തിരുവനന്തപുരം: 2024-ലെ എഴുത്തച്ഛന്‍ പുരസ്‌കാരത്തിന് എഴുത്തുകാരന്‍ എന്‍.എസ്. മാധവന്‍ അര്‍ഹനായി. അഞ്ചുലക്ഷം രൂപയും പ്രശസ്തിപത്രവും ഫലകവുമാണ് പുരസ്‌കാരം.
എസ്.കെ. വസന്തന്‍ ചെയര്‍മാനും ഡോ. ടി.കെ. നാരായണന്‍, ഡോ. മ്യൂസ് മേരി ജോര്‍ജ്ജ് എന്നിവര്‍ അംഗങ്ങളും സി.പി. അബൂബക്കര്‍ മെമ്പര്‍ സെക്രട്ടറിയുമായ ജൂറിയാണ് പുരസ്‌കാര ജേതാവിനെ തെരഞ്ഞെടുത്തത്. സെക്രട്ടേറിയേറ്റ് പി.ആര്‍. ചേംബറില്‍ നടന്ന വാര്‍ത്താസമ്മേളനത്തില്‍ സാംസ്‌കാരിക വകുപ്പ് മന്ത്രി സജി ചെറിയാനാണ് പുരസ്‌കാര പ്രഖ്യാപനം നടത്തിയത്.
രചനാ ശൈലിയിലും ഇതിവൃത്ത സ്വീകരണത്തിലും നിരന്തരമായ ജാഗ്രത പുലര്‍ത്തുകയും ജീവിതയാഥാര്‍ഥ്യങ്ങളെ സര്‍ഗാത്മകതയുടെ രസതന്ത്രപ്രവര്‍ത്തനത്തിലൂടെ മികച്ച സാഹിത്യ സൃഷ്ടികളാക്കി മാറ്റുകയും ചെയ്ത എഴുത്തുകാരനാണ്എന്‍.എസ്. മാധവനെന്ന് മന്ത്രി പറഞ്ഞു.&nbsp;

2024-ലെ എഴുത്തച്ഛന്‍ പുരസ്‌കാരം എന്‍.എസ്. മാധവന്

Kerala

ഒരു ഗ്ലാസ് വെള്ളം. ഒരു സ്പൂണ്‍ മഞ്ഞള്‍പൊടി. ഫ്ളാഷ് ലൈറ്റ് ഓണ്‍ ആക്കിയ ഒരു ഫോണ്‍. നല്ല കിടിലനൊരു ആക്റ്റിവിറ്റി. സോഷ്യല്‍ മീഡിയ തുറന്നാല്‍ ഇതേയുള്ളു. ഇന്‍സ്റ്റ, ഫെയ്സ്ബുക്ക്, യൂട്യൂബ് എന്തിനേറെ വാട്സാപ്പ് സ്റ്റാറ്റസുകളില്‍ പോലും നിറഞ്ഞുനില്‍ക്കുന്നത് ഈ റീലുകളാണ്. എല്ലാരും ട്രെന്റിന് പിന്നാലെ. സംഭവം വലിയ മാജിക്കൊന്നുമല്ല. സിംപിള്‍ സയന്‍സ്. പിള്ളേരേ ഹാപ്പിയാക്കാനുള്ള ഒരു ആക്റ്റിവിറ്റി.
ഫ്ളാഷ് ലൈറ്റിന്റെ ആംപിയന്‍സില്‍ മഞ്ഞള്‍പ്പൊടി ഇങ്ങനെ വെള്ളത്തിലേക്ക് വീഴുമ്പോഴുള്ള ആ തിളക്കം ആരായാലും നോക്കിനിന്നുപോകും. ചെറിയ കാര്യങ്ങളില്‍ വലിയ സന്തോഷം കണ്ടെത്തുന്ന കുട്ടികള്‍ക്ക് ഒരു wow ഫീല്‍ കിട്ടാന്‍ വേറെന്ത് വേണം. ഷാരൂഖ് ഖാന്റെ ബോളിവുഡ് ചിത്രമായ ഓം ശാന്തി ഓമിലെ മ്യൂസിക്ക് കൂടി ചേരുമ്പോള്‍ റീലുകള്‍ വേറെ ലെവലായി. മുളകുപൊടി ഉള്‍പ്പെടെയുള്ള മറ്റ് പൊടികള്‍ വെച്ചുള്ള പരീക്ഷണങ്ങളും തകൃതിയായി നടക്കുന്നു.

