മുംബൈ: ട്രെയിൻ യാത്രയ്ക്കിടയിലും ഇനി എടിഎമ്മിൽനിന്ന് പണം പിൻവലിക്കാം. ഇന്ത്യയില്‍ ഇതാദ്യമായി ട്രെയിനില്‍ എടിഎം സ്ഥാപിച്ചു. മുംബൈ-മന്‍മദ് പഞ്ചവതി എക്‌സ്പ്രസ് ട്രെയിനിലാണ് എടിഎം സ്ഥാപിച്ചത്. ട്രെയിനിലെ എസി കോച്ചിലാണ് എടിഎം സ്ഥാപിച്ചിരിക്കുന്നത്. ഇന്ത്യന്‍ റെയില്‍വേയ്‌സ് ഇന്നൊവേറ്റീവ് ആന്‍ഡ് നോണ്‍ ഫെയര്‍ റവന്യു ഐഡിയാസ് സ്‌കീം (ഐഎന്‍എഫ്ആര്‍ഐഎസ്) പദ്ധതിയുടെ ഭാഗമായി ഇന്ത്യന്‍ റെയില്‍വേയുടെ ബുസാവല്‍ ഡിവിഷനും ബാങ്ക് ഓഫ് മഹാരാഷ്ട്രയും സംയുക്തമായിട്ടാണ് ഈ പദ്ധതി നടപ്പിലാക്കുന്നത്.
എടിഎമ്മുമായി ട്രെയിന്‍ അതിന്റെ ട്രയല്‍ റണ്‍ വിജയകരമായി പൂര്‍ത്തിയാക്കിയതായി റെയില്‍വേ അധികൃതര്‍ പ്രതികരിച്ചു. ചിലയിടങ്ങളില്‍ മോശം സിഗ്നലുകള്‍ മൂലം നെറ്റ്‌വര്‍ക്ക് തകരാറുകള്‍ നേരിടേണ്ടി വന്നതൊഴിച്ചാല്‍ മറ്റ് പ്രശ്‌നങ്ങളൊന്നുമുണ്ടായിട്ടില്ലെന്നും റെയില്‍വേ അധികൃതര്‍ കൂട്ടിച്ചേര്‍ത്തു. ട്രെയിനില്‍ യാത്ര ചെയ്യുമ്പോള്‍ തന്നെ യാത്രക്കാര്‍ക്ക് പണം പിന്‍വലിക്കാവുന്ന തരത്തിലാണ് എടിഎം ക്രമീകരിച്ചിട്ടുള്ളത്.
എസി കോച്ചിലാണ് എടിഎം സ്ഥാപിച്ചിട്ടുള്ളതെങ്കിലും മറ്റ് 22 കോച്ചുകളിലെയും യാത്രക്കാര്‍ക്ക് ഇതില്‍ നിന്ന് പണം പിന്‍വലിക്കാന്‍ സാധിക്കും. അക്കൗണ്ട് സ്റ്റേറ്റ്‌മെന്റുകളും ഈ എടിഎമ്മിലൂടെ യാത്രക്കാര്‍ക്ക് ലഭ്യമാകും. ഒരേ റേക്ക് പങ്കുവെയ്ക്കുന്നതിനാല്‍ പഞ്ചവതി എക്‌സ്പ്രസിലെ എടിഎം സംവിധാനം മുംബൈ-ഹിംഗോലി ജനശതാബ്ദി എക്‌സ്പ്രസിലും ലഭ്യമാകും.

ഇനി യാത്രയ്ക്കിടെയും പണം പിൻവലിക്കാം ;ഇന്ത്യയിൽ ആദ്യമായി ട്രെയിനില്‍ എടിഎം സ്ഥാപിച്ചു

National

തിരുവനന്തപുരം: വിഷുവിനോട് അനുബന്ധിച്ച് സംസ്ഥാനത്ത് വ്യാപകമായി വിറ്റഴിക്കപ്പെട്ട പ്ലാസ്റ്റിക് കണിക്കൊന്നയുടെ ഉപയോഗത്തിൽ മനുഷ്യാവകാശ കമ്മീഷൻ കേസെടുത്തു. കൊന്നപൂക്കളുടെ ലഭ്യത കുറഞ്ഞതോടെയാണ് വിപണിയിൽ പ്ലാസ്റ്റിക് കൊന്നപൂക്കൾ ഇടംപിടിക്കാൻ തുടങ്ങിയത്.&nbsp;
നഗരങ്ങളിൽ താമസിക്കുന്നവർക്കും ഏറെ സുലഭമായി ലഭിക്കുന്ന ഈ പ്ലാസ്റ്റിക് പൂക്കൾ മുൻ വർഷങ്ങളിലും വിപണിയിൽ എത്തിയിരുന്നു. എന്നാൽ ഈ വിഷുക്കാലത്ത് സംസ്ഥാനത്ത് വ്യാപകമായി പ്ലാസ്റ്റിക് കണിക്കൊന്ന ഉപയോഗിച്ചുവെന്നത് ചൂണ്ടികാട്ടിയാണ് മനുഷ്യാവകാശ കമ്മീഷൻ നടപടി സ്വീകരിച്ചത്. സംഭവത്തിൽ തദ്ദേശസ്ഥാപനങ്ങൾക്ക് കമ്മീഷൻ നോട്ടീസയച്ചിട്ടുണ്ട്.&nbsp;

കണിക്കൊന്നയ്‌ക്ക് പകരം വിറ്റത് പ്ളാസ്റ്റിക് പൂക്കൾ, കേസെടുത്ത് മനുഷ്യാവകാശ കമ്മിഷൻ

Kerala

കൊച്ചി: ലഹരി ഉപയോഗിച്ച നടനില്‍നിന്ന് സിനിമാ സെറ്റില്‍ മോശം അനുഭവമുണ്ടായെന്ന നടി വിന്‍സി അലോഷ്യസിന്റെ വെളിപ്പെടുത്തലില്‍ സിനിമാ സംഘടനകള്‍ക്ക് മൗനം. വിന്‍സി സംഘടനയിലെ അംഗമല്ലെന്ന നിലപാടാണ് അഭിനേതാക്കളുടെ സംഘടനയായ അസോസിയേഷന്‍ ഓഫ് മലയാളം മൂവി ആര്‍ടിസ്റ്റ്‌സ് (അമ്മ) സ്വീകരിക്കുന്നത്. രേഖാമൂലം പരാതിയൊന്നും ലഭിച്ചിട്ടില്ലെന്ന് സിനിമാ മേഖലയിലെ തൊഴിലാളി സംഘടനയായ ഫിലിം എംപ്ലോയീസ് ഫെഡറേഷന്‍ ഓഫ് കേരള (ഫെഫ്ക)യും പറയുന്നു. അതേസമയം, വിന്‍സിക്ക് പിന്തുണയുമായി വുമണ്‍ ഇന്‍ സിനിമ കളക്ടീവ് (ഡബ്ല്യുസിസി) രംഗത്തെത്തി.
വിന്‍സി സംഘടനയിലെ അംഗമല്ലെന്നാണ് 'അമ്മ'യുടെ വിശദീകരണം. വിന്‍സി പരസ്യമായി ഉന്നയിച്ച തരത്തിലുള്ള പരാതിയൊന്നും ലഭിച്ചിട്ടില്ലെന്ന്‌ സംഘടന പറയുന്നു. വിന്‍സി ഉന്നയിച്ച കാര്യങ്ങളില്‍ ഇപ്പോള്‍ ഒന്നും പറയാനില്ലെന്ന് 'അമ്മ' അഡ്‌ഹോക് കമ്മിറ്റി ഭാരവാഹി ജയന്‍ ചേര്‍ത്തല വ്യക്തമാക്കി. രേഖാമൂലം പരാതി ലഭിച്ചിട്ടില്ലെന്ന വിശദീകരണമാണ് 'ഫെഫ്ക'യും നല്‍കുന്നത്.
വിന്‍സി പരാതിയുമായി മുന്നോട്ടുപോവുകയാണെങ്കില്‍ പിന്തുണ നല്‍കുമെന്ന് ഡബ്ല്യുസിസി വ്യക്തമാക്കി. വിന്‍സി വെളിപ്പെടുത്തലില്‍ പരാമര്‍ശിച്ച സിനിമാ സെറ്റില്‍ ആഭ്യന്തരപരാതി പരിഹാര സമിതി ഉണ്ടായിരുന്നോയെന്ന് പരിശോധിക്കണമെന്ന് ദീദി ദാമോദരന്‍ ആവശ്യപ്പെട്ടു. മോശം അനുഭവമുണ്ടായപ്പോള്‍ സിനിമയുടെ സംവിധായകനോ നിര്‍മാതാവോ ഇടപെടണമായിരുന്നു. ലഹരി വസ്തുക്കള്‍ സിനിമ സെറ്റില്‍ സുലഭമാണ്. യഥാര്‍ഥ ഉറവിടത്തിലേക്ക് അന്വേഷണം എത്തണമെന്നും ദീദി ആവശ്യപ്പെട്ടു.
വിന്‍സിയുടെ ആരോപണങ്ങള്‍ നേരത്തെ തന്നെ നിര്‍മാതാക്കളുടെ സംഘടനയടക്കം ഉന്നയിച്ചതാണ്. സെറ്റിലെ ലഹരിവ്യാപനം തടയാന്‍ സര്‍ക്കാര്‍ കൈക്കൊള്ളുന്ന നടപടികള്‍ക്ക് പൂര്‍ണ്ണ പിന്തുണയുണ്ടാവുമെന്നും നിര്‍മാതാക്കളുടെ സംഘടന വ്യക്തമാക്കിയിരുന്നു.

വിന്‍സിയുടെ വെളിപ്പെടുത്തലില്‍ പ്രതികരിക്കാതെ 'അമ്മ'യും  'ഫെഫ്ക'യും;പിന്തുണയുമായി ഡബ്ല്യൂസിസി

മുണ്ടക്കയം: മുണ്ടക്കയം-വണ്ടൻപതാൽ റോഡിൽ വാഹനാപകടത്തിൽ രണ്ട് യുവാക്കൾ മരിച്ചു. മുണ്ടക്കയം കോരുത്തോട് പാതയിൽ 3 സെന്റിന് സമീപമാണ് അപകടം. മുണ്ടക്കയം പാറയിയമ്പലം കല്ലുതൊട്ടിയിൽ അരുൺ, ചെറുതോട്ടയിൽ അഖിൽ എന്നിവരാണ് മരിച്ചത്.
മുണ്ടക്കയം ഭാഗത്ത് നിന്ന് ഒരേ ദിശയിൽ സഞ്ചരിച്ച കാറും ബൈക്കുമാണ് അപകടത്തിൽപ്പെട്ടത്. കാറിന്റെ സൈഡിൽ ഇടിച്ച ബൈക്ക് നിയന്ത്രണം വിട്ട് പാതയുടെ വശത്തേക്ക് വീഴുകയായിരുന്നു. യുവാക്കളെ ആശുപത്രിയിൽ എത്തിക്കും മുമ്പ് തന്നെ മരിച്ചു. കാറിൽ ഉണ്ടായിരുന്നവർ മരിച്ച യുവാക്കളുടെ സുഹൃത്തുക്കളായിരുന്നു. ഇവർ കോരുത്തോട്ടിലേക്ക് പോകുംവഴിയാണ് അപകടം.

മുണ്ടക്കയത്ത് വാഹനാപകടത്തിൽ രണ്ട് യുവാക്കൾ മരിച്ചു

കൊയിലാണ്ടി: പെരുവട്ടൂർ നടേരിക്കടവിൽ വീടിനു മുന്നിൽ നിർത്തിയിട്ടിരുന്ന ഗുഡ്സ് ഓട്ടോ കത്തി നശിച്ച നിലയിൽ. ബുധനാഴ്ച പുലർച്ചെ മൂന്നു മണിയോടെയാണ് സംഭവം. പുണ്യശ്രീ പ്രകാശിന്റെ ഓട്ടോയാണ് കത്തി നശിച്ചത്. തീവച്ച് നശിപ്പിച്ചതെന്നാണ് സൂചന. സമീപത്ത് നിർത്തിയിട്ടിരുന്ന മറ്റൊരു ഓട്ടോയ്ക്കും തീപിടിച്ചു. വീട്ടുകാരുടെ സമയോചിതമായ ഇടപെടൽ മൂലം കൂടുതൽ തീപടരാതെ ഈ ഓട്ടോ മാറ്റാൻ കഴിഞ്ഞു. കൊയിലാണ്ടി പൊലീസ് സ്ഥലത്തെത്തി അന്വേഷണം ആരംഭിച്ചു.

