച് എ ഐയോട് ആവശ്യപ്പെട്ടതായും മന്ത്രി പറഞ്ഞു . കോഴിക്കോട്, മലപ്പുറം, തൃശൂർ ജില്ലകളികളെ ദേശീയപാത നിർമ്മാണ പ്രവൃത്തികൾ വിലയിരുത്തിയ ശേഷം മന്ത്രി മാധ്യമങ്ങളെ അറിയിച്ചതാണിത്. തൃശൂർ ജില്ലയിൽ മാത്രം 205 ഹെക്ടർ ഭൂമിയാണ് ദേശീയപാത വികസനത്തിനായി ഏറ്റെടുത്തത്. ജില്ലയിൽ മാത്രമായി 1274. 34 കോടി രൂപ വികസനത്തിനായി സംസ്ഥാന സര്ക്കാര് ചെലവഴിക്കുന്നുണ്ട്. നാഷണൽ ഹൈവേ അതോറിറ്റി ഓഫ് ഇന്ത്യയുമായി സഹോദരതുല്യ സഹകരണത്തോടെ എല്ലാ വകുപ്പുകളെയും ഏകോപിപ്പിച്ചാണ് പ്രവൃത്തികൾ നടത്തുന്നത്. പാത കടന്നു പോകുന്ന ഓരോ മണ്ഡലത്തിലും ജനങ്ങൾ നേരിടുന്ന പ്രശ്നങ്ങൾ നിവേദനങ്ങളായി എം എൽ എ മാരുടെ നേതൃത്വത്തിൽ കൈപ്പറ്റി നാഷണൽ ഹൈവേ അതോറിറ്റി ഓഫ് ഇന്ത്യയുമായി ചർച്ച ചെയ്ത് കാര്യങ്ങൾ പരിശോധിച്ചാണ് സർക്കാർ പ്രവർത്തനമെന്നും മന്ത്രി വ്യക്തമാക്കി. മഹാരാഷ്ട്രയിൽ നിന്ന് ആരംഭിച്ച് കർണ്ണാടകയിലൂടെ കേരളത്തിലെത്തി അവിടെ നിന്ന് തമിഴ്നാട്ടിലേക്കാണ് എൻ എച്ച് 66 എത്തിചേരുക. കാസർകോട് മുതൽ തിരുവനന്തപുരം വരെ 45 മീറ്റർ വീതിയിൽ ആറ് വരിയായി സജ്ജമാവുന്ന പാത 2025 ഓടെ പൂർത്തിയാവുമെന്നും മന്ത്രി പറഞ്ഞു.
തൃശൂർ ജില്ലയിലെ കാപ്പിരിക്കാട്, ചാവക്കാട്, വാടാനപ്പിള്ളി, തളിക്കുളം, എസ് എൽ പുരം, കൊടുങ്ങല്ലൂർ എന്നിവിടങ്ങളിലൂടെ കടന്ന് പോകുന്ന പാതയിലെ നിർമ്മാണ പ്രവർത്തനങ്ങളാണ് മന്ത്രിയുടെ നേതൃത്വത്തിൽ വിലയിരുത്തിയത്. തിങ്കളാഴ്ച രാവിലെ കോഴിക്കോട് നിന്നാണ് പരിശോധന ആരംഭിച്ചത്. ജില്ലയിൽ തൊണ്ടയാട് ഫ്ലൈ ഓവർ നിർമ്മാണ പ്രവർത്തി മന്ത്രിയുടെ നേതൃത്വത്തിൽ വിലയിരുത്തി. ദേശീയപാത നിർമ്മാണത്തിൽ എവിടെയൊക്കെ തടസ്സങ്ങൾ ഉണ്ടോ അതെല്ലാം നീക്കാൻ ഇടപെടുമെന്ന് മന്ത്രി കോഴിക്കോട്ട് പറഞ്ഞു. തൊണ്ടയാട് മേൽപ്പാലം മാർച്ച് ആദ്യം പണിതീർത്ത് നാടിന് സമർപ്പിക്കും. രാമനാട്ടുകര ഫ്ലൈ ഓവറും മാർച്ച് ആദ്യം തുറന്നു കൊടുക്കും. പാലോളി മൂരാട് പാലങ്ങളും ഇതിന്റെ ഭാഗമായി വേഗത്തിൽ പണിതീർത്ത് തുറന്നുകൊടുക്കും. കോഴിക്കോട് ജില്ലയിൽ ദേശീയപാത വികസനത്തിനായി 150 . 5 ഹെക്ടർ ഭൂമിയാണ് ഏറ്റെടുത്തത്. ഇതിനായി 415 കോടി രൂപ സംസ്ഥാനം ചെലവഴിച്ചു. അഴിയൂർ വെങ്ങളം റീച്ച് 35% പ്രവൃത്തി പൂർത്തിയായി. വെങ്ങളം രാമനാട്ടുകര കോഴിക്കോട് ബൈപ്പാസ് 60 ശതമാനത്തോളം പണി പൂർത്തീകരിച്ചു. കോഴിക്കോട് ബൈപ്പാസ് 2025ലെ പുതുവത്സര സമ്മാനമായി തുറന്നുകൊടുക്കും ദേശീയപാത അതോറിറ്റിക്ക് കേരളത്തിൽ ആസ്ഥാന മന്ദിരം നിർമിക്കാൻ 25 സെന്റ് സ്ഥലം തിരുവനന്തപുരത്ത് അനുവദിച്ചതായും അറിയിച്ചു.
മലപ്പുറം ജില്ലയിൽ പാണമ്പ്ര വളവ്, കൂരിയാട് ജംഗ്ഷൻ, പാലച്ചിറമാട് വളവ്, വട്ടപ്പാറ വളവ്, കുറ്റിപ്പുറം പാലം, ചമ്രവട്ടം ജംഗ്ഷൻ എന്നിവിടങ്ങളിലാണ് സന്ദർശനം നടത്തിയത്. മലപ്പുറം ജില്ലയിൽ ദേശീയപാത വികസനത്തിന് 203.68 ഹെക്ടർ ഭൂമി ഏറ്റെടുക്കേണ്ടതിൽ 203.41 ഹെക്ടറും ഏറ്റെടുത്തു. അതായത് ജില്ലയിൽ 99.87 ശതമാനം ഭൂമി ഏറ്റെടുത്തു. ജില്ലയിൽ 878 കോടി രൂപയാണ് ഇതിനായി സംസ്ഥാന സർക്കാർ ചെലവഴിച്ചത്. വിവിധ ജില്ലകളിൽ എം എൽ എ മാരായ അഹമ്മദ് ദേവർകോവിൽ, തോട്ടത്തിൽ രവീന്ദ്രൻ, പി കെ കുഞ്ഞാലിക്കുട്ടി, കെ ടീ ജലീൽ , പി നന്ദകുമാർ , മുരളി പെരുനെല്ലി , സി. സി. മുകുന്ദൻ, എൻ കെ അക്ബർ, വി. ആർ. സുനിൽകുമാർ, പൊതുമരാമത്ത് സെക്രട്ടറി കെ. ബിജു, നാഷണൽ ഹൈവേ അതോറിറ്റി കേരള റീജിയണൽ ഓഫീസർ ബി. എൽ. മീണ, നാഷണൽ ഹൈവേ അതോറിറ്റി പ്രൊജക്റ്റ് ഡയറക്ടർ അൻഷുൽ ശർമ, ജില്ലാ കളക്ടർമാർ , മറ്റ് പൊതുമരാമത്ത് ഉദ്യോഗസ്ഥർ എന്നിവരും മന്ത്രിക്കൊപ്പം ഉണ്ടായിരുന്നു.

