ചോറോട് : തദ്ദേശ സ്വയം ഭരണ സ്ഥാപനങ്ങളെ സാമ്പത്തികമായി ഞെരുക്കുന്ന പിണറായി വിജയൻ സർക്കാരിനെതിരെ വരുന്ന തദ്ദേശ സ്വയം ഭരണ തെരഞ്ഞെടുപ്പിൽ ജനം വിധിയെഴുതുമെന്ന് ആർ എം പി ഐ സംസ്ഥാന സെക്രട്ടറി എൻ. വേണു. കഴിഞ്ഞ 9 വർഷക്കാലം കൊണ്ട് കേരളത്തിലെ തദ്ദേശ സ്ഥാപനങ്ങളെ പിണറായി സർക്കാർ തകർത്തുവെന്നും അദ്ദേഹം പറഞ്ഞു. ജനകീയ മുന്നണി (യു ഡി എഫ് -ആർ എം പി ഐ) ചോറോട് പഞ്ചായത്ത് കമ്മിറ്റി കൈനാട്ടിയിൽ നടത്തിയ രാപ്പകൽ സമരം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.&nbsp;
ജനകീയ മുന്നണി ചെയർമാൻ അഡ്വ പി. ടി. കെ നജ്മൽ അധ്യക്ഷത വഹിച്ചു. യു. ഡി എഫ് വടകര നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ മുഖ്യ പ്രഭാഷണം നടത്തി. ഒ. കെ കുഞ്ഞബ്ദുള്ള, സതീശൻ കുരിയാടി, എം. ടി സലാം, കെ. പി കരുണൻ, കെ. കെ സദാശിവൻ, വി. സി ഇക്ബാൽ, ഒ. എം അസീസ്, സി. നിജിൻ, മൊയ്‌തു താഴത്ത്, അബൂബക്കർ വരപ്പുറത്ത് തുടങ്ങിയവർ സംസാരിച്ചു. പി ഇസ്മായിൽ സ്വാഗതവും ശശി വള്ളിക്കാട് നന്ദിയും പറഞ്ഞു.

പിണറായി വിജയൻ സർക്കാരിനെതിരെ തദ്ദേശ തെരഞ്ഞെടുപ്പിൽ ജനം വിധിയെഴുതും; എൻ വേണു

Vadakara

ചോറോട് : വള്ളിക്കാട് -കാട്ടിൽ മുക്ക് റോഡ് വികസനം അട്ടിമറിച്ച ചോറോട് പഞ്ചായത്ത് ഭരണസമിതി നടപടിക്കെതിരായും പഞ്ചായത്തിലെ വികസന മുരടിപ്പിനെതിരായും ജനകീയ മുന്നണി ചോറോട് പഞ്ചായത്ത് കമ്മിറ്റിയുടെ നേതൃത്വത്തിൽ പ്രതിഷേധ സംഗമം സംഘടിപ്പിച്ചു. യുഡിഎഫ് വടകര നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ ഉദ്ഘാടനം ചെയ്തു.&nbsp;
ജനകീയ മുന്നണി ചോറോട് പഞ്ചായത്ത് കമ്മിറ്റി ചെയർമാൻ അഡ്വ : നജ്മൽ. പി. ടി. കെ അധ്യക്ഷത വഹിച്ചു. പി. പി ജാഫർ, സതീശൻ കുരിയാടി, പി ഇസ്മായിൽ, കെ കെ സദാശിവൻ, ഒ. കെ കുഞ്ഞബ്ദുള്ള, ശശി വള്ളിക്കാട്, സി. നിജിൻ, ഹാഷിം കാളംകുളത്ത്, എം. സി കരീം, രാജേഷ് ചോറോട്, മനീഷ് വള്ളിക്കാട്, വി. പി റിയാസ്, വിശ്വൻ , ഗീത മോഹൻ, കെ. ജി രാഗേഷ്, കെ. കെ റിനീഷ്, ജംഷിദ തുടങ്ങിയവർ സംസാരിച്ചു.

വികസനം അട്ടിമറിക്കുന്നുവെന്ന്; ജനകീയ മുന്നണി പ്രതിഷേധ സംഗമം നടത്തി

ചോറോട് : എട്ട് നഗരസഭകളിലെയും ഒരു പഞ്ചായത്തിലെയും ഡീ -ലിമിറ്റേഷൻ വിജ്ഞാപനം റദ്ദ് ചെയ്‌തു കൊണ്ടുള്ള ഹൈക്കോടതി വിധി സർക്കാരിന്റെ നിയമ വിരുദ്ധ പ്രവർത്തനങ്ങൾക്കേറ്റ കനത്ത പ്രഹരമാണെന്ന് ആർ. എം.പി. ഐ സംസ്ഥാന സെക്രട്ടറി എൻ. വേണു. ചോറോട് പഞ്ചായത്തിലുൾപ്പെടെ സിപിഐഎം സമ്മർദ്ദത്തിന് വഴങ്ങി നടത്തിയ അശാസ്ത്രീയമായ വാർഡ് വിഭജനത്തിനെതിരെ രാഷ്ട്രീയ - നിയമ പോരാട്ടങ്ങൾ തുടരുമെന്നും അദ്ദേഹം പറഞ്ഞു. അശാസ്ത്രീയമായ വാർഡ് വിഭജനത്തിനെതിരെ ജനകീയ മുന്നണി ചോറോട് പഞ്ചായത്ത് കമ്മിറ്റി കൈനാട്ടിയിൽ സംഘടിപ്പിച്ച പ്രതിഷേധ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.&nbsp;
ഡിസിസി ജനറൽ സെക്രട്ടറി മുനീർ എരവത്ത് മുഖ്യ പ്രഭാഷണം നടത്തി. ജനകീയ മുന്നണി പഞ്ചായത്ത് ചെയർമാൻ അഡ്വ :പി. ടി. കെ നജ്മൽ അധ്യക്ഷത വഹിച്ചു. സതീശൻ കുരിയാടി, എം ഫൈസൽ, കെ പി കരുണൻ,ഒ എം അസീസ്, ശശി വള്ളിക്കാട്, കെ.കെ ഹാഷിം, രാജേഷ് ചോറോട്, എം. ടി നാസർ, എം.സി. കരീം, മനീഷ് വള്ളിക്കാട്, വി. പി.റിയാസ്, സി നിജിൻ, രാഗേഷ്.കെജി, കെ വിശ്വനാഥൻ, രമേശൻ കിഴക്കയിൽ, ആർ കെ പ്രവീൺകുമാർ, ബാലഗോപാലൻ, സി. വി മുസ്തഫ തുടങ്ങിയവർ സംസാരിച്ചു. പി ഇസ്മായിൽ സ്വാഗതവും കെ കെ സദാശിവൻ നന്ദിയും പറഞ്ഞു.

ഹൈക്കോടതി വിധി സർക്കാരിന്റെ നിയമ വിരുദ്ധ പ്രവർത്തനത്തിനേറ്റ കനത്ത പ്രഹരം; എൻ. വേണു

വടകര : ചോറോട് ഗ്രാമപ്പഞ്ചായത്തിലെ വാർഡ് വിഭജനം ക്രമക്കേട്‌ നിറഞ്ഞതും കമ്മിഷന്റെ മാർഗരേഖ ലംഘിച്ചുകൊണ്ടുള്ളതുമാണെന്നു കാണിച്ച് യു.ഡി.എഫ്.-ആർ.എം.പി.ഐ. ചോറോട് പഞ്ചായത്ത് കമ്മിറ്റി (ജനകീയമുന്നണി) സംസ്ഥാന ഡീലിമിറ്റേഷൻ കമ്മിഷന് പരാതി നൽകി. ബദൽ നിർദേശങ്ങളും സമർപ്പിച്ചിട്ടുണ്ട്. വാർഡ് വിഭജനം വടക്കുപടിഞ്ഞാറുനിന്നാണ് തുടങ്ങേണ്ടതെന്ന മാർഗനിർദേശംതന്നെ ലംഘിക്കപ്പെട്ടെന്ന് ജനകീയമുന്നണിയോഗം കുറ്റപ്പെടുത്തി.&nbsp;
ഒരു പ്രത്യേക മതവിഭാഗത്തെ ഒരു വാർഡിനകത്ത് ഒതുക്കുന്നതിനുള്ള ജനാധിപത്യവിരുദ്ധവും വർഗീയവുമായ നിലപാടുകളും സ്വീകരിച്ചിട്ടുണ്ട്. ഒരു വാർഡിനകത്തെ വീടുകളെ മറ്റൊരു വാർഡ് അതിർത്തിയിൽ ഉൾപ്പെടുത്തിയതായും കാണുന്നുണ്ട്. നീതി ലഭിച്ചില്ലെങ്കിൽ കോടതികളെ സമീപിക്കുമെന്ന് നേതാക്കളായ അഡ്വ. പി.ടി.കെ. നജ്മൽ, കെ.കെ. സദാശിവൻ, പി. ഇസ്മയിൽ, വി.പി. ശശി, കെ.കെ. റിനീഷ്, വി.സി. ഇഖ്ബാൽ തുടങ്ങിയവർ സംസാരിച്ചു.

ചോറോട് പഞ്ചായത്ത് വാർഡ് വിഭജനം; ജനകീയമുന്നണി പരാതി നൽകി

വടകര : നഗരസഭയുടെ കീഴിൽ പഴയ സ്റ്റാൻഡിനോട് ചേർന്നുള്ള പഴയ ബിഎഡ് സെന്റർ ഗ്രൗണ്ടിൽ പുതുതായി നിർമ്മിച്ച സാംസ്കാരിക ചത്വരം പൊതുജനത്തിന് ഉപയോഗിക്കുന്നതിനായി പണം ഈടാക്കാനുള്ള നഗരസഭയുടെ നീക്കത്തിനെതിരെ കക്ഷിരാഷ്ട്രീയഭേദമന്യേ എല്ലാവരും സമര രംഗത്തിറങ്ങണമെന്ന് ആർഎംപിഐ വടകര ഏരിയ കമ്മിറ്റി പ്രസ്താവനയിലൂടെ ആവശ്യപ്പെട്ടു. വടകരയിലെ സാംസ്കാരിക പ്രവർത്തനങ്ങളുടെ കേന്ദ്രമായി മാറേണ്ട പൊതു ഇടങ്ങൾ പൊതുജനത്തിന് തുറന്നുകൊടുക്കുന്നതിനു പകരം ജനങ്ങളിൽ നിന്നും പണം ഈടാക്കാനുള്ള നീക്കം ഒരു കാരണവശാലും അംഗീകരിക്കാൻ കഴിയുന്നതല്ല.&nbsp;&nbsp;
കോട്ടപ്പറമ്പ്, പുതിയ സ്റ്റാൻഡ്, നാരായണ നഗരം, സാംസ്കാരിക ചത്വരം ഇപ്പോൾ നിൽക്കുന്ന സ്ഥലം ഉൾപ്പെടെയുള്ള പൊതു സ്ഥലങ്ങളിൽ പരിപാടികൾ നടത്തുന്നതിന് ഇക്കാലം വരെയും ജനങ്ങൾ സ്വതന്ത്രമായി ഉപയോഗിച്ചു പോന്നതാണ്. ഇതിനു സമാനമായ സാംസ്കാരിക ചത്വരം 50 ലക്ഷം രൂപ മുടക്കി പുനർ നിർമ്മിച്ചു എന്ന പേരിലാണ് ഇപ്പോൾ ഉപയോഗിക്കുന്നതിന് ഫീസ് ഏർപ്പെടുത്താൻ നഗരസഭ തീരുമാനിച്ചത്. ജനങ്ങളുടെ നികുതിപ്പണം കൊണ്ട് നിർമ്മിച്ച ഇത്തരം പൊതുഇടങ്ങൾ ഉപയോഗിക്കുന്നതിനായി ജനങ്ങൾ വീണ്ടും പണം നൽകണമെന്ന് പറയുന്നത് അങ്ങേയറ്റം ജനാധിപത്യവിരുദ്ധമായ സമീപനമാണ്. ഇത് ഒരു കാരണവശാലും അംഗീകരിക്കാവുന്നതല്ല. ആകെ ഉണ്ടായിരുന്ന വടകര ടൗൺഹാൾ 1750 മുടക്കിയായിരുന്നു നേരത്തെ ജനങ്ങൾ പരിപാടികൾക്കായി ഉപയോഗിച്ചിരുന്നത്.&nbsp;
ടൗൺ ഹാൾ ഒരുതരത്തിലും നവീകരിക്കാതെ ഈ തുക അയ്യായിരവും പത്തായിരവുമായി ഉയർത്താൻ ഒരു മടിയും കാണിക്കാത്ത നഗരസഭയാണ് ഇപ്പോൾ ഒരു പൊതു ഇടത്തിന് പണമീടാക്കുന്ന ജനാധിപത്യവിരുദ്ധ നിലപാടുമായി മുന്നോട്ടു പോകുന്നത്. ഇതിനെതിരെ എല്ലാവരും സമര രംഗത്ത് ഇറങ്ങേണ്ടതുണ്ട്. നഗരസഭ ധനകാര്യ കമ്മിറ്റിയുടെയും പ്രതിപക്ഷ അംഗങ്ങളുടെ അഭിപ്രായത്തെയും മാനിക്കാതെയാണ് ഇത്തരമൊരു നീക്കത്തിന് നഗരസഭാ ഭരണകൂടം ഒരുങ്ങുന്നത്. ഇതിനെതിരായി വലിയ പ്രക്ഷോഭത്തിന് ആർഎംപിഐ നേതൃത്വം നൽകുമെന്നും എല്ലാവരുടെയും പിന്തുണ ഈ പോരാട്ടത്തിന് ഉണ്ടാവണമെന്നും ആർഎംപിഐ ഏരിയ സെക്രട്ടറി പി എം വിനു, ചെയർമാൻ എ പി ഷാജിത്ത് എന്നിവർ പ്രസ്താവനയിലൂടെ ആവശ്യപ്പെട്ടു.

