കണ്ണൂർ: മലബാർ മേഖലയിലെ ട്രെയിൻ യാത്രാക്കാർക്ക് ആശ്വാസമായി കണ്ണൂർ - ഷൊർണുർ - കണ്ണൂർ എക്സ്പ്രസിന്റെ സർവീസ് നീട്ടി. ഇത് കൂടാതെ ആഴ്ചയിൽ നാല് ദിവസം മാത്രമുണ്ടായിരുന്ന സർവീസ് ഏഴ് ദിവസമാക്കി.
ജൂലൈയിൽ സർവീസ് അവസാനിപ്പിക്കുമെന്ന് പ്രതീക്ഷിക്കപ്പെട്ട ട്രെയിനാണ് ഘട്ടം ഘട്ടമായി സർവീസ് നീട്ടിനൽകി ഇപ്പോൾ ഡിസംബർ 31 വരെയാക്കിയിരിക്കുന്നത്. നവംബർ ഒന്ന് മുതൽ ട്രെയിൻ എല്ലാ ദിവസവും ഓടിത്തുടങ്ങും. നിലവിൽ നാല് ദിവസം മാത്രമാണ് സർവീസ് ഉള്ളത്. ഇതോടെ യാത്രക്കാരുടെ ഏറെ നാളത്തെ ആവശ്യമാണ് പ്രാവർത്തികമാകുന്നത്.

ഷൊർണുർ-കണ്ണൂർ എക്സ്പ്രസ്സ് ഇനി എല്ലാ ദിവസവും

Kerala

കണ്ണൂർ: മുൻ എ.ഡി.എം നവീൻ ബാബുവിന്റെ മരണവുമായി ബന്ധപ്പെട്ട് പരിയാരം മെഡിക്കൽ കോളജിലെ താൽക്കാലിക ജീവനക്കാരനായ പ്രശാന്തനെ ആരോഗ്യ വകുപ്പ് സസ്പെൻഡ് ചെയ്തു. മെഡിക്കൽ കോളജിലെ ഇലക്ട്രിക്കൽ ഹെൽപ്പറാണ് ഇയാൾ. നവീൻ കൈക്കൂലി വാങ്ങിയെന്ന് ആരോപിച്ച് പരാതി നൽകിയ ആളാണ് പ്രശാന്തൻ. ആരോഗ്യ വകുപ്പിന്റെ അന്വേഷണത്തിനു ശേഷമാണ് പ്രശാന്തനെ സസ്പെൻഡ് ചെയ്തത്. സർക്കാർ സർവീസിലിരിക്കെ പമ്പിന് അപേക്ഷിച്ചത് ചട്ടലംഘനമെന്ന ചൂണ്ടിക്കാട്ടിയാണ് നടപടി.
കടുത്ത നടപടി പിന്നീടുണ്ടാകുമെന്നാണ് വിവരം. പ്രശാന്തൻ നൽകിയ പരാതി വ്യാജമാണെന്ന ആരോപണം ശക്തമായിരിക്കെയാണ് വകുപ്പ് നടപടി സ്വീകരിച്ചത്. ന​വീ​ന്‍ ബാ​ബു ഒ​ക്ടോ​ബ​ര്‍ ആ​റി​ന് താ​മ​സ​സ്ഥ​ല​ത്തേ​ക്ക് വി​ളി​ച്ചു​വ​രു​ത്തി ഒ​രു ല​ക്ഷം രൂ​പ കൈ​ക്കൂ​ലി​യാ​യി ആ​വ​ശ്യ​പ്പെ​ട്ടു​വെ​ന്നും 98,500 രൂ​പ ന​ല്‍കി​യെ​ന്നു​മാ​ണ് പ്ര​ശാ​ന്തൻ മു​ഖ്യ​മ​ന്ത്രി​ക്ക് ന​ൽ​കി​യ​തെ​ന്ന് പ​റ​യു​ന്ന പ​രാ​തി​യി​ലു​ള്ള​ത്. ഇതുമായി ബന്ധപ്പെട്ട് പലതവണ പൊലീസ് ഇയാളെ വിളിപ്പിക്കുകയും ചോദ്യം ചെയ്യുകയും ചെയ്തിരുന്നു. സ്വർണം പണയം വെച്ചാണ് പണം നൽകിയതെന്ന് ഇയാൾ പൊലീസിന് മൊഴി നൽകി. പ്രശാന്തന്‍റേതെന്ന നിലയിൽ പുറത്തുവന്ന പരാതിയുടെ കോപ്പിയിൽ വ്യാജ ഒപ്പാണെന്ന് തെളിഞ്ഞിരുന്നു. ഇതോടെ പ്രശാന്തന്‍റെ പേരിൽ വ്യാജ പരാതി ചമച്ചതാണെന്നും ആരോപണം ഉയർന്നു.
ടി.വി. പ്രശാന്തൻ പെട്രോൾ പമ്പ് പാട്ടക്കരാറിൽ നൽകിയ ഒപ്പും മുഖ്യമന്ത്രിക്കുള്ള പരാതിയിൽ നൽകിയ ഒപ്പും തമ്മിലാണ് വൈരുദ്ധ്യമുണ്ടായിരുന്നത്. ഇത് മാത്രമല്ല, പെട്രോൾ പമ്പിനുള്ള കരാറിൽ പ്രശാന്ത് എന്നാണ് പേര് നൽകിയത്. എന്നാൽ, നവീൻ ബാബുവിനെതിരെ കൈക്കൂലി ആരോപണം ഉന്നയിച്ച് മുഖ്യമന്ത്രിക്ക് അയച്ച പരാതിയിൽ പ്രശാന്തൻ ടി.വി എന്നാണുള്ളത്. പരാതി ആരോപണ വിധേയയായ ജില്ലാ പഞ്ചായത്ത് പ്രസിഡന്‍റ് പി.പി. ദിവ്യയെ സംരക്ഷിക്കാൻ വ്യാജമായി തയാറാക്കിയതാണെന്നും ആരോപണം ശക്തമാണ്.

എ ഡി എമ്മിന്റെ മരണം: പരാതിക്കാരൻ പ്രശാന്തന് സസ്പെൻഷൻ

കൊ​ല്ലം: കേ​ര​ള​പ്പി​റ​വി അ​റ​ബി​ക്ക​ട​ലി​ല്‍ ആ​ഘോ​ഷി​ക്കാ​ന്‍ അ​വ​സ​രം ഒ​രു​ക്കി കെ.​എ​സ്.​ആ​ര്‍.​ടി.​സി ബ​ജ​റ്റ് ടൂ​റി​സം സെ​ല്‍. ന​വം​ബ​ര്‍ ഒ​ന്നി​ന് രാ​വി​ലെ 10ന് ​കൊ​ല്ലം ബ​സ് സ്റ്റേ​ഷ​നി​ല്‍നി​ന്ന്​ എ.​സി ലോ ​ഫ്ലോ​ര്‍ ബ​സി​ല്‍ മ​റൈ​ന്‍ഡ്രൈ​വി​ല്‍ എ​ത്തി അ​വി​ടെ​നി​ന്ന്​ നെ​ഫ​ര്‍റ്റി​റ്റി ക്രൂ​യി​സ് ക​പ്പ​ലി​ല്‍ അ​ഞ്ച് മ​ണി​ക്കൂ​ര്‍ അ​റ​ബി​ക്ക​ട​ലി​ല്‍ ചെ​ല​വ​ഴി​ക്കു​ന്ന യാ​ത്ര​യാ​ണ് ഒ​രു​ക്കി​യി​ട്ടു​ള്ള​ത്. ബു​ഫൈ ഡി​ന്ന​ര്‍, ഡി.​ജെ മ്യൂ​സി​ക്, ഗെ​യി​മു​ക​ള്‍ ഉ​ള്‍പ്പെ​ടു​ന്ന പാ​ക്കേ​ജി​ല്‍ മു​തി​ര്‍ന്ന​വ​ര്‍ക്ക് 4240 രൂ​പ​യും കു​ട്ടി​ക​ള്‍ക്ക് 1930 രൂ​പ​യു​മാ​ണ് ഈ​ടാ​ക്കു​ക. കൂ​ടാ​തെ മ​റ്റ് ഉ​ല്ലാ​സ​യാ​ത്ര​ക​ളും ന​വം​ബ​റി​ല്‍ ഒ​രു​ക്കി​യി​ട്ടു​ണ്ട്.
ന​വം​ബ​ര്‍ മൂ​ന്നി​നും 17നും ​ചാ​ര്‍ട്ട് ചെ​യ്ത പൊ​ന്മു​ടി​യാ​ത്ര​ക്ക്​ എ​ല്ലാ പ്ര​വേ​ശ​ന​ഫീ​സു​ക​ളും അ​ട​ക്കം 770 രൂ​പ​യാ​ണ് നി​ര​ക്ക്. ന​വം​ബ​ര്‍ ഒ​മ്പ​തി​ന് മൂ​ന്നാ​ര്‍, മെ​ട്രോ വൈ​ബ്‌​സ് എ​ന്നീ യാ​ത്ര​ക​ളാ​ണ്. ഗ്യാ​പ് റോ​ഡ്, കാ​ന്ത​ല്ലൂ​ര്‍, മ​റ​യൂ​ര്‍ എ​ന്നി​വി​ട​ങ്ങ​ള്‍ സ​ന്ദ​ര്‍ശി​ക്കു​ന്ന ര​ണ്ടു​ദി​വ​സ​ത്തെ മൂ​ന്നാ​ര്‍യാ​ത്ര​ക്ക്​ 1730 രൂ​പ​യും ഫോ​ര്‍ട്ട്​​കൊ​ച്ചി, മ​ട്ടാ​ഞ്ചേ​രി, വാ​ട്ട​ര്‍ മെ​ട്രോ, റെ​യി​ല്‍ മെ​ട്രോ എ​ന്നീ സ്ഥ​ല​ങ്ങ​ള്‍ ഉ​ള്‍പ്പെ​ടു​ത്തി​യ മെ​ട്രോ​വൈ​ബ്‌​സി​ന് 870 രൂ​പ​യു​മാ​ണ് നി​ര​ക്ക്. ന​വം​ബ​ര്‍ 10ന്, ​റോ​സ് മ​ല, വാ​ഗ​മ​ണ്‍, പ​ത്ത​നം​തി​ട്ട​യി​ലെ ക്ഷേ​ത്ര​ങ്ങ​ള്‍ എ​ന്നി​ങ്ങ​നെ മൂ​ന്ന് യാ​ത്ര​ക​ള്‍ ത​യാ​റാ​ക്കി​യി​ട്ടു​ണ്ട്. റോ​സ് മ​ല​യ്ക്ക് 770 രൂ​പ​യും വാ​ഗ​മ​ണി​ന് 1020 രൂ​പ​യു​മാ​ണ്. മ​ണ്ണ​ടി​ക്ഷേ​ത്രം, ക​ല്ലേ​ലി​ക്ഷേ​ത്രം, മ​ല​യാ​ല​പ്പു​ഴ, പെ​രു​നാ​ട്, ക​വി​യൂ​ര്‍ തി​രു​വ​ല്ല​ഭ ക്ഷേ​ത്രം എ​ന്നി​വ ഉ​ള്‍പ്പെ​ടു​ന്ന പ​ത്ത​നം​തി​ട്ട​യി​ലേ​ക്കു​ള്ള പാ​ക്കേ​ജി​ന്​ 650 രൂ​പ​യാ​ണ്.
ന​വം​ബ​ര്‍ 15ന് ​വൈ​കീ​ട്ട് ആ​റി​ന് മ​ല​ബാ​ര്‍ ട്രി​പ് ചാ​ര്‍ട്ട് ചെ​യ്തി​ട്ടു​ണ്ട്. മ​ല​ബാ​റി​ലെ പ്ര​ധാ​ന ച​രി​ത്ര​സ്മാ​ര​ക​ങ്ങ​ളും ഉ​ല്ലാ​സ​കേ​ന്ദ്ര​ങ്ങ​ളും ഉ​ള്‍പ്പെ​ടു​ന്ന ട്രി​പ് ഞാ​യ​റാ​ഴ്ച രാ​ത്രി മ​ട​ങ്ങി​യെ​ത്തും. വൃ​ശ്ചി​കം ഒ​ന്നാ​യ ന​വം​ബ​ര്‍ 16ന് ​കു​ള​ത്തൂ​പ്പു​ഴ, ആ​ര്യ​ങ്കാ​വ്, അ​ച്ച​ന്‍കോ​വി​ല്‍, പ​ന്ത​ളം എ​ന്നീ ശാ​സ്താ​ക്ഷേ​ത്ര​ങ്ങ​ള്‍ ഉ​ള്‍പ്പെ​ടു​ത്തി​യ തീ​ർ​ഥാ​ട​ന യാ​ത്ര​യു​മു​ണ്ട്. 650 രൂ​പ​യാ​ണ് നി​ര​ക്ക്. കൂ​ടാ​തെ ഇ​ല്ലി​ക്ക​ല്‍ക​ല്ല്, മ​ല​ങ്ക​ര ഡാം, ​ഇ​ല​വീ​ഴാ​പൂ​ഞ്ചി​റ എ​ന്നീ സ്ഥ​ല​ങ്ങ​ള്‍ സ​ന്ദ​ര്‍ശി​ക്കു​ന്ന യാ​ത്ര​യും അ​ന്നേ​ദി​വ​സ​മു​ണ്ട്. 820 രൂ​പ​യാ​ണ് ചാ​ര്‍ജ്. ന​വം​ബ​ര്‍ 21, 27 ദി​വ​സ​ങ്ങ​ളി​ലെ ഗ​വി​യാ​ത്ര​യി​ല്‍ അ​ട​വി, പ​രു​ന്തും​പാ​റ സ​ന്ദ​ർ​ശ​ന​വും ഉ​ള്‍പ്പെ​ടും. നി​ര​ക്ക് 1750 രൂ​പ. ഫോ​ണ്‍: 9747969768, 9495440444.

കേരളപ്പിറവി അറബിക്കടലിൽ ആഘോഷിച്ചാലോ? ​ബജറ്റ്​ പാ​ക്കേജുമായി കെ.എസ്.ആര്‍.ടി.സി

വടകര: വള്ളിക്കാട് മുതൽ നാദാപുരം വരെയുള്ള പ്രധാന ടൗണുകളിൽ റോഡിനു ഇരുവശവും ഹാൻഡ് റെയിലും നടപ്പാതയിൽ ഇന്റെർലോക്ക് സ്ഥാപിക്കുന്നതുമായ പ്രവൃത്തി ഉടൻ ആരംഭിക്കുമെന്ന് കെ.കെ രമ എം.എൽ.എ. വടകര മണ്ഡലത്തിലെ പി.ഡബ്ല്യൂ.ഡി പ്രവൃത്തികളെ സംബന്ധിച്ചുള്ള അവലോകനയോഗത്തിനു ശേഷം നൽകിയ വാർത്താകുറിപ്പിലാണ് എം.എൽ.എ ഈ വിവരം അറിയിച്ചത്. വള്ളിക്കാട് ടൗൺ റോഡിനു ഇരുവശവും 200 മീറ്റർ, വെള്ളിക്കുളങ്ങര 320 മീറ്റർ, ഓർക്കാട്ടേരി 700 മീറ്റർ, എടച്ചേരി 550 മീറ്റർ, തലായി 300 മീറ്റർ, പുറമേരി 180 മീറ്റർ, നാദാപുരം 700 മീറ്റർ എന്നിങ്ങനെയാണ് പ്രവൃത്തികൾ നടക്കുക.&nbsp;
മേൽ പറഞ്ഞ മുഴവൻ നഗരങ്ങളിലെയും റോഡിനു ഇരുവശവും ഹാൻഡ് റെയിലും ഇന്റർലോക്കും സ്ഥാപിച്ചു സൗന്ദര്യവൽക്കരിക്കുന്ന പ്രവൃത്തിയാണ് ഇപ്പോൾ ആരംഭിക്കാൻ പോകുന്നത്. നേരത്തെ പൂർത്തിയായ കൈനാട്ടി മുതൽ പക്രന്തളം വരെയുള്ള റോഡ് വിപുലീകരണ പദ്ധതിയുടെ ഭാഗമായി നടക്കേണ്ടിയിരുന്ന പ്രവൃത്തിയായിരുന്നു ഇത്. എന്നാൽ പലതരം സാങ്കേതിക തടസ്സങ്ങളിൽ പെട്ട് പദ്ധതി നിശ്ചലമായ അവസ്ഥയായിരുന്നു. നിരന്തരമായ ഇടപെടലുകളുടെയും പരിശ്രമങ്ങളുടെയും ഫലമായി ഇപ്പോൾ പദ്ധതി സാക്ഷാത്കരിക്കപ്പെടാൻ പോവുകയാണെന്നും ഇതിനായുള്ള ടെണ്ടർ നടപടികൾ പൂർത്തിയായതായും എം.എൽ.എ അറിയിച്ചു.

