അമ്പലപ്പുഴ: മകൻ അരുൺകുമാറിന്റെയും മരുമകൾ ഡോ. രജനിയുടെയും കൈപിടിച്ച് വി.എസ് അച്യുതാന്ദന്റെ പത്നി വസുമതി വേലിക്കകത്ത് വീടിന്റെ പടിയിങ്ങി. യാത്രയാക്കാൻ വന്നവരോടു കൈകൂപ്പി തിരുവനന്തപുരത്തേക്കു പോകാനായി അവർ കാറിൽക്കയറി.&nbsp;
വി.എസിന്റെ മൃതദേഹം വഹിച്ചുള്ള വിലാപയാത്ര തലസ്ഥാനത്തുനിന്ന് പുറപ്പെട്ട ചൊവ്വാഴ്ച, രാത്രി 10 മണിയോടെയാണ് വസുമതിയും മകൾ ആശയും മരുമകൾ രജനിയും ചെറുമക്കളും വേലിക്കകത്ത് വീട്ടിലെത്തിയത്.‌ ഉച്ചയ്ക്ക് ഒരുമണിയോടെ വസുമതിയും മരുമകൾ രജനിയും പുറപ്പെട്ടു. അരുൺകുമാർ വൈകുന്നേരത്തോടെയും മടങ്ങി.വിശേഷ ദിവസങ്ങളിലും പുന്നപ്ര വയലാർ വാർഷികത്തിനും പതിവായെത്തിയിരുന്ന സഖാവ് ഇനിയില്ലെന്ന സങ്കടം ഉള്ളിലൊതുക്കിയാണ് പാർട്ടിപ്രവർത്തകരും നാട്ടുകാരും ഇവരെ യാത്രയാക്കിയത്. വി.എസിന്റെ അടുപ്പക്കാരായ കെ.പി. സത്യകീർത്തി, എസ്. മനോഹരൻ, ദീർഘകാലം പേഴ്‌സണൽ സ്റ്റാഫായിരുന്ന ഉദയകുമാർ, തമ്പി മേട്ടുതറ, ഗൺമാനായിരുന്ന ഷിജു, വി.എസ്. നാട്ടിലെത്തുമ്പോൾ ആരോഗ്യകാര്യങ്ങൾ നോക്കിയിരുന്ന ഡോ. രജിത്ത് തുടങ്ങിയവരും സ്ഥലത്തുണ്ടായിരുന്നു.

വേലിക്കകത്ത് വീട്ടിൽനിന്ന് സഖാവിന്റെ ഓർമ്മകളുമായി വസുമതി തിരുവനന്തപുരത്തേക്ക്  മടങ്ങി

Kerala

ചണ്ഡീഗഢ്: ഹരിയാണയിലെ പഞ്ച്കുളയിൽ കാറിനുള്ളിൽ ഒരു കുടുംബത്തിലെ ഏഴുപേർ മരിച്ച നിലയിൽ. ഡെറാഡൂൺ സ്വദേശിയായ പ്രവീൺ മീത്തൽ, അദ്ദേഹത്തിന്റെ മാതാപിതാക്കൾ, ഭാര്യ, മൂന്ന് മക്കൾ എന്നിവരാണ് മരിച്ചത്. വിഷം കഴിച്ച് ആത്മഹത്യ ചെയ്യുകയായിരുന്നുവെന്നാണ് പ്രാഥമിക നി​ഗമനം.
പ്രവീൺ മീത്തൽ കുടുംബത്തോടൊപ്പം പഞ്ച്കുളയിലെ ബാഗേശ്വർ ധാമിൽ ഒരു ആത്മീയ പരിപാടിയിൽ പങ്കെടുക്കാൻ വന്നതായിരുന്നുവെന്ന് ബന്ധപ്പെട്ട വൃത്തങ്ങളെ ഉദ്ധരിച്ച് ദേശീയ മാധ്യമങ്ങൾ റിപ്പോർട്ട് ചെയ്യുന്നു.സെക്ടർ 27-ൽ ഒരു വീടിനു പുറത്ത് പാർക്ക് ചെയ്തിരുന്ന ലോക്ക് ചെയ്ത കാറിനുള്ളിലാണ് ഏഴുപേരും ഉണ്ടായിരുന്നത്. കാറിനുള്ളിൽ കുടുംബാം​ഗങ്ങൾ അസ്വസ്ഥത പ്രകടിപ്പിക്കുന്നത് ശ്രദ്ധയിൽപ്പെട്ട നാട്ടുകാരാണ് വിവരം പോലീസിനെ അറിയിച്ചത്. സ്ഥലത്തെത്തിയ പോലീസ്, അബോധാവസ്ഥയിലായിരുന്ന കുടുംബാംഗങ്ങളെ കാർ ഡോർ തുറന്ന് പുറത്തെത്തിച്ച് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.വലിയ കടബാധ്യതയും സാമ്പത്തിക ബുദ്ധിമുട്ടുകളും കാരണം ജീവനൊടുക്കുകയായിരുന്നുവെന്നാണ് വിവരം. സ്ഥലത്ത് നിന്ന് ഒരു ആത്മഹത്യാക്കുറിപ്പ് കണ്ടെത്തിയതായി പോലീസ് സ്ഥിരീകരിച്ചു.&nbsp;

ആത്മീയ യാത്രക്കിടയിൽ വിഷം കഴിച്ചു, ഒരു കുടുംബത്തിലെ ഏഴു പേരെ മരിച്ച നിലയിൽ കണ്ടെത്തി

National

യൂട്യൂബ് ചാനലിന് സിൽവർ പ്ലേ ബട്ടൺ ലഭിച്ച സന്തോഷം പങ്കിട്ട് നിപ രോഗത്തെ തുടർന്ന് വിടപറഞ്ഞ സിസ്റ്റർ ലിനിയുടെ ഭർത്താവ് സജീഷും കുടുംബവും. ഒരുപാട് വിമർശനങ്ങൾ കേട്ടുവെന്നും സിസ്റ്റർ ലിനിയുടെ ഐഡൻ്റിറ്റി വിറ്റ് പണമാക്കുന്നു എന്ന് വരെ പറഞ്ഞവരുണ്ടെന്നും സജീഷിൻ്റെ ജീവിതപങ്കാളി പ്രതിഭ പറയുന്നു. പ്രതിഭയാണ് ചാനലിന് മേൽനോട്ടം വഹിക്കുന്നത്.
'സന്തോഷമുള്ള ദിവസമാണ്. എല്ലാവരോടും നന്ദിയുണ്ട്. യൂട്യൂബ് തുടങ്ങുമെന്നൊന്നും പ്രതീക്ഷിച്ചിരുന്നില്ല. ഇത് എന്റെയും സജീഷേട്ടന്റെയും മക്കളുടെയും മാത്രം പരിശ്രമം കൊണ്ടുമാത്രമല്ല. ഞങ്ങളെ ഇഷ്ടപ്പെടുന്ന ഒരുപാടാളുകളുടെ പിന്തുണ കൊണ്ട് ലഭിച്ചതാണ്. സുഹൃത്തുക്കൾക്കും ബന്ധുക്കൾക്കുമൊപ്പം ലിനി സിസ്റ്ററുടെ അച്ഛനും അമ്മയും ഞങ്ങളുടെ കൂടെയുണ്ട്. ഒരുപാട് വിമര്‍ശനങ്ങള്‍ ജീവിതത്തിലും യൂട്യൂബിലും നേരിട്ടു. ഇപ്പോഴും കേള്‍ക്കുന്നുണ്ട്. എന്നാല്‍ ഒരുപാട് പേരുടെ പിന്തുണയുണ്ട്. അതിനാല്‍ തന്നെ ഇപ്പോള്‍ വിമര്‍ശനങ്ങള്‍ പ്രശ്‌നമല്ല. തുടക്കത്തില്‍ കേട്ട വിമര്‍ശനങ്ങൾ കേട്ട് എന്നേ നിര്‍ത്തി പോവേണ്ടതായിരുന്നു. ഐഡന്റിറ്റി വിറ്റ് പൈസയാക്കുന്നു എന്ന് പറഞ്ഞവരുണ്ട്. അവര്‍ക്കുള്ള ഉത്തരം കൂടിയാണിത്. തളര്‍ത്താന്‍ നോക്കിയവര്‍ക്കുള്ള മറുപടിയാണ്. ഒരുപാട് സന്തോഷമുണ്ട്', പ്രതിഭ പറയുന്നു.