ദേശീയ പാത; പണി പൂർത്തിയാകുന്ന ഭാഗങ്ങൾ  തുറന്നു നൽകുന്നത് എൻ എച്ച് എ ഐ പരിശോധിക്കുമെന്ന് മന്ത്രി

ഷാർജ: മുക്കോല സ്വദേശി ബിവിനത്തില്‍ അനില്‍കുമാര്‍ വിന്‍സെന്റിനെ (60) ഷാര്‍ജയിലെ മരുഭൂമിയില്‍ മരിച്ചനിലയില്‍ കണ്ടെത്തി. ദുബായിലെ വസ്ത്ര മൊത്തവ്യാപാരകേന്ദ്രത്തില്‍ 36 വര്‍ഷമായി പി.ആര്‍.ഒ. ആയി ജോലിചെയ്യുകയായിരുന്നു. കമ്പനിയുടെ അവീറിലെ ഗോഡൗണില്‍ ഈ മാസം രണ്ടിന് തുണിയുടെ സ്റ്റോക്കെടുക്കാന്‍ പോയതായിരുന്നു. കൂടെ മൂന്ന് പാകിസ്താന്‍ സ്വദേശികളും ഉണ്ടായിരുന്നു. സ്റ്റോക്കെടുക്കുന്നതിനിടയില്‍ പ്രതികള്‍ അനില്‍കുമാറിനെ ശ്വാസംമുട്ടിച്ചു കൊലപ്പെടുത്തുകയായിരുന്നു എന്നാണ് വിവരം. മുന്‍വൈരാഗ്യമാണ് കൊലപാതക കാരണമെന്ന് സുഹൃത്തുക്കള്‍ അറിയിച്ചു. സ്ഥാപനത്തില്‍ പാകിസ്താന്‍ സ്വദേശികള്‍ നടത്തിയ സാമ്പത്തികതിരിമറി അനില്‍കുമാര്‍ ഉടമയെ അറിയിച്ചതിന്റെ പക വീട്ടിയതായിരിക്കുമെന്നാണ് കണക്കാക്കുന്നത്. കൊലപാതകത്തിനുശേഷം കൃത്യം പുറത്തറിയാതിരിക്കാന്‍ മൃതദേഹം പ്രതികളെന്ന് സംശയിക്കുന്നവര്‍ ഷാര്‍ജയില്‍ മരുഭൂമിയില്‍ കുഴിച്ചിടുകയായിരുന്നു. സംഭവത്തില്‍ രണ്ട് പാകിസ്താന്‍ സ്വദേശികള്‍ അറസ്റ്റിലായിട്ടുണ്ട്. മറ്റൊരാള്‍ക്കുവേണ്ടി തിരച്ചില്‍ നടക്കുന്നു.
അനില്‍കുമാറിനെ ഈ മാസം രണ്ടുമുതല്‍ കാണാനില്ലെന്ന് കാണിച്ച് പോലീസിന് എട്ടാംതീയതിയാണ് പരാതി ലഭിക്കുന്നത്. തുടര്‍ന്ന് നടന്ന അന്വേഷണത്തില്‍ ഷാര്‍ജയിലെ മരുഭൂമിയില്‍നിന്ന് 12-ന് മൃതദേഹം കണ്ടെത്തുകയായിരുന്നു. തുടക്കത്തില്‍ പ്രതികളെന്ന് സംശയിക്കപ്പെടുന്ന പാകിസ്താന്‍ സ്വദേശികള്‍തന്നെ അനില്‍കുമാറിനെ അന്വേഷിക്കാനും മുന്നിലുണ്ടായിരുന്നു. കൊലയ്ക്ക് മുന്‍പ് ഗോഡൗണിലെ സി.സി.ടി.വി. ക്യാമറ പ്രതികള്‍ നശിപ്പിച്ചിരുന്നു. എന്നാല്‍ പോലീസിന്റെ അന്വേഷണത്തില്‍ പ്രതികളെ തിരിച്ചറിയുകയായിരുന്നു.

