ടെലിവിഷൻ താരങ്ങളായ ആര്യയുടെയും സിബിന്റെ വിവാഹ നിശ്ചയ വീഡിയോ സോഷ്യൽ മീഡിയയിൽ വൈറലായതാണ്. ഇരുവരും വിവാഹിതരാകാൻ പോകുന്നുവെന്ന കാര്യം ആരാധകർക്കും സർപ്രൈസായിരുന്നു. വിവാഹത്തീയതി ആര്യ പുറത്തുവിട്ടിട്ടില്ലെങ്കിലും ചിങ്ങത്തിൽ വിവാഹം ഉണ്ടാകുമെന്ന് ആര്യ ഒരഭിമുഖത്തിലൂടെ വെളിപ്പെടുത്തിയിരുന്നു.
ഇപ്പോഴിതാ ചടങ്ങിൽ താൻ പങ്കെടുക്കില്ലെന്ന് തുറന്നുപറഞ്ഞിരിക്കുകയാണ് ഇരുവരുടെയും അടുത്ത സുഹൃത്തും നടിയുമായ ഫറ ഷിബില. ഒരു മാധ്യമത്തിന് നൽകിയ അഭിമുഖത്തിലാണ് താരം ഇക്കാര്യം വ്യക്തമാക്കിയത്. ആര്യ - സിബിൻ വിവാഹത്തെക്കുറിച്ച് നേരത്തെ അറിഞ്ഞിരുന്നോ എന്ന അവതാരകയുടെ ചോദ്യത്തിന് നോ എന്നായിരുന്നു ഫറ ഷിബിലയുടെ മറുപടി.ആര്യയ്ക്ക് ബ്രൈഡൽ ഷവർ എന്തെങ്കിലും കൊടുക്കുന്നുണ്ടോയെന്ന് അവതാരക ചോദിച്ചു. നിർഭാഗ്യവശാൽ ഞാൻ ആ ചടങ്ങിൽ പങ്കെടുക്കില്ലെന്നായിരുന്നു ഫറ ഷിബിലയുടെ മറുപടി. വിവാഹ നിശ്ചയത്തിലും ഫറ ഷിബില പങ്കെടുത്തിരുന്നില്ല

ആര്യയുടെയും സിബിന്റെയും വിവാഹത്തിൽ പങ്കെടുക്കില്ല; തുറന്നുപറഞ്ഞ് സുഹൃത്തും  നടിയുമായ ഫറ ഷിബില

ചെന്നൈ: തമിഴ് നടൻ ആര്യയുടെ വീട്ടിലും ഉടമസ്ഥതയിലുളള സ്ഥാപനങ്ങളിലും ആദായ നികുതി വകുപ്പ് റെയ്ഡ്. ആര്യയുടെ ഉടമസ്ഥതയിൽ ചെന്നൈയിലെ വിവിധ ഇടങ്ങളിൽ സീ ഷെൽ എന്ന പേരിൽ പ്രവർത്തിക്കുന്ന ഹോട്ടലുകളിലും പരിശോധന നടന്നുവരികയാണ്. നികുതി വെട്ടിപ്പ് മൂലമാണ് റെയ്ഡ് നടത്തുന്നതെന്നും റെയ്ഡിന് ശേഷമേ മുഴുവൻ വിവരങ്ങളും പുറത്തുവിടുകയുളളൂവെന്നും അധികൃതർ അറിയിച്ചിട്ടുണ്ട്.
ചെന്നൈയിലെ വേളാച്ചേരി, കൊട്ടിവാകം, കിൽപ്പോക്ക്, അണ്ണാനഗർ തുടങ്ങിയ സ്ഥലങ്ങളിലാണ് ആര്യയുടെ ഹോട്ടലുകൾ പ്രവർത്തിക്കുന്നത്. വരുമാനത്തിൽ കവിഞ്ഞ സ്വത്ത് സമ്പാദിച്ചു, നികുതി അടച്ചില്ല എന്നിങ്ങനെയുളള ആരോപണങ്ങൾ ആര്യയ്ക്കെതിരെ പുറത്തുവന്നതിനുപിന്നാലെയാണ് ആദായ നികുതി വകുപ്പിന്റെ നടപടി.&nbsp;