വീടിനു മുന്നിൽ നിർത്തിയിട്ടിരുന്ന ഗുഡ്സ് ഓട്ടോ കത്തി നശിച്ച നിലയിൽ

Koyilandy

കൊച്ചി: സിനിമാ - സീരിയൽ താരം വിഷ്ണു പ്രസാദ് ഗുരുതരാവസ്ഥയിലെന്ന് റിപ്പോർട്ടുകൾ. കരൾ രോഗ ബാധിതനാണ്. ശസ്ത്രക്രിയ നടത്തേണ്ടിവരുമെന്നാണ് വിവരം. ചികിത്സയ്ക്കായി 30 ലക്ഷത്തോളം ചെലവ് വരും.
കരൾ നൽകാൻ അദ്ദേഹത്തിന്റെ മകൾ തയ്യാറാണ്. ചികിത്സയ്ക്കായി ഭീമമായ തുക കണ്ടെത്താനുള്ള ശ്രമത്തിലാണ് കുടുംബം. അടിയന്തര സഹായമായ ചെറിയൊരു തുക സീരിയൽ താരങ്ങളുടെ സംഘടനയായ 'അത്മ'നൽകിയിട്ടുണ്ട്.സംഘടനയിലെ അംഗങ്ങളിൽ നിന്ന് കുറച്ചുകൂടി പണം സമാഹരിക്കാൻ ഒരുങ്ങുകയാണെന്ന് ആത്മയുടെ വൈസ് പ്രസിഡന്റ് മോഹൻ അയിരൂർ ഒരു മാദ്ധ്യമത്തോട് പറഞ്ഞു.വിഷ്ണു പ്രസാദിന്റെ അവസ്ഥ അദ്ദേഹത്തിന്റെ സഹോദരിയാണ് തങ്ങളെ അറിയിച്ചതെന്ന് നടൻ കിഷോർ സത്യ പ്രതികരിച്ചു. ആത്മ വലിയ ഫണ്ട് ഉള്ള സംഘടയല്ല. പറ്റുന്നവർ സഹായിക്കണമെന്ന് അംഗങ്ങളോട് പറഞ്ഞിട്ടുണ്ടെന്നും അദ്ദേഹം വ്യക്തമാക്കി. 'മാമ്പഴക്കാലം', 'റൺവേ' അടക്കം നിരവധി ചിത്രങ്ങളിൽ വിഷ്ണു പ്രസാദ് അഭിനയിച്ചിട്ടുണ്ട്.&nbsp;

സിനിമാ - സീരിയൽ താരം വിഷ്ണു പ്രസാദ് കരൾ രോഗം ബാധിച്ച് ഗുരുതരാവസ്ഥയിൽ

കൊച്ചി: സിഎംആർഎൽ എക്സാലോജിക് ഇടപാടിൽ സിബിഐ അന്വേഷണം ആവശ്യപ്പെട്ടുള്ള ഹർജിയിൽ മുഖ്യമന്ത്രിക്കും മകൾക്കുമെതിരേ നോട്ടീസ് അയച്ച് ഹൈക്കോടതി. ഇന്ററിം സെറ്റിൽമെന്റ് ബോർഡിലെ രേഖകളുടെ അടിസ്ഥാനത്തിൽ അന്വേഷണം സിബിഐക്ക് വിടണമെന്നാവശ്യപ്പെട്ട് മാധ്യമ പ്രവർത്തകൻ എം.ആർ. അജയൻ നൽകിയ പൊതുതാൽപര്യ ഹർജിയിന്മേലാണ് ഹൈക്കോടതി നടപടി.
ഹർജി കോടതി ഫയലിൽ സ്വീകരിച്ചിട്ടില്ല. അതിന് മുമ്പ് തന്നെ കേസുമായി ബന്ധപ്പെട്ട് പ്രതിസ്ഥാനത്തുള്ള എല്ലാവർക്കും നോട്ടീസ് അയക്കാനാണ് ഹൈക്കോടതിയു‍ടെ ഉത്തരവ്. സിഎംആ‌ർഎൽ, എക്സാലോജിക്, ശശിധരൻ കർത്ത, സിഎംആർഎൽ ഉദ്യോഗസ്ഥർ ഉൾപ്പടെയുള്ളവരാണ് മറ്റ് എതിർകക്ഷികൾ.
ഹൈക്കോടതി ഡിവിഷൻ ബെഞ്ചാണ് കേസ് പരി​ഗണിച്ചത്. കേസുമായി ബന്ധപ്പെട്ട് എസ്എഫ്ഐഒയുടെ അന്വേഷണം നടന്നു. അതിനപ്പുറത്തേക്ക് ഒരു സിബി ഐ അന്വേഷണം ആവശ്യമുണ്ടോയെന്നുള്ള കാര്യമാണ് കോടതി പരിശോധിക്കുന്നത്.ഹർജിയിൽ സിഎംആർഎൽ എക്സാലോജിക് കേസുമായി ബന്ധപ്പെട്ടാണ് സിബിഐ അന്വേഷണം ആവശ്യപ്പെട്ടത്. എന്നാൽ കോടതി ഇൻകംടാക്സ് ഇന്ററിം
സെറ്റിൽമെന്‍റ് ബോർഡിലെ റിപ്പോർട്ടിൽ പരാമർശിക്കുന്ന കാര്യങ്ങൾ കൂടി പരിശോധിക്കുക എന്ന നിലപാടാണ് കോടതി സ്വീകരിച്ചിരിക്കുന്നത്.&nbsp;

സിഎംആർഎൽ എക്സാലോജിക് കേസ് ; മുഖ്യമന്ത്രിക്കും മകൾക്കുമെതിരെ നോട്ടീസ് അയച്ച് ഹൈക്കോടതി

കൊച്ചി : പീഡനക്കേസ് പ്രതിയായ മുന്‍ ഗവ.പ്ലീഡര്‍ പി.ജി. മനുവിന്റെ ആത്മഹത്യയില്‍ മനുവിനെതിരേ ആരോപണം ഉന്നയിച്ച യുവതിയുടെ ഭര്‍ത്താവിനെ പോലീസ് കസ്റ്റഡിയിലെടുത്തു.ഇയാളുടെ നിരന്തര പ്രേരണമൂലമാണ് പി.ജി. മനു ആത്മഹത്യ ചെയ്തതെന്നാണ് സംശയം.പിറവത്ത് ഒളിവില്‍ കഴിയുകയായിരുന്ന യുവതിയുടെ ഭര്‍ത്താവിനെ വെസ്റ്റ് പോലീസെത്തിയാണ് കസ്റ്റഡിയിലെടുത്തത്.
നിയമസഹായം തേടിയെത്തിയ അതിജീവിതയെ പീഡിപ്പിച്ചെന്ന കേസിലെ പ്രതിയായിരുന്നു പി.ജി. മനു. ഇയാള്‍ക്ക് കര്‍ശന വ്യവസ്ഥകളോടെയാണ് സുപ്രീംകോടതി ജാമ്യം അനുവദിച്ചിരുന്നത്. ജാമ്യത്തില്‍ തുടരുന്നതിനിടെയാണ് ലൈംഗിക പീഡന ആരോപണം ഉന്നയിച്ച് മറ്റൊരു യുവതിയും രംഗത്തെത്തിയത്. ഇതിനുപിന്നാലെ പി.ജി. മനുവും സഹോദരിയും ചേര്‍ന്ന് ഈ യുവതിയുടെ കുടുംബത്തോട് മാപ്പ് ചോദിക്കുന്ന വീഡിയോ സാമൂഹിക മാധ്യമങ്ങളില്‍ പ്രചരിച്ചിരുന്നു. ഈ വീഡിയോയില്‍ യുവതിയുടെ ഭര്‍ത്താവ് എന്ന് കരുതുന്ന ആള്‍ പി.ജി. മനുവിനോട് ആത്മഹത്യ ചെയ്യാന്‍ പലതവണ ആവര്‍ത്തിച്ച് പറയുന്നുണ്ട്. അതേസമയം, യുവതിക്കെതിരായ അതിക്രമം സംബന്ധിച്ച് പരാതിപ്പെട്ടതായി വിവരങ്ങളില്ല. ഈ വീഡിയോ എന്ന് ചിത്രീകരിച്ചതാണെന്നോ ഈ സംഭവത്തിന്റെ മറ്റുവിശദാംശങ്ങളോ ലഭ്യമല്ല. ഈ വീഡിയോ വലിയ രീതിയില്‍ പ്രചരിക്കുകയും ചെയ്തിരുന്നു. ഇതിനുപിന്നാലെയാണ് പി ജി മനുവിനെ ആത്മഹത്യ ചെയ്ത നിലയില്‍ കണ്ടെത്തിയത്.

പി.ജി. മനുവിന്റെ ആത്മഹത്യ: ലൈംഗികാരോപണം ഉന്നയിച്ച യുവതിയുടെ ഭര്‍ത്താവ് കസ്റ്റഡിയില്‍

വടകര: കേരള ഒളിമ്പിക് അസോസിയേഷനും കേരള കരാട്ടെ അസോസിയേഷനും ഏപ്രിൽ 10 മുതൽ 12 വരെ തിരുവനന്തപുരം ജിമ്മി ജോർജ് ഇൻഡോർ സ്റ്റേഡിയത്തിൽ സംഘടിപ്പിച്ച ഓപ്പൺ കേരള കരാട്ടെ ചാമ്പ്യൻഷിപ്പിൽ കുമിത്തെ വിഭാഗത്തിൽ ഗോൾഡ് മെഡലും കത്താ വിഭാഗത്തിൽ സിൽവർ മെഡലും കരസ്ഥമാക്കി റജ മെഹബിൻ. വടകര മാക്കൂൽ സ്വദേശി വെളുത്ത പറമ്പത്ത് അർഷാദിൻ്റെയും സെമീനയുടെ മകളാണ്. കുറുമ്പയിൽ എൻ എം യു.പി സ്കൂൾ അഞ്ചാം ക്ലാസ് വിദ്യാർത്ഥിയാണ് റജ മെഹബിൻ.

സ്റ്റേറ്റ് കരാട്ടെ ചാമ്പ്യൻഷിപ്പിൽ റജ മെഹബിന് ഗോൾഡ് മെഡൽ

Vadakara

പുരുഷന്‍മാരെ അപേക്ഷിച്ച് സ്ത്രീകളിലെ ആരോഗ്യ പ്രശ്‌നങ്ങളും വ്യത്യസ്തമാണ്.അത്തരത്തില്‍ സ്ത്രീകളില്‍ ബ്രാ ധരിക്കുന്നത് കാരണം ചില ആരോഗ്യ പ്രശ്‌നങ്ങള്‍ ഉണ്ടാകാറുണ്ട്. രാത്രി കാലങ്ങളില്‍ ഉറങ്ങുമ്പോള്‍ ബ്രാ ധരിക്കുന്നത് ആരോഗ്യത്തിന് നല്ലതോ ദോഷമോ എന്ന സംശയം പലരിലുമുണ്ട്. ഈ വിഷയത്തില്‍ വിദഗ്ദ്ധര്‍ നല്‍കുന്ന അഭിപ്രായം വളരെ പ്രധാനമാണ്.&nbsp;
സാധാരണഗതിയില്‍ ദിവസം മുഴുവന്‍ ബ്രാ ധരിക്കുന്നവരാണ് സ്ത്രീകള്‍. ഇവര്‍ രാത്രി കാലങ്ങളില്‍ ഇത് ധരിച്ച് ഉറങ്ങുന്നത് ആരോഗ്യത്തിന് നല്ലതല്ല എന്നാണ് വിദഗ്ദ്ധര്‍ പറയുന്നത്. രാത്രി കാലങ്ങളില്‍ ബ്രാ ധരിച്ച് ഉറങ്ങാന്‍ പാടില്ല എന്ന് പറയുന്നതിന് നിരവധി കാരണങ്ങളുണ്ട്. രാത്രി കാലങ്ങളില്‍ ബ്രാ ധരിക്കാതെ ഉറങ്ങുന്നതാണ് ആരോഗ്യത്തിന് നല്ലത്. രാത്രിയിലും ബ്രാ ധരിച്ച് ഉറങ്ങിയാല്‍ സ്തനങ്ങള്‍ക്ക് താഴെയായി ചൊറിച്ചിലും ചുണങ്ങുകളും ഉണ്ടാകാന്‍ സാദ്ധ്യതയുണ്ട്.വിയര്‍പ്പ് തങ്ങി നില്‍ക്കുന്നത് കാരണമാണ് ഈ പ്രശ്‌നങ്ങളുണ്ടാകുന്നത്. സ്തനങ്ങളുടെ ഭാഗം വളരെ സെന്‍സിറ്റീവ് ആയതിനാല്‍ ചുണങ്ങുകള്‍ കാലക്രമേണ കറുത്ത പാടുകളായി മാറാനും സാധ്യത കൂടുതലാണ്.രാത്രി കാലങ്ങളില്‍ ടൈറ്റ് ആയിട്ടുള്ള ബ്രാ ധരിക്കുന്നത് കാരണം സ്തനങ്ങളുടെ ഭാഗത്തെ രക്തയോട്ടം മോശമാകാനും സാദ്ധ്യതയുണ്ട്. മാത്രമല്ല നെഞ്ചിന്റെ ഭാഗത്തെ സമ്മര്‍ദ്ദം കൂടുന്നതിനും ഇത് കാരണമാകും. രക്തയോട്ടം സുഗമമായി നടക്കാത്ത സ്ഥിതി മറ്റ് ആരോഗ്യ പ്രശ്‌നങ്ങളുമുണ്ടാക്കും.രാത്രിയില്‍ ബ്രാ ധരിക്കാതെ ഉറങ്ങുന്നത് നിങ്ങളുടെ സ്തനങ്ങളുടെ പേശികള്‍ക്ക് നല്ലതാണ്.&nbsp;

സ്ത്രീകള്‍ ഉറങ്ങുമ്പോള്‍ ബ്രാ ധരിക്കുന്നത് നല്ലതോ? ആരോഗ്യ വിദഗ്ദ്ധര്‍ പറയുന്നത് ശ്രദ്ധിക്കുക

Health

തൃശൂർ: ഗുരുവായൂർ ക്ഷേത്രത്തിൽ ഹൈക്കോടതി ഉത്തരവ് ലംഘിച്ച് വീഡിയോ ചിത്രീകരിച്ച ജസ്ന സലീമിനെതിരെ ദിവസങ്ങൾക്ക് മുമ്പാണ് പൊലീസ് കേസെടുത്തത്.കിഴക്കേനടയിൽ കൃഷ്ണ വിഗ്രഹത്തിൽ മാലചാർത്തി വീഡിയോയെടുത്തെന്നാണ് എഫ്‌ഐആറിലുള്ളത്. വീഡിയോ സോഷ്യൽ മീഡിയയിൽ പ്രചരിപ്പിച്ചതിനെതിരെ ദേവസ്വം ബോർഡ് തന്നെയാണ് പരാതി നൽകിയത്. ഈ പരാതിയുടെ അടിസ്ഥാനത്തിലാണ് പൊലീസ് കേസെടുത്തത്.
ഇപ്പോഴിതാ വിവാദങ്ങൾക്ക് പിന്നാലെ വീണ്ടും ശ്രീകൃഷ്ണ വിഗ്രഹത്തിനൊപ്പം ഫോട്ടോ ഷൂട്ട് നടത്തിയിരിക്കുകയാണ് ജസ്ന. വിഷുക്കണിക്ക് വേണ്ടി സ്ഥാപിച്ച കൃഷ്ണ വിഗ്രഹത്തിൽ ചുംബിച്ചും ജസ്ന ഫോട്ടോയ്ക്ക് പോസ് ചെയ്യുന്നുണ്ട്. വീഡിയോയ്ക്ക് താഴെ വിമർശനങ്ങൾ ഉയരുന്നുണ്ട്.
വിശ്വാസം അത് മനസ്സിൽ സൂക്ഷിക്കുക ആളുകളെ കാണിക്കാൻ ഉള്ളതല്ല, ഒരിക്കലും ഒരു ദൈവത്തിനും ഉമ്മ കൊടുക്കാറില്ല.... സ്‌നേഹം.. ഇഷ്ടം... ഭക്തി ഒക്കെ കൈ കൂട്ടി നമസ്‌കരിക്കും- തുടങ്ങിയ കമന്റുകളാണ് വീഡിയോയ്ക്ക് താഴെ വരുന്നത്.