വള്ളിക്കാട് മുതൽ നാദാപുരം വരെ പ്രധാന ടൗണുകളിൽ ഹാൻഡ് റെയിലും ഇന്റെർലോക്കും സ്ഥാപിക്കുന്ന പ്രവൃത്തി ഉടൻ ആരംഭിക്കും; കെ.കെ രമ എം.എൽ.എ

Vadakara

ന്യൂഡൽഹി: യമുന നദി വൃത്തിയാക്കുന്നതിൽ ആം ആദ്മി സർക്കാറി​ന് വീഴ്ച പറ്റിയെന്നാരോപിച്ച് പ്രതിഷേധ സൂചകമായി യമുനയിലെ മലിനമായ വെള്ളത്തിൽ മുങ്ങിയ ഡൽഹി ബി.ജെ.പി അധ്യക്ഷൻ വീരേന്ദ്ര സച്ദേവക്ക് ത്വക്കിൽ ചൊറിച്ചിൽ. വേറിട്ട പ്രതിഷേധം നടത്തി ശ്രദ്ധപിടിച്ചുപറ്റി മണിക്കൂറുകൾക്കുപിന്നാലെ വീരേന്ദ്രക്ക് തൊലിപ്പുറമെ അസ്വസ്ഥത അനുഭവപ്പെട്ടതിനെ തുടർന്ന് ആശുപത്രിയിൽ ചികിൽസ തേടേണ്ടിവന്നു.
മുങ്ങിക്കുളിച്ചതിനുശേഷം ചുവന്ന തിണർപ്പ്, ചൊറിച്ചിൽ, ശ്വസിക്കാൻ നേരിയ ബുദ്ധിമുട്ട് എന്നിവ അനുഭവപ്പെട്ടതായും അധ്യക്ഷനെ റാം മനോഹർ ലോഹ്യ ആശുപത്രിയിൽ എത്തിച്ചതായും ഡൽഹി ബി.ജെ.പിയുടെ ട്വീറ്റ് ചെയ്തു. ത്വക്ക് രോഗ വിദഗ്ധൻ മരുന്നുകൾ നിർദേശിച്ചിട്ടുണ്ടെന്ന് കാണിച്ച് ഗവൺമെന്‍റ് ആശുപത്രിയിൽ നിന്നുള്ള കുറിപ്പടിയും പോസ്റ്റ് ചെയ്തിട്ടുണ്ട്. ദേഹമാസകലം ചൊറിച്ചിൽ ഉണ്ടെന്നും മൂന്നു ദിവസത്തേക്ക് ഉപയോഗിക്കാൻ ഗുളികയും ഒരു ലോഷനും നിർദ്ദേശിച്ചിട്ടുണ്ടെന്നും കുറിപ്പിൽ പറയുന്നു. ‘വെള്ളത്തോടുള്ള സമ്പർക്കം’ ഇതിനു കാരണമായി ഡോക്ടർ പരാമർശിക്കുകയും ചില പരിശോധനകൾ നിർദേശിക്കുകയും ചെയ്തു.
നദിയിലെ മലിനീകരണം തടയുന്നതിൽ പരാജയപ്പെട്ടന്നാരോപിച്ചാണ് ആപ് സർക്കാറിനെതിരെ വീരേന്ദ്ര വ്യാഴാഴ്ച ഐ.ടി.ഒ ഘട്ടിലെത്തി പ്രതിഷേധിച്ചത്. നദി വൃത്തിയാക്കാൻ കേന്ദ്രം അനുവദിച്ച 8500 കോടി രൂപ ആപ് സർക്കാർ കൊള്ളയടിച്ചെന്ന് ആരോപിച്ച് യമുനയിൽ മുങ്ങിയ വീരേന്ദ്ര ഡൽഹി സർക്കാറി​ന്‍റെ അഴിമതിക്ക് മാപ്പും ചോദിച്ചു. എന്നാല്‍, വീരേന്ദ്രയുടെ ഈ പ്രവര്‍ത്തി മലിനീകരണ തോത് ഉയരുന്നത് പോലെ ബി.ജെ.പിയുടെ നാടകവും ശക്തിപ്പെടുത്തുകയാണെന്ന് ആപ് നേതാവും ഡല്‍ഹി പരിസ്ഥിതി മന്ത്രിയുമായ ഗോപാല്‍ റായ് പ്രതികരിച്ചു. ബി.ജെ.പി ഭരിക്കുന്ന ഹരിയാനയിലേയും യു.പിയിലെയും സര്‍ക്കാരുകളാണ് വ്യവസായശാലകളിലെ മലിന ജലം ഒഴുക്കി വിട്ട് നദി മലിനമാക്കുന്നതെന്നും ഗോപാല്‍ റായ് കൂട്ടിച്ചേര്‍ത്തു.

ആം ആദ്മിക്കെതിരെ പ്രതിഷേധിച്ച് യമുനയിൽ മുങ്ങി; ചൊറിഞ്ഞു വലഞ്ഞ് ബി.ജെ.പി നേതാവ്

National

ചേലക്കര: ഡി.എം.കെയിൽ ചേരുന്ന കാര്യം പരിഗണിക്കുമെന്ന ഇടത് സഹയാത്രികനും കൊടുവള്ളി മുൻ എം.എൽ.എയുമായ കാരാട്ട് റസാഖ് പ്രസ്താവനയോട് പ്രതികരിച്ച് പി.വി അൻവർ എം.എൽ.എ. കാരാട്ട് റസാഖിന് വരേണ്ടിവരുമെന്നും അങ്ങനെ പലരും വരുമെന്നും അൻവർ പറഞ്ഞു. ഇന്നലെ റസാഖുമായി നടത്തിയ കൂടിക്കാഴ്ചയിൽ കാര്യങ്ങൾ സംസാരിക്കുക മാത്രമാണ് ചെയ്തത്. ഒരാഴ്ചക്കുള്ളിൽ തീരുമാനം പറയാമെന്നാണ് റസാഖ് പറഞ്ഞത്. നിലവിലെ എം.എൽ.എമാരും മുൻ എം.എൽ.എമാരും ഡി.എം.കെയുമായി സഹകരിക്കാൻ ഒരുക്കമാണ്. അഞ്ചോളം എം.എൽ.എമാർ സംസാരിച്ചു കഴിഞ്ഞു. ഉപതെരഞ്ഞെടുപ്പ് കഴിയാൻ അവർ കാത്തിരിക്കുകയാണെന്നും അൻവർ വ്യക്തമാക്കി.
എൽ.ഡിഎഫുമായുള്ള പ്രശ്നങ്ങൾ എന്താണെന്ന് റസാഖിനോട് ചോദിച്ചിട്ടില്ല. പരിഹരിക്കപ്പെടാൻ സാധ്യത കുറവാണ്. ഇന്നലത്തെ കൂടിക്കാഴ്ചയോടെ ഡി.എം.കെയും റസാഖും തമ്മിലുള്ള സഹകരണത്തിനുള്ള സാധ്യത വർധിച്ചിട്ടുണ്ടെന്നും പി.വി അൻവർ വ്യക്തമാക്കി. ഇടതുപക്ഷ സഹയാത്രികനായത് കൊണ്ട് പി.വി അൻവറിന്‍റെ സംഘടനയെ കുറിച്ച് ഇപ്പോൾ അഭിപ്രായം പറയുന്നില്ലെന്നാണ് ഇന്ന് നടത്തിയ വാർത്താസമ്മേളനത്തിൽ കാരാട്ട് റസാഖ് വ്യക്തമാക്കിയത്. അൻവർ അടുത്ത സുഹൃത്താണ്. അദ്ദേഹത്തിന്‍റെ ഡി.എം.കെയിൽ ചേരുന്ന കാര്യം പരിഗണിക്കും. തന്നെ ഡി.എം.കെയിലേക്ക് ക്ഷണിച്ചിട്ടുണ്ട്. എന്നാൽ, കാത്തിരിക്കാനാണ് താൻ ആവശ്യപ്പെട്ടത്. ഡി.എം.കെ കുറിച്ചും പഠിക്കേണ്ടതുണ്ട്. മുമ്പ് സി.പി.എമ്മിനെ കുറിച്ച് പഠിച്ച ശേഷമാണ് ഇടത് സഹയാത്രികനാകാൻ തീരുമാനിച്ചത്. ലീഗിലേക്ക് ഇനി തിരിച്ചുപോക്കില്ല. സംസ്ഥാനത്ത് നിരവധി പാർട്ടികളുണ്ട്. ആവശ്യമെങ്കിൽ പുതിയ പാർട്ടി രൂപീകരിക്കുന്ന കാര്യവും ആലോചനയിലുണ്ടെന്നും റസാഖ് വ്യക്തമാക്കി.

കാരാട്ട് റസാഖിന് വരേണ്ടിവരും, അങ്ങനെ പലരും വരും; ഉപതെരഞ്ഞെടുപ്പ് കഴിയാൻ അവർ കാത്തിരിക്കുകയാണെന്നും പി.വി അൻവർ

ഹൈദരാബാദ്: തെലങ്കാനയിലെ കാമറെഡ്ഡി ജില്ലയിൽ ഉറക്കത്തിനിടെ വൈദ്യുതാഘാതമേറ്റ 23കാരന് ദാരുണാന്ത്യം. മൊബൈൽ ഫോൺ ചാർജ് ചെയ്യാനായി കുത്തിവെച്ച യുവാവ് ഉറക്കത്തിനിടെ ചാർജിങ് വയറിൽ സ്പർശിച്ചതോടെയാണ് ഷോക്കേറ്റത്. ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ച മലോത് അനിൽ ചികിത്സയിലിരിക്കെ വെള്ളിയാഴ്ചയാണ് മരിച്ചത്.
മൂന്ന് വർഷം മുമ്പ് വിവാഹിതനായ അനിലിന് ഒന്നര വയസ് പ്രായമുള്ള കുട്ടിയുമുണ്ട്. കുടുംബത്തിന്റെ ഏക അത്താണി ആയിരുന്നു യുവാവ്. സംഭവത്തിൽ പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്.&nbsp;&nbsp;

&nbsp;