മലയാളി ഷാര്‍ജയിലെ മരുഭൂമിയിൽ കൊല്ലപ്പെട്ടനിലയിൽ

Gulf

തിരുവനന്തപുരം: ലോക്സഭാ തിരഞ്ഞെടുപ്പ് മുന്നൊരുക്കത്തിന്റെ ഭാഗമായി സംസ്ഥാനത്തെ അന്തിമ വോട്ടർ പട്ടിക പ്രസിദ്ധീകരിച്ചു. 5.75 ലക്ഷം പുതിയ വോട്ടർമാരാണ് ഇത്തവണ ഉള്ളത്. ആകെ വോട്ടർമാരുടെ എണ്ണം 2,70,99,326 ആണ്. 3.75 ലക്ഷം വോട്ടർമാരെ പട്ടികയിൽനിന്ന് ഒഴിവാക്കിയതായി മുഖ്യ തിരഞ്ഞെടുപ്പ് ഓഫീസർ സഞ്ജയ്‌ കൗൾ അറിയിച്ചു. അന്തിമ വോട്ടർപട്ടികയിൽ പേര് ചേർക്കാനാകാത്തവർക്ക് തിരഞ്ഞെടുപ്പിന് മുമ്പുവരെ അപേക്ഷ സമർപ്പിക്കാൻ അവസരമുണ്ടാകുമെന്ന് തിരഞ്ഞെടുപ്പ് കമ്മിഷൻ അറിയിച്ചു.
മലപ്പുറം ജില്ലയിലാണ് കൂടുതൽ വോട്ടർമാരുള്ളത് (32,79,172). കുറവ് വോട്ടർമാർ ഉള്ള ജില്ല- വയനാട് (6,21,880). ആകെ പ്രവാസി വോട്ടർമാർ - 88,223. സംസ്ഥാനത്തെ ആകെ പോളിങ് സ്റ്റേഷനുകൾ - 25,177. ആകെ ഭിന്നലിംഗ വോട്ടർമാർ - 309. അന്തിമ വോട്ടർപട്ടിക സംസ്ഥാന മുഖ്യ തിരഞ്ഞെടുപ്പ് ഓഫീസറുടെ വെബ്സൈറ്റിൽ പരിശോധിക്കാം. താലൂക്ക് ഓഫീസുകളിലും വില്ലേജ് ഓഫീസുകളിലും ബൂത്ത്‌ ലെവൽ ഓഫീസറുടെ കൈവശവും അന്തിമ വോട്ടർപട്ടിക ലഭിക്കും. അംഗീകൃത രാഷ്ട്രീയ പാർട്ടികൾക്ക് താലൂക്ക് ഓഫീസുകളിൽനിന്ന് വോട്ടർ പട്ടിക കൈപ്പറ്റാം.
യൂത്ത് കോൺഗ്രസിന്റെ വ്യാജ ഐ.ഡി. കാർഡ് കേസിൽ പോലീസ് അന്വേഷണം നടക്കുന്നുണ്ടെന്നും വ്യാജ കാർഡുമായി വന്നാൽ വോട്ട് ചെയ്യാനാകില്ലെന്നും മുഖ്യ തിരഞ്ഞെടുപ്പ് ഓഫീസർ പറഞ്ഞു.
&nbsp;

സംസ്ഥാനത്തെ അന്തിമ വോട്ടർപട്ടിക പ്രസിദ്ധീകരിച്ചു; പേര് ചേർക്കാത്തവർക്ക് അവസരം

പുത്തൂര്‍ (തൃശ്ശൂര്‍): ഭര്‍തൃവീട്ടില്‍ യുവതിയെ തൂങ്ങിമരിച്ചനിലയില്‍ കണ്ടെത്തി. പൊന്നൂക്കര കാത്തിര വീട്ടില്‍ സഞ്ജുവിന്റെ ഭാര്യ സാന്ദ്ര(24)യാണ് മരിച്ചത്. തിങ്കളാഴ്ച ഉച്ചയ്ക്കാണ് കിടപ്പുമുറിയില്‍ ഇവരെ തൂങ്ങിയനിലയില്‍ കണ്ടെത്തിയത്. തോണിപ്പാറ പൊങ്ങണാമൂല വീട്ടില്‍ സുഭാഷിന്റെ മകളാണ്. രണ്ടു വര്‍ഷം മുന്‍പായിരുന്നു വിവാഹം. ആറുമാസം പ്രായമുള്ള ഒരു മകനുണ്ട്.&nbsp;&nbsp;

യുവതി ഭര്‍തൃവീട്ടില്‍ മരിച്ചനിലയില്‍

അഴിയൂർ: വിമുക്തിയുടെ ഭാഗമായി ചോമ്പാല ഉപജില്ലയിലെ സ്കൂളുകളിൽ നടന്ന ലഹരി വിരുദ്ധ ചിത്രരചന മത്സരത്തിൽ ഒന്നാം സ്ഥാനം നേടിയ അഴിയൂർ ഗവൺമെന്റ് ഹയർ സെക്കന്റെറി സ്കൂളിലെ വിദ്യാർത്ഥികളെയും, നേതൃത്വം വഹിച്ച പി ടി എ കമ്മറ്റിയേയും സ്കൂൾ പൂർവ്വവിദ്യാർത്ഥി സംഘടന 'ഓർമ്മച്ചെപ്പ്' അനുമോദിച്ചു. കാസിംഹാജി നെല്ലോളി, വിജയരാഘവൻ, മുബാസ് കല്ലേരി, നിസാർ വി കെ, പിടിഎ പ്രസിഡണ്ട് നവാസ് നെല്ലോളി, എച്ച് എം സജിത എന്നിവർ പങ്കെടുത്തു.