ജന്മദിനാഘോഷത്തിന് ജസ്ന ഗുരുവായൂരിലെ നടപ്പന്തലിൽ വച്ച് കേക്ക് മുറിച്ചത് നേരത്തെ വിവാദമായിരുന്നു. ഇതിനെതിരെ നിരവധിപേർ രംഗത്തെത്തി. യുവതിക്കെതിരെ ചിലർ ഹൈക്കോടതിയെ സമീപിക്കുകയും ചെയ്തു. ഹർജി ലഭിച്ചതിന് പിന്നാലെ ഹൈക്കോടതി ഗുരുവായൂർ ക്ഷേത്രത്തിലെ നടപ്പന്തലിൽ വീഡിയോഗ്രാഫിക്ക് നിയന്ത്രണം ഏർപ്പെടുത്തിയിരുന്നു.മതപരമായ ചടങ്ങുകൾക്കും വിവാഹങ്ങൾക്കും അല്ലാതെ നടപ്പന്തലിൽ വീഡിയോഗ്രാഫി അനുവദിക്കരുതെന്ന് കോടതി അന്ന് വ്യക്തമാക്കിയതാണ്.&nbsp;

ശ്രീകൃഷ്ണ വിഗ്രഹത്തിൽ ചുംബിച്ച് ജസ്നയുടെ ഫോട്ടോഷൂട്ട്; സോഷ്യൽ മീഡിയയിൽ വിമർശനം

തിരുവനന്തപുരം: സിപിഎം കണ്ണൂർ ജില്ലാ സെക്രട്ടറിയായി തിരഞ്ഞെടുക്കപ്പെട്ട കെ.കെ. രാഗേഷിനെ അഭിനന്ദിച്ചുകൊണ്ടുള്ള ദിവ്യ എസ് അയ്യരുടെ ഫേസ്ബുക്ക് പോസ്റ്റിൽ പ്രതികരണവുമായി കെ.എസ്. ശബരീനാഥൻ. അഭിനന്ദനം സദുദ്ദേശപരമാണെങ്കിലും വീഴ്ചയുണ്ടെന്ന് അദ്ദേഹം പറഞ്ഞു.സർക്കാർ ഉദ്യോഗസ്ഥയെന്ന നിലയ്ക്ക് സർക്കാരിനെയും നയങ്ങളെയും അഭിനന്ദിക്കുന്നതിൽ തെറ്റില്ല. എന്നാൽ രാഷ്ട്രീയ നിയമനം ലഭിച്ച ഒരാളെ അഭിനന്ദിച്ചത് അതുപോലെയല്ല. സർക്കാർ ഉദ്യോഗസ്ഥർ രാഷ്ട്രീയ നേതാക്കളെ പുകഴ്ത്തിയോ വിമർശിച്ചോ എഴുതുന്നതിനോട് യോജിപ്പില്ലെന്നും ശബരീനാഥൻ പറഞ്ഞു.
'കർണ്ണന് പോലും അസൂയ തോന്നും വിധം ഈ KKR കവചം. ഇക്കഴിഞ്ഞ മൂന്ന് വർഷങ്ങൾ അദ്ദേഹത്തിന്റെ ഔദ്യോഗിക ജീവിതം മുന്നിൽ നിന്നു വീക്ഷിച്ച എനിക്കു ഒപ്പിയെടുക്കാൻ സാധിച്ച അനവധി ഗുണങ്ങൾ ഉണ്ട്. വിശ്വസ്തതയുടെ ഒരു പാഠപുസ്തകം. കഠിനാധ്വാനത്തിന്റെ ഒരു മഷിക്കൂട്!' എന്നായിരുന്നു ദിവ്യ ഇൻസ്റ്റ​ഗ്രാമിൽ കുറിച്ചത്..

കെ.കെ രാഗേഷിന് അഭിനന്ദനം; 'ദിവ്യയുടെ കുറിപ്പ് സദുദ്ദേശപരമെങ്കിലും വീഴ്ച സംഭവിച്ചു'- ശബരീനാഥൻ

വില്ല്യാപ്പള്ളി: ആത്മീയതയിൽ അടിയുറച്ച തലമുറകളെ സൃഷ്ടിക്കാൻ ഓരോ മഹല്ലും ശക്തമായ ഇടപെടലുകൾ നടത്തണമെന്നും അതിനനുസരിച്ച് മഹല്ലുകൾ ശാക്തീകരിക്കേണ്ടതുണ്ടെന്നും പ്രവർത്തനങ്ങൾ ക്രോഡീകരിക്കണമെന്നും പാണക്കാട് സയ്യിദ് ബഷീറലി ശിഹാബ് തങ്ങൾ. മയ്യന്നൂർ മഹല്ല് കുടുംബ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മഹല്ല് പ്രസിഡൻ്റ് ടി.കെ. ഉസ്മാൻ ഹാജി അധ്യക്ഷത വഹിച്ചു. മഹല്ല് ശാക്തീകരണ ഫണ്ട് കൈമാറ്റം ഉസ്മാൻ ഹാജി തൈക്കുറ്റി, ഡോ: ഉസ്മാൻ കക്കാട്ട്, ഷൗക്കത്ത് ഹാജി വെളിയങ്ങോട്ട് , ഡോ: അബ്ദുസ്സലാം, വരയാലിൽ മൊയ്തു ഹാജി എന്നിവർ ചേർന്ന് ബഷീറലി തങ്ങൾക്ക് കൈമാറി.&nbsp;
എംപിഎംസി ഖത്തർ കമ്മിറ്റിയുടെ വിദ്യാഭ്യാസ വിങ് എജു കെയർ നേതൃത്വത്തിൽ നടപ്പിൽ വരുത്തുന്ന ഹിമായ കോഴ്സ് പോസ്റ്റർ പ്രകാശനവും റമദാൻ മാസത്തിൽ നടത്തിയ ഓൺലൈൻ ക്വിസ് പ്രോഗ്രാം വിജയികൾക്കുള്ള സമ്മാനദാനവും തങ്ങൾ നിർവ്വഹിച്ചു. മഹല്ല് ഖാസി ശറഫുദ്ധീൻ ബാഖവി പ്രാർത്ഥന നിർവ്വഹിച്ചു. അൻവർ മുഹ്‌യുദ്ദീൻ ഹുദവി മഹല്ല് ശാക്തികരണത്തിൽ നിവാസികളുടെ പങ്ക് എന്ന വിഷയത്തിൽ മുഖ്യ പ്രഭാഷണം നടത്തി. പാടിപ്പറയാം ജീവിത നന്മകൾ കലാസ്വാദന പ്രോഗ്രാമിന് നവാസ് പാലേരി നേതൃത്വം നൽകി. റഷീദ് ഹാജി മഠത്തിൽ, അബ്ദുഹിമാൻ ഹാജി കയ്യാല, കക്കാട്ട് അബ്ദുൽ അസീസ്, ജാഫർ ദാരിമി, ദാവൂദ് വാഫി, ഒ പി മൊയ്തു, മലയിൽ ഇബ്രാഹിം ഹാജി, വി പി മഹ്മൂദ്, സൽമാൻ മുണ്ട്യാട്ട്, ഡോ അഫ്സൽ ഉസ്മാൻ, എം. എം. കെ കരീം, ഫൈസൽ ആയിരോടി, ടി.ടി മുനീർ, കരീം നെല്ലൂർ, ഹാരിസ് പി എം, എം ടി സമീർ, ഒ പി ശഹീം എന്നിവർ സംസാരിച്ചു. പറേമ്മൽ ബഷീർ, യൂസഫ് ചെട്ടിയം വീട്ടിൽ, ഷെരീഫ് കക്കാട്ട്, ഇബ്രാഹിം കൊടിയത്ത്, സുബൈർ ചെത്തിൽ, ജമാൽ, ഫൈസൽ മിൽക്കി, അസ്‌ലം മാക്കനാരി, മിദിലാജ് കൊടിയത്ത്, സാബിത് എൻ എച്ച് , ഉസ്മാൻ പുതിയൊടുത്ത്, റിയാസ് വരയാലിൽ, അസ്‌ലം ആറങ്ങോട്ട്, അഫ്സൽ ചെത്തിൽ, മഹ്‌റൂഫ് പനയുള്ളത്തിൽ, സലാം മാക്കനാരി, മുഹമ്മദ്‌ ടി ടി കെ എന്നിവർ നേതൃത്വം നൽകി. മഹല്ല് സെക്രട്ടറി വരയാലിൽ മൊയ്‌ദു ഹാജി സ്വാഗതവും പ്രോഗ്രാം കമ്മിറ്റി ചെയർമാൻ ഡോക്ടർ അബ്ദുസലാം നന്ദിയും രേഖപെടുത്തി.

മഹല്ല് സംവിധാനം ശാക്തീകരിക്കേണ്ടത് അനിവാര്യം; ബഷീറലി തങ്ങൾ

വടകര : ഇൻവോൾവ് കൾച്ചറൽ &amp; ചാരിറ്റബിൾ സൊസൈറ്റിയുടെ ദശവാർഷികത്തോടനുബന്ധിച്ച് "സുസ്ഥിര ജീവിതരീതികൾ പിന്തുടരുന്നതിനുള്ള പ്രചോദനം ഒരുക്കുക" എന്ന ഉദ്ദേശ്യത്തോടെയുള്ള സസ്റ്റൈനബിൾ ലിവിംഗ് ക്യാമ്പയിൻ സംഘടിപ്പിച്ചു. ദൈനംദിന ജീവിതത്തിൽ പ്ലാസ്റ്റിക് നിർമ്മിതമായതുൾപ്പെടയുള്ള, ഒറ്റതവണ മാത്രം ഉപയോഗിച്ച് കളയുന്ന വസ്തുക്കളുടെ ഉപഭോഗം പരമാവധി ഒഴിവാക്കിക്കൊണ്ടും പകരം ഉപയോഗിക്കാവുന്ന ബദൽ മാർഗങ്ങൾ അവലംബിച്ചു കൊണ്ടും പരിസ്ഥിതി സൗഹാർദ്ദ ജീവിതരീതികൾ പിന്തുടർന്ന് കൊണ്ടുള്ള മാതൃകാ പരമായ അവബോധ പ്രവർത്തനങ്ങൾ ഒരുക്കുക എന്ന ആശയം മുൻനിർത്തിയാണ് പരിപാടി സംഘടിപ്പിച്ചത്. ഇതിന്റെ ഭാഗമായി, വടകര നഗരസഭയിലെയും ചോറോട്, മണിയൂർ, വില്യാപ്പള്ളി, ഒഞ്ചിയം, ഏറാമല, അഴിയൂർ എന്നീ സമീപ പഞ്ചായത്തുകളിലെയും മുഴുവൻ ഹരിത കർമ്മ സേന അംഗങ്ങൾക്കും ഇൻവോൾവിൻറെ നേതൃത്വത്തിൽ സ്റ്റീൽ വാട്ടർ ബോട്ടിലുകൾ സമ്മാനിച്ചു. ക്രസന്റ് ബിൽഡേഴ്സ് (കോഴിക്കോട്) ആണ് ഈ പ്രോജക്ട് സ്പോൺസർ ചെയ്തത്.&nbsp;
കൈനാട്ടി ബ്ലോസം ഇംഗ്ലീഷ് സ്കൂളിൽ വെച്ച് നടന്ന ക്യാമ്പയിൻ ചോറോട് ഗ്രാമ പഞ്ചായത്ത് പ്രസിഡന്റും ഇൻവോൾവ് ദശവാർഷികാഘോഷ സംഘാടക സമിതി രക്ഷാധികാരിയുമായ പി പി ചന്ദ്രശേഖരൻ ഉദ്ഘാടനം ചെയ്തു. ഏഴ് തദ്ദേശ സ്ഥാപനങ്ങളിൽ നിന്നുമുള്ള ഹരിത കർമ്മ സേന പ്രതിനിധികൾ, മുഴുവൻ അംഗങ്ങൾക്കുമുള്ള ബോട്ടിലുകൾ ഏറ്റുവാങ്ങി. സംഘാടക സമിതി ചെയർമാൻ പി പി രാജന്റെ അധ്യക്ഷതയിൽ ചേർന്ന പരിപാടിയിൽ ഇൻവോൾവ് എക്സികുട്ടീവ് കമ്മറ്റി അംഗം സ്വരൂപ് രയരോത്ത് സുസ്ഥിര ജീവിത ശൈലിയെക്കുറിച്ച് ആമുഖ ഭാഷണം നടത്തി. ഹരിത കർമ്മ സേന പ്രതിനിധികൾ മറുമൊഴിയർപ്പിച്ച് സംസാരിച്ചു. ഇൻവോൾവ് ജനറൽ സെക്രട്ടറി ദീപേഷ് ഡി ആർ സ്വാഗതം ആശംസിക്കുകയും വൈസ് പ്രസിഡന്റ് സുധീഷ് ഇ കെ നന്ദി പ്രകാശിപ്പിക്കുകയും ചെയ്തു.