സാംസ്കാരിക ചത്വരത്തിന് പണം ഈടാക്കാനുള്ള നഗരസഭയുടെ നീക്കത്തെ ശക്തമായി എതിർക്കും; ആർഎംപിഐ

വടകര: തങ്ങളുടെ താത്‌പര്യങ്ങൾക്ക്‌ വഴങ്ങാത്ത ഉദ്യോഗസ്ഥരെ ഭീഷണിപ്പെടുത്തി വരുതിക്കുനിർത്താനുള്ള സി.പി.എം. നേതാക്കളുടെ ധാർഷ്ട്യത്തിന്റെ ഇരയാണ് കണ്ണൂരിൽ ആത്മഹത്യചെയ്ത എ.ഡി.എം. നവീൻ ബാബുവെന്ന് ആർ.എം.പി.ഐ. സംസ്ഥാന സെക്രട്ടറി എൻ. വേണു പറഞ്ഞു. യാത്രയയപ്പുവേളയിൽ പരസ്യമായി നടത്തിയ അഭിപ്രായപ്രകടനങ്ങളിൽ മുറിവേറ്റാണ് നവീൻ ബാബു ജീവനൊടുക്കിയത്.
ആത്മാഭിമാനമുണ്ടെങ്കിൽ പി.പി. ദിവ്യ ജില്ലാപഞ്ചായത്ത് പ്രസിഡന്റ്സ്ഥാനം രാജിവെക്കണമെന്നും പി.പി. ദിവ്യയുടെപേരിൽ ആത്മഹത്യപ്രേരണക്കുറ്റത്തിന് കേസെടുക്കണമെന്നും വേണു ആവശ്യപ്പെട്ടു.

&nbsp;

ആത്മഹത്യപ്രേരണക്കുറ്റത്തിന് കേസെടുക്കണം; എൻ വേണു

വടകര: കേരളത്തിൽ തുടർച്ചയായി ഉണ്ടാകുന്ന പ്രകൃതിദുരന്തങ്ങളിൽ നിന്ന് നാടിനെ മോചിപ്പിക്കുന്നതിന് പിണറായി സർക്കാറിന് പ്രത്യേക പദ്ധതികളില്ലെന്നും ദുരിതാശ്വാസ പ്രവർത്തനങ്ങൾ ജനങ്ങളിൽ ഏല്പിച്ച് സർക്കാർ ഒളിച്ചോടുകയാണെന്നും കെ.സി ഉമേഷ് ബാബു പറഞ്ഞു. ആർ.എം.പി.ഐ നേതൃത്വത്തിൽ വള്ളിക്കാട് സംഘടിപ്പിച്ച പി.കൃഷ്ണപിള്ള അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കൃഷ്ണപിള്ള പടുത്തുയർത്തിയ കമ്മ്യൂണിസ്റ്റ് പാർട്ടി വർത്തമാന കാലത്ത് ജനപക്ഷരാഷ്ട്രീയം ഉപേക്ഷിച്ച് അധികാര പാർട്ടിയായി അധപ്പതിച്ചെന്നും അദ്ദേഹം പറഞ്ഞു.&nbsp;
ജനപക്ഷ നിലപാടുകൾ കൈവെടിഞ്ഞ പിണറായി സർക്കാറും പാർട്ടിയും അടിസ്ഥാന ജനവിഭാഗത്തിൻ്റെ താൽപ്പര്യങ്ങൾ സംരക്ഷിക്കാതെ ജനങ്ങളുടെ ക്ഷേമ ആനുകൂല്യങ്ങൾ നിർത്തലാക്കുകയാണ്. ഇത്തരം ജനവിരുദ്ധർ നയിക്കുന്ന പാർട്ടി കൃഷ്ണപിള്ളയുടെ കമ്മ്യൂണിസ്റ്റ് പാർട്ടിയല്ലെന്ന് കാലം തെളിയിച്ചു കൊണ്ടിരിക്കുകയാണെന്നും അദ്ദേഹം പറഞ്ഞു. ആർ.എം.പി.ഐ സംസ്ഥാന സെക്രട്ടറി എൻ വേണു, കുളങ്ങര ചന്ദ്രൻ, ടി.കെ. സിബി, കെ.ഭാസ്കരൻ എന്നിവർ സംസാരിച്ചു. കെ.കെ സദാശിവൻ അധ്യക്ഷനായി.

പ്രകൃതിദുരന്തങ്ങളിൽ നിന്ന് നാടിനെ മോചിപ്പിക്കുന്നതിന് പിണറായി സർക്കാറിന് പ്രത്യേക പദ്ധതികളില്ല; കെ.സി ഉമേഷ് ബാബു

വടകര: വയനാട് ജില്ലയിലെ മുണ്ടക്കൈ ചൂരൽമല മേഖലയിൽ ഉരുൾപൊട്ടലിൽ പെട്ട് വീടുകൾ നഷ്ടപ്പെട്ടവരെ പുനരധിവസിപ്പിക്കുന്നതിന് അടിയന്തിര പ്രാധാന്യത്തോടെ സർക്കാർ ഇടപെടണമെന്ന് ആർ എം പി ഐ നേതാക്കൾ ആവശ്യപ്പെട്ടു. ദുരിതാശ്വാസ ക്യാമ്പുകളിൽ കഴിയുന്നവരിൽ ബഹുഭൂരിപക്ഷത്തിൻ്റെയും വീടുകൾ മലവെള്ളപ്പാച്ചിലിൽ നഷ്ടമായിട്ടുണ്ട്. കടകളുൾപ്പെടെ ജീവനോപാധികൾ നഷ്ടപ്പെട്ടവരും നിരവധിയാണ്. തൊഴിൽ ചെയ്യാനാകാത്ത വിധം പരിക്കേറ്റവരുമുണ്ട്. ഇവരെയെല്ലാം ചേർത്തുപിടിക്കാനും സാധാരണ ജീവിതത്തിലേക്കു തിരികെ കൊണ്ടുവരാനും കഴിയുന്ന വിധത്തിലുള്ള വിശദമായ കർമ്മ പദ്ധതിക്ക് സർക്കാർ രൂപം നൽകണം.
ഉരുൾപൊട്ടൽ സാധ്യത നിലനിൽക്കുന്ന പരിസ്ഥിതിലോല പ്രദേശങ്ങളിൽ നിന്ന് ജനങ്ങളെ സുരക്ഷിത മേഖലകളിലേക്കു മാറ്റി പാർപ്പിക്കാൻ ദീർഘകാലാടിസ്ഥാനത്തിലുള്ള പദ്ധതികൾക്കും രൂപം നൽകേണ്ടതുണ്ട്. പ്രകൃതിദുരന്ത സാധ്യത വർധിച്ചു വരുന്ന പശ്ചാത്തലത്തിൽ ജാഗ്രതയോടുകൂടിയ സമീപനം ഇക്കാര്യത്തിൽ ആവശ്യമുണ്ടെന്നുംആർ എം പി ഐ നേതാക്കൾ പറഞ്ഞു. കെ.കെ.രമ എം എൽ എ , ആർ എം പി ഐ സംസ്ഥാന സിക്രട്ടറി എൻ. വേണു, ജില്ലാ സിക്രട്ടറി രാമകൃഷ്ണൻ തുടങ്ങിയവർ ദുരിതാശ്വാസ കേമ്പുകളിലുള്ളവരെ സന്ദർശിച്ച് വിവരങ്ങൾ ആരാഞ്ഞു.

വയനാട് ഉരുൾപൊട്ടൽ ദുരിത ബാധിതരെ സന്ദർശിച്ച് ആർ എം പി ഐ നേതാക്കൾ

പേരാമ്പ്ര: ജില്ലയിലെ മുതിർന്ന കമ്മ്യൂണിസ്റ്റും ആർ എം പി.ഐ നേതാവും നടുവണ്ണൂർ മുൻ പഞ്ചായത്ത് പ്രസിഡണ്ടുമായിരുന്ന കെ.കെ. മാധവൻ്റെ നിര്യാണത്തിൽ ആർ.എം.പി.ഐ സംസ്ഥാന കമ്മിറ്റി അനുശോചനം രേഖപ്പെടുത്തി.1956 ൽ അവിഭക്ത കമ്യൂണിസ്റ്റ് പാർട്ടി അംഗമാവുകയും 1964 ൽ സി.പി ഐ എം നൊപ്പം നിന്ന് ദീർഘകാലം തൊഴിലാളിവർഗ പ്പോരാട്ടം നടത്തി മാതൃകയുമായ കമ്യൂണിസ്റ്റായിരുന്നു കെ.കെ. മാധവനെന്ന് ആർഎം.പി ഐ സംസ്ഥാന സെക്രട്ടറി എൻ. വേണു പറഞ്ഞു.
മൂല്യാധിഷ്ഠിത രാഷ്ട്രീയത്തിൻ്റെയും കളങ്കമേശാത്ത വിശുദ്ധിയുടെയും പൊതു പ്രവർത്തന മാതൃകയായിരുന്നു മാധവൻ്റേത്. 1958 ൽ ദേശാഭിമാനി ഏജൻ്റും വിതരണക്കാരനും പിന്നീട് ഏരിയാ ലേഖകനുമായ അദ്ദേഹം നടുവണ്ണൂർ, കാവുംതറ, കരുവണ്ണൂർ ,മന്ദം കാവ് മേഖലകളിൽ കമ്യൂണിസ്റ്റ് പാർട്ടി കെട്ടിപ്പടുക്കുന്നതിൽ ധീരമായ പങ്കാണ് വഹിച്ചത്. ദീർഘകാലം സി.പി.ഐ എമ്മിൻ്റെ ബാലുശ്ശേരി ഏരിയാ സെക്രട്ടറിയും കർഷക സംഘം ജില്ലാ ജോയിൻ്റ് സെക്രട്ടറിയുമായി. നടുവണ്ണൂർ പഞ്ചായത്ത് പ്രസിഡണ്ടും ആദ്യ ജില്ലാ കൗൺസിൽ അംഗവുമായി. അങ്ങനെ നാടിൻ്റെ പൊതു പ്രവർത്തന മേഖലയെ അദ്ദേഹം സ്വന്തം കർമ മണ്ഡലമാക്കി. കാലക്രമേണ സി.പി.ഐ.എമ്മിന് സംഭവിച്ച അപചയങ്ങളെ പാർട്ടിക്കുള്ളിൽ തുറന്നെതിർത്തതിൻ്റെ പേരിൽ അരികിലാക്കപ്പെട്ടയാളായിരുന്നു മാധവൻ.&nbsp;
സ്വന്തം മകളുടെ ഭർത്താവിനെ അരിഞ്ഞു തള്ളിയ പാർട്ടിയെ അദ്ദേഹം പിന്നീട് തള്ളിപ്പറഞ്ഞു. ചന്ദ്രശേഖരൻ്റെ കൊലപാതകത്തിൽ സി.പി.ഐ എമ്മിൻ്റെ ഉന്നത നേതൃത്വത്തിന് പങ്കുണ്ടെന്ന് ഈ ലോകത്തോട് വിളിച്ചു പറഞ്ഞതിന് ശേഷമാണ് 2012 ൽ കെ.കെ. മാധവൻ പാർട്ടി വിട്ടത്. തുടർന്ന് അദ്ദേഹം ആർ.എം.പി.ഐയുടെ സമ്മേളനങ്ങളിലും സമരങ്ങളിലും സജീവ സാന്നിധ്യമായിരുന്നു. സ്വന്തം മക്കളെ തികഞ്ഞ കമ്യൂണിസ്റ്റുകാരാക്കി വളർത്തി ലാളിത്യത്തിൻ്റെ ഉത്തമ മാതൃകയായി ജീവിച്ച മാധവൻ്റെ വേർപാട് നാടിന് തീരാ നഷ്ടമാണ്. പ്രലോഭനങ്ങൾക്ക് വഴങ്ങാതെ സി. പി. ഐഎമ്മിൻ്റെ നേതൃ നാടുവാഴികൾക്കെതിരെ വിട്ടുവീഴ്ചയില്ലാത്ത നിലപാടെടുത്ത മാധവട്ടൻ യഥാർത്ഥ കമ്യൂണിസ്റ്റായി ജീവിച്ച് സ്വന്തം ജീവിതം നാടിൻ്റെ പുരോഗതിക്കായി സമർപ്പിച്ചെന്ന് എൻ വേണു പറഞ്ഞു. അദ്ദേഹത്തിൻ്റെ വേർപാടിൽ ആർഎംപി ഐ സംസ്ഥാന കമ്മിറ്റി ദുഃഖം രേഖപ്പെടുത്തുന്നതായും എൻ.വേണു പറഞ്ഞു.

