കൊച്ചി: പി.സി. ചാക്കോ എന്‍.സി.പി (ശരദ് ചന്ദ്ര പവാര്‍) സംസ്ഥാന അധ്യക്ഷസ്ഥാനം രാജിവെച്ചു. ചൊവ്വാഴ്ച വൈകീട്ടോടെയാണ് ദേശീയ അധ്യക്ഷന്‍ ശരദ് പവാറിന് രാജിക്കത്ത് കൈമാറിയതെന്നാണ് വിവരം. നിലവില്‍ ദേശീയ വര്‍ക്കിങ് പ്രസിഡന്റാണ് ചാക്കോ. ഈ സ്ഥാനത്ത് തുടരണോയെന്ന് പവാര്‍ തീരുമാനിക്കും.
എ.കെ. ശശീന്ദ്രന്റെ മന്ത്രിസ്ഥാനം സംബന്ധിച്ച് പാര്‍ട്ടിക്കുള്ളില്‍ രൂപപ്പെട്ട ചേരിപ്പോരാണ് രാജിക്ക് കാരണമെന്നാണ് വിവരം. ആറാം തീയതി നടന്ന സംസ്ഥാന ഭാരവാഹി യോഗത്തില്‍നിന്ന് ശശീന്ദ്രന്‍ പക്ഷം വിട്ടുനിന്നിരുന്നു. ചാക്കോയുടെ നേതൃത്വത്തെ അംഗീകരിക്കില്ലെന്ന് ശശീന്ദ്രന്‍ പക്ഷം അറിയിച്ചിരുന്നു. 18-ന് വിളിച്ചിരുന്ന യോഗത്തിലും ശശീന്ദ്രന്‍ പക്ഷം പങ്കെടുക്കില്ലെന്നാണ് അറിയിച്ചിരുന്നത്.
എന്‍.സി.പി. സംസ്ഥാന അധ്യക്ഷസ്ഥാനത്തുനിന്ന് പി.സി. ചാക്കോയെ മാറ്റണമെന്നാവശ്യപ്പെട്ട് മന്ത്രി എ.കെ. ശശീന്ദ്രനെ അനുകൂലിക്കുന്നവര്‍ ഒപ്പുശേഖരണം ആരംഭിച്ചിരുന്നു. ഇക്കാര്യത്തില്‍ കുട്ടനാട് എം.എല്‍.എ. തോമസ് കെ. തോമസിന്റെ പിന്തുണയുണ്ടെന്നും അവകാശപ്പെട്ടിരുന്നു. മന്ത്രിയെയും എം.എല്‍.എ.യെയും അനുകൂലിക്കുന്ന വിശ്വസ്തരായ നേതാക്കള്‍ക്ക് ജില്ലകളുടെ ചുമതല നല്‍കിയാണ് ഒപ്പുശേഖരണം.
ഒപ്പുശേഖരണത്തെക്കുറിച്ച് അറിഞ്ഞ ചാക്കോ താന്‍ മാറിയാല്‍ സംസ്ഥാന വൈസ് പ്രസിഡന്റ് പി.എം. സുരേഷ് ബാബുവിനെയോ സംഘടനാ ചുമതലയുള്ള ജനറല്‍സെക്രട്ടറി കെ.ആര്‍. രാജനെയോ പ്രസിഡന്റാക്കാനുള്ള നീക്കം നടത്തുന്നുണ്ടെന്നും വിവരമുണ്ടായിരുന്നു.

എൻ.സി.പി.യിൽ പൊട്ടിത്തെറി; പി.സി. ചാക്കോ അധ്യക്ഷസ്ഥാനം രാജിവെച്ചു.