ഇൻവോൾവ് കൾച്ചറൽ & ചാരിറ്റബിൾ സൊസൈറ്റി ദശവാർഷികം; ഹരിതകർമ്മസേനയ്ക്ക് സ്റ്റീൽ വാട്ടർ ബോട്ടിലുകൾ നൽകി

നാദാപുരം: ചെക്യാട് മാമുണ്ടേരിയില്‍ മദ്രസ വിദ്യാര്‍ഥിയായ 10 വയസുകാരന്‍ കിണറ്റില്‍ വീണ് മരിച്ചു. മാമുണ്ടേരി നെല്ലിയുള്ളതില്‍ ഹമീദിന്റെ മകന്‍ മുനവറലി ആണ് മരിച്ചത്. ഇന്ന് രാവില 8.30 ഓടെയാണ് സംഭവം.
മദ്രസയോട് ചേര്‍ന്ന പറമ്പിലെ കിണറില്‍ അബദ്ധത്തില്‍ വീഴുകയായിരുന്നു. ചെക്യാട് സൗത്ത് എംഎല്‍പി സ്‌കൂള്‍ നാലാം ക്ലാസ് വിദ്യാര്‍ഥിയായ മുനവറലി മദ്രസയില്‍നിന്ന് വീട്ടിലേക്ക് മടങ്ങുന്നതിനിടെയാണ് അപകടത്തില്‍പെട്ടത്. നാട്ടുകാര്‍ കല്ലാച്ചിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. വളയം പോലീസ് ഇന്‍ക്വസ്റ്റ് നടത്തിയ ശേഷം മൃതദേഹം പോസ്റ്റ് മോര്‍ട്ടത്തിന് അയക്കും.

ചെക്യാട് 10 വയസുകാരന്‍ കിണറ്റില്‍ വീണ് മരിച്ചു

Nadapuram

കൊച്ചി: സിഎംആര്‍എല്‍-എക്സാലോജിക് ഇടപാടില്‍ എസ്എഫ്‌ഐഒ റിപ്പോര്‍ട്ടില്‍ തുടര്‍നടപടികള്‍ തടഞ്ഞ്ക്കോടതി. രണ്ടു മാസത്തേക്ക് തല്‍സ്ഥിതി തുടരാനാണ് നിര്‍ദേശം. ഇത് സിഎംആര്‍എല്ലിനും മുഖ്യമന്ത്രി പിണറായി വിജയന്റെ മകള്‍ വീണയ്ക്കും താത്കാലിക ആശ്വാസം പകരും.
എസ്എഫ്‌ഐഒ റിപ്പോര്‍ട്ടില്‍ കുറ്റം ചുമത്തിയത് ചോദ്യം ചെയ്ത് സിഎംആര്‍എല്‍ നല്‍കിയ ഹര്‍ജിയിലാണ് ഹൈക്കോടതി ഉത്തരവ്. സിഎംആര്‍എല്ലിനോടും കേന്ദ്ര സര്‍ക്കാരിനോടും സത്യവാങ്മൂലം സമര്‍പ്പിക്കാനും കോടതി ഇടക്കാല ഉത്തരവിട്ടിട്ടുണ്ട്.കണ്ടെത്തലുകളുടെ അടിസ്ഥാനത്തില്‍ എറണാകുളം അഡീഷണല്‍ സെഷന്‍സ് കോടതി ഏഴില്‍ എസ്എഫ്ഐഒ സമര്‍പ്പിച്ച പരാതി സ്വീകരിച്ചിരുന്നു. ഇതിന്റെ തുടര്‍ച്ചയായി പ്രതികള്‍ക്ക് നോട്ടീസ് അയയ്ക്കാനിരിക്കെയാണ് ഹൈക്കോടതിയുടെ ഇടപെടല്‍ ഉണ്ടായിരിക്കുന്നത്

വീണ വിജയന് ആശ്വാസം;എസ്എഫ്‌ഐഒ റിപ്പോര്‍ട്ടിൽ രണ്ട് മാസത്തേക്ക് തുടര്‍ നടപടി പാടില്ലെന്ന് ഹൈക്കോടതി

ഇരിങ്ങണ്ണൂർ: തുരുത്തി നടുവിലക്കണ്ടിയിൽ എൻ.കെ. രാജഗോപാലൻ നമ്പ്യാർ (92) അന്തരിച്ചു. സി.പി.ഐ എടച്ചേരി ലോക്കൽ സിക്രട്ടറി, നാദാപുരം മണ്ഡലം കമ്മിറ്റി അംഗം, കിസാൻ സഭ നാദാപുരം മണ്ഡലം കമിറ്റി അംഗം, ഇരിങ്ങണ്ണൂർ ഹയർ സെക്കൻ്ററി സ്കൂൾ ഭരണ സമിതി അംഗം എന്നീ നിലകളിൽ പ്രവർത്തിച്ചിരുന്നു. ഭാര്യ: പരേതയായ സാവിത്രി. മക്കൾ: ലസിത (കുറുവന്തേരി യു.പി.സ്കൂൾ അധ്യാപിക), പരേതനായ ധനേഷ്. മരുമക്കൾ: ശ്രീനിവാസൻ (റിട്ട: പ്രഫസർ ) , പരേതയായ അനിത ചാവശ്ശേരി. സഹോദരൻ: പരേതനായ പിലാത്തോട്ടത്തിൽ ഗോപിനാഥൻ നമ്പ്യാർ.

എൻ കെ രാജഗോപാലൻ നമ്പ്യാർ അന്തരിച്ചു

Obituary

വേളം : അവസാന ഒരുവർഷം പ്രസിഡൻറ്, വൈസ് പ്രസിഡൻറ് പദവികൾ പരസ്പരം കൈമാറണമെന്ന യുഡിഎഫ് ധാരണപ്രകാരം വൈസ് പ്രസിഡൻറ് കോൺഗ്രസിലെ കെ.സി. ബാബു തത്‌സ്ഥാനം രാജിവെച്ചു. രാജിക്കത്ത് ചൊവ്വാഴ്ച വേളം ഗ്രാമപ്പഞ്ചായത്ത് അസി. സെക്രട്ടറിക്ക് കൈമാറി. മുസ്‌ലിംലീഗിലെ നയീമ കുളുള്ളതിലാണ് പ്രസിഡൻറ്.&nbsp;
മുൻധാരണപ്രകാരം അവസാന ഒരുവർഷം പദവികൾ പരസ്പരം മാറണമെന്നായിരുന്നു ധാരണ. അതുപ്രകാരം പ്രസിഡൻറ് പദവി കോൺഗ്രസിന് കൈമാറണമെന്ന് ഏറെയായി കോൺഗ്രസ് ആവശ്യപ്പെടുന്നുണ്ട്. എന്നാൽ, പ്രസിഡൻറ് രാജിവെച്ചില്ലെങ്കിലും കോൺഗ്രസ് അംഗം വൈസ് പ്രസിഡൻറ് പദം രാജിവെക്കുകയായിരുന്നു. ഇതുസംബന്ധിച്ച് ഇരുപാർട്ടികളുടേയും ജില്ലാനേതൃത്വം ഇടപെട്ട് ചർച്ചയാരംഭിച്ചതായാണ് വിവരം.&nbsp;

വേളത്ത് വൈസ് പ്രസിഡന്റ് രാജിവെച്ചു

Kuttiadi

അഴിയൂർ: വിസ്ഡം സ്റ്റുഡൻസ് അഴിയൂർ ശാഖയുടെ ആഭിമുഖ്യത്തിൽ ലഹരിക്കെതിരെ ധർമ്മ സമര സംഗമം സംഘടിപ്പിച്ചു. ചുങ്കം ടൗണിൽ സംഘടിപ്പിച്ച പരിപാടി എക്സൈസ് വടകര അസിസ്റ്റൻഡ് ഇൻസ്പെക്ടർ കെ.എം.സോമൻ ഉൽഘാടനം ചെയ്തു. വി.വി. ബഷീർ അദ്ധ്യക്ഷത വഹിച്ചു. ബിലാൽ കൊല്ലം , അബ്ദുൽ ഫത്താഹ് മൈലക്കര, ശംസുദ്ദീൻ മനയിൽ , സക്കീർ സലഫി, മൊയ്തു കുഞ്ഞിപ്പള്ളി എന്നിവർ സംസാരിച്ചു. മഹമ്മൂദ് ഫനാർ, ഫർസിൽ, മുസ്തഫ, ശംസു അഴിയൂർ, അജ്നാസ് എന്നിവർ നേതൃത്വം നൽകി.

ലഹരിക്കെതിരെ ധർമ്മ സമര സംഗമം

&nbsp;ഹരിയാണ: കാമുകനുമായി ചേർന്ന് ഭർത്താവിനെ കൊലപ്പെടുത്തി ഓടയിൽ തള്ളി സോഷ്യൽമീഡിയ ഇൻഫ്ലുവൻസർ. തന്റെ പ്രണയ ബന്ധം ഭർത്താവ് മനസിലാക്കിയതിനെ തുടർന്നായിരുന്നു കൊലപാതകമെന്നാണ് റിപ്പോർട്ടുകൾ. ഹരിയാണയിലെ ഭിവാനിയിൽ മാർച്ചിലാണ് സംഭവം നടന്നത്. സോഷ്യൽ മീഡിയ ഇൻഫ്ലുവൻസറായ രവീണയാണ് ആൺസുഹൃത്തായ സുരേഷുമായി ചേർന്ന് ഭർത്താവ് പ്രവീണിനെ കൊലപ്പെടുത്തിയത്.
2017 ലായിരുന്നു രവീണയും പ്രവീണും തമ്മിലുള്ള വിവഹം. ഇരുവർക്കും ആറുവയസുള്ള ഒരു മകനുണ്ട്. രണ്ടു വർഷങ്ങൾക്ക് മുമ്പാണ് യുവതി സുരേഷുമായി സൗഹൃദത്തിലാകുന്നത്. യൂട്യൂബ് അക്കൗണ്ടിനായി വീഡിയോകൾ ചിത്രീകരിക്കാറുണ്ടായിരുന്ന സുരേഷുമായി ചേർന്ന് രവീണയും വീഡിയോകൾ ചെയ്തു തുടങ്ങി. പ്രവീണിന് എതിർപ്പുണ്ടായിരുന്നെങ്കിലും ഇരുവരും ഒന്നിച്ച് വീഡിയോ ചെയ്യുന്നത് തുടർന്നു.
മാർച്ച് 25-ന്, പ്രവീൺ വീട്ടിൽ മടങ്ങിയെത്തിയപ്പോൾ രവീണയെയും സുരേഷിനെയും ഒരുമിച്ച് കാണുകയും ഇത് ദമ്പതികൾക്കിടയിൽ തർക്കത്തിന് കാരണമാകുകയും ചെയ്തു. പിന്നാലെ രാത്രി രവീണയും സുരേഷും ചേർന്ന് ഒരു ഷാൾ ഉപയോഗിച്ച് പ്രവീണിനെ കഴുത്ത് ഞെരിച്ച് കൊലപ്പെടുത്തി. തുടർന്ന് ഇരുവരും ചേർന്ന് മൃതദേഹം കൊണ്ടുപോയി നഗരത്തിന് പുറത്തുള്ള ഒരു ഓടയിൽ തള്ളുകയായിരുന്നു. രവീണയും സുരേഷും പ്രവീണിന്റെ മൃതദേഹം ബൈക്കിൽ കൊണ്ടുപോകുന്നതിന്റെ ദൃശ്യങ്ങൾ സാമൂഹിക മാധ്യമങ്ങളിൽ പ്രചരിക്കുന്നുണ്ട്.പ്രവീണിനെ കാണാനില്ലെന്ന കുടുംബത്തിന്റെ പരാതിയിൽ പോലീസ് നടത്തിയ അന്വേഷണത്തിൽ മൂന്ന് ദിവസങ്ങൾക്ക് ശേഷം അഴുകിയ നിലയിൽ മൃതദേഹം കണ്ടെത്തി.

കാമുകനൊപ്പം ചേർന്ന് ഭർത്താവിനെ കഴുത്തുഞെരിച്ച് കൊന്നശേഷം ഓടയിൽ തള്ളി സോഷ്യൽമീഡിയ ഇൻഫ്ലുവൻസർ

നാദാപുരം : കഞ്ചാവ് കലര്‍ത്തിയ ചോക്‌ളേറ്റുകളുമായി ഡല്‍ഹി സ്വദേശി നാദാപുരം എക്‌സൈസിന്റെ പിടിയിലായി. ഡല്‍ഹി നോര്‍ത്ത് ഈസ്റ്റ് ജില്ലയില്‍ സീലംപൂര്‍ താലൂക്കില്‍ മൊഅനീസ് അജം ( 42) ആണ് പിടിയിലായത്.
കുറ്റ്യാടി - തൊട്ടില്‍ പാലം റോഡിലെ സ്റ്റേഷനറിക്കടയില്‍ വെച്ചാണ് കഞ്ചാവ് കലര്‍ന്ന ചോക്ലേറ്റുമായി പിടിയിലായത്. പിടിച്ചെടുത്ത കഞ്ചാവ് മിഠായി 348 ഗ്രാം തൂക്കം ഉണ്ട്.നാദാപുരം എക്‌സൈസ് റെയ്ഞ്ച് ഓഫീസിലെ എക്സൈസ് ഇന്‍സ്പെക്ടര്‍ അനിമോന്‍ ആന്റണി യുടെ നേതൃത്വത്തിലാണ് പരിശോധന നടത്തിയത്.