ഉറക്കത്തിനിടെ മൊബൈൽ ചാർജിങ് വയറിൽ തൊട്ടു; ഷോക്കേറ്റ യുവാവ് മരിച്ചു

കൊച്ചി: താൻ കടുത്ത മാനസിക വിഷമത്തിലൂടെ കടന്നുപോവുകയാണെന്നും തന്റെ ‘തൊപ്പി’ എന്ന ക്യാരക്ടർ അവസാനിപ്പിക്കുകയാണെന്നും വിവാദ യൂട്യൂബർ നിഹാദ്. കഴിഞ്ഞ മാസം വീട്ടിൽ പോയപ്പോൾ വീട്ടുകാർ തന്റെ മുഖത്തുനോക്കി വാതിൽ അടച്ചുവെന്നും എത്രപണവും പ്രശസ്തിയുമുണ്ടാക്കിയിട്ടും സ്വന്തം വീട്ടുകാർ കൂടെയില്ലെങ്കിൽ പിന്നെ എന്തുകാര്യമെന്നും നിഹാദ് ത​ന്റെ യൂട്യൂബ് ലൈവിൽ ചോദിച്ചു.
‘സമയമായി, സമയമായി. എല്ലാം അവസാനിപ്പിക്കാൻ സമയമായി. പലരും ഞാൻ കഞ്ചാവെന്ന് പറയുന്നു. കഞ്ചാവൊന്നുമല്ല. ഉമ്മയാണെ സത്യം കഞ്ചാവ് അടിച്ചിട്ടില്ല. കഴിഞ്ഞ ഒരുമാസമായി എ​ന്റെ എല്ലാ ദിവസവും ഇങ്ങനെയാണ്. ഒരുമാസമായി ലൈവ് വന്നിട്ട്. അന്ന് വീട്ടിൽ പോയി തിരിച്ചുവന്നു. ആ ദിവസം വിഷമിച്ചത് പോലെ എന്റെ ജീവിതത്തിൽ വിഷമിച്ച മറെറാരു ദിവസവുമില്ല. ഞാൻ എല്ലാ ദിവസവും വന്നിട്ട് ഇക്കാര്യം ലൈവിടണോ? ഈ ക്യാരക്ടർ എനിക്ക് മടുത്തു...’ -പിറന്നാൾ ദിനത്തിലെ യൂട്യൂബ് സ്ട്രീമിങ്ങിൽ തൊപ്പി പറഞ്ഞു.
'ഇന്ന് സ്ട്രീമിങ്ങില്ല. ഇന്നെൻ്റെ പിറന്നാളായിട്ട് രാവിലെ മുതൽ ഇങ്ങനെ തന്നെയാണ്. കിടന്ന് ഉറങ്ങുന്നു, എഴുന്നേൽക്കുന്നു, ഉറങ്ങുന്നു, എഴുന്നേൽക്കുന്നു... ഇതുതന്നെ പണി. ഭ്രാന്തുപിടിച്ചപ്പോൾ ലൈവിട്ടതാണ്. ഒറ്റ കാര്യമേ പറയാനുള്ളൂ. പിറന്നാൾ സമ്മാനം, ആഘോഷം ഒന്നുമില്ല.. ഒന്നിനും ഞാനില്ല. പിറന്നാളിന് പലതും പ്ലാൻ ചെയ്തതായിരുന്നു. എല്ലാം ഒഴിവാക്കി. എനിക്ക് പിറന്നാൾ സമ്മാനമായി തരാനുദ്ദേശിക്കുന്ന പണം വേറെ എന്തിനെങ്കിലും ഉപയോഗിക്കുക. പോയി ഭക്ഷണം കഴിക്കൂ, അല്ലെങ്കിൽ ആർക്കെങ്കിലും ഭക്ഷണം വാങ്ങിക്കൊടുക്കൂ. എനിക്ക് പണം അയക്കണ്ട.
ലൈവ് വരാനാണെങ്കിൽ എന്നും വരാമായിരുന്നു. കഴിഞ്ഞ ഒരുമാസമായി ഞാനിവിടെ കിടന്ന് ഉരുളുകയാണ്. വിഷാദത്തിലേക്ക് പോയ എന്റെ ജീവിതം നിങ്ങളെ കാണിച്ചിട്ട് എന്തിനാണ്. കേൾക്കുമ്പോൾ തമാശയായിട്ട് തോന്നും. ഞാനീ ക്യാരക്ടർ അവസാനിപ്പിക്കാൻ പോവുകയാണ്. അവസാനം ലൈവ് വന്നിട്ട് വീട്ടിൽ പോവുകയാണെന്ന് പറഞ്ഞ് പോയത് ഓർക്കുന്നുണ്ടോ? അന്ന് സ്വന്തം കുടുംബം മുഖത്ത് നോക്കി ഡോർ അടച്ചു. വീട്ടുകാർ ഒപ്പമി​ല്ലെങ്കിൽ എത്ര പണവും പ്രശസ്തിയുമുണ്ടാക്കിയിട്ട് എന്താണ് കാര്യം. എല്ലാം അവസാനിപ്പിക്കാൻ സമയമായി. എനിക്ക് മടുത്തു’ -തൊപ്പി പറയുന്നു.
‘എൻ്റെ അവസ്ഥ എങ്ങനെയാണ് നിങ്ങളെ പറഞ്ഞ് മനസിലാക്കുക എന്നറിയില്ല. എനിക്ക് മുന്നിലുള്ള അവസാനത്തെ ഒരേ ഒരു വഴി 'തൊപ്പി' എന്ന കഥാപാത്രത്തെ ഒഴിവാക്കലാണ്. ഈ ‘തൊപ്പി’ എന്ന ചങ്ങാതിയില്ലേ, ഈ ചങ്ങാതിയെ കൊന്നുവിടുക. നിഹാദ് എന്ന എന്നിലേക്ക് തിരിച്ച് പോവുക. നിങ്ങൾക്കെല്ലാം ഞാനൊരു കോമാളി’ -നിഹാദ് പറഞ്ഞു. ലൈവിനിടെ ആരാധകർ സൂപ്പർ ചാറ്റ് വഴി ഗിഫ്റ്റായി പണം നൽകുന്നത് ശ്രദ്ധയിൽപെട്ടപ്പോൾ ​തൊപ്പി ആ ഓപ്ഷൻ ഓഫ് ചെയ്തു. അതിന് ശേഷം വീണ്ടും സംസാരം തുടർന്നു.
‘തനിക്ക് ഗിഫ്റ്റ് ചെയ്യുന്ന പണം ആർ​ക്കെങ്കിലും കൊണ്ടുപോയി കൊടുക്കുക. ​വേറൊന്നും പറയാനില്ല. ഈ ക്യാരക്ടർ വിടുക എന്നതാണ് പരിഹാരം. ഞാൻ എന്റെ റിയൽ ക്യാരക്ടറിലേക്ക് തിരിച്ചുപോകുകയാണ്. ആളുകൾ എന്തെങ്കിലും കരുതട്ടേ. സ്വന്തം കുടുംബം അംഗീകരിക്കുന്നില്ലെങ്കിൽ പിന്നെ ജീവിച്ചിരുന്നിട്ട് എന്താണ് കാര്യം? ഇങനെയെല്ല ജീവിക്കേണ്ടത്. ഇത് ഞാൻ കുറേ ഉറപ്പിച്ചെടുത്ത തീരുമാനമാണ്. അഞ്ച് നേരം നിസ്കരിച്ചാൽ ശരിയാകുമെന്ന് പറഞ്ഞു. ഈ അവസ്ഥയിൽ നിന്ന് പുറത്തുകടക്കാൻ ഞാൻ ട്രൈ ചെയ്യാത്ത വഴികളില്ല. ജിമ്മിലും പോയി. ഓരോ തവണയും ഞാൻ ഹാപ്പിയാകാനാണ് നിങ്ങളുടെ മുന്നിൽ വന്നത്. എന്റെ ശരിയായ മുഖം മറച്ചിട്ടാണ് വന്നത്. ഇതിൽ കൂടുതൽ എനിക്ക് പറ്റില്ല. ഒന്നൊന്നൊര കൊല്ലത്തെ എന്റെ അധ്വാനമാണ് എന്റെ മുടി. ഇത് ഞാൻ മുറിക്കുകയാണ് (ശേഷം കത്രിക ഉപയോഗിച്ച് മുറിച്ചു കളഞ്ഞു). ഇനി നമ്മൾ കാണുന്നുണ്ടെങ്കിൽ തൊപ്പി മരിച്ചു, ഇനി നിഹാദായി കാണാം.. നിഹാദേ ഉള്ളൂ.. ഈ ക്യാരക്ടർ വിട്ടാൽ വീട്ടിൽ കയറ്റാൻ 90 ശതമാനം സാധ്യതയുണ്ട്. എനിക്കറിയില്ല. നമുക്ക് ചെയ്യാൻ പറ്റുന്നതിന്റെ മാക്സിമം നമ്മൾ ചെയ്യുക. എന്റെ ലൈഫ് ഇങ്ങനെയാകും എന്ന് ഞാൻ വിചാരിച്ചിട്ടില്ല... തൊപ്പി മരിച്ചു. അതേ ഉള്ളൂ വഴി. നോർമൽ ലൈഫിലേക്ക്, നോർമൽ മനുഷ്യനായി തിരിച്ചു പോവുക.. ലൈവ് നിർത്താൻ തോന്നുന്നില്ല, നിർത്തിയാൽ വല്ലാത്ത ഏകാന്തതയാണ്. മതി. എല്ലാം നിർത്തുകയാണ്..’ -എന്ന് പറഞ്ഞാണ് നിഹാദ് യൂട്യൂബ് ലൈവ് അവസാനിപ്പിക്കുന്നത്.
Mrz Thoppi എന്ന പേരിലുള്ള യൂട്യൂബ് ചാനലിലൂടെയാണ് ​കണ്ണൂർ സ്വദേശിയായ നിഹാദ് ചുരുങ്ങിയ കാലം കൊണ്ട് സോഷ്യൽ മീഡിയയിൽ വൈറലായത്. 8.72 ലക്ഷം സബ്സ്ക്രൈബേഴ്സ് ഉണ്ട്. സ്ത്രീത്വത്തെ അപമാനിച്ചതിന്റെയും അശ്ലീല പദപ്രയോഗങ്ങൾ നടത്തിയതിന്റെയും പേരിൽ നിരവധി തവണ വിവാദത്തിലായിട്ടുണ്ട്. സ്കൂൾ വിദ്യാർഥികളാണ് തൊപ്പിയുടെ വിഡിയോകളുടെ സ്ഥിരം കാഴ്ചക്കാർ. തൊപ്പി പങ്കെടുത്ത ഉദ്ഘാടന ചടങ്ങുകളിൽ കുട്ടികൾ കൂട്ടമായെത്തിയതും റോഡ് ബ്ലോക്കായതും വിവാദമായിരുന്നു. പൊതുസ്ഥലത്ത് അശ്ലീല പരാമർശങ്ങൾ നടത്തിയതിനും ഗതാഗതം തസപ്പെടുത്തിയതിനും 'തൊപ്പി'ക്കെതിരെ കേസെടുക്കുകയും താമസസ്ഥലത്തിന്റെ വാതിൽ തകർത്ത് അറസ്റ്റ് ചെയ്യുകയും ചെയ്തിരുന്നു.

‘തൊപ്പി മരിച്ചു, ഇനി നിഹാദായി ജീവിക്കും...;പിറന്നാൾ ദിനത്തിൽ ലൈവുമായി യൂട്യൂബർ തൊപ്പി

ചങ്ങനാശ്ശേരി: സുരേഷ് ഗോപി പാർട്ടി പരിപാടിയിൽ അപമാനിച്ചെന്ന് ബി.ജെ.പി പ്രാദേശിക നേതാവിൻ്റെ പരാതി. ചങ്ങനാശ്ശേരി മണ്ഡലം ജനറല്‍ സെക്രട്ടറി കണ്ണൻ പായിപ്പാട് പ്രധാനമന്ത്രിക്കു പരാതി നൽകി. വെളളിയാഴ്ച നടന്ന പരിപാടിയിൽ സുരേഷ് ഗോപി ഒരു മണിക്കൂർ നേരത്തെ എത്തിയിരുന്നെങ്കിലും വേദിയിൽ ഇരിക്കാൻ കൂട്ടാക്കിയില്ലെന്നും കണ്ണൻ പായിപ്പാട് പറയുന്നു.
നിവേദനം നൽകാൻ എത്തിയവരെ 'ഞാൻ നിങ്ങളുടെ എംപി അല്ലെ'ന്ന് പറഞ്ഞ് അധിക്ഷേപിച്ചുവെന്നും കണ്ണൻ ആരോപിക്കുന്നു.സുരേഷ് ഗോപിയുടെ പ്രവൃത്തി പ്രവർത്തകരുടെയും അണികളുടെയും ഇടയിൽ മാനക്കേടുണ്ടാക്കിയെന്നും പരാതിയുണ്ട്‌. എന്നാൽ പരാതിയെക്കുറിച്ച് അറിയില്ലെന്നാണ് ജില്ലാ നേതൃത്വം പറയുന്നത്.

നിവേദനം നൽകാൻ എത്തിയവരെ അധിക്ഷേപിച്ചു;സുരേഷ് ഗോപിക്കെതിരെ പരാതിയുമായി ബിജെപി പ്രാദേശിക നേതാവ്

ദി ലവ് ബോട്ട്' എന്ന ടിവി ഷോയിലെ തീം സോങ്ങിലൂടെ പ്രശസ്തനായ ഗായകൻ ജാക്ക് ജോൺസ് (86 ) അന്തരിച്ചു. രക്താർബുദത്തെ തുടർന്ന് കാലിഫോർണിയയിലായിരുന്നു അന്ത്യം.&nbsp;
ഹിറ്റ്ചാർട്ടുകളിൽ ഇടംനേടിയ ദ റേസ് ഈസ് ഓൺ (1965), ദ ഇംപോസിബിൾ ഡ്രീം (ദ ക്വെസ്റ്റ്), ലേഡി, ലോലിപോപ്പ് എന്നിവ ഇദ്ദേഹത്തിന്റെ പ്രശസ്ത ഗാനങ്ങളാണ്. ലോലിപോപ്പ്സ് ആൻഡ് റോസസ്, വൈവ്സ് ആൻഡ് ലവേഴ്സ് തുടങ്ങിയ ഗാനങ്ങൾക്ക് 1960-കളിൽ രണ്ട് ഗ്രാമി പുരസ്കാരങ്ങൾ നേടിയിട്ടുണ്ട്.

ഹോളിവുഡ് ഗായകൻ ജാക്ക് ജോൺസ് അന്തരിച്ചു

കോഴിക്കോട്: പിവി അൻവറിന് പിന്നാലെ സിപിഎമ്മിനെതിരെ രൂക്ഷവിമർശനമുയർത്തി കൊടുവളളിയിലെ മുൻ എംഎൽഎ കാരാട്ട് റസാഖ്. മന്ത്രി റിയാസ് മുഹമ്മദിനെതിരെയും അദ്ദേഹം വിമർശനങ്ങൾ ഉയർത്തി. ഒരാഴ്ചയ്ക്കുളളിൽ തന്റെ ആവശ്യങ്ങൾ അംഗീകരിച്ചില്ലെങ്കിൽ മാറി ചിന്തിക്കുമെന്നും റസാഖ് പറഞ്ഞു.
'റിയാസ് പാർട്ടിയെ ഹൗജാക്ക് ചെയ്യുകയാണ്. തന്നെ തോൽപ്പിക്കാൻ ഗൂഢാലോചന നടത്തുകയും തന്റെ വികസന പ്രവ‌ർത്തനങ്ങൾ അട്ടിമറിക്കാനും ശ്രമിച്ചു,​റിയാസിനെ കൂട്ടുപിടിച്ച് കൊടുവള്ളി എംഎൽഎയും ലീഗ് പ്രവർത്തകരും വികസനം അട്ടിമറിക്കുകയാണ്. ഇക്കാര്യങ്ങൾ പരിഹരിക്കണമെന്ന് സിപിഎം ലോക്കൽ ഏരിയ കമ്മിറ്റികൾക്ക് പരാതി കത്തായി നൽകിയിരുന്നു. മൂന്ന് വർഷമായി ഇതിന് മറുപടി കിട്ടിയിട്ടില്ല. അതിനായി ഒരാഴ്ചയോ പത്ത് ദിവസമോ കാത്തിരിക്കും. അതിനുശേഷം നിലപാട് പ്രഖ്യാപിക്കും.
മുഖ്യമന്ത്രി പിണറായി വിജയനോടോ സിപിഎം സംസ്ഥാന-ജില്ലാ നേതൃത്വത്തോടോ ഇതുവരെ അഭിപ്രായ വ്യത്യാസമില്ല. ലോക്കൽ-ഏരിയ കമ്മിറ്റികളുമായാണ് പ്രശ്നം. ഇപ്പോഴും ഇടത് സഹയാത്രികൻ തന്നെയാണ്. അൻവറിനൊപ്പം പോകുന്ന കാര്യം ഇതുവരെയായിട്ടും തീരുമാനിച്ചിട്ടില്ല. അൻവർ ഉന്നയിച്ച സ്വർണ്ണക്കടത്ത് ആരോപണങ്ങളെ കുറിച്ച് കൂടുതൽ പറയുന്നില്ല. ഇന്നലെ അൻവറിനെ കണ്ട ശേഷം നിരവധി യുഡിഎഫ് എൽഡിഎഫ് പ്രവർത്തകർ പിന്തുണയുമായി വന്നിരുന്നു.മദ്രസ ബോർഡ് ചെയർമാൻ സ്ഥാനത്ത് നിന്ന് നീക്കിയാൽ ആ സ്ഥാനം ഒഴിയും. കാറിൽ നിന്ന് ബോർഡ് ഇതിനോടകം തന്നെ നീക്കിയിട്ടുണ്ട്. പുതിയ പാർട്ടി പോലും രൂപീകരിച്ചേക്കും. അതിലും തീരുമാനമെടുത്തിട്ടില്ല.അദ്ദേഹം പ്രതികരിച്ചു.

അൻവറിന് പിന്നാലെ സിപിഎമ്മിനെ വിമർശിച്ച് കാരാട്ട് റസാഖ്

തിരുവനന്തപുരം: സംസ്ഥാനത്തെ മഞ്ഞ, പിങ്ക് റേഷന്‍ കാര്‍ഡുകളുടെ മസ്റ്ററിങ് നവംബര്‍ അഞ്ച് വരെ നീട്ടി. കിടപ്പ് രോഗികള്‍ക്കും കുട്ടികള്‍ക്കും വീട്ടിലെത്തി മസ്റ്ററിങ് സൗകര്യം ഒരുക്കും.മുന്‍ഗണനാ വിഭാഗത്തില്‍പെട്ട മുഴുവന്‍ ആളുകള്‍ക്കും റേഷന്‍ കാര്‍ഡ് മസ്റ്ററിങ് പൂര്‍ത്തിയാക്കാനുള്ള സമയം നല്‍കുമെന്നും പിങ്ക് വിഭാഗത്തില്‍പെട്ട 83.67% പേര്‍ മസ്റ്ററിങ് പൂര്‍ത്തിയാക്കിയെന്നും ഭക്ഷ്യ പൊതുവിതരണ വകുപ്പ് മന്ത്രി ജി.ആര്‍ അനില്‍ അറിയിച്ചു.
മുന്‍ഗണനാ റേഷന്‍ കാര്‍ഡുകളുള്ള 16 ശതമാനത്തോളംപേര്‍ കൂടി സംസ്ഥാനത്ത് മസ്റ്ററിങ് പൂര്‍ത്തിയാക്കാനാളുള്ള സാഹചര്യത്തിലാണ് സമയപരിധി നീട്ടിയത്. മസ്റ്ററിങ് പൂര്‍ത്തീകരിക്കുന്ന പ്രവര്‍ത്തിയില്‍ മുന്നില്‍ നില്‍ക്കുന്ന ആദ്യ അഞ്ച് സംസ്ഥാനങ്ങളില്‍ ഒന്ന് കേരളമാണെന്നും മന്ത്രി വ്യക്തമാക്കി.ആദ്യ ഘട്ടത്തില്‍ സെപ്റ്റംബര്‍ 18-ന് തുടങ്ങി ഒക്ടോബര്‍ 8-ന് അവസാനിക്കുന്ന വിധത്തിലാണ് മുന്‍ഗണനാ കാര്‍ഡുകളുടെ മസ്റ്ററിങ് തീരുമാനിച്ചിരുന്നത്. എന്നാല്‍ 80% കാര്‍ഡ് ഉടമകളുടെ മസ്റ്ററിങ് മാത്രമാണ് അന്ന് പൂര്‍ത്തിയായത്. ഇതോടെ ഒക്ടോബര്‍ 25 വരെ നീട്ടി. ഇതിനുശേഷവും 16% പേര്‍ അവശേഷിച്ചു. ഇതോടെയാണ് വീണ്ടും നവംബര്‍ അഞ്ച് വരെ നീട്ടിയത്. സുപ്രീം കോടതി ഉത്തര് അനുസരിച്ച് കേന്ദ്ര സര്‍ക്കാരിന്റെ നിര്‍ദേശപ്രകാരമാണ് മഞ്ഞ, പിങ്ക് റേഷന്‍ കാര്‍ഡുകാരുടെ ഇ-കെവൈസി അപ്‌ഡേഷന്‍ തുടങ്ങിയത്.