കെ.കെ. മാധവൻ പ്രലോഭനങ്ങൾക്ക് വഴങ്ങാത്ത ധീര കമ്യൂണിസ്റ്റ്; ആർ.എം.പി ഐ

Perambra

കണ്ണൂർ: ടി.പി ചന്ദ്രശേഖരൻ വധക്കേസ് പ്രതികൾക്ക് ശിക്ഷയിൽ ഇളവു നൽകാൻ സംസ്ഥാന സർക്കാർ നീക്കം. മുന്നോടിയായി കണ്ണൂർ ജയിൽ സൂപ്രണ്ട് സിറ്റി പോലീസ് കമ്മീഷണറോട് റിപ്പോർട്ട് തേടി കത്തുനൽകി. കണ്ണൂർ ജയിൽ സൂപ്രണ്ട് പോലീസിന് കൈമാറിയ ഉത്തരവിന്റെ പകർപ്പ് മുഹമ്മദ് ഷാഫി, അണ്ണൻ സിജിത്ത്, ടി.കെ.രജീഷ് എന്നീ പ്രതികൾക്ക് ഇളവുനൽകാനാണ് ശ്രമം. മുഹമ്മദ് ഷാഫി, അണ്ണൻ സിജിത്ത്, ടി.കെ.രജീഷ് എന്നിവർ ഉൾപ്പടെ വിവിധ കേസുകളിലെ 56 പ്രതികൾക്ക് ശിക്ഷാ ഇളവ് നൽകുന്നതിന്റെ ഭാ​ഗമായാണ് സർക്കാർ നിർദേശത്തെ തുടർന്ന് റിപ്പോർട്ട് തേടിയിരിക്കുന്നത്. കേസിലെ ഇരകളുടെ ബന്ധുക്കൾ, പ്രതികളുടെ അയൽവാസികളും ബന്ധുക്കളും എന്നിവരോട് സംസാരിച്ചശേഷം റിപ്പോർട്ട് തയ്യാറാക്കി നൽകാനാണ് ആവശ്യപ്പെട്ടിരിക്കുന്നത്. ശിക്ഷായിളവ് തേടി ടിപി കേസ് പ്രതികൾ ഒരുമാസം മുൻപ് ഹൈക്കോടതിയെ സമീപിച്ചിരുന്നു. എന്നാൽ ആവശ്യം തള്ളി.
അതെ സമയം പ്രതികൾക്ക് ശിക്ഷാ ഇളവ് നൽകാനുള്ള സർക്കാർ തീരുമാനം അങ്ങേയറ്റം പ്രതിഷേധാർഹമെന്ന് കെ.കെ രമ പറഞ്ഞു. 'പ്രതികൾക്ക് ഒരു കാരണവശാലും ശിക്ഷായിളവ് കൊടുക്കാൻ പാടില്ല എന്നുള്ളത് ഹൈക്കോടതിയുടെ വിധിയിൽ വളരെ വ്യക്തമായിട്ടുണ്ട്. പ്രതികളുടെ ശിക്ഷ കോടതി ഇരട്ടിയായി വർധിപ്പിക്കുകയും ഇരട്ട ജീവപര്യന്തം ആക്കുകയും ചെയ്തിട്ടുണ്ട്. ഹൈക്കോടതിയുടെ ശക്തമായ വിധി ഉണ്ടായിട്ടുപോലും അതിനെയെല്ലാം മാറികടന്നുകൊണ്ടുള്ള ഒരു തീരുമാനമാണ് ഇപ്പോൾ ഉണ്ടായിട്ടുള്ളത്. ഇത് ഹൈക്കോടതിയോടുള്ള വെല്ലുവിളിയും കോടതി അലക്ഷ്യവുമാണ്. ഇവരുടെ പേര് ശിക്ഷായിളവ് നൽകുന്നവരുടെ ലിസ്റ്റിൽപോലും ഉണ്ടാവാൻ പാടില്ലാത്തതാണ്. ശക്തമായ കോടതി വിധി ഉണ്ടായിട്ടുപോലും ഇതാണ് സർക്കാറിന്റെ നീക്കമെങ്കിൽ അതിനെ രാഷ്ട്രീയപരമായും നിയമപരമായും നേരിടാനാണ് തീരുമാനം. കോടതിയേയും ഗവർണറെയും സമീപിക്കും', കെ.കെ രമ വ്യക്തമാക്കി.

ടി.പി കേസ് പ്രതികള്‍ക്ക് ശിക്ഷായിളവ് നല്‍കാന്‍ നീക്കം; കമ്മീഷണറോട് റിപ്പോർട്ട് തേടി

മണിയൂർ: സ്ഫോടക വസ്തു ഏറിൽ കേടുപാടുകൾ സംഭവിച്ച ബ്ലോക്ക് കോൺഗ്രസ് കമ്മിറ്റി ജനറൽ സെക്രട്ടറി ബാബു മുതുവീട്ടിലിന്റെയും യൂത്ത് കോൺഗ്രസ് മണ്ഡലം പ്രസിഡണ്ട് വിഷ്ണു മുതുവീട്ടിലിന്റെയും വീടുകൾ കോൺഗ്രസ് - ആർഎംപിഐ നേതാക്കൾ സന്ദർശിച്ചു. സംഭവത്തിൽ സമഗ്രാന്വേഷണം നടത്തി കുറ്റക്കാരെ പെട്ടെന്ന് തന്നെ പിടികൂടാൻ വേണ്ട നടപടികൾ ഉണ്ടാവണമെന്ന് നേതാക്കൾ ആവശ്യപ്പെട്ടു.
ടിപി വധക്കേസ് പ്രതികൾക്ക് പരോൾ അനുവദിച്ചത് വടകരയിലെ യുഡിഎഫ് - ആർഎംപി പ്രവർത്തകർക്ക് നേരെ അക്രമത്തിന് കോപ്പ് കൂട്ടാൻ ആണെന്നും നേതാക്കൾ ആരോപിച്ചു. കെപിസിസി മീഡിയ സെൽ കൺവീനർ ഡോ. പി സരിൻ , ആർഎംപിഐ സംസ്ഥാന സെക്രട്ടറി എൻ വേണു , ബ്ലോക്ക് കോൺഗ്രസ് കമ്മിറ്റി പ്രസിഡണ്ട് പിസി ഷീബ, കോൺഗ്രസ് നേതാക്കളായ സി.ആർ സജിത്ത്, പ്രതീഷ് കോട്ടപ്പള്ളി, ശുഹൈബ് ഒന്തത്ത്, സച്ചിൻ എന്നിവർ നേതാക്കൾക്കൊപ്പം ഉണ്ടായിരുന്നു.

കോൺഗ്രസ് - ആർഎംപിഐ നേതാക്കൾ സന്ദർശിച്ചു

നാദാപുരം: കക്കട്ടിനടുത്ത് പാതിരിപ്പറ്റയിൽ ആര്‍എംപിഐ പ്രവര്‍ത്തകന്റെ വീടിന് നേരെ ബോംബെറിഞ്ഞതായി പരാതി. മലയിൽപീടികയ്ക്ക് സമീപം നെല്ലോം കുഴിയിൽ പൊക്കന്റ വീടിന് നേരെയാണ് ബോംബെറിഞ്ഞത്. ചൊവ്വാഴ്ച രാത്രി 12 മണിക്ക് ശേഷമാണ് സംഭവമെന്ന് വീട്ടുകാര്‍ പറഞ്ഞു. മുന്‍വശത്തെ വാതിലും ജനല്‍ പാളികളും തകര്‍ന്നിട്ടുണ്ട്.&nbsp;
കുറ്റ്യാടി പോലിസ് സ്ഥലത്തെത്തി അന്വേഷണം ആരംഭിച്ചു. ഡോഗ് സ്‌ക്വാഡും സ്ഥലത്ത് പരിശോധന നടത്തി. സംഭവ സമയത്ത് പൊക്കൻ വീട്ടിൽ ഉണ്ടായിരുന്നില്ല. നല്ല ശബ്ദമുണ്ടായിരുന്നുവെന്നും മുറിയാകെ പുക നിറഞ്ഞെന്നും ഭാര്യ പറഞ്ഞു. യുഡിഎഫ് നേതാക്കളായ പ്രമോദ് കക്കട്ടിൽ, സി കെ അബു, റഷീദ് വട്ടോളി, കുളങ്ങര ചന്ദ്രൻ, ഇ.സി.ബാലന്‍ ഉൾപ്പടെയുള്ളവർ വീട്ടിലെത്തി. സമഗ്രാന്വേഷണം നടത്തി പ്രതികളെ നിയമത്തിന്റെ മുമ്പില്‍ കൊണ്ട് വരണമെന്ന് യുഡിഎഫ്-ആര്‍എംപിഐ നേതാക്കൾ ആവശ്യപ്പെട്ടു.

പാതിരപ്പറ്റയിൽ ആര്‍എംപിഐ പ്രവര്‍ത്തകന്റെ വീടിന് നേരെ ബോംബേറ്

Nadapuram

വടകര : ഫെയ്‌സ്ബുക്കിലൂടെ വിദ്വേഷവും സ്പർധയും ഉണ്ടാക്കുന്ന പോസ്റ്റർ പ്രചരിപ്പിച്ചതിന് ആർ.എം.പി. അനുഭാവിയെ വടകര സൈബർ പോലീസ് അറസ്റ്റ് ചെയ്തു. കോയമ്പത്തൂരിൽ താമസിക്കുന്ന ടോജോ മണക്കലാടനെ (42)യാണ് വടകര സൈബർ ഇൻസ്പെക്ടർ എം.പി. വിനീഷ് കുമാർ, എസ്.ഐ. വി.എൻ. വിനോദൻ എന്നിവരുടെ നേതൃത്വത്തിൽ അറസ്റ്റുചെയ്തത്.
മേയ് നാലിന് ടി.പി. ചന്ദ്രശേഖരൻ രക്തസാക്ഷിത്വദിനത്തിൽ സ്പർധയുണ്ടാക്കുന്ന പോസ്റ്റ് ഫെയ്‌സ്ബുക്ക് വഴി പ്രചരിപ്പിച്ചെന്നാണ് കേസ്. ഇയാളെ ജാമ്യത്തിൽ വിട്ടു. സാമൂഹികമാധ്യമങ്ങളിലൂടെ വിദ്വേഷജനകമായ പോസ്റ്റുകൾ പ്രചരിപ്പിക്കുന്നവർക്കെതിരേ സൈബർ പോലീസ് സോഷ്യൽ മീഡിയ പട്രോളിങ് ടീം പ്രവർത്തനം തുടങ്ങിയിട്ടുണ്ട്.

വിദ്വേഷപ്രചാരണം; ആർ.എം.പി.ക്കാരൻ വടകര സൈബർ പോലീസ് പിടിയിൽ

കോഴിക്കോട്: ഫലസ്തീന്‍ ഐക്യദാര്‍ഢ്യ റാലി വേദിയില്‍ സമസ്ത സെക്രട്ടറി മുക്കം ഉമര്‍ ഫൈസി നിസ്‌കരിച്ചതിനെതിരായ വിവാദ പരാമർശത്തിൽ ആര്‍എംപി നേതാവ് കെ.എസ് ഹരിഹരനെതിരെ എസ്.കെ.എസ്.എസ്.എഫ്. വേദിയിൽ നിസ്കരിച്ചതിനെ അധിക്ഷേപിക്കുകയും തരംതാണ പ്രയോഗങ്ങള്‍ കൊണ്ട് പരിഹസിക്കുകയും ചെയ്ത പ്രസ്താവന അപലപനീയമാണെന്ന് എസ്.കെ.എസ്.എസ്.എഫ് സംസ്ഥാന സെക്രട്ടറിയേറ്റ് പറഞ്ഞു.
നിസ്‌കാരം സമയനിഷ്ഠ പാലിച്ച് നിര്‍വഹിക്കേണ്ട ആരാധനയാണ്. മതേതര കേരളത്തിന്റെ അനുഗ്രഹീത ഭൂമികയില്‍ ഇടത്- വലത് രാഷ്ട്രീയ വേദികളില്‍ പലപ്പോഴായി നമസ്‌കാരം നിര്‍വഹിക്കപ്പെട്ടിട്ടുണ്ടെന്നും യോ​ഗം ചൂണ്ടിക്കാട്ടി. ന്യൂനപക്ഷങ്ങളുടെ സാംസ്‌കാരിക സാമൂഹിക സ്വത്വങ്ങള്‍ പൊതുസമൂഹം പരിചയപ്പെടുന്നത് പോലും അംഗീകരിക്കാന്‍ സാധിക്കാത്ത നാസ്തിക ചിന്തയാണ് ഹരിഹരനെ ഈ പ്രസ്താവനയ്ക്ക് പ്രേരിപ്പിച്ചത്.
മത പണ്ഡിതരെയും വിശ്വാസാചാരങ്ങളെയും അവഹേളിക്കുന്ന ആര്‍എംപി നേതാവിന്റെ പ്രസ്താവന തിരുത്താനും അപലപിക്കാനും ഉത്തരവാദപ്പെട്ട നേതാക്കള്‍ക്ക് ബാധ്യതയുണ്ടെന്നും യോഗം ചൂണ്ടിക്കാട്ടി. പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷത വഹിച്ചു.