കഞ്ചാവ് കലര്‍ത്തിയ ചോക്‌ളേറ്റുകളുമായി ഡല്‍ഹി സ്വദേശി നാദാപുരം എക്‌സൈസിന്റെ പിടിയിൽ

തിരുവനന്തപുരം: സംസ്ഥാനത്ത് ഇന്ന് സ്വർണവിലയിൽ വൻകുതിപ്പ്. ഒരു പവൻ സ്വർണത്തിന് 760 രൂപ വർദ്ധിച്ച് 70,520 രൂപയായി. ഈ വർഷം രേഖപ്പെടുത്തിയ ഏ​റ്റവും ഉയർന്ന നിരക്കാണിത്. ഒരു ഗ്രാം 22 കാര​റ്റ് സ്വർണത്തിന് 8,815 രൂപയും ഒരു ഗ്രാം 24 കാര​റ്റ് സ്വർണത്തിന് 9,617 രൂപയുമാണ്. ഇന്നലെ പവന് 280 രൂപ കുറഞ്ഞ് 69,760 രൂപയിലെത്തിയിരുന്നു. ഈ മാസം ഏറ്റവും കുറവ് സ്വർണനിരക്ക് രേഖപ്പെടുത്തിയിരുന്നത് ഏപ്രിൽ എട്ടിനായിരുന്ന. അന്ന് പവന് 65,800 രൂപയും ഗ്രാമിന് 8,225 രൂപയുമായിരുന്നു.
സ്വർണത്തിന് ഡിമാൻഡ് കൂടിയതാണ് വിലയിലെ കുതിപ്പിന് പ്രധാന കാരണം. വിവിധ രാജ്യങ്ങൾ ചുമത്തിയ തീരുവ താൽക്കാലികമായി നിർത്തിവച്ചിരുന്നു. എന്നാൽ ചൈന തീരുവ വൻതോതിൽ വർദ്ധിപ്പിച്ചതാണ് പെട്ടെന്നുള്ള ഡിമാൻഡ് വർദ്ധനയ്ക്ക് കാരണമായത്.&nbsp;

സ്വർണവിലയിൽ വൻകുതിപ്പ്;760 രൂപ കൂടി പവന് 70,520 രൂപയായി

തിരുവനന്തപുരം: സിപിഎം ജില്ലാ സെക്രട്ടറിയായി മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ.രാഗേഷിനെ തിരഞ്ഞെടുത്തതിനു പിന്നാലെ അദ്ദേഹത്തെ അഭിനന്ദിച്ചുകൊണ്ടുള്ള വഴിഞ്ഞം അന്താരാഷ്ട്ര തുറമുഖം മാനേജിങ് ഡയറക്ടര്‍ ദിവ്യ എസ്.അയ്യരുടെ പോസ്റ്റ് വിവാദങ്ങള്‍ക്കിടയാക്കിയിരുന്നു. എകെജി സെന്ററില്‍നിന്നല്ല ദിവ്യ എസ് അയ്യര്‍ ശമ്പളം വാങ്ങുന്നത് എന്നടക്കമുള്ള വിമര്‍ശനങ്ങളുമായി യൂത്ത് കോണ്‍ഗ്രസ് നേതാക്കളാണ് രംഗത്തെത്തിയത്.
കര്‍ണ്ണന് പോലും അസൂയ തോന്നും വിധമാണ് മുഖ്യമന്ത്രിക്ക് കെ.കെ.രാഗേഷ് കവചം തീര്‍ത്തിരുന്നത് എന്നായിരുന്നു ദിവ്യയുടെ ഇന്‍സ്റ്റഗ്രാം പോസ്റ്റ്. രാഗേഷിന്റെ സിപിഎം കണ്ണൂര്‍ ജില്ലാ സെക്രട്ടറിയാക്കിയതിന് പിന്നാലെയായിരുന്നു പോസ്റ്റ്. 'ഇക്കഴിഞ്ഞ മൂന്ന് വര്‍ഷങ്ങള്‍ അദ്ദേഹത്തിന്റെ ഔദ്യോഗിക ജീവിതം മുന്നില്‍ നിന്നു വീക്ഷിച്ച എനിക്കു ഒപ്പിയെടുക്കാന്‍ സാധിച്ച അനവധി ഗുണങ്ങള്‍ ഉണ്ട്. വിശ്വസ്തതയുടെ ഒരു പാഠപുസ്തകം!, കഠിനാധ്വാനത്തിന്റെ ഒരു മഷിക്കൂട്' എന്നും ദിവ്യ കുറിച്ചു.&nbsp;
ഇതിന് പിന്നാലെ ദിവ്യ എസ്.അയ്യരെ രൂക്ഷമായി വിമര്‍ശിച്ച് യൂത്ത് കോണ്‍ഗ്രസ് കണ്ണൂര്‍ ജില്ലാ പ്രസിഡന്റ് വിജില്‍ മോഹനും രംഗത്തെത്തി. കെ.കെ.രാഗേഷിനായി സര്‍വീസ് ചട്ടങ്ങള്‍ മറന്ന് വാഴ്ത്തുപാട്ട് പാടുന്ന ശ്രീമതി ദിവ്യ മേഡം ഐഎഎസ് എന്നുപറഞ്ഞാണ് എഫ്ബി കുറിപ്പ് വിജില്‍ പോസ്റ്റ് ചെയ്തത്.
വിവിധ ഭാഗങ്ങളില്‍നിന്ന് വിമര്‍ശനങ്ങള്‍ കടുത്തതോടെ വിശദീകരണവുമായി ദിവ്യ ഇന്‍സ്റ്റയില്‍ ഒരു വീഡിയോ പോസ്റ്റ് ചെയ്യുകയും ചെയ്തു. നന്മയുള്ളവരെ കുറിച്ച് നാലാളോട് പറയാന്‍ പ്രയാസവും വേണ്ടെന്നും, കഴിഞ്ഞ ഒന്നൊന്നര വര്‍ഷമായി ഏറ്റവും രൂക്ഷമായ വാക്കുകളിലുള്ള വിമര്‍ശനവും കയ്‌പേറിയ ചില പ്രതികരണങ്ങളുമൊക്കെ എനിക്ക് ഏറ്റുവാങ്ങേണ്ടി വന്നിട്ടുള്ളത് ഇങ്ങനെ പറഞ്ഞതുകൊണ്ടാണെന്നും ദിവ്യ വ്യക്തമാക്കുകയുണ്ടായി.
'എല്ലാം ഈ അപ്പാ അമ്മ കാരണമാണെന്ന് ചിലപ്പോള്‍ പറയാന്‍ തോന്നും. കുട്ടിക്കാലത്ത് നല്ല വാക്കുകള്‍ മാത്രം പറയുക, നല്ല കാര്യങ്ങള്‍ മാത്രം ചെയ്യുക, ആരെയും അധിക്ഷേപിക്കരുത്, നാലാളുടെ മുന്നില്‍വെച്ച് ആരെയും അപമാനിക്കരുത്, നമ്മള്‍ കാരണം ഒരു മനുഷ്യനും വേദനിക്കരുത്, മുതിര്‍ന്നവരെ ആദരപൂര്‍വം നോക്കിക്കാണണം, ബഹുമാനപൂര്‍വം അവരോട് പെരുമാറണം എന്നീ കാര്യങ്ങള്‍ നമ്മുടെ നെഞ്ചിലേറുന്നതുവരെ പറഞ്ഞു മനസ്സിലാക്കി തരുകയും പ്രാവര്‍ത്തികമാക്കാനുള്ള നിരന്തര ശ്രമം അവരുടെ ജീവിതവഴിയില്‍ കാണുകയും ചെയ്തിട്ടുള്ള ബാല്യകാലമാണ് ഉണ്ടായിട്ടുള്ളത്. അതുകൊണ്ടുതന്നെ ഇപ്പോഴും ആത്മാര്‍ഥമായി അത് പ്രാവര്‍ത്തികമാക്കാന്‍ ഞാന്‍ ശ്രമിക്കുന്നുണ്ട് എന്നാണ് എന്റെ വിശ്വാസം.
നമ്മളാരും എല്ലാം തികഞ്ഞവരും നിറഞ്ഞവരും അല്ല. നമുക്ക് ചുറ്റുമുള്ള വ്യക്തികളില്‍ എല്ലാവരിലും നന്മയുടെ വെളിച്ചം ഉണ്ടാകും. നമുക്ക് പഠിക്കാവുന്ന ഒരുപാട് ഗുണങ്ങള്‍ അവരിലൊക്കെ ഉണ്ടായിരിക്കം. അതൊക്കെ കണ്ടെത്തുക എന്നത് വലിയ പ്രയാസമേറിയ കാര്യമല്ല. കണ്ടെത്തുന്ന നന്മകള്‍ പരത്തുക എന്നതിനും പ്രയാസമില്ല. അത് നാലാളോട് പറയുക എന്നതിനും വല്യ പ്രയാസമൊന്നും ഉണ്ടാകേണ്ടതല്ല.
കഴിഞ്ഞ ഒന്നൊന്നര വര്‍ഷമായി ഏറ്റവും രൂക്ഷമായ വാക്കുകളിലുള്ള വിമര്‍ശനവും കയ്‌പേറിയ ചില പ്രതികരണങ്ങളുമൊക്കെ എനിക്ക് ഏറ്റുവാങ്ങേണ്ടി വന്നിട്ടുള്ളത് എന്തിനാണെന്നോ, എന്റെ അനുഭവത്തിലൂടെ, ഉത്തമബോധ്യത്തില്‍, എന്റെ കാഴ്ചപ്പാടിലൂടെ ചില മനുഷ്യരില്‍ ഞാന്‍ കണ്ടെത്തിയ നന്മ എന്താണ്, അവരിലെ ഗുണം എന്താണ് എന്നത് ലോകത്തോട് വിളിച്ചുപറഞ്ഞു എന്ന ഒറ്റക്കാരണത്താലാണ്. എത്ര വിചിത്രമായ ലോകമാണെന്ന് എനിക്ക് ചിലപ്പോ ചിന്തിക്കേണ്ടി വരുന്നുണ്ട്' ദിവ്യ പറഞ്ഞു.

'നന്മയുള്ളവരെ കുറിച്ച് നാലാളോട് പറയാന്‍ പ്രയാസം വേണ്ട';യൂത്ത് കോണ്‍ഗ്രസിന് മറുപടിയുമായി ദിവ്യ എസ്.അയ്യർ

പൂച്ചാക്കല്‍: ചുറ്റിക കൊണ്ട് തലയ്ക്കടിച്ച് 50-കാരിയെ കൊലപ്പെടുത്തി. അരൂക്കുറ്റി പഞ്ചായത്ത് ഒന്നാം വാര്‍ഡില്‍ പുളിന്താഴ നികര്‍ത്തില്‍ ശരവണന്റെ ഭാര്യ വനജ (50) ആണ് മരിച്ചത്.ചൊവ്വാഴ്ച രാത്രി 10 മണിയോടെയാണു സംഭവം. സംഭവത്തിന് പിന്നാലെ അയല്‍വാസിയായ വിജേഷ് (42) എന്നയാള്‍ ഒളിവില്‍ പോയതായി പോലീസ് അറിയിച്ചു.
ഈയാളെ കേന്ദ്രീകരിച്ച് പോലീസ് അന്വേഷണം തുടങ്ങി. സംഭവം നടന്നയുടന്‍ സമീപവാസികള്‍ വനജയെ എറണാകുളത്തെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല.മൃതദേഹം എറണാകുളത്തെ സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്. മക്കള്‍: ശാരി മോള്‍,ശരത് ലാല്‍.