പൂർവ്വവിദ്യാർത്ഥി സംഘടന അനുമോദിച്ചു

വടകര: നഗരസഭ പാലിയേറ്റീവ് കിടപ്പുരോഗികളുടെ കുടുംബ സംഗമം നടത്തി. പാലിയേറ്റീവ് കെയർ ലഭിക്കുന്ന രോഗികളും കുടുംബാംഗങ്ങളും വടകര ടൗൺ ഹാളിൽ ഒരു ദിവസം അവരുടേതായ ദിവസം ആക്കി മാറ്റി. തീർത്തും കിടപ്പിലായവർക്ക് പുറത്തിറങ്ങാനും എല്ലാവരെയും കാണാനും അവരുടേതായ കലാപരമായ കഴിവുകൾ പ്രകടിപ്പിക്കാനും ഉള്ള ഒരു ദിവസമായിരുന്നു കുടുംബ സംഗമം. ആശാവർക്കർമാരും എൻഎസ്എസ് വളണ്ടിയർമാരും മഹാരാജാസ് കോളേജിലെ വിദ്യാർത്ഥികളും അവർക്കുവേണ്ടി കലാപരിപാടികൾ അവതരിപ്പിച്ചു. നഗരസഭയുടെ ഒരു കിറ്റും അവർക്കായി നൽകി.&nbsp;
പാലിയേറ്റീവ് കുടുംബ സംഗമം നഗരസഭ വൈസ് ചെയർമാൻ പി സജീവ് കുമാറിന്റെ അധ്യക്ഷതയിൽ മുനിസിപ്പൽ ചെയർപേഴ്സൺ കെ പി ബിന്ദു ഉദ്ഘാടനം ചെയ്തു. ചടങ്ങിന് സ്വാഗതം ആശംസിച്ചുകൊണ്ട് ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ എ പി പ്രജിത സംസാരിച്ചു. ആശംസകൾ അർപ്പിച്ചുകൊണ്ട് വിവിധ സ്റ്റാൻഡിങ് കമ്മിറ്റി ചെയർമാൻമാരും കൗൺസിൽ പാർട്ടി ലീഡർമാരും എൽ എച്ച് ഐ അമ്പിളിയും സംസാരിച്ചു. മേഴ്സി കോളേജിലെ 99-2022 ബാച്ചിലെ പൂർവവിദ്യാർഥി കൂട്ടായ്മയുടെ നിതീഷ്, രജീഷ്, മെഹറൂഫ് എന്നിവരും പങ്കെടുത്തു. ചടങ്ങിന് നന്ദി പറഞ്ഞുകൊണ്ട് മെഡിക്കൽ ഓഫീസർ അബ്ദുൽബാരി സംസാരിച്ചു.

പാലിയേറ്റീവ് കിടപ്പുരോഗികളുടെ കുടുംബ സംഗമം സംഘടിപ്പിച്ച് നഗരസഭ

വടകര: സംസ്ഥാന സ്കൂൾ കലോത്സവത്തിൽ മലയാള നാടകത്തിൽമികച്ച നടനായി തിരഞ്ഞെടുത്ത അലൻ ഗോവിന്ദ് , സംസ്ഥാന സ്കൂൾ കലോത്സവത്തിൽ സംഘനൃത്തത്തിന് എ ഗ്രേഡ് നേടിയ ശ്രേയ ദീപ്തഷ് , ദേശീയ യൂത്ത് സോഫ്റ്റ് ബേസ് ബോൾ ചാമ്പ്യൻഷിപ്പിൽ കിരീടം നേടിയ കേരള ടീം അംഗമായ അമന്യ പ്രമോദ് എന്നിവരെ ജനാധിപത്യം മഹിളാ അസോസിയേഷൻ വടകര ടൗൺ വില്ലേജ് കമ്മിറ്റി അനുമോദിച്ചു. നടോൽ വച്ച് നടന്ന അനുമോദന ചടങ്ങ് മഹിളാ അസോസിയേഷൻ ജില്ലാ സെക്രട്ടറി കെ പുഷ്പജ ഉദ്ഘാടനം ചെയ്തു. കെ പി ബിന്ദു അധ്യക്ഷത വഹിച്ച ചടങ്ങിൽ അലൻ ഗോവിന്ദ്, അമന്യ പ്രമോദ് തുടങ്ങിയവർ സംസാരിച്ചു. കെഎം ഷൈനി സ്വാഗതവും സതി നന്ദിയും പറഞ്ഞു.

പ്രതിഭകളെ അനുമോദിച്ചു

വടകര: കെ.കെ രമ എം.എൽ.എയുടെ വികസന നിധിയിൽ നിന്നും മണ്ഡലത്തിലെ സ്കൂളുകൾക്കും ലൈബ്രറികൾക്കുമുള്ള പുസ്തകങ്ങളുടെ വിതരണം നടന്നു. വടകര സംസ്കൃതം ഹയർ സെക്കൻഡറി സ്കൂളിൽ നടന്ന പരിപാടിയിൽ എം.എൽ.എ വിദ്യാലയങ്ങൾക്കും ലൈബ്രറികൾക്കും പുസ്തകങ്ങൾ കൈമാറി. പരന്ന വായന ഉന്നത വിജയങ്ങളിലേക്കുള്ള ചവിട്ടുപടിയാണെന്ന് കെ.കെ രമ പറഞ്ഞു. വായനയെ ലഹരിയാക്കുന്ന തലമുറയായി ഇന്നത്തെ കുട്ടികൾ വളരണമെന്നും അവർ കൂട്ടിച്ചേർത്തു. പ്രിൻസിപ്പൽ സുധീഷ് ബാബു സ്വാഗതം പറഞ്ഞു. വികെവൈബ് വിദ്യാഭ്യാസ സമിതി അംഗം വി.കെ അസീസ് അദ്ധ്യക്ഷത വഹിച്ചു. ഡോ. സോമൻ കടലൂർ മുഖ്യ പ്രഭാഷണം നടത്തി. പിടിഎ പ്രസിഡണ്ട്, സത്യൻ , ഹെഡ് മാസ്റ്റർ ഇൻചാർജ് ഗിരീഷ് കുമാർ എന്നിവർ സംസാരിച്ചു.