Kerala

എൻ.സി.പി.യിൽ പൊട്ടിത്തെറി; പി.സി. ചാക്കോ അധ്യക്ഷസ്ഥാനം രാജിവെച്ചു

കോഴിക്കോട്: ദേശീയതലത്തിലോ സംസ്ഥാനതലത്തിലോ എന്‍സിപി കോണ്‍ഗ്രസില്‍ ലയിക്കില്ലെന്ന് സംസ്ഥാന അധ്യക്ഷന്‍ പി.സി.ചാക്കോ. മഹാരാഷ്ട്രയില്‍ വന്‍ വിജയമാണ് എന്‍സിപിക്കുണ്ടായതെന്നും പി.സി.ചാക്കോ പറഞ്ഞു.
കേരളത്തില്‍ ഭരണവിരുദ്ധ വികാരം ഉണ്ടായിട്ടുണ്ടെന്നും അദ്ദേഹം സമ്മതിച്ചു. എന്നാല്‍, ഭരണവിരുദ്ധ വികാരത്തിന് കാരണം കേന്ദ്രം ഫണ്ട് തരാത്തതാണെന്ന് ചാക്കോ വ്യക്തമാക്കി. കേന്ദ്രം ഫണ്ട് തരാത്തതിനാല്‍ ക്ഷേമ പെന്‍ഷന്‍ മുടങ്ങിയെന്നും അദ്ദേഹം പറഞ്ഞു.മുഖ്യമന്ത്രിയെ സിപിഐ വിമര്‍ശിച്ചെന്ന് പറയുന്നതെല്ലാം മാധ്യമ വാര്‍ത്തകള്‍ മാത്രമാണ്. സിപിഐ ജില്ലാ കമ്മിറ്റികള്‍ ഇക്കാര്യം സ്ഥിരീകരിച്ചിട്ടില്ല. ഇടതുപക്ഷത്തെ തോല്‍പ്പിക്കാന്‍ കഴിയുന്ന ശക്തിയാണ് യുഡിഎഫെന്ന് കരുതുന്നില്ലെന്നും പി.സി. ചാക്കോ പറഞ്ഞു. ഇപ്പോഴത്തെ വിമര്‍ശനങ്ങള്‍ താത്കാലികം മാത്രമാണെന്നും അദ്ദേഹം കൂട്ടിച്ചേര്‍ത്തു.

കേരളത്തില്‍ ഭരണവിരുദ്ധ വികാരം ഉണ്ടായി ;വിമര്‍ശനങ്ങള്‍ താത്കാലികം മാത്രമാണെന്നും പി.സി.ചാക്കോ

കൊല്ലം: ഷോക്കേറ്റ് മരിച്ച തേവലക്കര ബോയ്‌സ് എച്ച്.എസിലെ വിദ്യാർത്ഥി മിഥുന് വിട നൽകി നാട്. മിഥുന് അന്തിമോപചാരം നൽകാൻ അധ്യാപകരും കൂട്ടുകാരും നാട്ടുകാരും അടക്കം ആയിരങ്ങൾ വിളന്തറ മനുഭവനിൽ എത്തിയിരുന്നു.&nbsp;
മനുവിന്റെയും സുജയുടെയും മൂത്തമകനാണ് മിഥുൻ. അമ്മയും അച്ഛനും അനുജൻ സുജിനും അന്ത്യചുംബനം നൽകി. വൈകിട്ട് നാലരയോടെയാണ് സംസ്‌കാരച്ചടങ്ങുകൾ നടന്നത്. കുഞ്ഞനുജൻ സുജിനാണ് ചിതയ്ക്ക് തീകൊളുത്തിയത്.