50-കാരിയെ ചുറ്റിക കൊണ്ട് തലയ്ക്കടിച്ച് കൊലപ്പെടുത്തി ;അയല്‍വാസി ഒളിവില്‍

കണ്ണൂര്‍: മൂന്നര മാസം പ്രായമുള്ള സ്വന്തം കുഞ്ഞിനെ കൊന്നുകളഞ്ഞ ക്രൂരയായ അമ്മ. കുണ്ടറ സ്വദേശിനി ദിവ്യ ജോണിയെക്കുറിച്ച് ആദ്യമായി മലയാളികൾ അറിഞ്ഞത് ഇങ്ങനെയായിരുന്നു. സ്വന്തം കുഞ്ഞിനെ ഇല്ലാതാക്കിയ അമ്മയോട് സമൂഹത്തിന് വെറുപ്പ് മാത്രമേ തോന്നു. എന്നാല്‍, ദിവ്യ തന്റെ ജീവിതം തുറന്നുപറഞ്ഞപ്പോള്‍ ആ വെറുപ്പ് സഹതാപമായി, സ്‌നേഹമായി. അതിനേക്കാളുപരി പ്രസവാനന്തരം സ്ത്രീകള്‍ക്ക് സംഭവിക്കാന്‍ സാധ്യതയുള്ള 'പോസ്റ്റ്പാര്‍ട്ടം ഡിപ്രഷന്‍' എന്ന മാനസികാവസ്ഥയെക്കുറിച്ച് വലിയ ചര്‍ച്ചകള്‍ക്ക് തുടക്കമിടാന്‍ ദിവ്യയ്ക്ക് സാധിച്ചു.
സമൂഹത്തിന്റെ ഭാഗത്തുനിന്ന് ഉണ്ടായ കുത്തുവാക്കുകളും മാനസികപീഡനവും, അതിലുപരി താന്‍ ചെയ്ത തെറ്റിന്റെ കുറ്റബോധവും ദിവ്യയെ വേട്ടയാടിയിരുന്നു. കാലക്രമേണ അതിനെയെല്ലാം മറികടന്ന്‌ ജീവിതത്തിലേക്ക് തിരിച്ചുവന്ന ദിവ്യ മരണത്തിന് മുന്നില്‍ കീഴടങ്ങിയെന്ന വാര്‍ത്തയാണ് പുറത്തുവന്നത്.
കണ്ണൂരിലെ ഭര്‍തൃവീട്ടില്‍ ആത്മഹത്യയ്ക്ക് ശ്രമിച്ചുവെന്നും ചികിത്സയ്ക്ക് ശേഷം വീട്ടില്‍ മടങ്ങിയെത്തിയപ്പോള്‍ ഹൃദയാഘാതം സംഭവിച്ചുവെന്നുമാണ് വിവരം. സംഭവത്തില്‍ ആലക്കോട് പോലീസ് അന്വേഷണം ആരംഭിച്ചിട്ടുണ്ട്. കഴിഞ്ഞ വര്‍ഷമാണ് കണ്ണൂര്‍ സ്വദേശിയെ ദിവ്യ വിവാഹം ചെയ്തത്.
പഠിക്കാന്‍ മിടുക്കിയായിരുന്നു ദിവ്യ. ബിരുദാനന്തര ബിരുദത്തിന് ശേഷം പ്രണയിച്ച വ്യക്തിക്കൊപ്പം വിവാഹജീവിതത്തിലേക്ക് പ്രവേശിച്ചു. എന്നാല്‍, ഭര്‍തൃവീട്ടില്‍ കടുത്ത മാനസികപീഡനമാണ് തനിക്ക് നേരിടേണ്ടി വന്നതെന്ന് ദിവ്യ തുറന്നുപറഞ്ഞിട്ടുണ്ട്. ഗര്‍ഭിണി ആയപ്പോഴും ഒരു പെണ്‍കുഞ്ഞിന് ജന്മം നല്‍കിയപ്പോഴും ജീവിതത്തെ പ്രതീക്ഷാപൂര്‍വം തന്നെയാണ് ദിവ്യ കണ്ടത്. എന്നാല്‍, കുഞ്ഞുമായി പ്രസവത്തിന്റെ നാലാം ദിവസം ഭര്‍തൃഗൃഹത്തിലേക്ക് എത്തിയപ്പോള്‍ ദിവ്യയോടുള്ള സമീപനത്തില്‍ അവര്‍ക്ക് മാറ്റമുണ്ടായില്ല. പോസ്റ്റ്പാര്‍ട്ടം ഡിപ്രഷന്‍ അതിന്റെ മൂര്‍ധന്യാവസ്ഥയിലെത്തിയപ്പോള്‍ ദിവ്യയുടെ മനസ്സിന്റെ കടിഞ്ഞാണ്‍ കൈവിട്ടു. ആദ്യം കുഞ്ഞിനെ ബക്കറ്റില്‍ മുക്കിക്കൊല്ലാന്‍ ശ്രമിച്ചു. പിന്നീട് മനസ്സുമാറിയപ്പോള്‍ അതില്‍നിന്ന് പിന്‍മാറി. എന്നാല്‍, മനസ്സ് വീണ്ടും കൈവിട്ടപ്പോള്‍ തലയിണകൊണ്ട് ശ്വാസം മുട്ടിച്ച് ദിവ്യ കുഞ്ഞിനെ കൊലപ്പെടുത്തി. കുഞ്ഞിന്റെ മരണത്തെ തുടര്‍ന്ന് പോലീസ് ദിവ്യയെ കസ്റ്റഡിയിലെടുത്തു. ചികിത്സയ്ക്ക് വിധേയയാക്കിയപ്പോള്‍ കടുത്ത പോസ്റ്റ്പാര്‍ട്ടം ഡിപ്രഷനാണെന്ന് മാനസിക വിദഗ്ധരും വിലയിരുത്തി. ഒരുപാട് ചികിത്സയ്ക്ക് ശേഷമാണ് ദിവ്യ ജീവിതത്തിലേക്ക് മടങ്ങിയെത്തിയത്.

‘സ്വന്തം കുഞ്ഞിനെ കൊന്ന അമ്മ’; പോസ്റ്റ്പാര്‍ട്ടം ഡിപ്രഷന്റെ ഇരയായ ദിവ്യാ ജോണി മരണത്തിന് കീഴടങ്ങി

തൃശ്ശൂർ: സഹപ്രവർത്തകനെ താമസിച്ചിരുന്ന വീടിൻ്റെ മുകൾ നിലയിൽ നിന്ന് തള്ളിയിട്ട് തലയ്ക്കടിച്ച് കൊലപ്പെടുത്തി. തൃത്തല്ലൂർ മൊളുബസാറിലെ സ്വകാര്യ സ്ഥാപനത്തിലെ ജീവനക്കാരനായ പത്തനംതിട്ട അടൂർ പടിഞ്ഞാറേത്തറ വീട്ടിൽ ദാമോദരക്കുറുപ്പിന്റെ മകൻ അനിൽകുമാർ (40) ആണ് മരിച്ചത്.
ചൊവ്വാഴ്ച രാത്രി പതിനൊന്നരയോടെയായിരുന്നു സംഭവം. കൊലപാതകത്തിൽ സഹപ്രവർത്തകനായ കോട്ടയം കാഞ്ഞിരപ്പിള്ളി ഷാജു ചാക്കോ (39)യെ പോലീസ് പിടികൂടിയിട്ടുണ്ട്. സ്ഥാപനത്തിന് പിറകിലുള്ള വീട്ടിലാണ് ഇരുവരും താമസിച്ചിരുന്നത്.മദ്യപിച്ചുണ്ടായ വാക്കുതർക്കത്തിനിടയിൽ കെട്ടിടത്തിന്റെ മുകളിൽ നിന്ന് അനിൽ കുമാറിനെ താഴേക്ക് തള്ളിയിടുകയായിരുന്നു. പിന്നാലെ ചാടിയ ഷാജു ചാക്കോ സമീപത്തുണ്ടായിരുന്ന കല്ലു കൊണ്ട് തലക്കും നെഞ്ചിലും ഇടിക്കുകയായിരുന്നു. ഇയാൾ തന്നെയാണ് വിവരം ഉടമയെ അറിയിച്ചത്. തുടർന്ന് ആംബുലൻസിൽ ഏങ്ങണ്ടിയൂരിലെ ആശുപത്രിയിൽ എത്തിച്ചെങ്കിലും മരിച്ചിരുന്നു.

മദ്യപാനത്തിനിടെ തർക്കം; സഹപ്രവർത്തകനെ കെട്ടിടത്തിൽനിന്ന് തള്ളിയിട്ട് തലയ്ക്കടിച്ച് കൊന്നു

കോട്ടയം: എരുമേലി- ശബരിമല പാതയില്‍ ശബരിമല തീര്‍ഥാടകര്‍ സഞ്ചരിച്ച വാഹനം അപകടത്തില്‍ പെട്ടു. കണമല ഇറക്കത്തില്‍ അട്ടിമല വളവില്‍ വെച്ച് തീര്‍ഥാടകര്‍ സഞ്ചരിച്ചിരുന്ന ബസ് ക്രാഷ് ബാരിയര്‍ തകര്‍ത്ത് മറിയുകയായിരുന്നു. ഒരാള്‍ മരിച്ചു. സംഭവത്തില്‍ ആറുപേര്‍ക്ക് ഗുരുതരമായി പരിക്കേറ്റിട്ടുണ്ട്.&nbsp;
വാഹനം മറിഞ്ഞെങ്കിലും സമീപത്തെ മരത്തില്‍ തടഞ്ഞുനിന്നതിനാല്‍ വലിയ അപകടം ഒഴിവായി. കര്‍ണാടക സ്വദേശികള്‍ സഞ്ചരിച്ചിരുന്ന വാഹനമാണ് അപകടത്തില്‍ പെട്ടത്. ഇവിടം സ്ഥിരം അപകടമേഖലയാണ്. വാഹനത്തിലാകെ 33 യാത്രക്കാരാണുണ്ടായിരുന്നത്. പരുക്കേറ്റവരെ ആശുപത്രികളിലേയ്ക്ക് മാറ്റി. ബസുയർത്താനുള്ള ശ്രമം നടന്നു വരികയാണ്.

എരുമേലി- ശബരിമല പാതയില്‍ അയ്യപ്പഭക്തര്‍ സഞ്ചരിച്ച വാഹനം മറിഞ്ഞ് ഒരാള്‍ മരിച്ചു

ന്യൂഡല്‍ഹി: നാഷണല്‍ ഹെറാള്‍ഡ് കേസില്‍ ലോക്‌സഭയിലെ പ്രതിപക്ഷ നേതാവ് രാഹുല്‍ ഗാന്ധിക്കും മാതാവ് സോണിയ ഗാന്ധിക്കും എതിരെ കുറ്റപത്രം സമര്‍പ്പിച്ചു. ഡല്‍ഹി റൗസ് അവന്യു കോടതിയിലാണ് എന്‍ഫോഴ്‌സ്‌മെന്റ് ഡയറക്ടറേറ്റ് കുറ്റപത്രം സമര്‍പ്പിച്ചത്. കുറ്റപത്രത്തില്‍ സാം പിത്രോഡയുടെ പേരും ഉള്‍പ്പെട്ടിട്ടുണ്ട്. ഈ മാസം 25ന് കേസ് കോടതി പരിഗണിക്കും.
നാഷണല്‍ ഹെറാള്‍ഡ് പത്രത്തിന്റെ ഉടമസ്ഥരായ അസോസിയേറ്റഡ് ജേര്‍ണ്ണല്‍സിന്റെ കോടികള്‍ വില വരുന്ന ആസ്തി സോണിയയും രാഹുലും ഡയറക്ടര്‍മാരായ യംഗ് ഇന്ത്യന്‍ എന്ന കമ്പനി തട്ടിയെടുത്തുവെന്ന ബിജെപി നേതാവ് സുബ്രഹ്‌മണ്യന്‍ സ്വാമിയുടെ പരാതിയിലാണ് ഇ ഡി കേസെടുത്തത്.

നാഷണല്‍ ഹെറാള്‍ഡ് കേസ്;സോണിയക്കും രാഹുലിനും എതിരെ ഇഡിയുടെ കുറ്റപത്രം

കാബൂൾ: അഫ്ഗാനിസ്ഥാനിൽ ശക്തമായ ഭൂചലനം. റിക്ടർ സ്‌കെയിലിൽ 6.4 തീവ്രത രേഖപ്പെടുത്തിയ ഭൂചലനമാണ് അനുഭപ്പെട്ടതെന്ന് യൂറോപ്യൻ - മെഡിറ്ററേനിയൻ സീസ്‌മോളജി സെന്ററിനെ (ഇ.എം.എസ്.സി) ഉദ്ധരിച്ച് മാദ്ധ്യങ്ങൾ അറിയിച്ചു. 121 കിലോമീറ്റർ ആഴത്തിലാണ് ഭൂകമ്പം ഉണ്ടായതെന്നാണ് റിപ്പോർട്ട്. ആളപായമോ നാശനഷ്ടങ്ങളോ ഇതുവരെ റിപ്പോർട്ട് ചെയ്തിട്ടില്ല.

അഫ്ഗാനിസ്ഥാനിൽ ശക്തമായ ഭൂചലനം; റിക്ടർ സ്‌കെയിലിൽ 6.4 തീവ്രത രേഖപ്പെടുത്തി

കോട്ടയം: അമ്മയും രണ്ട് പെൺമക്കളും പുഴയിൽ ചാടി മരിച്ചു. പാലാ മുത്തോലി സ്വദേശിനി അഡ്വ. ജിസ്‌മോൾ (34) മക്കളായ നേഹ (അഞ്ച്), പൊന്നു (രണ്ട്) എന്നിവരാണ് മരിച്ചത്. കുട്ടികളുമായി ജിസ്‌മോൾ പുഴയിൽ ചാടുകയായിരുന്നു എന്നാണ് വിവരം. മുത്തോലി ഗ്രാമപഞ്ചായത്ത് മുൻ പ്രസിഡന്റാണ് ജിസ്‌മോൾ.
ഇന്ന് ഉച്ചയ്‌ക്ക് ഒന്നരയോടെ ഏറ്റുമാനൂർ മീനച്ചിലാറ്റിൽ പുളിക്കുന്ന് കടവിന് സമീപമായിരുന്നു സംഭവം. സ്‌കൂട്ടറിൽ മക്കളുമായെത്തിയ യുവതി മീനച്ചിലാറിന്റെ സംരക്ഷണവേലി കടന്ന് ആഴംകൂടിയ അപകടമേഖലയായ പുളിങ്കുന്ന് കടവിലേക്ക് ഇറങ്ങുകയായിരുന്നു. ഇവർ ഇറങ്ങിപ്പോകുന്നത് മറ്റാരും കണ്ടിരുന്നില്ല. ഒരു മൃതദേഹം ആറ്റിലൂടെ ഒഴുകിവരുന്നത് ശ്രദ്ധയിൽപ്പെട്ട നാട്ടുകാർ ആറ്റിൽ തെരച്ചിൽ നടത്തിയപ്പോഴാണ് മറ്റ് രണ്ടുപേരെയും കണ്ടെത്തിയത്. അയർക്കുന്നം ഏറ്റുമാനൂർ സ്റ്റേഷനിൽ നിന്നും പൊലീസ് സംഘവും സ്ഥലത്തെത്തിയിരുന്നു. കുടുംബത്തിൽ പ്രശ്‌നങ്ങളുണ്ടായിരുന്നു എന്നാണ് വിവരമെന്ന് മുത്തോലി പഞ്ചായത്ത് പ്രസിഡന്റ് ര‌ഞ്ജിത്ത് പറഞ്ഞു.ഹൈക്കോടതിയിലും പാലായിലും അഭിഭാഷകയായി പ്രവർത്തിച്ചുവരികയായിരുന്നു ജിസ്‌മോൾ.&nbsp;

മുൻ പഞ്ചായത്ത് പ്രസിഡന്റും രണ്ട് പെൺമക്കളും പുഴയിൽ ചാടി ജീവനൊടുക്കി

നാദാപുരം: അതിര് വിട്ട വിവാഹ ആഘോഷങ്ങൾ നിയന്ത്രിക്കുമെന്ന പോലീസ് - തീരുമാനങ്ങൾക്ക് പുല്ല് വില. കല്ലാച്ചി - വളയം റോഡിൽ അതിര് വിട്ട വിവാഹ ആഘോഷം. നടു റോഡിൽ പടക്കം പൊട്ടിക്കൽ. വളയം റോഡിൽ കുരുന്നം കണ്ടി മുക്കിലാണ് അതിര് വിട്ട വിവാഹ ആഘോഷം നടത്തി അപകടകരമായി റോഡിൽ പടക്കങ്ങൾ പൊട്ടിച്ചത്. തിങ്കളാഴ്ച്ച വൈകുന്നേരം ആറ് മണിയോടെ ആണ് സംഭവം. നാദാപുരം പോലീസ് സ്റ്റേഷന് സമീപത്തെ വധു ഗൃഹത്തിൽ നിന്ന് കുരുന്നം കണ്ടി മുക്കിലെ വരൻ്റെ വീട്ടിൽ വിവാഹ സംഘം മടങ്ങി എത്തിയ ഉടൻ ആണ് റോഡിൽ വാഹനങ്ങൾ തടസ്സപ്പെടുത്തി അപകടകരമായ വിധത്തിൽ മാലപ്പടക്കം റോഡിൽ ഇട്ട് തീ കൊടുത്ത് പൊട്ടിച്ചത്.&nbsp;
പടക്കം പൊട്ടി തീരുന്നത് വരെ ഇരുവശത്തും വാഹനഗതാഗതം തടസ്സപ്പെട്ടു. രണ്ട് ദിവസം മുമ്പ് നാദാപുരം മേഖലയിലെ അതിര് കടന്ന വിവാഹ ആഘോഷങ്ങൾക്ക് എതിരെ ശക്തമായ നടപടി സ്വീകരിക്കുമെന്ന് നാദാപുരം പോലീസ് സ്റ്റേഷനിൽ വിളിച്ച് ചേർത്ത സമാധാന യോഗത്തിൽ തീരുമാനം എടുത്തിരുന്നു. ഇതിന് പിന്നാലെ ആണ് നിയമങ്ങൾ കാറ്റിൽ പറത്തി വീണ്ടും വാഹനങ്ങൾക്കും യാത്രക്കാർക്കും അപകടകരമായ രീതിയിൽ റോഡിൽ പടക്കങ്ങൾ പൊട്ടിച്ചത്. സംഭവം നാട്ടുകാർ ചിത്രങ്ങൾ സഹിതം പോലീസിൻ്റെ ശ്രദ്ധയിൽപെടുത്തി.