'സിസ്റ്റർ ലിനി ഇന്നും കൂടെ തന്നെയുണ്ട് ';പുതിയ സന്തോഷം പങ്കിട്ട് സജീഷും കുടുംബവും

പത്തനംതിട്ട: നവീന്‍ ബാബു- പ്രശാന്തന്‍ കൂടിക്കാഴ്ചയുടെ സിസിടിവി ദൃശ്യങ്ങള്‍ ആസൂത്രിതമാണെന്ന ആരോപണവുമായി നവീന്‍ ബാബുവിന്റെ കുടുംബം. നവീന്‍ ബാബുവിന്റെ പിന്നാലെ സഞ്ചരിച്ച് മനഃപൂര്‍വം തയ്യാറാക്കിയതാണ് ദൃശ്യങ്ങള്‍. നാലാം തീയതി ട്രാന്‍സ്ഫര്‍ ഓഡര്‍ കിട്ടിയ ആളെ കുരുക്കാന്‍ വേണ്ടി മനഃപൂര്‍വം കണ്ണൂരില്‍ നിര്‍ത്തുകയായിരുന്നുവെന്നും നവീന്‍ ബാബുവിന്റെ അമ്മാവന്റെ മകന്‍ ഗിരീഷ് കുമാര്‍ ആരോപിക്കുന്നു.
ട്രാന്‍സ്ഫര്‍ ഓര്‍ഡര്‍ കൊടുത്തിട്ടും കണ്ണൂരില്‍ പിടിച്ചുനിര്‍ത്തി. റിലീവ് ചെയ്യാന്‍ കളക്ടര്‍ വൈകിപ്പിച്ചു. പത്തനംതിട്ട കളക്ടര്‍ കണ്ണൂര്‍ കളക്ടറെ വിളിക്കുക വരെ ചെയ്തു. പൂജയുടെ അവധി വന്നപ്പോള്‍ അവധി ദിവസം റിലീവ് ചെയ്യാന്‍ കഴിയില്ല അടുത്ത ദിവസമായ തിങ്കളാഴ്ച റിലീവ് ചെയ്ത് ചൊവ്വാഴ്ച പത്തനംതിട്ടയില്‍ ജോയിന്‍ ചെയ്യുമെന്നാണ് നവീന്‍ പറഞ്ഞിരുന്നത്.വളരെയധികം ബുദ്ധിമുട്ടുകള്‍ ഉണ്ടായിരുന്നെങ്കിലും ആരോടും പറഞ്ഞില്ല. കളക്ടര്‍ക്കും സംഭവത്തില്‍ പങ്കുണ്ട്. കണ്ണൂരില്‍ വലിയ സമ്മര്‍ദം ആണെന്നും എത്രയും വേഗം പത്തനംതിട്ടയിലേക്ക് വരാന്‍ സാധിക്കുമോ അത്രയും വേഗം അങ്ങോട്ട് വരണമെന്നാണ് ആഗ്രഹമെന്നും നവീന്‍ പറഞ്ഞിരുന്നതായി അമ്മാവന്‍ ബാലകൃഷ്ണന്‍ പറയുന്നു

നവീന്‍ ബാബു- പ്രശാന്തന്‍ കൂടിക്കാഴ്ചയുടെ സി.സിടിവി ദൃശ്യങ്ങള്‍ പുറത്ത് ;ആസൂത്രിത നീക്കമെന്ന് കുടുംബം

പത്തനംതിട്ട : അനുശോചനം അറിയിച്ച് കണ്ണൂർ ജില്ലാ കളക്ടർ അരുൺ കെ. ജയൻ അയച്ച കത്ത് സ്വീകരിക്കാൻ കഴിയില്ലെന്ന് എ.ഡി.എം നവീൻ ബാബുവിന്റെ കുടുംബം.നവീൻ ബാബുവിന്റെ ഭാര്യ മഞ്ജുഷ ഇക്കാര്യം തങ്ങളെ അറിയിച്ചതായി സി.പി.ഐ അനുകൂല സംഘടനയായ ജോയിന്റ് കൗൺസിൽ പത്തനംതിട്ട ജില്ലാ സെക്രട്ടറി ജി. അഖിൽ പറഞ്ഞു.
കത്തിൽ വിഷയങ്ങളൊന്നും സൂചിപ്പിച്ചിട്ടില്ല. കളക്ടറുടെ വ്യക്തിപരമായ അനുഭവങ്ങൾ സൂചിപ്പിച്ചു എന്നല്ലാതെ മറ്റൊന്നുമില്ല.ഓൺലൈൻ ചാനലിനെ വിളിച്ച് ഇത്തരത്തിൽ പരിപാടി നടത്തിയതിൽ കളക്ടർ ഇടപെട്ടില്ല. ഇടപെടാമായിരുന്നിട്ടും ഇടപെട്ടില്ലെന്നും കത്തിനെ ഗൗരവമായി കാണുന്നില്ലെന്നും മഞ്ജുഷ അറിയിച്ചതായി അഖിൽ വ്യക്തമാക്കി. കേസിൽ നിയമസഹായം ആവശ്യമാണെന്ന് നവീന്റെ കുടുംബം ആവശ്യപ്പെട്ടതായും അഖിൽ പറഞ്ഞു.
നവീന്‍ ബാബുവിന്റെ സംസ്‌കാരച്ചടങ്ങില്‍ പങ്കെടുക്കാന്‍ കണ്ണൂര്‍ കളക്ടര്‍ താത്പര്യമറിയിച്ചിരുന്നു. പക്ഷേ, കുടുംബം അതിനോട് വിയോജിച്ചു. ഇതേത്തുടര്‍ന്നാണ് പത്തനംതിട്ട സബ് കളക്ടർ വഴി കുടുംബത്തിന് കത്ത് കൈമാറിയത്.
 &nbsp;

കണ്ണൂർ കളക്ടറുടെ അനുശോചന കത്ത് സ്വീകരിക്കാൻ കഴിയില്ലെന്ന് നവീൻ ബാബുവിന്റെ കുടുംബം

കോഴിക്കോട്: തെ​റ്റ് ചെയ്തിട്ടില്ലെന്നും അർജുന്റെ പേരിൽ ഫണ്ട് പിരിവ് നടത്തിയിട്ടില്ലെന്നും ലോറിയുടമ മനാഫ്. അർജുന്റെ കുടുംബം എന്തിനാണ് ഇങ്ങനെ പറയുന്നതെന്ന് മനസിലാകുന്നില്ലെന്നും അദ്ദേഹം പറഞ്ഞു. അർജുന്റെ കുടുംബത്തിന്റെ ആരോപണങ്ങളോട് പ്രതികരിക്കുകയായിരുന്നു മനാഫ്.'യൂട്യൂബ് ചാനലിൽ ഇഷ്ടമുളളത് ഇടും.സത്യമായിട്ടും ഇതൊന്നും അറിയില്ല.&nbsp;
എന്നെ വിശ്വസിക്കാം. ഞാൻ എവിടെ നിന്നെങ്കിലും ഫണ്ട് പിരിച്ചതായി നിങ്ങൾ കണ്ടിട്ടുണ്ടെങ്കിൽ നടുറോഡിൽ നിൽക്കാം. നിങ്ങൾക്ക് എന്നെ കല്ലെറിഞ്ഞ് കൊല്ലാം. തെളിയിക്കണെങ്കിൽ തെളിയിക്കാം. നിരന്തരമായി ഫോണുകൾ വരികയാണ്. ഇനി യൂട്യൂബ് ചാനൽ ഉഷാറാക്കും. എന്റെ ലോറിക്ക് അർജുൻ എന്ന് പേരിടും. എനിക്കാരെയും പേടിയില്ല. ഈ വൈകാരികത വച്ചിട്ടാണ് ജനഹൃദയങ്ങളിലേക്ക് അർജുൻ എത്തിയത്.അത് വൈകാരികത തന്നെയാണ്. എന്റെ കുടുംബമായിട്ട് അർജുന്റെ കുടുംബത്തെ കണ്ടതിൽ എന്താണ് തെ​റ്റ്?ഞാൻ ചെയ്ത തെ​റ്റ് എന്താണെന്ന് മനസിലാകുന്നില്ല. അർജുന്റെ അമ്മ എന്റെയും അമ്മയാണ്. അവർ എന്നെ തളളിപ്പറഞ്ഞോട്ടെ. അവർക്കൊരു ആവശ്യം വന്നാൽ ഞാൻ അവരോടൊപ്പം ഉണ്ടാകും. യൂട്യൂബ് ചാനൽ തുടങ്ങുന്നത് തെ​റ്റാണോ? ഞാൻ ഫേമസ് ആയിട്ടില്ല. എന്തിനാണ് എന്നെ ക്രൂശിക്കുന്നത്. ഞാൻ ചെയ്തത് നിലനിൽക്കും'- മനാഫ് പറഞ്ഞു.അര്‍ജുന്റെ കുടുംബവുമായി കാര്യമായ അഭിപ്രായവ്യത്യാസങ്ങള്‍ ഉണ്ടായിട്ടില്ലെന്നും മനാഫ് അറിയിച്ചു