നടൻ ആര്യയുടെ വീട്ടിലും ഹോട്ടലുകളിലും ആദായ നികുതി വകുപ്പിന്റെ പരിശോധന

നടിയും അവതാരകയും സംരംഭകയുമായ ആര്യ വിവാഹിതയാകുന്ന വാർത്ത മണിക്കൂറുകൾക്ക് മുമ്പാണ് പുറത്തുവന്നത്. ഇൻസ്റ്റഗ്രാമിലൂടെ ആര്യ തന്നെയാണ് നിശ്ചയത്തിന്റെ ഫോട്ടോ പങ്കുവച്ച് ഇക്കാര്യം അറിയിച്ചത്. അടുത്ത സുഹൃത്തായ മുൻ ബിഗ് ബോസ് താരം സിബിൻ ബെഞ്ചമിനെയാണ് ആര്യ ജീവിത പങ്കാളിയായി തിരഞ്ഞെടുത്തത്. ഉറ്റ സുഹൃത്തിൽ നിന്ന് ജീവിത പങ്കാളിയിലേക്ക് എന്ന കുറിപ്പോടെയാണ് വിവാഹത്തെ കുറിച്ച് ആര്യ അറിയിച്ചത്. ആര്യയുടെ പോസ്റ്റിന് പിന്നാലെ സിബിൻ സോഷ്യൽ മീഡിയയിൽ കുറിച്ച വാക്കുകളാണ് ഇപ്പോൾ ശ്രദ്ധ നേടുന്നത്.
സിബിന്റെ വാക്കുകൾ
ജീവിതത്തിൽ ഒരുപാട് തെറ്റായ തീരുമാനങ്ങൾ എടുത്തിട്ടുള്ള ആളാണ് ഞാൻ. പലപ്പോഴും എന്നെ തന്നെ നഷ്ടപ്പെടുത്തുകയും തകർക്കുകയും ചെയ്തവ ആയിരുന്നു അവ. എന്നാൽ ആ ഓരോ കൊടുങ്കാറ്റിലും ഒരു സ്ഥിരതഎനിക്ക് ഉണ്ടായിരുന്നു. ഒരു പരാതിയുമില്ലാതെ, വിധിയില്ലാതെ, ഉപാധികളില്ലാതെ എന്നോടൊപ്പം നിന്ന ഒരു വ്യക്തി. അത് അവളാണ്..എന്റെ ഉറ്റ സുഹൃത്ത്, ആര്യ.. എനിക്ക് വിശദീകരിക്കാൻ കഴിയുന്നതിലും അപ്പുറം അവളെന്നെ മനസ്സിലാക്കി. ചിലപ്പോൾ ഒരു വാക്കുപോലും പറയാതെ തന്നെ. യഥാർത്ഥ ഞാൻ ആരാണെന്ന് അവൾ കണ്ടു. എല്ലാ കുറവുകളും അംഗീകരിച്ചു തന്നെ എന്നെ സ്‌നേഹിച്ചു. അവളോടൊപ്പമുള്ള നിമിഷങ്ങളിൽ എല്ലായ്‌പ്പോഴും ഒരു സുരക്ഷിതത്വം എനിക്ക് തോന്നി. ഒടുവിൽ അവളോടൊപ്പം എന്നും ജീവിക്കാനും സ്‌നേഹിക്കാനും ഞാൻ തീരുമാനമെടുത്തു. എന്റെ ഉറ്റ ചങ്ങാതിയും നിശബ്ദതയിലെ എന്റെ ചിരിയും എന്റെ ആശ്വാസവുമായ എന്റെ ചോക്കിയെ ഞാൻ നിങ്ങൾക്ക് പരിചയപ്പെടുത്തുകയാണ്. എന്റെ ചോക്കി. എന്റെ മകൻ റയാൻ. ഒപ്പം, എന്റെ മകൾ ഖുഷിയുമായി ഞാൻ പൂർണ്ണഹൃദയത്തോടെ ഒരിക്കലും അവസാനിക്കാത്ത ഒരു കഥ എഴുതാൻ തുടങ്ങുകയാണ്. നന്ദി, ദൈവമേ',

അവളോടൊപ്പം എന്നും ജീവിക്കാനും സ്‌നേഹിക്കാനും ഞാൻ തീരുമാനമെടുത്തു ;സിബിന്റെ കുറിപ്പ് ചർച്ചയാവുന്നു