പോലീസ് തീരുമാനങ്ങൾക്ക് പുല്ല് വില; കല്ലാച്ചിയിൽ വീണ്ടും നടുറോഡിൽ പടക്കം പൊട്ടിച്ച് ആഘോഷം

പേരാമ്പ്ര : ഗു​ജ​റാ​ത്തി​ൽ വെച്ച് ട​യ​റി​ൽ കാ​റ്റ് നി​റ​ക്കു​മ്പോ​ൾ പൊ​ട്ടി​ത്തെ​റി​ച്ചു​ണ്ടാ​യ അ​പ​ക​ട​ത്തി​ൽ ക​ടി​യ​ങ്ങാ​ട് മ​ഹി​മ സ്വ​ദേ​ശി കോ​വു​മ്മ​ൽ സു​രേ​ഷ് (50) മ​രി​ച്ചു. ഗു​ജ​റാ​ത്തി​ലെ രാ​ജ്ഘ​ട്ട് മു​ന്ന എ​ന്ന സ്ഥ​ല​ത്ത് ട​യ​ർ ക​മ്പ​നി ന​ട​ത്തി​വ​രു​ക​യാ​യി​രു​ന്നു. ശ​നി​യാ​ഴ്ച രാ​ത്രി​യി​ലാ​ണ് അ​പ​ക​ടം.
പി​താ​വ്: കു​ഞ്ഞി​ക്കു​ട്ടി നാ​യ​ർ. മാ​താ​വ്: പ​രേ​ത​യാ​യ നാ​രാ​യ​ണി അ​മ്മ. ഭാ​ര്യ: ഷീ​ബ (പ​ന്തി​രി​ക്ക​ര). മ​ക്ക​ൾ: ആ​കാ​ശ് (ബി.​ടെ​ക് വി​ദ്യാ​ർ​ഥി), അ​ശ്വി​ൻ (എ​സ്.​എ​സ്.​എ​ൽ.​സി വി​ദ്യാ​ർ​ഥി). സ​ഹോ​ദ​ര​ങ്ങ​ൾ: ഗീ​ത അ​ച്യു​ത​ൻ നാ​യ​ർ (ചെ​ര​ണ്ട​ത്തൂ​ർ), പ​ത്മി​നി രാ​മ​കൃ​ഷ്ണ​ൻ (പ​ന്തി​രി​ക്ക​ര), പ​രേ​ത​യാ​യ ഷി​ജി അ​നീ​ഷ് (ഉ​ള്ള്യേ​രി).

.

കാറ്റ് നിറക്കുന്നതിനിടെ ടയർ പൊട്ടിത്തെറിച്ച് അപകടം ; ക​ടി​യ​ങ്ങാ​ട് സ്വദേശി ഗുജറാത്തിൽ മരിച്ചു

Perambra

നാദാപുരം :ലഹരിക്ക് അടിമപ്പെട്ട യുവാവിനെ നിയന്ത്രിക്കാൻ എത്തിയ യുവാവിന് കല്ലാച്ചിക്കടുത്ത് വെച്ച് വെട്ടേറ്റു. ഇന്നലെ രാത്രി വൈകിയാണ് സംഭവം. തെരുവൻപറമ്പ് കിണർ പരിസരത്തെ കണിയാൻകണ്ടി മുത്തു (44) വിനാണ് കല്ലാച്ചി തെരുവൻപറമ്പ് റോഡിൽ വച്ചു വെട്ടേത്. തലയ്ക്കു താഴെ വെട്ടേറ്റ മുത്തുവിനെ നാദാപുരം താലൂക്ക് ആശുപത്രിയിൽ പ്രഥമ ചികിത്സ നൽകി കണ്ണൂരിലെ ആശുപത്രിയിലേക്കു മാറ്റി.

കല്ലാച്ചിയിൽ യുവാവിന് വെട്ടേറ്റു

പേ​രാ​മ്പ്ര: യു​വ​തി​യെ ഭ​ർ​ത്താ​വ് വീ​ട്ടി​ല്‍നി​ന്ന് പു​റ​ത്താ​ക്കി​യ​താ​യി പ​രാ​തി. കോ​ട്ടൂ​ര്‍ പ​ഞ്ചാ​യ​ത്ത് ഒ​ന്നാം വാ​ര്‍ഡി​ലെ മൂ​ലാ​ട് അം​ഗ​ൻ​വാ​ടി​ക്ക് സ​മീ​പം പാ​റ​ക്ക​ണ്ടി സ​ജീ​വ​ന്റെ ഭാ​ര്യ ലി​ജി സ​ജി​യാ​ണ് (49) ര​ണ്ട് ദി​വ​സ​മാ​യി വീ​ടി​നു പു​റ​ത്താ​യ​ത്. ക​ഴി​ഞ്ഞ ദി​വ​സം ഗേ​റ്റി​നു പു​റ​ത്താ​യി​രു​ന്നെ​ങ്കി​ലും അ​ടു​ത്ത ദി​വ​സം പൊ​ലീ​സി​ന്റെ സാ​ന്നി​ധ്യ​ത്തി​ല്‍ ലി​ജി ഗേ​റ്റി​ന്റെ പൂ​ട്ടു പൊ​ളി​ച്ച് വീ​ടി​ന്റെ വ​രാ​ന്ത​യി​ല്‍ എ​ത്തി​യി​ട്ടു​ണ്ട്.&nbsp;
നാ​ടു​വി​ട്ട് പ​ഞ്ചാ​ബി​ല്‍ എ​ത്തി​യ സ​ജീ​വ​നെ പ​രി​ച​യ​പ്പെ​ട്ട ലി​ജി പി​ന്നീ​ട് സ​ജീ​വ​നെ വി​വാ​ഹം ചെ​യ്യു​ക​യാ​യി​രു​ന്നു. ലി​ജി​യു​ടെ സ​ഹാ​യ​ത്തോ​ടെ അ​ന്ന് സ​ജീ​വ​ന് അ​വി​ടെ​യു​ള്ള ആ​ക്രി ക​ട​യി​ല്‍ ജോ​ലി​യും കി​ട്ടി. എ​ന്നാ​ല്‍ പി​ന്നീ​ട് സ​ജീ​വ​ന്‍ അ​മേ​രി​ക്ക​യി​ല്‍ എ​ത്തു​ക​യാ​യി​രു​ന്നു. അ​വി​ടെ ബി​സി​ന​സ് ആ​രം​ഭി​ക്കു​ക​യും ചെ​യ്തു. അ​മേ​രി​ക്ക​യി​ല്‍ നി​ന്നും സ​ജീ​വ​ന്‍ നാ​ട്ടി​ലെ​ത്തി​യാ​ല്‍ പ​ഞ്ചാ​ബി​ല്‍ എ​ത്തി ലി​ജി​യെ​യും കൂ​ട്ടി നാ​ട്ടി​ല്‍ എ​ത്തു​ക​യാ​യി​രു​ന്നു പ​തി​വ്. എ​ന്നാ​ല്‍ പി​ന്നീ​ട് മ​റ്റൊ​രു യു​വ​തി​യു​മാ​യി ഉ​ണ്ടാ​യ അ​ടു​പ്പം ലി​ജി അ​റി​ഞ്ഞ​തോ​ടെ പ്ര​ശ്ന​മാ​കു​ക​യാ​യി​രു​ന്നു.
മൂ​ന്ന് വ​ര്‍ഷം മു​മ്പ് ഈ ​സം​ഭ​വം അ​റി​ഞ്ഞ ലി​ജി ത​നി​ക്കും മ​ക​ള്‍ക്കും വീ​ടും സ്ഥ​ല​വും ന​ല്‍ക​ണ​മെ​ന്നും ചെ​ല​വി​ന് ന​ല്‍ക​ണ​മെ​ന്നും ആ​വ​ശ്യ​പ്പെ​ട്ട് സ​ജീ​വ​നെ​തി​രെ പേ​രാ​മ്പ്ര കോ​ട​തി​യി​ല്‍ അ​ന്യാ​യം ഫ​യ​ല്‍ ചെ​യ്തി​രു​ന്നു. 2023 ഒ​ക്ടോ​ബ​ര്‍ 19ന് ​കോ​ട​തി ഇ​വ​ര്‍ക്ക് വീ​ട്ടി​ല്‍ ക​യ​റി താ​മ​സി​ക്കാ​ന്‍ ഉ​ത്ത​ര​വ് ന​ല്‍കു​ക​യും ചെ​യ്തു. എ​ന്നാ​ല്‍ വീ​ട്ടി​ലെ​ത്തി​യ ലി​ജി​യെ സ​ഹോ​ദ​ര​ങ്ങ​ള്‍ വീ​ട്ടി​ല്‍ ക​യ​റ്റാ​ന്‍ അ​നു​വ​ദി​ച്ചി​ല്ലെ​ന്ന് പ​റ​യു​ന്നു.സ​ജീ​വ​ന്‍ നാ​ട്ടി​ല്‍ ഇ​ല്ലാ​ത്ത​തി​നാ​ല്‍ തി​രി​ച്ചു പോ​യ ലി​ജി ക​ഴി​ഞ്ഞ വി​ഷു​വി​ന് സ​ജീ​വ​നും അ​മേ​രി​ക്ക​ക്കാ​രി​യാ​യ യു​വ​തി​യും എ​ത്തി​യി​ട്ടു​ണ്ടെ​ന്ന് അ​റി​ഞ്ഞാ​ണ് പ​ഞ്ചാ​ബി​ലെ ജോ​ലി സ്ഥ​ല​ത്ത് നി​ന്നും മൂ​ലാ​ട് എ​ത്തി​യ​ത് എ​ന്നാ​ല്‍ ലി​ജി​യെ വീ​ട്ടി​ല്‍ ക​യ​റാ​ന്‍ അ​നു​വ​ദി​ച്ചി​ല്ലെ​ന്ന് മാ​ത്ര​മ​ല്ല വീ​ട് അ​നി​യ​ന്റെ പേ​രി​ലാ​ണെ​ന്നും ഇ​വി​ടെ ക​യ​റാ​ന്‍ ക​ഴി​യി​ല്ലെ​ന്ന് അ​റി​യി​ക്കു​ക​യു​മാ​യി​രു​ന്നു. 19ന് ​വീ​ട്ടി​ല്‍ ക​യ​റി താ​മ​സി​ക്കാ​ന്‍ കോ​ട​തി ഉ​ത്ത​ര​വ് ഇ​റ​ക്കി​യ​തി​ന് ശേ​ഷം സ​ജീ​വ​ന്‍ വീ​ടും സ്ഥ​ല​വും സ​ഹോ​ദ​ര​ന്‍ ബി​ജു​വി​ന്റെ പേ​രി​ലേ​ക്ക് മാ​റ്റു​ക​യാ​യി​രു​ന്നു. നാ​ട്ടി​ലെ​ത്തി​യ സ​ജീ​വ​നും സു​ഹൃ​ത്താ​യ യു​വ​തിയും ഇ​പ്പോ​ള്‍ ത​റ​വാ​ട് വീ​ട്ടി​ല്‍ അ​നി​യ​നോ​ടൊ​പ്പ​മാ​ണ് താ​മ​സ​മെ​ന്നും ലി​ജി പ​റ​ഞ്ഞു.25 വ​യ​സ്സു​ള്ള മ​ക​ളും താ​നും താ​മ​സി​ക്കാ​ന്‍ വീ​ടി​ല്ലാ​തെ പ്ര​യാ​സ​ത്തി​ല്‍ ആ​ണെ​ന്ന് കാ​ണി​ച്ചാ​ണ് ലി​ജി ഇ​പ്പോ​ള്‍ കോ​ട​തി​യെ സ​മീ​പി​ച്ച​ത്. കോ​ട​തി ഇ​വ​ര്‍ക്ക് വീ​ട്ടി​ല്‍ ക​യ​റി താ​മ​സി​ക്കാ​ന്‍ അ​വ​സ​രം ഒ​രു​ക്കാ​ന്‍ പേ​രാ​പൊ​ലീ​സി​ന് നി​ര്‍ദേ​ശം ന​ല്‍കി​യി​ട്ടു​ണ്ടെ​ങ്കി​ലും ഇ​തു​വ​രെ ന​ട​പ്പാ​ക്കാ​ന്‍ ക​ഴി​ഞ്ഞി​ട്ടി​ല്ല. പൊ​ലീ​സ് സ​ജീ​വ​ന്റെ വീ​ട്ടി​ല്‍ എ​ത്തി വീ​ട് തു​റ​ന്നു കൊ​ടു​ക്കാ​ന്‍ ആ​വ​ശ്യ​പ്പെ​ട്ടെ​ങ്കി​ലും സ​ജീ​വ​നും കു​ടും​ബ​വും ഇ​തു​വ​രെ വീ​ട് തു​റ​ന്നു കൊ​ടു​ക്കാ​ന്‍ ത​യാ​റാ​യി​ട്ടി​ല്ല.&nbsp;