അർജുന്‍റെ പേരിൽ ഫണ്ട് സ്വീകരിച്ചിട്ടില്ല ;ആരോപണങ്ങള്‍ നിഷേധിച്ച് മനാഫ്

Kozhikode

കോഴിക്കോട്: ഷിരൂരില്‍ മരിച്ച അര്‍ജുനെ കണ്ടെത്തുന്നതിനായി കൂടെനിന്ന എല്ലാവര്‍ക്കും നന്ദിയറിയിച്ച് കുടുംബം. മാധ്യമങ്ങള്‍ക്കും സര്‍ക്കാരിനും ഈശ്വര്‍ മാല്‍പെയ്ക്കുമെല്ലാം നന്ദിയറിയിച്ചു. തുടക്കത്തില്‍ തിരച്ചില്‍ ദുഷ്‌കരമായിരുന്നു. എം.പി. എം.കെ. രാഘവന്‍ ഓരോ സമയത്തും വിളിച്ച് കൂടെയുണ്ടായിരുന്നു. മഞ്ചേശ്വരം എം.എല്‍.എ. എ.കെ.എം. അഷ്‌റഫും മുഖ്യമന്ത്രി പിണറായി വിജയനുമെല്ലാം താങ്ങായി നിന്നു. എ.കെ.എം. അഷ്‌റഫ് എം.എല്‍.എ.യുമായി ചേര്‍ന്ന് കര്‍ണാടക മുഖ്യമന്ത്രി സിദ്ധരാമയ്യയെ കണ്ട് ഡ്രഡ്ജര്‍ എത്തിക്കണമെന്ന് ആവശ്യപ്പെട്ടു. രണ്ട് സംസ്ഥാനങ്ങളില്‍നിന്ന് വളരെ വൈകാരികമായ അന്ത്യാഞ്ജലിയാണ് അര്‍ജുന് ലഭിച്ചത്. അര്‍ജുന്റെ സഹോദരീഭര്‍ത്താവ് ജിതിനാണ് മാധ്യമങ്ങളോട് സംസാരിച്ചത്. അര്‍ജുന്‍റെ ഭാര്യ അടക്കമുള്ള കുടുംബാംഗങ്ങളും ജിതിനൊപ്പം ഉണ്ടായിരുന്നു.
അര്‍ജുന്റെ മരണത്തില്‍ മനാഫ് മാര്‍ക്കറ്റിങ് നടത്തുന്നുവെന്നും അര്‍ജുന് 75,000 രൂപ ശമ്പളമുണ്ടെന്ന് മനാഫ് കള്ളപ്രചാരണം നടത്തുകയാണെന്നും കുടുംബം ആരോപിച്ചു. കുടുംബത്തിന്റെ വൈകാരികതയെ ചൂഷണം ചെയ്ത് അത് മറ്റൊരു രീതിയിലേക്ക് പോകുന്നതായി ശ്രദ്ധയില്‍പ്പെട്ടു. സംഭവത്തെ വൈകാരികമായി ചിലര്‍ മുതലെടുക്കാന്‍ ശ്രമിച്ചു. ഇതിന്റെ പേരില്‍ കുടുംബത്തിനെതിരേ അതിരൂക്ഷമായ സൈബര്‍ ആക്രമണമാണ് നടക്കുന്നത്. അര്‍ജുന് 75,000 രൂപ ശമ്പളമുണ്ടെന്നും മറ്റുമാണ് പറഞ്ഞു പ്രചരിപ്പിക്കുന്നത്. കുടുംബത്തിന് ഇത് തികയുന്നില്ല എന്ന തരത്തില്‍ പ്രചാരണങ്ങളുണ്ടാക്കുന്നു. ഇത് വാസ്തവ വിരുദ്ധമാണ്. ഇതിന്റെ പേരില്‍ സൈബര്‍ ആക്രമണം നേരിട്ടുകൊണ്ടിരിക്കുകയാണ്. നാലാമത്തെ മകനായി അര്‍ജുന്റെ കുഞ്ഞിനെ വളര്‍ത്തുമെന്ന് മനാഫ് പറഞ്ഞത് വേദനിപ്പിച്ചുവെന്നും കുടുംബം പറഞ്ഞു.
പല കോണില്‍നിന്ന് ഫണ്ട് സ്വരൂപിക്കുന്നുവെന്ന് വ്യക്തമായി അറിയാം. ഒരു ഫണ്ട് പോലും ഞങ്ങള്‍ സ്വീകരിച്ചിട്ടില്ല. ഇനി ഞങ്ങള്‍ അങ്ങനെ ഒരു ഫണ്ട് സ്വീകരിക്കുകയുമില്ല. അങ്ങനെത്തെ ഒരു ആവശ്യമില്ല. അര്‍ജുന്റെ ഭാര്യയ്ക്കും മകനും ജീവിക്കാനുള്ള സാഹചര്യം ഗവണ്‍മെന്റ് ഒരുക്കിക്കൊടുത്തിട്ടുണ്ട്. എല്ലാഘട്ടത്തിലും കുടുംബം ഒന്നിച്ചുനിന്നിട്ടുണ്ട്. അര്‍ജുന്റെ കടുബത്തെ മുന്നോട്ട് കൊണ്ടുപോകാന്‍ നിലവില്‍ ബുദ്ധിമുട്ടുകളില്ല. എല്ലാ കുടുംബത്തിലും ഉള്ളത് പോലുള്ള ബുദ്ധുമുട്ടുകളുണ്ട്. സാമ്പത്തികപ്രശ്‌നങ്ങളുണ്ട്. അര്‍ജുന്‍ നഷ്ടപ്പെട്ടു എന്ന് കരുതി ആരുടേയും മുന്നില്‍പോയി പിച്ചതെണ്ടേണ്ട സാഹചര്യമില്ല. പബ്ലിസി​റ്റിക്കായി അർജുനെ ചൂഷണം ചെയ്യുകയാണ്. പലരും കുടുംബത്തിന്‍റെ വൈകാരികത മാര്‍ക്കറ്റ് ചെയ്തുവെന്നും അര്‍ജുനെ കണ്ടെത്തിയ ശേഷം അ‍ഞ്ജു നടത്തിയ പ്രതികരണത്തിൽ വലിയ രീതിയിലുള്ള സൈബര്‍ ആക്രമണം നടന്നുവെന്നും ജിതിൻ ആരോപിച്ചു. ഇത്തരത്തിൽ വൈകാരികമായ മാര്‍ക്കറ്റിങ് ഒരു തരത്തിലും അംഗീകരിക്കാനാകില്ലെന്നും കുടുംബം വ്യക്തമാക്കി.

കുടുംബത്തിന്‍റെ വൈകാരികതയെ ചൂഷണം ചെയ്യുന്നു ;മനാഫിനെതിരെ അർജുന്റെ കുടുംബം

വടകര :സർവവും നഷ്ടപ്പെട്ട വയനാട്ടിലെ മനുഷ്യരുടെ ഇടയിലേക്ക് ആശ്രയവുമായി വടകരയിൽ നിന്നുമൊരു കുടുംബം. പാലയാട് പുത്തൻനടയിൽ ടെക്സറ്റൈൽ നടത്തുന്ന കരീമാണ് തന്റെ കടയിലെ മുഴുവൻ വസ്ത്രങ്ങളുമെടുത്ത് വയനാട്ടിലേക്ക് ഓടിയെത്തിയത്. ദുരന്തത്തിൽ വിറങ്ങലിച്ച് നിൽക്കുന്ന മനുഷ്യർക്ക് വസ്ത്രങ്ങൾ നൽകി സഹായിക്കാമെന്ന ഭാര്യ സറീനയുടെ നിർദേശം കേട്ടാണ് കരീം തന്റെ കടയിലുള്ളതെല്ലാം വാരിയെടുത്ത് പുറപ്പെട്ടത്.
കുഞ്ഞുടുപ്പ്‌ മുതൽ കടയിലുള്ളതെല്ലാം പെട്ടികളിലും കവറുകളിലുമാക്കി ചൊവ്വാഴ്ച തന്നെ വയനാട്ടിലേക്ക് പുറപ്പെട്ടു. എന്നാൽ ചില കാരണങ്ങളാൽ തിരിച്ചുപോരേണ്ടി വന്നു. വടകരയിലെത്തി പായയും ബെഡ് ഷീറ്റും പുതപ്പുകളും കൂടി വാങ്ങി ബുധനാഴ്ച രാവിലെ വീണ്ടും മകൻ മുഹമ്മദ് കലഫിനൊപ്പം വയനാട്ടിലേക്ക് തിരിച്ചു. മേപ്പാടിയിലെത്തി തുണിത്തരങ്ങൾ അധികൃതർക്ക് കൈമാറി. ദുരിതബാധിതർക്ക് ഭക്ഷണവും വാങ്ങിനൽകിയാണ് കരീം മടങ്ങിയത്‌.