എം.എൽ.എയുടെ വികസന നിധിയിൽ നിന്നുള്ള പുസ്തകങ്ങൾ വിതരണം ചെയ്തു

വടകര: മണിയൂർ ഗവ: ഹയർ സെക്കന്ററി സ്കൂളിൽ, ജെ ആർ സി യൂണിറ്റിന്റെയും സ്കൗട്ട് &amp;ഗൈഡ് യൂണിറ്റിന്റെയും നേതൃത്വത്തിൽ കോഴിക്കോട് ആസ്റ്റർമിംസ് ആശുപത്രിയുടെ സഹകരണത്തോടെ മെഗാ മെഡിക്കൽ ക്യാമ്പ് നടത്തി.&nbsp;
സ്കൂളിലെ ആയിരത്തി മുന്നൂറോളം വരുന്ന കുട്ടികൾക്ക് പ്രയോജനമാകും വിധത്തിലാണ് ക്യാമ്പിന്റെ സംഘാ ടനം. പി ടി എ പ്രസിഡന്റ്‌ സുനിൽ മുതുവന ആദ്യക്ഷനായി. പഞ്ചായത്ത്‌ പ്രസിഡന്റ്‌ ടി കെ. അഷറഫ് ഉദ്ഘാടനം ചെയ്തു. വാർഡ് അംഗം പ്രമോദ് മൂഴിക്കൽ മുഖ്യതിഥിയായിരിന്നു. ഹെഡ്മാസ്റ്റർ രാജീവൻ വളപ്പിൽ കുനി സ്വാഗതം പറഞ്ഞ ചടങ്ങിൽ അനീഷ് കെ പി, ക്യാമ്പ് കോ ഓർഡിനേറ്റർ റിൻസി ജോർജ്, അനിൽകുമാർ കെ പി, ഷിംജിത് എം, ഗൈഡ് ക്യാപ്റ്റൻ സജിത സി കെ, ജെ ആർ സി കൺവീനർ ഷൈനി വി എന്നിവർ സംസാരിച്ചു. ഡോ: ഹന്ന, ഡോ ആഷിത, ഡോ ഉവൈസ, ശിശിന, അഭിരാമി, ഫൈരൂസ എന്നിവർ നേതൃത്വം നൽകി.

മെഗാ മെഡിക്കൽ ക്യാമ്പ് നടത്തി

പുതിയ ചിത്രത്തില്‍ സംഘട്ടന രംഗം ചിത്രീകരിക്കുന്നതിനിടെ നടൻ സെയ്ഫ് അലിഖാന് പരിക്ക്. കാൽമുട്ടിനും തോളിനും പൊട്ടലുണ്ടായതിനെ തുടർന്ന് തിങ്കളാഴ്ച ട്രൈസെപ് സർജറിക്ക് വിധേയനായി. മുംബൈയിലെ കോകിലാബെൻ ധീരുഭായ് അംബാനി ഹോസ്പിറ്റൽ ആൻഡ് മെഡിക്കൽ റിസർച്ച് ഇൻസ്റ്റിറ്റ്യൂട്ടിലാണ് നടനെ പ്രവേശിപ്പിച്ചത്. സെയ്ഫിന് രോഗശാന്തി നേർന്ന് ആരാധകർ എത്തിയിട്ടുണ്ട്.
'ഈ പരിക്കും തുടർന്നുള്ള ശസ്ത്രക്രിയയും നമ്മള്‍ ചെയ്ത പല കാര്യത്തിന്‍റെയും ഭാഗമായി ഉണ്ടായതാണ്. മികച്ച കരങ്ങളില്‍ ശസ്ത്രക്രിയക്ക് എത്തിയത് ഭാഗ്യമായി കരുതുന്നു. രോഗശാന്തി നേർന്ന അഭ്യുദയകാംക്ഷികൾക്ക് നന്ദിയും സ്നേഹവും അറിയിക്കുന്നു- സെയ്ഫ് പ്രതികരിച്ചതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.
പ്രഭാസ് , കൃതി സനോൻ എന്നിവർ പ്രധാനവേഷത്തിലെത്തിയ ആദിപുരുഷ് എന്ന ചിത്രത്തിലാണ് അവസാനമായി അഭിനയിച്ചത്. ചിത്രത്തില്‍ രാവണനായിട്ടായിരുന്നു ചിത്രത്തിലെത്തിയത്. ആദിപുരുഷ് ബോക്സോഫീസില്‍ വലിയ പരാജയമായിരുന്നു. ജൂനിയര്‍ എന്‍ടിആര്‍ നായകനാകുന്ന ദേവരയാണ് സെയ്ഫിന്റെ പുതിയ ചിത്രം.

ചിത്രീകരണത്തിനിടെ പരിക്ക്; നടൻ സെയ്ഫ് അലിഖാൻ ആശുപത്രിയിൽ

ചാലക്കുടി: മലക്കപ്പാറയിൽ വാഹനാപകടത്തിൽ പൊലീസ് ഉദ്യോഗസ്ഥൻ മരിച്ചു. മലക്കപ്പാറ പൊലീസ് സ്റ്റേഷനിലെ വൈ. വിൽസൺ (40) ആണ് മരിച്ചത്. രാവിലെ ഏഴ് മണിയോടെ മലക്കപ്പാറ സ്വാമി പോക്കറ്റിൽ ബൈക്കും ലോറിയും ഇടിച്ചാണ് മരണം.

&nbsp;