പേ​രാ​മ്പ്രയിൽ യുവതിയെ വീട്ടിൽനിന്ന് പുറത്താക്കിയതായി പരാതി

കോ​ഴി​ക്കോ​ട്:പാ​ക്കിസ്ഥാ​ന്‍ പൗ​ര​ത്വം ഉ​ള്ള​വ​ർ രാ​ജ്യം വി​ട​ണ​മെ​ന്ന് ആ​വ​ശ്യ​പ്പെ​ട്ടു ന​ല്‍​കി​യ നോ​ട്ടീ​സ് പോ​ലീ​സ് പി​ന്‍​വ​ലി​ച്ചു. ഉ​ന്ന​ത നി​ര്‍​ദേ​ശ​ത്തെ തു​ട​ര്‍​ന്നാ​ണ് തീ​രു​മാ​നം. മൂ​ന്നു പേ​ര്‍​ക്കാ​യി​രു​ന്നു കോ​ഴി​ക്കോ​ട് റൂ​റ​ല്‍ പോ​ലീ​സ് പ​രി​ധി​യി​ല്‍ നോ​ട്ടീ​സ് ന​ല്‍​കി​യ​ത്. മൂ​ന്നു​പേ​രും ലോം​ഗ് ടേം ​വീ​സ​യ്ക്ക് അ​പേ​ക്ഷ ന​ല്‍​കി​യി​രു​ന്നു​വെ​ന്ന് പോ​ലീ​സ് അ​റി​യി​ച്ചു. വടകര വൈക്കിലിശ്ശേരിയില്‍ താമസിക്കുന്ന ഖമറുന്നീസ, സഹോദരി അസ്മ, കൊയിലാണ്ടിയിൽ താമസിക്കുന്ന ഹംസ എന്നിവർക്കാണ് ഞായറാഴ്ചക്കകം രാജ്യം വിട്ടുപോകാനാവശ്യപ്പെട്ട് പൊലീസ് നോട്ടീസ് നൽകിയത്.
രാജ്യം വിട്ടുപോകാത്തപക്ഷം നിയമ നടപടികളുണ്ടാകുമെന്നും നോട്ടീസിൽ വ്യക്തമാക്കിയിട്ടുണ്ട്. കറാച്ചിയില്‍ കച്ചവടം നടത്തിയിരുന്ന ഖമറുന്നീസ, അസ്മ എന്നിവരുടെ കുടുംബം പിതാവ് മരിച്ച ശേഷം 1993ലാണ് കേരളത്തില്‍ എത്തിയത്. കണ്ണൂരില്‍ താമസിക്കുകയായിരുന്ന ഖമറുന്നീസ 2022ലാണ് വടകരയിലെത്തിയത്. അസ്മ ചൊക്ലിയിലാണ് താമസം. 2024ൽ വിസയുടെ കാലാവധി കഴിഞ്ഞതിനാല്‍ വിസക്ക് അപേക്ഷിച്ചെങ്കിലും ഇവർക്ക്ലഭിച്ചില്ലെന്നാണ് വിവരം.കേരളത്തില്‍ ജനിച്ച ഹംസ 1965ലാണ് തൊഴില്‍ തേടി പാകിസ്താനിലേക്ക് പോയത്. ബംഗ്ലാദേശ് വിഭജന ശേഷം 1972ല്‍ നാട്ടിലേക്ക് വരാന്‍ പാസ്‌പോര്‍ട്ട് ആവശ്യമായി വന്നപ്പോഴാണ് ഹംസ പാക് പൗരത്വം സ്വീകരിച്ചത്. 2007ല്‍ കച്ചവടം അവസാനിപ്പിച്ച് കേരളത്തിലെത്തിയ ഹംസ ഇന്ത്യന്‍ പൗരത്വത്തിന് അപേക്ഷ നല്‍കിയിരുന്നു.

പാ​ക് പൗ​ര​ത്വം ഉ​ള്ള​വ​ര്‍ രാ​ജ്യം​വി​ട​ണ​മെ​ന്ന് ആ​വ​ശ്യ​പ്പെ​ട്ട് ന​ല്‍​കി​യ നോ​ട്ടീ​സ് പി​ന്‍​വ​ലി​ച്ചു

Kozhikode

നാദാപുരം: അടിക്കടി മേഖലയിൽ ചെറിയ ചെറിയ പ്രശ്നങ്ങൾ ഉണ്ടായിക്കൊണ്ടിരിക്കുന്ന സാഹചര്യത്തിൽ നാദാപുരം ഡി.വൈ.എസ്.പി എ പി ചന്ദ്രൻ്റെ നേതൃത്വത്തിൽ സർവ്വകക്ഷി സമാധാന യോഗം ചേർന്നു. യോഗത്തിൽ നാദാപുരം പഞ്ചായത്ത് പ്രസിഡന്റ് വി.വി മുഹമ്മദലി, വിവിധ രാഷ്ട്രീയ പാർട്ടി നേതാക്കളായ എ.മോഹൻദാസ്, സി.എച്ച് മോഹനൻ, സൂപ്പി നരിക്കാട്ടേരി, ബംഗ്ലത്ത് മുഹമ്മദ്, മോഹനൻ പാറക്കടവ്, പി.കെ ദാമു , വത്സരാജ് മന്ണലാട്ട്, കെ.വിനാസർ, ജലീൽ ചാലിക്കണ്ടി, കെ. ടി.കെ ചന്ദ്രൻ , എസ് എച്ച് ഒ ശ്യാംരാജ് ബി നായർ എന്നിവർ പങ്കെടുത്തു. പ്രാദേശികമായി ഉണ്ടായ പ്രശ്നങ്ങൾ പ്രാദേശിക തലത്തിൽ യോഗം വിളിച്ചു ചർച്ച ചെയ്തു പരിഹരിക്കാൻ തീരുമാനിച്ചു.&nbsp;
കല്യാണ വീടുകളിൽ ഗാനമേള, ഡിജെ പാർട്ടികൾ എന്നിവയും റോഡ് ഗതാഗതത്തിന് തടസമാകുന്ന തരത്തിൽ വാഹനങ്ങൾ ഓടിക്കുന്നതും ക്രമസമാധാന പ്രശ്‍നം ഉണ്ടാകുന്നതിനാൽ ശക്തമായ നിയമ നടപടികൾ എടുക്കുമെന്ന് പോലീസ് യോഗത്തിൽ അറിയിച്ചു. അത്തരം വാഹനങ്ങളും സൗണ്ട് സിസ്റ്റവും പിടിച്ചെടുക്കുന്നത് ഉൾപ്പടെയുള്ള നടപടികൾ സ്വീകരിക്കും. വാട്സാപ്പ്, ഫേസ് ബുക്ക് മുതലായ സോഷ്യൽ മീഡിയകൾ വഴി സ്പർദ്ധ ഉണ്ടാക്കുന്ന വിധം പോസ്റ് ഇടുന്നവരെ നിരീക്ഷിച്ചു കേസ് എടുത്ത് നിയമ നടപടികൾ സ്വീകരിക്കാനും തീരുമാനിച്ചു.

നാദാപുരത്ത് സർവ്വകക്ഷി സമാധാന യോഗം ചേർന്നു

കോഴിക്കോട്: നിയമവിദ്യാ‌ർത്ഥിയായ മകളെ അദ്ധ്യാപകർ മാനസികമായി പീഡിപ്പിക്കുന്നുവെന്നാരോപിച്ച് പിതാവ് ആത്മഹത്യയ്ക്ക് ശ്രമിച്ചു. തിരുവനന്തപുരം ആറ്റിങ്ങൽ സ്വദേശിയായ വി ഷാജിയാണ് കാലിക്കറ്റ് സർവകലാശാല നിയമ പഠന വിഭാഗത്തിൽ എത്തി കൈ ഞരമ്പ് മുറിച്ചത്. ഷാജിയുടെ മകൾ ഇന്ദുലേഖ അവസാന സെമസ്റ്റർ എൽഎൽഎം വിദ്യാർത്ഥിയാണ്. പഠനവുമായി ബന്ധപ്പെട്ട ഗവേഷണ പ്രബന്ധം കൃത്യസമയത്ത് സമർപ്പിച്ചിട്ടും നിരവധി തവണ തിരുത്തൽ ആവശ്യപ്പെട്ട് ഗൈഡ് മടക്കി നൽകിയെന്നാണ് പരാതി.
പഠന വിഭാഗം മേധാവി അംഗീകരിച്ച ശേഷമാണ് ഗൈഡ് തിരുത്തൽ ആവശ്യപ്പെട്ടതെന്നാണ് ഷാജി ആരോപിക്കുന്നത്. ഒടുവിൽ ഗവേഷണ പ്രബന്ധം നിരസിച്ചുവെന്ന തരത്തിൽ എഴുതി നൽകണമെന്ന ആവശ്യവുമായി മകൾ പഠന വിഭാഗത്തിൽ എത്തിയെങ്കിലും അധികൃതർ തയ്യാറായില്ല. പിന്നീടാണ് പേപ്പർ മുറിക്കുന്ന ബ്ലേയ്ഡ് ഉപയോഗിച്ച് ഇയാൾ ഞരമ്പ് മുറിച്ചത്. ഓഫീസിലുണ്ടായിരുന്ന ജീവനക്കാർ ഷാജിയെ ഉടൻ തന്നെ അടുത്തുളള സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.&nbsp;

നിയമവിദ്യാ‌ർത്ഥിയായ മകളെ അധ്യാപകർ മാനസികമായി പീഡിപ്പിക്കുന്നുവെന്ന് ആരോപണം  ;പിതാവ് ആത്മഹത്യയ്ക്ക് ശ്രമിച്ചു

കോഴിക്കോട് : യുവതിയെ വിവസ്ത്രയാക്കി ദൃശ്യം പകർത്തിയ സംഭവത്തിൽ കൗമാരക്കാരൻ പൊലീസ് പിടിയിൽ. തിങ്കളാഴ്ച പുലർച്ചെ യുവാക്കൾ കൂട്ടിക്കൊണ്ടുപോയി നഗ്നദൃശ്യങ്ങൾ പകർത്തിയെന്നാണ് വയനാട് സ്വദേശിയായ യുവതി മെഡിക്കൽ കോളജ് പൊലീസ് സ്റ്റേഷനിൽ പരാതി നൽകിയത്. തുടർന്നു നടത്തിയ അന്വേഷണത്തിലാണ് സുഹൃത്തായ പ്രായപൂർത്തിയാകാത്ത കൗമാരക്കാരനെ പിടികൂടിയത്. കൗമാരക്കാരനെ ജുവനൈൽ ജസ്റ്റിസിന് മുന്നിൽ ഹാജരാക്കിയെന്ന് മെഡിക്കൽ കോളജ് പൊലീസ് അറിയിച്ചു.
ദേശീയ പാത ബൈപ്പാസിൽ സുഹൃത്തായ കൗമാരക്കാരനൊപ്പം ഭക്ഷണം കഴിക്കാൻ എത്തിയതായിരുന്നു യുവതി. കൗമാരക്കാരന്റെ മറ്റ് രണ്ട് സുഹൃത്തുക്കളും പിന്നീട് ഇവിടേക്കെത്തി. തുടർന്ന് നാലു പേരും ചേർന്ന് ബൈക്കിൽ കുന്നമംഗലം ഭാഗത്തുള്ള ഒരു വീട്ടിലേക്ക് പോകുകയായിരുന്നു. ഇവിടെയെത്തിയ ശേഷമാണ് നഗ്നയാക്കി ദൃശ്യങ്ങൾ പകർത്തിയതെന്നാണ് യുവതിയുടെ പരാതി.

കോഴിക്കോട് യുവതിയെ വിവസ്ത്രയാക്കി ദൃശ്യം പകർത്തി; കൗമാരക്കാരൻ പൊലീസ് പിടിയിൽ

വടകര : എംഡിഎംഎയും കഞ്ചാവുമായി അറസ്റ്റിലായ യുവാവിന് രണ്ടുവർഷം കഠിനതടവും 20,000 രൂപ പിഴയും ശിക്ഷ. കോഴിക്കോട് മടവൂർ പുല്ലാലൂർ മേലേമഠത്തിൽ ‘ഉഷാ നിവാസി’ൽ പി.വി. രജിലേഷിനെ(33)യാണ് വടകര എൻഡിപിഎസ് കോടതി ജഡ്ജ് വി.ജി. ബിജു ശിക്ഷിച്ചത്. പിഴയടച്ചില്ലെങ്കിൽ രണ്ടുമാസംകൂടി കഠിനതടവനുഭവിക്കണം. 2019 ഒക്ടോബർ മൂന്നിന് കോഴിക്കോട് റെയിൽവേ സ്റ്റേഷൻ റോഡിലെ ലോഡ്ജ് മുറിയിൽനിന്ന് 35 ഗ്രാം കഞ്ചാവും, ആറുഗ്രാം എംഡിഎംഎയുമായി കോഴിക്കോട് ടൗൺ പോലീസാണ് ഇയാളെ അറസ്റ്റുചെയ്തത്. പ്രോസിക്യൂഷനുവേണ്ടി അഡ്വ. ഇ.വി. ലിജീഷ് ഹാജരായി.

എംഡിഎംഎയും കഞ്ചാവുമായി അറസ്റ്റിലായ യുവാവിന് രണ്ടുവർഷം കഠിനതടവ്

Search Results for: wayanad juvenile custody