കണ്ണീരോടെ മിഥുന് വിട നൽകി നാട്;സംസ്കാരച്ചടങ്ങുകൾ പൂർത്തിയായി

മിഥുന് കണ്ണീരോടെ വിട നൽകി നാട്;സംസ്കാരച്ചടങ്ങുകൾ പൂർത്തിയായി

കിങ്' എന്ന സിനിമയുടെ ചിത്രീകരണത്തിനിടെ സൂപ്പർ താരം ഷാരൂഖ് ഖാന് പരിക്ക്. പുറത്തേറ്റ പരിക്കിനെത്തുടര്‍ന്ന് ചികിത്സയ്ക്കായി യുഎസിലേക്ക് പോയ താരം ഇവിടെനിന്ന് യുകെയിലേക്ക് മാറി. ഇപ്പോള്‍ കുടുംബത്തോടൊപ്പം യുകെയില്‍ വിശ്രമത്തിലാണ്.
പരിക്ക് ഗുരുതരമല്ലെന്നും നിലവില്‍ സുഖം പ്രാപിച്ചുവരികയാണെന്നുമാണ് വിവരം. നേരത്തെ, നിശ്ചയിച്ച ശ്രീലങ്കന്‍ യാത്ര മാറ്റിവെച്ചു. 'കിങ്ങി'ന്റെ ചിത്രീകരണം താത്കാലികമായി നിര്‍ത്തിവെച്ചിട്ടുണ്ട്. സെപ്റ്റംബറില്‍ ഷൂട്ടിങ് പുനഃരാരംഭിക്കുമെന്നാണ് പ്രതീക്ഷിക്കുന്നത്.മുംബൈയിലെ ഗോള്‍ഡന്‍ ടുബാക്കോ സ്റ്റുഡിയോയില്‍ സംഘട്ടനരംഗത്തിന്റെ ചിത്രീകരണത്തിനിടെയാണ് പരിക്കേറ്റതെന്നാണ് വിവരം. ഒരുമാസത്തെ വിശ്രമം നിര്‍ദേശിച്ചിട്ടുണ്ട്.

ചിത്രീകരണത്തിനിടെ ഷാരൂഖ് ഖാന് പരിക്ക്; ഷൂട്ടിങ് നിര്‍ത്തിവെച്ചു

കൊല്ലം: മകനെ അവസാനമായി ഒരുനോക്ക് കാണാൻ മിഥുന്റെ അമ്മ സുജ വീട്ടിലെത്തി. സുജയെയും കുടുംബത്തെയും ആശ്വസിപ്പിക്കാൻ വാക്കുകൾ കിട്ടാതെ വിങ്ങുകയാണ് ബന്ധുക്കൾ. ഉച്ചയ്‌ക്ക് രണ്ട് മണിയോടെയാണ് നെടുമ്പാശേരിയിൽ നിന്ന് തിരിച്ച സുജ കൊല്ലത്തെ വീട്ടിലെത്തിയത്.
വിദേശത്ത് നിന്നും രാവിലെ ഒമ്പത് മണിയോടെയാണ് സുജ നെടുമ്പാശേരി വിമാനത്താവളത്തിലെത്തിയത്. അവിടെ നിന്നും വീട്ടിലേക്ക് വരുകയായിരുന്നു. സുജയെ കൂട്ടാനായി ഇളയ മകൻ സുജിനും ഭർത്താവ് മനുവും വിമാനത്താവളത്തിലെത്തിയിരുന്നു.കുടുംബത്തിന്റെ കഷ്‌ടപ്പാടുകൾ തീർക്കാനും മക്കളെ നല്ലരീതിയിൽ വളർത്താനുമായാണ് കുവൈത്തിൽ ഹോം നഴ്‌സായി സുജ ജോലിക്കുപോയത്.&nbsp;