വെള്ളം, മഞ്ഞള്‍പൊടി, ഫ്‌ളാഷ് ലൈറ്റ്; ട്രെന്റിന് പിന്നാലെ സോഷ്യല്‍ മീഡിയ

ന്യൂജഴ്സി: മലയാളി വിദ്യാർഥിനി അമേരിക്കയിൽ വാഹനാപകടത്തിൽ മരിച്ചു. വടകര സ്വദേശി ഹെന്ന (21) യാണ് മരിച്ചത്. ന്യൂജഴ്സിയിലെ റട്ട്ഗേസ് യൂണിവേഴ്സിറ്റി വിദ്യാർഥിനിയാണ്. കോളേജിലേക്ക് പോകും വഴി ഹന്നയുടെ കാറിൽ മറ്റൊരു കാർ ഇടിച്ചാണ് അപകടം. കസ്റ്റംസ് റോഡ് ചീക്കിൽ അസ്‍ലം - സാദിജ ചേളന്നൂർ ദമ്പതികളുടെ മകളാണ്. രക്ഷിതാക്കൾക്കൊപ്പം ന്യൂജഴ്സിയിലായിരുന്നു താമസം. മൃതദേഹം മോർച്ചറിയിൽ സൂക്ഷിച്ചിരിക്കുകയാണ്. പൊലീസ് നടപടികൾ പുരോഗമിക്കുന്നു.

വടകര സ്വദേശിനിയായ വിദ്യാർഥിനി യുഎസിൽ വാഹനാപകടത്തിൽ മരിച്ചു

തായ്‌ലാന്‍ഡിലെ ഫുക്കറ്റില്‍ വാട്ടര്‍ റൈഡിനിടെയുണ്ടായ അപകടത്തില്‍ തലശ്ശേരി സ്വദേശിനിയായ യുവതി മരിച്ചു. പിലാക്കൂല്‍ ഗാര്‍ഡന്‍സ് റോഡ് മാരാത്തേതില്‍ ലവീന റോഷനാണ് (നിമ്മി-34) മരിച്ചത്. സെപ്റ്റംബര്‍ നാലിനായിരുന്നു അപകടം. പരിക്കേറ്റ് അബോധാവസ്ഥയില്‍ സിങ്കപ്പൂര്‍ ആശുപത്രിയിലായിരുന്നു. ചികിത്സയ്ക്ക് നാട്ടിലേക്ക് മാറ്റാനിരിക്കെയാണ് മരണം.
സിങ്കപ്പൂരിലാണ് ലവീനയും കുടുംബവും താമസം. മാതാപിതാക്കളോടും കുടുംബാഗങ്ങളോടുമൊപ്പം ബാങ്കോക്കില്‍ സന്ദര്‍ശനത്തിന് പോയ പ്പോഴായിരുന്നു അപകടം. മൃതദേഹം ബുധനാഴ്ച ധര്‍മ്മടം പാലയാട് യൂണിവേഴ്സിറ്റി സെന്ററിനടുത്തുള്ള ലിനാസില്‍ എത്തിക്കും. കബറടക്കം 12-ന് സെയ്ദാര്‍ പള്ളി കബറിസ്താനില്‍ നടക്കും.
പിതാവ്: മാരാത്തേയില്‍ നസീര്‍, മാതാവ്: ഷബീന നസീര്‍. ഭര്‍ത്താവ്: മുഹമ്മദ് റോഷന്‍. മകന്‍: ആദം ഈസ മുഹമ്മദ്. സഹോദരി: ഷസിന്‍ സിതാര (ദുബായ്). കേരള ബാര്‍ കൗണ്‍സില്‍ വൈസ് ചെയര്‍മാനും കേരള വഖഫ് ബോര്‍ഡ് അംഗവുമായ അഡ്വ. എം. ഷറഫുദ്ദീന്റെ സഹോദരന്റെ മകളാണ്.

തായ്‌ലാന്‍ഡില്‍ വാട്ടര്‍ റൈഡിനിടെ അപകടം; തലശ്ശേരി സ്വദേശിനിയായ യുവതി മരിച്ചു

Search Results for: father arrested