റേഷന്‍ കാര്‍ഡുകളുടെ മസ്റ്ററിങ് നവംബര്‍ അഞ്ച് വരെ നീട്ടി

പലർക്കും ഇഷ്ടമുള്ളൊരു ധാന്യമാണ് റാ​ഗി. അരി, ചോളം അല്ലെങ്കിൽ ഗോതമ്പ് എന്നിവയുമായി താരതമ്യപ്പെടുത്തുമ്പോൾ റാ​ഗിയിൽ പോളിഫെനോളുകളും നാരുകളും ധാരാളമായി അടങ്ങിയിരിക്കുന്നു. കുറഞ്ഞ ഗ്ലൈസെമിക് സൂചിക ഭക്ഷണത്തിന്റെ ആസക്തി കുറയ്ക്കുകയും ദഹനത്തിന്റെ വേഗത നിലനിർത്തുകയും ചെയ്യുന്നു. റാ​ഗി ദെെനംദിന ഭക്ഷണത്തിൽ പലരീതിയിൽ ഉൾപ്പെടുത്താം. കുട്ടികൾക്കും മുതിർന്നവർക്കും ഒരു പോലെ ഇഷ്ടമാകുന്ന റാ​ഗി ലഡു തയ്യാറാക്കിയാലോ?...
വേണ്ട ചേരുവകൾ…
റാഗി മാവ് 1 കപ്പ്
കശുവണ്ടി 1 പിടി
വെള്ളം അരകപ്പ്
ശർക്കര 150 ഗ്രാം
ഏലയ്ക്ക 3 എണ്ണം പൊടിച്ചത്
നെയ്യ് ആവശ്യത്തിന്
തയ്യാറാക്കുന്ന വിധം…
ആദ്യം ഒരു പാനിലേക്ക് അൽപം നെയ്യൊഴിച്ച് ചൂടാക്കുക. റാഗി മാവ് ചേർത്ത് ചെറിയ തീയിൽ അഞ്ച് മിനുട്ട് നേരം വറുത്ത് എടുക്കുക. ശേഷം വീണ്ടും പാനിലേക്ക് കുറച്ച് നെയ്യൊഴിച്ച് ചൂടാക്കി കശുവണ്ടി വറുത്ത് മാറ്റി വയ്ക്കുക. ഒരു പാത്രത്തിൽ കുറച്ച് വെള്ളമൊഴിച്ച് ചൂടാക്കി ശർക്കര ചേർത്ത് ശർക്കര ഉരുകുന്നത് വരെ ഇളക്കുക.&nbsp;
ശർക്കര ഉരുകി കഴിഞ്ഞാൽ സ്റ്റൗ ഓഫ് ചെയ്യുക. ശേഷം ശർക്കര സിറപ്പ് അരിച്ചെടുത്ത് മാറ്റിവയ്ക്കുക. ഒരു വലിയ പാത്രത്തിൽ റാഗി മാവ് എടുത്ത്, വറുത്ത കശുവണ്ടി, ഏലക്കയ്‌പ്പൊടി, ശർക്കര പാനി, നെയ്യ് എന്നിവ ചേർത്ത് നന്നായി ഇളക്കുക. ശേഷം ഒരു ചെറിയ ഭാഗം എടുത്ത് അതിൽ നിന്ന് ചെറിയ ഉരുളകളാക്കുക. റാഗി ലഡു തയ്യാറായി.

ദീപാവലിക്ക്  മധുരം പകരാൻ  റാ​ഗി ലഡു തയ്യാറാക്കാം

Health

തിരുവനന്തപുരം: മറുനാടൻ മലയാളി എഡിറ്റർ ഷാജൻ സ്കറിയക്കെതിരെ വീണ്ടും കേസ്. ഭീഷണിപ്പെടുത്തി പണം തട്ടാൻ ശ്രമിച്ചെന്ന പരാതിയിൽ തിരുവനന്തപുരം മെഡിക്കൽ കോളജ് പൊലീസ് ആണ് കേസെടുത്തത്. കേരള കോൺഗ്രസ് എം സംസ്ഥാന സമിതിയംഗം എ.എച്ച് ഹഫീസ് നൽകിയ പരാതിയിലാണ് പൊലീസ് നടപടി.
പാലക്കാട്ടെ ആർ.എസ്.എസ് പ്രവർത്തകൻ സഞ്ജിത്ത് കൊല്ലപ്പെട്ട സംഭവുമായി ബന്ധപ്പെട്ട് പ്രതികളെ കോട്ടയം ജില്ലയിലെ മുണ്ടക്കയത്തുള്ള ബേക്കറിയിൽ ഹഫീസ് ഒളിപ്പിച്ചുവെന്ന തരത്തിലുള്ള വാർത്ത മറുനാടൻ മലയാളി യൂട്യൂബിലും ഫേസ്ബുക്കിലും പോസ്റ്റ് ചെയ്തിരുന്നു.
തുടർന്ന് ഹഫീസുമായി ബന്ധപ്പെട്ട എഡിറ്റർ ഷാജൻ സ്കറിയ 15 ലക്ഷം രൂപ നൽകണമെന്ന് ആവശ്യപ്പെട്ടെന്നും പണം ലഭിച്ച ശേഷമെ വിഡിയോ ഡിലീറ്റ് ചെയ്യുകയുള്ളൂവെന്ന് ഭീഷണിപ്പെടുത്തുകയും ചെയ്തെന്നുമാണ് പരാതിയിലുള്ളത്.യൂട്യൂബിലും ഫേസ്ബുക്കിലും നിരന്തരം വ്യാജവാർത്തകൾ പ്രചരിപ്പിച്ചും ഭീഷണിപ്പെടുത്തിയും പണം വാങ്ങുകയാണ് ഷാജൻ സ്കറിയയുടെ ലക്ഷ്യമെന്നും പരാതിയിൽ പറയുന്നു.

ഭീഷണിപ്പെടുത്തി പണംതട്ടാൻ ശ്രമിച്ചു: ഷാജൻ സ്കറിയക്കെതിരെ വീണ്ടും കേസ്

പാലക്കാട്: പശ്ചാത്താപം ഉണ്ടെങ്കില്‍ ശരത് ലാലിന്റെയും കൃപേഷിന്റെയും സ്മൃതിമണ്ഡപങ്ങള്‍ കൂടി സരിന്‍ സന്ദര്‍ശിക്കണമെന്ന് ഷാഫി പറമ്പില്‍.സരിന്‍ കോണ്‍ഗ്രസ് നേതാക്കളുടെ ശവകുടീരങ്ങള്‍ സന്ദര്‍ശിക്കുന്നത് തുടര്‍ പരിപാടിയായ സാഹചര്യത്തിലാണ് ഷാഫിയുടെ പ്രതികരണം. വെളളിയാഴ്ച കെ.കരുണാകരന്റെ സ്മൃതിമണ്ഡപം സന്ദര്‍ശിച്ച സരിന്‍ ശനിയാഴ്ച രാവിലെ പുതുപ്പള്ളിയില്‍ ചെന്ന് ഉമ്മന്‍ ചാണ്ടിയുടെ ശവകുടീരം സന്ദര്‍ശിച്ചിരുന്നു.
അതിനിടെ കോണ്‍ഗ്രസ് നേതാക്കളുടെ ശവകുടീരങ്ങള്‍ സരിന്‍ സന്ദര്‍ശിക്കുന്നത് പാര്‍ട്ടി തിരുമാനപ്രകാരമല്ലെന്ന് സി.പി.എം നേതൃത്വം പ്രതികരിച്ചിരുന്നു.2019 ഫെബ്രുവരി 17-നാണ് യൂത്ത് കോണ്‍ഗ്രസ് പ്രവര്‍ത്തകരായ ശരത്‌ലാലും കൃപേഷും കൊല്ലപ്പെട്ടത്.&nbsp;

സരിന് പശ്ചാത്താപമുണ്ടെങ്കില്‍ ശരത്‌ലാലിന്റെയും കൃപേഷിന്റെയും ശവകുടീരങ്ങള്‍ കൂടി സന്ദര്‍ശിക്കണം;ഷാഫി പറമ്പില്‍

പൃഥ്വിരാജ് സുകുമാരനെ നായകനാക്കി അമൽ നീരദ് സംവിധാനം ചെയ്ത മാസ്സ് ആക്ഷൻ ത്രില്ലർ ചിത്രം അൻവർ കേരളത്തിലെ ലിമിറ്റഡ് സ്‌ക്രീനുകളിൽ വീണ്ടും റിലീസ് ചെയ്തു. കേരളത്തിലെ പ്രധാന നഗരങ്ങളിൽ ഒക്ടോബർ 25-ന് റീ റിലീസ് ചെയ്ത ചിത്രം നൂതനമായ ദൃശ്യ- ശബ്ദ മികവോടെയാണ് പ്രദർശനം ആരംഭിച്ചത്. 14 വർഷത്തിന് ശേഷമാണ് ഈ പൃഥ്വിരാജ് ചിത്രം റീ റിലീസ് ചെയ്തിരിക്കുന്നത്.
ഡോൾബി അറ്റ്മോസ് ഫോർ കെയിലാണ് ചിത്രം വീണ്ടും പ്രേക്ഷകരെ ത്രസിപ്പിക്കാനെത്തിയത്. സെലിബ്സ് ആൻഡ് റെഡ് കാർപെറ്റിന്റെ ബാനറിൽ രാജ് സക്കറിയാസ് നിർമിച്ച ഈ ചിത്രം ആദ്യം റിലീസ് ചെയ്തത് 2010-ലാണ്. ഈ ചിത്രത്തെ ആസ്പദമാക്കി ഒരു ഹിന്ദി വെബ് സീരീസും ഒരുങ്ങുന്നുണ്ട്. "കശ്മീർ കാബൂൾ കറാച്ചി" എന്ന പേരിൽ ഒരുങ്ങുന്ന ഈ വെബ് സീരിസ് 2025-ൽ റിലീസ് ചെയ്യും. ഇത് കൂടാതെ ചിത്രത്തിന്റെ രണ്ടാം ഭാഗവും ആലോചനയിലുണ്ടെന്നും നിർമാതാവ് അറിയിച്ചു.
സാഹിത്യകാരനായ ഉണ്ണി ആർ, അമൽ നീരദ് എന്നിവർ ചേർന്ന് രചിച്ച ചിത്രത്തിൽ പൃഥ്വിരാജ് സുകുമാരനൊപ്പം പ്രകാശ് രാജ്, ലാൽ, മംമ്‌ത മോഹൻദാസ്, അസിം ജമാൽ, സമ്പത് രാജ്, ജിനു ജോസെഫ്, സുധീർ കരമന, സായ് കുമാർ, ഗീത, നിത്യ മേനോൻ, സലിം കുമാർ, ശ്രീജിത്ത് രവി എന്നിവരാണ് മറ്റു പ്രധാന താരങ്ങൾ.

പൃഥ്വിരാജ് ചിത്രം 'അൻവർ' വീണ്ടും തീയേറ്ററുകളിൽ

പേരാമ്പ്ര: കലോത്സവങ്ങൾ നാടിന്റെ ഉത്സവമാണ് എന്നും, കലോത്സവ വേദികൾ ജാതി - മത - രാഷ്ട്രീയത്തിന് അതീതമായി സ്നേഹത്തിന്റെയും സൗഹാർദ്ധത്തിന്റെയും വേദികളാണെന്നും പ്രശസ്ത സിനിമ പിന്നണി ഗായകൻ അജയ് ഗോപാൽ. ചെറുവണ്ണൂർ ഗ്രാമ പഞ്ചായത്ത്‌ ബാലകലോത്സവവും അറബിക് സാഹിത്യോത്സവവും ആവള യു പി സ്കൂളിൽ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ചെറുവണ്ണൂർ ഗ്രാമ പഞ്ചായത്ത്‌ പ്രസിഡന്റ്‌ എൻ. ടി ഷിജിത്ത് അധ്യക്ഷത വഹിച്ചു.&nbsp;
ജില്ലാ പഞ്ചായത്ത്‌ മെമ്പർ സി. എം ബാബു, ബ്ലോക്ക്‌ മെമ്പർ കെ അജിത, ഗ്രാമപഞ്ചായത്ത്‌ അംഗങ്ങളായ ആദില നിബ്രാസ്, ശ്രീഷ ഗണേഷ്, പി. മോനിഷ, എൻ. ആർ രാഘവൻ, എം. എം രഘുനാഥ്, കെ. എം ബിജിഷ, വി. പി പ്രബിത, ഷൈജ ഇ. ടി, ബാലകൃഷ്ണൻ എ. കെ, എ. കെ ഉമ്മർ, ബിജു കെ. പി, ഷോഭിഷ് ആർ. പി, ഇ. കെ സുബൈദ, പി മുംതാസ്, പി.ടി. എ പ്രസിഡന്റ്‌ ഷാനവാസ്‌ കൈവേലി, ബാബു അരീക്കൽ, വിജയൻ ആവള, നഫീസ കോയിലോത്ത്, ഒ മമ്മു, കോയിലോത്ത് ഗംഗാധരൻ, ടി. കെ രജീഷ്, കെ അപ്പുക്കുട്ടി, വിജേഷ് നിരാമയം, കെ.സുലൈഖ എന്നിവർ സംസാരിച്ചു. ലോഗോ രൂപകൽപ്പന ചെയ്ത ശരത് എടവരാടിന് സ്നേഹോപഹാരം നൽകി ആദരിച്ചു. സ്വാഗതസംഘം ജനറൽ കൺവീനർ ജി സ്മിത സ്വാഗതവും പി ഇ സി കൺവീനർ ബിജുന നന്ദിയും പറഞ്ഞു.