'ദുരിതത്തിൽ കൈത്താങ്ങ്'; കടയിലെ മുഴുവൻ വസ്ത്രങ്ങളും ദുരിതബാധിതർക്ക്‌ കൈമാറി വടകരയിലെ കരീം

Vadakara

കോഴിക്കോട്: അർജുന്‍റെ കുടുംബത്തിന് നേരെ സൈബർ ആക്രമണം. വാർത്താസമ്മേളനത്തിനിടെ അർജുന്റെ അമ്മ ഷീല പറഞ്ഞ വാക്കുകൾ ദുർവ്യാഖ്യാനം ചെയ്ത രണ്ട് യൂട്യൂബ് ചാനലുകൾക്കെതിരെയാണ് ചേവായൂർ പൊലീസ് സ്റ്റേഷനിൽ പരാതി നൽകിയത്.
വാർത്താസമ്മേളനത്തിൽ നടത്തിയ പരാമർശങ്ങൾ എഡിറ്റ് ചെയ്ത് പ്രചരിപ്പിക്കുന്നുവെന്ന് പരാതിയിൽ പറയുന്നു. കൂടാതെ, സമൂഹ മാധ്യമങ്ങളിലൂടെ വ്യാപകമായ ദുഷ്പ്രചാരണം നടക്കുന്നതായും പരാതിയിൽ ചൂണ്ടിക്കാട്ടുന്നു.അർജുൻ വീഴാൻ സാധ്യതയുള്ള വലിയ കുഴി മണ്ണിട്ട് മൂടുകയാണുണ്ടായതെന്നും ജീവനോടെ കിട്ടുമെന്ന് പ്രതീക്ഷയില്ലെന്നുമാണ് വാർത്താസമ്മേളനത്തിൽ അമ്മ ഷീല പറഞ്ഞത്. സൈന്യം എത്തിയപ്പോൾ വലിയ പ്രതീക്ഷയുണ്ടായിരുന്നു. എന്നാൽ, ആ പ്രതീക്ഷ ഇല്ലാതായെന്നും കേന്ദ്രത്തിന്റെ സഹായം കിട്ടിയില്ലെന്നും ഷീല പറഞ്ഞിരുന്നു. സൈബർ ആക്രമണത്തിന് പിന്നാലെ മാധ്യമപ്രവർത്തകരെ കാണുന്നതിൽ നിന്ന് അർജുന്‍റെ കുടുംബം വിട്ടുനിന്നിരുന്നു.

അർജുന്‍റെ കുടുംബത്തിന് നേരെ സൈബർ ആക്രമണം ;പരാതി നൽകി

കുവൈത്ത് സിറ്റി: അബ്ബാസിയയിലുണ്ടായ തീപ്പിടിത്തത്തിൽ മലയാളി കുടുംബത്തിലെ നാല് അംഗങ്ങൾ മരിച്ചു. ആലപ്പുഴ തലവടി നീരേറ്റുപുറം സ്വദേശികളായ മുളയ്ക്കല്‍ മാത്യൂസ് (40), ഭാര്യ ലിനി എബ്രഹാം (38), മക്കളായ ഐറിന് (14), ഐസക് (9) എന്നിവരാണ് മരിച്ചത്.
നാട്ടില്‍ അവധിക്ക് പോയിരുന്ന കുടുംബം വ്യാഴാഴ്ച രാത്രിയോടെയാണ് തിരിച്ചെത്തിയത്. വെള്ളിയാഴ്ച രാത്രിയാണ് ഇവര്‍ താമസിച്ചിരുന്ന ഫ്‌ളാറ്റില്‍ തീപ്പിടിത്തം ഉണ്ടായത്.എ.സിയിലെ വൈദ്യുതി തകരാറാണ് അപകട കാരണമെന്നാണ് പ്രാഥമിക വിവരം. വിഷപ്പുക ശ്വസിച്ചാണ് മരണമെന്നും സൂചനയുണ്ട്. അഗ്‌നി രക്ഷാ സേനയും പോലീസും സ്ഥലത്തെത്തിയാണ് തുടര്‍ നടപടി സ്വീകരിച്ചത്.&nbsp;

കുവൈത്തിലെ ഫ്ലാറ്റിൽ തീപ്പിടിത്തം; നാട്ടിൽനിന്ന് തിരിച്ചെത്തിയ മലയാളി കുടുംബത്തിന് ദാരുണാന്ത്യം

Gulf

തിയേറ്ററിൽ മികച്ച വിജയം നേടിയ ഫാലിമി ഒ.ടി.ടിയിലേക്ക്. ബേസിൽ ജോസഫ് നായകനായ ചിത്രത്തിന്റെ ഒ.ടി.ടി അവകാശം സ്വന്തമാക്കിയത് ഡിസ്നി പ്ലസ് ഹോട്ട്സ്റ്റാർ ആണ്. ബേസിലിനൊപ്പം ജ​ഗദീഷ്, മഞ്ജു പിള്ള എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ഫാലിമി ഡിസംബർ 15ന് ഹോട്ട്സ്റ്റാറിൽ സ്ട്രീമിങ്​ ആരംഭിക്കും.
നവംബർ 17നാണ് ചിത്രം തിയേറ്ററുകളിൽ എത്തിയത്. നവാഗതനായ നിതിഷ് സഹദേവ് ആണ് സംവിധായകൻ. നിതീഷിനൊപ്പം ചേർന്ന് ചിത്രത്തിന്റെ തിരക്കഥ ഒരുക്കിയത് സാഞ്ചോ ജോസഫാണ്. ജാനേമൻ, ജയ ജയ ജയ ജയ ഹേ എന്നീ ചിത്രങ്ങൾക്ക് ശേഷം ചീയേഴ്‌സ് എന്റർടെയ്ൻമെന്റ്സ് നിർമ്മിക്കുന്ന ചിത്രമാണിത്.&nbsp;

ഫാലിമി ഡിസംബർ 15ന് ഹോട്ട്സ്റ്റാറിൽ സ്ട്രീമിങ്​ ആരംഭിക്കും

ഫാലിമി ഒ.ടി.ടിയിലേക്ക്

ഹൈദരാബാദ്: ദമ്പതിമാരെയും നാലുവയസ്സുള്ള മകളെയും മരിച്ചനിലയില്‍ കണ്ടെത്തി. ഹൈദരാബാദ് വരസിഗുഡയില്‍ താമസിക്കുന്ന കെ.സായ് കൃഷ്ണ(35), ഭാര്യ ചിത്രലേഖ(30), മകള്‍ തേജസ്വിനി എന്നിവരെയാണ് വീടിനുള്ളില്‍ മരിച്ചനിലയില്‍ കണ്ടെത്തിയത്. മകളെ കൊലപ്പെടുത്തിയശേഷം ദമ്പതിമാര്‍ ജീവനൊടുക്കിയതാണെന്നാണ് പോലീസിന്റെ പ്രാഥമിക നിഗമനം. അതിനിടെ, ആത്മഹത്യയിലേക്ക് നയിച്ചവരെന്ന് കുറ്റപ്പെടുത്തി വീടിന്റെ ചുമരില്‍ മൂന്നാളുകളുടെ പേരുകള്‍ എഴുതിയിട്ടുണ്ട്. എന്നാല്‍, കാരണമെന്താണെന്ന് സൂചിപ്പിച്ചിട്ടില്ലെന്നും പോലീസ് പറഞ്ഞു.
ഗംഗപുത്ര കോളനിയിലെ വാടകവീട്ടില്‍ താമസിക്കുന്ന ദമ്പതിമാരെയും മകളെയും വെള്ളിയാഴ്ച രാവിലെയാണ് മരിച്ചനിലയില്‍ കണ്ടെത്തിയത്. വ്യാഴാഴ്ച രാത്രി ദമ്പതിമാരുടെ വീട്ടില്‍നിന്ന് ഉച്ചത്തില്‍ ടി.വി.യുടെ ശബ്ദം കേട്ടിരുന്നു. ഇക്കാര്യം പറയാനായി വീട്ടുടമ ദമ്പതിമാരെ ഫോണില്‍ വിളിച്ചെങ്കിലും കിട്ടിയില്ല. വെള്ളിയാഴ്ച രാവിലെയായിട്ടും ടി.വി.യുടെ ശബ്ദം തുടര്‍ന്നതോടെയാണ് വീട്ടുടമ ഇവിടെയെത്തി വാതിലില്‍ തട്ടിവിളിച്ചത്. പ്രതികരണമില്ലാത്തതിനാല്‍ ഇദ്ദേഹം പോലീസിനെ വിവരമറിയിച്ചു. തുടര്‍ന്ന് വാതില്‍ തകര്‍ത്ത് അകത്തുകടന്നതോടെയാണ് മൂന്നുപേരെയും തൂങ്ങിമരിച്ച നിലയില്‍ കണ്ടത്.
കുറച്ചുകാലമായി ദമ്പതിമാര്‍ക്ക് ജോലി ഇല്ലായിരുന്നുവെന്നാണ് പോലീസ് പറയുന്നത്. സയന്‍സ് എക്‌സിബിഷന്‍ നടത്തിയിരുന്ന ഒരു സംഘത്തിനൊപ്പമാണ് ചിത്രലേഖ നേരത്തെ ജോലിചെയ്തിരുന്നത്. ഈ സംഘത്തിലെ സഹപ്രവര്‍ത്തകരുടെ പേരുകളാണ് വീടിന്റെ ചുമരിലുണ്ടായിരുന്നത്. സായ്കൃഷ്ണ അടുത്തകാലം വരെ ടാക്‌സി ഡ്രൈവറായി ജോലിചെയ്തിരുന്നു. കുറച്ചുകാലം ദമ്പതിമാര്‍ക്ക് ജോലിയുണ്ടായിരുന്നില്ല. സാമ്പത്തികപ്രശ്‌നങ്ങളാണ് ആത്മഹത്യയ്ക്ക് കാരണമായതെന്നാണ് സംശയിക്കുന്നതെന്നും പോലീസ് പറഞ്ഞു.