പൊലീസ് ഉദ്യോഗസ്ഥൻ അപകടത്തിൽ മരിച്ചു

കണ്ണൂർ: യു.ഡി.എഫ്. ഭരിക്കുന്ന സംസ്ഥാനത്തെ ഏക കോർപ്പറേഷനിൽ ഇനി മുസ്‌ലിം ലീഗിന്റെ മേയർ. കണ്ണൂർ കോർപ്പറേഷൻ മേയറായി ലീഗിലെ മുസ്‌ലിഹ് മഠത്തിൽ തിരഞ്ഞെടുക്കപ്പെട്ടു. തിങ്കളാഴ്ച നടന്ന മേയർ തിരഞ്ഞെടുപ്പിൽ എൽ.‍ഡി.എഫ്. സ്ഥാനാർഥി സി.പി.എമ്മിലെ എൻ. സുകന്യയെ 18 വോട്ടിനാണ് പരാജയപ്പെടുത്തിയത്. സി.പി.എം. അംഗം എ. കുഞ്ഞമ്പുവിന്റെ ഒരു വോട്ടും മുസ്‌ലിഹ് മഠത്തിലിന് അധികം ലഭിച്ചു. യു.‍ഡി.എഫിന് 36 വോട്ടും എൽ.ഡി.എഫിന് 18 വോട്ടും ലഭിച്ചു. ബി.ജെ.പി.യുടെ ഏക അംഗം പി.കെ. ഷൈജു വോട്ടെടുപ്പിൽനിന്ന് വിട്ടുനിന്നു. കളക്ടർ അരുൺ കെ. വിജയൻ വരണാധികാരിയായിരുന്നു.
മുസ്‌ലിം ലീഗ് കോർപ്പറേഷൻ പാർലമെന്ററി പാർട്ടി നേതാവും നീർച്ചാൽ വാർഡ് കൗൺസിലറുമാണ് മുസ്‌ലിഹ് മഠത്തിൽ. മുൻധാരണ പ്രകാരം കോൺഗ്രസിലെ ടി.ഒ. മോഹൻ രാജിവെച്ച ഒഴിവിലേക്കാണ് നാൽപ്പത്താറുകാരനായ മുസ്‌ലിഹ് എത്തുന്നത്. കോൺഗ്രസിന് മൂന്നുവർഷവും ലീഗിന് രണ്ടുവർഷവും മേയർപദവി എന്നായിരുന്നു ധാരണ. 55 അംഗ കോർപ്പറേഷൻ കൗൺസിലിൽ യു.ഡി.എഫിന് 35 സീറ്റും (കോൺഗ്രസ്-21, ലീഗ്-14), ഇടതുമുന്നണിക്ക് 19 സീറ്റും (സി.പി.എം.-17, സി.പി.ഐ.-2) ആണ്. ബി.ജെ.പി.ക്ക് ഒരു സീറ്റ്.
അതെ സമയം കോർപ്പറേഷൻ ഡെപ്യൂട്ടി മേയർ കെ. ഷബീന രാജിവെച്ചു. രാജിക്കത്ത് കോർപ്പറേഷൻ സെക്രട്ടറിക്ക് കൈമാറി. യു.‍ഡി.എഫിലെ ധാരണപ്രകാരമാണ് രാജിവെച്ചത്. കോൺഗ്രസിലെ പി. ഇന്ദിര ഡെപ്യൂട്ടി മേയറാകും.

കണ്ണൂർ കോർപ്പറേഷൻ മേയറായി മുസ്‌ലിം ലീഗിലെ മുസ്‌ലിഹ് മഠത്തിൽ തിരഞ്ഞെടുക്കപ്പെട്ടു

Kannur

തിരുവനന്തപുരം: ഒപ്പമുണ്ടായിരുന്ന മകൻ കൺമുന്നിൽനിന്നു കുറച്ചകലെ അപകടത്തിൽപ്പെട്ടതറിയാതെ അച്ഛനും അമ്മയും അന്വേഷിച്ചുനടന്നത് നാലുമണിക്കൂറോളം. കിഴക്കേക്കോട്ടയിൽ ഞായറാഴ്ച രാത്രി സ്വകാര്യ ബസിടിച്ച് മരിച്ച അഭിജിത്തിന്റെ അച്ഛനും അമ്മയുമാണ് അർധരാത്രിവരെ മകനെ തിരക്കിനടന്നത്. പാപ്പനംകോട് സത്യൻനഗർ കൊല്ലംകോണം മിസ്‌ഫയിൽ ബിനുവിന്റെയും വനജയുടെയും മകൻ അഭിജിത്ത് (26) ആണ് ഞായറാഴ്ച രാത്രി എട്ടുമണിയോടെ ദാരുണമായി മരിച്ചത്.
ഞായറാഴ്ച വൈകുന്നേരം ബിനുവും കുടുംബവും തോന്നയ്ക്കൽ ലൈഫ് സയൻസ് പാർക്കിൽ നടക്കുന്ന ഗ്ലോബൽ സയൻസ് ഫെസ്റ്റ് കണ്ട് കാറിൽ മടങ്ങിവരുന്ന വഴിയിൽ കിഴക്കേക്കോട്ടയിലെ റസ്റ്ററന്റിൽ ഭക്ഷണം കഴിക്കാൻ കയറി. റസ്റ്ററന്റിൽ തിരക്കായതിനാൽ ഭക്ഷണം കഴിക്കാതെ അവിടെ നിന്നിറങ്ങി കാർ നിർത്തിയിട്ട സ്ഥലത്തേക്ക് ബിനുവും ഭാര്യയും പിന്നാലെ അഭിജിത്തും നടന്നു. ബിനുവും വനജയും കാറിന്റെ അടുത്തെത്തിയിട്ടും അഭിജിത്തിനെ കാണാത്തതിനാൽ ഇവർ പരിഭ്രാന്തരായി തിരക്കാൻ തുടങ്ങി. മകനെ കണ്ടെത്താത്തതിനാൽ ബിനു ബന്ധുക്കളെ വിവരം അറിയിക്കുകയും ഫോർട്ട് പോലീസിൽ പരാതി നൽകുകയും ചെയ്തു. അപ്പോഴും സമീപത്തുനടന്ന അപകടം ബിനു അറിഞ്ഞിരുന്നില്ല.
അഭിജിത്തിനെ ഒരിടത്തും കാണാത്തതിനാൽ ഇവർ രാത്രി പന്ത്രണ്ടുമണിയോടെ വീട്ടിലേക്കു പോയി. പഴവങ്ങാടി ക്ഷേത്രത്തിനു സമീപമുള്ള നോർത്ത് ബസ് സ്റ്റോപ്പിലേക്ക് സിഗ്നൽ തെറ്റിച്ച് യു ടേൺ എടുത്ത സ്വകാര്യ ബസിടിച്ച് മരിച്ചത് അഭിജിത്ത് ആണെന്ന് തിരിച്ചറിഞ്ഞ ഫോർട്ട് പോലീസ് വിവരം തിങ്കളാഴ്ച പുലർച്ചെ വീട്ടിൽ അറിയിച്ചപ്പോഴാണ് മകൻ നഷ്ടപ്പെട്ട വിവരം ബിനുവും വനജയും അറിഞ്ഞത്. അപകടമുണ്ടായയുടൻ ബസിൽനിന്നിറങ്ങി ഓടിയ ഡ്രൈവർ സന്തോഷിനെ പിന്നീട് ഫോർട്ട് പോലീസ് അറസ്റ്റുചെയ്തു. മരിച്ച അഭിജിത്ത് ഫിസിയോ തെറാപ്പി കോഴ്‌സ് കഴിഞ്ഞയാളാണ്. സഹോദരി അഭില ചെന്നൈയിൽ എം.ബി.ബി.എസ്. വിദ്യാർഥിനിയാണ്.