കലോത്സവങ്ങൾ നാടിന്റെ ഉത്സവങ്ങൾ; അജയ് ഗോപാൽ

Perambra

കോട്ടയം: പുതുപ്പള്ളിയില്‍ ഉമ്മന്‍ചാണ്ടിയുടെ കല്ലറ സന്ദര്‍ശിച്ച് പാലക്കാട്ടെ ഇടത് സ്ഥാനാര്‍ഥി പി. സരിന്‍. ഉമ്മന്‍ചാണ്ടിക്കു മുന്നിൽ ഏഴെട്ട് വര്‍ഷം എങ്ങനെയാണോ നിന്നത് അതേരീതിക്ക് തന്നെയാണ് ഇന്നും നിന്നത്. അങ്ങനെയല്ലാതെ നില്‍ക്കുന്നവരെ അദ്ദേഹത്തിനറിയാമെന്നും പി. സരിന്‍ പറഞ്ഞു.
'പറയാനുള്ളത് ഇവിടെ പറഞ്ഞിട്ടാണ് എല്ലാം ചെയ്തിട്ടുള്ളത്. വരണമെന്ന് തോന്നി, വന്നു'- പി.സരിന്‍ പറഞ്ഞു. മാധ്യമങ്ങള്‍ക്കെതിരെ എന്‍.എന്‍ കൃഷ്ണദാസിന്റെ പരാമര്‍ശം എന്താണെന്ന് തനിക്കറിയില്ല. മാധ്യമപ്രവര്‍ത്തനത്തിന്റെ അന്തസ് ചോദ്യംചെയ്യുന്ന തരത്തില്‍ എന്തെങ്കിലും പരമാര്‍ശം അദ്ദേഹത്തിന്റെ ഭാഗത്തുനിന്ന് വന്നിട്ടുണ്ടെങ്കില്‍ താന്‍ മാപ്പ് ചോദിക്കുന്നുവെന്നും സരിന്‍ പറഞ്ഞു.

ഉമ്മന്‍ചാണ്ടിയുടെ കല്ലറ സന്ദര്‍ശിച്ച് പി. സരിന്‍

വടകര: മൊബൈൽ ഫോണുകളുടെ അതിപ്രസരമുള്ള പുതിയ കാലത്ത് കുട്ടികളിൽ വായനാശീലം വളർത്തിയെടുക്കാനുള്ള പ്രത്യേക ഇടപെടലുകൾ നടത്താൻ എല്ലാവരും ശ്രദ്ധിക്കണമെന്ന് കെ.കെ രമ എം.എൽ.എ. 2023-24 വർഷത്തെ എം എൽ എ യുടെ പ്രത്യേക വികസന ഫണ്ടിൽ നിന്നും വടകര മണ്ഡലത്തിലെ വിദ്യാലയങ്ങളിലെ ലൈബ്രറിയിലേക്കും, വായനശാലകളിലേക്കുമായി വാങ്ങിയ പുസ്തകങ്ങളുടെ വിതരണോദ്‌ഘാടനം നിർവഹിച്ച് സംസാരിക്കുകയായിരുന്നു അവർ. പാഠ്യവിഷയങ്ങളിൽ മാത്രം ഒതുങ്ങാതെ കൂടുതൽ പുസ്തകങ്ങളെ വായിക്കാനും അറിയാനും സ്കൂളുകളിൽ തന്നെ കുട്ടികൾക്ക് അവസരങ്ങൾ രൂപപ്പെടണം. ഇതിനു സഹായകമാവുംവിധം സ്കൂൾ ലൈബ്രറികളെ പരീഷ്കരിക്കുക എന്ന ലക്ഷ്യത്തോടെയാണ് മണ്ഡലത്തിലെ വിദ്യാലയങ്ങളിലെ ലൈബ്രറികളിലേക്ക് എംഎൽഎ ഫണ്ട് ഉപയോഗിച്ച് പുസ്തകങ്ങൾ വാങ്ങി നൽകാൻ ഉദ്ദേശിച്ചത്. കുട്ടികളിലെ സർഗ്ഗാത്മകത വളർത്തിയെടുക്കുന്നതിന് എല്ലാവരുടെയും ഒറ്റക്കെട്ടായ ഇടപെടൽ ആവശ്യമാണെന്നും എംഎൽഎ പറഞ്ഞു.
ഓർക്കാട്ടേരി നോർത്ത് യു.പി സ്കൂളിൽ വച്ചു നടന്ന ചടങ്ങിൽ ഗ്രാമപഞ്ചായത്ത് പ്രസിഡന്റ് ടി.പി മിനിക അധ്യക്ഷത വഹിച്ചു. ഹെഡ് ടീച്ചർ അജിത.പി.പി സ്വാഗതം പറഞ്ഞു. പി.ടി.എ പ്രസിഡന്റ് പ്രജിത്ത് സ്നേഹശ്രീ, ജയൻ, ബിന്ദു, വിനോദ് എന്നിവർ സംസാരിച്ചു. വിവിധ സ്‌കൂളുകളുടെയും വായന ശാലകളുടെയും പ്രതിനിധികൾ എം.എൽ.എയിൽ നിന്നും പുസ്തകങ്ങൾ ഏറ്റുവാങ്ങി.

കുട്ടികളിൽ വായനശീലം വളർത്തിയെടുക്കാൻ പ്രത്യേക ശ്രദ്ധ ചെലുത്തണം; കെ.കെ രമ എം.എൽ.എ

അഴിയൂർ: അഴിയൂർ ഗവ ഹയർ സെക്കന്ററി സ്കൂളിൽ നടന്ന ചോമ്പാല സബ് ജില്ല ശാസ്ത്ര -ഗണിത -ശാസ്ത്ര മേളയ്ക്ക് സ്കൂൾ പൂർവ്വ വിദ്യാർത്ഥി സംഘടനയായ ഓർമ്മച്ചെപ്പിന്റെ സംഭാവനയായ പതിനായിരം രൂപയുടെ ചെക്ക് സ്കൂൾ പിടിഎ പ്രസിഡണ്ട് നവാസ് നെല്ലോളിക്ക് ഓർമ്മച്ചെപ്പ് പ്രസിഡണ്ട് കാസിം ഹാജി നെല്ലോളിയുടെ നേതൃത്വത്തിൽ കൈമാറി. ഭാരവാഹികളായ എ വിജയരാഘവൻ, മുബാസ് കല്ലേരി, വി പി സുരേന്ദ്രൻ, വി പി അനിൽ കുമാർ, പാമ്പള്ളി ബാലകൃഷ്ണൻ, ഹുമൈദ എസ് പി, സീമന്തിനി പി, മാലതി കൃഷ്ണൻ എൻ, നിസാർ വി കെ എന്നിവർ പങ്കെടുത്തു.&nbsp;

ഓർമ്മച്ചെപ്പിന്റെ സഹായം കൈമാറി

നാദാപുരം: ആഭ്യന്തരവകുപ്പിന്റെ സഞ്ചാരവും വഴിവിട്ട ബന്ധങ്ങളും സംസ്ഥാനത്തിന്റെ തകർച്ചക്ക് കാരണമാകുമെന്ന് എസ്ഡിപിഐ സംസ്ഥാന ഉപാധ്യക്ഷൻ പി അബ്ദുൽഹമീദ്. പിണറായി പോലീസ് - ആർഎസ്എസ് കൂട്ടുകെട്ട് കേരളത്തെ തകർക്കുന്നു എന്ന ശീർഷകത്തിൽ സോഷ്യൽ ഡെമോക്രാറ്റിക് പാർട്ടി ഓഫ് ഇന്ത്യ സംസ്ഥാന അടിസ്ഥാനത്തിൽ നടത്തുന്ന കാംപയിൻറെ ഭാഗമായി നാദാപുരം നിയോജകമണ്ഡലം കമ്മിറ്റി ഒക്ടോബർ 22 മുതൽ 25 വരെ സംഘടിപ്പിച്ച വാഹന പ്രചാരണ ജാഥയുടെ സമാപന പൊതുയോഗം നാദാപുരത്ത് ഉദ്ഘാടനം ചെയ്യുകയായിരുന്നു അദ്ദേഹം. പുലിയായി ചിത്രീകരിക്കപ്പെട്ട ഇരട്ടചങ്കൻ എന്ന പിണറായി ആർഎസ്എസിന്റെ അംബാസഡർ ആയി നിയോഗിക്കപ്പെട്ട എഡിജിപി എം ആർ അജിത് കുമാറിന്റെ മുമ്പിൽ എലിയായി മാറുന്ന ദയനീയ ചിത്രമാണ് കേരളീയർ കണ്ടത്.&nbsp;
എഡിജിപിക്കെതിരെയുള്ള തെളിവുകൾ ഒന്നൊന്നായി പുറത്തുവന്നിട്ടും അന്വേഷണ റിപ്പോർട്ടുകൾക്ക് മേൽ ചെറുവിരലനക്കാത്ത മുഖ്യമന്ത്രി പാർട്ടിയുടെ സമ്പൂർണ്ണ പതനത്തിന് വഴിവെക്കുകയാണെന്നും അദ്ദേഹം പറഞ്ഞു. മണ്ഡലം പ്രസിഡൻറ് കെ കെ നാസർ അധ്യക്ഷത വഹിച്ചു. മുഖ്യ പ്രഭാഷണം നടത്തിയ എസ്ഡിപിഐ ജില്ലാ ജനറൽ സെക്രട്ടറി എൻ കെ റഷീദ് ഉമരി കാമ്പയിൻ സന്ദേശം കൈമാറി. മണ്ഡലം സെക്രട്ടറി ജെ പി അബൂബക്കർ , ഇബ്രാഹിം തലായി, സുലൈഖ, അഡ്വ. ഇ കെ മുഹമ്മദലി, ഖാലിദ് പൊയിലങ്കി, സി കെ സുബൈർ, എൻ മുക്താർ, റാജിയ നസീജ്, ഖദീജ സുബൈർ, അസീസ് കെപി എന്നിവർ സംസാരിച്ചു.

ആഭ്യന്തര വകുപ്പിന്റെ സഞ്ചാരം കേരളത്തിന്റെ തകർച്ചക്ക് വഴിയൊരുക്കും; പി അബ്ദുൽഹമീദ്

Nadapuram

പാലക്കാട് : തേങ്കുറിശ്ശി ദുരഭിമാനക്കൊലയില്‍ വിധി പറയുന്നത് തിങ്കളാഴ്ചത്തേക്ക് മാറ്റി. പാലക്കാട് ജില്ലാ സെഷന്‍സ് കോടതിയാണ് കേസില്‍ വിധി പറയുന്നത്. പ്രതികള്‍ക്ക് വധശിക്ഷ നല്‍കണമെന്നാണ് പ്രോസിക്യൂഷന്‍ വാദം.
കൊല്ലപ്പെട്ട അനീഷിന്റെ ഭാര്യ ഹരിതയുടെ അമ്മാവന്‍ ഇലമന്ദം കുമ്മാണി ചെറുതുപ്പല്ലൂര്‍ സുരേഷ് ആണ് ഒന്നാംപ്രതി. ഹരിതയുടെ അച്ഛന്‍ തേങ്കുറുശ്ശി ഇലമന്ദം കുമ്മാണി ചെറുതുപ്പല്ലൂര്‍ പ്രഭുകുമാര്‍ രണ്ടാം പ്രതിയും. 2020 ഡിസംബര്‍ 25- നാണ് ഹരിതയുടെ അച്ഛനും അമ്മാവനും ചേര്‍ന്ന് അനീഷിനെ കൊലപ്പെടുത്തിയത്.
സാമ്പത്തികമായി ഉയര്‍ന്നനിലയിലുള്ള ഹരിതയെ ജാതിയിലും സമ്പത്തിലും അന്തരമുള്ള അനീഷ് പ്രണയിച്ച് വിവാഹം ചെയ്തതിനാണ് വിവാഹത്തിന്റെ 88-ാം ദിവസം സുരേഷും പ്രഭുകുമാറും ചേര്‍ന്ന് അനീഷിനെ കുത്തിക്കൊലപ്പെടുത്തുന്നത്. പെയിന്റിങ് തൊഴിലാളിയായിരുന്നു അനീഷ്. ഇരുവരും സ്‌കൂള്‍ കാലംമുതല്‍ പ്രണയത്തിലായിരുന്നു.

തേങ്കുറിശ്ശി ദുരഭിമാനക്കൊല ; വിധി തിങ്കളാഴ്ചത്തേക്ക് മാറ്റി

അഴിയൂർ: വടകര ബ്ലോക്ക് പഞ്ചായത്തിന്റെ ആഭിമുഖ്യത്തിൽ വയോജനങ്ങൾക്കുള്ള ഗ്രൂപ്പ് കൗൺസിലിംഗ് പ്രോഗ്രാം ബ്ലോക്ക് ഓഫീസ് ഒഡിറ്റോറിയത്തിൽ വെച്ച് സംഘടിപ്പിച്ചു. പരിപാടി ബ്ലോക്ക് പഞ്ചായത്ത് പ്രസിഡണ്ട് കെ.പി. ഗിരിജ ഉദ്ഘാടനം ചെയ്തു. അതുല്യ പി. ചടങ്ങിൽ അദ്ധ്യക്ഷത വഹിച്ചു. പ്രമുഖ മന:ശാസ്ത്രജ്ഞൻ വി.പി. ഗിരീഷ് ബാബു ക്ലാസ്സെടുത്തു. ആരതി കൃഷ്ണ നന്ദി പറഞ്ഞു.

വയോജനങ്ങൾക്കുള്ള ഗ്രൂപ്പ് കൗൺസിലിംഗ് സംഘടിപ്പിച്ചു

Inshort

അഴിയൂർ: മോട്ടോർ ആൻഡ് എഞ്ചിനീയറിംഗ് വർക്കേഴ്സ് യൂണിയൻ (എസ്.ടി.യു) അഴിയൂർ യൂണിറ്റിന്റെ ആഭ്യമുഖ്യത്തിൽ മോട്ടോർ തൊഴിലാളികൾക്കുള്ള ഐ ഡി കാർഡ് വിതരണവും വാർഷിക ജനറൽ ബോഡിയും അഴിയൂർ ലീഗ് ഹൗസിൽ വെച്ച് നടന്നു. മോട്ടോർ ഫെഡറേഷൻ വടകര മണ്ഡലം പ്രസിഡന്റ്‌ വികെ നിസാറിന്റെ അധ്യക്ഷതയിൽ കോഴിക്കോട് ജില്ലാ പ്രസിഡന്റ്‌ യു എ ഗഫൂർ ഉൽഘടനം നിർവഹിച്ചു.&nbsp;
ജില്ലാ വൈസ് പ്രസിഡന്റ്‌ മജീദ് അറക്കിലാട്‌ മുഖ്യ പ്രഭാഷണം നടത്തി. സ്റ്റേറ്റ് കൗൺസിൽ മെമ്പർ കെ പി ഫർസൽ സ്വാഗതം പറഞ്ഞു. മുസ്ലിം ലീഗ് അഴിയൂർ പഞ്ചായത്ത്‌ പ്രസിഡന്റ്‌ യു എ.റഹീം, മണ്ഡലം ജോയിൻ സെക്രട്ടറി കാസിം നെല്ലോളി, യൂത്ത് ലീഗ് അഴിയൂർ പഞ്ചായത്ത് പ്രസിഡന്റ്‌ ടിസി എച്ച് ജലീൽ എന്നിവർ ആശംസാ പ്രസംഗം നടത്തി. സിറാജ് മൈദാനി പറമ്പിൽ നന്ദി പറഞ്ഞു.