ആരാധനകളെ അപഹസിക്കുന്നത് അപലപനീയം: കെ.എസ് ഹരിഹരന്റെ പരാമർശത്തിനെതിരെ  എസ്.കെ.എസ്.എസ്.എഫ്

Kerala

വടകര: സ്ത്രീവിരുദ്ധ പരാമർശം നടത്തിയ ആർഎംപി കേന്ദ്ര കമ്മിറ്റി അംഗം കെ.എസ്.ഹരിഹരനെതിരെ കേസെടുത്ത് വടകര പൊലീസ്. സ്ത്രീത്വത്തെ അപമാനിക്കൽ, കലാപശ്രമം തുടങ്ങിയ വകുപ്പുകൾ ചുമത്തിയാണ് കേസെടുത്തത്. ജനാധിപത്യ മഹിളാ അസോസിയേഷൻ നേതാവ് കെ.പുഷ്പജ നൽകിയ പരാതിയിലാണ് നടപടി.&nbsp;
&nbsp;വടകര മണ്ഡലം എൽഡിഎഫ് സ്ഥാനാർഥി കെ.കെ.ശൈലജയ്ക്കെതിരെ നടത്തിയ പരാമർശത്തെത്തുടർന്ന് ഹരിഹരിന് രൂക്ഷ വിമർശനം നേരിടേണ്ടി വന്നിരുന്നു. ശനിയാഴ്ച വടകര കോട്ടപ്പറമ്പിൽ യുഡിഎഫ് സംഘടിപ്പിച്ച ജനകീയ ക്യാംപയിനിലാണ് അധിക്ഷേപ പരാമർശമുണ്ടായത്.&nbsp;
യുഡിഎഫ് നേതാക്കളുൾപ്പെടെ ഹരിഹരനെ തള്ളിപ്പറഞ്ഞ് രംഗത്തെത്തി. പിന്നാലെ ഹരിഹരന്റെ വീടിനു നേരെ ആക്രമണമുണ്ടായി. സ്ഫോടക വസ്തു എറിഞ്ഞ സംഭവവുമായി ബന്ധപ്പെട്ടും പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.&nbsp;

വിവാദ പരാമർശം: ആർഎംപി നേതാവ് കെ.എസ്.ഹരിഹരനെതിരെ പൊലീസ് കേസെടുത്തു

കോഴിക്കോട്: വീടിന് നേരെ സ്‌ഫോടകവസ്തു എറിഞ്ഞ സംഭവത്തില്‍ ആര്‍.എം.പി നേതാവ് കെ.എസ് ഹരിഹരന്റെ പരാതിയില്‍ കേസെടുത്തു. കണ്ടാലറിയാവുന്ന മൂന്നുപേര്‍ക്കെതിരേയാണ് കേസെടുത്തത്. ഞായറാഴ്ച രാത്രി ഏട്ടേകാലോടെയായിരുന്നു തേഞ്ഞിപ്പലം ഒലിപ്രംകടവിലെ ഹരിഹരന്റെ വീടിന് നേരെ ബൈക്കിലെത്തിയ സംഘം സ്‌ഫോടകവസ്തുക്കള്‍ എറിഞ്ഞത്. ഞായറാഴ്ച വൈകീട്ടുമുതല്‍ രണ്ടുബൈക്കുകളില്‍ സംഘം പ്രദേശത്തുണ്ടായിരുന്നുവെന്ന് ഹരിഹരന്‍ പ്രതികരിച്ചിരുന്നു.
വീടിന് മുന്നില്‍ വന്ന് അസഭ്യം പറഞ്ഞ സംഭവത്തില്‍ കെ.എസ് ഹരിഹരന്റെ മറ്റൊരു പരാതിയിലും തേഞ്ഞിപ്പാലം പോലീസ് കേസെടുത്തിട്ടുണ്ട്. അഞ്ചു പേര്‍ക്കെതിരെയാണ് കേസ്. ഞായറാഴ്ച ഉച്ചയോടെയാണ് വടകര രജിസ്‌ട്രേഷനിലെ കാറില്‍ എത്തിയ സംഘം വീടിന് മുന്നില്‍ നിന്ന് അസഭ്യം പറഞ്ഞത്.
ശനിയാഴ്ച വടകരയില്‍ നടന്ന യു.ഡി.എഫ്. പരിപാടിക്കിടെ ഹരിഹരന്‍ നടത്തിയ സ്ത്രീവിരുദ്ധ പരാമര്‍ശം വലിയ വിവാദത്തിന് വഴിവെച്ചിരുന്നു. പ്രസ്താവനയില്‍ ഹരിഹരന്‍ മാപ്പു പറഞ്ഞെങ്കിലും നടപടിയെടുക്കണമെന്നാവശ്യപ്പെട്ട് ഡി.വൈ.എഫ്.ഐ പരാതി നല്‍കുകയും ചെയ്തിരുന്നു.
വടകരയിലെ വിവാദ അശ്ലീലവീഡിയോ വിഷയത്തില്‍ കെ.കെ. ശൈലജ, മഞ്ജുവാര്യര്‍ എന്നിവരുടെ പേരെടുത്തുപറഞ്ഞ് നടത്തിയ പരാമര്‍ശമായിരുന്നു വിവാദത്തിലായത്. 'സി.പി.എം. വര്‍ഗീയതയ്‌ക്കെതിരേ നാടൊരുമിക്കണം' എന്ന സന്ദേശവുമായി യു.ഡി.എഫും ആര്‍.എം.പി.ഐയും വടകരയില്‍ നടത്തിയ കാമ്പയിനിലായിരുന്നു ഹരിഹരന്റെ വിവാദ പ്രസംഗം.

വീടിന് നേരെ സ്‌ഫോടകവസ്തു എറിഞ്ഞ സംഭവം; ഹരിഹരന്റെ പരാതിയില്‍ മൂന്നുപേര്‍ക്കെതിരേ കേസെടുത്തു

ചോമ്പാല : കഴിഞ്ഞ 13-ന് രാത്രി ചിറയിൽ പീടികയിൽ ആർ.എം.പി. പ്രവർത്തകരായ റോഷിൻ, രഥുൽ എന്നിവരെ ആക്രമിച്ച് പരിക്കേൽപ്പിച്ച സംഭവത്തിൽ പ്രതിയായ പുതിയോട്ടുംകണ്ടി അതുൽരാജി (28 )നെ അറസ്റ്റുചെയ്തു.പ്രതിയെ വടകര കോടതി റിമാൻ‍ഡ് ചെയ്തു.&nbsp;

ചോമ്പാലയിൽ ആർ.എം.പി. പ്രവർത്തകരെ മർദിച്ച സംഭവം: ഒരാൾ അറസ്റ്റിൽ

വടകര: 114 ആം ബൂത്ത് യു ഡി എഫ്- ആർ എം പി ഐ കുടുംബ സംഗമം സലഫി മദ്രസക്ക് സമീപം വച്ച് നടന്നു. തയ്യുള്ളതിൽ നാരായണൻ സ്വാഗതം പറഞ്ഞു. അൻസാർ പുനത്തിൽ അധ്യക്ഷത വഹിച്ചു. ആർ എം പി ഐ നേതാവ് മിനിക കുടുംബ സംഗമം ഉദ്ഘാടനം ചെയ്തു. സുധീഷ് വള്ളിൽ, രഞ്ജിത് കുമാർ, പി കെ സി റഷീദ്, ടിപി കമറുദ്ദീൻ, തൻസീൽ ടിപി, പി കെ സി അഫ്സൽ, ആചമ്മണ്ടി നാരായണൻ, പുനത്തിൽ മജീദ് എന്നിവർ ആശംസ അർപ്പിച്ചു. വളളിൽ ഹരിദാസൻ നന്ദി രേഖപ്പെടുത്തി.

കുടുംബ സംഗമം നടത്തി

അഴിയൂർ: നിർണായകമായ പാർലമെന്റ് തെരഞ്ഞെടുപ്പിൽ വടകരയിലെ വോട്ടർമാർ ഇത്തവണയും ഐക്യ ജനാധിപത്യ മുന്നണിക്കൊപ്പം നിന്ന് ഷാഫി പറമ്പിലിന്റെ വിജയം ഉറപ്പാക്കുമെന്ന് സയ്യിദ് സാദിഖലി ശിഹാബ് തങ്ങൾ പറഞ്ഞു. അഴിയൂർ ചുങ്കത്ത് ശാഫി പറമ്പിലിന്റെ തെരഞ്ഞെടുപ്പ് പ്രചരണാർത്ഥം യു.ഡി.എഫ്, ആർ.എം.പി.ഐ സംഘടിപ്പിച്ച തെരഞ്ഞെടുപ്പ് യോഗം ഉൽഘാടനം ചെയ്തു സംസാരിക്കുകയായിരുന്നു അദ്ദേഹം. രാജ്യത്തെ വീണ്ടെടുക്കാനുള്ള തെരഞ്ഞെടുപ്പാണിത്.&nbsp;
രാജ്യത്തിന്റെ ജനാധിപത്യവും, മതേതരത്വവും നിലനിർത്തുക എന്നതാണ് ഒരോ ഇന്ത്യക്കാരന്റെയും ആഗഹം. മാറ്റത്തിനുള്ള അവസരമായി ഈ തെരഞ്ഞെടുപ്പിൽ സമ്മതിദാന അവകാശം ഉപയോഗിക്കണമെന്നും തങ്ങൾ അവശ്യപ്പെട്ടു. ചടങ്ങിൽ കോട്ടയിൽ രാധാകൃഷ്ണൻ അദ്ധ്യക്ഷത വഹിച്ചു. എം.എ റസാക്ക് , ടി.ടി.ഇസ്മായിൽ, അഹമ്മദ് പുന്നക്കൽ , എസ്.പി.കുഞ്ഞമ്മദ്, എം.സി വടകര, കെ.എസ് ഹരിഹരൻ , പി.പി. ജാഫർ , യു.എ.റഹീം, ആയിഷ ഉമ്മർ ,എൻ.പി.അബ്ദുള്ള ഹാജി, പി.ബാബുരാജ്, കാസിം നെല്ലോളി, പി.പി.ഇസ്മായിൽ, ചന്ദ്രൻ കുളങ്ങര, മഹമൂദ് പാമ്പള്ളി, വി.വി. പ്രകാശൻ , ശ്യാമള ടി.പി. എന്നിവർ സംസാരിച്ചു. കെ.അൻവർ ഹാജി സ്വാഗതവും, ടി.സി.രാമചന്ദ്രൻ നന്ദിയും പറഞ്ഞു.

വടകര ഇത്തവണയും ചരിത്രമെഴുതും; സയ്യിദ് സാദിഖലി ശിഹാബ് തങ്ങൾ

വടകര: തെരഞ്ഞെടുപ്പ് പ്രവർത്തനത്തിനിടെ സംഘർഷത്തിൽ പരുക്കേറ്റ് ചികിത്സയിൽ കഴിയുന്ന ആർഎംപി പ്രവർത്തകരെ യുഡിഎഫ് സ്ഥാനാർഥി ഷാഫി പറമ്പിൽ സന്ദർശിച്ചു. കഴിഞ്ഞ ദിവസം അഴിയൂർ ചിറയിൽ പീടികയിൽ വെച്ചാണ് സി പി എം - ആർഎംപി സംഘർഷമുണ്ടായത്. രണ്ട് ആർ എം പി പ്രവർത്തകർക്ക് മർദനമേറ്റിരുന്നു. റവല്യൂഷണറി യൂത്ത് ഒഞ്ചിയം ബ്ലോക്ക് കമ്മറ്റി അംഗം പെരുമുണ്ട വയലിൽ റോഷിൻ, മേഖലാ കമ്മറ്റി അംഗം പെരുമുണ്ട വയലിൽ രതുന്‍ എന്നിവരാണ് ചികിത്സയിൽ കഴിയുന്നത്.&nbsp;&nbsp;
അക്രമം നടത്തി തെരഞ്ഞെടുപ്പ് അട്ടിമറിക്കാമെന്നത് സിപിഎമ്മിൻ്റെ വ്യാമോഹം മാത്രമാണെന്ന് ഷാഫി പറമ്പിൽ പറഞ്ഞു. സമാധാന വഴിയിൽ തെരഞ്ഞെടുപ്പിനെ നേരിടാൻ സിപിഎമ്മിനെ സ്വാഗതം ചെയ്യുന്നു. ജനാധിപത്യത്തിൽ അക്രമം തെരഞ്ഞെടുപ്പ് ഉപാധിയല്ല. ആരോഗ്യകരമായ രീതിയിലാവണം മത്സരം. ഇനി അക്രമംകൊണ്ട് യുഡിഎഫ് - ആർ എം പി പ്രവർത്തകർ പിരിഞ്ഞുപോകും എന്നാണ് കരുതുന്നതെങ്കിൽ അത് നടക്കാൻ പോകുന്നില്ലെന്നും ഷാഫി പറമ്പിൽ പറഞ്ഞു. കെ.കെ രമ എംഎൽഎയും മറ്റ് യുഡിഎഫ് - ആർഎംപി നേതാക്കളും കൂടെയുണ്ടായിരുന്നു.

അഴിയൂരിൽ സംഘർഷത്തിൽ പരുക്കേറ്റ ആർഎംപി പ്രവർത്തകരെ ഷാഫി പറമ്പിൽ സന്ദർശിച്ചു

വടകര: യു ഡി എഫ് സ്ഥാനാർത്ഥി ഷാഫി പറമ്പിലിൻ്റെ പ്രചരണത്തിൻ്റെ ഭാഗമായി അഴിയൂർ പഞ്ചായത്തിലെ 20, 21 ബൂത്തുകളുടെ സംയുക്ത കുടുംബ സംഗമം ഹാർബർ റോഡിൽ പാഞ്ചാം പറമ്പത്ത് വീട്ടിൽ വെച്ച് നടന്നു. വടകര നിയോജക മണ്ഡലം ചെയർമാൻ കോട്ടയിൽ രാധാകൃഷ്ണൻ ഉദ്ഘാടനം ചെയ്തു. ഹാരിസ് മുക്കാളി അധ്യക്ഷത വഹിച്ചു. ഹരിദാസ് മൊകേരി മുഖ്യപ്രഭാക്ഷണം നടത്തി. ഡി.സി.സി സിക്രട്ടറി കെ.പി കരുണൻ, യു ഡി എഫ്- ആർ എം പി ഐ ചെയർമാൻ അൻവർ ഹാജി , കൺവീനർ ടി.സി രാമചന്ദ്രൻ, വി.പി പ്രകാശൻ, പി ബാബുരാജ്, ഷെറി ചോമ്പാല, പി.കെ കോയ, വി.കെ അനിൽകുമാർ, ശിവൻ ആനിക്ക, അബൂബക്കർ സി, ഇബ്രായി എൻ, ജിത്തുകാരായി തുടങ്ങിയവർ സംസാരിച്ചു. ജയപ്രതീഷ് നന്ദി പറഞ്ഞു.