ചുമരിൽ മൂന്ന് പേരുകള്‍; ദമ്പതിമാരും നാലുവയസ്സുള്ള മകളും മരിച്ചനിലയിൽ

കാറിന്റെ മുൻ സീറ്റിൽ ഡ്രൈവർക്കൊപ്പം ഒരാൾ മാത്രമേ ഇരിക്കാവൂവെന്ന നിയമത്തെ കാറ്റിൽ പറത്തി രേണു സുധിയും സംഘവും. നടനും ബിഗ് ബോസ് മുൻ താരവുമായ രജിത് കുമാർ ഓടിച്ച കാറിലാണ് രേണുവും മറ്റൊരു സ്ത്രീയും കയറിയത്. ഇരുവരും രജിത് കുമാറിനൊപ്പം മുൻസീറ്റിലാണ് ഇരുന്നത്. ഇതിന്റെ വീഡിയോ പുറത്തുവന്നിട്ടുണ്ട്.
നിയമം തെറ്റിക്കല്ലേയെന്ന് പറഞ്ഞ് രജിത് കുമാർ ഇവർക്ക് സീറ്റ് ബെൽറ്റ് ഇട്ടുകൊടുക്കുന്നത് വീഡിയോയിൽ കാണാം. ഒരു സീറ്റ് ബെൽറ്റിനകത്താണ് രണ്ട് പേരും. എന്നാൽ മൂന്ന് പേർ മുൻ സീറ്റിൽ ഇരിക്കുന്നത് നിയമ ലംഘനമാണെന്ന് രജിത് കുമാർ ഓർത്തില്ല.സോഷ്യൽ മീഡിയയിൽ വൈറലാകാൻ വേണ്ടിയാണ് രജിത് കുമാറും രേണുവും ഇത്തരമൊരു കാര്യം ചെയ്തതെന്നാണ് പലരും വീഡിയോയ്ക്ക് താഴെ കമന്റ് ചെയ്തിരിക്കുന്നത്. ഇവർക്കെതിരെ കേസ് എടുക്കണമെന്ന് പറഞ്ഞുകൊണ്ട് നിരവധി പേർ എം വി ഡിയെ ടാഗ് ചെയ്തിട്ടുണ്ട്.എന്നാൽ ചിലർ ഇവരെ സപ്പോർട്ട് ചെയ്തുകൊണ്ടും കമന്റ് ചെയ്തിട്ടുണ്ട്.

കാറിന്റെ മുൻ സീറ്റിൽ ഡ്രൈവറടക്കം മൂന്നുപേർ;നിയമം കാറ്റിൽപ്പറത്തി രജിത് കുമാറും രേണു സുധിയും

കൊച്ചി: ചലച്ചിത്ര – സീരിയൽ താരം വിഷ്ണു പ്രസാദ് അന്തരിച്ചു. കരൾ രോഗത്തെ തുടർന്ന് ഗുരുതരാവസ്ഥയിലായ അദ്ദേഹം ചികിത്സയിൽ കഴിയവേയാണ് മരണത്തിന് കീഴടങ്ങിയത്.
കരൾ മാറ്റിവക്കൽ ശസ്ത്രക്രിയയ്ക്കുള്ള ഒരുക്കത്തിലായിരുന്നു കുടുംബവും സഹപ്രവർത്തകരും. കരൾ നൽകാൻ മകൾ തയാറായിരുന്നെങ്കിലും ചികിത്സയ്ക്കായുള്ള വലിയ തുക കണ്ടെത്താനുള്ള ശ്രമത്തിലായിരുന്നു കുടുംബം. നടൻ കിഷോർ സത്യയാണ് മരണവിവരം തന്റെ സമൂഹമാധ്യമ പേജിലൂടെ അറിയിച്ചത്.
കാശി, കൈ എത്തും ദൂരത്ത്, റൺവേ, മാമ്പഴക്കാലം, ലയൺ, ബെൻ ജോൺസൺ, ലോകനാഥൻ ഐഎഎസ്, പതാക, മാറാത്ത നാട് തുടങ്ങിയ സിനിമകളിൽ അഭിനയിച്ച താരമാണ് വിഷ്ണു പ്രസാദ്. സീരിയൽ രംഗത്തും സജീവമായിരുന്നു.&nbsp;

സിനിമാ-സീരിയൽ താരം വിഷ്ണു പ്രസാദ് അന്തരിച്ചു

അന്തരിച്ച നടൻ കൊല്ലം സുധിയുടെ ഭാര്യ രേണു സമൂഹമാദ്ധ്യമത്തിൽ പങ്കുവച്ച പുതിയ ചിത്രങ്ങൾക്ക് ലഭിക്കുന്നത് രൂക്ഷവിമർശനം. വിഷു ആശംസകൾ എന്ന പേരിൽ പങ്കുവച്ച ചിത്രങ്ങൾക്കാണ് സൈബർ ആക്രമണം നേരിടുന്നത്. 'ഒരു സ്ത്രീക്ക് ഉണ്ടായിരിക്കേണ്ട ഏറ്റവും ആകർഷകമായ കാര്യം ആത്മവിശ്വാസമാണ്', 'സ്ത്രീകളാണ് സമൂഹത്തിന്റെ യഥാർത്ഥ ശില്പികൾ', 'ശക്തരായ സ്ത്രീകൾക്ക് ആറ്റിറ്റ്യൂഡ് ഇല്ല, മാനദണ്ഡങ്ങളുണ്ട്' എന്നിങ്ങനെയുള്ള കുറിപ്പുകളോടെയാണ് ചിത്രങ്ങൾ പങ്കുവച്ചിരിക്കുന്നത്.
നാടൻ ലുക്കിനൊപ്പം മോഡേൺ ടച്ചും കലർന്ന വേഷമാണ് രേണു സുധി ധരിച്ചിരിക്കുന്നത്. പട്ടുപാവാടയും ടോപ്പുമാണ് രേണു അണിഞ്ഞിരിക്കുന്നത്. രേണുവിന്റെ മോഡേൺ ലുക്കിനാണ് വിമർശനങ്ങൾ നേരിടുന്നത്.'ഇതിപ്പോ ഉടുക്കാൻ മറന്നുപോയതാണോ, അതോ ഉടുത്തത് അഴിഞ്ഞു പോയത് ആണോ, ഇനീപ്പോ ഉടുക്കാൻ ഇഷ്ടം ഇല്യാഞ്ഞിട്ടാണോ', 'ഇങ്ങനെ വേണ്ടാരുന്നു', 'ഒന്നും പറയുന്നില്ല പറഞ്ഞ ചെലവിന് കൊടുക്കാൻ പറയും', 'സ്വന്തം ശരീരം പ്രദർശിപ്പിച്ചുകൊണ്ടു മാത്രമല്ല സ്ട്രോങ്ങ് വുമൺ ആവേണ്ടത്', 'നിനക്ക് നാണമില്ലേ രേണു ഇങ്ങനെ തുണി ഉരിഞ്ഞു കാണിക്കാന് ശ്രുതി മരിക്കാൻ നോക്കിയിരുന്നു അവൾ തുണി അഴിക്കാൻ', 'ഇച്ചിരി ഉളുപ്പ് നല്ലതാ ചത്തൂടെ ഒന്ന് സുധി അല്ല മരിക്കേണ്ടത് നീ ആയിരിന്നു നിനക്ക് 2 മക്കൾ ഇല്ലേ', 'ഇത്രയും വേണ്ടായിരുന്നു മോശം ആയി', 'ഭർത്താവ് മരിച്ച ഒരു സ്ത്രീ ചെയ്യുന്ന കാര്യം അല്ല ഇത്'- തുടങ്ങിയ രൂക്ഷ കമന്റുകളാണ് ചിത്രങ്ങൾക്ക് ലഭിക്കുന്നത്.&nbsp;

'സ്വന്തം ശരീരം പ്രദർശിപ്പിച്ചുകൊണ്ടു മാത്രമല്ല സ്ട്രോങ്ങ് വുമൺ ആവേണ്ടത്' ;രേണു സുധിയുടെ ചിത്രങ്ങളിൽ സൈബർ ആക്രമണം