മകനെ അവസാനമായി കാണാൻ മിഥുന്റെ അമ്മ വീട്ടിലെത്തി ;വിങ്ങിപ്പൊട്ടി ഉറ്റവർ

കൊല്ലം: സ്‌കൂളിൽ നിന്ന് ഷോക്കേറ്റ് മരിച്ച വിദ്യാർത്ഥി മിഥുന്റെ മൃതദേഹം പൊതുദർശനത്തിന് ശേഷം വീട്ടിലേക്ക് കൊണ്ടുവന്നു. ഇതിനിടെ മിഥുന്റെ അച്ഛമ്മ മണിയമ്മയെ ദേഹാസ്വാസ്ഥ്യത്തെത്തുടർന്ന് ആശുപത്രിയിലേക്ക് മാറ്റി. ചെറുമകന്റെ വിയോഗത്തിൽ തകർന്ന അവസ്ഥയിലായിരുന്നു മണിയമ്മ.
കഴിഞ്ഞ ദിവസങ്ങളിൽ ബന്ധുക്കൾ നിർബന്ധിച്ചിട്ടും ഭക്ഷണം കഴിക്കാനോ വെള്ളം കുടിക്കാനോ ഇവർ തയ്യാറായിരുന്നില്ല. ഇന്ന് ഉച്ചയോടെ ദേഹാസ്വാസ്ഥ്യം അനുഭവപ്പെട്ട അവരെ ബന്ധുക്കൾ ആശുപത്രിയിലേക്ക് മാറ്റുകയായിരുന്നു.ഇന്ന് വൈകിട്ടാണ് മിഥുന്റെ സംസ്‌കാരം.

ദേഹാസ്വാസ്ഥ്യം; മിഥുന്റെ അച്ഛമ്മ കുഴഞ്ഞുവീണു, ആശുപത്രിയിലേക്ക് മാറ്റി

ചെന്നൈ: ഡിഎംകെ നേതാവ് എം കരുണാനിധിയുടെ മൂത്ത മകനും നടനുമായ എംകെ മുത്തു (77) അന്തരിച്ചു. ആരോഗ്യപരമായ പ്രശ്ങ്ങളെ ഏറെ നാളായി വിശ്രമം തുടരുകയായിരുന്നു മുത്തു. പൊതുവേദികളിൽ അപൂർവമായി മാത്രമേ അദ്ദേഹത്തെ കാണാൻ കഴിഞ്ഞിരുന്നുള്ളൂ. ഈസ്റ്റ് കോസ്റ്റ് റോഡിലെ വസതിയിൽ ഇന്ന് രാവിലെയായിരുന്നു അന്ത്യം. കരുണാനിധിയുടെ വഴിയെ സിനിമയിൽ എത്തിയ മുത്തുവിന് ഒരു നടനെന്ന നിലയിൽ ഒരിക്കലും തന്റെ വ്യക്തിമുദ്ര പതിപ്പിക്കാൻ സാധിച്ചിട്ടില്ല.
1948ൽ നാഗപട്ടണം ജില്ലയിലെ തിരുക്കുവളയിൽ കരുണാനിധിയുടെയും ആദ്യഭാര്യ പത്മാവതിയുടെയും മകനായാണ് മുത്തു ജനിച്ചത്. മുത്തുവിനെ പ്രസവിച്ച ഉടൻ തന്നെ, പത്മാവതി ക്ഷയരോഗം മൂലം മരിച്ചു. ആദ്യ ഭാര്യയുടെ മരണശേഷം, കരുണാനിധി ദയാലു അമ്മാളിനെ വിവാഹം കഴിച്ചു. എം കെ അളഗിരി, എം കെ സ്റ്റാലിൻ, സെൽവി, എം കെ തമിഴരശു എന്നീ നാല് മക്കളാണ് അവർക്കുള്ളത്.ഡിഎംകെ സ്ഥാപകൻ സിഎൻ അണ്ണാദുരൈയുടെ പിൻഗാമിയായി തമിഴ്നാട് മുഖ്യമന്ത്രി സ്ഥാനത്തെത്തിയ കരുണാനിധിയുടെ രാഷ്ട്രീയ പിൻഗാമിയായി ആദ്യം അവതരിക്കപ്പെട്ടത് മുത്തുവിനെയായിരുന്നു.

കരുണാനിധിയുടെ മൂത്ത മകനും നടനുമായ എംകെ മുത്തു അന്തരിച്ചു

Search Results for: orphanage