മോട്ടോർതൊഴിലാളികൾക്ക് ഐഡി കാർഡ് വിതരണം ചെയ്തു

വടകര: ഇലക്ട്രിക്കൽ സർക്കിളിന് കീഴിലുള്ള ആഭ്യന്തര പരാതി പരിഹാര സെല്ലുകളുടെ (ഐ ജി ആർ സി) രൂപീകരണം നടത്തി. കൈനാട്ടി രമ്യ ഓഡിറ്റോറിയത്തിൽ ചോറോട് ഗ്രാമപഞ്ചായത്ത് പ്രസിഡണ്ട് പി പി ചന്ദ്രശേഖരൻ ഉദ്ഘാടനം ചെയ്തു. വടകര സർക്കിൾ ഡെപ്യൂട്ടി ചീഫ് എൻജിനീയർ പത്മകുമാർ സിയുടെ അധ്യക്ഷതയിൽ നടന്ന പരിപാടിയിൽ സർക്കിളിന് കീഴിലുള്ള ജീവനക്കാർക്ക് പുറമേ ചോറോട് പഞ്ചായത്ത് അംഗങ്ങളും സമൂഹത്തിന്റെ വിവിധ തുറകളിലുള്ള വൈദ്യുതി ഉപഭോക്താക്കളും ഉൾപ്പെടെ 100ലേറെ പേർ പങ്കെടുത്തു. ഇലക്ട്രിക്കൽ ഡിവിഷൻ വടകര, എക്സിക്യൂട്ടീവ് എൻജിനീയർ വിജയകുമാർ എ സ്വാഗതം പറഞ്ഞു.&nbsp;
കുറ്റ്യാടി അസിസ്റ്റന്റ് എക്സിക്യൂട്ടീവ് എൻജിനീയർ ശ്രീനാഥ് പിടി വിഷയം അവതരിപ്പിച്ചു. ഇലക്ട്രിക്കൽ ഡിവിഷൻ നാദാപുരം എക്സിക്യൂട്ടീവ് എഞ്ചിനീയർ മുഹമ്മദ് കെ കെ, എ എ ഓ ഇൻചാർജ് ആർ എ ഓ ഓഫീസ് വടകര എലിസബത്ത് ഷീന ടി സി, വിവിധ യൂണിയനുകളെ പ്രതിനിധീകരിച്ച് പ്രമോദ് പികെ, ബിജു എം ടി, രഞ്ജിത്ത് കെ കെ, സുദീപ് എംപി, ശശീന്ദ്രൻ കെ, അനിൽകുമാർ ടി കെ എന്നിവർ ആശംസകൾ അർപ്പിച്ചു. പി.എം യു എക്സിക്യൂട്ടീവ് എഞ്ചിനീയർ സുരേഷ് കെ പി നന്ദി അറിയിച്ചു. ദ്വീപിൻദാസ് (അസി. എഞ്ചിനീയർ , ഇലക്ട്രിക്കൽ സെക്ഷൻ വടകര നോർത്ത് ) ഐജിആർസിയെ സംബന്ധിച്ച ക്ലാസ് എടുത്തു.

ഐ ജി ആർ സി രൂപീകരണം നടത്തി

വടകര: മാലിന്യമുക്തം നവകേരളം പദ്ധതിയുടെ ഭാഗമായ് ചോറോട് ഗ്രാമ പഞ്ചായത്ത് നേതൃത്വത്തിൽ ടൗൺ ശുചീകരണം നടത്തുന്നു. നവംബർ ഒന്നിന് ശുചിത്വ നഗരപ്രഖ്യാപനം വള്ളിക്കാട് നടത്തും. ശുചീകരണത്തിൽപഞ്ചായത്ത് അംഗങ്ങൾ, ഹരിത കർമ്മസേനാംഗങ്ങൾ, സി ഡി എസ് അംഗങ്ങൾ, തൊഴിലുറപ്പ് തൊഴിലാളികൾ, വ്യാപാരി വ്യവസായികൾ, ഓട്ടോ റിക്ഷാ ഡ്രൈവർമാർ, ജനകീയ കമ്മിറ്റി അംഗങ്ങൾ, റസിഡൻസ് അസോസിയേഷനുകൾ, രാഷ്ട്രിയ പാർട്ടി പ്രവർത്തകർ, യുവജന സംഘടനകൾ, ക്ലബ്ബുകൾ എന്നിവർ പങ്കെടുക്കും.&nbsp;
വിളംബര ജാഥയ്ക്ക് പഞ്ചായത്ത് പ്രസിഡണ്ട് പി.പി.ചന്ദ്രശേഖരൻ, സ്ഥിരം സമിതി അംഗങ്ങളായ സി.നാരായണൻ, കെ.മധുസൂദനൻ , ശ്യാമള പൂവേരി, വടകര ബ്ലോക്ക് പഞ്ചായത്തംഗം ഗീത മോഹൻ ,പഞ്ചായത്ത് അംഗങ്ങളായ മനീഷ് കുമാർ ടി.പി., പ്രസാദ് വിലങ്ങിൽ, പുഷ്പ മഠത്തിൽ, ജംഷിദ കെ, പ്രിയങ്ക സി.പി, റീന.പി., ലിസി പി,.ലളിത, സബിത. കെ.കെ, ബിന്ദുടി, ഷിനിത ചെറുവത്ത്, ആബിദ വി, സി.സി ഡി എസ് ചെയർപെഴ്സൺ,കെ. അനിത, രാജീവൻ കെ.പി. ,ജനകീയ കമ്മിറ്റി അംഗങ്ങൾ , വരിശ്യക്കുനി സ്കൂൾ വിദ്യാർത്ഥികൾ, വി.ഇ.ഓ വീനീത, എച്ച്.ഐലാൻഷി, ഹരിത സേനാംഗങ്ങൾ എന്നിവർ നേതൃത്വം നൽകി.

'എന്റെ വള്ളിക്കാട് ശുചിത്വ വള്ളിക്കാട്' വിളംബര ജാഥ നടത്തി

മണിയൂർ: പിതാവിൻ്റെ നാമധേയത്തിൽ വിദ്യാലയത്തിൽ സ്റ്റേജ് ഒരുക്കി കുടുംബം മാതൃകയായി. പള്ളിച്ചാങ്കണ്ടി മീത്തൽ കണ്ണൻ്റെ സ്മരണയ്ക്കായാണ് മക്കൾ കുറുന്തോടി എം എൽ പി സ്കൂളിൽ സ്റ്റേജ് യാഥാർത്ഥ്യമാക്കിയത്. മണിയൂർ ഗ്രാമപഞ്ചായത്ത് പ്രസിഡൻ്റ് ടി കെ അഷ്റഫിൻ്റെ സാന്നിധ്യത്തിൽ പ്രൗഢമായ ചടങ്ങിൽ കണ്ണൻ്റെ ഭാര്യ ലീല സ്റ്റേജ് വിദ്യാലത്തിന് സമർപ്പിച്ചു.&nbsp;
വാർഡ് മെമ്പർ ശശിധരൻ കരിമ്പാണ്ടി, തോടന്നൂർ എ ഇ ഓ വിനോദ്, മാനേജർ ചന്ദ്രിക, കെ കെ പ്രദീപൻ, രാധാകൃഷ്ണൻ സി. ഒ, ഒ ഗോപാലകുറുപ്പ്, സുരേഷ്ബാബു, ബാലകൃഷ്ണൻ തുടങ്ങിയവർ സംസാരിച്ചു. പി ടി എ പ്രസിഡൻ്റ് നരേന്ദ്ര നാഥിൻ്റെ അധ്യക്ഷതയിൽ ചേർന്ന യോഗത്തിൽ പ്രധാനാധ്യാപിക പ്രസീന കെ എം സ്വാഗതവും എം പി ടി എ പ്രസിഡൻ്റ് റസീന നന്ദിയും പറഞ്ഞു.

പിതാവിൻ്റെ നാമധേയത്തിൽ വിദ്യാലയത്തിന് സ്റ്റേജ് നിർമ്മിച്ചു നൽകി

പാലക്കാട്: സി.പി.എം. നേതാവ് എൻ.എൻ.കൃഷ്ണദാസ് മാധ്യമങ്ങൾക്കെതിരെ അധിക്ഷേപ പരാമർശം നടത്തിയ സംഭവത്തിൽ പ്രതികരണവുമായി സി.പി.എം. സംസ്ഥാന സെക്രട്ടറി എം.വി.ഗോവിന്ദൻ. സുന്ദരമായ ഭാഷ ഉപയോഗിക്കുന്നതാണ് നല്ല വിമർശനത്തിന് അടിസ്ഥാനമെന്ന് എം.വി. ഗോവിന്ദൻ വ്യക്തമാക്കി. നല്ല വിമർശനങ്ങൾക്ക് നല്ല ഭാഷ ഉപയോഗിക്കുന്നതാണ് നല്ലതെന്നും അദ്ദേഹം കൂട്ടിച്ചേർത്തു.
എത്ര ശക്തമായ വിമർശനവും സുന്ദരമായ ഭാഷ ഉപയോഗിച്ച് നടത്താൻ സാധിക്കുമെന്നും എം.വി. ​ഗോവിന്ദൻ പറഞ്ഞു. മാധ്യമങ്ങൾ ഉപയോഗിക്കുന്ന ഭാഷയിൽ തന്നെയാണ് മാധ്യമങ്ങൾക്ക് വിമർശനമുണ്ടായത്. നിങ്ങൾ ചെയ്തുകൊണ്ടിരിക്കുന്ന പ്രവർത്തികൾക്ക് നിങ്ങൾക്ക് കിട്ടിക്കൊണ്ടിരിക്കുന്ന ഓരോ പദപ്രയോഗങ്ങളാണ് ഇതൊക്കെയെന്നും എം.വി. ഗോവിന്ദൻ മാധ്യമങ്ങളോട് പറഞ്ഞു.

വിമര്‍ശനത്തിന് സുന്ദരമായ ഭാഷവേണം ;  കൃഷ്ണദാസിന്റെ പരാമർശത്തിൽ പ്രതികരണവുമായി എം.വി.ഗോവിന്ദൻ

വെള്ളിയാഴ്ചയിലെ നേരിയ ഇടിവിന് ശേഷം റെക്കോഡ് തിരുത്തി സ്വര്‍ണ വിലയില്‍ കുതിപ്പ്. പവന്റെ വില 520 രൂപ കൂടി 58,880 രൂപയായി. ഗ്രാമിന് 7,360 രൂപയുമായി.
രാജ്യത്തെ കമ്മോഡിറ്റി വിപണിയായ എംസിഎക്‌സിലും സമാനമായ വിലവര്‍ധനവുണ്ടായി. എംസിഎക്‌സില്‍ 10 ഗ്രാം സ്വര്‍ണ്ണത്തിന്റെ വില 7976.3 രൂപയാണ്.ആഗോള ഡിമാന്റിലെ വര്‍ധനവും കറന്‍സി മൂല്യത്തിലെ ഏറ്റക്കുറച്ചിലുമൊക്കെയാണ് സ്വര്‍ണ വിലയെ സ്വാധീനിച്ചത്. ആഗോള അനിശ്ചിതത്വങ്ങള്‍ ഇപ്പോഴും സ്വര്‍ണത്തിന് അനുകൂലമാണ്.&nbsp;

സ്വര്‍ണ വില 59,000നരികെ:  പവന് 520 രൂപ കൂടി

കോഴിക്കോട്: ചേവായൂര്‍ സഹകരണ ബാങ്ക് തിരഞ്ഞെടുപ്പില്‍ മത്സരിക്കുന്ന വിമതര്‍ക്കെതിരേ ഭീഷണിയുമായി കെ.പി.സി.സി അധ്യക്ഷന്‍ കെ. സുധാകരന്‍. കോണ്‍ഗ്രസ് പരാജയപ്പെട്ടാല്‍ പ്രദേശത്ത് ജീവിക്കാന്‍ അനുവദിക്കില്ലെന്നും തടി വേണോ ജീവന്‍ വേണോ എന്ന് ഓര്‍ക്കണമെന്നും സുധാകരന്‍ പറഞ്ഞു. ചേവായൂർ സഹകരണബാങ്ക് തിരഞ്ഞെടുപ്പ് കൺവെൻഷൻ ഉദ്ഘാടനംചെയ്യുകയായിരുന്നു അദ്ദേഹം.
കോണ്‍ഗ്രസിനെ തകര്‍ക്കാന്‍ ചിലര്‍ കരാറെടുത്താണ് വരുന്നത്. അവര്‍ ഒന്നോര്‍ത്തോളൂ എന്തെങ്കിലും സംഭവിച്ചാല്‍ ഈ പ്രദേശത്ത് ജീവിക്കാന്‍ അനുവദിക്കില്ല. ഈ പാര്‍ട്ടിയോട് കൂറില്ലാത്തവരാണ്. കഷ്ടപ്പെടുന്ന പാര്‍ട്ടി പ്രവര്‍ത്തകര്‍ക്ക് ജോലി കൊടുക്കാതെ ആ ജോലി ഇടതുപക്ഷക്കാര്‍ക്കും ബി.ജെ.പിക്കാര്‍ക്കും കൊടുത്ത് പണം വാങ്ങി അതിന്റെ മധുരം നുകരുന്നവരാണ്. അത് അനുവദിക്കില്ലെന്നും സുധാകരന്‍ പറഞ്ഞു.ചേവായൂർ സഹകരണബാങ്കിനെ മറ്റൊരു കരുവന്നൂർ ബാങ്ക് ആക്കിമാറ്റാൻ സമ്മതിക്കില്ല.അട്ടിമറിയിലൂടെ ഇടതുമുന്നണിയെ കൂട്ടുപിടിച്ച് ഭരണംപിടിച്ചെടുക്കാനുള്ള സ്വപ്നം നടക്കില്ലെന്നും കോൺഗ്രസുതന്നെ അധികാരത്തിൽവരുമെന്നും പിന്നിൽനിന്ന് കുത്തിയവരെ വെറുതേവിടില്ലെന്നും അദ്ദേഹം പറഞ്ഞു.
ചേവായൂർ സഹകരണബാങ്ക് ചെയർമാൻ ജി.സി. പ്രശാന്തിനെ സസ്പെൻഡ് ചെയ്തതിലുള്ള പ്രതിഷേധത്തിന്റെ ഭാഗമായി 53 കോൺഗ്രസ് നേതാക്കൾ പാർട്ടി ഭാരവാഹിത്വത്തിൽനിന്ന് രാജിവെച്ചിരുന്നു.

' കോണ്‍ഗ്രസ് പരാജയപ്പെട്ടാല്‍ ജീവിക്കാന്‍ അനുവദിക്കില്ല ' ;വിമതരെ ഭീഷണിപ്പെടുത്തി കെ. സുധാകരൻ

നാദാപുരം: എടച്ചേരി തണൽ വീട്ടിലെ അന്തേവാസികളെ ചേർത്തുപിടിച്ച് നാദാപുരം ജെ സി ഐ സംഘടിപ്പിച്ച രണ്ടു ദിവസം നീണ്ടു നിന്ന ഉല്ലാസയാത്ര മാതൃകാപരം എന്ന് കല്പറ്റ എം എൽ എ ടി. സിദ്ദിഖ് അഭിപ്രായപ്പെട്ടു. വയനാട്ടിലെ വിശ്രമ കേന്ദ്രത്തിൽ യാത്രയ്ക്ക് ആശംസ അർപ്പിക്കാൻ എത്തിയതായിരുന്നു അദ്ദേഹം.&nbsp;
രണ്ട് ബസ്സുകളായി, മാനസിക - ശാരീരിക വെല്ലുവിളി നേരിടുന്ന എൺപത് അന്തേവാസികളുമായി വയനാട്ടിലെ വിവിധ സ്ഥലങ്ങളിലേക്കായിരുന്നു ഉല്ലാസ യാത്ര. അന്തേവാസികൾക്കൊപ്പം ജെ സി ഐ പ്രവർത്തകരെ കൂടാതെ തണലിലെ ഡോക്ടർ, നേഴ്സ്മാർ, പാലിയേറ്റീവ് വളണ്ടിയർമാർ എന്നിവർ യാത്രയിൽ പങ്കാളികളായി. വയനാട്ടിലെ വൈത്തിരി റിസോർട്ട്, കോരപ്പുഴ ഡാം എന്നിവിടങ്ങളിൽ സന്ദർശനം നടത്തിയ സംഘത്തിന് കൽപ്പറ്റയിലെ പ്രമുഖ റെസ്റ്റോറന്റ് സ്വീകരണമൊരുക്കി. ജെ സി ഐ ഭാരവാഹികളായ അജീഷ് ബാലകൃഷ്ണൻ, ഷംസുദ്ദീൻ ഇല്ലത്ത്, ഷംസീർ അഹമ്മദ്, നിയാസ് യുസുഫ്, ഷബാന, കെ.പി.ആർ നാഥൻ, ജാഫർ മരുതേരി,സാജിത ജാബിർ, ഷഫീൽ, തണൽ ഭാരവാഹികളായ ബാബു, വി.പി.പോക്കർ, എ.റഹിം, വി.പി.ബഷീർ ഉസ്മാൻ പാലിയേറ്റീവ് പ്രവർത്തകരായ സി.കെ.ജമീല, അബ്ദുൾ സലാം, തണൽ മാനേജർ ഷാജഹാൻ, കൽപ്പറ്റ കോപ്പർ കിച്ചൺ എം.ഡിയും ജെസിഐ നാദാപുരത്തിന്റെ യുടെ മുൻ ട്രെഷററും ആയ കൊയിലോത്ത് സാജിദ് എന്നിവർ സംബന്ധിച്ചു.