വടകര: സിപിഎം ജില്ലാ കമ്മിറ്റിയില്‍ നിന്ന് നീക്കം ചെയ്യപ്പെട്ട പി.കെ.ദിവാകരന്‍ അതേകമ്മിറ്റിയില്‍ തിരിച്ചെത്തി. ബുധനാഴ്ച കോഴിക്കോട് നടന്ന ജില്ലാ കമ്മിറ്റി യോഗത്തിലാണ് തീരുമാനം. സംസ്ഥാന സെക്രട്ടറി എം.വി.ഗോവിന്ദന്റെയും സംസ്ഥാന സെക്രട്ടറിയേറ്റ് അംഗം ടി.പി.രാമകൃഷ്ണന്റെയും സാന്നിധ്യത്തില്‍ ചേര്‍ന്ന യോഗത്തിലാണ് പ്രഖ്യാപനമുണ്ടായത്.
ജനുവരി 29, 30, 31 തിയ്യതികളില്‍ വടകരയില്‍ നടന്ന ജില്ലാ സമ്മേളനത്തിലാണ് പി.കെ.ദിവാകരനെ ജില്ലാ കമ്മിറ്റിയില്‍ നിന്ന് ഒഴിവാക്കിയത്. ഇത് വടകരയിൽ കടുത്ത പ്രതിഷേധത്തിന് ഇടയാക്കുകയുണ്ടായി. ജനകീയനായ പി.കെ.ദിവാകരനെ ജില്ലാ കമ്മിറ്റിയില്‍ നിന്ന് നീക്കം ചെയ്തത് എന്ത് കാരണത്താലാണെന്ന ചോദ്യവുമായി പാര്‍ട്ടി പ്രവര്‍ത്തകര്‍ രംഗത്തു വരികയും പല ഭാഗങ്ങളിലും പ്രതിഷേധ പ്രകടനങ്ങള്‍ നടക്കുകയും ചെയ്തിരുന്നു. തദ്ദേശ തെരഞ്ഞെടുപ്പും പിന്നാലെ നിയമസഭാ തെരഞ്ഞെടുപ്പും അടുത്തു വരുന്ന സാഹചര്യം കൂടി കണക്കിലെടുത്താണ് പി.കെ.ദിവാകരന്റെ തിരിച്ചുവരവ്. വടകര മേഖലയില്‍ പാര്‍ട്ടിയെ ഒറ്റക്കെട്ടായി കൊണ്ടുപോവുന്നതിന് ഈ നടപടി ഉപകരിക്കുമെന്നാണ് നേതൃത്വം കരുതുന്നത്.

പ്രതിഷേധം ഫലം കണ്ടു;പി.കെ.ദിവാകരനെ സി.പി.എം ജില്ലാ കമ്മിറ്റിയില്‍ തിരിച്ചെടുത്തു

വടകര : വടകരയിലെ സിപിഎം വിഭാഗീയത അന്വേഷിക്കാൻ രണ്ടംഗ കമ്മീഷനെ നിയോഗിച്ചു. സിപിഎം കോഴിക്കോട് ജില്ലാ സെക്രട്ടറിയേറ്റാണ് അന്വേഷണ കമ്മിറ്റിയെ നിയോഗിച്ചത്. കഴിഞ്ഞ മാസം മുഖ്യമന്ത്രിയുടെ പരിപാടിയിൽ ആളുകുറഞ്ഞത് അടക്കമുള്ള വിഷയങ്ങൾ പരിശോധിക്കും. 15 ദിവസത്തിനുള്ളിൽ റിപ്പോർട്ട്‌ സമർപ്പിക്കാനാണ് ജില്ലാകമ്മിറ്റിയുടെ നിർദേശം.
സംസ്ഥാന സമിതി അംഗം വി വസീഫ്, ജില്ലാ സെക്രട്ടറിയേറ്റ് അംഗം മാമ്പറ്റ ശ്രീധരൻ എന്നിവരാണ് അന്വേഷണകമ്മിറ്റിയിലുള്ളത്. ഇന്നലെ ചേർന്ന ജില്ലാ സെക്രട്ടറിയേറ്റിൽ ആണ് രണ്ടംഗ കമ്മീഷനെ നിയമിച്ചത്. ജില്ലാകമ്മിറ്റിയിൽ നിന്ന് പി.കെ ദിവാകരെ ഒഴിവാക്കിയതിന് പിന്നാലെയാണ് അണികൾ നേതൃത്വത്തെ വിമർശിച്ച് പരസ്യമായി രംഗത്ത് വന്നത്. വടകര സിപിഎമ്മിൽ നിലനിന്ന വിഭാഗീയത ജില്ലാ സമ്മേളനത്തോടെ മറനീക്കി പുറത്ത് വരുകയായിരുന്നു.
ഇതിന് പിന്നാലെ കഴിഞ്ഞമാസം വടകര ജില്ലാ ആശുപത്രിയിൽ മുഖ്യമന്ത്രി പിണറായി വിജയന്‍ പങ്കെടുത്ത ചടങ്ങിൽ ആളെത്താതിരുന്നതിനെതുടർന്ന് പരിപാടി ആരംഭിച്ചത് അരമണിക്കൂറോളം വൈകിയാണ്. ചൂടുകാലമായതിനാൽ തിങ്ങി നിറഞ്ഞ് ഇരിക്കേണ്ടെന്നും സംഘാടകർ വലിയ പന്തലാണ് ഒരുക്കിയതെന്ന് മുഖ്യമന്ത്രി പരോക്ഷ വിമർശനം ഉയർത്തിയിരുന്നു.