ഒരുമിച്ച് ഇറങ്ങി, തൊട്ടടുത്തുണ്ടായ അപകടത്തിൽ മകൻ മരിച്ചതറിഞ്ഞില്ല; നാലുമണിക്കൂർ തിരക്കി നടന്ന് അച്ഛനും അമ്മയും

തേ​ഞ്ഞി​പ്പാ​ലം: മു​ക്കു​പ​ണ്ടം പ​ണ​യം വെ​ച്ച് ല​ക്ഷ​ങ്ങ​ൾ ത​ട്ടി​യ കേ​സി​ലെ പ്ര​തി അ​റ​സ്റ്റി​ൽ. മൂ​ന്നി​യൂ​ർ വെ​ളി​മു​ക്ക് സ്വ​ദേ​ശി മാ​ളി​യേ​ക്ക​ൽ മെ​ഹ​ബൂ​ബി​നെ (40) ആ​ണ് തേ​ഞ്ഞി​പ്പ​ലം പൊ​ലീ​സ് അ​റ​സ്റ്റ് ചെ​യ്ത​ത്. മേ​ലേ ചേ​ളാ​രി​യി​ലെ മ​ഞ്ചേ​രി അ​ർ​ബ​ൺ കോ​ഓ​പ​റേ​റ്റീ​വ് ബാ​ങ്കി​ൽ 107. 8 ഗ്രാം ​മു​ക്കു​പ​ണ്ടം പ​ണ​യം വെ​ച്ച് 4.15 ല​ക്ഷം ത​ട്ടി​യ കേ​സി​ലാ​ണ് അ​റ​സ്റ്റ്.

മു​ക്കു​പ​ണ്ടം പണയം വച്ച് ലക്ഷങ്ങളുടെ ത​ട്ടി​പ്പ്: ഒ​രാ​ൾ അ​റ​സ്റ്റി​ൽ

ആലപ്പുഴ: ഹൃദയാഭിവാദ്യങ്ങൾ ഏറ്റുവാങ്ങി മുൻ മുഖ്യമന്ത്രി വി.എസ്. അച്യുതാനന്ദന്റെ ഭൗതികശരീരം വഹിച്ചുള്ള വിലാപയാത്ര വേലിക്കകത്ത് വീട്ടിൽ നിന്ന് മടങ്ങി.
തിരുവനന്തപുരം, കൊല്ലം ജില്ലകൾ പിന്നിട്ടാണ് വിലാപ യാത്ര ആലപ്പുഴയിലെ വേലിക്കകത്ത് വീട്ടിലെത്തിയത്. മഴയെപ്പോലും അവഗണിച്ചാണ് പ്രിയ നേതാവിനെ കാണാൻ ജനക്കൂട്ടം ഒഴുകി എത്തിയത്.ഇനി പാർട്ടി ജില്ലാ കമ്മിറ്റി ഓഫിസിൽ പൊതുദർശനമുണ്ടാവും&nbsp;
അഞ്ചുമണിയാേടെ സംസ്കാരം നടത്താൻ കഴിയുമെന്ന് പ്രതീക്ഷയുണ്ടായിരുന്നെങ്കിലും നിശ്ചയിച്ച സമയക്രമത്തിലൊക്കെ വലിയ മാറ്റങ്ങൾ ഉണ്ടായേക്കും. ബീച്ച് റിക്രിയേഷൻ ​ഗ്രൗണ്ടിലും പൊതുദർശനമുണ്ടാകും.&nbsp;

സമരപോരാളിക്ക് ലാൽസലാം' ,വേലിക്കകത്ത് വീട്ടിൽ നിന്ന് വിഎസ് മടങ്ങി; ഇനി ഡിസിയിൽ പൊതുദർശനം

'സമരപോരാളിക്ക് ലാൽസലാം' ,വേലിക്കകത്ത് വീട്ടിൽ നിന്ന് വിഎസ് മടങ്ങി; ഇനി ഡിസിയിൽ പൊതുദർശനം

തിരുവനന്തപുരം: തിരുവനന്തപുരം: സംസ്ഥാനത്ത് ഇന്നും ശക്തമായ മഴക്ക് സാധ്യത. എട്ട് ജില്ലകളില്‍ ഇന്ന് യെല്ലോ അലര്‍ട്ടാണ്. പത്തനംതിട്ട, ആലപ്പുഴ, കോട്ടയം, ഇടുക്കി, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലാണ് യെല്ലോ അലര്‍ട്ട് പ്രഖ്യാപിച്ചിരിക്കുന്നത്.
നാളെ പത്തനംതിട്ട, കോട്ടയം, ഇടുക്കി, കോഴിക്കോട്, വയനാട്, കണ്ണൂര്‍ കാസര്‍ഗോഡ് ജില്ലകളില്‍ കേന്ദ്ര കാലാവസ്ഥാ വകുപ്പ് യെല്ലോ അലേര്‍ട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴക്കുളള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലീമീറ്റര്‍ മുതല്‍ 115.5 മില്ലീമീറ്റര്‍ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നതുകൊണ്ട് ഉദ്ദേശിക്കുന്നത്.ജൂലൈ 25ന് പത്തനംതിട്ട, കോട്ടയം, ഇടുക്കി, എറണാകുളം, തൃശൂര്‍ ജില്ലകളില്‍ കാലാവസ്ഥാ ഗവേഷണ കേന്ദ്രം ഓറഞ്ച് അലേര്‍ട്ട് പ്രഖ്യാപിച്ചിട്ടുണ്ട്. 26ന് പാലക്കാട്, മലപ്പുറം, കോഴിക്കോട്, വയനാട് ജില്ലകളിലും ഓറഞ്ച് അലേര്‍ട്ടുണ്ട്.