Inshort

അഴിയൂർ: പാനൂരിലെ ബോംബ് സ്ഫോടനത്തിൽ സമഗ്ര അന്വേഷണം നടത്തണമെന്നാവശ്യപ്പെട്ടും, സംഭവത്തിൽ പ്രതിഷേധിച്ചും യു.ഡി.എഫ്, ആർ.എം.പി ഐ മുന്നണി കുഞ്ഞിപ്പള്ളി ടൗണിൽ പ്രതിഷേധ പ്രകടനം നടത്തി. കെ.അൻവർ ഹാജി, പി.ബാബുരാജ്, യു.എ.റഹീം, ടി.സി.രാമചന്ദ്രൻ ,പ്രദീപ് ചോമ്പാല , വി.പി.പ്രകാശൻ , കെ.പി.രവീന്ദ്രൻ , വി.കെ.അനിൽകുമാർ , കെ.പി. ചെറിയ കോയ തങ്ങൾ, ടി.പി. പ്രേമൻ , സോമൻ കൊളരാട്, ഹാരിസ് മുക്കാളി, പി.കെ. കോയ , മഹമൂദ് ഫനാർ, ഇക്ക്ബാൽ അഴിയൂർ, ധനേഷ്, എന്നിവർ നേതൃത്വം നൽകി.

യു.ഡി.എഫ്- ആർ എം.പി ഐ  പ്രതിഷേധ പ്രകടനം നടത്തി

വടകര: പഴങ്കാവ് മേഖല യുഡിഎഫ്, ആർ.എം പി ഐ തിരഞ്ഞെടുപ്പ് കമ്മിറ്റി ഓഫീസ് യുഡിഎഫിന്റെ സീനിയർ നേതാവ് എം. സി.ഇബ്രാഹിം ഉദ്ഘാടനം ചെയ്തു. വി. കെ. പ്രേമൻ അധ്യക്ഷത വഹിച്ച യോഗത്തിൽ ടി. പി. ശ്രീലേഷ് സ്വാഗതം പറഞ്ഞു. വി. കെ. രാജൻ നന്ദി പറഞ്ഞു. സുഭാഷ്, സുരേഷ് കുളങ്ങരത്ത്, സുനീത് ബക്കർ, ദിവാകരൻ കെ. വി, വേണുഗോപാൽ. എം, സോമൻ. പി.എന്നിവർ ആശംസകൾ അർപ്പിച്ചു സംസാരിച്ചു.

തിരഞ്ഞെടുപ്പ് കമ്മിറ്റി ഓഫീസ് ഉദ്ഘാടനം ചെയ്തു

വടകര: കൊല്ലപ്പെട്ട വെറ്ററിനറി സര്‍വകലാശാലാ വിദ്യാര്‍ഥി സിദ്ധാര്‍ഥിന്റെ അമ്മയുടെ കണ്ണുനീരിനുള്ള പ്രതികാരം കൂടിയായിരിക്കും ഈ തെരഞ്ഞെടുപ്പെന്ന് കെ.കെ രമ എംഎഎല്‍. ജനമനസുകളെ വെട്ടിമുറിക്കുന്ന കേന്ദ്രഭരണത്തിനൊപ്പം ഓരോ സാധാരണക്കാരന്റെയും ജീവിതം ദു:സഹമാക്കിയ സംസ്ഥാന സര്‍ക്കാരിന് എതിരായ വിധിയെഴുത്തായിരിക്കും തെരഞ്ഞെടുപ്പെന്നും അവര്‍ പറഞ്ഞു. യുഡിഎഫ് സ്ഥാനാര്‍ഥി ഷാഫി പറമ്പിലിന്റെ നാമനിര്‍ദേശ പത്രിക സമര്‍പ്പണത്തിന് മുന്നോടിയായുള്ള മഹിളാ കൂട്ടായ്മയില്‍ സംസാരിക്കുകയായിരുന്നു കെ.കെ രമ.
കൊലപാതക രാഷ്ട്രീയം, അക്രമ രാഷ്ട്രീയം എന്നിവയ്‌ക്കെതിരെ അമ്മമാരുടെ പ്രതികരണമാക്കി ഈ തെരഞ്ഞെടുപ്പിനെ നമ്മള്‍ മാറ്റും. അക്രമ രാഷ്ട്രീയത്തിന്റെ ഇരകളായ സഹോദരിമാരുടെ കണ്ണുനീരിന് നമ്മള്‍ പ്രതികാരം ചെയ്യും. ദു:സഹമായ വിലക്കയറ്റമാണ് നാട്ടില്‍ ഉണ്ടായിരിക്കുന്നത്. ഇതിനെതിരായ വിധിയെഴുത്താക്കി ഈ തെരഞ്ഞെടുപ്പിനെ മാറ്റും. വടകരയിലെ സ്ത്രീകള്‍ ഈ തെരഞ്ഞെടുപ്പിനെ ഏറ്റെടുക്കുകയാണെന്നും കെ.കെ രമ പറഞ്ഞു.
വനിതാ ലീഗ് ജില്ലാ പ്രസിഡന്റ് ആമിന അധ്യക്ഷയായിരുന്നു. സുഹറ മമ്പാട്, അച്ചു ഉമ്മന്‍, കുത്സു, ഡോ. ഹരിപ്രിയ, ത്രേസ്യാമ്മ മാത്യു, മിനിക, സന്ധ്യ കരണ്ടോട്, ഗീത മോഹനന്‍ തുടങ്ങിയവര്‍ സംസാരിച്ചു.

സിദ്ധാര്‍ഥിന്റെ അമ്മയുടെ കണ്ണുനീരിന് തിരഞ്ഞെടുപ്പിലൂടെ പ്രതികാരം ചെയ്യും ; കെ.കെ രമ എംഎല്‍എ

വടകര: ചോറോട് പഞ്ചായത്ത്‌ യു ഡി എഫ് - ആർ എം പി ഐ 71 ആം ബൂത്ത്‌ കമ്മിറ്റി ഉദ്ഘാടനം ആർ എം പി ഐ സംസ്ഥാന സെക്രെട്ടറി എൻ വേണു നിർവഹിച്ചു. യൂത്ത് കോൺഗ്രസ്‌ സംസ്ഥാന പ്രസിഡന്റ്‌ രാഹുൽ മാംങ്കുട്ടത്തിൽ മുഖ്യ പ്രഭാഷണം നടത്തി. ബ്ലോക്ക്‌ കോൺഗ്രസ്‌ പ്രസിഡന്റ്‌ സതീശൻ കുരിയാടി, കോൺഗ്രസ്‌ ചോറോട് മണ്ഡലം പ്രസിഡന്റ്‌ നജ്മൽ പി ടി കെ, ഹാഷിം കാളം കുളം (വടകര മണ്ഡലം മുസ്ലിം ലീഗ് സെക്രട്ടറി ), ഒ എം അസീസ് (യുഡിഫ് ചോറോട് പഞ്ചായത്ത് കൺവീനർ), ശശി വള്ളിക്കാട്, ഗീത മോഹനൻ, സുരേന്ദ്രൻ എം ടി കെ, സദാശിവൻ, മഠത്തിൽ പുഷ്പ, റഫീഖ് മലയിൽ, രവീന്ദ്രൻ മരത്തപള്ളി, ഇസ്മായിൽ വടക്കയിൽ തുടങ്ങിയവർ സംസാരിച്ചു.

യു ഡി എഫ് - ആർ എം പി ഐ തിരഞ്ഞെടുപ്പ് കൺവെൻഷൻ നടത്തി

വടകര: ബിജെപിയുമായി അവിശുദ്ധ കൂട്ടുകെട്ട് ഉണ്ടാക്കിയ സിപിഐഎം നെതിരെ വടകരയിലെ പ്രബുദ്ധരായ ജനങ്ങൾ വിധിയെഴുതുമെന്ന് യൂത്ത് കോൺഗ്രസ്‌ സംസ്ഥാന പ്രസിഡന്റ് രാഹുൽ മാങ്കൂട്ടത്തിൽ. വടകരയിൽ മത്സരിക്കുന്ന ഷാഫി പറമ്പിലിനെതിരെ ബിജെപി സംസ്ഥാന പ്രസിഡന്റ്‌ നിരന്തരം പ്രസ്താവനകൾ ഇറക്കുന്നത് ഇതിന്റെ ഭാഗമായാണെന്നും, സുരേന്ദ്രനും സിപിഐഎംമ്മും എത്ര ശ്രമിച്ചാലും വടകരയിൽ ഷാഫി പറമ്പിൽ വിജയിച്ചു കേറുമെന്നും അദ്ദേഹം കൂട്ടിച്ചേർത്തു.&nbsp;
ചോറോട് പഞ്ചായത്ത് യു ഡി എഫ്- ആർ എം പി ഐ തെരഞ്ഞെടുപ്പ് കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അഡ്വ : പി. ടി. കെ നജ്മൽ അധ്യക്ഷത വഹിച്ചു. യു ഡി എഫ് ജില്ലാ കൺവീനർ അഹമ്മദ് പുന്നക്കൽ, കോട്ടയിൽ രാധാകൃഷ്ണൻ, സതീശൻ കുരിയാടി, ഒ. എം അസീസ്, വി. പി ദുൽഖിഫിൽ, അഫ്നാസ് ചോറോട്, സദാശിവൻ, കെ. പി കരുണൻ, ഇസ്മായിൽ, ശശി വള്ളിക്കാട്, കൂടാളി അശോകൻ, എം ടി സലാം, സി നിജിൻ തുടങ്ങിയവർ സംസാരിച്ചു.
ഭാരവാഹികൾ; ചെയർമാൻ : അഡ്വ : നജ്മൽ. പി. ടി. കെ , ജനറൽ കൺവീനർ : ഒ. എം അസീസ് , ട്രഷറർ : കെ. കെ സദാശിവൻ.

ബിജെപി - സിപിഎം അവിശുദ്ധ കൂട്ടുകെട്ടിനെതിരെ വടകരയിലെ ജനങ്ങൾ വിധിയെഴുതും: രാഹുൽ മാങ്കൂട്ടത്തിൽ

കൊച്ചി: ആർ.എം.പി. നേതാവ് ടി.പി ചന്ദ്രശേഖരൻ വധക്കേസിലെ ശിക്ഷാവിധി ചൊവ്വാഴ്ച. ഒന്നുമുതൽ എട്ടുവരെ പ്രതികളായ എം.സി. അനൂപ്, കിർമാണി മനോജ്, കൊടി സുനി, ടി.കെ. രജീഷ്, മുഹമ്മദ് ഷാഫി, അണ്ണൻ സിജിത്ത്, കെ. ഷിനോജ്, കെ.സി. രാമചന്ദ്രൻ, 11-ാം പ്രതി ട്രൗസർ മനോജ് എന്നിവരുടെ ശിക്ഷ വർധിപ്പിക്കണമെന്ന ഹർജിയിലാണ് നാളെ വിധി. ജസ്റ്റിസ് എ.കെ. ജയശങ്കരൻ നമ്പ്യാരും ജസ്റ്റിസ് കൗസർ എടപ്പഗത്തും അടങ്ങിയ ബെഞ്ചിന്റേതാണ് തീരുമാനം.
പ്രതികൾക്ക് പരാമാവധി ശിക്ഷ നൽകണമെന്നായിരുന്നു കെ.കെ. രമ സമർപ്പിച്ച അപ്പീലിലെ ആവശ്യം. കുറ്റക്കാരാണെന്ന് കണ്ടെത്തിയ പ്രതികളെ തിങ്കളാഴ്ച രാവിലെ പത്തോടെയാണ് കോടതിയിലെത്തിച്ചത്. പത്താംപ്രതി സി.പി.എം. ഒഞ്ചിയം ഏരിയാകമ്മിറ്റി അംഗമായിരുന്ന കെ.കെ കൃഷ്ണനും കോടതിയിലെത്തി. അതേസമയം, പന്ത്രണ്ടാം പ്രതിയായ കുന്നോത്തുപറമ്പ് ലോക്കൽകമ്മിറ്റി അംഗമായിരുന്ന ജ്യോതിബാബു ആ​രോ​ഗ്യപ്രശ്നങ്ങൾ ചൂണ്ടിക്കാട്ടി ആശുപത്രിയിൽ നിന്ന് ഓൺലൈനിലാണ് ഹാജരായത്.
ശിക്ഷ സംബന്ധിച്ച് വിശദമായ കാര്യങ്ങൾ കോടതി പ്രതികളോട് ചോദിച്ചറിഞ്ഞു. പ്രതികൾ ജയിലിൽചെയ്ത ജോലി, മാനസികാരോഗ്യത്തെ സംബന്ധിച്ച റിപ്പോർട്ട്, പ്രൊബേഷൻ ഓഫീസറുടെ റിപ്പോർട്ട് എന്നിവയും കോടതി പരിശോധിച്ചിരുന്നു. ഈ മൂന്ന് റിപ്പോർട്ടുകളും പഠിക്കാനുള്ള പ്രതിഭാ​ഗത്തിന്റെ ആവശ്യം പരിഗണിച്ചാണ് ശിക്ഷാവിധി മാറ്റിയത്. തങ്ങൾ നിരപരാധികളാണെന്ന് പ്രതികൾ കോടതിയെ ബോധിപ്പിച്ചു. വധശിക്ഷ വിധിക്കാതിരിക്കാൻ എന്തെങ്കിലും ബോധിപ്പിക്കാനുണ്ടോയെന്ന് ഒന്നാം പ്രതി എം.സി അനൂപിനോട് കോടതി ചോദിച്ചു. കേസുമായി ഒരു ബന്ധവും ഇല്ലെന്ന് കൊടി സുനി അറിയിച്ചു. വീട്ടിൽ പ്രായമായ അമ്മ മാത്രമേ ഉള്ളൂ എന്നായിരുന്നു കിർമാണി മനോജിന്റെ വാദം. അസുഖമുള്ളതിനാൽ ശിക്ഷയിൽ നിന്ന് ഒഴിവാക്കണമെന്ന് ജ്യോതിബാബുവും ആവശ്യപ്പെട്ടു.
ദിവസങ്ങൾക്ക് മുമ്പാണ് ടി.പി. ചന്ദ്രശേഖരനെ കൊലപ്പെടുത്തിയ കേസിലെ 12 പ്രതികൾ കുറ്റക്കാരാണെന്നു കണ്ടെത്തി വിചാരണക്കോടതി വിധിച്ച ശിക്ഷ ഹൈക്കോടതി ശരിവെച്ചത്. വെറുതേവിട്ട പത്താംപ്രതി കെ.കെ. കൃഷ്ണൻ, ജ്യോതി ബാബു എന്നിവർ ഗൂഢാലോചനാക്കേസിൽ പ്രതികളാണെന്നും കണ്ടെത്തി. 2012 മേയ് നാലിനാണ് ആർ.എം.പി. സ്ഥാപക നേതാവ് ടി.പി. ചന്ദ്രശേഖരനെ വടകര വള്ളിക്കോട് വെച്ച് അക്രമി സംഘം ബോംബെറിഞ്ഞു വീഴ്ത്തിയ ശേഷം വെട്ടിക്കൊലപ്പെടുത്തിയത്. സിപിഎമ്മിൽനിന്ന് വിട്ടുപോയി സ്വന്തമായി പാർട്ടിയുണ്ടാക്കിയ ചന്ദ്രശേഖരനോട് പകവീട്ടുന്നതിന് സി.പി.എമ്മുകാരായ പ്രതികൾ കൊലപ്പെടുത്തി എന്നാണ് കേസ്.