വടകര സിപിഎമ്മിലെ വിഭാഗീയത അന്വേഷിക്കാൻ രണ്ടംഗ കമ്മീഷനെ നിയോഗിച്ചു

വടകര: പി.കെ.ദിവാകരനെ സിപിഎം ജില്ലാ കമ്മിറ്റിയില്‍ നിന്ന് ഒഴിവാക്കിയ നടപടി വടകര ഏരിയാ കമ്മിറ്റി യോഗത്തില്‍ കടുത്ത വിമര്‍ശനത്തിന് ഇടയാക്കി. 21 അംഗ ഏരിയാ കമ്മിറ്റി യോഗത്തില്‍ മൂന്നോ നാലോ പേരൊഴികെ മറ്റുള്ളവരെല്ലാം നടപടിയെ കടുത്ത ഭാഷയില്‍ വിമര്‍ശിച്ചതായാണ് വിവരം. ന്യായീകരണമില്ലാത്ത നടപടിയായിപ്പോയെന്ന് ഇവരെല്ലാം പറഞ്ഞു.
സംസ്ഥാന കമ്മിറ്റി അംഗം കെ.കെ.ലതിക, ജില്ലാ സെക്രട്ടറി എം.മഹബൂബ്, ജില്ലാ കമ്മിറ്റി അംഗങ്ങളായ സി.ഭാസ്‌കരന്‍, കെ.ടി.കുഞ്ഞിക്കണ്ണന്‍ എന്നിവര്‍ പങ്കെടുത്ത ഏരിയാ കമ്മിറ്റി യോഗമാണ് ഇന്നലെ വടകരയില്‍ നടന്നത്.&nbsp;
യോഗത്തില്‍ പങ്കെടുത്തവരൊക്കെ പി.കെ.ദിവാകരനെതിരായ നടപടിയെ വിമര്‍ശിച്ചു. അണികളുടെ വികാരം പങ്കുവെക്കും മട്ടിലാണ് ഇവരുടെ പ്രതികരണം. ഇപ്പോള്‍ നാട്ടില്‍ ഇറങ്ങി നടക്കാന്‍ പറ്റാത്ത സ്ഥിതിയായെന്ന് ഇവര്‍ പറഞ്ഞു. ചിട്ടയായി നടന്ന ജില്ലാ സമ്മേളനത്തിന്റെ ശോഭ കെടുത്തും മട്ടിലായി നടപടി. പലരും അംഗത്വം പുതുക്കാന്‍ പോലും തയ്യാറാകാത്ത സാഹചര്യമാണ്.തദ്ദേശ തെരഞ്ഞെടുപ്പ് നടക്കാന്‍ പോകുകയാണെന്ന കാര്യവും അംഗങ്ങള്‍ ഓര്‍മിപ്പിച്ചു. ജില്ലാ സമ്മേളനം കൈക്കൊണ്ട തീരുമാനം തിരുത്താതെ മുന്നോട്ടുപോകാനാവില്ലെന്ന നിലപാടാണ് യോഗത്തിലുയര്‍ന്നത്.യോഗത്തിലെ പൊതുവികാരം നേതാക്കള്‍ മേല്‍കമ്മിറ്റിക്ക് റിപ്പോര്‍ട്ട് ചെയ്യും.&nbsp;