സംസ്ഥാനത്ത് ഇന്നും ശക്തമായ മഴക്ക് സാധ്യത ;എട്ട് ജില്ലകളില്‍ യെല്ലോ അല്ലേർട്ട്

ആലപ്പുഴ: ഹൃദയാഭിവാദ്യങ്ങൾ ഏറ്റുവാങ്ങി മുൻ മുഖ്യമന്ത്രി വി.എസ്. അച്യുതാനന്ദന്റെ ഭൗതികശരീരം പുന്നപ്രയിലെ വീട്ടിലേക്കെത്തുന്നു. ആലപ്പുഴയുടെ വിപ്ലവമണ്ണിൽ വിഎസ്സിനെ കാണാൻ വലിയ ജനക്കൂട്ടമാണ് വഴിയിലാകെ തടിച്ചുകൂടിയത്.&nbsp;
&nbsp;ജനത്തിരക്ക് കാരണം വിലാപ യാത്രയുടെ വേഗത കുറഞ്ഞുവരികയാണ്.20 മണിക്കൂറുകൾ പിന്നിട്ടാണ് അദ്ദേഹത്തിന്റെ ഭൗതികശരീരം വേലിക്കകത്ത് വീട്ടിലേക്കെത്തുന്നത്. ആയിരക്കണക്കിനാളുകളാണ് വീട്ടിലും അദ്ദേഹത്തെ ഒരുനോക്ക് കാണാനായി ഒഴുകിയെത്തിയിരിക്കുന്നത്. അഞ്ചുമണിയാേടെ സംസ്കാരം നടത്താൻ കഴിയുമെ€ന്ന് പ്രതീക്ഷയുണ്ടായിരുന്നെങ്കിലും നിശ്ചയിച്ച സമയക്രമത്തിലൊക്കെ വലിയ മാറ്റങ്ങൾ ഉണ്ടായേക്കും. ജനത്തിരക്ക് കാരണം വിലാപ യാത്രയുടെ വേഗത കുറഞ്ഞുവരികയാണ്.

20 മണിക്കൂർ പിന്നിട്ട് വിലാപയാത്ര,അൽപ്പസമയത്തിനകം വേലിക്കകത്ത് വീട്ടിലേക്ക്

കൊച്ചി: സംസ്ഥാനത്ത് സ്വർണവിലയിൽ വീണ്ടും റെക്കോഡ്. പവന്റെ വില 75,040 രൂപയിലെത്തി. പവന്റെ വിലയിൽ 760 രൂപയുടെ വർധനവാണ് ഉണ്ടായത്. ഗ്രാമിന്റെ വില 85 രൂപയാണ് വർധിച്ചത്. 9380 രൂപയായാണ് ഒരു ഗ്രാം സ്വർണത്തിന്റെ വില ഉയർന്നത്.
അതേസമയം, അന്താരാഷ്ട്ര വിപണിയിൽ സ്വർണവിലയിൽ ഇടിവുണ്ടായി. യു.എസ്-ജപ്പാൻ വ്യാപാര കരാർ യാഥാർഥ്യമായതാണ് വില കുറയുന്നതിനുള്ള പ്രധാനകാരണം. ഡോളർ ദുർബലമാവുന്നതും യു.എസിലെ ട്രഷറി വരുമാനവും വരും ദിവസങ്ങളിൽ സ്വർണവിലയെ സ്വധീനിക്കും.

സ്വർണവിലയിൽ വീണ്ടും റെക്കോഡ് ;പവന് 75,040 രൂപ

കൊച്ചി: അന്തരിച്ച മുൻ മുഖ്യമന്ത്രി വി എസ് അച്യുതാനന്ദനെതിരെ അധിക്ഷേപ പോസ്റ്റിട്ട കോൺഗ്രസ് പ്രവർത്തകയ്‌ക്കെതിരെ കേസെടുത്തു. ഏലൂരിലെ പ്രാദേശിക കോൺഗ്രസ് പ്രവർത്തകയായ വൃന്ദ വിമ്മിക്കെതിരെയാണ് കേസ്. ഫേസ്ബുക്കിലാണ് വൃന്ദ അധിക്ഷേപ പോസ്റ്റ് പങ്കുവച്ചത്.
വൃന്ദ വിമ്മി എന്ന ഫേസ്‌ബുക്കി പേജിൽ പോസ്റ്റ് ചെയ്ത കുറിപ്പ് വളരെപ്പെട്ടന്നുതന്നെ സോഷ്യൽ മീഡിയയിൽ വ്യാപകമായി പ്രചരിച്ചു. ഇത് ശ്രദ്ധയിൽപ്പെട്ട ഡി വൈ എഫ് നേതാവാണ് പൊലീസിൽ പരാതി നൽകിയത്. ഉമ്മൻചാണ്ടിയേയും കുടുംബത്തെയും വി എസ് അധിക്ഷേപിച്ചത് ഒരു കോൺഗ്രസുകാരനും മറന്നുപോകരുതെന്നായിരുന്നു കുറിപ്പിലുണ്ടായിരുന്നത്.

വി എസ് അച്യുതാനന്ദനെതിരെ അധിക്ഷേപ പോസ്റ്റിട്ട കോൺഗ്രസ് പ്രവർത്തകയ്‌ക്കെതിരെ കേസെടുത്തു

Search Results for: doctor found