ടി.പി ചന്ദ്രശേഖരൻ വധക്കേസിലെ നിർണായക ശിക്ഷാവിധി ചൊവ്വാഴ്ച

കോഴിക്കോട്: ടി.പി.ചന്ദ്രശേഖരൻ വധക്കേസിൽ ഗൂഢാലോചന നടത്തിയ ഉന്നത നേതാക്കൾക്കെതിരെ സുപ്രീം കോടതിയിൽ അപ്പീൽ നൽകുമെന്ന് ആർഎംപി (ഐ) സംസ്ഥാന സെക്രട്ടറി എൻ.വേണു. ടിപി കേസിലെ പ്രതികളുടെ ശിക്ഷ ശരിവയ്ക്കുകയും ഗൂഢാലോചനയിൽ പങ്കാളികളായ 2 പേർക്ക് ശിക്ഷ വിധിക്കുകയും ചെയ്ത ഹൈക്കോടതി വിധി സിപിഎമ്മിന്റെ ഫാഷിസ്റ്റ് നേതൃത്വത്തിനു പാഠമാണ്. ഒരു നീതിമാന്റെ രക്തവും ഇനി തെരുവിൽ വീഴരുതെന്ന സന്ദേശം ഉയർത്തിപ്പിടിക്കുന്ന കോടതി വിധിയെ പാർട്ടി സ്വാഗതം ചെയ്യുന്നു.
സിപിഎം നടത്തിയ രാഷ്ട്രീയ കൊലപാതകമാണെന്നും ഉന്നതനേതൃത്വം ഗൂഢാലോചന നടത്തിയാണു ചന്ദ്രശേഖരനെ കൊന്നതെന്നും തെളിഞ്ഞിരിക്കുകയാണ്. അതു ഏറ്റുപറഞ്ഞു സിപിഎം നേതൃത്വം മാപ്പു പറയണം. പി.മോഹനൻ അടക്കം ശിക്ഷയിൽനിന്ന് ഒഴിവായെങ്കിലും തിരശ്ശീലയ്ക്കു പിന്നിൽ മറഞ്ഞു നിൽക്കുന്നവരെക്കൂടി കേരളീയ സമൂഹത്തിനു മുന്നിൽ കൊണ്ടുവരണം. അതിനായി സുപ്രീം കോടതിയിൽ അപ്പീൽ നൽകും. പച്ചപ്പാവമാണെന്നു മുഖ്യമന്ത്രി പിണറായി വിജയൻ പറഞ്ഞ കുഞ്ഞനന്തനും ഉൾപ്പെട്ടുവെന്നു വിധിയിലൂടെ വ്യക്തമായി. ഗൂഢാലോചന സിബിഐ അന്വേഷിക്കണം എന്നാവശ്യപ്പെട്ട് നൽകിയ ഹർജി ഹൈക്കോടതിയിലുണ്ട്. ‌‌
സർക്കാരിന്റെ തടസ്സവാദം മൂലമാണു നീണ്ടുപോകുന്നത്. അക്കാര്യത്തിലും തീരുമാനം വരുമെന്നാണ് കരുതുന്നത്. പൊലീസ് അന്വേഷണം ശരിയായ ദിശയിലായിരുന്നുവെന്നു ശരിവയ്ക്കുന്നതാണ് ഹൈക്കോടതി വിധി. ആർഎംപിയും തിരുവഞ്ചൂർ രാധാകൃഷ്ണനും ചേർന്ന് കെട്ടിച്ചമച്ച കേസാണിതെന്ന സിപിഎമ്മിന്റെ വാദം ഹൈക്കോടതി വിധിയോടെ പൊളിഞ്ഞു. ടിപി കേസിലെ പ്രോസിക്യൂട്ടറായിരുന്ന സി.കെ.ശ്രീധരനെ മറുകണ്ടം ചാടിച്ച് ഒപ്പം നിർത്തി കേസ് പൊളിക്കാൻ ശ്രമിച്ച സിപിഎമ്മിന്റെ മോഹമാണു തകർന്നില്ലാതായത്. ഹൈക്കോടതിയിലെ പ്രമുഖ അഭിഭാഷകരെ ലക്ഷങ്ങൾ നൽകി സിപിഎം നേതൃത്വം അണിനിരത്തിയിട്ടും ക്രിമിനലുകളെ രക്ഷിക്കാനായില്ല.
അഭിഭാഷകരായ പി.കുമാരൻകുട്ടിയും എസ്.രാജീവും സഫലും നടത്തിയ നിയമയുദ്ധം ഏറെ തിളക്കമുള്ളതും ചരിത്രത്തിലെന്നും ഉയർന്നു നിൽക്കുന്നതുമാണ്. എതിരഭിപ്രായം പറയുന്നവരെ കൊന്നുതള്ളി പണക്കൊഴുപ്പിന്റെ ഹുങ്കോടെ നീതിവ്യവസ്ഥയെ വിലയ്ക്കു വാങ്ങി കേരളം അടക്കി ഭരിക്കാമെന്ന പിണറായി വിജയന്റെ അഹങ്കാരത്തിനേറ്റ പ്രഹരമാണു വിധി. രാഷ്ട്രീയ എതിരാളികളെ ഉന്മൂലനം ചെയ്യുന്ന ഫാഷിസ്റ്റ് പ്രവണത പുരോഗമന സമൂഹത്തിന് ഒരിക്കലും അംഗീകരിക്കാനാവില്ലെന്നും വേണു പറഞ്ഞു.

പിണറായി വിജയന്റെ അഹങ്കാരത്തിനേറ്റ പ്രഹരമാണ് വിധി; ടിപി കേസിൽ സുപ്രീം കോടതിയിൽ അപ്പീൽ നൽകുമെന്ന് എൻ വേണു

Kozhikode

വടകര: സെക്രട്ടറിയേറ്റിന് മുന്നിൽ പ്രതിഷേധ സമരം നടത്തിയതിന്റെ പേരിൽ യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിനെ വീട് വളഞ്ഞ് അറസ്റ്റ് ചെയ്ത പൊലീസ് നടപടി കേരളത്തിൽ പിണറായി സർക്കാർ നടപ്പിലാക്കി കൊണ്ടിരിക്കുന്ന ഭരണകൂട ഭീകരതയുടെ ഭാഗമാണെന്ന് ആർ.എം.പി.ഐ സംസ്ഥാന സെക്രട്ടറി എൻ വേണു പ്രസ്താവനയിൽ പറഞ്ഞു. നവകേരള സദസ്സ് എന്ന പേരിൽ മുഖ്യമന്ത്രിയും മറ്റ് മന്ത്രിമാരും നടത്തിയ യാത്രയിലുടനീളം കരിങ്കൊടി പ്രതിഷേധം നടത്തിയതിനെതിരെ പൊലീസിന്റെ ഒത്താശയോടെ സി.പി.എം പ്രവർത്തകർ സമാനതകളില്ലാത്ത ആക്രമണമാണ് അഴിച്ചുവിട്ടത്. ഇതിനെതിരെ ഒരു നടപടികളും എടുക്കാതിരുന്ന പൊലീസിന് അവാർഡ് നൽകുകയും അക്രമങ്ങളെ ജീവൻ രക്ഷാപ്രവർത്തനം എന്ന് പറഞ്ഞ് പിന്തുണ നൽകിയ മുഖ്യമന്ത്രിയും പൊതു സമൂഹത്തിൽ അപഹാസ്യരായി മാറിയ കാഴ്ചയാണ് കണ്ടത്. ജനാധിപത്യരീതിയിൽ പ്രതിഷേധിക്കുന്നവരെ പാർട്ടി ഗുണ്ടകളെ ഉപയോഗിച്ച് പൊലീസിനെ കാഴ്ചക്കാരാക്കി മാറ്റി കാസർഗോഡ് മുതൽ തിരുവനന്തപുരം വരെ നടത്തിയ ആക്രമത്തിനെതിരായിട്ടായിരുന്നു യൂത്ത് കോൺഗ്രസിന്റെ സെക്രട്ടറിയേറ്റ് മാർച്ച്.&nbsp;
പ്രതിപക്ഷനേതാവും എം.പിമാരും എം.എൽ എ മാരും ഉൾപ്പെടെ മുതിർന്ന നേതാക്കൾ അണിനിരന്ന വേദിക്കുനേരെ ഒരു കാരണവുമില്ലാതെ പൊലീസ് ടിയർ ഗ്യാസ് സെല്ലുകൾ പൊട്ടിച്ച് പ്രതിപക്ഷനേതൃനിരയെത്തന്നെ അപായപ്പെടുത്താൻ ശ്രമിച്ചത് മുൻപൊരിക്കലും ഉണ്ടാകാത്ത സംഭവമായിരുന്നു. പ്രതിപക്ഷനേതാവുൾപ്പെടെയുള്ള ആളുകൾക്കെതിരെ ജാമ്യമില്ലാ വകുപ്പ് ചേർത്ത് കേസെടുക്കുകയും സർക്കാരിനെതിരെ പ്രതിഷേധിക്കുന്നവരെ നിശ്ശബ്ദമാക്കുകയാണ് ലക്ഷ്യം. ഇതിന്റെ ഭാഗമായിട്ടാണ് ഭീകര പ്രവർത്തകരെ അറസ്റ്റ് ചെയ്യുന്നതുപോലെ പുലർച്ചെ വീട് വളഞ്ഞ് രാഹുൽ മാക്കൂട്ടത്തിനെ അറസ്റ്റ് ചെയ്തത്. പിണറായി സർക്കാർ നാപ്പിലാക്കുന്ന ഭരണകൂട ഭീകരതയ്ക്കെതിരെ ശക്തമായ പ്രതിഷേധം ഉയർന്നുവരണമെന്നും എൻ. വേണു പ്രസ്താവനയിൽ പറഞ്ഞു.

രാഹുലിന്റെ അറസ്റ്റ്; സംസ്ഥാനം ഭരണകൂട ഭീകരതയിലേക്കെന്ന് ആർ എം പി ഐ

വടകര: അഖിലേന്ത്യാ സഹകരണ വാരാഘോഷത്തിന്റെ ജില്ലാതല സമാപനം വടകരയിൽ നടക്കുമ്പോൾ സ്ഥലം എം.എൽ.എയെ ഒഴിവാക്കിയത് രാഷ്ട്രീയ പകപോക്കലിന്റെ ഭാഗമാണെന്ന് ആർ.എം.പി.ഐ സംസ്ഥാന സെക്രട്ടറി എൻ. വേണു ആരോപിച്ചു. ഔദ്യേഗിക പരിപാടികളിൽ നിന്ന് പോലും ജനപ്രതിനിധിയെ മാറ്റി നിർത്തുന്നതിനെതിരേ ശക്തമായ ജനവികാരം ഉയർന്നുവരണമെന്നും വേണു ആവശ്യപ്പെട്ടു.

എം.എൽ.എയെ ഒഴിവാക്കിയത് രാഷ്ട്രീയ പകപോക്കലെന്ന് ആർ.എം.പി.ഐ

വടകര: ബൽഗാമിൽ എം.ബി.ബി.എസ് ഒന്നാം വർഷ വിദ്യാർത്ഥിയെ കാണാനില്ലെന്ന് പരാതി. വില്യാപ്പള്ളി കോച്ചിയാമ്പള്ളി വണ്ണത്താoകണ്ടി ശശിയുടെ മകൻ അലൻ കൃഷ്ണ (20) നെയാണ് കാണാതായത്. ബൽഗാം ബി.ഐ.എം. എസ് കോളേജിൽ നിന്ന് ഇക്കഴിഞ്ഞ 24 ന് രാവിലെ മുതലാണ് കാണാനില്ലെന്നാണ് പരാതി. ഹോസ്റ്റലിൽ എത്തിയതായി പറയുന്നു. പോലിസും ബന്ധുക്കളും സഹപാഠികളും അന്വേഷണം ആരംഭിച്ചു. ഫോൺ എടുക്കാത്തതിനാൽ ലൊക്കേഷൻ മനസിലാക്കാൻ കഴിയുന്നില്ല. സി.ടി.വി ദൃശ്യങ്ങൾ പോലിസ് പരിശോധിച്ചു വരുകയാണ്.