തണൽ അന്തേവാസികൾക്ക് ഉല്ലാസ യാത്രയൊരുക്കി ജെ സി ഐ നാദാപുരം

വടകര: ജില്ലാ ശാസ്ത്ര നാടക മത്സരത്തിൽ മേമുണ്ട ഹയർസെക്കണ്ടറി സ്കൂൾ അവതരിപ്പിച്ച ശാസ്ത്ര നാടകം 'തല' എ ഗ്രേഡോടെ ഒന്നാം സ്ഥാനം കരസ്ഥമാക്കി സംസ്ഥാന ശാസ്ത്രോത്സവത്തിലേക്ക്. ഇതേ നാടകത്തിലെ ഫിദൽ ഗൗതം മികച്ച നടനായി തെരഞ്ഞെടുക്കപ്പെട്ടു. മികച്ച നാടക രചനയ്ക്കും സംവിധാനത്തിനുമുള്ള അംഗീകാരം ജിനോ ജോസഫിനും ലഭിച്ചു. നിർമ്മിത ബുദ്ധിയാണ് നാടക ഇതിവൃത്തം. അന്ധവിശ്വാസത്തിനും, പ്രകൃതി ചൂഷണത്തിനുമെതിരായ ശക്തമായ സന്ദേശമായി നാടകം. നിറഞ്ഞ കയ്യടികളോടെയാണ് പ്രേക്ഷകർ സ്വീകരിച്ചത്. ഊരിലെ അന്തവിശ്വാസങ്ങൾക്കെതിരെ ശാസത്ര ബോധം ഉയർത്തിപ്പിടിച്ച അച്ഛനും മകനും കേന്ദ്രകഥാപാത്രങ്ങളായാണ് നാടകം വികസിക്കുന്നത്. അന്തവിശ്വാസങ്ങൾ തുറന്ന് കാട്ടിയ അച്ഛനെ ഊരുവിലക്കി നാടുകടത്തിയെങ്കിലും ശാസ്ത്ര വഴി വിടാതെ പിൻതുടർന്ന മകൻ ഊരുകാരുടെ ആരാധനാ മൂർത്തിയായ മാടൻ വല്യച്ഛൻ്റെ തലയോട്ടിക്കകത്ത് എ.ഐ ചിപ്പ്
സ്ഥാപിച്ച് പ്രകൃതി ദുരന്തങ്ങളും മറ്റും കൃത്യമായി പ്രവചിക്കുന്നു. പ്രവചനങ്ങൾ പലതും യാഥാർത്ഥ്യമായപ്പോൾ തലയോട്ടിക്കുള്ളിൽ ഘടിപ്പിച്ച ചിപ്പ് പുറത്തെടുത്ത് ശാസ്ത്ര സത്യം വെളിപ്പെടുന്നിടത്ത് നാടകത്തിന് തിരശ്ചീല വീഴുന്നു. "മരിച്ച് മണ്ണടിഞ്ഞവരുടെ ചിതൽ തിന്ന തലയോട്ടികളല്ല മരണമില്ലാത്ത ചിന്തകൾ പേറുന്നവരുടെ ജീവനുള്ള തലച്ചോറുകളാണ് ചരിത്രം രചിച്ചത്.....മനുഷ്യർ നിർമ്മിച്ച യന്ത്രങ്ങൾ ലോകം നിയന്ത്രിക്കുന്ന കാലത്ത് ഇനിയെങ്കിലും തലച്ചോറ് കൊണ്ട് ചിന്തിക്ക് " നാടകം ആഹ്വാനം ചെയ്യുന്നു.കഴിഞ്ഞ 20 വർഷക്കാലമായി ശാസ്ത്ര നാടകത്തിൽ ജില്ലാ - സംസ്ഥാന തലങ്ങളിൽ ഒന്നാം സ്ഥാനം നേടുന്ന മേമുണ്ട ഹയർ സെക്കൻ്ററി സ്കൂളിലെ യാഷിൻറാം സി എം, ലാമിയ എസ് ആർ, നീഹാർ ഗൗതം വി കെ, അദ്രിനാദ്, ഇഷാൻ, ഫിദൽ ഗൗതം, ഹരിദേവ് ഒതയോത്ത്, വേദിക നിധിൻ എന്നിവരാണ് നാടകത്തെ അരങ്ങിലെത്തിച്ചത്. സയൻസ് അധ്യാപകനായ രാഗേഷ് പുറ്റാറത്ത് നടകസംഘത്തിന് നേതൃത്വം നൽകി.

ശാസ്ത്ര നാടകത്തിൽ മേമുണ്ടയുടെ വിജയഗാഥ; 'തല' എ ഗ്രേഡോടെ സംസ്ഥാന മത്സരത്തിലേക്ക്

കണ്ണൂർ: അച്ഛനെ കുറിച്ചുള്ള അഞ്ച് വയസുകാരന്റെ കരളലിയിപ്പിക്കുന്ന ഒരു കുറിപ്പാണ് ഇപ്പോൾ വൈറലാകുന്നത്. അച്ഛന് സംഭവിച്ച അപകടത്തെ കുറിച്ചും ആശുപത്രിയിൽനിന്ന് അച്ഛനെ കൊണ്ടുവന്നപ്പോൾ സംഭവിച്ചതുമായ കാര്യങ്ങളാണ് കുട്ടി കുറിപ്പില്‍ വിവരിക്കുന്നത്.പയ്യന്നൂർ പൊത്തംകണ്ടം ജി.യു.പി. സ്കൂളിലെ വിദ്യാർഥിയായ ആരവ് പി.പിയാണ് അച്ഛന് സംഭവിച്ച അപകടത്തെക്കുറിച്ച് സ്കൂൾ ഡയറിയിൽ കുറിച്ചത്.
‘കുറച്ച് ദിവസങ്ങൾ‌ മുമ്പ് എന്റെ അച്ഛൻ പണിക്ക് പോയപ്പോൾ വാർപ്പിന്റെ മോളിൽ നിന്നും തായേക്ക് വീണു. കൈയും കാലും ഒടിഞ്ഞിട്ട് ആശുപത്രിയിലായി. രാത്രിയാണ് വീട്ടിൽ വന്നത്. അച്‌ഛനെ എല്ലാരും കൂടി എടുത്ത് വീട്ടിൽ കൊണ്ടുവന്നു കട്ടിൽ കിടത്തി. അച്‌ഛനെ കണ്ടതും ഞാൻ പൊട്ടി കരഞ്ഞു. അച്ഛൻ്റടുത്ത് കിടന്നു. അതുകണ്ട് ആട ഉണ്ടായർക്കു സങ്കടമായി. എല്ലാരും കരഞ്ഞു.’- എന്നാണ് ഒന്നാം ക്ലാസുകാരനായ പി.പി ആരവ് കുറിച്ചിരിക്കുന്നത്.
സങ്കടക്കുറിപ്പ് എന്ന തലക്കെട്ടോടെയാണ് അഞ്ച് വയസുകാരൻ അച്ഛനെ കുറിച്ച് എഴുതിയത്. സ്കൂളിലെ പഠനപ്രവർത്തനത്തിന്റെ ഭാ​ഗമായി എഴുതിയതായിരുന്നു കുറിപ്പ്. ‘ചേർത്തുപിടിക്കുന്നു മോനേ’ എന്ന അടിക്കുറിപ്പോടെ മന്ത്രി വി. ശിവൻകുട്ടി ഇത് ഫെയ്സ്ബുക്കിൽ പോസ്റ്റു ചെയ്യുകയും ചെയ്തു.

'കൈയും കാലും ഒടിഞ്ഞ അച്‌ഛനെ കണ്ടതും ഞാൻ പൊട്ടിക്കരഞ്ഞു',5വയസ്സുകാരന്‍റെ കുറിപ്പ് പങ്കുവെച്ച് മന്ത്രി

പാലക്കാട്: എ.ഡി.എം. നവീന്‍ ബാബുവിന്റെ മരണത്തില്‍ പി.പി.ദിവ്യക്കെതിരെ സംഘടനാപരമായ നടപടിയെടുക്കുമെന്ന് സി.പി.എം. കേന്ദ്രകമ്മിറ്റിയംഗം എ.കെ.ബാലന്‍. ദിവ്യ നല്‍കിയിട്ടുള്ള ജാമ്യാപേക്ഷയില്‍ കോടതി ഉത്തരവ് വന്നാല്‍ പാര്‍ട്ടിതലത്തില്‍ തുടര്‍നടപടികള്‍ ഉണ്ടാകുമെന്ന് അദ്ദേഹം ഉറപ്പുനല്‍കി. ആത്മഹത്യ പ്രേരണാകുറ്റത്തിന് കേസെടുത്തപ്പോള്‍ തന്നെ ജില്ലാ പഞ്ചായത്ത് പ്രസിഡന്റ് സ്ഥാനത്തുനിന്ന് മാറ്റിയതും നടപടിയുടെ ഭാഗമാണെന്ന് ബാലന്‍ പറഞ്ഞു.
എ.ഡി.എമ്മിന്റെ മരണത്തില്‍ പ്രത്യേക അന്വേഷണ സംഘത്തെ വിന്യസിപ്പിച്ചതും അദ്ദേഹം എടുത്തുപറഞ്ഞു. ദിവ്യക്കെതിരേ ആത്മഹത്യ പ്രേരണാകുറ്റം ചുമത്തി കേസെടുക്കുകയും എഫ്.ഐ.ആര്‍ ഇടുകയും ചെയ്തിട്ടുണ്ട്. ഈ കേസ് അന്വേഷിക്കുന്നതിനായി സ്‌പെഷ്യല്‍ ഇന്‍വസ്റ്റിഗേഷന്‍ ടീമിനെയും വെച്ചിട്ടുണ്ട്. കോടതി വിധി വന്നതിന് ശേഷം പാര്‍ട്ടി നടപടിയെടുക്കേണ്ടതുണ്ടോയെന്ന് പരിശോധിക്കുമെന്നും അദ്ദേഹം പറഞ്ഞു.
പാര്‍ട്ടിയുടേതായ തരത്തില്‍ അന്വേഷണം നടത്തി കണ്ടെത്തുന്നതും കോടതിയുടെ നിരീക്ഷണവും രണ്ടാകാതിരിക്കാനാണ് പാര്‍ട്ടി നടപടിക്കായി കോടതി വിധി വരുന്നത് വരെ കാത്തിരിക്കുന്നതെന്നും എ.കെ.ബാലന്‍ പറഞ്ഞു.

ജാമ്യാപേക്ഷയില്‍ ഉത്തരവ് വന്നാല്‍ ദിവ്യക്കെതിരെ പാർട്ടിതലത്തിൽ തുടർനടപടികൾ ഉണ്ടാകുമെന്നുറപ്പ് ; എ.കെ.ബാലൻ

തിരുവനന്തപുരം: മാധ്യമങ്ങള്‍ക്കെതിരെയുള്ള അധിക്ഷേപ പരാമര്‍ശത്തില്‍ മാപ്പ് പറയില്ലെന്ന് സിപിഎം സംസ്ഥാന കമ്മിറ്റി അംഗം എന്‍.എന്‍ കൃഷ്ണദാസ്. മാധ്യമങ്ങള്‍ ഇറച്ചിക്കഷ്ണത്തിനായി കാത്തുനില്‍ക്കുന്ന പട്ടികളെ പോലെയാണ് എന്ന പരാമർശത്തിൽ ഉറച്ചുനില്‍ക്കുന്നുവെന്നും മാധ്യമങ്ങള്‍ വലതുപക്ഷമാണെന്നും കൃഷ്ണദാസ് പറഞ്ഞു.കെ.യു.ഡബ്യു.ജെയുടെ മാപ്പ് ആവശ്യപ്പെട്ടുകൊണ്ടുള്ള പ്രസ്താവന നാലാക്കി മടക്കി പോക്കറ്റിലിട്ടോട്ടെയെന്നും അദ്ദേഹം വ്യക്തമാക്കി.&nbsp;
കഴിഞ്ഞ ദിവസമാണ് എന്‍.എന്‍ കൃഷ്ണദാസ് മാധ്യമപ്രവര്‍ത്തകര്‍ക്കെതികരെ അധിക്ഷേപ പരാമര്‍ശം നടത്തിയത്. സിപിഎമ്മില്‍ പൊട്ടിത്തെറി പൊട്ടിത്തെറി എന്ന് രാവിലെ മുതല്‍ കൊടുത്തവര്‍ ലജ്ജിച്ച് തലതാഴ്ത്തുക. ഷുക്കൂറിന്റെ വീടിന് മുന്നില്‍ ഇറച്ചിക്കടയ്ക്കു മുന്നില്‍ പട്ടികള്‍ നില്‍ക്കുന്നതുപോലെ കാവല്‍ നിന്നവര്‍ ലജ്ജിച്ച് തലതാഴ്ത്തുക'- എന്നാണ് കൃഷ്ണദാസ് പറഞ്ഞത്. സിപിഎം പാലക്കാട് ഏരിയ കമ്മിറ്റി അംഗം അബ്ദുള്‍ ഷുക്കൂര്‍ പാര്‍ട്ടി വിടുന്നത് സംബന്ധിച്ച് റിപ്പോര്‍ട്ട് നല്‍കുന്ന മാധ്യമപ്രവര്‍ത്തകര്‍ക്കെതിരെയായിരുന്നു അദ്ദേഹത്തിന്റെ പ്രതികരണം

മാധ്യമങ്ങള്‍ക്കെതിരെയുള്ള അധിക്ഷേപ പരാമര്‍ശം; മാപ്പ് പറയില്ലെന്ന് എന്‍.എന്‍ കൃഷ്ണദാസ്

ദു​ബൈ: ഡ്രൈ​വി​ങ്​ ലൈ​സ​ൻ​സി​നു​ള്ള പ്രാ​യ​പ​രി​ധി 17 ആ​ക്കി കു​റ​ച്ച​ത്​ ഉ​ൾ​പ്പെ​ടെ ഗ​താ​ഗ​ത നി​യ​മ​ത്തി​ൽ​ സ​മ​ഗ്ര പ​രി​ഷ്ക​ര​ണം പ്ര​ഖ്യാ​പി​ച്ച്​ യു.​എ.​ഇ. നി​ല​വി​ൽ 18 വ​യ​സ്സാ​ണ്​ ഡ്രൈ​വി​ങ്​ ലൈ​സ​ൻ​സ്​ ല​ഭി​ക്കാ​നു​ള്ള പ്രാ​യ​പ​രി​ധി. ജി.​സി.​സി രാ​ജ്യ​ങ്ങ​ളി​ൽ ഇ​ത്ത​ര​മൊ​രു പ​രി​ഷ്കാ​രം ന​ട​പ്പാ​ക്കു​ന്ന ആ​ദ്യ രാ​ജ്യ​മാ​ണ്​ യു.​എ.​ഇ. 2025 മാ​ർ​ച്ച്​ 29 മു​ത​ൽ പു​തി​യ നി​യ​മം പ്രാ​ബ​ല്യ​ത്തി​ൽ വ​രും.
​റോ​ഡ് സു​ര​ക്ഷ വ​ർ​ധി​പ്പി​ക്കു​ന്ന​തി​ന്‍റെ ഭാ​ഗ​മാ​യി ഗ​താ​ഗ​ത നി​യ​ലം​ഘ​ന​ങ്ങ​ൾ​ക്കു​ള്ള ശി​ക്ഷ ക​ർ​ശ​ന​മാ​ക്കി. പു​തി​യ നി​യ​മം അ​നു​സ​രി​ച്ച് ഗ​താ​ഗ​ത നി​യ​മ​ലം​ഘ​ന​ങ്ങ​ൾ​ക്ക്​ ത​ട​വും ര​ണ്ട്​ ല​ക്ഷം ദി​ർ​ഹം വ​രെ പി​ഴ​യും ശി​ക്ഷ ല​ഭി​ക്കും. നി​യ​മ​വി​രു​ദ്ധ​മാ​യി റോ​ഡ് മു​റി​ച്ചു​ക​ട​ന്നാ​ൽ ത​ട​വും 5000 മു​ത​ൽ 10,000 ദി​ർ​ഹം വ​രെ പി​ഴ​യു​മാ​ണ്​​ ശി​ക്ഷ.