പി.കെ.ദിവാകരനെ സിപിഎം ജില്ലാ കമ്മിറ്റിയില്‍ നിന്ന് ഒഴിവാക്കിയ നടപടി ;ഏരിയാ കമ്മിറ്റി യോഗത്തില്‍ രൂക്ഷ വിമര്‍ശനം

Kerala

വടകര : സി.പി.എം. ജില്ലാകമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കിയതിനെതിരെ പ്രതിഷേധം തുടരുന്നു. ബുധനാഴ്ച മണിയൂര്‍ പഞ്ചായത്തിലെ മുടപ്പിലാവിലാണ് പ്രതിഷേധമുണ്ടായത്. മുടപ്പിലാവില്‍ സെന്റററില്‍ 25 പേരിലധികം വരുന്ന ചെറുപ്പക്കാര്‍ ദിവാകരനെ ഒഴിവാക്കിയതില്‍ പ്രതിഷേധിച്ച് പ്രകടനം നടത്തി. തിരുവള്ളൂരും സി.പി.എം. പ്രവര്‍ത്തകര്‍ പ്രതിഷേധ പ്രകടനം നടത്തിയിരുന്നു.
'തെറ്റില്ലാത്ത മനുഷ്യരില്ല. തെറ്റാണെന്ന് ബോധ്യപ്പെട്ടാല്‍, തെറ്റുതിരുത്തുക കൂടെച്ചേരുക. പ്രൈവറ്റ് ലിമിറ്റഡ് കമ്പനിയല്ല. കുടിപ്പക വെച്ചുപുലര്‍ത്താതെ ഒന്നിച്ചൊന്നായ് മുന്നോട്ട്', എന്നീ മുദ്രാവാക്യങ്ങളാണ് പ്രതിഷേധിച്ചവര്‍ മുഴക്കിയത്.
പാലയാട് കഴിഞ്ഞദിവസം അണികള്‍ പരസ്യപ്രതിഷേധം നടത്തിയിരുന്നു. തിങ്കളാഴ്ച രാത്രി അന്‍പതോളം പ്രവര്‍ത്തകരാണ് പ്രകടനം നടത്തിയത്. തുറശ്ശേരി മുക്കില്‍നിന്നായിരുന്നു പ്രകടനം ആരംഭിച്ചത്. പ്രതിഷേധം ശക്തമാകുന്നതിനിടെ പാര്‍ട്ടി അംഗത്വം പുതുക്കലിനോടും പ്രവര്‍ത്തകര്‍ നിസ്സഹകരിക്കാന്‍ നീക്കമുണ്ടെന്ന് വിവരമുണ്ടായിരുന്നു.ദിവാകരനെ ഒഴിവാക്കിയതിനെതിരേ സംസ്ഥാനനേതൃത്വത്തിന് വടകര മേഖലയില്‍നിന്നും ജില്ലയുടെ മറ്റുഭാഗങ്ങളില്‍നിന്നും പരാതികള്‍ വരുന്നുണ്ട്. കത്തായും ഇ- മെയിലായും വാട്‌സാപ്പ് സന്ദേശമായും ഒട്ടേറപ്പേര്‍ പരാതി അയച്ചിരുന്നു. സംസ്ഥാനനേതാക്കളെ വിളിച്ചും ചിലര്‍ പ്രതിഷേധം അറിയിച്ചു.