വില്യാപ്പള്ളി സ്വദേശിയായ എം.ബി.ബി എസ് വിദ്യാർത്ഥിയെ ബൽഗാമിൽ കാണാനില്ലെന്ന് പരാതി

നാദാപുരം: അതിര് വിട്ട വിവാഹ ആഘോഷങ്ങൾ നിയന്ത്രിക്കുമെന്ന പോലീസ് - തീരുമാനങ്ങൾക്ക് പുല്ല് വില. കല്ലാച്ചി - വളയം റോഡിൽ അതിര് വിട്ട വിവാഹ ആഘോഷം. നടു റോഡിൽ പടക്കം പൊട്ടിക്കൽ. വളയം റോഡിൽ കുരുന്നം കണ്ടി മുക്കിലാണ് അതിര് വിട്ട വിവാഹ ആഘോഷം നടത്തി അപകടകരമായി റോഡിൽ പടക്കങ്ങൾ പൊട്ടിച്ചത്. തിങ്കളാഴ്ച്ച വൈകുന്നേരം ആറ് മണിയോടെ ആണ് സംഭവം. നാദാപുരം പോലീസ് സ്റ്റേഷന് സമീപത്തെ വധു ഗൃഹത്തിൽ നിന്ന് കുരുന്നം കണ്ടി മുക്കിലെ വരൻ്റെ വീട്ടിൽ വിവാഹ സംഘം മടങ്ങി എത്തിയ ഉടൻ ആണ് റോഡിൽ വാഹനങ്ങൾ തടസ്സപ്പെടുത്തി അപകടകരമായ വിധത്തിൽ മാലപ്പടക്കം റോഡിൽ ഇട്ട് തീ കൊടുത്ത് പൊട്ടിച്ചത്.&nbsp;
പടക്കം പൊട്ടി തീരുന്നത് വരെ ഇരുവശത്തും വാഹനഗതാഗതം തടസ്സപ്പെട്ടു. രണ്ട് ദിവസം മുമ്പ് നാദാപുരം മേഖലയിലെ അതിര് കടന്ന വിവാഹ ആഘോഷങ്ങൾക്ക് എതിരെ ശക്തമായ നടപടി സ്വീകരിക്കുമെന്ന് നാദാപുരം പോലീസ് സ്റ്റേഷനിൽ വിളിച്ച് ചേർത്ത സമാധാന യോഗത്തിൽ തീരുമാനം എടുത്തിരുന്നു. ഇതിന് പിന്നാലെ ആണ് നിയമങ്ങൾ കാറ്റിൽ പറത്തി വീണ്ടും വാഹനങ്ങൾക്കും യാത്രക്കാർക്കും അപകടകരമായ രീതിയിൽ റോഡിൽ പടക്കങ്ങൾ പൊട്ടിച്ചത്. സംഭവം നാട്ടുകാർ ചിത്രങ്ങൾ സഹിതം പോലീസിൻ്റെ ശ്രദ്ധയിൽപെടുത്തി.

പോലീസ് തീരുമാനങ്ങൾക്ക് പുല്ല് വില; കല്ലാച്ചിയിൽ വീണ്ടും നടുറോഡിൽ പടക്കം പൊട്ടിച്ച് ആഘോഷം

പേരാമ്പ്ര : ഗു​ജ​റാ​ത്തി​ൽ വെച്ച് ട​യ​റി​ൽ കാ​റ്റ് നി​റ​ക്കു​മ്പോ​ൾ പൊ​ട്ടി​ത്തെ​റി​ച്ചു​ണ്ടാ​യ അ​പ​ക​ട​ത്തി​ൽ ക​ടി​യ​ങ്ങാ​ട് മ​ഹി​മ സ്വ​ദേ​ശി കോ​വു​മ്മ​ൽ സു​രേ​ഷ് (50) മ​രി​ച്ചു. ഗു​ജ​റാ​ത്തി​ലെ രാ​ജ്ഘ​ട്ട് മു​ന്ന എ​ന്ന സ്ഥ​ല​ത്ത് ട​യ​ർ ക​മ്പ​നി ന​ട​ത്തി​വ​രു​ക​യാ​യി​രു​ന്നു. ശ​നി​യാ​ഴ്ച രാ​ത്രി​യി​ലാ​ണ് അ​പ​ക​ടം.
പി​താ​വ്: കു​ഞ്ഞി​ക്കു​ട്ടി നാ​യ​ർ. മാ​താ​വ്: പ​രേ​ത​യാ​യ നാ​രാ​യ​ണി അ​മ്മ. ഭാ​ര്യ: ഷീ​ബ (പ​ന്തി​രി​ക്ക​ര). മ​ക്ക​ൾ: ആ​കാ​ശ് (ബി.​ടെ​ക് വി​ദ്യാ​ർ​ഥി), അ​ശ്വി​ൻ (എ​സ്.​എ​സ്.​എ​ൽ.​സി വി​ദ്യാ​ർ​ഥി). സ​ഹോ​ദ​ര​ങ്ങ​ൾ: ഗീ​ത അ​ച്യു​ത​ൻ നാ​യ​ർ (ചെ​ര​ണ്ട​ത്തൂ​ർ), പ​ത്മി​നി രാ​മ​കൃ​ഷ്ണ​ൻ (പ​ന്തി​രി​ക്ക​ര), പ​രേ​ത​യാ​യ ഷി​ജി അ​നീ​ഷ് (ഉ​ള്ള്യേ​രി).

.

കാറ്റ് നിറക്കുന്നതിനിടെ ടയർ പൊട്ടിത്തെറിച്ച് അപകടം ; ക​ടി​യ​ങ്ങാ​ട് സ്വദേശി ഗുജറാത്തിൽ മരിച്ചു

നാദാപുരം :ലഹരിക്ക് അടിമപ്പെട്ട യുവാവിനെ നിയന്ത്രിക്കാൻ എത്തിയ യുവാവിന് കല്ലാച്ചിക്കടുത്ത് വെച്ച് വെട്ടേറ്റു. ഇന്നലെ രാത്രി വൈകിയാണ് സംഭവം. തെരുവൻപറമ്പ് കിണർ പരിസരത്തെ കണിയാൻകണ്ടി മുത്തു (44) വിനാണ് കല്ലാച്ചി തെരുവൻപറമ്പ് റോഡിൽ വച്ചു വെട്ടേത്. തലയ്ക്കു താഴെ വെട്ടേറ്റ മുത്തുവിനെ നാദാപുരം താലൂക്ക് ആശുപത്രിയിൽ പ്രഥമ ചികിത്സ നൽകി കണ്ണൂരിലെ ആശുപത്രിയിലേക്കു മാറ്റി.

കല്ലാച്ചിയിൽ യുവാവിന് വെട്ടേറ്റു

പേ​രാ​മ്പ്ര: യു​വ​തി​യെ ഭ​ർ​ത്താ​വ് വീ​ട്ടി​ല്‍നി​ന്ന് പു​റ​ത്താ​ക്കി​യ​താ​യി പ​രാ​തി. കോ​ട്ടൂ​ര്‍ പ​ഞ്ചാ​യ​ത്ത് ഒ​ന്നാം വാ​ര്‍ഡി​ലെ മൂ​ലാ​ട് അം​ഗ​ൻ​വാ​ടി​ക്ക് സ​മീ​പം പാ​റ​ക്ക​ണ്ടി സ​ജീ​വ​ന്റെ ഭാ​ര്യ ലി​ജി സ​ജി​യാ​ണ് (49) ര​ണ്ട് ദി​വ​സ​മാ​യി വീ​ടി​നു പു​റ​ത്താ​യ​ത്. ക​ഴി​ഞ്ഞ ദി​വ​സം ഗേ​റ്റി​നു പു​റ​ത്താ​യി​രു​ന്നെ​ങ്കി​ലും അ​ടു​ത്ത ദി​വ​സം പൊ​ലീ​സി​ന്റെ സാ​ന്നി​ധ്യ​ത്തി​ല്‍ ലി​ജി ഗേ​റ്റി​ന്റെ പൂ​ട്ടു പൊ​ളി​ച്ച് വീ​ടി​ന്റെ വ​രാ​ന്ത​യി​ല്‍ എ​ത്തി​യി​ട്ടു​ണ്ട്.&nbsp;
നാ​ടു​വി​ട്ട് പ​ഞ്ചാ​ബി​ല്‍ എ​ത്തി​യ സ​ജീ​വ​നെ പ​രി​ച​യ​പ്പെ​ട്ട ലി​ജി പി​ന്നീ​ട് സ​ജീ​വ​നെ വി​വാ​ഹം ചെ​യ്യു​ക​യാ​യി​രു​ന്നു. ലി​ജി​യു​ടെ സ​ഹാ​യ​ത്തോ​ടെ അ​ന്ന് സ​ജീ​വ​ന് അ​വി​ടെ​യു​ള്ള ആ​ക്രി ക​ട​യി​ല്‍ ജോ​ലി​യും കി​ട്ടി. എ​ന്നാ​ല്‍ പി​ന്നീ​ട് സ​ജീ​വ​ന്‍ അ​മേ​രി​ക്ക​യി​ല്‍ എ​ത്തു​ക​യാ​യി​രു​ന്നു. അ​വി​ടെ ബി​സി​ന​സ് ആ​രം​ഭി​ക്കു​ക​യും ചെ​യ്തു. അ​മേ​രി​ക്ക​യി​ല്‍ നി​ന്നും സ​ജീ​വ​ന്‍ നാ​ട്ടി​ലെ​ത്തി​യാ​ല്‍ പ​ഞ്ചാ​ബി​ല്‍ എ​ത്തി ലി​ജി​യെ​യും കൂ​ട്ടി നാ​ട്ടി​ല്‍ എ​ത്തു​ക​യാ​യി​രു​ന്നു പ​തി​വ്. എ​ന്നാ​ല്‍ പി​ന്നീ​ട് മ​റ്റൊ​രു യു​വ​തി​യു​മാ​യി ഉ​ണ്ടാ​യ അ​ടു​പ്പം ലി​ജി അ​റി​ഞ്ഞ​തോ​ടെ പ്ര​ശ്ന​മാ​കു​ക​യാ​യി​രു​ന്നു.
മൂ​ന്ന് വ​ര്‍ഷം മു​മ്പ് ഈ ​സം​ഭ​വം അ​റി​ഞ്ഞ ലി​ജി ത​നി​ക്കും മ​ക​ള്‍ക്കും വീ​ടും സ്ഥ​ല​വും ന​ല്‍ക​ണ​മെ​ന്നും ചെ​ല​വി​ന് ന​ല്‍ക​ണ​മെ​ന്നും ആ​വ​ശ്യ​പ്പെ​ട്ട് സ​ജീ​വ​നെ​തി​രെ പേ​രാ​മ്പ്ര കോ​ട​തി​യി​ല്‍ അ​ന്യാ​യം ഫ​യ​ല്‍ ചെ​യ്തി​രു​ന്നു. 2023 ഒ​ക്ടോ​ബ​ര്‍ 19ന് ​കോ​ട​തി ഇ​വ​ര്‍ക്ക് വീ​ട്ടി​ല്‍ ക​യ​റി താ​മ​സി​ക്കാ​ന്‍ ഉ​ത്ത​ര​വ് ന​ല്‍കു​ക​യും ചെ​യ്തു. എ​ന്നാ​ല്‍ വീ​ട്ടി​ലെ​ത്തി​യ ലി​ജി​യെ സ​ഹോ​ദ​ര​ങ്ങ​ള്‍ വീ​ട്ടി​ല്‍ ക​യ​റ്റാ​ന്‍ അ​നു​വ​ദി​ച്ചി​ല്ലെ​ന്ന് പ​റ​യു​ന്നു.സ​ജീ​വ​ന്‍ നാ​ട്ടി​ല്‍ ഇ​ല്ലാ​ത്ത​തി​നാ​ല്‍ തി​രി​ച്ചു പോ​യ ലി​ജി ക​ഴി​ഞ്ഞ വി​ഷു​വി​ന് സ​ജീ​വ​നും അ​മേ​രി​ക്ക​ക്കാ​രി​യാ​യ യു​വ​തി​യും എ​ത്തി​യി​ട്ടു​ണ്ടെ​ന്ന് അ​റി​ഞ്ഞാ​ണ് പ​ഞ്ചാ​ബി​ലെ ജോ​ലി സ്ഥ​ല​ത്ത് നി​ന്നും മൂ​ലാ​ട് എ​ത്തി​യ​ത് എ​ന്നാ​ല്‍ ലി​ജി​യെ വീ​ട്ടി​ല്‍ ക​യ​റാ​ന്‍ അ​നു​വ​ദി​ച്ചി​ല്ലെ​ന്ന് മാ​ത്ര​മ​ല്ല വീ​ട് അ​നി​യ​ന്റെ പേ​രി​ലാ​ണെ​ന്നും ഇ​വി​ടെ ക​യ​റാ​ന്‍ ക​ഴി​യി​ല്ലെ​ന്ന് അ​റി​യി​ക്കു​ക​യു​മാ​യി​രു​ന്നു. 19ന് ​വീ​ട്ടി​ല്‍ ക​യ​റി താ​മ​സി​ക്കാ​ന്‍ കോ​ട​തി ഉ​ത്ത​ര​വ് ഇ​റ​ക്കി​യ​തി​ന് ശേ​ഷം സ​ജീ​വ​ന്‍ വീ​ടും സ്ഥ​ല​വും സ​ഹോ​ദ​ര​ന്‍ ബി​ജു​വി​ന്റെ പേ​രി​ലേ​ക്ക് മാ​റ്റു​ക​യാ​യി​രു​ന്നു. നാ​ട്ടി​ലെ​ത്തി​യ സ​ജീ​വ​നും സു​ഹൃ​ത്താ​യ യു​വ​തിയും ഇ​പ്പോ​ള്‍ ത​റ​വാ​ട് വീ​ട്ടി​ല്‍ അ​നി​യ​നോ​ടൊ​പ്പ​മാ​ണ് താ​മ​സ​മെ​ന്നും ലി​ജി പ​റ​ഞ്ഞു.25 വ​യ​സ്സു​ള്ള മ​ക​ളും താ​നും താ​മ​സി​ക്കാ​ന്‍ വീ​ടി​ല്ലാ​തെ പ്ര​യാ​സ​ത്തി​ല്‍ ആ​ണെ​ന്ന് കാ​ണി​ച്ചാ​ണ് ലി​ജി ഇ​പ്പോ​ള്‍ കോ​ട​തി​യെ സ​മീ​പി​ച്ച​ത്. കോ​ട​തി ഇ​വ​ര്‍ക്ക് വീ​ട്ടി​ല്‍ ക​യ​റി താ​മ​സി​ക്കാ​ന്‍ അ​വ​സ​രം ഒ​രു​ക്കാ​ന്‍ പേ​രാ​പൊ​ലീ​സി​ന് നി​ര്‍ദേ​ശം ന​ല്‍കി​യി​ട്ടു​ണ്ടെ​ങ്കി​ലും ഇ​തു​വ​രെ ന​ട​പ്പാ​ക്കാ​ന്‍ ക​ഴി​ഞ്ഞി​ട്ടി​ല്ല. പൊ​ലീ​സ് സ​ജീ​വ​ന്റെ വീ​ട്ടി​ല്‍ എ​ത്തി വീ​ട് തു​റ​ന്നു കൊ​ടു​ക്കാ​ന്‍ ആ​വ​ശ്യ​പ്പെ​ട്ടെ​ങ്കി​ലും സ​ജീ​വ​നും കു​ടും​ബ​വും ഇ​തു​വ​രെ വീ​ട് തു​റ​ന്നു കൊ​ടു​ക്കാ​ന്‍ ത​യാ​റാ​യി​ട്ടി​ല്ല.&nbsp;