യു.​എ.​ഇ​യി​ൽ 17 വയസ്സായാൽ ഡ്രൈ​വി​ങ്​ ലൈസൻ​സ്​ നേടാം

Gulf

പാലാ : കടനാട് കാവുംകണ്ടത്തു ദമ്പതികളെ മരിച്ചനിലയിൽ കണ്ടെത്തിയ സംഭവത്തിൽ ഭാര്യയെ കഴുത്തുഞെരിച്ചു കൊലപ്പെടുത്തിയശേഷം ഭർത്താവ് തൂങ്ങി മരിച്ചെന്നാണു പ്രാഥമിക നിഗമനം. കാവുംകണ്ടം കണംകൊമ്പിൽ റോയി (60), ഭാര്യ ജാൻസി (55) എന്നിവരാണ് മരിച്ചത്.
റോയിയെ വീട്ടിൽ തൂങ്ങിമരിച്ച നിലയിലും ജാൻസിയെ വീടിനുള്ളിൽ നിലത്തു കമിഴ്ന്നുകിടക്കുന്ന നിലയിലുമാണു കണ്ടെത്തിയത്. ഇവരുടെ ഏക മകൻ (9 വയസ്സ്) സ്‌കൂളിലായിരുന്നു. 3–ാം ക്ലാസ് വിദ്യാർഥിയാണ്. വിവാഹം കഴിഞ്ഞ് 28 വർഷത്തിനു ശേഷമാണ് ദമ്പതികൾക്കു മകൻ പിറന്നത്.
ഇന്നലെ ഉച്ചയ്ക്ക് 12.30ന് ആണു സംഭവം പുറത്തറിഞ്ഞത്. സാമ്പത്തിക പ്രശ്‌നങ്ങളെച്ചൊല്ലി ഇരുവരും തമ്മിൽ കലഹം പതിവായിരുന്നുവെന്നു പൊലീസ് പറഞ്ഞു. തൊടുപുഴയിലുള്ള സഹോദരനെ വിളിച്ചു പറഞ്ഞശേഷമാണ് റോയി ജീവനൊടുക്കിയതെന്നു പൊലീസ് പറഞ്ഞു.

ഏകമകൻ സ്കൂളിൽ; ദമ്പതികൾ വീട്ടിൽ മരിച്ചനിലയിൽ

പാലക്കാട്: ഏരിയ കമ്മിറ്റി അംഗം അബ്ദുൽ ഷുക്കൂർ രാജിവെച്ചതുമായി ബന്ധപ്പെട്ട പ്രതികരണം തേടിയ മാധ്യമപ്രവർത്തകരെ അധിക്ഷേപിച്ച സി.പി.എം നേതാവ് എൻ.എൻ. കൃഷ്ണദാസിനെ രൂക്ഷമായി പ്രതികരിച്ച് യു.ഡി.എഫ് സ്ഥാനാർഥി രാഹുൽ മാങ്കൂട്ടത്തിൽ. എൻ.എൻ കൃഷ്ണദാസ് കാണിച്ചത് സി.പി.എം നേതൃത്വത്തിന്‍റെ സംസ്കാരമെന്ന് രാഹുൽ പ്രതികരിച്ചു.പാലക്കാട്ടുകാരെ അണ്ടർ എസ്റ്റിമേറ്റ് ചെയ്യരുതെന്ന് ചൂണ്ടിക്കാട്ടിയ രാഹുൽ, അപരന്മാർ ആശങ്കയുണ്ടാക്കുന്നില്ലെന്നും വ്യക്തമാക്കി.
ഏരിയ കമ്മിറ്റി അംഗം അബ്ദുൽ ഷുക്കൂർ രാജിവെച്ചതുമായി ബന്ധപ്പെട്ട പ്രതികരണം തേടിയ മാധ്യമപ്രവർത്തകരെയാണ് സി.പി.എം നേതാവ് എൻ.എൻ. കൃഷ്ണദാസ് അധിക്ഷേപിച്ചത്. ‘‘ഞങ്ങടെ പാര്‍ട്ടിയിലെ കാര്യം ഞങ്ങള്‍ തീര്‍ത്തോളാം. മാധ്യമങ്ങളോട് ഇക്കാര്യങ്ങള്‍ പറയേണ്ട ആവശ്യമില്ല. നിങ്ങള്‍ കഴുകന്മാരെപ്പോലെ നടക്കുകയല്ലേ. ആരോട് ചര്‍ച്ച നടത്തിയെന്ന കാര്യം മാധ്യമങ്ങളോട് പറയേണ്ടതില്ല. എല്ലാവരോടും സംസാരിക്കുന്നതു പോലെ തന്നോട് സംസാരിക്കരുത്. കോലുംകൊണ്ട് തന്റെ മുന്നിലേക്കു വരേണ്ടെന്നും മാറാന്‍ പറഞ്ഞാല്‍ മാറിക്കൊള്ളണം’’ എന്നുമായിരുന്നു കൃഷ്ണദാസിന്‍റെ പരാമർശങ്ങൾ.

എൻ.എൻ കൃഷ്ണദാസ് കാണിച്ചത് സി.പി.എം നേതൃത്വത്തിന്‍റെ സംസ്കാരമെന്ന് രാഹുൽ മാങ്കൂട്ടത്തിൽ

വർക്കല: ഭാര്യയുടെ സ്വർണം പണയം വച്ച് പണവുമായി മുങ്ങിയ ഭർത്താവിനെ പൊലീസ് പിടികൂടി. നെയ്യാറ്റിൻകര കലമ്പാട്ടുവിള പള്ളിച്ചൽ ദേവീകൃപയിൽ അനന്തു (34)വാണ് പിടിയിലായത്. 2021 ആഗസ്റ്റിലായിരുന്നു വർക്കല പനയറ സ്വദേശിയായ യുവതിയും ഫിസിയോതെറാപ്പിസ്റ്റായ അനന്തുവും തമ്മിലുള്ള വിവാഹം.വിവാഹശേഷം മൂന്നാംനാൾ ഭാര്യയുടെ 52 പവൻ നിർബന്ധിച്ച് പണയംവച്ച് 13.5 ലക്ഷം രൂപ അനന്തു കൈക്കലാക്കിയെന്നാണ് ഭാര്യയുടെ പരാതി.
&nbsp;അനന്തു കൂടുതൽ സ്ത്രീധനം ആവശ്യപ്പെട്ടതായും പൊലീസിൽ യുവതി മൊഴി നൽകി. പരാതിയുടെ അടിസ്ഥാനത്തിൽ അനന്തുവിന്റെ പിതാവ് ശശി, മാതാവ് സുരേഷ്‌കുമാരി, സഹോദരൻ അമൽ എന്നിവർക്കെതിരെ ഇക്കഴിഞ്ഞ മാർച്ചിൽ പൊലീസ് കേസെടുത്തു. ഇതോടെ അനന്തു കിട്ടിയ പണവുമായി മുങ്ങി. കേരളത്തിൽ പലയിടങ്ങളിലും ബംഗളൂരുവിലും ഒളിവിൽ താമസിച്ചുവരവെ രഹസ്യ വിവരത്തിന്റെ അടിസ്ഥാനത്തിൽ തൃശൂരിൽ നിന്നാണ് ഇയാളെ വർക്കല പൊലീസ് പിടികൂടിയത്. പ്രതിയെ കോടതിയിൽ ഹാജരാക്കി.

വിവാഹത്തിന്റെ മൂന്നാം നാൾ ഭാര്യയുടെ സ്വർണം പണയം വച്ചു; പണവുമായി മുങ്ങിയ ഭർത്താവ് പിടിയിൽ

കൊച്ചി: കരയിലെ ഏറ്റവും വലിയ ജീവിയായ ആനയെ ഉത്സവങ്ങള്‍ക്ക് എഴുന്നള്ളിക്കുന്നത് മനുഷ്യന്റെ അഹന്തയാണെന്ന് ഹൈക്കോടതി. കടലില്‍ ജീവിക്കുന്ന തിമിംഗിലത്തെ എഴുന്നള്ളിക്കാന്‍ കഴിയുമായിരുന്നെങ്കില്‍ അതിനെയും മനുഷ്യന്‍ പിടിച്ചുകൊണ്ടുവരുമായിരുന്നു എന്നും ജസ്റ്റിസ് എ.കെ. ജയശങ്കരന്‍ നമ്പ്യാരും ജസ്റ്റിസ് പി. ഗോപിനാഥും അടങ്ങിയ ഡിവിഷന്‍ ബെഞ്ച് അഭിപ്രായപ്പെട്ടു. ആനകളെ എഴുന്നള്ളിക്കുന്ന കാര്യത്തില്‍ മാര്‍ഗനിര്‍ദേശങ്ങള്‍ പുറപ്പെടുവിക്കുമെന്നും ഡിവിഷന്‍ ബെഞ്ച് വ്യക്തമാക്കി.
മൃഗങ്ങള്‍ക്കെതിരായ അതിക്രമങ്ങള്‍ തടയുന്നതുമായി ബന്ധപ്പെട്ട ഹര്‍ജി പരിഗണിക്കുകയായിരുന്നു കോടതി. കാലുകള്‍ ചേര്‍ത്തുകെട്ടി അനങ്ങാന്‍കഴിയാതെ നില്‍ക്കുന്ന ആനകളുടെ അവസ്ഥയൊന്ന് ആലോചിച്ചുനോക്കൂ. മനുഷ്യനാണെങ്കില്‍ അഞ്ചുമിനിറ്റ് നില്‍ക്കാന്‍ കഴിയുമോ. ഇതൊന്നും ആചാരമല്ല.
മൂകാംബിക ശക്തിപീഠമാണ്. അവിടെയൊന്നും ആനയില്ല, രഥമേയുള്ളൂ. അമ്പലക്കമ്മിറ്റികളുടെ വാശിയാണ് ആന എഴുന്നള്ളിപ്പിനുപിന്നില്‍. ചുട്ടുപൊള്ളുന്ന കാലാവസ്ഥയിലാണ് ആനയെ എഴുന്നള്ളിക്കുന്നത്. അതിനാല്‍ ഇക്കാര്യത്തില്‍ പുതിയ ചട്ടങ്ങള്‍ സംബന്ധിച്ച് ഉത്തരവ് പുറപ്പെടുവിക്കും.
ആനയെ എഴുന്നള്ളിക്കുന്നകാര്യത്തില്‍ സമയനിയന്ത്രണം വേണം. എഴുന്നള്ളത്തിനുള്ള ആനകളുടെ എണ്ണം കുറയ്ക്കണം. എഴുന്നള്ളത്തിനായി ലക്ഷങ്ങള്‍ ചെലവഴിക്കുന്നവര്‍ അതിനുള്ള സൗകര്യങ്ങള്‍ അത്തരത്തില്‍ ഒരുക്കണമെന്നും കോടതി പറഞ്ഞു.

ആനയെ ഉത്സവങ്ങള്‍ക്ക് എഴുന്നള്ളിക്കുന്നത് മനുഷ്യന്റെ അഹന്ത;കടലിലായതു കൊണ്ട് തിമിംഗിലം രക്ഷപ്പെട്ടെന്ന് ഹൈക്കോടതി

തിരുവനന്തപുരം: സംസ്ഥാനത്തെ പുതിയ മുഖ്യ തിരഞ്ഞെടുപ്പ് ഓഫീസറായി പ്രണബ് ജ്യോതിനാഥിനെ നിയമിച്ചു. സംസ്ഥാനം നല്‍കിയ പാനലില്‍ നിന്നാണ് പ്രണബ് ജ്യോതിനാഥിനെ തിരഞ്ഞെടുത്തത്.
നിലവിലെ ചീഫ് ഇലക്ഷന്‍ ഓഫീസര്‍ സഞ്ജയ് കൗള്‍ കേന്ദ്ര ഡെപ്യൂട്ടേഷനില്‍ പോയ ഒഴിവിലാണ് നിയമനം.2005 ഐഎഎസ് ബാച്ചിലുള്ള പ്രണബ് മുമ്പ് കൊല്ലം കളക്ടറായിരുന്നു. നിലവില്‍ കായിക, യുവജനകാര്യ സെക്രട്ടറിയായി പ്രവര്‍ത്തിച്ചുവരികയായിരുന്നു.

പ്രണബ് ജ്യോതിനാഥ് കേരളത്തിന്റെ മുഖ്യ തിരഞ്ഞെടുപ്പ് ഓഫീസര്‍

പാലക്കാട്: പിവി അൻവറിന്റെ പാ‍ർട്ടിയായ ഡിഎംകെയിൽ പൊട്ടിത്തെറി. പാലക്കാട്ടെ സ്ഥാനാർത്ഥിയെ പിൻവലിച്ചതിൽ പ്രതിഷേധിച്ച് ജില്ലാ സെക്രട്ടറി ബി ഷമീർ രാജിവച്ച് സ്വതന്ത്രനായി മത്സരിക്കാൻ പത്രിക നൽകി. അൻവർ ഏകപക്ഷീയമായി സ്ഥാനാർത്ഥിയെ പിൻവലിച്ചതിൽ പ്രവർത്തകർക്ക് കടുത്ത നിരാശയുണ്ടെന്നും തന്നോടൊപ്പം 100 പേർ പാർട്ടി വിടുമെന്നും ഷമീർ പ്രതികരിച്ചു.
അൻവർ പാർട്ടി പ്രവർത്തകരെ വഞ്ചിച്ചുവെന്നും പാലക്കാട്ടെ ഡിഎംകെയുടെ സ്ഥാനാർത്ഥിയെ പിൻവലിച്ചത് കൂടിയാലോചന ഇല്ലാതെയാണെന്നും പാർട്ടിക്കായി ഇറങ്ങിയ പല പ്രവർത്തകർക്കും അത് മാനസിക വിഷമം ഉണ്ടാക്കിയെന്നും ഷമീര്‍ ആരോപിച്ചു. തന്നെ അറിയില്ലെന്ന് അൻവറിന് പറയാൻ കഴിയില്ല. അൻവറിന്റെ കൺവെൻഷനിൽ നന്ദി പറഞ്ഞത് താനാണ്. പാർട്ടി രൂപീകരിച്ചത് മുതൽ ജില്ലാ ഭാരവാഹിയാണെന്നും ബി ഷമീര്‍ പറഞ്ഞു.

അൻവറിന്റെ ഡിഎംകെയിൽ പൊട്ടിത്തെറി;പാലക്കാട് ജില്ലാ സെക്രട്ടറി പാർട്ടി വിട്ടു,സ്വതന്ത്ര സ്ഥാനാർത്ഥിയായി മത്സരിക്കും

Search Results for: kuttoth