പി.കെ ദിവാകരനെ ഒഴിവാക്കിയതിൽ സിപിഎമ്മിൽ പ്രതിഷേധമൊഴിയുന്നില്ല ;വീണ്ടും പ്രകടനം

കോഴിക്കോട്: സി.പി.എമ്മിന്റെ കോഴിക്കോട് ജില്ലാ സമ്മേളനവുമായി ബന്ധപ്പെട്ട് മാധ്യമങ്ങളിലും സാമൂഹികമാധ്യമങ്ങളിലും നടക്കുന്ന പ്രചാരണങ്ങള്‍ക്ക് അടിസ്ഥാനമില്ലെന്നും അവ തള്ളിക്കളയണമെന്നും ജില്ലാ കമ്മിറ്റി പ്രസ്താവനയില്‍ ആവശ്യപ്പെട്ടു. പാര്‍ട്ടിയില്‍ വിഭാഗീയതയും നേതാക്കളുടെ പക്ഷം പിടിച്ചുള്ള മത്സരവുമാണെന്നൊക്കെയാണ് ചില മാധ്യമങ്ങള്‍ വാര്‍ത്ത കൊടുക്കുന്നതെന്നും പ്രസ്താവനയില്‍ വിമര്‍ശനമുണ്ട്.
പി.കെ. ദിവാകരന്‍ ജില്ലാ കമ്മിറ്റിയില്‍നിന്ന് ഒഴിവാക്കപ്പെട്ടതിനേക്കുറിച്ചും പ്രസ്താവനയില്‍ വിശദീകരിക്കുന്നുണ്ട്. സമ്മേളന പ്രതിനിധികളാണ് കമ്മിറ്റി അംഗങ്ങളെ തെരഞ്ഞെടുക്കുന്നത്. വടകരയില്‍ നടന്ന സമ്മേളനം അംഗീകരിച്ച 47 പേരുടെ പാനല്‍ പി.കെ. ദിവാകരന്‍ ഉള്‍പ്പെടെയുള്ള പ്രതിനിധികള്‍ അംഗീകരിച്ചതാണ്. തന്നെ പാനലില്‍ ഉള്‍പ്പെടുത്തിയില്ല എന്ന നിലയിലുള്ള വിവാദങ്ങളെ ഉയര്‍ന്ന കമ്യൂണിസ്റ്റ് സംഘടനാബോധത്തോടെ പി.കെ. ദിവാകരന്‍ തന്നെ തള്ളിക്കളഞ്ഞിട്ടുണ്ടെന്നും പ്രസ്താവനയില്‍ പറയുന്നു.
നിയമനകോഴയില്‍ പങ്കുള്ളതുകൊണ്ടാണ് മുന്‍ എന്‍.ജി.ഒ. യൂണിയന്‍ നേതാവിനെ ജില്ലാകമ്മറ്റിയില്‍നിന്ന് ഒഴിവാക്കിയതെന്നത് അടിസ്ഥാനമില്ലാത്ത ആരോപണമാണെന്നും പ്രസ്താവനയിലുണ്ട്. മറ്റ് ബൂര്‍ഷ്വാ പാര്‍ട്ടികള്‍ക്കൊന്നും ചിന്തിക്കാന്‍പോലും കഴിയാത്ത ആശയരൂപീകരണത്തിന്റെയും സംഘടനാക്രമീകരണത്തിന്റെയും ജനാധിപത്യപ്രക്രിയയാണ് സി.പി.എം. പോലുള്ള പാര്‍ട്ടികള്‍ സമ്മേളനങ്ങളിലൂടെ കൃത്യമായി നടത്തിവരുന്നത്. ഇതില്‍ അസ്വസ്ഥരായ മാധ്യമങ്ങളും പാര്‍ട്ടിശത്രുക്കളുമാണ് അടിസ്ഥാനമില്ലാത്ത ആരോപണങ്ങള്‍ ഉന്നയിച്ച് വിവാദങ്ങള്‍ സൃഷ്ടിച്ച് പാര്‍ട്ടിയെ താറടിച്ചുകാണിക്കാന്‍ തുടര്‍ച്ചയായി ശ്രമിച്ചുകൊണ്ടിരിക്കുന്നതെന്നും പ്രസ്താവന പറയുന്നു.

നടക്കുന്നത് പാർട്ടിവിരുദ്ധ പ്രചാരണം ; ജാഗ്രത പുലര്‍ത്തണമെന്ന് സിപിഎം ജില്ലാ കമ്മിറ്റി

മണിയൂർ: സി.പി.എം ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കിയതിനെതിരെ പ്രവര്‍ത്തകരുടെ പ്രതിഷേധം. മണിയൂര്‍ തുറശ്ശേരി മുക്കില്‍ നാല്‍പതോളം പേര്‍ പ്രതിഷേധ പ്രകടനം നടത്തി.
പാര്‍ട്ടിയില്‍ തോന്നിയപോലെ തീരുമാനമെടുക്കാമെന്ന് ആരും കരുതേണ്ടെന്ന് പ്രവര്‍ത്തകര്‍ മുദ്രാവാക്യം വിളിച്ചു. ഡി.വൈ.എഫ്.ഐ മുന്‍ ജില്ലാ പ്രസിഡന്റും വടകര ഏരിയ സെക്രട്ടറിയും ആയിരുന്നു പി.കെ ദിവാകരന്‍.
വടകരയില്‍ നടന്ന സി.പി.എം ജില്ലാ സമ്മേളനത്തിലാണ് പി.കെ ദിവാകരന്‍ ഉള്‍പ്പെടെ 11 പേരെ ഒഴിവാക്കുകയും 13 പേരെ പുതുതായി ഉള്‍പ്പെടുത്തുകയും ചെയ്തത്. ഇതിന് പിന്നാലെ സോഷ്യല്‍ മീഡിയയില്‍ ദിവാകരനെ അനുകൂലിച്ചും നേതൃത്വത്തെ വിമര്‍ശിച്ചും പോസ്റ്റുകള്‍ പ്രത്യക്ഷപ്പെട്ടിരുന്നു.
ദിവാകരനെ ജില്ലാ കമ്മിറ്റിയില്‍നിന്ന് ഒഴിവാക്കിയതിനൊപ്പം വടകര നഗരസഭാ അധ്യക്ഷ കെ.പി ബിന്ദുവിനെ ഉള്‍പ്പെടുത്തിയതും പ്രതിഷേധത്തിന് കാരണമായി.

ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കി; തുറശ്ശേരി മുക്കില്‍സിപിഎം പ്രവര്‍ത്തകരുടെ പ്രതിഷേധം

ജില്ലാ കമ്മിറ്റിയില്‍നിന്ന് പി.കെ. ദിവാകരനെ ഒഴിവാക്കി; തുറശ്ശേരി മുക്കില്‍ സിപിഎം പ്രവര്‍ത്തകരുടെ പ്രതിഷേധം

വടകര: സി.പി.എം കോഴിക്കോട് ജില്ലാ സെക്രട്ടറിയായി എം. മെഹബൂബ് തിരഞ്ഞെടുക്കപ്പെട്ടു. വടകരയില്‍ നടന്ന സി.പി.എം ജില്ലാ സമ്മേളനത്തിലാണ് പുതിയ സെക്രട്ടറിയെ തിരഞ്ഞെടുത്തത്.
കണ്‍സ്യൂമര്‍ ഫെഡ് ചെയര്‍മാനും പാര്‍ട്ടി ജില്ലാ സെക്രട്ടറിയേറ്റ് അംഗവുമാണ് മെഹബൂബ്. ദീര്‍ഘകാലം കോഴിക്കോട് ജില്ലാ സഹകരണ ബാങ്ക് പ്രസിഡന്റായും സംസ്ഥാന സഹകരണ ബാങ്ക് പ്രസിഡന്റായും കേരഫെഡ് വൈസ് ചെയര്‍മാനായും വിവിധ അപെക്‌സ് സഹകരണ സ്ഥാപനങ്ങളുടെ ഭരണസമിതി അംഗമായും പ്രവര്‍ത്തിച്ചിട്ടുണ്ട്.ജില്ലാ സെക്രട്ടറിയേറ്റ് നിര്‍ദ്ദേശിച്ച പേര് ജില്ലാ കമ്മറ്റി അംഗീകരിക്കുകയായിരുന്നു. നിലവിലെ ജില്ല സെക്രട്ടറിയായ പി. മോഹനന്‍ മൂന്ന് ടേം പൂര്‍ത്തിയാക്കിയതിനെ തുടര്‍ന്ന് സെക്രട്ടറി സ്ഥാനത്ത് നിന്ന് മാറുകയായിരുന്നു.