കൊച്ചി: താൻ കടുത്ത മാനസിക വിഷമത്തിലൂടെ കടന്നുപോവുകയാണെന്നും തന്റെ ‘തൊപ്പി’ എന്ന ക്യാരക്ടർ അവസാനിപ്പിക്കുകയാണെന്നും വിവാദ യൂട്യൂബർ നിഹാദ്. കഴിഞ്ഞ മാസം വീട്ടിൽ പോയപ്പോൾ വീട്ടുകാർ തന്റെ മുഖത്തുനോക്കി വാതിൽ അടച്ചുവെന്നും എത്രപണവും പ്രശസ്തിയുമുണ്ടാക്കിയിട്ടും സ്വന്തം വീട്ടുകാർ കൂടെയില്ലെങ്കിൽ പിന്നെ എന്തുകാര്യമെന്നും നിഹാദ് ത​ന്റെ യൂട്യൂബ് ലൈവിൽ ചോദിച്ചു.
‘സമയമായി, സമയമായി. എല്ലാം അവസാനിപ്പിക്കാൻ സമയമായി. പലരും ഞാൻ കഞ്ചാവെന്ന് പറയുന്നു. കഞ്ചാവൊന്നുമല്ല. ഉമ്മയാണെ സത്യം കഞ്ചാവ് അടിച്ചിട്ടില്ല. കഴിഞ്ഞ ഒരുമാസമായി എ​ന്റെ എല്ലാ ദിവസവും ഇങ്ങനെയാണ്. ഒരുമാസമായി ലൈവ് വന്നിട്ട്. അന്ന് വീട്ടിൽ പോയി തിരിച്ചുവന്നു. ആ ദിവസം വിഷമിച്ചത് പോലെ എന്റെ ജീവിതത്തിൽ വിഷമിച്ച മറെറാരു ദിവസവുമില്ല. ഞാൻ എല്ലാ ദിവസവും വന്നിട്ട് ഇക്കാര്യം ലൈവിടണോ? ഈ ക്യാരക്ടർ എനിക്ക് മടുത്തു...’ -പിറന്നാൾ ദിനത്തിലെ യൂട്യൂബ് സ്ട്രീമിങ്ങിൽ തൊപ്പി പറഞ്ഞു.
'ഇന്ന് സ്ട്രീമിങ്ങില്ല. ഇന്നെൻ്റെ പിറന്നാളായിട്ട് രാവിലെ മുതൽ ഇങ്ങനെ തന്നെയാണ്. കിടന്ന് ഉറങ്ങുന്നു, എഴുന്നേൽക്കുന്നു, ഉറങ്ങുന്നു, എഴുന്നേൽക്കുന്നു... ഇതുതന്നെ പണി. ഭ്രാന്തുപിടിച്ചപ്പോൾ ലൈവിട്ടതാണ്. ഒറ്റ കാര്യമേ പറയാനുള്ളൂ. പിറന്നാൾ സമ്മാനം, ആഘോഷം ഒന്നുമില്ല.. ഒന്നിനും ഞാനില്ല. പിറന്നാളിന് പലതും പ്ലാൻ ചെയ്തതായിരുന്നു. എല്ലാം ഒഴിവാക്കി. എനിക്ക് പിറന്നാൾ സമ്മാനമായി തരാനുദ്ദേശിക്കുന്ന പണം വേറെ എന്തിനെങ്കിലും ഉപയോഗിക്കുക. പോയി ഭക്ഷണം കഴിക്കൂ, അല്ലെങ്കിൽ ആർക്കെങ്കിലും ഭക്ഷണം വാങ്ങിക്കൊടുക്കൂ. എനിക്ക് പണം അയക്കണ്ട.
ലൈവ് വരാനാണെങ്കിൽ എന്നും വരാമായിരുന്നു. കഴിഞ്ഞ ഒരുമാസമായി ഞാനിവിടെ കിടന്ന് ഉരുളുകയാണ്. വിഷാദത്തിലേക്ക് പോയ എന്റെ ജീവിതം നിങ്ങളെ കാണിച്ചിട്ട് എന്തിനാണ്. കേൾക്കുമ്പോൾ തമാശയായിട്ട് തോന്നും. ഞാനീ ക്യാരക്ടർ അവസാനിപ്പിക്കാൻ പോവുകയാണ്. അവസാനം ലൈവ് വന്നിട്ട് വീട്ടിൽ പോവുകയാണെന്ന് പറഞ്ഞ് പോയത് ഓർക്കുന്നുണ്ടോ? അന്ന് സ്വന്തം കുടുംബം മുഖത്ത് നോക്കി ഡോർ അടച്ചു. വീട്ടുകാർ ഒപ്പമി​ല്ലെങ്കിൽ എത്ര പണവും പ്രശസ്തിയുമുണ്ടാക്കിയിട്ട് എന്താണ് കാര്യം. എല്ലാം അവസാനിപ്പിക്കാൻ സമയമായി. എനിക്ക് മടുത്തു’ -തൊപ്പി പറയുന്നു.
‘എൻ്റെ അവസ്ഥ എങ്ങനെയാണ് നിങ്ങളെ പറഞ്ഞ് മനസിലാക്കുക എന്നറിയില്ല. എനിക്ക് മുന്നിലുള്ള അവസാനത്തെ ഒരേ ഒരു വഴി 'തൊപ്പി' എന്ന കഥാപാത്രത്തെ ഒഴിവാക്കലാണ്. ഈ ‘തൊപ്പി’ എന്ന ചങ്ങാതിയില്ലേ, ഈ ചങ്ങാതിയെ കൊന്നുവിടുക. നിഹാദ് എന്ന എന്നിലേക്ക് തിരിച്ച് പോവുക. നിങ്ങൾക്കെല്ലാം ഞാനൊരു കോമാളി’ -നിഹാദ് പറഞ്ഞു. ലൈവിനിടെ ആരാധകർ സൂപ്പർ ചാറ്റ് വഴി ഗിഫ്റ്റായി പണം നൽകുന്നത് ശ്രദ്ധയിൽപെട്ടപ്പോൾ ​തൊപ്പി ആ ഓപ്ഷൻ ഓഫ് ചെയ്തു. അതിന് ശേഷം വീണ്ടും സംസാരം തുടർന്നു.
‘തനിക്ക് ഗിഫ്റ്റ് ചെയ്യുന്ന പണം ആർ​ക്കെങ്കിലും കൊണ്ടുപോയി കൊടുക്കുക. ​വേറൊന്നും പറയാനില്ല. ഈ ക്യാരക്ടർ വിടുക എന്നതാണ് പരിഹാരം. ഞാൻ എന്റെ റിയൽ ക്യാരക്ടറിലേക്ക് തിരിച്ചുപോകുകയാണ്. ആളുകൾ എന്തെങ്കിലും കരുതട്ടേ. സ്വന്തം കുടുംബം അംഗീകരിക്കുന്നില്ലെങ്കിൽ പിന്നെ ജീവിച്ചിരുന്നിട്ട് എന്താണ് കാര്യം? ഇങനെയെല്ല ജീവിക്കേണ്ടത്. ഇത് ഞാൻ കുറേ ഉറപ്പിച്ചെടുത്ത തീരുമാനമാണ്. അഞ്ച് നേരം നിസ്കരിച്ചാൽ ശരിയാകുമെന്ന് പറഞ്ഞു. ഈ അവസ്ഥയിൽ നിന്ന് പുറത്തുകടക്കാൻ ഞാൻ ട്രൈ ചെയ്യാത്ത വഴികളില്ല. ജിമ്മിലും പോയി. ഓരോ തവണയും ഞാൻ ഹാപ്പിയാകാനാണ് നിങ്ങളുടെ മുന്നിൽ വന്നത്. എന്റെ ശരിയായ മുഖം മറച്ചിട്ടാണ് വന്നത്. ഇതിൽ കൂടുതൽ എനിക്ക് പറ്റില്ല. ഒന്നൊന്നൊര കൊല്ലത്തെ എന്റെ അധ്വാനമാണ് എന്റെ മുടി. ഇത് ഞാൻ മുറിക്കുകയാണ് (ശേഷം കത്രിക ഉപയോഗിച്ച് മുറിച്ചു കളഞ്ഞു). ഇനി നമ്മൾ കാണുന്നുണ്ടെങ്കിൽ തൊപ്പി മരിച്ചു, ഇനി നിഹാദായി കാണാം.. നിഹാദേ ഉള്ളൂ.. ഈ ക്യാരക്ടർ വിട്ടാൽ വീട്ടിൽ കയറ്റാൻ 90 ശതമാനം സാധ്യതയുണ്ട്. എനിക്കറിയില്ല. നമുക്ക് ചെയ്യാൻ പറ്റുന്നതിന്റെ മാക്സിമം നമ്മൾ ചെയ്യുക. എന്റെ ലൈഫ് ഇങ്ങനെയാകും എന്ന് ഞാൻ വിചാരിച്ചിട്ടില്ല... തൊപ്പി മരിച്ചു. അതേ ഉള്ളൂ വഴി. നോർമൽ ലൈഫിലേക്ക്, നോർമൽ മനുഷ്യനായി തിരിച്ചു പോവുക.. ലൈവ് നിർത്താൻ തോന്നുന്നില്ല, നിർത്തിയാൽ വല്ലാത്ത ഏകാന്തതയാണ്. മതി. എല്ലാം നിർത്തുകയാണ്..’ -എന്ന് പറഞ്ഞാണ് നിഹാദ് യൂട്യൂബ് ലൈവ് അവസാനിപ്പിക്കുന്നത്.
Mrz Thoppi എന്ന പേരിലുള്ള യൂട്യൂബ് ചാനലിലൂടെയാണ് ​കണ്ണൂർ സ്വദേശിയായ നിഹാദ് ചുരുങ്ങിയ കാലം കൊണ്ട് സോഷ്യൽ മീഡിയയിൽ വൈറലായത്. 8.72 ലക്ഷം സബ്സ്ക്രൈബേഴ്സ് ഉണ്ട്. സ്ത്രീത്വത്തെ അപമാനിച്ചതിന്റെയും അശ്ലീല പദപ്രയോഗങ്ങൾ നടത്തിയതിന്റെയും പേരിൽ നിരവധി തവണ വിവാദത്തിലായിട്ടുണ്ട്. സ്കൂൾ വിദ്യാർഥികളാണ് തൊപ്പിയുടെ വിഡിയോകളുടെ സ്ഥിരം കാഴ്ചക്കാർ. തൊപ്പി പങ്കെടുത്ത ഉദ്ഘാടന ചടങ്ങുകളിൽ കുട്ടികൾ കൂട്ടമായെത്തിയതും റോഡ് ബ്ലോക്കായതും വിവാദമായിരുന്നു. പൊതുസ്ഥലത്ത് അശ്ലീല പരാമർശങ്ങൾ നടത്തിയതിനും ഗതാഗതം തസപ്പെടുത്തിയതിനും 'തൊപ്പി'ക്കെതിരെ കേസെടുക്കുകയും താമസസ്ഥലത്തിന്റെ വാതിൽ തകർത്ത് അറസ്റ്റ് ചെയ്യുകയും ചെയ്തിരുന്നു.