പേ​രാ​മ്പ്രയിൽ യുവതിയെ വീട്ടിൽനിന്ന് പുറത്താക്കിയതായി പരാതി

കോ​ഴി​ക്കോ​ട്:പാ​ക്കിസ്ഥാ​ന്‍ പൗ​ര​ത്വം ഉ​ള്ള​വ​ർ രാ​ജ്യം വി​ട​ണ​മെ​ന്ന് ആ​വ​ശ്യ​പ്പെ​ട്ടു ന​ല്‍​കി​യ നോ​ട്ടീ​സ് പോ​ലീ​സ് പി​ന്‍​വ​ലി​ച്ചു. ഉ​ന്ന​ത നി​ര്‍​ദേ​ശ​ത്തെ തു​ട​ര്‍​ന്നാ​ണ് തീ​രു​മാ​നം. മൂ​ന്നു പേ​ര്‍​ക്കാ​യി​രു​ന്നു കോ​ഴി​ക്കോ​ട് റൂ​റ​ല്‍ പോ​ലീ​സ് പ​രി​ധി​യി​ല്‍ നോ​ട്ടീ​സ് ന​ല്‍​കി​യ​ത്. മൂ​ന്നു​പേ​രും ലോം​ഗ് ടേം ​വീ​സ​യ്ക്ക് അ​പേ​ക്ഷ ന​ല്‍​കി​യി​രു​ന്നു​വെ​ന്ന് പോ​ലീ​സ് അ​റി​യി​ച്ചു. വടകര വൈക്കിലിശ്ശേരിയില്‍ താമസിക്കുന്ന ഖമറുന്നീസ, സഹോദരി അസ്മ, കൊയിലാണ്ടിയിൽ താമസിക്കുന്ന ഹംസ എന്നിവർക്കാണ് ഞായറാഴ്ചക്കകം രാജ്യം വിട്ടുപോകാനാവശ്യപ്പെട്ട് പൊലീസ് നോട്ടീസ് നൽകിയത്.
രാജ്യം വിട്ടുപോകാത്തപക്ഷം നിയമ നടപടികളുണ്ടാകുമെന്നും നോട്ടീസിൽ വ്യക്തമാക്കിയിട്ടുണ്ട്. കറാച്ചിയില്‍ കച്ചവടം നടത്തിയിരുന്ന ഖമറുന്നീസ, അസ്മ എന്നിവരുടെ കുടുംബം പിതാവ് മരിച്ച ശേഷം 1993ലാണ് കേരളത്തില്‍ എത്തിയത്. കണ്ണൂരില്‍ താമസിക്കുകയായിരുന്ന ഖമറുന്നീസ 2022ലാണ് വടകരയിലെത്തിയത്. അസ്മ ചൊക്ലിയിലാണ് താമസം. 2024ൽ വിസയുടെ കാലാവധി കഴിഞ്ഞതിനാല്‍ വിസക്ക് അപേക്ഷിച്ചെങ്കിലും ഇവർക്ക്ലഭിച്ചില്ലെന്നാണ് വിവരം.കേരളത്തില്‍ ജനിച്ച ഹംസ 1965ലാണ് തൊഴില്‍ തേടി പാകിസ്താനിലേക്ക് പോയത്. ബംഗ്ലാദേശ് വിഭജന ശേഷം 1972ല്‍ നാട്ടിലേക്ക് വരാന്‍ പാസ്‌പോര്‍ട്ട് ആവശ്യമായി വന്നപ്പോഴാണ് ഹംസ പാക് പൗരത്വം സ്വീകരിച്ചത്. 2007ല്‍ കച്ചവടം അവസാനിപ്പിച്ച് കേരളത്തിലെത്തിയ ഹംസ ഇന്ത്യന്‍ പൗരത്വത്തിന് അപേക്ഷ നല്‍കിയിരുന്നു.

പാ​ക് പൗ​ര​ത്വം ഉ​ള്ള​വ​ര്‍ രാ​ജ്യം​വി​ട​ണ​മെ​ന്ന് ആ​വ​ശ്യ​പ്പെ​ട്ട് ന​ല്‍​കി​യ നോ​ട്ടീ​സ് പി​ന്‍​വ​ലി​ച്ചു

നാദാപുരം: അടിക്കടി മേഖലയിൽ ചെറിയ ചെറിയ പ്രശ്നങ്ങൾ ഉണ്ടായിക്കൊണ്ടിരിക്കുന്ന സാഹചര്യത്തിൽ നാദാപുരം ഡി.വൈ.എസ്.പി എ പി ചന്ദ്രൻ്റെ നേതൃത്വത്തിൽ സർവ്വകക്ഷി സമാധാന യോഗം ചേർന്നു. യോഗത്തിൽ നാദാപുരം പഞ്ചായത്ത് പ്രസിഡന്റ് വി.വി മുഹമ്മദലി, വിവിധ രാഷ്ട്രീയ പാർട്ടി നേതാക്കളായ എ.മോഹൻദാസ്, സി.എച്ച് മോഹനൻ, സൂപ്പി നരിക്കാട്ടേരി, ബംഗ്ലത്ത് മുഹമ്മദ്, മോഹനൻ പാറക്കടവ്, പി.കെ ദാമു , വത്സരാജ് മന്ണലാട്ട്, കെ.വിനാസർ, ജലീൽ ചാലിക്കണ്ടി, കെ. ടി.കെ ചന്ദ്രൻ , എസ് എച്ച് ഒ ശ്യാംരാജ് ബി നായർ എന്നിവർ പങ്കെടുത്തു. പ്രാദേശികമായി ഉണ്ടായ പ്രശ്നങ്ങൾ പ്രാദേശിക തലത്തിൽ യോഗം വിളിച്ചു ചർച്ച ചെയ്തു പരിഹരിക്കാൻ തീരുമാനിച്ചു.&nbsp;
കല്യാണ വീടുകളിൽ ഗാനമേള, ഡിജെ പാർട്ടികൾ എന്നിവയും റോഡ് ഗതാഗതത്തിന് തടസമാകുന്ന തരത്തിൽ വാഹനങ്ങൾ ഓടിക്കുന്നതും ക്രമസമാധാന പ്രശ്‍നം ഉണ്ടാകുന്നതിനാൽ ശക്തമായ നിയമ നടപടികൾ എടുക്കുമെന്ന് പോലീസ് യോഗത്തിൽ അറിയിച്ചു. അത്തരം വാഹനങ്ങളും സൗണ്ട് സിസ്റ്റവും പിടിച്ചെടുക്കുന്നത് ഉൾപ്പടെയുള്ള നടപടികൾ സ്വീകരിക്കും. വാട്സാപ്പ്, ഫേസ് ബുക്ക് മുതലായ സോഷ്യൽ മീഡിയകൾ വഴി സ്പർദ്ധ ഉണ്ടാക്കുന്ന വിധം പോസ്റ് ഇടുന്നവരെ നിരീക്ഷിച്ചു കേസ് എടുത്ത് നിയമ നടപടികൾ സ്വീകരിക്കാനും തീരുമാനിച്ചു.

നാദാപുരത്ത് സർവ്വകക്ഷി സമാധാന യോഗം ചേർന്നു

കോഴിക്കോട്: നിയമവിദ്യാ‌ർത്ഥിയായ മകളെ അദ്ധ്യാപകർ മാനസികമായി പീഡിപ്പിക്കുന്നുവെന്നാരോപിച്ച് പിതാവ് ആത്മഹത്യയ്ക്ക് ശ്രമിച്ചു. തിരുവനന്തപുരം ആറ്റിങ്ങൽ സ്വദേശിയായ വി ഷാജിയാണ് കാലിക്കറ്റ് സർവകലാശാല നിയമ പഠന വിഭാഗത്തിൽ എത്തി കൈ ഞരമ്പ് മുറിച്ചത്. ഷാജിയുടെ മകൾ ഇന്ദുലേഖ അവസാന സെമസ്റ്റർ എൽഎൽഎം വിദ്യാർത്ഥിയാണ്. പഠനവുമായി ബന്ധപ്പെട്ട ഗവേഷണ പ്രബന്ധം കൃത്യസമയത്ത് സമർപ്പിച്ചിട്ടും നിരവധി തവണ തിരുത്തൽ ആവശ്യപ്പെട്ട് ഗൈഡ് മടക്കി നൽകിയെന്നാണ് പരാതി.
പഠന വിഭാഗം മേധാവി അംഗീകരിച്ച ശേഷമാണ് ഗൈഡ് തിരുത്തൽ ആവശ്യപ്പെട്ടതെന്നാണ് ഷാജി ആരോപിക്കുന്നത്. ഒടുവിൽ ഗവേഷണ പ്രബന്ധം നിരസിച്ചുവെന്ന തരത്തിൽ എഴുതി നൽകണമെന്ന ആവശ്യവുമായി മകൾ പഠന വിഭാഗത്തിൽ എത്തിയെങ്കിലും അധികൃതർ തയ്യാറായില്ല. പിന്നീടാണ് പേപ്പർ മുറിക്കുന്ന ബ്ലേയ്ഡ് ഉപയോഗിച്ച് ഇയാൾ ഞരമ്പ് മുറിച്ചത്. ഓഫീസിലുണ്ടായിരുന്ന ജീവനക്കാർ ഷാജിയെ ഉടൻ തന്നെ അടുത്തുളള സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.&nbsp;

നിയമവിദ്യാ‌ർത്ഥിയായ മകളെ അധ്യാപകർ മാനസികമായി പീഡിപ്പിക്കുന്നുവെന്ന് ആരോപണം  ;പിതാവ് ആത്മഹത്യയ്ക്ക് ശ്രമിച്ചു

കോഴിക്കോട് : യുവതിയെ വിവസ്ത്രയാക്കി ദൃശ്യം പകർത്തിയ സംഭവത്തിൽ കൗമാരക്കാരൻ പൊലീസ് പിടിയിൽ. തിങ്കളാഴ്ച പുലർച്ചെ യുവാക്കൾ കൂട്ടിക്കൊണ്ടുപോയി നഗ്നദൃശ്യങ്ങൾ പകർത്തിയെന്നാണ് വയനാട് സ്വദേശിയായ യുവതി മെഡിക്കൽ കോളജ് പൊലീസ് സ്റ്റേഷനിൽ പരാതി നൽകിയത്. തുടർന്നു നടത്തിയ അന്വേഷണത്തിലാണ് സുഹൃത്തായ പ്രായപൂർത്തിയാകാത്ത കൗമാരക്കാരനെ പിടികൂടിയത്. കൗമാരക്കാരനെ ജുവനൈൽ ജസ്റ്റിസിന് മുന്നിൽ ഹാജരാക്കിയെന്ന് മെഡിക്കൽ കോളജ് പൊലീസ് അറിയിച്ചു.
ദേശീയ പാത ബൈപ്പാസിൽ സുഹൃത്തായ കൗമാരക്കാരനൊപ്പം ഭക്ഷണം കഴിക്കാൻ എത്തിയതായിരുന്നു യുവതി. കൗമാരക്കാരന്റെ മറ്റ് രണ്ട് സുഹൃത്തുക്കളും പിന്നീട് ഇവിടേക്കെത്തി. തുടർന്ന് നാലു പേരും ചേർന്ന് ബൈക്കിൽ കുന്നമംഗലം ഭാഗത്തുള്ള ഒരു വീട്ടിലേക്ക് പോകുകയായിരുന്നു. ഇവിടെയെത്തിയ ശേഷമാണ് നഗ്നയാക്കി ദൃശ്യങ്ങൾ പകർത്തിയതെന്നാണ് യുവതിയുടെ പരാതി.

കോഴിക്കോട് യുവതിയെ വിവസ്ത്രയാക്കി ദൃശ്യം പകർത്തി; കൗമാരക്കാരൻ പൊലീസ് പിടിയിൽ

Search Results for: rmpi