എം മെഹബൂബ് സി.പി.എം കോഴിക്കോട് ജില്ലാ സെക്രട്ടറി

കോഴിക്കോട്: നാദാപുരം ഷിബിൻ വധക്കേസിൽ ജയിലിൽ കഴിയുന്ന യൂത്ത് ലീ​ഗ് പ്രവ‍‍ർത്തകരെ ജയിലിലെത്തി സന്ദർശിച്ച് യൂത്ത് ലീ​ഗ് ദേശീയ വൈസ് പ്രസിഡന്റ് മുഈനലി ഷിഹാബ് തങ്ങൾ. യൂത്ത് ലീ​ഗ് നാ​ദാപുരം നിയോജകമണ്ഡലം ജനറൽ സെക്രട്ടറി ഇ. ഹാരിസിനൊപ്പമാണ് മുഈനലി തങ്ങൾ തവനൂർ സെൻട്രൽ ജയിലിൽ എത്തിയത്.പ്രതികളുടെ നിരപരാധിത്വം തെളിയിക്കാന്‍ മുസ്ലീം ലീ​ഗ് രാജ്യസഭാം​ഗം അഡ്വ ഹാരിസ് ബീരാന്റെ നേതൃത്വത്തിൽ സുപ്രീം കോടതിയിൽ നിയമനടപടികൾ ആരംഭിച്ചിട്ടുണ്ടെന്ന് ജയിലിന് മുമ്പിലുള്ള ഫോട്ടോയ്ക്കൊപ്പം മുഈനലി ഷിഹാബ് തങ്ങൾ ഫേസ്ബുക്കിൽ കുറിച്ചു.
2015 ജനുവരി 22-നാണ് കോഴിക്കോട് തൂണേരി സ്വദേശിയും ഡിവൈഎഫ്ഐ പ്രവർത്തനുമായിരുന്ന ഷിബിൻ കൊല്ലപ്പെട്ടത്. കേസിലെ മുഴുവൻ പ്രതികളേയും വിചാരണ കോടതി വെറുതെ വിട്ടിരുന്നെങ്കിലും 2024 ഒക്ടോബർ 15-ന് ഹൈക്കോടതി ജീവപര്യന്തം തടവിന് ശിക്ഷിക്കുകയായിരുന്നു.&nbsp;

തൂണേരി ഷിബിൻ വധക്കേസ് ; പ്രതികളായ യൂത്ത് ലീ​ഗ് പ്രവർത്തകരെ ജയിലിൽ സന്ദർശിച്ച് മുഈനലി ഷിഹാബ് തങ്ങൾ

Nadapuram

കോഴിക്കോട്: കോഴിക്കോട് ഡിസിസി പ്രസിഡന്റിനെതിരെ ഉള്ളിയേരിയിൽ പോസ്റ്ററുകൾ പ്രത്യക്ഷപ്പെട്ടു. അഡ്വക്കേറ്റ് കെ പ്രവീൺകുമാറിനെതിരെയാണ് ഉള്ളിയേരിയിൽ പോസ്റ്ററുകൾ പ്രത്യക്ഷപ്പെട്ടത്. പ്രവർത്തകരെ പുറത്താക്കി ഗിന്നസ് റെക്കോർഡ് നേടാൻ ശ്രമിക്കുന്നുവെന്നാണ് വിമർശനം.
പാർട്ടിയിലെ അഭിപ്രായവ്യത്യാസങ്ങൾ പരിഹരിക്കാതെ പക്ഷപാതപരമായി പെരുമാറുന്നുവെന്നും പോസ്റ്ററിൽ ആരോപണമുണ്ട്. അധികാര ദുർവിനിയോഗം നടത്തി പാർട്ടിയെ നശിപ്പിച്ചു, ഐസിയുവിൽ ആയ പാർട്ടിയെ വെന്റിലേറ്ററിലാക്കി, കൗരവസേനയെ വളർത്തി ജയിക്കാമെന്ന് വ്യാമോഹിക്കേണ്ട എന്നിങ്ങനെ രൂക്ഷമായ പരാമർശങ്ങൾ പേസ്റ്ററിലുണ്ട്. പ്രവീൺ കുമാർ എവിടെ മത്സരിച്ചാലും തോൽപ്പിക്കുമെന്നും പോസ്റ്ററിൽ വെല്ലുവിളിച്ചിട്ടുണ്ട്. ഉള്ളിയേരി പഞ്ചായത്ത് പ്രസിഡന്റിൻ്റെ അഴിമതിക്കും ധിക്കാരത്തിനും കുടപിടിക്കുന്നുവെന്നും പോസ്റ്ററുകളിലെ വിമശനങ്ങളിൽ ചൂണ്ടിക്കാണിച്ചിട്ടുണ്ട്. കഴിഞ്ഞദിവസം ബ്ലോക്ക് പഞ്ചായത്ത് വൈസ് പ്രസിഡണ്ട് ടി ഹരിദാസിനെ പാർട്ടിയിൽ നിന്നും പുറത്താക്കിയിരുന്നു. ഇതിന് പിന്നാലെയാണ് പോസ്റ്റർ പ്രത്യക്ഷപ്പെട്ടിരിക്കുന്നത്.

'എവിടെ മത്സരിച്ചാലും തോൽപ്പിക്കും' ; കോഴിക്കോട് ഡിസിസി പ്രസിഡന്റ് അഡ്വ കെ പ്രവീൺകുമാറിനെതിരെ പോസ്റ്ററുകൾ

Search Results for: traffic block