‘തൊപ്പി മരിച്ചു, ഇനി നിഹാദായി ജീവിക്കും...;പിറന്നാൾ ദിനത്തിൽ ലൈവുമായി യൂട്യൂബർ തൊപ്പി

സോഷ്യൽമീഡിയയിൽ നടക്കുന്ന വ്യാജപ്രചാരണത്തിൽ പ്രതികരിച്ച് അന്തരിച്ച നടൻ കൊല്ലം സുധിയുടെ ഭാര്യ രേണു. വിധവയാണെന്ന് പറഞ്ഞ് തനിക്ക് ഒന്നും ചെയ്യാൻ കഴിയില്ലേയെന്നും രേണു ചോദിച്ചു. ഒന്നുകിൽ ജീവിതം അവസാനിപ്പിക്കുമെന്നും അല്ലെങ്കിൽ മറ്റൊരു വിവാഹം കഴിക്കുകയാണ് പ്രതിവിധിയെന്നാണ് രേണു വ്യക്തമാക്കിയിരിക്കുന്നത്. സോഷ്യൽമീഡിയയിലൂടെയായിരുന്നു പ്രതികരണം. വാഹനാപകടത്തിൽ സുധി മരിച്ചതോടെ രേണുവിനെയും മക്കളെയും സഹായിക്കാൻ നിരവധിയാളുകൾ രംഗത്തെത്തിയിരുന്നു. അന്നുമുതൽക്കേ രേണു നിരന്തരമായി സൈബർ ആക്രമണം നേരിട്ടിരുന്നു. നല്ല വസ്ത്രമിട്ടാലും ചിരിച്ചുകൊണ്ട് റീൽ ചെയ്താലും നിരവധി വിമർശനങ്ങൾ രേണു നേരിട്ടിരുന്നു. ഇപ്പോഴിതാ സുധിയുടെ ആദ്യ വിവാഹത്തിലെ മകനെ രേണു വീട്ടിൽ നിന്ന് ഇറക്കിവിട്ടുവെന്ന വ്യാജപ്രചാരണത്തിനെ തുടർന്നാണ് പ്രതികരിച്ചിരിക്കുന്നത്.
രേണുവിന്റെ വാക്കുകളിലേക്ക്
ഒന്നിനും ഞാൻ ഇല്ല. എന്നാ തെറ്റാ ചെയ്യുന്നത് എന്ന് എനിക്കറിയില്ല. ഞാൻ വിധവ ആണെന്ന് പറഞ്ഞ് എനിക്കൊന്നും ചെയ്യാൻ പറ്റില്ലേ? എല്ലാം കുറ്റമാ. കേട്ട് കേട്ട് മടുത്തു. ഒന്നെങ്കിൽ ജീവിതം അവസാനിപ്പിക്കും അല്ലേൽ ആരെയെങ്കിലും കെട്ടി ജീവിക്കും, എനിക്കു മടുത്തു. ഇങ്ങനെ കേൾക്കാൻ എന്തേലും തെറ്റ് ചെയ്തിട്ടാണേലും കുഴപ്പമില്ല. വിധവ എന്നു പറഞ്ഞ് ഇങ്ങനെ കുത്തുന്നു. ഞാനെന്നാ ചെയ്താലും പറഞ്ഞാലും കുറ്റം.
ഞാൻ ജീവിതം അവസാനിപ്പിച്ചാലും. ഇനി കെട്ടിയാലും എല്ലാം ഈ പഴി പറയുന്നവർ തന്നെ കാരണം. ശരിക്കും മടുത്തിട്ട് തന്നെയാണ് സ്‌റ്റോറി ഇട്ടത്. അല്ലാതെ വേറെ കെട്ടാൻ മറ്റാരുടേയും സമ്മതം വേണ്ട എനിക്ക്. പക്ഷെ ഇതുവരെ അങ്ങനെ ചിന്തിച്ചിട്ടില്ല. എട്ടൻ മരിച്ചതു കൊണ്ടല്ലേ ഞാൻ എന്ത് ചെയ്താലും പറഞ്ഞാലും ഇരുന്നാലും നിന്നാലും എല്ലാം കുറ്റം. ഒന്നെങ്കിൽ ഈ ജീവിതം അവസാനിപ്പിക്കുക അല്ലെങ്കിൽ വേറെ കെട്ടുക. മക്കളുടെ സമ്മതത്തോടെ അപ്പോൾ പിന്നെ ഈ പേര് അങ്ങ് തീർന്നു കിട്ടുമല്ലോ. അല്ലാതെ എന്ത് വഴിയാ വിധവ എന്നത് മാറാൻ.

'എനിക്ക് മടുത്തു, ഒന്നെങ്കിൽ ജീവിതം അവസാനിപ്പിക്കും അല്ലെങ്കിൽ ആരെയെങ്കിലും കെട്ടി ജീവിക്കും'; കൊല്ലം സുധിയുടെ ഭാര്യ രേണു

കൊച്ചി: യുവനടിയുടെ പരാതിയിൽ വ്ലോഗർ സൂരജ് പാലാക്കാരൻ അറസ്റ്റിലായി. സ്ത്രീത്വത്തെ അപമാനിച്ചെന്ന പരാതിയിൽ പാലാരിവട്ടം പൊലീസാണ് സൂരജിനെ കസ്റ്റഡിയിലെടുത്തത്.
നേരത്തെ, സമാനമായ മറ്റൊരു പരാതിയിൽ ഇയാൾ 14 ദിവസം റിമാൻഡിലായിരുന്നു. അന്ന് ഇടുക്കി സ്വദേശിനിയായ യുവതിയാണ് പരാതി നൽകിയിരുന്നത്. കേസിൽ സൂരജ് ജാമ്യത്തിൽ പുറത്തിറങ്ങിയിരുന്നു.

യുവനടിയുടെ പരാതിയിൽ വ്ലോഗർ സൂരജ് പാലാക്കാരൻ അറസ്റ്റിൽ

തിയേറ്ററിലെ തകർപ്പൻ വിജയത്തിന് ശേഷം സിനിമാ പ്രേമികൾ ഒടിടിയിലെത്താൻ കാത്തിരിക്കുന്ന ചിത്രമാണ് 'ആടുജീവിതം'. പൃഥ്വിരാജിന്റെ കരിയറിലെ തന്നെ അടയാളപ്പെടുത്താവുന്ന കഥാപാത്രമാണ് നജീബ്. ബെന്യാമിന്റെ നോവലിനെ അടിസ്ഥാനമാക്കി ബ്ലെസിയാണ് ആടുജീവിതം സിനിമ ഒരുക്കിയത്. ചിത്രത്തിന്റെ കഥ പത്ത് വരിയിൽ എഴുതിയിരിക്കുകയാണ് മന്തരത്തൂർ എം എൽ പി സ്കൂൾ വിദ്യാർത്ഥിനി നന്മ തേജസ്വിനി എന്ന മിടുക്കി.ചെരണ്ടത്തൂർ സ്വദേശികളായ സുനിൽ ശ്രീധരന്റെയും ആശയുടെയും മകളാണ് നന്മ തേജസ്വിനി. കുട്ടി എഴുതിയ കഥയുടെ ചിത്രം ബെന്യാമിൻ സോഷ്യൽ മീഡിയയിൽ പങ്കുവെച്ചിട്ടുണ്ട്.
'ഒരു ദിവസം നജീബ് എന്ന ഒരാൾ ജീവിച്ചിരുന്നു, ഒരുനാള് നജീബ് ദുബായിൽ പോയി, അവിടത്തെ അറബ് മനുഷ്യൻ നജീബിനെ പറ്റിച്ച് മരുഭൂമിയിൽ ഇട്ടു. കുറെ വർഷങ്ങൾ കഴിഞ്ഞു, നജീബ് ആടിന്റെ പുല്ലും ആടിന്റെ വെള്ളവും കുടിച്ച് ജീവിച്ചു. ഒരു ദിവസം നജീബിനെ രക്ഷിക്കാൻ ഒരാള് വന്നു. രക്ഷിച്ച് കൊണ്ട് പോയി. പെരിയോനേ റഹ്മാനെ... പെരിയോനേ റഹീം... 'എന്നാണ് നോട്ടുബുക്കിൽ നന്മ തേജസ്വിനി എഴുതിയത്. കുറിപ്പിന് താഴെ നജീബിന്റെ ഒരു ചിത്രവും വരച്ചു വെച്ചിട്ടുണ്ട്. ഈ ചിത്രം പങ്കുവെച്ചുകൊണ്ട് 'ഇത്രേ ഒള്ളൂ... മന്തരത്തൂർ എം എൽ പി സ്കൂൾ വിദ്യാർത്ഥിനി നന്മ തേജസ്വിനി എന്ന മിടുക്കിക്കുട്ടി' എന്നാണ് ബെന്യാമിൻ കുറിച്ചിരിക്കുന്നത്.

പത്ത് വരിയിൽ 'ആടുജീവിതം' കഥയെഴുതി മന്തരത്തൂർ എം എൽ പി സ്കൂളിലെ മിടുക്കി, ചിത്രം പങ്കുവെച്ച് ബെന്യാമിൻ

തൃശൂർ: ആൾക്കൂട്ട വിചാരണയ്ക്കും ക്രൂരമർദനത്തിനും പിന്നാലെ പൂക്കോട് വെറ്ററിനറി സർവകലാശാല ക്യാംപസിലെ വിദ്യാർഥി ജെ.എസ്.സിദ്ധാർഥനെ മരിച്ച നിലയിൽ കണ്ടെത്തിയ സംഭവത്തിൽ പ്രതികരണവുമായി കവിയും ഗാനരചയിതാവുമായ റഫീഖ് അഹമ്മദ്. സാംസ്കാരിക കേരളത്തെ പരിഹസിച്ചുകൊണ്ടുള്ള കാർട്ടൂൺ പങ്കുവച്ചാണ് സമൂഹമാധ്യമത്തിൽ റഫീഖിന്റെ പോസ്റ്റ്. ‘സിദ്ധാർഥ്.. മാപ്പ്’ എന്ന കുറിപ്പ് സഹിതമാണ് കാർട്ടൂൺ പങ്കുവച്ചത്.
കഴിഞ്ഞ മാസം 18 നാണു ഹോസ്റ്റലിലെ ശുചിമുറിയിൽ ജീവനൊടുക്കിയ നിലയിൽ സിദ്ധാർഥിനെ കണ്ടെത്തിയത്. ഫെബ്രുവരി 14ന്, കോളജിലെ പരിപാടിക്കിടെ പെൺകുട്ടിയോട് ഇഷ്ടം തുറന്നുപറഞ്ഞെന്ന പേരിൽ സിദ്ധാർഥനെ ഗ്രൗണ്ടിൽ സീനിയർ വിദ്യാർഥികൾ സംഘം ചേർന്നു ചോദ്യം ചെയ്യുകയും മർദിക്കുകയും ചെയ്തെന്നാണ് വിദ്യാർഥികൾ പറയുന്നത്. 14 മുതൽ 18ന് ഉച്ച വരെ സിദ്ധാർഥൻ ക്രൂര മർദനത്തിനിരയായെന്നു ദൃക്സാക്ഷിയായ വിദ്യാർഥി പറയുന്നു. ഹോസ്റ്റലിലെ 130 വിദ്യാർഥികളുടെ മുന്നിൽ നഗ്നനാക്കിയായിരുന്നു മർദനം.
കേസിൽ പ്രതികളായ 18 പേരെയും അറസ്റ്റ് ചെയ്തിരുന്നു. പ്രതികൾക്കെതിരെ ക്രിമിനൽ ഗൂഢാലോചനക്കുറ്റവും പൊലീസ് ചുമത്തി. വീട്ടിലേക്കു പോയ സിദ്ധാർഥനെ കൃത്യമായ ആസൂത്രണത്തിനൊടുവിൽ പൂക്കോട് ക്യാംപസിലേക്കു വിളിച്ചുവരുത്തിയതിനടക്കം തെളിവു ലഭിച്ചതിന്റെ അടിസ്ഥാനത്തിലാണ് കുറഞ്ഞതു 2 വർഷം വരെ തടവുശിക്ഷ കിട്ടിയേക്കാവുന്ന വകുപ്പു ചുമത്തിയത്. കൊലപാതകമെന്നു തെളിഞ്ഞാൽ പ്രതികൾക്കു ജീവപര്യന്തം വരെ ശിക്ഷ ലഭിക്കാം. ആത്മഹത്യാപ്രേരണ, റാഗിങ്, ഗുരുതരമായി മുറിവേൽപിക്കൽ, ആയുധങ്ങൾ ഉപയോഗിച്ചു മുറിവേൽപിക്കൽ, അന്യായമായി തട‍ഞ്ഞുവയ്ക്കൽ എന്നീ വകുപ്പുകളാണു നേരത്തേ ചുമത്തിയിരുന്നത്.

‘പ്രതികരണശേഷി പണ്ടേ നഷ്ടപ്പെട്ടതാണ്’: ‘സിദ്ധാർഥ്.. മാപ്പ്’ എന്ന കുറിപ്പോടെ കാർട്ടൂൺ പങ്കുവച്ച് റഫീഖ് അഹമ്മദ്

തൃശൂര്‍: അപൂർവരോഗമുള്ള കുഞ്ഞിന് ചികിത്സാ സഹായം ചോദിച്ചെത്തിയ അമ്മയെയും കുഞ്ഞിനെയും നടനും ബി.ജെ.പി നേതാവുമായ സുരേഷ് ഗോപി അപമാനിച്ചതായി പരാതി. ചികിത്സക്കായി സഹായം അഭ്യർഥിച്ചപ്പോൾ കളിയാക്കുന്ന തരത്തിൽ ഗോവിന്ദൻ മാസ്റ്ററെ പോയി കാണാനായിരുന്നു മറുപടി.
കോയമ്പത്തൂരിൽ താമസിക്കുന്ന സിന്ധുവാണ് സുരേഷ് ഗോപിയോട് മകൻ അശ്വിന് ചികിത്സക്കായി സഹായം അഭ്യർഥിച്ചത്. ഗോവിന്ദൻ മാസ്റ്ററെ പോയി കാണാൻ പറഞ്ഞപ്പോൾ കളിയാക്കിയതാണെന്ന് മനസ്സിലാകാതെ ക്ഷേത്ര നടയിലുണ്ടായിരുന്നവരോട് ആരാണ് ഗോവിന്ദൻ മാസ്റ്ററെന്ന് സിന്ധു തിരക്കി. പിന്നീട് ക്ഷേത്രത്തിൽ ഉണ്ടായിരുന്നവരാണ് കളിയാക്കിയതാണെന്ന് അവരെ പറഞ്ഞു മനസ്സിലാക്കിയത്. ഇതോടെ ആൾക്കൂട്ടത്തിന് നടുവിൽ നിന്ന് കൈക്കുഞ്ഞുമായി സിന്ധു കരഞ്ഞു. പിന്നീട് ക്ഷേത്രത്തിൽ ഉണ്ടായിരുന്നവരാണ് സിന്ധുവിനെ സമാധാനിപ്പിച്ചത്.
തമിഴ്നാട് സ്വദേശിനിയായ സിന്ധു കോടീശ്വരൻ സ്ഥിരമായി കാണുക വഴിയാണ് സുരേഷ് ഗോപിയെ അറിയുന്നത്. ഗുരുവായൂർ ക്ഷേത്രദർശനത്തിനിടെ സുരേഷ് ഗോപിയേയും സംഘത്തേയും കണ്ടപ്പോൾ രണ്ടു വയസ്സുള്ള മകൻ അശ്വിനേയും എടുത്ത് സഹായം ചോദിക്കുകയായിരുന്നു. മാസ്റ്റോസൈറ്റോസിസ് എന്ന അപൂർവ രോഗത്തിന് ചികിത്സയിലാണ് അശ്വിൻ . ഒരു മാസം മരുന്നിന് മാത്രം 50,000 രൂപയോളം ചെലവുണ്ട്.

ഗോവിന്ദന്‍ മാസ്റ്ററോട് ചോദിക്കൂ; അപൂർവ രോഗത്തിന് ചികിത്സാ സഹായം ചോദിച്ച അമ്മയെയും കുഞ്ഞിനെയും സുരേഷ് ഗോപി അപമാനിച്ചതായി പരാതി

Search Results for: eye sight